الكلام ده ليك يالمنطط عينيك (لن ابالي)!!!!!!

Post: #1
Title: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 04:55 AM

لن ابالي

امسكو لمن اجيكم راجع باللحن
=======

لو تجوب الافق دوما في اختيال
او تعيد الحرف نظما بارتجال
او تجيد الصمت ردا عن سؤالي
لن ابالي

ان قتلت اليوم قلبي ومقالي
واقتلعت النور من بين الظلال
او تخيف القلب عمدا لارتحالي
لن ابالي

ان رسمت الحزن وجها لليالي
واضعت البدر ضؤا في المجال
كي يضيع العزم او صرخة نضالي
لن ابالي

وبحرف الخوف ادمنت الحروف
ووبنصل الزيف اشهرت السيوف
وتعاديني بما فوق احتمالي
لن ابالي

ان اضعت النقر من بين الدفوف
او قتلت الشدو في قلبي الشغوف
لتداري بالصدي صوت الجمال
لن ابالي

ان سرقت الحزن من قلبي وفني
او حرمت الروح من خفق التغني
سوف اشدو اللحن من وحي الخيال
لن ابالي
============================
ده ماشمار دي اغنيه نرشحها لاسامه علي ليوزعها بكامل حريته
بس مشكلتي انو النص الفي جريدة الاخبار المصريه في التسعينات راح مني
وفاقد اسم شاعرها
الاغنيه دي بتعبر عن الفنان السوداني
في كتير من الفترات السياسية
سجلنا ها في بيت زميلنا المختفي الجميل عمر بانقا
ايدكم معانا يا (المتقوقلين)
الكلام ده ليك يالمنطط عينيك (لن ابالي)!!!!!!

Post: #2
Title: Re: الكلام ده ليك يالمنطط عينيك (لن ابالي)!!!!!!
Author: باسط المكي
Date: 07-04-2009, 05:04 AM
Parent: #1

Quote: ان رسمت الحزن وجها لليالي
واضعت البدر ضؤا في المجال
كي يضيع العزم او صرخة نضالي
لن ابالي
..

استاذ الموصلي
عجلني جميل الكلام والمفردات الجديدة

Post: #3
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 05:15 AM
Parent: #2

نعم ياباسط المكي
فن النص برغ بساطته والصرخة الكامنة فيه
لا انها ممزوجة بانين وحزن نبيل
بيد ان عزة النفس تسود فيه مع التحدي

تيلم وقول ياباسط

Post: #4
Title: Re: الكلام ده ليك يالمنطط عينيك (لن ابالي)!!!!!!
Author: ناهد بشير الطيب
Date: 07-04-2009, 06:20 AM
Parent: #3

الصوت للاستاذة البلبلة هادية طلسم
واللحن للموسيقار الموصلى اكيد

Post: #5
Title: Re: الكلام ده ليك يالمنطط عينيك (لن ابالي)!!!!!!
Author: ياسر بيناوي
Date: 07-04-2009, 06:39 AM
Parent: #4

في رحاب الدهشة نصنقر

سلامات يا استاذ طال الانتظار والله

خالص الود

Post: #6
Title: Re: الكلام ده ليك يالمنطط عينيك (لن ابالي)!!!!!!
Author: محمد عثمان
Date: 07-04-2009, 07:17 AM
Parent: #5

شغل جميل يا استاذ موصلى

حرام حاجة زى دى ما تطلع عشان يسمعوها الناس..

تحياات..

Post: #7
Title: Re: الكلام ده ليك يالمنطط عينيك (لن ابالي)!!!!!!
Author: نادية عثمان
Date: 07-04-2009, 10:45 AM
Parent: #6

ياسلاااااااااااام ياود خالي ياخ

امانة ماك زولاً ضو وسمح الروح والفن والدواخل ياود الإشلاق

ربي يحفظك يارب

Post: #13
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:27 AM
Parent: #7

Quote: íاسلاااااااااااام ياود خالي ياخ

امانة ماك زولاً ضو وسمح الروح والفن والدواخل ياود الإشلاق

ربي يحفظك يارب

بت العمه
امانه الجايي ماسمح تب
كل الموده

Post: #10
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:09 AM
Parent: #6

اي والله يمحمد
نحن مقصرين وفي اعمال كتيره جديده الناس ماسمعوها
===
هل انا قلت ليك انو اكبر اخواني اسمو محمد عثمان؟؟؟

تحياتي

Post: #68
Title: Re: الكلام ده ليك يالمنطط عينيك (لن ابالي)!!!!!!
Author: محمد عثمان
Date: 07-11-2009, 05:50 AM
Parent: #10

Quote: هل انا قلت ليك انو اكبر اخواني اسمو محمد عثمان؟؟؟

يا سلاااام استاذ موصلى

ربنا يحفظكم من كل شر

و عاش ابو هاشم..

