كان نبقي في المستقبل بس نحن ما اتمهلنا ؟؟؟؟؟؟؟؟ والتحليل

اعدناها لمن فاتهم قطار الذكري بالنسيان
ان هذا العمل من شعر المبدع

سعد الدين ابراهيم وهو من المجددين الحقيقيين في الشعر الغنائي
السوداني مظلوم ظلم الحسن والحسين هذا النص ابكاني مثل طفل فقد ابوه وامه احسست بضياع مبدعي السودان في ظلامات الهم الدكتاتوري
وهاهو ملحن شاب اسمه ضياء الدين يبدع لحنا قل ان يجود به هذا الزمان انه موهبه حقيقيه جديره بالاحترام والرعايه وهاهي زينب الحويرص تشدو بصوتها السوبرانو الرائع الرقيق فسالت ادمعي من الفرح بعد ان انتهيت من هذا العمل توزيعا ومكساجا
التحليل الموسيقي
هذه الاغنيه تدور بين رحي مقامين موسيقيين هما لا الكبير وسي الصغير المتفرع منه تبدأ بجمله موسيقيه من عبارتين صغيرتين
ثم يبدا المطلع الحزين كان نبقي الخ وهو من اجمل الذاهب الغنائيه التي سمعتها الولد ده ماهيين يا اخوانا خلو بالكم منو هذا الانسان المتقدم فكريا عاني من الامن ماعاني فهرب بجلده وكم فقدنا من هؤلاء المهم ينتهي المذهب بلازماته غير التقليديه متصاعدا متصاعدا حزينا حزينا وينتهي بالاهه الزينبيه الرائعه
وتعود الموسيقي البتقطع القلب لتدخل زينب في فكره غنائيه جديده ليل المدينه التعبي جمله غنائيه تتبعها جمله موسيقيه مساويه لها وكأنها كورس وحينما تصل الي واصلنا رغم السور يظهر المديوليشن او التحول المقامي من لا الكبير الي سي الكبير وقد اضاف شخصي الضعيف هذه الجمله لاضافه التمهيد المقامي للحن الجديد ذو النزعه السباعيه
في يلاك نصنع ريد اجمل من الاحلام في اداء شديد الشفافيه
الي ان تصل نصدح باخر صوت الخ تعبير احتجاجي نبيل
لنعود الموسيقي الاساسيه ثانية
ثم ياتي الكوبليه الاخير يحمل ملامح الاول لحنيا مع تغيير الكلام
الا انه في اخره يتحور قليلا ليأخذ شكلا هتافيا غنائيا ليهدا بكل الاماكن تبقي بستان لاجل هوانا ثم تعود الهتافيه ثانيه لتتلاشي تدريجيا حتي نهاية الاغنيه

سعد الدين وزينب وضياء الدين ما اجملكم

كان نبقي
كان نبقي في المستقبل
بس نحن ما اتمهلنا
وسبقنا عصرنا جينا
لي عصر مابحملنا
وبقينا اكبر منو
وقدرنا واستحملنا

ليل المدينه التعبي
خلينا يرجع اصبي
وشالت سنابل النور
في حقلها المهجور
وعشمنا كان الشوف
لما الماسي تزور
غنينا رغم الهم
واصلنا رغم السور

يلاك نصنع ريد اجمل من الاحلام
انا وانت عصفورين يتبادلو الانغام
نمرح في حضن الشمس
لامن تروح للنوم
نصدح باخر صوت كل الغنا المحروم

نتحمي بالاضواء
ونعانق الانواء
نبقي الطيور والغصن
نبقي الرحيق والدن
كل الاماكن تبقي
بستان لاجل هوانا
ويبقي الزمن قيثاره
نعزف عليها غنانا
نعزف نشيد النصر
نصبح شهود العصر
وسعينا للمستقبل
يادنيا اجمل سعي
وبقينا للمستقبل
رمزلصمود والوعي

الخواض ودعزه والصادق وبكري ابوبكر في ذمتكم الناس كلهم يسمعو العمل ده انا سويت العلي واسمعوا جيل الملحنين الجدد

