يابورداب الدوحه انا من هسع كلمتكم قدام البورد ده مهرجان الدوحه الغنائي 2004

Post: #1
Title: يابورداب الدوحه انا من هسع كلمتكم قدام البورد ده مهرجان الدوحه الغنائي 2004
Author: Elmosley
Date: 11-11-2002, 10:13 PM
Parent: #0

أرجو من كل الشعراء في هذا البورد التكرم بالاتي
ان يطرح كل منهم قصيدتين احداهما بالعربيه والاخري بالدارجه
وسوف تخضع ليس للتقييم ولكن للتداول والتفاكر حول اختيار اثنتين منهما للتجهيز لمهرجان الدوحه فبراير او ياناير 2004
كما سيتم اختيار ست قصائد اخري لتكملة سي دي يصدر ذلك العام
لذا اود من كل المشاركين في هذا البورد المساهمه بارائهم
ومطلوب من بورداب الدوحه متابعة طلبي مع اللجنه المنظمه
بالدوحه وانتظر مشاركه كبيره وانا ممكن اطرح نصوص
للكتيابي ويحي فضل الله وعبد العال السيد وطبعا مدني النخلي
ويا اخوانا واخواتنا مافي اي حساسيه
بس كلنا مع بعض عاوزين نحقق حلم مولد عمل فني ساهمت فيه اكبر مجموعه من السودانيين بالراي وبالمشوره
وحبذا ان كانت القصائد قصيره نسبيا حتي تجد فرصتها من الفيديو كليب ومن البث في العالم

Post: #2
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: نصار
Date: 11-11-2002, 10:18 PM
Parent: #1

هذه لعمرى ديمقراطية الفن

تنبع من فنان حساس
ديمقراطى

سلمت يا استاذنا

Post: #4
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-11-2002, 10:27 PM
Parent: #2

شكرا الحبيب نصار
ومنتظر مشاركتكم الفعاله لاحقا
وتسلم

Post: #3
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: جمال السنوسي
Date: 11-11-2002, 10:22 PM
Parent: #1

استاذنا الموصلي

نفخر كثيرا بك وبما تقدمه لنا في هذا المنبر
وأعدك بأني سوف أكون معكم في كل خطوة
نحو تقديم السودان فنا للعالم أجمع

jamal

Post: #5
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-11-2002, 10:29 PM
Parent: #3

تشكر يا ابو جمال
ونحن في الانتظار
وكلما بدرنا كلما كان التجهيز رائعا

Post: #92
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-27-2002, 00:50 AM
Parent: #3

وينك انت الطال غيابك ياجمال
الخطاوي الباكيه ترحل كل يوم واقفات في بابك

Post: #6
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Fadil
Date: 11-11-2002, 11:19 PM
Parent: #1

عزيزي الموصلي
كل عام وأنت بخير
أعجبتني الفكرة والمشروع الرائد
وبرغم أنني لا أنشر ما أكتب من شعر بسبب الكسل في ارسال ما اكتب لكنني أشارك بثلاث قصائد لك حق اختيار واحدة من الشعر الفصيح ، أما الثالثة فهي دارجة . كما أرجو أن تنال اعجابكم .

صحو القوافي

كنت فاكر يا صبيه
أني راسي
وكنت فاكر ... ما بلين
وصعب مراسي
جيتيني يا زهو الحقيقه
زلزلتي جدران الوهم ...
وهدمتي ساسي
جيتيني من صحو الوجود
ذوبتي في قلبي الجليد
ونبشتي من تحت الرماد ....
نيران هواي ... وسعير حواسي
طليتي يا احلى الوعود
زي سيل عنيد
كسرتي حاجز المستحيل
في لحظه هديتي الرواسي
بس قولي لي ... كيفن أكابر ؟؟؟
وكيف أخون رقة مشاعري ...
وأبقى قاسي
يا مالكه سر الأغنيات ...
ما أنتي صحيتي القوافي
ناديتي زرياب والنواسي
ما انتي حمالة أسيه
وكم شلتي عن الناس مآسي
كفكقتي دمعات الغلابه
ووقفتي للمحروم تآسي
وأنا يوم اشوفك في جواري
يا مدايا ويا مداري
ببقى للكون كلو ناسي
وبوجودك تبقى زاهيه
بالحنان كل الأماسي
وأنا في هواك ...
يا غاليه ما بفتر حماسي
وصدقيني يا صبيه ...
يوم سفائن حبي تاهت ...
في ضراك لاقت مراسي

دي واحده بالدارجي ، وترفب القصيدتين بالفصحى .

Post: #7
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-11-2002, 11:22 PM
Parent: #6

والله ماليك حق ياخي شعرك مقعد وموهط يلا ورينا الفصيح
كمان
تسلم يا فاضل

Post: #8
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-11-2002, 11:52 PM
Parent: #7

الغايه من سكة هواك
شعر عبد القادر الكتيابي

الغايه من سكة هواك .. سكة هواك
وبقى المسير ـ هدف المسير
أسرح و احس قيدك مطوقني و أهز جنحاتي
ما أقدر أطير
أسرح واصدق إنه حسنك ـ أسره قبلان بي أسير
واني عصفورك
حريرة ريشي من نورك
رموشك عشي في الزمن العسير
عاشق حقيقة حبي لي حبك
مسافر للسفر
مالي محطة ولا مصير
لابد يوم
قبل الرياح أوصل إليك
لابد يوم
وافرد عليك خيمة هواي
واطلق غناي
في موسم الشوق المطير
واكتب على قيف الهدف
ريدك شرف
وانا جيته بالدرب الخطير

Post: #9
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: wa7shny
Date: 11-12-2002, 00:14 AM
Parent: #8

تحياتي يا استاذنا الموصلي
تحياتي يا رائع
تحياتي يا اصيل
واحشني

Post: #10
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 00:49 AM
Parent: #9

العزيز واحشني اتكالنا عليكم وعلي الله
ساهمو معانا يديكم العافيه

Post: #11
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ودالعباسية
Date: 11-12-2002, 01:00 AM
Parent: #1

يا استاذ اهل الدوحة في الشوق لي فنك العالي والراقي

الدوحة كما العهد بيها تستقبل كل المبدعين السودانين والان تحتضن فنان افريقيا الاول الموسيقار وردي

وانا ما داير اقول بي النيابة عن اهل الدوحة لكن بقول انحن في انتظارك وان شالله نمد اليك يد العون في اي شي تطلبة

انحن في الخدمة يا موسيقار

Post: #12
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ودالعباسية
Date: 11-12-2002, 01:00 AM
Parent: #1

يا استاذ اهل الدوحة في الشوق لي فنك العالي والراقي

الدوحة كما العهد بيها تستقبل كل المبدعين السودانين والان تحتضن فنان افريقيا الاول الموسيقار وردي

وانا ما داير اقول بي النيابة عن اهل الدوحة لكن بقول انحن في انتظارك وان شالله نمد اليك يد العون في اي شي تطلبة

انحن في الخدمة يا موسيقار

Post: #13
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 02:18 AM
Parent: #12

اشكرك من الاعماق ياود العباسيه
الناس ديل انا عملت ليهم ايميل
واللجنه ديه عايزه متابعه
لانو المره ديه حيكون تحدي فني عمل يبين اين وصلت موسيقانا
يلا عليكم وعلي الله

Post: #14
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 03:24 AM
Parent: #13

وهاكم دي من عصام أبكر ادم

فاحك نوار

الوجع الكان
مفضوحك في الجيه
عاداني بي حزنك
يابنيه
والروح في
الموج المنداحك
شبعت لما
النوار فاحك
اتخيلي ذاتك
في صباحك
واتفضلي بختك
ياصبيه

وانا يا امدرمان
عندي البلد
الجابك
متفتح للضحوي
الشابك
وانا في صباحك
بستكتب موالي
الضاحك
القاكي مسيره
عليكي وهج
وأشيلك لي

دوران الهاله
في خاطرنا
لوعندك حظ تلقي دمرنا
موعود الشوق
تاخدو البشري
حلمو يرفرف
علم الذكري
والحب اخر
والحب اول
بالحب زمن
الدهشه مدول
بالحب ياحب
نقرا الدنيا

Post: #60
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-17-2002, 02:21 PM
Parent: #12

لي قدام وانا حاي

Post: #15
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: soma
Date: 11-12-2002, 07:31 AM
Parent: #1

تسلم يا موسيقار اتمنى مشاركتى المتواضعه تنال الرضا واوعدكم بالمزيد لكى تزيد فرص الاختيار وببدأ معاكم بى

رسالة غرام

رسالة غرام

انا ما حبيتك .. لكنى عشقتك ...
واتمنيتــــــــــــك ...
بى ريشة قلبى .. رسمتك...
وفى الاعماق ختيتك ...
بحنانى الفايض.. برضى شملتك ...
ما خليــــــــــــتك ...
واتخيلتك .. فى بستان الريده....
انى زرعتك ...
بى دمى رويتك ...
وكيف راعيتـــــــــــــــك ...
لما قطفتــــــــــــك ..
اتحسستك .. وريحة عطرك ...
نرجس نور .. ساحة بيتك ....
ويوم لاقيتك ..
لامست سحابة عرشك ...
واتنهدت عشان حسيتك ...
كتمت الاهه .. وراها التانيه ...
اتوهمت كمان ناديتك ...
كتبتك احلا قصائد ريد ...
كم لحنتك .. وكم غنيتك ....
وتانى بديتك .. وجيت تميتك ...
لما حفظتك واتوشحتك ...
واتغطتيــــــــــــــتك ...
ومن خوفى عليك ...
قريت حصنتك ...
وبى رمشى هناك ضاريتك ...
واتوسلتك .. واترجيـــــــتك ..
تعرف انى عشقتك ما حبيتك ..
والله عشقتك ..ما حبيتك ...

