الاستعمار الاقتصادي الصيني للسودان مره اخري

Quote: البضائع الصينية تغزو الأسواق المحلية تقرير:عبدالعزيز النقر الراي العام 19-09-08 بلغ حجم التبادل التجاري بين السودان والصين خلال هذا العام (4.4) مليارات دولار، وبهذا تكون البضائع الصينية اخذت نصيب الاسد من هذا التبادل. ويؤكد عدد من التجارأن البضائع الصينية اضحت تنافس البضائع الاخرى من حيث الجودة والسعر، و حسب افادات نصرالدين حسن - تاجر قماش بالسوق- ان البضائع الصينية رخيصة وذلك يؤهلها للتنافس فى السوق، ولكنه ابدى عدم الرضى عنها ويعتقد أنها اغرقت السوق بالردئ من السلع الاساسية وغيرالمستقبلية. ويرى خالد مصطفى - مورد ملابس صينية - ان العلاقات الصينية السودانية هى التى دفعت بالسوق السودانية بالتوجه نحو الصين، كما ان هنالك ميزة تفضيلية فى المنتجات الصينية حيث ان الصينيين يصنعون للبلد المستهلك على حسب المواصفات التى يطلبها المورد، وتجاوزت البضائع الصينية داخل السوق السودانية الـ (90%) من اجمالى المنتجات والسلع فى السودان. ويؤكد خالد حدوث اغراق فى السوق بالسلع الصينية مما يؤدى الى كساد فى القوة الشرائية ان لم تجز أو تُشرع قوانين تمنع الاغراق والاحتكاروالمنافسة وهو القانون المرحلي للدورة البرلمانية الجديدة فى اكتوبرالقادم والذى من المنتظران يحدث نقلة فى تنظيم السوق من فوضى الاغراق كما وصفه التجار. يذكرأن مساعد وزيرالتجارة الصيني (وانغ تشاو) أعلن فى تصريحات صحفية سابقة أن إجمالي التبادل التجاري بين الصين وأفريقيا في النصف الأول من هذا العام بلغ( 53.1) مليار دولارأمريكي، والاستثمارات المباشرة للمؤسسات الصينية في أفريقيا بلغت( 305) ملايين دولارأمريكي. واشار المسؤول الصيني في حلقة دراسية مماثلة حول استثمارات الصين والدول العربية ان إجمالي التبادلات التجارية بين الصين والدول العربية في النصف الأول من هذا العام بلغت(60) مليار دولار أمريكي.ومن المتوقع أن يتعدى هذا الرقم الـ (100) مليار دولار أمريكي بنهاية العام. وذكر (وانغ تشاو) ان حجم التبادل التجاري بين السودان والصين خلال هذا العام بلغ (4.4) مليارات دولار

العيب في الكيزان وفسادهم وليس في الصين
وافضل من يصنع تنمية في دول العالم الثالث هي الصين
ويمكنك اخذ النموذج الانجولي وعلاقته بالصين
كما يمكنك مراجعة مشاريع التنمية في السودان(الطرق والجسور)- المستشفيات- السدود ...خلال الخمسين سنة الاخيرة ...لترى الاثر التنموي للصين في السودان
...........
ذى ما قلت ليك الخلل في حزب المؤتمر الوطني لحاكم ومن يعارضه ايضا
عشان كده خليك مع الزمن
شايفك خليت سد مروي الايام دي
يا ربي ده من شنو

الاخ عادل
رمضان كريم

تقول

Quote: وافضل من يصنع تنمية في دول العالم الثالث هي الصين ويمكنك اخذ النموذج الانجولي وعلاقته بالصين

كدي ادينا مثال لدوله نمت بمعاونة الصين... انجولا دي ورينا الحصل فيها شنو وكيف نمتها الصين...!

تقول

Quote: شايفك خليت سد مروي الايام دي يا ربي ده من شنو

المشكله انك ما متابع... حاول تتابع عشان تتاكد، لو بتتابع المنبر فقط كان عرفت الحاصل، بعدين ما شايفك علقت علي اغراق القري وتشريد الناس وتدمير ممتلكاتهم...و لا علقت علي القتل في كجبار... ورينا رايك برضه في الاغراق باسم التنميه

هاك يا عادل عشان تعرف إنك ما متابع

زيـــــارة إلى ســـد مروي .... طلحة جبريل

برضه يا عسكوري
العيب ما في التنمية ولا في الصين
العيب في الكيزان

.......
مناطق المناصير وشمال السودان منذ الاستقلال..العمل فيها تنمية منو؟؟

انت عايز الناس يقعدو في جحورم دي لبتين...طيب الحكومة الما عجباك دي سقطا بالانتخابات وتعال ورينا التنمية البتفهما انت
.............
بعدين يا عزيزى برنامج انجولا في اجزيرة الوثائقية انت خليك من انجولا انا جبت ليكم الصين ذاتا اتطورت كيف في البوست التحت ده...قريتو؟؟!!...اتثقف شوية واعرف الصين اولا

سباق المسافات الطويلة(4): ما الذى يجب ان يتغير فعلا في السودان؟؟!!!

ام تكتفي بالولولة على الشعب السوداني الفضل

كم مرة قلنا ليك اطرح لينا بدائلك لتنمية شمال السودان ..ونسمع جعجعة ولا نرى طحينا

Quote: اتثقف شوية واعرف الصين اولا

حـــاضــر

Quote: حيث ان الصينيين يصنعون للبلد المستهلك على حسب المواصفات التى يطلبها المورد،

سلام يا على ورمضان كريم،

"حسب المواصفات التى يطلبها المورد" وبرضو تقول لينا إستعمار صينى؟ البوست دا كلو ما فيه دليل واحد
على إستعمار.. البضائع لا تأتى بها السفارة الصينيـة للســودان، وإنما تجار ســودانيين، بإختيارهم
يحددون الصين وجهتهـم ويستخرجون التأشيرات اللازمة الى هناك..
يا أخى أرحم باقى الخلايا الرماديـة داخل جماجمنـا.
أوروبـا وأمريكا لا يقولون بإستعمار صينى، وإنما يحمون صناعاتهم المحليـة ضـد البضائع الرخيصـة
المستوردة بوضع قوانين ولوائح (داخل بلادهم) تصعب شـروط الإستيراد، وتفضل الصانع المحلى،
ولكننـا دائما نميل الى تعليق مشاكلنـا على شماعـة الغيـر.

الاخ ابو الريش

رمضان كريم

يا خوي الكلام المكتوب فوق ده بدين الصين اكثر مما يدين ناس الانقاذ... بمعني اخر ان المصنعيين الصينيين بشجعوا الفاسد ومن ثم فاسدين. اي صناعه في الدنيا عندها مواصفات.. وانت سيد العارفين في هذا المجال...
لو كان هؤلاء الموردون يطلبون سلع لاستعمالهم الشخصي.. ما كان بتفرق... ولكن المصنعيين الصينيين يعلمون سلفا ان هذه السلع سيتم بيعها لطرف ثالث وهم يعلمون سلفا ان هذه السلع دون المواصفات العالميه المطلوبه... فلماذا ياتري يستجيبون لرغبه الفاسدين.. ألا يعني هذا انهم شركاء في الفساد....
أديك مثال .. ارجو ان لا يكون مخلا.. هسي لو انت عندك مصع بتاع تعليب لحوم وجاك زبون قاليك عايزك تعلب ليه عشره طن من لحم بتاع رمم حمير ( بدون مؤاخذه) بتعلبها ليه... ولا بترفض...!

بس عشان تعرف إنه المصنعيين الصينين فاسدين وشركاء في فساد زبائنهم...
يا محمد اي صناعه في الدنيا عندها حد ادني للمواصفات..الالتزام بيه واجب... هذا امر معروف...

Quote: يا خوي الكلام المكتوب فوق ده بدين الصين اكثر مما يدين ناس الانقاذ... بمعني اخر ان المصنعيين الصينيين بشجعوا الفاسد ومن ثم فاسدين. اي صناعه في الدنيا عندها مواصفات.. وانت سيد العارفين في هذا المجال...

الأخ عسكــورى،

برضو دا سيـر فى نفس طريق الشماعـة.. ياخ خلاص نحول ادارة مصلحـة الموازين والمقاييس السـودانيـة
للصينيين.. وفى الحالة دى لازم ندفع لهم تكاليف إدارة هـذه المصلحـة، وقبلهـا يجب تعليمهم وتدريبهم
على قوانين السلامـة و المقاييس السودانيـة، لأن كل دولة لها قوانينهـا.. مثلا فى الصين لا توجد
قوانين لضبط موجات الراديو، ولكن فى أمريكا فى حاجة اسمها FCC وفى أوروبا CE، هـذه المقاييس
يجب أن ترسل للشركات المصنعة اللاسلكى فى الصين، والشركات الغربية تدفع لهم الملايين من أجل أن
يقوم الصينيون بالإختبارات حتى تتوافق مع القوانين الأوروبيـة.
قبل كم شهـر، ظهـرت مشكلـة الطلاء التى وجد بها بعض مادة الرصاص، وأتهمت الصين، ثم كشف أن
الشـركـة الأمريكيـة الموردة هى التى أعطت الصينيين التصاميم ومواصفات المواد المصنعة، وأعتذرت
الشركـة الأمريكيـة المشهورة على الملا فى التلفزيون، عن إتهام الصينيين، اعتذرت للشعب وللحكومـة
الصينيـة.. ولم تقل أن الصينيين (ما راعونـا)، تحمل الأمريكيون المسـؤوليـة بشجاعـة الرجال المسؤولين.
يأتى التاجر الســودانى ويختار أسـوأ أنوع الأقمشـة، فلماذا تريـد أن تضفى عليه الحصانـة من
المسـؤوليـة؟ ثم تمـر هـذه البضاعـة عن طريق الموازين والمقاييس، وبرضو تريـد أن تضفى عليها
الحصانة!!
ياخى هـذه تشجيـع للفسـاد فى الحكومـة و فى أوسـاط التجار الجشعين.

سلام شباب ..

Quote: ادارة مصلحـة الموازين والمقاييس السـودانيـة

تصحيح :

إسمها في السودان الهيئة العامة للمواصفات والمقاييس ..!

الاخ عسكوري سلام اتمني ان تكون بخير
أعتقد أن كلام الأخ أبو الريش سليم و ارجو
ان الخلاف في مواقف سابقة أن لا يجعل الخلاف هو
المبدأ في كل حوار قادم...
فعلا أن المسؤول عن كل البضائع الرديئة (مستوردة أو محلية)
هي الحكومة اولا و اخيرا ممثلة في الهيئة العامة للموصاصفات و المقايس
التي هي واقعة تحت تأثير فساد الدولة و التجار الطفيليين
المسنودين من المؤتمر الوطني و اجهزته في الدولة، وليس الصين

Quote: التي هي واقعة تحت تأثير فساد الدولة و التجار الطفيليين المسنودين من المؤتمر الوطني و اجهزته في الدولة، وليس الصين

كام تمام
لكن دحين الصين دي , ما صين اخونا ماو زمان . يازول تصين خطرة ختره اعديل كده , و مستعمرة وانتهاذية , وكان فيها العشب زمن الحرب الباردة

لكنها الان ......


اما عن الاخوة الكيزان هذه فرصتهم و فرصة الانتهازين و الطفيلين ,

و البلقي الهبوب بضري عيشه

أها يا ابو الريش

موضوع التسمم ده برضه مسؤوله منه المواصفات السودانيه... عليك الله في فضيحه وجريمه اكبر من كده...!

Quote: سحب كميات كبيرة من منتجات الألبان في الصين البي بي سي : الجمعة 19 سبتمبر 2008 22:29 GMT سحبت السلطات الصينية كميات كبيرة من منتجات الألبان من الأسواق بعد إصابة آلاف الأطفال بالحليب الملوث بمادة الميلامين السامة. وخلت أرفف المتاجر من أشهر أنواع الحليب السائل والمجفف بعد أن أظهرت تحليلات هيئات مراقبة الجودة والتفتيش والحجر الصحي أن 10 % على الأقل من منتجات ثلاثة من كبريات شركات الألبان ملوثة بمادة الميلامين. وقد توفي أربعة اطفال من بين نحو 6200 أصيبوا نتيجة تناولهم الحليب الملوث بينهم أكثر من 180 أصيبوا بفشل كلوي حاد. وتفجرت الفضيحة بعد اكتشاف الميلامين في الحليف المجفف حيث يعتقد أن الشركات المنتجة أضافت المادة المحظور استخدامها في الأغذية إلى المسحوق ليبدو غنيا بالبروتين. ومن بين الجهات التي طالتها الفضيحة شركة الألبان العملاقة مينجنيو، التي اكتشف أن منتجاتها ملوثة بنحو 8.4 ميلي جرام من الميلامين لكل كليو جرام. وفي سنغافورة قررت السطات الصحية حظر استيراد جميع منتجات الألبان بعد أن اظهرت الفحوصات تلوث منتجات اثنين من كبريات شركات الألبان الصينية. وفي هونج كونج قام اثنان من المتاجر الكبرى بسحب منتجات شركة مينجينو، كما أوقفت سلسلة المقاهي العالمية "ستار بكس " استخدام حليب هذه الشركة في نحو ثلثي فروعها في أنحاء الصين. شركات كبرى وكانت شركة مينجنيو قد قررت سحب ثلاثة دفعات من الحليب المجفف الموجود في الأسواق، والتي كانت قد أُعدت في شهر يناير/كانون الثاني الماضي كما أعلنت الشركة أيضا تعليق التعامل بأسهمها في سوق هونج كونج للأسهم. وقال مسؤولون صينيون إن نوعين من هذا المسحوق يُصدر أيضا إلى كل من اليمن وبنجلاديش والجابون وبوروندي وبورما، على الرغم من أنه ليس من الواضح إن كانت قد وصلت أي من الدفعات الملوثة إلى أي من تلك الدول. وذكرت وكالة شنخوا الصينية الرسمية للأنباء إن الحكومة تعتبر ما حدث نوعا من التسمم يرقى إلى درجة حوادث السلامة من الدرجة الأولى، وقد شكلت لجنة طوارئ لمتابعة الموقف ويرى المحللون أن الفضيحة تشكل إخفاقا محرجا بالنسبة لنظام سلامة المنتجات في الصين، والذي كان قد أُعيد تشكيله من جديد في أعقاب التحذيرات الدولية وسحب العديد من المنتجات الصينية العام الماضي بسبب مخاطرها الصحية. وقد طالبت الولايات المتحدة والاتحاد الأوروبي بمعرفة تطورات هذه الفضحية بهدف تعزيز الثقة في المنتجات الصينية بشكل عام في أسواق العالم. وأظهرت التحلحيلات التي أجرتها

Quote: موضوع التسمم ده برضه مسؤوله منه المواصفات السودانيه... عليك الله في فضيحه وجريمه اكبر من كده...!

