اي زول خلي التدخين يجي يورني خلاه كيف ؟

داير اخلي شراب السجاير اعمل شنو؟

مع طرح التجربه....

ساهلة جداً

أنا بطلت التدخين بعد عشر سنوات بمعدل عشرين سيجارة في اليوم.
قلبت شيشة وصعوط ... وحاجات تانية.
وأسي مرتاح جداً

عبد الله

سلام كبير

عام 1977م
المكان : حلفا الجديدة
آنذاك أنا مدرس شاب .. أدخن في اليوم عدد 2 علبة ( برنجي )
لو عاوز ( أقشر ) شوية إشتري علبة بنسون و الميزانية تخرب شهرين قدام
ذات ليلة .. دعونا لحفلة عرس ...
و اللمة كانت من الغدا و إنت طالع لغاية موعد ( الربة )
أها .. السجاير دة كان أشكال ألوان خاتنو في طبق .. برنجي .. روثمان .. بنسون .. كليوباترا و زنوبيا و ( قمشة ) و حاجات تانية خدرا ..

أها لقينا المجاني و غمتْنا علبنا في جيوبنا ..
و المجاني كترنا منو ...
عليك أمان الله نفسي إتكتم بالليل ما قدرت أنوم ..صاحي للصباح ..
بكل بساطة شلت علبة البرنجي و الولاعة و رميتهم في بير الأدبخانة ( بدون حليفة أو محاولة للتخفيف ) ..
منذ عام 77م لم أدخن .. مجرد محاولة ما حاولت ..

ببساطة يا عبد الله عزيمة صامدة ...

و بس

و ربنا يفكك من هذه البلوة

دمتم

استاذنا ابو جهينه

Quote: و ربنا يفكك من هذه البلوة

اللهم امين ويفك كل المدخنين

Quote: ببساطة يا عبد الله عزيمة صامدة ...

والله لي اكتر من 7 سنه برمي العلبه وامشي اقرب بقالة

واشتري تانيه

زهجته من الحركة الخيبانه دي

عموما الحمد لله الفكاك

منو دعواتك......ز

دربك اخضر

ـأنا شخصياً بطلت التدخين من 10 فبراير 1992 إلى 10 فبراير 1995 بالضبط
أصبر لي حأجيك راجع
تحياتي

معليش المرة الفاتت قلت ليك حأجيك راجع ، وما جيت ّ
المهم زي ما قلت ليك ، بطلت التدخين من 10 فبراير 1992م إلى 10 فبراير 1995م .
بالليل حوالي الساعة واحدة صباحاً ، والدنيا برد في حفر الباطن ،
كنت بشتغل في الكمبيوتر ،
حاولت أولع سيجارة ،
الولاعة وقعت مني تحت التربيزة ،
حاولت أسحبها برجلي ، مشت بعيد ،
خليتها ، والسيجارة في إيدي ،
لمن خلاص خلصت ، شلت الولاعة ومشيت علي السرير،
عشان أولع النوامة ،
طبعاً دي كانت النوامة الوحيدة المتاحة في الزمن داك ( ما حأخت علامة تعجب) ،
قلت خليها للصباح ياخي ،
الصباح أول ما صحيت ، وكالعادة ، أخدت السيجارة ذاتها لأني ماكنت دخلتها العلبة ،
قلت خليها شوية ياخي ،
مشيت المكتب ، وهي في إيدي لحدي ماطلعت من المكتب ،
ما عدا خلال فترة صلاة الضهر ،
رجعت بيها البيت أنوم وأصحى بيها لحدي ما إتفتتت ،
وما قلت أنا بطلت السجاير ،
سجاري ما فارقني ، ولا سجارتي إنفتك من يدي،
أطلع وإتذكر إني نسيته ، أرجع وآخدو معاي ،
في أي مكان اروح أقعد وعلبتي قدامي ، والوحيدة في إيدي
في البيت لازم طفايتي وولاعتي يكونوا قدامي ، وكذلك في المكتب ،
والبسألني "بطلت؟" ، أقول ليهو "لا ، حأدخن بعد شوية"
الحكاية استمرت أكتر من ستة شهور ، وبقيت تلقائياً ما إتذكر السجاير ،
لكن كلما سألني واحد "بطلت؟" ، أقول ليهو "لا ، حأدخن بعد شوية"
يوم واحد سالني ، يوم 10 فبراير 1995، بالله ليك كم سنة من السجاير ،
قلت ليهو تلاتة سنين بالضبط ،
قام واحد ، الغريبة إنه ما بيدخن ، قال لي حقو تحتفل بسجارة ،
قام واحد مدخن طوالي مد العلبة ، قلت ليهو "هات ، يعني إيه"
وحاتك ولعتها والجمال ماشة ، وما زلت لاأدخن ،
بس ما نخلص من الفطور : "واحدة يابو حسن ؟ هات ، يعني إيه؟"
وفعلاً كنت بعتقد إنه "يعني إيه"
بعدها بقيت أشحد سجارة بعدين بقن سجارتين ، بعدين تلاتة .
قلت لنفسي : "ياود إنت حتنطلق شحاد في البلد؟"
رحت اشتريت علبة .
ومن ديك وعيك !!
بس حأبطل تاني ، وبنفس الطريقة ، لكن المرة دي بدون : "يعني إيه"
تجربة بدت صاح ، لكن ما مشت صاح . بس أعتقد إنها كانت طريقة جيدة.

تحياتي.

ياااااا شماسي هوييييييي

اناقلته عايز اخلي التدخين بس ياحبا

ياخي جايب لي حاجاتانيه

تسلم علي المرور والراحه

دربك اخضر

اها ويادوبك في اولي وسطي لقينا القمشة شوالات شوالات وفي المدينة ماتيني وروثمان وسجائر عجب واها بقينا مدخنيين نفس نفسييين لحدما وصلنا ثلاث علب علي الاقل في مطلع التمانينات وبعد ما اغتربنا وفي ليلة ليلاء قررت انو تاني ما ادخن ورقدت ليلتيين عيان من عدم التدخين لكن اها بربري وراسي قوي ابد ابدا ما حاتراجع واستمرال withdrawl effect سنوات طويلة والان لي 26 سنة منذ ان تركت التدخين.. الامر ومجمله اصرار و تمسك بموقف بقناعة مهما كانت النتائج والمغريات ... رايت الكثيرين من الاصدفاء والذين اوقفو التدخين لايام ثم عادو بشراهة وبعضهم استعمل ما يباع في الصيدليات من بدائل هي في الواقع تعيين علي التدخيين اكثر مما توقفك عنه .. حاول والله معك ومعنا

اخوي ابوبكر

Quote: اها بربري وراسي قوي ابد ابدا ما حاتراجع

الحمدالله قوة الراس جاءت في حتته الله يخلي راسي زي الحجر عشان

اخليه.

Quote: رايت الكثيرين من الاصدفاء والذين اوقفو التدخين لايام ثم عادو بشراهة وبعضهم استعمل ما يباع في الصيدليات من بدائل هي في الواقع تعيين علي التدخيين اكثر مما توقفك عنه .. حاول والله معك ومعنا

يا اخوي والله ماخليت صدليات

(صدقني يا ستاذي انا الان بدخن في الحمام عشان اولادي عليك الله في عفانه اكتر من كدا)

اشكر واسالك الدعاء

الاخ عبد الله... ماتسمع كلام اللبان والتسالي وغيرو...انا مدخن على مدى 25 عاما بعلبتين ابو عشرين في اليوم... قبل خمسة شهور وجدت طفل صغير بينظر لي باشمئزاز ....مشلت العلبة والولاعة الماخمج رميتهم مباشرة في الزبالة .... لم احلف .. لم ادوخ.. لم اتقريف من خمسة شهور لحدى الان ... صدق او لاتصدق ...ارميها بس ....وخلاص

Quote: ماتسمع كلام اللبان والتسالي وغيرو...

حبيبي كمال

اكلت لبان لمن ضروسي اتهلكن . واتعلمته الطقطه كمان ما لقيت فايدة

وبالامس القريب الحاجه مرسلة لي كيس تسالي كبير بقزز فيه من بدايه

مبارة الزمالك المصري وامبي لمن انتهت وبعد كل خمشة تسلي يكون في سجارة

امنت وبالله.

Quote: قبل خمسة شهور وجدت طفل صغير بينظر لي باشمئزاز

.

صدقني مر علي نفس الموقف ده في الرياض في شارع الخزان

وانا قاعد في العربيه يجو ليك ولدين في الرابعة عشر تقريبا
وسالني عندك دخان انا والله استقربة شديد اطفال زي ديل بدخونو
وقلت لهم بسرعه امشي من هنا ماعندي دخان واذا بواحد منهم يقولي
نحنا عندنا استبيان عن المدخنين ونشيل منك علبة السجاير ونديك قيمته
ولو فيها سجارة واحدة . والله انا قيت زي الواطة دي المهم شلته العبلة
رميته اديتم قيمة العلبه وعبيت ليك الاستبيان وعزمت لا للدخان بعد اليوم
ولكن اقرب بقالة كانت الماتتسمي في جيبي

قلبني الاعملو

دعواتك ياكيمو

امشى اقعد فى محطة سبعة
مع فايز شيخ الدين بتاع الحافلة مربع 11
واكل قصب سكر .....

واحد ما من الصحافة

حتى شهر يناير سنة 2000م
كنت مدخناً شرهاً بمعنى الكلمة ..
يوم شعرت بألم خفيف في رجلي اليسرى ..
أستمر الألم يوم يومين ..
راجعت طبيب عظام مصري ..
سألني كم سؤال كدة من بينها أنت بتدخن ؟؟ نعم ..
طوالي قال لي : يكون عندك جلطة في الأوردة العميقة للساق !!
حولني لي واحد بتاع أشعة عمل لي صورة موجات صوتية طلعت الصورة نضيفة ..
مع ذلك الدكتور أصر أنو أنا عندي جلطةفي الساق( DVT ).. و بدأ معي العلاج فعلاً ..
بعد ذلك راجعت أكثر من إستشاري في الأوعية الدموية و عملت أكثر من صورة و أكدوا لي على خطأ تشخيص الدكتور الأول .. لكن كل من راجعتهم أكدوا لي على ضرورة ترك التدخين ..
و بعد تلك الخلعة آمنت ..
و حينما قررت أن أترك التدخين بقناعة كان باقي لي في العلبة سيجارتين ..
قررت أن أدخن واحدة و أترك الثانية تأكيداً على صمودي ..
فعلاً نفذت ما وعدت
و لا زلت أحتفظ بسيجارة صمودي حتى اللحظة التي أكتب فيها هذه المداخلة مع ملاحظة أن تاريخ صنع العلبة شهر ( 1 ) سنة 2000م
الآن لا شيئ يضايقني و يقرفني أكثر من رائحة دخان السجائر ..

أخي عبدالله عوض عبدالله كع

أولا :التحية لكل المدخنين الذين تركوا التدخين وكل حسب طريقته والعامل المشترك بعد الأسباب العزيمة ذي ما أورد الخال أبوجهينة جلال الدين داؤد

وثانيا / يافرده أنت الورم الفيك ده من النيكوٌتين وأنت طبعا كنت ومازلت بتخمس البرنجية مع الأخوان هناك في الدرجة وإما عند الأغتراب بقت بالخرطوشة

وكده أنت ياقلب طبعا عارف تجربة أخوك في التدخين كان غريبة بعض الشي وبدأت من خامسة أبتدائي وأنت عارف الزول القدر داك عذ الدين

عبدالقادر(أبودرق) كان ياحبه عندوا قريبوا بيجيب السجائر أصناف غريبه وعجيب وحق الخواجات داك الزنوبية وأنواع عديدة وهو كل يوم بيجيب أنواع

جديدة وبدأت المسيرة الغريبه مع رحلة التدخين وجرت لسنوات من عمرنا الذي طاع مع التدخين بكل أشكاله حتي الكدوس البائب والتبغ الأنجليذي وهلم جرا

وحتي أنا قدمنا عمرة 1992 ورحلة غريب وشراهه من نوع آخر حتي عام 1995 موعدي مع المرض حتي أدي بي أن أترك المملكة لأن بقت علي

الرطوبه في الجوء ورطوبة التدخين وبرغم أنفي عدت أدراجي وأنت شهدت تلك المرحلة معي بجمعية كٌودي بجده أم جداد وتركته لفترة وعند العودة

شعرت بالعافية وهاك يا شيشة وسوق الجوهرة وسوق الندي ونادي الأمتداد وحتي موعد عودتي بالأقامة نهاية عام 1998 الي الرياض ورحلة جديدة

وأنت شاهد عليها إلي أن جئت إلي جده مره أخري وجاءت موعد الأقلاع نهائيا منه عندما تكون قصى في رحم أمه قررت أن أتركه دون مقدمات وهي

هاجس التربية وماوراء ذلك من علامات أستفهامية عديد أصبحت لا دخان ولا صعود ولا يحزنون هي قناعه تأتيك من رب العالمين وبدون حليفة ولا

مركز إدمان ولا غير وحتي الآن أنا في عامي الرابع والحمد لله .

هذة تجربتي مع الرحلة التدخينية المهلكة للجيب والعافية وياقلب عاين لمصعب وأبوأحميد بتمر بشريط كاست وفيديو كمان وسي دي أعزم الأقلاع حالآ

وبدون حليفه ولا شي والله نسأله لك أن تقلع طائرتك النفاثة اليوم قبل الغد سمخ قول سمخ .