اسماء صديق الطيب الجنيد
مسقط سلطنة عمان
10/6/2002

مع تحياتى لكم جميعا وامنياتى للمشروع العملاق هذا بالنجاح ورفع اسم السودان عاليا
وتسلم يا وطن

Post: #21
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 01:22 PM
Parent: #15

ياسوما اولا حمدا لله علي سلامة رجوعك لينا ورمضان كريم
قصيدتك حلوجدا وانا والله كنت عايز اعمل بوست اسال عنك وانتي سبقتيني
بي
حتة زمن
تسلمي

Post: #16
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Fadil
Date: 11-12-2002, 10:00 AM
Parent: #1

الموصلي
هاك الباقي
عاشق الآرام

وتبحثين عن الهوى ...!!!
وزوارق العشاق تائهة ...تروم مرافئاً .
وتجوب خلجاناً وبحرا ...
ومواقد عشقي .. في حنايا القلب تخبو
فأشعليها أنت نيراناً وجمرا
الحب من عينيك يقطر رقة
ويتيه دفئاً ...
ويبوح في الآفاق جهرا
ولديك ... قد سمق الجمال
أناقة زهرة ...
وصفاء سوسنة ..... وسحرا
خصلاتك ...
الليل أرخى في زواياها سدولاً
فترنحت مداً ... وجزرا
ونثر الضياء على جبينك ....
ألف قنديل وتبرا
والطل بلل وجنتيك ..... فأضحتا
أكليل فيروز وزهرا
همساتك الولهى .... تفيض نداوة
تغتال قلبي
وتسوقه يمنى ويسرى
كل الدروب اذا احتوتك
تضمخت أرجاؤها طيباً ... وعطرا
أني عشقتك لا أبالي
حيث يكفي عاشق الآرام فخرا
كبليني ...!!
حيث محراب الهوى ....
فأنا لا أرجو خلاصاً من قيودي
ولا أرى في ذاك ضيرا

الفاضل عبدالقادر
ابوظبي في 27/10/1998

الى ملهمة

وتقرأين قصائدي ؟؟؟
هل أعجبتك حقيقة ...
تلك الحروف النابضات كثيرا ؟؟؟؟
وهل حقاً طربت لوقعها ..
فتسامقت في ناظريك حدائقاً ... وقصورا
يا سعد هذا الشعر ... حين قرأته
ما عاد طفلاً يافعاً ... وغريرا
يا سعده ... عبر السهوب
وحلق ... في المدى عصفورا
كم كنت أهفو ...
والليل ديجور يطيل صبابتي
سهداً أغالب ذلك الديجورا
وبداخلي … بركان حب خامد
قد كان قبلك هاجداً …. مهجورا
أيقظته أنت … فأضحى جدولاً …
ينساب لحناً صافياً وخريرا
أنت التي زرياب قد غنى لها
ومزاهر عزفتك … لحناً رائعاً … وأثيرا
ترف البريق … بوجنتيك يشدني
فوقفت أجني لؤلؤاً منثورا
وبوجنتيك … تذوب حبات الضحى
فسنابل …. ونمارق …. وحريرا
وبفاهك الهمسات تسبي خافقي
قدري … أجن لهمسك المسحورا
ماذا يصيبك … حين يغرقك الهوى ... ؟؟
قولي ..... أما جاز الكلام أخيرا ؟؟؟؟؟
أنت التي ضحك الصباح بثغرها ....
فعدوت صوبك ... راكضاً ... وبصيرا
لأصوغ في عينيك ... روعة أحرفي
علي أكون بذاك صرت " جريرا "
الفاضل عبدالقادر
ابوظبي في 03/11/1998

Post: #22
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 01:29 PM
Parent: #16

يافاضل والله حيرتني
كل واحدة منهن احلي من الاخري تري هل اصبت الاحباب في البورد بنفس الحيره سلمت يداك واليراع الذي تكتب به

Post: #17
Title: الله يديك العافية يا موصلي
Author: كمال الشادي
Date: 11-12-2002, 10:34 AM
Parent: #1

شيخ الطريقة وسيد الدكان الاستاذ موصلي :
نشركك علي اللفتة الحلوة وربنا يديك الصحة والعافية وتنعم بنجاح ما شافو زول قبلك قول آمين .
عندي وجهة نظر أرجو أن تجد بعض رحابة الصدر ليديكم :
** المهرجان في الدوحة يعني في دولة عربية .
** أعتقد وإلي حد كبير أن الحكام سيكونون عرب .
** من عرف هذه المهرجانات أن يزاع ما يقدم فيه سواء فاز أم لا .

كل هذه العناصر إستاذي الكريم تعتبر منابر ليس لتطل منها الاغنية السوادنية فإطلالة الاغنية السودانية حدثت مرات ومرات ولكن نريد لهذا المهرجان أن يكون تثبيت لشكل الاغنية السودانية المختلف كثيراً عن الاغنية العربية بشكلها العام وطالما أن المقام هنا لاختيار الكلمات التى ستغني وحيث أني لا أكتب الشعر فإني أنصحكم بإختيار كلمات عربية فصيحة أو بالعاميةالسودانية بشرط أن تكون عامية سهلة وليست مغدغة في العامية بمعني أن تكون سهلة التداول في الخليج وفي الشام وفي مصر وفي المغرب العربي . وأعتقد أن شاعرانا الكبير هاشم صديق يكتب بالعاميةالسودانية لغة مفهومة كثيراً لدي الكثير من أخوانا العرب .
أما عن الموسيقي ( التلحين والتوزيع ) فنحن متأكدين أن شيخ الطريقة ما حا يقصر .
مع تحياتي

Post: #23
Title: Re: الله يديك العافية يا موصلي
Author: Elmosley
Date: 11-12-2002, 01:38 PM
Parent: #17

عزيزي كمال الشادي
تحياتي واقتراحك جميل زي روحك الطيبه
كل القصائد التي نزلت هنا اقرب الي العربية في نظري من العاميه
وقد لحنت قصيده لهاشم صديق وسأتصل به
واعرضها هنا مع الاخريات وهي ملحنه جاهزه

وانا افضل العربية الفصحي من السهل الممتنع
ولكن سيكون المشروع شاملا معظم القصائد المختاره من نتاج هذا البورد
تسلم

Post: #18
Title: كيف نحضر المهرجان
Author: كمال الشادي
Date: 11-12-2002, 10:46 AM
Parent: #1

يايوسف الموصلي ويا ناس الدوحة بالله من هسي كلمونا كيف ممكن نحضر المهجان نحن قراب منكم في الرياض يعني تكلة بالعربية كم ساعة ونكون معاكم ارجو أن تنشروا هنا وبشكل رسمي كيف إمكانية حضور المهرجان .

Post: #19
Title: Re: كيف نحضر المهرجان
Author: ebrahim_ali
Date: 11-12-2002, 11:12 AM
Parent: #18

الاستاذ الغالي المبدع الموسيقار موصلي لك التحية بقدر عشقك لوطنك ولفنك ولكل ما هو راقي وجميل نزلت اهلا وحللت سهلا بين ديارك في دوحة الجميع فمرحبا بك استاذنا المبدع بين ربوعنا ونتمنى ان تقدموا لنا فنا راقيا وعملا مميزا يعكس الوجه المشرق للفن السوداني وهذا ليس بالمستغرب ولا البعيد عنكم فانتم ومن معك من الكوكبة الفنية المبدعة من شعراء وملحنين وموسيقين اهلٌ لهذا العمل القادم واتمنى لكم جميعا النجاح والتوفيق ودعاءنا لكم بذلك واتمنى ان نكون عند حسن ظنكم ونرحب بالجميع في دوحة العرب

Post: #25
Title: Re: كيف نحضر المهرجان
Author: Elmosley
Date: 11-12-2002, 01:42 PM
Parent: #19

شكرا يا ابراهيم
علي ترحيبكم السوداني الاصييييييييييييييييل
وحقيقة الامر انا اخترت عاما من الان كان الله امد في العمر
عشان الاستعداد الصحي والفني والبدني والمالي لهذا المشروع
وانتو مابتقصرو

Post: #24
Title: Re: كيف نحضر المهرجان
Author: Elmosley
Date: 11-12-2002, 01:39 PM
Parent: #18

وجودك ربما يكون فنيا ياكمال لانني اود ان يكون العمل شاملا للكورال الحديث
وناس الدوحه عليهم بالباقي

Post: #20
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ودالعباسية
Date: 11-12-2002, 12:50 PM
Parent: #1

الاخ كمال

والله مرحب بيك في دوحة الخليج

والطريقة سهلة جدا ، لو عندك اي واحد قريبك هنا بعمل ليك زيارة ،او في تاشيرة سياحية لمدة شهر ودي بتكون عن طريق الخطوط القطرية

ومرحب بي كل المبدعين في الدوحة

Post: #26
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 01:46 PM
Parent: #20

ما بتقصرو يا ود العباسيه
وكمال كريم يستحق لقاء الكرام

Post: #27
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 07:49 PM
Parent: #26

وهاكم دي من يحيي فضل الله
انا سميتها مؤقتا

يامشتت

يامشتت
في بلاد نائيه
وبعيده
ياململم
في خواطر بت
تفرفر
في قلب عاشق
موزع
بين عيونا
وبين قصيده
احكي
عن هاجس نهارك
وكيف بتفلت
من حصارك
والمساءات
التكثف لي ودارك
والصباحات
عندك شريده
وكيف
خطاويك التوقع
لليالي
حزن نشيدا
مامشت
في درب وصل
واتسكعت في
منفي قيدا

Post: #28
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 08:23 PM
Parent: #1

وهاكم دي من الزاكي نايل ون

صاحبة الجلالة

أنا لا أدرى يامولاتى

كيف أعبر..

