Post: #1
Title: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 04:26 AM
الاغنيه لفنان شعبي مشهور
تغني بها كثيرا تناساها ثم عاد اليها ثانية
وهذا التسجيل في بداية السبعينيات
فمن هو المغني؟
ومن هو الشاعر؟
ومن هو الملحن؟
|
Post: #2
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: rani
Date: 06-01-2004, 04:51 AM
Parent: #1
والله يا موصلي انا عامل فيها بتاع حقيبة
والملم في الشرائط واسمع في روائع زمان
لكن الزول دا حيرني عديل كده
غايتو الصوت ما غريب علي والاسم اتخيل لي بيبدا بي (ابو) حاجة كده.
علي اي حال الاغنية روعة
ويا اريت لو حصلتني بلنك الحفظ
عظيم احترامي وكل ما تيسير من قرآن الوجد ً
|
Post: #4
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 05:00 AM
Parent: #2
جدا ياراني
اللنك ده واحد من حوافزالجائزه
اعدك بانني حاعملو
اصلك راجل غالي علينا
وكان المساله صعبت علي الجماعه
حأبصصك
|
Post: #6
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 05:07 AM
Parent: #4
Click here
اها ياراني احفظها ومعاك المطر كمان
|
Post: #3
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: THE RAIN
Date: 06-01-2004, 04:52 AM
Parent: #1
صباحك جمال وأنغام يا موصلى
الأغنية ما اشتغلت معاى، الغريبة أنا نزلت أحدث نسخة من الريل بلاير وبرضه بدينى رسالة بالخطأ، كدى لحدى ما أرجع البيت وأشوفها
أما الصورة فأظنها صورة الموصلى فى الزمن الجميل داك، والفيتشرز فى الوجه ياها نفسها غايتو
مع المنى
|
Post: #5
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 05:02 AM
Parent: #3
المطر كدي قول بالله وين وجهه الشبه بين الموصلي والشاب ده
كدي وصف لينا
|
Post: #7
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: rani
Date: 06-01-2004, 05:12 AM
Parent: #5
شكرا ليك يا موصلي علي لنك الحفظ
اها الفنان
بس ما يكون بادي
عظيم شكري
|
Post: #8
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 05:18 AM
Parent: #7
يخيل لي قربت تنقشو
ياراني
اساعه عندنا 12 وربع
انا ماشي علي النوم وبجيكم الصباح القاكم
حليتوالمشكله ان شاء الله
|
Post: #9
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: rani
Date: 06-01-2004, 05:33 AM
Parent: #8
اها يا موصلي
بادي محمد الطيب
الشاعر
عتيق
او
سيدعبد العزيز
|
Post: #16
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 10:40 AM
Parent: #9
معليش ياراني جليت في الاتنين
|
Post: #10
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: سارة منصور
Date: 06-01-2004, 05:33 AM
Parent: #1
االاستاذ المحترم دوما _ يوسف الموصلي
الصورة باذن الله صورتك _ وهل يخفي القمر يااستاذ ؟
نفس الملامح والشبه ونفس التقاطيع ونفس النظرة المتسامحة الكريمة
بلا شك انه انت يااستاذ يوسف _ وقد تمعنت الصورة مئات المرات فلم اجد
إجابة عن صاحب الصورة غير إجابة واحدة ( يوسف الموصلي)
اما فنان الاغنية فااظن بانه بادي محمد الطيب ..
غايتو مامتآكدة لكن الراجل ده طوالي بلبس الجلابية والعمامة وكمان بلبس نظارة
ووراءه في شيالين ...
كل الحب لشخصك الجميل ..
|
Post: #11
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: nazar hussien
Date: 06-01-2004, 06:23 AM
Parent: #10
يا موصلي الغنية ما شغاله ....كان اشتغلت...بس من هبشة الرق بعرفو ليك...كان من زمن ود بعشوم وعبدالله الماحي بعرفو...وكان من جيل ميرغني المامون بعرفو وكان من جيل بادي ومبارك حسن بركات بعرفو وكان من جيل الموصلي زمان بعرفو وكان من ناس فرفور بعرفو...