،،،،أبوقصى،،،،

عبد الله كع ازييييك ..


ياخ ما في اسهل من انك تخلي السجاير ....


انا شخصيا بطلت تدخين قريب التمنية مرات ....

ورجعت ليه ...


ودي المرة التاسعة ... لكن من غير رجعة انشاء الله ....


الموضوع في النهاية مش انك تبطل ... لكن كيف انك تحافظ وتصمد ...


حاجة ممكن تساعدك انك تمشي اوروبا ...

السبب الأول انو في اغلب الدول الأوروبية التدخين داخل الاماكن العامة و المغلقة ممنوع ..

وبكدة هتضطر انو تطلع برة عشان تدخن ,,, وده معناه يلفحك برد لمن تآمن .. ده في معظم ايام السنة ..

السبب الثاني .. انوالضرائب على التبغ عالية ... وبالتالي مستحيل تشتري علبة الا اذا كنت سوبر مقرش ...


السبب الثالث والأخير ، انو تلقى ليك زول يرمقك بنظرة بتاعت شفقة واسى على حالك وانت تحضن السجارة وتنفث دخانها ..

يخليك ترميها وما ترجع ليها تاني ...


انا شخصيا ، اتلمت علي التلاتة اسباب ... ورميتها وما رجعت ليها تاني ..

والموضوع وما فيه ارادة وعزيمة .. وما اكضب عليك ... صعبة جدا جدا ....



ربنا يكون في عونك ويحلك ....





تخريمة:

اوعك تدخل في الموضوع حليفة مصحف ...

عشان هتبوظ حليفتك ساكت وتبقى في كفارة وكلام تاني ...

سابوجا

كيفنك صباحك عجيب.....

Quote: ودي المرة التاسعة ... لكن من غير رجعة انشاء الله ....

انا دي المرة الخمسه وخمسين وامكن اكتر
لكن كلامك صاح الصاح

الصمود كيفنو ده البفتش ليهو انا وما لقيهو . لكن بعده امانه ما
وقعت سجارة

ولا اقول ليك انا اجيكم هناك واتفك منها وخلاص

تسلم ياحبا

Quote: وبدون حليفه ولا شي والله نسأله لك أن تقلع طائرتك النفاثة اليوم قبل الغد سمخ قول سمخ

مسخخخخخخخخخخخخخخخخخخخخخخ
ابوقصي

تجرتك انا متابعه انت استاذ الهادي . بس ابدرق........ دي جديده معناها انت كان موضوعك بايظ للطيش لكن الحمدلله
حبيبي مجدي. عندي مشكلة كبيرة في البيت الان امشي اي مكان في القي الجماعه جاين وراي . واقرب حاجه احمد
الصغير بفتش في الطفايه . يوم ما لقيتو ليك شايل السجارة خاتيها في خشمو (اتخيل عمرو سنه ونص ده حكون
كيف؟) برنا يسترعليه


اشكرك يا حبا

دعواتك

Quote: و بعد تلك الخلعة آمنت ..

يعني يا استاذ عصام افتش لي خلعه زي دي

والله انا عارف نفسي خفيف ما بقدر علي الخلع

Quote: و لا زلت أحتفظ بسيجارة صمودي حتى اللحظة التي أكتب فيها هذه المداخلة مع ملاحظة أن تاريخ صنع العلبة شهر ( 1 ) سنة 2000م

دي احلي حاجه عشان كل ما تشوفه تتف عليها

ربنا يقدرني واخلي

دعواتك الصادقات

درب اخضر

Quote: مع فايز شيخ الدين بتاع الحافلة مربع 11

يا عبدالدائم ده كلام عاد

يعني يتلم المتعوس علي خايب الرجا

مرورك زي السكر حق القصب

انامن الامتداد جار فايز حق الحافلة

تسلم

دربك اخضر

الحمد لله رب العالمين، والصلاة والسلام على خاتم الأنبياء والمرسلين، نبينا محمد وعلى آله وصحبه أجمعين، أما بعد:

فإن التدخين داء وبيل، ومرض خطير، ابتلي به كثير من الناس، وهي عادة قد ظهر خبثها، وبان ضررها، بحيث لم يعد هناك مجال للشك في القول بحرمتها، وإثم متعاطيها. والتدخين يجمع كثيراً من خلال الشر ورديء الخصال، فمن ذلك:

1- أنه معصية لله تعالى يعاقب فاعلها.

2- أن الله تعالى يبغضه ويبغض متعاطيه.

3- أن متعاطيه يؤذي الملائكة والكرام الكاتبين.

4- أنه يؤذي المؤمنين غير المدخنين، ويجلب عليهم الضرر.

5- أنه يفسد الهواء النقي.

6- أنه تبذير، والله تعالى يقول: وَلاَ تُبَذِّرْ تَبْذِيراً [الإسراء:26].

7- أنه إسراف، والله تعالى يقول: وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ [الأنعام:141].

8- أنه إعانة على الإثم والعدوان، والله تعالى يقول: وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ [المائدة:2].

9- أنه إعانة لأعداء الإسلام على المسلمين وتقوية لهم.

10- أنه من باب المجاهرة بالمعصية، ومعلوم أن المجاهر بالمعصية أشدّ إثماً من المسرّ بها، قال : { كل أمتي معافى إلا المجاهر }.

11- أنه خبيث، ومنتن، وصاحبه يشاكله في شيء من وصفه.

12- أنه ضياع للوقت فيما لا يفيد بل يضر.

13- أن متعاطيه فيه تشبّه بأعداء الله الكافرين؛ لأن الدخان ظهر في بادئ الأمر في بلاد الكفار.

14- أنه يذهب المروءة.

15- أنه يدلّ على خفة العقل؛ لأن العاقل لا يرتكب شيئاً يتيقن ضرره.

16- أنه يجعل صاحبه قدوة سيئة لأبنائه فيقلدونه في تعاطيه.

17- أنه يثقل على شاربه العبادات والطاعات.

18- أنه يزهده في مجالس العلم والذكر.

19- أنه يدعوه إلى مخالطة الأشرار والأنذال.

20- أنه يكرّه الصيام لمتعاطيه؛ لأن الصيام يحرمه منه.

21- أن التجارة فيه والكسب منه حرام.

22- أنه يؤدي إلى الوفاة، وقد ذكرت هيئة الصحة العالمية أن الوفيات الناتجة عن التدخين أكثر من الوفيات الناتجة عن أي وباء آخر.

23- أنه يؤدي إلى الإصابة بسرطان الرئة والتهاب الرئة المزمن.

24- أنه يؤدي إلى الإصابة بمرض السلّ الرئوي والربو المزمن.

25- أنه يؤدي إلى الإصابة بسرطان الحنجرة.

26- أنه يؤدي إلى الإصابة بضيق التنفس والالتهاب الشعبي المزمن.

27- أنه يؤدي إلى الأرق والتوتر والاكتئاب.

28- يضعف الأعصاب، وقد يصاب المدخن بشلل الأعصاب.

29- يضعف الذاكرة ويوهن النشاط الذهني.

30- يضعف حاستي الشم والذوق.

31- يضعف البصر نتيجة الدخان المتصاعد.

32- يزيد عدد ضربات القلب.

33- يؤدي إلى تصلب الشرايين بما فيها شرايين القلب.

34- يؤدي إلى جلطات أوعية المخ الدموية.

35- يؤدي إلى الإصابة بالذبحات الصدرية.

36- يؤدي إلى الإصابة بارتفاع ضغط الدم.

37- يؤدي إلى الإصابة بفقدان الشهية.

38- يؤدي إلى الإصابة بالاضطرابات الهضمية والإسهال والإمساك.

39- يؤدي إلى الإصابة بالوهن والضعف العام.

40- يؤدي إلى الإصابة بسرطان الشفة واللسان والفم والبلعوم والمريء والبنكرياس.

41- يؤدي إلى الإصابة بقرحة المعدة والإثني عشر.

42- يؤدي إلى الإصابة بمرض الضمور الكبدي.

43- يؤدي إلى الإصابة بسرطان المثانة وقرحة المثانة.

44- يؤدي إلى الإصابة بسرطان الكلى.

45- يؤدي إلى التسمم البولي.

وبعد ذلك.. هل ستصرّ على التدخين.. أيها العاقل.. أيها العاقل.. أيها العاقل!!!!

وصلى الله على نبينا محمد وعلى آله وصحبه وسلم.

يا كع

انامافاهم انت عاوز تبطلو ليه اصلا ؟

ياأخوي عبد الله
والله انا كنت مدخن شره،بدخن 17 سنة هي اكثر من نصف عمري حينماتوقفت، اعلي معدل وصلت اليه 4 علبة برنجي في اليوم دا كان في الثلاث سنوات الاخيرة، ودخنت جميع انواع السجاير في ايام الاوائل بحثا عن شبيه البرنجي(سجارة حارة كدا) .شوف انا توقفت بالضبط صباح يوم 31 مايو 2006 اليوم العالمي لمكافحة التدخين بدون اي تخطيط مسبق و اضيف انو الزملاء في مكان العمل جلهم مدخنين دا لو ما كلهم بل الخواجة الساكن معاي اكبر مدخن اشوفو في حياتي تصور بدخن اربعة علب كبيرة في اليوم وهو تحداني انو ما حاقدر اصمدبدون استخدام نيكوتين غم ولكن اهوانا صامد حتي هذه اللحظة.

المسالة بس رغبةوعزيمة لانني قبال اتوقف ما كان عندي رغبة نهائي. بعدين التغيير الكبير البتحس بيه بعد تتوقف هو الحيكون المحفظ والدافع للاستمرار في الاقلاع لانني او غيري مهمااحكي/ نحكي ليك عنه ماحتقتنع الا بعد تقلع انت براك با اخوي.

اخيرا اقول ليك انا اتعلمت السجاير دا تقليدا للوالد ربنا يديه العافية ومش انابراي اخواني اربعة كلهم مدخنين ومن اعمار صغيرة جدا والسبب تقليد الوالد القدوة، وانت عندك اولاد والله لو ما اتوقفت ياكا الطلعوا زي ابوهم وتكون جنيت عليهم لما للتدخين من اضرار ما حتشعر بيها الا عندما تقلع.


Please let the children grow up healthy

اخوي صالح عيسي

سلامات.....

Quote: بعدين التغيير الكبير البتحس بيه بعد تتوقف هو الحيكون المحفظ والدافع للاستمرار في الاقلاع

نفسي في التغير ده ورب الكعبه

نفس الدرب الذي سلكته كان طريقي بواسطة التقليد . والان خايف عندي واحد بشبه جدو شديد وماشي وراي اي مكان
وبقلدني في اي حاجه (يعني لو ما خليت التدخين فهو علي الدرب ساير)

Quote: Please let the children grow up healthy

انشالله .

واشكرك

ازييييييييك يا بدر

واالله كلامك صااااااااااااح

بس دعواتك ياعاقل

تسلم ياجبا

وقاااااال خدر.........

Quote: انامافاهم انت عاوز تبطلو ليه اصلا ؟

عشان ....

شراب كعكوعي للداخان باااااااااااااطل
شراب كعكوعي للداخان باااااااااااااطل
شراب كعكوعي للداخان باااااااااااااطل
شراب كعكوعي للداخان باااااااااااااطل
شراب كعكوعي للداخان باااااااااااااطل

عرفته يا حبا

اخونا كع

التحية لك و انت تخطو اولي مراحل العلاج و هو مصراحة نفسك و طلب مساعدة الآخرين و احييك علي الموضوع....ارجو ان تعم الفائدة علي جميع المدخنين... الطريقة المثلي لترك التدخين بالنسبة لي كانت اولا ناقش نفسك و قارن بين مساؤي التدخين و منافعه تجد نفسك تدور فى محور الناحية المادية لو ليك حوالي عشرة سنين بتدخن يعني صرفته حوالي ٢١٦٠٠ ريال سعودي بإعتبار انك تدخن علبة واحدة بس فى اليوم معقوله بس يابوالرجال ياخي دي قروش كتيره خلاااااااااااااااااص ولا شنو؟ ، الناحية الإجتماعية من عدم القدرة علي التدخين فى اماكن محببه لك، عدم القدرة علي التدخين اثناء الجلوس مع إسرتك الكريمة و الضرر الذي يمكن ان يسببه لمصعب واحمد و نضال ربنا يحميهم إن شاء الله و بعدين داير تحمي مستقبل اولادك خليهو بدون سبب ولا تجربه في بحث بقول انه ابناء المدخنين اكثر قابلية للتدخين من ابناء غير المدخنين خوفتك مش؟؟؟

عليك الله بتين اخر مره استمتعته بدافوري مع الشباب كده بمزاج بدون وجع صدر ولا كحه ياراجل بطل بطل بطل و احمي نفسك و مالك و عيالك

في واحد إردني قال لي معقولة تخلي السجارة وهي تحترق من اجلك و بعد تشربها تدوس عليها برجلك و تقول ليك ولعني ثاني

Quote: ياخي السجارة دي ما عندها كرامة ولا شخصية خليها ياخي

Quote: لو ليك حوالي عشرة سنين بتدخن يعني صرفته حوالي ٢١٦٠٠ ريال سعودي

لا حولة ولا قوة الا بالله العظيم . عمري ماحسبته الحسبه دي 21 الف ريال صدقني يا ابو السيد
انا مغترب لي اكتر 15 سنه لا املك الان غير راتبي حق نهاية شهر 3

Quote: ياخي دي قروش كتيره خلاااااااااااااااااص ولا شنو؟

كتيرة بعقل..

