Post: #1
Title: أنا مش بتاعـة الحاجـات دي
Author: shiry
Date: 06-29-2008, 01:11 PM
Parent: #0
اول الحكي
رأيتك بعيني المغلقة
تتسلق حائطَ أحلامك المذعور
زلّت قدماك بالطحلب النائم
عيناك تشبّثتا بالمسامير المتدلية
بينما كنتُ أنا أصيح دون أن افتح فمي
من أجل أن يبوح رأسُك لليل!
الكلام لـ جويس منصور
سلام مربع
الرئيس بوش قد يتحول الى الكاثوليكية هكذا قرأتها في الاندبندت وقلت فيما بيني وبين نفسي يابخت الكاثوليكية ببوش اذ ان بوش ذات نفسه سيكون كاثلويكيا اكثر من البابا ، وفي واقع الامر أنا لا يهمني ان كان بوش قد تحول الى البوذية حتى اصطف مع طالبان فانا من اساسه لست بقارئة للصحف ان كانت باللغات الاجنبية او حتى العربية حتى لا اتهم ياسادتي بانني امرأة مثقفة تقرأ الجرائد او حتى ذات ميول سياسية ، ففي الاولى ليس من مصلحة المراة السودانية في شيء ان يشاع عنها انها كذلك ، فهذا يعني انها مرأة مدلعة وسجمانه فهي بدلا من اهتمامها ببعلها او اولادها او حتى "زينتها" ضيعت وقتها في الكلام الفارغ كانما ليس لها رأسا يجب ان تملأ فراغاته ومع انني لست من الذين يشجعون الناس المداومة على ذلك ، ليس لشيء انما لان ليس هنالك في الجرائد ما يفيد اصلا اما في الثانية واعني الميول السياسية فكل ما رايت ساستنا رعاهم الله وادام ملكهم ، كرهت ام السياسة التي ضيعت اربع سنوات من عمري في دراستها ولو انهم خيروني الان بين دراستها واتقان فن الطبيخ لاخترت الاخيرة دون تردد على الاقل انها ستجعل بعلك يرضي عنك ويفاخر بما تعدينه له كل ما فتح خياشيميه وتشهي طعاما مافي لاداعي لام الطفاسة له .. ففي الاثر ليس هنالك اطفس من نفس رجل يتكي على شهوات الكرش ولا ادري من قال ذلك انصف شغالتنا السيرلانكية ام سواق الاتوبيس بتاع المدرسة ماعلينا .. وفوق هذا وذاك كله تغيظني أكثر الصحف الفرنسية فهي في كل مرة تتحدث بلغة لا افهمها فكل ما جربت ان اقرأها وجدتني اتعتع في استهجاء حروفها وجدتني ارفع السماعة الى بت خالتي ام مازن طالبة منها ان تفسر لي ماعجزت عن قراته ولانها لميضة جدا فما يكون منها الا ان تغتال فرحتي بهكذا تعليق (شيري سجمي انت جنيتي ؟؟ مالك ومال الفرنسية انت قريتيها وين ؟ ) واجيبها بلماضة اكثر ماهو انا قدامك بتكلم سوداني كان قريتو وين ؟؟ فكيف تريدوننا ان نثق في ساسة كلما حار الدليل بوزير لهم لم اعد اذكر اسمه من كثرة وزاراتهم في ان يقنع شعبا امتنع عن اكل لحم تفيد كل الدلائل انه مصاب "المتصدع" ولانه وزير همام وحرامي ونصاب اقصد عبقري فما كان من هذا "العوير " الا ان يلم شوية صحفية ومصوراتيه وبينما هو يفترش الارض راح يلتهم بشراهة كمية من اللحم المشوي في قدح كبير اوي اوي ولا نعرف ان كان لحم خنزير او حتى لحم كلاب حتى لا يضطر الى تقديم ادلة علمية بخلو البلاد من الوادي المتصدع وساعتها قلت يا بخت البلد بوزيرها فهو لم يكلف نفسه عناء التفكير ليس لانه لا يريد ذلك انما لان الدماغ لا شيء فيه مثله ومثل السيد بوش ، جعلني اشفق كثيرا على البابا وهو يجري معه حواراً فقلت غريبة يا بت ياشيري بوش طلع زكي متى تعلم الانجليزية وفكرت سريعا ومن ادراك ان البابا يتحدث الانلجيزية انا اعرف انه الماني وذلك يعني انه يتحدث الالمانية وساعتها تذكرت حكايتي مع الفرنسية وقلت اهو حوار طرشان والسلام ، فما الذي لا يجعل بوش يتحول الى الكاثوليكية طالما ان الحوار تم بلغتين مختلفتين فانا اقرأ الفرنسية كلما سنحت لي فرصة ومع ذلك حتى الان لا اعرف ان افرق بين الالف وكوز بالذرة طبعا بالفرنسي ..وهذا كله يقودني لان ارفع اكفي بالدعاء لان ينتصر اليوم الاسبان على الالمان لا لشيء الا لان البابا سمح لبوش ان يتحدث الالمانية والثاني لانني احب فرناندو توريس ومع انني لا اعرف ان كان يلعب في الهلال السوداني ولا ريال مدريد الاسباني والثالث لان ملك الاسبان وعد كل لاعب بكيلو "كافيار " وانا انتظر بفارغ صبر لاعرف هل سيقدر اللاعبين على التهام كيلو كافيار كامل وللذين لا يعرفون الكافيار هو بيض السمك يااااااع قرف يقرفكم وانا مش بتاعة الحاجات دي ..
اخر الحكي
فجأة صار صوتك لا يشبهك
ضاعت في البعد نكهتك
صوتك شاحب
وريدك بارد ، شريانك تائه
ومع ذلك كله انت هو انت
كريه وبايخ كـ طلتك
|
Post: #2
Title: Re: أنا مش بتاعـة الحاجـات دي
Author: ABUHUSSEIN
Date: 06-29-2008, 01:14 PM
Parent: #1
شيري الظريفة
سلام و إحترام و ليك وحشه
و إنشاءالله مطولة ما بوست و زوغة
أمنياتي ليك بالصحة و العافية و التوفيق
|
Post: #4
Title: Re: أنا مش بتاعـة الحاجـات دي
Author: shiry
Date: 06-29-2008, 01:19 PM
Parent: #2
ابو حسين
سلام مربع
ساكون دبلوماسية اكثر من بوش واقول ليك انا شفت بكري قال الليلة اخر يوم للارشفة
قلت احصل السوق قبل ما يقفل
اهو منها نسلم على الناس الحلوين كلهم
|
Post: #3
Title: Re: أنا مش بتاعـة الحاجـات دي
Author: ناهد بشير الطيب
Date: 06-29-2008, 01:18 PM
Parent: #1
شيرى الزولة الكتااااااااااابة ...سلامااات ...
وكويس انك رجعتى تكتبى ... لينا نحن عشاق وقراء كتاباتك المميزة..
.رأيتك بعيني المغلقة
تتسلق حائطَ أحلامك المذعور
زلّت قدماك بالطحلب النائم
عيناك تشبّثتا بالمسامير المتدلية
بينما كنتُ أنا أصيح دون أن افتح فمي
من أجل أن يبوح رأسُك لليل
واهلا بحقول الابداع ولى رجعه ليك
|
Post: #5
Title: Re: أنا مش بتاعـة الحاجـات دي
Author: عبدالكريم الامين احمد
Date: 06-29-2008, 01:21 PM
Parent: #3
سلام وتقدير
لهذا القلم الكثيف والمدهش
|
Post: #26
Title: Re: أنا مش بتاعـة الحاجـات دي
Author: shiry
Date: 06-29-2008, 02:59 PM
Parent: #5
عبد الكريم الامين احمد
سلام مربع
شكرا لطلتك البهية
|
Post: #6
Title: Re: أنا مش بتاعـة الحاجـات دي
Author: shiry
Date: 06-29-2008, 01:21 PM
Parent: #3
ناهد الجميلة الزينة
سلام مربع
وينك .. ليك وحشة
تعجبني كتاباتك انت ايضا ..