مبدعنا الموصلى
ان الكلمات واللحن والأداء ...معبر جيد عن أزمة هذا الجيل...وأسمح لى أن أصنف هذه الأغنية ضمن أغنيات الوطن الشامخ..وهذا يكفيها فخارا...كلنا يعلم أن جيلنا الذى ولد فى زمن الديكتاتوريات المتعاقبة وربما الجيل الذى سبقنا..كان محروما من ملاقاة الشمس تحت عمود النور اذا صح التعبير..ولدنا وترعرعنا تحت جنح الظلمة الحالكة..نفتقر الى أدنى حدود الحريات والديمقراطية..وشاعر الأغنية سعد الدين ابراهيم قد خاطب المستقبل بصيغة حاضر ممجوج...والجميل أنه لم يركن الى تشاؤم أو ارتهان لماض...بل كسى المعانى المستبطنه للأغنية بالتفاؤل...وتلاه اللحن المعبر وسوبرانو المغنية التى حمل صوتها مهمة ابلاغ الرسالة وتفسير أحلام مستقبل ما
شكرا مبدعنا على هذه الهدية الرائعة
تحياتى
ودعزة

تحليل جميل ورائع منك يا ود عزه

Is this song available to every for listening one please inform me

الاستاذ الموصلى

لك التحيه
ده المره التانيه ما اسمع الاغنبه
لكن الكلام جميل جميل مافى كلامفيه بس يا ريت نسمع اللحن

الاستاذ الموصلى

ما سامعين الاغنيه ما نزلت لينا ويا ريت نسمعها

الحقونا يا جماعه

يسمع منك يارب ياحمزه لانو بدون سمع التحليل ده ماعندو معني

حمزه يهمني جدا تسمعها عشان الشاب ضياء الدين ده جيلكم وحقو تتعاملو وتتعارفو لو ده ماحصل وتورونا وين مكانو انا عاوزو

استاذنا ما أجملك وانت تتحفنا بهذا الشدو الرائع
حقا احساس الاغنية كلمة ولحن واداء وتوزيع قمة فى الروعة
والعمل ادانى احساس الاخ ضياءالدين إبن اخت موسقارنا العظيم بشير عباس هل حسى فى محلة ؟؟
لو كان هذا الضياء ضياء الدين فأننى ااومن على أنه موهوب وهو حافظ كل الغناء السودانى عن ظهر قلب وهو حاضن لعوده حتى فى المنام
ويازينب سلام وياسلام وسلامى للحبيب ابراهيم الحويرص

يا خال الاغنية جميلة و مسموعة و ويا شباب العندو مشكلة فى الاستماع اليها يمكنه تنزيلها من هنا
http://www.elmosley.org/can.mp3

dear Bakri thanks I'm still at school I will be back after three hours can you make it open with the posy
I appreciate that

شكرا يا ابا يوسف
يديك العافيه

الحمد لله اهو اتحلت عند عزيز
نعم هو نفس الشخص ويقال انو معاكم في اوروبا وياريت تلقوه لينا عشان انا عيز شخصيا اتكلم معاهو

انا ذاتي منتظر وما عارف الحاصل شنو ارجو ان يستمع الاداريون لهذه الشكاوي

استاذى الجميل
فى الغد ربما التقيته فى خطوبة الاخ الفنان طارق ابوعبيده
او سوف اكتب لك رقم هاتفه بعد غد بأذن الله
لك حبى

ياسلام هديه منك جميله
ورائعه الله يديك العافيه تسلم وبالله طارق ده غنو ليهو شديد قوي
وسلم كتير علي انور وخليه يسمع الشغل ده
ويتعرف علي ضياء

نشكر كل الذين ساهمو وابو رايهم في هذا العمل

بناء علي رغبه بعض الاخوه والاخوات الذين بحثوا عن هذا البوست ولم يجدونه هانذا ارسله للمقدمه ثانية