Quote: عليك الله بتين اخر مره استمتعته بدافوري مع الشباب كده بمزاج بدون وجع صدر ولا كحه ياراجل بطل بطل بطل و احمي نفسك و مالك و عيالك

اه كدا يا ابو السيد دقيت في الوتر الحساس . انا بحب كرة القدم لدرجه ما تتصورة . حاولت اكثر من مرة لكن فشلة ان اقيف
في الميدان لمدةعشرة دقايق

اشكرك علي المرور
تعواتك ياسي السيد
دربك اخضر

الأخ عبد الله
والأخوة الكرام
تحية طيبة

المكان: مطار مانيلا بالفلبين عائدا إلى السعودية
الزمان: 24/09/1998
وأنا جالس في المطار منتظر رحلتي إلى السعودية وشايل علبتي وبدخن في سجارة قمت قررت إنو دي تكون آخر سجارة قمت مخمختها كويييييييييييييييس وطفيتها ورميت باقي العلبة وليييييييييي يومنا دا والحمد لله والآن لا أطيق ريحة الدخان

وعلى فكرة دي ما كانت أول مرة أقيف من التدخين لكن دي المرة الوحيدة الكان قراري فيها نهائي يعني كنت عارف أنا ما راجع تاني
والحمد لله
ونسأل الله يرحمك من هذه الآفة

وتأكد إنو الموضوع قرار وإنو نحن البنتحكم في الحاجات دي مش هي البتتحكم فينا

سلامات
انا بعرف واحد قبل كدا
مسك العلبة كرفسها وجدعها بي الشباك ونسى انه كان في يوم من الايام مدخن
وهسي ما يتضايق الا من ريحة السجاير
والزول دا ذاتو قبل ما يتعاطي السجاير كان بسف تمباك فجأة قام جدع الكيس
وبقى بعد داك ما يشمئز الا من منظر السفة خاصة عندما تكون في الشفة السفلى
وقلت ليهو (ارادتك قوية) قالي ارادتي ما قوية ولا حاجة والموضوع اصلاً انا ما ربطتو بي الارادة وما داير اختبر عزمي..الموضوع بي بساطة لقيت الاتنين مضرات وبسببن السرطان لذلك قلت في نفسي (لو عايز امووت بي السرطان حاستمر في التدخين) لكن لقيت نفسي ما داير بي سرطان اكون جبتو لي نفسي بي ايدي عشان كدا بطلت السجاير والتمباك قبله..
شفت يا كع المسألة بسيطة كيف..؟
وانت أسأل نفسك..اها يا حبيب عايز تموت بي السرطان..؟
خليك صريح ..؟

ياعادل سلامات

Quote: وقلت ليهو (ارادتك قوية) قالي ارادتي ما قوية ولا حاجة والموضوع اصلاً انا ما ربطتو بي الارادة وما داير اختبر عزمي

امكن اقوليك زي ما قال صاحبك لا اردة ولااختبار عزيمه......
بصراحه انت عايزني اقول ليك الصراحه
الخو ف من السرطان حمانا الله وايك يرجع الواحد لصوابو
اشكرك يادو فضل المولي
دعواتك الصادقات

ياسمسم احيك علي قوة اردتك

Quote: ونسأل الله يرحمك من هذه الآفة

اللهم امين
اسالك الدعاء
انشالله علي الدرب

اشكرك سامي عبدالوهاب

أخي الكريم عبدالله أنا ما دخنت تب في حياتي الحمد لله ، والزول البدخن قعد أحن عليه والله وأدعو له من قلبي مخلصا أن يخلصه الله منه

التجربة التي أذكرها لك هي تجربة والدي رحمة الله عليه

الوالد كان يدخن خمسين سنة منذ أن كان عمره 15 سنة لما بلغ 65 سنة وكان يدخن بطريقة عجيبة فهو قلَّ أن تراه من غير سيجارة، وكنا دائما ما نتكلم معه حتى أنه اقتنع بضرر التدخين وحرمته كمان!! لكن الطريقة التخلصه منه كيفنها ، وكان كل الذين يعرفونه يعتقدون جزما أنه لن يترك التدخين حتى الممات .

وفي سنة 96 جئت به للحج وجاء هو من السودان وأنا من أبو ظبي ولم نلتقِ إلا في مكة بعد 8 ساعات من إحرامه في جدة ، وأول ما سلم على قال لي أنا مما أحرمت ما دخنت !!!!!! طبعا كانت هذه من عجائب الأمور عندي نحن ما كنا نعشم في تركه لمدة 8 دقائق فكيف ب 8 ساعات !!! ثم أدى العمرة وتحلل من إحرامه واستمر على ترك التدخين وتعب وتعب وتعب ولكنه كان قد عزم على أن لا يعود

مع أنه من شدة تعبه حتى ضعفتُ أنا وأردت أن أقول له ارجع للتدخين لأني خشيت أن لا يستطيع تأدية مناسك الحج ولكن ثبت بعزيمته بعد توفيق الله

فتلخص عندي أن ترك التدخين لا يكون إلا بعزيمة الرجال
ومن بعد ترك والدي له صرت لا أصدق أن أحدا لا يستطيع ترك التدخين

أخي الكريم عبد الله نحن نترك الطعام والشراب الذي لا تكون حياة الإنسان إلا به وذلك في الصيام لما نعلم أن تركه هو مصلحتنا ، فكيف بترك شي لا هو طعام ولا شراب ولا مفيد ولا رائحته طيبة
ومضر للصحة ومحرم في الشرع ؟؟؟؟؟؟؟!!!!!!!!!!!!!!!

فالعزيمة العزيمة أخي عبد الله والترك الترك من غير رجعة

وأسال الله أن يوفقك في ترك التدخين عاجلا غير آجل

الاخ عبد الله
دعني اسألك سؤالا واحدا
لماذا تترك التدخين؟
هل حلّت جميع مشاكلك في الدنيا؟
هل حصلت على الاستقرار النفسي والمادي والحياة التي تنشد؟
هل مر بحياتك يوم واحد لم تواجه توترا او نرفزة ؟
اذا الاجابة لا لماذا اذن تنجعص وتفتح بوستا وتطلب نصائح لترك التدخين؟
واذا الاجابة نعم المدخّن ليها شنو ما دام انت زول مستقر وماعندك مشاكل؟

سلام يا كع

أنا التدخين خلانى ما خليتو .. زى ما تقول كدة الله عفانى
لى ستة سنوات بعد عمر مديد من التدخين ..

الملاحظة الغريبة أصبحت لا أطيق ريحته ولا مجلسه .. ولما أشوف ليك زول جارى ليه نفس لامن شعرة جلدى تقشعر .. بتخيل لى الجمرة مولعة فى سدرو .. والأسود الفضل يطلع من صدرى إمكن خمسة سنوات ..

أها إنشاءالله تدخلك الخوفة الدخلتنى .. وتتحل

عبدالله كع ،، إزيك

لو عايز تبطل تدخين ،، صهين لحظة الخرمة ولو صبرت لثواني معدودة راح تطير الخرمة من غير تدخين ،، هذا ما توصلت إليه أنا شخصيا ً بعد أكثر من أربعين سنة تدخين وساعدني على تركه نهائيا ً منذ عامين ،، أها رايك شنو ؟

ابو شيبه حبابك الف

Quote: صهين لحظة الخرمة

ده كلام عجيب لو في امكانية الصهينه دي مااااااااااااا نعمه كبيرة
ولكن اذا العلبه قدامك والمكتب 80% بدخنو يعني الصهينه مشكله
لكن نجرب برضو انشالله تظبط

اشكرك كييييييييييييير

ازيك يارأفت

Quote: أنا التدخين خلانى ما خليتو .. زى ما تقول كدة الله عفانى

ياخي ده التقول ماخد معاي كنترات بالله ملازمني زي ضلي
لكن بعد التجارب العجيبه والقصص دي لازم اقوم اشوف لي
حل سريع ولا خوفة قدر ده عشان اتفكفك

تشكراتي يا حبا

يامعاذ يااااااااحبيبي
ازيك ياخي

Quote: دعني اسألك سؤالا واحدا

Quote: لماذا تترك التدخين؟

ياااااامعاذ انت عايز تجنني ذيادة ولاشنو
الاجابه لجميع اسالتك لااااااااااااااا
قومته صنقرته وفتحت البوسته ده وداير النصايح
طيب انا برضوعندي ليك سؤال
هل الزول المدخن ماعنو مشاكل او كلها محلولة؟
وهل حياته مستقرة؟
ياخي حرام عليك والله .
انت مالك رابط مشاكل الدنيا والنرفزة والتوتر مع التدخين
تسلم ياحبا

ياعكود ازيك

Quote: والزول البدخن قعد أحن عليه والله وأدعو له من قلبي مخلصا أن يخلصه الله منه

عكود الله حنن قلبك علي وماتنساني من الدعاء

شوف يا حبا انا حجيت 8 حجات وربنا يتوب علي كنت بدخن وانا محرم في وسخ وقرف اكتر من كدا
ارحمنا يارحمن

اشكرك ياعكود من كل قلبي

كيفيك ياعبدالله

انا دخنت عشرة سنوات

قبل ايام من استقبال حرمنالمولودي البكر قررت
ان لايولد هذا الطفل وانا ادخن
وقد كان

الله يعينك

تحياتي يازول

Quote: قبل ايام من استقبال حرمنالمولودي البكر

الف مبروك (الزول البكر ) ويتربي في عزكم بدون تدخين ولا وهمة التدخين

دعواتك ودعوات ام البكر الصادقات

تسلم يا قلب

Quote: اكلت لبان لمن ضروسي اتهلكن . واتعلمته الطقطه كمان ما لقيت فايدة

الطقطقة والنفخ .. وكمان انت شلاليفك الكبار ديل مساعدات على النفخ (لبان وسجائر)
بعدين يا عبد الله زي ما قال ليك خدر انت داير تخليهو ليه ؟؟ يعني عشان تعمل شنو تاني؟؟


بكري الخليفة اتعلم سف الصعوط وهو كبير ومرة جاء قال لي صلاح تيتاوي : جيب سفّة .. صلاح قال ليهو انا خليت الصعوط
قام بكري قال ليهو : والله بقى ما عندك اي نكهة .. وطبعا صلاح تيتاوي ده اظرف واحلى زول ..
وانت برضك الذ واجمل زول .. بس خايف واحد يجي يقول ليك جيب سيجارة تقول ليهو خليتو يقول ليك هو انت غير السجائر ده فايدتك شنو؟

ياا مير هلا هلاهلا

Quote: بعدين يا عبد الله زي ما قال ليك خدر انت داير تخليهو ليه ؟؟ يعني عشان تعمل شنو تاني؟؟

كدي خلي خدر هسي .....
يعني لازم اعمل حاجه تانيه . عايز ابقي زيك كدا بس لا ادخن ولااسف ولااعمل اي حاجه....
اه ريك شنو.
خدر ده سال سؤال مافي محلو......

Quote: بس خايف واحد يجي يقول ليك جيب سيجارة تقول ليهو خليتو يقول ليك هو انت غير السجائر ده فايدتك شنو؟

ماتخاف من الحته دي بس كدي ربنا يقدرني اخليه
تسلم ياغالي
تشكراتنا ياحبا

·

عبده يا اخوى قصتي بسيطة
كنت ادخن منذ 1970

ذهبت للدكتور اشكو صداع حاد و سخونة فى البول
كشف علي
دخلت الضروة
هناك أثر على ( العدة) ..
السبب فى الاتنين التدخين .. (20 سجارة فى اليوم)

اشتريت 5 علب .. و 5 ولاعات من البقالة .. و سجارة بلاستيك من الصيدلية ..
وضعت علبة فى الجيب و اخرى فى السرير وواحدة تحت المخدة وواحدة فى المكتب و خامسة فى السيارة
و سجارة البلاستيك فى اليد
أهم شيئ سجارة البلاستيك
فبالاضافة الى ادمان النيكوتين هناك ادمانان آخران ..
ادمان حركة السحارة بين الاصابع والى الشغاه ..
وادمان سحب النفس والبث المباشر ..

بعد شهرين استغنيت عن البلاستيك ..

ملحوظة
منذ 15/7/1999 لم أدخن ولكني ..
و ما زلت أحيانا أخرم

متى ؟

الحوجة للجنس
الفراغ .. خاصة ليلا ..
الشلة المدخنة ..

اخوي معتصم الطاهر حبابك الف

Quote: هناك أثر على ( العدة)

اتر علي العدة كمان لاااااااياشيخ؟

بالله شوف خدر وامير عازين يكسرو لي العدة

Quote: ادمان حركة السحارة بين الاصابع والى الشغاه .. وادمان سحب النفس والبث المباشر ..

ابدو لي دي المشكله الكبيرة ..

عموما يا خي انا قومته عملته زيك اشتريت 5 علب بقومهم عادي في يوم وليلة
عشان كدا (خلينا نخاف علي العدة )
تسلم يا غالي اكيد حنتقابل

اخوي معتصم الطاهر حبابك الف

Quote: هناك أثر على ( العدة)

اتر علي العدة كمان لاااااااياشيخ؟

بالله شوف خدر وامير عازين يكسرو لي العدة

Quote: ادمان حركة السحارة بين الاصابع والى الشغاه .. وادمان سحب النفس والبث المباشر ..

ابدو لي دي المشكله الكبيرة ..

