الموصلى على البالتوك . الاحد 8/8

malamih

Quote: نرحب بالأستاذ يوسف الوصلى في البال تولك..وأحييك أخي أوسلى على المبادرة ..وحقيقة خلو قائمة الشرف والأستضافة في البال كان محل تساؤل ..فالقضايا الفنية كثيرة وأهمها عالمية الأغنية السودانية ونواحي القصور.. شكل التسجيلات الفنية الحالية في سوق الكاسيت وتقيمها ...المغنون الصاعدون الحاليون وتقييم أعمالهم وأصواتهم ...أغنية الكي بورد والأوركسترا ...وووو كل هذا الحوار يحتاج ألى شخص مثل الموصلي للتعليق

..

سيكون اللقاء البالتوكى الاول مع الاستاذ يوســـــف الموصـــلى
يوم الاحد .. 8/8
اتمنى ان يحرص الجميع على الحضور لكى
نستمع .. نستمتع .. نحاور
ندخل لاعماق الموصلى لنرى ماذا تحمل وما الذى يشغل باله الان ؟

واخوكم جاهز تب باذن الله

خمســة دقائق بقيت للبالتوك.

الغـرفـة:
sudaneseonline.com

المجمــوعــة:
By Language: Middle East

لكى لا ننسى

بكره ماشي اخد كورس مع سوميتا
وجاهزين الوقت مهم جدا

سوميتا بقت استاذه ؟؟
ننتظر الاجابه من الناظره امدر

كدي يا اوسلي خليك من سوميتا الشاطره
عوير حلتنا زمان علمني ركوب العجله عشان ماكنت بعرف اسوقها

يا اوسلى

انا ماخد اجاذه مخصوص لليوم داك....
و مشترى مايك جديد من راديوشاك..

عملت فورمات للكمبيوتر و نضفته من الكرور


وبعد ده كله ماتبقينى ادمن.....

والله انا نفسى من ذمان ابقى مذيع و اعمل لقاءات فنيه و ادبيه

Plea--------------------------------------------se

Quote: ماتنسي الكرفته يالنصري

كتب اسامه الخواض

Quote: بعد دا استحقيت لقب البروف رغم انك نلته واكثر من زمان بابداعك ممكن تورينا الماجستير كان عن شنو؟ وهل في فرق في نظام التعليم بين السودان ومصر وامريكا؟ وما هي في رايك ميرات وعيوب كل نظام لو المسالة دي موجودة

ونحن ننتظر الاجابه يوم الاحد

Quote: عوير حلتنا زمان علمني ركوب العجله عشان ماكنت بعرف اسوقها

بركه الما حضرت زمن عباس بن فرناس

جاهزين
لكل اسئلتكم

Quote: انا ماخد اجاذه مخصوص لليوم داك.... و مشترى مايك جديد من راديوشاك.. عملت فورمات للكمبيوتر و نضفته من الكرور

يوم الاحد مش انت معزوم شاورما مع الهكر

بعدين عملت فورمات ليه ؟
الضيوف الكانو ساكنين فى الجهاز رحلوا وين

معتز تروتسكى

Quote: العزيز الموصلى.. الف 100 مبروك.. ولتتواصل سفونيه الايقاع.. معلنة عصر جديد ياموصلى... اذا هى عباداتى.. الموسيقى منك .. وانت تساهم فى نشر عقيدتى.. كيف اشكرك.. فقط.. قل لى.. ومن كل قلبى لى قدام.. والتوفيق..

ابن النخيل

Quote: العزيز الموصلى.... جزوة الابداع فيك...لم يخذلها الاشتعال ولا جنت النار بأيامها...والغربة التى تحاول ان تهدمنا...تحاول انت ابدا ان تبنيها بمونة الصبر والمثابرة..وطوب الماحستيرات...متسلح بالموهبة والاستعداد الفطرى....تهانينا ومزيدا من الابداع ..النجاح

sharnobi

Quote: اقعدتنى وشلتنى الفرحة هى لحظة كان بودى ان اكون بين الحضور الكريم اختزنها... للدكتوارة وللسماع المهذب للنشيد الغناء

استاذ موصلى

عندى سؤال:


ليه معهد الموسيقى لم ينضم لكليه الفنون الجميله و التطبيقيه و استفاد من امكانيات معهد الكليات التكنلوجيه الكبيره(جامعه السودان)..

هل هناك فرق بين دراسه الموسيقى و باقى الفنون التطبيقيه و التشكيليه من رسم و نحت ؟

Quote: هل هناك فرق بين دراسه الموسيقى و باقى الفنون التطبيقيه و التشكيليه من رسم و نحت ؟

ستجد الاجابه يوم الاحد
لو الله مد فى الايام وابعد عنك الهكر

ابوالهيثم

Quote: الأخ الفاضل الموصلي فاحت الازهار ندية وغنى بلبل دوحها غرد وانتشى الغيم في سماءه وأمطرت دنيا الفرح ميلاد تخرج جديد. أهديك حديقة الامانى تتنزه فيها وأحلامك الحلوة تتناثر حولك تهديك السبيل الى نجاح آخر اليك منى عاطر التهانى وأطيب الامنيات ووفقكم الله دوماً وأبداً وسدد خطاكم.. الف الف الف مبروك .. ودمتماً لنا نبراساً وأملاً نقتدي به

ام وضاح

Quote: مبرووووك يا استاذ يوسف الموصلى ودى المحرية فيك لكن الرجعة واجبة عشان عايزين نبنى الوطن اول شىء بالموسيقى عشان نهدى اعصابنا من الكابوس ده وبعدين نشوف الحاصل شنو

.

