Post: #1
Title: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-01-2008, 08:01 AM
Parent: #0
الأستاذ صلاح سري.. هذا الفنان الأصيل..
لا تكاد تميز بينه وبين آلة الأكورديون عندما ينسجم معها في أداء راق
صلاح سري حالة من حالات الانصهار والتوهج في ساعات العطاء..
موهبته الكبيرة صقلتها خبرة السنين الطويلة...
صلاح ومجموعة أماسي الموسيقية كانوا نجوماً في لقاء بورداب جدة..
أتحفونا برائع النغم..
بأريحيته المعهودة قال: والله أنا أول حاجة بعملها في اليوم بشوف سودانيز اونلاين..
هي ذات التلقائية التي اقتحم بها أغنية يا ضلنا.. فكانت من أنجح الأغنيات في الفاصل (التعبان) بتاعي..
لا بروفات ولا يحزنون... يعزفون مزيكة نضيفة بس.. يبدعون ويفرحون..
التحية لهذه الفرقة الأنيقة..والتحية للأستاذ صلاح سري قائدها الخبير المحنك..
شكر خاص للأستاذ الرائع حسن خليفة.. هذا الفنان المطبوع.. نشكره لأنه جعل هذا الفرح ممكنناً..
ولأنه بمبادرته الرائعة أضاف هذه الفرقة الماسية إلى كرنفال فرحنا .. شكراً جميلاً يا حسن..
طلب الحصول على عضوية منبر سودانيز اونلاين نرفعه مشفوعاً بكل ابتسامات أطفالنا وزغاريد أمهاتهم..
لأن صلاح سري فعلاً يعتبر إضافة حقيقية نضمن لكم جميعاً أهميتها في المواضيع المتعلقة بالموسيقى السودانية..
وعارفين بكري ما حا يقصر..
يلا يا شباب دعمكم لا غنى لنا عنه..
صادق المودة والتقدير..
محمود
تباريخ الهوى (وسط - لأنه سكيل صول ما كان مناسب يا شيخ صلاح.. هههههههههه)
جواز سفر (مية مية)
يا ضلنا (ألف.. قون عديل كدا)..
|
Post: #2
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-01-2008, 08:18 AM
Parent: #1
نشير إلى أن البريد الإلكتروني الخاص بالأستاذ صلاح سري هو :
[email protected]
[email protected]
العناوين أعلاه لاستلام الباسوورد.. معجبات كيف يا شيخ صلاح؟؟؟ ههههههههه
طبعاًأكيد في ناس وقع ليهم في جرح إيميلات صلاح..
خاصة ناس أستاذنا يوسف الموصلي وأستاذنا أزهري والكثير من الرائعين..
تحياتي..
|
Post: #3
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: حسن إبراهيم خليفة
Date: 07-01-2008, 09:00 AM
Parent: #1
دأئما سباق للخير .... يامحمود يا رائع.
كنت قد وعدت أخينا وحبيبنا الفنان الرائع صاحب الأنامل اللي تتلف في حرير صلاح سري بأن أنزل بوست بخصوص عضويته بعد الأرشفة مباشرة ، ولكن سبقتني محبتكم للأخ صلاح سري يا محمود.
صلاح سري رجل فنان بمعنى الكلمة عزف مع العديد من رواد الفن السوداني ، وشارك كثيرا في كل حفلات جدة وهو عضو أصيل أو بالأصح رئيس لفرقة اماسي الفنية والتي تضم في عضويتها فطاحلة العازفين في السودان . فأنا عندما أشارك في أي حفلة هو موجود فيها أشعر بالإطمئنان خاصة وأنه يحفظ السلالم عن ظهر قلب ، كيف لا وهوالذي يعشق الفن ويذوب صبابه في أغنيات جميع رواد الفن السوداني، أسرته الصغيرة أسرة كلها تعشق الفن بكل ألوانه ، إبتداء من حرمه المصون الأستاذة نعمات والتي تتواجد في كل عمل يخص السودان والسودانيين فهي شعلة متوقدة من النشاط تبذل كل وقتها وجهدها ومالها من أجل وطنها الكبير السودان و وطنها الصغير (مدني يا أجمل خبر) كان من المفترض أن تشاركنا هي وأبنائها حفلنا ولكن للاسف لم نحظى بمشاركتهم ، ولكن كانت مشاركة صلاح ومحمد كبيرة في أعيننا فلهم الشكر والتقدير.
