فرقة النسور الموسيقية بالرياض

نحن معشر الموسيقين والفنانين نسعى جاهدين الي تطور الموسيقى والاغنية السودانية الي المتلقين من الشعوب العربية والافريفية وهذة تعتير رساله ملقاة علي عاتق اي فنان وموسيقي وشاعر وملحن وتوريث الجيل الصاعد تراث اجدادنا0
علية فقد رأينا نحن مجموعة من الفنانين والموسيقين بأن نساهم في تبني هذه الرساله مع زملائنا في تجمع الفنانين والموسيقين والكيانات الاخري ونؤكد لكم بأننا اعضاء في تجمع الفنانين والموسيقين وحتى لايفسر ذلك بأنة انفصال عن التجمع ولكن هذا امتداد له ، ونحن مع التجمع قلبا وقالبا0

مع العلم بأن الفرقة قد سميت بأسم فرقة النسور الموسيقية
واعضاء الفرقة هم :-
1/ بدر الدين محمد عبد المجيد صالح 00000000 رئيسا
2/الفاضل عباس سعيد 000000000000000000000000سكرتير
3/ عزالدين ادم علي000000000000000000 الامين المالي
4/ محمد بصيري 000000000000000000000العلاقات العامة
5/صلاح الدرديري التجاني 00000000رئيس اللجنة الفنية
6/ حلفاوي محمدجمعة000000000000000000000000000عضوا
7/ ايمن نور الدايم الشيخ 00000000000000000000عضوا
8/ عزت خضر بخيت 00000000000000000000000000000عضوا
9/ عباس الحاج عباس 00000000000000000000000000عضوا
10/ زاهر مركز00000000000000000000000000000000عضوا
11/ عوض سلامة حسين 000000000000000000000000000عضوا
12/ عبد الحميد فهمي عبده 00000000000000000000عضوا
13/ محمد ادريس 000000000000000000000000000000عضوا
14/ عبد الحفيظ رزاز00000000000000000000000000عضوا
15/ هاجر جبرة 0000000000000000000000000000000عضوا
علما بأن نشاط الفرقةالموسيقي( اعاني سودانية- اغاني نوبية - مدائح نبوية)

لسنا الوحيدون ولكن قد نكون الافضل
للاتصال جوال 0509439271 او 0544831951 بدر الدين 0

Quote: 15/ هاجر جبرة 0000000000000000000000000000000عضوا

يا طـارق ..
النسور كيفن ...؟
كدي وقعه لي عليك الله ..؟
لو عملتوها فرقة الصقـور .. وهاجر دي براها برضو كدا بتكونو هضمتو حقها ..
ولو حاولو الشباب ديل تعديل اي حاجة في الاسم دا .. المسالة ما بتجي ..


اقترح انو يعيدوا تسمية الفرقة دي وما يهضمو حق الزولة دي ..

بالمناسبة ..
ما شايف اسم كبشـور .. ولا اسم الطيب امبدة ..
ديل اوعه يكونو عملو ليهم فرقة براهم ..

ياطارق انت قاصد فرقة ولا فريق؟ عشان ما يتلخبت علينا الاختساس يعني..
اقترح تسموها نجوم حي الضباط او البواسل ولا شنو يا تمبس؟
ياخ ده اسم فريق كورة حلّة بيتلموا الساعة 3 ونص بيأجروا حافلة من شارع الظلط بي عشرة الف عشان يلعبوا بيها في المسالمة ..
غايتو للضمان فرقتكم دي لو عايزة بتاع بنقز أديني مس كول الرقم عندك ..
ما تشوفني كده اخوك نسر صعب ..ما تقول عقاب هرم !!

Quote: اقترح تسموها نجوم حي الضباط او البواسل ولا شنو يا تمبس؟

والله يا عمر اصلو ما برجعك ..
والله تتخيل لما قريت الاسم .. فووو جاني ليك (وبي) بتاع فريق الثوار في راسي ..
تتذكر لما قال ليهم ؟:
يا شبـاب الخطة البديلة .. الخطة دي اتكشفت ..

زمان عندنا واحد في الحلة اكيد بتعرفو يا عمر .. فاكيها ليك فينا كلما كلما يشوفني شايل الجيتار .. يشبكني ليك يا سلالالالام ياخ ...
كدي بلاي الجيتار دا . .. يشيل مني الجيتار يا مؤمن اقول الزول دا يطلع فيهو وتر .. وتر .
يقوم يمرضني ليك بالكلام ويكون ماسك الجيتار ..
لحدي ما يخلص كلامو .. وانا امشي ..
كل تلاتة ايام بيعمل معاي الحركة دي .. ويرجع لي جيتاري ..
يوم زنقتو ليك ..
قلت ليهو اسمع عليك الله الليلة عندنا ورشة عمل وعايز لي حاجة صغيرة كدا اقشر بيها للشباب ديل .. كدي حفظني حاجة منك صغيرة كدا ..
تخيل قال لي شنـو..؟
قال لي .. انا بعزف (مندليــن)...

Quote: قال لي .. انا بعزف (مندليــن)...

مندلين طبر ؟

ياخ ده زول تحفة طوالي يا قريبك تخليهو يرسل ليك صورة من الجواز وال CVعشان نعمل ليهو إقامة يجي يلحق فرقة النسور عشان محتاجين بتاع منلدين ..
تخريمة :
جماعتك ديل شوف ليهم قرشي ده عليك الله ..
الزول ده من سمّى حداشر انا عرفتو ليك نسر ..تصدق

الفنانيين والموسيقيين افتكر انو سكين الانقسامات طالتهم ...

الناس ديل ليه ما يعملو مع اخوانهم تحت مظلة واحدة بدلا من تقسيم الجهد ..

pdl,vm

Quote: الفنانيين والموسيقيين افتكر انو سكين الانقسامات طالتهم ...

كل أضان ليها فرقة ... غايتو ال عندو أضان واحدة تقيلة يشيل شيلتو

حيمورة مالك شايل سكينك و حايم ؟ بقيت جزار ولا شنو ؟

يا طارق ... ما فاهمين حاجة ...

والله ياعلاء حيمورة انت زول حقاني
ده ما ياهو الإنقسام بي شحموا ولحموا
لكن لأنه تجمع الفنانيين قريب من السفارة
اسي الانقسام ده بيكون عاجب كتيريين
طيب ليه شبيتوا في حلق الإعلاميين
الرياض دية فيها غرائب وعجايب

الاستاذة سهام موسى

الف تحية

Quote: مع العلم بأن الفرقة قد سميت بأسم فرقة النسور الموسيقية واعضاء الفرقة هم :- 1/ بدر الدين محمد عبد المجيد صالح 00000000 رئيسا 2/الفاضل عباس سعيد 000000000000000000000000سكرتير 3/ عزالدين ادم علي000000000000000000 الامين المالي

ده معناه الانفصال بذاتو فكيف يكون لتجمع :

عدد (2) رئيس ... 0 عبد الكريم اسماعيل و بدر الدين محمد
عدد (2) سكرتير .... عوض خيري و الفاضل عباس
عدد (2) امين مال ... انور عبد الماجد و عز الدين آدم


علما بان ما ورد من اسماء في فرقة النسور لا يوجد اي واحد منهم في اللجنة التنفيذية لتجمع الفنانين والموسيقيين ..
وبالمقابل لا يوجد اي واحد من اللجنة التنفيذية للتجمع عضوا في فرقة النسور !!!!

اذا كيف لا يكون هذا انقساما ..

كنت اتمنى الا يعدل الاخ ايهاب نميري مداخلته ..

نتمنى ان يخدم تجمع الفنانين والموسيقيين كل ابناء الجالية السودانية بالرياض وان تعود فرقة النسور الى حظيرة التجمع وتعمل بتنسيق مع الفرقة ولا داعي لتشتييت الجهود ...

Quote: الرياض دية فيها غرائب وعجايب

ومولات ومطاعم ..

وفقكم الله لنشر الاغنيه السودانيه وغيرها

Quote: ونؤكد لكم بأننا اعضاء في تجمع الفنانين والموسيقين وحتى لايفسر ذلك بأنة انفصال عن التجمع ولكن هذا امتداد له ، ونحن مع التجمع قلبا وقالبا0

اسمحوا لي الابداع ان يتمدد في مجتمعاتنا
وانا اتمنى انه يكون هناك اربعة او خمسة فرق موسيقية في الرياض
لكي تسمعنا الجديد وتشنف اذاننا بالطرب السوداني الاصيل0
دايرين نسمع موسيقى اجمل واضافة لمجتمعنا الصغير0
















بالمناسبة0

مركز شباب السجانة 00000ومركز جنوب
جيران بيناتهم النادي الاهلي

بالمناسبة
تصحيح للمعلومه الجغرافيه ادناها

Quote: مركز شباب السجانة 00000ومركز جنوب جيران بيناتهم النادي الاهلي

الصحيح من الجنوب اتجاة الشمال
مركز شباب السجانة ثم مركز جنوب ثم النادي الاهلي
وهذا والله اعلم

لكن لأنه تجمع الفنانيين قريب من السفارة

ضع خط

دى معلومة جديدة
سفارة ايه يا مسكينه البتهتم بى مبدع
اذا كان الحكومة زاتا ما بتعرف غير الحرب
اذا الانفصال واجب وطنى..
مع ان الاخوان اكدوا انهم لم ينفصلوا ولكنهم جزء لايتجزاء
من التجمع..
اما ناس المديدة حرقتنى موتو بغboldيظكم..
ان شاء الله السفارة تعفى ليك الرسوم..
عالم ما تختشى !!!