لا يا أخ على، ليست مســؤولة منه المواصفات السودانية لأن المخالفات وقعت خارج السـودان!! .. لذلك:

Quote: سحبت السلطات الصينية كميات كبيرة من منتجات الألبان من الأسواق بعد إصابة آلاف الأطفال بالحليب الملوث بمادة الميلامين السامة

فى كل العالم هناك مخالفات للشـركات الجشعـة، وواجب الحكومات المتحضرة مثل الصين، أن تعاقب هـذه الشـركات، وأن
تشــرع لتسـديـد ثغرات القوانين التى تنفـذ منها المخالفات.. المشكلـة شنو؟
خلينا فى الســودان الذى تقوم حكومتـه بترقيـة المخالفين للمقاييس والعايير.

فى كل العالم تسحب recall لحوم وحلويات (هل تذكر سحب بسكويت أوريو oreo) من الأسواق الأمريكيـة قبل كم
سنـة، وهو بسكويت أطفال؟
عاوز تقول شنو والله غلبنى أعرف I give up

هل تركت موضوع أن التجار والمقاييس الســودنيـة غير مسؤولين عن تصرفاتهـم، مثل القصر الذين يجب
أن يتحمل مسـؤوليات تصرفاتهم غيرهـم من الراشدين؟

الاخ ابو الريش
التحيه

Quote: عاوز تقول شنو والله غلبنى أعرف I give up

يا محمد انا بس انا عايز اثبت ليك ان الصين ربما تكون افسد بلاد الارض، وانه لا توجد ضوابط او معايير للاعمال فيها، لذلك ليس مستغربا ان الدوله الصينيه الحاليه تتوجه باستثماراتها الخارجبه ( في افريقيا) لافسد الدول الافريقيه ( انجولا، السودان، الكنغو وزيمبابوي، ونيجريا) هذه هي اكثر الدول التي تستثمر فيها الصين.
المقاييس والمعايير وضبط الجوده كلها ادوات للرقابه والحماية، هذه لا تجدها في السودان كما تكاد تكون لاقيمه لها في الصين إن وجدت..فالمؤسسات الصينيه تقوم علي الرشوه والفساد الداخلي وهذا امر معروف...
يا محمد لا يمكن تقول لي مصنع البان يضيف مواد سامه للبن الاطفال... ونقول دي كانت صدفه ساكت... اشمعني اضيفت الماده السامه القاتله دي و ما اضيفت حاجه تانيه...! وهل يعقل إنه زول عايز يزيد ليه ماده زي دي للبن اطفال ( اذا هو ما عارف خصائصها الكيميائيه) ما يسال فقط من اجل العلم بالشيء إذا كان لهذه الماده مضاعفات جانيه ام لا... هل تعتقد ان الامر بهذه البساطه...!

هذا يا محمد اخطر انواع الفساد...

Quote: كدي ادينا مثال لدوله نمت بمعاونة الصين... انجولا دي ورينا الحصل فيها شنو وكيف نمتها الصين...!

رايك شنو الدولةالسودان
في زمن ثورة مايو الاشتراكية التي كانت سبع بقرات سمان الكلنهن سبع بقرات عجاف

...........
اسمع يا مدعي الوصاية على المناصير
الواضح ما فاضح
انت حملتك على الصين مع بعض الفاشلين والمتسكعين في اروربا وامريكا ..بسبب انشاءها لسد مروي..مع العلم انت بالذات مع عندك اي مشاريع بديلة لتطوير شمال السودان من الجيلى الي حلفا..وما عندك اي بدائل للكهرباء في مناطق لمبة الهبوب..وانت لو ادوك مليون جنيه(اقصد مليون دولار)..ما بتجي تقعد في المناصير او الاماكن المهمشة السودانية..عايز تزايد وتتاجر بمعاناة الناس في الشمال وتمنع عنهم مشاريع التنمية وتدفعهم لمصادمات غير متكافئة ويموتو وثم تاتي لتفرش ليهم في البورد وتولول مع المولولين..ثم ينتهي الامر..
.........
حدد عدوك الصين ام السد مروي ام(حزب المؤتمر الوطني) ولاي مشروع تنمية منافع واضرار وسد مروي منافعه اكثر من مضاره
انت الان مشكلتك الصين ام سد مروي ام حزب المؤتمر الوطني
بالله وفرو لينا المواطنين احياء لحدت الانتخابات 2009...لان قتلهم الان خسارة انتخابية فادحة ولم يتغير شيء والصين ماشة تعمل سدود في الجنوب كمان..
..........
بعدين كلام ابوريش ده واضح اكثر من الشمس
الازمة في السودان والحزب الحاكم الفاسد...وسياسات الاستيراد والتصدير السودانية..لان الكيزان خانقين السوق وفارضين تجارم على الناس وفارضين موظفيهم عديمي الذمة والضمير في الخدمة المدنية...اما عايز تعمل الصين مجرم دولي..هي ليست اكثر اجراما من امريكا والغرب والشركات التي تبيع السلع الفاسدة لدول العالم الثالث وتنهب النفط والمعادن..وليس هذه من سياسة الدولة االصينية
.........
الانتخابات قربت..ولو انت بتمثل المناصير جد جهز نفسك افيد لك..بعدين ...نزل لينا هنا مشاريع متكاملة لتطوير شمال السودان ضمن برنامجك الانتخابي..بس ما يكون فيها مفاعلات ذرية
عايزين كهرباء في الشمال؟
من اين نحصل عليها؟؟
.........
مش تختصر الموضوع ب (حاضر)
دي قولا لي زول ما عارف مين يودي على فين نحن كنا في الشمال من 1988-1990 وشفنا موت الشمال البطيء ايام الحقبة الترابية الكالحة وكان لدي طلاب من الحمداب لحدت حلفا القديمة في كريمة ومدرسين ايضا..
الثانويةالصناعية يا مترف ..والطلبة البندسرم نحن ل بيبقو كيزان..ولا حديداولا حجارة ولا شيء منا ما يعظم في قلوبكم
واللفة قربت
والخيل الحرة تظهر في اللفة

الأخ الكريـم على،

ما دام مصـر على تحميل الحكومـة الصينيـة مخالفات الشـركات، والتى ذكرت لك أن الحكومـة توقع
عليهـا أشـد العقاب، ولم ترد على مثال إستدعاء بسكويت الأوريو عام 2005، الأن أريد أن أعرف
رأيك فى هـذا:

الأحـد الماضى فقط، فى لوس أنجلس، تم إستدعاء recall لأكثر من 150 مليون رطل من اللحوم التى
توزع على أطفال المدارس.. وأن المسؤولين بالشركات كانوا على علم مسبق بالمخالفات حتى قبل
ذبح الكثير من الأبقار:

By Victoria Kim and Mitchell Landsberg, Los Angeles Times Staff Writers
February 18, 2008
The U.S. Department of Agriculture announced the largest beef recall in its history Sunday, calling for the destruction of 143 million pounds of raw and frozen beef produced by a Chino slaughterhouse that has been accused of inhumane practices.

However, the USDA said the vast majority of the meat involved in the recall -- including 37 million pounds that went mostly to schools -- probably has been eaten already. Officials emphasized that danger to consumers was minimal.



Recalled meat products
Schools scramble to find questionable meat
USDA - News Releases and Statements
The recall applies to beef slaughtered at the Hallmark/Westland Meat Packing Co. since Feb. 1, 2006. The company has produced no meat since Feb. 4 of this year, when operations were suspended.

The action came nearly three weeks after the Humane Society of the United States released a video showing workers at the plant using forklifts and water hoses, among other methods, to rouse cattle too weak to walk. In addition to issues of animal cruelty, the video raised questions about whether so-called downer cattle were entering the food chain in violation of federal regulations.

Although the Humane Society said at least four non-ambulatory cattle had been slaughtered for food, the USDA had repeatedly said it had no such evidence. On Sunday, federal officials said for the first time that they had evidence such cattle from Hallmark had been processed for food.


Downer cattle are not supposed to be used as meat unless a veterinarian determines that the animal stumbled or fell because of injury -- a broken leg, for instance -- that would not affect the safety of their meat. Cattle weakened by disease are not supposed to enter the food supply, although their risk of harming humans is still fairly low. There is, however, a slightly higher possibility that such cattle are suffering from bovine spongiform encephalopathy, better known as mad cow disease.

The USDA said there was only a remote possibility that the recalled beef from Hallmark could make people sick. Agriculture Secretary Ed Schafer said it was "extremely unlikely" that any cattle processed at the plant were suffering from mad cow disease.

Steve Mendell, president of Hallmark Meat Packing and its distributor, Westland, declined to comment. The company has refused to answer questions about its practices since the Humane Society video surfaced. Mendell released a statement on Feb. 3 that said he was "shocked and horrified" by the video and that the company had a long history of meeting federal safety standards.

The recall was initiated voluntarily by the company, because the federal government does not have the authority to take such action.

Some supermarkets began removing Hallmark meat from their freezer shelves immediately after the USDA's announcement.

Managers at the Costco store in Burbank said they received an urgent e-mail about 3:30 p.m. Sunday, indicating that Westland had at one time been a supplier. It was unclear whether any current stocks had been provided by the plant.

"We're going to pull it just in case," said assistant warehouse manager Roland Prydz. He said the notice involved frozen beef.

Managers at Vons and Ralphs stores in Burbank and the Silverlake-Echo Park area said they did not recognize the company and doubted that it had supplied their stores.

Because Hallmark/Westland suspended operations in early February, it is unlikely that any of its fresh meat is still being sold. "That has a very [short] shelf life and refrigerator life, so the great majority has probably been consumed," Richard Raymond, the USDA's undersecretary for food safety, told reporters.

Hallmark/Westland meat was also sold to restaurant chains, including In-N-Out Burger and Jack in the Box, but both of those companies said they stopped using it early this month after the first reports of problems at the plant.

The amount of beef affected by the recall may be far larger than 143 million pounds because meat from different companies is often mixed as it goes through numerous processors. Such mixing makes it extremely difficult for consumers to know whether meat products came from a particular plant.

At a USDA telephone briefing Sunday for retailers, school districts and food safety experts, a Costco representative raised concerns about beef that gets "commingled," according to Humane Society President Wayne Pacelle, who participated in the conference call. He said the Costco representative estimated that the amount of beef recalled may top a billion pounds.

USDA officials said the whole effect of the recall was difficult to estimate because beef from Hallmark was supplied through a "huge pipeline" that included numerous processors and distributors.

As an example, Bill Sessions of the Agricultural Marketing Service told reporters: "Coarse ground beef . . . goes into further processors, who make end items such as cooked hamburger patties, chili meat, taco meat, that type of thing, that then goes into a distributor and then is distributed to a local school system."

By that time, the food packaging is not likely to carry any indication that a portion of the meat came from a particular plant.

الاخ أبو الريش

التحيه

يا خوي انا ما عارف ليه كل ما اكتب موضوع عن الصين تروح طوالي جايب لي امريكا...! متين انا قلت انه امريكا مرجعيه، او ان مثل هذا لا يحدث في امريكا او في مكان اخر...
انا تحدثت عن فساد في الصين... تجي تقولي في فساد في امريكا... وهل هذا يعني إنه إذا في ممارسات خاطئه في امريكاالصين عندها مبرر تكون فاسده.
يا صديقي الصين دي الفساد ضاربها من راسها لاخمص قدميها....! أنا هنا لا اجري مقارنه بين امريكا والصين... انما اتحدث عن الفساد داخل الصين.. واذا انت عايز تعمل مقارنه افتح بوست حول الموضوع واعدك بالمشاركه...

لو الصين بتعلن صراحة انها زيها وزي الدول التانيه بتبحث عن مصالحها ولا يفرق لديها ان استغلت الاخرين ام لا ، ما كنا تناولناها.. لكن المشكله الاساسيه إنه الصين بتكذب وتدعي انها تسعي لتنميه الدول الافريقيه خاصة وانها لا تتدخل في شؤنها الداخليه، ولكن واقع الحال يقول انها في السودان عندها مبعوث لدارفور، وتستغل وجودها كدوله في مجلس الامن لحماية اصدقائها في الخرطوم... المشكله مش في انها بتفعل ذلك.. المشكله انها تكذب وتقول انها ما بتدخل في الشئون الداخليه...مع انها غارقه في الشئون الداخليه للدول الافريقيه حتي اذنيها! لكن ده ما موضوعنا هنا..
موضوعنا الاساسي إنه جهاز الدوله في الصين فاسد وسلطوي و لايقبل النقد ويضطهد المواطنيين الصينين.. ولا شيء يدل علي استشراء الفساد اكثر مما اوردناه هنا بأن الدوله تسمح للمصنعيين بتصنيع المنتجات حسب رغبة المشتري... اي لا توجد ضوابط اساسيه متبعه للسلع المنتجه في الصين... بمعني اخر انه الدوله تاركه الحبل علي القارب للمصنعيين وهذا اسواء انواع الفساد...
النقطه الاخري هي انه في الدول الاخري إذا المصنع اخل بالمواصفات يمكن للمشتري مقاضاته... في الصين يا محمد لا يمكن ان تقاضي مصنع و لا توجد موجهات من الدوله تضبط تعاملات الشركات الصينيه في الخارج و لايمكن مقاضاتها لما تقوم به خارج الحدود او ربما حتي داخل الصين، لانه هذه الشركات يسيطر عليها في الغالب الشيوراسماليين الجدد من القطط السمان في الحزب الشيوراسمالي الصيني...
ارجو شاكرا ان تحصر ردك في الفساد داخل الصين وهو موضوع البوست وليس محاولة عقد مقارنه مع امريكا...