كتبت هذه الكلمات كمقدمة فوالله إني صادق فيها وإني لم أكتب إلا اليسير من ما يختلج بداخلي عن هذا الفنان القامة والذي يستحق عضوية مشاركة معنا في سودانيز اون لاين.
أتمنى من الأخ أبوبكر سيد الحوش أن يتحفنا اليوم بالباسوورد.
الأخ صلاح سري سوف يقدم لنا الكثير عبر تجربته مع كبار الفنانيين السودانيين.
وأتمنى من الأخوة بورداب جدة أن يساعدونا في رفع هذا البوست حتى تتم الإستجابة.
آسف جدا يا سري إني تأخرت في عمل البوست ... ولكن أخي وحبيبي محمود ما قصر ونحن الإثنين واحد .. ولا شنو؟
أرجو أن أستميح الأخ صلاح والأخوة أعضاء فرقة أماسي في إنزال بعض الصور لهذه الفرقة الموسيقية.
|
Post: #5
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: يازولyazoalيازول
Date: 07-01-2008, 10:16 AM
Parent: #3
وأنا معكم أثنى على عضوية هذا الهمام
ويا بكرى مرحب بالمختصين وأهل الفن والخبرة والمعرفة فى هذا الوطن الجميل
|
Post: #14
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-01-2008, 12:04 PM
Parent: #3
حسن الجميل.. أيها البلبل الصادح..
| Quote: آسف جدا يا سري إني تأخرت في عمل البوست ... ولكن أخي وحبيبي محمود ما قصر ونحن الإثنين واحد .. ولا شنو؟ |
ولا كلمة زيادة.. هسي المداخلة دي رقمها 777... والله حقو الزول يحتفظ بيها للذكرى والتاريخ..
01-07-2008, 07:01 ص
Mahmoud Mustafa Mahmoud
.
تاريخ التسجيل: 26-11-2004
مجموع المشاركات: 777
حسن ود أمي .. حروفك صادقة ورقيقة ... أنا لم أسبقك.. ولا عمري كنت قدامك..
ما عارف تحت تحت كدا جاني إحساس بـ (اللقافة)...هههههههههههههه
لك مودتي الصادقة ..
التعديل لتوثيق الرقم المميز 3 سبعات..
|
Post: #6
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: اساسي
Date: 07-01-2008, 10:19 AM
يا سلام علي اماسي وقائدها صلاح
كانوا بحق نجوم ذلك اللقاء
معكم ندعم ترشيح صلاح سري ونتمني ان نراه بيننا قلما موسيقيا مبدعا
|
Post: #7
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: طارق ميرغني
Date: 07-01-2008, 10:24 AM
Parent: #1
ادعم بشده انضمام كل المبدعين والفنانين من امثال صلاح سري لهذا المنتدي حتي لا نترك للسياسة والسياسيين نفس (بفتح النون والسين).
|
Post: #8
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: حسن إبراهيم خليفة
Date: 07-01-2008, 10:32 AM
Parent: #1
فوق ... فوق ... فوق.
