Post: #1
Title: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 08:41 AM
Parent: #0
الله اكبر ..
الله اكبر ..
الله اكبر ..
اعلن الاخ الكريم مصطفي عثمان شحرفان انضمامه الى المؤتمر الوطني وذلك عن قناعة تامة
كما اعلن اسفه وندمه على الفترة التي ضاعت من عمره هنا وهناك . واعلن انه سيكون
جنديا وفيا لخدمة الوطن والمؤتمر الوطني لوجه الله تعالى .
جاء ذلك في مكالمة تلفونية وردتني منه قبل قليل ...
ود الباوقة
|
Post: #2
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: عزاز شامي
Date: 07-01-2008, 08:45 AM
Parent: #1
يعني حررتو فلسطين؟
و الله الأسف يا دوووووب حيعرف دربه زولك ده!
غايتو يا ود الباوقة، اتاريك ليك زمن بتنشر في (الورود) و انا ما عارفة!
بس اوعدك، انا زاتي بعوض الفات من عمري هنا و هناك، و بباريك الحجل بالرجل في بوستاتك 
|
Post: #4
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 09:02 AM
Parent: #2
يعني حررتو فلسطين؟
؟؟؟؟؟؟؟؟؟؟؟؟؟؟؟؟؟؟
و الله الأسف يا دوووووب حيعرف دربه زولك ده!
فعلا عرف دربو بعد ان كان تائها في الصحاري لا ظل ولا ماء ...
غايتو يا ود الباوقة، اتاريك ليك زمن بتنشر في (الورود) و انا ما عارفة!
نعم عزاز والان حان وقت القطاف ...
بس اوعدك، انا زاتي بعوض الفات من عمري هنا و هناك، و بباريك الحجل بالرجل في بوستاتك
بس ادعسي على دواسة البنزين شوية لانو السرعة ستزداد ..
مع التحية ...
ود الباوقة
|
Post: #3
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ابو خالد
Date: 07-01-2008, 08:54 AM
Parent: #1
مصطفى شحرفان
"أركب الوطني"
يتربى في عزكم
|
Post: #5
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: عمران حسن صالح
Date: 07-01-2008, 09:25 AM
Parent: #3
Quote: كما اعلن اسفه وندمه على الفترة التي ضاعت من عمره هنا وهناك . واعلن انه سيكون
جنديا وفيا لخدمة الوطن والمؤتمر الوطني لوجه الله تعالى . |
السوداني الأرباب ود الباوقة
أسفه وندمه دي أجمل ما في الخبر بتاعكـ يا حبوب ..
وبما إنو الراجل صديق ( للبورداب) وليس عضواً يستطيع توصيل رسالته عليه نأمل منكـ وباسم الخوة بيناتنا
بس يجي (بي لسانكـ) يعطينا فكرة عن مسألة الندم دي وينوِر بصيرتنا .. نوَر الله بصيرتكـ ..
تعرف أنا من زمان ما عندي (شلةً) أدردق ليها وأشكي وأبكي الحال المايل من (هنا وهناكـ) ويمكن منطق أخونا مصطفى يخلينا نفكر بالجد في حتة نتلمة عليها ..
أصلو العُمُر راح وخايفين من سؤ ال الآخرة (عُمُركـ فيما أفنيته ) ...خصوصاً إنوالموجود في الساحة (لا بجيب لا بجدع) ..
.
.
.
|
Post: #6
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 09:50 AM
Parent: #5
وبما إنو الراجل صديق ( للبورداب) وليس عضواً يستطيع توصيل رسالته عليه نأمل منكـ وباسم الخوة بيناتنا
بس يجي (بي لسانكـ) يعطينا فكرة عن مسألة الندم دي وينوِر بصيرتنا .. نوَر الله بصيرتكـ الاخ الكريم عمران ..
الان مصطفى معي على الهاتف على الان وهذا رده .. الندم الذي اصابه هو معارضته للمؤتمر الوطني
في الفترة السابقة . والندم الاشد هو انه قد ضل الطريق طيلة الفترة السابقة من عمره.
ود الباوقة
|
Post: #7
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: صديق الموج
Date: 07-01-2008, 10:03 AM
Parent: #1
| Quote: Re: مصطفي عثمان ( شحرفان ) يعلن انضمامه للمؤتمر الوطني |
بئس الاسم الفسوق بعد الايمان.
مبروك عليكم المفكر مصطفى محمود ده,,,
وبعدين كملو ليه الاسم مصطفى عثمان اسماعيل وعينوه ملحق
ثقافى،شايف عندكم مشكلة فى الملحق..
قال مصطفى عثمان قال،،،
|
Post: #8
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 10:12 AM
Parent: #7
مبروك عليكم المفكر مصطفى محمود ده,,,
اخونا مصطفى عثمان شيخ قبيلة يا ود الموج وهو رجل كريم اجواد . وكم نحن سعداء بان
يكون ضمن كوكبة اعضاء المؤتمر الوطني بالرياض .