اها الشعراء ديك خليهم ساكت اغلبهم شفتهم شوف عين...وسمع اضان من خشومهم من ود الرضي لي عتيق...
|
Post: #12
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: anwar abu gaidaa
Date: 06-01-2004, 08:30 AM
Parent: #11
الفنان الحبيب يوسف
المغنى هو الاستاذ يوسف الموصلى بنكهته وذاك الطعم الجميل
والصورة ايضا لك؟؟
لقد اضحكتنى وافرحتنى وابكيتنى ومنحتنى مناخات عديده الله اديك العافيه
اها الجائزة متين؟؟
انور عبد الرحمن
|
Post: #13
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: ترهاقا
Date: 06-01-2004, 08:49 AM
Parent: #12
لكن الجزمة ما عندك ، اما مسألة الفنان منو
حأخلى الشباب يخلصوا من تخميناتهم وبعدين اجى صادى
|
Post: #32
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 07:05 PM
Parent: #13
ترهاقا انت قايلها جزم هسع المعشكبه ديه
دي جزمه جلد اصليه وجديده كمان
|
Post: #19
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 10:52 AM
Parent: #12
انو انت بنقو ايوه
ده يوسف الموصلي لكن اسمو ماكان كده
والصوره برضو انت صاح وهاك صوره تانيه برغم انها بايظه
لكن واحد من الاحباب هنا ممكن يصلح لينا الصور ديه
|
Post: #18
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 10:46 AM
Parent: #11
هاك يانزار
لنك الحفظ
اعمل رايت كلك واحفظها في كومبيوترك بعدين اسمعها
a href="http://www.elmosley.org/Bad.mp3">Click here
|
Post: #17
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 10:42 AM
Parent: #10
طيب ياساره موفقه في الصوره
نعم الصوره هي ليوسف الموصلي زمان
واول زول نقش هو المطر
لكن ماقدرتي تنقشي الفنان
|
Post: #14
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elwaid Osman
Date: 06-01-2004, 09:03 AM
Parent: #1
الاستاذ العزيز الموصلي
انا اضم صوتي لي انور ابو غيدا ... ده انت ذاتك الفي الصوره والفي الغنيه
الله اديك العافيه.
وليد يوسف
|
Post: #20
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 11:13 AM
Parent: #14
تسلم عزيزي وليد عاد البغلبكم منو ياناس
الموسيقي
بس ده ماكان الاسم
|
Post: #15
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: bushra suleiman
Date: 06-01-2004, 09:21 AM
Parent: #1
الله يديك العافيه وطولة العمر يا يوسف.. يعنى الصوت هو زاتو الما بغبانى وهل يخفى القمر، حليل ايام مركز شباب السجانه والخرطوم
|
Post: #21
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 11:15 AM
Parent: #15
اها يابشري العزيز اسمي كان منو
والشاعر منو والملحن منو
والكلام ده قبل مركز شباب السجانه
|
Post: #22
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: بلدى يا حبوب
Date: 06-01-2004, 12:24 PM
Parent: #1
الاستاذ /الموصلى
الصورة طبعا اتعرفت (وهل يخفى القمر)
الفنان احتمال يكون محمود على الحاج
الشاعر احتمال عوض جبريل
اللحن احتمال محمود فلاح
وبرضو شكرا على اللحن الجميل ده
تحياتى
|
Post: #23
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 12:37 PM
Parent: #22
بلدي ياحبوب الجميل
الصوره انت صاح
والباقي
كضبا كاضب
لك المحبة والتحيه
|
Post: #24
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: حبيب نورة
Date: 06-01-2004, 12:53 PM
Parent: #23
هسة وينها الجايزة
انت داير تمقلبنا
واللا شنو ؟؟ كان
للغنية والله روعة
لكن بندور القريشات
يا الموصلي أخووي
|
Post: #25
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: nazar hussien
Date: 06-01-2004, 01:44 PM
Parent: #24
يا موصلي...سبقني انور علي الاتنين...والفرق بس في زمن المقيل هنا...قيلت وجيت لقيت الغنية اشتغلت...وانور عرفك ...اها تعال يا انور
وانت زاتك يا الموصلي وده سؤال جد جد وجائزتو 300 دولار
الفي الكورس تلاته...قولوا اساميهم...ولما اجاوبك حا تنخلع
وحا اجيك راجع لاجابة سؤالك بتفاصيله...وافتكر الي الآن لم يجب اجابه وافية واحتمال اشاركو في الجائزه.....اما اذا فشل الجميع في تسمية اعضاء الكورس وجاوبتني انت يكون جائزتي سقطت بالمقاصه...يعني المقام والبسط واحد.
