Post: #1
Title: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:16 PM
Parent: #0
الامية التقنية ملازمانى محل ما قبلت..
قررت دخول الفيس بوك..
مما سجلت محلك سر...
عرفت اكتب فى الحيطة غير كدا غلبنى..
عايزة اعرف..
كيفية المشارك فى الgroup ..
ارسال الفايلات...
تنزيل الصور...
________________________________________
الدعوة لكل الاميين...
|
Post: #2
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 08:23 PM
Parent: #1
ـــــــــــ
| Quote: الدعوة لكل الاميين... |
أميرة أن شاءالله انتِ كويسه
في داعي للامييين دي؟!
تقصدي شنو ؟! ما عرفتها؟!
الله يستر ما يجوك ناس من شهداء كرري
يفكو ليك الامية التقنية دي
|
Post: #4
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:29 PM
Parent: #2
| Quote: في داعي للامييين دي؟ |
عمدة ...
سلااام ...
باين راس السوط هبشك وشكلك امى اكتر منى..
تعال جيب كراسك وقلمك واقعد قدام وبطل الشغب كويس???
الامية التقنية ياعااااااالم...
|
Post: #7
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 08:40 PM
Parent: #4
ــــــ
Quote: باين راس السوط هبشك وشكلك امى اكتر منى..
|
صبرك شويه الان سوف تاتي الكتابه من الخلفيه الحمراء
شفتي كيف شاطر؟! تحدي
|
Post: #10
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:49 PM
Parent: #7
Quote: صبرك شويه الان سوف تاتي الكتابه من الخلفيه الحمراء
|
مافى فايدة لو ما كنت بشجع المريخ..
الاستعراض دا تبع الفيس بوك( وش مادى لسانو)???
جبتها من وين دى??
_________________________________-
ماعافية ليك...
|
Post: #28
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 09:35 PM
Parent: #10
|
Post: #5
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:33 PM
Parent: #2
الدعوة موجه لكمال على الزين..
كمال جيب معاك كرسى لانك حتقعد ورا..
|
Post: #21
Title: Re: facebook ليكشر.. لوسمحت يا لؤى...
Author: كمال علي الزين
Date: 06-09-2008, 09:16 PM
Parent: #5
| Quote: كمال جيب معاك كرسى لانك حتقعد ورا.. |
والله انا عاوز درس اربعة سنة ...
عندي رسائل كتيرة ماقادر افهم معناها شنو , خليك من إنو أفتحا , ..
أنا هناك (سفنتي فايف سيجنال تو)
|
Post: #3
Title: Re: facebook ليكشر.. لوسمحت يا لؤى...
Author: سامى عتبانى
Date: 06-09-2008, 08:25 PM
Parent: #1
facebook
facebook
|
Post: #6
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:37 PM
Parent: #3
الاخ سامى عتبانى...
سلام....
الفيس بوك..
ماتقول لى ما سمعت بيهو..
كان كدى اخيرانسكت....
|
Post: #8
Title: Re: facebook ليكشر.. لوسمحت يا لؤى...
Author: سامى عتبانى
Date: 06-09-2008, 08:45 PM
Parent: #6
| Quote: ماتقول لى ما سمعت بيهو.. |
والله سمعته بيهو وعملته فيهو حساب وكل مره
القى اضافه من زول جديد لكن الرماده مابعرفه
فيهو البقدر اعملو بكتب رساله بس
لكن حكاية المجموعات دى لالا ما بعرف ليها
|
Post: #13
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 08:56 PM
Parent: #8
Quote: والله سمعته بيهو وعملته فيهو حساب وكل مره
القى اضافه من زول جديد لكن الرماده مابعرفه
فيهو البقدر اعملو بكتب رساله بس
لكن حكاية المجموعات دى لالا ما بعرف ليها |
يعنى يا سامى يااخوى اللكشر دا لازمك تب...
تمسك التسجيل والرسوم اهم حاجة..
هى المجوعات براها?? الفيس دا ملان عجايب.
|
Post: #27
Title: Re: facebook ليكشر.. لوسمحت يا لؤى...
Author: سامى عتبانى
Date: 06-09-2008, 09:34 PM
Parent: #13
| Quote: تمسك التسجيل والرسوم اهم حاجة.. |
لالالا الا دى ما بعملا
اها فى حاجات غير المجموعات؟
| Quote: الفيس دا ملان عجايب. |
غايتو جنس غايتو كل يوم تظهر لينا حاجه
فى النت والتكنلوجا
علم والله
|
Post: #9
Title: Re: facebook ليكشر.. لوسمحت يا لؤى...
Author: haroon diyab
Date: 06-09-2008, 08:45 PM
Parent: #1
الاميرة بت الشيخ
ازيك
| Quote: قررت دخول الفيس بوك.. |
وده نوع من الماكولات ولا رقصة غربية جديدة
افيدينا افادك الله .
وش فاتح خشموا
ومافاهم في التقنية دي اي حاجة
التحايا
هارون دياب
|
Post: #15
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:02 PM
Parent: #9
Quote: وده نوع من الماكولات ولا رقصة غربية جديدة
افيدينا افادك الله .
|
الاخ هارون دياب..