العزيز الموصلي
اه من تفارق وطنك
الموصلي العمل رائع ولكن استاذي هناك اجيال في السودان محاصره بالجوع والفاقه لكن ما اجمل ان تغني ان تلحن انا بعرف شباب ذي ضياء واروع انا بس داير اقول يا ريتنالو نقدر نتلما في وطنا ونسمع بعض
في شاب في بورسودان عمر تاشر سنه عندو الحان يا موصلي جد خطيره انا ما عارف البمرقو للناس منو اسمو دولي شغال في كشك جرايد
ولسه هناك شباب كثر يعانون من الضياع
ولك الود

عزيزي معتصم هذه اخبار مفرحه والسودان بلد ولود وامتنا حبلي بالمبدعين ان شاء الله نتلم كلنا قريب تسلم

!!! الموصلى

يعنى دائما تتحفنا بالجميل المفيد , والله اقول شنو بس , لكن جد كدا فعلا مبدع هذا الضياء وعهدى بك يا استاذ الحن فعلا سلس ورقيق لدرجة البكاء خصوصا يلا نصنع ريد , يعنى تعبير خالص المعنى, يعنى تشكيلة وتصميم للحن باتقان متناهى. زيب دى كنت من الناس المعجبين بيها ايام المعهد ياترى اين هى الان؟ ابقى جيبه لينا هنا فى البورد لو فى طريقة
التحية والتجلة ليك استاذى العبقرى , التحية ليك مجددة ياضياء , وياحويرص خلينى نشوفك , مع خالص امنياتى لشاعرنا الرقيق سعدالدين ابراهيم.

سمندلاوى

ينصر دينك ياسمندلاوي لقد اصابتني الحيره الم يسمع اهل البورد هذا العمل الفني الغريب الذي ابكاني بالساعات
خصوصا مشاركة الملحن الشاب ضياء الدين وصوت زينب الغريب في هذه الاغنيه الحزينه المتفائله يديك العافيه وبالله يابكري خلي عزيز خطاب يجتهد ويشوف الزول ده وين وانا بجيب ليكم زينب هنا

والله ياريت يا ابوهديل , نحنا محتاجين للفن الاصيل وكل عناصرو المتميزة فى البورد العزيز دا و عشان يكون بورد مكتمل ثقافيا وسياسيا واجتماعيا , ودا كلو للامانة والتاريخ

تسلو وكتلر خيرك

بكري عندي ليك اقتراح تنزل لينا صولو كمان
وطبعا بي هندستك ديه تعمل ساوند افكت جميل وياريت لو يكون ارتجال او تنويع علي لحن شعبي او مالوف

والله اقتراح فى محلو , ح حاول اعمل الحاجة دى فى اقرب فرصة ممكنة

دمت

وصلت تب ده الكلام
وحنان حاهز اها

ود عمى

لما اقرا بوستات التحليل بتاعتك دى بلقى نفسى ما عايزة ارد

بتابعها واستمتع بها كل يوم

وبلقى فيها كل الناس الحلوين

شوف كلامك انت وسمندلاوى ده كيف

شئ جميل والله

الله يديك العافية وتتحفنا كمان وكمان

والاغنية جد مميزة


تسلم

يابت عمي
والله انتي فنانه
انا شخصيا معجب بالاغنيه ديه وبفتكر انها نموذج

بسم البديع اللطيف
عزيزى الاستاذ يوسف
لك الود عذرا لطول الغياب ووعدا على بالمواصله والكتابه بعد ان انهيت كل مشاكلى مع الانترنت من كيبل وخلافه؟ ولك الشكر على السؤال والمرسال؟
عودتنا دوما جميل التناول للاعمال الموسيقيه العنائيه
وعودنا سعد الدين جديد المفرده منذ عن حبيبتى انا بحكى ليكم
وكانت استاذه زينب ولا زالت احد اعلام الاداء التعبيرى
سوف اعود فى البوست القادم بمداخله
لك اود