يليق بك هذا الترحاب ، يليق بصفاءك يا عامرة
|
Post: #11
Title: Re: أنا مش بتاعـة الحاجـات دي
Author: ناهد بشير الطيب
Date: 06-29-2008, 01:29 PM
Parent: #6
Quote: ناهد الجميلة الزينة
سلام مربع
وينك .. ليك وحشة
تعجبني كتاباتك انت ايضا ..
يليق بك هذا الترحاب ، يليق بصفاءك يا عامرة |
والله ياشيرى فتحنا بوست بنتفقد الاحباب ...كل الاخوان شيرى شيرى
ولم يتركوا مجال الا ويمدحوا فيك ....خاصة وانه الزيك مامنتظر مديح او ثناء
من احد فكتاباتك حقائق ماثلة امامنا وتتحدث عن نفسها ...
مش كنتى تصبرى بالبوست ده لبعد الارشفة ....
فى انتظار الابدااااع والكلام البيخش الدماغ مباشرة
وخلينا نشوفه شوفة العين ...
|
Post: #8
Title: Re: أنا مش بتاعـة الحاجـات دي
Author: سوسن عبد الله
Date: 06-29-2008, 01:24 PM
Parent: #3
العزيزة شيري:
سلام
حمد لله على السلامة.
|
Post: #29
Title: Re: أنا مش بتاعـة الحاجـات دي
Author: shiry
Date: 06-29-2008, 03:19 PM
Parent: #8
سوسن
سلام مربع
الله يسلمك ,وسعيدة انا بطلتك البهية
|
Post: #7
Title: Re: أنا مش بتاعـة الحاجـات دي
Author: يازولyazoalيازول
Date: 06-29-2008, 01:22 PM
Parent: #1
والله العظيم بالغتى
يا بت إنتى كنتى غاتسة وين؟؟؟؟؟
السودان كلو بيسأل عليكى
لا حولالالالالالالالالالالالالالالا
شيرى (وعين الله ترعاكى)
|
Post: #13
Title: Re: أنا مش بتاعـة الحاجـات دي
Author: عمران حسن صالح
Date: 06-29-2008, 01:32 PM
Parent: #7
سبحان الله ...
كنت (أذاكر) لشتات قبل قليل ... شي سماه (في يوم مـا)
Quote: وفي ذات ليل يأتي أحدهم من ديار بعيدة يحمل عتادا وأوراقا من المال ويتقدم لخطبتها .. رفضت بدهشة ..
تذكرت سقراط .. وأفلاطون .. والفنون الجميلة .. والفكر .. وعذاب المفكرين ..
همست فى اذن والدها : أبتي أتذكر ابنة سيدنا عمر التي كانت تمسح جبينه وهو يهم بوأدها ..
بكى والدها وضمها بحنان وهو يردد " لبيك بنيتي " ..
وضحكت السماء .. |
وقرأت رداً لشيري تقول فيه :
Quote: كنت حاضرة هناك بكلياتي
كنت اتلصصكم ايها المترفون بالغناء حد التصوف
د/ سارا ... أنا .. بناديها .. د:موزاوي .. نورا .. تبدلينا
صلاح درار..جبران ..رمانه
هؤلاء العتيدين الذين تركوا وارف ظلهم على مساحة حياتنا ..
تشاكس نكهاتهم كل حين الذاكرة ..
فتعزف بصماتهم نشيدا
يشجيني |
فسألت نفسي أين هذه (الشيري) التي تسأل عن الآخرين ويختفي حرفها ...
أكتبي سيدتي (فالحوش) قد اختفي منه (الحرف) الزاد ...
انظري فقط كم قراوكـ الآن ... وتسائلوا أين أنت ؟؟؟؟
.
تم تغيير الواو إلى راء في كلمة الحرف أعلاه ( الشفقة تطير !!)
|
Post: #35
Title: Re: أنا مش بتاعـة الحاجـات دي
Author: shiry
Date: 06-29-2008, 03:46 PM
Parent: #13
عمران صالح
سلام مربع
مثلك انا ، تنام في اوردة الراس اطيافهم ، اتذكرهم واتحسر على اللي ولى وراح
عبرك ابثهم ذنبقات الشوق طازجة
سلمت لهذا الطله البهية
|
Post: #30
Title: Re: أنا مش بتاعـة الحاجـات دي
Author: shiry
Date: 06-29-2008, 03:34 PM
Parent: #7
هشام
سلام مربع
عطر الله ايامكم يا زول ، وحشتني جد جد طلتك البهية ، اسأل عن احوال صاحبة نكهة الفواكه الاستوائية ام سارية . كيف عاملة عساها بخير كما اتمني
كن وشيكا من القلب وشيكا قيد نبض
|
Post: #80
Title: Re: أنا مش بتاعـة الحاجـات دي
Author: يازولyazoalيازول
Date: 06-30-2008, 08:40 AM
Parent: #30
| Quote: كن وشيكا من القلب وشيكا قيد نبض |
الله الله يا شيرى
حتى الردود تطرب
أم سارية وسيرين تتوق للقياك
علمتينا الفلقصة (عاينى تتوق دى)
|
Post: #9
Title: Re: أنا مش بتاعـة الحاجـات دي
Author: DKEEN
Date: 06-29-2008, 01:26 PM
Parent: #1
شيري
عيييك..
سنين عددا..
اول مرة اشوف لي بت بتذكروها لامن يشوفها..
|
Post: #38
Title: Re: أنا مش بتاعـة الحاجـات دي
Author: shiry
Date: 06-29-2008, 03:54 PM
Parent: #9
دكين
سلام مربع
شوق وحنين وتذكارات ماليها حد تزاحمني ساعة ان طليت بحرفك ..
كيفها حروفها ، عساها ندية كما شمبات الاراضي ..
اتساءل اما زالت الالزامية هاجسا يسكنك ..
ايها الخواف .....
امازحك ايها الشفيف
دمت بنفس الالق
|
Post: #10
Title: Re: أنا مش بتاعـة الحاجـات دي
Author: NGABY AJOOZ
Date: 06-29-2008, 01:26 PM
Parent: #1
الف حمدالله علي السلامة الشفناك طيبة
النجهز المرارة
|
Post: #12
Title: Re: أنا مش بتاعـة الحاجـات دي
Author: محمد عبدالرحمن
Date: 06-29-2008, 01:31 PM
Parent: #10
مراااحب حبابك والله ..وليك وحشه ...
العود احمد ياشيرى ...
|
Post: #41
Title: Re: أنا مش بتاعـة الحاجـات دي
Author: shiry
Date: 06-29-2008, 03:59 PM
Parent: #12
محمد عبد الرحمن
سلام مربع
البورد منور بـ جهابذته ..
اسعدتني طلتك
|
Post: #15
Title: Re: أنا مش بتاعـة الحاجـات دي
Author: ريهان الريح الشاذلي
Date: 06-29-2008, 01:34 PM
Parent: #10
| Quote: واجيبها بلماضة اكثر ماهو انا قدامك بتكلم سوداني كان قريتو وين |
سؤال يطرح نفسو ويتوهط...
|
Post: #39
Title: Re: أنا مش بتاعـة الحاجـات دي
Author: shiry
Date: 06-29-2008, 03:58 PM
Parent: #10
نقابي عجوز
سلام مربع
اتمني ان لا اكون قد اخطأت العنوان ..
تشكرات ومرسيات كبيرة اوي اوي لطلتك
|
Post: #14
Title: Re: أنا مش بتاعـة الحاجـات دي
Author: walid taha
Date: 06-29-2008, 01:32 PM
Parent: #1
لا حولااااااااااااااااا
شيري؟؟؟؟
|
Post: #20
Title: Re: أنا مش بتاعـة الحاجـات دي
Author: Elawad Eltayeb
Date: 06-29-2008, 02:01 PM
Parent: #14
والله بالجد سعيدين جداً بعودتك.. وإن شاء الله ما تبخلي علينا بكتاباتك المحبوبة.
