السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله كده

السودان بقى جميل جدا ....الخرطوم اخضرت ...بالحدائق الجميله
والمتنزهات الرطبه ...للجميع ....ولكن لاحظت اثناء اجازاتى
المتكرره للسودان انو الجماعه البيقعدوا اتنين اتين ...دائما بشوفهم
واثناء ماهم بيتكلموا مع بعض ...تلقاهم يقطعوا... ويمعطوا فى النجيله ....
ولا تلقاهم يخللوا(يسرحوا ) ليها زريعاتهاالخضيرات...

والغريب فى الموضوع

انه المتزوجين عكس ذلك تماما ....تلقى كل واحد مدى ضهرو للتانى ...
(النجيله) دى ساكت مابيعاينوا ليها .....نهائى....


بتفتكروا ليه ناس اتنين اتين ديل بيمعطوا النجيله كده......



ودمتم

Quote: بتفتكروا ليه ناس اتنين اتين ديل بيمعطوا النجيله كده...... B]

انت من زمن النجيلة البقطعهوها

يا حليل زمان

المهم
كنت بمعط في نجيلة حدائق ما يو تحت االكورة الكبيرة

ما اشوف ليك الا زولي قاعد حنبي وهو كمان بمعط في النجيلة

المهم بعد ما خلصوا من المعيط الساعة تجاوزت الثانية عشر
واخر بص للمواصلات وقف
والزمن داك لا امجاد ورلا ركشات
والبرنسات مع الريدة الريدة شينة
وكان صاحبي يتمتع بقدر من الجلدنة
وما في حل الا التاكسي الاصفر
الجكسوية وقفت التاكسي
وصاحبنا كضم وركب
انا انفجرت ضحك
تاني يوم لا قيته
قلت ليه قربت تجيك سكتة قلبية
قال لي ليه
قلت انت وكت ما بتدفع حق التاكسي بتحب ليه
قال لي شفتني وين

قلا ليه
كلمتني النجيلة الممعطة
ناهد
سلامات

Quote: كنت بمعط في نجيلة حدائق ما يو تحت االكورة الكبيرة

يعنى ياد. محمد

انت زاتك كنت من الاخوه (الممعطين فى الارض)






د محمد حسن

ايامك (خدرا).... وجمعتك كمان


تسلم لى يارائع

Quote: انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى....

فتروا من اكل النيم وحنوا الى معط النجيلة!
جنى

فتروا من اكل النيم وحنوا الى معط النجيلة!

جنى


تفتكر كده .....

المشكله طيب... انه ليه مايقعدوا ساى كده بدون مايقطعوها
...مثلا بتشوف الازواج اللى هم برضوا قاعدين زيهم
ماعندهم شغلة بيها نهائى .....
وتلقى المتزوج ومرته قاعدين فى امان الله ....
بل بالعكس كمان ...تلقاهم بيرقدوا ليها فى زريعاتها بكل رفق

غايتوا انا لسه مستغربه

تحياتى

Quote: كنت بمعط في نجيلة حدائق ما يو تحت االكورة الكبيرة ما اشوف ليك الا زولي قاعد حنبي وهو كمان بمعط في النجيلة المهم بعد ما خلصوا من المعيط الساعة تجاوزت الثانية عشر واخر بص للمواصلات وقف والزمن داك لا امجاد ورلا ركشات والبرنسات مع الريدة الريدة شينة وكان صاحبي يتمتع بقدر من الجلدنة وما في حل الا التاكسي الاصفر الجكسوية وقفت التاكسي وصاحبنا كضم وركب انا انفجرت ضحك تاني يوم لا قيته قلت ليه قربت تجيك سكتة قلبية قال لي ليه قلت انت وكت ما بتدفع حق التاكسي بتحب ليه قال لي شفتني وين قلا ليه كلمتني النجيلة الممعطة

:D

د ...محمد حسن......
خالص التحايا والقصة النجيلية دى

يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم
سنين ,, والعطاله ماعطاهم ,, والاحباط والقرف ماليهم ,, عرس ماقادرين
عليهو ,, كمان مايمعطوا ؟؟










الغريبه زمان المعيط كان بالليل ,, هسه بالنهار وعلى عينك ياتاجر ,,,
البوست ده موجه لناس حماية البيئه .

Quote: يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم سنين ,, والعطاله ماعطاهم ,, والاحباط والقرف ماليهم ,, عرس ماقادرين عليهو ,, كمان مايمعطوا ؟؟ الاخ كمال صدقت والله .....واكترهم لسه بيحاول يشوف (خارطة طريق) لحياته معاها والمحزن انو اصلوا مابتلقاهم الا ....حزنانين شايلين نفس وخاتين التانى شوف بالله اخواننا المصريين.... الله يطراهم بالخير ...لب وتسالى وفرحه وواقعيه تعال نشوف الفرق بين الحوارين ديل مصريين ...وديلاك سودانيين المصريين بصى ياميرفت اول حاقه نشوف الشقه وبعدين نروح دمياط نقيب العفش طيب وده كلو منين...يادوبك مع بابا تلات الاف.... لا ...الشبكه اللديتهالك زائدا الفلوس الوفرتيها بتاعة الشغل نعمل بيهم حاجه وانا اهو الجمعيه حااخدها كمان يومين خلاص طيب نحدد الجواز امتى اللى تشوفيه...بس على اخر الشهر عشان اخد الماهيه التانيه ونروح بيها اسكندريه السودانيين اسمعى يانهله ...انا طبعا شغلى على قدر حالى وظروفى هدى شايفاها بى عينك طيب يامزمل الحل شنو ...نتقابل نتقابل كده لبتين ياخى الناس اكلوا لحمى اسوى شنو قروش مافى ...وهو( بينادى على بتاع الترمس)ياولد جيب ترمس اسمع يامزمل (وهى بتمعط فى النجيله)انا فترت منك عديل كده....احباط ...كل مانتقابل الحل شنو فى رايك يا نهله؟ (يجى بتاع البارد) نزل اتنين بالله..... تشربى سفن ولا بيبسى ؟ اى حاجه ...بس خلينا ياخى نحسم الموضوع ده انا زهجت وامى كل يوم زانه فى راسى ده امك كلميها التنتظر ...الاستعجال فى شنو اقول ليك حاجه يامزمل ...انا حااوافق على العريس الاتقدم مع السلامه وهكذا ياكمال ضاعوا مننا اتنين من الممعطين للارض..... الغريبه زمان المعيط كان بالليل ,, هسه بالنهار وعلى عينك ياتاجر ,,, البوست ده موجه لناس حماية البيئه .

ننادى معاك ياكمال وين صحى .....ناس حماية البيئه .....
يجوا يشوفوا عوامل التعريه دى .....حدها وين

Quote: يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم سنين ,, والعطاله ماعطاهم ,, والاحباط والقرف ماليهم ,, عرس ماقادرين عليهو ,, كمان مايمعطوا ؟؟

عذر مقنع
بس أنا حاصلة لي كل الحاجات دي
وما بقطع النجيلة
ما سمعت بي أوعك تقطع صفقة شجرة!

مودتي

يا ناهد ، تحياتى


بمعطوا فى النجيله من العليهم والراجيهم والجاييهم .....!!!!!


الله يكون فى عونهم

Quote: بمعطوا فى النجيله من العليهم والراجيهم والجاييهم .....!!!!!

اخونا بشير .....

العليهم هو:الاحباط والفلس والزهج والعطاله والرواتب الضعيفه السرحان و و و و و
الراجيهم: خليه...بس.....اكييد قعاد فى النجيله ومعاينه للسما
الجايييهم : كتييييييييييييير ....



تسلم على المرور

وبرضو نقول ليك ( جمعه.....خدرا)

طيب ياربى

يكون من عدم الموضوع

ولا بيقطعوا من هنا(النجيله)....

وبيوصلوا من هناك فى (صحارى نفوسهم)بيزرعوا يعنى .......

طيب سؤال تانى معليش

الصحارى بتاعة (النفوس) زاتها .....هل ممكن يتزرع فيها

وشنو نوع الشتول الممكن تقوم

اختي ناهد ....لكن مابسألك ، في الاول كرسى جنب الحيطة وهسة معيط نجيلة.... يازولة مالك بتقلبي مواجع البشر.(وش بيضحك بصوت عالي شديد جدا جدا)

Quote: )اختي ناهد ....لكن مابسألك ، في الاول كرسى جنب الحيطة وهسة معيط نجيلة.... يازولة مالك بتقلبي مواجع البشر. (وش بيضحك بصوت عالي شديد جدا جدا)

[B]

وهو عليك الله ياكمال ياود عمى......

شغلتنا شنو بلا التفحص فى جنس الحاجات السغيرونه دى
لعل وعسى تلهينا عن التفحص فى الشى الكبار كبار
والتمحص فى خلق الله ....

خلينى مع نجايلى وكراسينى ديل

ثم تعال هنا.....

هسى عليك الله فرقك منى شنو ....اخير انا كمان.....
انت مع سبق الاصرار والترصد(العمم وطرائقها)
جايب ليها كاميرا ديجيتال كمان....




