سندافع عن سودانيس اونلاين بكل جوانحنا وبكل ما اوتينا به من عزم وقوة اراده

لماذا يستهدفونها ؟
لماذا يريدون تدميرها؟
لماذا يتطاولون عليها؟
لماذا يبرطعون فيها؟
تري هل هذا هو الصمت المريب للاغلبية الصايره؟
تري اهذا لان الاغلبيه هي الاكثر تهذيبا؟

احبتي انا شخصيا احترم هذا الصرح العظيم الذي اسسه الاخ العزيز بكري ابوبكر
ولكن بكل فخر انني احد الذين ساهموا في بناء هذا الصرح ودعوت اليه الكثيرين من المبدعين
والكتاب وهم استضافو الكثيرين من الكتاب والمبدعين الذين بدورهم استضافو الكثيرين وهكذا
وقد فعل الكثيرين ذلك مما جعل هذا الصرح جاذبا وممتعا ومعلما بارزا وقبلة للانظار.
اذن ماذا يستفيد هؤلاء الذين يريدون تدميرهذا الصرح؟؟
هل هي المصلحة العامة؟؟؟
لا اعتقد ذلك لان الخسارة ستكون ساحقة ماحقه.
ان هذا البورد قد جذب اليه الكثيرين من المبدعين الشباب الذين لم نتشرف بمعرفتهم من قبل فوجدنا انفسنا امام
عمالقة في الشعر سعدنا بهم ايما سعادة ودونكم ابا ذر المطر وود شاموق وسوما وبنت الخليل وزمراوي وناديه مختار وحبيب نوره وغيرهم.
وعرفنا بموسيقيين كثر هم في بداياتهم المبشره علاء سنهوري وغيره م الموسيقين
عرفنا بصحفيين في قامة فيصل صالح وغيره عرفنا باطباء ومهندسين وطلبه وطالبات هم وهن في غاية التهذيب
لماذا تريدون تدمير هذا المكان الامن الجميل
من كان منكم متضايقا فليذهب ليرتاح قليلا (يروقو المنقه ويجي بي نفس هادئ) وبعدين لازم نعرف ان الناس اسرار ولها خصوصيات يعني شنو والله نحن العارفنو كتيير ساكتين لاننا بنحترم الخصوصيات فبالله اخاطبكم جميعا ان تعيدو النظر وان تهدأو لاننا لن يهدا لنا بال ولن نسكت بعد ذلك علي الضيم الذي اضحي يستهدف هذا الصرح العظيم
الذي بنيناه جميعا.

العزيز استاذى الموصلى

الحاصل دا من كنس الوسخ تحت السجادة لغاية ما بقى جبل واسع بيعتر للناس
مافى زول عايز يدمر المكان دا .. بس المكان بقى يدمر فى نفسه...

نتمنى الوسخ التخت السجادة يمرق ويتفرز وويتعرف.. بعداك تانى مافى حاجة بتكون تحت السجادة.. والناس تمشى سمح دون عثرات..او سقوط...

يجب معرفة المشكلة والعمل على حلها دون توزيع التهم ساكت..كلنا نحب هذا المكان وانفقنا فيهو ساعات طويلة مدفوعة من عرقنا..وبدينا معاه من بدأ..

العزيزه د بيان

نعم انتي من البناه لذا فانني اثق في انك ستكونين من اكثر الناس حرصا عليه

واثق من اننا جميعا سنتعلم كثيرا بما حظيتي به من علم كل الذي نريده ان نتجاوز هذا الواقع المرير

الي مرحلة نتكاتف جميعا في بناء سودان جديد جميعنا نأمله
لك محبتي

أستاذنا الموصلي
بدون مقدمات عن محبتي و إحترامي فذاك شأن أنت تعلمه و بائن في كل حرف أخطه لك

إيه رأيك في مزيد من الوضوح و التحري و كشف النقاب عن ما تحت علامات الإستفهام و نقاش منطقي إن كان هنالك من حل يجب أن يكون لمشكلة تراها أنت قائمة بسبب بعض وليس كل.
أمط اللثام عن الحروف و دعنا نتحدث بالمكشوف
مع محبتي
و العودة إن شئت

العزيز علاء الدين اعلم احترامك لي تماما واقدره حق تقدير
لذا تجدني دائما اتحشر وانط ليك في مكان ما انت فيه
ولي نظريه فيك لن تخيب
الا وهو انك في بوستك عن الطمبور (كنت نعم المثقف الذي تتعلم منه الاجيال)
فلماذا لا نستفيد من مواهبك المتعددة في الكومبيوتر واهتمامك بالتراث وغيره
احيانا ياعزيزي ان في الصمت كلاما
لذا انني ان اتعشم ان نتعاون جميعا في ان نجعل هذا المكان ساحة للصراع النظيف
ولك احترامي

الحبيب الموصلي
والله كلامك جميل و بالمناسبة شوف أنا فتحت مواضيع الكمبيوتر متين ؟ و مشيت كويس و جابت دخل و شوف المواضيع التانية فتحتها ميتن و شوف لما وقفت ديك انا فتحت نادي الطمبور وشوف خليت النادي و بقيت واقف في موضع الضد متين؟

حتلقا الجو لما راق نحن كنا زي ما إنت بتقول و الجو لما عكر إحنا جطنا عشان يروق برضو.
و يا ريت تشوف كلام هشام أمين الفي البوست دة برضو بكمل كلامي.
خليهم يبعدوا بس عن الأمور العقائدية و القبلية والتجارة بالأعراض وشوف تلقانا كيف
و قلت ليك الكلام دة قبل كدة لما طلبت منك تشوف الأطراف التانية عشان يستجيبوا
نحن ميزتنا بنستجيب لصوت العقل دايماً و بنبادر بالنية البيضاء و النفس السليمة و بنمد الإيد لكن ديلك يا أستاذ إنت عارف.

مع الحب

الامل معقود علينا جميعا ياعلاء لنحافظ علي هذا الصرح
فان حافظ كل منا علي هدوءه وتمالك غضبه
قبل الكتابة فان الناتج سيكون احسن حالا
بالقطع ولك الشكر علي تفهمك واستجابتك
التي ستجد التقدير من الكثيرين

العم العزيز جدا الموصلي

انا شخصيا ساعتبر هذا امر من اخ كبير وساحترمه

لكن هل ستضمن لي عدم اساءة ديني وقبيلتي واتجاهي الجغرافي

هل ستضمن لي المساواة بينى وبين اعضاء المنبر

لسنا هنا للهدم بل للبنا

لكنك تري ممثل هذا

الفنان خالد كودي يصوَر الإمام المهدي بشكل مسىء وخارج!!!!