لك الشكر

Quote: وهل هذا يعني إنه إذا في ممارسات خاطئه في امريكاالصين عندها مبرر تكون فاسده.

الأخ على،
تحياتى..

فى أمريكا هى "ممارسـات خاطئـة"، أما فى الصين فنفس السلوك "فسـاد".. وبرضـو نحن محايدين!!

باقى تعليقك جاييلو


كتب الأستاذ على عسكورى:

Quote: الاخ أبو الريش التحيه يا خوي انا ما عارف ليه كل ما اكتب موضوع عن الصين تروح طوالي جايب لي امريكا...! متين انا قلت انه امريكا مرجعيه، او ان مثل هذا لا يحدث في امريكا او في مكان اخر... انا تحدثت عن فساد في الصين... تجي تقولي في فساد في امريكا... وهل هذا يعني إنه إذا في ممارسات خاطئه في امريكاالصين عندها مبرر تكون فاسده. يا صديقي الصين دي الفساد ضاربها من راسها لاخمص قدميها....! أنا هنا لا اجري مقارنه بين امريكا والصين... انما اتحدث عن الفساد داخل الصين.. واذا انت عايز تعمل مقارنه افتح بوست حول الموضوع واعدك بالمشاركه... لو الصين بتعلن صراحة انها زيها وزي الدول التانيه بتبحث عن مصالحها ولا يفرق لديها ان استغلت الاخرين ام لا ، ما كنا تناولناها.. لكن المشكله الاساسيه إنه الصين بتكذب وتدعي انها تسعي لتنميه الدول الافريقيه خاصة وانها لا تتدخل في شؤنها الداخليه، ولكن واقع الحال يقول انها في السودان عندها مبعوث لدارفور، وتستغل وجودها كدوله في مجلس الامن لحماية اصدقائها في الخرطوم... المشكله مش في انها بتفعل ذلك.. المشكله انها تكذب وتقول انها ما بتدخل في الشئون الداخليه...مع انها غارقه في الشئون الداخليه للدول الافريقيه حتي اذنيها! لكن ده ما موضوعنا هنا.. موضوعنا الاساسي إنه جهاز الدوله في الصين فاسد وسلطوي و لايقبل النقد ويضطهد المواطنيين الصينين.. ولا شيء يدل علي استشراء الفساد اكثر مما اوردناه هنا بأن الدوله تسمح للمصنعيين بتصنيع المنتجات حسب رغبة المشتري... اي لا توجد ضوابط اساسيه متبعه للسلع المنتجه في الصين... بمعني اخر انه الدوله تاركه الحبل علي القارب للمصنعيين وهذا اسواء انواع الفساد... النقطه الاخري هي انه في الدول الاخري إذا المصنع اخل بالمواصفات يمكن للمشتري مقاضاته... في الصين يا محمد لا يمكن ان تقاضي مصنع و لا توجد موجهات من الدوله تضبط تعاملات الشركات الصينيه في الخارج و لايمكن مقاضاتها لما تقوم به خارج الحدود او ربما حتي داخل الصين، لانه هذه الشركات يسيطر عليها في الغالب الشيوراسماليين الجدد من القطط السمان في الحزب الشيوراسمالي الصيني... ارجو شاكرا ان تحصر ردك في الفساد داخل الصين وهو موضوع البوست وليس محاولة عقد مقارنه مع امريكا... لك الشكر

Quote: ارجو شاكرا ان تحصر ردك في الفساد داخل الصين وهو موضوع البوست وليس محاولة عقد مقارنه مع امريكا...

الأخ على،

أسـف ولكن موضوع البوست ليس عن الفســاد داخل الصين،

موضـوع البوست هـو هـذا:

Quote: الاستعمار الاقتصادي الصيني للسودان مره اخري

عسكورى تحياتى لك موضوع جيد ولى رجعة


تقبل سلام بشـرى الصائم

الاخ محمد عبد الله
مرحب بيك

ومرحب بي مساهماتك وانت من الخبراء في هذا المجال

عسكوري ولا نسنى ان جراحاتنا هذه باسلحه صينيه ايضا
الوهم عادل آمين ما تضيع زمنك معاه...دي ناس ربك يشفيها بس
وزي ما قلت ابو الريش اي زول يقول له الصين ينط يقول لها امريكا
رغم انه امريكا منحته جوزا ولال لما دخل الصين ذاته,والصين لو آذن ما بتمنحه جواز لكن تقول شنو
ناس ما بتعرف تحمد ربها وتشكر امركيا ربة نعمتهم:

العزيزه تراجي

هذا فظيع...!
السؤال المحوري الذي يلاحقنا دوما.. هو لماذا يحدث كل هذا... واي حد بلغ الجنون بالدوله السودانيه...!
لاشك ان ما يحدث كان قد تنباء به السيد جيمس روبرتسون قبل تسليم الحكم للسودانيين، كان يعتقد ويحاجج محمد نجيب بان السودانيين يحتاجون للمزيد من الوقت و لن يتمكنوا من إدارة بلادهم... واليك النص:

Quote: 'Sir james who was strenously trying to pursuade Neguib that the Sudan needed more time, that they couldnt run the country without a ' considerable amount of outside help' and above all that he feared great troubles if the Southern Sudanese were handed over without any safeguards'.j

From : Thomas,G. ' Sudan Death of a Dream' Darf Publishers ltd, 1990,p49.j

لقد صدقت نبوءة الرجل، فقد فشل السودانييون في إدارة بلادهم كما توقع، واصبحت الدوله تخرج من حرب لتدخل اخري... لقد كان قتل المواطنيين وسحلهم وسجنهم وتشريدهم وملاحقتهم والزج بهم في المعتقلات بدون سبب، هو ديدن الدوله منذ 1956، ولكني اعتقد اننا اصبحنا نري الافق...
ليس لدي ادني شك ان جزءا كبيرا من هذه الدماء المهدره مسؤوله منه الصين مسؤوليه مباشره.. لقد قلت ذلك للصينيين في بكين العام الماضي... للصين فرقه كامله من الجيش في دارفور.. اين هو دورها في حماية هؤلاء...!

Quote: تقرير: التخلص من 41 طن من مواد غذائية ملوثة مستوردة من الصين منذ 2006 سيئول، 21 سبتمبر(يونهاب) -- قالت الوكالة الكورية لسلامة الاغذية والأدوية اليوم الاحد انها صادرت وتخلصت من حوالي 41 طن من المواد الغذائية المستوردة من الصين والتي تم العثور علي محتوياتها بكتيريا ومواد مسرطنة وغيرها من المواد المحظورة في الغذاء وذلك منذ العام 2006 . ووفقا للوكالة الكورية لسلامة الاغذية والادوية، تم العثور على مادة سيكلامايت، المادة المسببة للسرطان في منتجات كعك مستورد من الصين، وعثر أيضا على مواد محظورة في الطعام في كعك مستورد في اكتوبر العام الماضي. وفي هذا العام، صادرت الادارة منتجات حلويات تزن 13 طنا من أربع شركات ذات علامات تجارية صينية مختلفة بعد ان عثرت على مادة التولوين بكميات كبيرة ومادة كيمائية سامة تستخدم في حل حبر التعبئة والتغليف . وقال نائب برلماني عن حزب الوطن الكبير أثناء كشف التقرير لوسائل الاعلام المحلية ' تعزز الحكومة بشكل كبير عمليات التفتيش للتأمين على سلامة الواردات الغذائية الصينية ، إضافة لعمل الجمارك والتوزيع' . وجاء هذا التقرير بعد أن أصيب آلاف من اطفال الرضع الصينيين ولقي ثلاثة منهم على الاقل حتفهم بعد تناولهم حليب ملوث يحتوى على مادة الميلامين ، وهي مادة محظورة في الغذاء، في أحدث فضيحة خاصة سلامة الاغذية لضرب أكبر دولة اكتظاظا بالسكان. وعملت فضيحة مادة الميلامين على انتشار مخاوف من الاطعمة الصينية وسط المستهلكين الكوريين الجنوبيين. (انتهى)

Source

Al-Salam AlYcom

Long Live Sudanese Struggle



))ويؤكد .....حدوث اغراق فى السوق بالسلع الصينية مما يؤدى الى كساد فى القوة الشرائية ان لم تجز أو تُشرع قوانين تمنع الاغراق والاحتكار والمنافسة .....))

Its unlogic to be aginst all contradictions as

تمنع الاغراق والاحتكار والمنافسة!!!!!


OK

China with official links with Sudan State and Government in Economics and Military issues, but why you didn’t talk about USA UK Military training for the Sudan (Official) Army and for the State Security Forces[/U why you didn’t speak out about that ?or you think the military training for the Sudan’s Nazi Forces is a joke?

??

Quote: الثانويةالصناعية يا مترف ..والطلبة البندسرم نحن لا بيبقو كيزان..ولا حديداولا حجارة ولا شيء من ما يعظم في قلوبكم واللفة قربت

العزيز عسكوري
والله تباري لي تراجي الا تدخل بيك في جحر ضب خرب
دي البسوس ...حكامة داحس والغبراء..دي وعيها لا يتجاوز دارفور وحركة العدل والمساوة
هي ازمتا الايام دي معسكر كلمة وانت ازمتك سد مروي..البتعمل فيه الصين..وخلينا من اللف والدوران
وخلينا نحكي ليك ذى طلحة جبريل..لمن كنا في كريمة في 1988 ق.س...يعني قبل السد
كان الطلاب في المدرسة الصناعية من كل الشمال من المناصير لحدت حلفا...كانو محبطين جدا ويقولو لينا ايه فايدة نكون صناعييين برادين وخراطين وهندسة مسلحة وكهرباء سيارات وعامة..ومافي شغل
وكنا بنعزيهم مستخدمين المثل الصيني((ان تعطي رجل سمكة فقد كفلته قوت يومه وان تعلمه كيف يصطاد سمكة كفلته العمر كله))...وتعلم صنعة امان من الفقر...كانو زيك كده شايفين هذه اساطير الاولين...والان سد مروي يحتاج لعمالة ماهرة وطلاب فنيين للمستقبل في الصيانة اليس كذلك يا مهندس وبالتاكيد طلابنا الان بكونو شغالين في السد...بدل ما تولول مع تراجي الفارغةدي
.........
قول لناسك البتحرشم ضد السد انهم بدل ما يقولو ادونا تعويضات بس...(1)كمان يطالبو باعادة تاهيل المدراس الصناعية في الشمال كله(كريمة-دنقلا-حلفا بواسطة الصينيين...(2)وان تؤسس كلية هندسة بولي تيكنك في ابوحمد ..لقبول طلاب وطالبات المنطقة..بسكن داخلي...
(3)وايضا ستكون هناك مدينة بفعل هذه السد ..هذه المدينة الجديدة يجب ان يكون 50% من الامتيازات والاراضي لسكان المنطقة..وبي كده بتكون زول عملي..وتجاوزت السد وما نجم عنه...وخدمت اهلك هناك...ويخلو زراعة الترمس الما نافعة دي
وما تنسي تنقل الفكر دي لمولولين كجبار ايضا
............
انت مالك ومال الصين
ان شاء الله تشد العرقي..مالك ومالا...انت طور بلدك خليها تبقي زي الصين بعدين تعال اتبجج
والله قصة غريبة فعلا
اصلو الزول البكون كوز او شيوعي قبل كده ما بنفع
لانه بكون مصاب بالصمم الايدولجي
ما بسمع
واذا سمع ما بفهم
والله في خلقه شئون
ما ضروري ترد..في ناس غيرك بيقرا وبيفهم
والزمن بينا..بقيت تباري فقاقيع دارفور كمان...

عفـواً حذف للتكرار

Quote: وقال نائب برلماني عن حزب الوطن الكبير أثناء كشف التقرير لوسائل الاعلام المحلية ' تعزز الحكومة بشكل كبير عمليات التفتيش للتأمين على سلامة الواردات الغذائية الصينية ، إضافة لعمل الجمارك والتوزيع' .

الأخ أنور،

هـؤلاء هم الرجال المسـؤولين، تحملوا هم المسـؤوليـة، مثلما فعل الأمريكان.. وقالوا أن المشكلـة هى تقصيرهم
فى التفتيش، ولم يعلقوا مشاكلهم على الصين.
لو كان الأخ على يقوم بحملة لكشف فسـاد الشركات العالميـة، فعليه أن يكون rationale كما تفعل منظمات حقوق
الإنسان فى تقاريرهـا السنوية التى لا تستثنى أمريكا وغيرهـا. ذكرت له بالأمس القريب 18 سبتمبر، أبادت وزارة
الزراعـة الأمريكيـة ما يقارب 150 مليون رطل أو أكثر من اللحوم الفاسـدة، والمصادفـة أن هـذه الملايين من
اللحوم كانت فى طريقهـا لى المدارس.. وكشفت السلطات أن إدارة الشركات كانت على علم بهـذا الفسـاد
(الفسـاد يا على وليس مخالفات كما أسميتهـا)، بل أن هناك فيديو قطع الشك لدى السلطات، وكشف أبقارا مريضـة
لا تستطيـع السيـر، كشف الفيديو أن العمال إستعملوا الرافعات وخراطيش المياه لحثها على السيـر الى المسـلخ!!
الأخ على عنما يتحدث عن الفسـاد فى أمريكا، أولا يسميـه مخالفات، ثم ينسبـه للشركات، وعندما يتحدث عن الصين
يسميـه فسـاد وينسبـه للحكومـة!!!
حين عاقبت الحكومة الأمريكيـة الشـركات، فإن الحكومـة الصينيـة عاقبت وتعاقب شركاتهـا أيضا وبأقسى مما تفعل
أمريكا.. الفسـاد فى كل مكان فى العالم، وليس هناك أى فسـاد محمى فى الصين.. قبل عامين عندما أدين
حاكم ولايـة شنغهاى، وهو بما تحت يديه من سلطات وميزانيات شنغهاى الغنية بالبلايين، يعتبر بعد الرئيس ، حكم
عليه بالإعدام، ولم تشفـع له سلطاته كزعيـم فى الحزب الشيوعى أو حاكم أكبر وأغنى ولايـة فى الصين.

