Post: #1 Title: الخالدي ..إنت زول فنان شديييييد ياخ .. Author: عمر الفاروق Date: 06-25-2008, 08:14 AM
لا اتوقع ان اكتب في حق هذا الفنان افضل من ما قالته الراحلة ليلى المغربي صاحبة الصوت الدافئ والكلمة الاكثر دفئاً .. بينما يظل هذا الخالدي الصوت الذي يشحنك بالحنيّة رضيت أم ابيت .. نعم يعتبر عبد المنعم الخالدي هو اخر مطربي الزمن اجميل كلمة ولحناً وأداء.. ولعل دليلي في ذلك هو صعوبة إختياري للحن مصاحب لهذا البوست فبين جيت مهاجر ..وخصل شعرك ..وحب الناس..والأميرة ..يمة الزول..وسلمى ..ومشتاق ليك و و و و لم استطع التفضيل ولكن مجبراً اخاك لا بطل وجدت نفسي مع خصل شعرك ولي اسبابي فعذراً سادتي.. الخالدي فنان يغني يغني من الاعماق فتصل الحانه للاعماق..في صوته نبرة حزن واضحة وهذا الزمن العنيد والحياة القاسية ترجمها في اعماله.. هو واحد من الفنانين المدرجين تحت قائمة "فناني المفضل" .. عبد المنعم الخالدي ...إنت زول فنان ياخ ..فنان شدييييييييييييييييييييييييييييييييييييييييييييييييييد ...
Post: #2 Title: Re: الخالدي ..إنت زول فنان شديييييد ياخ .. Author: دينا خالد Date: 06-25-2008, 08:38 AM Parent: #1
عمر ياااااااخ انت زول خلاق !! (وش ما لقيتو مع وشوش بكرى ) عارفو؟
بس انت عارف انو صاحبك دا فرط فى موهبتو ؟؟؟
انت عارف انو ما عاد يغنى ؟؟
غايتو ليلى المغربى فارقناها فراق اقتضاهو الموت ,,,
ولكن هناك فراق امر واقسى تقتضيهو الحياة ,,,,,, فرضو الخالدى
على نفسه !!
ياعمر ياخى ما ترسل لى الحاجات دى بالدرب؟
Post: #3 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-25-2008, 08:59 AM Parent: #2
دينا خالد:
Quote: عمر ياااااااخ انت زول خلاق
حا اعتبر انو التاء المربوطة سقطت سهواً من كلمة خلاق لانو انتي عاااادي جدا ممكن تكوني قاصدة خلاقةدينا البتكتب معانا هنا دي ولا واحدة تانية ؟
Quote: بس انت عارف انو صاحبك دا فرط فى موهبتو ؟؟؟
الخالدي واحد من الفنانين الحاول يحارب مأساتو بي الهروب من الواقع والدخول في عوالم أخرى تنسيه الهم .. حرام ان تضيع هذه الموهبة بهذه الطريقة ..
Quote: غايتو ليلى المغربى فارقناها فراق اقتضاهو الموت ,,,
ولكن هناك فراق امر واقسى تقتضيهو الحياة ,,,,,, فرضو الخالدى
على نفسه !!
ياخ ده كلام كبييييير وعميييق ما اظن بيحتاج لي تعقيب ..
تخريمة : انا بخيل جدا في اللينكات عشان كده اصلو ما بخت حاجة بالدرب اتعبي شوية ياخ وبحححتي في خصائص الميديا بلير بتطلع ليك ..
لكن بيني وبينك كده دي فرصة اعمل ليك حركات ناس سودانيز دي واقول ليك اديني الايميل بتاعك ارسلا ليك فيهو
Quote: حا اعتبر انو التاء المربوطة سقطت سهواً من كلمة خلاق لانو انتي عاااادي جدا ممكن تكوني قاصدة خلاقة
لي ماتكون النقطه اتكتبت سهوا ويكون قصدها حلاق عمرالفاروق رفقابنامن صبااح الرحمن ياحبيب خصل شعرك الله يسامحك ويسعد صباحك باكر(بإعتبار اليوم انتهى عندكم ) كما كيفتنى من الصباح
Post: #4 Title: Re: الخالدي ..إنت زول فنان شديييييد ياخ .. Author: عماد محمود علي Date: 06-25-2008, 09:00 AM Parent: #2
زعيم الهلاليين عمر الفاروق
Quote: وجدت نفسي مع خصل شعرك ولي اسبابي فعذراً سادتي..
