مختـارات متنوعة .. من برنامج نجوم الغد شعر .. غنـاء .. حوارات توثيق لفكرة البرنامج .. والبحث عن النجوم من سطع منهم .. ومن تلاشي في زحمة الحياة البوست مفتوح لكل الاضافات .. للحلقات القديمة .. صوت .. وفيديو شكرا للنورس الحزين صاحب الفكرة
Post: #8 Title: Re: بانـورامـا .. نجوم الغـد Author: tmbis Date: 07-02-2008, 06:43 AM Parent: #2
Quote: معاك طوالي
أدخل يا معاوية .. ويا حبذا لو مليت يدك بي برنامج الحفظ من اليوتيوب .. اي برنامج من البرامج البي هناك يكون ساهل للحفظ من داخل البوست مباشرة أو حتى من الرجوع لليوتيوب .. تكون ما قصرت معانا..
Post: #9 Title: Re: بانـورامـا .. نجوم الغـد Author: tmbis Date: 07-02-2008, 07:01 AM Parent: #8
Quote: علاء تحياتي بخاري كيف خلاص جيت من الجهاد الاصغر الكفار رأيهم شنو في الطرب الاصيل ده؟ عندي ليك فكره شوفها في بوست في الربع الجاي غايتو منبر يالربع وبعد شوية حيكون بالطاسه
osman righeem والله يا عثمان زي ما عارف الكفار رايهم واضح في الحتة دي بالذات تجنيد الصغار للغناء .. ملحوظة: في انتظار افكارك .. واهو زي ما شايف جبنا البوست دا من الربع الفات للربع دا .. وكدا بقو نص .. بخاري بسلم عليك وجاهز لي اي خدمات .. طبعا بعدما يخلص مني .. لانو الفترة الصباحية دي ولحدي ما الواحد يفوق من النوم الفي دماغو بيكون بخاري في حالة تأهب كاملة.. ..
Quote: تمبس ماقلت ليك! راجع كلامي ليك في بوست طيارة عمر صاحبك وقرط علي كده! تحياتي
.. منور يا دكتور الجزولي ,, منور والله كلام الطيارة يا دكتور .. اسعدني .. وفي محاولات تقريط .. لكن مرات مرات كان قرطنا شديد (بتفوووت)
Post: #10 Title: Re: بانـورامـا .. نجوم الغـد Author: Maawya Hussein Date: 07-02-2008, 09:19 AM Parent: #8
دا برنامج ساهل وشامل
E.M Youtube Video Download Tool v2.45
E.M. Youtube Video Download Tool اداة قوية يمكن بها تنزيل ، ادارة ، تحويل ، حرق ، بحث ، إصلاح و تشغيل اشرطه فيديو YouTube ، التقاط RTMP Video Streams . و بالامكان تحميل ملفات الفيديو من YouTube ، أو أي موقع فلاش فيديو ( 1200+ )، Google video, iFilm, Putfile, cafe, DailyMotion
Post: #14 Title: Re: بانـورامـا .. نجوم الغـد Author: tmbis Date: 07-05-2008, 09:56 AM Parent: #10
يا معاوية .. تشكر والله على البرامج .. وبالمناسبة بقيت كلما احتاج لي برنامج بتاع اي حاجة .. بفتش عليك طوالي .. مش كدا وبس .. قبل يومين في واحد ما ليهو علاقة بالمنبر كان عندو مشكلة حفظ .. قام سالني .. قلت ليهو تمشي لي زول اسمو معاوية في سودانيز اونلاين اي حاجة بنزله .. شيله طوالي بتنفعك ..
البرنامج .....فيه بالجد شباب وشابات مبدعين ..... خامات اصواتهم مبشرة وواعدة بغناء اجمل الى الان...
واعجبنى ياتمبس ....العلامة الحمراء التى وضعها القائمون على هذا البرنامج ضمن البطاقات ....فان وجدها المتسابق فى بطاقته... يعرف انه سينقل للمرحلة المقبلة او العكس...(وهى لتفادى احراج هؤلاء الشباب وسط الموجودين )
بالتوفيق لهؤلاء الصغار.... والشكر للاستاذ بابكر صديق .....والقائمين على هذا البرنامج
Post: #4 Title: Re: بانـورامـا .. نجوم الغـد Author: نصر الدين عثمان Date: 07-01-2008, 12:42 PM Parent: #3
شكراً أخي تمبس .. شوف بالله هذا الأداء لنشيد (واجب الأوطان) .. إنه يعيد حقن أوردتنا ببلازما جديدة ..
Post: #15 Title: Re: بانـورامـا .. نجوم الغـد Author: tmbis Date: 07-05-2008, 10:56 AM Parent: #3
Quote: البرنامج .....فيه بالجد شباب وشابات مبدعين ..... خامات اصواتهم مبشرة وواعدة بغناء اجمل الى الان...
مليون سلام استاذة ناهد.. فكرة البرنامج صناعة جيل قادم ـ يعبر عن نفسه من الآن .. بكل ما لديه من ادوات .. وموهبة ظهرت بعض الاصوات المبشرة ولها بصمتها الخاصة .. وهؤلاء هم الخلاصة مع بعض التوجيه من المتخصصين .. زائدا التمارين والاكاديميات .. تكون ايجابيات البرنامج ظاهرة . بعض الاصوات انحاذت إلى الاستنساخ .. والتكرار .. وهنا مهما برعوا في تثبيت فكرتهم في النهاية هي تكرار لتجربة قديمة .. ودوران حول الدوران نفسه ..