كم تمنيت أن يحصـر الأخ على خلافه مع الصين فى موضوع الســد، وبذلك يكون متسقـا اكثـر مع ما يرمى اليه.
أما إتجاهه هـذا فسـوف يميـع قضيتـه، بل يفقد حديثه الكثير من الموضوعيـة، ولن تنهـض حججه هـذه
ضـد الصين، التى تطعم ربع سكان العالم، وتوفر لهم الأمن والحمايـة.

يا ابوالريش

التحيه
يا اخي افتكر انك ما قاعد تقراء الكلام القاعد انا اكتبه او تقصد تتجاهله.
انا كتبت ليك هذا الرد وهو سبب اهتمامي بموضوع الصين... لكن ما عارف بتجاهله ليه:

Quote: لو الصين بتعلن صراحة انها زيها وزي الدول التانيه بتبحث عن مصالحها ولا يفرق لديها ان استغلت الاخرين ام لا ، ما كنا تناولناها.. لكن المشكله الاساسيه إنه الصين بتكذب وتدعي انها تسعي لتنميه الدول الافريقيه خاصة وانها لا تتدخل في شؤنها الداخليه، ولكن واقع الحال يقول انها في السودان عندها مبعوث لدارفور، وتستغل وجودها كدوله في مجلس الامن لحماية اصدقائها في الخرطوم... المشكله مش في انها بتفعل ذلك.. المشكله انها تكذب وتقول انها ما بتدخل في الشئون الداخليه...مع انها غارقه في الشئون الداخليه للدول الافريقيه حتي اذنيها!

بعدين ياخي الصين ديه عملت السودان في وضع اشبه بأنه ( محميه) او تحت الوصايهTutelage بتاعتها وكما تعلم ما حدث ويحدث في مجلس الامن وعشان كده انا بكتب عنهاوعن فسادها.
دونك ان تكتب عن الفساد في امريكا.. وهل حصل انه انا قلت امريكا ما فيها فساد... انا اكثر من مره اشرت ليك اني مهتم بممارسات الصين لانها بتكذب علي الأفارقه وبتنهب في مواردهم نهب غير طبيعي لحل مشاكلها... ده سبب اهتمامي بالصين...!
اشجعك بشده لتكتب عن الفساد في امريكا او في اي دوله وتعريته... لكن انا مركز علي الفساد في الصين لان الشعب السوداني متضرر ضرر مباشر من ممارستها وفسادها ونهبها لموارد بلدنا مع مجموعه متسلطه علي رقابنا... امريكا الان ما عندها اي علاقات تذكر مع السودان والي الان ما شالت ليها برميل يترول واحد وشركاتها ما شغاله في السودان... تفتكر اخلي الصين البتشيل ليها قرابة ال400 الف برميل في اليوم واقوم اكتب عن امريكا...
اكتب انت عن فساد امريكا ما تخليه...انا حاليا مهتم بفساد الصين ونهبها لموارد افريقيا. ده مجال تركيزي.... بعدين الصين قاعد تتطعم سكانها من وين ما بتنهب في موارد افريقيا بالتعاون مع الحكومات الفاسده وترحل لشعبها.
الصين المفروض تعترف انها دوله انتهازيه وتبني في نهضتها علي حساب اشلاء الافارقه ( دارفور والكنجو مثالا)... مش تحاول تضحك علينا بإنها صديقه للشعوب الافريقيه وما الي ذلك من الدعايه الفارغه.

ارجو ان اكون وضحت ليك سبب اهتمامي بالصين

الاخ المنصور

سعيد جدا بمشاركتك

لكني اراك وقعت فيما وقع فيه الاخ أبو الريش

تقول

Quote: but why you didn’t talk about USA UK Military training for the Sudan (Official) Army and for the State Security Forces [/U why you didn’t speak out about that ?or you think the military training for the Sudan’s Nazi Forces is a joke?

يا صديقي ان لا املك الوقت ولا المعرفه ولا الطاقه لاكتب في كل هذه المواضيع...
انا اوضحت سبب اهتمامي بموضوع الصين وكتاباتي المتكرره عنها لارتباطها الوثيق بالنظام حتي اصبحت علاقتها به شبه وصايه...
بالطبع لا يمكنني ان اتابع كل ما تقوم به الدوله السودانيه في زوايا الارض... يمكن ان يتابع ذلك اخرون
مثلا موضوع علاقات السودان وامريكا.. ده موضوع شائك وطويل جدا .. يصعب متابعته حتي لشخص متفرغ له.. فما بالك بمتابعة نفس الموضوع مع موضوع علاقات الانقاذ مع الصين وهو نفسه موضوع متشعب وشائك...
علي كل دي مواضيع كلها تحتاج لوقت وطاقه ومتابعه وارجو ان كانت ليك معلومات عن تورط المملكه المتحده وامريكا في تدريب قوات الامن السوداني ان تنشرها هنا لنطلع عليها وحقيقة ليست لدي معلومات في هذا المجال ولا اتابعه...

أشكرك

الاخ أنور

سلام

شكرا للاضافه القيمه عن ما تعانيه كوريا من السلع الصينيه الفاسده....
قراءات ايضا ان هذهالالبان الفاسده صدرت لليمن ايضا... و لا ادري ان كان جزءا منها قد بلغ السودان...

اتباع ابتكاراتك الفنيه وتشدني الفكره واعتقد انها ممتازه وفعاله جدا.. ارجو العمل علي ت(.........)يرها اكثر

تحياتي

عسكوري

الاخ shahto

تحياتي

شكرا علي المرور والمساهمه

الاخوه
ناذر
عبد الباقي

شكرا للمرور والمساهمه
ارجو ان يكون في ردي علي ابو الريش ردا علي ما اثرتوه من نقاط

شكرا

Quote: دونك ان تكتب عن الفساد في امريكا..

يا أخى على، لا أكتب عن الفسـاد فى أمريكـا حصريا ولا أى جهـة، فإن الشعب الأمريكى كفيل بذلك، وإن
النظام الأمريكى كفيل بذلك.. كما أن النظام الصينى كفيل بذلك. أنت تتهمنى بأنى لم أقرأ ما تكتب،
ولكنى لا أعرف أن قرأت أنت ما أكتب أم لا، ولكن ما أعرفه أنك لم ترد على أى شئ ذكرته فيما كتبت،
وإنما هـو التعميم..
أكتب عن الفسـاد فى الســودان، ولست وكيلا للشعب الأمريكى.. ولكنك إن أردت حماية حقوق الإنسـان فى كل
مكان، فعليك أن تظهـر rationale يوضح الحياد وعدم التحامل، الذى من المؤكـد يذهب بالموضوعيـة.. وأكتب
عن كل جهـة فيهـا تعدى لحقوق الإنسـان، هنا تظهـر الحياديـة فى الطرح..
سـألتك من جعل ليلت الأمريكان مخالفـة وليلت الصينيين فسـاد؟!! لم أجد رداً..

يا اخى على، أرجو كما رجوت من قبل، أن تحصـر الطاقـة والوقت فى محاربـة إدارات السدود التى هضمت
حقوق المواطنين.. أما بعثرة القضيـة فيما لا طائل تحته ومناطحـة الدول الكبرى فلن تجدى فتيلاً.
السـودان ليس مستعمـرة صينيـة، الســودان مستعمـرة جبهـة.. فلماذا لا تواجـه الجبهـة فى كل مستويات
المواجهـة؟

Quote: دي قولا لي زول ما عارف مين يودي على فين نحن كنا في الشمال من 1988-1990 وشفنا موت الشمال البطيء ايام الحقبة الترابية الكالحة وكان لدي طلاب من الحمداب لحدت حلفا القديمة في كريمة ومدرسين ايضا

انت هسى اكنك ماك ترابى ؟ شيوعى ماوى يا ربى ولا شنو؟


عاين دى كمان

Quote: السـودان ليس مستعمـرة صينيـة، الســودان مستعمـرة جبهـة.. فلماذا لا تواجـه الجبهـة فى كل مستويات المواجهـة؟

يا زول انت عايش وين الاثيويبين دخلوا الى عمق السودان بحوالى 69 كيلو

فى المناطق الشرقية دى غير الفشقة فاذا كانت دى اثيوبيا التى تعانى

من المجاعة فما بالك بالصين ؟

Quote: وبي كده بتكون زول عملي..وتجاوزت السد وما نجم عنه...وخدمت اهلك هناك...ويخلو زراعة الترمس الما نافعة دي

دى طبعا تهكم وينضوى تحت بندقلت الادب انت ما لك ومال ترمسهم هم شالواالقرعة

وجو لى بيتاابوك ولا باعوا نسائهم للانجليز ؟ ولا نهبوا اموال الشعب السودانى

خلى الناس فى ترمسهم وارجو ان تبطل محاولات التهكم يا عادل امين .

Quote: والله تباري لي تراجي الا تدخل بيك في جحر ضب خرب دي البسوس ...حكامة داحس والغبراء..دي وعيها لا يتجاوز دارفور وحركة العدل والمساوة هي ازمتا الايام دي معسكر كلمة وانت ازمتك سد مروي..البتعمل فيه الصين..وخلينا من اللف والدوران

بالله عليكم هذا العادل يحلف بالله بجحر ضبه هذا كأنه يراه راي العين يقينا، وليس مجرد كلام خارم بارم لا معني له. ولا يستحق التسطير ناهيك عن الحليفة باسم الجلالة في رمضان؟
ثم هو قابع في كهف العصر الجاهلي حيث البسوس الذين لا يوجد لهم اي مثيل او وجه شبه مع اي مخلوق اليوم حتي في الجزيرة العربية. الا في عقل هذا المأزوم عادل امين. فهو متخلف لدرجة التحنط والاحتباس في العصور الجاهلية . لانه ببساطة مرتبط بهذه العصور ارتباط وثيق لدرجة التماثل حتي فيما يخطه من مفاهيم وعبارات خاوية لا معني لها بالمرة. ويتهم الاخرين الذين تجاوزوا بواقعهم اليوم تلك العصور بالاف السنين الحسابية وملايين السنين الضوئية . بل لا يوجد ادني رابط بين اي سوداني وداحس والغبرا بتاع عادل الخالص هذا؟
ثم لا يري عديم البصر والبصيرة عادل في ان دارفور عبارة عن شعب كامل وفهمه في حد ذاته ليس بالامر السهل ويعد تطور كبير جدا في عالم المعرفة كونك تحيط علما او تبدي اهتماما بدارفور وشعبه العظيم المكلوم الان . فان مساحة دارفور تساوي مساحة فرنسا العظمي اكبر الدول الاوربية مساحة. اما الشعب والتاريخ فانا اتحدي عادل وكل استاذته ان يعطونا مجرد كراسة مدروسة علميا عن حقيقة دارفور وشعوبه الذين يعانون الان من ويلات عشائر الرجعي المتحجر عادل الذي حرص ان لايري في دارفور وشعبه ومعرفتهم والحرص علي حياتهم وسلامتهم امر هام بل في غاية الاهمية علي مستوي العالم اليوم.
المتخلف عادل ماذا تعرف انت عن نفسك بالله عليك؟
الم يكن ما تسطره هنا ينبع عن جهلك باقدار شعوب كاملة؟ فهل هناك اجهل من من لايعرف قيمة النفس البشري ناهيك عن شعب كامل ظل يعاني اي جهل هذا؟
اما حديثك عن ما جري ويجري في كلما او موضوع السد فهذا ايضا خير دليل علي ان الانسان لا مكان له بين فهمك. وطبيعي ان يقتل النفس في السودان وينتهك حقوقه بالكامل كأن لم يحدث شيئا بالطبع . ولا اجد اي فرق بين فهمك وذهنيتك والذين ظلوا يمارسون هذه البشائع علي مر التاريخ في السودان.
بل الاغرب انك تحلف كانك تحلف بجريدة لماذا يا يا عادل يا ما عادل؟
وقال هو صائم في شهر رمضان؟ غريبة!!
حقيقة لم اجد اجهل منك وعديم الاحساس والضمير علي الاطلاق. وكل هذا نابع من احساسك الكاذب بالفهم والمعرفة والشعور بالتفوق الوهمي الذي يتقمصك لدرجة العنصرية البغيضة . ولهذا حرصت ان لا تعرف ان اهل دارفور وسكان معسكر كالما بشر مثلك خلقهم الله . وقد يتفوقون عليك بعطاءهم وضميرهم الانساني. ويستحقون الاهتمام من كل فج حتي وان جاز لكم جزارتهم كما تعودتم علي جزارة الملايين من اهل السودان في كل مكان ايها العنصري.
وبعد كل هذا يتمسح عادل بالدين كأن الدين ملك يمين له وحده. وهذا هو جوهر دين الكيزان وغلاة الجلابا من القتلة والسارقين الذين يفعلون كل سوء ولا يستشعرون ولو مرة علي انهم علي خطأ ما ، حتي وان تاذي شعوب كاملة بافعالهم وتصرفاتهم الهمجية المتعمدة والمقصودة، كأن هؤلاء الضحايا تاريخيا جرادا ليس الا.
وهكذا يلهث عادل وراء الصين الملحدة لمجرد انهم قد استبيح لهم ارض السودان دون اذن او تفويض من شعبه المكلوم ولا حسيب ولا رقيب . فاصبح السودان غنيمة للصين وكل سارق او مريض لا اخلاق له ولا قيم ولا مبادئ الا الدراهم والملاليم فبئس المصير علي الجلابي عابد الدراهم والملاليم . فهو يدافع عن الصين الشيوعية الكبري لانها تملك الدراهم والملاليم. ويسب الشيوعيين في السودان فقط لانهم معدمين لا اموال لديهم وليسوا سارقين بالطبع. فهذا امر عجيب بالفعل.

Quote: والزمن بينا..بقيت تباري فقاقيع دارفور كمان...