ومبروك صورة العمة الجديدة

Quote: بتفتكروا ليه ناس اتنين اتين ديل بيمعطوا النجيله كده......

يمكن يا استاذة ناهد عشان متل السيناريو دة النجايل بتتمعط

هو: ازيك ما لك اتاخرتي كده؟
هي: كدي الأول خليني اتوهط في النجيلة الساقطة دي
وبعدان تجلس في النجيلة تاخد ليها نفس عميييق وتاخد ليه معيطة من النجيلة
هي: أنت يا حمودي عملت شنو في الكلام القالوا ليك ابوي؟
هو: مستعبطا الكلام ياتو هو ما قال لي كلام كتير ياتو فيهم؟وياخد لية معيطة من النجيلة.
هي: يعني ما تهظر هو قال ليك كلام واحد.موضوع تحديد يوم العرس يا حبيبي احنا لينا تلاتاشر سنة مخطوبين من زمن شعرك الكتييير داك تتذكروا؟
ياخد لية معيطة من النجيلة بيدوا الشمال بينما يتحسس بايدو اليمين صلعتو التي تنعكس عليها لمبة العمود.
هو: يعني انا اعمل شنو في الاول الموضوع كان ماشي كويس وكلة تمام لغاية الكشف الثقيل داك الشالوني فية للصالح العام بعد داك انتي عارفة الحصل شنو.
هي: طيب شغلانة عم اللمين في الدلالة مالك خليتها؟
بعد ان اخد لية مديدة علي جنبة الأيمن بجوارها قال حمودي وهو يمد يدة وياخد لية معيطة من النجيلة المسكينة الجنبو
ايوة وكانت كويسة اول يوم مشينا الدلالة بتاعت العربات يوم الجمعة وبعنا بوكس وركشة طلعت منهم بنور طويل وقلت خلاص فرجت بس الحصل بعد داك خلاني ما اقرب الدلالة بعد داك.
هي: كدي الأول وريني نور طويل يعني شنو؟
هو: نور طويل يعني مائة الف وبعد ما صلينا المغرب في الدلالة مشيت قلت اركب لي امجاد (ما قابض نور طويل) بس مشيت علي الظلط لقيت ليك البوكس البعناة زاتو واقف سالت صاحبو مالك يا زول انشاء الله خير بس ما كملت الكلام لقيت نفسي في المستشفي اتاري البوكس كان بيحتضر ادوة درب عشان يبيعوة وما مشي لية كيلومتر دربة كمل سلم الروح .دة كان ماشي بالجلالة وانا قاعد احلف وقت بيعة بوكس جديد زي الحديد اخواتو ما سمعوا بية والله بيعو بالخسارة وكدة .يعني لقيت ليكي الموضوع كلة كضب ونصب وبعد داك دايراني اروح الدلالة دي تاني.
هي: اها وزراعتك القلت ماشي تزرعها في البلد مالك خليتها؟
اه بالله ما تذكرينا الايام النحسة ديك ما انتي عارفة قالها وهو يمعط في النجيلة
ما دة الجنن بوبي ذاتو؟
هي: كيفن يعني؟ قالتها وهي تمعط في النجيلة الجنب حمودي بعد ما كملت النجايل الحوليها هي
هو: ما مشيت قابلت أعمامي وحكيت ليهم انو محتاج لأرض أبوي الله يرحمه وقلت ليهم انا فصلوني للصالح العام وعاوز أجي ازرع قام قالوا لي ارض أبوك براها شوف الأرض الحولها ديك كلها إن قدرت ازرعها ومافي زول داير منك حاجة.قمت شمرت وطلعت البنطلون ولبست العراقي ومشيت البنك شلت لي منهم كم مليون كدة عشان التقاوي والكديب والذي منو وهاك يا زراعة والله بالطورية زرعت ليك حداشر فدان نصهم خضار ونصهم بصل بس جا وقت الحصاد القي الناس أبات إيصالات ديك شالوا التلت قلنا مافي مشكلة الباقي أودية الخرطوم بغطي معانا.المهم خلاص لمن بعتة وجيت احسبها لقيت يا دوب غطي معاي حق اللوري من البلد للخرطوم ،اها جيت البلد قلت اللغير زراعتي وازرع قمح لقيت ليك ناس البنك ومعاهم البوليس منتظرني ومن هناك علي السجن عديل لغاية ناس البلد الفي السعودية عملوا لي كشف وطلعوني.
وفجاءة خطرت لحمودي خاطرة وقال مخاطبا خطيبتة وهو يمعط في النجيلة بغيظ شديد
انت يا هناية ناس السعودية ديل لو عملو لي الكشف دة من الاول يعني مما فصلوني من الشغل هسي ما كان عندنا ولد ولا بت عندها عشر سنوات.



انه المتزوجين عكس ذلك تماما ....تلقى كل واحد مدى ضهرو للتانى ...

اها للكود التاني دة بجيكي راجع B]

الاخت العزيزة / ناهد بشير

تحايا الود والمعزات والتقدير ...
تحية ندية من قضارف الخير بطعم الدعاش والمطر هذه الايام بلدنا باردة شديد ومطر ..

تنكتي في النصائب والمصائب وقربنا نرجع لقطيع النجيلة .. من جديد ..

تحياتي لاهل جدة الحنان .. فقدناكم بشدة ..

Quote: ..تنكتي في النصائب والمصائب وقربنا نرجع لقطيع النجيلة .. من جديد ..

اخونا ود القضارف صلاح كشه

انا زاتى قلت انت بتجى بى جاى ....داخل


والله مانكتها بس براها جاتنى فى خاطرى ....وقلت يازوله
كدى اسألى شباب النجايل ديل ....ليه بيقطعوها ذنبها شنو .....
وليه مايقعدوا ساكت زى المتزوجين مثلا ......
تعال نشوف الحوار الارتجالى اللحظوى ده ...
الماعارفاه حيجيك كيف...



ازيك ياحيدر
اهلا ياندى اتأخرتى مالك
ابدا ....انت عارف مرقتى صعبه جدا ياحيدر(وهى تمعط)وبعدين اخرتها شنويعنى المرقات دى
وهو يمعط برضو ....اخرتها لمن ربنا يسهلها
لكن ياحيدر كده مابينفع ياخى .... يعنى كل اسبوعين اشوفك ده حرام
وهو يمعط)طيب اعمل ليك شو انتى البتقولى ظروفى
وهى تمعط) ظروف شنو يابو ظروف انت ...ماتجى تتقدم وتريحنا من الشلهته دى
وهو يمعط)اتقدم كيف وهو انا عندى حاجه اتقدم بيها ليكم
وهى تمعط)وطيب بنتقابل بس يعنى عشان ناكل ترمس.... ياخى دى ماحكايه دى
وهو يمعط)والله انا غايتوا مستنى الفيزا من اخوى...اكان وصلت عاد بختك
وهى تمعط)سجمى ...لسه حاارجى الفيزا لا ياخوى كل واحد يمشى فى طريق ودعناك الله
مع السلامه

اها ياصلاح ديل كم معيطه كده ....

ديل لو جابوهم ليكم فى القضارف حيحصل شنو مع الخدار داك
لازم تجى تورينى ......

تحياتى

Quote: ديل لوجابوهم ليكم فى القضارف حيحصل شنو مع الخدار داك لازم تجى تورينى ......

الاخ صلاح......

لعلك بخير ......