فكيف السبيل الى السكوت
واين العدالة

وليد محمد المبارك
احترم موقفك هذا

ونحن ندين الذين يشتمون الاديان وندين العنصريه
ولكن تأكد قد يختلف معك كثيرين حول الامام محمد احمد المهدي
الذي اقدر كمواطن سوداني دوره العظيم في تاريخنا
فالاساءة للامام المهدي ليست اساءه للدين في نظري ولكنها اساءه لبطل تاريخي عظيم في رايي وهذه تفرق
فهناك من يعتبرون نابليون بطلا وهنالك من يعتبرونه دكتاتورا
احييك علي راييك الصريح

العم العزيز
ما اختلفنا كتير
وانا شخصيا ما انصاري
لكن المهدي ما حق الانصار براهم

ولو عاوز الاساءات للدين
كتييييييييييييييره
لو اوردتها بملا ليك بوستيك ده
___________________
كدي هسع اجدع لينا نغمه هنا
تهدي بيها الناس

اي صحي انت ما تفكر ليك في لحن يهدي حرارة قلب السودانية ديل

من اجل عيون هذه الطفولة البريئة
التي ارها في الصورة اهدي كل الالحان ياعزيزي

استاذ يوسف

لك تحياتي

ولنعمل يد فوق يد عشان يستمر منبرنا العظيم هذا

ولى قدام

تسلمي يابنيتي العزيزه فليتعامل الجميع
في حدود المحبة واحترام الراي الاخر غير المتعدي للحدود

خالص التحايا00
Elmosley
حقيقه انا لااتمنى لبكرى الا جميل ومنبره انا واصلت او ذهبت فقط موقفى كان واضحا منذ البدايه فى طريقة تعامله وكل ما يحصل هنا نتيجه تعامل بكرى مع الاشياء يا استاذ 00
الان ظهرت كتير من الاشياء كانت للبعض مثل الصدمه لذا لما لانواصل يفها بدل الغطغيط حتى بعدها نصفى كل شايئبه ويفضل المكان اجمل بكتير 00
مايحصل الان من هرج ومرج كله بفعل بكرى حتى فى احلك الظروف التى يحتاجها المنبر له لاتجده 00
على العموم لاتتخيل اننا نسى لهده المنبر فلا اخلاقنا ولا مبادئنا تسمح بذلك 00

خارج الموضوع 000كنت ن بداية هذه السنه مشغول امتحانات وانتهيت وكانت فكرتى ان اتى واكتب عنك كلام كثير وبشرائطتك والمزيكه وكان مشروع بوست جميل لكن صراحه لم يتبقى لى شى لكى اواصله بعد ذهاب الاصدقاء والى الان لازال بكرى يواصل صمته المفجع لاادرى لماذا00
عموما بخصوص الموضوع لوكتب لينا عمر وانقشعت الغمامه دى والواحد وبقى قاعد تب على وعدو وجهز كل شى للبوست غايتو بعتذر ليك عنو اسه 00

والتحايا النواضر00

عزيزي معتز
الاتتفق معي ان بكري ابوبكر بشر مثل خلق الله قابل للخطا
والثواب لماذا نريد التعامل معه كنبي
ولكن في ميزان الحسنات والسيئات فان كفته ترجح والخير فيه يرجح
الم تخطئ ابدا في حياتك ياصديقي العزيز

اتمني ان تقوم بهذا العمل الخاص بي وهذا يشرفني كثيرا ولنتجاوز

هذه المحنة بالعمل الجاد المثمر وانت من الناس الذين نحبهم وان اختلفنا
لك محبتي الخالصه

خالص التحايا00
Elmosley

ياعزيزى ماذكرته صحيح كلنا خطائون وليس نحن هنا سيفا مسلط على رقبه بكرى لكن مرارا بكرى وجد من يمد له يده ويدله على مواطن الخلل وبكرى مطنش وهكذا00 الى اصبحت الحكاية زاياده عن الحد وانقلبت ضده 00
ثم ثانيا لولا اننى لااؤمن بان الانسان خطاء لما صبرت على هذا كله وذهب الرفاق وتركونى ولازلت موجود اقول كلامى لوحدى او وافقى شخص 00
وليبقى سودانيز اون لاين ان بقينا او ذهبنا 00
واصلو اختلاف الراى عندى لايفسد لودى قضيه 00


اما بخصوص الموضوع وعدتك ان تواجدنا هنا على وعدى يا استاذ 0
ولك الود
والتحايا النواضر000

تسلم ايها الحبيب
وربنا يعيننا جميعا علي تجاوز
هذه الازمه ونصل جميعا الي بر الامان

الموسيقار الذى البس كلماتى زاهى ثيابه اللحنية الراااااااااائعة


ود الخال ... وود الاشلاق العزيز الموصلى


انا اسمى مكتووووووووووب ........على رأى عادل امام


جيت الى هنا الاولى لاقول نعم لمنبر وطن ضمنا بحنية من داخل الوطن وخارجه


اتيت لاقول لاااااااا لتدمير هذا الصرح الذى لولاه لعشنا غرباء فى منافى شتاتنا .. ولعشنا بلا اصدقاء فى داخل الوطن


المنبر الحر اضاف لنا الكثير .. معرفة باصدقاء جدد .. ومساحة للحوار الحر .. التقاء الاهل والاخوة وابناء الوطن على مساحة واحدة

فهل يكون جزاء هذا المنبر كمثل جزاء سنمار ؟

ويلى لو اغلق المنبر فاين ساتنفس نسيم الوطن ؟.......واين سأجد هؤلاء السودانيون الاحباب رغم كل شئ !!


ارجو ان لانهد المنبر الوطن فوق رؤسنا ونصبح بعدها على مافعلنا بأيدينا نادمين !!


الا هل بلغت .. اللهم فأشهد

ابنة لحمي ودمي لافض فوك
ولنتحرر من قيود عبودية الذات
ولننطلق الي رحاب المحبة والتفاهم
والاحتلاف في تحضر

اى والله ندافع عنها ونقيف حرس للسرفا كمان بس ما عاوزين الناس تضحك على دقونا
وتحاول تمرر اجندة شخصية لحماية فرد او مجموعة معينة بطرق ملتوية وقذرة

Quote: ويا بنية ولنعمل يد فوق يد عشان يستمر منبرنا العظيم هذا ولى قدام

كلام جميل اها بس ورونا نبداء من وين ولو ما عندك مانع ممكن نسال الناس دى كبداية
ان تتوقف عن مهاجمة العقيدة وان تدخل فى حوارات هادفة تعمل على رفعة هذة المساحة
؟؟؟

تسلم ولنتفق جميعا في ان نتخلي عن الاساءة للاديان وان نتخلي عن النعرة العنصرية
وانختلف الي اخر مطاف الاختلاف ولكن في شهامة وفروسيه

تحية طيبة للجميع

الاستاذ الموصلى

Quote: سندافع عن سودانيس اونلاين بكل جوانحنا وبكل ما اوتينا به من عزم وقوة اراده

ضد من ؟

تحياتى

الاستاذ الموصلى

لك التحايا

اقف معك لدعم الموقع تعلمت منه الكثير ولايهمنى الاشخاص, ممايكتب من اسماء سواء كانت حقيقية او مستعارة يهمنى الموضوع المطروح المحدد اقراء المفيد من المواضيع واحترم اى وجهة نظر بغض النظر عن الاتفاق او الاختلاف.
تخريمة
اطلب منك الاستماع وتقييم تجربة المبدع صلاح فالولة وهو من خريجى الهند ومقيم الان بالدوحة
اهداء الى خريجى الجامعات الهندية و كل الحلويين /المبدع ...عد الشفاء من العملية