|
Post: #26
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: anwar abu gaidaa
Date: 06-01-2004, 04:42 PM
Parent: #25
الحبيب يوسف الصوره الباسبورت
مبالغه يعنى سودانيه لمن جايبه كتاحه؟؟ ومشرطره والله مكسره ما عارف ؟؟
ولو فيها ختم كنا نقول دى شهادة التسنين؟؟ والله شنو؟؟
ويا نزار حسين هوى؟؟ الكورس ده كمان دخله ه شنو بالمسابقه؟؟
ما تخلينا نشيل نص الجايزه دى ؟؟
لكن اظن جلال الصحافه واحد منهم؟؟
والاسم كان يا يوسف الصحافه يا ود الاشلاق با بوسف بلال وده تخمين والله ما عندى معلومه حاضره؟
انور
|
Post: #30
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 07:00 PM
Parent: #26
والله يا انور انت اللي فيهم
الاسم كان يوسف ود الصحافه
واحيانا كانوا يقولون يوسف جبره
بالله مش صوره خطره
لسه عايزين نعرف الشاعر او الشعراء
والملحن
|
Post: #29
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 06:58 PM
Parent: #25
طيب ياسيدي واحد في الكورس موجود بالامارات العربيه
اوعه يكون ده البصصك
وواحد يخيل لي في السعوديه
والتالت في السودان
|
Post: #28
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 06:56 PM
Parent: #24
كدي هسع وينا اجابتك ياحبيب نوره
والله ما تجاوب
عل اكلم ليك حبيبتك
|
Post: #27
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: omar_ragab
Date: 06-01-2004, 05:12 PM
Parent: #1
wowow
ya slaaaaaaaaaaaaaaaaaaaaam
mashallah very nice wallhii
i like the pic hhhhhhhhhhhhhhhhh
3soly shaded hhhhhhhhhhh
nfs alshbah wa nfs almlamih
bliahi adeena more pics min di low momkin ya ustaz
|
Post: #31
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-01-2004, 07:03 PM
Parent: #27
Why not Mr. nice poet. It is my pleasure to do so.
|
Post: #33
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: الجندرية
Date: 06-02-2004, 09:00 AM
Parent: #1
ياخوانا شغلوا لينا اللنك خلونا نفتهن
موصلي بالرق ، بالأوركسترا بالعود
ساااااااااااااااي كدي
برضو بقعد كراسي المزاج
|
Post: #34
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-02-2004, 10:08 AM
Parent: #33
ياجندريه
لازم تسمعي يوسف ود الصحافه ده
ود الصحافه ده
عشان نكمل القصه
|
Post: #35
Title: يازول يازول كب الزوغه
Author: Elmosley
Date: 06-02-2004, 12:31 PM
Parent: #1
يازول
انت وين
ولا دي غلبتك
|
Post: #36
Title: Re: يازول يازول كب الزوغه
Author: anwar abu gaidaa
Date: 06-02-2004, 02:05 PM
Parent: #35
زمان يا استاذ يوسف فى برنامج دنيا دبنقه
والله فرسان فى الميدان ما متذكر؟ كان الواحد لما يجاوب نص اجابه او تلميح
بقولوا ليهو الجائزه تذكره الى القاهره
وبما انك جاوبت نص اها انت الان فى دنقلا؟؟
فما عارفين نصيبنا شنو؟؟
وليك الود
انور
|
Post: #38
Title: Re: يازول يازول كب الزوغه
Author: Elmosley
Date: 06-02-2004, 03:42 PM
Parent: #36
الحبيب الي نفسي انور خلاص اديناك تذكرة طياره الي دنقلا
حيث جزيرة مروارتي موطن والدي
او الزورات موطن والدتي
او ارقو السير موطن بعض اهلي
وانت علي الرحب والسعة
|
Post: #37
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elwaid Osman
Date: 06-02-2004, 02:31 PM
Parent: #1
استاذنا الكبير الموصلي
الاغنيه والصوره دي اوحت لي بي فكره. هي فتح موضوع نقاش حول تطور الاغنيه السودانيه الوسيطه عبر النموذجين اللي قدمت من خلالهما تجربتك اي بين فن الغناء (الحقيبوي) وما وصلت له الاغنيه السودانيه ممثل ايضا في تجربتك من خلال المعرفه الموسيقيه العلميهاالآن. سؤالي يكون كالآتي.هل هو التطور ام التحول الذي يمثل العلامه الفارقه مابين التجربتين مع الوضع في الاعتبار أن التجربه الاولي اي بدايات الحقيبه او الغناء الشعبي كما يسمي اصطلاحالم تتاح لها الفرصه الكافيه لرصيفتها. او بصياغة اخري انك عرفت للجماهير من خلال التجربه الثانيه الموسيقي العلميه.وبشكل اكثر دقه اعني بالتحول والتطور من خلال تجاربك الفرق بين الموسيقي الغربيه(الكلاسيك) كأساس نظري للتطور والتقنين. ام المسأله برمتها هي عملية تحول ثقافي موسيقي كامل مقابل رصيفتها الشعبيه المعبر عنها من خلال اغنية الحقيبه الشعبيه الحضريه.ونواصل اذا ممكن.