انت حالتك متأخرة شدييييد..
عشان كدا خلى الاستاذ يتكلم معاك مباشرة وكمان محتاج دروس خصوصية...
بس الرسوم تكون اكتر مننا لانو نحن على الاقل عارفين درب الوش دا
بي وين
|
Post: #17
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:04 PM
Parent: #11
Quote: فتحت المنبر لقيت إسمي وش لما إتعوّذتَ
أها وين الكُرسي بتاعي ؟
|
لؤى...
متين الاستاذ بقعد فى كرسى...??
بركة الجيت..
|
Post: #31
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-09-2008, 09:45 PM
Parent: #20
والله معليش العين مابتعلى على الحاجب
بس نحن ف الفيسبوكعاملين فيها سناير وكده!!
ميزه الفيس بوك انو متعدد التطبيقات ممكن الواحد يستخدم التطبيق الافتراضي (حلوه دي) زيو زي اي عنوان بريد عادي و الاحسن انو الواحد يتجاهل اغلب الinvetations البتجيك لغايه ما تسلك ف الموضوع او ح تلقى روحك رايح في صفحتك!
تحميل الصور والفيديو اسهل ما يمكن بس الواحد يتابع اليفط يقولو ليك لف شمال لف شمال يمين يمين!
الافضل انو الباسوورد يكون مختلف و فيهو ارقام وفراغات زي مثلا: my pass word او my 50 cent وهكذا
اخر حاجه وهم حاجه لو كنت مولود قبل 75 قد تحتاج حبوب للضغط لأنك ح تكون جدوووو انا من مواليد 1980 و الناس شايفاني عجوزمتصابي!
نبقى نشوفكم هناك
يانعيم لقيت النت بتاعك سريع لكن الحاله انا موصل ADSL
|
Post: #57
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-11-2008, 08:50 PM
Parent: #31
Quote: والله معليش العين مابتعلى على الحاجب
بس نحن ف الفيسبوكعاملين فيها سناير وكده!! |
حاجب شنو يا اخوى من اصلو مافى عين.. ..
اسمع سنير شنو انت بروف راسك عديييل..
Quote: تحميل الصور والفيديو اسهل ما يمكن بس الواحد يتابع اليفط يقولو ليك لف شمال لف شمال يمين يمين!
|
حاولت اتابع خطوة تنزيل صورة البروفايل لحدى عملت براوز وبعدها تحميل
لمن اديها اوكى مابتنزل فى البروفايل..
اها البوم الصور دا بترص كيف??
ببساطة كدى تشوفنا هناك ?
اكيد انا مامعاهم..
|
Post: #46
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-10-2008, 09:45 PM
Parent: #20
اىىىىىى.هنا شامة.. هنا شولة...
لؤى ياخ ما تدخل لى بحمد وتطلع بخوجلى..
طالباك حصة..قال اقعد معاكم ..داير تقنعنى انك مواطن عادى??
|
Post: #12
Title: Re: facebook ليكشر.. لوسمحت يا لؤى...
Author: naeem ali
Date: 06-09-2008, 08:56 PM
Parent: #1
سلامات يا امير
لو عندك حساب في كتاب الوجه
كدي اول في التبادي
افتحه
وخليه فاتح
(قوم او اقعد) افتح (نافذه جديده)..
واضغط علي الرابط (ادناه)..
دي مجموعه في كتاب الوجه
حا تلقي فيها بالجمبه اليمين
كلام كتير كده
ما عليك بيه
فتش علي
join this group
اضغط عليها
وبيناتنا
http://www.facebook.com/groups.php?ref=sb#/group.php?gid=26319249136
|
Post: #18
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:09 PM
Parent: #12
| Quote: لو عندك حساب في كتاب الوجه |
نعيم على شكرا لحضورك واستجابتك...
عندى حساب...
دقيقة خلينى افتحو واجى لباقى كلامك..
|
Post: #23
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:23 PM
Parent: #12
نعيم دخلت على الرابط لقيت اطفال المايقوما..
بس قبليها انا بعمل شنو عشان اعمل قروب جديدولا انضم لقروب اصلا موجود..
|
Post: #14
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 09:00 PM
Parent: #1
ـــــــــ
درس لوجه الله تعالي:
الفيس بوك هو موقع مثل قوقل أصبح مهماً لكل كثير من الناس ولديه زوار بالملاين
الذين يتصفحونه في العالم ..!
|
Post: #29
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:37 PM
Parent: #14
| Quote: درس لوجه الله تعالي: |
عماد خلى لوجه الفيس بوك عليك الله..
|
Post: #16
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 09:03 PM
Parent: #1
|
Post: #22
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 09:17 PM
Parent: #16
ــــــــ
وكل العاده بتجيك دعوه من احد اصدقاؤك لفتح الحساب, بعد كدا بتقومي تعملي
ليك اصحاب ذي حمودي العسل ود البشري ,طبعاً اذا ما عندك اصحاب بتكوني لافه في
الفاضي لانه هو اصلاً لتكوين رابط اجتماعي ..