تحيااات...

Post: #70
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-11-2009, 10:16 AM
Parent: #68

نعم الاخ ولك هميم المودة

Post: #9
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:06 AM
Parent: #5

ياسر معليش اخرتك لكن كل تآخيره فيها خير
صدقني وللشوق حدود
كل الموده

Post: #8
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:03 AM
Parent: #4

طيب والرجال منو ياناهد؟؟؟؟؟
لكن ياسلام لي الزياره

Post: #11
Title: Re: الكلام ده ليك يالمنطط عينيك (لن ابالي)!!!!!!
Author: د.نجاة محمود
Date: 07-04-2009, 11:11 AM
Parent: #8

سلامات يا موصلي

فقط ضبط اللغة والتشكيل
وتكون تمام...
مع المودة

Post: #14
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:32 AM
Parent: #11

هلا هلا ناس
دكتوره نجاة جو
مرحب والف مرحب
=================
ياريت لو قدمتي لينا خدمة كبيره
ومسكتي النص وشكلتيهو
عارفك مشغوله وانا وهاديه كل واحد عامل فيها سيبويه
لا دي فتحه لانو ده مفعول به لا ديك كسره لانها مضافه الي مكسور
============
ليتك سلكطتي لنا بعض من النقد من المنظور ده عشان
لمن يجي التسجيل الرسمي
نكون جاهزين
كل الاحترام

Post: #40
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-06-2009, 06:11 PM
Parent: #11

اها يادكتوره
عملتي لينا شنو ياخي راجنك
والله هسع بنجي ماليزيا ونكلفك كباية شاي صاموتيه

Post: #12
Title: Re: الكلام ده ليك يالمنطط عينيك (لن ابالي)!!!!!!
Author: ناهد بشير الطيب
Date: 07-04-2009, 11:14 AM
Parent: #8

Quote:

طيب والرجال منو ياناهد؟؟؟؟؟
لكن ياسلام لي الزياره

ادينا خيارات كده نحاول تانى نعرفهم ليك
هم تقريبا البيغنوا اتنين هادية وواحد تانى
وانت الملحن ...والشاعر مصرى...

___________________

انشاءالله الزيارة مقبولة وكده

Post: #15
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:36 AM
Parent: #12

معليش ياناهد جننتك معاي
اها البغنو مع هاديه ديل
السقيد والموصلي
لكن الشاعر راح مني تب بس افتش اسمو

Post: #16
Title: Re: الكلام ده ليك يالمنطط عينيك (لن ابالي)!!!!!!
Author: Manal Mohamed Ali
Date: 07-04-2009, 11:45 AM
Parent: #15

جميلة هذه القصيده يا استاذ..تعبر ايضاً عن احوال لكثير من الفئات والاشخاص (وكل يغني على ليلاه)

هل تتذكر في ااي عام قرأت الجريدة المصرية ؟
سوف يكون البحث عنها في الارشيف ساهل اذا عرفنا التاريخ

والبورداب في مصر وعلى رأسهم سفيان نابري ممكن يساعد بالذهاب الى الجريده والبحث في ارشيفها

Post: #17
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 11:52 AM
Parent: #16

ياسلاااااااام يامنال
شجعتيني
والله لازم تلقو لي لي القصيده يخيل لي بين
عامي ابعه وتسعين وسته وتسعين
سفيان ده (فار مكتب) نمسك الخشب
والله لو لقيتوها لي اكون اسعد زول
كل الود علي كريم زيارتكم
وفعلا كل يغني علي ليلاه

Post: #18
Title: Re: الكلام ده ليك يالمنطط عينيك (لن ابالي)!!!!!!
Author: فتحي الصديق
Date: 07-04-2009, 11:53 AM
Parent: #16

Quote:
ان اضعت النقر من بين الدفوف
او قتلت الشدو في قلبي الشغوف
لتداري بالصدي صوت الجمال
لن ابالي

هذا بوست يفيض بالعذوبة والجمال..أروع هدية لعشاق الجمال بعد الأرشفة..
الشكر الاف ليك يا جميل.

Post: #20
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 12:01 PM
Parent: #18

Quote: هذا بوست يفيض بالعذوبة والجمال..أروع هدية لعشاق الجمال بعد الأرشفة..
الشكر الاف ليك يا جميل.