كلمت تجمع تعنى كل المبدعين بالرياض يوجد بالتجمع شعراء، رسامين ، موسيقين ، مطربين ،راقصين ممثلين 250 عضو. الاسبوع الفات زرت فرقة النسور والله شباب طيبين بفرقو على انفسهم من هموم الغربه بفتكر انها تجربه مش بطاله مع التأنى ولا الاندفاع وتجويد الاعمال المختاره بدقه وحزر لكى لا تحسب عليهم والشهره ما بتجى بالاعلانات والمنابر ولكن بتجى بالاتقان والمثابره مع تمنياتى لهم بالتقدم...

قلت لي يا طارق اسمها

الصقور الموسيقية ؟

فرقة النسور الموسيقية ؟؟؟؟؟؟؟؟؟؟؟؟؟
يا أخوانا شوفوا إسم موسيقي شوية ...
فرقة الزهور ..
فرقة الورود ..
فرقة النسايم ..
فرقة العبق ..
فرقة الشذى ...
فرقة النيل..
فرقة زرياب ..
فرقة ال... أي حاجة شاعرية ......


وبعدين على حسب علمي هناك بعض العمالقة مقيمين بالرياض ..
مهم عمار السنوسي ..
ومنهم عازف الأكورديون مالك ..
وعازف الكمان الطاهر ..
وبرضو الكمان بكري كسلا ..
وسيف أبو القاسم ... بتاع البيز جيتار ..
و و و و و

ما شايفنهم يعني ..

نتمنى لكم التوفيق ..

الأخ / أبو عفان، إنت مرهف صحيح إسم (نسور) يمكن أن يسمى به فريق مثلاً ولكن أطمئنكم بأن الفرقة تحترم هذا الإقتراح وجاري العمل في إعادة تسميتها لتكون (نبتة) بدلاً من النسور ونيابةً عن الفرقة أتقدم لكم بخالص شكري وتقديري .

Quote: كلمت تجمع تعنى كل المبدعين بالرياض يوجد بالتجمع شعراء، رسامين ، موسيقين ، مطربين ،راقصين ممثلين 250 عضو. الاسبوع الفات زرت فرقة النسور والله شباب طيبين بفرقو على انفسهم من هموم الغربه بفتكر انها تجربه مش بطاله مع التأنى ولا الاندفاع وتجويد الاعمال المختاره بدقه وحزر لكى لا تحسب عليهم والشهره ما بتجى بالاعلانات والمنابر ولكن بتجى بالاتقان والمثابره مع تمنياتى لهم بالتقدم...

كمال مرغنى كيف حالك
تصدق الشباب ديل اخبرونى انك مشيت وعملت بروفه معهم
واشدت بهم وانا قلت ليهم دى شهادة من عازف ماهر وبارع
الغير رائك تجاهم شنو يا ربى؟؟؟

الاخ صديق الموج اولا اشكرك على النثنيه للقبول فى الممبر وده والله الحارنو فيك يافنان.... ثانيا انا لم انقلب على النسور ولكن الفهم مغلوط كلا كان عظه وتنوير لاغير بحكم خبرتى الطويله فى هذا المجال وعلى ضوء كلامك ناس النسور زعلو واخص الاخ عزالدين::::::::

الأخ / الموسيقار العظيم كمال ميرغني ، مالامك إلا الدارك وأنا علاقتي بيك منذ عام 1989م تقريباً إن لم تكن أبدر من ذلك والحق يقال أنت من مؤسسي هذا التجمع منذ أن بدأنا بفرقة الشباب التي كانت تضم خيرة العازفين كعمنا حسن حاكم (طرمبة) والعازفين الأفذاذ (هشام وأيمن وياسر هاشم) وأزهري سعد (كونقا) وجعفورة (إيقاع) وعزت بخيت (طبلة) وأبوستة (كمنجة) فالخلاف لايفسد للود قضية، فإذا أنا قد أخطأت فهمكم فهل بنفس القدر (الموج)؟ أتمنى أن أكون قد أخطأت الفهم ففي هذه الحالة لك العتبى حتى ترضى.

الاخ/ عزالدين شكرا ارجو قبولى عضوا فخريل فى وسطكم وسف تجدونى متعاونا معكم فى كا صغيره وكبيره،،،،،،،،،،،،،

أخي العزيز وصديقي الموسيقار الفذ كمال ميرغني، نحن في فرقة النسور نرحب بأي راغب للإنضمام إلينا وكما شاهدت بنفسك أنها مجموعة متجانسة ومتحابة هذا بخلاف الثقافة العالية التي يتمتع بها جميع أعضائها بخلاف أنهم عازفون مهرة فلما لانقبل موسيقار في قامة كمال ميرغني، فشخصكم لاتزيدنا إلا قوة وبعضويتكم يكتمل العقد ويكتمل البدر فأنتم إضافة حقيقية لهذه المجموعة الطيبة ومادام أنها رغبتكم فأنا ونيابةً عن المجموعة وبتكليف منهم نرحب بكم، مرحباً مرحباً مرحباً ومليون مرحباً رفيق دربي.

الأخ الجلل طارق عبداللطيف نقد المحترم
أكرر التهاني لكم بالأمورة الجميلة وبعدين كل مرة الولادة في عفيف والسماية في عفيف والإجازة في عفيف والله يشوفنا عفيف كما هنا أود أن أشكركم على هذه البادرة بتعريف فرقة النسور للكل وهذا لكون شخصكم وشخص الأخوين صديق الموج ومعتصم دفع الله تحبون التميز والمتميزون.

فهنا أود توضيح بعض الأمور التي هي غائبة عن الكل،هنالك مثلٌ يقول (مازاد عن حده إنقلب إلى ضده)لذا فأن فكرة تكوين فرقة النسور نبعت من مبدأ رفضنا أن نكون أبواق للآخرين والإبتعاد عن مايردد كل يوم وكل زمان وفي أي مكان هذا ورغبة المجموعة بأن تأتي بماهو جديد وإدخال الجديد للأغنية السودانية ورفضنا أيضاً بأن نقيدوتقيد أعمالنا الجديدة التي سوف ترى النور قريباً بإذن الله، هذا بإختصار .

أشكر أولئك من يسخرون بإسم الفرقة (النسور) فشعار السودان (صقر الجديان) فهو أحد النسور . كما أن مذكرتنا واضحة حيث ذكرنا بأن أعضاء الفرقة هم أعضاء في تجمع الفنانين حتى لايفسر ذلك بأنه إنشقاق أو إنفصال، فهل ياخلق الله هنالك مايشير إلى أن هذه الفرقة منفصلة؟ وهل أن مركز شباب السجانة ومركز جنوب والربيع وبحري وووووإلخ يعتبروا منشقون عن إتحاد الفنانين مثلاً؟ ثم أنه لماذا لاتتم إعادة النظر في تسمية تجمع الفنانين لأن كلمة تجمع تعتبر في المملكةالعربية السعودية (Voilation)فيا أخي علاء الدين تمبس سمي البني آدمين في السودان بكوكو وبعشوم وقرشين وتعريفة وكاكوم والرازم وطبيق ووراق وووووووإلخ، فما المانع من تسمية الفرقة بالنسور؟ عموماً نحن بصدد خلع هذه العباءة ولبس عباءآتنا حتى تتماشى وماسنقدمه مستقبلاً .

الأخت سهام موسى : آمل أن تعيدي قراءة ماجاء ببوست الأخ / طارق وتمعني الكلمات تمنيت لوكان هذا قد حدث قبل المداخلة حتى تكون مداخلتك أكثر إيجابية عن تلك. فالإنقسام يا أختاه إذا كانت الفرقة أخذت مسمى (تجمع الفنانين) كما حدث لجمعية التراث وعزة السودان والمليون رابطة رياضية ومامعروف تاني شنو!!!!