حاضر يانري بس ارجاني بي غادي

اوسلي
سلام 1000
ممكن تعزمونافي هذا اللقاءالرائع علي شرف هذاالرائع ?

kwar3

انا شخصيا عازمك يامسوب

يا مسووب

انت معزوم ,,

بس يعنى لو فى طريقه يعنى,,

لو سمحت ظروفك و كده..

و معليش

ممكن تغير الاسم بتاع كوارع ده

اصلو انا ما اكلت كوارع من 20 سنه..واسم كوارع ده ببوظ اعصابى

ممكن تشوف اى اسم تانى..ممكن كمونيه (انا ما باكلها كان ما غسلوها بالصابون)

ممكن تجرب ملاح مرس لانه ريحته مبالغه..

اى اسم بس كوارع ما معانا

ولا شنو يااستاذنا و اوسلى

النصري راديو شاااك قلت لي... انا عملته عمرة للكمبيوتر كلو في

فيوتشرشووووووووووب


اها يااوسلي نجي ولا يفتح الله؟!!!!!!!!!!!



نوف

دا كلامك يا نوف
كان ما جات اخت العروس الفائده شنو
النصرى عمل عمرة للمايك لكن نسى اضانو

من دربي ده يااوسلي على اقرب ( مول) عشان نتجهز لي يوم

الاحد..


والنصري ده بس انت كمان ماتقصر معاهو على الصوووووووت لمن تتكلم

عشان يسمعك


ولي يوم الاحد ان الله هون

لكن صحي الساعه كم؟؟


نوف

لازم تجي
يا ود امي

باذن الكريم ..


لك شكري


نوف

Quote: اى اسم بس كوارع ما معانا

اذا كنت يا نصرى لا تأكل الكمونيه الا بعد غسلها بالصـابون
فلا بد ان تعقب المكوة الغسيل
والرجل اسمه كوا رع وقد يكون للاسم مدلول فى اللغه النوبيه
المهم المايك اتصلح ؟

أُوسلي،،

بتشكك فو أُستاذيوتي؟
إنت العلمك فك الخط منو؟
أها بعد ده تاني الضاير إتعلم حاجة بالذات الموسيقين ديل إلا إدفعو قصادها،، يعني يا عمو يوسف تلاتة ساعات بمثلها في تعليم النوتة،، رايك شنو؟
شفت يا أُوسلي كمان بنتعزز و نتشرط،،

سوميتا

سوميتا
الواحد لازم يجارى الموضه الماشيه الايام دي فالهكرز على قفا من يشيل
واقول بالفم النصف مليان دا ما انا اكيد امدر عملت هاكينق على اسمى
فى انتظار مداخلاتك الرائعه مع الموصلى وسنردد معك
نحن يا ست الحبايب
قبل ما يطول انتظارك
نحن جينا

سوميتا انتي تأمري وعمك جاهز تب

كدا تمام يا شباب
ان شاء الله يكون في شغل فني بين الاستاذا الموصلي و الموهبة الرائعة سيزو لاضافة جمال علي اللقاء و كويس انهم ح يكونوا مع بعض
طيب اقترح أن يتم لقاء تنسيقي لمديري اللقاء لتوزيع الادوار و من ثم لقاء لهم مع الموصلي لمعرفة راية في شكل الحوار و المواد الموسيقية و الغنائية المحتمل تقديمها كأعمال كاملة او نمازج في سياق الحوار و التأكد من سلامة الصوت و غير ذلك من تفاصيل لكي يخرق اللقاء في ابهي صورة ممكنة،،،و أنا شخصياً بهمني الدور المتفاعل للفون مع القضايا الوطنية و هذه مسألة مهمة يجب أن لا نهملها و في ضرورة لتناولها بشكل لا يؤثر علي مجري الحوار و في دي بنعتتمد علي ابداع الموصلي

مع تحياتي و الترقب اللهوف للحظة التلاقي و التواصل الحميم الابداع

قريبى المهموم ببلدو وبلدو المحكومه بايد غيرو .. سـلام
كلام معقول جدا
لو فى طريقه مد راسك فى البالتوك

بكتب ليك رسالة طويلة
يا امي......
بقالدك فيها ..... يا أمي
واضمك ساعة في حضني.... يا امي
وحاتك لا بخط عنوان ... ولا بكتب اسم انسان
ولا برمي الجواب في بريد
وما بديه لي زول كمان في الايد
كفاية اقيف ... وانقش في جناح الريح
كلامي الدايرو يوصل ليك
يخلي الريح تترتر في المسافة عروس
تحيل كل الصحارى بروش
مضفرة بي سعف بلدي ...مرسلة ليك يا أمي