ود الباوقة
|
Post: #9
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: رشا سالم
Date: 07-01-2008, 10:23 AM
Parent: #8
والله يا ود الباوقة ..وما طالبني حليفة..لا انت لا مصطفي دا..
لكن انا طلعت مؤمنة عديل كدا...
مش بيقولو قلب المؤمن دليلو..؟
|
Post: #12
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 10:35 AM
Parent: #9
لكن انا طلعت مؤمنة عديل كدا...
دكتورة رشا .
الرجل هذا خياره وطلب بان نعلنه على الملا ..
ما اعتقد انو فيها شيء .. مش كدا ..
ود الباوقة
|
Post: #13
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: رشا سالم
Date: 07-01-2008, 11:13 AM
Parent: #12
Quote: الرجل هذا خياره وطلب بان نعلنه على الملا ..
ما اعتقد انو فيها شيء .. مش كدا .. |
كدا..!
بس لو ما كان انضم لزمرتكم المباركة..كنت حأشك في حدسي..
وحدسي دائما لا يخيب..!
|
Post: #10
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: حيدر حسن ميرغني
Date: 07-01-2008, 10:28 AM
Parent: #8
ود الباوقة
قبل ده كله .. كان تعرفنا بالرجل وموقعه من الاعراب
هذا خياره وحده لا احد يقدر على منعه من ذلك
|
Post: #11
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: طارق ميرغني
Date: 07-01-2008, 10:34 AM
Parent: #1
يا صديق الموج :مصطفي عثمان بتاعنا البنعرفو دا ولا واح تاني ولو هو ذاتو بيعتبر مكسب كبير للمؤتمر الوطني ومصطفي حيعيش ابهي ايامو اصلو من زمان حاري ليهو عضه زي دي واهو لقاها.
وانت زعلان ليه يا صديق,,,,, مصطفي شحد الله والله اداه!!!!!!!!!!!!!!!!!!!!!!!
|
Post: #14
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: hamam
Date: 07-01-2008, 11:30 AM
Parent: #11
ود الباوقة سلام:
| Quote: اعلن الاخ الكريم مصطفي عثمان شحرفان انضمامه الى المؤتمر الوطني وذلك عن قناعة تامة |
ازدانت الدار بالقادم .. و رغم عدم معرفتي بالأخ (مصطفى عثمان) لكن يعرف الخل من خليله .. و الجاي بدربك يا ود الباوقة أكيد ود قبائل و شيال تقيلة .. بلغه تهانينا و ترحيبنا الحار و بمثل هؤلاء الأخيار يتشرف حزب المؤتمر الوطني ماعون الوطن الكبير.
كالعادة لم يتأخر صديق الموج حيث كتب:
Quote: بئس الاثم الفسوق بعد الايمان.
مبروك عليكم المفكر مصطفى محمود ده,,,
وبعدين كملو ليه الاسم مصطفى عثمان اسماعيل وعينوه ملحق |
(بئس الاثم الفسوق بعد الايمان)
و الله يا صديق مصيبتك مصيبة كبيرة يا أخي بتورط نفسك براك و تجي مدردق زي الرطل!
أولاً : هذه آية كريمة في كتاب الله ، لا يجوز التلاعب فيها ففي ذلك حرمة قطعية فاهم يعني شنو حرمة (يعني حرام) إن كان ذلك يعني لك شيء و الآية تقول (الاسم) و ليس (الإثم)
(يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون)
الشيء الثاني : لا يجوز التمثيل في الأغراض الدنيوية بآيات القرآن.
أما فيما هو بينا و بينك الست انت القائل ان الانتماء السياسي خيار شخصي و ما فيه مشكلة ؟ و الرجل اختار ! لماذا هذا التجني و هذا الاستخفاف بخيارات الرجال؟
يا صديق تصالح مع نفسك و لو مرة واحدة في حياتك و بطل الشيزوفرينيا اللي انت عايش فيها دي ! المؤتمر الوطني ماعون الوطن الكبير دائماً هو خيار الأخيار و نصيحة ليك أصرف نظر بدري لأن السكة دي حتطول و إنت ما عندك نفس ليها فالقادم كله جميل و جليل.
|
Post: #15
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: عزاز شامي
Date: 07-01-2008, 11:34 AM
Parent: #14
| Quote: المؤتمر الوطني ماعون الوطن الكبير |
دايرة ابدل عدة، ممكن؟
ادوني حقي كباية شاي و خارجوني من الماعون الكبير ده!
|
Post: #17
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: humida
Date: 07-01-2008, 12:01 PM
Parent: #15
| Quote: المؤتمر الوطني ماعون الوطن الكبير |
خلاص فكيتو ( حظيرة الوطن ) بقينا في ( الماعون ) و ( الجرادل ) ..