عموما يا خي انا قومته عملته زيك اشتريت 5 علب بقومهم عادي في يوم وليلة
عشان كدا (خلينا نخاف علي العدة )
تسلم يا غالي اكيد حنتقابل

الاخ عبدالله
تحياتي
لك تجربتي
كنت حتي يوم 28مارس 2007 ادخي في اليوم ما بين 40 و 60 سجارة
وفي يوم 28 بالذات حوالي العاشرة ليلا اكتشفت انني خلال 24 ساعة دخنت بالتمام والكمال 80 سيجارة فقررت ان اترك التدخين
استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادية

وهس منتظر 28 عشان ارجع

ابن عفان سلامات

Quote: استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادي

جربتها ولكن ماظبطةمعاي

Quote: وهس منتظر 28 عشان ارجع

ليه راجع احسن ليك اقد قبلك........
انا حا احتفل معاك بعدم العودة يوم 28-3-2008
ربنا يقويك


مراحب

ابن عفان سلامات

Quote: استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادي

جربتها ولكن ماظبطةمعاي

Quote: وهس منتظر 28 عشان ارجع

ليه راجع احسن ليك اقد قبلك........
انا حا احتفل معاك بعدم العودة يوم 28-3-2008
ربنا يقويك


مراحب

ابن عفان سلامات

Quote: استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادي

جربتها ولكن ماظبطةمعاي

Quote: وهس منتظر 28 عشان ارجع

ليه راجع احسن ليك اقد قبلك........
انا حا احتفل معاك بعدم العودة يوم 28-3-2008
ربنا يقويك


مراحب

ابن عفان سلامات

Quote: استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادي

جربتها ولكن ماظبطةمعاي

Quote: وهس منتظر 28 عشان ارجع

ليه راجع احسن ليك اقد قبلك........
انا حا احتفل معاك بعدم العودة يوم 28-3-2008
ربنا يقويك


مراحب

ابن عفان سلامات

Quote: استخدمت لمدة ثلالث اشهر علكة نكوتين 4جرام و الاربع اشهر الثاية علكة نكوتين 2 جرام و بعدين علكة عادي

جربتها ولكن ماظبطةمعاي

Quote: وهس منتظر 28 عشان ارجع

ليه راجع احسن ليك اقد قبلك........
انا حا احتفل معاك بعدم العودة يوم 28-3-2008
ربنا يقويك


مراحب

انا بطلته بي حاحة واحدة بس
والكم ده نهاية 91

قلت لي نفسي

اذا انا تني دخنت ابقى ما راجل
وانتهى من حياتي

مرحب بيك د/ محمد

الكلام بقي فيه رجالة وكدا يعني.....

تسلم يادكتور دربك اخضر

يا أبوعبدة ..

لسة ما وريتنا إنت عايز تبطلو ليه؟

شخصياً بدخن من 1975 - يعني 33 سنة مش؟ .. بس وحاتك عارف إني يوم ما أنوي حأبطلوا. وفي حاجة مهمة بتساعد في عدم إتخاذ القرار .. وهو نقة المرة في التدخين .. قوة راس وكدة.



تخريمة داخل الموضوع:
قيل أنها علاقة غريبة نتشأ بين السجارة ومدخنها .. تبدأ بالشوق .. واللهفة .. والقبل الملتهبة .. و..... تنتهي بالدوس بالأقدام.

وسئل الشيخ العوض ولد السارّة: هل التدخين حلال أم حرام فأجاب: (والله حلالو من حرامو ماني خابرو .. عيلاّ بشوف الجنيات بختّوا البوصة في قدومن ويقولوا (أديني النار).

ابو الريش

Quote: لسة ما وريتنا إنت عايز تبطلو ليه؟

طيب اجاوب ليك ولي خدر وامير.....

خايف علي العدة (راس المال ياقلب ) ده لو شتت مننا علي الدنيا السلام...

اه خلاص بطنك بردة

Quote: نقة المرة

نهج........... يعني ياحبا بيني وبينك

(المرة السجارة وجهين لعملة واحدة )

انت حاتبطلو متين ؟؟؟؟؟؟؟؟
(يا زنكلوني)

داشي راس ياحبا
تسلم يا ابو الريش

يا كع أسمع كلامي


قرر إنو الستة ريال بتاعت السجارة دي تكفل بيها يتيم أو تساعد بيها محتاج (6*30=180 ريال) تعرف دي بتكيف ليك راسك وقلبك.

يا عمنا أرمي علبة السجاير وفكها في المدام زي أسبوع كدة اتنرفز وأضرب الحيطة وكسر هي بتقيف معاك ما تخاف لأنو صحتك عندها بتكون بالدنيا.

المسألة قرار يا كع لا عزيمة لا حاجة

ربنا يسهلها عليك ويحلك من البلوى دي

أمير

Quote: وبالامس القريب الحاجه مرسلة لي كيس تسالي كبير بقزز فيه من بدايه مبارة الزمالك المصري وامبي لمن انتهت وبعد كل خمشة تسلي يكون في سجارة

انت دام بتتفرج في مباراة الزمالك وامبي...مخلي التدخين فوق كم؟


يا زول امشي اتفرج في ناس رونالدينو...وتاني السيجارة كان ماديها
علي خشمك بتلقاك دخلتها في نخرتك...في لحظة باكورد من رونالدينو..

وتاني كان دخنت...(ايبأ آبيلني)

يا نزار الله يجازيك

صباح الخير بالليل....

Quote: مبارة الزمالك المصري وامبي

انت عارف انا بحضر ليه ياحبا؟ خايف اقوم احضر الدوري الاسباني (رونالديونو وجماعتو)
اقوم ياسيداودي اسجارة الحته الفي بالي وبالك.......
يا نزار

والله داشي راس

تسلم ياقلب

سلام يا امير

Quote: عمنا أرمي علبة السجاير وفكها في المدام زي أسبوع كدة اتنرفز وأضرب الحيطة وكسر هي بتقيف معاك ما تخاف لأنو صحتك عندها بتكون بالدنيا

ربنا يستر احتمال يكون قرار واحد طلاق المره والدخان

Quote: المسألة قرار يا كع لا عزيمة لا حاجة

اشكرك من هنا الي هناااااااك

عبد اللة
كع التجربة دي وادينا خبر

يغلى كأس حليب في قدر وكذلك يغلى كأس ماء في قدر آخر وعندما يصل كل منهما لدرجة الغليان يخلط كلاً من الحليب والماء في قدر آخر ويستنشق البخار الناتج من الخليط لمدة 10 دقائق تكرر هذه العملية لمدة 10 أيام متتالية ستخرج جميع الأوساخ العالقة في الرئتين بجميع ألوانها بطريقة مدهشة وكثيفةوبعد مضي فترة ال 10 أيام سيكره المدخن طعم السجائر وسيساعده ذلك في الإقلاع عن التدخين

هذه الطريقة نقلتها عن مجرب لها
وأكد النتائج الإيجابية لها وأقلع عن التدخين نهائياً كما أنه بعد العشرة أيام زار الطبيب ليؤكد له الطبيب بعد الفحض والأشعة أن صاحب الرئتين لم يدخن طيلة حياته وربنا يهدي الجميع

أخ نسيت أسأل
حليب شنو؟؟؟

Quote: أخ نسيت أسأل حليب شنو؟؟؟

يامكاوي حبابك

مامهم .....بس انشالله ما يكون لبن طير
لكن صدقني بجربه بحليب المراعي ...
يلا بعد 10 يوم نتقابل..
دربك اخضر

عبد اللة

العشرة أيم خلصت وينك؟؟؟

توقفت عند الدكان اخر الليل وانفقت اخر مالدي من نقود
لشراء2 خرطوشة سجاير لزوم الكيف والويكند
وصلت للبيت لاجد حرارة طفلتي في السقف وتحتاج
لبنادول حتى الصباح
البنك قافل ولم يكن لدي بطاقات صرف آلي
الدكان في ولايتنا ممنوع من تبديل او ارجاع التبغ بامر القانون
صادف ان المدير المناوب للمحل كان سوداني
فتكرم بدفع قيمه الدواء من جيبه
تذكرت ماقاله لي سائق تاكسي سوري قبل عدة سنوات عن التدخين
"نار تذل البولعها"
وترات لي صور الشباب يزحف خارج المباني في نار الصيف
وصقيع الشتاء ليختلسوا نفس لفك الخرمة
فيتلقون نزلات البرد وضيق التنفس

امام المحل رميت بالخرطوشتين في الارض وهرستهم بالبوت
ولم اخرم من يومها.. ولا اطيق رائحته الان

النوم اصبح ممتع والحركة خفيفة والاكل اشهى والذ
اما المفاجاءة الكبرى فهي ان العدة ظهر لها مقدرات
وامكانيات لم اتخيلها فللعلم كنت ادخن من قبل البلوغ
واستمريت لمدة 17 سنة بواقع 40 سيجارة في اليوم

يا ولي مرحب مرحب...

حقيقه حاجه تخجل والله .. الحمدلله الخليته (كنت تخلي ليك شويه فكه ياحبا)

Quote: النوم اصبح ممتع والحركة خفيفة والاكل اشهى والذ اما المفاجاءة الكبرى فهي ان العدة ظهر لها مقدرات وامكانيات لم اتخيلها فللعلم كنت ادخن من قبل البلوغ واستمريت لمدة 17 سنة بواقع 40 سيجارة في

نوم عيني البقي لي سهر..
الاكل سندوتشات بدون طعم..
المفاجاءة الكبري حاجه مشجعه جدا
خايف من الرحلة ديك البتخليك زي الجدادة
دربك اخضر يا قلب

Walid

Thanks very touching story and best way to get the message crossed to Abduallah

تحياتي
كانت علاقتي مع التدخين تتخذ على الدوام طابعا اقرب الى العشق والولع والتوله.. وربما اكثر
وقد مضى على زمان طويل وانا ادخن.. بل ان السجائر خلدت لي ومعي بعضا من لحظات العمر الاجمل
وجلسات الشجن الكثيرة التي تبدو الان عصية على التكرار
كانت السجائر حاضرة دائما اول استيقاظنا في صباحات السودان
وكانت حاضرة اوان غرامياتنا المتعثرة
وكذلك كلما عنت في البال حبيبة ..
او ارهقنا الجسد
او فتحنا دفاتر الحنين .. او الجدال
كم "خمسنا" السجارة مع بهاء في زمان السودان القديم
واحتفظنا ببعضها تحت لافتة سجارة النوم
باختصار كانت السيجارة عشيقة وصديقة اكثر منها اي شيء.
وعندما قادتنا الخطى بعيدا عن السودان
كانت السجائر حاضرة وحفية في كل الاماكن التي تعثرنا بها
كم دخناها في كافيهات دبي .. وقاعات تحرير الصحف
وفي سفوح جبال اطلس المغربية
وفي مقاهي القاهرة ..
وعندما تدهور حالنا قليلا.. استبدلنا السيجارة بالشيشة تماشيا مع ظروف العصر
فكان ان ازداد تعلقي بالتدخين
وارتباطي به
ولا انسى انني كنت في سفرياتي الطويلة اتسلح بالشيشة اينما رحلت او حللت
ولا انسى تدخينة الشيشة في مطار هونج كونج
او انكسار زجاجة الشيشة بعد وصولي مباشرة لاوكلاند في "قعر" الكرة الارضية
حيث لا يمكن تصور حتى فكرة وجود شيشة
واستغراب اهالي نيوزلندا لهذا الجهاز العجيب
وكيف كان جيراني في المنزل يتجمعون حولي مستعجبين منها

في خاطري كلام كثير .. حول ارتباطي بالتدخين
ثم كيف تركته
ثم كيف عدت اليه
ثم اقلاعي الحالي عنه
وساعود ان كان في العمر بقية
وان سمحت "سبل كسب العيش" بزمن للكتابة
كونوا بخير

محمد خالد ياااااااا ابو نورة

عليك الله كان ماجيت تمت قصة

حبيبتي السجارة

احب الخيال في السرد

تعال فرح ليالينا ...

امانه عليك ترجع

الأخ كع

دخنت لمدة عشرة سنوات متواصلة وذات ليلة حر وأنا بالقاهرة إذا بي وعلى غير العادة أصحى بنتصف الليل وأجلس في البلكونة لأتوجه بدعاء حار لله أن ينقذني منها والحمد لله أصبحت أكره رائحة السجائر ولا أطيق المدخنين

يعني كمان حاول ترفع يدك بالدعاء في أقات خاصة عشان تلقى ليك دفرة

أظرف ما في الموضوع هو بعد ترك التدخين وعندما يدخن شخص بجانبك وبمجرد سحب النفس تروح أنت ساحب هواء لا شعوريا

نصيحة من مجرب ...
سف التمباك شهرين ....

انا غايتو بطلتو
كـــــده
شوفت كيف ؟؟؟

محمد السني الاستاذ معانا
زارتنا الملائكه ياخي

Quote: انا غايتو بطلتو كـــــده شوفت كيف ؟؟؟

؟؟؟؟؟؟؟؟؟؟؟(انت عملته بي اديك كدا يعني؟)

ايوااااااااااااا وصلت الفكرة.....

اشكر علي الحضور والمرور

دربك اخضر

ياا حمد عبدالله

Quote: نصيحة من مجرب ... سف التمباك شهرين ....

والله ماااااااااااااااااااااابسف تباك

ولا اي حاجه

لكن برضو ليك الف تحيه علي النصيحه يا ابو حميد

دربك اخضر

نصيحة مجرب ..

