Post: #1
Title: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 11:48 AM
Parent: #0
لم يكن من الممكن ان اعبر عن حبي للحبيب ابو عركي اكثر من ان اهديه هذه الاعنيه الجديده من كلمات بنت عمتي ناديه عثمان تعبيرا لحب كل منا له بطريقته ولم يكن هنالك
اجمل من ان نهديكم جميعا هذا العمل الذي لا اشك في ان الحبيب ابوعركي سيضيف بصوته الحنين المتدفق القاـ جمالا مابعده جمال.
لكم المحبه والتقدير
جفل الرعد خايف البروق
وبكى السحاب وِكْتين هطل مطراً دقاق
ريحة الحراز
أحلف واقول إنو القليب قبلك بتول
خالي الوفاض ما ضاق طعم راحة العشق
والنوم خزاز
نفَّاج فَتَح جُوَّاي وكوَّة نور يبُق يضوي المكان
زي كهربة مدناً بيوتها من القزاز
* * * *
حُبَّك بصيص خيط الأمل.. ومعنى الهروب من جُوَّة جوف الانشطار
لمَّا النفوس تَعْزِف نَشَاز
خيل الأماني الطار.. وشال سرجو المُطَرَّز بالوعود
لعن المنافي.. وعاد خواتيمو الدموع مَدْقُوقَه فوق ورق الجواز
عاد من مَشاتي الغُرْبَة والوجع الخبيث
لَمْلَم بواقي كرامتو من رُصُف الحَضَارات المُزَّيَفَة
والمُعَطَّرة زيت وجاز
* * * *
حُطَّ الرِّحال أفتح شبابيك سِكَّتَك .. أجْهِض وداع
أدِّي القطار حق اللجؤ .. وأرفع شراع الانحياز
هو البستحق أنك تعود .. وتزهر حقول الحب عهود
تروي الأرض صحَّة وسلام .. لقمة ووئام .. رِفْريف حمام
نسمة خريف ورَشَاش رزاز
* * * *
وطن المساجد والخلاوي والدراويش والكنائس والمعابد
وثبات عقائد باقية ضد الاهتزاز
عِشقَك سما بالروح سبح فوق للسَّما .. زيك محال تلد الشموس
يا المشرئب عالي الرؤوس
ليك الولاء تعظيم قسم .. ويمين غِلاظ
أنفة وإباء عِزَّة وشموخ والكبرياء .. حبَّك حقيقة زي الحياة
يا مِحْوَر الكون البيدور .. وثبات نقاط الارتكاز
* * * *
فوق للجبال سودانا عاش.. سَلَّة غلال ورُطب لُذَاذ
ليهو العُلا والانحناء والانحياز
وطن الجدود ليهو الخلود .. حبُّو الحياة وموتو المجاز
ليهو العُلا والانحناء والانحياز
حبُّو الحياة
وموتو المجاز !!
نقد ذاتي
بدل كلمة جفل اخطأت فقلت (وجل)
في عملية المكساج الموسيقي غطت علي الصوت بعض الشيئ
ولكم العتبي
|
Post: #2
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: علوبه
Date: 02-15-2005, 12:13 PM
Parent: #1
ياسلام عليك
الله يحفظك لينا ويخليك لى اولادك
مرات الواحد يقول حقو المبدعين ديل احسن مايرجعوا لى وطنهم عشان يدونا حاجات حلوه زى دى تبقى لينا زاد فى هجرتنا جوه وبره بلدنا
اسمح لينا انا قمت سحبتها على طول وبردد فيها اناوبتى ساره عشان نعطنها بى كلام للوطن
ولك الود دوما
|
Post: #4
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 12:32 PM
Parent: #2
علوبه لك هميم الود ويشرفني انك وساره اول السامعين
والمعلقين كمان
|
Post: #29
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 06:50 PM
Parent: #2
من طرائف ابوعركي الرقيق معي انه في رحلتنا الي المشاركة في احتفال الربيع
بعوة من الحكومة الكوريه كنت انا وعركي نمثل وفد السودان
قال لي ابو عركي بحصافته ولطافته
اسمع ياموصلي انا بقية الوفد وانت رئيسه
طبعا دي زوغه من ضيافة الكوريين الفائقه
تسلم ياحبوب
|
Post: #3
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سمندلاوى
Date: 02-15-2005, 12:16 PM
Parent: #1
لا لا لا
رهيب كعادتك , والاستاذة نادية خطييييييييرة
ابوعركى يستاهل وهو اهل لذلك ومبروك عليهو
وانت الله يديك العافية
وانا .........
|
Post: #5
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 12:33 PM
Parent: #3
بكوري يلا بل ايدك في الزيت ياحلو وسن الكمتجه
|
Post: #6
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: osly2
Date: 02-15-2005, 12:50 PM
Parent: #5
Quote: هو البستحق أنك تعود .. وتزهر حقول الحب عهود
تروي الأرض صحَّة وسلام .. لقمة ووئام .. رِفْريف حمام
نسمة خريف ورَشَاش رزاز |
شكرا ناديه وموصلى
على الاقتحام الجميل لاعماقنا
|
Post: #7
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Dr. Moiz Bakhiet
Date: 02-15-2005, 01:04 PM
Parent: #6
من رحم الفرح يولد العشق ورحيق الإبداع
نادية والموصلي موجتان على شواطئ الحب
يصنعان بحر العذوبة السابح فينا
وجداً وهيام
وعندما يجئ الوعد بعركي العظيم
تتكئ العصور على حافة الشوق والإنتظار
لكل الأمنيات القادرة على التلاقي
خلف خارطة الزمن..
ماذا أقول.. سوى أحبكم
معز
|
Post: #11
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 01:44 PM
Parent: #7
ومن رحم ارض السودان الخصيب جاء النطاسي البارع
الذي يتنافس الطب مع الشعر فيه بحميمية غير مسبوقة
نحن ايضا نحبك حبا جما
|
Post: #130
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-20-2005, 09:27 AM
Parent: #7
فوقعشان الدكتور الجميل معز
|
Post: #188
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-02-2005, 08:29 AM
Parent: #7
ودي عشان د معز
ونور النوارابو عركي
|
Post: #8
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: تاج السر حسن
Date: 02-15-2005, 01:09 PM
Parent: #6
ياقريبى وقريبة قريبى
الأبداع عندكم ...
ومنكم
أخاف الكلمات بعدو (تعقر)!!!
|
Post: #9
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 01:28 PM
Parent: #8
الاعزاء
الموصلى الموسيقار الخطيييييييييييييير
البروفسير الشاعر الجميل البوح د. معز
سمندلاوى
علوبة
تاج السر حسن
اوسلى تو
انا جيت احضر معاكم الحفلة !!
|
Post: #12
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Dr Mahdi Mohammed Kheir
Date: 02-15-2005, 01:44 PM
Parent: #9
الأعزاء
نادية ... الموصلى
لكم التحية وأنتم تتغنون للوطن
|
Post: #15
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 01:49 PM
Parent: #12
عزيزي د مهدي
نتابع مناجاتك للوطن دوما وعشقك في
محبة واعجاب
|
Post: #14
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 01:47 PM
Parent: #9
انت الحفله ذاتها
ياربي العروس القاعده هناك ديك (ماناديه)
|
Post: #128
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-20-2005, 05:34 AM
Parent: #9
فوق عشان خاطر حمزه سليمان وعركي
|
Post: #13
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 01:46 PM
Parent: #8
تاج راسنا
(الله كريم علينايهون للقواسي وتصفي الدنيا لينا)
كما قال الحبيب عز الدين هلالي
تسلم
|
Post: #10
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 01:41 PM
Parent: #6
وما اجمل اعماقكم يا اوسلي
ما اجملها
|
Post: #16
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 02:37 PM
Parent: #10
ابو عركي بيني وبينه الكثير سوف احكي به هنا
ولكنه عند سماعي اقرا له هذا النص كان يقاطعني
بكلمات الاعجاب دوما
|
Post: #17
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 04:09 PM
Parent: #16
العزيز الموصلى الموسيقار
د. معز الشاعر المرهف
كل الاحبة الذين وقعوا فى هذا المكان الحميم
لكم كل الود
ولابو عركى الرائع مليون وردة ..ولدكتورة عفاف الصادق التحايا العاطرة ..ولورودهم الحب !
|
Post: #18
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد المنعم سيد احمد
Date: 02-15-2005, 04:52 PM
Parent: #17
استاذنا الجميل
الموصلى
دائما تبهجنا بكل ما هو جديد ورائع
كعادتك.وهكذا تسمو ارواحنا محلقة
بهذا العمل الجميل
التحية موصولة ..للشاعرة المرهفة نادية
والفنان الاصيل عركى
لكم الحب
|
Post: #19
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 05:07 PM
Parent: #18
التحية لكل من حياّ هذا العمل
وهل اكثر من الغربة محرقة تنصهر فيها ارواحنا فتخرج بلظى المفردة كحمية وشظية تلهب الدواخل؟!!
رد الله غربة الجميع!
|
Post: #20
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: benyya
Date: 02-15-2005, 05:14 PM
Parent: #19
| Quote: رد الله غربة الجميع |
اميييييييييين
ما قدرت اسمع الاغنيه لكني اثق كل الثقه انها اكثر من رائعه
التحيه لكي يا ناديه ولك يا استاذ الموصلي
لى قدام
|
Post: #22
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 05:25 PM
Parent: #20
بنيه ياخساره عارفين ذوقك عسل لازم تسمعي لازم اسمعيها ولو عند
اي اصدقاء تسلمي
|
Post: #160
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-23-2005, 02:14 PM
Parent: #20
ودي عشان بنيه
|
Post: #21
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 05:19 PM
Parent: #18
الرجل صاحب الوجهه الصبوح والابتسامه الصادقه
الشاعرالمرهف
انت دوما تنثر زهورك ذات العطر الرائع في ربوع بوستاتي
وشكرا لناديه وعركي علي محبتهم
|
Post: #23
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: shazaly gafar
Date: 02-15-2005, 05:28 PM
Parent: #21
حبيبنا الموصلى
التهنئة لك وللاخت نادية
بمناسبة هذا المولود الرائع
الذى سيدلِّله مبدعنا-صاحب التميز-عركى
فى كنفه الفنى المجيد
الى الامام
شاذلى
|
Post: #26
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 05:37 PM
Parent: #23
شاذلي الملهم انت ود معز والمطر والكتيابي وهلالي وسوما ومنعم وناديه
نمثل اهم شيئ في الحياة وعصبها الا وهو الحب
|
Post: #24
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 05:36 PM
Parent: #21
بنية ..بنيتنا المريودة الحبوبة الغالية
تسلمى على المرور ياغالية
لكن زى ماقال ليك الموصلى لازم تسمعى حلوة كده ساى مابتخارج معانا !!
ولى قداااااام
وكلو تمام بوجودك يابهية ..وبقية الاحباء فى هذا البوست والبوستات المجاورة !
|
Post: #124
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-19-2005, 09:21 AM
Parent: #3
ودي عشان خاطر بكري صاحب عركي العظيم
|
Post: #161
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-24-2005, 06:08 AM
Parent: #3
ودي عشان بكوري الراقي
|
Post: #25
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: luai
Date: 02-15-2005, 05:37 PM
Parent: #1
موصلي يامبدع ...