الأخ / كمال ميرغني، أبديتم فخركم بهذه الفرقة وبرفت معنا وأشدت بما نقدمه والسؤال الذي يطرح نفسه كما قال الأخ صديق الموج ماذا غيركم إذن؟ سامحكم الله ، والمثل يقول أو الحكمة إن صح التعبير (كثير من يظن أن صفاء النفوس إبتسامة ولكن وراء كل ستار خيانة) .

الأخ / علاء حيمورة أولاً هي فرقة وليس تجمع فنانين وهي جزء لايتجزأ من تجمع الفنانين، فالتجمع ليس به رئيسين ولا أمينين للمال ولا أمينين للعلاقات، ولكن لتقينين عملنا فلابد من تكوين مكاتب للفرقة حتى تحمل صفة الجدية وتكون أعمالها مقننة.

الأخ الأصغر / إيهاب نميري: مداخلتكم فيها نوع من الغموض (تحفظ) فآمل أن تدلي برأيك صراحةً دون المراوغة .

أنني أتمنى من الكل أفراد كانوا أو كيانات أو جمعيات أو .... إلخ دعوة الفرقة للمشاركة بأحد إحتفالاتهاأو مناسباتها أو حضور بروفاتها كل يوم جمعة بمنزل الأخ / طارق جمعة (حلفاوي) ومن ثم الحكم عليها. كما أود أن أوضح لكم شيء أن معظم الفنانين بهذه الفرقة لديهم أعمالهم الخاصة فزاهر مركز لديه ثلاث أغانٍ خاصة وشخصي لدي ثمانٍ أغانٍ خاصة لبعض من أشهر الشعراء المعروفون كبدرالدين حسن (راجيك أنا) وعلي الفحل (أعز الحبايب) والواثق عبدالرحمن (زعلك سمح) والبوردابية اللامعة أسماء صديق الطيب الجنيد (حبوبا سلام) والموسيقار الكبير/ محمد مركز (في حارتنا ساكن والدلنج) وبالمناسبة هو صاحب أغنية (زنوبا) للفنان / محمود عبدالعزيز والمهندس / محمدنورين (بتذكرك). لم أجد من يقوم بتجويدها سوى فرقة النسور والأيام بيننا لنثبت لكم ذلك. عموماً أشكر الجميع ومداخلاتكم جميعاً إيجابيةً كانت أم سلبيةً فهي دافع لنا للمضي قدماً لإثبات ذاتنا وجزاكم الله خيراً .

IZZELLDIN ADAM ALI
HR/ ADMINISTRATION MANAGER
AL-TAWLEED ENERGY & POWER CO
[email protected]
[email protected]
00966504801452
0096614736156/31

علاء الدين حيمورة
ما لك بقيت عندك فوبيا اسمها انقسامات
ياخي ده ابداع خلي ينثر لينا الفرح
الفن لايحتكر يا صديقي
وطبيعة المملكة والرياض
لاتوفر اماكن واسعة تستوعب كل العازفين والفنانين
وكذلك الزمن والدوامات
وابشرك في فرقة ثالثة سوف ترى النور قريبا
ودي انشاء الله كلها تكون فرق تابعة لتجمع الفنانين والموسيقين
وليست منشقة منه
واي فرقة ولا تنظيم ولافريق لازم يكون فيه رئيس واعضاء اتظيم عمل الفرقة
ليس الا000
ودمت 000اخا 00وصديقا
وسلم لي علي د 0نجيب ذيادة
لأنه 000 سيد المبدعين
تحياتي

الأخ / طارق نقد
هذه إحدى الحقائق، فليقم نفر من هؤلاء بزيارة تجمع الفنانين ومشاهدة غرفة البروفات ومراجعة كشف أعضاء التجمع فهل تسع هذا العدد كله؟ كما أنه سبق وأن تكونت فرقة ضمت مجموعة من الموسيقيين وتقوم بعمل بروفاتها في ثلاجة أخونا أنور عبدالماجد مع الفنانين الأخوين (سيف نورين وعبدالكريم جنابو) وفرقة أخرى من عازفين مخضرمين هما (عثمان قرنق وأمين) يعني آلتين أكورديون وأورغون تبرف مع الفنان الصديق / أسعد عبدو وأحياناً شخصي، فلما لم تقم القيامة؟ عموماً وفرق كثيرة قادمة بإذن الله .

الاخ عزالدين معليش انت تاثرت بكلام الموج لقد تمت المفاهمه امس معكم فى التكريم وتفهمت الموضوع وافتكر انت رجل فاهم وغير مندفع وانا لو ما عاديكم اخوانى ما كنت حضرت الى البروفه...

حبيبنا طارق ..

الاسم حلو شديد ..

فرقة النسور . بس اخشى ان لا تنشق منها مستقبلا فرقة ام قيردوون ...


ود الباوقة

الاخ / طارق عبد اللطيف .... تحياتى

ذكرت انه يمكن ان يكون فى الرياض عدة فرق موسيقية انا اتفق معك ونعمل رابطة رياضية اقصد فنية ونسميها رابطة خنشايلة الفنية او رابطة الصالحية الفنية ويكون هناك حكام ودورة رياضية اقصد فنية ودورى عام وطالة ما انت دخلت شقلالنة الفن لازم نعمل المخترحات التى ذكرت.
ياخى طارق الفن مصيبته عظيمة ونحن الشعب السودانى مصيبتانا اعظم لاننا لانهتم بالمتخصصين فى كل مجال وفى ناس كثر لانعرف لهم تخصص اذا ذكرت الرياض اصبح هو سيدة واذا ذكر الفن اصبح سيدو ويدخل السياسة فى حليب الام.
اخيرا انت عازف ولا فنان لو عازف بتعزف شنو صفارة حكم

ودمت عافية ,,,,,,

الاخ /انور عبد الماجد
سلام وتحية
اولا فنان تعني احساس مرهف 000وذوق رفيع 000ابداع بلا حدود

واذا اي شخص عادي ابدع في اي مجال سواء رياضي او فني
فمن فرط الاعجاب به تقول له يا سلام عليك يا فنان

ولكن للاسف ما اوردته هنا لايمت للفن بصلة0

Quote: ياخى طارق الفن مصيبته عظيمة ونحن الشعب السودانى مصيبتانا اعظم لاننا لانهتم بالمتخصصين فى كل مجال وفى ناس كثر لانعرف لهم تخصص اذا ذكرت الرياض اصبح هو سيدة واذا ذكر الفن اصبح سيدو ويدخل السياسة فى حليب الام.

تعرف اي حاجة في الدنيا دي سياسة حتى حليب الام ؟
حاول تعرف كيف!!!

واية دخل التخصص في انه الواحد ينزل اعلان عن تكوين فرقة موسيقية جديدة؟؟

وهل يمكن للفن ان يصبح فنا من غير متلقي ومستمع جيد ؟
وكيف انتشرت اغاني وزاع صيتها من مختلف انحاء العالم
وصلت يا عزيزي بالانتشار وسط المستمعين الجيدين
وما شرط اكون فنان عشان اتكلم في الفن ولا الموسيقي ممكن اسمع بس واقيم

والرياضة وصفارة الحكم ايضا نوع من الفن

وبالمناسبة نوع من السياسة كمان

واخيرا تعرف اسهل حاجة في الدنيا دي شنو ؟

















انك تقل ابدك
تحياتي

الله يرحم هبنقة وأخته

الله يخلى لينا زفتاوى وتعرستة

الأخ / أنور عبدالماجد
بعد التحية،،،

أخي مهما إحتدم الخلاف فهنالك أمور يجب مراعاتها، أنا شخصياً وحتى لو إختلفت معكم في الأمور الفنية فلا يصل بي الحد أن أقذفك بكلام!!!!!!!! كما أنه لاتنسى أن عمنا حمزاوي في سنه هذا لايعتبر عم بالنسبة لنا ولكنه (جد) ورب أجيال ولربما أن من بين أبنائه في سنكم أو أكبر منكم، فبدون توتر أعصاب أرجو الإعتذار له رجائي ورجائي وبصفة الأخوة أن تتقدم بالإعتذار وطلب الصفح، ولكونني أقدر الخوة والزمالة أطلب منكم ذلك بصفة شخصية هذا إذا أنكم تبادلونني نفس الشعور مع مراعاة ذلك مستقبلاً ما أمكن ذلك .

مودتي ،،،،

أخوكم / عزالدين آدم علي

الاخ / طارق عبد اللطيف
الاخوة الفنانين والموسيقيين ..
الاخوة المتداخلين

لقد دار نقاش في حفل تكريم الموسيقار على يعقوب كباشي وقد شارك فيه اغلب الاخوة في فرقة النسور وكان الاخ عز الدين ومن خلال حديثه حريصا على وحدة صف التجمع وقد تحدث حديثا طويلا عن معوقات التجمع في عدم المقدرة على لم الفنانيين وخص العازفين في عدم تجمعهم لحفظ الجديد من الاعمال التى سوف ترى النور قريبا وصغر حجم غرفة البروفات ...
لقد خاطبت فرقة النسور التجمع احتراما للكيان بخطاب رقيق ( حصلت على صورة منه ) وقد اتم استلامه بواسطة السر المقدم ..
نأمل ان يتحرك الاخ السر المقدم ويجتمع بلجنته حتى يكون الرد على الاخوة في اعضاء فرقة النسور ردا مؤسسا ..