دعك من فقاقيع دارفور بالله عليك يا عادل انت من اي كهف فقعت ايها العنصري؟
هذا العنصري بات لا يري في دارفور شيئا يحرك ضميره المتحجر وهو كجلابي اكثر سؤءا وعنصرية من الكيزان انفسهم . وهذا هو حقيقة ما اوصلنا اليه العقل الجلابي الشرير الذي ببراعة مذهلة صنع الكيزان ووفر لهم ثقافة العنصرية، والحط من شان الاخرين كانهم ليسوا بشرا خلقهم الله. ولهذا جاز له ان يوصمهم بكل ما لا يليق، ويصفهم حتي بما لا معني له الا في العقل الجلابي الخاوي الخرب هذا. ويقتلهم شر قتل ويرقص فرحا علي جثثهم ولا عزاء؟
هذا نموزج غريب في البشرية في القرن والواحد والعشرين؟

Quote: يا زول انت عايش وين الاثيويبين دخلوا الى عمق السودان بحوالى 69 كيلو فى المناطق الشرقية دى غير الفشقة فاذا كانت دى اثيوبيا التى تعانى من المجاعة فما بالك بالصين ؟

عبد الواحـد،

قربت تقول: فاذا كانت دى اثيوبيا التى تعانى من المجاعة... ما تيب!

فاذا كانت دى اثيوبيا التى تعانى من المجاعة، فما بالك بالإرجنتين؟
طبعا ممكن تقول أى عبارات زى دى ما دام مافى نقاش للموضوع المطروح.

Quote: انت عايز الناس يقعدو في جحورم دي لبتين...طيب الحكومة الما عجباك دي سقطا بالانتخابات وتعال ورينا التنمية البتفهما انت

مساك طيب ياعسكورى

هذا الموضوع يشغلنى من ناحية اكاديمية وبالتحديد المسئولية الاجتماعية للمستثمرين ومبدأ الشفافية فى التعاملات اللى من النوع ده
متابعة للبوست ده من بدايتة وساعود ان هون الزمن القواسى ولكن استوقفنى تعليق الاخ عادل اعلاه؟

ومن التعليق ده بسأل عن اهداف التنمية؟
على اى المعايير تتم تنمية اى منطقة؟
هل تتم بتشريد الاهالى من مناطقهم باسم التنمية؟
هل الصين دولة لها معايير اجتماعية تتبناها فى حالة الاستثمار فى اى منطقة فى العالم؟

واتمنى اسمع رؤية الاخ عادل

ورمضان كريم

العزيزه دكتوره إشراقه

سعيد جدا بمتابعتك لما اكتب وبمشاركتك

كما تعلمين لقد ظللت اكتب عن موضوع الحماداب قرابة العقد من الزمان... وقد ادت هذه الحمله التي قادتني الي الصين العام الماضي ( شانغهاي وبكين) الي تسليط الاضواء علي الدور التدميري الذي تقوم به الصين للمجتمعات والبيئه في افريقيا... بسبب هذه الحمله تمكن زميلنا بيتر بوسارد من شبكة الانهار الدوليه من الاجتماع بي رئيس بنك الاستيراد والتصدير الصيني ( اصبح البنك اكبر بنك يقدم ضمانات الصادر في العالم كما تفوق المعونات التي يقدمها تلك التي يقدمها البنك الدولي وصندوق النقد مجتمعتان واصبح البنك يقدم تسهيلات بعشرات البلايين للشركات الصينيه لتعمل في دول افريقيه تكتنفها الحروب الاهليه والنزاعات (الكنغو والسودان) فمثلا قدم البنك تسهيلات بحوالي خمسه بليون دولار لجمهورية الكنغو لاحتكار موارد التنجيم فيها... وقد اثارت هذه حفيظة المنظمات الحقوقيه ووكالات التنميه الدوليه لان من شأن مثل هذه التسهيلات تعميق النزاع الداخلي ودعم طرف ضد الاخر...)

يقودنا ذلك الي ما اشرت اليه من ( المسؤوليه الاجتماعيه للمستثمرين) حيث اتضح ان بنك الاستيراد والتصدير الصيني وغيره من المؤسسات الصينيه والشركات لا يتبعون اي موجهات محدده تضبط سلوك شركاتهم او الشركات التي يقدمون لها التسهيلات. كما ثبت ان الصين تمنح تسهيلات لكل من هب ودب دون ان تأخذ في الاعتبار ما تثيره هذه التسهيلات من تحولات خطيره في انظمة الحكم الفاسده وتعميق لقبضتها علي شعوبها.كما ثبت ان الصين تمنح التسهيلات دون معرفه بالانظمه المحاسبيه في تلك الدول كما انها لا تعير اهتماما بما يجري داخل تلك البلدان من نزاعات داخليه تساعد اموالها في تعميقها.

بعد الكثير من الضغوط وتكالب المنظمات الحقوقيه علي الصين واستثماراتها بدات الصين بصوره جاده في وضع موجهات ضابطه لعمل شركاتها في الخارج ( اطلعت علي مسودتها).

استراتيجية الصين الحاليه تقوم علي الحفاظ علي معدل النمو الحالي (11%) باي صوره.. وللاسف تقع هذ الب ( اي صوره) علي شعوب افريقيا في الدول المفككه والضعيفه كالسودان والكنغو وانجولا وتجري الان اكبر محاوله لتمليك مئات الالاف من الصينيين اراضي في موزمبيق ( كنت في موزمبيق في نوفمبر الماضي) ويقول الموزمبيقيون ان الرقم الفعلي للصينيين المستهدف توطينهم قد يصل الي عشرين مليون والحكومه تعلن اثنين مليون فقط.
كثير من الافارقه يعتقدون ان بإمكانهم الاستفاده من الصين واموالها( حتي لو نكاية في الغرب) ولكن واقع الحال يقول ان الافارقه خرجوا من استعمار ليدخلوا في اخر اشد قسوه وفسادا... الحديث عن الاستعمار الصيني ليس حديثي انما قاله الرئيس الجنوب افريقي السابق ( تابو امبيكي) احد اخلص حلفاء الصين في القاره...
لا تكترثي كثيرا لبعض المتداخلين هنا... فمن ثمارها تعرفونها... وهذا هو حال السودان كل من فك الحرف نصب من نفسه عالما....!

انتظر مساهماتك

عسكوري

Quote: واتمنى اسمع رؤية الاخ عادل

الاخت العزيزة اشراقة
تحية طيبة
رؤتي قدمتها في اكثر من بوست حول تطوير الاقليم الشمالي من الجيلي لحدت حلفا(المكتبة والارشيف)
ولن اقدمها مرة اخرى في بوست هذا المدعي والفاشل ..لان المسيح قال(لا تلق الدر للخنازير)..لكن عشان خاطرك بديك رؤيتي فقط عن التنمية 2008

Quote: الديموقراطية والتنمية في السودان عادل الامين [email protected] الحوار المتمدن - العدد: 1815 - 2007 / 2 / 3 اهم ما يميز الجهد الفكرى المجسد لتقارير التنمية البشرية الصادرة حتى الان هو المنهجية المتبعة والمرشدة لصياغة الاستنتاجات والتوصيات العلمية الهادفة لتطوير وتوسيع البرنامج القطرية والاقليمية والعالمية فى هذا المضمار وتتمثل هذه المنهجيةبطابع متجدد ومستند الى معطيات وتناقضات الواقع الحافل بالمتغيرات وهى ترتكز على دعامتين اساسيتين هما صياغة مفهوم للتنمية البشرية من ناحية والعامل الاخر هو مؤشر قياسها من ناحية اخرى(الاحصاء) ************ ولاول مرة فى الادب التنموى العالمى تعرف التنمية البشرية على نحو محدد واضح بانها:عملية توسيع خيارات الناس والمقصود بخيارات الناس هو الفرص المبتغاة فى الميادين الاساسية فى الحياة الانسانية بصورةشاملة وتتلخص فى الغايات التالية: 1- تامين حاجات الاجيال الراهنة دون الاضرار بامكانات الاجيال القادمة علي تامين احتياجاتها 2- المحافظةعلى التوازن البيئى بمكافحة التلوث البيئى وتخريبها والسعىلاستخدام رشيد للموارد وتطويرها بصورة بناءة 3-العنايةبالغايات الاجتماعية واهمها اجتثاث الفقر والعنصرية والقضاء على البطالةوتوفير فرص عمل متكافئة للمواطنين وتحسين توزيع الدخل الوطنى على الجميع ولا فرق بين المركز والهامش بهدف تحسين مستوى معيشتهم وتطوير نوعية حياتهم 4-تاكيد قيم الحرية وحقوق الانسان والديموقراطية بهدف احترام كرامة الناس وكفالة امنهم وتمكينهم من المشاركة فى رسم مستقبلهم وفى عملية صنع القرار فى بلادهم وكذلك توفير الوسائل والآليات الضامنة لادارة ديموقراطية وشرعية للحكم وارساءه على سلطة القانون والمؤسسات المنتخبة والدستورية على المدى البعيد ... *********** هكذا ياتى التقرير الآخير عن التنمية البشرية ليسجل اضافة نوعية فى بلورة الفكر التنموى المعاصر وتاصيله ويؤشر الى ميادين عمل اساسية ومهمات جوهرية لتحسين نوعية حياة الناس ولازالة الفقر ومظاهر التفاوت الاقتصادى والاجتماعى على صعيدين القطرى والعالمى..وبهذا المفهوم السليم للعلاقة بين حقوق الانسان والتنمية البشرية تتساقط المزاعم القائلة ان الحقوق الاساسية هى نوع من الترف والكماليات..بل يتعين علىالتشديد على التنمية الشاملة والمجدية لاى مجتمع لا يمكن بلوغها دون الاستجابة الحقة والكاملة للحقوق والحريات التىتمثلها الديموقراطية والمنابر الحرة ..وهذا ما يجب ان يتنبه له الموقعين اليوم الاحد9/1/2005 فى كينيا..من اجل مرحلة جديدة فى السودان..كما يجب ان تعى رموز واحزاب السودان القديم دون استثناء ان المرحلة القادمة مرحلةتنميةبشرية واعادة اعمار وان يجب عليهم ان يتخلصو من خطابهم القديم المترف ويتحدثو عن المشاريع التنموية واعادة اعمار الارض والانسان...

كلامي البكتبو هنا في البورد ده بفهمو كل السودانيين ما عدا مختلي الوعي والشعور من شيوعيين وكيزان المركز والهامش..والواقعين من جمل بتاعين دكتور فيل فقاقيع دارفور.. وانا ااتعاطف مع الجنوبيين وناس جبال النوبة..لان اخلاقهم عالية ..وحققو مكاسب جيدة عبر نيفاشا..واي حاجة غير كده تشويش..يعني ما عندنا صور نعرضا لحرق الجنوبيين في القطارات بواسطة جنجويد دارفور(القبائل العربية) عبر العصور وابادة النوبة من الدباب خليل..والذين تحولو الي وباء داخلي يؤذى مواطنين دارفور نفسها(endemic disease
..........
خليه هو يجاوب سؤال واحد
1- اين مشروعك لتنمية شمال السودان الذي يصلح بديل..لما يقوم به حزب المؤتمر الوطني الان بطريقته الشنيعة؟؟
يعني خت لينا صفر في سد مروي..وصفر للصين ولمصر..ورينا الدولة الممكن تنفذ مشاريعك البديلة للسودان؟؟من الدول الغربية(الغزال الفوق في السلم)..ورينا مشاريعك البديلة شنو؟؟
مع العلم ان السد العالي في مصر عملو السوفيت ..بعد ما تدللت امريكا على عبدلناصر
والدول الراسمالية اصلا تاجر كبير ليس بها ذرة انسانية لتطور دولة من دول العالم الثالث ويريد اعلامها ان بشوه الصين كما كان يفعل مع الاتحاد السوفيتي سابقا..ويجد في هؤلاء المتسكعين ضالته
وهذا المتسكع الكبير يريد ان يقبع الشمال في الظلام..عشان الناس ما تقول ناس الانقاذ عملو لينا سد..ويحرض المساكين هناك..عشان يموتو ويجي يولول مع ناس البسوس هنا..

الاخ عرابي

التحايا

شكرا للمرور والاضافه

Quote: فهو يدافع عن الصين الشيوعية الكبري لانها تملك الدراهم والملاليم. ويسب الشيوعيين في السودان فقط لانهم معدمين لا اموال لديهم وليسوا سارقين بالطبع. فهذا امر عجيب بالفعل.

العزيز عربي يعقوب
سلام
شفت كلامك وهذيانك الفوق ده كلو خارم بارم ساكت

لكن عجبتني المقارنة بين شيوعية الصين وشيوعية السودان(الغزالة الفوق في السلم) وكمان نعتهم بالفلس وانهم ما سراقيين...الكلام ده عن خفة اليد الثورية تخصص عادل عبدالعاطي..الموقوف من هذا المنبر الحر
شفت يا عزيزي
عشان توعي بالمجان باريني وتابع ما اكتب ..شفت البوست في اللنك الفوق ده عن سباق المسافات الطويلة هو كتاب عن التجربة الصينية التي جعلت منها عملاق اقتصادي (كتاب رحلة الي الصين)
ذاكر فيه كويس..افيد لك
بعدين تعال عك في سوق الله اكبر...
اكثر ما يميز شيوعيين السودان وكيزانه هو الجهل المركب..والانغلاق
نجيب اللنك تاني
سباق المسافات الطويلة(4): ما الذى يجب ان يتغير فعلا في السودان؟؟!!!


