الي بورداب مسقط شدو حيلكم معانا عشان نجيكم

يقام مؤتمر موسيقي ضخم كنت قد
قرات عنه في صحيفة ايلاف
المطلوب الاتصال بالجهات المنظمه لترتيب الدعوه حيث ان ما يناقشه هذا المؤتمر من صميم تخصصي
وبالمره كده لو نظمتم حفله كاربه كده يكون جميل اها شن قولكم

حيدر عبدالرضا من مسقط:
تنظم وزارة الإعلام بالتعاون مع المجلس الدولي للموسيقى في مسقط خلال الفترة الممتدة من 11 الى 14 من شهر ديسمبر المقبل، مؤتمراً دولياً للموسيقى تحت عنوان"الموسيقى العربية، توجهات مستقبلية". وسيشارك في تقديم البحوث والدراسات عدد من العلماء والاساتذة والباحثين العرب والاجانب في هذا المجال عدد من المهتمين بقضايا الموسيقى الدولية من العلماء والطلبة والمعاهد المختصة حيث من المتوقع أن يصل عددهم الى 400 مشارك تتم دعوتهم عن طريق المجلس الدولي للموسيقى.

وعلى مدى اربعة ايام من اعمال المؤتمر سيتم التطرق في البحث والتحليل والمناقشة مع طرح الحلول العملية المناسبة للتوجهات المستقبلية التي من شأنها مساعدة الموسيقى العربية على تصحيح المسار والهدف بما يلبي الحاجيات الفنية والجمالية والروحية للانسان العربي مع الحفاظ على المقومات والمرتكزات الذاتية للموسيقى العربية.

وسيتناول المؤتمر سبعة محاور بينما يركز الاول حول مناقشة المادة الموسيقية ويشتمل على قضايا السلم والمقامات والايقاعات، في حين يسناقش المحور الثاني آليات الابداع والتحلين والاداء ويشتمل على الالات والتشكيلات الالية والصوتية واساليب الغناء والتحلين والتوزيع والارتجال والتقيد والانماط الموسيقية والنصوص الشعرية.

أما المحور الثالث فيتناول مناهج التعليم ويشتمل على اللغة الموسيقية المعتمدة والتلقين الشفوي واعتماد الكتابة وتنمية الذاكرة والتطبيق والتنظير، فيما سيركز المحور الرابع عن حتمية الربط بين الموروث والحداثة ويشتمل على مجال التعليم والتلحين والاداء الصوتي والالى والفرق الموسيقية، في حين ستخصص المحور الخامس لمعالجة الاطار النفسي

والاجتماعي ويشتمل على ضرورة التحام الموسيقي بالبيئة المحلية ووضع الموسيقى والموسيقيين والاحتراف والتشريعات ووسائل الاستماع والتذوق والاعلام والنقد المختص اضافة الى الثقافة الموسيقية. أما المحور السادس فسوف يتناول البحث العلمي الميداني ويشتمل على السبل والوسائل المتاحة ونوعية الدراسات والبحوث والمراكز والموءسسات المتخصصة واهمية الجمع والتوثيق والارشفة والاحياء في المجال الموسيقي‘ في حين يتناول المحور السابع والاخير فن الموسيقى العربية والتكنولوجيا الحديثة ويشتمل على الاجهزة الالكترونية والاعلامية الموسيقية وظاهرة العولمة وتوجيه الحركة الموسيقية.

http://64.27.100.63/ElaphWeb/Music/2004/7/117.htm

الطياره دى ماعندها وقفه سريعه فى تورنتو؟


او بافلو نيويورك؟


اذا مافى طريقه البالتوك باقى لينا

تحياتى و امنياتى بالتوفيق


النصرى

عزيزنا الفنان الانسان موصلي ..اولا تحايا طيبة نحن سمعنا الكلام دة دلوقت .....واصلا كنا نتحين فرصة موأتية لقدومك اليناحتي تضفي ابعادا وابعادا علي حياتنا في هذه الغربة الجافة ..اضف لذلك سيشرفنا حضورك كموسيقار متخصص اولا وثانيا كفنان ذو انتأج متميز ونحن حقيقة بحوجة لطرح فنا السوداني علي اوسع قطاع خصوصا العرب الذين مازالوا يصنفون موسيقانا وفننا في مؤخرة الركب نسبة لدور الاعلام العربي في ذلك ودور الاعلام السوداني المنهالك ايضا في ذلك ...لذا سنبذل قصاري جهدنا عبر التنسيق بين النادي السوداني الذي يحمل هموم المغتربين هنا ويحاول عكس صورة ايجابية لفننا السوداني ..اذن فلنتظر ذلك الفرح الكبير ودمت .