Quote: فيا أخي علاء الدين تمبس سمي البني آدمين في السودان بكوكو وبعشوم وقرشين وتعريفة وكاكوم والرازم وطبيق ووراق وووووووإلخ، فما المانع من تسمية الفرقة بالنسور؟ عموماً نحن بصدد خلع هذه العباءة ولبس عباءآتنا حتى تتماشى وماسنقدمه مستقبلاً .

يا اخ عزالدين آدم علي ..
للبشر مطلق الحريات ان يمسون بما يشاءون ..
تعليقي على المسمى النسور .. لم يكن من قبيل السخرية ولا من قبيل الجدية .. ولا من قبيل ان ادلو بما يتعلق بأمر هذه الفرقة التي لا اعرف عنها شئ .. تعليقي كان لاستغرابي عن هذا الاسم الغريب .. فعــلا ..
في ما كتبت اعلاه كنت اتوقع ان ثقافة اسماء الفرق الموسيقية متمكنة منك أو أنت متمكن منها ..
لكن الظاهر لي ثقافتك الموسيقية في الاسماء اشبه بحد كبير بثقافتك الغنائية.
كان تخلي لي ناس بعشوم .. وقدوم .. وصقر الجديان ديل على طرف .. وتقول لي والله كان في فرقة جاز شهيرة في السبيعينات أو الستينات .. كانت تسمي نفسها بالنسور .. وهي فرقة شهيرة قدمت ما قدمت من الالحان الخالدة ..
النسـور ..؟
كان تعليقي من ناخية أخرى على عبارة النسور .. حسب ما هو مدرج اسم الفنانة هاجر جبرة ..
كيف تكون نسور .. وفيها (غنــاية)
طيب كان تسموها النسور والنسرة .. مش كان بتجي ..؟
على الاقل ادوها حقها (الادبي) .. طالما جردتوها من حقها (النوعي)

ملحوظة:
فيما يتعلق بالفرقة المشهورة ارجو لمزيدا من المعرفة راجع Eagles - Hotel California
كما اتمنى معالجة الخطا اللغوي فيما يتعلق بالمفردة الانجليزية ..

Quote: ثم أنه لماذا لاتتم إعادة النظر في تسمية تجمع الفنانين لأن كلمة تجمع تعتبر في المملكةالعربية السعودية (Voilation)

فالصاح في الجملة .. Violation لانو احيانا غلطات بسيطة تغير مفاهيم عديدة .. ود اشبه بأنو المزيكا ما بتحمل اي خسمجة .. يا بتعرف يا ما بتعرف .. ما فيها انا بعرف غصبا عن الناس .. متفق معاي في الحتة دي ..؟

الحاجة المهمة .. جدا
طالما اهداف الجمعية كما ذكرت من اهمها:

Quote: لذا فأن فكرة تكوين فرقة النسور نبعت من مبدأ رفضنا أن نكون أبواق للآخرين والإبتعاد عن مايردد كل يوم وكل زمان وفي أي مكان هذا ورغبة المجموعة بأن تأتي بماهو جديد وإدخال الجديد للأغنية السودانية ورفضنا أيضاً بأن نقيدوتقيد أعمالنا الجديدة التي سوف ترى النور قريباً بإذن الله، هذا بإختصار .

فهذه يا سيدي تحديات خطيرة جدا.
نبقى نحن في مكان انتظار هذا الجديد وهذا الابتعاد عن عباءات الاخر .. وفي انتظار هذه الاعمال واتمنى ان تدخل هذا الجديد للاغنية السودانية ..
وسنكون انتظارا .. ولنا حق النقد بنوعيه .. (اكاديمي .. وجقلره ..) ..
لانو بي صراحة .. الرياض فيها حمى غريبة جدا .. حمى الغنايين ..
يعني بي اختصار جدا .. اي واحد ممكن يقول ليك انا فنان .. وانا بغني .. لحدت ما يصدق نفسو ويطلع في التلفزيون عديل كدا .. ثم ينطلق ..

ودي حركة ما كويسة خالص.

أخونا في الله / تمبس المحترم
السلام سنة الإسلام، وخير ما أبدأ به ردي عليكم تحية الإسلام ألا وهي السلام عليكم ورحمة الله وبركاته....

أهلنا فلاتة قالوا (لينا تولة) فياخي طولنا من بعض قولي السلام، تحية، كيفنك وبعدين أنزل زي ماداير، عموماً سلام ياأخي المرح دائماً والفاكهة علاء الدين تمبس.

والله أحترم رأيك كثير لأنه يهمني والمجموعة كثير جداً، وصدقني لولا الأمر يهمك وتريد الإصلاح لماتداخلت أكرر شكري وأحترم صراحتك أيضاً.

* فيما يتعلق بالتسمية (فرقة النسور) كونت هذه الفرقة قبل أن أنخرط فيها وقبل أن يدخلها أي عنصر نسائي حيث لم تضع هذه النقطة في الحسبان معليش فهذه غلطة هذا من ناحية، وأما من ناحية أخرى ولله الحمد فبهذا المسى أخذت الفرقة شهرتهاوتمت دعوتها من عدة كيانات للمشاركة في إحتفالاتهافأول دعوة وجهت لها من اللجنة العليا لجمعية أبناء جزيرة مقاصر، ونحن نيابةً عنهم ندعوكم لهذا اليوم للحكم على الفرقة وما ستقدمهوبعدها سوف نقبل رأيكم إيجاباً كان أم سلباً
* إقتراحك لتسمية الفرقة بالنسور والنسرة، والله بجي ومابنخالفك ولكن لابد من عرض الأمر للجنة التنفيذية للفرقة لأخذ موافقتها لكون عملنافي الفرقة يعتمد على المؤسسية.

* أشكركم على ملاحظتكم للخطأ الإملائي وليس اللغوي ، فالإنسان سمي بالإنسان لأنه معرض للخطأ والنسيان يكفينا أنه تم إستوعاب المعنى، وبالمناسبة وفي إحدى المناسبات الدولية خطب الزعيم إسماعيل الأزهري باللغة الإنجليزية فهو رحمه الله لم يكن ضالعاً كالزعيم محمد أحمد المحجوب رحمهما الله جميعاًفقام بعض الزعماء التعليق عليه وقالوا أنه لايجيد اللغة الإنجليزية ( الكلام وقع للزعيم إنو لغتو مكسرة) فرد عليهم جميعاً بعبارة
yes my language is broken but I have to break it as it comes it comes because it isn't my language Dom
* ونحن لا نتدعي المعرفة ولكن نرغب في أن نتعلم ممن سبقونا في هذا المجال فمداخلات الكل هي زادنا للتقدم والتطور من الأحسن للأحسن بإذن الله فجهودكم معانا ياتمبس.

مودتي ،،،،

Quote: الاخ /انور عبد الماجد سلام وتحية اولا فنان تعني احساس مرهف 000وذوق رفيع 000ابداع بلا حدود

طارق العزيز تحياتى
تصدق ان من معانى الفنان فى اللغه الحمار
نعم والله الحمار فى اللغة يسمى فنان
نعم الحمار الذى يمشى على اربع وليس
من نوع الحمير التى تمشى على رجلين مثل التى
نرى فى هذه الايام الكوالح..
لاحولا،،،

الاخ / العزيز عز الدين ادم,,,,,, تحياتى

تعودت عليك دائما متسرع لتوسيع الخلافات ( المديدة الحارة ) وانا من خلال مداخلة لم اشير لشخص بعينه ولا اعرف الذى تتحدث عنه ونشكركم على توضيح معنى فنان

ودمتم عافية,,,,,

الاخوة الاعزاء تحياتى

نحن نعيش فى زمان غير زماننا و فى مجتمعا غير مجتمعنا فى عهدأ تضيع فيه الهوية ويتطلع الفار لمبارزة الاسد والحمار برجلين والانسان باربع والجاهل وحثالة المجتمع سيده وعالمه والمفتى العام والمشرع.