إلى شيري، رودا وعادل عبد العاطي
|
Post: #46
Title: Re: أنا مش بتاعـة الحاجـات دي
Author: shiry
Date: 06-29-2008, 04:11 PM
Parent: #20
العوض الطيب
سلام مربع
تسعدني كلماتك الندية ، تسعدني طلتك البهية
ابقى تعريشة عنب نضرة
دمت القا وسعادة
|
Post: #44
Title: Re: أنا مش بتاعـة الحاجـات دي
Author: shiry
Date: 06-29-2008, 04:06 PM
Parent: #14
وليد طه
سلام مربع
ايوه يا ولي ياني انا ذاتها شيري بت ام شيري
نورت البوست
|
Post: #16
Title: Re: أنا مش بتاعـة الحاجـات دي
Author: عمر الفاروق
Date: 06-29-2008, 01:41 PM
Parent: #1
يا سلاااااااااااااام ياخ ..
في بيتنا شيري ..
صاحبة المداخل والمخارج ..
| Quote: ..وهذا كله يقودني لان ارفع اكفي بالدعاء لان ينتصر اليوم الاسبان على الالمان لا لشيء الا لان البابا سمح لبوش ان يتحدث الالمانية والثاني لانني احب فرناندو توريس ومع انني لا اعرف ان كان يلعب في الهلال السوداني ولا ريال مدريد الاسباني |
بسسسسسسسسسسس ده عيبك ..المانيا ..المانيا ..قولي المانيا يا شيري فاااااااااالحة ..
بالمناسبة توريس يلعب لفريق التحرير ام دقرسي ..
|
Post: #18
Title: Re: أنا مش بتاعـة الحاجـات دي
Author: Ishraga Mustafa
Date: 06-29-2008, 01:46 PM
Parent: #16
ياسلااااااااااام
شيرى هنا؟
ده براهو فرح، يازولة طولتى الغيبة شديد
ماتغيبى ياخ بالشكل ده- كتاباتك ليمون بارد فى عزّ صيف البورد ده
وبيعادل خموضة الروح وتخليها متوازنة
مشتاقييين ياشيرى
|
Post: #52
Title: Re: أنا مش بتاعـة الحاجـات دي
Author: shiry
Date: 06-29-2008, 04:33 PM
Parent: #18
اشراقة مصطفى
سلام مربع
واحشاني اوي يا حبيبة البي ..
واحشاني حروفك الجميلة
كيفه ايوب .. عسى حروفه لسع بنفس الالق..
اسعدتني كثيرا وجدا هذه الطلة التي تحاكي رحيق الورد
|
Post: #49
Title: Re: أنا مش بتاعـة الحاجـات دي
Author: shiry
Date: 06-29-2008, 04:25 PM
Parent: #16
عمر الفاروق
سلام مربع
لا افهم كثيرا في الكورة الا كما يفهم سادتنا اطال الله امد حكوماتهم غير اني لن ارمي رهاني
على المان اوصلهم الى "الميس" اخطاء "منافسين _اكيش من منتخب يقوده مازدا _يقال رفين وانا لست منهم بحمد من الله ونعمته، واهداف انها لا تدخل الا في حارس مـ ثل المعز ولانني لا اعرف كفاية عن
اللاعبين واللعبات ، فاعتقد والله من وراء القصد انهم يعنون "ريكاردو حارس هولندا وريكادو تعني بالسوداني المعز ..
شفت كيفن ؟؟
ولا يفوتني في هذه السانحة الا ان اشكر الكوتش هيثم مصطفى لانه سوف ينزل بديلا "انيستا"
ولنرى هل سيصلح ما افسده الالمان ام ان حبيب البي فرناندو توريس سوف يجيب عاليها واطيها
ولا نامت اعين الالمــــان
دا كلامك المسالة فيها "كيلو كافيار" خلى المانك ياكلو النيم يمكن يعملوا حاجة
واهو حاجة لـ جاجة تفرق قونين ثلاثة
قال اشنايدر قال ..ّّ
|
Post: #17
Title: Re: أنا مش بتاعـة الحاجـات دي
Author: حمزاوي
Date: 06-29-2008, 01:45 PM
Parent: #1
معقولة
انت متأكدة انك شيري
كدي قولي والله
|
Post: #19
Title: Re: أنا مش بتاعـة الحاجـات دي
Author: عصام دهب
Date: 06-29-2008, 02:00 PM
Parent: #17
سلام كبير أوي للجدعان كلوووهمم ..
و مرحبتين حباب عودتك يا شيري ..
و ليت على أثرك يعود كل الناس السمحين ..
|
Post: #54
Title: Re: أنا مش بتاعـة الحاجـات دي
Author: shiry
Date: 06-29-2008, 04:39 PM
Parent: #19
عصام دهب
سلام مربع
يارب يعود كل الناس الحلويين القلوبهم عامرة بالدفء
سلمت ياسيدي للطله
|
Post: #21
Title: Re: أنا مش بتاعـة الحاجـات دي
Author: tmbis
Date: 06-29-2008, 02:08 PM
Parent: #17
والله يا شيري ليك وحشـة ..
بلاي شيري عديل كدا ..؟
|
Post: #22
Title: Re: أنا مش بتاعـة الحاجـات دي
Author: MOHAMED EL-BEELI
Date: 06-29-2008, 02:33 PM
Parent: #21
شيــرى ..
ســلام مطبــــوق ..
عــرفتك اليوم لأول مـــرة .. عرفتك رائعة ..
ومن مداخلات الذين عرفوك عــرفت غيابك عن دلق الروعة هنا..
.
عاودينا ولا تغيبى..
رعاك الله ودمتــى حلوة.
|
Post: #24
Title: Re: أنا مش بتاعـة الحاجـات دي
Author: على محمد على بشير
Date: 06-29-2008, 02:50 PM
Parent: #22
غايتو ..
كل المرحبين بروفايلاتم بتقول انهم مواليد 2002 
( اول مره الاحظ لبروفايلات الناس )
عموما ..
نحنا ناس مواليد 2005 ولسه بى سنون اللبن وعلينا خدمه الزاميه
برضو بنرحب بماما شيرى .. ونقول ليها مرحبا بك قبل الارشفه
وبعد الارشفه برضو
وما تحرمينا من حروفك
لانو فى ناس هنا دايما بيتزكروكى لمن يعدوا فى الناس الكتابين
ومختفين ..
|
Post: #60
Title: Re: أنا مش بتاعـة الحاجـات دي
Author: shiry
Date: 06-29-2008, 04:59 PM
Parent: #24
على محمد بشير
سلام مربع
خدمة الزامة؟؟ دا الكلام الجنن دكين ذاتو ..
سلمت ياسيدي لتهاليل الفرح التي زرعتها هاهنا
|
Post: #58
Title: Re: أنا مش بتاعـة الحاجـات دي
Author: shiry
Date: 06-29-2008, 04:50 PM
Parent: #22
محمد البيلي
سلام مربع
انا التي سعدت بطلتك .. كما اسعدتني حفاوتك
سلمت يا شفيف
|
Post: #25
Title: Re: أنا مش بتاعـة الحاجـات دي
Author: othman mohmmadien
Date: 06-29-2008, 02:56 PM
Parent: #21
سبحان الله ...
بالأمس القريب
وضبابات من الحزن تراكمت في أنفسنا بفعل ما يضج به المنبر من نعرات وعنصرية قميئة ....
تذكرت ذلك القلم الذي يكتب هترشته بنقاء عجيب وصفاء روحي عذب
وتساءلت يارب هل هي شيرين أم شيري أم ماذا ....
ومن حسن حظي اجدك هنا
مرحباً بعودتك شيري
|
Post: #61
Title: Re: أنا مش بتاعـة الحاجـات دي
Author: shiry
Date: 06-29-2008, 05:16 PM
Parent: #25
عثمان محمدين
سلام مربع
تشكرات بـ كميات لا قبل لـ قلبي ولا للبورد بها
ساشتري ودكم ومحبتكم اللحظة واستمتع بهذه التهاليل الزاجلة
ومايحدث عدا .. سيكون شأنا لله وحده هو العالم بما يصير
دمت اكثر القا
|
Post: #57
Title: Re: أنا مش بتاعـة الحاجـات دي
Author: shiry
Date: 06-29-2008, 04:47 PM
Parent: #21
تمبس
سلام مربع
افيو ويكس اقو ، يعني بالاسباني قبل اسابيع كنت في الرياض وتذكرتكم وقلت ياربي لسعة تمبس
منتظر العباسية تصير زي الرياض ..