يازول ما تكالنا حنك سااااكت ، اسبابك شنو !!! ياخي الزول ده كل أغانية جميلة جداً .. بس إختيارك عايز أعرف مبتغاه .. دينا ...
Quote: ياعمر ياخى ما ترسل لى الحاجات دى بالدرب؟
غايتو يادينا إن كان عايزة الزول ده يرسل ليك الحاجات السمحة العنده دي إلا تخلي باب بيتكم مفتووووح ( 25 ) ساعة . الزول ده عنده حاجات حلوه خلااااااااص ، بس بيني وبينك كده بخيل تب ...
اجمل الحلوين / عمر الفاروق يااخي مشتاقوووووووووون كدي عليك الله خليك مركب المكنة دي شوية وبعدين خسمتك بي الله اكان مانقلت البوست ده بعد الارشفة ....عشان نقعد بي مزااااااااااج يااخي انت جبت ليك زول ..... كان مفروض يكون طالع في الكفر من اول يوم لغايت حسع لكن بس نقول شنو .....؟ الله يجازي الكان السبب . ويبقي الخالدي ....ايضا من المدرجين في قائمة فناني المفضل.....
الرحمة والمغفرة لاستاذة الجيل / ليلي المغربي التقدير والاعجاب / للمبدع الخالدي ال.......؟ وال.....؟ لعمر الفاروق
لقيتني كيييييييييييييييييييف.....؟
مودتي هارون دياب
Post: #6 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-25-2008, 09:09 AM Parent: #1
يا عمدة يا جميل يا راقي احساسك: ياخ اول حاجة الحمد لله العتقتنا من اللون الاحمر بتاعك في المداخلة لانو ده بيجيب لي العصبي زيي زي يوهانس محترف الهلال الضيعتوهو الله يرحمو ..
Quote: يازول ما تكالنا حنك سااااكت ، اسبابك شنو !!! ياخي الزول ده كل أغانية جميلة جداً .. بس إختيارك عايز أعرف مبتغاه ..
يعني يا عمدة شايف صلعتي حدها نص ضهري وتقول ليك مبتغاك شنو ؟ يعني عايز اختار ليكم اغنية فاطنة لستك : عندو صلعة ما شوفتو.. بري بري ما شوفنا.. فيها لمعة ما شوفتو ..بري بري ما شوفنا..
الغناء اختياره من جنس العمل
Post: #7 Title: Re: الخالدي ..إنت زول فنان شديييييد ياخ .. Author: عماد محمود علي Date: 06-25-2008, 09:22 AM Parent: #6
عموري الجميل ...
Quote: يعني يا عمدة شايف صلعتي حدها نص ضهري وتقول ليك مبتغاك شنو ؟ يعني عايز اختار ليكم اغنية فاطنة لستك : عندو صلعة ما شوفتو.. بري بري ما شوفنا.. فيها لمعة ما شوفتو ..بري بري ما شوفنا..
هههههه ، الله يجازي شيطانك ... يا أخي إنت زوووول سمح خلااااااص ... ياخي ضحكتني لامن قربت أقع ...
Post: #10 Title: Re: الخالدي ..إنت زول فنان شديييييد ياخ .. Author: خالد عبد الله محمود Date: 06-25-2008, 09:55 AM Parent: #1
عمر الفاروق
إيها الرعديد ويحك يا هذاإلا تتقي الله...؟؟؟؟( وش شايل سيف نظام هل تبارزني )
ما هذا؟؟؟
Quote: نعم يعتبر عبد المنعم الخالدي هو اخر مطربي الزمن اجميل كلمة ولحناً وأداء..
* أمال حماده بت ده يطلع شنو؟؟ ما عاجبك ؟؟
* مطلوب إعتذار للأستاذ حماده بت و إلا !!