شكرا على هذا العمل الجميل ..للشاعرة المتالقة نادية عثمان
وتحية حب عبركما ..للفنان الاستاذ ابوعركي البخيث ..ولكل مبدعي بلادي
ومزيد من الجمال
والالق ..
والنور ...في منبرنا
وتحية
Quote: يا المشرئب عالي الرؤوس
ليك الولاء تعظيم قسم .. ويمين غِلاظ
أنفة وإباء عِزَّة وشموخ والكبرياء .. حبَّك حقيقة زي الحياة
يا مِحْوَر الكون البيدور .. وثبات نقاط الارتكاز
|
|
Post: #27
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 05:57 PM
Parent: #25
شاذلى
لؤى
وكل من شرفوا بحضورهم هذا الركن الحميم
لاتكون الروعة الا بوجودكم الرائع
دمتم ابدا ايها الاحباء !
|
Post: #28
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 06:02 PM
Parent: #25
لؤي انت تشرف الديار
ولك كل المحبه با انسان
|
Post: #30
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Maha Bashir
Date: 02-15-2005, 07:08 PM
Parent: #28
الفنان الفنان المبدع الموصلي
الاديبه الراقيه ناديه
مع كل الاحباط و الاحساس بالغربه جاء اللحن الجميل الذي يبعث في النفس الفرح و الكلمات ذات المعاني في الوقت المناسب
شوفوا بالله الكلام دا .....
Quote: عِشقَك سما بالروح سبح فوق للسَّما .. زيك محال تلد الشموس
يا المشرئب عالي الرؤوس
ليك الولاء تعظيم قسم .. ويمين غِلاظ |
وسوف تكتمل الروعه بالفنان أبو عركي.... ما أجملكم!!!!!!!!
مع حبي لكم جميعا
مها بشير
|
Post: #31
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-15-2005, 07:41 PM
Parent: #30
مها ما اجملك وانت تشدين
من اذرنا في حصافة الاذكياء المحبين
لك من الود هميمه
|
Post: #32
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-15-2005, 09:36 PM
Parent: #30
الاخت الحبيبة مها بشير
قلتى :
(مع كل الاحباط و الاحساس بالغربه جاء اللحن الجميل الذي يبعث في النفس الفرح و الكلمات ذات المعاني في الوقت المناسب)
نعم ياغالية ..مااصعب الاحساس بالغربة ..ومااقساه من وجع اليم !!
ولكننا هنا مع بعضنا البعض لنخفف من وقع هذا الشعور البغيض ..وبك ومعك ياعزيزتى نستشعر الآلفة والمودة من حبيبة محبة للوطن وابنائه!
دمتى ومن تحبينهم بالف الف خير
|
Post: #33
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: nazar hussien
Date: 02-16-2005, 01:08 AM
Parent: #32
يا موصليييييييييييييييييييييييييييييييييييييييييييييييييييييييي
التسجيل بقطع التسجيل بقطع OVER
دا كلام لو ما سمعتو ماني ماشي من حتتي دي تب...
والله يوم بتودرو ليكم زول بي جنس الكلام دا
|
Post: #34
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 02:17 AM
Parent: #33
الحبيب نزار الاغنيه عندي مسموعه تش
اديك فكره
اعمل رايت كلك وسييف الاغنيه
لديك في الكومبيوتر واسمعها برواقه
Click here
|
Post: #35
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سارة حمزة
Date: 02-16-2005, 02:44 AM
Parent: #34
يا سلام على اللمة الحلوة دي
نادية -الموصلي -العركي
ربنا يحفظكم ويغتي عليكم
ومزيدا من الجمال
|
Post: #36
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 03:06 AM
Parent: #35
ساره يالجموع
بي حضورك ساره
مرحب بي قدومك
وانتي دايما ماره
|
Post: #37
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سجيمان
Date: 02-16-2005, 03:08 AM
Parent: #35
نادية + الموصلي = دهشة.... طلعت زيتنا ظاتو
|
Post: #39
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 03:28 AM
Parent: #37
الشاب الوجيه سجيمان
ليك الانحناء والانحياز
|
Post: #137
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 04:57 AM
Parent: #37
فوق عشان خاطر سيجيمان
|
Post: #38
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Osman M Salih
Date: 02-16-2005, 03:16 AM
Parent: #1
الموسيقار الجليل يوسف الموصلي
فـليبارك الخالق وأرواح السلف
الصالح سعيك الحميد
التحية موصولة للأستاذ ابوعركي
و للشاعرة ناديه عثمان
أمتعتني قـراءة نصها
|
Post: #40
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 03:30 AM
Parent: #38
تسلم ايها الاديب وصاحب القلم الرفيع
اما شهادتك لناديه فنعتز بها لانها
من كاتب وانسان نقي
(الفي قلبو علي لسانو)
|
Post: #41
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Sidig Rahama Elnour
Date: 02-16-2005, 03:44 AM
Parent: #38
استاذنا الموصلي
تسلم أنت وعركي ونادية على هذا الأهداء الخصيب
تخريمة : عملت بوصيتك كليك يمين سمعتها برواقة بعد الحفظ يحدي ما جواي فتح نفاج
|
Post: #42
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 04:03 AM
Parent: #41
الحمد لله ريحتني الهي يريحك ياصديق
شن فايدة الغنا والفن كان ماسمعوهو
اها ماتنسي تكلم حبايبك كلهم
وخبرك ده ذاتو فتح جواي نفاج فرح جميل
|
Post: #43
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: HAMZA SULIMAN
Date: 02-16-2005, 04:46 AM
Parent: #42
ابشرى يا نادية
وشبال من شعرك السادل
تحياتى يا استاذ
وما عندنا مانع يغنيها استاذ عركى
لكن يحدى متيييييييييييين
نحن الطلبة ديل ما بتذكرونا
بى اغنية
والله العظيم ما اقبل لو ما اهديت لى اغنية
|
Post: #44
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 04:54 AM
Parent: #43
حمزه الحبيب
لا حولااااااااااا
انت غناي كلو ليك اختار النص البعجبك من اي واحد من شعراء المنبر
الكتيرين الكتابين ماشاء الله عيني عليهم بارده
وانا من ايدك دي لي ايدك دي ياخي انت ماعارف انا بحبك قدر كيف
وعارفك بتحبني
لكن والله انا صبيت حبي ليك في الحانك عند عمر بانقا ولما تسمع
حتعرف
اها ابقي عشره علي النص ولو تركت لي الاختيار النصوص ماشاء الله راقده
اوكي تسلم
|
Post: #45
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: HAMZA SULIMAN
Date: 02-16-2005, 05:05 AM
Parent: #44
تسلم يا استاذ
انا فى انتظار خيارك
|
Post: #46
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 05:09 AM
Parent: #45
داير سندوتش
ولا صينيه؟؟؟؟
|
Post: #47
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: THE RAIN
Date: 02-16-2005, 05:59 AM
Parent: #1
موصلى
البديع
وأنا والله لن أجد تعبيرا عن محبيتى الدفاقة لعركى
أفضل من أهديه طربى وفرحى ونشوتى بهذا الشدو العالى
طربا وحبا
وتحية وإنحناءة
لك
وللمبدعة نادية عثمان
على هذه الشاعرية باذخة الجمال حقا
أبوذر
|
Post: #48
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: A.Razek Althalib
Date: 02-16-2005, 06:12 AM
Parent: #47
أستاذنا الموصلي.
تحية.
ودعاش المطر. النازل زي الخرز.
رائع..
وروعة... أبو عركي.. ونصفه الآخر توأم روحه... د. عفاف الصادق.
خالص الأمنيات لكل مبدعي بلادي وبالتوفيق....
|
Post: #51
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 06:28 AM
Parent: #48
صديقي عبد الرازق
صدقت والله عركي وعفاف ديل ملايكة الله في الارض
وانت زول حبوب ولك الشكر
|
Post: #49
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 06:16 AM
Parent: #47
الرجل النقي الشاعر الفذ
ومطر العشم دائما
ماذا اقول علي كلماتك المضيئة غير احبك
وساترك لناديه لترد علي محبتك العظيمه ونيابة عن حبيبي ابو عركي
احييك اطيب تحيه
|
Post: #50
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ناذر محمد الخليفة
Date: 02-16-2005, 06:17 AM
Parent: #1
أستاذنا الرائع دوماً الموصلي ..
عابر تماماً عن التعجيز (شفت اللخبتة) !!!
والله العظيم وأنا أسمع هذا اللحن كنت أتخيل تماما صوت أبو عركي ...
نازل في اللحن والله زي السكين في الزبدة ..
مبروك مقدماً لأبو عركي والتحية للرائع الموصلي ونادية ..
وعقبالك يا حمزة سليمان بس ما تغير على أبو عركيً ..
|
Post: #52
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 06:33 AM
Parent: #50
مش كده بالله ياناذر
عركي ده صوت معطون باجمل العطور الياريسية
المخلوطه بي صندلنا وبخور تيمانا
برضو لخبته مستحبه الجات دي فهي دليل محبه
بالنسبه لحمزه ما اجمل الغيره الايجابيه
صدقني اي لحن سمعتو مني عجبك بكون اتولد من لحن حق فنان تاني عجبني وغرت منو
هههههههه
|
Post: #53
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ست البنات
Date: 02-16-2005, 06:40 AM
Parent: #1
عفوا تكرر
ست البنات .
|
Post: #54
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ست البنات
Date: 02-16-2005, 06:41 AM
Parent: #1
نادية ،
والموصلى ،
سلام كتير بحجم جمالكما ،
نادية ، زهرة البورد النادية !
الشاعرة الشاعرة !
نص يستحق أكثر من شطر الجمال وصفا !
الموصلى المرهف ، يالكلك زوق ، يا مرسال السلام فى المنبر !
تحياتى لكما ، وأحييى الروح الوطنية الدفاقة !
وتعظيم سلام عبركما للمبدع الفنان أبو عركى .
ست البنات .
|
Post: #55
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 06:53 AM
Parent: #54
ست البنات وحاة الله الشوق مطر
تتذكر ايام القاهره
وهسع ناديه في القاهره
انعل ابو الظروف القاهره المرقتنا كلنا
بس احيانا نقول رب ضارة نافعة
تسلمي يابت كمبال
|
Post: #57
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 08:01 AM
Parent: #55
الى كل احبار الموصلى الموسيقار الشفيف
الى الذين يعشقونه ذلك الكروان الشجى ابو عركى البخيت
والى كل من مروا بحروفى فاستحسنونها ووقعت فى مكان حميم من دواخلهم
الى كل الاحباء
لكم اعزازى وعظيم تقديرى الوافر
ودمتم بالف خير
|
Post: #56
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عمر الفاروق شيخ الدين
Date: 02-16-2005, 07:53 AM
Parent: #1
الأستاذ الموصلي والأستاذة نادية :
التحية لكم علي الجهد المقدر والنص الشعري الرصين ..
الأستاذ الموصلي :
سأتكلم من منطلق المستمع العادي البسيط والذي فقط يحلل الأغنية من خلال سماعه لها من خلال الكاسيت العادي مع باقي أغنيات ...
لست من دارسي الموسيقي ولا يحق لي أصلاً أن أقوم بتحليل ما يقدمه عبقري الحان مثلك فلخبز يترك لخبازه لذا دعنا نقول ان ما سأكتبه لك هو وجهة نظر مستمع عادي ليس إلا ..
أختلف كثيراً مع أغلب المتداخلين بمناسبة اللحن للأستاذ ابوعركي وأيضاً مناسبة اللحن مع الكلمات ..
