Post: #1
Title: بورداب امريكا سجمانين
Author: معتصم مصطفي الجبلابي
Date: 06-15-2008, 08:51 PM
ناس واشنطون بالتحديد مكملين الكعوبية
كل البورداب في السودان وفي دول المهجر
عندهم علاقات سمحة ببعض وبتلاقو وبتارفو
وبيمشو رحل ولقاءات فكرية وتفاكرية
إلا نحن ودا صوت لوم بنوجهه (لليدرات)
الفي واشنطون رغم اننا عارفين المشغوليات
لكن فعلو لينا الروابط والنشاطات شوية
وبعدين حاشاكم من السجم لكن الناس كلها
فايتانا في الحاجات دي
|
Post: #2
Title: Re: بورداب امريكا سجمانين
Author: معتصم مصطفي الجبلابي
Date: 06-15-2008, 09:20 PM
Parent: #1
وصوت اللوم موجه اكتر لي ناس كوستاوى ومولانا عبدالله محمود ودينق
وابوهريرة وعبدالعزيز وووو
فديل من اكثر الناس قدما في المنطقة والمسئولية بتقع علي عاتقهم
|
Post: #3
Title: Re: بورداب امريكا سجمانين
Author: معتصم مصطفي الجبلابي
Date: 06-15-2008, 09:44 PM
Parent: #2
وناس وسام
|
Post: #4
Title: Re: بورداب امريكا سجمانين
Author: معتصم مصطفي الجبلابي
Date: 06-15-2008, 09:47 PM
Parent: #3
وتبارك شيخ الدين وحتى ناس سامى عتبانى وكل الناس الجداد(بضم الجيم)
عشان ماداير لي مشاكل
|
Post: #5
Title: Re: بورداب امريكا سجمانين
Author: Deng
Date: 06-15-2008, 11:14 PM
Parent: #1
معتصم.
البلمنا شنو بي بعض الانتهازية والامنجية المندسين؟
يا زول أت قايل دي السعودية ولا شنوا؟ هنا الكيمان مفروزة تماما.
دينق.
|
Post: #8
Title: Re: بورداب امريكا سجمانين
Author: معتصم مصطفي الجبلابي
Date: 06-18-2008, 09:00 PM
Parent: #5
يعنى يادينق نحن مصنفننا من قائمة التلاتة الزكرتهم والا شنو
|
Post: #23
Title: Re: بورداب امريكا سجمانين
Author: سامى عتبانى
Date: 06-27-2008, 07:25 AM
Parent: #5
Quote: البلمنا شنو بي بعض الانتهازية والامنجية المندسين؟
يا زول أت قايل دي السعودية ولا شنوا؟ هنا الكيمان مفروزة تماما.
دينق. |
الفهم قسم
شوفو الزول ده لخباط كيف
دايما يا دينق بتلخبط
الحاجات الاجتماعيه بالمسائل السياسيه
وده المخلى البلد راجعه لوراء
********************************************
معتصم
والله مبادره جميله منك
بس ابعد منها الناس العنصريين
بكون تجمع جميل صدقنى
سامى عتبانى
|
Post: #25
Title: Re: بورداب امريكا سجمانين
Author: معتصم مصطفي الجبلابي
Date: 06-27-2008, 10:27 PM
Parent: #23
شكرا عتبانى علي المرور
وإن شاءالله إن تم الامر
يكون معافي من كل
السلبيات التى تفرقنا عن
بعض واليلتقي الناس
فى محبة الانسانية وخوة الوطن
|
Post: #6
Title: Re: بورداب امريكا سجمانين
Author: حنين للبلد
Date: 06-16-2008, 00:22 AM
Parent: #1
مصطفى اخوي كتر خيرك.....................
وانت اللاست نيم بتاعك الجبلابي.....ولا الجلابي
عشان نعرف وكدة
يا اخي يا الكايس المحنة انشاء الله تلقاها محل ما اتقبل
|
Post: #7
Title: Re: بورداب امريكا سجمانين
Author: معتصم مصطفي الجبلابي
Date: 06-18-2008, 08:57 PM
Parent: #6
نيم عديل كده
اي واحده تعجبك لو بخلت علينا بالباء او اضفتها
شكرا للمرور
|
Post: #9
Title: Re: بورداب امريكا سجمانين
Author: حنين للبلد
Date: 06-18-2008, 10:45 PM
Parent: #1
Last Name
او اسمك الاخير...النيم دي جبتها من وين؟؟؟؟؟؟؟؟؟؟؟؟؟
بنهزر معاك...............
