أقيس محاسنكـ رائعة بس التعديلات الموسيقية الحديثة بتخرمج الشغل شوية معاى ولا لا ؟؟
Post: #4 Title: Re: رشا شيخ الدين...أقيس محاسنك بمن Author: sami Alzubair Date: 07-03-2008, 01:27 PM Parent: #3
انت عارف يا تبلدينا الواحد لمن يتعود علي غنية بي صوت معين وطريقة اداء معينة تاني صعب تعجبوا من اي زول تاني .. انا مثلا بحب الضواحي بي صوت مصطفي لا تقول لي الشفيع ولا غيرو يوم سمعتها بي صوت نانسي بالرغم من اني بحبها لكن اصلو ما وقعت لي ... لكن يا فردة امرق النصيحة رشا (جضمت) الشغل ده ..
Post: #5 Title: Re: رشا شيخ الدين...أقيس محاسنك بمن Author: sami Alzubair Date: 07-03-2008, 01:34 PM Parent: #1
الزولة دي بتعاين في شنو يا ربي.. دي نظرة زول تعب من كتر السفر ومناهو يرتاح في قلوب الناس ...
ما أروعك رشا
Post: #6 Title: Re: رشا شيخ الدين...أقيس محاسنك بمن Author: يسرى صلاح Date: 07-03-2008, 02:12 PM Parent: #5
عجــــــــــــــــــــــيب
Post: #7 Title: Re: رشا شيخ الدين...أقيس محاسنك بمن Author: sami Alzubair Date: 07-04-2008, 06:24 PM Parent: #1
رشا شيخ الدين فنانة من رأسها حتى أخمص قدميها تغنى بهدؤ وإقتدار وبإحساس عال صادق صوتها وأداؤها البديع تكاد تحسه يتسرب عفوا إلى دواخلك فيطرب طربا ما بعده طرب
Post: #9 Title: Re: رشا شيخ الدين...أقيس محاسنك بمن Author: sami Alzubair Date: 07-05-2008, 09:26 PM Parent: #8
Quote: رشا شيخ الدين فنانة من رأسها حتى أخمص قدميها تغنى بهدؤ وإقتدار وبإحساس عال صادق صوتها وأداؤها البديع تكاد تحسه يتسرب عفوا إلى دواخلك فيطرب طربا ما بعده طرب
كلام في الصميم يا نادر مشكور يا حبيب ***
يا اخوانا ما في زول عندو صور ولا تسجيلات يجيبها لينا
Post: #10 Title: Re: رشا شيخ الدين...أقيس محاسنك بمن Author: عبدالكريم الامين احمد Date: 07-05-2008, 09:51 PM
هلا يا سامي.. ورشا زولة غنااية بالحيل وصوتها به مساحات عجيبة مرة واحد وبتحس بيها بتغني بارتياح وتطريب عالي.. وبتفق علي مضض مع تبلدينا بانو التطوير في اللحن عمل شخة علي خفيف كده في الايقاع اللحني في الغنوة خلافا لما مسجل في زاكرتنا ولكن تبقي رشا من الاصوات التي ترسل الراحة الي القلب بكل سهولة وشكرا علي هذا الجمال
Post: #11 Title: Re: رشا شيخ الدين...أقيس محاسنك بمن Author: sami Alzubair Date: 07-06-2008, 03:45 PM Parent: #10
Quote: ورشا زولة غنااية بالحيل وصوتها به مساحات عجيبة مرة واحد وبتحس بيها بتغني بارتياح وتطريب عالي.. وبتفق علي مضض مع تبلدينا بانو التطوير في اللحن عمل شخة علي خفيف كده في الايقاع اللحني في الغنوة خلافا لما مسجل في زاكرتنا ولكن تبقي رشا من الاصوات التي ترسل الراحة الي القلب بكل سهولة
كيكي يا عمك طبعا اخوك مع التيار التجديدي وكدا بتكيف لي الغنا القديم بالمزيكا الحديثة اذواق بقول ليك الفن ده الاحاجة الوحيدة المافيها مجاملة يعني ماممكن تسمع بتهوفن لانو بتهوفن اذا ما كان بطربك هسي صلاح مصطفي ده مش استاذ ومعلم للطيش وموسيقار وكدا وحات الخوة ما بستحملوا 5 دقائق بحترم فنو لكن ده ما سبب كافي عشان يطربني غايتو اذواق تسلم يا حبيب