علي العموم اول مرة اشوف لي ( شايقي ) مركب مكنة ( كوز ) ..
الكوزنة دي بالنسبة للشوايقة شعرا ما عندهم ليهو رقبة ..
ومصطفى زول جميل لا يتماشى طرحه مع طرح ( المؤتمر الوطني ) ..
يعني هسع دي يقول ليكم كيف نكتة ( أركب العربي ) .. والله ألا تقيموا عليهو ( حد الزنا ) .. !!
..
..
اخونا صديق الشهير بـ( الرطل ) ..
في ذمتك عليك الله ما تستشهد بالقرآن .. شوف ليك ( نشيد ) ولا ( اغنية ) .. او اي نص وضعه البشر ..
القرآن ما بقبل التاؤيل لاهداف معينة ..
..
..
|
Post: #16
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: عادل جبارة
Date: 07-01-2008, 11:55 AM
Parent: #1
Quote: الله اكبر ..
الله اكبر ..
الله اكبر ..
اعلن الاخ الكريم مصطفي عثمان شحرفان انضمامه الى المؤتمر الوطني |
ود الباوقة
صدقني .. دي إبتلاءات والله إبتلاءآت .. الله المستعان .. مصطفى شحرفان !!!
معقووول ؟؟؟ ...
وصية في الذمة تقول ليهو عادل جبارة قال دي ... ابتلاءات
|
Post: #18
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: tmbis
Date: 07-01-2008, 12:24 PM
Parent: #16
| Quote: مصطفي عثمان ( شحرفان ) يعلن انضمامه للمؤتمر الوطني .... |
ياشحرفـان ..
الله يجعلك في ميزان حسناتم ..
بس اعمل حسابك .. ناس ود الباوقة ديل .. نظام المؤمن حلوي .. وإنت ليك فترة عامل رجيم..
يعني الحلويات ما بتنفع معاك
يعني عايز تقنعني انو الباسطة كويسة معاك ..؟
أركب العربي
|
Post: #19
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: الله جابو
Date: 07-01-2008, 12:48 PM
Parent: #1
شحرفان في .. عينك
قول ليه جيت متأخر شديد !!
|
Post: #55
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: احمد محمد بشير
Date: 07-03-2008, 05:21 PM
Parent: #19
مصطفي عثمان دا منوا
ووزنوا السياسي شنوا؟
وكان شايت وين قبل ما يجي ينظما للعصابه الحاكمة؟
بس قول ليهوا يعمل حسابوا ناس العدل والمساواة بيجوكم تاني
وتاني ما بيفضل فيها علبة صلصة
عشان النقاش يبقي موضوعي
رجاء خاص ورينا الاخوا كان في ياتوا منظومة وجاكم
عشان النقاش يبقي موضوعي
فنشر الخبر ناقصا بهذة الطريقة لا يفيد’ حتي نعرف من من ندم شرحفات.
|
Post: #20
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: معتصم دفع الله
Date: 07-01-2008, 03:18 PM
Parent: #1
الله أكبر ..
الله أكبر ..
إنضمام مصطفى شحرفان للمؤتمر الوطني مكسب كبير ..
ولا نامت أعين ودالموج ..
أركب العربي ..
|
Post: #21
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Deng
Date: 07-01-2008, 04:58 PM
Parent: #1
أختشي يا ود الباوقة أختشي.
|
Post: #22
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 05:20 PM
Parent: #21
أختشي يا ود الباوقة أختشي.
كدي يا شباب خاوني ارد على الهريطيق دينق دا واجيكم راجع ..
اختشى في شنو يا هريطيق الزول دا جاء الى المؤتمر الوطني بقناعاته وهو بالتاكيد
مكسب كبير فالرجل يعرفه كل مجتمع الرياض . رجل اخو اخوان . تجده في كل المناسبات
مشاركة ومساهما بجهده وبرايه .
عليك الله يا دينق انت مع منو .. صدقني ربما ياتيك يوم ونلقاك قاعد في ( السهلة )
براك ...
ود الباوقة
|
Post: #23
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 05:55 PM
Parent: #22
فور انتهاء ترتيبات انضمام الاخ مصطفي عثمان لعضوية المؤتمر الوطني . قام بتهنئة
القيادة السياسية بالسودان بالعيد التاسع عشر لثورة الانقاذ الوطني متمنيا لها وللشعب
السوداني البطل دوام التقدم والازدهار . وعقبال ان يحتفل الشعب بالذكرى المئوية ..
ود الباوقة
|
Post: #24
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Mannan
Date: 07-01-2008, 06:52 PM
Parent: #1
يطلع مين شحرفان دة!!!