Post: #11 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-25-2008, 10:17 AM Parent: #1
هارون يا دياب : ياخ قبل فترة جابو تقرير في قناة العربية عن العمة السودانية طوااااالي جيت في بالي وقلت بالله ناس العربية ديل ما يشوفوا صورة الارباب هارون ده ويجيبوها لينا .. لكن ياخ موضوع النضارة ده انا ياخ قلت ليك شوف ليك فيهو صرفة لأنو تعرف نضارتك دي بتزكرني بي سواقين اللواري ما عارف لييي ياخ بالجد ليك وحشة كمان وسعيد والله بي طلتك القيافة دي شكلا ومضمونا .. وموضوع الارشفة ده امانة في ذمتك شوفو لي ودرعتها ليك في رقبتك .. الخالدي فنان لا يتحمل ان يتأرشف ولازم بوسته ده يستمر .. تحياتي يا راقي..
Post: #12 Title: Re: الخالدي ..إنت زول فنان شديييييد ياخ .. Author: ناذر محمد الخليفة Date: 06-25-2008, 10:29 AM Parent: #1
مهندس الصوت الفي غنية الخالدي الجبتها يا عمر الفاروق شوه صوت الخالدي مرة واحدة ؟! مسحة الحزن البتميز صوت الخالدي وسبب جمال صوتو الاساسي راحت في خبر كان !!
يعني هسي إنت لو ما قلت دا الخالدي ما كنت عرفتو .!!
معاوية حسين : يا سلام عليك يا رايق ياخ .. زول بيحب اغنية الاميرة ده زول سميييع واضانو محترمة ..والا يظهر يا الاميرة زي عيوني عيون كتييرة .. اغنية كده بسيييطة ومن لمسة لكن حاجة ما تخلص... بخصوص الزول ده والله ما عندي فكرة يا قريبك لكن نجيب خبرو .. تسلم يا راقي..
والله يا عمر توارد خواطر عجيب خلاس .. عارف الخالدي دا معلق معاي ليهو كم يوم .. وقلت لي صديقنا مهدي مصطفى إبن أخت الخالدي ياخي عايز أعمل بوست للزول الغناي دا .. والكلام دا كان يوم الخميس الفات بس تعرف صاحبك وزنقته .. أها جيت لقيتك معلق البوست دا فوق ووقع لي في جرح .. تعرف نحن كل فنان أو أغنية كده مرات بتكون عندنا ليها قصة .. أها بكري أخوي الله يطراهو بالخير ما بطلع شريط الخالدي دا أصلو من مسجل العربية .. يعني لازم تسمع لازم تسمع .. الزول دا ياخي عنده مقدرة على التطريب ما عادية .. مره كده في أواخر التمانينات سمعت ليك حفلة جنبنا كانت بالخالدي طوالي قمت مشيت على إتجاه الصوت وبما إنو صاحبك كان ضهب وأنا ما بحب الحاجة دي قعدت قريب من مكان الحفلة في واطاة الله دي وسمعتها كلها وإستمتعت بعدها مشيت نمت ولا أجمل من ذلك .. أها كان الله أدى العافية بمتعك بتسجيلات ليهو ..
غايتو مرات كده بتعملو عمايل في الواحد ..
تخريمة .. ما قلت لي الطليان لسه عندهم أمل يصعدوا لمربع الكبار
Quote: إيها الرعديد ويحك يا هذاإلا تتقي الله...؟؟؟؟( وش شايل سيف نظام هل تبارزني ) ما هذا؟؟؟ * أمال حماده بت ده يطلع شنو؟؟ ما عاجبك ؟؟
فالتذهب إلى الجحيم أو كما تقول MBC2 .. لن أبارزك يا هذا فأمثالك فقط يتم رميهم بالنبال والمنجنيق من خلف الاسوار ..ولكن لابأس أن تطالعني خلف ميدان العراضات بعد مسلسل نور التركي ..