حبيبنا فتحي
وكما قال الكتيابي
======
في حضرتك حسيت وهج لونك علي عم وغمر

Post: #19
Title: Re: الكلام ده ليك يالمنطط عينيك (لن ابالي)!!!!!!
Author: 7abib_alkul
Date: 07-04-2009, 11:54 AM
Parent: #16

حبيبنا الموصلى
شقل مية مية كلام و لحن وصوت
مش زى شقلك داك مع ناس سماحة جمل الطين
مع خالص احترامى واعتزارى

Post: #21
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 12:27 PM
Parent: #19

Quote: حبيبنا الموصلى
شقل مية مية كلام و لحن وصوت
مش زى شقلك داك مع ناس سماحة جمل الطين
مع خالص احترامى واعتزارى

العزيز حبيب الكل
خلاس بعد كلامك ده غيرن اسمك واصبح
(حبيب البعض) ها ها ها
مودتي

Post: #22
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 01:30 PM
Parent: #21

ده جهد اخونا مغربي في يو تيوب يديهو العافيه

http://www.youtube.com/watch?v=fWlRiCCAxI8

Post: #23
Title: Re: الكلام ده ليك يالمنطط عينيك (لن ابالي)!!!!!!
Author: Maawya Hussein
Date: 07-04-2009, 02:09 PM
Parent: #22

اخوك مغربي بتم جميلو هنا

Post: #24
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 03:23 PM
Parent: #23

ها ها
كده كشفنا سرك هناك ولا انا علطان؟؟
طيب ياخ ما تعلمونا الحركات دي
==========
ميزه
انا شاطر في ويندوس ميذيا
وانا
كيشه في توصيل ذلك للناس
============
يلا يامعلمي

Post: #25
Title: Re: الكلام ده ليك يالمنطط عينيك (لن ابالي)!!!!!!
Author: Maawya Hussein
Date: 07-04-2009, 04:08 PM
Parent: #24

سلام يا استاذ الموصلي ..

طريقه رفع الاعمال لليوتيوب قصدك ولا الكود ولا عمل قناه خاصه في اليوتيوب ..!!

ابدا لينا بي عمل قناه بي اسمك هناك ونتم الباقي ..عمل قناه في اليوتيوب بتدييك مميزات كتيره في حفظ وعرض اعمالك وموادك المفضله في اليوتيوب ..

شوف طريقه العرض دي مثلا

Post: #26
Title: Re: الكلام ده ليك يالمنطط عينيك (لن ابالي)!!!!!!
Author: Maawya Hussein
Date: 07-04-2009, 04:12 PM
Parent: #25

او دي مثلا ..

تحريك الاسهم شمال ويمين لعرض الفيديوهات (المنتقاه) ولاحظ بتتعرض ليك اعمالك الانت دايرا بس بدون اي اقتراحات جانبيه من اليوتيوب

Post: #28
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 04:49 PM
Parent: #26

Quote: تحريك الاسهم شمال ويمين لعرض الفيديوهات (المنتقاه) ولاحظ بتتعرض ليك اعمالك الانت دايرا بس بدون اي اقتراحات جانبيه من اليوتيوب

هل ليوتيوب خاصية تصميم ام انها التخزين والعرض
كما ارجو مزيد من الشرح لكلامك الفوق ده

Post: #27
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-04-2009, 04:24 PM
Parent: #25

اريد ان اتعلم
ضغط الفيديوهات
واريد ان اتعلم كيفية تحويل الفيديو البنصممو بي فيديو فيلم ميكر
بع ندخل عليو الموسيقي
لانو لاحظت انو عندي مشروع تعليمي
في بدايتو الاساتذه في الجامعه معجبين للفكره
لكن لمن احولو من كومبيوتر لي كومبيوتر لازم انقل فايل الاديو معله حتين الادويو يشتغل فيه
فدي تتحل كيف؟؟
وبجيك تاني

Post: #29
Title: Re: الكلام ده ليك يالمنطط عينيك (لن ابالي)!!!!!!
Author: احمد محمد بشير
Date: 07-04-2009, 05:37 PM
Parent: #27

يا سلام يا موصلي.
دائما معودنا علي الجميل

قصيده جاتني في جرح

تسلم
كتير
كتير

Post: #30
Title: Re: الكلام ده ليك يالمنطط عينيك (لن ابالي)!!!!!!
Author: salah ismail
Date: 07-04-2009, 06:15 PM
Parent: #29

الاستاذ الموصلي..
اللحن من اجمل الالحان علي مستوي الوكن العربي.. بلا منازع....لك اشراق بروح الجمال اين ما كنت..