عزيزي انور عودا حميدا
ونحن مابحمل فراقك في النترنت وماصدقنا لقيناك ولنا عوده
المهم اكيد هو ماسمع العمل بعد التوزيع خليهو يسمع واديهو الدعوه مني للمشاركه هنا
واديني تلفونه علي الماسنجر

الاستاذ الموصلى ..انا مندهشه تماما لهذا الابداع المتكامل ..
هل تصدق انا الان فقط سمعت هذا الشدو الرائع والكلمات الرقيقه واللحن والتوزيع لدرجة قف..تأمل
و لى عوده معك قريبا انشاء الله
تحياتى وتقديرى

انا متأكد ياسومه انه نحن حنلتقي في اعمال فنيه
وانا عندي فكره انتاج سي دي كلو من شعراء وشاعرات هذا البورد ايه رايك
لك تحياتي

بدون ترددوالله .. و وانا المحظوظه
شكرا بلا حدود

الفكره حنعملها في بوستات منفصله ولكل شعره او شاعر قصيدتين وندي اعضا البورد فرصه الختيار بين القصيدتين

عزيزى يوسف
مساء السبت الماضى ونحن نحتفل باحد الاصدقاء لانضمامه لنقابه متزوجون بلا حدود؟ قابلت الصديق ضياء الدين ميرغنى واوصلت له رايك وشهادتك وكان يزداد فرحا واظن خطاب ما قصر
انه شاب طموح تشرفت بمعرفته بباريس بمنزل الدكتور عبد الواحد شاعر اليوم نرفع راية استقلالنا
كان هذا صيف 1997 فى دعوه لعقد الجلاد من معهد العالم العربى
باريس
وتوثقت علاقتنا ونحن فى هذا المهجر القسرى؟انه بيننا وبيننا الكثير المثير الخطر؟؟
انه من سلالة الفن اسماء حمزه
وبشير عباس

شكرا عزيزي انور علي معلوماتك الجميله وشكرا انك لميت فيهو لقد كانت زينب تكلمني عنه كثيرا وبفخر وقد اشاد به بشير عباس بشده
وكويس عرفتنا وين د عبد الواحد الشاعر المبدع
وارجو ان نسمع نتاج تلاقيكم قريبا خصوصا عندما يلتقي صوت رويان كصوتك مع لحن ندي من الحان الشاب الجميل ضياء الدين
يديك العافيه

الاستاذ المبدع
الموصلى

دائما توزع وتنظم صهيل كمنجتين
وناى
تعزف على اوتار فجر صحيان
فانت وطن الفن
يسعدنا ان نفهم معناه العميق
وان يحتوينا هذا الابداع

لك عاطر التحايا

وعلى فكره يا استاذ انا كنت من الناس البفتشو على هذا البوست

وللاستاذ انور
سلامى وتحياتى

ولكم ودى
غدى

الصادقه الصدوقه غدي
ان ماتقدمونه لنا هنا انت واهل هذا البورد
الراقي انما يجعل ماهو ات اجمل بكثير باذنه تعالي فلك ولهم مني كل المني طيب الثمر

بسم الواحد الاحد
ابوهديل تمسى وتصبح قى رضى المولى امين
وصلنى المخصوص ودى المحريه فيك
فكر ينضح وراي ثاقب وانا على الوعد والعهد وفى انتظار المهد؟
وده كتير منك لينا ولسه نحن صغار؟
وبينى ما بينك مسافات الغياب؟
لك الود
فقد اكسبت هذا البورد الطعم والنكهه
وعلمتنا
عبرك التحايا الورديه لغدى
انور

عزيزي الشادي الحادي
بيني مابينك مسافات الطريق
وتخسيمة نساوين الفريق
لي زول عزيز
يشرب عصير ريدتنا يسكر
مايفيق
يديك العافيه ياذو النيه الصافيه