Quote: يمكن يا استاذة ناهد عشان متل السيناريو دة النجايل بتتمعط هو: ازيك ما لك اتاخرتي كده؟ هي: كدي الأول خليني اتوهط في النجيلة الساقطة دي وبعدان تجلس في النجيلة تاخد ليها نفس عميييق وتاخد ليه معيطة من النجيلة هي: أنت يا حمودي عملت شنو في الكلام القالوا ليك ابوي؟ هو: مستعبطا الكلام ياتو هو ما قال لي كلام كتير ياتو فيهم؟وياخد لية معيطة من النجيلة. هي: يعني ما تهظر هو قال ليك كلام واحد.موضوع تحديد يوم العرس يا حبيبي احنا لينا تلاتاشر سنة مخطوبين من زمن شعرك الكتييير داك تتذكروا؟ ياخد لية معيطة من النجيلة بيدوا الشمال بينما يتحسس بايدو اليمين صلعتو التي تنعكس عليها لمبة العمود. هو: يعني انا اعمل شنو في الاول الموضوع كان ماشي كويس وكلة تمام لغاية الكشف الثقيل داك الشالوني فية للصالح العام بعد داك انتي عارفة الحصل شنو. هي: طيب شغلانة عم اللمين في الدلالة مالك خليتها؟ بعد ان اخد لية مديدة علي جنبة الأيمن بجوارها قال حمودي وهو يمد يدة وياخد لية معيطة من النجيلة المسكينة الجنبو ايوة وكانت كويسة اول يوم مشينا الدلالة بتاعت العربات يوم الجمعة وبعنا بوكس وركشة طلعت منهم بنور طويل وقلت خلاص فرجت بس الحصل بعد داك خلاني ما اقرب الدلالة بعد داك. هي: كدي الأول وريني نور طويل يعني شنو؟ هو: نور طويل يعني مائة الف وبعد ما صلينا المغرب في الدلالة مشيت قلت اركب لي امجاد (ما قابض نور طويل) بس مشيت علي الظلط لقيت ليك البوكس البعناة زاتو واقف سالت صاحبو مالك يا زول انشاء الله خير بس ما كملت الكلام لقيت نفسي في المستشفي اتاري البوكس كان بيحتضر ادوة درب عشان يبيعوة وما مشي لية كيلومتر دربة كمل سلم الروح .دة كان ماشي بالجلالة وانا قاعد احلف وقت بيعة بوكس جديد زي الحديد اخواتو ما سمعوا بية والله بيعو بالخسارة وكدة .يعني لقيت ليكي الموضوع كلة كضب ونصب وبعد داك دايراني اروح الدلالة دي تاني. هي: اها وزراعتك القلت ماشي تزرعها في البلد مالك خليتها؟ اه بالله ما تذكرينا الايام النحسة ديك ما انتي عارفة قالها وهو يمعط في النجيلة ما دة الجنن بوبي ذاتو؟ هي: كيفن يعني؟ قالتها وهي تمعط في النجيلة الجنب حمودي بعد ما كملت النجايل الحوليها هي هو: ما مشيت قابلت أعمامي وحكيت ليهم انو محتاج لأرض أبوي الله يرحمه وقلت ليهم انا فصلوني للصالح العام وعاوز أجي ازرع قام قالوا لي ارض أبوك براها شوف الأرض الحولها ديك كلها إن قدرت ازرعها ومافي زول داير منك حاجة.قمت شمرت وطلعت البنطلون ولبست العراقي ومشيت البنك شلت لي منهم كم مليون كدة عشان التقاوي والكديب والذي منو وهاك يا زراعة والله بالطورية زرعت ليك حداشر فدان نصهم خضار ونصهم بصل بس جا وقت الحصاد القي الناس أبات إيصالات ديك شالوا التلت قلنا مافي مشكلة الباقي أودية الخرطوم بغطي معانا.المهم خلاص لمن بعتة وجيت احسبها لقيت يا دوب غطي معاي حق اللوري من البلد للخرطوم ،اها جيت البلد قلت اللغير زراعتي وازرع قمح لقيت ليك ناس البنك ومعاهم البوليس منتظرني ومن هناك علي السجن عديل لغاية ناس البلد الفي السعودية عملوا لي كشف وطلعوني. وفجاءة خطرت لحمودي خاطرة وقال مخاطبا خطيبتة وهو يمعط في النجيلة بغيظ شديد انت يا هناية ناس السعودية ديل لو عملو لي الكشف دة من الاول يعني مما فصلوني من الشغل هسي ما كان عندنا ولد ولا بت عندها عشر سنوات. انه المتزوجين عكس ذلك تماما ....تلقى كل واحد مدى ضهرو للتانى ... اها للكود التاني دة بجيكي راجع B]

عاد يالزبير ياخوى بعد السيناريو ده مااظن ارد تانى
ليك كل الود والتقدير


بس الكود 36 بتين حتجينا ليه ....نفسى اشوف اخوانا المتزوجين ديل
مالهم مالنجيله هدى قدامهم......... ليه مابيمعطوها ................

اخونا الزبير

والله سرد رائع وحقيقى ....وغايتوا حزنى الشديد...على المأساة دى
البيعانى منها حقيقة كل شاب وشابة والظروف المختلفه دى
وبكره مامعروف الواحد يصبح كيف وشغلوا كيف وتخطيطه شنو(ونعم بالله)

بس كدى يالزبير قبال مااتونس معاك سمح


النجيله دى ذنبها شنو؟؟؟؟الماشى والغاشى يمعط فيها
ياربى لو هى بتتكلم..... ممكن يجى يوم
وتقوم تحكى لينا عن الجماعة قالوا شنو....اثناء مابيزعمطوا فيها
والحصل شنو(عرسوا ولا لأ)



اما ناسنا ناس الكود(36)
ديل كوام براهم.....
تلقى الراجل مدى ضهره للمره التقول ...كل واحد فيهم
(.........)






وتأكد انى مستنياك عشان اشوف حتقول شنو عنهم



تسلم والله كتير

بالله ورينا النجيلة دي ذاتا وين عشان أفتح فيها المويه من العصر






















واحد حاقد

Quote: بالله ورينا النجيلة دي ذاتا وين عشان أفتح فيها المويه من العصر

اخونا العزيز القرضابى ......




غايتوا جنس حساااادة عليك ..........


مرتادى النجايل بقوا شطار عارفين بتين يوم فتح الموية بحولوا طوالى على التانيه





حوار مرتجل ...


ازيك يامنال
اهلا يااحمد
اها الليله نمشى ياتو حديقه
نمشى التحت كبرى برى
لا ...يامنى دى الليلة يوم فتح المويه فيها دايره ليها تلاته ايام وتنشف
طيب نمشى وين يااحمد
نمشى بتاعة الكبرى التانى
لا يااحمد ديك الليلة مابجى فيها عم على ......بيحش نجيلها هسى تلقاها بقت صلعه
طيب الحل شنو
الحل الحل الحل الحل كدى خلينى اضرب لناس فدوى اشوفهم قاعدين وين
جرس يرن على فدوى من منى

فدوى ازيك
اهلا يامنى
اخبارك كيف ؟ وهسى قاعدين انتوا والبنات وين؟؟؟؟
والله قاعدين جنب الجامعه
ناشفه النجيله جنبكم
برى كعبه ماسقاها عم ادريس امس...لكن تعالوا بتاعة جامعة ال ....ناااشفه
خلاص بنجى انا واحمد.......طيب يافدوى شكرا ومع السلامه



شكرا قرضابى وتبطل حسادة تانى لانه ناس نجايلنا بيلقوا البديل بسرعه
وعارفين الفاكين فيها الموية وين

الأخت الكريمة ناهد
تحيّة طيّبة

Quote: والغريب فى الموضوع انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى....

المتزوّجين يا ناهد بيتماعطوا في روحهم دي
إنتي ما لاحظتي لقصّة الصلعة بعد الزّواج ؟





تحاياي

ـــــ
أنا في البعيد مشتاق لهمسة من الوطن يا نسمة

Quote: المتزوّجين يا ناهد بيتماعطوا في روحهم دي إنتي ما لاحظتي لقصّة الصلعة بعد الزّواج ؟

اخونا لؤى



كيف مالاحظتها ياخى .....الله يجازى محنك

وقبل الزواج تلقاه راقد وخالف كراعه فوق
ويبرم فى الشعر......ياربى برضه ليه تفتكر
(رقدة الشباب دى مع الخلفه وبريمة الشعر دى)

والله غايتوا انتوا بتدو الزول افكار كيف



يديك الف عافيه

والله يا ناهد ناس الزعّيط والمِعّبط ديل ما عارفهم لأني أنا من ناس الضهر .... لكن أحكي ليك نكتة :
قالوا لمن ربنا سبحانه وتعالى نزل أبونا آدم وأُمنا حواء نزلهم كل واحد في مكان ... ق ظ ن أو ( قبل ظهور النجايل) والمعيط وما إليه .... أها أبونا آدم لقى ليه شجرة وإتكل فيها .... أُمنا حواء قعدت تفتش فيهوا ..... لفت ولفت ولفت ولفت إلخ .... لحدود ما فترت ..... أها قامت قعدت في ضهر الشجلاة الفيها أبونا آدم .... إنفجأ بيها وإتلفت وقال ليها : صدقيني لي زمن بفتش فيك لمن فترت !!! ..... قالت ليه : والله أنا من محلي ده ما إتحركت !!!!!!!!!!!!!!!!

...
...
...
إنشاءالله أكون أضأت حاجة في البحث ؟؟

Quote: والله يا ناهد ناس الزعّيط والمِعّبط ديل ما عارفهم لأني أنا من ناس الضهر .... لكن أحكي ليك نكتة : قالوا لمن ربنا سبحانه وتعالى نزل أبونا آدم وأُمنا حواء نزلهم كل واحد في مكان ... ق ظ ن أو ( قبل ظهور النجايل) والمعيط وما إليه .... أها أبونا آدم لقى ليه شجرة وإتكل فيها .... أُمنا حواء قعدت تفتش فيهوا ..... لفت ولفت ولفت ولفت إلخ .... لحدود ما فترت ..... أها قامت قعدت في ضهر الشجلاة الفيها أبونا آدم .... إنفجأ بيها وإتلفت وقال ليها : صدقيني لي زمن بفتش فيك لمن فترت !!! ..... قالت ليه : والله أنا من محلي ده ما إتحركت !!!!!!!!!!!!!!!! ... ...

احمد ياخوى .....