انور ابو غيدا وينك يا راجل يا ابو الوليدات؟
وليد يوسف
|
Post: #39
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-02-2004, 11:01 PM
Parent: #37
عزيزي وليد
تحياتي
شكرا علي مداخلتك القيمه وسؤالك الثمين
حقيقة الامر هنالك تداخلا ما بين الغناء الشعبي
والموسيقي الفنية والموسيقي الخاصةعلي غرار الكلاسيكية
ولكن البيئةحول الفنان قد تلعب دورا كبيرا
في تحضير الفنان لعالم الاكاديميات الموسيقي الصعب
حيث تتبلور تجربة الفنان وتصقل
خذ مثالا
قد كنت ارعي اغنام حلتنا في صغري
وانت تعرف علاقة الراعي بالموسيقي
عند عودتي الي البيت لايفارق الراديو اذني الا عند الذهاب الي
الرياضة او السينما حيث كنت ادمن كل الافلام الغنائيه من عربيه الي غربيه
اما الافلام الهندية فقد كانت عشقي فاذا اشتغل الفلم اثناعشر يوما
ادخله اربع وعشرين مرة واحسبها
لذا لا تستغرب ان الاغنيه الثانيه من الحاني في الرق
فيها مديوليشن مع بداية الكوبليه الاول بعد المذهب
مباشرة عملتو كيف ليس لدي اي معرفه
والحاجه ديه لاحظتها بعد وصول هذا الشريط لي
بعد 30 سنه تخيل
كنت مشهورا جدا بالخرطوم واغني باذاعة مدرية الخرطوم كثيرا
تحولي الي الغناء بمصاحبة الاوركسترا
لقناعتي بان الصوت البشري برغم جماله
فهو غير كاف للتعبير عن الخيال الجامح للفنان
تحياتي ولي عوده
|
Post: #40
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: nazar hussien
Date: 06-03-2004, 07:05 AM
Parent: #39
استاذنا موصلي
مافيش حد بصصني...ولكني امتلك النسخه الاصلية لبرنامج نجوم بعيده كاملا...اهداني اياه الصديق العزيز نجيب نورالدين...فيه تجربة الموصلي من الالف حتي قبل رحيله الي الولايات المتحده بايام فيه ذكر للقشلاق ونحن بننطقها الاشلاق ما بعرف الصاح ياتا...البرنامج طبعا بث باذاعة ام درمان لعدة حلقات....ايش رايك نعيدو هنا...
|
Post: #41
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: HAMZA SULIMAN
Date: 06-03-2004, 07:13 AM
Parent: #40
يا لى هذا الصبا الجميل
ما قادر اسمع اى حاجة
|
Post: #43
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-03-2004, 11:34 AM
Parent: #41
فناننا الحلو حمزه
ماذا حدث كدي حاول نزلها في كومبيترك
وامشي لي كلك المكتوبه وانقر باليميين وورينا النتيجه
|
Post: #42
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-03-2004, 11:32 AM
Parent: #40
اول حاجه نتسلبط معاك
ترسل لي نسخه
والكلمه عربيا اصح القشلاق
ولكننا كنا ننطقها دارجيا الاشلاق
وفكره جيد اعادته هنا
نعاضدكم
|
Post: #44
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elsuhaili Magzoub
Date: 06-03-2004, 10:37 PM
Parent: #1
الاخ الموصلي
سلام.............
مع احترامي للجهد الثر الذي تقومون به , اعتقد ان دورنا ان نشجعكم وننتقدكم حتي تخرجون لنا درا من خلجان روحكم المشبعة بالابداع لحد الابداع..