احملك كاسة شايك وتسمر امام التلفاز واستمتع بلمسات حبيب البي فرناندو وتوريس وفابرجاس
سعدت بطلتك
|
Post: #53
Title: Re: أنا مش بتاعـة الحاجـات دي
Author: shiry
Date: 06-29-2008, 04:37 PM
Parent: #17
حمزاوي
سلام مربع
وحات سيدي الحسن على قولة حبوبة انا شيري
سعدت بطلتك
|
Post: #23
Title: Re: أنا مش بتاعـة الحاجـات دي
Author: Yassir7anna
Date: 06-29-2008, 02:47 PM
Parent: #1
العزيزة جدا شيري
صاحبة القلم الرشيق
والله بالغت عدييييييييييييل كده، سنة
موضوع دسم جدا لكن بس ما كده، وحدة ... وحدةK عشان نقدر نهضم وبلاش كل ده يجي مره واحدة
انت عارفة نحن ناس كبرنا على القراية الكومبيوترية دي
والله ليك وحشة والف الف الف حمد لله على السلامة والبركة الشفناك طيبة
والله يديك العافية
|
Post: #28
Title: Re: أنا مش بتاعـة الحاجـات دي
Author: soma
Date: 06-29-2008, 03:16 PM
Parent: #23
شيرى يا حبيبة البى
وينك يا يمة لى
ليك وحشة بعمق المحنة الجوه
يعلم الله غيمنا رحل
وخريفنا حرد النهار
ارجعى يا غالية من بطن الاهل
مكانك هنا بيناتنا لانه عمانا الجفاف والتصحر
تعالى يا غيمه ضهرية
بردى الجوف بى دعاش كتابتك الندية
هلا والله قدر الفرحة بى طلتك
اسماء الجنيد/ مسقط
|
Post: #27
Title: Re: أنا مش بتاعـة الحاجـات دي
Author: أحمد الشايقي
Date: 06-29-2008, 03:15 PM
Parent: #1
شيري
مقال ظريف ( أضطررت) لقراءته بالكامـل لأصـل لفكرتك (الممسـوخـة) دي
| Quote: وللذين لا يعرفون الكافيار هو بيض السمك يااااااع قرف يقرفكم وانا مش بتاعة الحاجات دي .. |
ياخي انتي كتابة شديد ,
لكني حريص على القسـم بأنك لا تعرفين من الطبيخ إلا كما يعرف بوش عن الانجليزية وساستنا عن السياسـة
لكنك تعرفين كل شئ عـدا ذلك,
تحياتي
أحمـد
|
Post: #31
Title: Re: أنا مش بتاعـة الحاجـات دي
Author: ترهاقا
Date: 06-29-2008, 03:35 PM
Parent: #27
انتو متأكدين إنو دى شيرى ياخوانا ؟ يبدو أن العافية ستعود إلى المنبر
فى الاول كدى النرحب بيكى وبعدين نرجع نقرا المقال
والف مرحب
|
Post: #32
Title: Re: أنا مش بتاعـة الحاجـات دي
Author: willeim andrea
Date: 06-29-2008, 03:35 PM
Parent: #1
ناس زمان ازيك يا خي..... غايتو جنس غايتو .. يعني زي ما انتو كتابتكم احلي من السكر.... قلته اسلم واخفف دمي شويه وكده....... مودتي
|
Post: #33
Title: Re: أنا مش بتاعـة الحاجـات دي
Author: معتصم دفع الله
Date: 06-29-2008, 03:40 PM
Parent: #1
سلام مربع يا شيري ..
معقول انتي هنا بعد الغيبة دي كلها ..
إشتقنا لطعم كتاباتك الحلوة ..
عليك الله كان تمشي تاني ..
Quote: بسسسسسسسسسسس ده عيبك ..المانيا ..المانيا ..قولي المانيا يا شيري فاااااااااالحة ..
بالمناسبة توريس يلعب لفريق التحرير ام دقرسي .. |
بالله شوفو جنس الجرسة دي ..
أها ديفد فيا كيف معاكم ..
والله يا الفاروق الجماعة متحلفين ليكم ..
وأنا حارسك بي هناك ..
على فكرة توريس دا بلعب في الرابطة القلقالة
|
Post: #34
Title: Re: أنا مش بتاعـة الحاجـات دي
Author: Deng
Date: 06-29-2008, 03:40 PM
Parent: #1
كوزة الخليج شيري.
تاني رجعتي؟
|
Post: #36
Title: Re: أنا مش بتاعـة الحاجـات دي
Author: jini
Date: 06-29-2008, 03:52 PM
Parent: #34
Quote: كوزة الخليج شيري.
تاني رجعتي؟ |
كوزة السرور يا حاقد!
كان شيرى كوزة انشاءالله البلد كلها تبقى كيزان وجكوك وجرادل عشان نشرب لمن نتكفى!
جنى
|
Post: #37
Title: Re: أنا مش بتاعـة الحاجـات دي
Author: العوض المسلمي
Date: 06-29-2008, 03:53 PM
Parent: #34
شيري سلام
دينق سلام
Quote: كوزة الخليج شيري.
تاني رجعتي؟ |
؟؟؟؟؟؟
|
Post: #40
Title: Re: أنا مش بتاعـة الحاجـات دي
Author: تولوس
Date: 06-29-2008, 03:58 PM
Parent: #34
اولا سلام ... وبعده كل الشوق
...............
دينق امش العب بعيد
|
Post: #79
Title: Re: أنا مش بتاعـة الحاجـات دي
Author: shiry
Date: 06-30-2008, 08:36 AM
Parent: #34
ياسر حنا
سلام مربع
مرسي اوي اوي للتراحيب التي تحاكي الورد
سلمت للطلة
شاعرتنا التي بطعم الكرز
سلام مربع
كنت اتوقع ان يصلني منك "ديوانك الشعري " لكن شكلك كدة كسلتي وماكملتيهو
احبك ياسوما.. احبك بجد ، احبك لطلتك التي قريبة من القلب
كوني دوما هاهنا على تماس مع سويداء القلب
احمد الشايقي
سلام مربع
من القال ليك ، ؟؟ وحات سيدي الحسن ، انا خطيرة جد في الشاي السادة ، اما الحليب فاسكت خليهو ساكت .
سلمت ياسيدي للبهجة التي صنعتها في هذا البوست
ترهاقا
سلام مربع
انشاء الله يارب يعودوا الناس الحلوين الذين غابوا بسبب وبلا سبب
هذا المكان الجميل يستحق اكثر من ذلك بكثير
سلمت ياسيدي للطله
وليم اندريا
سلام مربع
طالما انك في سودانيز اون لاين اطمئن انت الاظرف ، جد ما بهزر ..
سلمت ياسيدي للتحية الحلوة
معتصم دفع الله
سلام مربع
صاحبك "غتس " مالو ما ظهر بعد هدف حبيب البي فرناندو توريس
حلفتك بـ الله كان تفوتها ليهو .. ؟؟
قال المانيا قال !!!
سلمت ياسيدي للاريحية التي خصيتني بها
دينق
فتي العمارات الوسيم الذي يمم شطر بلاد العم سام
وتاه في سوق جورج قشره .. ابن عم لزم لسعد قشرة
سلام مربع
اما زلت قابضا على ذاك الحلم الغابر ان لا تكون سوداني الدواخل ..
كن وشيكا جدا من شرياني ، حتما ساهديك يوما زهر الليمون
امازحك ايها الشفيف ..
جنــــي
سلام مربع
مافي القلب يا جني يصل الى القلب مباشرة لا نحتاج الى ان نحمل "عصينا" لنؤطره
وحده القلب اقوي المؤشرات القياسية على جمالية الانسان
لك من القلب كل مودته ..
سلمت ياسيدي
|
Post: #42
Title: Re: أنا مش بتاعـة الحاجـات دي
Author: Deng
Date: 06-29-2008, 04:00 PM
Parent: #1
Quote: كوزة السرور يا حاقد!
كان شيرى كوزة انشاءالله البلد كلها تبقى كيزان وجكوك وجرادل عشان نشرب لمن نتكفى!
جنى |
جني.
كده خلينا من شيري.