وما ترد قبل تقراه كويس
وبعدين قبل ما تلوك مفردة جلابة الباهتة دي...اعرف ان ازمة دارفور تكمن فى منافقين دارفور نفسها من ولاة ومسؤلين تابعين لحزب المؤتمر الوطني يمارسون القمع ضد اهلم ارضاء للطغمة الحاكمة في الخرطوم ما عدا المنتمين للحركة الشعبية..وما حدث في كلمة هو بايدي الجنجويد(قبائل دارفور وملشياتهم)...وادناه في مكانه..يعني المرض ده داخلي يجب علاجه في دارفور نفسها ومن ابناء دارفور نفسها...والماسي الحاقت بالسودانيين من 1989 كثيرة فقط ما كان في انترنت وتصوير بالموبايل...وفي زمن امريكا قد دنا عذابها..كانت الانقاذ لتي تنكل بكل ابناء الشعب لسوداني على اكتاف ناس دارفور..من نوع اذا اعطوه رضا واذا منعوه سخط...لا رؤي ولا اهداف حقيقية تخلينا نحترمكم ذى الجنوبيين وناس جبال النوبة واتفاقية نيفاشا 2005- 2011
واحداث دارفور 2003- 2008....تخص حزب المؤتمر الوطني وحده وجنجويده..وكل المنتمين اليه
وناس المؤتمر الشعبي وعدلهم ومساواتهم يعني كيزان الهامش× كيزان المركز

الاخ عبد الواحد

شكرا للمرور والاضــافه


تحياتي

يا ابو الريش
ســلام

بس شان تعرف انه كلام الفساد ده ما كلامي انا براي... الرئيس الصيني نفسه بقوله....!

Quote: قال الرئيس الصيني هو جينتاو ان الحزب الشيوعي الذي يترأسه فشل في تحقيق تطلعات الشعب. وفي كلمته الرئيسية امام المؤتمر السابع عشر للحزب شن هجوما على المسؤولين المبذرين في العيش والفاسدين. جاءت انتقادات الرئيس هو بينما كان يقيم اداء الحزب مؤخرا امام كبار قادته. (.....) وانتقد بشكل خاص زعماء الحزب الذين يستغلون مناصبهم لمنافعهم الذاتية، وهي قضية يتحدث عنها الرئيس عادة. موجها حديثه للاعضاء الـ 2200، قال الرئيس: "ان عددا قليلا من كوادر الحزب ليسوا بالامانة والاستقامة المطلوبة". واضاف: "ان بذخهم وتبذيرهم وفسادهم لا يزال يمثل مشكلة خطيرة".

http://news.bbc.co.uk/hi/arabic/news/newsid_7044000/7044873.stm

Quote: وفي كلمته الرئيسية امام المؤتمر السابع عشر للحزب شن هجوما على المسؤولين المبذرين في العيش والفاسدين.

الأخ على،
سلام وتحيـة..

يا أخى دا يورى أنك لم تقرأ ما كتبته أنا.. الجديـد شنو فى كلامك دا، موش ذكرت انا أن أكبر مسـؤول حزب
فى شنغهاى حكم عليه بالإعدام عندما أدين بالفسـاد؟ غايتو متابعة البوست دا تقوم النفس..
يا أخى كم مـرة قلت لك أن الفسـاد فى كل مكان، حتى فى الصين والمانيا وأمريكا وبريطانيا، التى دفعت
بلايين الدولارات لأحد أمراء الخليج فى صفقـة أسلحـة.. ولكن خلافى معك أنك تريـد أن تلصق الفسـاد فى الصين
فى الحكومـة الصينية. وها أنت تأتى بدليل فى صالح حجتى، وليس حجتك، أن الحكومـة فى قمتهـا جادة فى
محاربـة الفسـاد، حتى فى الحزب الحاكم وليس الشـركات فحسب.

يا ابو الريش

سلام

والله حكايتك معاي صعبه خلاص

تقول

Quote: ولكن خلافى معك أنك تريـد أن تلصق الفسـاد فى الصينفى الحكومـة الصينية.

يا اخي انا لا عايز الصق فيهم ولا حاجه ... هم نفسهم معترفين بيه.. دي حاجه..!
بيبقي سؤالك إنه انا ليه بكتب عن فسادهم وما بكتب عن فساد امريكا او فساد انجلترا او غيرهم؟ وجاوبتك علي السؤال ده وقلت ليك لانه الحكومه الصينيه متكفله بحماية نظام الانقاذ وبتدعمه وتحميه... عشان كده انا بكتب عن فسادها الخ...
انا ما عارف ليه انت ما قادر تشوف السبب البخليني اكتب عن الصين... لو انجلترا او امريكا دعمت نظام زي الموجود في الخرطوم تأكد برضه حانكتب عن ذلك

وقعت ليك يا صديقي...

Quote: انا ما عارف ليه انت ما قادر تشوف السبب البخليني اكتب عن الصين... لو انجلترا او امريكا دعمت نظام زي الموجود في الخرطوم تأكد برضه حانكتب عن ذلك

الأخ على،
تحياتى..

أولا الحرب على الفسـاد يجب أن لا تخضـع لحسـابات السياسـة، فلو الإنسـان أسـاسـا تصـدى لمحاربـة الفسـاد
فى العالم، فيجب أن يحاربه، بدون ربطـه بموقف الدول الفاسـدة من قضيتـه.. وأمريكا تدعم نظام الخرطوم
بأكثر مما تفعل الصين، التى تبنى السدود وتحفر الأبار.. أمريكا امتنعت عن التصويت فى مجلس الأمن فى
قرار إرسال القوات الدوليـة، حين أيدت الصين ذلك القرار (أرجو تصحيحى إن أخطأت فى هـذه المعلومة).
أكبر مستفيـد من الإنقاذ سياسيـا وأمنيا هى أمريكـا، وبالمناسبـة، فإن الشركات الصينية المنقبـة عن البترول
أسهمها متداولـة فى وول ستريت، وبذلك فإن عائدات البترول تذهب الى جيوب الأمريكان!! شفت كيف؟
وحين تبحث الصين عن المواد الخام وسـوق لمتجاتها، كما تفعل الدول الأخرى، فإن أمريكا لا يهمها المال
(المباشـر)، بقدر ما يهما بسط سلطتها على العالم (المال ملحوق).. والدليل صرف مئات البلايين فى حرب
العراق وأفغانستـان.. ومئات البلايين فى التنصت والتجسس ومراقبة مواطنيهـا داخل حدودهـا!!

أعرف السبب الذى يخليك تكتب عن الصين يا أخى على، ولكن كصديق لا أحب لك إعتماد الغاية تبرر الوسيلـة.
حديثك أعلاه يوضح أنك تعلم الفسـاد فى أمريكا وإنجلترا، ولكنك تمسك عن الكتابة عنه لأنهم (فى رأيك)
ضـد حكومـة الإنقاذ. و هـذا ما تفعله أمريكا وبريطانيا فى العالم، يمسكون عن أكبر دول فاسـدة ودكتاتوريـة
فقط لأنها لا تعاديهم، ويعادون ديمقراطيات لأنها وقفت فى جانب أخـر من الطريق غير موقفهـم!!

عسكوري تعالوا لينا بجاي اتفرجوا في محن الحكومه وادونا رايكم....
فضيحه بجلاجل فعلا ل(حكومة السودان)مش زي فضيحة (بندر) لامنستي!!

يا ابو الريش

التحيه

يا اخي انا مبدئيا بدين الفساد اين وجد وفي اي محله... لكن لا ياخي انا لايمكنني متابعة كل الفساد في العالم والوقوف ضده.. هذا امر مستحيل... يعني لو مثلا في فساد في وزارة السياحه في ( سينت لويس) او جزيرة مدغشقر، او فساد في توزيع الاراضي في ارمينيا، او في النظام المصرفي في ليشنشتاين... وفي فساد في جرين لاند وقواتيمالا.. اتابع ليك ده كله كيف... يا اخي ده كلام مستحيل..
البحصل في الواقع انه الناس في المناطق المختلفه ديه بتابعوا قضايا الفساد في مناطقهم وتشعباتها ومن ثم يعكسوها للراي العام المحلي او الدولي.. او بطريقة اخري يكون في شخص مختص بمتابعه نشاطات شركه او مؤسسه محدده ويكتب عن ممارساتها اينما ذهبت...
لكني صدقني ما تطالب به لا يمكن ان يقوم به فرد واحد مهما كانت مقدراته.. منظمة ترانسيبرنسي انترناشونال ما قادره تعمل الحكايه دي ولا اجهزة المراقبه العديده حول العالم ما قادره تتابع الفساد عايزني انا اتابع ليك فساد الارض كله عشان اكون زول موضوعي في وجهة نظرك..وبعداك يكون عندي الحق اكتب عن فساد الحكومه والشركات الصينيه...!
واضح جدا انك ما عايزني اكتب عن الفساد في الصين لكن باكد ليك لن اتوقف عن هذا الامر، وبعد نتحلحل من موضوع الصين بنشوف البعدها منو... دعوتي ياسيد هي ان نقوم بما يلينا من واجب ونوضح ابعاده للعالم... واذا كانت لنا طاقه اكثر ممكن نشارك اخرين في مواقع تانيه لملاحقة الفساد لكن لا يمكن ان نترك ما يحدث من فساد في السودان ونذهب لنتحدث عن الفساد في ترينداد وتبوجو..

يحتاج السّودان إلى الكهرباء، مثله في ذلك كمثل أيّ دولة على وجه المعمورة. فهل يا تُرى يمكن لسدود إدارة السّدود أن تمدّنا بما نحتاج من كهرباء؟ في هذا الشّأن دعونا نتناول أكبر السّدود التي بالفعل قامت إدارة السّدود (أو كادت) أن تفرغ من بنائه، ألا وهو سدّ مِرْوِي (وليس "مَرَوي)؟ ظلّت إدارة السّدود تُكرّر في كلّ مجلس ومقام أنّ كميّة الكهرباء الموّلدة من سدّ مِرْوِي ستبلغ 1200 ميقاواط، فهل هذا صحيح؟ وهل هذا ممّا يقول به العلم، أم أنّ المسألة لا تعدو كونها كلاماً سياسيّاً للاستهلاك؟

Quote: الوهم عادل آمين ما تضيع زمنك معاه...دي ناس ربك يشفيها بس وزي ما قلت ابو الريش اي زول يقول له الصين ينط يقول لها امريكا رغم انه امريكا منحته جوزا ولال لما دخل الصين ذاته,والصين لو آذن ما بتمنحه جواز لكن تقول شنو ناس ما بتعرف تحمد ربها وتشكر امركيا ربة نعمتهم:

البسوس..في هذيانها العظيم..وتناقضاتها المزرية

انت ما وصية على الناس هنا..يرد ولى ما يرد..لاني بكتب هنا في منبر حر وفي اكثر من زائر بمر وبقرا وبيفهم..وانت وعسكوري وجهين لعلمة واحدة...غير ديموقراطيين وعيا وسلوكا..
....
امريكا ليست ولية نعمتي ذى ابوريش...وهي الصنعت وباء الايدز والكيزان في الحرب الباردة ومسؤلة من كل النتائج المترتبة عنهم وعن ممارساتهم من كابول لحدت الخرطوم..حتى نحدد م هو الطيب او الشرير او القبيح..(ذاكري شوية في السياسة الدولية)
وبحترم الصين لانها قدمت مشاريع تنمية عبر خمسين عاما دون من او اذى..وكانت تعالج اهلنا في مستشفى كريمة مجان بواسطة اطباء صينيين
واحترم المانيا لانها عملت مشروع كهرباء في كريمة انار كريمة والقرى جوارها وهذه المشاريع الكانت موجودة من ابوحمد لحدة حلفا والقري التي تقع في الظل بين المدن بربر الي ابوحمد ومن ابوحمد لكريمة ومن كريمة لدنقلا ومن دنقلا لحلفا الي يومنا هذا تعيش في القرن السابع
وكمان نسيت اشكر المانيا لانها عملت طريق نيالا -كاس - زالنجي ...زمن الرجل لعظيم د.قرنق بتاع دارفور ..الوالد ابراهيم دريج...وليس معني ابدا بفرنسا(المخنوثة) بتاعةفقاقيع دارفور دي..
..........
ويا البسوس...اذا انا وهم...انت..ظاهرة كيبوردية فقط ليس لك صدى سوى في هذا البورد لان تقنية الانترنت غير موجودة في الهامش...ويمجدك من هم على شاكلتك هنا..
واذا انا سراب ...انت ظنون
ما تحيات الكابلي
البسوس..داير لي جواز امريكي..ذى الكيزان بتاعين المؤتمر الوطني نافع وقوش ..وعايز امشي امريكا...اسوي شنو؟؟!!

صاحب البوست مكابر


يقولو ليك الحكومة الصينية تعترف بالفساد وتحاربه

تجي تقول الرئيس الصيني ذاتو معترف بالفساد،فسرت الماء بالماء يعني!

والصين دي قوة يعمل لها الف حساب،نشأت من بلد فلاحين وثورة فلاحين

وتتعامل مع العالم وفق مصالحها

لايجب ان ننكر الدور الصيني الكبير في التنمية دون املاءات سياسية

والصين تنين ومرشحة لسيادة العالم 2015 !

Quote: وقد طالبت الولايات المتحدة والاتحاد الأوروبي بمعرفة تطورات هذه الفضحية بهدف تعزيز الثقة في المنتجات الصينية بشكل عام في أسواق العالم

الكلام ده جبتو انت،شوف الناس بفكرو كيف وانت بتفكر كيف !

الاخ عبد اللطيف
سلام

اتهمتني بالمكابره... معليش .. ما فرقت كتير...

تقول

Quote: وتتعامل مع العالم وفق مصالحها لايجب ان ننكر الدور الصيني الكبير في التنمية دون املاءات سياسية

هسي كلامك ده مش متناقض... من باب اولي التعامل ( بالمصالح) بجيب الاملاءات...

في الحقيقه انت متفق معاي لكن ما قادر تكتشف الحقيقه دي... وطالما انت مقتنع ان الصين بتتعامل حسب مصالحها بنكون متفقين... أصلا ده الكلام البقول فيه انا من زمن...!