لأهل الفن والموسيقين
وبورداب جدة.
|
Post: #9
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: يازولyazoalيازول
Date: 07-01-2008, 10:56 AM
Parent: #8
والصفقة دى للفن والفنانين:
|
Post: #10
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: حسن إبراهيم خليفة
Date: 07-01-2008, 11:25 AM
Parent: #1
يالله يا علاء الدين صلاح
ويالله يارفاعي عاوزين همتكم مع سيد الحوش.
|
Post: #11
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: جمال السنوسي
Date: 07-01-2008, 11:39 AM
Parent: #10
ندعم وبشدة عضوية اماسي الموسيقية
وقائدها الموسيقار الرائع صلاح سري (للغاية)
وابو الشوش
وحاتم
واحمد
وعبدالرحمن
وبرعي
والبقية
ونعدكم نحن بودراب جدة ان تستمعوا للكثير والكثير من الاعمال الخاصة عبر فرقة اماسي
وانتظرونا يا ناس
جمال السنوسي
|
Post: #12
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: anwar abdulmajid
Date: 07-01-2008, 11:46 AM
Parent: #10
الاخ / محمود اجمل التحايا
الاستاذ/ الموسقار صلاح سرى ـ ذلك الرجل الفنان المهذب الخلوق ذو الثقافة العالية عميد الموسيقين فى مدينة جدة وقبلتهم كنت احد تلاميذه فى مدينة جدة وعاصرته من خلال العمل الاجتماعى والثقافى وتعلمنا منه علوم الموسيقى و قيادة الاخوة الزملاء وتوجيههم والصبر على متاعب العمل العام كان شعلة من النشاط والحيويه ويعمل بتجرد ونكران للذات يخصص منزله لما يخدم الفن والفنانيين متابعا جيد لكل ما يخص الفنانيين السودانيين ونشاطاتهم فى المملكة العربية السعودية بل كان يقوم بالاتصال على اللجنة التفيذية لتجمع الفنانيين بالرياض للتنسيق معهم فى كل ما يخص الفنون والثقافى السودانية وذلك يجعله مؤهلا لقيادة مجتمع الفنانيين والموسيقيين السودانيين فى المملكة العربيه السعودية.
اخى محمود انا شاكرا لك حيث منحتنا فرصة لكى نظهر قليل من محاسن هذا الرجل نتمنى ان نراه قريبا بيننا فى هذا المنبر
ودمتم عافية ,,,,,,,,,,,,,,
|
Post: #13
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: تاج السر محمد حامد
Date: 07-01-2008, 11:49 AM
Parent: #12
بالرغم من أننى أعلم بأن شهادتى تجاه أخينا وحبيبنا صلاح مجروحه
لكن ورغما عن هذا أضيف صوتى وشهادتى للاخ بكرى بأن يلبى ذاك النداء
ولكم تحياتى ....
تاج السر
|
Post: #15
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: محمد علي ياسين
Date: 07-01-2008, 12:25 PM
Parent: #1
كانوا الابداع الحقيقي في تلك الليلة (ليلة بورداب جده)
يستاهلوا العضوية
ومرحب مقدما بالموسيقار سري عضوا بسودانيز اون لاين
|
Post: #16
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: علاء الدين صلاح محمد
Date: 07-01-2008, 12:59 PM
Parent: #15
حتى اجزم واقسم ان بورداب جدة مجتمع بالتعريف العلمي للمجتمع
لابد من من وجود الاستاذ الفنان الانسان صلاح سري معنا وبينا
الراجل فنان واخو اخوان تجده حيث تجد السودان
عليه يااخي بكري ابوبكر ارجوك رجاء خاص جدا التعجيل بمنح شرف
العضوية للاستاذ حتى نتشرف نحن بوجود هذا الفنان الانسان معنا
بكري الراجل والله العظيم محتاجين ليهو شديد
|
Post: #17
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Kamal Mirghani
Date: 07-01-2008, 04:33 PM
Parent: #1
صلاح سرى انا بعرفو من زمان ايام مركز الشباب بمدنى من الاكوديونات المميزه فى السودان اسرع ياخى بكرى ده زول من ناس الموسيقى زول كمان مؤثر جدددددددددااااااا،،،،
|
Post: #18
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: ترهاقا
Date: 07-01-2008, 05:10 PM
Parent: #17
مرحب بصديقنا صلاح سرى إبن مدنى البار
|
Post: #19
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: حسن إبراهيم خليفة
Date: 07-02-2008, 06:35 AM
Parent: #1
وينك يا صلاح ... الباسوورد وصل ولا لسه؟
يالله يا سيد الحوش عجل لينا بمشاركة سري.