طه /الهام

الاحبه طه والهام
انا بحاول افتش في النت علي المعلومات لكن بيكون اسهل لو اتصلتم بالجهات المنظمه هناك
وترسلو لي المعلومات وهل هنالك سيكون اداء موسيقي للتحضير الجيد هنا
وهل لديهم وقت لدعوات جديده
ثم بعد ذلك يمكننا ان نفكر في موضوع حفل بعمان نحضر له جيدا
لكم الود انا في انتظار افادتكم

العزيز النصري
تحياتي
طعا كان الله امد في العمر تورنتو في بالي
وقريب ان شاء الله وليه لا ماتكون رحله بالكنديه لي تورنتو ثم الي الخليج
كدي بس النشوف

انا شخصياً جايى ولو سباحة .

شكراً موصلى
شكراً إلهام وطه

ياريت يالؤي الموضوع يتم وينجح ونتلاقي
تسلم

اها الاخبار شنو

يا عم موصلي
عمان دي لو شفت قريييييييييييبة للامارات
فركة كعب على قولة المصريين

امانة ما تحرمنا من الفرصة دي
والباقي خليه علينا

بخصوص الموضوع اقترح الاتصال بالشاعرة أسماء الجنيد( سوما)
واعتقد انها ما بتقصر

تحياتي
زولة123

دكتورتناالزوله المحترمه مليار و 123 مره واكتر كتير
كل التحايا
قطعا المسافه قريبه
واتذكر سنة 96 كنت في الامارات قمت مشيت غنيت
في السلطنه
اها من ديك وعيك
سوما انسانه رقيقه ولطفيفه وحبوبه
وهي مع طه والهام يشكلون وجهان لعملة واحده
ومابقصروا
تسلمي وان شاء الله اجيكم انا عندي استعداد الغي سمستر كامل
واتفرغ لهذه الرحله
اها شن القول

الاخ العزيز الموصلى
سلام سلام أهيل المدام
فرصة طيبة لنراك هنا ... سنة 96 إستمعنا لعزفك الجميل فى النادى السودانى مع الفيديوكليب ... ومع أننا لم نحظ بمقابلتك الشخصية بسبب الزحمة وضيق الوقت الذى مكثته ...
سأبدا غدا فى إتصلات أولية بوزارة الإعلام لأرى ماذا يريدون من أوراق وخلافه
وأن شاء الله نسعد بزيارتك ونقدم إسهاماتك الغنية للأخوة العمانيين

عزيزي
kh_abboud
لك جزيل الشكر وفي انتظاركم
وربنا يوفقنا نقدم ليكم شيئ يليق باهلنا الطيبين

اها يا موصلى وانت فى طريقك لى عمان لابد من عمرة وزيارة لى ابوفاطمة (ص) وعشان كده نحن فى الرياض كلنا انتظار وحاضرين
يا السمح،،،،

بالإضافة إلى النادي السوداني بمسقط أرشح لكم صديقي وزميلي الإعلامي متعدد المواهب الناقد الفني خالد عبد اللطيف الصحفي المشرف على القسم الثقافي بجريدة الوطن.