شوف الفلاحه بتاعة امنا حوا دى بالله....
قال مااتحركت قال
طبعا اكيد من اليوم داك ياهو بدا اللف واللف واللف
وجوا احفادهم واللى هم نحن طوالى للراحات.....
وهاك ياقعاد فى النجيله(ماحوا كملته)


نشوف



منى جات وانتظرت عمر وعمر اتاخر

عمر:انتى جيتى بتين يامنى
منى وهى تمعط:... دى جيتى من الجامعه قلت اشوفك قبال ارجع
انا قايلك من بدرى هنا
لا بى وين بدرى لى 4 دقائق وحاتك
طيب ارح لبتاع البارد نتدين منو اتنين بارد
ارح...انت ياعمر الراجل بتاع الكشك ده زول تمام كل مامرة بيدينا البارد بالدين
ماتشيلى هم يازوله اشيل ماهيتى واجى ارجع ليه قروشه هو مابقى زولنا وكل يوم شايفنا هنا
لكن انت لبتين حكاية نتقابل ونشرب البارد دى
والله يابت الحلال الله اعلم خليها كده على الله
ونعم بالله لكن انت ماقدمت خطوة ابدا لى قدام
يازوله خليها على الله ...تشربى شنو
اى حاجه
مالك زهجانه
لا
طيب تعالى نقعد ونفكر
ويبدا (التمعيط)فى الراجيهم قدام







(ربنا يكون فى عون الجميع ياااااارب)

Quote: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله

ناااااهد كدى أديني يومين تلاتة كدا

امشى أمعّط وأجيك أديك السر

Quote: :ناااااهد كدى أديني يومين تلاتة كدا امشى أمعّط وأجيك أديك السر

انعام

اليومين انتهوا والتلاته لحقوهم
وانتى ماظهرتى
اكيد عجبك القعاد والمعيط هناك
كان كده النلحقك انا عاد

Quote: ناااااهد كدى أديني يومين تلاتة كدا امشى أمعّط وأجيك أديك السر

سمح.....

الحب البتكلم بلغتين

Quote: الحب البتكلم بلغتين

اخونا ود عمنا الشريف

اريتنى كان عرفت اللغتين ديل شنو
البيخلوا اولادنا يجرجروا ويمعطوا فى النجيله كده
انا مرات لمن اشوفهم بالجد
بكون عايزه اقعد معاهم واقول ليهم
ماتطولوا وتتكلموا كتير..
واعرف كمان المشكله شنو ووين
ياشباب عليكم الله مشوا اموركم على كده
خشوا على بركة الله وخلوها على البركه

والنقه الكتيره دى اغلبها ممكن مابتؤدى لى زواج
بل احيانا ممكن تجيب ليك مشاكل

مثلا زى البنقوا ويقولوا لى بعض ديل

انتى ماقلتى لى..... وانا ماقلت ليك
وانت ياكا كده.... وكان ردك يوم داك كده
وياهو حالك من عرفتك ...وانت مابعرفوا شنو داك
ووووو


مشكووور ود الشريف[/B

الاخت انعام عبد الحفيظ
الاخوان
لؤى
صلاح كشه
كمال سالم
القرضابى
صبرى
الزبير صالح
احمد موسى


لو قلت ليكم جاياكم بى مهله كدة...... بتصدقونى

اها فتكم بعافيه لامن ارجع ليكم

الأخت الأستاذة ناهد

سلام و تقدير

Quote: ولكن لاحظت اثناء اجازاتى المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات...

دي عملية سايكلوجية بحتة ...
لأنو ال بيكونوا في مرحلة خطوبة أو ما قبلها من لقاءات ترجيحية .. بيكونوا تحت وطأة عدة إعتلاجات داخلية مثل تساؤلات لا يقدرون على طرحها مباشرة أو بطريق غير مباشر ... فيقومون بالتنفيس في هذه النبتة الناعمة تقطيعا و تمعيطا مما يعطيهم شعوراً بإنتصار كاذب على الإنهزاميةو عدم الجرأةأمام التي /الذي تجلس /يجلس أمامه /أمامها.. و الذي يدور في الرأس الكثير و لكنهم يقومون بتكملة الترددو ردم هوة الشكوك في هذا الناعم الذي ينساب بين الأصابع.( يعني لو كانوا قاعدين على أرضية فيها حصحاص ما كان بيقدروا يقوموا بأي عمل زى دة ).

Quote: والغريب فى الموضوع انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى.... ......

يعاينو شنو تاني يا ناهد ... معط و معطوها ... و النجيلة الممعوطة تقف شاهداً على مسيرة حياتهم كان الله في العون..

دمت

Quote: دي عملية سايكلوجية بحتة ... لأنو ال بيكونوا في مرحلة خطوبة أو ما قبلها من لقاءات ترجيحية .. بيكونوا تحت وطأة عدة إعتلاجات داخلية مثل تساؤلات لا يقدرون على طرحها مباشرة أو بطريق غير مباشر ... فيقومون بالتنفيس في هذه النبتة الناعمة تقطيعا و تمعيطا مما يعطيهم شعوراً بإنتصار كاذب على الإنهزاميةو عدم الجرأةأمام التي /الذي تجلس /يجلس أمامه /أمامها.. و الذي يدور في الرأس الكثير و لكنهم يقومون بتكملة الترددو ردم هوة الشكوك في هذا الناعم الذي ينساب بين الأصابع.( يعني لو كانوا قاعدين على أرضية فيها حصحاص ما كان بيقدروا يقوموا بأي عمل زى دة ).

ابوجهينه اخوى

عاد بعد كلامك الحقيقى ده حقيقة مااقدر اذيد عليه ولا كلمه

فقط اردد معك قولك(تكملة التردد وردم هوة الشكوك فى هذا الناعم)

اللهم انعم على كل شبابنا بالخير ووفقهم ياااارب



مشكووووووور ابو جهينه لهذه الاضافه الثره

ليكي حق يا استاذه وانتو عندكم الهواء البارد والبرياني ....... احترامي وتقديري ومعزتي والله لناس النجيله

ياناهد يااختى .. عليك الله إنت ماعارفه السبب شنو ؟؟؟؟؟؟؟؟ خلوها مستورة
زى ماقال ( د . على الحاج ) وافهموها ياأحباب ..

تحياتى للاخت الفاضله والعزيزه بنت الناس العزاز ( ناهد بنت بشير ودالطيب)
وتحيات من هم فى كنفى .. كما لايفوتنى أن أشكر لك المجئ لاحتفاء
أبناء بربر وقد كنت ( مع كسر التاء) بدرا يتلألأ فى هذا اليوم لك منى الف شكر
ايتها العزيزه ووجودك كان إضافة حقيقية لهذا الاحتفاء الرائع كروعة حضورك ..
مرة أخرى لك تشكراتنا الكثيره والكثيرة ياغالية ..

تاج السر

Quote: كما لايفوتنى أن أشكر لك المجئ لاحتفاء أبناء بربر وقد كنت ( مع كسر التاء) بدرا يتلألأ فى هذا اليوم لك منى الف شكر ايتها العزيزه ووجودك كان إضافة حقيقية لهذا الاحتفاء الرائع كروعة حضورك .. مرة أخرى لك تشكراتنا الكثيره والكثيرة ياغالية ..

استاذنا واخونا القلبه كبير تاج السر


والله لكن عتاب فى الصميم (وحرقنى ) ..........والعفو على شنو...
انا ناس بربر
ديل عارفاهم كيف هم حنان وطيبين...وكيف بيحبوا الناس ....والبيعجبنى فيهم
ادبهم الشديد فى الكلام ....حقيقى جاورناهم بالسنين .......عائلة شونةبالتحديد
ومنهم اتعلمت حاجات كتيرة منها (الكلام بصوت واطى وهادىء ) هدؤوهم وروقتهم ورقيهم

ومنهم انت استاذنا تاج السر .....

Quote: ليكي حق يا استاذه وانتو عندكم الهواء البارد والبرياني ....... احترامي وتقديري ومعزتي والله لناس النجيله

اخونا وليم ود عمنا اندريا

والله شوف الهوا البارد مابطال وما بناباه
اما البريانى .... تانى ما(يبارينى ) خطوة ...حده هنا ....

تخيل ياوليم لمن اقعد قريب ليهم بيجينى شعور غريب
وبقعد اراقبهم واولادى بيتجاروا هنا وهناك ,,,,,

واقول ياربى قال ليها شنو
طيب ردت قالت ليه شنو
احييييا انا منو.... ليه مابيرد عليها ياربى ادته خبر عن المهر ولا القروش؟
وهى مالها قبلت خلته ماتنتهى من موضوعها ده معاه
ولا ياربى ديل مابتاعين زواج؟ بيقضوا وقت ...



واختك ناهد تلقاها مهمومه بيهم ...
وبى احلامهم والله بمشى زعلانه
وبتمنى كان رجعنا الحديقه تانى القاهم مايكونوا زعلوا من بعض واتفارقوا .......






جيب اضانك
فردت منهم تلاته جوز
وشغاله احرش فيهم على الارتباط ...ادعى لى




تحياتى وتقديرى معاك لكل اهل النجيله طبعا ...



وليم

ماقلت لى ليه طيب بيمعطوا فيها كده ذنبها شنو

Quote: جيب اضانك فردت منهم تلاته جوز وشغاله احرش فيهم على الارتباط ...ادعى لى

اها ياوليم رايك شنو....فيهم جوز خلاص اتخطبوا ...