ولك منا كل الشكر والتقدير.
|
Post: #20
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: عثمان دغيس
Date: 07-02-2008, 09:56 AM
Parent: #1
أذكر في أواخر الثمانينات وعندما كنا في رحلة بإحدى جناين مدني وأظنها جنينة الكاشف ..
وكنا نحضر للفاصل الغنائي ..
تقدم إلينا احدهم وكان يرتدي جلباباً أبيض وعمة وتكسو اسفل وجهه لحية زادته وقاراً .
وهو ما جعلني أستغرب حينما تقدم إلي طالباً ( سحبة ) في الأكورديون ....
وما أن إستلمه حتى ضج المكان بأروع ما يمكن أن يسمع من أكورديون ...
وكان يعزف على ( الباسات ) بمهارة عالية .. شجعتني على العمل على تجويد العزف على الباسات ...
وبعد أن إتفشى في الأكورديون المستغرب هو الآخر ..
عرفنا بنفسه أنه صلاح سري ...
لاحقاً عرفت أن له شقيق أصغر هو أحد أصدقائي الموسيقيين المقربين ويلقب بمحمد سدي ..
ويقيم بمينا شرق سنجة ..
التحية للمبدع القامة صلاح ونبصم بالعشرة بدعمنا لقبول عضويته ..
فمثله يجب أن يمنح عضوية إكرامية ...!!
يلا يا بكور ...
|
Post: #21
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: الرفاعي عبدالعاطي حجر
Date: 07-02-2008, 10:08 AM
Parent: #1
نثني وبلا شك فصلاح سري اضافة ثرى للبورداب
.........................حجر.
|
Post: #22
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: نورالدين الفحل
Date: 07-02-2008, 10:43 AM
Parent: #21
صلاح سرى القمر المنير فى سماء اماسى الموسيقية
صدقا لفت عزفة المتمكن مكامن تذوقى للموسيقى
جمل ليلتنا بالفرح ومعيتة نجوم اماسى المبدعين
لنجعل هذا البوست محلقا حتى ينال سرى العضوية
يلا ياسيد الحوش وقع موافقتك الكريمة صلاخ سرى هنا.
|
Post: #23
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-02-2008, 01:47 PM
Parent: #1
الأعزاء :
- صاحب البوست حبيبنا الغالي : حسن إبرهيم خليفة (الصورة عذاب عديل كدا)...
- هشام شيخ الدين
- أساسي
- طارق ميرغني
- جمال السنوسي
- أنور عبد المجيد
- تاج السر محمد حامد
- محمد علي ياسين (جاييك)
- علاء الدين صلاح
- كمال ميرغني
- ترهاقا
- عثمان دغيس
- رفاعي حجر
- نور الدين الفحل...
شاكرين للدعم والمساندة..
فوق حتى يصبح صلاح سري عضواً واثق الخطوة يمشي ملكاً..
إن شاء الله يوم شكركم ما يجي...
|
Post: #24
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-03-2008, 03:10 PM
Parent: #1
أستاذنا صلاح سري...
ياخ بشرنا... جات الباسوورد ولا لسه؟؟؟
فوق خميس وجمعة...
|
Post: #25
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-04-2008, 09:03 AM
Parent: #1
فوق.. الليلة الجمعة..
ويا صلاح إذا استلمت الباسوورد قول لينا ياخ..