خالد كما أشرت له علاقات وثيقة بدوائر الفكر والثقافة والفنون في عمان بحكم تكوينه الصحفي ككاتب إذاعي ومسرحي وعهدي به أنه سيكون عند حسن الظن

قطعا ترشيحك في محلو ولتتضافر كل الجهود
وانا بدوري اعد بعمل جاد ومشرف ما استعطت اليه سبيلا
عزيزي كباشي

صديقي
صديق الموج ويشرقني جدا ان تمتد زيارتي لكم
لنسعد برؤية الزملاء والاحبه

استاذنا الموصلى

فيينا مابعيدة من الخليج
والله مسافتها ذى اللى كانك ماشى من مدينة فيينا الى مدينة سالزبورج بالقطر، مدينة الموسيقى والجمال

حسع موزرات بيكون رفع رأسه، والله الشيكولاته المعمولة باسمه مابلغ فيها
الواحد بس يأكل ويمشى الفيتنس لازالة الدهون


اها قلت شنو

ولا نحنا نسافر لناس طه والهام وسوما، بؤضو فكرة

والله يا اشراقه لوتحقق هذا الامر لبادرت بزيارة اوروبا
ايضا لانني كما اسلفت مستعد للتضحية
بسمستر كامل لانجاز هذا العمل الميداني الهام
وكان كمان جيتي بي غادي تشرفي
بس اوروبا في النيه ان شاء الله
تسلمي ونحن فخورين بيك

Salam Abu Hadeel
Sure our friends in Oman won’t fall short in positively conclude this matter, which will definitely esteem Sudanese Generally
I feel intensely depressed that; it happened not to remember the elite Yousif el Mosely who is supposed to be among the top of Musicians in the Arabic World!!!
But it is true that the shame is in our media!!!
I heartily hope that Soma and other friends in Oman will do something to honor them and us with your participation in this seminar, and I'm sure that you will impress the contributors in this seminar with your knowledge and enriched experience
Should all our brothers in Oman collaborate to fulfill this chance, we would all be honored and for sure it will be a good chance for Abu Hadeel to stop by on his way to welcome and credit his friends all around the middle east as well as Europe and
Canada
BTW
Ya Abu Hadeel
I'm alone here in Montreal
If you could just give the chance to visit me thru your way, I would try as well to make a program for you here officially and publicly
Officially I will try to make a program for you in the University where I'm studying (Anglophone University) and no matter for other Francophone Universities which I will take the responsibility of French Translation - if needed-
Aha
What did you say?a
Should I Xpect U as well here in Montreal?a
Please try your best
Also
If it is so
Let us exchange contacting to keep in touch.a

All the best to U
Waiting for the good news

عزيزي elhilayla
تحياتي الخاصة الي شخصكم العزيز
لاتعلم مدي سعادتي وفرحي برايك السديد
وعوتك الكريمة
وانني لاقبلها وبكل فخر واعتزاز
اتفق معك في كل الذي قلته
وان الطريق الي العالمية يجب ان يكون مدروسا
وثقتكم في شخصي كفنان وباحث سوداني
تمدني بقوة مهولة واصرار كبيرين
لبذل قصاري جهدي
لك محبتي

‎‎

Ustaz Yousif
Salam again
I 4got to apologize for writing in English yesterday
Again sorry today, because I have Arabic problem and most times I write from University
Really you deserve that
Pls let me be updated regarding your stopover to Montreal
BTW, last week was the conclusion of JAZ FESTIVAL in Montreal
It was a good chance for us to grace with your presence, but for next year ISA I invite you from now
Pls think gravely in visiting Montreal and Canada generally and let us welcome you among us

عزيزي الحليله انا سعيد بان اكون معك في اي وقت
يتناسب معي ومعك

الاستاذ الموصلي شكرا علي هذه الثقة اذا كان الموضوع شد حيل فقط مننا فهذا امر مقدور عليه .
ساقوم بالكلام مع رئيس اللجنة التنفيذية للنادي الاجتماعي و سابحث معه ايهما اجدي و اكثر نفعا في الاتصال بالجهات الرسمية العمانية السفارة السودانية ام النادي اجتماعي للجالية السودانية . هذا ستكون فيه اجابة واضحة جدا يوم الخميس القادم.
الجانب الثاني علمت انا من استاذ ابوزيد انك زرت هذه المدينة قبل مجيئنا اليها .
الان النادي به ساحة واسعة جدا يسع اكثر من 400 متفرج و بسهولة يمكن اقامة حفل فيه .
هنالك فرصة فعلية لاقامة حفلات في الصالات الخاصة بالفنادق او الصالات العامة
و هنالك مسرح المدينة
سأقوم بهذه الاتصالات الضرورية ( النادي و السفارة ) لاننا نحتاج حهة رسمية للتخاطب مع مؤسسات الدولة هنا
طه جعفر
د