حقيقة أستاذنا الموصلي أجد أن الكلمات كلمات قوية جداً يجب أن يكون اللحن الموازي لها لحن أكثر شجناً وأكثر جاذبية للأستماع !!!
الملاحظ أستاذنا الموصلي أن القصيدة طويلة نوعاً ما وهي إمتداد لأغاني زاد الشجون والطير المهاجر وغيرها من الأغاني الطويلة ..لذا (في رأيي المتواضع) كان من الأفضل أن يكون هناط تنوع في اللحن مع إختلاف المقاطع حتي لا تتولد الرتابة للمستمع وحقيقة إذا كان هذا اللحن لقصيدة غنائية قصيرة لكان ممتازاً ولكن مع هذه القصيدة الطويلة تجدني وبعد أن استمع الي اول مقطع تجدني أبدو شارد الذهن غير منتبه للكلمات ..
لذا اعتقد أن هذا اللحن أستاذنا الموصلي قد أضاع قوة الكلمات نوعاً ما ...
انا متأكد أستاذنا الموصلي أنك وضعت هذا اللحن بناءً علي قوالب لحنية معينة ووضعت فيه عصارة جهد مقدرة ولكني اطمع من الأستاذ الموصلي في لحن أقوي وأجمل فانا مستمع طماااااااااع جداً عندما أستمع لالحانك ...
مازلت مصر أستاذنا الموصلي أن الخبز لخبازه وانت ادري مني كثير بفلسفة إختيارك لهذا اللحن ولك وجهة نظري فنية علمية بحتة ولكني فقط مستمع ومستمع عادي جداً لذا تجد تعليقي لك مبني علي وجهة نظر المستمع العادي ..
لك التحية مرة أخري أستاذ الموصلي والشكر علي المتابعة ..
تخريمة :
اللحن أستاذنا الموصلي أحس فيه مزيج من بعض أغانيك والحانك القديمة فهو نوعاً ما يزكرني (خصوصاً المقدمة) فهي تزكرني بالاغنية التي غنيتها مع البلابل (تخونني الذاكرة هنا في استرجاع الكلمات ) ولكن اذكر انك كنت مثلاً تقول اعمل إيه فيردد البلابل اعمل إيه ومرة كنت تخرج بصولا تقول فيها ( لللا للا لالالا ) وصفي كعب مش ؟
وايضا احس فيها لحن أغنية من أريج نفحات الشمال ..
لك التحية
|
Post: #58
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 08:09 AM
Parent: #56
الحبيب عمر الفاروق
لك محبتي علي نقدك الهادف البناء بصرف النظر عن الاختلاف او الاتفاق معه
تعاني الموسيقي السودانية من مشكلة التطويل والمقدمات التي لا لزوم لها في نظري
وقد كان ذلك مبلوعا في السابق اما الان في عصر السرعه والكومبيوتر فلم يعد ذلك التطويل
علاجا مقبولا للنص الشعري فهذه الاغنيه الان تستغرق تسع دقائق فهل لديك متسع من الوقت
اكثر من ذلك ؟؟
هذه واحده ـ واتفق معك في ان الجزء الثاني من جملة المقدمه الموسيقيه فيه نفحه من (يعني ايه الدنيا ياشمس الضحي باغنية وينك انتي) وهي لمحه منك ذكيه يتفق فيها معك الفنان علي السقيد ولكن في عرف الموسيقي
يمكن للفنان ان يستعير خلايا من الحانه وايضا الحان الاخرين برغم ان هذه الجزئبة البسيطه لم تكن مقصودة مني ولكنها الروح.
اقترح عليك ان تسمع هذا اللحن اكثر من خمس مرات لتتأكد من التنويع وعدم الرتابة فيها
وتعال راجع تاني وريني النتيجه
تقبل فائق احترامي ومحبتي
|
Post: #59
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: خدر
Date: 02-16-2005, 08:18 AM
Parent: #58
| Quote: في عملية المكساج الموسيقي غطت علي الصوت بعض الشيئ |
لكن ماشاء الله يا موصلي
عيني بارده
و اضانك سنينه
الفرق ماكبير بالمناسبه
اغنيه جميله خاااااالص
شكرا وناديه دي عشان قريبتك داسيها مننا
|
Post: #60
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 08:32 AM
Parent: #59
خدوري انت وين ياخوي انا كايس ليك
انت الاضانك نجيضه
شكرا يافنان ياراقي
بالله اهديها للناس البرسلوك طوالي عسي ولعل
يبطلو المراسيل
سلامي لي بارعه
|
Post: #71
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: الصادق خليفة
Date: 02-16-2005, 09:42 AM
Parent: #60
حبيبنا الفنان القدير موصلي
لي فترة و انا جافل من المنبر للظروف التي كان يمر بها المنبر و ظروف خاصة اخرى لكن جفل الرعد خلتنى ارجع للقلم و اتحدى بالحرف الالم ، اولا القصيدة سبق ان قرائتها في المنبر وهي بحق دعوة من الاخت الرائعة نادية تستحق التأمل اما التلحين و الاداء فحقيقة البسها جمال و لا احلى و دائما يا موصولي كلما استمع اليك ترجع بي السنين الى الوراء نهاية الثمانينات و بداية التسعينات وقتها وانا طالب بجامعة ام اس الهند اغنية بكتب ليك رسالة طويله يا امي و التى لا تزال تحتل مساحة كبيره جدا من دواخلي ، لك كل الحب اخونا موصلي وان تواصل الابداع .
|
Post: #61
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 08:43 AM
Parent: #59
العزيز عمر الفاروق شيخ الدين تسلم على المرور الجميل والاشادة والنقد البناء المحترم جدا
العزيز خدر ..تسلم من كل شر
والموصلى ود خالى لاداسينى ولاحاجة انت بس سن عودك وحااكون سعيدة لو لحنت احدى قصايدى
ولكل من مروا من هذا الركن الحميم كل الحب والاحترام
|
Post: #62
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عمر الفاروق شيخ الدين
Date: 02-16-2005, 08:45 AM
Parent: #58
الأستاذ الموصلي :
شكرتك قبل أن تقرأ مداخلتي وكتبت لك " شكراً للمتابعة " لأنني كنت متأكد من أنك ستتابع القراْءة حتي وان كانت نقد ...
اول حاجة معليش اني جيتك قبل ما اسمع اللحن خمسة مرات ( موضوع خمسة مرات ده حا اسألك فيهو سؤال ) ..
لكن تطرقت انت لي موضوع مهم جداً وهو اننا في عصر السرعة وانا سمعت قبل كده إنو اليابانين متجهين لي أنو زمن الغنية عندهم بقا بيصل 30 ثانية (واسعة شوية دي مش ؟ ) ..
وهنا انت جيت لي كلامي انو الاغنية طويلة جداً وانا لمن اتكلمت ليك عن اللحن ما كنت بقصد المقدمة الموسيقية قبل اللحن بقدر ما كنت بتسأل عن هل يمكن انو يكون كل فقرة ليها لحن مختلف شوية يتناسب والكلمات ؟؟؟
زي ما قلت ليك يا أستاذ الموصلي إني مستمع عادي وبسيط جداً عشان كده بتلقا كلامي مرات زي المشاتر مشاتر وممكن تكونو انتو في الموسيقي عارفين ليي عملتوا ده كده وده كده لكن اتعودنا دايما انو الاغنية الطويلة دوما يصاحبا لحن حزايني نوعا ما او لحن فيه شجن او لحن بطئ وانا ملاحظ انو اللحن فيهو شوية خفة وسرعة عشان كده انا بقصد انو اللحن جميل وجميل جداً اذا كان مفصل علي أغنية مقاطعها قصيرة وزمنها قصير ..
سؤالي الموجه بي خصوص الخمسة مرات إنو فعلاً مرات في أغاني لمن اسمعها اول مرة بتلقاني مليتا سريع وبحاول امشي لي اغنية بعرفا وبالتالي بقوم بجرها بالمسجل وفعلاً اكتر من مرة تجدني أتجاهل الأغنية ولكن بعد اكثر من مرة او لو اتجبرت اسمعها (مثلا في المواصلات واو عند زميل ) تجدني بعدها بديت احب الاغنية واللحن ..لكن الشي العجيب والبيدعو للتساؤل الاخر انو بعض الالحان ومن اول مرة تسمعها بتنجزب ليها دون تكرارا !!!
تخريمة :
فعلاً الاغنية هي اغنية وينك انتي بس سبحان الله وانا بكتب فيها كنت بغنيها ولمن حاولت اكتبا ليك حلفت بي الله واحد ما تجيني وعشان اكد ليك :
وين انتي وينك انتي وينك طال غيابك العيون تسألني عنك والقليب يقول حبابك
تحياتي
|
Post: #63
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 08:59 AM
Parent: #62
عمر السماع عدة مرات بيخليك تطلع من الغرق في الانطباع الاول
انا لمن عينوني عضو في لجنة الالحان غيرت قانون الحكم السلبي علي الالحان والفنان من اول وهله واصبحت اللجنه كل واحد مننا ياخذ الالحان لمدة اسبوع في البيت ويجي بي تقرير وافي متمهل.
قلت ليك اسمع خمس مرات لانو اللحن ده ممابدا مافيهو تكرار الا في النهايه عملتو مخصوص
من الجزء الاول عشان الفورم يكون
ABA
|
Post: #64
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: اساسي
Date: 02-16-2005, 09:09 AM
Parent: #63
اتدري استاذنا الموصلي
منذ الامس حاولت سماع الاغنية في جهاز البيت ولكني لم اوفق النت بطئي جدا كان ولم يسعفني انتظاري تحميل الاغنية لسماعها رغم تشوقي للاستماع والكلمات التي اعجبتني جدا كانت الدافع القوي لسماعها مدوزنة منذ الصباح واول فرصة وجدتها لدخول المنبر من المكتب قمت بانزال الاغنية علي الجهاز وظلت تعمل وكل مرة اعيدها الي اني استطيع ببساطة ان اقول اني حفظتها ..
كالعادة مثابر حريص علي جودة الاختيار مضياف للعمل تعطيه بعدا انيقا وجذابا
اسرتني حقيقة الاغنية والشكر للاخت نادية علي جمال الكلمات والان انا اتحدث اليك وارددها وهي تعم ارجائي ...
الشكر الجميل لهذا الالق وهذا الجمال لكليكما
وابوعركي من الجميلين جدا الذين يضفي الاهداء اليهم جمال
لكم التقدير
|
Post: #68
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 09:29 AM
Parent: #64
اساسي انا اثق في ذوقك جداوكثيرا ما اتفق معك في الاغنيات التي تنزلها
واتطابق
الله يطمنك كيف اخبارك نعلو خدر الكارثه وصلك
يشرفني وناديه وعركي انك من المحبين
تسلم
|
Post: #65
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: بلدى يا حبوب
Date: 02-16-2005, 09:13 AM
Parent: #1
استاذنا الموصلى
يا زهرة القرنفل التى تعبئق لتعطر المنبر
شكرا على هذه الروعة
احى عبرك الاستاذه نادية والمبدع عركى واحييك
كل هذا الجمال نعايشه فى حوش بكرى الكبير شكرا لكم جميعا
تحياتى
|
Post: #69
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 09:31 AM
Parent: #65
بلدي ياحبوب
والله كل ماتجيني بي جاي احس بي راحه عجيبه
انت زول حلو وحبوب ان شاء الله مانعدمك يارب
|
Post: #66
Title: يا حليلكRe: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ست البنات
Date: 02-16-2005, 09:19 AM
Parent: #1
يا حليلكم يا الموصلى !