Quote: الاخ عرابي التحايا شكرا للمرور والاضافه

عسكوري (غير الديموقراطي)
رمضان كريم

عليك الله الزول ضاف شنو
غير الاساءات والاتهامات بالعنصرية...وهذيان الواقعين من جمل المعتاد الجلابة وما ادراك ما الجلابة
.........
انت يا رمز التخلف المعاصر...لان الشيوعية هي رجعية القرن الحادي والعشرين
كان تشكرني ايضا لان العدو العاقل زينا احسن ليك من الصديق الجاهل زيهم..ديل ما بفهمو في السدود اصلا...
وخليك من الحوار المترف عن المقارنة بين الصين والغرب ..لانه ما قضيتنا الان
وجاوب السؤال
ما هي مشاريعك البديلة لتطوير الاقليم الشمالي والمناصير تحديدا؟؟!! مايكون ذى اقتراحك القديم بتاع البصيرة ام حمد و ترحيل ناس بورتسودان للنيل لحل ازمة المياه في المدينة القلتو لينا انا واساسي زمان(فاكر ولى نسيت)
وذى ما قلت ليك في ناس بتقرا...اهو اشراقة جاءت عشان تختنا في الميزان...ابقى قدر التحدي..والاكاديمية هي معاييرنا في هذا البورد...
خليك من الرجرجة والفقاقيع التانية دي

Quote: صاحب البوست مكابر

المكابراب منطقة تقع شمال الدامر
تم نقل عدد من المناصير اليها بسبب سد مروي ...
وعلي عسكوري منهم..ويكون اتاثر بيهم وقالو اصلو جدهم كان يقعد في اتجاه الرياح..ويتمسح..اذا مشيت بعيد منو يقول ليك انا جربان. مالك ماشي بعيد مني؟!...واذا مريت قريب يقول ليك كشحتني بالتراب
.....................................
التنمية الحقيقة تحتاج لديموقراطية من اجل
1- مشاركة المواطينين
2- الشفافية
وانسو موضوع الصين وامريكا
الزول ده زعلان ن سد مروي ..بس

معاكم سلامة
قلنا نرفع البوست للمرة الاخيرة
لحدت ما تجي شطحات جديدة للعزيز عسكوري...

عسكوري سلامات


اخونا عادل آمين ده غير مراخذ وحياتك...وتخيل انا ما بزعل منه....

وعارف نوعه ده بس يستاهل ردرو زي بتاعت عبد الواحد دي

Quote: دى طبعا تهكم وينضوى تحت بندقلت الادب انت ما لك ومال ترمسهم هم شالواالقرعة وجو لى بيتاابوك ولا باعوا نسائهم للانجليز ؟ ولا نهبوا اموال الشعب السودانى خلى الناس فى ترمسهم وارجو ان تبطل محاولات التهكم يا عادل امين .

لانه جهوي وعنصري شوف جنس الكلام ده؟؟؟؟

Quote: المكابراب منطقة تقع شمال الدامر تم نقل عدد من المناصير اليها بسبب سد مروي ... وعلي عسكوري منهم..ويكون اتاثر بيهم وقالو اصلو جدهم كان يقعد في اتجاه الرياح..ويتمسح..اذا مشيت بعيد منو يقول ليك انا جربان. مالك ماشي بعيد مني؟! ...واذا مريت قريب يقول ليك كشحتني بالتراب

يعني زول عايز يختصر قضيه كبيره زي دي في امثال من صناعى عقله المريض!!

زي ده يناقشوا له شنو؟؟؟!!

ده جزء من مقال السيد علي العتباني في مقاله الاسبوعي بالراي العام تحت عنوان

Quote: تحت الضوء قراءة في القائم والمتغير.....الأوراق بيد الحكومة..الإنتخابات خطوة لتفكيك القنابل الموقوتة ضد النظام بتاريخ 22-09-08

http://www.rayaam.info/Raay_view.aspx?pid=296&id=20742
*ملحوظه ( التشديد دخل الاقتباس من عندي)

لاحظ لتعبيره ( كما تم التمكين للصين) في الإقتباس ادناه.. وطبعا الرجل حاول يستدرك واضاف (وفق سيادة القانون) وهي عباره لا تعني اي شيء هنا بل زائده.. و(التمكين) كما عرفه الشعب السوداني يعني كسر وتجاوز كل القوانيين لفتح الطريق لاؤلي الحظوه دون اي معايير وهو بالفعل ما تم في التعامل مع الصين لتمكينها من استعمار السودان اقتصاديا في مقابل حماية النظام.. ولكن هيهات...!
ايضا اشار الرجل الي ( دول اخري) لا ادري ما هي تلك الدول الاخري التي عناها الرجل... وقد اقر الرجل في مقاله بأن العرب دورهم ضعيف.. كما اقر الرجل بان السودان بلد ( منقوص السياده) وهو ما يؤكد زعمنا بان البلاد صارت محميه صينيه... راجع المقال في الوصله اعلاه وانصح الذين يعانون من ارتفاع ضغط الدم عدم مراجعته.

Quote: روسيا والصفقة وإذا تم استخدام الدور الليبي ودور جنوب افريقيا، فكذلك ننتظر زيارة كبرى من مسؤول سوداني رفيع الى «روسيا».. خصوصاً وان السفير الروسي هنا متعاطف مع المسألة السودانية.. ومتفهم لها.. خصوصاً وأن روسيا الآن أصبحت تتصدى للعدوان الغربي على العالم الثالث.. ولذلك يمكن التنسيق مع روسيا في كل المجالات السياسية والاقتصادية.. خصوصاً وأن روسياً قدمت طلباً لتمويل مصفاة بترول عملاقة في بورتسودان، ولا ندري لماذا لا تنال روسيا هذه الصفقة.. فالسياسة في النهاية لابد ان تستتبعها مصالح اقتصادية ونفوذ اقتصادي. ولابد كماتم التمكين للصين في المسائل الاقتصادية السودانية وفق سيادة القانون ومصالح السودان أن يتم التعامل مع روسيا.. ومن المؤكد ان هذه الأشياء إذا تمت ففي مهلة العام فإن السودان ستصبح له «شوكة» مع الصين وروسيا وجنوب إفريقيا وليبيا ودول أخرى في أمريكا اللاتينية القادرة كذلك على التفاهم مع السودان. ولكن هذا لا يعني كذلك انتفاء الحوار مع بريطانيا وفرنسا وأمريكا.. فلابد ان يتواصل الحوار من مركز قوة ومن مركزية المصالح المشتركة والقواسم المشتركة بين هذه الدول.

عادل آمين
اسال ابو الريش من الجواز الامريكي ما انا عشان هو امريكي

Quote: البسوس..داير لي جواز امريكي..ذى الكيزان بتاعين المؤتمر الوطني نافع وقوش ..وعايز امشي امريكا...اسوي شنو؟؟!!

خليه يوريك الدريبات كيف تاذخه وتنفتح لك ابوبا العالم وتقعد تنجعص وتشتم في امريكا!!

الحبيب عربي يعقوب
سلامات

ويازول عادل آمين شنو الصارف فيه عربي قدر ده؟؟؟؟

هذا انسان مسكين يعاني من بوار بوستاته ومرة مرة كده
بيقوم يجيه اسهال اسفيري يهري لك الناس زي
الحاصل في بوست عسكوري ده. فلا تكلف نفسك بالرد عليه.

Quote: وجاوب السؤال ما هي مشاريعك البديلة لتطوير الاقليم الشمالي والمناصير تحديدا؟؟!! مايكون ذى اقتراحك القديم بتاع البصيرة ام حمد و ترحيل ناس بورتسودان للنيل لحل ازمة المياه في المدينة القلتو لينا انا واساسي زمان(فاكر ولى نسيت) وذى ما قلت ليك في ناس بتقرا...اهو اشراقة جاءت عشان تختنا في الميزان...ابقى قدر التحدي..والاكاديمية هي معاييرنا في هذا البورد... خليك من الرجرجة والفقاقيع التانية دي

؟؟؟؟؟؟؟؟؟؟؟؟؟؟

العزيزه تراجي

كيفك

شكرا علي المرور والاضافه... متـــابع

معــأك

بعض لدول الغربية وبالذات بريطانيا عاوزين يقتلو موضوع محكمة البشير ويشيلوا أوكامبو منه لأنه محاكمة البشير حتكشف تورط الدول الغربيةوبريطانيا بالذات في تدريب الضباط السودانين وتسليح الحكومة والجنجويد باللاندروفرات ده غير موضوع البترول ورجل الأعمال البريطاني الأظنه بيدفع للجنجويد

شوف اللينكات التحت دي ومن مصادر (محترمة) وبريطانية




MoD Trains Sudanese Soldiers Linked to Genocide in Darfur - UN
Channel 4 - News - Briton involved in Sudan oil drill
British man involved in deal to drill for oil in Darfur - Wikinews
Sudan Watch: Friedhelm Eronat is behind Cliveden Sudan and Darfur


British firm breaks Sudan arms boycott - Times Online 22 Apr 2007 ... The widespread killings by government forces and their Janjaweed militias ... Allegations about Land Rover first surfaced in a report to the ...
www.timesonline.co.uk/tol/ news/world/africa/article1687275.ece - Similar pages



SEC was checking into reports from the chaotic nation that the janjaweed militia and Sudanese military were able to obtain Land Rover Defenders which ...
www.autoblog.com/tag/land+rover+defender/ - 60k - Cached - Similar page
Ford

Search within results |



فلازم قبل ما يطيروا الموضوع نحاصر بالقانون ونرفع الأمر للمحكمةالدولية وحتى للمحاكم الهنا تدفعهم تعويضات من قلبهم للناس المتضررين زي الدفعوها قبل كده لألمانيا وشركاتها على موقفهم المهادن للنازية في شركات صينية وهندية وماليزية وكيلة لشركات بريطانية شغالة لمصلحة العرب زي ما بريطانيا زمان سلحت حرس القبائل العربية عشان يقتلوا علي دينار ......و


تحياتي

الاخ المنصور

تحياتي

جرجرتنا في موضوع اوكامبو.. وهو كما تعلم خارج نطاق هذا البوست.. لان هذه البوست يتحدث عن الاستعمار الاقتصادي الصيني...

ولكن علي كل حال... لم تصدر الدول الاروبيه الي الان اي قرار لمنع شركاتها ( الشركات الخاصه) من العمل في السودان... الدوله الوحيده التي اتخذت ذلك القرار هي الولايات المتحده...
وحقيقة اعتقد ان هذا واحد من اهم البنود التي يجب علي ناشطي دارفور ان يعملوا علي دفع الدول الاروبيه علي تبنيه... كثير من الشركات الاروبيه الخاصه تعمل في السودان بالرغم من الموقف الرسمي لتلك الدول وكان علي ناشطي دارفور مخاطبة تلك الدول الاروبيه لاتخاذ خطوات وعقوبات تجاه شركاتها التي تعمل مع الحكومه السودانيه...
لا اعتقد ان عمل شركه خاصه في نشاط معين يعني تورط تلك الدوله... فهنالك الكثير من القوانيين التي تحمي الشركات الخاصه في اروبا.. بالرغم من ذلك اعتقد ان اي حمله قويه من ناشطي دارفور من شأنها وضع هذه الشركات في دائرة الضؤ مما يعزز من فرص خروجها من السودان.. كما فعلت من قبل شركات كنديه وسويسريه وغيرها...

شكرا

Quote: هذا انسان مسكين يعاني من بوار بوستاته ومرة مرة كده بيقوم يجيه اسهال اسفيري يهري لك الناس زي الحاصل في بوست عسكوري ده. فلا تكلف نفسك بالرد عليه.

يا البسوس
1-انت وتوابعك الزلزالية في البورد عندكم مرض نفسي..وبوستاتك التي لا توقظ فكرة ولا تهذب شعور مالية الصفحة الاولى وهي لتي تشكل حال كوليرا واسهال اسفيري حاد..لانه في نهر سودانيز اون لاين الراكد وحدها الجيف التي تطفو على الصفحة الاولى...والبوستات الهايفة وبتاعة العلاقات العامة والمشاكل والنزاعات الشخصية...عشان كده ما بنلقي بوستات ياسر الشريف الموثقة او صبري الشريف البتهتم بالفكر..الخ. ..بس انتو عملتو لينا البورد ده دار بورد...
2- والحاصل في بوست عسكوري..انه انا نزلت ليه لنك فيه كتاب كامل عن الصين وسياساتها..وهو زعلان اصلا من الصين بسبب سد مروي...وما عنده موضوع غيره في البورد....ولكنه يطرح قضايا اهلنا في الشمال على طريقة فقاقيع دارفور المتخلفة...في مستوى القبائل وبنو تغلب والحواكيروليس في مستوى الاقليم ..كما فعلت الحركة الشعبية وجبهة الشرق....والسبب لانه مباريكم ومباري امراضكم في البورد ده..ونحن خلاص حجزنا ليكم عند دكتور فيل...ده بالنسبة للفقاقيع الذكور اما انت لانك عزيزة علي حجزنا ليك عند اوبرا...لان مشكلة دارفور نفسية بحتة...اخوان مسلمين عايشين في القرن السابع من ما الله خلقم،حتى كان قرا جامعة الخرطوم حتى كان مشى امريكاياهو كوز انتيكة...سممو وعي اهلهم سنين عددا وايقظو فيهم النعرات القبيلة والعنصرية..ومبارين السامري بتاع المنشية وفكاهم عكس الهوى...
ونحن مشكلتنا في الشمال تنمية... وعلى مستوى الاقليم من الجيلي لحدت حلفا ما عايز واحد معتل يجي يقول لي مناصير وتهميش ومفردات لا معنى لها...هسه عليك الله انت توعيهم ولى تباريهم...؟؟!!
3- طبعا انت يا البسوس دون الاعلان العالمي لحقوق الانسان فارضة وصايتك على الناس وعاملة البورد ده روضة..رجاله اطفال...يا فلان ما تتكلم مع فلان ويا فلان ما ترد على فلان...والله ناقصك البامبرز بس وبسكويت نانا .....الناس ديل ما عندهم ارادة مثلا..ما عندهم راي...طيب عاملين لهم نك نيم وباص ورد على شنو..والغربية بسمعو كلامك....هسه صاحب البوست ابا يجاوب السؤال
ما هو بديلك التنموي للاقليم الشمالي؟؟!!...ما افلح قوم ولو امرهم امراة وفي شكرا ي فلان على اضافتك ويا علان على اناقتك...وكله بيض يكسر بعضه

4- يا عزيزى عسكوري...احسن ليك تسمع الكلام وتكون في مستوى الحركة الشعبية وجبهة الشرق....وتطرح قضاياك في اطار اقليمي وليس قبلي
البسوس..دى كان باريتا...بتلحق امات طه
انا عارفك زعلان من كلامي ده...لكن يوم حتعرفه...
وامشي ذاكر في اللنك الفوق ده فيه معلومات قيمة جدا عن الصين و سياستها الاقتصادية..
وسيبك من البسوس وسالفتا

الاخ عسكوري

with full respect

Eid Mubark

سلام

اتمني ان تكون بخير

as you said ;

الشعب السوداني متضرر ضرر مباشر من ممارستها

but you didn’t talk about USA UK Military training for the Sudan (Official) Army and for the State Security Forces
you didnt speak about it at all !?


http://digg.com/politics/British_MoD_trains_Sudanese_so...o_genocide_in_Darfur
...

http://news.scotsman.com/uk.cfm?id=826472007
28 May 2007

.
Channel 4 - News - Briton involved in Sudan oil drill

.
Briton named as buyer of Darfur oil rights | Business | The Guardian




!British MoD trains Sudanese soldiers






Eid Mubark

سلام

الاخ المنصور

عيد مبارك
وكل سنه وانت طيب

انا راجعت الرابط واللنكات كلها.
بالنسبه لموضوع البترول وتقرير ( القناه الرابعه) كما تعلم هي قضيه متعلقه برجل اعمال وشركه خاصه ومن التقرير لم اعثر علي علاقه للحكومه البريطانيه بها. وكما ذكرت لك سابقا، فمن المؤسف ان الدول الاروبيه لم تصدر تشريعات حتي الان لمنع الشركات الخاصه من العمل في السودان... واقترحت ان يقوم نشطاء دارفور علي حث الدول الاروبيه لاصدار مثل هذه التشريعات.