الصعوبه التي تواجهك في كيفية الاختيار الاصدقاء من وسط ملاين البشر
الاولي الخطوات التسجيل +الايمل +الباسورد بتاع الايمل
وبعد كدا هو بيبحث لك عن بريد الاصدقاء ببيانات الفيس بوك
الاشكال الحقيقي ..بيطل منك الايمل + الباسورد ربما يكون فيه خطوره علشان
كدا لازم تكوني تفتيحه بيكون عندك ايميل مطلعلعها (للتلف)
|
Post: #25
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:28 PM
Parent: #22
Quote: الاشكال الحقيقي ..بيطل منك الايمل + الباسورد ربما يكون فيه خطوره علشان
كدا لازم تكوني تفتيحه بيكون عندك ايميل مطلعلعها (للتلف) |
وضح اكتر شنو الخطورة??
اول مقلب اختوياعماد..
لانى مسجلة بايميلى الواحد دا ..
ممكن اغيرو??
|
Post: #33
Title: Re: facebook ليكشر.. لوسمحت يا لؤى...
Author: emad altaib
Date: 06-09-2008, 10:42 PM
Parent: #25
ــــــــــ
| Quote: وضح اكتر شنو الخطورة?? |
معروف الايميل به معلومات الشخصية..! طيب لمن تنزلي الايميل والباسورد
في مكان ذي ده؟؟...علشان كدا معلومات دون ادي ربية لم تكن في أمان فالفيس بوك
مكان عام ,فأكيد سوف يستفيد من المعلومات الـــ(بالهبل)دي في المسائل
الدعاية , وذي ما سمعنا التاجر بكري ابوبكر موقعو دي عاوزين يشتروه
برضو في ناس بتشتري المعلومات دي , وعلشان كدا أنتي بحكم معلومات دي
وهي طازجة ممكن ان تكوني في حالة رقابة ذي المخابرات وكدا(ماتنططي
عيونك)
Quote: اول مقلب اختوياعماد..
لانى مسجلة بايميلى الواحد دا ..
ممكن اغيرو?? |
المقلب وقع ... واللللليله (وشوشوش باكية)
التغير ما من الساهل لانو اصلو البيانات محفوظه مع المداخلات التلقائية
التي تستقبليها كعناوين المداخله في خانه إسمها (السي سي)..فعلشان كده
ح تتفاجي باسماء من الله ما خلقك ما سمعتي بيها وفي طبعاً اسامي سمعت بيها
ذي(دكين)
|
Post: #58
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-11-2008, 09:53 PM
Parent: #33
Quote: ح تتفاجي باسماء من الله ما خلقك ما سمعتي بيها وفي طبعاً اسامي سمعت بيها
ذي(دكين) |
غايتو ياعمدة دا الحصل بالضبط بلقى ليك كمية من الناس..
والايميل بتاعى اتملى بالرسايل..
سؤال..
ممكن انكصل الاشتراك القديم واعمل واحد جديد??
اذا ممكن الخطوات شنو?
___________________________________________
ياخ دكين دا الخير والبركة..(وش غامز)
|
Post: #19
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-09-2008, 09:09 PM
Parent: #1
سلام
بالنسبة لفيسبوك ف أسهل حاجه الواحد يعملها عشان يفهم انو يعمل ليك على اي لينك قدامو و يشوف بيحصل شنو؟
عموما هو اسهل مايكون بس الواحديفتح عيونو على اللينكات
http://www.facebook.com/group.php?gid=12901349558
ده قروب سوداني من ضمن قروبات كتيره
ادخل اللينك
و غالبا بتلقى تحت صورة علم السودان تلاته روابط منها join this group
اعمل كليك و فوالا ان من المشتركين
طيب بعد ما اشتركت اها؟
عادي جدا اي قسم في القروب عليه رابط للعمليه الانت عايزها
طيب كيييف اخش الروب من بروفايلي؟
في رابط اسمو groups بيكون على ايدك الشمال كللك عليه ة بتظهر ليك القروبات الانت مشترك فيها اختار القروب و اضغط على اللينك و ابقى مشارك
|
Post: #26
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-09-2008, 09:34 PM
Parent: #19
صلاح الدين...
شكراا لحضورك ومشاركتك..
بس الجرعة دى كبيرة على خالص خالص...
انت اتعامت معاى معاملة زول ناقش ..واناسجلت بس يالله..
كدى واحدة واحدة وطول بالك معانا..
|
Post: #32
Title: Re: facebook ليكشر.. لوسمحت يا لؤى...
Author: سامى عتبانى
Date: 06-09-2008, 09:51 PM
Parent: #26
اميره يا اختى
يا نا الاتعلمنا فنون التعامل
معfacebook واهو بفتحك للبوست ده
ظهرو لينا خبرا فى
facebook
وشكلهم ما حيقصروا معانا
لكم التحايا منى
سامى
|
Post: #30
Title: Re: facebook ليكشر.. لوسمحت يا لؤى...