بخصوص الشاعر لم يظهر له اثر..ولكن يمكنك توثيق البحث بصورة اوسع واخراج العمل بكل اشكاليته الي حيز الوجود..
لا تبالي..ايها النبيل

just do it>> make the big mess in the media by bringing him out

will show up one day..

Post: #33
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 05:28 AM
Parent: #30

Quote:
just do it>> make the big mess in the media by bringing him out

will show up one day

صلاح اياه الجميل
لك من الشكر كثيفه
وبالله ايدك معانا في البحث عن هذا الرجل
كي نكون منصفين
مودتي

Post: #31
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 01:17 AM
Parent: #29

Quote: [يا سلام يا موصلي.
دائما معودنا علي الجميل

قصيده جاتني في جرح

تسلم
كتير
كتير]

العزيز احمد
لمن تجيك قصيدتنا في جرح
نحن جرحنا بيطيب
وكن طيبا دوما

Post: #32
Title: Re: الكلام ده ليك يالمنطط عينيك (لن ابالي)!!!!!!
Author: محمد أبوالعزائم أبوالريش
Date: 07-05-2009, 05:15 AM
Parent: #31

موصلي حبيبنا يا جميل .....

هل يكفي لو قلت ليك، وبدون سبب واضح بالنسبة لي، أثناء سماعي للأغنية خطرت في راسي أنشودة الراحل المقيم العطبراوي (لن أحيد).

ياخي الله يديك العافية.

Post: #34
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 01:07 PM
Parent: #32

الصديق
محمد أبوالعزائم أبوالريش

Quote: [هل يكفي لو قلت ليك، وبدون سبب واضح بالنسبة لي، أثناء سماعي للأغنية خطرت في راسي أنشودة الراحل المقيم العطبراوي (لن أحيد).

ياخي الله يديك العافية..

يكفي جدا ويشرفني كثيرا
فالعطبراوي الراحل له باع طويل في غنا الوطن
وما تنسي
فانا سوداني
كل المحبة

Post: #35
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 02:07 PM
Parent: #34

نسيت ان انوه بان العود يعزفه في هذه الاغنية
المبدع علي السقيد

Post: #38
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-06-2009, 12:29 PM
Parent: #16

الاستاذه منال اها مافي خبر كده ولا كده

Post: #39
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-06-2009, 04:09 PM
Parent: #2

للذين لديهم صعوبة في سماع اللحن
يمكن ان ينزلونه من هنا
[QUOTE=Elmosley;215298]LanObali.mp3 (5.37 MB)

http://www.slingfile.com/audio/ryc1Ot5vrX

الموقع سيطلب منكم ان تعمل ليها داون لود جربتها ونجحت بعدين انتو مخيرين

Post: #72
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-12-2009, 04:52 PM
Parent: #2

اما هاديه فسوف ناتي اليها بعد
اكمال الحديث عن علي

Post: #36
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 04:32 PM
Parent: #1

يا اخوانا وين ناس الطاهر
وبكري سمندلاوي
وخدر
ود ابرهيم رعبد الحليم
،ناذر الخليفة
وبقية عصابة الموسيقي
افو هييع

Post: #37
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-05-2009, 09:48 PM
Parent: #36

كيف التقي ثلاثتنا
مت وكيف؟؟
والي اي مدي امتد التعاون بيننا

Post: #41
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-06-2009, 07:11 PM
Parent: #37

علي السقيد يعتبر الدفعة التي اتت بعدنا بسنتين أوسنه على ما اعتقد
فعندما كنت انا في السنة النهائية الخامسة(الثالثة قسم التأليف كان هو في السنة الثالثة (الاولى تاليف) فالدخول الى التاليف يتم في السنة الثالثة من عمر الطالب في المعهد ويتعين على الطالب ان يكون متفوقا ويخضع لامتحان اخر تنافسي للدخول الى قسم التاليف
ونواصل.