Quote: * مطلوب إعتذار للأستاذ حماده بت و إلا
نعم انا قلت الخالدي اخر فناني الزمن الجميل لكن حمادة بت واحد من عباقرة الفن الأصيل والكلمة الرصينة والطرب الراقي.. حماده للذين لايعرفونه يقدم ملاحم غنائية ستظل عالقة في اذهان المستمعين لسنوات طوال : ووووب علي انا وووب علي كان ما عرستو المغص علي .. لقيتو فوق الدرب انا ووب علي..قالوا لي مغترب انا كر علي ..
هو الطرب الاصيل والكلمة الرصينة دي كيفنها انتو قايلين .. بعدين لو سمحت ياخ تقول الموسيقار حماده مش الاستاذ .. استاذ دي تقولا لي ناس ابو عركي تقولا لي ناس زيدان والجماعة ديل..
تخريمة : حا ارسل ليك الفي اكس ار مع السواق عشان يجي يوصلك ميدان العراضات عشان تطالعني ..اوكي ؟ جاااااااااااااااااو..
يا جماعة عليكم الله اذنكم بس معتصم ود دفع الله ده : الزول ده انا غلبني انستر معاهو في سودانيز اون لاين ده اصلو فعليكم الله بي باقي الاربعاء ده خلوني ارد عليهو
Quote: مره كده في أواخر التمانينات سمعت ليك حفلة جنبنا كانت بالخالدي طوالي قمت مشيت على إتجاه الصوت وبما إنو صاحبك كان ضهب وأنا ما بحب الحاجة دي قعدت قريب من مكان الحفلة في واطاة الله دي وسمعتها كلها وإستمتعت بعدها مشيت نمت ولا أجمل من ذلك ..
طبعا يا معتصم اخوك بعد ما فجأة كده طرح نفسو ناقد فني بقا عندو تواصل مع موسيقيين على مستوى ..تصدق يا حبيب كل ما تجي سيرة (المزيكاب) في سودانيز اون لاين قاعد يكون اسمك حاضر كواحد من الاسماء اصحاب الذوق العالي في السمع والاختيار وكتيرين منهم بيقولوا لي عايزين نسمع راي معتصم في العمل الفلاني والشغل العلاني انا بقول ليهم الزول ده قلبو رهييف ويدخل في باب الشفيف فما بحب يزعل زول عشان كده بيلبد فاعذروهو .. بالمناسبة تمبس برضو من الناس الموثوق بيهم مزيكاتيا من الجماعة ديل لكن انا قاعد اقول ليهم تمبس ده ما تعصروا عليهو شديد الزول ده عندو مارب اخرى في البورد ده غايتو لو عايزين رايو في اغنية الا الاغنية دي يكون كاتبا عمر علي وملحنا خالد الطيب وبيغنيها ثنائي النغم تراجي وامنة .. اها يا حبة نرجع لي موضوع الخالدي والهجرة مع صوت الساوند والروحان بين لف يمين ولف شمال والاغنية تنتهي وتقعد تنتظر لحدي ما الاغنية التانية تبدا عشان تحدد الاتجاه ..الخالدي يستاهل الهجرة دي يا حبة والله ..
Quote: أها كان الله أدى العافية بمتعك بتسجيلات ليهو ..
اها انا حا اديك اغنية كده يا معتصم بتكسرني عدييييل وواحدة من اجمل اغاني الخالدي ..حاجة كده تتوافق وفقه المرحلة البتمر بيهو انت وبتصبرك لحدي العيد
أغنية راقية جدا جدا جدا أضغط للتشغيل ..
Quote: غايتو مرات كده بتعملو عمايل في الواحد ..
يا اخوي هيييييييييييي ما ترميها فينا ساي شوف العامل فيك العمايل دي منو ان شاء الله كان تركب باصات الفتيحاب زاتو .. تخريمة : يا زول المانيا وبس ...اها الليلة شوفهم حا يضربوا ليك الاتراك ديل كيف..
Post: #19 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-26-2008, 09:38 AM Parent: #1
يا ناذر:
Quote: مهندس الصوت الفي غنية الخالدي الجبتها يا عمر الفاروق شوه صوت الخالدي مرة واحدة ؟! مسحة الحزن البتميز صوت الخالدي وسبب جمال صوتو الاساسي راحت في خبر كان !!