اها دا راسي بس ما تحلق لي صلعة
قبل ما اجيك قاليك لمان وفد السودان مشي مصر لمناقشة امر استقلال السودان كان للاتحاديين الصوت الاعلي و احمد خير المحامي مارس مواهبه و مقدراته في مخاطبة المصريين بمختلف مستوايتهم و المصريين كان بحمسهم لمساندة رغبة السودانيين في نيل الاستقلال انه الاتحاديين حلفاءهم و بقولوا انهم عاوزين الاستقلال من الانقليز و البقاء تحت التاج المصري،، اها قال ليك حلاق رئيس الوزراء المصري حلق للازهري و قبل علي الدقن فأوقفه الزعيم و قال ليهو أنا ما بسلم دقني لي راجل،،و الحلاق فهم الرسالة بأنه حكاية الوحدة تحت التاج المصري دي ما هي الا تكتيك مرحلي لنيل الاستقلال و فعلاً دا الحصل فالاتحادي صاحب الاغلبية المطلقة و الاتحققت في تارخنا السياسي الحديث _ما عارف زمن ناس بعانخي كان كيف_ اعلن الاستقلال الكامل من داخل البرلمان،،،اها جيتك

عمر رجب

اتاني صوته رخيما هادئا عبر الهاتف ....يعي تماما ماذا يقول يتكلم كما يغني ويغني كما يتكلم....يحمل هموم وطنه ...جدير ان يسلط عليه الضوء...فهوبلاشك موسيقار بكل ما تحويها الكلمة من معني .....
ياليتنى حظيت بلقائقه في عام (1975) فلقد كان في ذاك الوقت اصغر
محلل موسيقي لاذاعة وتلفزيون السودان.......انه
الاستاذ الموصلي خريج جامعة
Iowa

ATTENTION....u are all invited to be with US in SODB room which will host the Musician ELmosely on SUDANY..10 pm GMT....6 pm DC time....2 am UAE time...1 am Sudan Time...Thankx

الشكر لضابطة التوقيت شوكلاته

الاحبه نصار واوسلي
مجهودكم مقدر ورائع
ليكم سلام كتيييييييييييييييييير

عذراً يا أخوانا أنا بليدة جداً في مسألة الزمن دي،،
ممكن توروني بي توقيتنا هنا كم؟ ولي كلم عمو سناري يا أُسلي عارف مركبي في ياتو بحر و ماشة علي ياتو إتجاه،،
أنا حا أكون سعيدة جداً بي ترديدكم معاي يا أوسلي لكن أنا زاتي كان لقيت فرصة ببقي مرددة اليوم داك،،
و عمو يوسف جايب معاك عدتك ولي براك؟ كان ما جايب معاهو عدتو معناها من أسع حنسوهو عشان تسمعو أي حاجة دايرنها،،
سوميتا

سوميتا بكره البروفه الموسيقيه في بيتكم حضري الفول المصلح

حبيبنا الموصلى

انا جاهز بالكرافته...وحافضى البيت من السكان لزوم التركيز و كده

لكن يااوسلى لاذم تبقينى ادمن ولا حاحرد

يانوف.. ناس اوسلى ديل ماعندهم فيوتشاشوب ...حاجاتهم كلها بشتروها من محلات اسمها اتالى بتبيع بالكوم...

الساعه كم حنبدا؟

النصرى

10 pm GMT....6 pm DC time....2 am UAE time...1 am Sudan Time...Thankx

الموصلى
أرجو ان تتصل بى اليوم فى اى وقت
تحياتى

خضر عطا المنان

Quote: هكذا تلاقت الأوسمة القادمة من جوف الوطن مع تلك الأتية من ردهات المنافي .. لتتعانق عند دار من يستحق ان يجمع شملها .. ويصون غربتها . وهو يحلم بالعودة يوما لوطن يسوده السلام .. وتلون أرضه مفارش المودة والوئام .. وترصع سماءه نجوم المحبة والغرام . ء أنه ـ ياسادتي ـ مرفأنا الدافئ في صقيع الغربة .. ونخلتنا السامقة في بلاد العم سام .. أنه يوسف الموصلي ... وكفى

رسل لي الرقم تاني يا اوسلي معليش

اها سمعنا
لكن السؤال الراجل دة حيغني
واللا دايرين تساهرو بينا ساكت!!
انا غايتوا من هسة حارس البال تولك دة
اها ورونا همّتكم يا ناس امريكا

حارس ياتو باب يا حبيب نوره ؟
مرحب بيك بكره

الموصلى
3474958298

حبيب نوره
ياخي كان ماداير اغني حاعني ليك انت شخصيا
وانت قاعد قعدتك الملوكيه ديه

شكرا عزيزي اوسلي

دوحتنا في لهيب المنافي : موصلي

هل لنامن فرصة شرف طلة كريمة معكم عبر هذا الحوا ر يا سيدي ؟؟
أامل ذلك ..