Post: #42
Title: Re: الكلام ده ليك يالمنطط عينيك (لن ابالي)!!!!!!
Author: zico
Date: 07-06-2009, 09:13 PM
Parent: #41

لو دعيت للحفل يوما كي اغني
بين باغات الاماني والتمني
سوف اشدوا اللحن من وحي الخيال
ولن ابالي لن ابالي

Post: #43
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-06-2009, 10:48 PM
Parent: #42

زيكو ذاتو ولا الجهاتر العليا؟؟؟
علي ايتها حال كم انا سعيد
ومبتهج وممتن بهذا الحضور البهي
اي واحد منكم يسلم علي التاني
كثيف المودة

Post: #44
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-07-2009, 02:31 AM
Parent: #1

للتنويه المشاركات عن السقيد
اخذها من مشاركات خاصه بي عن السقيد في بوست للصديق مدني
من (بيت السودانيين) بتصرف
============
في معهد الموسيقي والمسرح كان علي طالبا مجتهدا كان يجيد العزف علي البيانو
ولكنه كان بينه والة العود عشق الهي ومافي زول كرهني محاولة عزف العود او التمرين فيه الا السقيد ده
برغم اعتقادي بانني الاسرع في دوزنته فلديا ميزة اختزان الاصوات في رآسي
التي تكاد تنفجر غيظا عندما اري ريشة علي الناعمة الخفيفة حفظه الله وحفظها تنتقل بين الاوتار في خفة وطرب
وفي رآيي آن آنعم ريشة عود سمعتها هي لعلي السقيد، علي عليك الله بطل امور بعض المحترفين في الزهج ولا توقف تمريناتك عليه

Post: #45
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-07-2009, 01:23 PM
Parent: #1

كانت تجمعنا داخلية الديم التابعة للمعهد حينها ومعنا درديري محمد الشيخ مغني
(البلوستارز) الماهل واحمد ربشة صديقي الفنان العظيم الراحل وكان ثلاثتنا دفعة في قسم التآليف
حيث كانت حاجة امنة رحمة الله عليها تشد فولا للبيع لا مثيل له وكوارع كما (السلسيون) وكنا ناتي لنتعشي عندها ونعود للتمرين بالمعهد
واشتهر علي بكثافة تمارينه وعندما يغني انتهت قصة غرامنا بالنسبة لي كان الزمن يتوقف
واصاب بحالة من الاندهاش وكان عندي اعتقاد جازم قد يكون غير صحيح بان ذلك نتيجة لشاكوش حديدي من عينة الحب وكنت اداعب علي بذلك ولكنه كان ينفي ذلك مبتسما.
علي بغني كل اغنياته من صميم الدواخل وصادق في تعابيره
لكن دي بالذات بيغنيها من جووووووووووووووووووووووه

Post: #46
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-07-2009, 09:31 PM
Parent: #1

كل الاغنيات التي غناها لي علي عندها قصص
مثلا
كل النجوم بمجرد انتهيت من تلحينها
جيت الي الداخلية بالديم واسمعتها له
فطلبها مني فورا
ولمعزتي الشديدة له
واعجابي به وافقت فورا
وكل النجوم كانت مدخلا للتعارف بين الشاعر مدني النخلي
وعلي السقيد حيث امتدت العلاقة الفنية بينهما تارة الحان من علي وتارة مني

Post: #47
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 04:28 AM
Parent: #1

نسبة لان اخي بابكر عثمان تزوج من توتي وكنت بزوره كثيرة فقد نشآت علاقة مع الفنان الصديق حمد الريح
وكان قد طلب من دكتور عز الدين هلالي نصا وطلب مني لحنا
المهم تمت دعوتنا للمقيل في توتي الجميلة وذبح لنا حمد الرجل الكريم خروفا شيقا
وقرا لنا عز الدين عدة نصوص اخترت منها سكه نديه
وبدات في كتابة نوتتهاوتوالت التدريبات المشتركة مع حمد الذي كنت اريد ادخاله الي نوعية جديدة من اللحون
وبعد ان تمعن فيها حمد وتمرن اكتشف انها ليست النوعية التي يجيدها ويتعودها فقال لي ذلك صراحة وقد اكبرت فيه ذلك
بدآت تحفيظ الاغنية للمجموعة الموسيقية المعهدية وغنيناها في احدي الرحلات الكثيرة التي يقيمها عمنا يوسف حمد وابنه احمد وباقي الاسرة الذواقة
ولي عودة

Post: #48
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 11:23 AM
Parent: #47

شكرا للاستاذ الصديق الشاعر حسن السر علي ملاحظاته
في موقع شتات
===============
[QUOTE=حسن السر;14725]لـَنْ أُبَالِي

لـَوْ تـَجـُوبَ الأُفـْقَ دَوْمَاً فِي اخْتـِيَالِ
أَوْ تـُعِيـدَ الْحـَرفَ نـَظمَاً بـِارْتِجـَالِ
أَوْ تـُجـِيدَ الصَّمتَ رَدَّاً عَنْ سُؤالي
لـَنْ أُبَالِي ..