هلا هلا ياحبوب ومابتقصر
اها لي قدام

UP

عادل ربنا يرفع
مقامك كمان وكمان

محمد الامين احمد
ضد كل من تسول له نفسه ان يحمل معاول الهدم في يده
وحينها ستكون معركة البقاء فيها للاكثر احتراما وللاصلح

انا غايته قاااااااااعده... تشرب شاي يا عمو الموصلي؟

ياريت يابتي فنجال شاي يعدل المزاج
تسلمي

بجيكم بعدين
وارد عليكم كلكم تعالو بس علينا جاي

الموسيقار الموصلى

لك التحية وانت تحاول ان تهدي من هيجان هذا البركان الذي كاد ان ينفجر وان يصبح

هذا الموقع فى خبر كان

الواحد بالجد بدا يفكر جادي هل نحن غلطنا لمن انضمينا لهذا الموقع ؟

هذا الموقع وانا اقول الموقع ولا احدد المنبر الحر بعينه ، قابلنا فيه اناس طيبين

حلويين المعشر الواحد تعرف على اشياء جديدة من خيرة الكتاب والمثقفين والمبدعين

فى هذا الموقع بل تعمقت الصداقات فاصبحت علاقات يشار اليها بالبنان .

ولكن فى الفترة الاخيرة كثرت المشاجرات وكثرت المهاترات بل اصبح البورد لايحتمل وكل هذا

لى اشياء انا فى اعتقادي مشاكل شخصية بين بعض الاعضاء طالت اعضاء لاذنب لهم غير انهم

ابدو رائهم بكل وضوح من خلال الطرح فى هذا المنبر.

ياموسيقار نحن معاك ليقف هذا البورد من جديد عملاقا يضرب به الامثال ولكن هذه الايام

بضحكوا فى هذا البورد لانه بكل صراحة اصبح مهزلة

والواحد برفض كل الاساليب التى تسئ الى الدين والعرق

الأخ الموصلى معك ......انا شخصيا احترم الاخر ورأيه ولاتهمنى الاسماء واستنكر العنصرية البغيضة مهما كان المبرر

ومعا من اجل منبر جميل

اتفق معك قلبا وقالبا ياعزيزي الفاضل

بجهودنا المشتركة نستطيع ان نعيد
الي هذا البورد هيبته الثقافية والوطنيه
انتو في مافي عوجه ياخوي تب

العزيز الموصلي


دا كلام شحمان زي ما بقول حبيبنا منعم شوف
علما بأنه زول ضعيف لمان تحن عليهو لووول

يديك العافيه يانصار

انتو هنا خوف مافي ان شاء الله

تسلم

أهو دا الكلام يا أستاذ موصلي ..نحن مع المنبر وخط المنبر العام ....
ومن هنا يأتي نقدنا للأخ بكري حيث نقول ننتقد سلبياته ونؤمن علي
أيجابياته علي المستوي الشخصي ...
ونعي ونعلم أن الذي حجبوا المنبر عن أعين قرائه بالوطن لابد أن تكون
خطط بديلة لهدم المنبر وتدميره من داخله بواسطة الأساليب أياها!!! ;..
ومن هنا كنا نتمني أن يواصل الأخ عادل نقده وتقوييمه للمنبر من داخله
حتي نفوت الفرصة علي الكيزان و الأقصائيين والشموليين ...
كمال

ابصم معاك بالعشره ياكمال

واتفق معك
تسلم

up

مابتقصر يا ابو علوه يديك العافيه

العزيز الموصلى
تحياتى

Quote: احبتي انا شخصيا احترم هذا الصرح العظيم الذي اسسه الاخ العزيز بكري ابوبكر

نرفع

الأستاذ الموصلي
لك التحايا

يبدو ان المنبر الحر أبحر مؤخرا في مياه محرمة و دخل مناطق بها
لافتات "ممنوع الأقتراب أو التصوير" فأرسلت كتيبة من الضفادع
البشرية لأغراقه. و لكننا

سندافع عن سودانيس اونلاين بكل جوانحنا وبكل ما اوتينا به من عزم وقوة اراده

استاذنا الموصلى - لك التحية والاحترام

وكل عام وانتم بخير

Quote: لاننا لن يهدا لنا بال ولن نسكت بعد ذلك علي الضيم الذي اضحي يستهدف هذا الصرح العظيم

مع خالص التحايا

أستاذنا العزيز الموصلي

كلها سويعات قليلة و ستسمع بما يسرك و يسر الكثيرين من أعضاء المنبر

تحياتي لك و لكل المبدعين عبرك ..

عشت يا أصيل

الاخ والاستاذ يوسف
كبير واصيل كما عهدناك يااستاذنا

طارق اخو الاخوان

ياها المحريه فيكم جميعا

الاخ والاستاذ يوسف
كبير واصيل كما عهدناك يااستاذنا

يسمع منك يارب

اكيد خبرا سمح

الاستاذ الصديق علي اسماعيل

لك التحية وانت تقف مثل هذا الموقف الرائع

اها المركب دي انتم جميعا ستديرون
دفتها بما لكم من حصافة وعين بصيره
وعوجه مافي تب

ده الكلام با ابو الزمل
وسن الاورغن والاكورديون

تسلم ياهشام تسلم تسلم

Quote: اذن ماذا يستفيد هؤلاء الذين يريدون تدميرهذا الصرح؟؟ هل هي المصلحة العامة؟؟؟ لا اعتقد ذلك

استاذى الموصلى ..
شوف وبكل المقدمات ..
البورد دا مادام فيهو الزيك ..
الله يرحمه ..
لأنكم سبب لجلب الرحمة ..
والرحمة تأتى للطيبين الزيك ..
ومريومة وكل الناس اللامن تشوفا تعشرق
من حلاوتهم ..

يديك العافيه ايها العزيز جدا معتصم

يعلم الله كل ما اشوف ماري بي حته

برتاح ودايما بتقول اكلام القوي في

المواقف التي تتطلب ذلك

مودتي

كلام جمييييل وكلام معقوووول
مقدرش اقول حاجة عنه

انا عايزة معاكم كباية شاي
وآآدي قعدة
وبفتش كمان عن عنوان بوست طريف اشارك بيه
وياريت الناس تقتنع اخيرا ان خير وسيلة لمقاومة العواصف في هذا البورد هي اهمالها ومواصلة الكتابة بروح اعلى واجمل
عشان الجمال يمحي القبح

تحياتي
زولة123

زولا واحد اتنين تلاتة يا عسل..

تقعدي برااك.. ماكنش العشم.. انا شايي بشربو بنعناع لو سمحتي..

أستاذنا الموصلي والناس الجميلين الفوق..

معاكم..

تحياتي..