حمنا الله واياكم من هذا الزمان ,,,,,,, نحياتى

Quote: طارق العزيز تحياتى تصدق ان من معانى الفنان فى اللغه الحمار نعم والله الحمار فى اللغة يسمى فنان

الاخ العزيز/ صديق الموج,,,,,,, اجمل التحايا والود

دى كبيرة شوية يعنى تجمع الفننانيين يكون تجمع للحمير و اخونا الدكتور عبد القادر سالم يكون رئيس اتحاد المهن
الحميرية واساتذتنا الكبار من الفنانيين يكون حمير خلاص تانى نقول الاستاذ الحمار الكبير بدل الفنان الكبير

اللهم زدنا علما وكفينا شر الوسط الحميرى والرياضى

الأخ / أنور عبدالماجد
عاطر التحايا ،،،

كما ذكر الأخ / طارق نقد (نعيب زماننا والعيب فينا فما لزماننا عيب سوانا)
الزمن لايتغير والدهر هو الله سبحانه وتعالى ولايتغير أيضاً، فإنتقاء الكلمات والمفردات واجب وكلنا من آدم وحواء ولافرق بين عجمي وعربي إلا بالتقوى، لاتعليق لي أكثر من ذلك..




إستغفر الله العظيم من كل ذنب عظيم ،،،

الأخ / أنور عبدالماجد حفظ الله لسانك وصانه
تحية وإجلال وبعده ،،،

(( عثرة القدم خير من عثرة اللسان ))

عليك الله أترك الضمور الذي هو صفتكم في وسطنا، وأنا لست بمتسرع ولا أنشيء الخلافات أو أخلق أي فجوات بين الأخوة والمديدة الحارة ياحبيبي هي وسيلة وأداة لتنشيط عضلات المعدة لتساعدها على الهضم، فإذا وصفتني بالتسرع لتوسيع ونشب الخلافات، فيا أخي أنت محترف وبشهادة لمثل هذه الأمور وهذا لايختلف عليه إثنان في التجمع هذا بخلاف الأسلوب الذي تتبعه في مداخلاتك بالبوست وأسأل نفسك عن من شق صفوف الفنانين والموسيقيين في مدينة جدة؟ ومن منذ أن وطأت قدمه أرض الرياض ظهرت الشلليات والإنقسامات؟

ليس من الضروري أن يكون الفنان هو الذي يمسك المايك ويتغنى، إنما الفنان هو المبدع في أي مجال سوى أكان في أسلوبه أو أناقته أو في لوحاته ووووووإلخ، أين موقعك بين هؤلاء يا |أنور؟

يارجل أنني لم أغلط فيك ولم أغلط في حقك بل حق التعاليم الإسلامية والأخلاق السودانية طلبت منكم الإعتذار لرجل قامة في مقام عمنا ((حمزاوي)) الذي نعته ((بزفتاوي)) فكنت أتوقع شكري على هذه البادرة بدلاً من توجيه تهمة ((توسيع الخلافات)) لشخص أراد الصلح وأن يسود الإحترام بين الجميع ليس إلا فأين الخلاف الذي نشبته؟ وأسئلة جمة تطرح نفسها؟

* هل موقع سودانيزوندلاين هو للتنابذ والإساءة وزرع الفتنة بيننا؟ أم لأمور ومواضيع أهم وتخدم الكل؟
* وهل أنت مقتنع بما كتبته؟ فإذا الإجابة بنعم، فهذه مصيبة!!! أتدري لماذا؟ أقسم لكم بالله العلي العظيم أن ماتكتبه غير متناسق أبداً وأسأل الكل ولو كنت مكانك أو بمستوى كتاباتك لأستحيت وتجنبت الكتابة وأكتفي بالإطلاع فقط!!!!!!!!
* أيعتبر من يقدم النصح لأخيه المسلم مشعلل نيران؟ إتق الله يا أنور.. عموماً أنا قدمت لكم النصح لأنني عملت بتعاليم الدين كما أسلفت ولما أكنه لكم من إحترام وهكذا تعاملي مع المجموعة وكل الأخوان، كما أنني أخشى العاقبة ولم أسيء إليكم أبداً سوى في الوقت الحاضر أو مامضى، فلكم مطلق الحرية يا أخي ولكن حذاري من رد فعل القارئين والمتداخلين.

ملحوظة :-

زمان في الإبتدائي وفي حصة اللغة العربية بالذات (مادة الإنشاء) ثابتة لدينا يومياً فأول موضوع إنشائي درسته موضوعه (الرغيفة) فنبدأ بالمقدمة وأشكالها والمواد المصنعة منها وفوائدها ومن أي فصيلة من أنواع الأغذية دهنية أم نشوية أو...إلخ، وفي الإمتحان الأستاذ يقول لينا ماتتسرعوا ففهم السؤال نصف الإجابة الإجابة، أتمنى أن تكون قد فهمتني كما أود أن أشير إلى شيء مهم، فأن لساني عفيف جداً لا أجرؤ بتوجيه ألفاظ غير لائقة لأي شخص كان وهذا مانشئت به من قبل والداي يا أنور فالعفة مطلوبة ودراسة المواضيع مطلوبة أكثر، بحيث أخذ الإيجابيات والنأي عن السلبيات. وأتمنى أن تكون نادماً على تصرفك تجاهي وعمنا (حمزاوي) وأكرر منشادتي لكم بضرورة الإعتذار لهذا الرجل المحترم والقامة.

وفقكم الله،،،،

أخوكم / عزالدين آدم علي

الاخ انور الابوك صاحبى كيف حالك
طبعا قايلنى بهظر ولكن اقسم لك مغلظا ان
من معانى الفنان فى اللغة الحمار..
عشان كده غيرو اسم اتحاد الفنانين الى مسمى
اتحاد اصحاب المهن الموسيقية
وبعدين اسال ليك زول بتاع لغة وسوف ترى
صدق ما قلت..
ليكم التحية انتم وهم وخلوا قلبكم على فنكم
يا فنانين..
حاشية:
ارجوا ن نتعتذر لعمك الوصفتو بزفتاوى وما تنحرف
الى الالفاظ السوقية مهما اختلفت او اختلف معك الناس،،،

نعيب زماننا والعيب فينا000 وما لزماننا عيب سوانا

الاخ العزيز/ عزالين ادم

اجمل التحايا والود

ياخى الكريم طورت المسائل كل ما طلبته ان تناى بنفسك عن ما لا يعنيك ولا تنصب نفسك محاميا عن الاخرين ثم وضحت لك اننى لا اعنى الشخص الذى تتحدث عنه وانا فى غنى عن نصائحكم القيمة والاشارة لهذالموضوع من خلال مداخلاتكم يعنى اننى اخطات وهذا مالا اقبله
ثانيا لم اقول لك يوما باننى اجيد الكتابة او الانشاء ويكفى انك تستطيع ان تقراء ما اكتب وتفهمه وتثير لاجله وترد عليه
ثالثا طرحت علينا مشكورا صفات اخرى من صفات الفنان الا وهى المظهر والهندام وطبعا كلام جميل ياخى عز الدين ولكن الحمار لو لبس بدلة بتغير من كونه حمار .... ؟ اعتقد العلة فى الاصل

هداك الله اخى الحبيب,,,,,,, ودمتم عافية ,,,

بارك الله في إمريء عرف قدر نفسه، وصدقني لم أرد عليكم وكما أسلفت أن لساني رصين وعفيف جداً ولكن تذكر شيء واحد أنني كسبت ثواب من المولى عز وجل، هذا وأعدك بأنني سوف لن أتجرأ بنصحك في أي زمان ومكان لأن النصيحة تقدم لمن يقدرها ويحترمها وياشاب لأنني فقدت الأمل في أن أجعل منك شخص ...............................

Quote: الاستاذ بكرى ابو بكر الرائع انور عبد الماجد من الناشطين فى العمل العام بالرياض و جدة . عضو اللجنة التنفيذية لتجمع الفنانين و الموسيقيين بالرياض . له دور بارز فى احياء النشاط الثقافى و الاجتماعى للتجمع شارك بكل الجد و البشاط فى كل المناسبات التى أقامتها الفعاليات و الكيانات الثقافية و الجمعيات السودانية بالرياض بجانب مشاركاته فى المناسبات القومية التى تنظمها الشفارة السودانية .أخر نشاطه الاجتماعى الاشراف على حفل التكريم الذى نظمه التجمع اللفنان فيصل الصحافة و الندوة الفنية للموسيقار عادل صديق و الاستاذ على يعقوب و الصحافى معاوية حسن يسن . الموسيقار المبدع و عازف الايقاع الخلوق المهذب ( انور عبد الماجد )يعتبر أضافة حقيقية لهذا المنبر . أستاذ بكرى نحن فى انتظار ردكم الايجابى كما عوتنا دائما بانضمام الرائعين معاوية التوم