العزيز موصلي
حاولت سماعها عدة مرات واليوم فقط فتحت معاى. رائعة كلمات وألحان وتوزيع وغناء .عمل ناضج ومعبر.
شجي ويتسرب أسى شفيف من مكان ما في هذه الأغنية. لا أعرف مصدره تحديدا. فهل ثحسونه مثلي؟
أما ضياء الدين ميرغني فهو إبن أخت للأستاذ بشير عباس
والملحنةأسماء حمزة.غادر إلى فرنسا وانتهى به الترحال في هولندا.أملك كاسيت بصوته ولكن الكاسيت مش ولابد يعني ماواضح
تحياتي للموصلي وكل أهل المغنى

اعتقد ان هذه الاغنيه
تهم الشعب السوداني كله
فهي تذكرنا بمأساة السنوات العجاف ولكنها تبشر بالمستقبل وهذا هو مصدر الشجن
تسلم والزول ده انا معجب بيهو عديل وكان اتلاقي مع المبدع حمزه وطارق ابوعبيده والنو ممكن عديل يعملو ثوره

أبشر بالخير ياموصلي يافنان
أبشروا ياقبيلة الأبداع والفن وياعموم
ناس البورد فلقد جاءكم الفنان
الملحن ضياء ميرغني ساعيا بقدميه نحوكم

والله ده خبر جميل
يعني نغيب نلقي الامر اتصلحت كده بقدوم ناس حلوين
حقو الواحد يديها غيبه تانيه
مرحب ضياء الدين ووين البوست بتاعو ولا لسه الترحيب الرسمي ماتم

عزيزى الاستاذ يوسف الموصلى
اتحفنى العمل رغم انى كنت غير جاهز لسمعه
مطلوب حضورى بالقوة الجبريه فى مكتب ضرائب الثورة
بخصوص ضرائب انا لم املك حتى رقم الضرائب تحت تحت جايبنى لى
6.838.000
نهيك انها ارباح اعمل يعنى هسع ماشى راكز تب
الله اديك العافيه انت وكل مبدعين بلادى
فى الشتات والداخل
عثمان

العزيز المهندس
تحياتي وياخي ده شرف لينا وان تكون ضمن كوكبة مشجعينا فكلهم ذوي راي سديد ولك محبتي

شكرا جزيلا استاذي يوسف الموصلي
والله انني عاجزعن التعبير
كل ما اطمح فيه ان اكون عند حسن الظن
والشكر لكل من ابدي رايه في هذا العمل والوعد لكم بالمزيد ان شاء الله
ضياء الدين ميرغني

انت تستاهل كل خير لانك مبدع بالفطره
ومجتهد وجاد وبالله ماتخلي اي ظروف تحول بينك والمواصله

العزيز الموصلي
اتمني انو الاحباب يقدرو يسمعوها بعد ما يسجوها عندها في الجهاز

للحفظ والسماع معا برنامج ريل بلير
Save @ PC

للحفظ والسماع معا برنامج ميدابلير
Save @ PC

الخواض الرائع تسلم يافنان ياراقي

أبو هديل والعائله وبالأخص شوبان الاونطجي ياربي جاب الجينات دي من وين؟والا برده لطشها من باقي العائله وانتو ما جايبين خبر علي كل
كل سنة وانتم طيبيين ودائما عالم وعالي وملتزم ومسامح وكريم كما وصفك رفيق دربنا الاستاذ عبد الخالق
لاتعليق لي علي هذا العمل الجميل الواعد غير الابتسام ومن ثم الارتياح العميق لما يحمله هذا الجيل الواعد
كلما عليك فعله أن تواصل ما عهدته فيك بأن تكتشف هذه الآلي الفريدة وابرازها والاتيان بها الي سطح البحر وهذا المثال يعكس التزامك وعظمتك وغزير علمك
فالدنيا تسلم وتسليم فالوحدانية والدوام لله
الارض بتلف والرزق علي الله
لقائي معك قريب بأذن الله
سلامي
أخوك متوكل