الشريط كان من انتاج شركة المساء الشركة التابعة لي حسين خوجلي ويبدو انو التسجيل عبارة عن صوت الخالدي متبوع بصوت الخالدي بي فترة زمنية قصيرة (ثانية او اقل) ومعظم منتجات هذه الشركة من الكاسيت تتم بالصورة دي واذكر انو في شريط لي زيدان ابراهيم بنفس الالية ..وبالمناسبة اول شريط كاسيت من ناتاج شركة حصاد "من جديد" لخالد الصحافة كان مشابه في التسجيل .. عدم الوضوح ممكن سببه تحويل الملف الصوتي في الكمبيوتر للامتداد mp3 وده بيقلل درجة الوضوح .. عموما وزي ما قلت الخالدي تكمن روعة صوته في الطبيعي منه .. تسلم يا بشكة ..
Post: #21 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-26-2008, 09:49 AM Parent: #19
الشاعر الجاعر الطيب برير (الجاعر دي الا تنادو ابو الحروف او عصام دهب عشان يرتبا ليكم): شكراً للمداخلة الجميلة الراقية وما قلته في حق الخالدي وما قلته في العلامات الفارقة في شعرنا السوداني حقيبة منه أو شولاته
يا جماعة هوي انا واااااااااااعي ماف زول يجي يقول لي وينا مداخلة الطيب برير ما شايفنها ..
ســـــــــــلام الخالدي الصوت البلهوج يسوقك قصبا عنك لدنياوات بنفسجية ربما أتيحت لي معرفته عن كثب وذلك خلال متابعاتي لمولد أغنية سلمي وأغنية متاهات وهي من كلمات الخال الصديق حاج حمد بانقا والتقيت الملحن الشفيف والانسان سليمان عبد القادر طيب الله ثراه ألف رحمة تتنزل عليه
عمرالفاروق .. فعلاً إنت زول فنان .. يقال عن الخالدي في وسط الفنانين أنه فنان فنانين .. كل الفنانين معجبين بطريقة أداءه .. زهي من نوع السهل الممتنع .. تطريب دافئ وحزن وشجن عجيب .. أعدت إلي ذكريات حبيبة إلى نفسي .. فقد كان لي شرف العمل ضمن فرقته الموسيقية زمناً ليس بالقصير .. هو الفنان الوحيد اللي كنت وأنا بعزف معه أطلع من الحفلة بعبرة سادة حلقي .. بالجد كل حفلة بعبرات وعبرات .. فعلاً أحبه وفعلاً يطربني حتى الثمالة ..
معانا في الدوحة عصام الخالدي وهو فنان شاب يشاركني حب هذا الفنان وتقليده ... دائماً ما أحاول تقليد أدائه .. وختى وأنا أقلده دائماً ما أضبط نفسي وأنا معبور .. وأضبط دميعات متمردات .. طرباً بس وليس حزناً ..
عمر الفاروق.. تحية لك ,انت تأتي بخبر الأخ العزيز عبدالمنعم الخالدي.. الرجل المهذب في كل شئ.. والتسجيل الذي أتيت به هو منذ فترة طويلة .. وقد كان فقي فترة بدايات الخالدي عندما كان يعزف معه الأخ المرحوم سليما ن أبوداؤود .. والأخ حيدر أحمد عبدالله.. عازف الجيتار .. الخالدي نشأ فترته الفنية الأولي في القوز قرب منزل عمنا الشيخ الشمياتي.. وكان يسكن هناك فترة كبيرة وقد اشتهر من هناك حيث التف حوله أهلنا في القوز وأصبح وكأنه ابنهم.. وقد كان يقوم بتدريبه الغناء والأداء الأخ العزيز/ صلاح محمد عبدالله ..أول مغنى في فرقة جاز سودانية بعد شرحبيل أحمد.. مشكلة الأخ عبدالمنعم أنه دفن نفسه وسط بيئة غريبة وعجيبة جدا في الفترة الأخيرة..أتمنى خروجه من هذه الوهدة.. فالفن لا يعرف مكان أو موقع مثبت به.. تحية لك وللأخ الخالدي ولكل أعضاء فرقته بدء من الأخ حيدر انتهاء بعبد العظيم(قد يكون هذا اسمه) عازف البنقز والأخ جمال ابن مدير مدرسة البوبيس للموسيقي..عازف الأكورديون .. فكلهم ابناء حي واحد أو منطقة واحدة.. الحلة الجديدة والقوز..وهم أهلي..
