لواكة كلام

ظاهرة لواكة الكلام و الكلام الأجوف و المكرر و الاجترار و كمية الفنانين , داخل كل واحد أحساس انو فنان و مبدع لكن الظروف ما سمحت , و انو هو أجدر من كل المبدعين و البمسك العصاية مابفكها لمن يموت و البمسك ليهو مايك بموت بيهو و البقعد ليهو في كرسي خلاص خالدين فيها أبدا , حقيقة ماد فعنى للكتابة شعب بكاملة كتاب و شعراء و فنانين و مبدعين معقولة , بس لوكة و تنظير ليس هنالك OUTPUT , الجامعات تخرج ألاف و لا نجد احد قد قدم للشعب البسيط أي شئ غير بعض الأغنيات و الأشعار و النظريات الجوفاء المنقوله , بحثت عن السبب وصلت لي أن التعليم هو السبب ,هو الرابط بين الجميع تعليم ذي دجاجي يلقط الحبة ويجري وهو فرحان,مريم الشجاعة , الراعي والجنية , المهر الذكي , كلب عبد الجليل اندرو والأسد , سهام والهام في القطار , القرد الأعمش والنظارة سليمة بائعة اللبن الثعلب المكار , الحمار المكار , زيدان الكسلان , زرقاء اليمامة, أمل و بدر , الرجال البلهاء هاشم في العيد , مين يلحن لينا النشيد دا ؟
ثم كانت الجامعة و كانت أركان النقاش و السياسة و الأحزاب و يستمر مسلسل اللواكه و الشئ المحير لم يقدم احد نظرية جديدة رغم العدد المهول من السياسيين أو الذين اختاروه من الأربعة خيرات المتاحة ظلننا هكذا ندور و نلوك و نجتر انخدع أنفسنا أم ماذا نفعل , (( غير الكلام ماعندنا حاجة )) مافي أي شئ .الغريبة على الرغم أن الميول لمعظمنا أدبية و كده لكن اتخن تخين وقفو قدام كاميرا و خليهو يظهر في التلفزيون ألفى راسو كلو بروح دا كان رشيتو بشنو دالك مابصحي

مليارات الدولار تكلفة محادثات السودانيين بالجوال في العام .يمكن بملاحظة بسيطة أن المبالغ التي تصرف على الجوال لواكة سااااااي كافية لفتح مدارس و مستشفيات
في القري البسيطة يادعاة الهامش و الصحراء

15 مليون يتحدثون في الجوال دا رقم تقريبي عشان مايجي واحد ناطي لي في حلقي
ممكن بي ملاحظة بسيطة تعرفي نحن بنلوك الكلام ولا لا , جرب اتصل بي واحد و شوف السيناريو :
الووو
السلام عليكم
عليكم الســــــــــــــــــلام و رحمة الله تعالي و بركاته
كيف الحال و الأحوال أنشاء الله كويسين
تمام و الله عامل كيف
شنو يعنى خلاص عملتو نايمين و ماعارف شنو
و خلاص نسيتو الناس
دا كلو قبل الموضوع ألانت متصل بيهو عشان .
بالمناسبة أنا ما ضد الجوال لكن ضد البري و اللواكه ألماليها لزوم

بالإضافة لشئ مهم أخر وهو موديلات الجوالات من نوكيا 95 إلى نوكيا 85 ............
كل واحد في الشعب الفضل يحمل جوال ماقيمته 50.000 بي القديم أضرب 500,000*15,000000 حاجة تحير دي أدوات لواكة .