Quote: واعجبنى ياتمبس ....العلامة الحمراء التى وضعها القائمون على هذا البرنامج ضمن البطاقات ....فان وجدها المتسابق فى بطاقته... يعرف انه سينقل للمرحلة المقبلة او العكس...(وهى لتفادى احراج هؤلاء الشباب وسط الموجودين )
.. دي فكرة جميلة فعلا .. فهي تحفيز .. وتحفيز آخـر .. بطريقة .. (فنية) خالص.. عندي اصحابي اتنين .. مشينا قصر الشباب والأطفال لما كان قصر الشباب والأطفال .. قالو عايزين يدخلو فصل الموسيقى .. انا قلت ليهم انسو الفكرة دي .. انا غايتو ماشي منشط تاني .. واهو قصر الشباب قاعد ما ماشي مكان .. وقتها كان كل المناشط تحت اشراف اساتذة من كوريا .. مع بعض من السودانيين الكانو مهيمنين على كل شئ واي شئ .. بالاسماء فقط.. مع اتاحة الفرصة ايضا لأسماء بعض الاسر فاقد الموهبة وصاحبها ,.. المهم المسالة كانت عبارة عن حكر .. بي لغة ثوار اليوم .. هي تهميش .. المهم انتظرت مصير الشباب ديل المحتوم .. واستلمت لي زاوية اتابع فيها تفاصيلم .. بعدما عمل ليهم المعاينات الشكلية .. من اختبارات للملكة الموسيقية ... مع اني كنت واضع في الحسبان برضو لو نجحو ح يقول ليهم السؤال بتاع قولو لي اسماء المليون شهيد بتاعين بلد المليون شهيد داك .. انتهت المعاينة .. ولقيت الاستاذ .. ماسك اصحابي ديل الاتنين من يدهم .. بي يدو الكبيرة ونحن لسه شفع .. وطلع بيهم على البلكونة في الطابق الخامس المخصص لقسم الموسيقى .. واشار ليهم إلى ميدان الرياضة .. منشط (الكراتية) تحديدا.. وقال ليهم: امشو هناك الميدان داك تاني اوعــه اشوفكم هنا دا .. .. دا فيما يتعلق بي حاجاتنا السودانية .. فيث برنامج رقص شهير في القناة الرابعة .. الـ MBC 4 بيشبه البرناج دا .. فيهو زول فقري جدا .. بيختها واضحة طااخ .. الجماعة يكونو منتظرين في الغرفة .. تجيهم الواحدة راجعة بتبكي .. يا بت مالك ..؟ والله الزول دا جرح احساسي .. الاولاد بياكلوها مرات .. ومرات بتجرسو .. ومرات ببكو عديل كدا .. يعني هفوات بسيطة تتحسب على الواحد وممكن تبقى ليهو عقدة أو اداة تغيير مسار ..
الدورة دي يا استاذة ناهد فقدت فيها الكثير من الحلقات .. الليل الهادي دي ادته عبير صلاح .. وهي من الاصوات المميزة جدا .. باقي الاعمال دي للاسف الشديد ما اتطلعت عليها .. واتمنى انو تمر علينا من خلال البوست دا .. لانو فيهو القديم والجديد .. الف شكر ليك .. والتحية لاستاذ بابكر .. وللمتنافسين .. والفرقة المصاحبة التي اكملت الشكل الجميل.
Post: #6 Title: Re: بانـورامـا .. نجوم الغـد Author: wadah beshier Date: 07-02-2008, 03:40 AM Parent: #5
الليل الهاجع /افراح عصام
عبير صلاح /اليل الهادي
Post: #7 Title: Re: بانـورامـا .. نجوم الغـد Author: الخير محمد عوض Date: 07-02-2008, 04:22 AM Parent: #6
علاء صاحبي الطوالي مشغول سلامات يا رجل
هذه الكوكبة اليانعة التي صدحت عبر برنامج نجوم الغد لهي كوكبة مطمئنة وتسحتق مثل هذا العمل التوثيقي لانه وبمثل هذا التوثيق تستطيع ان ترى نفسها في عيون الغير كمدخل تقوى بها عودها في مستقبل الغناء الذي يحملون بشرياته... الفكرة كانما رمت حجرا في بركة سكون الغناء التي تشكل مقوما اساسيا في صياغة وجدان شعبنا السوداني كله.
شكرا يا صديقي لتجريب التوثيق ويذداد شكري اذا قام احد العارفين بوضع رابط اغنية لنجم اتفائل له بمستقبل كبير في عالم التطريب والغناء وهو (فضل ايوب) ويا حبذا لو كانت رائعة الاستاذ عثمان حسين (مسامحك ياحبيبي).
لي عودة
Post: #11 Title: Re: بانـورامـا .. نجوم الغـد Author: Maawya Hussein Date: 07-02-2008, 10:10 AM Parent: #1
ونجوم الغد ما كلهم جكس
الموهبه أمجد محمد عوض
Post: #12 Title: Re: بانـورامـا .. نجوم الغـد Author: Maawya Hussein Date: 07-02-2008, 10:34 AM Parent: #1
ورائعه شرحبيل ( لو تعرف الشوق )
Post: #13 Title: Re: بانـورامـا .. نجوم الغـد Author: عبد المنعم عمر عثمان Date: 07-02-2008, 01:41 PM Parent: #12
* *
علاء ســـلام وشكرا على البوسـت الرائع و الجميل ،،،،،
وبرجع ليهو تانى ،،،
Post: #16 Title: Re: بانـورامـا .. نجوم الغـد Author: عمر سعد Date: 07-05-2008, 11:44 AM Parent: #1
ود حلتنا الخطر
ياخى انا داير لى دروس خصوصية فى برامج الاغانى دى ياتجى انتة قطر ولا انا اعمل ليك دعوة تجى قطر داير ياتة فيهم