Author: noon
Date: 06-09-2008, 09:38 PM
Parent: #19
اميرة كيفك,, انا متفقة معاك the facebook مابسيط
و بعدين ما مالوف عشان كدة الزول بلقي روحو رايح
كويس إنك كتبتي في الحيطة في ناس كدة ( إحم إحم) بقراها بس
لكن قاعدة مرة مرة ادي الناسdrinks loooool
إتخيل لى to add a group اسهل حاجه
so far
و متابعين
|
Post: #34
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-09-2008, 11:00 PM
Parent: #30
سلام من جديد
الموضوع ابدا ما معقد و للتسهيل
اعتبر انو تسجيلك ف فيسبوك زي كانك عملت ايميل جديد
بتسجل عبر ايميل موجود و هو ال حيكون اسم الدخول بتاعك
وتعمل باسوورد تاني غير بتاع الايميل الاصلي
لما تخلص التسجيل ح تخش ف صفحة home و دي عباره عن ملخص للحاصل ف فيسبوك حواليك ممكن تمشي ل profile و منو edit عشان تعد البروفايل بتاعك عن طريق ملء الحقول الاسم, النوع, العنوان و هكذا
لغايه الان دي نفس اجراءات الايميل العادي كان ف MSN او Yahoo
نمشي profile
ف الصفحة دي انت بتشوف بروفايلك و دي هي الصفحة ال ح يشوفوها المتصفحين لبروفايلك
ممكن طبعا تعدل المعلومات كل شويه وممكن كمان تغير اسمك لو عايز يعني مره المسافر و بعد اسبوع عثمان الكضاب و بعد اسبوعين ايمو السكر بس الناس ح تكون عاارفاك انو ده انت (زي الماسنجر)
القروبات عباره عن منتديات متخصصه
زمان كان في الشبكات و شبكة السودان كانت تضم 18الف سوداني لكن دلوقت الشبكات اتلغت والناس اتفرزعت
المهم
من صفحة البروفايل وعلى يدك الشمال ب تلقة مفاتيح ال applications
ومن ضمنها ال groups
صفحة القروب بتشبه لحد كبير المنير العام
ف الحيطة بتاعت الكلام والهضربه العامة
و في البورد للمواضيع و النقاش
وفي محلات تحميل الصور والفيديو و الروابط
بالاضافة لاعضاء القروب
عايز تكتب ف الحيطة اضغط على write something
عايز تحمل صورة اضغط على add photo
البورد ماااا افتكر محتاج شرح لانو زي هنا واحد
|
Post: #45
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-10-2008, 08:08 PM
Parent: #30
Quote: كويس إنك كتبتي في الحيطة في ناس كدة ( إحم إحم) بقراها بس
لكن قاعدة مرة مرة ادي الناسdrinks loooool
إتخيل لى to add a group اسهل حاجه
so far
و متابعين |
نون ازيك ياخ..
تعرفى انا علاقتى بالتكلوجيا عموما ضعيفة لكن شليقة بس...
افتكرت بعد التسجيل ممكن اتابع الارشادات عبر الينكس عادى..
بس اكتشفت المسالة ما ساهلة ابدا...
غايتو نحاول نستفيد من البوست يادا يا ستى..
سعيدة بوجودك فى الفصل دا..
اها يالله نشوف الاساتذه ديل بقولو فى شنو
|
Post: #35
Title: Re: facebook ليكشر.. لوسمحت يا لؤى...
Author: naeem ali
Date: 06-10-2008, 08:15 AM
Parent: #1
اخونا امير
Quote:
نعيم دخلت على الرابط لقيت اطفال المايقوما.. |
شوفت الرابط ده
اوع تفكو
وبقيت الشرح
الاستاذ الجليل
صلاح (نادر) بكملوا ليك
وهو زول بالو بال اساتذه
طويل جدا جدا
....
|
Post: #36
Title: Re: facebook ليكشر.. لوسمحت يا لؤى...
Author: emad altaib
Date: 06-10-2008, 01:01 PM
Parent: #35
ـــــــــــــ
نامي علي كيفك يا جميل ..
أختنا(أميرة)... وبالجد أميرة ما أمير
لزوم تصحيح وكدا..
تحياتي
|
Post: #38
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-10-2008, 02:23 PM
Parent: #36
تشكر يانعيم على الاستاذيه (وش استاذي)
ممكن الواحد يفك الارتباط مابين الايميل وحساب الفيس بوك
كيف؟
اضغط على لينك account الموجودأعلى اليمين
بتلقى contact E Mail اضغط عليه و بكده ممكن تغير الايميل لواحد تاني مخصوص (للتلف) و بكده برضو ح تبقى تستقبل الاشعارات الخاصة ب فيسبوك على العنوان الجديد!
بس!!
اسم الدخول ح يفضل العنوان القديم لانو ده مابتغير! لكن العنوان الجديد هو ال حيكون صندوق وراد الاشعارات و هو ال ح يظهر ك عنوان بريدي ليك ف فيسبوك!
مم مم مم (وش تفكير عميق جدا)
افتكر دي الحاجات الاوليه و بعد ده الواحد بيقدر يداقش مع الناس !