ومن خلال هذه الطلةالعاجلة أمد يدي شاكرا من خلالكم للاخ الفاضل أوسلي الذي أعاد قارب الموضوع ( العنوان ) الى يمه الذي يبدو أن الريح ربما جرفته بعيدا قليلا عن مرافئه العامرة بوجودكم يا موصلي
مع سلامي من سويداء الفؤاد

مشتاقك : خضر

يسعدني جدا
ويفرحني جدا
ويبهجني جدا
ان التقي بك وليتك كنت انت الضيف لسمعنا شعرا رائعا
ولدي اغنيه قويه سياسيه صالحه لكل زمان ومكان
ارجو ان تنال اعجابكوانت المناضل الصنديد
لك الشكر اخي العزيز خضر

خضر المرهف الاحساس
ما شاهدته لم تك ريح تحاول جرف القارب انما رش بالمياه لترطيب
الزمن الفاصل بين الليله وبكره
نتمنى وجودك بيننا
تحياتى

تشكراتي اليكما: موصلي وأوسلي

فقط أأمل يا اخي اوسلي أن تؤكد لنا الموعد تحديدا و مكررا بتوقيت قرينتش

ولكما المحبة

خضر

يا بابا اوسلي ما كنا كويسيين اتلخبطت المواعيد ليه تاني؟
شكولاتة قالت لي 2 ظهرا بتوقيت الامارات
مش تعملوا اللقاء والادمين مافي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أوسـلـي كـيـف حالك

أستاذنا الموصلي و الأخوان و الأخوات ســـلام كتير

نتمنى إنو غــدا إكـونعـيـد لينا كلنا و الناس بتحاور و بتناقش أستاذنا الموصلي

و بتسمع شـئ من إبداعه



لكن يا أوسلي إنتو ما قلتوا لي سوميتا دي حا تجي !!!! كــدا أنا معتذر و معليش





يا زولا أمس قلنا الساعة 2 صباح الإثنين بتوقيت الأمارات

الساعة 1 صباح الإثنين بتوقيت السودان

الساعة10 مساء الأحـد بتوقيت قرينتش


شكلك كـدا كنتي نايمة


أما توقيت ناس أمريكا دا أنا ما بعرفوا شئ شرق و شئ غرب


تحياتي

Emad Batran

Quote: هذا تبارك صحابا.. .قد بحثنا عنك لرد الوصل وكنتم غيابا ... وانت الموصول اصلا فاعزف في نيلنا اوتارك وخضر ماكان بارضنا يبابا... سوق لحنك وعطرنا بفنك وارقص به وعرج ولقانا في القلوب...

صديق الموج

Quote: استاذنا العزيز...الماجستير هو المفروض يفرح بيك..انت من قاماتنا الشاهقات ويوم تنثر الامم كنانة مبدعيها بين يديها..سوف نعجم عيداننا وبلا ادنى شك سوف تكون رمحنا الصائب ..الف مبروك يا انسان،،

انا يتو جاهز ليكم في اي وقت انتو ريحوالناس التانين

تراث

Quote: ليتني استطيع ان اعانقك الآن ، وأذرف دموعاً على كتفك : تهنئةً ، وتحيةً وشكراً وتقديراً ومحبةً لا تحدودها حدود . شكراً لملء دواخلنا بالجمال ، شكراً لتشريفك الدائم لنا

نصار والموصلى
يا ريت لو جيتونا الان فى البالتوك
انا وشوكلاته فى انتظاركم

اخ سوميتا مافي
ممكن بعدين المسا نتلاقي سريع

الجندرية

Quote: ورونا درب الماجستير التانية دي وين عشان نبارك ليها انك بقيت من حملتها انت تشرف الشهادات مش العكس ربي يسدد خطاك وين ما تحل يا فناناالانسان

نحن دايرين نبدا البروفه
وسوميتا جاباني هنا في البيت
وحنحاول نجيكم عشره دقائق
في البال توك نسلم عليكم

النصـرى،

إن شـاء الله لقيت ليك بيعـة للمـايك بتاعك.. شـايفك يومتـا حايـم بيـه فى الفلى ماركت.

اطمئن يا ابو ريش ارسلت له واحد فى الاميل
المشكله فيك انت .. لازم صوتك يصل

الموصلى
فى انتظاركم

الان نستمتع بالبروفه التى يجريها الموصلى على البالتوك
اداء رائع يقدمه الموصلى مع فرقته الموسيقيه مع مداخلات
جميله من الفنانه البوردابيه ســـــوميتا

يا اخوانا
ويا اوسلي

المواعيد دي ما تقدموها شوية
في ناس شغالة الصباح
والسهر كعب
راعو فروق الوقت

والموصلي قال ما عندو مشكلة

الاعزاء
اوسلى ونصار
فلنجعل هذا اليوم يوم عيد للبال توك
ونحن فى حضرة الاستاذ الموصلى
فلنزين المكان بالورود
ولتزدهى مكامن الجمال..ولتزداد روعة على روعة
ما اجمله من يوم..انتظرناه كثيرا
وليعد للبال رونقه وبهاءه..وجماله الذى عهدناه
مرحبا بك عزيزى الموصلى..فنحن ضيوفك اليوم
وانت صاحب الدار..وليهنأ جمهورك الكريم
وليستمتع بلحظات ..ستظل فى الخيال والذاكرة
اعذرونى اذا لم استطع حضور الجلسة كاملة
فاننى مساءا ساغادر للعمل
لكم كل المحبة