ودوام بطراكم !
وهى ديك أيام بتتنسى ??
وانا بقول رب ضارة ضارة !
وتحياتى للصغار والى العزيزة العزيزة !!
وربنا يمد فى اعمارنا ، ان شاء الله نتلاقى كلنا تانى !
ونادية ما دام فى القاهرة لسة ، لازمانى رجعة للقاهرة بأذن الله !
ست البنات .
|
Post: #70
Title: Re: يا حليلكRe: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا ا
Author: Elmosley
Date: 02-16-2005, 09:35 AM
Parent: #66
ست البنات _ اها امشي لي بت عمتي وهي كريمه زيك كده
مابتقصر معاك وانتي مابتقصري
سلام لكل الاحباب بي غادي
|
Post: #67
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عمر الفاروق شيخ الدين
Date: 02-16-2005, 09:23 AM
Parent: #1
الأستاذ الموصلي :
مشكور مرة تالتة ومشكور كتييييييييييير لحدي ما تستغيث من الشكر ..
ومعليش استلمت البوست معاك بس لاني زي ماقلت ليك مهتم بالاستماع لاغنياتك والحانك ...
بدأت أعيد الأغنية أكثر من مرة ولا اخفيك سر أن المؤشر بدأ في الزيادة ولكني دوماً أحاول ان ارددتها بنفس لحنك مع تبطأته فأجدها أجمل لا ادري لماذا !!!
استاذ استاذ استاذ ممكن اخر سؤال واخر تخريمة (الا اذا كلامك جابني تاين بجيك ) :
هل يمكن إعادة النظر في طريقة اداء هذا الجزء :
لملم باقي بواقي كرامتو من رصف الحضارات المزيفة والمعطرة زيت وجاز
وخصوصاً المزيفة والمعطرة ..
لك التحية تااااااااااااااااااااني
|
Post: #72
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 09:44 AM
Parent: #67
اها انا بتقاطع معاك في دي
انا مخصوص سويتها كدي حركهتوافقيه مابين الصوت النغمي والسرعه
بينما الصوت فيها يرتفع الي القوه تدرجيا فان سرعة الكلمات المتقطعه
تزيد تدريجيا ايضا وحينما يصل الصوت الي قمة القوه في كلمة جاز ويتجمد عنها لبرهة فن السرعة تقف عند نفس الكلمه
وتعال راجع انا معاك للصباح وتشرف ياعمر
|
Post: #74
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 10:08 AM
Parent: #72
ست البنات
بت عمى كمبال الراقية
ست البنات لى حدهن
تسلمى ياحبيبة
وانا فى رجاااااااك
علا قوليلى جاى متين لى مصور يالغالية ؟
|
Post: #73
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عمر الفاروق شيخ الدين
Date: 02-16-2005, 10:03 AM
Parent: #1
الأستاذ الموصلي :
انت عارف اكتر حاجة عاجباني في الموضوع شنو ؟؟
انو اديتني إحساس اني اضاني كويسة في الموسيقي
و الله الدردشة معاك في الموسيقي سممممممممممحة وانا زمان قلت ليك انا عايزك في حاجات كتيييييييييييييرة اسألك منها (سؤال المستمع البسيط) والليلة والله اديتني درس مجااااااااااااااني ومشكور عليهو بس اوعا المرة الجاية تقول لي وين اب صلعة
مضطر اغادر الونسة السمحة دي وماحا اقدر اجيك الا بكرة او بعدو انشاء الله عشان تكمل لي ..
بس اوعك تقوم تغني لي :
وعدني بكرة وبعد بكرة بس ما اوفاهو ..
لاني مستحيل البعاد يقسيني يا موصلي ...
ليك التحية
|
Post: #75
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 10:59 AM
Parent: #73
عمر والله انا اكثر الناس سعاده
بي حوارك تعال نتحاور في البوست
ده في كل الحاجات الفي دماغك سمح؟
|
Post: #76
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 11:23 AM
Parent: #75
يوسف ود خالى الموسيقار الرائع
ياريت عمى شرف الدين ومشاعر يسمعونا فى الشعبية !
|
Post: #77
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 01:12 PM
Parent: #76
ياريت والله ياناديه
كاتلنا الشوق ليهم
|
Post: #78
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 03:58 PM
Parent: #77
يوسف العزيز
هل استطعت الاتصال بالرائع ابو عركى ..ام مازالت الخطوط فى السودان سجمانة على قولك؟!!
|
Post: #79
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سمندلاوى
Date: 02-16-2005, 04:01 PM
Parent: #1
Quote: وطن الجدود ليهو الخلود .. حبُّو الحياة وموتو المجاز
ليهو العُلا والانحناء والانحياز
|
|
Post: #80
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-16-2005, 04:24 PM
Parent: #79
حلاتو الكتكوت يابكوري يارب تحفظو
|
Post: #81
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-16-2005, 04:48 PM
Parent: #80
سمندلاوى العزيز
سلمت ايها النبيل
وسعيدة بأن لامست كلماتى دواخلك النقية !
|
Post: #82
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Abdelrahman Elegeil
Date: 02-16-2005, 11:17 PM
Parent: #81
ياأسـتاذ المـوصـلي إيـه إنـت نـسـيـت وعــدك
وهــذا قـمـة الـروعــة وربـنا يديم عـطـاءكــمـا ويـغـطـي عـلـيـكـم
مـن عـيـون خــلـقـه
وهـــذه الـشــبلـة مـن ذاك الأســــد
|
Post: #83
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: munswor almophtah
Date: 02-16-2005, 11:35 PM
Parent: #82
واااصللل ياموصلى والقصيده مجنونه والاداء أجن .....جننتونا انت وناديه قريبتك.... واغرب حاجه زيتنا فى بيتنا.... وللناس من دون فرز
منصور
|
Post: #85
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 04:23 AM
Parent: #83
انتو كلكم اهلنا والله يامنصور وبنحبكم
ونحن معكم هنا زيتنا في دقيقنا
وبعدين يامنصور انت مافنان
وعارف جن الفنانين
تسلم
|
Post: #84
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 04:21 AM
Parent: #82
ابو عبده
ان انسي مابنسي
وشكرا لك علي المحبه الاخويه
اميييييييييين
|
Post: #86
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: خال فاطمة
Date: 02-17-2005, 04:33 AM
Parent: #84
موصلي ... الغالي ..
البوست جاب ليو أرشيف ...
وين مداخلتي المنسقه بالورود لك ولنادية ولعركي ...؟
|
Post: #87
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 05:35 AM
Parent: #86
وينها ياخال فاطمه بالله جيبها انا شفت واحده بي هناك عسل
عيدها ورسل لي الكود بتاعها في الماسنجر وانا اختو في الصفحه الاصليه وحاكلم عركي بالتلفون الليله.
الحقوق الادبيه محفوظه ياحبوب
|
Post: #88
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: خال فاطمة
Date: 02-17-2005, 08:48 AM
Parent: #87
|
Post: #89
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 09:22 AM
Parent: #88
تسلم ياسليم الذوق
|
Post: #90
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: خال فاطمة
Date: 02-17-2005, 11:36 AM
Parent: #89
دا اسم توب نسائي زمان .. كان موضه ..
الما لبست توب سليم الذوق ما لبست توب ..
|
Post: #91
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 11:53 AM
Parent: #90
اهاااااااااااااا
ياخال فاطمه هسع الجاب التياب شنو
|
Post: #92
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سمندلاوى
Date: 02-17-2005, 03:01 PM
Parent: #1
اها جيناكم تانى المرة دى انا وعمرابوبكر
 
|
Post: #93
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-17-2005, 04:21 PM
Parent: #92
كل الاحباء الذين عطروا بعبير مرورهم العاطر هذا الركن الحميم
لكم كل الود والاحترام
خال فاطمة
سمندلاوى وملاكه الصغير
سارة العسل
وجميع جميع من مروا بهذه الحديقة الموصلية العركية
عفوا ان غبتم عنكم
موصلى ود خالى ..كمبيوتر بت عمتك خستك واتدلع كعادته !!
بشوف ليهو طريقة اصلحو واجيكم ياكل حبايبنا الحلوين !
|
Post: #100
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:09 AM
Parent: #93
يابتنا كومبيوترك ده انا كان جيت مصر بوديهو المعاش
لانو بحرم الناس هنا من قلمك المرهف وعلي فكره في بوست
عن الرجل الجميل (نقد الله دايرين ايدك فيهو انني احب هذا الرجل
لنضاله المهول ماتنسي.
|
Post: #94
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-17-2005, 07:07 PM
Parent: #92
الله يابكري الله يحفظ
وتعيش وتربي
|
Post: #95
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عمر بانقا
Date: 02-17-2005, 09:16 PM
Parent: #94
صديقى واستاذى العزيز موصلى
طبعاماداير اعلق على العمل من ناحيه فنيه
لانى ممكن اكون( شريك ثالث مستتر)حاضر ولاده الاغنيه سطر سطر
وتمه التلحين والتسجيل باستديوهات (عمار الشريعى) اقصدعمربانقا
خاصه وانو صديقى الحبيب ابتدع طريقه التاليف الراسى
فكان ميلاد اسرع تاليف وتوزيع اغنيه
التحيه للمبدع المهول الموصلى وتحيه للمبدعه ناديه عثمان
وتحيه للرائع ابدا ابوعركى واشاءالله هديه مقبوله
مسكين انا واخوى الكتيابى
|
Post: #99
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:06 AM
Parent: #95
عمر بانقا
انت يوم شكرك الله لا جابو انت بوستك براهو
يكفي ان هذا العمل قد ولد بمنزلك العامر الكريم
تحت سمعك وسمع وشوف باسل وبشار وحاجه مدينه الطيبه وامنه بت القبايل
يكفي انه ولد بالاستعانة باهجهزتك الحديثة التي اشتريتها
وانت تقاتل من اجل الحياه الكريمه وانت تجتهد في دارسة الصوت والبيانو من اجل عملك
القادم والذي سيكون في منتهي الخطوره
اما الحبيب الكتيابي فقد لحنت روائعه يامستطاب المستطابه وسهم طائش العجيبه
واشوفك طالعه من الشوف واغيب عنك ولازال بيننا الكثير
اما عمر بانقا المشاكس فهو يعلم ان دولابي المليئ بالغناء مفتوخ لحنجرته الحنينه
سلام لما نتتقابل نكمل التسجيل لاول تلاته.
محبتي وناديه وعركي الذي يغريك السلام في محادثة البارحة.
|
Post: #129
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-20-2005, 06:36 AM
Parent: #95
ودي عشان خاطر عمر بانقا الحبوب
|
Post: #96
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Mannan
Date: 02-17-2005, 11:58 PM
Parent: #1
ما اجمل الكلمات وما احلى الغناء..