اخي دكتور متوكل الانسان بحق
برغم اننا نقسو عليك كثيرا بضغوطنا وطموحاتنا الموسيقيه
الا اننا نعلم انك جمل شيل ويبدو ان يدك التي برعت بحمد الله في الطب تميل كثيرا الي البيانو ولكنك تابي عليها ويتفجر ذلك الاباء
الي اهتمام اكثر بالفن في حد ذاته
احمد الله ان شوبان واخوانه واخواته كلهم اخذت الموهبه تسيطر علي حواسهم وهذا من فضل ربي سلامي للاستاذ عبد الخالق والاسره
ولي معك حديثا تلفونيا ان شاء الله

الاستاذ العزيز ابو هديل
تحياتي وكل عام وانت بخير
في جلسة خاصة علي شرف زيارة الاستاذة فاطمة احمد ابراهيم لهولندا
وعندما بدأت في غناء هذا العمل بدأت دموعها في التساقط ولم استطع ان اتمالك نفسى وواصلت بصعوبة شديدة حتي اكمله والدموع تملاء عيناي
ولذلك فلهذا العمل مكانة خاصة عندي وخاصة وانه اكتسب بعدا اضافيا من الروعة بهذا التوزيع الجميل منك والصوت الدافئ للعزيزة زينب الحويرص سلمتم ايها الرائعون

عزيزي الطاهر الاستاذه فاطمه مسكونه بالوطن والوطن مسكون بها فلا غرابه في ان تبكي وهي تسمع الاغنيه الرائعه ولك المستقبل
الموصلي

بناءا علي طلبات الاحباب

شكرا يا استاذي فلقد وصلتني العديد من المكالمات والرسائل البريدية تريد الاستماع الي هذا العمل وبحثت عنه في الارشيف ولم افلح في رفعه . كما ان الوقت مناسب اكثر من اي وقت مضي لعرضه
تسلم يا الموصلي

يلاك نصنع ريد اجمل من الاحلام ))
انا وانت عصفورين يتبادلو الانغام
نمرح في حضن الشمس
لامن تروح للنوم
((نصدح باخر صوت كل الغنا المحروم

ياموصلي بدون تعليق
صمتت حروفي لروعتها
والدمعة سابقت الحنين ...
لك ولهم الانحناء .....نسمه

ياسلام يانسمةفي الغربه
ان نداء المستقبل في هذا
العمل لايدانيه نداء
تسلمي

عزيزي الطاهر ان لحنك هذا نما هو بشير با سوداننا بخير
وقد طالبني ايضا الكثيرون به
دمت

لك ولهم مني جزيل الشكر .الله يديكم العافية ونري سوداننا الجميل بالشكل الذي نتمناه

والله قمة الروعة والجمال
الاستاذ القدير الموصلي
تسلم لهذا الالق
وشنو الابداع ده كله
والله شي جميل يدعو للافتخار
تحياتي

بس حقيقي تاني روعة
الكلمات اللحن التوزيع ووووووووو

العزيزه الشفافه هوزي
ده بس من زوقك
ماهو ات فهو اجمل لانه نابع من وقوفكم
الرائع في هذا البورد معنا

الغالي الموصلي

ضياء دا نبشتو من وين الله يجازيك، والله الأغنية دي عبارة عن جواز سفر، وتأشيرة مفتوحة للعودة إلى الوطن، يعني جد تحس انها مش كلمات وألحان دي عبارة عن وطن في شكل أغنية.

التحية لك ولضياء ولزينب ولسعد الدين إبراهيم

.

الحبيب ود شاموق
ضياء ان وجوجد مثل نصوصك التي تنطق باللحون لاضاف اليها شيئ من روحه الشفيفه
انه الطاهر2
ودايما في حوار معاك
تسلم