شاعرنا المرهف
منعم
يشرفني جدا ان التقيكم اليوم

حنين معليش ووعد اجيكم بالدرب عديل ان شاء الله

الاخ احمد حنين

بس اقتراحك جاء متأخر شوية و الناس بولغوا بالمواعيد
عن نفسي لا مانعي لدي لكن التغيير الان و خاصة بتقديم
الزمن سوف يحدث ربكة للناس الرتبوا امورهم علي الزمن
المعلن،،،فعلاً الوقت ح يكون متأخر جداً لكن حسب معرفتي
بناس الخليج انهم ناس سهرنجية،،،تعالوا علي نفسكم المرة
دي و في المرات الجاية نتشايلة بيناتنا


العريس منعم

مرحباً بعودتك


نعشم في يخرق العمل بالروعة التي تناسب مقام الموصلي
و الحضور المبدع

يا امدر ذاتا
متين نكون في رحابك
تسلمي

أستاذناالمبدع الموصلى

بنتى الرائعه سوميتا

نتشوق للقاء و الذى لا شك سيضفى على أروحنا المتعطشه لما هو كل عذب كاصواتكم
جميل كانشادكم ما يجعلها تنبض بروح الوطن

Quote: الواحد لازم يجارى الموضه الماشيه الايام دي فالهكرز على قفا من يشيل واقول بالفم النصف مليان دا ما انا اكيد امدر عملت هاكينق على اسمى

كدى برضه يا صديقى أوسلى()???
أنا كما تعلم هكارة قلوب وليس كمبيوترس


حبوبتكم أمدر

()

Quote: أنا كما تعلم هكارة قلوب وليس كمبيوترس

العباره دا لو شافا التاج بعمل منها سبعه بوستات
دا اعتراف عديل كدا
بتاع النبله قاصده به ابوحسين ؟

يا أوسلي

يا أخـوي أبو حسين دا ما خلاص كفاهو يا خي كل ما إقولو ليك حاجة تقول أنا و أبوحسين

أها يا الفلاتية بعدين أم در دي يا خي ما تلمني معاها

http://elmosley.org/html/acheve.htm


الاخوات و الاخوة

هذه الوصلة تأخذك الي صفحة المبدع يوسف الموصلي علي الانترنت
و بها سيرة ذاتية و نماذج لاعماله و تفاصيل حول مسيرته الابداعية
و الاكاديمية و المهنية
الرجاء الاطلاع عليها دفعاً للحوار الذي سوف يدور في لقاء اليوم
و بذا نكون قد استعنا بالامكانيات التي يتيحها الانترنت و لا
نكون بحاجة لتخصيص زمن لقراءة السيرة الذاتية في بداية الللقاء

مع تياتي و امنياتي في ان نقضي لحظات جميلة في رحاب مبدعنا الموصلي

نصارليك كل التحايا العطره

العريس مرحب بالطله البهيه
نتمنى وجودك الجميل لتسكب دواخلك دررا فى حضرة الجميع
لك التحايا لكل اهلى فى الباسا من عجوبابا حتى عماسيبا

ابو حسين
ومن غيرك قادر على استعمال النبله فى وجه الناظره امدر ؟

نصار
هكذا دائما يأتى الحل من جهتكم
لا أقصد الجهة الجغرافيه حتى لا يشب فى الحلق ال ابو شوك وال الفيل
يكفى ما نعانيه من امدر

هاهو (( طفل العالم الثالث )) يرد على الإفتراءات

و تصفحوا مكتبة الموصلي فيها درر ابداع و معارف

بامناسبة الناس الاحتجوا علي الزمن ليهم حق فالاعلان ادناه اخر المواعيد ساعتين علي الزمن المتفقين عليهو.

ATTENTION....u are all invited to be with US in SODB room which will host the Musician ELmosely on SUDANY..10 pm GMT....6 pm DC time....2 am UAE time...1 am Sudan Time...Thankx


المواعيد المتفقين عليها هي 8 مساءً بتوقيت غرنتش

بسرعة يا شباب لو تعديل الزمن ما ح يعمل ربكة نعدله لصالح ناس الخليج

رايكم؟

الاخوان نصار و اوسلي
تحياتي

مثل هذه اللقاءات تتم عادة في اجازة الاسبوع بالنسبة لمن هم في اميركا واوروبا وبالتالي لا تكون لديهم مشكلة في الزمن
ارى ان التوقيت غير مناسب لناس الخليج حيث انهم ليسوا في عطلة نهاية الاسبوع
لذا يرجى تبكير الموعد قليلا ان امكن

الاخ سمباتكو

اول اقتراح لي كان الساعة 6 مساءً بتوقيت غرينتش
و الاعلان نزل كما تري و قد علمت انه دا طلب الموصلي
بالمناسبة فرقنا منكم ساعتين بس و بكرة يوم الاتنين
بداية الاسبوع زي يوم السبت ايام المدرسة يوم مهاب