أنت ذاتك في النهاية ح ترجع الى حظيرة الكيزان.
|
Post: #43
Title: Re: أنا مش بتاعـة الحاجـات دي
Author: العوض المسلمي
Date: 06-29-2008, 04:05 PM
Parent: #42
شكرا جزيلا
|
Post: #48
Title: Re: أنا مش بتاعـة الحاجـات دي
Author: اساسي
Date: 06-29-2008, 04:22 PM
Parent: #43
شيري صديقتنا القديمة
في زول بيغيب كم سنة ويرجع كانه كان قاعد امس؟
قولي رحبو بي قولي افرشوا لي الارض بالورود ان شاء بالضريسة بس قولي اي حاجة
أظنك عرفتي عذاب المغني
وطبله المجدع شظايا التمني
حروفه البتجزع في لحظة تجني
خطاه البتهرع متين تطمئني
مسرج خيالك حصاني القبيل
معربد غباره وخلى الصهيل
مسافر مسافر وفاقد دليل
أظنك عرفتي هموم الرحيل
|
Post: #45
Title: Re: أنا مش بتاعـة الحاجـات دي
Author: willeim andrea
Date: 06-29-2008, 04:08 PM
Parent: #1
دينق الحبيب.... ازيك يا راجل والدنيا عامله معك ايه... تعرف يالحبيب انا دايما ما بحب ادخل في تصنيف ابناء وطني ونحن في هذا الوطن الاسفيري... وبعد غيبه تعود الاستاذه شيري للكتابه باسلوبها المميز... ارجوك استمتع بسطور جاده والقفشات في وقت نحن اشد الحوجه الي البسمه الصادقه.. وبلاش حافلة العده.. كوز كوبه شرقرق وما عارف شنو ..... حبي واحترامي وتقديري لشخصك الكريم...
|
Post: #47
Title: Re: أنا مش بتاعـة الحاجـات دي
Author: د.نجاة محمود
Date: 06-29-2008, 04:16 PM
Parent: #45
ياااااااااااااااه
يا ستنا
الليلة عاد يوم عيد عديل كدا...
افتقدك البورد وافتقدتك المدرسة الخنفشارية...
خالتك بيان فرحانة آوي آوي
|
Post: #50
Title: Re: أنا مش بتاعـة الحاجـات دي
Author: عمران حسن صالح
Date: 06-29-2008, 04:26 PM
Parent: #45
الزميلة شيري :
لاتنسي بأن بوست العودة سيذهب إلى هنــا :
اعلان للجميع:ارشفة المنبر العام الحالى للربع الثانى لع...08 يوم 30يونيو 2008
وكمان أقول ليكـ حاجة سر .. ( أنا مُشرٍكـ بيهو ياخي فبالله لا يروح الحقي سجليهو ) ..
والكلام ليكـ يا شــــــــــــــــــــــــات ...
عديل كده ..
ياخي خلي تفاهتكـ دي وتعال .. حريقة فيكـ ..
|
Post: #51
Title: Re: أنا مش بتاعـة الحاجـات دي
Author: محمد الطيب يوسف
Date: 06-29-2008, 04:28 PM
Parent: #1
شيري والله كتابة دسمه بالجد
تسلم البطن الجابتك
قال دينق
Quote: كوزة الخليج شيري.
تاني رجعتي؟ |
دينق إنت شتارتك وعوارتك دي مابتخليها
|
Post: #81
Title: Re: أنا مش بتاعـة الحاجـات دي
Author: shiry
Date: 06-30-2008, 08:59 AM
Parent: #51
تولوس
سلام مربع
سلمت ياسيدي للطله الحلوة
العوض المسلمي
سلام مربع
دمت بخير والف ود
لك كل التراحيب الحلوة
اساسي
سلام مربع
كأنك لم تتغير ، اساسي الذي يحندق حمودي بالشوكولا ويأكل نصفها وحتى بعد ان جاءتك ليلي رأيتك نهاية الاسبوع وانت تقاسمها نصف الشوكولا .. هات الشوكولا خاصة حمودي والا سوف اشتيك لـ دينق ..
امازحك ايها الشفيف .. بوس لي الصغيرة ليلي وامها كمان .. قريبا سنزوركم ..
د/ نجاة محمود
سلام مربع
كنا قبل كام شهر كدة في جلسة عائلية وفجأة جاب احد ضيوفنا سيرة سودانيز اون لاين ، وكنت انت من الذين تحدثوا عنك بكل خير ، ولانني لبطية جدا .. قلت انك صديقتي جدا وقريبة من قلبي جدا .. واعرفك وتعرفيني ..
انت رائعة يا دكتورة وتستحقين اكثر من كل ذلك ..
سلمت ياسيدي للطله البهية التي خصيتني بها ..
محمد الطيب يوسف
سلام مربع
يعيشك على قولة اخوانا التوانسنا .. سلمت ياسيدي لجمالية حضورك البهي
احمد محمد عثمان
سلام مربع
ياااه ، بس بأأأأه ، كفاية يأس اهو انا قيت
سلمت ياسيدي للطله البهية
ممكونة
سلام مربع
كبرت لي راسي يا ممكنوة اصلا هو كبير "خلقة"
سلمتي ياستي لبهاء حضورك ..
رأفت ميلاد
سلام مربع
الا دي ، ماعايزة زول يـ تلخبط" فيني .. هاهاهاهاه
كن وشيكا من الوعد .. ساعتها حتما ستعرف من هي "خراف بن اسرائيل الضالة"
سلمت ياسيدي للطله البهية
|
Post: #91
Title: Re: أنا مش بتاعـة الحاجـات دي
Author: د.نجاة محمود
Date: 06-30-2008, 02:47 PM
Parent: #81
مدخل حب...
نرحل في عيون الناس نشيل لكل زول ريدة..
لما لقينا عينيها لقينا الدنيا وافراحها
وللامال فتحنا دروب لاحلامنا كم ساحة..
غريبة الدنيا جمعتنا بيقولو عليها رواحة..
جانا الريد يعلمنا نعيش الدنيا الاحساس نسامح بقليب طيب
ونشيل الريد لكل الناس
عرفنا الريدة في الطيبة وحلاوة الريدة في الاخلاص..
ياريت كل زول تايه يلاقي الريدة في دربو
عشان الناس تحب الناس وذي عيننا يتحبو
ما اصلو البزورو الريد حب الناس بزور قلبو
هكذا غنى فناني المفضل خالدي
شيري شتات سنجاوي..
يحفظكم مولاي من كل غادر والزمن ما يبقى جائر..
اعفص هنا
http://www.sudani.ws/music/abdalmoneimalkhaldi/hob_alnas.html
|
Post: #55
Title: Re: أنا مش بتاعـة الحاجـات دي
Author: Ahmed Mohammed Osman
Date: 06-29-2008, 04:40 PM
Parent: #1
شيري
جاي ليه
وبعد ايه
بعد ما العمر اندفن
تحت رموش عينيه
وحااات وما طالباني حليفة
فقدتك فقد مبالغة
بس انشالله ما عمرة وزوغة
|
Post: #56
Title: Re: أنا مش بتاعـة الحاجـات دي
Author: mamkouna
Date: 06-29-2008, 04:40 PM
Parent: #1
مرحب بعودتك يا شيري..
تعجبني كتاباتك و هترشاتك..و أتابعها منذ زمن بعيد..
حتى قبل أن أكون عضوة هنا.
وجودك يحث على التفاؤل و يُُغني البورد.
نوٌرتي بيتك و مطرحك.
|
Post: #59
Title: Re: أنا مش بتاعـة الحاجـات دي
Author: رأفت ميلاد
Date: 06-29-2008, 04:53 PM
Parent: #56
قال داخلين نرحب بى زول جديد ...
يا دينق كوزة شنو ؟؟؟ نورنا ياخ ..
عشان أخوك إتلخبط شوية .. ما باقى لي ياخ ..