دة العبان وللا احرفان جديد؟؟
انضمامو حيعمل شنو للمؤتمر الوطنى؟ يعنى حيبقى رئيس وللا وزير وللا حيجيب مشترين للخرطوم بعد نجاح عملية بيع توتى؟؟؟؟
نورونا يمكن نستفيد من شحرفانته!!
منان
|
Post: #25
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: الرفاعي عبدالعاطي حجر
Date: 07-01-2008, 06:57 PM
Parent: #1
مبرووووووووووووك عليكم شحرفان
وعقبال تعقل انت وتكتب ياسمك
الحقيقي او توقع به بدل الهتاف
المدفوع القيمة يارجل كن أنت
وسؤال بسيط شحرفان دا أقنعتوا
بي كم وانت اعلى ام اقل سعرا.
.............................حجر.
|
Post: #26
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 08:16 PM
Parent: #25
مبرووووووووووووك عليكم شحرفان
وعقبال تعقل انت وتكتب ياسمك
الحقيقي او توقع به بدل الهتاف
المدفوع القيمة يارجل كن أنت
وسؤال بسيط شحرفان دا أقنعتوا
بي كم وانت اعلى ام اقل سعرا
حجر... ارجو ان تحترم نفسك فلقد اعطيتك فرصة كافية للتبجح في حقي ..
اكرر احترم نفسك ...
ود الباوقة
|
Post: #27
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ادريس خليفة علم الهدي
Date: 07-01-2008, 08:38 PM
Parent: #26
ودالباوقة
مبروك عليكم شحرفان والجلابية
|
Post: #28
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-01-2008, 08:50 PM
Parent: #27
علم الهدى ..
لوووووووووووووووول متين جيت من غوانتانامو ..
مبرووك والله ..
ود الباوقة
|
Post: #29
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ادريس خليفة علم الهدي
Date: 07-01-2008, 08:56 PM
Parent: #28
| Quote: متين جيت من غوانتانامو .. |
قبل ساعة ...
انشاء الله يباركوا ليك السمح
|
Post: #30
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Marouf Sanad
Date: 07-01-2008, 08:58 PM
Parent: #27
مرحبا بشحرفان في عش اب دنان
|
Post: #31
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: إسماعيل وراق
Date: 07-01-2008, 11:53 PM
Parent: #30
Quote: فور انتهاء ترتيبات انضمام الاخ مصطفي عثمان لعضوية المؤتمر الوطني . قام بتهنئة
القيادة السياسية بالسودان بالعيد التاسع عشر لثورة الانقاذ الوطني متمنيا لها وللشعب
السوداني البطل دوام التقدم والازدهار . وعقبال ان يحتفل الشعب بالذكرى المئوية ..
ود الباوقة |
الأخ عمر ود الباوقة
تحياتي
جمعتني مناسبة مع الأخ مصطفى اليوم وأمام عدد كبير من الأخوة الأفاضل نفى بشكل قاطع وجازم بأن لا علاقة له بالمؤتمر الوطني..
|
Post: #39
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-02-2008, 07:07 AM
Parent: #31
جمعتني مناسبة مع الأخ مصطفى اليوم وأمام عدد كبير من الأخوة الأفاضل نفى بشكل قاطع وجازم بأن لا علاقة له بالمؤتمر الوطني..
اخي الكريم وراق ..
انا لم اعتاد ان اكذب في حياتي واسال من تعاملوا معي ..
اتصل بي امس الساعة 8 صباحا تقريبا الاخ شحرفان . وهو يكبر ويهلل ولم يعطني فرصة الرد عليه
وبصعوبة استطعت ان فرصة لايصال سؤالى له ان شاء الله خير ..
قالها لي بالحرف الواحد نزل بوست الان واعلن فيه دخولي للمؤتمر الوطني وولائي التام له ..
ثم قاطعته يا زول الحاصل شنو .. فذكر بان انضمامه للمؤتمر الوطني لوجه الله تعالى ..
بعدها حتى اتاكد من صدقه استحلفته بالله ثلاثة فحلف وذلك للتاكيد فقط على الا اقوم بنشر شيء
قد يضر به ..
الباقي خلو يكملوا ليكم اخونا محمد الحسن ...
الرد هذا يشمل الاخوين الاعزاء عبد المنعم ومحمد عبد الجليل ..
ود الباوقة
|
Post: #32
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: عبد المنعم عمر عثمان
Date: 07-02-2008, 00:02 AM
Parent: #30
*
*
Quote: اعلن الاخ الكريم مصطفي عثمان شحرفان انضمامه الى المؤتمر الوطني وذلك عن قناعة تامة
كما اعلن اسفه وندمه على الفترة التي ضاعت من عمره هنا وهناك . واعلن انه سيكون
جنديا وفيا لخدمة الوطن والمؤتمر الوطني لوجه الله تعالى .
جاء ذلك في مكالمة تلفونية وردتني منه قبل قليل ...