إنْ قـَتـَلـْتَ اليـَومَ قـَلْبـِي ومَقـَالِي
وَاقـْتـَلـَعتَ النـُّورَ مِنْ بَيـْنِ الظـِّلالِ
أَوْ تـُخِيـْفَ الْقـَلـْبَ عـَمْداً لارْتِحَالِي
لـَنْ أُبَالِي ..

إنْ رَسَمْتَ الحـُزْنَ وَجـْهـَاً لِلـَّيَالِي
وَأَضـَعْتَ الْبـَدْرَ ضَوْءَاًً فِي الْمَجَالِ
كَيْ يَضِيعَ الْعـَزْمُ أَوْ صَرْخـَةُ نِضَالِي
لـَنْ أُبَالِي ..

وَبـِحـَرْفِ الْخـَوْفِ أدْمَنـْتَ الْحُرُوفْ
وَبـِنـَصْلِ الزَّيـْفِ أَشْهَرْتَ السُّيـُوفْ
وتـُعـَادِيْـنِي بـِمَا فـَوْقَ احْتـِمَالِي
لـَنْ أُبَالِي ..

إنْ أَضـَعْتَ النـَّقـْرَ مِنْ بَيْنِ الدُّفـُوفْ
أَوْ قـَتـَلْتَ الشَّدْوَ فِي قـَلْبـِي الشَّغـُوْفْ
لِتـُدَارِيَ بـِالصَّدَى صَوْتَ الجَّمَالِ
لـَنْ أُبَالِي ..

إنْ سـَرَقـْتَ الحـُزْنَ مِنْ قـَلْبـِي وَفـَنـِّي
أَوْ حـَرَمْتَ الرُّوْحَ مِنْ خـَفـْقِ التـَّغـَنـِّي
سَوْفَ أَشْدُو اللـَّحـَنَ مِنْ وَحْيِ الْخـَيَالِ
لـَنْ أُبَالِي ..

عزيزي الموصلي ..

بعض ملاحظات (تحرَّى عنها) حول "لن أبالي" ..

(1) (كَيْ يَضِيْعَ الْعـَزْمُ أوْ صَرْخـَةُ [COLOR="red"]نِضَالِي)

هنا علة (عروضية) في تمام النحو، تحايل عليها بوقف، لا يجوز، والله أعلم، على السكون في "صَرَْخـَةُ" !
العلة في تمام النحو: صَرْ(خـَةُ نِضَــا)لِي. هنا "فاصلة كبرى"
سبب ثقيل (//) يليه وتد مجموع// o////=o. (جهجهت) الوزن !

لا بأس؛ ليستقيم (البيت) وزناً، مع تمام النحو، أقترح عليك "سمكرة P+"، بسيطة .. قد تداوي العلة، ما رأيك في ..
(كَيْ يَضِيْعَ الْعـَزْمُ أو "يَفْنـَى" نِضَالِي)
مجرد اقتراح، قد تجد أفضل منه.

(2) الزَّيـْفِ : زَافَ، زَيـْفٌ "دَرْهِمٌ زَيْفٌ". بفتح الزاي، والله أعلم.
(3) الدُّفـُوفْ : دُفٌ، ج: دُفُـُوفٌ. بضم الدال، والله أعلم.
(4) القافية (الفائية) الساكنة ..

Post: #49
Title: Re: الكلام ده ليك يالمنطط عينيك (لن ابالي)!!!!!!
Author: إبراهيم عبد الحليم
Date: 07-08-2009, 12:39 PM
Parent: #48

الحبيب الموصلى
التحية عبرك للمبدع الصدوق على السقيد

أخى معاوية حسين عليك الله خليك قريب محتاجينك جدا فى التنزيل يا حبيب

إبراهيم عبد الحليم

Post: #50
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 12:53 PM
Parent: #49

الحبيب د ابراهيم شكرا لك فقد وصلني السي دي الخاص بك
شكرا للاهتمامك
ساستمع به في سفري للرحيل من كاليفورنيا الي اريزونا
بعد ايام قليلة
خالص مودتي

Post: #51
Title: Re: الكلام ده ليك يالمنطط عينيك (لن ابالي)!!!!!!
Author: Alsa7afa_30
Date: 07-08-2009, 01:01 PM
Parent: #48

يا سلام يا أستاذ ..