ضاعف الكمية .. لو بتشرب علبه خليهن علبتين .. ولو العلبتين ما خليتو خليهن اربعه .. وهكذا .. عشان تكمل نصيبك بدري وتخلص منو ..

انا عملت كدا .. وصلت في الفترة الاخيرة تمانين سجارة في اليوم وخليتو بين يوم وليله ..

فى اوائل العام 1997 قررت ات اترك التدخين وقتها كنت ادخن علبة كاملة من المارلبورو الابيض تحولت الى نوع اخر
ثم تدرجت فى تخفيض الكمية كل اسبوع الى ان وصلت الى خمسة سيجارات فى اليوم من نوع الكارلتون الخفيف وفى اول يوم من التوقف حلفت على المصحف ان لاادخن اليوم واستمريت على هذا المنوال لمدة ثلاثة ايام ومنذ مايو 1997 ومن ديك وعيك ولازلت على العهد لاسيجارة ولادخان امنياتى لك بدحر الدخان والعودة الى مجموعة رئة بلادخان حياة خالية من الذل والهوان.

بابكر حامد اهلا وسهلا

Quote: ضاعف الكمية

انت نسيت العدة ولا شنو؟
يعني نخلي الدخان ونضيع العدة
دربك اخضر

سلام يا عبدالله.....كع دي كانك عامل خلف في بوكس 80...ياخي انا اتخيلتك تركت التدخين من اول البوست.
بس هات اذنك ...اوصيك ان تجمع المداخلات دي وتعيد ترتبا ـ انابرة طبعا ـ وتعمل منها كتاب توديهو لجمعيات مكافحة التدخين وتبيعوا لان فيهو قصص اقلاع كثيرة وهم محتاجين زيها .... منتظرين ابو نورة يكمل قصتو.

كيمو مرااااحب

Quote: اوصيك ان تجمع المداخلات دي وتعيد ترتبا ـ انابرة طبعا ـ وتعمل منها كتاب توديهو لجمعيات مكافحة التدخين وتبيعوا لان فيهو قصص اقلاع كثيرة وهم محتاجين

اكون معاك صريح يافردة قللته خالص كنت بدخن 35 سجارة في اليوم الان محدد 5 في اليوم بس كان اموت مابذيده.الحمدلله الامور لان ماشه تمام لحدي اليوم يعني اسبوع زي الورد.
ياكيمو انت برة مالك مانت صاحب الفكرة اه منك ياااااااا.....
اما بخصوص كع ......
ده مابرانامج تاني ياحبا..
كدا نتقابل يوم كدا واقوم احكي ليك كع دي موضوعه شنو..... تمام ياحبا
اشكرك علي المرور والفكرة الدسمه
اشوفك ......كع

كعاكيعو يا عسل

Quote: يعني لازم اعمل حاجه تانيه . عايز ابقي زيك كدا بس لا ادخن ولااسف ولااعمل اي حاجه....

ياخي ما عشان كده انا قلت ليك تخليهو تعمل شنو؟ ما عشان انا ما عاجباني نفسي اي حتة امشي الناس يتبادلوا في السجاير والصعوط
(وشنو كده ماعارف) وانا قاعد اتلفت زي الطيرة

يامير ياجمري صباحك

Quote: عشان انا ما عاجباني نفسي اي حتة امشي الناس يتبادلوا في السجاير والصعوط (وشنو كده ماعارف)

تسلم من الطيرنه..

ياااخي انا عجباني نفسك دي ورب الكعبه . وداير ابقي طيرة .

يا عبد الله كع ...... لو داير تخلى التدخين تقوم تخش على البوست دا:






السيجارة .... سفة التمباك ... الخمر .... من مقللات أمد الحياة على الأرض.



وبعدين ورينى رايك وممكن تتصل على أخوك كمال سالم ويوريك الحاصل.

Quote: نصيحة مجرب .. ضاعف الكمية .. لو بتشرب علبه خليهن علبتين .. ولو العلبتين ما خليتو خليهن اربعه .. وهكذا .. عشان تكمل نصيبك بدري وتخلص منو .. انا عملت كدا .. وصلت في الفترة الاخيرة تمانين سجارة في اليوم وخليتو بين يوم وليله ..

كع!!
تيحياتي،،
النصيحة الفوق دي ما تجهلا ،،
وأضيف عليها : لا تشتري الدخان أبو (lights)أو نيكوتين
أقل ،، دي طبعاً أكبر خدعة لزيادة مبيعات شركات السيجار
للحاجة لمزيد من الدخان،،
=
الله يعينا وإياك ،، أنا عموماً أكثر إنسان بتحكم في ترك
التدخين ،، لكن أسافر خارج الرياض يوم واحد أدخن،،
أمشي السودان لا زم أدخن،،
لا أدخن مطلقاً داخل الحجرات بالمنزل ، بالأمس القريب
حولت الطفاية إلى الحمام وركبت شفاط أبو 6 ريشة أسوة
بغرف التدخين في المطاارت ،،
أسوأ مافي التدخين رائحته ، فمن له علاج لذلك فليفيد
الأخ / كع دا شكلو كدا والله لو تجيبوا ليهو تجارب الدنيا
ما حيخليهو،،
وبعدين تعال هنا : أنت ليك سبعة سنوات بتحاول تخلي التدخين
يعني بتدخن ليك كم سنة ؟؟

ياود البكري صباحك فل

نصيحتك خطرة للدين دي ممكن تودينا الاخره في رمشة عين

Quote: كع دا شكلو كدا والله لو تجيبوا ليهو تجارب الدنيا ما حيخليهو،،

(صدقني يا حبا كع شكلو دا حا يخلي الدخان قريب)
ابشرك الامور ماشه صاح الصاح

دربك اخضر

ياصحبي شكلو الكلام حيتحول الى حقيقة ...كلمت بعض الجهات وقالت انها ممكن تشتري الكتيب... انت جاهز.... خش على البروفايل حتلقاني هناك....بس قبلها، فيفتي فيفتي

كيمو سلامات

ايواا كدا المضوع بقي جدجد . خلاص خلينا نلم اينا شويه تجارب تكون قويه
وندعم بيها الكتيب
بس يا حبا شوف لينا اسعار تمام

(ففتي ففتي) ياقلب

دربك اخضر

فوق فوق

ياسيد / خالد ابو نورة

سلامات .... ياخي انت تعمل كدا ليه؟؟؟؟؟

ياخي تعال كمل قصة ( حبيبتي السيجارة )

منتظرنك ياحبا

يعني خلاص كملو المدخنين الخلو التدخين؟؟؟

انا طريقتي ناجحة بس لكن صعبة شوية

أنا قللت في البداية ثم أقسمت علي الاقلاع

كل ما أحس بأني عاوز سجارة اتذكر انه حتكلفني صيام ثلاثة أيام

والحمدلله انا الان مع غير المدخنين

ود الجبل .

مرحبتين ... طريقة فعالة ياحبا

والان ماشي تمام قللته خالص . واذيدك من الشعربيت غيرت نوع الدخان كمان

اشكرك ياحبا

فوووووووق

سف بتخليه...

نزار

Quote: سف بتخليه...

ده كلام شنو يعني طلع من حفرة اقع في بير

فكرةبرضو

معلومه لقيته واقعه......


تحتوي السجائر على أكثر من 4،000 مادة كيمياوية، العديد منها سامّة. دون الحاجة لذكر أن النيكوتين، المخدّر الذي يمنح المدخن الشعور بالرضا، مادة مسببة للإدمان. العديد من الناس يريدون ترك التدخين لكنهم لا يستطيعون بسبب أعراض الانسحاب التي تسيطر عليهم عندما يحاولون التوقف. حتى إذا نجحوا في تجاوز أعراض الانسحاب، يصعب عليهم التغلب على الرغبة أو اشتهاء سيجارة واحدة. هذه هي قوة مادة النيكوتين البريئة!!

الشيخوخة المبكرة. تعمل مانعات التأكسد على تحييد الجذور الحرّة. تنتج الجذور الحرّة خلال عمليات التأكسد داخل الجسم. تحت الظروف العادية، يمكن أن يتخلّص الجسم من الجذور الحرة بسهولة . ولكن إذا نتج عدد كبير من الجذور الحرّة فيمكن أن تبدأ المشكلة. تسرق الجذور الحرّة الالكترونات من الخلايا الأخرى. هذه السرقة تتلف الخلايا، مما يؤثّر على أغشية الخلية وحتى المادة الوراثية "دي إن أي" للخلايا. الأمر الذي يؤثّر على إعادة إنتاج الخلايا وقد يسبّب الضرر للخلايا. الأمر الذي يسرع في شيخوختها.
ما دخل التدخين في ذلك

كلّ نفخة دخان السيجارة تؤدّي إلى أكثر من تريليون جذر حرّ في رئتيك. ما مقدار الضرر على جسمك؟ لاحظي خطوط التجاعيد في وجه سيدة في الأربعينات من عمرها، أنها تبدو كسيدة في الستينات من عمرها. لاحظي الخطوط حول الفمّ، والعيون، وأسفل الخدود!

والدليل، اكتشف باحثون من كليّة جامعة مدينة Nagoya الطبيّة في اليابان بأنّ الخلايا المعرّضة التدخين احتوت على كميات أعلى من إنزيم يحطّم الكولاجين. ليس ذلك فقط، بل يساهم الدخان في نقص إنتاج الكولاجين الجديد بنسبة 40%. وبما أن الكولاجين هو الذي يساعد البشرة على البقاء نضرة، فالنتيجة أن التدخين يعيق هذه العملية الطبيعية ويسبب الهرم المبكر للخلايا.

يحتوي دخان السيجارة على أوّل أكسيد الكربون. هل سمعت عن قصص اشخصا انتحروا داخل سيارتهم بسبب التسمم من أوّل أكسيد الكربون؟ يعمل أوّل أكسيد الكربون على القضاء على الأوكسجين في الجسم، ويجوّع الخلايا للأوكسجين. أحزري من يعمل ذلك أيضا؟ دخان سيجارتك، المدخنون،منتحرون بطيئون، أنظري إلى لون بشرتهم الشاحب الرمادي المصفر. جلدهم ينازع للبقاء حيا.

وبالطبع الجلد ليس الضحية وحده، فهناك الشعر الذي يصيبه الجفاف، والأسنان الصفراء، واللسان البشع، والرائحة الكريهة، وأخيرا الأعضاء الحيوية الأخرى التي تصبح عرضة للسرطان والتآكل.

انشالله تعم الفائدة
دربي اخضر براي

Quote: سف بتخليه...

يا نزار
يعنى دى نصيحتك
اها دة هين البيفكو من الصعوط شنو
واللة مش لو عمل بوست لو بقى بكرى
ابوبكر وعمل ليهو بورد ما يتحلا

اها اناقبل كدة سمعت كلام واحد صاحبى
نصحنى بنصيحتك دى وخليت السجائر
لقيت نفسى اتشبكت لى فى مصيبة ...
مصيبة شنو قول كارثة اسمها الصعوط
ياخى دة عندو خرمة توقعك من طولك
اهابعد جهد جهيد عملت احتفال بتركى
الصعوط وساعدنى فى ذلك عدة اشياء
اهمها عودتى للتدخين بضعف الكمية
وبرضو كنت مبسوط .

الاخ عبدالله
تحياتى
وراجع ليك بالمفيد والحاسم

معاويه مرحب بيك

Quote: اها دة هين البيفكو من الصعوط شنو

ما ده الخيف منو زااااتو

يلا منتظرنك يا قلب تعال ورينا عملته شنو؟

دربك اخضر

يا كع يازول بطل الجرس و الخوف انتا لسه بتدخن وحايم تسال دخنت كم سجارة الإسبوع الفات ، و اشتريت كم علبة خلينا النختبر قوة الإرادة انا قلتا زولنا ده حسي بشرب جرين تي ساااااااااااي

Quote: تخريمة اخر ما توصلت اليه الشاي الاخضر بساعدك فى الإقلاع عن التدخين شربه الصباح و شربه قبل النوم

Quote: نزار يعنى دى نصيحتك اها دة هين البيفكو من الصعوط شنو واللة مش لو عمل بوست لو بقى بكرى ابوبكر وعمل ليهو بورد ما يتحلا اها اناقبل كدة سمعت كلام واحد صاحبى نصحنى بنصيحتك دى وخليت السجائر لقيت نفسى اتشبكت لى فى مصيبة ... مصيبة شنو قول كارثة اسمها الصعوط ياخى دة عندو خرمة توقعك من طولك اهابعد جهد جهيد عملت احتفال بتركى الصعوط وساعدنى فى ذلك عدة اشياء اهمها عودتى للتدخين بضعف الكمية وبرضو كنت مبسوط .

اها اناقبل كدة سمعت كلام واحد صاحبى
نصحنى بنصيحتك دى وخليت السجائر

نقيف هنا يا معاوية...من كلامك...الباقي داك خليه..
لأنو زي عبدالله كع دا كان ما سف الصعوط ما بخلي السجاير...
وبعدين الصعوط زاتو عملوه لي الزي عبدالله كع دا الي ان يغير اسمو الي عبدالله حسام

وعبدالله كع ما حا يخرم زي خرمتك دي...ولا بقع من طولو...وكلنا كنا مسجرين زي
كع واصبحنا سافين...زي كع بعد ما يسف....وكع زاتا عندها علاقة بالحقة وكده..