غايتو بنسلم بمزاج يا شيرى .. كتااااابة وبس ..
|
Post: #62
Title: Re: أنا مش بتاعـة الحاجـات دي
Author: د.نجاة محمود
Date: 06-29-2008, 05:24 PM
Parent: #59
شيري اليوم
مرقت جنس ناس
الزعيم الظلامي العظيم ياسر حنا واحمد عثمان
وليم اندرية لباكر بتجيب لينا ناس عزازبالحيل فاتو خلونا متل شتات وجاغوما
وسنجاوي وبناديها ومام,,,
زمانك يا زمان الوصل بسودان نت
|
Post: #63
Title: Re: أنا مش بتاعـة الحاجـات دي
Author: shiry
Date: 06-29-2008, 05:42 PM
Parent: #62
سلام مربع
لكل المتداخلين الذين تضج حناجرهم بالاناشيد والغناء العذب
اتوكأ على بعض اعتذراتي تصحبني غيوما من الفرح كدت وانا في عنفوان الحياة ان انساها ، ولشد ما ادهشتني بعد كم هذا الغياب ان اكون في ذاكرتكم السمحة بهذه النضارة اذ انا نفسي نسيت نفسي ، وقد كان يزاحمني احساس انني سابدو غريبة ولن يتمكن احد من معرفتي .. لن اقول ان هذه التهاليل السخية هزتني فقط وانما زلزلتني .. اكون جاحدة لو انني قلت غير ذلك .. غير ان عيشتي التي تنبأت لي حبوبتي في غابر عهدها انها ستطير ، تمسك بتلابيب اللحظة واسمعهم جمهرة المتشردين الذين يسكنون في بيت يسمي خطأ بـ "صومعتي" كل يحتفظ بقائمة من الطلبات لن يتنازل عنها حتى تجاب وانا بين هذا وذاك العن هذا واسب لذاك وان كان احد يستحق كل هذا اللعن ساكون انا
لانني انا من فعلها في نفسه وقرر ان يضع حدا لحياة "البهجة " التي كان يهدهدني بها ابي
فينك يا ماما .. تشوفي بتك شيري ايه اللي جرالها ..
كونوا وشيكين جدا من قلبي فانا اكيدة من انكم ستبقون كذلك
ايديكم من على الرموت كنترول
|
Post: #64
Title: Re: أنا مش بتاعـة الحاجـات دي
Author: HAMZA SULIMAN
Date: 06-29-2008, 05:49 PM
Parent: #63
عودا حميدا يا شيرى
|
Post: #66
Title: Re: أنا مش بتاعـة الحاجـات دي
Author: حسن الجزولي
Date: 06-29-2008, 06:10 PM
Parent: #63
ياأهلين بشيري من تاني
..الحكاية والكتابة والتدفق وألق الحدث عاد للمنبر..
والرجعك يرجع نا ود عزة وهدهد وتماضر وعاطف عبدالله..
أنا عارف..ده كلو من بوش..
و((شكيتكم علي الله يابوش وبلير))!
لوووووووول!!
|
Post: #65
Title: Re: أنا مش بتاعـة الحاجـات دي
Author: Deng
Date: 06-29-2008, 05:54 PM
Parent: #1
Quote: قال داخلين نرحب بى زول جديد ...
يا دينق كوزة شنو ؟؟؟ نورنا ياخ ..
عشان أخوك إتلخبط شوية .. ما باقى لي ياخ ..
غايتو بنسلم بمزاج يا شيرى .. كتااااابة وبس .. |
الحبيب ميلاد.
شيري دي من الخلايا النايمة. بتظهر في ساعات الزنق الجد جد للكيزان بهذا البورد.
و التاريخ لا يرحم ابدا.
دينق.
|
Post: #67
Title: Re: أنا مش بتاعـة الحاجـات دي
Author: singawi
Date: 06-29-2008, 06:13 PM
Parent: #1
شيرييييي
سلام قدر الكتلة
واحد بلدياتنا ربنا ابتلى والده بالسكر
وعمك راسو خفيييف كاس واحد بيجيب خبره . أها صاحبنا كان بنتظر والده يكتح الكاس الأول والتاني بعد داك ببدل ليهو قزازة السجم بي قزازة شاي ، وعمك يشرب في الشاي ويغني .
أها أنا عندي اعتراف
البوست حقك دا أنا ما قريت فيهو غير كأسين
الكأس الأول هو عبارة .. أول الحكي
والكاس التاني ... سلام مربع
فانتشيت
حبابك عشرة شيري
ونطمنك
القلوب التي أحببناك بها
ما زالت في صدورنا
ويا شمس لا لا لااا تغيبي
تحياتي وأطيب أمنياتي
دكتورة نجاة
القومة ليك
|
Post: #68
Title: Re: أنا مش بتاعـة الحاجـات دي
Author: shatat
Date: 06-29-2008, 08:42 PM
Parent: #1
حتجي البت الحديقه
فارده أنسام في طريقها
وشايلة ألوان
حتجي البحدث بريقها
ضجة الضــو في المكان
..........................خطاب
شـــيري..ينعم صباحك خير..ويسعد مساك النور
مرحب بعودتك....التي طال انتظارها..وعوضينـا
الفاتو من أيام..بأجمل الكلام..وليك وحشه.
...مع تقديري واحترامي.
................
دكتوره نجاة...مع سنجاوي اردد..القومه ليك
مع تقديري واحترامي.
............................نورالدين
|
Post: #69
Title: Re: أنا مش بتاعـة الحاجـات دي
Author: بكرى ابوبكر
Date: 06-29-2008, 09:14 PM
Parent: #68
شيرى الجميلة
حمد الله على السلامة و نورت المنبر
و عليك الله تانى ما تغيبى علينا
|
Post: #86
Title: Re: أنا مش بتاعـة الحاجـات دي
Author: shiry
Date: 06-30-2008, 01:43 PM
Parent: #68
حمزة سليمان
سلام مربع
ازيك يا فنان .. عامل ايه عساك بخير
سلمت ياسيدي للطله البهية
حسن الجزولي
سلام مربع
اهو انت قلتها كله من بوش ابو راس فاضي .. الله يجازيه
اتمني فعلا عودتهم ذلك الركب الرائع
سلمت ياسيدي
دينق
سلام مربع
انشاء الله تنوم عليك حيطة
هاهاهااهاهها ..
امازحك ايها الشفيف ، سلمت من تاني للطله البهية
سنجاوي
سلام مربع
اعترف حينما قرأت اسمك لاول مرة ابان العهد الحجري في سودان نت عطر الله ايامه الخير كنت ميقنة ان اسمك على تكنيك " سنقة عشرة" مثل ما يتقول بذلك اهلنا المصاروة ، الا ان قابلت صديق يعرفك ، قال لي ايتها لسجمانة مالك تقلبين الامور .. لا ينطق هكذا الاسم ان سمعوك اهل سنجا لادخلوك مستشفي الطائف ، ساعتها عرفت لاول مرة ان هنالك مدينة تسمي سنجا .. تحية كبيرة اوي اوي اوي لاهل سنجا ..
اسعدتني طلتك ايه البهي الطلعة .. سلمي على العيال
شتات
سلام مربع
ايضا ابان العهد الحجري بسودان نت حينما كتبت لاول مرة هنالك ، استرق احدهم النظر من خلال ماسنجري ، وقال لي ما تخجل يا شتات عامل فيها بت .. فما كان مني الا ان قلت له "بت لما تبتك" هاهاها .. يقال لي انك تشبهين شتات في طريقة كتابه ، قلت هي طيب انا ماكويسه
سلمت ياسيدي لهذا لحضور الكامل الدسم .. شرفتني طلتك
بكري ابوبكر
سلام مربع
كلما جال بخاطري ان اصف احدهم بالابهة ، تحكرت انت في صورة متصالحة تماما مع الكبرياء ، الكبرياء الذي يقود لصاحبه للنجاح ولانجاح مسيرة امة بحالها .. صرحك يا سيدي واعني صرحنا بالتاكيد هو انجازات جيلنا ، حتما سيجيء يوم ستكرمك الاجيال على هذه العبقرية
سلمت ياسيدي لحضورك الذي يحاكي بنفجسة وكثير من الكرز
|
Post: #70
Title: Re: أنا مش بتاعـة الحاجـات دي
Author: عزاز شامي
Date: 06-29-2008, 09:32 PM
Parent: #1
يا شيري ... حمدلله على السلامة ياخ!