---

Post: #48 Title: Re: فرقة النسور الموسيقية بالرياض Author: anwar abdulmajid Date: 06-29-2008, 12:51 PM Parent: #47 Quote: الرجل الجميل أنور عبد الماجد سيمفونية متجددة لاتعرف الهدوء، تعود أن يكون مثل أشعة الفجر ينشر الدفء في النفوس بحضوره الباهي الجميل، رجل يعشق الابداع ، ويهيم في فضاءات الجمال، كان واسطة عقد منتدى السودان الثقافي بجدة، وأحد المؤسسين له، يؤمن بضرورة تجمع الناس وتوحدهم، ويعمل جاهدا على ألا ينفرط عقدهم، يساهم بماله ووفته وجهده وعلاقاته في تآلف الناس، كيف لا تكون له اطلالته في منبر السودان وهو قد تمدد في كل السودان عشقا وعملا وفنا وعلاقات أخوية، لا أظن بأنه سيطول انتظاره بالباب يا بكري سيف الدين عيسى مختار أمين منتدى السودان الثقافي بجدة

---

Post: #49 Title: Re: فرقة النسور الموسيقية بالرياض Author: anwar abdulmajid Date: 06-29-2008, 01:06 PM Parent: #48 Quote: الأستاذ/ أنور عبد الماجد الموسيقي المتميز والذي طالما أبهرنا بحضوره المتميز في كل الفعاليات الثقافية والفنية ومشاركا في كل الندوات والسمنارات التي تخص السودانيين هنا في مدينة جدة. وهو عضو بارز في منتدى السودان الثقافي بجدة والذي كرمه عندما نقل من مكان عمله لى مدينة الرياض ونحن الآن نفتقده كثيرا في جدة خاصة في الحفلات التي كان يصول ويجول فيها بضبط إيقاعه المتميز مع أعظم الفنانين الزائرين والفنانين الموجودين هنا بجدة. والآن نحن في أمس الحوجة لكتاباته هنا في هذا المنبر حتى يثري الساحة الفنية والثقافية الموجودة على هذا المنبر. وكلي أمل في سيد الحوش أخونا بكري أبوبكر في أن يفتح بابه لهذا الفنان الراقي حتى يكون عضوا فعالا بهذا المنبر. شكرا لك أخي ناجي على هذا البوست والأخ أنور يستاهل الكثير ، ونكرر رجائنابأن يستلم ابو ماجد الباسوورد في السويعات القادمة بإذن الله... وشكرا مقدما لبكري ابوبكر على الإستجابة. حسن إبراهيم خليفة

---

Post: #50 Title: Re: فرقة النسور الموسيقية بالرياض Author: طارق عبد اللطيف نقد Date: 06-29-2008, 01:40 PM Parent: #1 Quote: تاريخ التسجيل: 14-01-2008 مجموع المشاركات: 32 بي طريقتك دي ما اظن تكمل حول

---

Post: #51 Title: Re: فرقة النسور الموسيقية بالرياض Author: عزالدين آدم علي Date: 06-29-2008, 02:02 PM Parent: #50 بارك الله فيك يا أخ طارق فهذا من ضمن الأشياء التي كنت أخشاها وهذه أخفها من الإنطباع العام، فكان الواجب المحافظة على ماكتب عنه ولكن هنالك مثل يقول : (إن الحقيقة كالزيت تطفو دائماً على الباطل)

---

Post: #52 Title: Re: فرقة النسور الموسيقية بالرياض Author: anwar abdulmajid Date: 06-29-2008, 05:32 PM Parent: #51 الاخ العزيز طارق تحياتى لك اخر ما بدات تفكر فيه مت تم التسجيل وعدد المشاركات هذا افلاس واضح ثم العبرة ليست فى الكم بل فى الكيف والاستمرارية لكم هذاالمنبر يعد نصر للكلمة والرية السديد وهذا يجعلنا تعتز بكم وبالكثيرين من فلاسفت هذاالمنبر .... اخى العزيز طارق اعطى العيش لخبازه وخليكم فى الروابط والفرق هذا ما قصدته ولو عندكم واحد من اللاعبين يرغب فى الزواج ولا يمتلك ما يغطى تكاليف اكرام الضيوف و المعازيم املى ان تمر على انت ورفاقك فى الدرب لاقوم بذلك أخوكم دائما وابدا ابوماجد

---

Post: #53 Title: Re: فرقة النسور الموسيقية بالرياض Author: طارق عبد اللطيف نقد Date: 06-29-2008, 06:53 PM Parent: #52 اول حاجة يا انور نزل يدك من كتف سيف صاحبي ده لأنك قطعت نفسو من جيت وانت مشعبط فيه كده ثانيا: Quote: اخر ما بدات تفكر فيه مت تم التسجيل وعدد المشاركات هذا افلاس واضح ثم العبرة ليست فى الكم بل فى الكيف والاستمرارية لكم هذاالمنبر يعد نصر للكلمة والرية السديد وهذا يجعلنا تعتز بكم وبالكثيرين من فلاسفت هذاالمنبر .... طبعا ما 000فهمت اي حاجة لأنك قايم بي نمرة خمسة لكن من باب الاحتياط كده 000الله يسامحك ياخي انت لسه مكتوب بي قلم الرصاص وجاي تشتم تسب وترعن وتسئ0000 معقولة بس Quote: اعطى العيش لخبازه ياتو عيش ويا تو خبر اوع تكون عادي نفسك من خبازي الفن Quote: وخليكم فى الروابط والفرق هذا ما قصدته والروابط والفرق والملتقى والجالية والسياسة عموما دي بيت القصيد واي واحد يتشرف يعمل بها Quote: ولو عندكم واحد من اللاعبين يرغب فى الزواج ولا يمتلك ما يغطى تكاليف اكرام الضيوف و المعازيم املى ان تمر على انت ورفاقك فى الدرب لاقوم بذلك ياخي نحن السودانيين لو ما وقنا مع بعض في الافراح نقيف بتين تحياتي

---

Post: #54 Title: Re: فرقة النسور الموسيقية بالرياض Author: علاء الدين حيموره Date: 06-29-2008, 07:23 PM Parent: #53 الاخ / انور انا لااتفق معاك جملة وتفصيلا في شكل المداخلات والردود على الاخوة ... لا بد من ان تأسس لحوار موضوعي يحفظ لكل الاخوة حقوقهم مبتعدا عن المهاترات .. هنالك موضوع مطروح للنقاش ولم يسيء لك صاحب البوست ولا اي واحد من المتداخلين لذلك ولكي يحترم الاخوة القراء وجهة نظرك فلا بد من ان تبعد عن شكل هذه الردود ... اما اذا كان هنالك اي خلافات شخصية فمكانها بعيدا من هذا المنبر ... ولك جزيل الشكر

---

Post: #55 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 07:01 AM Parent: #54 شكراً أخي الأكبر علاء الدين حيمورة، أنت راقي في تعاملك وفهمك وكتاباتك وهذا إن دل على شيء فإنما يدل على معدنك الأصيل وأكرر لكم شكري وتقديري،،، أخوكم الأصغر / عزالدين آدم علي

---

Post: #58 Title: Re: فرقة النسور الموسيقية بالرياض Author: anwar abdulmajid Date: 06-30-2008, 08:13 AM Parent: #54 الاخ العزيز / علاء الدين حيمورة السلام عليكم ورحمة الله وبركاته نشكركم على النصائح الغالية ولكن كنت اتمنى ان تكون رجل حقانى وتعمم كلامك على الكل او تصمد

---

Post: #56 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 07:04 AM Parent: #53 دعني أسميك بأبي ريم لأنو الجاء وراء حدق الضرى، برافو عليك ... فالمكتوب بي قلم الرصاص يمكن أن يثبت لكن خوفي أن يكون مكتوب بي فحمة تقول ليها فففففففففففففووووووووووهههههههههه تتحته طوالي . تحياتي ،،،

---

Post: #57 Title: Re: فرقة النسور الموسيقية بالرياض Author: haleem Date: 06-30-2008, 07:44 AM Parent: #1 Quote: الاخ العزيز طارق تحياتى لك اخر ما بدات تفكر فيه مت تم التسجيل وعدد المشاركات هذا افلاس واضح ثم العبرة ليست فى الكم بل فى الكيف والاستمرارية لكم هذاالمنبر يعد نصر للكلمة والرية السديد وهذا يجعلنا تعتز بكم وبالكثيرين من فلاسفت هذاالمنبر .... اخى العزيز طارق اعطى العيش لخبازه وخليكم فى الروابط والفرق هذا ما قصدته ولو عندكم واحد من اللاعبين يرغب فى الزواج ولا يمتلك ما يغطى تكاليف اكرام الضيوف و المعازيم املى ان تمر على انت ورفاقك فى الدرب لاقوم بذلك أخوكم دائما وابدا ابوماجد الأخ انور ان كانت مشاركاتك ستكون بهذا المستوى فالسكوت يا عزيزي من ذهب التوقيع: واحد ما من (فلاسفت) هذا المنبر

---

Post: #59 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 08:13 AM Parent: #57 أخي حليم - سلام مني لكم ورحمة الله وبركاته ... أشكر لكم مداخلتكم ووالله العظيم أنت فيلسوف ومن الفلاسفة أميزهم . تحياتي ،،،،