خليه يسف...مالك عليه...الراجل مضللو من الطريق الصواب

سلام يا ابو السيد

Quote: كع يازول بطل الجرس و الخوف انتا لسه بتدخن وحايم تسال

يا حبا الكلام دخل الحوش وفيها خراب العدة ودي اهم حاجه.

بس اطمنك الوضع ماشي للا حسن بقي 5 سجارات في اليوم ريك شنو ياحبا؟

Quote: اخر ما توصلت اليه الشاي الاخضر بساعدك فى الإقلاع عن التدخين شربه الصباح و شربه قبل النوم

نقوم نجرب الشاي الاخضر

مبروك جائزة الامير ياقلب

دربك اخضر (زي الشاي الاخضر )

عدد سنوات التدخين واحد وعشرين سنة كاملة 1977-1998
ومن عام 1998م لغايةهسه لم أدخن سيجارة قط بل صارت ريحة السيجارة ذاتها تضايقني ..
ولكن ماذا !!!! زول شيشة ساي

الله يخلي محمد ولدي ويحفظهم جميعا

هو السبب اني اترك التدخين ..

كنت متعود على سجارة ما قبل النوم (( النوامة )) كما شربتها ما بعرف انوم ..

اها انزل تحت البناية اشربها واجي .. ما ممكن .. بس بقفل علي باب بلكونة المطبخ (( التقول بشرب في خدرة هاهاهاها) ..

المهم محمد ولدي بجي اتلبد لي وداير يعرف انا كل يوم بالليل لي بطلع البلكونة واقفل بابها .. مره جيت داخل من البلكونة بعد ما شربت السجارة .. قال لي تعال نبوسك .. طبعا عرفتو داير يشم ريحة السجارة .. وطبعا دا كلو عشان ما يتعلمو السجاير .. زمان نخاف من ابواتنا وهسي من عيالنا (( عالم جبانات بشكل )) ..هاهاها

المهم متلحني ليك شديد .. اخرتها قلت ما باليد حيلة السيجار ولا ولدي .. منعول ابوك يا سجارة ومن ديك تاااااااااااني فراق الطريفي لجملو هاهاهاهاهاها

فوووق

بسف التمباك أعزكم الله وانا طالب بالإبتدائية .. وخليتو وبقيت أسف منذ 1985 اقلعت عن الإثنين بحمد الله عام 2000 ....
محاولة الأقلاع كانت واحدة فقط ، بعد تفكير .. قررت البداية من رمضان .. لانو هامش والوسوسة فيه ضيق .. يعني ساعة صبر واحدة بعد الفطور يعقبها صيام يوم كامل وهكذا ... خاصة بعد المواظبة على صلاة التراويح .. وقيام الليل أما إن كنت من أصحاب العشاء فقط فيفضل الخلود للنوم باكراً ... وسترى أن الامر غاية في السهولة..

الإبتعاد عن الحفلات بأنواعها والجماعات والشلل لفترة .. خاصة شلل الكوتشينة ،جماعة الكورة وضل الشجرة والعمود، وقعدات الشاي والقهوة .. وأي رحلات ترفيهية ما ليها لازم ..

الإقلال من الأكل متفادياً الشبع ابدا ما استطعت ولا تحاول أن تجد بديلاً للصعود أو السجائر في اي شكل كان .. لان ذلك بتناقض بشدة مع مبدأ الإقلاع ...ستجد أن كل يوم يمر .. يعزز الثقة بنفسك وينقلك بسلاسة لمرحلة هامة وهي الشعور بالنفور والتأفف من رائحة التبغ .. ومتعاطيه وهي مرحلة الإنتصار الكبير إن شاء الله ...

الدخان والصعود يبطلان الوضوء ما في ذلك شك .. كن على وضوء دائم .. شيخنا النبهان رحمه الله كان يقول " .. لا أستطيع أن أبقى أو امشي من غير وضوء .. الوضوء سلاح ودرع .. يحرق الشيطان فأنا لا يمكن إلا أن أكون على وضوء دائم" .. إن أنت آمنت بعالم الضياء ذاك فسيتركك التبغ صاغراً .. وإلا فاستعد للوضوء بعد كل سفة وسيجارة ...

سلامات ياعبس

اشكر علي النصيحه ولكن تجربتك فريدة .حددته انك سوف تتركه في رمضان
بس رمضان جرسته صعبه شديد بالنسبه لي

Quote: قررت البداية من رمضان

انشالله في رمضان الجاي اكون وافق منو لي 6 شهور

اشكرك

دربك اخضر انشالله

Quote: انشالله في رمضان الجاي اكون وافق منو لي 6 شهور

كع ،،
تذكر سيجارة الفطور،،
=
يازول تخلي شنو،،

أكل كويس ،، ومارس رياضة المشي والركض ،، ودخن ساي،،
=

شوف الدخان دا مشكلتو مع الناس العندهم أرتفاع في الكلسترول
أفحص وريح بالك،، (كلسترول + قطران) تسكر المجاري والدم يقيف،،
دي المشكلة!!

Quote: تذكر سيجارة الفطور،،

اه قومنا ...

وحاة النبي متزكرة واسي اتفريفته

Quote: ومارس رياضة المشي والركض ،،

ماهو ده المجنن بوبي ياحبا

Quote: شوف الدخان دا مشكلتو مع الناس العندهم أرتفاع في الكلسترول أفحص وريح بالك،، (كلسترول + قطران) تسكر المجاري والدم يقيف،، دي المشكلة!!

ياود البكري .......
معقولة بس

تسلم يا حبا

بس حقة بعد الفطور....... قويه

عبدالله المحترم..
منذ يوم 24 ديسمبر1981م ليلة الكريسماس في النادي القبطي..انقطعت العلاقة بينى وبين السيجارة.. وتوابعها ليلا.. ولم أعد.. بدون قسم.. بدون تحدي للآخرين.. بل كان تحدي مع نفسي.. وقد نجحت والحمد لله..وقتها كنت أعمل في (مصلحة العمل) حاليا وزارة العمل..
مودتي

ود الفكي كيفيك يا حبه

Quote: وتوابعها ليلا

الحمد لله توابعها انا ما عندي .......

تسلم.

مكاوي صباحك زي الورد

فعلا العشرة كملته ...... ممكن عشرة تانيه؟

بس ابشرك اخوك ماشي تمام قللته خالص

اشكرك علي المرور والاهتمام

كدا النتيجه ليك ......

1/ صفر

بس عشرة تانيه ياحبا

عبد الله كع

أزيك يافرده ,, أنت لسه ضارب السكليب ؟؟
ياخوى ماتسمع الكلام ده , مافى سيجاره كتلت ليها زول ,,
الدنيا دى كلها بافى فيها يومين تلاته أخير نقزقزبهن .


كمان كان بقيت بلحيل على الموضوع ده , تعال نسو كلام أخونا
البصيلى . باقى أنا اليومين ديل ماعندى موبايل .


بيناتنا الماسنجر ,,

سلامات ياكيمو.....

Quote: ياخوى ماتسمع الكلام ده , مافى سيجاره كتلت ليها زول ,, الدنيا دى كلها بافى فيها يومين تلاته أخير نقزقزبهن .

شكلي يا حبا حا اسمع كلامك ....

لكن القزقزة حتكون بالطريقه الصاح يامان

ــــــــــــ

صدقنني قللته خالص

تسلم يا غالي

الباص ده خلاص موضوعو استحمه...

الأخ عبدالله كع والأخوة المتداخلين

الحقيقة لم أدخل على الموضوع سوى اليوم ، والعجيبة أننى مدخن شره أدخن الأربعين إلى الخمسين سيجارة مالبورو أحمر ، ولى زميل عزيز بالمكتب (كثير النق) (يكره التدخين) ويرسل لى دائما كل ما يمكن أن ينفرنى من التدخين من إيميلات تحمل أضرار التدخين ونسب وفيات المدخنين إلى غير المدخنين ، ومثل هذا النوع من النق

الحقيقة ، لم أكن أكترث فى البدء من هذه الإيميلات ، ويظهر أن لها أثر خفى لا تحسه فى وقته ولكنه يظل يعمل فى الباطن (فى مكان ما فى النفس)

وفجأة ،

قررت التوقف عن التدخين ، وكانت آخر سيجارة دخنتها قبيل منتصف الليل يوم 25 مارس 2008م يعنى قبل أربعة أيام

قد يقول قائل ، حتما سيرجع للتدخين

ولكن أقولها لك يا عبدالله ولمعشر القراء ، أننى لن أرجع للتدخين مهما كلف الأمر ، وليس هنالك أى بدائل أخرى كاللبان أو التسالى أو علكة التدخين ، صدقنى كل هذا كلام فارغ ، المسألة إرادة فقط وأبعد عن التدخين تجده يبعد عنك وما ذكرت التجربة رغم بساطتها إلا أنها يمكن أن تعينك

أقل لك ما هو شعورى فى اليومين الفائتين:

دوخة ، قلق ، نرفزة ، طفش ، فى شى ناقص ما هو لا أدرى

المهم بدأ هذا الشعور يقل تدريجيا والآن فى وضع أفضل

النصيحة الهامة البعد تمام عن المدخنين وأماكن التدخين خصوصا فى هذه المرحلة

سأوافيك بما يحدث معى بكل أمانة ، فأنا الآن إنسان جديد يا عبدالله

تحياتى

وهذا نموذج الإيميلات التى تسببت فى توبتى

Quote: Smoking Facts and Tobacco Statistics • Half of all long-term smokers will die a tobacco-related death. How long have you been smoking? • Every eight seconds, a human life is lost to tobacco use somewhere in the world. That translates to approximately 5 million deaths annually. • Compared to nonsmokers, men who smoke are about 23 times more likely to develop lung cancer and women who smoke are about 13 times more likely. • Secondhand smoke contains more than 50 cancer-causing chemical compounds, 11 of which are known to be Group 1 carcinogens. Do you smoke at home or in the office and pass along this horror to your family and friends? Benzene is a known cause of acute myeloid leukemia, and cigarette smoke is a major source of benzene exposure. Among U.S. smokers, 90 percent of benzene exposures come from cigarettes. Radioactive lead and polonium are both present in low levels in cigarette smoke. Hydrogen cyanide, one of the toxic byproducts present in cigarette smoke, was used as a genocidal chemical agent during World War II. Tobacco use is expected to claim one billion lives this century unless serious anti-smoking efforts are made on a global level. Tobacco offers us a life of slavery, a host of chronic, debilitating illnesses and ultimately death. And think about it: You pay big bucks for those "benefits." Sad, but true.

يازول ......

اولا اشكر علي المداخلة ......



الحمد لله الذي تاب عليك من سجم الرماده

ما قلت لنا يا أستاذ عبد الله خبرك شنو بعد التجارب دي كلها إن شاء الله اتفكيت من المصيبة دي ؟؟؟؟

عكود اخبارك .....

اشكرك علي المتابعه .

Quote: ما قلت لنا يا أستاذ عبد الله خبرك شنو بعد التجارب دي كلها إن شاء الله اتفكيت من المصيبة دي ؟؟؟؟

ابشرك بقيت مابشتري( يعني بدخن ملح)

يا عكود انت من يتو نوع ؟؟؟؟؟؟؟؟؟؟؟؟؟؟؟؟

ــــــــ

دربك اخضر

ياعبدالله اعتقد حتى هنا نكون قد وصلنا الى الفصل الثاني من الكتاب ... اوعك تكون نسيت الاتفاق.... المطبعة في انتظارك ... بس كمل فالبوست لذيذ وممخمخ.

كع

سلامات

طبعا التدخين انا ما كان عندى معاة شغلة

بس عند بداية الغربة والسكن بعيد من اماكن تموين

الصعوط علقنا فية وقرب يودينا التوج وخلينا غصب لظروف صحية


لكن طبعا البفكك من السجائر يفكنا من التمباك بقينا خبرة

فى المطير والله ولا المحسى

دربك اخضر

بابكر اخبارك

Quote: طبعا التدخين انا ما كان عندى معاة شغلة

الحمد لله الذي نجاك .......نفدته منو ياقلب

لكن يا حبا التمباك يااااااااااخي ماقصة غريبه

Quote: الصعوط علقنا فية وقرب يودينا التوج وخلينا غصب لظروف صحية

برضو الحمدلله عليك الله دعواتك.......
ــــــــ
ودربك كذلك

سلامات كيمو.....

Quote: اوعك تكون نسيت الاتفاق.... المطبعة في انتظارك

انسي كيف يا حبا ده مشروع ابن كلب (زي كتاب ابلة نظيرة )

Quote: وفجأة ، قررت التوقف عن التدخين ، وكانت آخر سيجارة دخنتها قبيل منتصف الليل يوم 25 مارس 2008م يعنى قبل أربعة أيام قد يقول قائل ، حتما سيرجع للتدخين

ياخوانا وين صاحبنا دة
حتما رجع للتدخين

لا والله يا معاوية

مازلت صامد

اليوم أكملت 12 يوما بالتمام والكمال

يعنى الحقيقة ماشى كويس

بس تصدق لحدى هسع خرمان ودايخ



ربك يستر

يازول عافي منك والله

Quote: اليوم أكملت 12 يوما بالتمام والكمال

Quote: يعنى الحقيقة ماشى كويس

ب

Quote: س تصدق لحدى هسع خرمان ودايخ

ده الجرسني يا حبا

ـــــــــــــ

اه يا معاويه شفته الهدايه والاكاليل

يامعاويه كيفنك

Quote: حتما رجع للتدخين

منو القال ليك الراجل صامد ........ يا قلب

ربنا يوعدني انا كمان ........ كلما اتزكر سجارة فطور رمضان بهلوس


دربك اخصر

الله ينعل السجاير .....