رجاء
عارفك مابتقصري اخبارك الطازجه البتجينا هنا زواده ليها قيمه

كبيره

الدكتوره النشطه نحن فخورين بان هنالك من امثالك ها هنا ولديك الكثير

من البوستات الانسانيه الرائعه ولديك وقفات عظيمه تستحق الوقوف عليها

وانا فخور بانني عمك فخور جدا

مريومة اعمليهم تلاتة شاي لو سمحت واحد بالنعناع
وهاكي علبة الخبيز دي عشان تقدمي للضيوف
رجاء الحبيبة
انا حاسة اننا بنجوط اي بوست ندخله, حسي عم موصلي يقول البنات ديل عملوا لي بوست ونسة
لاكن مسؤولة من الخير, الشمارات الكتار الحصلت في غيابك كنتي بتستحملي ما تعرفيها كيف؟

يا استاذ الموصلي ده الوطن المصغر !
مكن اعمل شنو

بس كلم لي مريم تعمل شاي معاها.. ورجاء وزوله يزحوا لي اقعد جنبهم

اقعدن واتحكرن وقلن كل الفي قلوبكن

يانا كلنا اهل جد وانتي بي كلامك ده اتحزمتي واتلزمتي

نحن فخورين بيك ياسوسن

الحبيبات مريوما ونوسة وسوسن..

ما دام الحكاية جابت ليها علبة خبيز آآآدي قعدة ..

وحأعمل ليكم زي ناس التلفزيون: انتظرونا قريبا.. البوست الكارب "طبعا مافيهو ريحة سياسة" .. قريبا في الأسواق..

طبعا يا نوسة أيام البعاد ديك .. اعااااين للخبارات والكلامات الحلوة في بوست الصور بتاع السنجك.. ونفسي بس أدخل اجيب صور ناس لما كانو صغار ..


رائعنا الموصلي.. تسلم..

ودي..

رجاء تسلمي ويديكي العافيه

وتتقدمي كمان وكمان

ولايهمك يازوله ده بيتك

المبدع موصلي

نعم نحن مع سودانيز اونلاين قلبا وقالبا

وعلينا البحث الجاد عن الاجابات


لتساؤلاتك الكبيرة

Quote: لماذا يستهدفونها ؟ لماذا يريدون تدميرها؟ لماذا يتطاولون عليها؟ لماذا يبرطعون فيها؟

حتي نجد الدواء الشافي لما نراه من سقوط

المؤسسة الوطنية الإنسانية الإبداعية يوسف الموصلي
تحيات صادقات واحترام كبير وحب لا حدود له
وكل عام وأنت هكذا
جميل أن يختلف المرء في بعض التفاصيل التي (لا تهم كثيرا ، ولكنها غير فاقدة الأهمية تماما) مع رجال في مثل أدب وتهذيب وسمو الأستاذ الجليل يوسف الموصلي
طالما كان هذا (المرء) يتفق معه في ثوابت وأساسيات مطلقة الأهمية لا تقف عند وجوب الدفاع عن سودانيس أونلاين بكل الجوانح وبكل ما أوتي من عزم وقوة إرادة ، أو كما قال ، رضي الله عنا وعنه
وغير غني عن الملاحظة ، لو أمسكنا الأشياء التي بيننا من جواهرها ، ومن جواهرها فقط ، أنني وهذا الشامخ مختلفان في جزئية صغيرة
(لا تهم كثيرا ، ولكنها غير فاقدة الأهمية تماما)
وهي ما نسميه بالشفافية
عن نفسي لا أنكر نني قد كتبت كثيرا في بعض الصحف باسم مختلف أو بأسماء مختلفة عديدة هي : مدثر حاج علي وإلهام عبد الرحمن وبشرى بوعاقلة آدم وغيرها
يمكن لمن أراد أن يرجع إلى أرشيف صحيفة الخرطوم في الفترة 1997-2000 مثلا ليحاسبني بما ورد تحت هذه الأسماء من كتابات مباشرة وغير مباشرة


وعندما تصادف (احتكاك) بيني وبين المسماة سامية بكري وطرأ أثناء هذا الاحتكاك شك في هويتها وتكاثر أذاها علي لم أغضب ولو قيد أنملة واحدة وبيني وبين نفسي (آمنت بان الله حق) وأن لسامية بكري شخصا كانت أو محض قناع كامل الحق في الخطأ والأصابة
(مثلما لنا جميعا )
ولكن طالما وضعنا أنفسنا كمبدعين وناشطين في أعين عامة الناس فلابد أن نتحمل أن تتقلص حدود خصوصياتنا إلى درجة الصفر
وهذا بالضبط ما أختلف هنا مع يوسف حولي
قبلت برحابة صدر هنا أن يتسآل الناس حول أخص خصوصياتي لا عن كرم ولا عن رحابة صدر طبيعية في ولكن لأن هذا بديهي
فقالوا وقالوا وقالوا
لم أتحفظ إلا على نبو الطريقة التي يتداولون بها مقالاتهم عني عن ما هو متعارف عليه أخلاقيا ومهنيا (طالما اعتبرنا ما نفعله هنا شكلا من أشكال الصحافة والإعلام)
وكان الذي كان
عزائي أنني لا أزال قادرا على الاعتقاد والادعاء أنني هنا لأجل غايات نبيلة محددة وهي كما ذكرت محاصرة الظاهر الانقاذية بكافة تجلياتها وأشكالها وتطوراتها وتأكيد حق النشر ومشاعيتهلكل من أراده
استمتع أثناء ذلك بأن يحدث اتفاق او اختلاف موضعي حول هذه الفكرة أو تلك مع هذا الذي لا أنتقص من قدره بسبب الاختلاف أبدا أو ذاك الذي يظل ودي له قائما
ومع هذا وذاك سظل ندافع عن سودانيس اونلاين بكل جوانحنا وبكل ما اوتينا به من عزم وقوة اراده
ومحبتي

Quote: جميل أن يختلف المرء في بعض التفاصيل التي (لا تهم كثيرا ، ولكنها غير فاقدة الأهمية تماما) مع رجال في مثل أدب وتهذيب وسمو الأستاذ الجليل يوسف الموصلي طالما كان هذا (المرء) يتفق معه في ثوابت وأساسيات مطلقة الأهمية لا تقف عند وجوب الدفاع عن سودانيس أونلاين بكل الجوانح وبكل ما أوتي من عزم وقوة إرادة ، أو كما قال ، رضي الله عنا وعنه

عزيزي فتحي انت تعلم وانا اعلم كم الاحترام الذي بيننا

وان اختلفنا حول موقف ما فهذه طبيعة الحياه

ولكننا نلتقي حول حب الوطن الكبير وهذا الوطن الصغير

لك الود

د بشار
تحياتي
اتابع في اعجاب مواقفك الصنديدة من سودانيس اونلاين

فتقبل مني كل ايات الاحترام

الأخ الحبيب يوسف

الود..كل الود..والتحايا العطرة...و..تهاني العيد..أنظمها باقة تفوح ودا وإعزازا وشوقا وأهديها لك وللأسرة الكريمة