---

Post: #60 Title: Re: فرقة النسور الموسيقية بالرياض Author: anwar abdulmajid Date: 06-30-2008, 08:24 AM Parent: #57 الاخ الفاضل / حليم زمانو سميت حليم وانت لست بحليم بل ....... قديم ,,,, تحياتى

---

Post: #61 Title: Re: فرقة النسور الموسيقية بالرياض Author: حمزاوي Date: 06-30-2008, 08:43 AM Parent: #1 اخي علاء الدين حيمورة مسكاقمي الحاصل شنو بالضبط

---

Post: #64 Title: Re: فرقة النسور الموسيقية بالرياض Author: طارق عبد اللطيف نقد Date: 06-30-2008, 01:57 PM Parent: #61 الخال حمزاوي اولا نحن اسفين جدا للبحصل ده والما بعرفك بجهلك وامسحه في وشنا يــلا تعال شوف الحاصل شنو هنا Quote: ياخى طارق الفن مصيبته عظيمة ونحن الشعب السودانى مصيبتانا اعظم لاننا لانهتم بالمتخصصين فى كل مجال وفى ناس كثر لانعرف لهم تخصص اذا ذكرت الرياض اصبح هو سيدة واذا ذكر الفن اصبح سيدو ويدخل السياسة فى حليب الام. اخيرا انت عازف ولا فنان لو عازف بتعزف شنو صفارة حكم Quote: الله يخلى لينا زفتاوى وتعرستة Quote: تعودت عليك دائما متسرع لتوسيع الخلافات ( المديدة الحارة ) وانا من خلال مداخلة لم اشير لشخص بعينه ولا اعرف الذى تتحدث عنه ونشكركم على توضيح معنى فنان Quote: نحن نعيش فى زمان غير زماننا و فى مجتمعا غير مجتمعنا فى عهدأ تضيع فيه الهوية ويتطلع الفار لمبارزة الاسد والحمار برجلين والانسان باربع والجاهل وحثالة المجتمع سيده وعالمه والمفتى العام والمشرع. Quote: اللهم زدنا علما وكفينا شر الوسط الحميرى والرياضى Quote: ياخى الكريم طورت المسائل كل ما طلبته ان تناى بنفسك عن ما لا يعنيك ولا تنصب نفسك محاميا عن الاخرين ثم وضحت لك اننى لا اعنى الشخص الذى تتحدث عنه وانا فى غنى عن نصائحكم القيمة والاشارة لهذالموضوع من خلال مداخلاتكم يعنى اننى اخطات وهذا مالا اقبله Quote: طرحت علينا مشكورا صفات اخرى من صفات الفنان الا وهى المظهر والهندام وطبعا كلام جميل ياخى عز الدين ولكن الحمار لو لبس بدلة بتغير من كونه حمار .... ؟ اعتقد العلة فى الاصل Quote: اخر ما بدات تفكر فيه مت تم التسجيل وعدد المشاركات هذا افلاس واضح ثم العبرة ليست فى الكم بل فى الكيف والاستمرارية لكم هذاالمنبر يعد نصر للكلمة والرية السديد وهذا يجعلنا تعتز بكم وبالكثيرين من فلاسفت هذاالمنبر .... اخى العزيز طارق اعطى العيش لخبازه وخليكم فى الروابط والفرق هذا ما قصدته ولو عندكم واحد من اللاعبين يرغب فى الزواج ولا يمتلك ما يغطى تكاليف اكرام الضيوف و المعازيم املى ان تمر على انت ورفاقك فى الدرب لاقوم بذلك Quote: الاخ العزيز / علاء الدين حيمورة السلام عليكم ورحمة الله وبركاته نشكركم على النصائح الغالية ولكن كنت اتمنى ان تكون رجل حقانى وتعمم كلامك على الكل او تصمد Quote: الاخ الفاضل / حليم زمانو سميت حليم وانت لست بحليم بل ....... قديم ,,,, بالله يا خال ده كلام يمت للفن بصله

---

Post: #65 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 02:18 PM Parent: #64 إنها كارثة الفن والفنانين ليس إلا ونيابةً عنهم أنني أتقدم بالإعتذار لعمنا الفاضل / حمزاوي الرجل الرزين

---

Post: #68 Title: Re: فرقة النسور الموسيقية بالرياض Author: anwar abdulmajid Date: 06-30-2008, 05:37 PM Parent: #64 Quote: بالله يا خال ده كلام يمت للفن بصله اخوى طارق تحياتى انا ما قلت لك هذا الموضوع دخلت فيه انت نحن سوف نتركه ونشوف حاجة تانية انشاءالله لموزين وافر الحب والاحترام ,,,,,,

---

Post: #62 Title: Re: فرقة النسور الموسيقية بالرياض Author: حمزاوي Date: 06-30-2008, 10:31 AM Parent: #1 في انتظار الاخ علاء الدين حيمورة

---

Post: #63 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 01:03 PM Parent: #62 الأخ الأكبر / حيمورة تحية طيبة،،، أنت تملك الحقائق فأناشدكم بتوضيح الأمر لعمنا حمزاوي تحياتي ،،،

---

Post: #66 Title: Re: فرقة النسور الموسيقية بالرياض Author: علاء الدين حيموره Date: 06-30-2008, 02:54 PM Parent: #63 الاخ / عز الدين لقد اتصلت بالخال حمزاوي تلفونيا موضحا له الحقائق وقبلها كتبت مداخلة في هذا البوست موضحا موقف الفرقة من التجمع .. Quote: الاخ / طارق عبد اللطيف الاخوة الفنانين والموسيقيين .. الاخوة المتداخلين لقد دار نقاش في حفل تكريم الموسيقار على يعقوب كباشي وقد شارك فيه اغلب الاخوة في فرقة النسور وكان الاخ عز الدين ومن خلال حديثه حريصا على وحدة صف التجمع وقد تحدث حديثا طويلا عن معوقات التجمع في عدم المقدرة على لم الفنانيين وخص العازفين في عدم تجمعهم لحفظ الجديد من الاعمال التى سوف ترى النور قريبا وصغر حجم غرفة البروفات ... لقد خاطبت فرقة النسور التجمع احتراما للكيان بخطاب رقيق ( حصلت على صورة منه ) وقد اتم استلامه بواسطة السر المقدم .. نأمل ان يتحرك الاخ السر المقدم ويجتمع بلجنته حتى يكون الرد على الاخوة في اعضاء فرقة النسور ردا مؤسسا .. ولكم كل التحايا والود

---

Post: #67 Title: Re: فرقة النسور الموسيقية بالرياض Author: عزالدين آدم علي Date: 06-30-2008, 03:41 PM Parent: #66 شكري وتقديري ،،،،

---

Post: #69 Title: Re: فرقة النسور الموسيقية بالرياض Author: anwar abdulmajid Date: 06-30-2008, 07:10 PM Parent: #66 الاخ العزيز / علاء الدين حيمورة تحياتى كما ذكرت لك فى السابق كان يجب ان تكون رجل محايد وتنقل راى الاخوة فى تجمع الفنانيين لانه سبق ان تناقشنا وشاركة فى النقاش الاخ / بدوى احمد فضل المولى ـ مسئول العلاقات العامة بالتجمع . بدلا من نقل هذا الكذب والافتراءات على لسان واحد لاعلاقة له بتجمع الفنانيين ولا يحمل عضوية منه . ماقدمته قيادة تجمع الفنانيين بالرياض متمثلتا فى اللجنة التنفيذية يعد مفخرة لكل فنان ومحب للفن على مرة السنوات الماضية يعلمون ذلك جيدا المتابعين لمسيرة التجمع والحديث عن التجمع وما قام به يحتاج الى مجلادات تسجل للتاريخ اما بخصوص الاخوة فى فرق النسور هم اخوة لنا وزملائنا ولهم الحق ان يمارسوا نشاطهم كيف ما ارادوا داخل التجمع او خارجه المهم هم اعضاء فيه عدا القليل منهم. اما ما ذكر حول صغر حجم غرفة البروفات نحن ما كانا نحلم بدار الان نتحدث عن صغر الغرفة وهل جميع اعضاء التجمع يمارسون نشاطهم فى يوم واحد اخيرا الفنان يبدع ولو على صخرة وفى ناس لو عملنا ليهم غرفة بحجم الارض سيظل فى مكانه لان فاقد الشىء لايعطيه . وسلمات علاء الدين حيمورة ,,,,