مساهمة مني انزلت هذا الموضوع
Globalization and the Commodification of Culture
Please check
|
Post: #45
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-04-2004, 03:59 AM
Parent: #44
تحياتي يا
Elsuhaili Magzoub
والنقد هو السند الحقيقي للفن المعافي
وانا جاي هسع من بروفه للاعمال الجديده داخل الجامعه
والفكره ان العازفين ينتقدونا كمؤلفين
في الاخطاء عند الكتابة لالانهم
سابحث عن الموضوع
|
Post: #46
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: nada ali
Date: 06-04-2004, 04:14 AM
Parent: #1
استاذنا الموصلى،
تحيات و سلام. الاداء رائع. هل لديك تسجيلات اخرى من تلك الفترة؟
و ايضا فى انتظار الاعمال الجديدة
ندى
|
Post: #47
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-04-2004, 10:56 AM
Parent: #46
نعم عزيزتي ندي
هنالك خمسة عشره اغنية اخري
لحسن حظي كان يحفظها صديق قديم اسمه عمر يوسف
وتم ارسالها لي بواسطة قريب له وقريب اخر لي
وسنعمل علي تثبيتها في موقعي
elmosley.org
تحياتي
|
Post: #48
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Abd-Elrhman sorkati
Date: 06-04-2004, 11:50 AM
Parent: #1
لذا لا تستغرب ان الاغنيه الثانيه من الحاني في الرق
فيها مديوليشن مع بداية الكوبليه الاول بعد المذهب
مباشرة عملتو كيف ليس لدي اي معرفه
لبس لديك معرفة في ذلك الوقت 000
ولكن الان لديك كل المعرفة 0000 ما فعلته سابقا كان
نابع من احساس فنان بالفطرة00 والان طور نفسه000
ابو هديل لك كل حبي واحترامي الذي يزداد يومابعد
يوم0000
ياليت كل فنانينا يناقشوا تجاربهم علنا0000
هذا مع تحياتي
|
Post: #49
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-04-2004, 12:57 PM
Parent: #48
الحبيب سوركتي
تحياتي والله انا فخور بتجربتي السابقة بكل سلبياتها وايجابياتها
وارجو ان تفيد الاجيال القادمه
علي فكره
تلقيت فكره جيده بدائيه عن الموسيقي التصويرية بجامعة ايوا
وانا ذاهب عديل لدراسة سمسترين
عن الfilm scoring
في احسن جامعات العالم تخصصا فيه
جامعة جنوب كاليفورنيا
USC
عليكم الله تعالو نبدا مشروعالمي متكامل لفيلم سوداني مشرف
وانا متبرع عديل
بس مابقدر علي تكاليف الاستوديوهات
|
Post: #50
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-05-2004, 10:39 AM
Parent: #1
الحل الكامل في الطريق
|
Post: #51
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: قلقو
Date: 06-05-2004, 10:54 AM
Parent: #50
حبيبنا موصلى..
الصورة اما لتوت عنخ امون او رمسيس الثانى..وابقى غالط
|
Post: #52
Title: Re: مسابقه فيها تحدي وجائزتها قيمه علينا جاي يابتاعين الحقيبه
Author: Elmosley
Date: 06-05-2004, 11:01 AM
Parent: #51
الموصلي موافق ياقلقو
بس عشان مايقولو قلقو زاد
|
Post: #53
Title: الحل الكامل
Author: Elmosley
Date: 06-06-2004, 12:13 PM
Parent: #1
الكلمات من شعري ولكنها مستعاره من النص الاصلي
للشاعر العظيم عمر البنا
وهي من الحانه ايضا
استمعت للاغنيه لاول مره في صبحيه
بجزيرة توتي وكنت مشاركا فيها بفرقتي الجديدة حينها
(بلابل الغربي) ظهرت بعد لمعان البلابل اسياد الاسم
وهي فرقه مكونه من ابناء قشلاق البوليس الغربي
اذكر منهم ان اسعفتني الذاكره
سيف الدين مكي - محمد احمد عثمان(الغراب) مهدي قرشي
بدر الدين رحمة الله وشقيقه المرحوم كمال
مهدي بابكر وعوض الحجاب وصلاح (التاجر)
ولكن الكورس الذي يتغني معي
في هذا التسجيل هم ابناء مدينة الصحافه
بع ان رحلت اليها وتغيير اسمي الي يوسف ود الصحافه
وهم محجوب ود نفاش- محمد بشير- يحي - حمزه حسن
عوض جون - عوض بنقز الكنزي
ونواصل
|
Post: #54
Title: Re: الحل الكامل
Author: Elmosley
Date: 06-07-2004, 09:59 PM
Parent: #53
اول مر اجرب اغني في بيت عرس
بعد تحنيس شديد
كان ذلك في زواج الفريق معاش عثمان سر الختم
وغني معي ثنائي صديق الصغر
مهدي قرشي
|
|