ود الباوقة |
ود الباوقة ســـــــــــــلام ،،،،،،،،
وبعد متابعتى للأمر ....... أقول دلللللللللللللل
وزى ما قالوا ( البالون بتاعك طرشـق ).... لكن إنت والله بتقنبلا قنبلا .
باى ،،،،،،،،،،،،،،،،،
|
Post: #34
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: mahmed alhassan
Date: 07-02-2008, 00:27 AM
Parent: #32
| Quote: مصطفي عثمان ( شحرفان ) يعلن انضمامه للمؤتمر الوطني |
الكلام أعلاه صحيـــح مائة في المائه والله مش كــدا ياقريبي مصطفي ؟
ودالباوقـــة الله يعينـــــك ياريس "
اسماعيل وراق
ممــكن نقــول تراضي وطني في المرحلة الاولي 0
|
Post: #35
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: إسماعيل وراق
Date: 07-02-2008, 00:37 AM
Parent: #34
Quote: الكلام أعلاه صحيـــح مائة في المائه والله مش كــدا ياقريبي مصطفي ؟
ودالباوقـــة الله يعينـــــك ياريس "
|
الأخ محمد الحسن
تحياتي.،
إذا كان مصطفى يريد أن يدمر مصداقيته أمام الجميع فهذا شئ أخر..
الرجل ذكر أمام جمع من الناس وأنا أصدقه.. بأن لا علاقة له بالمؤتمر الوطني
أنت عارف يا محمد إعلان الإنضمام دا مش مسالة يعلن عنها ببساطة.. مفروض ود الباوقة يضمن أورنيك عضوية الرجل في يده وبعد داك يعلن ما شاء له أن يعلن..
لكن تقول شنو.
|
Post: #41
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ادريس خليفة علم الهدي
Date: 07-02-2008, 10:08 AM
Parent: #35
| Quote: أنت عارف يا محمد إعلان الإنضمام دا مش مسالة يعلن عنها ببساطة.. مفروض ود الباوقة يضمن أورنيك عضوية الرجل في يده وبعد داك يعلن ما شاء له أن يعلن.. |
يا وراق .. في اتصال هاتفي مع الاخ مصطفي عقب صلاة الظهر يوم أمس أكد ما ذكره ود الباوقة في هذا البوست وذكر لي بالحرف الواحد ( قلت ليهو أكتب لوجه الله عشان ما يقولوا عايز قطعة أرض)
|
Post: #33
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: خالد العبيد
Date: 07-02-2008, 00:15 AM
Parent: #1
أركب العربي
|
Post: #36
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Deng
Date: 07-02-2008, 04:46 AM
Parent: #1
| Quote: جمعتني مناسبة مع الأخ مصطفى اليوم وأمام عدد كبير من الأخوة الأفاضل نفى بشكل قاطع وجازم بأن لا علاقة له بالمؤتمر الوطني.. |
طبعا أخونا إسماعيل وراق ده زول عندو مصداقية. لكن الانقاذي ود الباوقة ما عندو أدنى علاقة بالمصداقية.
علشان كده أنا بقول لك يا باوقة. أختشي.
دينق.
|
Post: #37
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Mohamed Abdelgaleel
Date: 07-02-2008, 06:43 AM
Parent: #36
Quote: اعلن الاخ الكريم مصطفي عثمان شحرفان انضمامه الى المؤتمر الوطني وذلك عن قناعة تامة
كما اعلن اسفه وندمه على الفترة التي ضاعت من عمره هنا وهناك . واعلن انه سيكون
جنديا وفيا لخدمة الوطن والمؤتمر الوطني لوجه الله تعالى .