يقول أهل الحل والعقد أن معط النجيلة يعتبر حالة نفسية متأخرة شأنها في ذلك شأن قضم الأظفار ومردها ربما يعود إلى ضعف شخصية وبالضرورة الخوف من المواجهة بالرغم من إن كل طرف يعرف الطرف الآخر تمام المعرفة وهما أى الطرفين الماعطين لا يكذبان بل يتجملان ، وحتى تكون جميلاً لابد أن تكون الأشياء من حولك جميلة ، وليس هناك أجمل من الخضرة إن شاء الله مفروكة أو بي أرانب حتى ، لكين جلسات زي دي لابد أن يقنن فيها المعط خوفاً من التصحر وتدمير الزرع.
في قريتنا الكائنة مكان جميل الكائنات هناك مزارع إبتلاه الله بأن يمعط أيضاً القش أى نوع من أنواع القش برسيم أب سبعين فرفروج لوبا عفن ، أى علف كان وهو يتونس معاك ومتربعاً على حمارته وجالسا فوق هذا التل من العلف ويشيل ويمعط من تحته وعلى خشمو عديل ، يعني لو إتونست معاهو نص ساعة ممكن يكون أكل نص ربطة القش ولو زادت الونسة على ساعتين حا يكون زيو وزي أى حيوان مجتر وفي بعض الروايات نباتي وده الحالة يتونس معاك إنت يعني لو بتونس مع البالي بالك كان ممكن يكون زيو وزي أى تيس في مسألة العلف. الزهرة على سبيل المثال جميلة جداً في الشجرة لكين لازم نقطعها ونتأملها ليه ما عارف وبعد شوية نلقي كل الزهور والورد إتلحست. يبقي المسألة مسألة تربية وثقافة ، يعني واحد يكون بتكلم في التلفون أيام التلفونات الثابته ليها شنه ورنه تلقاهو يحك في الطربيزة تقول عاوز يصنفرها من شدة الحك كان بي مفتاح أو بي حديدة أو بيده لا بيد عمرو أو يمط ويشد في السلك ويلولو ويفرتق فيها بحسب المكالمة والمتحدث على الطرف الآخر.
الغريبة لمن غنمايتنا تأكل النجيلة يقوموا يصادروها ويحلفوا ما يفكوها إلا بعد ما يحلبوها وندفع كمان غرامة وتعهد بعدم تكرار تعدي غنمايتنا على المال العام وتشوية منظر العاصمة ولم واحد مجكس وحاشي بنطلونو كان حقو كان شاديهو يمعط نجيلة تعلف بقرة هو وجكسايتو وهم يتكلمون كلام ربما خارم بارم لأن جل تركيزهم منصب على معط النجيلة وإجتثاثها من جذورها ولا أجعص محراث يقدر يعمل زيهم يقولو ليك لا كيف دي ما الرومانسية ، أها شنو البخلي معط ناس لا لا رومانسية ومعط غنمايتنا تدمير وتشويه للبيئة بالرغم من إنو غنمايتنا تمعط لتأكل وجماعتك بيمعطو ليضفوا المزيد من الرومانسية على النجيله جلسنا ، أها ده في إعتقادي ضرب من ضروب التهميش برضو والتفرقة.

سلامات يا ناهد,,,

Quote: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله

ننتظر تانى يوم كان مافى زول جاوب إجابة صحيحة ومقنعة,,أخوك بجيبا ليك السؤال ده والله بالجد ساهل لكن
ما عارفو غلب الناس الهنا دى كلهم ليييه

تحياتى

Quote: السودانيين اسمعى يانهله ...انا طبعا شغلى على قدر حالى وظروفى هدى شايفاها بى عينك طيب يامزمل الحل شنو ...نتقابل نتقابل كده لبتين ياخى الناس اكلوا لحمى اسوى شنو قروش مافى ...وهو( بينادى على بتاع الترمس)ياولد جيب ترمس اسمع يامزمل (وهى بتمعط فى النجيله)انا فترت منك عديل كده....احباط ...كل مانتقابل الحل شنو فى رايك يا نهله؟ (يجى بتاع البارد) نزل اتنين بالله..... تشربى سفن ولا بيبسى ؟ اى حاجه ...بس خلينا ياخى نحسم الموضوع ده انا زهجت وامى كل يوم زانه فى راسى ده

مباااالغة يا ناهد

ياخ معطتيهم معيطة النجيلة


د. محمد إنت دفعة بالمناسبة من سيرة حدائق مايو والبرنسات لأني

لحدي هذه اللحظة ما شفت ركشة بعيني إلا في صورة أو بوست من

بوستات عبد المنعم سليمان أو نستا وياااحليل أيام زمان !!



تحياتي لكما





صلاح واسبه

مع النجيلة زمان يا ناهد بيكون في ( طقطيق اصابعين)

هسه بقت ( كسير تلج)

يا حليل زمن درديق النجيلة ومعيط النجيلة واكل النجيلة ( الاخيرة دي في الكورة)



جايييك



جمال

عشان كده أنا بقول أستاد الهلال ده مالوا نجيلتوا ممعوضه من العليهوا؟؟؟؟؟؟؟؟؟

جمال إهداء من دحدوح عن يمينوا وعن شمالوا حبيبي مالوا.

العزيزة ناهد مع أنو في كنبات في كل الحدائق الخضراء والناااس جالسه أرضا فوق النجيلة عشان الميعيط ده

حالة من مراحل العمر يصلع به المرء يومئذ !

بنعود بعد ما تصلع النجيلة من مجلسنا.

،،،،أبوقصى،،،،

Quote: مباااالغة يا ناهد ياخ معطتيهم معيطة النجيلة د. محمد إنت دفعة بالمناسبة من سيرة حدائق مايو والبرنسات لأني لحدي هذه اللحظة ما شفت ركشة بعيني إلا في صورة أو بوست من بوستات عبد المنعم سليمان أو نستا وياااحليل أيام زمان !!

وده حالتوا ماحكيت ليك باقى الحوار الدار بينهم

دكتور محمد ده ......طبعا ...اخر دفعه بتاعة حدائق زمااااان ديك .......

Quote: د. محمد إنت دفعة بالمناسبة من سيرة حدائق مايو والبرنسات

بالله يا صلاح هو ده انت

يا اخ انا من قبل الانتفاضة بفتش عليك

لانو زمان لمن كان الزمن سمح والبرنسة بي شلن

والهوا نضيف
والناس شوية
والحب مدفق بين الناس
جاي من بحري بي كبري شمبات
وماشين انا والحنان كداري
واحلي جو والدنيا ليل

ونحن في نص الكبري نغازل في النيل وغازل النيل في عيونا

اذا بصوت ينطلق من احدى البرنسات المتجهة الى امدرمان
وهو يقصدني

( اوع يغشك)

ي

Quote: ننتظر تانى يوم كان مافى زول جاوب إجابة صحيحة ومقنعة,,أخوك بجيبا ليك السؤال ده والله بالجد ساهل لكن ما عارفو غلب الناس الهنا دى كلهم ليييه

اقببببببببببببببببببض واحد ايمن

ياهو انت زاتك الانا راجياه.........ديل تلاته ايام
ماجيت مالك جبت الاجابه وكتين هى هينه كده
غاااااااااايتوا ..........

اها الاجابه شنو لانى مازلت بفتش ليها مع العالم ده
اها شنو

Quote: يقول أهل الحل والعقد أن معط النجيلة يعتبر حالة نفسية متأخرة شأنها في ذلك شأن قضم الأظفار ومردها ربما يعود إلى ضعف شخصية وبالضرورة الخوف من المواجهة بالرغم من إن كل طرف يعرف الطرف الآخر تمام المعرفة وهما أى الطرفين الماعطين لا يكذبان بل يتجملان ، وحتى تكون جميلاً لابد أن تكون الأشياء من حولك جميلة ، وليس هناك أجمل من الخضرة إن شاء الله مفروكة أو بي أرانب حتى ، لكين جلسات زي دي لابد أن يقنن فيها المعط خوفاً من التصحر وتدمير الزرع. في قريتنا الكائنة مكان جميل الكائنات هناك مزارع إبتلاه الله بأن يمعط أيضاً القش أى نوع من أنواع القش برسيم أب سبعين فرفروج لوبا عفن ، أى علف كان وهو يتونس معاك ومتربعاً على حمارته وجالسا فوق هذا التل من العلف ويشيل ويمعط من تحته وعلى خشمو عديل ، يعني لو إتونست معاهو نص ساعة ممكن يكون أكل نص ربطة القش ولو زادت الونسة على ساعتين حا يكون زيو وزي أى حيوان مجتر وفي بعض الروايات نباتي وده الحالة يتونس معاك إنت يعني لو بتونس مع البالي بالك كان ممكن يكون زيو وزي أى تيس في مسألة العلف. الزهرة على سبيل المثال جميلة جداً في الشجرة لكين لازم نقطعها ونتأملها ليه ما عارف وبعد شوية نلقي كل الزهور والورد إتلحست. يبقي المسألة مسألة تربية وثقافة ، يعني واحد يكون بتكلم في التلفون أيام التلفونات الثابته ليها شنه ورنه تلقاهو يحك في الطربيزة تقول عاوز يصنفرها من شدة الحك كان بي مفتاح أو بي حديدة أو بيده لا بيد عمرو أو يمط ويشد في السلك ويلولو ويفرتق فيها بحسب المكالمة والمتحدث على الطرف الآخر. الغريبة لمن غنمايتنا تأكل النجيلة يقوموا يصادروها ويحلفوا ما يفكوها إلا بعد ما يحلبوها وندفع كمان غرامة وتعهد بعدم تكرار تعدي غنمايتنا على المال العام وتشوية منظر العاصمة ولم واحد مجكس وحاشي بنطلونو كان حقو كان شاديهو يمعط نجيلة تعلف بقرة هو وجكسايتو وهم يتكلمون كلام ربما خارم بارم لأن جل تركيزهم منصب على معط النجيلة وإجتثاثها من جذورها ولا أجعص محراث يقدر يعمل زيهم يقولو ليك لا كيف دي ما الرومانسية ، أها شنو البخلي معط ناس لا لا رومانسية ومعط غنمايتنا تدمير وتشويه للبيئة بالرغم من إنو غنمايتنا تمعط لتأكل وجماعتك بيمعطو ليضفوا المزيد من الرومانسية على النجيله جلسنا ، أها ده في إعتقادي ضرب من ضروب التهميش برضو والتفرقة

اخونا الملا عمر..............

