Post: #1
Title: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: SARA ISSA
Date: 07-02-2008, 01:56 PM
انا لاحظت المنتدى في الربع الثالث خالي من مقالات مثل ..أين د.خليل إبراهيم ؟؟
مع الإعتذار للأخ محمد حامد جمعة أين أركو مناوي ؟؟
هل ذهب دكتور نافع ليبحث عن أركوي مناوي ؟؟
صورة لأركو مناوي مع جنوده ..يبدو أن عاصفة الطائرات المتساقطة أثرت في المنتدى ..
|
Post: #2
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: Abureesh
Date: 07-02-2008, 06:47 PM
Parent: #1
مناوى ذهب يبحث عن خليل ابراهيم
ونافع ذهب يبحث عن مناوى
وفى وفد هسى ماشى يبحث عن نافع
إن شاء الله كلهم يضيعوا وما يتلقوا
|
Post: #3
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: على محمد على بشير
Date: 07-02-2008, 08:08 PM
Parent: #2
غايتو يا خال
الحكومه عملت مناورات امنيه فى امدرمان
طبعا تحسبا لاى مفاجاه وكدا 
|
Post: #4
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: humida
Date: 07-03-2008, 01:39 AM
Parent: #3
فى حوار صحفى على مجلة العشب والبرطعة..
اشار الحمار المناضل ..
الى ان الاقاليم المتاخمة لحدود فهمه المحدود.. قد تم ضبطها..
وبما ان نظرية ان الحنك لا يزدهر دون ذوات البيض ..
اخرج الحمار المناضل نظريته الجديدة ..
حمارتى عشانك مابسيبو خدارى ..
رجفت بعدها ..
حميراء المهمشة ..
وجقلبت ..
واى .. واى .. خلانى براى ..
الحمار اللقطة خلانى براى ..
تصدرت الصفحة الاولى من مجلة الديلى نعجاية ..
صورة النجم التيس الشال القلم ..
كتب فى الحيطة احب الغنم..
جات غنماية من ذوات تقافة اكياس النايلون ..
هى هى هى هى هى هى هى هى هى هى هى .. ضحكت ..
نصحت كل الغنمايات .. بتكثيف الدورات الرعوية ..
وعدم البكاء على اللبن المسكوب ..
بكل تأكيد تقصد اللبن المشروب ..
قطرعى .. قرطعى .. اوع تبرطعى ..
ابو لى بيه اللبن ابو لى بيه ..
|
Post: #5
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: SARA ISSA
Date: 07-03-2008, 07:31 AM
Parent: #2
الأخ أبو ريش
يذهب عبد الرحيم حسين عشان يجيب نافع ..يتأخر في العودة
يمشي صلاح قوش عشان اشوف سبب التأخير .. يتأخر
يمشي عمنا البشير نفسو ..عشان يجيب الجماعة ..
يتلاقوا في منطقة نائية وأمامهم خروف مشوي ..قبل ما يغسلوا أيديهن عشان يأكلو ..يظهر أسد ضخم ..يدخل معهم في مساومة يعرضوا منصب نائب رئيس .. وجزء من غابة السنط ..وعشان حسن النوايا يطلب الأسد تحرير كافة الحيوانات في حديقة الحيوان ..بل يطالب بإلحاق حدائق ستة إبريل بالإتفاقية ..يرفض المؤتمر الوطني لكنه يوافق على صيغة يتبع فيها مسجد الشهيد وقاعة الصداقة وفندق هلتون ومبنى الإستثمار بولاية الخرطوم ، تتبع كل هذه المنشآت لحزب المؤتمر الوطني ، ترفض مجموعة الأسد الحبيس في حديقة حيوان الخرطوم الصفقة ..وتتهم أسد الخلا بالعمالة وبيع القضية بثمن بخس ...يغضب أسد الخلا لكرامته ويزأر ..ويلتهم ...نقط...نقط...نقط....نقط ...نقط...نقط واحداً واحداً
|
Post: #6
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: عبد العظيم احمد
Date: 07-03-2008, 07:45 AM
Parent: #5
يا سارة سلام
الجلابة.... ببنوا فى السدود
سد مروى والطرق والكبارى
وعاصمة الشمال مروى..... صار سعر الارض بالملايين
وبعد شوية قاعدة جوية
ومطار مروى الدولى
والاراضى الزراعية بالهكتارات شمال وادى المقدم
......
وقيادات دارفور
كان عبد الواحد
او خليل
او مناوى
او الاخرون فقد دمروا كل دارفور من اجل كراسى السلطة
لو كان لهم ولاء لظهر على الاقليم عندما كانوا فى السلطة
قال البشير
خليل هو الجناح العسكرى للمؤتمر الشعبى
والمؤتمر الشعبى هو الوالد الخرفان للمؤتمر الوطنى
سارة
من هو الخاسر الحقيقى
هو المواطن الدارفورى المسكين
|
Post: #7
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: SARA ISSA
Date: 07-03-2008, 07:55 AM
Parent: #6
Quote: وبعد شوية قاعدة جوية
ومطار مروى الدولى |
اخوي عبد العظيم
اي شيء ولا سيرة المطارات والطيارات دي !!
|
Post: #9
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: Murtada Gafar
Date: 07-03-2008, 08:10 AM
Parent: #7
وكمان في كلام-ما تحت تحت-إنو أحمد هارون ذاتو مختفي
فأخر ظهور رسمي للمطلوب كان اجتماعات اللجنة السياسية التنفيذية المشتركة العليا بين الشريكين الأسبوع قبل الماضي في جوبا
ومن ديك وعيييييييييييييك
ما في زول عارف إنو الزول دهـ مشى وين
أصلاً هارون لا يواظب على الحضور إلى مكتبه في الوزارة لإنو الود مشغول بقضايا أهم من الشؤون الإنسانية
فمن يبحث عن د. خليل ومني أركوي ونافع ليبحث معنا عن أحمد هارون فالراجل قلق بينا
أوع يكون ناس البشير وعلي عثمان اتعاونو خلاص مع الـICC وعملوها في عمك، برضو قدر أخف من قدر
وكويس إنو ما ضبحوهو من الأضان لي الأضان
أحمد هارون مطلوب حياً أو مضبوحاً يا قووووووش
مرتضى جعفر
|
Post: #8
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: خالد العطا
Date: 07-03-2008, 08:08 AM
Parent: #1
الســـــــــــؤال
س 1 / من المستفيد من اشعال الحروب
ج 1/ الحكومة والحركات
س2 / من الخسران
ج 2/ شعب دارفور
|
Post: #10
Title: Re: الجلابة ..المهمشين..مصطفى سري..تراجي مصطفى ..مافيش أخبار عن د.خليل أو أركو مناوي ؟؟
Author: عبد العظيم احمد
Date: 07-03-2008, 09:06 AM
Parent: #8
اخونا
,,ود العطا
سلام
كلامك لب الموضوع وكل الحاصل
Quote: الســـــــــــؤال
س 1 / من المستفيد من اشعال الحروب
ج 1/ الحكومة والحركات
س2 / من الخسران
ج 2/ شعب دارفور |
|
|