العمل جميل بلا شك وعرض النص والتحليل الموسيقى وسَّع بشكل كبير
الفرصة لتناول جرعة تذوقه بتَمَطُق وتلذذ. أهنيك بلا حدود يا أستاذ
موصلى على هذه القدرات الكبيرة فى ظروف المنافى، وأنت تُهرمن هذه التجربة بين سعدالدين وضياء وزينب، وكلٍ فى منفاه، حتى سعدالدين إبراهيم .. أكدت التجربة ايضاً انه من الممكن صناعة موسيقى سودانية من على البعد إذا صح التعبير بتواصل الموسيقيين السودانيين مع بعض من دون وجود فيزيائى فى مكان واحد
مجدداً التحية لسعدالدين إبراهيم وضياءالدين ميرغنى وزينب الحويرص ولك أستاذ موصلى

عزيزي منعمشوف لقد اثبتت التجربه
ان المستمع السوداني بخير وهو يتقدم بخطي حثيثه احيانا تسبق الفنان
ونعتقد ان الاجيال الحديثه قد وعيت وتعرف تماما الفرق بين الغث والثمين وبين الجد والهزل ونحن نعول كثيرا علي الوعي الجماهيري التذوقي فالذوق الموسيقي تربيه
لك ودي واحترامي علي شجيعكم

يا سلام على الاختيار
حقيقى حلوه ومعبره
والتحيه للفنانه زينب
والاخ ضياء
لهذه الاريحيه اللحنيه
وحقيقى حلوه

تشكر حبيبنا حمزه
وعلي فكره هل تم اي تعاون فني بينك وبين سعد الدين ابراهيم
انا بتخيل ان مثل هذا التاون قد ياتي بشيئ من الجده بمكان

وايقاع التم تم
وصوت زينب الحرير
والكلمات الغريبة

واللحن المتموج


والغنية دى كانت وينليها زمن؟؟؟؟


اغنية مختلفة وجديدة وغنية بالتفاصيل الغريبة

سعد الدين وزينب وموصلى

والتهنئة للملحن ضياء الدين ميرغنى لدخوله مع القمم فى مباراة
ورجحت كفة اللحن فيها وتفوقت


اغنية حلوة جد

تسلمي يابتنا الحديقه ياذوق يافهم

لك التحية ايها العزيزة تُماضر
وهكذا يفخر الإنسان بانه إستطاع يبدأ بشكل صحيح . حين يسمع مثل هذا الرأي منك ولتسمحي لي بإستعارة ما اطلقه عليك الموصلي ،ايهاالبنت الحديقة

شكرا استاذ حمزه فكلما كانت اراؤكم حاضرة يكون دافعي اكبر لمزيد من العطاء

منعم صديقي حقيقي انك شفاف

العزيز ود شاموق
قلت لك في اول لقاء بيننا انك شاعر حتي العظم . وانا سعيد ايما سعادة بالراي المكتوب والإستفاضة التي كتبتها في المسنجر .فقد جعلني هذا الراي احس بانك شريكي في الاحساس وكانك احد صناعها.لك التحية واناانتظر ما اشار به اليك استاذنا الكبير وحبيبنا الموصلي

كل الاعزاء لكم عاطر التحايا

رغم اننى استمع الى الاغنية عن طريق التقسيط المريح

ما عارف المشكلة شنو

لكن وبدون مجاملةى الجزء الذى استمعت اليه
يمكننا القول اننا اكتشفنا مواهب مدفونة فى هذا البورد

ويا عزيزى ضياءالدين ولا نقول الطاهر

فانت موهوب موهوب ومزيدا من الابداع

ونصيحتى ان تختار كل النصوص التى تلحنها بعناية وبحرص
ولن نقبل باقل من هذا العمل او النص

وثمة ملاحظة اخرى ولست ادرى ولكن يراودنى احساس ان هذه الاغنية مفصلة تماما على صوت الموصلى مع خالص الاحترام لزينب الحويرص

ولكن استمعو اليها جيدا وختو صوت الموصلى


وملاحظة اخيرة ان هذا البورد اصبح يضم الشعراء والملحنون والموزعون والموسيقيون والعازفون