جاء ذلك في مكالمة تلفونية وردتني منه قبل قليل |
الأخ - ود الباوقة - تحياتي،
مصطفى عثمان لم ينضم للمؤتمر الوطني كما ذكر لك الآخ إسماعيل وراق،
ولو انضم فهذا خياره،
ولكن ألا تتفق معي يا أخي بأن إثارة الشأن السياسي وإدارته
بهذه الطريقة الهتافية والعدائية والملهوجة في هجير مهجرنا
هذا تفسد مناخ الحوار الهاديء ولا تفيد الوطن؟
ألا تقتضي النزاهة الانحياز لقضايا أهلنا ومعاناتهم،
ألا ينبغي لمن وهبه الله وقتاً وقلماً أن يفجع أوداج
السلطة بقوة الحقيقة لعلها ترعوي، ولو كان مؤيدا للسلطة
أن يبصرها بأخطائها بدلاً من أن يكون بوقاً بعين واحدة
طول الوقت
فيا أخي ود الباوقة:
الأرض تدور
دولاب التاريخ يدور
فالنقل بعد التثبت أو فالنصمت
|
Post: #38
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: طارق ميرغني
Date: 07-02-2008, 06:46 AM
Parent: #1
مساء امس هاتفني الاخ مصطفي واكد لي انضمامه للمؤتمر الوطني وطلب مني التأكيد علي صديق الموج انه لم يجد اي " عضه " ولكن حبا في البشير" وطياراتو البتقع دي" ومن الجمله الاخير دي تأكد لي انو الاخ مصطفي بتاع هرطقه ساكت....!!!!مع ايماني بحرية التعبير والمعتقد الا انه من اليسير تقييم اي انسان خاصة لو بتعرفه انه يشبه ياتو طاقيه؟؟
|
Post: #40
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: حمزاوي
Date: 07-02-2008, 08:11 AM
Parent: #1
ود الباوقة اخوي
مسكاقمي
يا ودالباوقة ليه معلوماتك متأخرة
حاول اعمل فورمات ( FORMAT )
زميلي مصطفى عثمان ( شحرفان ) اسلاموي من ايام ما كنا مدرسين في نهاية ستينات القرن الماضي
كنا شغالين مدرسين سوا في مدرسة الزومة الاولية وهو كان كوز ( وايه الجديد في دا )
بس حسع ايام الانشقاق بتاع الفشخرة بتاع الكيزان هو حاول يكون شعبي
ولمن جاع رجع مؤتمر وطني
والمرفعين ود عم الكلب
|
Post: #42
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: طارق ميرغني
Date: 07-02-2008, 10:43 AM
Parent: #1
الاعزاء خاصة دينق ووراق اصحاب المصداقيه اؤكد من هنا وعلي مسئوليتي ان الاخ مصطفي هو : وطني وليست مؤتمر و لو بقي مؤتمر انا باحلق شنبي هذا( مع اشاره الي الشنب)................!!!!رغم قناعتي التامه كما ذكرت بحرية التعبير والتوجه السياسي
|
Post: #43
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: humida
Date: 07-02-2008, 11:23 AM
Parent: #42
الاخ اسماعيل
| Quote: نفى بشكل قاطع وجازم بأن لا علاقة له بالمؤتمر الوطني.. |
قمت ايضا بالاتصال باخونا شحرفان ..
وقبل كلمة ( آلوو ) بادرني بتهليلة وتكبيرة قوية ..
وأكد لي انضمامه الي المؤتمر الوطني وانه ندمان وسافي التراب علي عمره الضاع بعيد عن المؤتمر الوطني
..
..
في النهاية يا جماعة ..
يخسر كثيرا مصطفى اذا انضم الي المؤتمر الوطني
ويخسر المؤتمر الوطني ايضا كثيرا لو انضم ليهو مصطفى ..
معادلة في احسن احوالها نتيجتها سالب واحد ..
|
Post: #44
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: الرفاعي عبدالعاطي حجر
Date: 07-02-2008, 11:26 AM
Parent: #1
Quote: مبرووووووووووووك عليكم شحرفان
وعقبال تعقل انت وتكتب ياسمك
الحقيقي او توقع به بدل الهتاف
المدفوع القيمة يارجل كن أنت
وسؤال بسيط شحرفان دا أقنعتوا
بي كم وانت اعلى ام اقل سعرا
حجر... ارجو ان تحترم نفسك فلقد اعطيتك فرصة كافية للتبجح في حقي ..
اكرر احترم نفسك ...
ود الباوقة |
مرة تانية اقول ليك كن انت واكتب اسمك كامل في حينها سيكون الحديث في قمة الاحترام والمنطقية
لنحاطبك حسب المهنة ياعمر .
واسمح لي ان اقول ليك أن الاحترام معنى اكبر من ان يفهمه الذين يقودون الانشقاقات بواسطة السلطة
وانا منتظر توقيعك باسمك وبرضو البروفايل حقي مكتمل البيانات يا(ود......) الباوقة خارج القوس.
................................................................................حجر.
|
Post: #46
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-02-2008, 10:01 PM
Parent: #44
وانا منتظر توقيعك باسمك وبرضو البروفايل حقي مكتمل البيانات يا(ود......) الباوقة خارج القوس.
................................................................................حجر.
الرفاعي عرفنها وعبد العاطي معروفة مية في المية حجر دا يطلع شنو ..
ود الباوقة
|
Post: #56
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: احمد محمد بشير
Date: 07-03-2008, 05:35 PM
Parent: #46
هذا من ذاك وكلهم واحد
شعبي و وطني
كما زكر لك حمزاوي اعلاه
ان الرجل كان اسلاموي منذ زمن بعيد فما الجديد في الامــر؟
وماذا سيستفيد السودان من شرحفان سوي انه سيتقلد منصب وسياره وغيره
وماذا سيقدم للمواطن البسيط من ذاك المنصب؟
وماذا فعل الذين كانوا يتقلدون تلك المناصب من قبله
جاوب علي الاسئله اعلاه حتي نواصل معك.