بالنسبه لتدريب الضباط اعتقد انه حدث مباشرة بعد توقيع اتفاقية السلام ( ويبدوا ان الامال كانت معقوده في الغرب علي ان الحكومه ستغيير من منهجها) وفهمت من ردود الوزير عند استجوابه بانها محاوله لتدريب عناصر من الجيش ( الحركه والحكومه) علي العمل تحت مظلة نظام ديمقراطي... وواضح ان البرنامج تم إيقافه بعد تصاعد الازمه في دارفور حيث لم نسمع به بعد ذلك...
واعتقد انك تتفق معي انه كانت هنالك الكثير من الامال بعد توقيع اتفاقية السلام علي ان السودان سيدخل مرحله جديده...ولكن للاسف دخل المؤتمر الوطني في حرب ضروس جديده في دارفور...

لك التحايا
وعيد مبارك عليك

Quote: وحقيقة اعتقد ان هذا واحد من اهم البنود التي يجب علي ناشطي دارفور ان يعملوا علي دفع الدول الاروبيه علي تبنيه...

هل من عملية الدفع هـذه كشف الفســاد فى أوروبـا؟ أسـأل لأنك قلت لو أن أى دولة أخرى عملت ضـد الشعب السـودانى،
فسـوف تتحدث عن فسـادهـا.. ننتظر الأن الحديث عن فسـاد بريطانيا.

Quote: بالنسبه لتدريب الضباط اعتقد انه حدث مباشرة بعد توقيع اتفاقية السلام ( ويبدوا ان الامال كانت معقوده في الغرب علي ان الحكومه ستغيير من منهجها) وفهمت من ردود الوزير عند استجوابه بانها محاوله لتدريب عناصر من الجيش ( الحركه والحكومه) علي العمل تحت مظلة نظام ديمقراطي... وواضح ان البرنامج تم إيقافه بعد تصاعد الازمه في دارفور حيث لم نسمع به بعد ذلك...

يا عزيزى، هل كل ما لم نسمـع به غير موجود؟ بعدين العبارات التى وضعت انا خطوط تحتهـا، اليست إستماتة فى
التبرير للغرب وبريطانيا بالذات فى مسـاعـدة الحكومـة ضـد الحركات فى دارفور؟

Quote: بالنسبه لموضوع البترول وتقرير ( القناه الرابعه) كما تعلم هي قضيه متعلقه برجل اعمال وشركه خاصه ومن التقرير لم اعثر علي علاقه للحكومه البريطانيه به

وهل يا عزيزى على، عثرت على علاقـة بين الحكومـة الصينيـة وتلوث الحليب التى قامت به شركـة حليب صينيـة؟
أم أن هـذه العلاقة كانت فى معاقبـة تلك الشـركـة وتدمير الحليب الفاسـد؟

يا أخى على، إحترامى لك لا يهتز، هو فى مكانه، وربما هـذا هـو السبب الذى به لا أحب أن أراك تجرفك
معارضـة الصين فى بناء سـدود الشماليـة، فى إتجاه مجافاة الحياد، وفى بعض الإحيان العدل والمنطق.
الموضوع دا ياخى فيه شـويـة تطرف لا يفيـد القضيـة أبـداً.

الود باقى

Quote: وحقيقة اعتقد ان هذا واحد من اهم البنود التي يجب علي ناشطي دارفور ان يعملوا علي دفع الدول الاروبيه علي تبنيه...

هل من عملية الدفع هـذه كشف الفســاد فى أوروبـا؟ أسـأل لأنك قلت لو أن أى دولة أخرى عملت ضـد الشعب السـودانى،
فسـوف تتحدث عن فسـادهـا.. ننتظر الأن الحديث عن فسـاد بريطانيا.

Quote: بالنسبه لتدريب الضباط اعتقد انه حدث مباشرة بعد توقيع اتفاقية السلام ( ويبدوا ان الامال كانت معقوده في الغرب علي ان الحكومه ستغيير من منهجها) وفهمت من ردود الوزير عند استجوابه بانها محاوله لتدريب عناصر من الجيش ( الحركه والحكومه) علي العمل تحت مظلة نظام ديمقراطي... وواضح ان البرنامج تم إيقافه بعد تصاعد الازمه في دارفور حيث لم نسمع به بعد ذلك...

يا عزيزى، هل كل ما لم نسمـع به غير موجود؟ بعدين العبارات التى وضعت انا خطوط تحتهـا، اليست إستماتة فى
التبرير للغرب وبريطانيا بالذات فى مسـاعـدة الحكومـة ضـد الحركات فى دارفور؟

Quote: بالنسبه لموضوع البترول وتقرير ( القناه الرابعه) كما تعلم هي قضيه متعلقه برجل اعمال وشركه خاصه ومن التقرير لم اعثر علي علاقه للحكومه البريطانيه به

وهل يا عزيزى على، عثرت على علاقـة بين الحكومـة الصينيـة وتلوث الحليب التى قامت به شركـة حليب صينيـة؟
أم أن هـذه العلاقة كانت فى معاقبـة تلك الشـركـة وتدمير الحليب الفاسـد؟

يا أخى على، إحترامى لك لا يهتز، هو فى مكانه، وربما هـذا هـو السبب الذى به لا أحب أن أراك تجرفك
معارضـة الصين فى بناء سـدود الشماليـة، فى إتجاه مجافاة الحياد، وفى بعض الإحيان العدل والمنطق.
الموضوع دا ياخى فيه شـويـة تطرف لا يفيـد القضيـة أبـداً.

الود باقى

الاخ أبو الريش
كل سنه وانت طيب

تقول

Quote: هل من عملية الدفع هـذه كشف الفســاد فى أوروبـا؟

طبعا يا ابو الريش يا اخي...! ما هو الان الاخ المنصور بكشف فيه...! زي فساد الرجل بتاع البترول ده... هل اعترضنا عليه...! ما قلته هو ان هذه شركه خاصه، مسجله في ( بريتش فيرجن ايلاند - اوف شور خارجه حتي علي سلطة ضرائب المملكه المتحده.. مما يعني عدم علاقة الحكومه البريطانيه بها)...
يا اخي انا وصلت لدرجة اني اقترحت علي ناشطي دارفور حث الدول الغربيه لاستصدار تشريعات لمنع الشركات للعمل في السودان تحت حكومة المؤتمر الوطني... هذا يعني منعها حتي إن لم تكن تمارس فسادا... لهذا الحد ذهبت...! بعد ده تقول لي يا ابو الريش انا بدافع عن الغرب...! إما إن كانت تمارس فسادا كما تفعل المؤسسات والشركات الصينيه، فمن الضروري ملاحقتها بالطرق القانونيه... وهنا بيبقي الفرق بين الصين والدول الغربيه...! في الغرب ممكن تلاحق الشركات التي تمارس الفساد وتفتح ضدها قضيه... في الصين لا يمكن ذلك، خاصة لشخص من خارج الصين...

تقول

Quote: بعدين العبارات التى وضعت انا خطوط تحتهـا، اليست إستماتة فى التبرير للغرب وبريطانيا بالذات فى مسـاعـدة الحكومـة ضـد الحركات فى دارفور؟

يا ابو الريش انا فسرت كلام الوزير عندما تمت مساءلته حول الامر وحديث الوزير موجود في الرابط ممكن تطلع عليه... وحقيقة كلنا نعلم الامال التي كانت معقوده علي الاستقرار في السودان حيث وعدت الدول المانحه يتقديم 4 بليون دولار كمساعدات للسودان.. اعتقد انك ملم بهذه التفاصيل.... وانا فسرت حديث الوزير بحسن النيه في ذلك الاطار التفاؤولي بعد توقيع اتفاقية السلام... ولكن ارجح توقف البرنامج بعد ذلك فقط من سير الاحداث.

تقول

Quote: لا أحب أن أراك تجرفك معارضـة الصين فى بناء سـدود الشماليـة، فى إتجاه مجافاة الحياد، وفى بعض الإحيان العدل والمنطق. الموضوع دا ياخى فيه شـويـة تطرف لا يفيـد القضيـة أبـداً.

يا ابو الريش.. موضوع الخزانات واحد فقط من الاف المشروعات المدمره التي تقوم بها الصين في افريقيا... انا لست ضد الاستثمار الصيني في افريقيا البته.. انما انا ضد دعم الصين للحكومات المتسلطه علي رقاب الشعوب... مثلا الصين تستثمر كثيرا في جنوب افريقيا .. انا لست ضد ذلك.. وكذلك في السنغال وتنزانيا وغانا وغيرهم من الدول التي بها انظمه اكثر انفتاحا واكثر احتراما لحقوق الانسان.. لا اعتراض لي البته علي ذلك بل اشجعه.. ولكن في المقابل تجد ان اكثر استثمارات الصين ومشروعاتها ترتبط بالانظمه الشموليه الفاسده في افريقيا.. ذلك ما اعترض عليه...

أرجو ان يكون الامر قد اتضح لك لكي لا تصفني بالتطرف... ما نحاول ان نقوله يا ابو الريش هو من الضروري ان لا تكون ملاحقة الصين لمصالحها علي حساب التطور الديمقراطي في القاره... الحاصل حتي الان هو ان استثمارات الصين تعيق التطور اليمقراطي والتغيير في كثير من البلدان... بالرغم من كل ذلك لاحظت في الفتره الاخيره ان الصين نفسها بدأت تنتبه للمخاطر التي تتسبب فيها استثماراتها غير المدروسه جيدا وواضح انها بدأت تعيد تقييمها ونظرتها لاسباب الصراع في المجتمعات الافريقيه ( السودان مثالا)...

العيد مبارك وكل سنه وانت طيب

سؤال ثاني يا عسكوري

تقول الصين بتقدم تنمية في ظل انظم شمولية....وضربت مثل باكثر من نظام منه جنوب افريقيا


عسكوري في متاهته
ولسؤال من صنع هذه الانظمة منذ خمس عقود من الاستقلال...وحارب الديموقراطية التي تاتي بالاشتراكيين
اليس هو الغرب وامريكا؟؟
وكم عدد مخازي الغرب في افريقيا عبر العصور وتجارة الرقيق ونهب النفط ولعلك سمعت بماساة الكاتب النيجيري كين سايرو ويوا وروايته السنة الجحيم الذىرفض الغرب الحر طباعتها....وبريطانيا نفسها اغرقت الصين بالافيون تحت دعاوى التجارة الحرة

دعك من الماضي
مات اكثر من 80000 من التوتسي على ايدي اخوانهم الهوتو برعاية الفرنسيين والامم التي ما اتحدت يوما....وكلهم مسيحيين عشان ما يحسبوهم على العرب والمسلمين والصين..
واذا قارنا بين الصين والغرب افريقيا ...كفة الصين هي الراجحة...وانت محرك سد مروي ساكت والواضح ما فاضح
وانت لا تمثل المناصير وا ادعيت ذلك...لان لهم ابناؤهم في المؤتمر الوطني وفيهم من رضى بامري الجديدة والحمداب الجديدة والمناصير الجديدة والكاميرا لا تكذب في برنامج يوم الجمعة بتاع د مروي..وديل شفت لو جبت ليهم اية من السماء..عن فشل مشروع سد مروي..ما يصدقوك....اقعد في اهوامك دي لحدى ما تستيقظ في 2009 ويفوتك قطار الانتخابات
او باري لي ناس الحواكير وبنو تغلب وبنو مرة وبنو كلاب ديل..لحدي ما نشوف اخرتا..

نخلي ليك ابوريش ده بس...بقعدك في الواطة....

Quote: وجاوب السؤال ما هي مشاريعك البديلة لتطوير الاقليم الشمالي والمناصير تحديدا؟؟!! مايكون ذى اقتراحك القديم بتاع البصيرة ام حمد و ترحيل ناس بورتسودان للنيل لحل ازمة المياه في المدينة القلتو لينا انا واساسي زمان(فاكر ولى نسيت) وذى ما قلت ليك في ناس بتقرا...اهو اشراقة جاءت عشان تختنا في الميزان...ابقى قدر التحدي..والاكاديمية هي معاييرنا في هذا البورد... خليك من الرجرجة والفقاقيع التانية دي

ولسه منتظرين برنامج عسكوري لتطوير الولاية الشمالية او الاقليم الشمالي؟؟
عشان نستفيد

اصلو معارضة بدون بديل...ذى غتاية بدون فتيل

ابعدو لينا من الصين ومصر دي..يا فاشلين
لان التنمية في الشمال لا يمكن ان تتجازهما