كيف يصور قلمى نحوك

صادق إحساساتى

مشكلتى دوما غاليتى

أن شعورى نحوك

أكبر من كلماتى

ومكانك غاليتى عندى

أسمى من كل كتاباتى

ماذا أكتب عنك فأنت

نغم ريان مخضر

يكسو بالخضرة واحاتى

هو نور حبك فى قلبى

يجلوها بيضا ظلماتى

يملؤها حبا وحنانا

يعطيها معنى أوقاتى

يجعلها عيدا ايامى

يكسوها بالبشر حياتى

حبك فى قلبى مولاتى

نغم يسرى

ينسينى كل عذاباتى

عفوا غاليتى

مولاتى

إن كانت مسخ أبياتى

أنا مهما أكتب غاليتى

عبثا تتطاول كلماتى

الزاكي عبد الله الزاكي

Post: #29
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: khider
Date: 11-12-2002, 08:35 PM
Parent: #28

ممكن اسارك معاكم ... انا ما من الدوحة لكن !!

Post: #31
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 09:09 PM
Parent: #29

كيف يابوخدره انت ما من البورد وناس البورد هم المعنيين بالجانب الفني وعلي فكره ياقوت العرش محسوبه في السي دي
وياؤيت لوتنشر النص واسم الشاعر ولو عندك مقترحات قصيديه مرحب تب

Post: #30
Title: أتشرف بالغناء في الكورال معك يا موصلي
Author: كمال الشادي
Date: 11-12-2002, 09:08 PM
Parent: #1

شكراً جزيلاً يا موصلي للدعوة الحلوة دي والظاهر صيف 2004م حا يكون حاجة ممتعة ، وأنا أتشرف بالوقوف خلفكم والغناء في كورال الاغنية التي ستشارك بها في المهرجان ، وأرجو ساعتها ان اعرف التفاصيل كيف ومتى وأين .
تحياتي

Post: #33
Title: Re: أتشرف بالغناء في الكورال معك يا موصلي
Author: Elmosley
Date: 11-12-2002, 09:12 PM
Parent: #30

بالتأكيد ياكمال وانا جادي بصوره لم تحدث في حياتي
وفرصه نتلاقي واهو كوالي قاعد افكر في اللحن المناسب للكلمات التي ستختار لياخذ شكلا جماعيا وفرديا
وجهز مشاعرك

Post: #38
Title: Re: أتشرف بالغناء في الكورال معك يا موصلي
Author: Elmosley
Date: 11-13-2002, 02:27 AM
Parent: #33

وصلني هذا النص من شاعرنا اسحق الحلنقي

شالت عناقيك
علي عودك المياس
وحياة سواد عينيك
ماتنسي حولك ناس

ياريت عيونك يوم
لو تأمر الحراس
اتلم عليك لحظات
كان تهدا لي انفاس
انت الملوك أهلك
والغالي ليك ينداس
بيك الغيوم احباب
ليك النجوم جلاس

لو تبقي ريدتك نار
زود كمان نارك
انا اصلي ضعت زمان
في زحمة انوارك
انت البلد بلدك
اكرم غريب دارك
كان جيتني يوم زاير
تلقي الجمال زارك

علمتك البهجه و
علمتني السرحان
والكان مقدر لي
انا في غرامك كان
فتشت عن لونك
ما شفتو في الالوان
انا ياما حبيت فيك
احساسك الفنان

Post: #32
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: omar_ragab
Date: 11-12-2002, 09:09 PM
Parent: #1

slam ustazy yousif almsoely
i would like to participate with my poor words

this no1
تصدق بقيت محتار
تصدق       بقيت      iiمحتار
واطير       مع      iiالعصفورة
من       دار       لي      دار
واتنقل   في   قلوب  iiالناس
صغار                       iiوكبار
يعم         الحب        iiديارنا
لو         السلام         iiذارنا
وتخمد        عداوة       النار
واترنم    مع    دفوف   iiالطار
تصير       ايامنا      iiاعياد...
يزغردوا     بالافراح     iiبنوتنا
ويبشروا   مبتهجين   iiالاولاد
ونتلمة والسعادة لينا تنضمة
تصدق       بقيت      iiمحتار
شذي                  iiالجنوب
لي         شمالنا         iiذار
وعطر                 iiالشروق
لغربنا....                   iiسار
تصدق       بقيت      iiمحتار
ونتكاتف       كتار       iiوكتار
وعدونا        فينا        iiيحتار
وايدينا     الواحدة     iiتصفق
وحبنا         للغير         iiمن
كترتة             iiبيدفق.......
والبيزعل                 iiبيناتنا
حالتو              تشفق......
وينسوا   اهلنا   كلام   iiالتار
يسامحوا  الغير  وينوو  الخير
ومن  ما  عرفوا انو iiالصدقات
اسرارها  في  iiالبسمات....
صاروا   يتكلموا  بالضحكات..
تصدق       بقيت      iiمحتار
ولو     دا     ما     iiسودانا...
يا     ريت    يصيبني    العار
يا     ريت    يصيبني    العار

عمر                       iiرجب

Post: #34
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: omar_ragab
Date: 11-12-2002, 09:12 PM
Parent: #1

here my second poor poemاين . . . اختباتي
لن يصيبني الكلل. . . .
ولن ينتابني الملل. . .
الابالعثور. . . . . . .
عليك. . .
حبيبتي دعيني. . . .
اصل اليك. . . .
لاتحرميني من. . .
نظرات. .
عينيك. . . . .
فطيفك لعقلي
سارق. .
والعثور عليك. .
اصبح من. .
الخوارق. .
سالت . . . عليك.
السفن والمرافئ.
حتى الزوارق. . . .
مااندر شبيهاتك. .
وما اكثر الفوارق.
مشيت علي اليم. .
فاغرقتيني بالتفكير والهم.
عذرا انني. . .
لااجيد السباحة. . . . .
ولكنني . . . في. . .
حبك . . . غارق. . .

كلمات عمر رجب

اين . . . اختباتي
كلمات عمر رجب
اين     .     .     .     اختباتي
لن   يصيبني  الكلل.  .  .  ii.
ولن   ينتابني   الملل.   .  ii.
الابالعثور.    .   .   .   .   .   ii.
عليك.               .               .
حبيبتي    دعيني.    .   .   .
اصل      اليك.      .      .     .
لاتحرميني      من.     .     ii.
نظرات.                            ii.
عينيك.       .       .      .      ii.
فطيفك                   iiلعقلي
سارق.                             ii.
والعثور          عليك.         ii.
اصبح             من.            ii.
الخوارق.                          ii.
سالت     .     .    .    iiعليك.
السفن              والمرافئ.
حتى     الزوارق.    .    .    .
مااندر        شبيهاتك.       ii.
وما        اكثر        iiالفوارق.
مشيت     علي     اليم.    ii.
فاغرقتيني بالتفكير والهم.
عذرا        انني.        .       ii.
لااجيد   السباحة.   .  .  .  ii.
ولكنني   .   .   .   في.   .  .
حبك   .   .   .   غارق.   .   ii.

Post: #35
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-12-2002, 09:17 PM
Parent: #34

ماقصرت يالحبيب عمر والامر متروك للجميع في الختيار للنصوص تسلم ياحلو

Post: #36
Title: أصيل يا ود العباسية
Author: كمال الشادي
Date: 11-12-2002, 09:23 PM
Parent: #1

ألف مليون شكر ليك علي الترحاب يا ود العباسية .
الطريقة عرفتها واحد قريبي يرسل لي دعوة أو تأشيرة سياحية .
علي الطلاق إنت بس ياكا قريبي البفتش ليهو زاتو . رأيك شنو ؟ والتأشيرة حا تجي منك إنت .
مع تحياتي

Post: #37
Title: Re: أصيل يا ود العباسية
Author: Elmosley
Date: 11-13-2002, 00:28 AM
Parent: #36

ده الكلام
والقرابه بالبورد ده ذاتو يعني ود ابوك
لانو السودان الصغير متمثل في البورد ده

Post: #39
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: soma
Date: 11-14-2002, 06:31 AM
Parent: #1

مرحب بيك استاذنا الموصلى ..تسلم كتير وكتر الف خيرك على السؤال .. اتمنى ليك مره اخرى النجاح فى مشوارك العظيم هذا وان شاء الله اقدر اشاركك واساعدك قدر المستطاع من قصائدى المتواضعه ..
وشكرا ليك مره اخرى على اعجابك بالقصيده ..

Post: #43
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-14-2002, 01:55 PM
Parent: #39

تسلمي يابت يلدنا ولاعدمناك ابدا

Post: #40
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: soma
Date: 11-14-2002, 06:32 AM
Parent: #1

مرحب بيك استاذنا الموصلى ..تسلم كتير وكتر الف خيرك على السؤال .. اتمنى ليك مره اخرى النجاح فى مشوارك العظيم هذا وان شاء الله اقدر اشاركك واساعدك قدر المستطاع من قصائدى المتواضعه ..
وشكرا ليك مره اخرى على اعجابك بالقصيده ..