المنبر...هذا الصرح العظيم والدار المضيافة والدوحة الوارفة الظلال..كانت جنة بمن فيها من مبدعين وأدباء ..الموصلي..تماضر..رجاء..د.نجاة..عجب الفيا..سيف الجامعه..د.أبكر آدم..والكثير من المبدعين الذين لا تحضرني أسماءهم..كنا نقرأ ونستمتع ونتعلم..وكان صوت الإبداع هو الذي يصدح...وفجأة دخلنا في عوالم غريبة وطغت أصوات الزندقة والفجور والفحش..ضاع الإبدع وسط خضم متلاطم من الإسفاف والتدني وقلة الحياء..تكلم العقلاء..ناشدوا..توسلوا...كي بعود البعض إلى رشدهم ويرتقوا إلى مستوى الخطاب الذي ينفع الناس ولكن لم يستمع أحد....باسم الديمقراطية..أهينت الأديان والأعراض والأعراق..وأختلطت معايير الأشياء..لم تعد عفة القول تراعى ...وطغت الروائح المنتنه التى ما أن تفتح البورد حتي تطالعك عشرات المواضيع التي تبعث على الغثيان..لن يعود البورد إلى سابق عهده إلا إذا كف المسيئين والميتذلين عن ماهم فيه..وأتمني أن يكون ذلك قريبا

العزيز الزاكي اتفق معك في كل كلمه اوردتها فالاساءة للاديان
والاساءة لبني البشر
واجناسهم والوانهم لهي شيئ كريه غير مستحب ويدعو الي الاستهجان

لك الود وليرعوو هؤلاء

Dear Mouseley

No way to restore the iamge of this board unless the ill wishers and defamers are sweeped off

Thanks for raising up such important issue for discusion

Faisal Tha

Dear Faisal
If those whom we tried to live with in piece,
have tried to sweep the way they treated the board and his people,
it is going to be fine.

Thanks for your powerfully contribution

الموصلي
انت ناس سلاح الموسيقي مش اشتركوا مع ناس البشير في الانقلاب, يلا عايزنك ترجع لينا الديمقراطيه في السودان

اعلم فيما اعلم ياسيف

انك تفهم تماما قدرة الفن علي التغيير

والمساهمة فيه واقول لك بكل فخر بانني واحد من الناس الذين ساهمو في ما يحدث في السودان

وقد غنينا بكل العنفوان والتجرد من الذات وعشق الوطن

وليكن في علمك ان اهل الانقاذ منذ ان جاءو قد حاولوني عدة مرات قبل مغادرتي السودان

ولعلمهم قدرات الفنان حينما يكون صاحب موقف

(فانا قد نافست د مجذوب الخليفة في رابطة المبعوثين واخذت منه موقع سكرتارية تلك الرابطة بكل اقتدار)

اما ماقاله الترابي لتلميذي

ابو القاسم قور وشباب الانقاذ وهو من خيرة كوادرهم حينها

(ان المعارضة لو اتتنا بسلاحها نستطيع ان نقاومها لاننا نملك السلاح ولكن ان اتت بفنونها

فلن نستطع فعليكم باستقطاب الفنانين ترغيبا وبكل الوسائل الممكنه)

الترابي رغم اختلافنا معه ورغم مافعله بالناس في جرم الانقلاب علي الديموقراطية المشئوم

الا انه رجل

Quote: فاهم جدا

الي العلا

يا استاذ الموصلي

ما تشيل المسأله حاره كدي

وجدت غالبية اهل الغناء يمجدون السفاحيين , انظر الي الذين قدسوا نميري وصدام وهلمجرا.

اما سلاح الموسيقي ده حديث القلع في لندن , كنت مفتكرك عارف الموضوع ,لانو قال جابونا من الحفله وقلبناها.

اسف لي ازاعاجك يا اخي

والله ياسيف الناس معادن وانا لوجوني عساكر لي انقلاب
حتي لو قالو لي انت حتكون الرئيس اول حاجه حأجه حابلغ عليهم يودوهم الدروه طوالي
ياخي شعبنا العظيم ده مابستاهل الذل ده كلو
الفهم قسم ياسيف

الفنان الموصلى عيدية تقدير وتحية بقدر فنك الاصيل وطربك الجميل...جميل ان ياتى مثل هذا الطرح من احد المبدعين الذين ملاؤا الوجدان فنا وابداع ..كفنان تعلم اكثر من كثيرين ان الوصول الى القمة سهلا وميسورا ولكن الحفاظ عليها هو المحك ...المنبر وصل القمة بجهد ومجهود الكل مهما كانت مساهماتهم قليلة بس موضوعية ولكن للاسف بعضهم لم يتحمل الجلوس على قمة هرم عالمى عالى فاراد ان يهدمة لغاية فى نفسة ..انت بادرت واطلقت مبادرة ولكنها فى تقديرى عاطفية اكثر من انها عقلانية لماذا ؟!!اقول ومع اننى خارج دائرة المهاترات كنت اتمنى ان تحتوى المبادرة اذا جاز لنا ان نسميها علىنقاط محددة او ميثاق شرف اخلاقى يوقع عليه كل من ارتضى الاستمرار وبموضوعية فى المنبر وان يكون التوقيع الاخلاقى والصارم ميثاق وقانون يحاسب به المشترك نفسة قبل ان يحاسبة الاخرون ... هكذا فى راى ومع اقتراحات اخرى من الاخوان يمكن ان يتعافى المنبر من عثراتة...لك الود

فوق

فوق

منبرنا فووووووووووووووووق

يوسف ود خالى يااخوى انت مشيت وين ؟

منتظراك فى لفة ميدان عقرب

ولو اتاخرت بصل سعد قشرة اجيب لى بخور تيمان واجى

سمح

ماتنسى تجيب معاك تزكرتين سينما والعشاء بووووش من المطعم الجنب سينما حلفايا

ماتخاف انا معاى عشرة الف عليك التزاكر وعلى البوووش المزبط وبجيب معاى مشاعر واميمة كان عم شرف الدين رضى


اها ماتتاخر بالله

سمح!؟

حاضر يابتنا

ابصم علي كلامك مغمض يا
WadAker
كلامك سمح ونحن قدمنا اقتراحات كتيره
ايه رايك في كلام خالد ده

مـيـثـاق وتـعـاهـد

حيثُ أنَّ هذا المنبر هو وسيلة للتواصل بين جميع السودانيين بغض النظر عن مللهم وتوجهاتهم السياسية، والثقافية، والاجتماعية، والاقتصادية، والدينية، والعرقية، والإثنية، واللغوية، والجهوية، والمميزات الجسدية والذهنية، والنوع الاجتماعي (الجندر)، والعمر؛

وإستـناداً على واجب الإنسان من مسئوليات أخلاقية وقانونية تجاه المجتمع والأفراد؛

وإدراكـاً لمـا تلعبه المعلومات، ووسائل الاتصال، وعمليات إدارة الحوار والنقاش من دورٍ هامٍ في تكوين السلوكيات الشخصية للفرد وتطوير المجتمع والحياة الديموقراطية.