نصار التكنيشن بتاعي
مافيش (سوميتا)
ممكن تعملو لي تدريب هسع كاحتياط
بعدين نشوف قصة المواعيد

الموصلى
ادخل البالتوك ستجدنى برفقة نصار

Salam ya Osly
Could U please lead us there?I was lost

elhilayla
سلاام
اللقاء بعد ساعه من الان
اعمل اضافه ل .. osly2
تحاتى

Salam
Please confirm tol us the time and please finally
BTW this
Program will help to organize the time
Please try it, U won't feel sotty

elhilayla
نسبة لمحبتي لكم لذا
فسوف التقي بكم باذن الله في يوم اخر
خاص بقاطني السودان واروبا والخليج والشرق
مع حبي

Thanx osly ,Nassar ,Elmosley ,Soumeta and other attendants it was a fantastic one

Sinnary

عزيزي اللقاء خسب اخر اتفاق سوف يبدا بعد ساعه من الان
لك محبتي

Salam Abu Hadeel
Do U mean to say that the meeting will B cancelled today?
I'm in Montreal, so no prob 4 me
I'm in the room there, but it seems that U R not there?
Please clarify.

لا ده حيبتدي بعد ساعه وتلت
لكن البقولو لي الناس البعدين
من امريكا وما حنكون محظوظين بي لقائهم

Salam again Ustaz Yousif
I got that, but it seems to me that we lost the bros and sisters
in the Middle East
But me will B available ISA
Thanks

I promise we will do the best for them

بدأ اللقاء على البالتوك
الحضور أكثر من . 70 . شخص

كان حلما... كان رمزا عبقريا


لك الشكر الجزيل يااستاذنا الخالد للابد فينا

وكل الشكر لاوسلي ونصار وكل المساهمين في هذا العمل الرائع


لكم شكري وودي


نوف

شكرا لك يانوف من القلب
وشكرا لكل المنظمين

ناس الخليج زعلانييييييييييييييييييييييييييييييييييييييييين

زولة

انا انتظرت حتى الساعة 3 ونص صباحا
نصار قال في صعوبات تقنية وفي عازفين ما جو في الموعد
مشيت نمت
سهر ومقلب

يلا يا الناس الحضروا اللقاء يحكوا لينا عنه

يحيى فضل الله والكتيابي في امسية غاب عنها الموصلي - مقتطفات صوتية

العزيز سمبتيكو حاولت ادخل بوستك الا انه تقيل
المواعيد كانت الثامنه مساءا بتوقيت وسط اميركا الرابعه صباحا بتوقيت
الخليج
اها المره الجايه نعملها ليكم حسب توقيتكم ان شاء الله

زولتنا الدكتوره الرائعه
ليكم يوم
(ياناس ياطيبين)
باذن الله

اختي زولة 123
انا ذاتي زعلان معاك

الناس ديل ما جابو خبرنا
وانا كلمتهم بي فارق التوقيت
ولكن يظهر انو ناس الغرب ودول الأستكبار
ديل بلعبوا صالح ورقهم بس
ودا صوت لوم للموصلي
واوسلي ونصار

سيمباتكو واحمد حنين
طبعا اي لوم حيكون من باب العشم لا اكثر
عنى, تم تكليفي بادارة اللقاء مع الاخوان نصار و شوكلاتة
وكان بالنسبة لي يعني مهمة عمل
حضرت القهوة وعسكرت امام الكمبيوتر امشي واجي
بالرغم من ان الموعد 2 صباحا بتوقيتنا غير مناسب في المقام الاول
لاكن كله كان يهون في سبيل نسمع استاذنا الموصلي
وكنت محظوظة لاني عندي اجازة
ثم بدات التاخيرات ساعة بعد ساعةو العازفين ما جه, سيزو ما جات
وبصراحة بعدها لم استطع مغالبة النعاس
كلمت شوكلاته تصحيني بالتلفون عند حضورهم لاكن الظاهر ماقدرت
وفي الصباح سمعت ان القاء استمر لساعات بعدها
على كل حال جات سليمة المرة دي
ولو مرة تانية فتونا ناس الخليج وما جاورها والله نزعل تاني وما نرضى

تحياتي وحبي
زولة123

احمد حنين الصديق خليك حنين وراعي لظروف الناس المعاي كانو شغالن وجو من العمل لي هنا
تحياتي والمره الجايه ليكم ان شاء الله
الدكتوره المواعيد التي تم الاتفاق عليها قد جئنا فيها بل قبلها
وافتقدنا وجودك نقدر فروقات الوقت والجايه حقتكم باذن الله وناس دول الاستكبار هم وقدرتهم
تسلمي