تحرميني ليه؟
تغيبي تاني إلا أكلك قراصة بكافيار!
|
Post: #72
Title: Re: أنا مش بتاعـة الحاجـات دي
Author: محمد نور أحمد
Date: 06-29-2008, 10:09 PM
Parent: #70
Quote: شيرى الجميلة
حمد الله على السلامة و نورت المنبر
و عليك الله تانى ما تغيبى علينا |
والله يا اخوانا زولتكم دي طالما عمك شخصيا أكل بصلعته البهية الزي حقتي دي ورحب بيها وطلب منها تاني ما تغيب نحنا شنو لينا..
نرحب بيها حتى تستغيث من الترحيب وتقول وااااااااااااااااي..
حبابك يا شيري .. وحباب العودة من تاني..
وزي ما قال ليك عمك بالله تاني ما تغيبي قدر دا ..
----------------
عليك الله زول لاقي الناس الفوق ديل كلهم بيحبوا ويتفقدوا ويسألوا منه يقوم يغيب عنهم، ولا من باب اتعزز الليمون ..
|
Post: #71
Title: Re: أنا مش بتاعـة الحاجـات دي
Author: JAD
Date: 06-29-2008, 10:06 PM
Parent: #1
عوداً حميداً أختنا شيري ..
من زمن مستني عودك قلبي راحل ..
تحياتي،،،
جاد
|
Post: #73
Title: Re: أنا مش بتاعـة الحاجـات دي
Author: Ahmed Osman
Date: 06-29-2008, 10:28 PM
Parent: #71
Quote: شيرى الجميلة
حمد الله على السلامة و نورت المنبر
و عليك الله تانى ما تغيبى
|
يا سلام وسلام
|
Post: #75
Title: Re: أنا مش بتاعـة الحاجـات دي
Author: Abomihyar
Date: 06-29-2008, 10:38 PM
Parent: #71
شيري البت الكّتابة
حمد لله على السلامة..
خلاس بقى ناقص لينا بت قضيم..
|
Post: #74
Title: Re: أنا مش بتاعـة الحاجـات دي
Author: taha
Date: 06-29-2008, 10:30 PM
Parent: #1
Quote: البوست حقك دا أنا ما قريت فيهو غير كأسين
الكأس الأول هو عبارة .. أول الحكي
والكاس التاني ... سلام مربع
فانتشيت
حبابك عشرة شيري
ونطمنك
القلوب التي أحببناك بها
ما زالت في صدورنا
ويا شمس لا لا لااا تغيبي
تحياتي وأطيب أمنياتي |
|
Post: #76
Title: Re: أنا مش بتاعـة الحاجـات دي
Author: oudenoord
Date: 06-29-2008, 11:29 PM
Parent: #1
لا حولالالالالالالالالالالالا شيري بت ام شيري شخصيااااااً
حباب طلتك مجددا وان شاءالله قُدمك يكون قدم خير
وبدايه عودة لي اقلام افتقدتها سودانيزاونلاين
الجااااابك يجيب بت قُضيم
ودى
|
Post: #77
Title: Re: أنا مش بتاعـة الحاجـات دي
Author: ودالعباسية
Date: 06-30-2008, 00:56 AM
Parent: #1
اكااااااااااااااد لا لا اصدق ،،
شيري ،،
حمدالله على السلامة ،، ومنورة من جديد ،،
ومبروك لى حبيبك ،، توريس ،، عريس النهائ الجميل ،،
بس اسمعى هوووي ،،
Quote: افيو ويكس اقو ، يعني بالاسباني قبل اسابيع كنت في الرياض وتذكرتكم وقلت ياربي لسعة تمبس
منتظر العباسية تصير زي الرياض ..
احملك كاسة شايك وتسمر امام التلفاز واستمتع بلمسات حبيب البي فرناندو وتوريس وفابرجاس
|
ما تلعبى بى النار ،،،
لكن تانى حمدالله على سلامتك ،،
|
Post: #78
Title: Re: أنا مش بتاعـة الحاجـات دي
Author: yasir Abdelgadir
Date: 06-30-2008, 03:08 AM
Parent: #77
الف حمدا لله علي السلامة افتقدناك كثيرا ارجو ان لا تغيبي او كما قيل
|
Post: #82
Title: Re: أنا مش بتاعـة الحاجـات دي
Author: Emad Abdulla
Date: 06-30-2008, 09:20 AM
Parent: #78
| Quote: واجيبها بلماضة اكثر ماهو انا قدامك بتكلم سوداني كان قريتو وين ؟؟ |
إنّا لله ..
يضحك سنتك يا شيري ..
قولي يامين ..
هذا اولاً .
ثم ياخي و بحكم معارفكم الجامعات بشوية من فقه اللغات الفرنسية و صويحباتها , و بحق طباختكم السريلانيكية ..
يا ريت نعرف - نحن المتواجدون منذ الخليقة جنوب خط الإستواء - يا ريت نعرف الفرق بين البطارخ و الكافيار ؟!!!
و ( نحن مش بتاعين الحاجات دي ) ..
فقد هلكتني قراءة نتف عنها في الروايات و الكتابات الأفرنجية ..
و جهدت جهدت حتى علمت ان اثنينها منتجات سمكية !!
و نحن لا نعرف للبحر إلا السمك المقلي و شوية مشوي حين مقدرة .
فينوبك ثواب .. أفتينا فيما أشكل علينا .
.....
ثم .. شكراً للكتابة الطاعمة .
|
Post: #83
Title: Re: أنا مش بتاعـة الحاجـات دي
Author: ابوحراز
Date: 06-30-2008, 09:51 AM
Parent: #82
أول شيء كنت متردد
ياربي يكون دا هكر ؟؟
الصدمة بتاعت نسرين سوركتي خلتنا نتلفت يمين وشمال
لكن اول ما قرات
Quote: اخر الحكي
فجأة صار صوتك لا يشبهك
ضاعت في البعد نكهتك
صوتك شاحب
وريدك بارد ، شريانك تائه
ومع ذلك كله انت هو انت
كريه وبايخ كـ طلتك
عرفت فعلاً أن هذه فصيلة دم شيري
وعرفت بصماتها التي تسكن في كل الحروف المترعة بالأمل
اول شيء مرحب بيك |
وتاني
Quote: اخر الحكي
فجأة صار صوتك لا يشبهك
ضاعت في البعد نكهتك
صوتك شاحب
وريدك بارد ، شريانك تائه
ومع ذلك كله انت هو انت
كريه وبايخ كـ طلتك |
الزول المسيخ دا أوعا يكون عايش ؟؟
ودوه لإشراقة كان عايش عشان تعادل ليهو حموضة الروح
|
Post: #104
Title: Re: أنا مش بتاعـة الحاجـات دي
Author: shiry
Date: 07-01-2008, 01:09 PM
Parent: #83
عزاز شامي
مرسي اوي اوي اتغديت بيها
سلمت ياستي للطله
محمد نور
سلام مربع
ياااااخي مالك ملاوز من صلعتك .. اهو زينت البورد
شفت كيفن
سلمت ياسيدي للطله
جاد
سلام مربع
انشاء الله يسلموا لي ها الديات
احمد عثمان
سلام مربع
مرسي اوي اوي
ابومهيار
سلام مربع
وانا مثلك اتمنى عودتها .. يارب جيبها لينا سلامة
طه
سلام مربع
سلمت ياسيدي لروحك الحلوة
oudenoord
سلام مربع
انشاء الله يارب .. تعود الاقلام المهاجرة
سلمت ياسيدي للتهاليل الجميلة
ود العباسية
سلام مربع
شفت كيفن ، حبيب البي فرناندو توريس ، سيدها الجد الجد
ياسر عبد القادر
سلام مربع
يارب يقدرني على جزاؤكم للحفاوة التي لقيتموني بها
عماد عبد الله
سلام مربع
يقال في الاثر ياسيدي وانا لا اعرف من الاثر الا كما يعرف شيخنا العارف بالله
ابو كضوم .. ان الكفيار ، ضرب من اكل اهل النار . اذ انه مزيج من حروف تداخلت فيها الكفر والياء ياء النسبة .. وبهذا انصحك ان لا تقربه .. وكف ان ملاحقته
ابو حراز
سلام مربع
وحات نظري يا ابوحراز عايش وحي يرزق والغريبة عامله انو زول ماعادي
مع انو عايدي جدا وزي الزبادي كمان
رجا
سلام مربع
معقولة يا رجاء .. قدر دا انا كنت سيئة كده !!!!