فلماذا لا نرى ثمار تعاون بين كل هؤلاء

اتمنى ذلك فى القريب

مع تحياتى

خالد

المشروع القلتو ده طي التنفيذ ياشيبه وعندي عدة نصوص رائعه
لاكتر من عشره من شغراء البورد تحت المجهر الدقيق
ووالله كان مناي اغنيها
لانها حلوه لكن صوت زينب في الاغنيه ديه بالذات فيهو شجن غريب
تسلم حبيبنا شيبه

عزيزي شيبا ايها المسكون بالابداع والجمال
وساكون إن شاء الله عند حسن ظنك . فليس من اليسير ان يجد المرء استشارة بمن هم مثلك

استاذنا الكبير الموصلي : دمت يا استاذنا الكبير ، شمعة تحترق لتضئ لنا الدرب وردا وفنا راقيا، أعجبتنا جدا هذه الاغنية ، التحية للاستاذة زينب وللمبدع الاستاذ سعد الدين وللاستاذ ضياء الدين الذي عرفناه فنانا مرهفا لطالما أشجانا بصوته القوي الجميل ولكن كانت المفاجأة لنا ان نكتشف انه ملحن يبدع مثل هذه الالحان الرائعة، ليس ذلك بمستغرب عليه فالولد خال، التحية لكم جميعا ومن قبل ومن بعد التحية لك استاذنا الموصلي

عزيزي المرهف احمد المك
لك التحيه
الحقيقه الاغنيه رائعه وسعد الدين ابراهيم ده مظلوم ظلم الحسن والحسين وهو من اول المجددين في الشعر الغنائي السوداني
الراحل يكفيه انو قال
مع عركي
عن حبيبتي حاكي ليكم ضل ضفايرا ملتقانا
شدو اوتار الضلوع انا بحكي ليكم عن حنانا
وقال معاي
اسالي الشوق في عيوني
قدر ايه جواي مساحتك
قايده في صدري المشاعل
من وهج نيران سماحتك
وقال مع فتحي حسين وعمر الشاغر
العزيزه الما بتسال عن حروفنا
والوحيده الطال عشان جيتك وقوفنا
اما ضاياء الدين فماشاء الله عليهو

استاذي العزيز الموصلي
لا اجد من الكلمات ما يوازيك ولكن بمناسبة عيد ميلادي ربما هي هديتي لكم ايها الاحباب فانا اعبشه في المنفي وليس غيركم من يؤانس وحدتي ويشد من ازري في هذا الشتات . التحية لكم جميعا ايها الاحباب

كل سته وانت طيب يافنان يامرهف
والسنه الجايه كلنا نعمل ورشه فنيه واحده في السودان الحر

بالمناسبة يا الموصلي
عندي عملين لاسامة الشيخ نزلهم في البوم باخة الليل . ممكن تنزل لي هنا الشوق العنيد كلمات احمد طه وتوزيع سعد الدين الطيب مع التحليل الموسيقي لاني ما عندي وسيلة إتصال بالصديق اسامة الشيخ وانت الاقرب ليهو

راجيك يا استاذ الموصلي

سمعت الاعمال ديه يالطاهر
وهي فعلا جميله وحنحاول ننزل منها لي قدام

استاذي يوسف
لك الحب وعلي بركة الله انا بنتظر خبر منك حينما يحين وقتها. وما عارف الم فيك كيف لان هنالك عديد من الاعمال اريد ان ابعثها لك ممكن المسنجر احل مشكلة التواصل دي؟

الموهوب والعزيز احمد الملك
كلنا في الهم شرق .وها انت تجعلنا نتنفي دعاش الارض من خلال كتاباتك فلك التحية

سلام...أغنية جميلة تسلم يا الطاهر..سعد الدين وزينب وتسلم يا الموصلي على التقديم الجميل

العزيز الطاهر اجازتي قربت ان شاء الله كلها تلاته اسابيع واتفرغ
يا
nasmah1981
دخولك البوست ده في حد ذاتو نسمه خريفيه
تسلمي

بالتوفيق يا استاذالموصلي.ربنا دائما يعليَ مراتبك

جمعا يارب العالمين

الله يديك العافية يانسمة ومالك محتجبة ان شاءالله المانع خير