وددت لو قام الاستاذ القدير وموسيقارنا العظيم الموصلى بالتركيز على بعض مقطوعات هذه القصيدة المتخمة بجميل المعانى وحشدها باللحن المنوع.. لاحظت ان هناك نوعا منالاسراع فى الآداء لتكملة القصيدة بأكملها..اللحن جميل ولكن الاسراع فى تكملة القصيدة الجميلة غطى على جمال القصيدة.. ليتنى كنت ناقدا فنيا لآعبر بوضوح.. بحثت عن أحزان المنفيين بين الكلمات الجميلة واللحن الجميل ولم اجد ذلك الحزن الذى يمثلنى واتقمصه واهذى به كالدرويش.. ولم اجد بعضا من إيقاعات وضوضاء موسيقى الغرب .. بوب.. هيب هوب.. راب ميوزيك.. جارول اشانتى.. بيونسى.. أشار.. مايكل جاكسون.. وراى شاركس .. كمقدمة لآحزاننا لكى يصدح بها الاستاذ ابوعركى.. كم اتمنى ميلاد اغنية تجمع بين الشرق والغرب.. بين ايقاعات الطبول الافريقية التى تتردد وتتمدد عائدة من الغرب الى القارة السوداء.. اين بصمات المنفى يا استاذى الكبير.. نحن نريد الحانا وايقاعات تمثل تغريبتنا وتحملنا من جديد الى الوطن بسمات جديدة.. وبنكهة جديدة.. وبلحن جديد يحكى عذاباتنا واشواقنا.. وبرد منافينا..
الكلمات جميلة واللحن جميل ولكننا نريد شيئا يهز كياننا.. ويبعثر الساكن فينا ويعيد رسم خريطتنا للعودة الى الوطن بوجوه جديدة وكلمات جديدة والحان جديدة.. عشتم وعاش السودان كلمة ولحنا جميلا..
نورالدين منان
|
Post: #102
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:46 AM
Parent: #96
شاعرنا المرهف
نور الدين منان رددت عليك ردا مطولا
فتجمد الكومبيوتر لحظة الارسال تماما
تخيل معاناتي
بجيك صادي ولك الشكر مقدما
الي ان انتهي من هذا السيل الحميم من الردود
|
Post: #97
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ود الشيخ
Date: 02-18-2005, 00:56 AM
Parent: #1
| Quote: نفَّاج فَتَح جُوَّاي وكوَّة نور يبُق يضوي المكان |
كلام يا ناديا عثمان
الموسيقار الكبير لك الشكر
أنا من مولعي أبو عركي واموت في بخاف اسأل عليك
|
Post: #103
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:49 AM
Parent: #97
ود الشيخ حبابك الف في مهرجان الحب
تسلم
|
Post: #98
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: lana mahdi
Date: 02-18-2005, 01:52 AM
Parent: #1
الحبيب عمي يوسف و الحبيبة الغالية نادية
ما بتوصف
|
Post: #101
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ودالعباسية
Date: 02-18-2005, 03:16 AM
Parent: #98
Quote: وطن المساجد والخلاوي والدراويش والكنائس والمعابد
وثبات عقائد باقية ضد الاهتزاز
عِشقَك سما بالروح سبح فوق للسَّما .. زيك محال تلد الشموس
يا المشرئب عالي الرؤوس
ليك الولاء تعظيم قسم .. ويمين غِلاظ
أنفة وإباء عِزَّة وشموخ والكبرياء .. حبَّك حقيقة زي الحياة
يا مِحْوَر الكون البيدور .. وثبات نقاط الارتكاز |
الموسيقار ... الموصلى
الرائعة .... نادية عثمان
شكرا كتير ... وعمل مميز
والى الامام ...
|
Post: #105
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:58 AM
Parent: #101
احب العباسيه والمورده وشارع النيل والمقرن والخرطوم وضواحيها
وبحري من ميدان عقرب لمابعد الحلفايا والسودان جملة وتفصيلا.
تسلم ياحلو
|
Post: #104
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:55 AM
Parent: #98
بت اخوي طبيب السرور
دكتور مهدي عبد الله عثمان الاديب عاشق الحقيبه
انا وانت سنلتقي هنا في احدي روائعك فقد
عاهدت نفسي ان الحن لكل الاحبه المجيدين
في هذا الفضاء السابيري الي ان يقضي الله امرا كان مفعولا
لنا انت لنا فنا ولاشك
|
Post: #106
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 04:28 AM
Parent: #104
الحبيب الشاعر الجميل
نور الدين منان
قناعاتي بان العمل ان لم يستطع ان يثير الجدل حوله فهنالك شيئ
من الخوف عليه لذا اشكرك علي خواطرك القيمة التي تسمح لي بحوارك حول العمل
برغم مقولة (يغني المغني وكل علي هواه).
اولا لماذا نطأطئ راسنا حزنا في هذا الزمن الموشح (بالنكد)
نظريتي هي التفاؤل هي الخروج من قمة حزننا مرفوعي الراس تشرئب اعناقنا
الي مشارف الحرية والانعتاق. فانا علي سبيل المثال عندما غنيت لصوص العصر
مع ناس هاديه وعلي السقيد وعبد اللطيف تعمد ان المع مواضع التحدي في نص فاروق جويدة
وتطرقت الي الحزن بريشة خفيفه.
وفي هذا النص الذي يعج بالمشاعر المختلفة جاء اللحن يعج بتلك المشاعر.
ونواصل
|
Post: #107
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 04:45 AM
Parent: #106
انت تقول عزيزي منان
وددت لو قام الاستاذ القدير وموسيقارنا العظيم
الموصلى بالتركيز على بعض مقطوعات هذه
القصيدة المتخمة بجميل المعانى وحشدها
باللحن المنوع.. لاحظت ان هناك نوعا
منالاسراع فى الآداء لتكملة القصيدة بأكملها
..اللحن جميل ولكن الاسراع فى تكملة القصيدة
الجميلة غطى على جمال القصيدة..
اوانا اقول هذه عادتي في معالجة النصوص الطويلة التي تعجبني
فقد حدث ذلك مع انتي ليا (والفضل يرجع ليها هي) لدكتور عز الدين هلالي
وحدث في وينك انتي مع عبد العال السيد وكثير من اغنياتي ذات الشعر العمودي
انني املك القدرة علي التنويع واستطيع ان امط الاغنيه الي اكثر من ساعه
ولكنني اؤمن بنظرية ان التطويل الذي ورثناه من القالب المصري وتأثر به القدامي
لم يعد مناسبا للالفية الثالثة.
ولي عوده
|
Post: #108
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: معتز تروتسكى
Date: 02-18-2005, 04:49 AM
Parent: #107
خالص التحايا00
روح الموسيقى الموصلى 00
اسما على مسمى الموصلى الموصلى00
وفى ايدك لفافات ابوعركى الرجل النيل00
تحياتى ليه والى كل الاسره والاستاذه عفاف00 وزميل الدراسه محمد الجميل
وكذلك الجميله بحروفها المنتشره رزاز ناديه00
ونرجع تانى الموصلى الموصلى روح الموسيقى 00
ولكن يااااااااااااااااااااااااه ماسامع حاجه00
|
Post: #109
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 05:02 AM
Parent: #108
معتز الجميل انت جيت
يااااااااااااااه ليك وحشه كبييييييييييييييره والله
حرم تاني كان حاولت تمرق تاني الا اسد الباب بي ضراعاتي
اها عشان تسمع ياحلو تعمل الاتي
Right click
علي الجاي ده وحيقول ليك
Save as
تقوم تسيفو وتختو علي الدسك توب (منضدة كومبيوترك الداخليه)
وتسمع بمزاج
اها هاك اللنك انت والاحبه
Click here
|
Post: #110
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 06:26 AM
Parent: #109
الحبيب منان
انت تقول
بحثت عن أحزان المنفيين بين الكلمات الجميلة واللحن الجميل ولم اجد ذلك الحزن الذى يمثلنى واتقمصه واهذى به كالدرويش.. ولم اجد بعضا من إيقاعات وضوضاء موسيقى الغرب .. بوب.. هيب هوب.. راب ميوزيك.. جارول اشانتى.. بيونسى.. أشار.. مايكل جاكسون.. وراى شاركس .. كمقدمة لآحزاننا لكى يصدح بها الاستاذ ابوعركى.. كم اتمنى ميلاد اغنية تجمع بين الشرق والغرب.. بين ايقاعات الطبول الافريقية التى تتردد وتتمدد عائدة من الغرب الى القارة السوداء.. اين بصمات المنفى يا استاذى الكبير.. نحن نريد الحانا وايقاعات تمثل تغريبتنا وتحملنا من جديد الى الوطن بسمات جديدة.. وبنكهة جديدة.. وبلحن جديد يحكى عذاباتنا واشواقنا.. وبرد منافينا..
وانا اقول
لا للحزن نعم للاحساس به شموخا تعم للتعبير عنه عزة
وهذا ما احاول
اما الايقاعات والهب هوب وكل هذه الاشيااء ستاتي في الصيغة النهائية وبصوت ابو عركي الحبيب
اخيرا اقول لك انت انسان جميل بمحاورتك هذه
احبك
|
Post: #111
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الحميد البرنس
Date: 02-18-2005, 08:54 AM
Parent: #110
أقدر مجهودك دائما في مجال تطوير الموسيقى في السودان... إلى الأمام... تحية لك وللعزيزة المبدعة نادية.
|
Post: #112
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 08:59 AM
Parent: #111
البرنس العزيز
وكلامك السمح المشجع تب مابقع واطه
تسلم ياعبد الحميد
|
Post: #113
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-18-2005, 09:12 AM
Parent: #112
الى كل الاحبة الغالييييين جدا
وحشتونى
كمبيوترى لسة معصلج ياموصلى !!
الى كل من وقع مباركا فى هذا الركن الحميم لكم تحياتى ووافر تقديرى
عبد الحميد البرنس
انت البرنس ذاتو الرجل المثقف الهميم الكان فى القاهرة ولابرنس تانى ؟!!
|
Post: #114
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الحميد البرنس
Date: 02-18-2005, 09:57 AM
Parent: #113
العزيز.. الإنسان والفنان الجميل/موصلي:
ذلك ما أسميه بالضبط نفسية المستكشف لدروب جديدة... النفس الطويل... أو الصبر أحيانا- كما في مثالك- على أذى ذائقة جمعية سمعية مستقرة... وأنا وآخرين في انتظار الكثير منك!.
الصديقة المبدعة/نادية:
هو نفسه. بيد أني أشكرك على كل ذلك الإطراء الذي لا أستحقه. ومع ذلك سأجعله وساما لي.فقط امضي قدما إلى الأمام.مع محبة دائمة!.
|
Post: #115
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: omer almahi
Date: 02-18-2005, 12:22 PM
Parent: #114
الثلاثي الرائع
|
Post: #117
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 12:37 PM
Parent: #115
عمر الفنان الجميل
هذا الحب الرائع منكم وهذا الابداع
كاتل ناس تانين وبشكل مخيف
تسلم ياحبوب
|
Post: #118
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:44 PM
Parent: #115
فوق هشان عركي ذو الاخلاق العاليه
|
Post: #116
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 12:35 PM
Parent: #114
عزيزي البرنس انني احاول ان استعين بجمالكم
جميعا لخلق حالة جماليه فانتم الاصل
|
Post: #119
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: yumna guta
Date: 02-18-2005, 03:45 PM
Parent: #116
شكرا استاذ موصلى على هذا الابداع
|
Post: #120
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-18-2005, 03:52 PM
Parent: #119
ليك المحبه وليك وحشه والله يايمني
ووين هاله ياحليله
|
Post: #121
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: bayan
Date: 02-18-2005, 07:13 PM
Parent: #120
الموصلى و ابو عركى ونادية عثمان
اجمل الناس...