فإننا نتواضع لأنْ يكون هذا الميثاق هو ما تعاهدنا عليه من أجل تحقيق أهداف المنبر وفـقـاً للحقوق والواجبات أدناه:

أولاً: الحقوق

1- الحق في التعبير عن الآراء، وإبداء التعليق والنقد بالإسلوب المناسب (وإنْ كان لاذعاً و/أو ساخراً) بما لا يتعارض مع حرية الرأي والتعبير والإبداع في خطابٍ معافىً من لغة التجريح والإساءة والشتم (السب).

2- الحق في الحماية من أي إعتداء جسدي أو نفسي أو التهديد بهما أو بأحدهما.

3- الحق في معرفة كافة المعلومات الشخصية السرية المخزنة والخاصة بعضوٍ آخر قام بالإعتداء أو انتهاك أو قذف خصوصية الشخص المعني أو خصوصية أسرته.

4- مع مراعاة نص المادة (3) أعلاه، يحظر نشر معلومات شخصية عن أي عضو دون موافقته (المقصود هنا من يكتبون بأسماء حركية لأسبابهم الخاصة).

5- الحق في الرد على أي موضوعٍ أو مقالٍ ذُكر فيه الشخص المعني.

6- الحق في ممارسة دورٍ فـعـَّـال في تنشيط عمل المنبر، بما في ذلك المشاركة في اللجان التي تقترحها الإدارة أو الأعضاء المشتركين وتوافق عليها الإدارة، والحق في توجيه استفسارات للإدارة بشأن قضايا معينة وتـلقي ردود بشأن ذلك.


ثانياً: الواجبات

1- احترام آراء الآخرين (مهما كانت لاذعـة و/أو ساخرة).

2- عدم نشر أخبار كاذبة أو خاطئة أو اتهامات لا أساس لها.

3- تصحيح الأخبار والمواضيع التي نشرها الشخص المعني بسرعة بمجرد العلم بعدم صحتها وخطلها، والاعتذار للأشخاص الذين مـسَّــهم نشرها.

4- احترام حياة الأفراد الخاصة، وعدم الإشارة أو الـتـعرض التعسفي لحياة الآخرين الخاصة أو أسرهم بغرض حملات تمس شرفهم وسمعتهم أو شرف وسمعة أسرهم.

5- عدم نشر أي موضوع يحـرِّض أو يشجع على التمييز غير القانوني القائم على أساس العنصر، العرق، أصل المنشأ، لون البشرة، الجنسية، الدين، النوع الاجتماعي (الجندر)، الجهة، الوظيفة، المرض، الإعاقة الجسدية أو الذهنية، الآراء والمذاهب السياسية، الوضع الاجتماعي أو الاقتصادي.

6- عدم الإشادة أو الدعوة إلى العنف، والإرهاب، والجريمة، واللاتسامح.

7- عدم نشر والتـطرق إلى الإشاعات الضارة التي تـقـوِّض أو يُـحتمل أنْ تقوض النسيج الاجتماعي للمنبر، أو تُـلحق ضرراً بسمعة المنبر.

8- حالة التـنافي: يُـحـظر على أي شخص الإشتراك بأكثر من إسمٍ واحد.

9- مساعدة الإدارة، أو من تخوله من أفرادٍ أو لجانٍ، في أداء المهام الإدارية، وتقديم كل الدعم والتسهيلات وسرعة تقديم المعلومات التي من شأنها تسهيل عمل الإدارة أو من تخوله لتحقيق الغرض المطلوب.

10- الإلتزام بشروط العضوية والمحافظة على المنبر كأداة تواصل اجتماعية، تنويرية، تعليمية، تـثـقيفية، ترفيهية، شاملة، جامعة، وعاكسة لتنوع النسيج السوداني.

نهتدي بهذا الميثاق بإعتباره المحفز لإطلاق طاقات الإبداع، بمختلف مشاربها، وكإطار يحكم علاقات الخطاب المنبري.

يعتبر هذا الميثاق جزءاً مكملاً لإتفاقية (شروط تفعيل الإشتراك)، ولـكُـلِ اللوائح التنظيمية اللاحقة التي تصدرها الإدارة.

بكريي ، عادل ،روضا،والجميع..هنا الحل أدرسوه وأمري لله.

الاخ الاستاذ الموصلى،
شكرا لك،
الشكر والدعم للمنبر و للأخ الصديق بكرى ابو بكر.
واتمنى ان ينقشع هذا الظلام قريبا.

شكرا لك انت ياخالد علي المساندة

يعلم الله كم نحبك ونقدرك

كل سنة وإنت وكل الأسرة بألف خير

وربنا يطيب خاطرك يا أستاذ

تسلم ايها العزيز عمر
وسلامك وصل ان شاء الكريم

يا موصلي

تعرف مما كتبت بوستك دا وحياة الخوه البوست حقي مشيت ( بحته) من تحت، يعني المسكين ليه الله!! اها اها

واهو انا زاتي جيت بيجاي!!

اشكرك علي ما تتحفنا به من فن وقيم وتفاني

ااعتقد ان دوركم قد جاء يا موصلي في المساعده لتضميد جراح البلد وانا واثق من مقدرتكم علي لعب هذا الدور فانتم اهل لذلك

شكرا لك و كل سنه وانت طيب

عسكوري

لا والله ياعسكوري
بوستك زينه وعاجبنا وتمام
بس قلنا نكتر الضغط المعنوي

وشكرا علي الثقه والله الدايرنو كلو بنديهو
ونبقي عشره كلنا

العزيز / الموصلي

تحايا و سلامات

يا عزيزي دعوتك مشروعة و لا نملك غير دعمها, و لكن هذا الدعم يحتاج الي توفير جملة من الشروط, اهمها ان يكون الجميع هنا صورة و اسم حقيقي في هذا المنبر العظيم, حتي يتحمل الجميع مسئولية الكلمة التي كانت في البدء, فكل مبررات التخفي , غير منطقية, لاننا في منبر حوار عام و لسنا في عصابة ليلية, تغتال الناس , ثم يظهر اصحابها في الصباح, كاشخاص عاديين, يمشون في الاسواق ..., هذا هو المخرج الوحيد لنا من هذه الازمة التي عكرت جو المنبر... كما اعتقد... فصحيح كلام الشخص هو المهم بغض النظر عن معرفة هويته الحقيقية و لكن في نفس الوقت, معرفة هوية الشخص الحقيقية , مهمة, فلماذا يبتذل الناس منبر الحوار و يجعلونه ملعبة و مضحكة باستخدام اسماء حركية لا مبرر لوجودها؟ و من هنا نوجه رجاء و نداء للعزيز بكري ابو بكر, بان يضع حدا لهذه المسخرة, و لنري ماذا سيفعل الذين جعلوا كل همهم مناطحة الناس و باسماء حركية, و سنري ماذا سيفعل الذين فرغوا انفسهم لهذا الغرض؟ و لا نستثني من ذلك احد, فعلي الكل التعريف بانفسهم/ن لاننا في منبر عام !! وهو منبر حوار و تثاقف و تلاقح افكار الهدف منها ان يستفيد , بعضنا من البعض الاخر, فقد تعلمنا الكثير من هذا المنبر , فلماذا نريد تهديمه, بهذه الالاعيب الصبيانية؟ و لك الود يا يوسف الموصلي, الانسان المبدع... فنحن لا نريد ان نعرف اين يسكن و ماذا يعمل و ماذا يأكل في الفطور...الخ و لكن نريد ان نعرف, الاسم الحقيقي للعضو/ة... حتي يتم التوثيق للاسماء الحقيقية و ليس الحركية.