بس ما تجيب لي صور الكم عمارة في الخرطوم ديك وتقول دي الانجازات
الناس بتموت يومي وانت تاتي بصور للعمارات وتقول انجاز
اتقوا الله يا عالم
|
Post: #45
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: طارق عبد اللطيف نقد
Date: 07-02-2008, 01:26 PM
Parent: #1
امامي وفي حضور الزملاء بالمنبر اسماعيل وراق ومحمد عبد الجليل وعبد المنعم عمر
وعبدالقادر علي عبد الرحيم وصالح عبده ومحمد ياسين 0
اعلن مصطفى عثمان انه اخر من ينضم للمؤتمر الوطني
وانه لديه مرارات كثيرة من المؤتمر ومن اشد الناس ضرارا هو اهله
لكن ود الباوقه اراد مكسب سياسي
والموضوع لا يستاهل كل هذا التهليل والتكبير
ده مصطفى عثمان 00000ولا المصطفى زاتو0
ذي ما قال حميدة 000النتيجه سالب واحد
|
Post: #47
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-02-2008, 10:21 PM
Parent: #45
اعلن مصطفى عثمان انه اخر من ينضم للمؤتمر الوطني
وانه لديه مرارات كثيرة من المؤتمر ومن اشد الناس ضرارا هو اهله
لكن ود الباوقه اراد مكسب سياسي
طارق نقد .. اخونا شحرفان تلزمه كفارة القسم .....
ود الباوقة
|
Post: #48
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ASHRAF TAHA
Date: 07-02-2008, 10:25 PM
Parent: #1
Quote: الان مصطفى معي على الهاتف على الان وهذا رده .. الندم الذي اصابه هو معارضته للمؤتمر الوطني
في الفترة السابقة ... سيد البوست
و الله الأسف يا دوووووب حيعرف دربه زولك ده! ... عُزاز
مصطفى شحرفان "أركب الوطني" يتربى في عزكم ... أبو خالد
السوداني الأرباب ود الباوقة أسفه وندمه دي أجمل ما في الخبر بتاعكـ يا حبوب .. عمران حسن
بئس الاسم الفسوق بعد الايمان. مبروك عليكم المفكر مصطفى محمود ده ... ود الموج
والله يا ود الباوقة ..وما طالبني حليفة..لا انت لا مصطفي دا.. لكن انا طلعت مؤمنة عديل كدا...
مش بيقولو قلب المؤمن دليلو..؟ ... رشا سالم
يا صديق الموج :مصطفي عثمان بتاعنا البنعرفو دا ولا واح تاني ولو هو ذاتو بيعتبر مكسب كبير للمؤتمر الوطني ومصطفي حيعيش ابهي ايامو اصلو من زمان حاري ليهو عضه زي دي واهو لقاها.
وانت زعلان ليه يا صديق,,,,, مصطفي شحد الله والله اداه ... طارق مرغني
و رغم عدم معرفتي بالأخ (مصطفى عثمان) لكن يعرف الخل من خليله ... همام
ومصطفى زول جميل لا يتماشى طرحه مع طرح ( المؤتمر الوطني ..
يعني هسع دي يقول ليكم كيف نكتة ( أركب العربي ) .. والله ألا تقيموا عليهو ( حد الزنا ... حميدة
ود الباوقة صدقني .. دي إبتلاءات والله إبتلاءآت .. الله المستعان .. مصطفى شحرفان !!!
معقووول ؟؟؟ ... وصية في الذمة تقول ليهو عادل جبارة قال دي ... ابتلاءات ... عادل جيارة |
ياخي تعبت من الكوت ..........
|
Post: #49
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Al-Shaygi
Date: 07-03-2008, 07:08 AM
Parent: #1
Quote: جاء ذلك في مكالمة تلفونية وردتني منه قبل قليل ...
|
والله يا أخوانا كل الهيصه دي ما كان ليها داعي
الحكاية كلها مكالمة تلفونية.
بس كنت داير أسأل المكالمة دي كانت متين والأهم في الليل ولا في النهار ؟؟؟
وكان في الليل الساعة كم...؟؟؟؟
بث سؤال يا عمر
وكان كانت بالليل تبقى واطاتك أصبحت وأشتريت الترماي.
وكان بالنهار يكون أخونا مصطفى فعلاً تاب وندم على الفات وراح ياكل قات..!!!!
بكري: العم عوضو سيدأحمد ... يقف بباب الحوش متكئاً على ع...فتح له الباب للدخول.
الشايقي
[email protected]
http://alkatwah.com
.
|
Post: #50
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: ود الباوقة
Date: 07-03-2008, 10:08 AM
Parent: #49
وكان كانت بالليل تبقى واطاتك أصبحت وأشتريت الترماي.
وكان بالنهار يكون أخونا مصطفى فعلاً تاب وندم على الفات وراح ياكل قات..!!!!