مع خالص التقدير والاحترام
"ياولدي الزول هنا بقى اصله مايحاول يهزر ..بنلطف في الجو يا اخوي والمحنة محل ماتكوسها انشاء الله تلقاها"
خالص احترامي
|
Post: #10
Title: Re: بورداب امريكا سجمانين
Author: معتصم مصطفي الجبلابي
Date: 06-21-2008, 04:22 AM
Parent: #9
الاخ حنين البلد
وأنا ام اكن اقصد غير المزاح معك
ودي لغة بقت منتشرة في السودان الواحد
لما تقول ليه كلمة قريبة النطق لكلمة اخرى
ينقلك لموضوع غير البتتحدثو فيه
زى في احدي شرائط النكات الظاهرة اليومين ديل
واحدة قابلت اخته قال ليها مشينا لدكتور الإظام وهي تنطق
العين كما كتبتها فقالت ليها عصام محمد نور ولماقالت ليها هي
يا آشة وتقصد عائشة فقالت ليها آشة كبريت وتقصد قشة كبريت
فما اقصده انه اللغة دي بقت متداولة وسط الظريفين والمستظرفين
وكنت اعنى ماقلته مع علمي بانك تقصد الlast name
بتاعي لكن في زمتك الباء دي ماشفتها فعموما اللتنين متطابقات فينى
مع تحياتى
وفاوضنى بلا زعل
|
Post: #11
Title: Re: بورداب امريكا سجمانين
Author: حنين للبلد
Date: 06-21-2008, 10:39 PM
Parent: #1
تسلم يامعتصم
اختك حنين للبلد
|
Post: #12
Title: Re: بورداب امريكا سجمانين
Author: معتصم مصطفي الجبلابي
Date: 06-22-2008, 10:26 PM
Parent: #11
عذرا لك
فقد إفترضت بالحنين بانها للتذكير
وإن اردناها للجنس الناعم او الطيف
قلنا حنانا ولكن التكثير في بعض الاحيان
يكون للتعظيم وما أعظمه عنا الحنين للبلد
وشكرا ياحنين
مع مودتى
|
Post: #13
Title: Re: بورداب امريكا سجمانين
Author: malamih
Date: 06-23-2008, 04:40 AM
Parent: #12
الأخ الفاضل معتصم الجبلابي
والنيم دة يا حنين يمكن أن يكون مشتق من منطقة ( الجبلين) وهي نقطة حدودية بين النيل الأبيض و ملكال وحدودها المعروفة بالرنك..
تعرف يا جبلابي أنت تعيش في منطقة بها ربما أكبر تجمع سوداني أميريكي على مستوى أميركا ويقدر عدد السودانيين في منطقةواشنطون الكبري بحوالي ال 70 ألف تقريبآ.. ولقد كنت أعيش في فرجينيا عام 1996 قبل النزوح ألى أريزونا في شتاء 97.. وكنت وقتها أظن أننى أعيش في إحدى مدن السودان..
ودينق كنت بلاقيهو في الكورة يوم السبت وكان في حوالي 4 فرق تحضر في الميدان .. وحقيقة في ظل العدد الكبير يستحيل عمل جماعي مشترك.. ولكن بخصوص دعوتك للبورداب فهذا إتجاه صحيح فلا أعتقد بوجود عضوية كبيرة من بورداب واشنطون .. وأبدأ المبادرة أنت بعمل بوردابي مشترك ..
بالمناسبة يا جبلابي سأحضر فرجينيا يوم 3 يوليو مع البعثة الرياضية الثقافية لأريزونا للمشاركة في دورة ساسل الرياضية آمل أن ألتقيك إنشاءالله ..
|
Post: #14
Title: Re: بورداب امريكا سجمانين
Author: معتصم مصطفي الجبلابي
Date: 06-26-2008, 06:23 PM
Parent: #13
الاخ malamih
سلامات طبعا أنا كنت أعزي السبب لنفس الملاحظة الإنت قلتها دي
كترة الناس هي الخلت عدم تشجع الناس لتكوين أي جسم يجمعهم
فلو كانو قلة لكان أسهل انيتنظمو في وعاء إجتماعى واحد
يلتقون فيه ويمارسون نشاطاتهم عبره ..
فهسه من كترت الناس السودانى لو لاقاك في الشارع ما يسلم عليك
رغم إنه في الغربة الناس بتكون متحانين ومتداخلين ومتعصرين
علي بعض زى مابقولو وحتى الغربة تنسيك الخلافات او الحساسيات
البتكون بين الناس في الوطن وهنا استحضر نكتة ظريفة ارجو انه الناس
ماتزعل منها بتقول في إستطلاع تلفزيونى مع أحد المغتربين السودانيين
عن الغربة والبعد عن الوطن سئل واحد من اهلنا الجعليين عن كيف يعيشون
في الغربة فرد عليهم بسرعة والله الغربة شدة ما حارة الشايقي إن لاقاك
في الطريق تسلم عليه
فانا زكرت القصة ردا للاخ دينق في أنه إختلافنا في القضايا العامة
لايمنعنا في التواصل الإجتماعى والتسالم مع بعض..