Post: #52
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 01:05 PM
Parent: #51

ولدنا الصحافابي
دايما في المقدمة تشجيعا
ممكن تعمل ليها لينك للحفظ
مودتي

Post: #53
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 01:47 PM
Parent: #52

ismat el alim abdelrahman
رايت اسم الاستاذ الصديق عصمت العالم مع الردود خارجيا
ولكنني لم اجد رده فعليا
الغريبه في بوت تاني شفت اسمه فدخلت ولم اجد له رد
سترك يارب
عصمت لعلك بخير؟؟

Post: #54
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 03:00 PM
Parent: #53

نستظل بهذ الشجرة الوريفة الظليلة
بعيدا عن سموم شجر اللبلاب
==============
حياك الله ياشاعرنا الفذ عبد القادر الكتيابي
========================

بعد التسكع بين أعمدة المداخل
والمخارج بعد إدمان الهزيمه
ضربوا بختم اللات وجه قصصاتى
مهروا ملف مقاطعى بنقوش إبهام الحكومه
وغدوت موالا مرخص
أصبحت من حقى أمارس لعبة التفكير
بالألوان فى كل المحافل
وأقول لا للغث لا
أو مثل نقاد الضرورة قد أجامل
حتى ولو رفع المضاف إليه للدور الأخير
وجر بالرمضاء فاعل
ماذا يهم قرارتى أولست أستلم المقابل
فالنحو لا ولدى ولا بنتى ولا أنا سيبويه
الشعر لا وطنى ولادينى ولا رزقى عليه
أواه يا زمن الحضاره
أواه يا زمن الرواسب والغنى واللابكاره
أرايت كيف تحطم الميزان فيك
وصار أهلك يقذفون اللب للطرقات
يمتضغون متسخ القشور
يستنشقون عفونة التمباك والبنزين
يطهدون أنصار العطور
أواه كم المتنى
لكننى ماذا يهم قرارتى
فقصائدى مهرت بختم اللات فى خد القصصاصه
والنحو لا لدى ولا بنتى لأوثره وفى النفس الخصاصه
-----------------

قصيده ان لم الحنها فانا الخاسر
فهي دوما في عقلي وقلبي

Post: #55
Title: Re: الكلام ده ليك يالمنطط عينيك (لن ابالي)!!!!!!
Author: اتحاد مناهضي سد الشريك
Date: 07-08-2009, 03:06 PM
Parent: #54

لا للســـــد

" اتحاد مناهضي سد الشريك"

Post: #56
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 04:30 PM
Parent: #55

Quote: لا للســـــد

الاتحاد قوة

Post: #57
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 05:16 PM
Parent: #56

في حفلات ناس يوسف حمد القاسم المشترك الاعظم من الفنانين هم
السقيد
الخالدي عليه الرحمة
والموصلي
يعني الجديد بتاعنا بالعربي كده كلو بطلع هناك اول
وعلي قصتو معاي في الاغاني زي قصة مصطفي سيد احمد معاي في نصوص الاغنيات والبلابل في الاغنيات
اشتغلو معاي قلع شديد
لكن كنت بكون اسعد الناس لمن يقلعو او يطلبو حاجه حقتي
لانهم بدوها حقها من الابداع وزياده
ونواصل

Post: #58
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-08-2009, 08:15 PM
Parent: #57

Dear Sudanese online people.
I just would like to thank you very much, express my great love, respect and I promise to continue here trying
to improve my contributions more and more no matter what.

Post: #59
Title: Re: الكلام ده ليك يالمنطط عينيك (لن ابالي)!!!!!!
Author: إبراهيم عبد الحليم
Date: 07-08-2009, 08:27 PM
Parent: #58

Quote: في حفلات ناس يوسف حمد القاسم المشترك الاعظم من الفنانين هم
السقيد
الخالدي عليه الرحمة
والموصلي
يعني الجديد بتاعنا بالعربي كده كلو بطلع هناك اول

ما تنسى الفاتح حسين و سعد الدين الطيب وميرغنى الزين

Post: #60
Title: Re: الكلام ده ليك يالمنطط عينيك (لن ابالي)!!!!!!
Author: طارق جبريل
Date: 07-08-2009, 09:36 PM
Parent: #59

والله يا موصلي شغلك كله يجنن
يديك العافية ياخ

Post: #61
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-09-2009, 00:04 AM
Parent: #60

Quote: والله يا موصلي شغلك كله يجنن
يديك العافية ياخ

تسلم ياذوق
ياطارق باب المودةدوما
اها عملتو شنو في الكودات او بالحري بكري عمل شنو
زمان كودات الاوديو دي
تلقاها صعمبوته وبتفتح طوالي
ايش حصل وليه كبرت

Post: #62
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-09-2009, 03:34 AM
Parent: #61