داير يقصر عمرنا

تعرف ياكع ده منصرف بسرعة الصاروخ ليه عشان الخرمه ياقلب أحسن تقلع بذات السرعة دي

ـــــــــــــــــــــــــــــــــ

أبقي مارق من الرأس أبت تطلع ومن الأنفاس خوازيق الحرق زادت سجارة

،،،،أبوقصى،،،،

ابوقصي ........

Quote: الرأس أبت تطلع ومن الأنفاس خوازيق الحرق زادت سجارة

طلعة يا حبا تطلع روحه انشالله

دربك اخضر يا man

ود الشخ سلامات

Quote: داير يقصر عمرنا

اعمل زي اخوانك يامان

هشام - ومعاويه - والزول العجيب .......خلينا نكسب اجر يا حبا

ــــــــــــ
دربك اخضر

Quote: اليوم أكملت 12 يوما بالتمام والكمال

والله يا هشام قوى جدا
يازول دة خبر مفرح

اها كمان اديك النصيحة فى حالتك دى
اياك ثم اياك ان تدخن اى سيجارة او شيشة
لمدة 6 شهور بادوب بتكون عديت بر الامان

الف مبروك

____________
اليوم اكملت 8 ايام
لكن مع استعمال كل وسائل
المساعدة بما فيها هذا البوست
شكرا الاخ عبد اللة
شكرا هشام

Quote: والله يا هشام قوى جدا يازول دة خبر مفرح اها كمان اديك النصيحة فى حالتك دى اياك ثم اياك ان تدخن اى سيجارة او شيشة لمدة 6 شهور بادوب بتكون عديت بر الامان الف مبروك ____________ اليوم اكملت 8 ايام لكن مع استعمال كل وسائل المساعدة بما فيها هذا البوست شكرا الاخ عبد اللة شكرا هشام

ـــــــــــ
عينا باردة ....... دربكم اخضر

عبد الله
شكراً

كنت مدخن منذ اكثر من 25 سنة
دخلت علي المنبر و قرأ ت البوست بتاعك
لفت الحكاية في رأسي
رميت علبة السجاير و بداخلها 19 سجارة
و لله الحمد حتى الان صامد و كاره رائحة التبغ
جلست مع مدخنين ولم اتأثر
لي كم يوم ؟
احسب تاريخ البوست بتاعك

شكراً ليك و لكل الذين ساهموا معك

Quote: ابشرك بقيت مابشتري( يعني بدخن ملح)

الاخ عبدالله
اه شوف من بوستيك دة هسى نحن وقفنا من التدخين
3 اشخاص انا وهشام وفالكون وانت لسة ماسكنا بدخن ملح

اها اوصف ليك خارطة الطريق
ولا اقول برجع ليك بمهلة

معاويه اشكرك

والله يا مان انا مدين دين كبير

ودالكع قال.....

Quote: Quote: ابشرك بقيت مابشتري( يعني بدخن ملح)

معايه قال كلام البزعل الواحدة

Quote: الاخ عبدالله اه شوف من بوستيك دة هسى نحن وقفنا من التدخين 3 اشخاص انا وهشام وفالكون وانت لسة ماسكنا بدخن ملح

وقال معاويه بن الطيب (الراجل الطيب )

Quote: اها اوصف ليك خارطة الطريق ولا اقول برجع ليك بمهلة

قال : ودالكع
ما محتاج ل خارطة وطريق ولا الحائط الممبكي يا مان

حتي الملح شتت يا حبا ( وعد مافي رجعه انشالله )

بلا سجارة فطور رمضان بلا كلام فارغ
اشكر يا معاويه .........

أولا أنا بكتب ليك ومولع سيجاره ماخد منها نفسين
أنا بدخن من سنة سبعين بديت التدخين بالدس الآن بالعلبه

وبالعلبه الكبيره ام 25 سيجاره وفى اليوم علبه .


حاولته عدة مرات ابلش لاكين ما قدرته

جانى سكرى قبال سبعه سنوات والدكتور قال لى لازم توقف التدخين

لان التدخين وارتفاع الدم والكلسترول والشرايين وكلام كتير خالص

وسألنى لو عايز مساعده توقف التدخين فى قسم ممكن يساعدك على ذلك .

قلته ليه كده ادينى فرصه احاول براى بس عشان اتخارج المهم أدونى نمرة التلفون .


بعد شهرين ضربته تلفون وطلبته المساعده على عدم التدخين , قالو لى فى طريقتين

فى شريط بربطوه ليك فى الضراع ودا فيه نيكوتين ولو ربطوه لازم توقف التدخين على طول

لأنه الشريط زاته فيه نيكوتين ولو دخنته معاهو بتزيد كمية النيكوتين فى الجسم .


الطريقه التانيه فى حبوب ممكن تستعمله وتدخن فى نفس الوقت وبعد فتره بتفقد طعم

السجاير وبتشعر انك ما محتاج تدخن ولا عندك مزاج تدخن ولاحتى تتذكر انك كنت بتدخن .

وفى Side effects نومك بكون مقطع الخشم ببقى ناشف ووزنك بقل وفى حاجات تانيه

ولازم تستشير طبيبك لانه هو البكتبه ليك وما بتتصرف الا برشته .


لاكين انا مسكته فى الطريقه التانيه قلته قبال افرمل انفخ لى كام سيجاره

والله كريم .


والله العظيم ثلاثه أنا بديت استعمل الحبوب وأدخن وبعد اسبوعين ما كان فى البيت ولا طفايه


وSide effects النوم كان مقطع ما كان مزعج بتصحى دقيقة وبترجع تنوم عادى زى مره أو مرتين .

المصيبه انه وزنى قله بصوره ما تتخيله لما اتعقدته, مشيت قابلته أخصائى السكرى , أولا

اتكيفو لانى بقيت ضعيف ودا الدايرنو ناس السكرى ووريتم انى استعملته الحبوب علشان كده

ضعفته وفقدته الوزن . الدكتور سألنى من السكرى وكان عالى فى الوكت داك . قلته ليه السكرى

عالى طوالى قال لى الضعف دا ما من الحبوب الضعف دا انه البنكرياس ما شغال تمام والجسم

محتاج لانسلين وبقت الضعفه ما من الحبوب الضعفه من البنكرياس .

وقفته التدخين لمدة تلاته شهور وبد داك ...............يتبع


شوف النقه دى كلها عشان أوريك انه فى حبوب ممكن توقفك من التدخين لاكين مع استشارت

لطبيب .....

الحبوب اسمها ZYBAN وعلشان تعرف عنها اكتر فتش فى النت أولا وبعد داك قرر مع استشارة الدكتور .







جاتنى عقدة من الضعف قمته رجعته تانى للتدخين و الان وانا بكتب نافخ تلاته سيجارات .

هذه هى قصتى مع التدخين ويمكن مننا تستفيدو و تبلشو والا انفخو حتى تكحو .

الحكومه عندنا فى كندا رفعت الضرئب على السجاير عشان يبقى غالى علشان الناس تبلش

بقت بالعكس هم يرفعو والمدخنيين بيزيدو ويلا .......




عدل.شلنا لنك ما شغال

افتكر اللنك الاول ما تمام جرب دا

http://seo.investray.pl/zyban.html

لما تبطل رسل لى الولاعه للذكرى و التاريخ

بس أوع من التمباك و الشيشه

يا ماااااان

Quote: لما تبطل رسل لى الولاعه للذكرى و التاريخ

ولاعة للزكري معقولة بس ......

كدي انت بطل شوف اخوك بعمل ليك شنو ؟؟؟؟؟؟؟؟

ماحتتخيل .......... صدقني

Quote: الشيشه

كانت فكرة ياحبا

دربك اخضر

افتكر اللنك الاول ما تمام جرب دا

http://seo.investray.pl/zyban.html

لما تبطل رسل لى الولاعه للذكرى و التاريخ

بس أوع من التمباك و الشيشه

الاخ حمد سلامات

اشكرا كثيرا علي تجربتك التي بأت بالفشل عموما هي تجربه ....والحياة تجارب

Quote: أولا أنا بكتب ليك ومولع سيجاره ماخد منها نفسين

دي عشان تغيظني ولا شنو يا مان ( شامي الريحه )

Quote: محتاج لانسلين وبقت الضعفه ما من الحبوب الضعفه من البنكرياس

قصه والله وحكايه يا مان ....... ربنا يعينك ويشفيك ( من القلب والله )

ــــــــ
دربك اخضر

صدقنى لو تعرف ما يُحدثه التدخين بجسمك من اضرار لما قرُبت منه أو قرُبت ممن يدخنه
الحل الابسط لهذه المشكله هو أن تضع المصحف أمامك وتقسم اليمين ألا تعود للتدخين وستفعل ولن يحدث لك شئ وكل ما ستحسه شوية صداع تزيله حبة حبتين بنادول والسلام ....وستكره حتى رائحة السجائر بعدها
والى اللقاء ...ز

سوركتي سلامات

Quote: صدقنى لو تعرف ما يُحدثه التدخين بجسمك من اضرار لما قرُبت منه أو قرُبت ممن يدخنه

والله فاهم النظريه تمام .......

والحمدلله 5 يوم خارج التغطيه ( عشان بدون دخان )

لم اجرب الحليفه علي المصحف ولكن فتحت هذا البوست ده وساعد خالص ان اتركه التدخين دون حليفه

اشكرا علي المداخلة الرايعه ....بس يا مان انت كنت بدخن ؟؟؟؟؟؟؟؟؟؟؟

دربك اخضر

Quote: والحمدلله 5 يوم خارج التغطيه ( عشان بدون دخان )

الاخ عبد الله
الف مبروك
5 يوم يعنى اتعديت المرحلة الصعبة
بس المهم الصمود ثم الصمود ثم الصمود ( بى زهللتك دى ما تقراها الصعوط )

---------------
يازول دى دايرة ليها تلفون تهنئة عديل كدة
ارجو الاتصال 009745875260

اخوي عبدالله
أسمع النصيحة دي منى
وده كلام مجرب ماكلام طبيب
أسرع وأنجع وسيلة للتخلى عن التدخين
هي { نقة المدام } ..يعني ياخوي مادام بدأت مشوار التوقف عن التدخين ..كلم المدام
ووصيها - تنق - فيك كلما روداتك نفسك على سجارة
صدقني بعد 6 أشهر كان رجعت للتدخين ، انا احلق شنبي

Re: اي زول خلي التدخين يجي يورني خلاه كيف ؟

بداية الأقلاع وخرطوش الطريق إلي السجائر

الاخ عبدالسلام

تحياتي ..........

من خور جانقي لحدي الميناء البري والسوق المحلي والمركزي

Quote: ووصيها - تنق - فيك كلما روداتك نفسك على سجارة

نقت لمن فترت وحلقه اتقرش لا هي فهمت حاجه ولا انا خليت السيجاير ....

الكلام ده قبل اسبوعين كدا يا حبا لكن اسي الحمد لله الوضع مستتب بدون

تدخين................

اشكرك علي المرور

مجدي لك الشكر اجز
قلعتو من وين البوسته ده؟؟؟؟؟؟؟؟
يا مجدي اخبارك شنو النشالله تمام والاولاد
اخوك انتصر انتصار الفاتحين يا مان...
لكن البوست حكون دايما في الصفحه الاولي عشان الفايدة تعم .......

ــــــــــ
الجني.... ده... قالو ابوه عندو محل شيشه في الشام

أها يا عبدالله رأيك شنو ن الليلة تميت 34 يوم بدون تدخين ولا حتى سيجارة واحدة ولا حتى نفس



صدقنى الشغلة كلها تعتمد على قوة الإرادة

يلا شدو حيلكم وإسترجعوا الصحة والعافية وخلونا نخلق مجتمع متعافى بدون تدخين ونجعل ذلك شعارنا

تحياتى

عبد الله كع ، تحياتى .....


شوف يا أخوى ، انا خليته لمدة 18 شهر بالتمام والكمال
قبل شهرين رجعت ليهو ، والله ال 18 شهر ده كنت خرمان ، وزى
العندى حاجه رايحه منى ، قدرما فتشت ليها ما لقيتها ، فيا
أخوى ما تخليهو ولا حاجه .. خليته كيف ؟؟ ما ليها لازمه أحكى
تجربتها ، لأنها بقت تجربه فاشله !!!!!

يامجدي مالك ياخ ... الراجل قرب ينسى السجاير تمشى تقلع البوست تاني وتذكرو.... أها هسه ولع واحدة ولوث الاوزون، انشاء الله انت تكون مرتاح.

محبتي

يزووووووووووووووووووووووول

Quote: أها يا عبدالله رأيك شنو ن الليلة تميت 34 يوم بدون تدخين ولا حتى سيجارة واحدة ولا حتى نفس صدقنى الشغلة كلها تعتمد على قوة الإرادة يلا شدو حيلكم وإسترجعوا الصحة والعافية وخلونا نخلق مجتمع متعافى بدون تدخين ونجعل ذلك شعارنا

ده كلام كبارجدا يلا واصل اوكع تنخ في الطريق وتقول الخرمه رمتني

37 قول 40 في كل يو م

ـــــــــــــ
شجعتنا وانشالله لقيت ليك منافس يا مان عند 18 ورده هسي

سلام بدون سجارة
شوف يا أخوى ، انا خليته لمدة 18 شهر بالتمام والكمال
قبل شهرين رجعت ليهو ، والله ال 18 شهر ده كنت خرمان ، وزى
العندى حاجه رايحه منى ، قدرما فتشت ليها ما لقيتها ، فيا
أخوى ما تخليهو ولا حاجه .. خليته كيف ؟؟ ما ليها لازمه أحكى
تجربتها ، لأنها بقت تجربه فاشله !!!!!