اها وانا راجيكم
وربنا يوفقكم
لكما المحبة الخالصة

يا هلا ويا مرحبة ياهل الفن ، ولقد شدني هذا لخبر لدرجة كسر القطيعة بيني والرد على اي صفحة في البورد وفي انتظاركم بعد العودة من السودان وناس الهام ما بقصروا وما ناسين طلتكم الغالية في 96ومازلنا نسمعها من الفيديو رغم شنات التسجيل لانو اتعلمنا فيكم التصوير .. اي مساعدة حاضرين بس نكمل المطرة في شارع النيل ونرجع لنتزود من بحر ابداعكم واقول ليكم بكلام العمانيين عاشو عاشو...

عزيزي الباقر
شكرا لكعلي الطلة الجميلة
وننتظر ان تأتي الجهود بثمر يحقق
هذه الزيارات ولك الود

يا هلا ويا مرحبة ياهل الفن ، ولقد شدني هذا لخبر لدرجة كسر القطيعة بيني والرد على اي صفحة في البورد وفي انتظاركم بعد العودة من السودان وناس الهام ما بقصروا وما ناسين طلتكم الغالية في 96ومازلنا نسمعها من الفيديو رغم شنات التسجيل لانو اتعلمنا فيكم التصوير .. اي مساعدة حاضرين بس نكمل المطرة في شارع النيل ونرجع لنتزود من بحر ابداعكم واقول ليكم بكلام العمانيين عاشو عاشو...

عشة بت فاطنة

حسي دي حصلت كيف يا ناس بكري انا عاشة بت فاطنة بقدرة قادر انقلب الباقر عثمان تقلبي تقلبي تراني الباقر دي .. دا شنو يا الباقر اكيد دخلت من هنا وخليت ة سايبة
اسفة على اللخبطة الحصلت كيف ما عارفة !!!!

اها وبعدين

يا عم موصلي سلام
ارجو ان ترسل لي على هذا الايميل لاهمية
@hotmail.com

طبعا ده ايميل طواريء ولقينا ليه فايدة
البورد اليومين ديل ما مضمون من الهاكرز
وحتى لا انشر ايميلات اشخاص او لا تنشر ايميلك ارجو ارسال رسالة عندما تقرأه

تحدثت مع سوما وهي مبتعدة عن البورد في هذه الفترة ولم تقرا البوست
لاكن حالما اخبرتها بالموضوع ابدت استعداد كبير للمساعدة

Quote: والله جدا وانا من بكره بشوف الموضوع ده والجهات دى كلها انا بعرفا كويس والله اقوم ليه بى كل شىء مطلوب والحمد لله كلمتينى قبل ما امشى اجازه عشان اتحرك ليه فى الموضوع ده

وهي على معرفة جيدة بهذه الامور
بس مسافرة يوم الخميس القادم وتركت الايميل ورقم الهاتف
ارجوا الاتصال بها قبل سفرها

الشكر الجزيل للرائعة دوما سوما
واتمنى ان توفق في ما تصبو اليه يا استاذ

تحياتي
زولة123

شكرا ليك يلبتنا الهميمه الراقيه
سارسل لك فورا

عمو موصلي.. كان بتصل لي ناس زولة.. مااااااااااااااا بنرضى.. إحنا في قطر فركة كعب من الامارات... انا ناوية أزور السلطنة في شهر اتاشر الجاي.. عندي صديقتي شدييييييييد عُمانية.. وعايزه أزور ناس عمو خلف الله... المؤتمر متين.. معليش ما قريت المقالة كاملة....

بنت الحسين

كان الله هون يامريم
تبقي زياره شامله لي عمان الامارات
قطر البحرين السعوديه
ولك الود