اتفق معك اخي وصديقي العزيز تماما
اذا خلصت النفوس وتخلص الانترنت من الامراض التي تعرض نسائنا وبناتنا الي التشهير والاساءة لشرفهن

لقد شهدت السنوات السابقة ان تم التشهير بانسانه شريفه معنا هنا الان في سودانيس اونلاين
وقد كان ذلك شيئا مريعا بل وصل الامر بالبعض ان يعملو مونتاج لصورة فتاه سودانيه مع جسم عار لامريكه
ويوزع في النت عموما الاقتراح جميل ويحتمل عندما يمون العمل في ضوء النهار يستحي هؤلاء المرضي

نعم سيظل المنتدي .. صوتا لمن لاصوت لهم .. دارا لمن شردتهم الظروف من ديارهم.أستراحة وثيرة للذين اتعبهم البحث عن وطن ضائع ...ثم أنها شرف كلمة تصلح ماافسده النزاعات (المسلحة) ..

شرفت يامو

ولك المحبة والتعاضد

الرائع المتميز الفنان يوسف الموصلي
كل العام وانت والاسرة بخير والوطن كله بخير لك حبي وتقديري وانت تدلو بشفافية الفنان ورهافته لاجل هذا المنبر الوطن البوح الفضاء الجميل ليستمر الابداع والمثاقفة والمذاهنة لاجل الوطن العزيز ولنسمو فوق الصغائر مهما كان الاختلاف وليبقى المنبر دارا للاخاء والصفاء لا للاحتراب والطعان والضراب والسباب و(الهباب) .
ولك معزة .

دعوة حكيمة من فنان يحترمه الجميع
كل سنة وانت طيب استاذ موصلي


..................
ويبقى ما ينفع الناس

يامحمد العزيز بامثالكم يكون الصلاح

والاحترام

Quote: ليستمر الابداع والمثاقفة والمذاهنة لاجل الوطن العزيز ولنسمو فوق الصغائر مهما كان الاختلاف وليبقى المنبر دارا للاخاء والصفاء لا للاحتراب والطعان والضراب والسباب و(الهباب) . ولك معزة .

الحبيب هشام وانت احد العقلاء الذين نعول عليهم كثيرا

والدليل اعلاه
تسلم

المبدع الموصلى ... هكذا يكون الفهم الواضح والتواصل المحترم .... احييك بكل ود وابصم على كلام خالد بكل وعيى وادب وادعو لكم بالتوفيق

العزيز
WadAker
ربنا يوفقنا جميعا لما فيه خير وطننا الذي كل منا يحبه علي طريقته

ustazi Al-mously,I swera to God,you are the greatest in this board,


To tell you the truth i start to get nervous of the incresing unbecoming behavior of certain (memebers!!!) and I just try my best to hold my anger.
best wishes and regard
with all sincer respect
manubia

مانوبيا
كلماتك الطيبات

هي زوادة منعه لهذا المكان الذي نحب

لك الود

العزيز الموصلى

الا تتفق معى ان هذا المنبر اصبح فى حد زاته طائفه
الا تتفق معى ان هذا المنبر اصبح تكتل للجمهوريين و الشيوعيين و ليس منبر ديمقراطى ...
الا تتفق معى ان هذا المنبر اصبح يضم كثيرا من المتملقين و اصحاب المواضيع الهامشيه
الا تتفق معى ان هذا المنبر ...
الا تتفق معى ان هذا المنبر ...
الا تتفق معى ان هذا المنبر ...
ارجع للصفحه الرئيسيه و اقرأ كم هو عدد المواضيع التى يمكن ان نستفيد منها
المنبر يا ايها الفنان اصبح يعمل بنظرية الما معانا ارهابى
يا تكون جمهورى أو شيوعى أو تسب الاسلام أو تتكلم عن الجنس أو انت كوز و متخلف و ما فاهم

و بعض من كنا نغض الطرف عن عوراتهم
كتبوا مواثيق النفاق صراحة
و تنكروا بل أنكروا عدل السماء
كيما يظلوا جالسين
تظلهم لتذلهم ماهية ووظيفة
هى بعض ما عند الاله من العطاء
بل كيف تفهم يا اله الجهل
انا جالسون على قلوب الناس
حبا لا قرار

تحياتي ... ناصر البطل

أدخل هنا
عشان تفهم انو القصه ما باندويدث
و حريه و ديمقراطيه و كلام من النوع ده
زى الواحد لمن يتكلم ليك عن الجمال... أعتقد انو مقياس نسبى
يعنى كلام نحنا بنمطو زى ما عايزين وممكن الناس يميلوا ليهو لكن استحالة يتفقوا عليهو
حريةالفرد تنتهى بابتداء حرية الاخرين
والا لاصبح الحال كما نحن فيه الان
المسؤولية مسؤولية كل فرد حريص على المجتمع

ما بين المنبر الحر و الصفحات الاباحية

تحياتي ... ناصر البطل

وفي بوستك هذا سوف اتي للمناقشة ايضا ولك المحبة

اخي المحترم نصر الدين

مثله مثل كل المجتمعات هذا المنبر فيه الصالح وفيه الطالح

هذا المنبر به كل الوان الطيف السياسي الاجتماعي الثقافي

وهو منبر عظيم بدبيل مشاركة شخصيات مرموقه غير سودانيه

المشكله تتلخص في

Quote: (شخصنة السياسه وتسيس الشخصنه)

وقس المسائل الاجتماعية والفنية علي ذلك

ولكني اراك تقع في نفس حقل الشوك الذي تريد ان تزيحه عن طريقك

وبتحليلي لكلامك يمكن

يصبح كل من يدافع عن الجمهوريين جمهوري وكل من يهاجم النظام باتفاق في الراي مع الشيوعين شيوعي

و و و و الي اخر القائمة

الحل في رأيي الادب في مخاطبة الدين

الادب في مخاطبة الاجناس المختلفه

الادب في مخاطبة بعضنا البعض

و فوق كل هذا مناقشة مسألة الاديان والاختلاف فيها

مسألة السياسة ومسألة المجتمع

ولكن في العموميات اتفق معك

لك الشكر

العزيز الموصلى

ما ذكرته هو نفسه ما نطالب به
فليعتنق كل فرد ما اقتنع به
فكلها فى اخرها اجتهادات بشريه ناقصة
و قد تتفق فى القيم الساميه كنظريات جميعها
فالشيوعيين و الجمهوريين و البعثيين و الاتحاديين و الامه و حتى البوذيين
الجميع يسعى لايجاد اهداف ساميه و نبيلة كنظريه
اذن الجميع يسعى لنفس الهدف مع اختلاف المنهج
اتفق معك فاختلاف الرأى لا يفسد للود قضيه
لكن هذه النظريه هى سر المشكله
لأنها لا تتوفر فى هذا المنبر
و لكن فلنحاول ان نبدأها من هنا
و لك الود شاعرا و انسانا
و لك العتبى و لك منى التقدير