Quote: نعم يعتبر عبد المنعم الخالدي هو اخر مطربي الزمن اجميل كلمة ولحناً وأداء..
والله يا عمر ما قلت إلا الحقيقة ، فصديقى عبد المنعم فنان للنخاع ولو أنه فقد البوصلة بعد موت المرحوم صديقى وحبيبى رحمة الله عليه الملحن سليمان ابو داؤوود ، كانت بدايته فى نادى الالمونيوم فى الحلة الجديدة نادى مغمور ولكن حظه كويس لانو ميز معهد الموسيقى كان فركة كعب ، وجود ميز المعهد على مقربة من نادى الالمونيوم كانت بداية النقلة لعبد المنعم الخالدى ، لانو حصل زى إحتضان ليهو ، ومجموعة المعهد حاولت تبرز إمكانيات عبد المنعم والملحن الموهوب المرحوم سليمان ، وقد كان و هب هب هب لقينا عبد المنعم مدعوم من جهة موسيقية ذات نفوذ
وهنا أحى كل الاخوة فى قبيلة معهد الموسيقى الذين ساهموا فى تقديم الاخ منعم لنادى الفنانيين
وبالله عليكم الله شوفوا تلفزيون السودان ، يجيبوا ليك فنانين تقول كسبوهم فى الكرتلة ، مقلدين من الطراز الدرجة التالتة ، تتوافق تماما مع الوضع المزرى حاليا فى السودان
وأكرر دائما نحن عشان نصل التلفزيون حبينا فى الواطة ، المشكلة حسع المغنى او العازف يجيك نازل من التلفزيون
Quote: ولعل دليلي في ذلك هو صعوبة إختياري للحن مصاحب لهذا البوست فبين جيت مهاجر ..وخصل شعرك ..وحب الناس.. والأميرة ..يمة الزول..وسلمى ..ومشتاق ليك و و و و لم استطع التفضيل
... والقال ليك مارس التفضيل منو يا أبو عمير؟!
لو جبت لينا الأميرة -بس- تكون ما قصرت... أوعى بس تجي تقول لي أصبر... باكر الأيام كتيرة
Quote: أها كان الله أدى العافية بمتعك بتسجيلات ليهو
يللا يا معتصم دفع الله، نحن في الانتظار، ودايسين الright click للdownload
كل الحضور الأنيق شايف أغنية الأميرة عليها طلب من اخوانا معاوية واحمد الريح .. الأغنية أغنية راقية ..راقية ..راقية .. الأغنية تكفي لإقناع أي جكساية توفر ليك حق البارد في الكافتريا إضافة لي كلام كتير عايز تقولوا حيث أنو وليت أن وسوف ليس وعندما رأيتك وربما التقينا ويااااااااااه من نظراتك وانت تبحرين في عوالم اللا شئ برائحة الصندل وبوح الاسرار ..
هاكم الاغنية وهي من نفس الالبوم .. فك الكليك اليمين يا ابو حميد الجهاز علق ..
أضغط للتشغيل ..
Post: #34 Title: Re: الخالدي ..إنت زول فنان شديييييد ياخ .. Author: عمر الفاروق Date: 06-28-2008, 07:17 AM Parent: #33
محمد عبد الرحمن :
Quote: ياوهم ..
الخالدى براهو الخالدى الكاشف بادى محمد الطيب محمد الامين ابوعركى مصطفى سيد احمد عبدالعزيز المبارك عبدالمنعم حسيب الامين عبدالغفار عصام محمد نور
وكتار جدا انجبهم الجزيرة ومازالت تنجب..
تعرف الجزيرة دي من ما انجبتك انت لغت وجود الباقين دي كلللللهم ..