والله مشتاقين ...
كدا يا موصلى الفنان بيهزم القبح ومن الركام تخرج وردة ندية..
الركام هى هذه الزائلة والورود انتو..
دائما محل احترام وتقدير وحب
|
Post: #122
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-19-2005, 05:06 AM
Parent: #121
د بيان
لك التحايا العاطرات
اسف لتخري في الرد نسبه لانشغالي بندوه
هامه وبعدها جئت في غاية التعب
ونمت نوما عميقا شكرا لك كثيرا علي هذاالتعاضد الجميل
وما يهمني هنا ظاهرة الابداع النسوي شعرا وادبا
في الفترة الاخيره شيئ يشرف فقد قرات للعديد من الشاعرات
ولازلت في حالةدهشة واعجاب هل لك رؤيه عن هذه الحاله
لك الود
|
Post: #123
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-19-2005, 07:09 AM
Parent: #1
عشان خاطر ابو عركي المهذب الرائع ابن الاصول الجميل
|
Post: #125
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-19-2005, 02:47 PM
Parent: #123
الاحباء جدا
الموصلى
لنامهدى
معتز تروتسكى
منان
يمنى قوتة
عبد الحميد البرنس
عمر الماحى (الكمبيوتر مان الخطييير )
ود العباسية
خال فاطمة
الرائع عمر بانقا (الشاهد على مخاض ميلاد الاغنية )
سمندلاوى ابو الملاك
دكتورتنا الحبيبة بيان
وجميع جميع من مروا من هذه الزاوية الحميمة من دون فرز
لكم حبى وعميق تقديرى
|
Post: #126
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-19-2005, 06:01 PM
Parent: #125
فوق من أجل روعة اللحن الموصلى
وبديع الاندهاش العركى
ادامهما الله للسودان الحلو زخرا وفخرا!
|
Post: #127
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-19-2005, 07:24 PM
Parent: #126
ناديه انت ملاك نزل من السماء
علي ارض الابداع السوداني فازداد عدد الملائكة فيه
متباهيا
|
Post: #131
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: raheemsudani
Date: 02-20-2005, 12:37 PM
Parent: #127
الغالي العالي الصديق العزيز موصلى
تحياتي لك ولهذا الوقع الجاد الهادف .
استمعت الى هذه الأغنية وأحست بأنها كانت هى التى تستمع الي.
كانت تستمع الى صوت أوجاعى
واحلامى
وتمسح الدموع من على خدى جواز سفرى.
وللذين قالوا أن الموصلى أصبح موثقا موسيقيا ، جاءت هذه الأغنية لتعيد خلخلة الفهم العام لمهمة الفنان الكونية الى مرافيء جديدة ذات اسهام رائع فى صياغة الوطن الجديد وقيم التغنى يه .
كلمات الأغنية كنصل حاد يعبر شقوق الوطن المرهق ليتخلل مساماتنا التى صدأت فى أرصفة المدن البعيدة .
ان هذه الأغنية والتى أسميها "جواز سفر" ، تحقن أوردتى بأمل العودة وتدمج حب الوطن الغالى فى رموش الحبيبة التى لم تأت بعد.اننى أراها دموعا صمغية تنساب من شجرة طلح فى رمالنا.
شجرة طلح كتب عليها عاشق أحرف الحبيبة وجاء لموعد اللقاء فما وجد الحبيبة هناك لكنه وجد دموع تلك الشجرة فقرر العودة الى مخبئه في المدينة البعيدة الى أن تقرر الحبيبة الرجوع.
عندها سيعود مع البرق القادم ليدرك أن الحبيبة لازالت هناك.
يوسف
رعاك الله وللشاعرة مناديل معطرة برائحة المطر القادم
|
Post: #132
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-20-2005, 04:20 PM
Parent: #131
الكاتب المجيد والشاعر الملهم رحيم
كيف الاسره الكريمه لعلها بخير
كلماتك تبعث في نفسي والاعزيزة ناديه دفئا
تعيننا علي الاستمرار في تلمس الطريق الي القلوب
وهذا طريق ليس بالسهل فهو يحتاج الي جد واجتهاد
وعمق في التفكير سلمت ياعزيزي
فانت من اهل مكة واهل مكة ادري بشعابها
محبتي
|
Post: #133
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سارة حمزة
Date: 02-20-2005, 05:16 PM
Parent: #132
فوق
|
Post: #134
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-20-2005, 07:23 PM
Parent: #133
يعلي مقدارك كمان وكمان ياساره حمزه
|
Post: #135
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: ALGARADABI
Date: 02-21-2005, 02:21 AM
Parent: #134
والله يا موصلى أنا بحبك من زمن لسه....من زمن انت لى..وشعبة الابداع و الفنون
ولا والله بحبك من زمن بتغنى بالرق..و لحدى اليوم حبنا ليك يوم ورا يوم أشواقى
تزيد...و انت بعييييييد....
لك التحية أيها الرائع المتدفق حنية
|
Post: #136
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 04:04 AM
Parent: #135
ALGARADABI
لك التحيه وانت تشرفني في كل تلك المراحل الفنيه
انه لشرف عظيم ان اجد الكثيرين المتتبعين مسيرتي الفنية من زمن الرق الي
زمن الموسيقي الالكترونية الحديثه
تسلم كثيرا وابادلك حبا بحب
|
Post: #138
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 06:55 AM
Parent: #136
ودي عشان خاتر ناديه الغايبه لمن تجي
|
Post: #139
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-21-2005, 10:29 AM
Parent: #138
الموصلى ود الخال
قلت:
انه لشرف عظيم ان اجد الكثيرين المتتبعين مسيرتي الفنية من زمن الرق الي
زمن الموسيقي الالكترونية الحديثه
ياود خالى انت كده ممكن تفقد عدد من جماهيريتك من الجنس اللطيف الفى البورد ده والبوردات المجاورة !!!
حايقولوا لاحولاااااااااااا هو عمو موصلى ده من زمن الرق ؟؟يآآآآآآى !!!
خليها من زمن تانى !
|
Post: #140
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 10:52 AM
Parent: #139
لا ياناديه مامن زمن كرومه ولاترباس حتي
ده من زماني انا بتاع الرق
وده زمن قريب
ان شاء الله تكوني بخير
|
Post: #141
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: sympatico
Date: 02-21-2005, 04:19 PM
Parent: #140
الاخ العزيز الموصلي
لك العتبى حتى ترضى
لعلك لا تدرك انني كنت ابحث عن شيء يخصك لاهديكه
لكني بحثي لم يأت بذلك الشيء حتى الآن لسبب سأذكره لك في الماسنجر ولعلك تستطيع ان تتذكر،
ثم اعود
هذا عمل مشحون بمحبة
محبة للنص المكتوب بقلم الشاعرة المتألقة والصحافية النشطة نادية عثمان
وللمهدى اليه الفنان الموسيقار ابوعركي ذلك الرقيق المتدفق بنهر موسيقاه وغنائه العذب
وبمحبة ملحنه الموصلي وهو يسكب فيه عصارة علمه واحاسيسه معا
بلا شك سيزداد جمالا على جمال عند اداء ابوعركي له
تحية لك ولنادية وابوعركي
ومزيد من الاعمال الجيدة
|
Post: #145
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 05:15 PM
Parent: #141
سمبتيكو ساعدي الايمن والايسر في مشروع التحليل والغوص في محيط النغم
تقبل محبتي وناديه وعركي
|
Post: #142
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-21-2005, 04:28 PM
Parent: #140
الغالى الموصلى
قلت:
لا ياناديه مامن زمن كرومه ولاترباس حتي
هسى الجاب سيرة اخوى الكاشف منو ؟؟!!
هووووووووى ياموصلى الرق ياهو الرق وانا حااااضرة لمن اخترعوه !!!
الزمن داك انت لسة فى اولى عام!!
|
Post: #143
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 04:59 PM
Parent: #142
يابت بيتنا
انا ولد متين ماهسع امبارح دي في القرن الفات اتولدت
|
Post: #144
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبدالله وداعه الامين
Date: 02-21-2005, 05:08 PM
Parent: #140
احبابي بل اساتذتي موصلي, عركي و نادية لكم التحية على هذا الابداع المتجدد
و جد سعيدين بي لمتكم الحلوة دي يديكم العافية
لقد دغدغتم فينا مكامن الوله و بعثرتم دواخلنا بعطر سماحتكم.
وتسلموا لنا و للوطن الجميل
شكرا مطر.
|
Post: #146
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-21-2005, 05:18 PM
Parent: #144
عبد الله وداعه الامين
نحن نشتاق ليك دوما في كل الاماكن
ونبثك محبتنا مطرا مدرارا
تعيش وتسعد
|
Post: #147
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-21-2005, 05:58 PM
Parent: #146
عبدالله وداعة الامين
سمبتيكو
الموصلى بلال تود
بمحبى الجمال تنمو الروعة وتزدهر
دمتم ياكل عشاق الجمال!
|
Post: #148
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: سارة حمزة
Date: 02-22-2005, 01:43 AM
Parent: #147
فوق
بس معقول الروعة دى كلها تكون تحت
|
Post: #149
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-22-2005, 04:52 AM
Parent: #148
سارة حمزة الغالية
قلتى :فوق
بس معقول الروعة دى كلها تكون تحت
وبقول ليك انتى الروعة كلها يااسم على مسمى ..سارة وانتى سارة جدا يامنبع السرور الفى الكون
تحياتى وعمك الموصلى وعمك عركى كمان وتسلمى ورفع الله مقدارك كمان وكمان ..
|
Post: #150
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-22-2005, 09:21 AM
Parent: #148
لك هميم الود ياسليلة الناس الحلوه
|
Post: #151
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-22-2005, 09:43 AM
Parent: #150
يوسف بلال تود
ار سى ..اى دسن مشغولرى !!
|
Post: #152
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-22-2005, 11:59 AM
Parent: #151
اوسمان برو اي بداكو
|
Post: #153
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-22-2005, 06:36 PM
Parent: #152
يوسف بلال تود
تكوون زعليمنو
ار حق بضيعيمنو
ارتى دسن عادل
صبريه
الهى ار حفظيرو يايوسف ..
|
Post: #154
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-22-2005, 10:39 PM
Parent: #153
مافي عوجه تب انا تمام
وقوي زي الحديد
|
Post: #155
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: nazar hussien
Date: 02-23-2005, 03:13 AM
Parent: #154
يوسف ونادية عثمان...تودين....
والله يا موصلي من ما انت نزلت الغنية دي وانا المغسة كاتلاني الما سمعتها
وعرفت المشكلة بقت في جهازي بدليل انو الناس كلهم سمعوها....ولما صلحت جهازي
اختفت الغنية....
عموما لدي ثقة يقينية...في الحانك وقطعا فيها جديد...واضافة حقيقية...
قرأته من المداخلات هنا....فمن اشتكي من سرعة الايقاع ...والآخر طلب تغيير
في تلحين بعض المقاطع عرفت...انك استحدثت فيها تنويعا...مدروسا...يعالج
حاسة السمع ورهافة الحس....ولن اتراجع عن ما قلت حتي لو كان لابوعركي
رأيا آخر....بس سمعونا يا جماعة.....علي وزن ساعييييييييييدونا يا جماعة
وبعدين عاجباني الرطانة البينك وبين نادية التي يبدو انك كيشه فيها؟
|
Post: #156
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-23-2005, 05:33 AM
Parent: #155
نزار ود عم حسين الغالى
تسلم على المرور ياراااااااااقى
بس انت قلت :
يوسف ونادية عثمان...تودين....