تحياتي ... ناصر البطل

الحبيب ناصر

العفو والعافيه انت طرحك واضح لالبث فيه

ونحن اخوان تب في السودانويه وفي الانسانيه

تسلم

Quote: تري اهذا لان الاغلبيه هي الاكثر تهذيبا؟

اها هسع الكلام ده معناهو ان متفق انو الاغلبيه

كده مش؟؟؟؟؟؟

لك الشكر يافاضل

العزيز الاستاز الموصلي
تحياتي

بداية اشيد بمجهوداتك المقدرة التي تبذلها من اجل الحفاظ علي
هذا المسمي افتراضا بالمنبر الحر . تابعت في غير ذي اسف ماحدث هنا
من هرج ومرج بفضل بعض الرواد الذين يصرون علي تحويل المنبر الحر
لساحه من ساحات الكلمة البذيئه وساقط القول كتبنا مرارا علي السيد بكري
ابوبكر يلحق ماتبقي من رونق هذا المنبر لكن للاسف وضح لي تماما ان هؤلاء
مطمئنون جدا لذا لايأبهون وهم يتركون نتانه اقلانهم هنا فقط لاحساسهم بانهم
في جنينه وغفيره نائم . اعتذر لك عن هذه المفرده
لكن يبدو لي تماما ان هناك اشياء اخري تتم في الخفاء وبحبكه منظمه لجعل
هذا المنبر كسيحا وعاطلا عن مهامه . املي ان يلتفت بكري ابو بكر لمنبره
الذي اصبح قبله لمجموعه بعينها . ولك الود والتقدير مره اخري

عزيزي خضر وجودك هنا في حد ذاته نوع من الحرص المقدر

صدقني بعض الافاضل الذين ذهبوا سوف ياتون لان قلبهم عامر بحب هذا المنتدي

لانهم افاضل انه الغضب الشديد فقط وستنقشع سحابته

الأستاذ موصلى
لك التحية
كيف ندافع عن sudaneseonline.com ? أتمنى ألا يكون كما دافع التجمع عن الديمقراطية فى 1989 بقانون حماية الديمقراطية والذى صيغ فى دار أساتذة جامعة الخرطوم فى1985 , والذى إخترقته الجبهة من أول يوم كما تخترق البورد الآن بمواضيع لا تختلف عن شعاراتهم فى تلك الأيام(لادعارة ولا خمارة). والمابشوف من الغربال أعمى.

عزيزي بله

تحياتي عارفك زعلان لكن تعال

انت كان مارضيت الحريه لغيرك / غيرك مابرضاها ليك وهنا

مربط الفرس ورهان استمرارية الصراع والانقلابات من عدمه

فان تخلينا جميعا عن نظرية الغاء الاخر يسلم كل منا

لك الموده

الاستاذ يوسف الموصلى
سلام وعيديه بحجم البلد

نحن معك دفاعا عن سودانيز اون لاين

قا

هلا هلا عليك ياشعبنا

هلا هلا

يالي ماعندك كبير

وكبيرك الله

(عبد الوهاب هلاوي)

عافي منك تب

ياقاسم

الموصلي ..

وانا سوف اقاتل معاك خندق واحد..
إلـى اخــر رمــق ..

أرقد عافية ..

هع هع افو

اها البلد فيها فرسان

زي الحلاوه

ماشاء الله ياوليد

الأستاذ موصلى
لك التحية

Quote: عارفك زعلان لكن تعال

أنا ما زعلان من وجودهم و لكنى زعلان من السكوت عليهم.

Quote: انت كان مارضيت الحريه لغيرك / غيرك مابرضاها ليك وهنا مربط الفرس ورهان استمرارية الصراع والانقلابات من عدمه

أنا الديمقراطية عندى مبدأ لكن هم عندهم لاهى مبدأ و لاهى موقف بالنسبة لهم.

Quote: فان تخلينا جميعا عن نظرية الغاء الاخر يسلم كل منا

لامانع لدى أن يحكموا و لكن بالتأكيد لدى مانع فى كيف يحكمون. المرحلة هذه
sudaneseonline وكل المنابر يجب أن تنبرى لتعريتهم و فضحهم لينجح السلام و يثمر نظام ديمقراطى راسخ الجذور.

ماشاء الله عليك عاقل

يديك العافيه ومابنختلف

الرائع الجميل استاذنا الموصلي التحايا وكل عام وانت بألف خير

أحي فيك غيرتك على هذا المكان الجميل الذي وجدنا فيه كل جميل من أفكار وآراء وأشخاص فلتسهم هذه الأفكار والآراء في تغيير بعض الأساليب التي أعترضت المنبر بشكل إيجابي وهو واجب العظماء في أن يسهموا في ذلك ليطغى جمال المكان على كل قبيح لا يليق به وأن لانتخلى عنه فليستمد الجميع من عزمك وإرادتك وقوتك للحفاظ على جماليات المكان .

تحياتي لك مجدداً أبو هديل

بدر انك بذهنك المتوهج

اخا للبدر

انت منور

الحقيقة فوق العقيدة .. والعدل قبل الاحسان. تروتسكي
الرائع الموصلي:

Quote: سندافع عن سودانيس اونلاين بكل جوانحنا وبكل ما اوتينا به من عزم وقوة اراده

وكان الإنسان أكثر شيءٍ جدلاً...
وفنان الحي يطرب... يا أستاذنا...
بس قلنا حق الدفاع إذا قام به البعض سقط عن الآخرين...
والأرض يرثها عبادي الصالحون...
والدنيا ما بتنقدر يا الله... شالت صغيراً قدري... يا الله
ما دوامة الدنيا ما دوامة...

وعوداً حميداً لكل من فات ولم يعد....

وخالص الأمنيات بالدعوات... وخلاف الرأي لا يفسد للود قضية...

تسلم يا ابو عبده

اقتراح لكيفية الدفاع عن سودانيس اونلاين

وبالله ايدك معانا

Quote: 1- لا نسيئ للاديان احتراما لمعتنقيها 2-نختلف الي اخر رمق الاختلاف دون ان نجرح بعضنا البعض 3- لانسيئ للاجناس والاعراق ايا كانت الاسباب 4-لا نتعامل مع الخصوصيات كشيئ عام

يلا ياصديقي قول ومعاك الاهل الطيبين

وانا معاك واكتر ياراجل يافنان

تسلم ياكوفي

اها انت كوفي عنان بتاع البورد ده من الليله

Quote: لانهم افاضل انه الغضب الشديد فقط وستنقشع سحابته

حليل الكان بهدي الغير .... صبح محتار يكوس هداي

شكرا علي المرور ياحلو