ويا حسن خليفة سيد البوست.. ياخ تعال أرفع معانا شوية
تحياتي للجميع
|
Post: #26
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: مجدي عبدالرحيم فضل
Date: 07-04-2008, 07:03 PM
Parent: #25
ندعم وجود أستاذنا صلاح سري الموسيقار بيننا،،
شكرا محمود مصطفي محمود الفنان المبدع ،،
وسلامتك ياحبيبنا وين الشيالين عشان يرفعوا معاك 
،،،،أبوقصي،،،،
|
Post: #30
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: حسن إبراهيم خليفة
Date: 07-05-2008, 01:29 PM
Parent: #25
البوست بوستك يا حبيب ، وإنت تأمر بس يا رائع
قلت لي تباريح الهوى كان سلمها عالي ... والله إنت أحلى أغنية إشتغلتها تباريح الهوى ... ويا ضلنا
ديك وجع ساي يا ولدنا ... بالله عليك يا محمود كفاية تواضع وعاوزين الشغل من بيت الكلاوي ... وخلي
صلاح سري علي أنا ... لأنه لسه الفرقة بتتكلم على الحفلة وعلي شغلك الجميل ...
طيب يالله كلم لينا الناس ديل عشان صلاح ينزل معانا هنا...
ويا بكري والله نحن لسه متعشمين فيك الخير... رد علينا ...
محمود الزول ده قول ليه الزول ده فنان جيب ليه عضوية قوام.
|
Post: #27
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-04-2008, 07:53 PM
Parent: #1
شكراً ليك إنت يا مجدي يا حبيب...
عايزين سندة تقيلة..
أستاذنا يوسف الموصلي... ياخ أضرب تلفون لبكري أبو بكر..
الناس القريبين ... ناس أمريكا..
ايدكم معانا... حتى نرى صلاح سري هنا ممتشقاًً أكورديونه الجميل..
شكراً كتير
|
Post: #28
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-05-2008, 10:42 AM
Parent: #1
السبت أخدر...(بالدال)..
يلا يا موصلي.. مشغولياتك كتيرة الله يعينك...
بكري لو شاف البوست دا كان أكيد عمل اللازم..
شكراً مقدماً
|
Post: #29
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: عبد الدائم سيد أحمد
Date: 07-05-2008, 11:38 AM
Parent: #1
لو اداهو بكرى العضوية
بكده اكون ضمنت فرقة العازفين
بعد ما ضمنت فنانيييين اتنييين
يعنى حفلاتنا ملح فى ملح
بالمرة كمان ادو بتاع الدربكة العضوية
عشان يزبط ليكم ايقاع المنبر ده .
 
تستاهل يا صلاح سرى العضوية وكل الفرقة كمان
|
Post: #31
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-06-2008, 01:08 PM
Parent: #1
| Quote: تستاهل يا صلاح سرى العضوية وكل الفرقة كمان |
موش كدا بالله يا عبد الدائم؟؟
حفلاتك ملح في ملح وأيامك عسل في عسل..
شكراً للمساندة..
|
Post: #32
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: Mahmoud Mustafa Mahmoud
Date: 07-07-2008, 07:30 AM
Parent: #1
حسن الجميل الوفي...
| Quote: الزول ده فنان جيب ليه عضوية قوام |
يشهد الله إني رأيت في المنام بوستات ومداخلات بتاعة صلاح سري...
|
Post: #33
Title: Re: صلاح سري..ذاكرة الموسيقى السودانية في جدة وقائد فرقة أماسي الموسيقية..يستاهل عضوية بجدارة
Author: عثمان دغيس
Date: 07-07-2008, 07:40 AM
Parent: #1
معقول يا بكور لسة ما أديت صلاح الباسوورد ؟؟؟!!
وتجدع في باسوورداتكم لي ناس قريعتي راحت وناس هناي وهنايا ...
بالله ده كلام ده ..!؟
ياخي ده صلاح سررررررررررررري ...!
|
|