سلمت ياستي للطله البهية
الصحافة 30
سلام مربع
سلمت الف مرة للتراحيب الجميلة
ابوقوتا
سلام مربع
لكن ماتقول لي قصيدتك في السليكي
سلمت ياسيدي للبهجة التي رسمتني بها
|
Post: #84
Title: Re: أنا مش بتاعـة الحاجـات دي
Author: Raja
Date: 06-30-2008, 10:02 AM
Parent: #1
حمد ألف ع السلامة شيري..
وأتمنى فعلا ترجع شيري الأولانية ديك.
غيابك سبقته فترة أتمنى فعلا نكون إتجاوزناها بوعي.
* هذه المشاركة برعاية دهن الكركار
|
Post: #85
Title: Re: أنا مش بتاعـة الحاجـات دي
Author: ABUHUSSEIN
Date: 06-30-2008, 01:25 PM
Parent: #1
Quote: -06-2008, 02:40 م
Deng
.
تاريخ التسجيل: 28-11-2002
مجموع المشاركات: 13576
Re: أنا مش بتاعـة الحاجـات دي (Re: shiry)
كوزة الخليج شيري.
تاني رجعتي؟ |
دينق الأشــتـــــر
|
Post: #87
Title: Re: أنا مش بتاعـة الحاجـات دي
Author: Alsa7afa_30
Date: 06-30-2008, 01:54 PM
Parent: #1
اضبط ........ شيري في المنبر !!
عوداً حميداً ..
|
Post: #88
Title: Re: أنا مش بتاعـة الحاجـات دي
Author: abuguta
Date: 06-30-2008, 02:11 PM
Parent: #87
اها
ناس 2003 وصلوا
باسمهم ارحب بشيرى
شيرى
يادهبى الاكسيرى
لابسة الحريرى
وغائبة من الاسفيرى
كيف اخبار الديرى
و العصر الجيرى
|
Post: #89
Title: Re: أنا مش بتاعـة الحاجـات دي
Author: Deng
Date: 06-30-2008, 02:31 PM
Parent: #1
الكوز العنصري أبو حسين.
طبعا أنت لازم تتقدم المدافعين على كوزة الخليج شيري.
عندما نكشفكم ونكشف أرنبياتكم القصة تكون"شتارة" مش كده؟
بلاش نفاق ودجل معاكم.
|
Post: #92
Title: Re: أنا مش بتاعـة الحاجـات دي
Author: Nagi Ahmed
Date: 06-30-2008, 02:48 PM
Parent: #89
الاخت شيري سلامات انا من الناس الجداد لكن كنت متابع لما تكتبيه ارجو الا تكرري الغياب لانك هدية من السماء لكل الناس بكتابتك المتفردة
|
Post: #90
Title: Re: أنا مش بتاعـة الحاجـات دي
Author: قرشـــو
Date: 06-30-2008, 02:47 PM
Parent: #1
شيرى هنا ؟؟؟؟؟
أكاد لا اصدق والله ..
معقول يا شيرى كل الغياب ده ياخى
والله ليك وحشة شديدة جدا جدا
وقريب عملت بوست استدعيت فيه قراءاتك الرائعة
ياخى كده زى الحلم والله
رعى الله ايام البورد حينما كنت فيه ملء العين ..
وليت ايامك فيه تعود ليعود كما كان ....
الف مرحب بك عزيزتنا شيرى
وبكل صدق نورتى البورد
ويبدو ان البورد موعود بكل جميل هذه الايام
ابقى معنا ولا تغادرى فضلا ....
|
Post: #93
Title: Re: أنا مش بتاعـة الحاجـات دي
Author: jini
Date: 06-30-2008, 03:02 PM
Parent: #1
Quote: جني.
كده خلينا من شيري.
أنت ذاتك في النهاية ح ترجع الى حظيرة الكيزان. |
نهى بنتاتا!
احتمال انت تعتنق الاسلام وتتكوزن وارد اكثر منى!
انا لست من انصار الدولة الدينية!
سمح!
جنى
|
Post: #94
Title: Re: أنا مش بتاعـة الحاجـات دي
Author: nazar hussien
Date: 06-30-2008, 03:14 PM
Parent: #93
شيري شخصيا :كنت خلية نائمة يا ستي...لكم افتقدنا طعم هذه الحروف...حمدالله سلامة العودة- بلا تراجي بلا نضال فارغ
|
Post: #95
Title: Re: أنا مش بتاعـة الحاجـات دي
Author: Nasr
Date: 06-30-2008, 03:47 PM
Parent: #1
welcome back Shery
|
Post: #96
Title: Re: أنا مش بتاعـة الحاجـات دي
Author: الزوول
Date: 06-30-2008, 06:12 PM
Parent: #1
السلام عليكم
وكأنها لتران من الدم النقي الجميل النظيف
حقن بها جسد المنبر المريض
الذي ينزف صديداً عنصرياً
وقيحاً من البذاءة والكراهية
........
أتمنى أن تستمري
أقلها أن تفهم بعض الأقلام هنا
أن هذا الصرير الذي يصدر منها
لا يشبه الكتابة في شىء
.......
وما الناس إلا هالك وأبن هالك *** وذو نسب في الهالكين عريق
|
Post: #97
Title: Re: أنا مش بتاعـة الحاجـات دي
Author: Deng
Date: 06-30-2008, 07:26 PM
Parent: #1
Quote: نهى بنتاتا!
احتمال انت تعتنق الاسلام وتتكوزن وارد اكثر منى!
انا لست من انصار الدولة الدينية!
سمح!
جنى |
غيرك كان أشطر.
كانو عاملين فيها ماركسين عديل كده. في نهاية الامر بقو دبابين.
أحسن تخليها مستورة.
دينق.
|
Post: #98
Title: Re: أنا مش بتاعـة الحاجـات دي
Author: Tabaldina
Date: 07-01-2008, 06:58 AM
Parent: #1
..
.
اكاد لا اصدقُ !!
أنك رجعت بالسلامة ..
منورة
بالله متعينا واياهم
وعقبال عودة القضيم
_________
دينق دا مالو مسخن ..
انتو يا المتجدعين
المنظرين
الماحاسين باوجاع بلدكم ( واشار بسباته الى اتجاه الجنوب )
|
Post: #99
Title: Re: أنا مش بتاعـة الحاجـات دي
Author: ملكة سبأ
Date: 07-01-2008, 09:12 AM
Parent: #1
سلامات ياشيري
شوق مهول
|
Post: #100
Title: Re: أنا مش بتاعـة الحاجـات دي
Author: المسافر
Date: 07-01-2008, 09:33 AM
Parent: #99
Quote: شيرى الجميلة
حمد الله على السلامة و نورت المنبر
و عليك الله تانى ما تغيبى علينا |
شوقي الليك طول
طول
طول
|
Post: #101
Title: Re: أنا مش بتاعـة الحاجـات دي
Author: mo
Date: 07-01-2008, 10:09 AM
Parent: #100
حمدالله علي السلامة ..عدتي و عاد للمنتدي (زمنه الجميل )
وسلام (مربع ) أفتقدنا (تلك العلامة التجارية المسجلة بأسمكم )
وعندما عدد الناس الغائبين سألنا عنكم ..وها أنتي قد أجبتي علي (تساؤلنا)
|
Post: #102
Title: Re: أنا مش بتاعـة الحاجـات دي
Author: zico
Date: 07-01-2008, 10:29 AM
Parent: #1
مرحبا شيري
ومرحبا كل اصدقاء الزمن الجميل
عودتكم عودة للبساط الاحمدي في التعامل
|
Post: #103
Title: Re: أنا مش بتاعـة الحاجـات دي
Author: Samau'al Abusin
Date: 07-01-2008, 12:06 PM
Parent: #1
شيري
و الله إتذكرتك قبل أيام و إتحسرت على غيابك..
جيتك دي أجمل حدث في دورة المنبر الجديد.
مرحى بالِكتابة القلقة المبدعة.
العزيز دينق،
أنا مسجل في البورد دا (إنتساب)!
أو كما قال رأفت ميلاد!
|
|