وهنا فى تصحيح :
يوسف بلال تود
نادية عثمان برو
ومن ناحية بلال تود انو كيشة فى الرطانة فهو ماكيشة خاااااااااااالص يعنى
اما عن الاغنية فلااااااااااازم تتصرف وتسمعها يانزار حسين تود بالله ..
سمح
|
Post: #158
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-23-2005, 06:19 AM
Parent: #155
نزار الحبيب الملف هسع شغال شوف كومبيوترك مالو
وانت كان ماسمعت بتكون خساره لينا والله
|
Post: #157
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Abulbasha
Date: 02-23-2005, 06:00 AM
Parent: #150
موسيقي نديانه .. ممزوجه بحروف أكثر رقه
يا موصلي .. يا صديقي .. شوقنا ليك طال والله .. وقبل قليل إتصلت بعركي ولم أجده .. لكن عرفت من إبننا يزن أبوعركي بأنك قد إتصلت بهم في البيت من يومين .. كل ذلك لكي أتأكد من إستلام عركي لنوتة العمل .. وسيكون عملا خطيرا كعهدنا بك دوماً
الرائعه ندويا .. النص جميل مافي شك .. وإحتفظنا به لنزين به صفحاتنا الفنيه بصحيفة الكابتن ذات التوزيع العالي ... كيف لا وصديقنا وصديقكم الرياضي الفنان دسوقي يرأس تحريرها
تحياتي واشواقي .. علي امل اللقاء بكما علي ضفاف النيل الخالد
صلاح الباشا / الخرطوم بحري
|
Post: #159
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-23-2005, 06:24 AM
Parent: #157
صديقي الحبيب ود الباشا
انا وابوعركي وجهان لعملة واحده
انا سعيد بان ابو عركي البخيت سيضفي ابعادا
رهيبه لهذا العمل اشكرك وبلغ تحياتي للصديق دسوقي وكل الاحبه
|
Post: #162
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-24-2005, 06:44 PM
Parent: #159
الموصلى القوى جدا
بقلبك الكبير جدا
وعقلك الكبير جدا
ابو عركى الرائع جدا
الفنان جدا
الرقيق جدا
يوما ما سيكتب التاريخ عن صداقتكما المدهشة الصادقة جدا
ادامكما الله زخرا للفن فى بلادى ..!
|
Post: #163
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-24-2005, 07:55 PM
Parent: #162
ناديه نقية الدواخل الجوهره
وكده
|
Post: #164
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-25-2005, 07:21 AM
Parent: #1
يا طـيبة
اسقيني من دمك سحاب
خليني اقرب للنجوم
صداح مع الطير البيرحل
كل خريف
وساعة التعب.. انزل رزاز في بقعة ما عرفت غيوم سترت شمس
والوصية المني ليك.. ما ترحمي الزول العشق
سحر الطريق من مقلتيك يمكن يتوه
وعشان سلامة الآخرين يستأذنك
عارف عيونك قبلتي وعارف مسايرك هي الأمان
بس الزمان ما راضي بين حدين يقيف
ويفضل سؤالي عليك ملح
وأنا بين أيدي شايل فرح
مستني أيديك تنفتح أو بالأصح تتحننك
وتتجرتقي الأطفال وصول معناك لي عمق الجرح
يا طيبة من نفس الأرض ... وعيتي قلبي الأنشرح
ممدودة بالطول والعرض.. إيه الهداكي علي الجرح
بتعايني جوه الروح براك
ودي ليك يا موصلي
|
Post: #165
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-25-2005, 07:32 AM
Parent: #164
الحبيب الشاعر الجمييييييييييييييييييييل
هذه دره ورائعه
اعطيت نفسي الحق في ان افهم هذه الكلمه مرتين
المره الاولي بمعني الود وابادلك له وبحب
المرة الثانيه (ودي) المعني المقابل ل(هذه) الفصيحه
اي ان هذه القصيدة لي واشكرك عليها ايما شكر
| Quote: انا اوانطجي مش كده |
تسلم
|
Post: #166
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-25-2005, 07:48 AM
Parent: #1
حاشاك الاونطجيه
بس ما فهمتها
|
Post: #167
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-25-2005, 07:57 AM
Parent: #166
الحبيب عبد الرحمن الشبلي
لقد اعجبتني قصيدتك لحد الجمال
فقررت ان اتسلبط فيها
لذا فسرت تعبير
مرتين
الاول
والثاني بمعني
وحبيت اداعبك بانني اونطجي فكيف افرط في هذا الحمال
العجيب دون تلحينه قصيدتك ادهشتني
تسلم ياذووووووووووووووووووووووووووق
|
Post: #168
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-25-2005, 08:00 AM
Parent: #1
غيرك ما حيلحنا
زول
اشواقي
|
Post: #169
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-25-2005, 08:10 AM
Parent: #168
شكرا ياجمييييييييييييييييييييييييييييييييييييييييييل
فهذه هديه امسك فيها واكنكش ولي علي احاول بقدر الامكان
اداء المهمة الصعبة بالبحث عن المعادل الموضوعي لحنا
لهذا النص الغنائي البديع
|
Post: #170
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-25-2005, 11:50 AM
Parent: #169
الى المواظبين على دخول هذا الركن سلام
ومن سيدخلونه سلام
وللممتنعين عن دخوله لاى اسباب سلام
الشبلى الرائع مااروع كلاماتك السامقة
صلاح الباشا ..الناقد والمؤرخ الفنى القدير
اشكرك جدا على مداخلتك الثرة
واعلم عمق صداقتك بالموصلى وابو عركى
لذا اتوقع منك الكثير لاثراء هذا البوست وجعله مكان تكريم يستحقه عملاقة مثل عركى والموصلى واعلم ان لك كتاباتك النقدية عن فنهما فلا تبخل على البورداب والزوار بهذه المواد القيمة عن قامات الفن فى بلادنا مع غيرهم من العملاقة
وفى رجاااااااك ياابو الباشا
|
Post: #172
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-26-2005, 06:19 AM
Parent: #170
صدقتي ياناديه
|
Post: #171
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-26-2005, 01:25 AM
Parent: #1
وريحة ضميرك باخضرار
نسجت سحاب بي شكل تاني
ومبتدا
يرسم علي اللوحة الزمن
ويشرح مع الامل السؤال
ويغزل خيوط نور الصباح
ما بين ضفاير عزه واوتار الخليل
العزيزة ناديه كنت السموق والوطن الموصلي فكان لزاما علينا
الحضور
كل الود
|
Post: #173
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-26-2005, 04:19 PM
Parent: #171
العزيز الشاعر الرقيق عبد الرحمن الشبلى
قلت:
Quote: العزيزة ناديه كنت السموق والوطن الموصلي فكان لزاما علينا
الحضور |
وبزيارتك بيتنا نوّر
والله نوّر
كلوووووووووووو
زينة
والتحية لك وللرائع ابراهيم عوض..ولك ياموصلى جزيل التقدير على كل شئ ياود الخال الغالى ..
|
Post: #175
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-26-2005, 06:21 PM
Parent: #173
والرعد ذاتو جفل ياناديه
|
Post: #174
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-26-2005, 05:00 PM
Parent: #171
ياسلااااااااااااااااااام
من الزول ده ياحلاوه
|
Post: #176
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-27-2005, 10:34 AM
Parent: #1
فتشت ليك
فتشت ليك لحظات كثيرة
ارددك بين الحروف الطاعمة
طالعة من الفؤاد
واحترت جد وأنا بين منابع النيل
بغني علي الجفاف
ولسي بحلم بيك معاي
واخترت منك خصلتين
أملي البنيتو علي سواد
شعرك قمر
واللا الأمر ألقاك وين
شان أحكي ليك.. خصلات وضاعت مني ليك
حزنا بكيتو معاك سنين.. علمني فيك الاحتمال
واللأ المحال ألقاك أنا رغم العنا وشق الطريق
شان القي فيك قلبا زمان أهديتو ليك فتشت ليك
فتشت ليك وأنا في الطريق أجمل مسافر لي أهل
قاتلني شوق مليان أمل زولا جميل
فتان بفتش عني فيك
فتشت ليك
ولقيتكم يا موصلي ويا ناديه
ونتلاقي في الزمن السمح
|
Post: #177
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-27-2005, 11:18 AM
Parent: #176
العزيز عبد الرحمن الشبلى
Quote: فتشت ليك
فتشت ليك لحظات كثيرة
ارددك بين الحروف الطاعمة
طالعة من الفؤاد
واحترت جد وأنا بين منابع النيل
بغني علي الجفاف
ولسي بحلم بيك معاي
واخترت منك خصلتين
أملي البنيتو علي سواد
شعرك قمر
واللا الأمر ألقاك وين
شان أحكي ليك.. خصلات وضاعت مني ليك
حزنا بكيتو معاك سنين.. علمني فيك الاحتمال
واللأ المحال ألقاك أنا رغم العنا وشق الطريق
شان القي فيك قلبا زمان أهديتو ليك فتشت ليك
فتشت ليك وأنا في الطريق أجمل مسافر لي أهل
قاتلني شوق مليان أمل زولا جميل
فتان بفتش عني فيك
فتشت ليك |
يالله
لله درك ياشبلى وانت تتسربل بكل هذا الزخم من الروعة والنبل !!
Quote: ولقيتكم يا موصلي ويا ناديه
ونتلاقي في الزمن السمح |
دائما ياااااااااااارب
|
Post: #179
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-27-2005, 03:31 PM
Parent: #176
عبد الرحمن الشبلي
ايها الممتلئ جمالا وذوقا انت مهرجان من الادب
تسلم
|
Post: #178
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-27-2005, 12:03 PM
Parent: #1
ياااااااااااااارب
وتحياتي للعملاق الرقيق عركي
والاستاذة عفاف الصادق
|
Post: #180
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 02-28-2005, 12:47 PM
Parent: #1
يا موصلي نسيت
اقول ليك اوانطجيتك
بقت عشم
فتشت ليييييييييك
|
Post: #181
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 02-28-2005, 02:11 PM
Parent: #180
عشمك يا ابو عبده مطرا غزير
ومحبه واخوه في هذا الزمن الصعب
تسلم
|
Post: #182
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 02-28-2005, 07:07 PM
Parent: #181
عبد الرحمن الشبلى العزيز
اخوى قال لى اسالك انت ياهو زاتو الشبلى الممثل ولا تشابه اسماء ؟؟
|
Post: #183
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 03-01-2005, 01:01 AM
Parent: #1
ناديه
عبدالرحمن الشبلي علي
الميلاد 1982
ابوحراز شرق
ولاية الجزيره
طالب بكلية الزراعة جامعة السودان شمبات
عاذب الي حين اشعار
تحياتي
|
Post: #184
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 03-01-2005, 09:59 AM
Parent: #1
تسلم
موصلي
|
Post: #185
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-01-2005, 11:11 AM
Parent: #184
الله يحف يا ابو عبده انت دايما تشرف
|
Post: #186
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 03-01-2005, 05:48 PM
Parent: #185
الاخ الصغير العزيز عبد الرحمن الشبلى
عبدالرحمن الشبلي علي
الميلاد 1982
ابوحراز شرق
ولاية الجزيره
طالب بكلية الزراعة جامعة السودان شمبات
عاذب الي حين اشعار
ياسلااااااااااااااااام عليك
اذن انت احد نوابغ بلادى
وفعلا حقيقة فايت عقلك سنك بمرااااااااااحل ..