Post: #41
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: nadus2000
Date: 11-14-2002, 11:26 AM
Parent: #40

أستاذنا يوسف

في البدء نرحب بك عملاقا ينضم إلى العمالقة الذين تضمهم الدوحة هذه الأيام فيشرفنا الشاعر المبدع محجوب شريف

Post: #44
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-14-2002, 01:57 PM
Parent: #41

شكرا يانادوس وسلم لي عليهم وبلغ اشتياقي الزايد وحبي ليهم
وتسلم

Post: #42
Title: يا جمال السنوسي وين قصائدك
Author: كمال الشادي
Date: 11-14-2002, 11:46 AM
Parent: #1

يا جمال السنوسي سيبك من كلام المجاملات : يوسف طلب قصيديتن وإنت جاي هنا تتلكم عن المجاملات خليك أكرم منه وخت لينا ثلاث قصائد علي فكرة يا جمال إنت فنان وراجل شاعر طويل القامة ولك كلمة حلوة والمقام هنا مناسب أرجو أن تضع لنا أكثر من قصيدة مع تحياتي ..

Post: #45
Title: Re: يا جمال السنوسي وين قصائدك
Author: Elmosley
Date: 11-14-2002, 01:59 PM
Parent: #42

ابو كمال احقيقه جمال كان اهدي لي قصائد وحأنزل منهم هنا
ولكن علي قولك لسه طمعانيين

Post: #46
Title: Re: يا جمال السنوسي وين قصائدك
Author: Elmosley
Date: 11-14-2002, 04:51 PM
Parent: #45

وهاكم دي من بتنا الحديقه

شن لى؟
يالضهبت على.
تلّفت النجيض والنىْ
شن لى؟ يالنَفَس والعافية .. مانايبنى منك شىْ
شن لى؟ يالطبلت القيد ... بقيت غرقانه فى شبير مى
شن لى؟ فى الضلمة الكاسيه
وانت الباقى لمبة ضى
احضن حلمى زى الجاهل
اصحى بدار وألقى الصىْ
بعد ما يلبّن البناتنا ... حازر لا يختفوا حَدىْ
ياخلينى ابقى بلاكا ... واعرف راسى من كرعىْ
ولا كمان ترش تحيىّ الورق والعود
مواسمك .... يـــا خريف الرىْ.

تماضر

Post: #47
Title: Re: يا جمال السنوسي وين قصائدك
Author: Elmosley
Date: 11-14-2002, 04:57 PM
Parent: #46

وهاكم دي جات هسع سخنه من العزيز عبد العال

سلافة المغنى
ست الدنيا سلافة المغنى
عنك ما بقدر استغنى
والايام يا " صفا " ايامي
غيرك جد ما عندها معنى
انتي النفس البطلع مني
هاكي الروح يا روحي اتمني
وطمني عمري خلاص ياعمري
اعلني حبك ما تستني
وانا من جانبي بقيف اتحد ى
وانزف بين السيف والورده
يا محتكره عليا حياتي
يا زغرودة الفرح الآتي
ريدك ساكن
في جوايا باني مساكن
فكري شوفي
يا الزودتي عذابي وخوفي
يا الدوزنته عليكي حروفي
رسمتك لوحه في داخل جوفي
بقيت مجنون ومغني وصوفي
وما بتنازل عنك ابدا مهما كان حاكماني ظروفي
مهما كان حاكماني ظروفي

Post: #48
Title: Re: يا جمال السنوسي وين قصائدك
Author: Elkhawad
Date: 11-14-2002, 07:45 PM
Parent: #47

العزيز الموصلي اتمني لك التوفيق
في ما تصبو اليه
من مشروع جبار

اسمح لي ان ارشح لك القصيده التي قام الاخ ابو امنه (زي رين) بانزالها في البورد
وانت كانت الكلمات له فلم نزهب بعيداً وان كانت لغيره فهو ادري بالحقوق الادبيه والفنيه مني
ولك ان تستشيره

القيصده في اللنك التحت
على جناحِ أمنيةٍ نسافر -- قصيدة

Post: #49
Title: Re: يا جمال السنوسي وين قصائدك
Author: Elmosley
Date: 11-15-2002, 00:49 AM
Parent: #48

شكرا علي امنياتك الطيبه يالخواض والقصيده رائعه والله
بس ياريت المطر يهطل علينا بالمعلومه القاطعه
تسلم حبيبنا

Post: #50
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ودالعباسية
Date: 11-15-2002, 01:40 AM
Parent: #1

سلام يا اهل الطرب

يا كيمو ... ابشر وما عندك مشكلة بس قول ربنا يهون

عندي سوال يا استاذ الموصلي

هل المهرجان سنة 2004 ولا 2003 لانو هنا في الدوحة كل سنة بعملوا مهرجان لي الاغنية العربية

اتمني التوضيح

Post: #51
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-15-2002, 06:04 AM
Parent: #50

انا بقصد مهرجان2004
لاني فنيا مابقدر الحق ده وماعيز اخش مكلفت عايز اخش محضر وبي قوه
ياود العباسيه
والله يحينا

Post: #52
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-16-2002, 03:46 PM
Parent: #51

وهاكم دي من الكتيابي

لك ياديار

اني تهيمني هواك وشفني
ومسافر لك منذ كان النخل ينبت في الجبل
الزاد خير الزاد
نوري مقلتيك ومن استنار بمقلتيك فقد وصل
حتي ولو
رجع التراب
الي التراب
فالروح نحوك ياديار احبتي
لا البحر يحبس خيلها
لا الريح لا الطوفان يمنعها ولا كف الاجل
وانا تهيمني هواك وشفني
ومسافر لك من بعيد
لك ياديار غوافل الغرباء تتبعني
اثنتان لاثنتين
من كل عش عاشقان لعاشقين
واحب حبك لا ابي ان زاغ عنك ابي
لاجلك ياديار
ولا اهاب النار فيك
فهواك اقدم من حنان الام في قلبي
وحين حجارة الحمقاء ادمت ارجلي وانا وحيد
طربا ضحكت ضحكت
من جرح يشد عزيمتي
وعجبت من زاد
علي قدم يلذ
وحين انقصه يزيد

Post: #53
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-16-2002, 04:21 PM
Parent: #52

وصلتني عدة قصائد من الصديق علاء الدين شاموق وهو قد حاول الاشتراك ولكنه لم يستطع وهكم قصيدته الدارجه وساقوم ايضا بتثبيت قصيدته الفصحي في بوست لاحق

الوهم

الشمس ..

خجلت وغابت ..

لما شافت نور عيونك ..

والنجوم خلت بريقا ..

من غناوي الريد بريدك ..

قبلما أشوفك عشقتك ..

وفي بحورك ..

النفس صبحت غريقة ..

أجمل خيال ..

أجمل وهم ..

في الوجود انك حقيقة ..

كل يوم يصبح صباح ..

من جديد ..

قلبي يتوقف دقيقة ..

ديك ملاك ..

ولا باقة أمنيات ..

شكلي حلمان بي حديقة ..

كنتا واعي ..

ولا بحلم ..

ولا كانت ديك حقيقة ..

قلبي مدفون ..

في غرامك ..

قلبي مقتول يا رقيقة ..

نفسي لو ألقاها مرة ..

أبقى كراسة شعر ..

ولا نوتة ..

فيها مقطوعة موسيقى ..

أبقى غيمة ..

ولا أمواج في محيط ..

حرة فرحانة وطليقة ..

أبقى زولاً ..

ولا شجرة ..

ولا ضلاً في طريقا ..

كنتا واعي ..

ولا بحلم ..

ولا كانت ديك حقيقة ..

علاء الدين

17 / 7 / 2002 م

Post: #54
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: THE RAIN
Date: 11-16-2002, 05:35 PM
Parent: #1

الأعزاء

أصدقاء الحرف وندامى النغم

معذرة للتأخير فى الولوج الى هذه الحديقة الندية بوجودكم وبكلماتكم المضيئة

وتحية وإعزاز لأخينا الخواض، أن رأى فى قصيدتى ما تستحق به الترشيح، فهى حتما لكم، ولمن إذن نقوم نحن بنشرها إن لم يكن لكم، وشكرا يفيض لك يا خواض وتحية مرة أخرى

أما إذا أردتم بعضا آخر من القصائد، فهى لكم أيضا، وحقيقة ليس لدى الكثير من القصائد بلغتنا الدارجة الجميلة، إذ لم يترك لنا الفطاحلة ما نقوله بعد قولهم ولكن سوف أبثكم واحدة، وعلى الله تنال إعجابكم وسو%D

Post: #59
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-16-2002, 11:48 PM
Parent: #54

ونحن في انتظار مطر الجمال الحسي والروحي

Post: #55
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: THE RAIN
Date: 11-16-2002, 05:36 PM
Parent: #1

الأعزاء

أصدقاء الحرف وندامى النغم

معذرة للتأخير فى الولوج الى هذه الحديقة الندية بوجودكم وبكلماتكم المضيئة

وتحية وإعزاز لأخينا الخواض، أن رأى فى قصيدتى ما تستحق به الترشيح، فهى حتما لكم، ولمن إذن نقوم نحن بنشرها إن لم يكن لكم، وشكرا يفيض لك يا خواض وتحية مرة أخرى

أما إذا أردتم بعضا آخر من القصائد، فهى لكم أيضا، وحقيقة ليس لدى الكثير من القصائد بلغتنا الدارجة الجميلة، إذ لم يترك لنا الفطاحلة ما نقوله بعد قولهم ولكن سوف أبثكم واحدة، وعلى الله تنال إعجابكم وسوف اقوم بالبحث عنها وارسالها قريبا

وقبلها أيضا، قصيدة كانت قد نشرت قبل حين هنا بعنوان -- وعد --

وهاكم إياها
=================

بين عينيك وبينى
أينع المدى
امتد جسرُ الشوقِ موكبا و كرنفالْ
يزفُ طيفكِ الشهى
للهفتى اليتيمة