نقلت ليك موضوعك زى ماهو من شدة ماهو جميل وخفيف الدم...
وردك فااااااااهم بدون مجاملة والله .....
وحااطلع منه تلاته مواضيع ايه رايك
واذكر انه انت المحرض للمواضيع دى ...


قتلى.... مافى اجمل من الخضره حتى لو مفروكه
وبيتكلم وين .... فى الثابت ويحك فى التربيزه
وقلت لى كمان .... بيده لا بيد عمرو [/B

طبعا مباااااااااااالغه....



المهم ماعندى مااقوله ليك غير (على النجيله جلنا)


ومشكوووووووووووووووووور
حقيقى مشكووووور على اللطف ده
بنتلاقى ان مد الله فى الاجال






تانى...
قتلى مافى اجمل من الخضره حتى لو مفروكه
وبيتكلم فى الثابت ويحك فى التربيزه
وقلت لى بيده لا بيد عمرو

Quote: السودان بقى جميل جدا ....الخرطوم اخضرت ...بالحدائق الجميله والمتنزهات الرطبه بتفتكروا ليه ناس اتنين اتين ديل بيمعطوا النجيله كده......

دايرين السودان ما يبقى جميل....والخرطوم ما تخضر...

Quote: دايرين السودان ما يبقى جميل....والخرطوم ما تخضر

اخونا منزول

معقوووووووول ........
مااظن....
ديل غلابه
دايرين خضير لقلوبهم...
وتتويج لعلاقتهم( النجيليه) مااكتر


شكرا يامنزول

يكونوا يا ناهد
متفقين مع ناس تنظيم وتنسيق الحدائق
عشان يواصلوا عملهم وما يفصلوهم
أرزاق
!!!

الاخت ناهد

تحية وسلام

بوستيك ده مكرب شديد

لكن خايفو يكون شرك ولا بوست مفخخ

عشان تعرفي ناس النجيلة

وبقولوا شنو اثناء عملية تمعيط النجيلة

عموما بتابع معاك وأشوف

كل الود

يمعطوا فيها عشان حاجات كتيرة ما دايرا تكتمل ليهم
حراق روح يعني
ما في حل وحاتك غير معيط النجيلة
أخير من الواحد فيهم يمعط شعر رأسو


ربك يهون

Quote: يمعطوا فيها عشان حاجات كتيرة ما دايرا تكتمل ليهم حراق روح يعني ما في حل وحاتك غير معيط النجيلة أخير من الواحد فيهم يمعط شعر رأسو

بله ازيك ياخى


هى فعلا حراق روح وقرفه وزهجه ...من اوضاع وظروف كتيرة
بتثقل عليهم كل يوم والتانى .....بيتعب فيها الواحد والواحده منهم
فى كيف يقدروا يمشوا بالمركب دى... لى قدام بدون ماتلاقيهم اى عوائق


شوف الحل فى مقاطعة النجيلة زااااااتها مؤقتا.... ويقعد كل واحد مع روحو
ويشوف قعادها ده وزعميط زريعاتها اثمر عن شنو والباقى شنو
والمطلوب شنو..وده حده وين ده.....



ولو تقضية وكت ده عاد شى براه
الله يكون فى عون النجيله ....وعونى انا.... الحانه وشايله همهم
كل مااخت ثرامثى بتاعة الشاى ...وفول الحاجات.... واعاين ليهم ....





تانى ب بعاين بعيونى....

نظام تمرين وشد عضلات يا ناهد
عشان كل واحد يقدر يمط شعر التاني بسهولة
بعد الزواج
--
لاحظي للمتزوجين القاعدين في النجيلة وكل واحد مدي ضهرو التاني
تلقي الصلعة واصلة الرقبة من كترة التمعيط

Quote: -- لاحظي للمتزوجين القاعدين في النجيلة وكل واحد مدي ضهرو التاني تلقي الصلعة واصلة الرقبة من كترة التمعيط