سنارى .. نوف
نعم كان يوم ولا كل الايام .. حوار هادف بناء وطرب حتى الثماله **
التناغم المتجانس بين الموصلى وسـوميتا ومبيوع تناثر علينا
كحبات ندى تعانق زهرة نديه **
كنت اتخيل امدر وهى على بنبر تهش فى الاطفال بعبدا عن عشاء الفنانين
مارد والنصرى امين كل منهم يرتكز على عكازه يستريحون من عناء يوم قاسى بين المزارع و البوابير**
اساسى وهوبفل يجلسان فى ركن الخيمه ويتفاكران كيف يتسنى لهما الخروج من وصفهم بالظلاميين
دكتور ..sicot .. ودكتور ..patch adam ..يفكران فى كيفية الدخول
عبر بوابة سودانيز
ابوحسين ونصار مشتتين بين الطرب الغير مسبوق وحلل تكاد تحترق بالنار
سمير ابراهيم يطارد فى من اقتحم الروم منتحلا شخصية اسعد ابراهيم
سودان عزه وسلافه وريتا يتمايلن رقصا بعد ان اتضح لهن غياب
شندى وصدوح
يحدث كل هذا والموصلى يرد على تساؤلات الحضور بمنطق يحوى كل عناصر الاقناع
تنظير وتطبيق وغناء لا يسمع بل يقتحم الدواخل ولا تجد امامك الا بحور من ادهشه وجزر من الامتاع

زوله وسنارك واحمد حنين لكم العتبى حتى ترضوا والمره الجايه
المبأراه على ارضكم ووسط جمهوركم فحددوا ما شئتم لها من توقيت

متعتي و إنبساطي بي اللقاء كان يساويها عدم رضاي لعدم تمكن الناس من شرق العالم للإنضمام ،، بس أهو محظوظين طلعو بي وعود جميلة،،

مش عليك الله يا أوسلي كانت ساعات منعشة،،
عمو يوسف و ياسر مبيوع و محمد ما قصرو كلوكلو،،،
ما قصرتوإنتو زاتكم ،،نصار في الجزء الأول من اللقاء ،، إنت و خالتو أمدرمانية،،و زحو مني ،،أول مرة أشوفو أو أشوفها،،لكن كلكم قمتو بعمل جادي،،

و راني قال سجل و منتظر السماح ليهو بتنزيل الأعمال،،

سوميتا

الحبيب الموصلى

صحا ابنى الصغير من النوم,,و بدا فى البكاء...فى تلك اللظه بدات انت فى غناء "برسل ليك رساله طويله ياامى"...

طفيت النور..وطفيت شاشه الكمبيوتر...و تركت الصوت الطالع من السماعات...

و وضعت طفلى فى حضنى ..و بدانا معا نسمع


توقف هو عن البكاء وكدت انا ان ابدا


الف شكر

النصرى

لقد كان يوماًَ بهيجاًحافلاً .. لكن تم تجاهل طلبى وفرصتى لأنى ماعندى مايك .. طلبت أغنية " شمس الضحى " أكتر من 7 مرات وفى فترات مختلفة لكن طلبى لم يحظ بنظرة فى العام ، وحاولت كتابة أسئلتى على الخاص فارتدت إلىّ .. يعنى عشان أنا بعيد على حدود المكسيك !؟ إنتو ماعارفين إنه لسانى طويل جداً .
تحياتى للجميع وأقول لمن حضروا هنيئاً لكم بذلك الشهد الفنى ، ولمن لم يحضروا صبراً فإن الآتى أجمل .

التحية للناس القيافة الهنا
كان يومامشهود

مازلت مرهق البدن و مشحون الدواخل
اللقاء بدأ الساعة الثالثة صباحاً
بتوقيت وسط اروبا تصوروا حالة زول
ما سهرنجي يكون كيف
لكن اللهفة ما خلتني اقادر الابداع
و الانس الا لمن بدأت المدارك تتعطل

ناس الخليج الاستكبار دا بس في امريكا
نحن يادوب فرقنا منكم ساعتين من اسع
المرة الجاية بالكتير نبدأ الساعة 6
GMT

يا سمباتكو امس وجدت الكنز و ان شاء
الله انتظروا المفاجات في الفترة الجاية
و كل في افضل ساعات البث بالنسبة ليكم
حلمي أن ننشأ منبراً اعلامياً يبذ اعلام
السلطة و يكرس لمن حرمتنا اجهزت امين
حسن عمر من و رؤيتهم،،،

ايدكم معانا

حاول الكوز هوبلس أن يقفز ويهرج على المايكرفون, ولكن كان الادمن له بالمرصاد, فتم طرده بعد التحزيرات أشد طردة. أنا ما عارف الشات الكوز ده مينو, لكن الظاهر كدارتو كانت سنينة. تحياتي للأدمنس الذين أدارو الغرفة ببراعة تامة. ،صار, أوسلي, أمدرمانية وأخيراً شوكولاته الرائعة. والشكر موصول للأستاذ الموصلى وأختنا سوزي صاحبة المكرفون الرخيص.

دينق.