بينى وبينكِ
زهوُُ النداءِِِ وانتشاءةُ الصدى
قصيدةُ الليلِِ الموشّى بصندلِِ الوصالْ
وعذوبةُالمواويلِ الحميمة

بينى وبينك
تفتح الخريفِ، ووعدُ غيمةِ ضنينة
لهاثُ مهجتى على مداخلِ الندى
فى مسامِ صبوتى وفى دمى
أراك حولها وريفةً مضيئة
أستدينُ منكِ أنجمى
وتستعيرُ من ضياءك المدينةْ

وحين جمرُ البعدِ تحت الريحِ ينسينا
مرافئ الوصولِ و الإيابْ
تزورنى مواسمُ الصبابةِ الطوالْ
شهقةٌ الحنين فى جزائر السراب
ترتوى َتعبُ من نواهلِ الخيالْ

إغفاءةُ الأحلامِ فى وسائدِ السهاد
أنتِ
يا حجوةً قمريةً العيون والضياءْ
ترشٌ دهشةَ الصغارْ
بالنعاسِ فى المساءْ
تصب فى جفونهم حكاية الغياب

الى هناك طارَ سندباد
يصارعُ العنقاءَ يعارك البعادْ

لا تحزنوا
غداً يعودُ سندباد
من مفاوزِ الضياع
من ممالكِ الرماد
مكللا بالضوءِ هّدهُ السفارْ
غدا يؤوبُ يطفئ الهزيمةْ

وعدنا يضئُ كلما مدارْ
واللقاء قد بدا
بنفسجاً يغازلُ الندى
يلونُ النهارْ

ويحَ درب سندباد
من خطىً تهيم فى دوارْ
ينامُ فى عروقها الكفافْ
ويح دربه الخواء
ضجةٌ تضيعُ وسطَ صمته الهتافْ
تستقرُ فى دمى
ولوعتى الكليمة

بين عينيكِ وبينى
خضرة الديار
نشوةُ الحقولِ فى مواسمِ القطاف
رقصة النهرِ المغنى
وقبلةُ المياهِ للضفافْ
وحضنُ موجةٍ رحيمة

بينى وبينكِ
معارجُ البكاءِ رحلةُ البراقْ
صوبَ وجهكِ المزارْ
و حين عتّم اللقاءَ، كالحُ الفراق
أسرجتُ خيلَ منيتى العتاقْ
غادرتُ فرحتى الأليمة

بينى وبين منيتى
توسلٌ يؤججُ الشغافْ
يصلبُ الجوابَ فوق شرفةِ المحالْ
تموت فى رؤاى شهقةُ السؤالْ

بينى وبين منيتى الأفولْ
دهراً شرقتُ بالغناءِ بالنشيد
خذنا يا ليلُ نحو عشقهِا الهطولْ
خذنا يا ليلُ نحو وعدنا الوصولْ
فأنا ووجدى الشريد
فى ترقبٍ نرتّب الفصولْ
فى انتظارِ مطلعِ السناء
انبلاجِ فجرها الصفاء

ووعدنا مسمر على مسارح الذهول
معلقٌ على شواهدِ البكاء

Post: #57
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-16-2002, 11:43 PM
Parent: #55

ماشاء الله علي مطرك الغزير الذي يحمل خير الكلم والجمال شكرا ليك كتير
تشلم

Post: #56
Title: االأخ الفنان الاستاذ /الموصلي المحترم
Author: أحلام
Date: 11-16-2002, 07:01 PM
Parent: #1

بعد السلام عليكم ورحمة الله وبركاته

وكل عام وانتم بخير

ورمضان كريم

بس كيف انت تجي الدوحه ويكون يوم السعد لكل أعضاء البورد بالدوحه

مع اجمل امنياتي لك بالتوفيق .

ام هاني

Post: #58
Title: Re: االأخ الفنان الاستاذ /الموصلي المحترم
Author: Elmosley
Date: 11-16-2002, 11:46 PM
Parent: #56

ياسلام عليكم ياناس ياكرام
ياسلام يا ام هاني والله الواحد حاسي انو قاعد في بيتو ومتحكر وبقرا وبسمع وبشوف لكم تحياتي ويخلي ليكم هاني

Post: #62
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Abulbasha
Date: 11-17-2002, 06:07 PM
Parent: #1

لك يا صديقنا أن تختار ما تشاء من مقاطع في هذه القصيدة القديمة نوعاً ... مع خالص حبي
**************************
يا ملهمتي

********
الوجهُ الهاديءُ .. يتفرّد

والشعرُ الأسودُ .. يتوسد

والقلبُ المرهفُ .. يتمدد

والحب الطاهرُ.. يتجسد

يا ملهمتي .. إني أشهد

اللهُ تعالي .. أكرمني

صّورُكِ .. وأبدعَ في المشهد

فلهُ الشكرُ .. وله أحمد

وبه أتوكلُ .. أتعبّد

يا ملهمتي

الذوقُ العالي .. يدهشُني

والأدبُ الغالي.. يعلمُني

وصفاء الوجهِ.. يأسِرُني

ونقاءُ القلبِ.. يحاصرُني

فالحب الطاهرُ.. ينعشـُني

وحنان شعورُكِ..يجذبني

وحديث الوجد.. يداعبُني

همساتـُكِ.. تنسابُ وتجري
مجري التيارِ .. إلي بدني

ياملهمتي…000

اللحظة ُ .. تمضي والدهشه

والحبُّ .. يرفرفُ في عِـزّه

والليلُ قصيرُُ.. يسرقـُني

والقلبُ المُرهـَفُ .. في رعشه

فليهنأُ زمني.. بما يحوي

وليذهبُ عمريَ .. في لحظه

ياملهمتي

الشِعرُ.. يأتيني خجـِلا ً

حدثـتـُه يوماً .. أن يهدأ

لكنه .. يأبي يطاوعني

ويقاومُ أمري.. ويقحـِمُني

أنساهُ .. وأهربُ أيـاماً

وأعودُ إليه.. فيسجنني

كالطفلُ سعيداً .. منتـشـياً

في المهدِ .. أنامُ ويحضنـُني

يا ملهمتي000
أسـألـُكِ .. أن تبقي قـُربي

لتخففي عنيَ أحزاني

في الليلِ .. أُغالبُ أشجاني

عينايَ.. تسعدُ برؤاكِ

وخيالي يسرحُ .. وكياني

وبريقُ عيونك.. يسحُرني

أهديكِ .. زماني .. ومكاني

فالصبرُ الأجملُ .. من طبعك

أسقيكِ .. حبي .. وحناني

حياكِ اللهُ .. فاتـنتـي

أبقاكِ.. ياقمرَ زماني
************************

كتبها: صلاح الباشا 0000 الدوحة
[email protected]

Post: #65
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-17-2002, 10:04 PM
Parent: #62

لك الشكر الجزيل ياود الباشا علي القصيده ومنحكم ايانا الخيار
في الاختيار تسلم يايها الابي

Post: #63
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: THE RAIN
Date: 11-17-2002, 06:48 PM
Parent: #1

الموصلى وأصدقاء الحرف والنغم

هاك يا موصلى دى قصيدة قديمة، ووحيدة فى نفس الوقت بالعامية، مع انه بخاق جدا من الكتابة بالعامية لما اتذكر ناس القدال وهاشم صديق ومدنى النخلى كدى شوفها بتنفع

========================

سايقك معاى
حسك مضمخ بالأريج
بيهدى آهات الطريق
ويطفى فى جوه المسام
وجع الحريق
ويهدى بركان الضجيج

سايقك معاى
لوحة بتشكل عمرى
فى حزن المنافى
شايل عويناتك
اتاوق بيها
فى فجج الوطن
حاضن محطاتك
اسابق بيها تبريح الزمن
وجوه فى قلب القصيدة
راسم تفاصيل المسافات البريده
ومعاى ريدك والشجن

سايقك معاى
ولو قربت بينا الدروب
لومك على
القاكى واغزل ليك
ريحة الليل ميعاد
لكن عذابات السهر والانتظار
الباقية فى عينينا دار
نجماته ما عرفت سهر
هيمانه تضحك لينا بيك
واغنى ليك
وانسى السهاد

سايقك معاى
لمتين عويناتك توافى
أدفر مراكبى الجايه ديك
واوصل مداينك والمرافى

يا فراقنا يا ريح الشقا
يا طول قساكا ووجعتك
فى بهجة القلب المودر من دهر
ودع سعادته وفارقا
وا شوقو لى عيونن حنان
بتلاشى فيها وبعشقا
لمن رموشا السايله ديك
تضحك وتهطل زى غمام
بلل مواسمنا وسقا

وسايقك معى

Post: #64
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: خالد عويس
Date: 11-17-2002, 08:01 PM
Parent: #63

حبيبى الموصلى
البوست ده اقنعنى بأنو الابداع فى بلادى فعلا بخير طالما امثالك قايمين عليهو لعدة اسباب
الاول ديمقراطية الطرح وهى بتضمن وعى كبير جدا بأهمية مشاركة المتلقى واسهامه فى عملية الاختيار
ثانيا لان النصوص المطروحة كلها رائعة وتستحق ان تغنى
ثالثا
اتمنى ان تنفرد فى مهرجان الدوحة بالتغنى لاحد عباقرتنا الاوائل الى جانب الجيل الحالى من العباقرة واعنى ان تتغنى بقصيدة لجماع اوالتجانى او صلاح
رابعا وهى امنية شخصية واتمنى ان احضر هذا المهرجان ، وهو انك طالما ستكون بالدوحة فياليت تكون هناك لفتة للراحل المقيم مصطفى سيداحمد الذى عاش فترة فى الدوحة والغرض ان تلفت نظر العرب لهذه العبقرية السودانية الجبارة التى رحلت باكرا واقترح ان تستعد لغناء مريم الاخرى كأغنية بالفصحى يفهمها القاصى والدانى علاوة على ابهارها اللحنى ومعانيها العميقة
ولك حبى ومودتى صديقى الغالى وبالتوفيق انشاء الله ولا اشك لحظة فى انك ستمثل الابداع السودانى خير تمثيل