---

Post: #71 Title: Re: فرقة النسور الموسيقية بالرياض Author: علاء الدين حيموره Date: 07-01-2008, 07:17 PM Parent: #69 الاخ العزيز / انور Quote: كما ذكرت لك فى السابق كان يجب ان تكون رجل محايد وتنقل راى الاخوة فى تجمع الفنانيين ???? Quote: بدلا من نقل هذا الكذب والافتراءات Quote: اما بخصوص الاخوة فى فرق النسور هم اخوة لنا وزملائنا ولهم الحق ان يمارسوا نشاطهم كيف ما ارادوا داخل التجمع او خارجه Quote: اخيرا الفنان يبدع ولو على صخرة وفى ناس لو عملنا ليهم غرفة بحجم الارض سيظل فى مكانه لان فاقد الشىء لايعطيه . Quote: وسلمات علاء الدين حيمورة ,,,, ياريت لو تعتذر حتى تكون فنانا كبيرا وسلمات انور

---

Post: #70 Title: Re: فرقة النسور الموسيقية بالرياض Author: حمزاوي Date: 07-01-2008, 07:28 AM Parent: #1 الاخ طارق مسكاقمي تعرف يا طارق اخوي يوم 30 يونيو دا لازم يكون يوم نكد وعكننه اصلا هو يوم اسود على السودان والسودانيين انت لمن فتحت البوست دا يوم 23/6 وطبعاً اي بوست يفتحوا واحد من الشلة بنجي داخلين فيها ونعلق وبعض الاحيان التعليق ما ليها علاقة بموضوع البوست ... يعني لو طارق او الموج او الوغد دكين ولا علاء حيمورة ولا تمبس ولا معتصم والخ والخ بنجي داخلين نعلق وندردش ومنو نرفع البوست والمجموعة دي عارفة مين هبنقة وانا بعد المداخلة نسيت البوست حتى اتصل علي الاخ علاء حيمورة اوضح لي ما كتبه الاخ انور عبدالماجد استغربت ووضحت له بانني لا اعرف الاخ انور معرفة شخصية ولم اتعامل معه ولم اتداخل معه ... والله العظيم الذي لا اله الا هو لم اقرأ مداخلته وما كتبه في هذا البوست إلا بعد مكالمة الاخ علاء حيمورة الغريب في الامر الاخ انور كتب بحقي ( زفتاوي وتعرسته ) طيب ممكن اكون زفت ما مشكلة لأن زفت بالرطانة كلمة كويسة ولكن تعرسته دي كيف يعني انا معرس بس ياريت لو يتكرم الاخ انور ويورينا انا معرس بتاع بنات ولا اولاد عشان الزبائن يعرفوا النوع فهلا تكرمت الاخ الاستاذ عزالدين ادم مسكاقمي يا اخوي عزو نحن علاقتنا بيك ومعرفتنا قبل المنبر والنت فانت اخ كريم ومقامك محفوظ فالتحية للجميع ولهم العتبى ما عدا صديق الموج

---

Post: #72 Title: Re: فرقة النسور الموسيقية بالرياض Author: عزالدين آدم علي Date: 07-05-2008, 10:05 AM Parent: #70 أشكركم عمنا حمزاوي والله العظيم أنني كل ما أفتح البوست يقطر قلبي دماً ووالله العظيم شخص مثلكم وبلا رياء أو تملق لايستحق نعته بهذه الصفات المخجلة ومهما إعتذرنا نحن أسرة الفن سوف لن نفك حقك مقامك عال وأنت أرفع من ذلك ومعليش وأتمنى أن يتدخل أخونا الباشمهندس / بكري أبو بكر يجب على الكل الإحتكام إلى قوانين ولوائح المنبر وإلا ....... إبنكم / عزالدين آدم علي

---

Post: #74 Title: Re: فرقة النسور الموسيقية بالرياض Author: Mohamed Abdelgaleel Date: 07-05-2008, 11:54 AM Parent: #72 Quote: الاخ انور الابوك صاحبى كيف حالك طبعا قايلنى بهظر ولكن اقسم لك مغلظا ان من معانى الفنان فى اللغة الحمار.. الاخوة الأعزاء في البداية توقعت لهذا البوست أن يكون إستراحة للمنبر وثقافة فنية فأصابه بعض الزلق آمل أن يستقيم على حوار مفيد فكلكم إخوة كرام تستحقون الاحترام والالتزام بجادة سمح الكلم، آمل أن تفعلوا وخروجاً من دائرة الزلق أحور ما ذكره الأخ صديق الموج أن من معاني الفنان الحمار، أقول: ورد في كتاب ساعات بين الكتب للأستاذ عباس محمود العقاد في رده على سؤال: هل الفنان هو الحمار؟ فأجاب: الفنان هو كل مزركش مخطط ملون ..... الخ وقد سمي حمار الوحش فناناً لأنه مخطط. أما الفنان: فهو كل من يساهم في تضميخ وجداننا بالغناء والموسيقى والرسم والنحت وحسن الكلم فابقوا عشرة على الكلام السمح لنصبح على وطن أيها الأعزاء

---

Post: #75 Title: Re: فرقة النسور الموسيقية بالرياض Author: عزالدين آدم علي Date: 07-05-2008, 12:25 PM Parent: #74 شكراً يارقي ياود البلد المؤصل هذه هي الأخلاق السودانية الأصيلة ولا بلاش تحياتي ومدوتي

---

Post: #73 Title: Re: فرقة النسور الموسيقية بالرياض Author: عزالدين آدم علي Date: 07-05-2008, 10:51 AM Parent: #1 الأخوة المتداخلون تحية عطرة خلال الأسبوع المنصرم شاركت فرقة النسور جمعية عزة أسر السودان في حنة الأخ / يوسف حمد النيل كما أنها شاركت جمعية أبناء (جزيرة مقاصر) بدعوة كريمة من اللجنة العليا للجمعية هل حقيقةً لمستم إضافة موسيقية وغنائية ولونية جديدة؟ وهل ماقدمته الفرقة مقنع؟ دلوني يا أحبائي ونحن نقبل برأي الجميع،،،،، تحياتي ،،،،،،،،،

---

Post: #76 Title: Re: فرقة النسور الموسيقية بالرياض Author: طارق ميرغني Date: 07-05-2008, 12:46 PM Parent: #1 اخي طارق كتر خيرك للبوست . امس حضرت بروفه للاخوة بفرقة النسور وللحق تضم عازفين مهره وارجو ان تكون نواه لفرقة مكتمله لمشاركة كبار الفنانين عند حضورهم للرياض . والاداء مع الفنانين المحليين. اما بخصوص ما قالته الاخت سهام موسي: Quote: طيب ليه شبيتوا في حلق الإعلاميين الرياض دية فيها غرائب وعجايب حسب اعتقادي ان الوضع بالنسبة للفرق الموسيقية يختلف عن النقابات او التجمعات المهنية وخلافة لانه يمكن ان تكون هناك الف مجموعة موسيقية باسماء مختلفة ولا اقصد بذلك التشرذم والخلاف بل بالعكس يمكن ان يضم الجميع كيان واحد ولكن بالنسبة للفرق اؤيد كلام الاخ كمال ميرغني .فالانسجام واجب للفرقة الواحده لذا لزاما ان تكون كل مجموعة منسجمة فرقه لحالها لانهم ليسوا محامين او مهندسين . الاخ صديق الموج الله يشخشخ نخرتك!!!!

---

Post: #77 Title: Re: فرقة النسور الموسيقية بالرياض Author: عزالدين آدم علي Date: 07-05-2008, 02:13 PM Parent: #76 شكراً الأخ / طارق ميرغني فالحقيقة وكما أسلفت كالزيت تطفو دائماً على الباطل وبعدين الله دا بريدنا وعلى نياتنا الله حضرك البروفة وكويس جداً أنو رئيسنا بالتجمع الأخ / الفاضل والمهذب عبدالكريم إسماعيل (جنابو) كان ضمن الحضور في إحتفال جمعيةأبناء جزيرة مقاصر وبدوره يمكنه تقييم الأعمال التي قدمت في السهرة أسألك صديق الموج دا عشان حقاني داير تبووظ ليهو نخرتو وتبهدل ليهو خشمو؟ يعني داير تسكتو ولا شنو؟ تحياتي وأشواقي ،،،

---

Post: #78 Title: Re: فرقة النسور الموسيقية بالرياض Author: طارق ميرغني Date: 07-06-2008, 07:38 AM Parent: #1 ابدا والله اخي عز الدين فالاخ صديق الموج رجل صديقي واحبه وعايز استفزوا عشان يواصل .... فهمتني؟؟؟

---

Post: #79 Title: Re: فرقة النسور الموسيقية بالرياض Author: عزالدين آدم علي Date: 07-06-2008, 08:40 AM Parent: #78 يا أخوي أنا فاهمك من البداية ولكن من باب المداعبة ليس إلا وكما داعبت الموج الأحمر وليس الأزرق!!! فهمتني؟ لأنو مريخابي يازول وأنا شرحو.