ماذا لو ان الحاجب ينمو
تحت العين؟؟؟
او شعرا ينبت بين الشفتين؟؟؟
او شخصا يصبح بين الناس اثنين؟؟؟؟
لا شيء فهذا زمن الزيف !!!!
===============================
لافض فوك الاستاذ
مبارك حسن خليفه

Post: #63
Title: Re: الكلام ده ليك يالمنطط عينيك (لن ابالي)!!!!!!
Author: yasir Abdelgadir
Date: 07-09-2009, 03:49 AM
Parent: #62

سلام يا موصلي يافنان

أهو كدا الواحد ممكن يلقي ليهو واحة ظليلة في المنبر دا يرتاح فيها شوية

الكلام علي الاختيار

الله يديك العافية

Post: #64
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-09-2009, 10:45 AM
Parent: #63

Quote: أهو كدا الواحد ممكن يلقي ليهو واحة ظليلة في المنبر دا يرتاح فيها شوية

الكلام علي الاختيار

الله يديك العافي

الصديق ياسر
ان كان فيما اهديناكم اياه واحة ظليلة
فان في تشجيعكم توجد حديقة المحبة

التي تمدانا بزادنا في طريق الابداع
كل الود

Post: #65
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-09-2009, 08:58 PM
Parent: #64

علي بدا يغني الاغنيه كتير في الحفلات ولاقت قبولا عظيما
بس حصلت مشكله
علي زود السرعه او ما نسميه (بالتمبو) في الموسيقي
وانا في رآيي آن الاغنية فقد كثير من بريقها اللماع بذلك السبب
وزيادة السرعه من جانب علي ليس لها علاقة بجودة العمل في رآيي
ولكن غالبا لاشباع رغبة الرقص في بيوت الحفلات
وقلتها لعلي صريحة
ولو علي غناها بسرعه اقل
كان العشاق غسلوا احزانهم وفرحوا فرحا عظيما

Post: #66
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-10-2009, 01:54 PM
Parent: #1

للاتاحة

Post: #67
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-11-2009, 04:30 AM
Parent: #66

اما بالنسبة لي قولي وكلميني
فقد كان علي معي بشقتي
بالقاهرة عمارة النصر ميدان الجيزه
وبدا ينقرش في موسيقي وليدة تلك اللحظة
فاعجبتني وذهبت واحضرت بعض النصوص
وكان لحسن الحظ نص هذاه الاغنية
هو الاول من جيث الترتيب التنظيمي
فوقعت عليه عيني
وغنيت ارتجالا اللحن الجديد
من الاول للاخر
وكانت من نصيب علي

Post: #69
Title: Re: الكلام ده ليك يالمنطط عينيك (لن ابالي)!!!!!!
Author: إبراهيم عبد الحليم
Date: 07-11-2009, 10:07 AM
Parent: #67

يعنى اللحن بتاعك ما بتاع أستاذنا السقيد؟

إبراهيم عبد الحليم

Post: #71
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-11-2009, 11:13 AM
Parent: #69

بالحيل ولكن المقدمه الموسيقية للسقيد
يا ابراهومه
انت سمعتو وين ياشقي

Post: #73
Title: Re: الكلام ده ليك يالمنطط عينيك (لن ابالي)!!!!!!
Author: إبراهيم عبد الحليم
Date: 07-13-2009, 12:43 PM
Parent: #71

لم أسمع اللحن إلأ من خلال هذا البوست

إبراهيم عبد الحليم

Post: #74
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-14-2009, 01:29 AM
Parent: #73

ابراهومه
انا كنت مفتكرك بتسال عن اغنيه تانيه (قولي قولي وكلميني)
بالنسبة للاغنيه دي اللحن كلو بتاعي
ليك التحيه
وزيارتك جميله

Post: #75
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-15-2009, 12:41 PM
Parent: #74

وصل الفنان الجميل علي السقيد الي
فرجينيا فمرحبا به في اميريكا

Post: #76
Title: Re: الكلام ده ليك يالمنطط عينيك (لن ابالي)!!!!!!
Author: إبراهيم عبد الحليم
Date: 07-15-2009, 04:08 PM
Parent: #75

Quote: وصل الفنان الجميل علي السقيد الي
فرجينيا فمرحبا به في اميريكا

سلامى الحار يأستاذ موصلى

Post: #77
Title: Re: الكلام ده ليك يالمنطط عينيك (لن ابالي)!!!!!!
Author: Elmosley
Date: 07-15-2009, 06:48 PM
Parent: #76

يبلغ باذن الله
يا ابراهومه الجميل
بكره الصباح باذن الله راكب الظلظ
والسي دي بتاع حيكون انيسي الاول
وحاسمعوا بي مزاج وتركيز