Post: #67
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-17-2002, 10:17 PM
Parent: #64

عزيزي وأخي الحبيب خالد عويس
نشكر لك هذا الاهتمام الذي هو من اصل فعلك الراقي
ومن صميم اهتمامك بفنوننا ومبدعيها
مقترحاتك جميله وراقيه وسأحاول العوده الي دواوين فطاحلنا وبالتأكيد سنجد عمل ان لم يكن للمهرجان فانه سيكون للسي دي المعاصر له ان شاء الله
اما عن مريم الاخري فهي بالتأكيد من عيون اغنياتنا نصا ولحنا واداءا
ومصطفي مغني من طبقة الباريتون الغليظه وفي هذه الاغنيه اداؤه لا يجاري فهي قد خلقت له
كما انني افكر في ابتداع عمل ربما يشاركني فيه اخرون
لذا فان اللحن سيفصل بحرفيه موسيقيه تجعل المقاطع مناسبه
للمغنيين كل حسب امكانياته ومداه الصوتي
ونحن في الانتظار للاختيار وانت باتساع ثقافتك المعرفيه نرجو ان تساهم ببعض الاختيارات من قرآتك من شعرنا السوداني الفصيح
ولك محبتي الخالصه

Post: #66
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-17-2002, 10:06 PM
Parent: #63

عزيزي مطر العشم
نشكر لك هذه الاريحيه وهذه الحاتميه الممزوجه بالجماليات

Post: #68
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-17-2002, 10:34 PM
Parent: #1

يا أستاذ الموصلي
أين قصيدة شاموق التي وعدتنا بها ؟

Post: #69
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-17-2002, 11:07 PM
Parent: #68

الاولي وباللغة الدارجيه نزلت وتبقت الثانيه
اليس كذلك ياصاحب المصباح السحري

Post: #70
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-17-2002, 11:11 PM
Parent: #1

لن انزلها انا
انزلها انت حتى أعرفها

Post: #71
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-17-2002, 11:13 PM
Parent: #1

أنا غايتو عاجباني أزميرالدا

Post: #73
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-18-2002, 03:03 AM
Parent: #71

وانا شرحو

Post: #72
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-17-2002, 11:17 PM
Parent: #1

أزميرالدا ..

يا فتاة من بريق الماس ..
أغلى ..
وحياة ..
في قلوب الناس ..
أحلى ..
وقوافٍ من جمال ..
من ضياء ..
أنت أجلى ..
قمة من قمم الأولمب ..
أعلى ..
آية من روعة الإحساس ..
تتلى ..
يا نسيماً من جبال الهملايا ..
يا ندية ..
أنت أنفاس الضحايا ..
يحرقون ..
في أتون النار صبحاً ..
وعشية ..
و صبية ..
من ملايين الصبايا ..
يقتلون ..
وبلاداً من ضباب ..
وثلوج وأعاصير عتية ..
أزميرالدا ..
أنت للثوار ..
مدفع ..
أنت للشعب ..
قضية ..
أنت للأرواح ..
مهجع ..
أنت مأوى الكادحين ..
أزميرالدا ..
أنت آخر من ينام ..
وأول المستيقظين ..
بعض أحزاني تظلين ..
وبحراً من شجن ..
بعض أتراح اليتامى المتعبين ..
وبعض أفراح الزمن ..
وحين أسأل عن بلادي ..
أزميرالدا ..
أنتي لي نعم الوطن ..
أزميرالدا ..
كلنا أحدب ..
نوتردام ..
نقرع الناقوس ..
في جنح الظلام ..
معلنين الحرب ..
ضد الحرب ..
نبحث عن سلام ..
نرفع الصوت علياً ..
ضد حكم الجور ..
ضد البربرية ..
فكلنا نعشق سراً ..
سحر عين غجرية ..

علاء الدين شاموق
01/01/2001 م

أظنها أفضل الموجود في دفتر أشعاري

Post: #74
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-18-2002, 03:05 AM
Parent: #72

حلوه والله ياود شاموق

Post: #75
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-18-2002, 04:45 AM
Parent: #1

الله يبارك فيك يا أستاذ
لكن لسع يا خي 2004 دا ما بعيد ؟
الله يحيينا، ما تخش القريب دا ؟
القصايد ما يهندي راقدة رز، البورد
كلو شعار أعزل بس أتنين وقول
بسم الله

Post: #77
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-18-2002, 05:43 AM
Parent: #75

بعد ان يتم اختيار الاغنيه
ستلحن من اجل المهرجان وسيكون معا 12 اغنيه جديده من المختارات هنا
وهذه كلها تحتاج لتركيز وعدم تداخل للخلايا اللحنيه وعلي الاقل يجب ان تكون هنالك مسافه معقوله من الايام بين العمل الذي تم الانتهاء منه والذي سنبدأ فيه
ثم تأتي مرحلة التوزيع الموسيقي وهي الاصعب
عموما الله يقدرنا علي سنة 2004 بس في ياناير يعني ماتخاف اعتبر الامر في ديسمبر 2003
تسلم

Post: #76
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-18-2002, 05:19 AM
Parent: #1

تصحيح
أفضل الموجود في دفتر أشعاري

وليست
أفضل الموجود

Post: #78
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-18-2002, 05:45 AM
Parent: #76

ولا يهمك ياود شاموق نحن فهمناها صاح

Post: #79
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-23-2002, 03:42 PM
Parent: #1

يأخوانا بالله ساهمو بالراي بالمشوره بالقصيده

Post: #80
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-25-2002, 01:17 AM
Parent: #1

ليك يالكتيابي

Post: #81
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: عبدالقادر الكتيابي
Date: 11-25-2002, 05:34 PM
Parent: #1

أخي الفنان الشاعري ـ الموصلي ـ أعيد ماقاله أخي نصار ، إنها لديموقراطية الفن ـ وهو يعني ـ حينمايكون التمثيل قومياـ
أرشح لك من العامية قصيدة أخي الشاعر يحي فضل الله ـ وأهديك هذه الأبيات المتواضعة :ـ

()
أسـطـورة أنت لكـني أصـدقها
كـلا مطـلسـمة من غـير تأويل

مـثل التمائم يخفي رسمها لغــة
مجـهولة الرمز عاذت بالمجاهـيل

إن كـنت جـنية أو كـنت ساحرة
أو كـنت حـورية من غيهب النيل

كـوني فإنك ذات الأنت في هوسي
أحلى الحـقائق أو أحـلى الأباطيل

من وسـع البحر في عينيك أطلقني
في أفقـه كفـراشــات القـناديل

يا لسعة ـ وافت الوجدان شـفرتها
أيشعل اللسع قطن الروح ؟ قولي لي

أم أنني قمت بين الناس في حـلمي
أختـال في خيل أوهامي وتخييـلي

أم يا ترى خالقي للحسن مغنطـني
بالحسـن فانجذبت عفـوا تفاصيلي

كتيابي

Post: #83
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-26-2002, 00:09 AM
Parent: #81

هل هل
ماقتلك يازول
بالله عليك لاتبخل علينا

Post: #82
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: sama7-au
Date: 11-25-2002, 07:17 PM
Parent: #1

العزيز الموصلي

لك منى عاطر التحايا وانت تتربع على عرش العطاء المتفرد في نوعه..
واجدني اتابع كل ما يدور في هذه الصفحات واوجث في نفسي رهبة لمفردات من عباقرة مثل الكتيابي وودشاموق .. فتتوارى مفرداتي تلك الرتابة وراء جدران البورد حياءا ..

يالكم من مبدعين
وياليتنى اكون في مهرجان الدوحة حينها
وقبل الإقلاع
وما اني ما شاعرة زي ما انت عارف
هاك ديل

القرار

كل ما اقول أدور أمشى وأفوت وأنساك
الاقي خطاى ماشة عليك وماشة حداك
خطاى الضائعة في الدرب العريض يا ملاك
لقت دربك وضاعت فيه دون أسباب
انا التعبانة من تعبك
انا المحتارة من حيرتك
وأنا المشتاقة لشوفتك
وأقول يارب متين ألقاك

ووقت ألقاك
الاقي الكون صبح في سكون
والساعات جرت ضدي
وألاقي الكلمة تتكسر
وألاقي الخطوة تتعتر
وسهموم عينك في جواااااي تتخلل
تشتتنى
وتضهبنى
وما بقدر أنا اتحمل
وساعة الهجر
عيونك جافية قاسية عديل
متل ما تقول
سهم في الجوف سكن طول

وأقرر اقول افوت وأنساك
وبإصرار ودعدتك وفتا هنــــــاك
وأول وهلة في بعدك هلاك في هلاك
وافتش ليك وما بلقاك
وما بلاقي الشبيه لهواك
وأعاين في العيون في الكون
ألاقي عينك أحلى عيون
وأحلى جنون
وأحلى طريق سلكتو معاك
وصوتك نغمتو الحلوة
تزيد اللوعة في جواى
وأبقى اليك كتير بشتاق
وبرجع في القرار بسراع
وأتمناك وما ألقاك
وأقعد اصنع الأسباب
أكيد مزحوم
أكيد مهموم
أكيد وأكيد
وفي جواي يهتف صوت أكيد كذاب
وكل ما اقول اعاند واهجر الأشواق
يقيف الشوق يلح ويلح
يدق في الباب
واتمناك وما بلقاك
واقرر تاني انسى هواك
الا عينك قصب عني
تكسر العزة في جواى
وادور القاك
وأبقى معاك
ولا افوتك
ولا انســــــاك

و

اليك

الى من اتى حديثا الى زمانى
الى من جعل لكل شئ اسمى واحلى معانى
الى من تقلقل في وجدانى
وملك عقلي وقلبى وانسانى
الى عمري الى روحي الى مدائن العرسان
الى من ملك تفكيري في كل ساعة وثوانى
الى وطنى
الى بيتى وعنوانى
الى من اشتاق اليه في كل الاحيان
الى من احب بكل كيانى
الى حبيبى اليك اكتب الحانى
اليك يا بحيرتى
وانهري
وخلجانى
اليك يا مراكبى وسفنى وقرصانى
اليك يا شاطئ واصدافي وكل مكان
يا ايها الانسان
يا فتى احلامى
يا .......ـ
يا من احب حب يفوق مساحة قلبى ووجدانى
يا ليتنى اجيد سرد الشعر
فلو كنت شاعره لكتبت فيك اطول واحلى اغانى
ولو كنت كاتبه
لكتبت قصتى معك يا سيد زمانى
ولكننى كما ترى احاول
ولمن يحاول كما قيل اجران.......