نصيحة لله والرسول
ما تقول OK على اي حاجه انت مافاهمها! مافي خطورة بس مرات بتعمل ازعاج
ما تحاول تعمل بروفايل وهمي لأنو الناس خبيرة ف كشف البروفايلات الوهمية و هناك الادمن مابجامل!!
ما تصاحب كل من هب ودب لأنو ف شفع كده شغلتهم التهكير
إحصاءيات
شبكة السودان كانت تضم 18400 عضو
قروب مسانده اوباما مثلا !! يضم 920000 عضو والعدد ف إزدياد
جورج بوش عندو قروب مسانده
قروب سودان نتويرك
http://www.facebook.com/group.php?gid=12901349558
قروب خريجي جامعة الخرطوم
http://www.facebook.com/group.php?gid=4809865874
قروب الحمله العربيه لرفع بناطلين الشباب
http://www.facebook.com/group.php?gid=7411177283
قروب R.G.L.S [Ridiculously Good Looking Sudaneen]
http://www.facebook.com/group.php?gid=2226627719
ده اكبر قروب سوداني مر على لغايه الان!!
قروب مستشفى سرطان الاطفال
http://www.facebook.com/group.php?gid=3175620570
قروب مم مم اخوانا المساطيل يتحدو الملل
http://www.facebook.com/group.php?gid=6238966894
و غايتو !!
التعديل عشان الصباع بدل ال ك هبش ال ط
|
Post: #40
Title: Re: facebook ليكشر.. لوسمحت يا لؤى...
Author: emad altaib
Date: 06-10-2008, 02:51 PM
Parent: #38
ــــــــ
أستاذنا صلاح ...
كيفينك ..يا هندسه ؟!
الخطوره موجوده .. من حيثية الموقع .
هل هو موقع إستخبارات إسرائيلي؟
وزمان قريب مقال بنفس العنوان
صحيح هو تم فيه تطوير في التصنيفات في نظام قوائم
تحياتي
|
Post: #41
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-10-2008, 03:20 PM
Parent: #40
الاخ عماد
المخابرات عموما مدركه لخطوره المواقع الالكترونيه
فيسبوك نجح كوسيط للتنسيق لأحداث المحله بمصر
ونفس الموقع يحوي قروبات عديده تتناول قضايا زي دارفور والارض المحتله و الكاريكاتيرات المسيئة للإسلام يعني ببساطة العالم كلو موجود هناك
وزي اقلت المخابرات موجوده في كل موقع (ربنا يجعل كلامنا خفيف عليهم) المواصلات فاضيااااااه والرغيف كبيييير!
قبل كده كان في واحد فتح ليه موضوع ف شبكة السودان عن انو ليه نحن بنكره الاسرائيلين؟؟ غايتو الود عرف حاجه!!
عموما طالما ما ح يرسلو موشى حاييم دزرائيلي ف حبابهم عشرة ونديهم كل الكلام السمح ماداسين حاجة واقمار التجسس مامقصرة اما لو رسلو سونياجراهام ف حبابهم ببقى مليون وممكن نوريهم النحن ما عارفنو زاتو!!
|
Post: #60
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-12-2008, 08:48 PM
Parent: #40
Quote: ممكن الواحد يفك الارتباط مابين الايميل وحساب الفيس بوك
كيف؟
|
Quote: الخطوره موجوده .. من حيثية الموقع .
|
اها بروفات ..
اتفقتو على شنو??نبارى الخطوات دى ونمشى نغير ولا عندكم راى تانى..
انا ماعندى استعداد اخرمج تانى اكتر من الاول..
اها..
|
Post: #37
Title: Re: facebook ليكشر.. لوسمحت يا لؤى...
Author: naeem ali
Date: 06-10-2008, 02:05 PM
Parent: #1
الاخت اميره
واخوكي زول غبيان ساكت وما شاف كويس
لكي العتبي
واتمني نشوفك بهناك...
اطفال المايقومه
ولكي عظيم اسفي
عماد... شكرا علي التوضيح يا ملك
|
Post: #39
Title: Re: facebook ليكشر.. لوسمحت يا لؤى...
Author: الملك
Date: 06-10-2008, 02:34 PM
Parent: #1
عشان كده بنعمل ليك "إضافة"
وانتى ما فاهمة اى شئ
ما بتقبلى!!
..
..
غايتو هناك فى 1000 عضو وعضوة من سودانييز اولاين 
|
Post: #42
Title: Re: facebook ليكشر.. لوسمحت يا لؤى...
Author: الطاهر عثمان
Date: 06-10-2008, 04:18 PM
Parent: #1
ياخي الفيس بوك ده موقع فضيحة بس وبتاع قوالات وشمارات كمان
مابيخلي ليهو زول الا يجيب ليك خبره صاحب فلان ورسل عايز يصاحب فلان ودخل وين ومرق وين وفلان وفلانة الان اصدقاء ودخلوا مجموعة كده ونزلوا كده...