وياريت نشوفك في فرجينيا وتلفونى في الملف
|
Post: #15
Title: Re: بورداب امريكا سجمانين
Author: معتصم مصطفي الجبلابي
Date: 06-27-2008, 02:32 AM
Parent: #14
*
|
Post: #16
Title: Re: بورداب امريكا سجمانين
Author: malamih
Date: 06-27-2008, 03:44 AM
Parent: #15
الأخ الفاضل معتصم الجبلابي
لقد أضحكتني نكتتك عن حال أهلنا الجعلية و الشايقية وفعلا تلك كانت غربة وأضف لها الشجن لتصير غربة و شجن .. فالفرق بيننا و بين المغتربين هو أننا مهاجرين .. وهذا يعني أننا قطعنا ال one way ticket في سبيل أن نصبح مواطنين في الدولة التي نعيش فيها دون كفيل أو وصي ..! فالهجرة لأمريكا و كندا و أستراليا و بعض الدول الأروبية تعني أننا نعيش كباقي المواطنين ليس من إختصام سوى سيادة الدستور و القانون حيث لا كفيل ولا هم يحزنون..!
|
Post: #17
Title: Re: بورداب امريكا سجمانين
Author: محمد نور أحمد
Date: 06-27-2008, 04:18 AM
Parent: #16
المصيبة إني ياداب ماشي أبقى من سكان فيرجينيا..
يعني أصرف نظر ولا شنو؟
|
Post: #18
Title: Re: بورداب امريكا سجمانين
Author: heba Elmahi
Date: 06-27-2008, 04:53 AM
Parent: #17
تحياتي يا معتصم و اتفق معاك في الرأي و انا شخصيا جاهزة للمساعدة في انجاح أي عمل اجتماعي للسودانيين في فريجينيا .
تنور فريجينيا يا محمد نور ياخ ، تعال ما تصرف نظر و لا حاجة و خلينا انا و انت و معتصم نكون نواة لاحلي تجمع سودانيين في امريكا كلها مش واشنطن بس !! و نفتح الباب لكل الداير معانا من غير تمييز عنصري أو سياسي أو ديني أو غيرو ،،،
******************************************************************************
ملاحظ معاي تجمع سودانيين دي شملتك طوااااالي كيف يا محمد نور !!
|
Post: #24
Title: Re: بورداب امريكا سجمانين
Author: معتصم مصطفي الجبلابي
Date: 06-27-2008, 06:34 PM
Parent: #18
الاميرةheba
نثنى إقتراحك وياريت تنشطى لينا مع الاخ محمد نور لدرء كوارث فرجينيا
فكليكما له تقديرات علمية في هذا المجال
وأمسكى اول تبرع الف دولار امريكي
حيسلمك ليها محمد من حسابه لما يوصلنا بالسلامة
|
Post: #19
Title: Re: بورداب امريكا سجمانين
Author: معتصم مصطفي الجبلابي
Date: 06-27-2008, 05:28 AM
Parent: #17
حبابك ألف اخ محمد
ونشيلك في العين والراس
وإن شاءالله الامور تتغير بقدومكم
|
Post: #20
Title: Re: بورداب امريكا سجمانين
Author: محمد نور أحمد
Date: 06-27-2008, 05:47 AM
Parent: #19
هبة الماحي .. إزيك وشكرا على الترحيب بي في فيرجينيا
| Quote: ملاحظ معاي تجمع سودانيين دي شملتك طوااااالي كيف يا محمد نور !! |
خلاص بدينا أمور الجلابة من هسع مش يا هبه؟
الحنك البيش ما معانا ، والأولوا شرط آخره نور ..
أولا بالتبادي أنا أبقى الرئيس والأمين المالي بتاع التجمع دا، و مافي زول يسألني دي جات من وين ومشت وين..
وثانيا التجمع بتاعكم يبقى بتاع "سودتشاديين" ما سودانيين براهم.. وأوع واحد يجي يقول لي إنت أقلية وما بتمثل ثلثي الأعضاء..
وثالثة الأثافي أخونا بكري أبوبكر ما يكون عضو في التجمع دا في أي يوم من الأيام حتى لو رحل فرجينيا
أها دي شروطي كان وافقته عليها أدوني خبر ..
كان لا لا لا لا سقف المطالب دا عالي كمان كلمونا بدري بدري عشان الواحد يشوف إمكانية الإنضمام لبورداب ألاسكا ولا هاواي ظاااااااتو.
أها قلتو شنو يا جماعة الخير؟؟؟
|
Post: #22
Title: Re: بورداب امريكا سجمانين
Author: heba Elmahi
Date: 06-27-2008, 06:23 AM
Parent: #20
جلابة شنو يا زول مالك داير تجيب لينا الهواء مع الجماعة ! نحنا لو كنا جلابة البخلينا نهاجر و نهج في بلاد الله البعيدة دي شنو ?