النصرى امين
يا زول انت اصلك بكاى عاوز تعمل الاغنيه هى السبب

مارد
المره الجايه بطلب واحد بغنوها ليك سبعه مرات

نصار

نحن فى انتظار الكنز والى ان يحين وقت طلوعه بطل حندكه

دينق
ياخى المايك براهو قفز فوق هوبفل .. شايفك لابد بعكازك وراء
الخيمه

سـوميتا
نعم يوسف و ياسر مبيوع و محمد ما قصرو . انت الوحيده القصرتى
مرقتى الناس بدون عشاء

Quote: و راني قال سجل و منتظر السماح ليهو بتنزيل الأعمال،،

شوفى عمك يوسف سريع

Quote: حاول الكوز هوبلس أن يقفز ويهرج على المايكرفون, ولكن كان الادمن له بالمرصاد, فتم طرده بعد التحزيرات أشد طردة. أنا ما عارف الشات الكوز ده مينو, لكن الظاهر كدارتو كانت سنينة. تحياتي للأدمنس الذين أدارو الغرفة ببراعة تامة. ،صار, أوسلي, أمدرمانية وأخيراً شوكولاته الرائعة. والشكر موصول للأستاذ الموصلى وأختنا سوزي صاحبة المكرفون الرخيص. دينق.

ما هذا التهريج والكذب القبيح يا ايها الدينق المريض؟؟؟

كل من يعرفني علي البال يعرف من هو جمالsudani_ngnag وما هي اخلاقة ايها البائس الحقير .. الخ الخ من الكوته المعتاده..

خسئت
--------------

l0000000000l@Osly

أوسلي يعني جنس ختي عليك،،
وحاتو هو شربو داك يا الشاي البي لبن،، و ديك يا البقصمات و ديك يا الموية الباردة بالتلج و الجك مندي،، الشاي سويتو أنا و الجك جابتو خالتو سكينة،، و أنا الوحيدة الكنت محظوظة و عملو لي داك يا الفول المزبط بي الجبنة و زيت السمسم و شطة خدرا،،،تسلم أيادي خالتو سكينة و يا أوسلي ما تطول لسانك أنا حا أطلعم ما متعشيين من بيتم كيف؟
غايتو عشوة فنانين جد جد ،،

سوميتا

الأخت/ سوميتا.

عشا الفنانين برضه فول؟
والله ده تدهور مريع جداً, حتى الفنانين عشاهم بقى فول.
يا حليلكم يا فنانين الغنيتوا في عرس أوسلي الجاب ليهم الضلع والنيفة.
سنة كم الكلام ده , أنا ما بعرفوا.

دينق.

شكرى الخاص للمنظمين ومجهودهم المقدر .. لكن يا أوسلى بما إنكم تملكون المايك والتنظيم كان بإمكانكم نقل رسائلنا النصية بالصوت فى محاولة لتوزيع الفرص بين الذين يتحدثون عبر المايك والذين لايملكونه .. ممكن تجربوا ده لى قدام فى المستقبل .. كل الود

هوبفل
أقرأ تحياتى من مقاعد المتفرجين

سوميتا
بيتم مش بيتك ..اللوم متعلق فيك حتى اللقاء الفادم مع اضافة عشاء الادمنز

دينق
مش قرينا فى الكمبونى سواء سنة .1956 . ؟
يا دينق لو اشترت مايك جديد بنعفيها من العشاء

قريبى مارد
اقتراح جميل سنعمل به مستقبلا
بس شكلك ما ناوى تشترى مايك قريب

المرة الجاية ضبيحة عديل يا أُوسلي،،

و يا جاز خلي شيل الحال،،زمن عرس أُوسلي الدنيا كانت بي خيرينها،،أسع البركة في الفول،، و أنا ممكن أعيش علي فول حياتي كلها لا أمل لا أزهج،،

سوميتا

و يا جاز خلي شيل الحال،،زمن عرس أُوسلي الدنيا كانت بي خيرينها،،أسع البركة في الفول،، و أنا ممكن أعيش علي فول حياتي كلها لا أمل لا أزهج،،

الأخت / سوميتا.

لكن أنتي بتقدري على ضبايح عرس اوسلي دي؟
كل يوم خروفين ولمدة أسبوع.
والله زي ما قلتي, زمن السودان كان بخيرو
وزمن الدولار كان بعشرين قرش.
ولا مش كده يا اوسلي؟

دينق.

i=http://combonicoll-khartoum.com/2.jpg

صورة نادرة جداً للأخ أوسلي بمدرسة كمبوني عام 1956م.
الأخ اوسلي رقم اربعة في الصف الامامي من الشمال لليمين.
القميص الابيض مع البنطلون الكاكي الفاتح.

دينق.

شكرا لكل الذين حضروا ولكل المتداخلين
محبتي

ســـوميتا
كان كوركتى كان سكتى اللوم معلق فيك
دينق
معقول محتفظ بالصوره دى الزمن دا كلو
انا ففدت كل ما املك من صور عندما كنت اشاركك فرحة الزواج الثالث

الموصلى
اللقاء القادم قرب .. شد حيلك من هسه
ولو اديت سوميتا الصالح العام تكون ريحت عمك دينق دا

Quote: شكرا لكل الذين حضروا ولكل المتداخلين محبتي

الأخ/ الموصلي.

شايفك لم تعلق على عشا الفنانين,
الظاهر أنا كلامي كان صاح.
ويا حليلك يا زمن اوسلي.

دينق.