اخي الشايقي ..
المكالمة كانت الساعة 8 صباحا تقريبا والرجل بكامل قواه العقلية وما تمشي بعيد الرجل ترك ما تقصده ..
والباقي يكملوا ليكم اخونا محمد الحسن ..
ود الباوقة
|
Post: #51
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: الرفاعي عبدالعاطي حجر
Date: 07-03-2008, 10:31 AM
Parent: #1
Quote: الرفاعي عرفنها وعبد العاطي معروفة مية في المية حجر دا يطلع شنو ..
ود الباوقة |
حجر يرحمه الله جدي الأكبر له قبة مذكورة ومعروفة في منطقة جلاس يرقد بسلام
وطيب نفس فقد كان فقيرا وفقيرا كان يقتسم اللقمة مع اهله ويعلمهم فروض محبة
الله ويفقههم في دينهم لم يناله من مال السحت خردلة لذلك ينام في سلام عظيم
وتصحبه سيرة عطرة تهوي نفوس له بالدعاء والمدد ؟؟؟ ولكن من هو انت ؟؟؟؟؟
طبعا دا رد على تساؤلك وسأعود لوعدي مع الاخ خالد ادريس الأرباب وحسب توسطه
لك فإن إلتزمت بذلك ستجدني أكثر منك منعة وشهامة وقوة وإن عدتم عدنا.
...............................................................حجر.
|
Post: #52
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: mahmed alhassan
Date: 07-03-2008, 12:14 PM
Parent: #51
الاخ العزيز الرفاعي لوتكرمت تلفونك او الاتصال علي الرقم0504179819
محمد الحسن عبد المطلب واكون شاكر ومقدر 0
|
Post: #53
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: humida
Date: 07-03-2008, 12:17 PM
Parent: #51
الرفاعي ..
عجبتني جدا حكاية ان عدتم عدنا دي ..
شايفك لفيت حول الملعب ستة مرات .. ولياقتك فووول ..
حماس شديد ..
..
..
بس تعال توقع ليك الفهم .. عشان شايفك قاد تخبط في الحلل ..
البوست دا كلو هظار في هظار .. ويفهمه بورد الرياض تحديدا ..
والامر لا يتعدى ذلك ولا يرتقى لمستوى العنتريات بتاعتك دي ..
عشان كدا يا حبة روق .. ووفر شيطانك دا لمناسبات آخرى ..
..
..
وان عدتم عدنا ..
قوم لف كدا ياخي ..
|
Post: #54
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: الرفاعي عبدالعاطي حجر
Date: 07-03-2008, 05:03 PM
Parent: #53
Quote: الرفاعي ..
عجبتني جدا حكاية ان عدتم عدنا دي ..
شايفك لفيت حول الملعب ستة مرات .. ولياقتك فووول ..
حماس شديد .. |
حميدة سلام وبعدين امشي لى اسامة قول ليهو يعني شنو
( لا تسخر بكوسج ما لم تلتح )
لك المودة .
............................................حجر.
|
Post: #57
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: Hadia Mohamed
Date: 07-03-2008, 06:47 PM
Parent: #1
| Quote: اعلن الاخ الكريم مصطفي عثمان شحرفان انضمامه الى المؤتمر الوطني |
منو دة؟
|
Post: #58
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: abdulhalim altilib
Date: 07-04-2008, 08:06 AM
Parent: #57
أخي العزيز ود الباوقة
تحياتي ،
كما ذكر لك الأخ اسماعيل وراق وكذا
الاخوان عبدالمنعم عمر ومحمدعبدالجليل
وطارق نقد فإن الأخ مصطفى وأمام حشد
كبير من الاخوان أعلن أنه لم ينضم للمؤتمر
الوطني ، ولو انضم كل السودانيين له فإنه
لن ينضم .
هذا كلام أقوله وقد سمعته بأذنيَّ وكان
حضوراً كذلك كل من البروف عزالدين عمر موسى
والبروف عثمان الحسن ،وذلك خلال اجتماع عام .
هذا للحقيقة ، وإن كان قد التزم أمامك
بذلك ثم عاد عن التزامه ، فهذا مؤكد
شأن يخصه وحده .. وله مطلق الحرية في
أن ينضم أو ينسلخ من أي كيان أو رابطة .
مودتي ،
( ليمو )
|
Post: #59
Title: Re: مصطفي عثمان ( شحرفان ) يعلن انضمامه للمؤتمر الوطني ....
Author: مصدق مصطفى حسين
Date: 07-04-2008, 12:18 PM
Parent: #1
الحبيب ودالباوقة
مرور خفّـافى :Quote: اتصل بي امس الساعة 8 صباحا تقريبا الاخ شحرفان . وهو يكبر ويهلل ولم يعطني فرصة الرد عليه
|
يكون مالو ياربى ؟
أركب العربى !!
|
|