انا غايتو عملته بنظرية اني ادوس علي اي حاجه لحدي ما قدرته اتعامل معاه ولااقول فهمته وفي الاول كنته متحفظ في حكاية اني اقبل الدعوات وتجيني علي الايميل دعوات فكنته بحذفه حتى قبل اقراها بس بمجرد ا شوف الفيس بوك... لفترة كده بقيت اي دعوة في الدنيا بقبله (كول درنك) وما عارف سوشيال مي وحاجات غريبة المهم كنته بدوس وبقبل واشوف الحكاية ماشة وين...
دخول المجموعات وعمل المجموعات اعتقد ساهل لكن المشكلة لمه ترسل دعوة لزول بره الشغلة دي انا عملته لي مجموعتين ورسلته لناس اصدقاء بالجد وكلمتهم حتى بالتلفون لكن ما قدرو يدخلوا قدر ما حاولوا
غايتو (نانسي عجاج) قبلت صداقتنا واحدة من حسنات الفيس بوك ده رغم اني متوقعه كده زي موضوع نسرين سوركتي داك ...
المهم انا قاعد في الكرسي الوراء داك واسمي (Altaher Osman)
|
Post: #43
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-10-2008, 05:32 PM
Parent: #42
لوووووول
الطاهر والله جبتها
ايوه فيسبوك دايما فاضح الناس:
فلان داك رسل لي فلانه الحلوه و قرررربو يقولو كتب ليها شنو
عموما ممكن تمشي account
ومنو ل notifiations
وهناك انت ممكن تتحكم ف الشمارات دي تطلع منك وتجيك
ماطلع ولاتجيك تجيك لكن تتدفن عندك الانت عايزو
اي تطبيق ممكن تعمل ليهو on او off للشمارات واقضي ياعمك حوائجك بالكتمان!
البروفايلات المواسير
لووول انا غايتو رسلت لنانسي ردت على قالت لي بالحرف:
ايوه انا نانسي تسلم على المسج تحياتي!!
غايتو اكان دي هي بالجد ف الحمدلله الواحد اتكلمو معاااو يااا !!
لكن بصراحة انا شاكي ف البروفايل ده!! اي واحد ممكن ينزل صور من النت و يعمل فيها هيفاءوهبي
والبروفايل لو لاحظت مافيهو ايييي معلومة او صورة ممكن تكون خاصة بنانسي
عموما لما الحقيقة تظهر ح تكون واحد من 600 نفر استلمو الماسورة دي!!
ليزا شاكر عندها بروفايل و تحس بيه حقيقي كدي شوف وقارن !!
يا اخوانا انا عندي مشكله حول ف الاصابع ف التعديل عشان نعدل الكتابه
|
Post: #44
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-10-2008, 07:57 PM
Parent: #43
سعدالدين..الطاهر...عمدة...نعيم
البوست دا فضح جهلى الفيس بوكى اها شفتو ناجى الملك جا ناطى ومادى
لسانو كيف???اها اسى القصة دى صعبت اكتر واللكاشر دى عايزة مزكرات عديل..
وبعدين اعذرونى للغياب والبلادة...بس بحاول اقراء بهناوامشى اتاوق بهناك..
عشان اشوف امكانية التطبيق كيف ....
شباب..
بليز عليكم الله ما تزهجو منى..
جلد بالمسطرة ما معانا..
|
Post: #47
Title: Re: facebook ليكشر.. لوسمحت يا لؤى...
Author: الملك
Date: 06-11-2008, 00:00 AM
Parent: #44
Quote:
البوست دا فضح جهلى الفيس بوكى اها شفتو ناجى الملك جا ناطى ومادى
لسانو كيف???اها اسى القصة دى صعبت اكتر واللكاشر دى عايزة مزكرات عديل..
|
انتى ما عندك "كتاب وش"
زى ما عندك تلفون,,!!
اضغطى هنا
|
Post: #48
Title: Re: facebook ليكشر.. لوسمحت يا لؤى...
Author: الطاهر عثمان
Date: 06-11-2008, 07:30 AM
Parent: #43
Salahaldeen Nadir
صلاح بالله انته واحد من الـ 600 برضو
طيب الحمد لله طمنتني وانا برضو متفق معاك ان الموضوع fishy شوية
معلومة وقف شماراتك دي كويسة حامشي ادعبس فيها لكن شمارات الناس خليها تجي مابتضر
لك التحايا
|
Post: #53
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-11-2008, 06:31 PM
Parent: #48
الاخ الطاهر
والله انا بالنسبة لموضو الاصدقاء ده بعتبر من المتشددين
انا مضيف 90 صديق بس!!! كللهم اما لاقيتهم ف الجامعة ايام الجامعة او ف الجامعة ايام بعد الجامعة او ف حتة تانيه بالتاكيد ليها علاقة بالجامعةاو ف الشغل مع الكراهة!
ف لما الحقيقة تظهر انا ح اضحك على ال600 ديل وخليك عارف انك منهم (وش خبيث)
والله ف الحقيقة الواحد ممكن يعمل اي شي عشان يتعرف شخصبا على مس عجاج بس المهم تكون هي بالجد
ومن هذا المنطلق التحية لمس عجاج !!