و

عتاب

يا قلبى لا تعتب علي
انى رحلت بلا اختيار
يا قلبى لا تقسو علي
من كنت اهوى نسى وجار
عنوانه الشجن الاليم
ومن بعد ما عز المزار
كسر الفؤاد رحيله
ومذاق حلوي قدا مرار
وعشرة الايام زالت
وتبددت دون اعتبار
احببته دون اختيار
وتركته دون اختيار
فالاولى ويل حارق
والاخرى بين وانهيار
وانا بتلك وهذه
في حر نار اي نار
يا قلبى يا هذا الصريع
يا من اضمك في الضلوع
كف البكاء كفى انين
لا جدوى من طول الحوار
باع الحبيب واشتريت كرامتى
فهل كان ربحا ام خسار؟
يا قلبى ارحمنى كفاك
فذاك كان هو القرار
دون اختيار

و

يا قلب

بعد الجراح عادت لاقلامي الحياة
تكتب خواطر كل يوم تسرد شعر
ورنة الحزن الحزينة الفي العيون رحلت بعيد وغادرت
وكل الهموم والمشاغل هاجرت
اديتها تأشيرة خروج من غير رجوع
والمسافات البعيدة شافت عيونك وقربت
لقت الدفى
ولقت السكينة
وندمت انها اتغربت
ورجع السفر يرتاح معاك
وبيك يرتاح مرتين
هجر المراكب والسفن وكل الدروب
وقال تانى ابدا ما يفوت
يا البسمتك ضوت حياتى واشرقت
وبقت الشمس وكل النجوم تخجل تبين للعالمين
وبرت الجراح راحـــــــت وما تركت اثر
وضاق الحزن طعم الفرح وقال يا ســــــلام
اتاري مظلوم من زمان
يا ريتنى لو اقدر اوصف الفي الدواخل يا قلب
لكن عزاي انك معاي جوا الصميم
ويمكن تكون عارف العلي اكتر علي
انت الهنا
وانت الهناك
برجاك في كل الاماكن وبشتهيك
وبنوم وبلقاك في المنام
واتمنى ابدا ما اقوم
لكن
لكن
لكن بقوم
والقاك في كل الدروب والازمنة
والقاك هنا
جوا القلب
انت القلب

سماح

Post: #84
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-26-2002, 00:11 AM
Parent: #82

شكرا ياسماح علي مساهماتك النديه النابعه من القلب الرقيق
الموصلي

Post: #85
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-26-2002, 01:03 PM
Parent: #84

وهاكم دي من طارق التوم

البنية الامهرية
---------

منك الفرح المعطر
برحيقك يا صبية
وبيك لون الدنيا انضر
يا عيون صادقة ووفية
لما طليتى فى حياتى
وطلة الاحلام ندية
شايلة حنية وسماحة
وناشره عطرك صندلية
حاضنة عينيك البشائر
لسنين طيبه بهية
الزمن كان قاسى قبلك
والامل ما ناوى جيه
والمشاعر الحية نامت
والدروب صبحت قصية
جيتى صحيتى المشاعر
والامانى المخملية
جبتى لعمرى التفاؤل
وللعيون افراح وضية
يا صباح طال انتظارو
عندى ليك بالقول وصية
خلى بالك من عيونك
يالبنيه الامهريه

وشكرا لايهاب ابن عم الشاعر

Post: #86
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-26-2002, 04:38 PM
Parent: #1

من عيونك ..
تبرق النجمات معاني ..
والأماني ..
لي جمالك ما بتطول ..
حسنك الفرد المأصل ..
والجمال مخلوق عشانك ..
ليك مفصل ..
والأغاني ..
من سماكي علينا تمطر ..
زادت الغيمات هطول ..
من جمالك ..
عجزت الكلمات توصف ..
حسنك المزروع شتول ..
في قلوب الناس بيرسل ..
روعة الحسن البتسكن ..
في الضماير والعقول ..
حرة زي نسمة خريف ..
وزهرة من قلب المداين ..
يانعة في كل الفصول ..
عجزت الاقلام تسطر ..
زي جمالك في القصايد ..
من نسايمك في الحقول ..
تشرق الأنوار علينا ..
نجمة في ضل العتايم ..
ترسل الأفراح رسول ..

علاء الدين
26/11/2002 م

Post: #89
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-27-2002, 00:43 AM
Parent: #86

جميله ومعتقه

Post: #87
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-26-2002, 09:21 PM
Parent: #1

أبحرت سفن التمني ..
قاصدة لي أرض الشمال ..

غادرت كل البواخر ..
شدت السفن الرحال ..

والطيور ركبت سفينة ..

في دجى الليل والعتايم ..
راحلة في أرض الجمال ..

هجرة الطير المغني ..
تارك الأوطان جنوب ..

في وداع حسناً مسافر ..
تنزف أوتار القلوب ..

دمعة الفرح الحزينة ..

كلما مرت نسايم ..
والرياح هبت هبوب ..

أبحرت سفن التمني ..
باحثة عن جنة عدن ..

في فيافيك الزواخر ..
جنة أوتار الشجن ..

سافري في كل المواني ..
مينا مينا ..

وأطلقي الزفرات حمايم ..
في دياجير الزمن ..

علاء الدين
26/11/2002 م

Post: #90
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-27-2002, 00:44 AM
Parent: #87

لا بقي دي خطره عديل

Post: #93
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: ود شاموق
Date: 11-27-2002, 00:57 AM
Parent: #90

تسلم يا عمنا الموصلي

Post: #88
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: altahir_2
Date: 11-26-2002, 11:21 PM
Parent: #1

الحبيب والرائع المبدع استاذنا الموصلي
شكرا لهذا البوست الرائع ابعث لك بهذه المقاطع من قصيدة أدمنتك لعبد المحمود السماني وهي ملحنه وجاهزه عندي مشاركا بها في هذا البوست ادمنتك محمود السماني
نقر صوتٍك سكون الليل
سكت هرج السموم الغم
لسان حالٍك خرير النيل
يصّحي بيات مشاتي القيف
وقتين فجرك يتبسم
ويبدو عليك نهيض الخيل
يحضنك موج كتم سرك
عصور الهجرة ما ملاّك
ولا هو نضم على جمرا تهبو الريح
حرس رجعة عيونك كم
********************
ملقلق طيفك الخمجان وما بندقّ
وحلّق في السما الراعش
جنون الفطرة من صفوة جبينو قلق
همسك للمطر نقنق
دلقك في دعاشو عبق
سبق بي غيمو ميقاتك
يغالط بي ميعادو الحق
مجرتق بالشفق والطين
حرق دفتر هويتو بخور
ومحّق للقيامة جريك
طلق غول الخيال في الدم
وكان مكتوف وخافك وعد
*********************
ويا ريتك يطابق ظني توقيتك
واعاديك بالارق والخوف
وعرّضتك قطاعتي تجيك
اهزمي موت فصول الرجعة
املى حياتي حــّد الشوف
هواك ما كان محض صدفه
ولا غابيك عدم عرفه
ولا ساقنى القدر مكفوف
انا مربيك من نطفه
ومتاتيك باقي ليك دفه
وبسابق في الزمن ملهوف
شبه مألوف
وانا الرامياني جبنة شوفتك
أدمنتــــــــــــــــــك

Post: #91
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 11-27-2002, 00:48 AM
Parent: #88

شكرا يامبدع
ومن الحاجات العاجباني فيك جدا
اختيارك الدقيق والموفق للنصوص
وياريت تسمعنا ليها هنا في البوست ده وتنزل الاغنيه جمب النص
وانا سعيد بيك جدا

Post: #94
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: altahir_2
Date: 11-27-2002, 05:57 AM
Parent: #1