تسلم على الروعة !
|
Post: #187
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-02-2005, 03:56 AM
Parent: #186
الابن الحبيب عبد الرحمن
تعرف انا تزوجت سنة 1982 وياللمصادفة ويالجمال التقاء الاجيال
في هذا الاثير
|
Post: #189
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 03-02-2005, 09:50 AM
Parent: #1
ناديه
انتم من سبق
ونحاول اللحاق
موصلي
انت اب يعتز به
|
Post: #190
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 03-02-2005, 11:22 AM
Parent: #1
العملاق موصلي
وبصوت جيل
اعلنها بالنيابه عنهم
نحتاجها مجايله
|
Post: #191
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-03-2005, 06:55 AM
Parent: #190
وجيلي كله يتشرف بكم ياعبد الرحمن
ياخلوق
|
Post: #192
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: عبد الرحمن الشبلي
Date: 03-03-2005, 09:45 AM
Parent: #1
تسلم
لينا
|
Post: #193
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 03-03-2005, 05:42 PM
Parent: #192
الشبل المهذب عبد الرحمن
ستكون يوما بقامة هذا الموصلى الرائع خاصة وانك لاتتعجل الصعود وتخطو بخطى الواثق من نفسه وابداعه الربانى جدا ..
|
Post: #194
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-03-2005, 07:25 PM
Parent: #193
هذا الشاب دخل الي قلبي دون استئذان
خلي بالك من نفسك ايها الشفيف
وربنا يكفيك شر الحسد والغيره
|
Post: #195
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: لؤى
Date: 03-04-2005, 01:01 AM
Parent: #1
أب جاكومة العجيب
ونادية الرائعة
وكمان عركي الجميل
عمل يجمع كل أحبّائي معاً ، إذن فهو الجمال بعينه ، يبدو أنّه عام تحقيق الأمنيات ..
يوسف الحبيب ، حينما فتحت البوست واستمعت للعمل ، كنت أريد كتابة سؤال من كلمتين لحين عودتى ، وكان سيكون: "خلاص قُمْتَ ؟" .. انت رائع كما عرفتك ، ولألحانك طعم يجعلها تجلس مكان القلب لما فيها من حلاوة وجاكوميّة .. لك الحب ..
نادية الرائعة دوماً ، كلماتك كالعادة تتوشح بأصالة تلوّن حروفك بلون سوداني المذاق ، وأحس حنيناً يحفّها ، وأحس ذلك حتّى حينما تكتبين بأسيّة .. التحية لكِ وانت تؤكّدين عظمة وروعة الفتاة السودانيّة ..
عركي الحبيب ، التحيّة لك من على البُعد والله يبارك فيك بخصوص صديقك كمال الذي تعلم حبّه وحبّنا جميعاً لك .. هنيئاً لنا بك ، وهنيئاً لك بيوسف ونادية ..
ملحوظة صغيرة أرجو أن يتّسع لها صدركما لما تعلمانه عن حبّي لكما:
Quote:
نسمة خريف ورَشَاش رزاز
|
رذاذ المطر أو الماء تُكتب بحرف الذال ، وقد إتّفق على كتابتها خطأً بحرف الزين معظم الناس ، والكلمة كما أسلفت صحيحة بحرف الذال ، أمّا الرزاز بحرف الزين فهو نوع من أنواع معدن الرصاص ..
كل حُبّي
|
Post: #196
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-04-2005, 02:08 AM
Parent: #195
الحبيب لؤي
ابجاكومه الايام دي بحرو هائج وحتسمع الكثير جدا
ناديه وعركي كوكبان في سماء الابداع فلهما ولك المحبة
بخصوص الرزاز انت محق بالطبع والصحيح لغويا ماذكرت
ولكنني منذ صغري لم اري سودانيا ينطقها ذالا
فنحن نقول (كتل) عوضا عن قتل (وهسع عوضا عن هذه الساعة)
وبرغم هذا فان العربي الصريح موجود لدينا بشكل اصولي
وربما مفقود لدي الاعراب
مثل (كراع) وكان الاعراب يقولون وفقا لرواية الراحل عبد الله الطيب
(وكتب اليه باكرع نمل)
والله يالؤي ده موضوع لغوي حلو حقو تطرحو في بوست
والغريبة ان بعض الشعراء لدينا كانو يدمجون بين الفصيح والدارج في بعض نصوهم
انت محق قطعا فلك الشكر علي النقد البناء
تسلم
|
Post: #197
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: لؤى
Date: 03-04-2005, 03:33 AM
Parent: #196
Quote:
ابجاكومه الايام دي بحرو هائج وحتسمع الكثير جدا
|
يابختنا
Quote:
بخصوص الرزاز انت محق بالطبع والصحيح لغويا ماذكرت
ولكنني منذ صغري لم اري سودانيا ينطقها ذالا
|
أود فقط الإشارة إلى أنّني عنيت فقط تصحيح كلمة "رزاز" المكتوبة في النص في الصفحة الأولى لهذا البوست الرائع ، ولم يكن قصدي الإشارة للنطق .
كل الحُب
|
Post: #199
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-20-2005, 05:46 PM
Parent: #197
انا راجيك في لندن ياجميل من هسع دبر امورك اوكي؟؟؟
|
Post: #198
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: nazar hussien
Date: 03-20-2005, 06:42 AM
Parent: #1
فوق عشان ابوعركي الخلوق
وعشان ناديه الحلوه
|
Post: #200
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 03-20-2005, 08:01 PM
Parent: #198
ياسلاااااااااام عليك يانزار ياود الاصول
تسلم ياغالى على المرور الباهى دوما
|
Post: #201
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-21-2005, 05:00 AM
ودي عشان عركي الانسان
وناديه الشفيفه
|
Post: #202
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: تراث
Date: 03-21-2005, 02:19 PM
Parent: #201
جمييييييييييييييل ياموصلي
لك التحايا وبك الفرح
ولنادية وعزيزنا عركي مثلما لك وبك .
|
Post: #203
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-21-2005, 10:30 PM
Parent: #202
ما اجمل حضورك هنا ياتراث
فهو حضور بهي وزاهي
سلامي لاماني والعقاب
|
Post: #204
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: nazar hussien
Date: 03-21-2005, 11:39 PM
Parent: #203
من منكم يتذكر....سيدي الحسن....وزوارته؟ حفنة من المال العيني او النقدي
كنا ندفنها في شدرة سيدي الحسن....تيمنا بالبركه....!!!
جفل الرعد....لحن موسيقي تداول في النت لمدة طويله وانا من المتفرجين
علي التعليقات...الي ان جاءني سيدي الحسن زاااااتو وقعد في كرسيني دا
وفتح لي الاغنية وحفظها لاستمتع بها صباح مساء....
وكنت قبلا قد علقت عنها لفرط ثقتي ويقيني في هذا المبدع الفنان موصلي
اما الآن وقد سمعتها....فهي مفصلة تفصيل دقيق علي صوت عركي هذا في المقام
الاول...اما اللحن...وقد سمعته مرات عديدة وفي كل مرة اكتشف طلعة وانحناءة
جديدة...وميلان ما بين الخماسي والسداسي والسباعي واول ما اشفقت عليهم
العازفين....فمن سينفذ هذا العمل يا موصلي....؟؟؟؟ لم الحظ تكرار في اي
جمله موسيقية خاصة وان اللحن كما هو بادي منه مؤسس علي توزيع ادوار آلات
موسيقية كثيرة تناغمها يحتاج الي بروفات مضنية...واضح كذلك من سمعنا لي
ابوعركي ان الموصلي قد افرد للصوت مساحة مقدرة لاعادة اكتشاف صوت عركي...
بعد واحشني...بايقاعات اسرع....
تعليقي هنا تأكيد علي ما كتبته من اعجاب وازيد عليه هنا دهشتي كل يوم
فمن اول مره اسمعها في حضرة الموصلي وفي المكتب....وما ادراك ما عدم التركيز
واليوم تزداد قناعتي في كل لحظة شحنات من الاندهاش الي ان تيقنت الآن اننا لم
نصل الي هذا الادراك العميق لسماع هذه الاغنية....ولربما نصل اليه بعد ان
تفرغ الاغنية في شكلها النهائي ونسمعها سنين عددا....فمن منكم سمع للتاج مصطفي
ايها الساقي اليك المشتكي....قد دعوناك وان لم تسمع....فجفل الرعد ستكون من
الاغنيات التي سيتدارسها جيل ما بعد بعد جيل الحداثة....اما نحن مساكين الاذن
المزدحمة بالميلودي....فلسه علينا وبدري علينا يا موصلي....
|
Post: #205
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-22-2005, 03:02 AM
Parent: #204
الزول السمح نزار
منذ ان كنت بالمعهد العالي للموسيقي
ولحنت للراحل العزيز محمود حسين خضر
ياخدارنا الكنت دارنا وكنت في دنيانا واحه
انت في ريدك مدارنا وانت في حبك ودارنا
مررت علي القليلين ممن ينتبهون
الي مايجري من زخم موسيقي خلف الغناء
فوجدتك من هؤلاء الفرسان
لاغرو وان الراحل العزيز هو عمك
هذا الشبل من ذاك الاسد
اما العزفين فما عليهم الا ان يبلون ايديهم في الزيت
لتنزلق اصابعهم علي ارض الكمان بيسر ينطلق قوسهم في خيلاء
اما حبيبي ابو عركي فسوف يضفي عليها من نضارة صوته
القا ربيعيا ساحرا
اما بنت عمتي الشحروره الله لا جاب يوم شكرها
تسلم
|
Post: #206
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: willeim andrea
Date: 03-22-2005, 03:15 AM
Parent: #1
ياسلام... احلي من كده مافي....رائع يا استاذ موصلي كما عودتنا معسول ورشاقة وعمق الالحان ورائعه كلمات الاستاذه ناديه معاني عميقه بعمق احساس واداء استاذنا المخضرم المعتق ابو عركي المتفرد في الزمان ودمتم امل وسلوي وجمال لكل المحبين
|
Post: #209
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-22-2005, 04:38 PM
Parent: #206
انا سعيد جدا بحضورك الي هذا المقام يارفيع المقام
تحياتي ياوليم
|
Post: #207
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: لؤى
Date: 03-22-2005, 05:09 AM
Parent: #1
Quote:
انا راجيك في لندن ياجميل من هسع دبر امورك اوكي؟؟؟
|
جاهز يايوسف ، ولو في أيّ أغاني جديدة أو غير الموجودة في التسجيلات فأرجو أن تمدّني بها ..
|
Post: #208
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: نادية عثمان
Date: 03-22-2005, 04:23 PM
Parent: #207
فوق
الى ان اعود بعد الخروج من حالة حزنى على عمى السفير احمد عبد الحليم الغالى ..ربنا يرحمه
|
Post: #210
Title: Re: جفل الرعد هديه من ناديه عثمان والموصلي الي الشفيف ابو عركي وكل الاحبة في هذا البور
Author: Elmosley
Date: 03-22-2005, 04:41 PM
Parent: #207
مابتقصر ياحبوب وبنتلاقي
وبنتهاتف تسلم يالؤي
|
|