وحاتك يا غالي رجفت عديل كدا 18 شهر ورجعته .....

فاشلة ..... ولا ح تخلينا نعيد حساباتنا

ــــــــــــ
الله يستر يامان

كمال ادريس سلام كما ينبغي

Quote: يامجدي مالك ياخ ... الراجل قرب ينسى السجاير تمشى تقلع البوست تاني وتذكرو.... أها هسه ولع واحدة ولوث الاوزون، انشاء الله انت تكون مرتاح

اه زي ده مش داي ربونيه كاربه كدا


ــــــــــــ
كمال انت شنو معانا ولا معاهم؟؟

يا حبا
على كورنيش جدة الزمان 6 اكتوبر 1992 وانا اقرا فى جريدة مصرية المانشيت يوم النصر العظيم فقررت ان يكون هو يوم انتصارى على التدخين فقمت بكس ما بالعلبة المارلبورو الابيض سيجارة سيجارة والقائها فى البحر الاحمر ومن يومها لم اعد للتدخين!
قناعتى الشخصية ان لم تترك التدخين من اجل تحسين حياتك الصحية فيتوجب عليك ان تتركه من اجل ابناءك ففضلا عن تقديم قدوة ونموذج سئ وتلويث المنزل بما يضر بصحتهم فان صحتك ستتردى وستصرف كل مدخراتك على العلاج ان كان مجديا وستتركهم عالة وربما دون اب!
الا يستحق ابناءنا حياة كريمة ليحققوا ما فشلنا فى تحقيقه لانفسنا واوطاننا!
اطفالنا هم فرصة استئناف تتيحها لنا الحياة لتحقيق ما فشلنا فى تحقيقه والاجمل انها فرص متعددة بقدر عدد اطفالنا!
جنى

اولا جني الف مرحب بيك .. معانا ياخي..

Quote: الا يستحق ابناءنا حياة كريمة ليحققوا ما فشلنا فى تحقيقه لانفسنا واوطاننا! اطفالنا هو فرصة استئناف تتيحها لنا الحياة لتحقيق ما فشلنا فى تحقيقه والاجمل انها فرص متعددة بقدر عدد اطفالنا!

صدقته والله العظيم ......

ـــــــــــــــــــــ
شكرا يا حبا علي المرور والشرطة العسكريه

كنت فى العمرة ...

وأقسمت .... آخر سجارة كانت فى مطار الملك بتاعم ده إسمو شنو ده

كلامى مفهوم مش..؟

لى أسبوع هسى....

خرمااااااااااااااااااان لكن زى ما بقول الأخ عبداللطيف بكرى الخرمة ما بتكبر ولا بتزيد ولو بتكبر أو بتزيد كان راسى طرشق

ابو ديه كلامك مفهوم وتمام

اكدا هسي وصلت وين..؟؟

شكلك رجعته تاني ياحبا!!








ـــــــــــــ
تعديل: العمرة مقبولة انشالله

فوق ..

بعد غيبه

ابو ديه راجع ليك.. كدا نرفعو لي فوق ..




ـــــــــــــــــــ
في زبائن جدد

عبدالله ..ماهي آخر اخبارك مع التدخين ان شاءالله تكون قد اسدلت عليه الستارة الأخيرة
ولتحتفى بصدر خال من النوكتبين قبل حلول شهر رمضان المبارك

عمر .. سلامات ياخي ..

Quote: عبدالله ..ماهي آخر اخبارك مع التدخين ان شاءالله تكون قد اسدلت عليه الستارة الأخيرة ولتحتفى بصدر خال من النوكتبين قبل حلول شهر رمضان المبارك

بس خرمان لي خرمه اسكت ساكت .. كل ما اشوف لي واحد مولع سجارة بموت بالمغسه
وتلقاني وشفشف معاهو السجارة .. والله حالة بطالة يا مان,, ولكن صابرين


امبارح جيتكم عند الناس المتسللة الي المغرب
لقيتكم كلهم عاملين كدا

ــــــــ
مبروك للعريس ....مش في عرس من الشلة برضو ؟

اشكر ك علي السؤال يارائع

أها يا جماعة رأيكم شنو الليلة أكملت 95 يوم بدون سجائر

صدقونى القصة عزيمة ، وبعد داك أنسى الموضوع

الزول بعد داك صحتو تتصلح ، وشهيتو تتفتح للأكل ويعمل ليه كضيمات وصدرو ينضف من أوساخ النيكوتين وينوم كويس ويفكر كويس ويكون عندو قبول فى المجتمع كبير

الله يلعن أبو التدخين

يا زول تحايانا

Quote: أها يا جماعة رأيكم شنو الليلة أكملت 95 يوم بدون سجائر

ما عزبتها عزاب السنين ..

Quote: الزول بعد داك صحتو تتصلح ، وشهيتو تتفتح للأكل ويعمل ليه كضيمات وصدرو ينضف من أوساخ النيكوتين وينوم كويس ويفكر كويس ويكون عندو قبول فى المجتمع كبير

الحمد لله يا حبا.. في حاجه نسيتها .. فهتمني اكيد..

كع!!!
الزمان 22 مايو 2008
المكان مطار روما
آخر سيجارة ،،
=
الحالة الآن : زي الزفت!!
التوقعات : حبة في رمضان ، الفطور ، السحور؟؟

التوصية،،
أقفل البوست دا : صلاح ابو دية و هشام يازول دا كان وقع ليك واحد فيهم هنا حقك راح،،

Quote: الزمان 22 مايو 2008 المكان مطار روما آخر سيجارة ،، الحالة الآن : زي الزفت!! التوقعات : حبة في رمضان ، الفطور ، السحور؟؟ التوصية،، أقفل البوست دا : صلاح ابو دية و هشام يازول دا كان وقع ليك واحد فيهم هنا حقك راح،،

عبداللطيف مرحب بيك ..
تعرف سجارة الفطور دي المخوفاني .. السحور ما مشكلة


ــــــــــــ
الله يكفينا شر الوقوع .. والترتحه

سلامات يا كع
قبل مدة في البوست زي دا قلت لي صاحب البوست الكان برضو عايز يخلي التدخين ولييييه اساسا مخليهو عيب لي التدخين دا و كنت في وش كل البيقولوا لي بطل تدخين اقول ليهم ياخ انا بحب التدخين عديييل وما مفكر أخليهو تب،

Quote: أها يا جماعة رأيكم شنو الليلة أكملت 95 يوم بدون سجائر صدقونى القصة عزيمة ، وبعد داك أنسى الموضوع الزول بعد داك صحتو تتصلح ، وشهيتو تتفتح للأكل ويعمل ليه كضيمات وصدرو ينضف من أوساخ النيكوتين وينوم كويس ويفكر كويس ويكون عندو قبول فى المجتمع كبير الله يلعن أبو التدخين

انضميت لي قروب يازول يازول يونيو 10 يعني 18 يوم بدون تدخين!!
كيف
من مارس قررت انو حأبطل الندخين في يونيو، تلقائياً وبالتدريح وبصورة سهلة نوعا ما قللت لي أقل من 10 سيجارات في اليوم وبديت بدل light أدخن extra light كمان، لما جا يوم 10 كنت نوعا ما اتهيأت لإني غير مدخن،
المسألة انك تضع ارادتك في مواجهة التدخين.
* بالناسبة دي أول مرة أبطل فيها التدخين والسبب الخلاني أبطل ...

محمد الحاج سلام يا مان

Quote: بالناسبة دي أول مرة أبطل فيها التدخين

انشالله بدون رجعه

Quote: والسبب الخلاني أبطل ...

شنو ؟؟

Quote: امبارح جيتكم عند الناس المتسللة الي المغرب لقيتكم كلهم عاملين كدا ــــــــ مبروك للعريس ....مش في عرس من الشلة برضو ؟ اشكر ك علي السؤال يارائع

الأخ / عبدالله
بطبع جيلنا في جامعة فاس والجامعات المغربية الأخرى جيل سبعينى

صراحة الوقت داك ماعرف انت كنت وين : ابتدائي ..ولا روضة .....؟
المهم ..في زمنا داك كانت { التفة } هي الموضة والأصل ..والشعر القصير و{الصلعة } مكجننها ويعتبر اصحابها من { الرجعيين } و{ المتخلفين حضاريا
بالمناسبة ..مرحب بيك في عرس زميلنا ابوسمرة والعوة مفتوحة ليك غداء وعشاء
بس { التدخين } ممنوع

سلام

ياخي بدخن لي عشرين سنة ابطل و ارجع

لكن من شفت الفشفاش الجابو بكري يوم الخميس داك قلبي وقف

و اخر سيجارة كانت حقت النوم يوم الخميس و لي هسه

بس بيني وبينك لو زول قال ها بنط من الزهليلة


دعواتكم لي بالصمود

عمر سلامات

Quote: صراحة الوقت داك ماعرف انت كنت وين : ابتدائي ..ولا روضة .....؟ المهم ..في زمنا داك كانت { التفة } هي الموضة والأصل ..والشعر القصير و{الصلعة } مكجننها ويعتبر اصحابها من { الرجعيين } و{ المتخلفين حضاريا

لو في بداية السبعينيات انا كنت بزر (علي قولة السعودين)
يا عزيز اليومين برضو موضة التفف قاجه و في ارقي البيوتات التجاريه
و مصاحبة موضة الصلع والتي ما اتتنا دعايه والا كان البطل
بي صلعه لامعه .. وخاصة دعاية الشامبو (للمبالغه يامان)

Quote: بالمناسبة ..مرحب بيك في عرس زميلنا ابوسمرة والعوة مفتوحة ليك غداء وعشاء

العرس ده شكلو في امدرمان .. العزومه مقبولة بانيات يا حبا .. ولو كان في الصحافه كنا
بنجي جري ..







ــــــــــــ
شباب الـ70 نيات .. ملوك الحب

العزيز / عبد الله كع

مساء الخير

وبقراء مستمتع جدا ببوستك وفي مكتبي لوحة أنيقة بتقول ( فضلا لا تدخن )
الاكتر منها اناقة طفايتي السانستيل الجميلة المختوته جنبها بالضبط


مدخن وباعتباري الوحيد وسط فريق عمل كلوا من غير المدخنين

حتى الموظف الجانا جديد ما بدخن

حكاية تعقد مش كدة ,,,


على العموم متفائل حيجي يوم وأبطل العادة السئية دي


مفكر أخت لوحة تانية كمان

( نحو عالم جميل بلا دخان )

تحياتي

اليوم ثلاثة أشهر بالتمام والكمال من يوم 28 أبريل

والحمد لله ....

وخرماااااان برضو....

ياخ السجاير ده ماكان صاحبى !!!

وعمرو ما زعلنى ..!

فوق ..

لحدي بعدين ..


ــــــــــــــــــــــــــ
اي زول خلي التدخين يجي يورني خلاه كيف ؟

اشكرك علي المرور يا حبيبي

Quote: على العموم متفائل حيجي يوم وأبطل العادة السئية دي مفكر أخت لوحة تانية كمان ( نحو عالم جميل بلا دخان )

ياخي التفائل مهم وطالما انت عندك هذالتفائل اكيد
حتنط خور التدخين بكل يسر

يا صلاح كيفنك يا حبا.

Quote: اليوم ثلاثة أشهر بالتمام والكمال من يوم 28 أبريل والحمد لله .... وخرماااااان برضو.... ياخ السجاير ده ماكان صاحبى !!! وعمرو ما زعلنى ..!

يا خي خلي الجرسه دي و3 شهور تكون ضاعة منك كدا بس شمار في مرقه
و كدا حنقوم نرجع للفردة المبزعلنا
والعمرو ما كان حيزعلنا ..
ــــــــــــ
والله بطريقتو زعلنا ولا ما زعلانا ما كل نيم ما كل نيم
ماااااراجعين مارجعين

انشالله ربع بدون








ايى دخانات وكده

والله يا كع لما أجر ليك النفس من البرنجية كده

تولع زى خطر الركشة...

وأففففففف بووووووف ....

شى بالنخرين وشى بالخشم....

والله تحلف تقول مخرج بس !!!

عبدالله كع

Quote: داير اخلي شراب السجاير اعمل شنو؟ مع طرح التجربه....

أنا في تقديري أن كل تجربة تظل تجربة شخصية
فقط يمكن أن تدلل على الإمكانية لكنها لا تحتمل
أن تكون منهاجا .. لأن لكل شخص إرادة مختلفة
وعزم مختلف .. ودرجة تحمل مختلف ..

لكن أجزم أن عزمك الخاص وقوة إرادتك التي تمثلت
في هذا البوست يمكن أن تعينك على هذا الإقلاع

(( قول كع .. أوعك تبطلو كع .. لكن خليه بالتدريج ))

لم أدخن من قبل .. ولا أتصور أن أدخن


...

عندى إحساس غريب!!!

حاسى إنو السجاير خرمان لى







أكون زهللت؟؟؟

إنعل أبو دى خرمة