استاذي الحبيب الموصلى
هذه مقاطع من قصيدة ادمنتك لعبد المحمود السماني وهي ملحنة وجاهزة
عندي ان شاءالله تسمعها في اقرب وقت ممكن
ادمنتـــــــك
نقر صوتك سكون الليل
سكت هرج السموم الغم
لسان حالك خرير النيل
يصِّحي بيات مشاتي القيف
ّوكتين فجرك يتبسم
ويبدو عليك نهيض الخيل
يحضنك موج كتم سرك
عصور الهجرة ما ملاّك
ولا هو نضم
علي جمرا تهبو الريح
حرس رجعة عيونك كم
*******************
ملقلق طيفك الخمجان وما بندّق
وحلّق في السما الراعش
جنون الفطرة من صفوة أديمو قلق
همسِك للمطر نقنق
دلقك في دعاشو عبق
سبق بي غيمو ميقاتك
يغالط في ميعادو الحق
مجرتق بالشفق والطين
حرق دفتر هويتو بخور
ومحّق للقيامة جرييك
طلق غول الخيال في الدم
وكان مكتوف وخافِك وعد
**********************
ويا ريتك يطابق ظني توقيتك
واعاديك بالارق والخوف
وعرّضتك قطاعتي تجييك
اهزمي موت فصول الرجعة
املي كياني حــدّ الشوف
هواك ما كان محضّ صدفة
ولا غابيك عدم عِرفة
ولا ساقني القدر مكفوف
انا مربيك من نطفة
ومتاتيك باقي ليك دفة
وبسابق في الزمن ملهوف
شبه مألوف
وانا الرامياني جبنة شوفتك
أدمنـــــتك

Post: #95
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 12-04-2002, 01:19 PM
Parent: #1

وهاكم دي من ياسر محجوب

وجهك كان بترجرج سائل ماء
جوهر حلمك كاشف
وجهك و الأصداف
إشعاع النهر الخابئ، في الأعشاب و الطمي الزاحف
وجهك، تعويذة الخوف الساعر
فجأه توتر
مرقت روح النهر سعالي، وحوش، الحلم إتعكر
المدن الممكنه غامت، بواباتها بعااااد... بدأت ترحل جوه الليل
نحرت روح النهر المرقت صمت الليل، كوراك
إتجمد صوتك صاح الخوف الساعر
ملء الفم الراعف و فاغر
أصداء، أصداء، أصداء وغياب
عرقك نافر، طلسم وعيك عين مثقوبه مجسم
طعم العرق المالح
يقظه

بتذكر وجهك لمن جاك الطلق الأول
برهة خاطر عابر
عندها جات الخيل
سقط الزمن العابر فوق الصخر البارد
وعيك فوق الجبل الصالد
بوابات الليل السبعة و قصر الخوف الساعر
وقع الحافر فوق الصخر و صوت الريح الدافر
وجوه الخيل مشتعله، البرق الشارد أسئله....
هل؟؟؟؟ تتساءل.....
وقع الحافر فوق الصخر وصهيل الخيل و الريح تكوين الصوت الماثل؟؟؟
هل في البرق وجوه الخيل مشتعله حضور؟؟؟
هل وعيك موجود؟؟ حاصل؟؟؟
بتذكر وجهك لمن جاك الطلق الأول
كنت جميله و حبلى إضاءه بصخب الطمي الواصل

بتذكر وجهك لمن جاك الطلق الأول
خاطر عابر، برهه وغبتي
ظلام.....

Post: #96
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 12-21-2002, 02:48 AM
Parent: #1

وهاكم دي من عبد العال السيد

موال على درب النخيل عبد العال السيد

سنة التساب في قريه في جوف الشمال

كانت بيوتا مشتته

وكان الزمن لسع صبي وكان الليالي عقاب شتا

وكانت رياح الليل تعربد تمشي بينات النخيل والجو مغبر والرياح والضفه والموج في كتال

وما في شي يجرح نعاس الليل بلا حس الرواويس والمراكب هاربه من برد الشمال

ونباح كلاب نص الليالي الصاحيات والقمره شالعه

على التلال

وفانوس يبقبق من على شباك قديم

واطياف حريم

متلفعات خايفات من الليل والسديم

والحان بتطلع من حلق وترن على وش الفجر

مبحوح بعد راح النديم

وهواكي بطلع من عبير نفس الشجر

من هدأت الليل البهيم

ومن سواليف السحر

ومن ترانيم البحر

يفرط عقد ايامي في طبق النسيم

يا مهره من بر الصحاري الكبرى يم ديسا

مهدل في الكتوف زي غيمه في آخر الليالي

زحمة مكاتيب بيني ما بينك قمر

نايم على حضن الدوالي

موال على درب النخيل والريح مغارب

في شتا البر الشمالي

دوباي وترنيمة لبيب حادي القوافل

والقمر صحيان يلالي

موسم طلاقات للربيع ومدن مسوره بالآلي

واعراس تقج فيها الزغاريد والدلاليك في السحر

مخنوقه تهبك كل ليله على التوالي

رمشك مظلات من حمو الشمس المداريه

وعيونك طاقه للغنا والسحاب

نفسك نسيم ليل الخريف والقبلي شايل

في الصعيد بعد اليباب

زولك حزين محقت سنين الغربه عمرو

وعده خلالهو الشباب

قاعد على قهوة محطات العمر

يحسب سنين عمرو المضت من غير اياب

والليل مواكب ضجه والشارع ضلام

لا همسه لا خطوات بتعبر لا كلام

غير نهنهات صوت البكا الموجوع

بتمرق من شبابيك البيوت آهات تؤثر في العظام

بيني ما بينك ممالك من سراديب

سيف وتفاحه وخيول

صيف مروح غيمه في آخر الفصول

ناي حزين فاتح شبايبك حسره للمندب

على ريح السهول

طفله ترقص في المدى المشحون بايقاع الطبول

غابه في نص المدار وقمر على طاقة الافول

بيني ما بينك معاني

وكلام قديم يا عمري ما سووهو في كتب الاغاني

وهواكي زي نار " السلم " موقوده في جوفي

وحشاي لاهلابه والشتا اربعاني

بيني ما بينك مصير

مسرجات الليل ومركب في رياح موسم مطير

صرخه في الجبانه تسرح في حشا الليل الاخير

بيني ما بينك وطن

غابه للشوق والعصافير والشجن

ريح بتمرق من جدار الليل تغربل زي طواحين الزمن

Post: #97
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 01-30-2003, 12:53 PM
Parent: #96

وهاكم دي من الصديق زمراوي

لا السلاح بمسح حبر مسكوب ضنا وهم واغتراب
لا الليالى الداكنة تبعد خطوة فى درب الاياب
وبين صميم المعنى والشوق ارتجيك
سكة فى خاطر الغنا
لوحة الوطن العنيد
لفحة النسمة الحنين
شهقة الوجع العنا
*******
صوتى فى صوتك هدير
شوق مطامير الهوى
تكية الريح فى النخيل
ومضة فى قول اتروى
شفع الشارع وسام
ضحكة الاطفال تميل
ترفدك نهر احتمالى
وعلى من صوتك مصير
شهقة الخاطر سوا
والعتامير لابتجير
حزن منسوب البحر
لاالسلاح بمسح حبر مسكوب ضنا وهم واغتراب

Post: #98
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Hozy
Date: 01-30-2003, 09:23 PM
Parent: #1

استاذي الموصلي
شنو الاخبار الجميلة
بما انه جديدة وكده اول مره اشوف البوست ده طبعا
واعرف انك حتشرفنا هنا
ياسلام
اخبار حلوة خالص
لقيت القصائد كتيرة وجميلة
ما عارفه تحب اشارك بقصيدة ؟
مع اني بفكر في موضوع تاني
دويتو كيف معاك؟؟؟؟؟؟؟؟ لوووووووووول
صوتي جميل والله احسن ليك فكر في الموضوع والشكل مابطال
فما تستعجل في الرد

لووووول
لنا لقاء
ودمت

Post: #99
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 01-31-2003, 00:16 AM
Parent: #98

لا طبعا احسن الدويتو لكن خليني اكون اناني شويه
القصيده مطلوبه كمان لانو كان الله
امد في العمر بعد فتره وجيزه ساعود
للتفرغ للفن تماما وبانتاج غزير لي ولي غيري
ساصب عصارة جهدي وخبرتي وعلمي
بس عايز اكلفك تتابعي لي الموضوع ده وتجيبي لي معلومات زياده
اصلو رسلت ليهم ايميل
وماردوا الظاهر شافوا التاريخ بعيد
وهم عندهم واحد قريب
تسلمي ولو صوتك حلو جد رسلي لي شريط او بالايميل
لانو نحن بنفتقد للصوت النسائي
وبرغم كده معاي صوت حأفاجئكم بيهو قريب
في البورد ومافي مانع يكون في واحد تاني وتالت

Post: #100
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Hozy
Date: 02-01-2003, 11:28 PM
Parent: #99

معقوله بس يااستاذ
انت تأمر
بس قول لي امشي اسأل وين بالظبط ؟ وكل المعلومات تكون عندك
والمهرجان 2003 خلاص انتهى بالنسبة للاغنية
بس رسل لي وريني شنو المعلومات وكده
واسم الحتة المسئولة
وبعدين
ااايييييي صوتي سمح شديد
احسن ليك انشاء الله اعمل ليك كورس

وبرضو انشاء الله حاضرين بالكتابات
ودمت

Post: #101
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 02-01-2003, 11:48 PM

والله اكون صريح معاك
انا كنت اخذت الوب بتاعهم من الانترنت وختيتو في كومبيوتري وبعدين فقدت كل الداتا
وانتو الاقرب هناك والدوحه اصغر من حي العرضه ولا شتو ياهوزي انا متكل عليك وعلي الله وشوقي معاك ود الباشا ومدني النخلي
وابراهيم علي بساعدوك
تسلمي وانا سعيد بي اهتمامك ده

Post: #102
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Hozy
Date: 02-02-2003, 00:14 AM
Parent: #101

حاضــــــــــرين ولا يهمك
على العين
ودمت

Post: #103
Title: Re: يابورداب الدوحه انا من هسع كلمتكم قدام البورد ده مهرجان الدوحه الغنائي
Author: Elmosley
Date: 02-02-2003, 00:21 AM
Parent: #102

الله يخليك لينا عزه معزه واقتدار
ياهوزي