اخونا عمر التاج

غااااااااااااايتوا دى بالغت فيها عديل يازول


مشكوووووووووووور عمر

احمد إنسان ظريف ولطيف اكبر أخوانة كان شطارته في الحلة زى الدهب لمن تنعكس علية أشعة الشمس سافر الخرطوم ومعاة ثلاثين جنية لمن زاعو أسمة ضمن المقبولين في الجامعة ، أبوة رغم رقة الحال ما شال ليه هم والهم يجية من وين ما ولدوا ناجح وبي بوكسنج كبير يعني التعليم مجاني والسكن مجاني والأكل مجاني وعارف ناس الحكومة نظرتم نجيضة يعني حايدوة مصاريف كمان ولية لا ما دة البيحصل مع كل زول شاطر في بلدنا السمحة دى .المهم احمد كان عارف هدفه شنو وعارف انو امة وأبوة وأخواته الثمانية ماعندهم سند غيروا وكمل سنة أولي بامتياز وسنة تانية بامتياز ، أها لمن جات تالتة وفي حفل استقبال الطلاب الجدد شافه ليك برلومة دوشت راسة وفي التعارف لمن فتحت خشمة سمع ليك صوتها زي صوت القمري وقت المغرب في شجرة النيم الفي بيتم.سعاد محمد من قرية حلة كول سنة أولي اقتصاد،صوتها لي تأني يوم يرن في أضانة ،سعاد محمد ،سعاد محمد وتأني يوم من الفجر لقي نفسه داكي محاضراته وواقف جنب مدرج البرالمة ولمن المحاضرة الأولي بتاعتهم انتهت وشافها مارقة قلبوا قرب ينط من صدرة ولأنو من الريف وما يعرف يلف ويدور مشي عليها طوالي وهي من شافتة أتذكرته طوالي ومن نظرات عيونه عرفتو مستشهد ولأنو قلبها برضو دق أمبارح لمن سلمت علية أتقدمت في اتجاهه ولمن سلم عليها حست برجفة في يديه.اها من اليوم داك أحمد بقت الأهداف قدامه هدفين يخلص جامعته ويفرح أهلة ويسندم وفي نفس الوقت يفرح نفسه بي سعاد وقرر انو أول ما يتخرج يشتغل ويعرس وفي نفس الوقت ما حايقصر مع أهلة ما الوقت داك البلد سمحة، بالماهية تفتح بيت وتساعد أهلك وتمشي أخر السنة تتفسح ليك عشرين تلاتين يوم في القاهرة ما الناس ما كانو يعرفوا فسحة في حتة غيرها.المهم أخونا أحمد بقي كل يوم العصر يا في المكتبة يا في الحدائق ومعاة سعاد يزعمطوا في النجيلة ساكت لمن اشتكت وبكت ، أها أحمد أتخرج ويومو الشال الشهادة سافر البلد عشان يفرح أبوة ولمن وصل البلد كانت الساعة حداشر الضهر يعني أبوة حايكون في الورشة بتاعت السكة الحديد ماهو شغال هناك عامل وقرر ِاحمد انو يمشي الورشة عديل من دربة وفعلا وصل الورشة ولقي أبوة وسلم علية بالأحضان وأبوة فرح فرحة لمن دموعه نزلت عشان خبر التخرج والحقيقة ما فرح براه ناس الورشة كلهم فرحوا معاه وبعد ماشربوه الشاي أها أبوة قال ليه وهو بيضحك بعد دة ما فاضل غير العرس لازم تشوف ليك بنية تعرسا ،أحمد قال لأبوة بالأول النشوف حقك علينا والعرس ملحوق قام أبوة قال ليه حقي ما هادا جبتو بشهادتك دى دحين أمشي فرح أمك وبعدين بجيك في البيت .حقيقة أحمد من داخل نفسه كان فرحان بس كلام أبوة عن العرس ده ما ريحوا وفكر بينة وبين نفسه يمكن أبوي دة خاتي عينة علي واحدة من قريباتنا وعاوزني أعرسها المهم شال الكلام من خاطر لمن وصل البيت وسمع زغاريد أمو وبنات الحلة وقبل وقت الغدا جا أبوة في تكسي وشايل لية خروف والحلة كلها أتغدت عندهم اليوم داك.
بالليل كده لمن أبوة ناداه في الحوش البيغادي وسالة آه عندك عروس ولا نخلي أمك تفتش ليك قلبه دق دق بقي ينطط في صدره وقال ليه في الحقيقة يا أبوي عندي عروسة لكن خايف أمي ما توافق عليها ،أبوة قال ليه إن بت ناس ما تشيل هم أمك ، أمك دي إنا البقنعا ليك أها بت ناس منو قال ليه والله هي طالبة في الجامعة من قرية حلة كول أبوة أتبسم وقال ليه نعم الناس علي بركة الله.لاحظوا معاي للحين أحمد ما اشتغل يا دوبة أتخرج لكين الموضوع دة ما كان مشكلة الوقت داك ما كانت البلد سمحة والبتخرج من الجامعة بيعزل الشغل وماهية ماهيتين وممكن يفتح ليه شارع بحالة ما بيت بس.
أحمد رجع بعد أسبوع الخرطوم ومشي لناس لجنة الوظايف القومية أدوه استمارة عباها المؤهل ورقم الجنسية وأقرب تلفون ليه أها أحمد طبعا أتخرج يعني حايمشي يسكن مؤقتا عند ناس خالته في السجانة عشان كدة كتب رقم تلفون الدكان الجنب ناس خالتو .ومن هناك مشي الجامعة ولمن شاف سعاد من بعيد جري عليها وقال ليها أها أنتي ماشة بلدكم بتين قالت لية ما انت عارف بعد شهرين كده قال ليها أها بعد ما تمشي بي أسبوع كده بنحصلكم أنا وأبوي أعمامي .
المهم يومين ثلاثة كدة وعبدو بتاع البقاله يوم يرسل لية الولد الشغال معاة قال لية عندك تلفون لمن مشي علية لقي واحد بيقول لية أحمد اللمين قال لية ايوة، احنا بتاعين الوظائف وهسي شهادتك دي طالبنها ناس المالية وناس وزارة الثروة الحيوانية عاوز ياتها فيهم أحمد أخد لية صنة يفكر الراجل قال لية يا ولدي المالية أخير ليك علي الأقل فرص البعثات فيها أكتر وإنت فكر ، قام أحمد قال لية طوالي خلاص يا عم المالية المالية ورد علية الراجل الفي التلفون علي بركة الله بكرة من الصباح تجينا عشان تشيل ورقك وتمشي المالية .
بعد تلاتة شهور وأحمد بدأ يجهز في موضوع الزواج وأجر لية بيت جنب ناس خالتة واشتري لية غرفة نوم وكم سرير وثلاجة بالأقساط من النقابة بتاعت العمال ومعاها تلفزيون وأتفق مع سعاد تخلص سنة تالتة ويعرسوا طوالي وبعد داك تكمل قرايتها والبنية وافقت واهلها وافقوا،في يوم خميس سهرت حلة قريةكول للصباح في عرس أحمد وسعاد ما الوقت داك ما كان في حاجة اسمها الحفلة تنتهي الساعة حداشر ، ما قلت ليكم الزمن داك البلد بخيرها.لكن للأمانة احمد وسعاد ما خلوا عادتهم في انو يمشوا الحدائق كل يوم خميس ويقعدوا يمعطوا في النجية ما كانت قلوبهم مليانة حب والعرس ما طفي بريق العاطفة عندهم اها بعد سنة سعاد اتخرجت وقدمت أوراقها لناس لجنة الوظائف وجاها الخبر انها عينت في المالية وهي ما كانت عاوزة حاجة أحسن من كدة ما حاتبقي جنب أحمد ودة كل مناها ،أها بعد دا يا أحمد لازم تشوف درب العيال ما كنت مؤجل الحكاية دي عشان سعاد تكمل قرايتها وهسي مافي سبب تاني قالها احمد بينة وبين نفسة وأحمد في الحقيقة كان شاغل نفسة في النقابة بتاعت الموظفين ماهو في الجامعة كان في الرابطة وجاء في الحياة العملية ولقي النقابة قال يشغل نفسة لغاية سعاد ما تخلص جامعة. المهم سنة وسعاد أخدت ليها إجازة وضوع من المالية ومشت ناس امها عشان تولد والسنة البعديها في نفس الوقت اخدت الإجازة التانية ومشت برضوا ناس أمها وبقي عندها محمد الكبير وناهد الصغيرة .وجات راجعة.يوم رجعتها كانت أربعاء أحمد كان ماخد لية يومين إجازة أها يوم الجمعة من الصباح سمعوا ليك في الراديو بعد قليل سيذيع عليكماالجيش بيان فترقبوة المهم أحمد سمع البيان وعرف منو انو في إنقلاب والجيش استلم الحكم ما انشغل كتير بالموضوع دة وهو ما فارقة معاة الجيش يستلم ولا ما يستلم هو طول سنينة في الجامعة ما كان شغال غير برابطة الطلاب وسعاد.
يوم السبت ساق سعاد والولد والبنت ودوهم الحضانة ومشوا الشغل قدام باب وزارة المالية لقي ليك صاحبة وزميلة في النقابة طارق وقال ليه يازول أنت ماشي وين احمد قال ليه وين يعني شنو ما داخل الوزارة عشان المواعيد جات فقال ليه طارق يا زول البلد استلموها العساكر وفصلوا للصالح العام كل أعضاء النقابة وبالمناسبة سعاد زاتها فصلوها معاك.
توكل احمد علي الحي القيوم ورجع الحضانة وساق عيالة وقال لصاحبة الحضانة انو ممكن كدة لفترة مؤقتة ما بيقدروا يجيبوا العيال .ومشوا البيت واحمد لأنوا كان إنسان رباة أبوة علي الإيمان بالقدر ما إتضايق كتير وقال لسعاد بعد الغداء كدة انو من بكرة حايمشي يشوف ليه شغل في القطاع الخاص ويمكن لخير انو فصلوه عشان راتب القطاع الخاص أحسن المهم تاني يوم لبس أحمد ملابسة من الصباح ومشي لصاحبة وزميل دراسته التوم ، والتوم ده كان صاحب أحمد في الجامعة شديد وما بيتفارقوا أبدا والتوم ولد عز أبوة عندة شركة توريد ومقاولات وهو الولد الوحيد عند أبوة ولمن أتخرج أبوة خلي لية الشركة يديرها وقال لية كفاية علي لغاية هنا ، المهم دخل أحمد علي السكرتيرة ولمن كانت بتعرفة صاحب التوم قالت لية مرحبة أتفضل سيد التوم بالداخل ودخل أحمد علي صاحبة الذي رحب بية وحكي أحمد حكايتة مع ناس الإنقلاب وضحك التوم وقال لية عفارم عليهم ما أنا من زمان قلت ليك خلي حكاية الحكومة دي وتعال أشتغل معانا وانت الأبيت المهم عادل قال لية قدر الله ما شاء الله فعل المهم أحمد أتوظف براتب ضعف راتبة في المالية والأمور رجعت أحسن من الأول .
أها يوم الخميس ساق ليك سعاد والوالد والبنت وراحوا الحدائق زي عادتهم من يوم ما عرفوا بعض وحتي بعد ما اتزوجوا بس بقي في موضوع واحد زيادة مع قطيع النجيلة الما خلوها في حالها لغاية هسي وهو شراء الأيسكريم للعيال. لمن رجعوا البيت بالليل سعاد قالت ليه لازم بكرة الجمعة من الصباح تروح تشتري خروف كرامة ، الشغلانة الجديدة لازم تكرم ليها أحمد قال ليها حاضر ومن الصباح مشي جاب الخروف ونادي خالتة وزوج خالته وعيالها وناس الجيران وكملو الخروف كله في الفطور بس .
يوم السبت قبل صلاة الظهر السكرتيرة قالت لية سيد التوم دايرك في مكتبة مشي علية لقاة وشوا ما ياهو حس بية ما صاحبة من سنين كيفن ما بيعرفوا المهم بقي التوم يقول لأحمد كلام كدة ما مترابط عن أنك عارف معزتك عندي وأنو أحنا أخوان وكدة قام أحمد قال لية انت يا التوم مالك في شنو ما تتكلم واضح التوم قال لية في اتين من ناس الأمن جونى قبل شوية وقالوا لي انت بتشغل في ناس المعارضة المغضوب عليهم ومرفودين من الحكومة وده تحدي للحكومة اما تمشي الزول دة وإلا تاني ما تمني نفسك بمناقصة حكومية وناس الضرائب بيزوروك بكرة عشان حصل سوء تقدير في إحتساب ضرائب الأعوام العشرة الفاتت وانت حر أختار وأها هسي أنا ما عارف أعمل شنو ، أحمد ولآنو مؤمن برضو قام قال ليه أنت ما قصرت تب معاي وأنا ما بدور ليك الضرر ، لينا رب أسمة الكريم وترك مفاتيح العربية بتاعت الشركة علي طاولة التوم وقبل أن يغادرة شاف دموع بيحاول التوم أنو يمسحها من عيونه ويداريها .
أها من اليوم داك أمور أحمد أتلخبطت بس ما خلا عادة مرواح الحديقة كل خميس بس الأتغير المرة دي أنو بقي يقبل علي الهلتون في نفس الوقت البتقبل فية سعاد تعاين لجزيرة توتي والمعدية ماشة جاية ، أها ونسيت أقول ليكم أحمد وسعاد بطلوا زعميط النجيلة وكما بطلوا يشتروا أيسكريم للعيال.