افتكر الملك وضح الموضوع بالصورة والقلم وبعد مافي حجة والامتحانات بعد ده
وبطبيعة الحال الماسدد الرسوم ما يتوقع يلقى ليه رقم جلوس عندنا
|
Post: #55
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-11-2008, 07:38 PM
Parent: #53
Quote: وبعد مافي حجة والامتحانات بعد ده
وبطبيعة الحال الماسدد الرسوم ما يتوقع يلقى ليه رقم جلوس عندنا |
يابروف..
بليز ادينا فرصة نتكلم معاك...
هو نحن لكشرك دا قراية ما قدرنا نقراهو تجى تقول امتحان??
بروف صلاح الدين...
ادينا اعمال سنة..سمنارات ...واجل الامتحان دا شوية..
|
Post: #56
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-11-2008, 08:39 PM
Parent: #55
http://www.facebook.com/group.php?gid=12901349558
طيب توتوريال بسيط
عاوز منكم تمشو الرابط ده ح تلقو حيطة
اي زول يكتب في الحيطة (اييي بشخبط وبشخبط وبشخبط يانانسي عجرم)
ويوقع بأسمو
الهدف من التمرين:
التدرب على الاشتراك ف القروبات
التدرب على الكتابه ف الحيطة
التعرف على اجواء فيسبوك
التسليم: امبارح
|
Post: #61
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-13-2008, 01:00 AM
Parent: #55
والله يااميرة شكلك ناويه تجيبي لي الكلام مع الناس الكبارات
لؤي ده برضك الخير والبركة
لو عايز تلغى حسابك طوااالي امشي account
وحتلقي deactivate account
اعملي كليك و امش محل ما عمو الراجل بيقول ليك!
طيب بالنسبة لتحميل الصور ف عندك كم خيار
انا ما عارف بالضبط انتي حملت صور للبروفايل بتاعك وللا لقروب انتي مشتركه فيه؟
بالنسبة للبروفايل امشي اعملي كليك على edit بتلقيها جمممب profile
ومنها امشي على picture
اختاري الصورة من جهازك عبر browse و ابصمي انو الصورة دي عندك حق النشر بتاعها وصححي البوكس بتاع التعهد وقولي بسم الله و اضغطي upload
ممكن تكرري العمليه دي كذا مره وإذا احتجتي تبدلي الصور او بس تشوفيها ساي اضغطي الصورة بتاعت البروفايل وح يتفتح ليك الالبوم
اما لو عايزه تعملي البوم تاني ف ممكن تمشي photos
بتلقيها على يدك الشمال(مابتاعت الاكل) تحت applications
امشي ل creat a photo album
وبررررضو اسمعي كلام عمو الراجل للنهاية
صورك بعد ممكن تشوفيها عن طريق سلسلة الاوامر دي:
photos
my photos
وماااااااا شايف زول اشتغل التمرين عموما ح تروح عليكم 15 درجة
التعديل عشان حبوب النزلة عندها تأثير غييييير قانوني وبتخللي الواحد يشوف 10 10
|
Post: #49
Title: Re: facebook ليكشر.. لوسمحت يا لؤى...
Author: الملك
Date: 06-11-2008, 02:24 PM
Parent: #1
أميرة حبة مساعدة ليك بس "ما خسارة فيكـ"!!
..
..
وهى لشخص آخر ضالى الطريق
فى حاجة فى يمين الشاشة اسمها
home
,,,
باعتبارها المرجعية ,,,لكل الاعمال الجديدة الأضافات ,,,المجموعات ,,,الدعوات,,,الخ
اولا دعوات الاضافة من الاصدقاء
وعادة ما تكون بخيارين
قبول
confirm
ورفض
ignore
...
المجموعات
gruops
وهى المجموعات التى يقوم اصدقاءك بدعوتك للقدوم
اليها والاشتراك
لو حبيت تشترك بتضغط
على نفس الخيار الاول
confirm
ولو ما حبيت بتضغط على
ignore
,,
حتى لو قبلتا شخص غلط
بامكانك مسحه
من اسفل شاشته عند الضغط على اسمه وفتح صفحته
remove from my list or my friends
,,,
عند قبول مجموعة بالخطأ
يمكن مغادرتها بنفس الخيار على يمين المجموعة عند فتح صفحتها
,,,
اما فيما يختص
Applicationsedit
بامكانك
اتباع نفس خطوات قبول الشخص
confirm للمواافقة
ignore للرفض
|
Post: #50
Title: Re: facebook ليكشر.. لوسمحت يا لؤى...
Author: الملك
Date: 06-11-2008, 02:26 PM
Parent: #1
على يدك اليمين"اعلى الشاشة"
..
..
حتلقى خيار اسموا
Privacy
...
يتحكم فى خصوصيتكــــــــ تماماً
اول حاجة فى Privacy
هى ملفك
او
Profile
Control who can see your profile and personal information
اول ما تضغطى عليها بديك خيارات عديدة رؤية محتويات ملفك ,,,
Profile
Who can see this?
من تسمحى له برؤية بروفايلكــــــــ
My Networks and FriendsFriends of FriendsOnly FriendsCustomize
"1" كل الاشخاص فى شبكتك
Friends of Friends
"2" وكل الاشخاص اصدقاء اصدقاءكــ
Only Friends
"3" ام اصدقاءك فقط
Only Me
"4"... ام إنتى فقط
...