و بعدين ياخي شروطك كلها مجابة و دا طبعا بعد اخد الاذن من اخونا معتصم لانه صاحب الفكرة بس انت نشنتا علي الفاضي لانه التجمع دا لا فيه رئاسة و لا مالية كل الفكرة الناس تتلاقي و تتعرف علي بعض وتزيل شبح الغربة الثقيل الكابس علي قلوبنا و لو لساعات قليلة و نرجع تاني نقاتل في ميادين الروتين و الملل .
و شرطك التاني حبابو الف و مرحب باخوانا التشاديين لكن شرطك التالت صعبتو شديد انا الريس بكري دا ما برضي فيهو وأي لمة بدونو ما بتبقي ( وش بكسر في تلج )
|
Post: #21
Title: Re: بورداب امريكا سجمانين
Author: محمد نور أحمد
Date: 06-27-2008, 05:53 AM
Parent: #19
أخونا الحبلابي ..
Quote: حبابك ألف اخ محمد
ونشيلك في العين والراس
وإن شاءالله الامور تتغير بقدومكم |
ياخي يسلموا عيونكم وروسينكم..
والله ترحيبك الإسفيري أداني إحساس إنك ضابح لي خروف عديييييل..
ياخي كتر خيرك كتير ، وإنشاءالله نقدر نساهم معاك ومع الأخرين في خلق جو إجتماعي في واشنطون..
التحية والشكر ليك على المبادرة ..
|
Post: #26
Title: Re: بورداب امريكا سجمانين
Author: معتصم مصطفي الجبلابي
Date: 06-28-2008, 10:02 PM
Parent: #21
الاخ محمد كب الزوغة اول ماجبنه ليه سيرت التبرع
يازول عفيناك بس تعال بالسلامة ون شاءالله
الدايرو بنمسكك ليه
|
Post: #27
Title: Re: بورداب امريكا سجمانين
Author: معتصم مصطفي الجبلابي
Date: 06-28-2008, 11:50 PM
Parent: #26
وياريت بكري يعفي لينا البوست من الارشفة
|
Post: #28
Title: Re: بورداب امريكا سجمانين
Author: محمد نور أحمد
Date: 06-29-2008, 11:16 PM
Parent: #27
Quote: الاخ محمد كب الزوغة اول ماجبنه ليه سيرت التبرع
يازول عفيناك بس تعال بالسلامة ون شاءالله |
أفففففففففففففووو ..
آآآآآآآآآزول ها.. تبرع شنو دا البيخوفني أنا وأكب الزوغة..
أها ياالجبلابي يا اخوي إنت وهبه الماحي تبرعكم دايرنوا أخضر ولا ناشف؟
كلو جاهز يا زول .. موية ونور..
-----
يا زول تجيب لي سيرة التبرع ده جنب الجكس.. علي بالطلاق أتبرع بالوراي والقدامي,,
أخوك يا آمنة ..
أنا الشافوا خلو..
|
Post: #29
Title: Re: بورداب امريكا سجمانين
Author: حنين للبلد
Date: 06-30-2008, 00:16 AM
Parent: #1
هي هي هي
انا
برررررررررررررررررررررررررررررررررررررررررة
ولا شنو
ياهبة الماحي
|
Post: #30
Title: Re: بورداب امريكا سجمانين
Author: heba Elmahi
Date: 06-30-2008, 04:15 AM
Parent: #29
انتي جووووووة يا حنين !! معقولة بس تفوتك اللمة الحلوة دي !! لغاية الان استلمنا الف دولار من اخونا محمد نور خلينا نشوف الباقين و نبدأ بيك انتي ورينا ناوية تدفعي كم ?
|
Post: #31
Title: Re: بورداب امريكا سجمانين
Author: Mutwali Malik
Date: 06-30-2008, 05:59 AM
Parent: #30
اخي معتصم
لا للارشيف ارشيف اوستين
قبل عامين كنت فد فتحت هذا الموضوع يابورداب واشنطون هلا ولم تتم اي استجابة وانت الان تجدد الدعوة ونحن معك ولكي نكون عمليين نحدد مكان ويوم لقاء تفاكري والعابز يجي مرحب بيهو كلها خمسة دلارات حقت القهوة في استار بك
معا من اجل لقاء بورداب واشنطون
|
Post: #32
Title: Re: بورداب امريكا سجمانين
Author: معتصم مصطفي الجبلابي
Date: 06-30-2008, 09:08 PM
Parent: #31
الهميم متولي
الآن الواحد إطمأن لانو الموضوع يمشي لي قدام
فنحن نعرف عنك ما أن تشار في امر والاكتب
له النجاح بإذن الله وياريت تنسقوا مع الاخت
هبة وحنين لبداية الخطوة
مع تحياتى
|
|