قلق

Quote: قلق

قلق وقرفه وزهجه وطفش


مشكووووور

الاخوان العزاز


انا جاياكم للرد بس اخد نفسى كنت جاكه

بحبك

؟؟

ما بحبك

؟؟

بحبك

؟؟

ما بحبك

؟؟

بحبك ؟؟؟

خلاص بحبك ... النجيلة كملت!!!

النجيلة ذاتها خشم بيوت

وحلاقتها ذاتها مختلفة

بديك اشكال حسب الحلاقة

في نجيلة على الزيرو

وتانية على شكل كورة

ومقلمة


والدليل ( استادات الكورة في الدول الغنيانة) والمنتزهات والحدائق

نحن عندنا نيل ومطر وموية وارض ولسه بنلعب الكورة في الدلجة

(للما عارفين - الدلجة : هي الارض الناشفة التي ليست بها اي ذرات رمل يعني زي البلاطة وطوالي مع ناس الكورة لو انزلقت فيها بتعمل ليك جرح مدور على شكل ريال)

يا اخوانا في نجيلة في حديقة دبي انا اصلو ما شفت متلها في النعومة والاخضرار

غايتو ناسنا البيمعطو ديل لو مشو دبي بيحصلوها امات فاطنة ( فاطنة دي منو انا ما عارف)

السر شنو ياجمال .....روحى محرقانى ...دايرة اعرف ....

جاية للاخوة بالردود واحد واحد.......

Quote: بحبك ؟؟ ما بحبك ؟؟ بحبك ؟؟ ما بحبك ؟؟ بحبك ؟؟؟ خلاص بحبك ... النجيلة كملت!!!

الاخ عبود


وهى بتمعط....وهو برضو ......

اسمع ياعوض انت دايرنى
اى طبعا دايرك
احلف
بالجد دايرك انتى ماامل حياتى
خلينى من امل وحياة دى
اها اقول ليك شنو
لا ماتقول ....اها جاى لى ابوى بتين
لمن امى تجى من الشماليه
طيب ابوك واخوانك وينهم مايجوا يكلموا ابوى
ابوى لكن ما.....
ماشنو ؟ ابوك مامالوا
ابدا بس
بس شنو مالك انت ياعوض فى شنو
ابدا انتى ماماعارفه فى مشكله كده
مشكلة شنو كمان؟
امى
مالها
رافضه
شنووووووووووووو؟
رااااااااااااااافضه
كيف رافضه يعنى
بس كده قالت الا اخد بت اخوها وانا مادايرها
والله دى قصة والله ...ياعوض ....وطيب اها انت رايك شنو؟
ماعارف؟
لا خلاص لمن تعرف تعال قابلنى عليك الله شوف جنس ده ....امى قال

مع السلامه

وهنا يتم ....جز كامل للنجيلة وليس تمعيط عادى .....من قبل الطرفين



مشكووووووووووو عبود الا تعال راجع للونسه دى...وكتين تزهج

Quote: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله

عندهم معاها تار بايت ياخ
واللا يمكن قالوا بدل يقطعوا مع بعض ناشف احسن يقطعوا النجيلة
والله أعلم .

Quote: عندهم معاها تار بايت ياخ واللا يمكن قالوا بدل يقطعوا مع بعض ناشف احسن يقطعوا النجيلة والله أعلم .

اخونا طلحه عبدالله

هى كده فعلا .....بدل مايقطعوا مع بعض ناشف ........
نشوف القطع الناشف (مرتجل)


كترتها ياعوض مرقاتنا دى
مالها مامرقات بريئه
ماقلنا شىء لكن عاين الساعه كم هسى
عايزه ترجعى
نقعد حبه عارف ابوى صعب المرقه ياالله ياالله
برجعك بعدين
ماقصة بترجعنى قصة ماحددنا حاجه لسه
زى شنو الحاجه دى
العرس مثلا
عرس ؟ عرس شنو يامنى
اجى وامال جايه مقابلاك ومخليه قرايتى عشان شنو
مقابلانى اها عشان العرس ؟انا ماداير اعرس
وامال شنو ياعوض؟
نتونس بس كده...
نتونس ؟ لا يااخوى انا بخليك....انا مادايره اتونس
والله لو كان ده هدفك يامنى...خلينى كان دايره تخلينى....(بنات جنها عرس)
قلت شنو؟ بتطنطن كده ...
لا ابدا ماقلت شىء
اسمع ياعوض ودعناك الله
اها ودعناك الله ....
عوض يطنطن (بنات سياستهم اصلوا ماواضحه ....قال عرس قال ) ياولد يابتاع الترمس تعال
جيب بى 50 ........



وبى كده نكون فقدنا تانى اتنين من الممعطين فى (النجيله)

Quote: الخرطوم اخضرت ...بالحدائق الجميله والمتنزهات الرطبه ...للجميع ....ولكن لاحظت اثناء اجازاتى المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات...

ناهد كيف حالك..

ما الواحد بكون بين خيارين يا يمعط النجيله يا يمعط شعر البنية..
فبقوم يختار اخف الضررين..لكن كان عاقل واتوكل على الله..
ولعن ابليس ومعط شعر البنية وفرتك من الراجيه كان اخير ليه.

Quote: انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى....

ناهد اتحداك كان تلقى 5% من المتزوجين بمشوا محل النجيله زاتو!!!!
يعاين للنجيله؟؟طيب اسالى الجماعة ديل قولى ليهم لون الكبرى القطعتو
شنو كان لقيتى واحد فيهم شاف الكوبرى والا استمتع بمنظر ملتقى النيلين
احلق شنبى..
بعدين يازوله هوى يمعط شعر راسك..انت ماعارف بعد الزواج المعط ما ببقى
للنجيله ..معط شعر..معط ماهية..معط العمر،،،

ياناهد بالجد كده إنتى خطيرة جداُ بعد الكرس القدام الباب رجعتى الناس لقطيع النجيله ــ بس فى حاجة واحده إنتى نسيتيها ــ يعنى أثناء تقطيع النجيلة بيقوموا يجوك أولاد صغار كده ـ تلقى الواحد فى اللحظة البيقطع فيها النجيلة يقوم يقول الولد الصغير ده يقول ليك (( هــاك الماكســـى يأ..... هاك الماكســـى يا ) تخيلى فى اللحظة ديك فى ناس تقوم كمان تشترى لبان الماكسى للبنيه ))

Quote: بس الأتغير المرة دي أنو بقي يقبل علي الهلتون في نفس الوقت البتقبل فية سعاد تعاين لجزيرة توتي والمعدية ماشة جاية

والله في ناس بعد يمعطوا النجيلة التحتهم كلها وتبقى الحتة زي استاد الهلال يقوموا يمعطو شنبهم.

Quote: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله

هههههههههههههههههه
والله صحي ...ملاحظة الكل بيلاحظها...
المشكلة يا اختي ناهد في السودان العوائل ما بيحبو يمشو المتنزهات والحدائق ..
ويستغربو لو طلبت منهم يتلاقو في شكلة ترفيه هناك ...
ما عارف الاحساس بتاع انه الحدائق ما بيناسب الاسر في السودان جايء من وين؟؟
عكس الخليج ...كل الاسر نهاية الاسبوع غداءها في الحدائق..
تحياتي...

العزيزة ناهد بشير الطيب تحياتي

هذا البوست لديه جانب مهم جداً يا ناهد لم يتطرق إلية المتداخلون البتة حيث أنه يوضح بجلاء الإختلال في البنية الثقافية والإجتماعية ما بين المركز وما يمكن تسميتة الأطراف ( الهامش ) عشان ما يزعل مننا بعض أبناء المركز . يعني نحن لا نجد في الأطراف اي نجيلة لنمعطها أثناء مغالبة تيار الحب عندنا وأكثر حاجة يمكن أن نفعلها هي الجلد بالسوط في أثناء السيرة أو مكان الأفراح عموماً ولذلك تكون المسافة أو التلاقي مستبعدأً إذا لم يكن مستحيلاً وتكون اللغة في التواصل تحمل مزيدأً من المشاق علي أساس فردي بحت .
غايتو عندنا مثل بقول إلبل بعدن بالسفير لمن يجي الخدير .

بحيراوي

الاخت ناهد الطيب

بفتكر سبب معيط النجيلة هو نفس السبب الخلى الريس بيل كلينتون يتحسس انفو ( نخرتوا) كثيرا امام المحلفين في فضيحة مونيكا لونسكي .
كنت بستغرب ليه الزول دا كل مره يسألوه يقوم يهبش نخرتوا و ناسك ديل بيعملوا نفس الشئ مع النجيلة .