حتلقى خيارات كتيرة ابتداءً من
profile
حتلقى عليها كل الخيارات الاربعة المكتوبة اعلاهو
............
وBasic Info و Personal Info وStatus Updates وPhotos Tagged of You وVideos Tagged of You وFriends وWall
الخ
...
لازم تختارى واحد من الخيارات الاربعة او تعملى حاجة اسمها
Limited Profile
"عشان لو فى ناس ما حابة تشوف كل ال
وBasic Info و Personal Info وStatus Updates وPhotos Tagged of You وVideos Tagged of You وFriends وWall
واخر مستجدات ,,,,عندكـــــ
|
Post: #51
Title: Re: facebook ليكشر.. لوسمحت يا لؤى...
Author: Alsa7afa_30
Date: 06-11-2008, 02:41 PM
Parent: #1
| Quote: عرفت اكتب فى الحيطة غير كدا غلبنى.. |
|
Post: #52
Title: Re: facebook ليكشر.. لوسمحت يا لؤى...
Author: عبدالله داش
Date: 06-11-2008, 03:12 PM
Parent: #1
الامية التقنية ملازمانى محل ما قبلت..
قررت دخول الفيس بوك..
مما سجلت محلك سر...
نفس الملامح والشبه
أميره الأميه ....
إزيك يا دفعه
|
Post: #54
Title: Re: facebook ليكشر.. لوسمحت يا لؤى...
Author: ريهان الريح الشاذلي
Date: 06-11-2008, 07:28 PM
Parent: #52
اميرة ...بتبالغي والله احرجتينا مع ناس الدوحة ... كان احسن تعملي فيها عارفة وزول هناك ماشي يعرف جهلك مافي (الطشاش في بلد العمي شوف)
تصدقي حتي عمرو كمال بقي يعرف الفيس بوووك؟؟؟
|
Post: #65
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-14-2008, 05:47 PM
Parent: #54
| Quote: تصدقي حتي عمرو كمال بقي يعرف الفيس بوووك؟؟؟ |
ريهان يامقرضة .... عمرو كمال اى محامى ماشاطر لكن صاحبنا نعمل شنو
انتو اتشاكلتو من وراى ولا شنو
اما ناس الدوحة ديل اسى يجو يوروكى ليهو وانا بررررررررة
خلى عمرو انتى متين ياختى دخلتى العولمة لمن جيت خليتك يادوب كنتى ناوية تدخلى كورس كومبيتر
|
Post: #63
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-13-2008, 09:35 PM
Parent: #52
Quote: نفس الملامح والشبه
أميره الأميه ....
إزيك يا دفعه |
عبدالله داش...
ياخ دى دفعة السرور وامية السرور..الانت فيها
ناوى تستمر معانا ولا جيت تتاوق بس??
ياخ خليك ..
|
Post: #59
Title: Re: facebook ليكشر.. لوسمحت يا لؤى...
Author: طارق جبريل
Date: 06-11-2008, 10:15 PM
Parent: #1
اميرة كيفنك
اول شي صلاح دة قفلها معاي
قعد يقول ليك جدو ومولايد كذا
خلاناي احرد
تاني شي سجلت جونا كم زول ناطي كدة اصحاب مقترحين
ما فهمت حاجة لميت عدتي واتخارجت
تليشة:
الملك انا جاييك درس خصوصي شهر سبعة
غايتو انا سجلت بالايميل حقي الفي البروفايل
|
Post: #62
Title: Re: facebook ليكشر.. لوسمحت يا لؤى...
Author: Salahaldeen Nadir
Date: 06-13-2008, 02:25 AM
Parent: #59
طيب يااخوي
لما تجيك شافعة مولوده سنة كم وتسعين وتقول ليك
man WTF this is old school
ما تبقى تزعل!
ولما ما تعرف تقنع الشباب إنو جستن تمبرليك هو الكان السبب في فرتقة إنسينكNsync عشان هو عسوووول وما بتاع حاجات زي دي اوووعك تجي تستلف حبوب الضغط مني
اسمع كلام الببكيك
او اسمع كلام الطبيب بعدين لما يمنعك من الانفعال والكورة والنت والايسكريم
|
Post: #64
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-14-2008, 05:42 PM
Parent: #59
Quote: اول شي صلاح دة قفلها معاي
قعد يقول ليك جدو ومولايد كذا
خلاناي احرد
|
طارق ازيك.....
اولا خلى روحك رياضية وكانو البروف دا ما قال حاجة,,,
ياخ نحن مش دفعة وقرينا مع بعض ,,,,,
بتفهم بتفهم ما تتسرع.....
|
Post: #66
Title: Re: facebook ليكشر.. لوسمحت يا لؤى...
Author: Amira Elsheikh
Date: 06-29-2008, 04:33 PM
Parent: #64
الموضوع دا لسة ما نجض عشان كدا لازم نعلقو لبكرى..
نودى معانا الربع التالت باقى مخى تقيل حبتين فيما يخص اختنا التكنلوجيا..
|
|
