منتصر عبدو يتزوج عبر سودانيز أون لاين ،، ومن ورانا يا بكري

وأنا أهم بلملمة أطرافي في نهاية مباراة الأمس بالرياض على نهائي كأس الاستقلال ، والذي فاز به فريق الكلاكلة ،، فإذا بشاب وجيه يتقدم إليّ ويمد يده بالسلام ، ويسألني عن بقية مجموعة سودانيز أون لاين ،، مددت يدي في اتجاه جلسة الزملاء تمبس ، شتات ، معتصم دفع الله ، اسماعيل وراق ، صديق الموج ،، ثم انشغلت قليلا بالحديث مع بعض عضوية رابطة الصالحية الرياضية ، ومجموعة القناة الإخبارية السعودية ،، وعدت لأنضم إلى مجموعة البورداب ، فإذا بالشاب الوجيه يأتي إلينا ويسلم علينا واحدا واحدا ، ويعرفنا على نفسه ،، منتصر عبدو ،، واضح من لكنته ومن سحنته ومن اسمه أنه حلفاوي ،، لكنه لم يمنحنا فرصة للتحليل بل قالها فورا ، أنه حلفاوي ،، حتى هذه اللحظة كنت أعتقد أن الأخ منتصر سيفاجئنا بأنه أحد بورداب الرياض المختفين ،، لكن فضّل إرسال مفاجأة أخرى ، قال منتصر :
يا جماعة أنا تزوجت من موقع سودانيز أون لاين ،، فوقف كل الذين كانوا جلوسا ،، وفتح اسماعيل وراق عينيه من هول المفاجأة ، وانتفض تمبس يتساءل : اتزوجت منو يا خوي ؟ أما صلاح شتات فقد فقر فاهه من هول المفاجأة واكتفى معتصم بابتسامته الصافية ،، وللمفاجأة ، كان الغتيت صديق الموج يعلم رأس الخيط ،،( بكري حقو ترفد صديق الموج عشان بتآمر على سوانيز أون لاين ) ،،
قال منتصر :
والله يا جماعة أنا بكلمكم جد ،، أنا حبيت ، وخطبت ، وعقدت ، على واحدة أخدت إي ميلها من سودانيز أون لاين ، وراسلتها ودخلت معاها الشات ، إلى وصلنا مرحلة عقد القران ،،
تساءل تمبس بخوف ووجل :
أسمع يا خوي ، ما تقولينا هي منو ؟
حاولت أن أنبه تمبس إلى أنّ منتصر أصبح نسيبا لنا ولا داعي للغلظة معه ، لكن تمبس بلغ مرحلة تطاير الشرر من العينين ، وهو يقول بصراحة :
يا خال ، ما في هظار في الجيكس ،،
وتخرج من صلاح شتات ضحكاته تلك ، مختلطة ببعض حديث :
يا خال ما تخلي الراجل ده يجاوب على سؤال تمبس ..
ويعيدنا اسماعيل وراق إلى الجادة بنزعته التنظيمية :
يا جماعة إنتو أصلا الراجل ده ما أديتوه فرصة عشان يتكلم ، والله يا ود قاسم إنت دائما فاشل في إدارة الجلسات ..
طيب يا منتصر يا أخي اتكلم وورينا عندك شنو ..
وبهدوء شديد يرد منتصر :
يا جماعة ، مش في حاجة اسمها دليل الخريجين في سودانيزأون لاين ؟
وعلى طريقة الجوقة قلنا جميعا :
أيوة ..
قال منتصر :
أنا بقت دخلت دليل الخريجين ده ،، ولقيت واحدة مسجلة هناك ، خريجة 2002 ، قمت سرقت الإي ميل حقها ،، ورسلت ليها رسالة ،، وبعدين استمرت الرسائل إلى أن تزوجنا ،،
طيب يا منتصر ، إنت لسة ما شفتها ؟
لا ،، ما شفتها ، بس طبعا شفت الصورة وأهلي شافوا الأصل ،، أما الونسة طبعا اتونسنا كتير ،،
هدأ روع تمبس ، حين اكتشف أن العروسة لا تنتمي للبورد ، وإنما تنتمي إلى فرع آخر من قبيلة سودانيز أون لاين ،، وبارك الجميع لمنتصر عبدو وعروسته زيجتهما ، وتمنينا لهما حياة زوجية سعيدة ،، والغريب أن منتصر وتمبس طلعوا أولاد حي واحد ..
وقلت لمنتصر :
إنت يا منتصر أكيد جيت فتشت عننا وتعرفت علينا باعتبارنا أهل العروس ،،
فرد منتصر :
بالضبط كده ،،

وهكذا يكون البورد وطنا لنا نحن ساكنيه ،، ووطنا لغير ساكنيه أيضا ،،

ودقاسم الكبير
تحية أكبر منك

( و ناسبنا البورد .. و بقينا قرايب .. و ناسبنا البورداب و بقينا حبايب )
الأغنية دي مسروقة من فيلم ريا و سكينة ..

مبروك لإبن العم منتصر و عروسته السايبرية .. و بيت مال و عيال و بالتوفيق ..
طبعا بعدين يا منتصر أولادك حيكونلا أخوان بالنت مع بقية المتزوجين عبر النت ( زى أخوان بالرضاع ) ..
أما المال لو جرى في إيدك .. فنحن و بكري شركاء في الأرباح فقط .. و ود قاسم ليهو ( زيادة بحق المناولة )

والله ياخال الواحد اصلو ما يقدر ياخد راحتو معاك في حوارات حيوية زي دي ...
انا كان عارف كده كان منتصر ده سقتو علي الجمب وفكيت فيك الموج . وشتات ومعتصم..

منتصر بيعمق فكرة البورد الوطن وبيعمق فكرة انو المساحة اتعدت اكتر من كونها مساحة سايبيرية لي واقع معاش بنمارس فيهو وجودنا بكل واقعيه..
غير منتصر كتيرين استطاعو انهم يهزمو الفكرة دي ودي تجربة جديدة تضاف للرصيد الاجتماعي بالبوردالعناصر فيها خارج نطاق العضوية المعروفة والمتفق عليها ..
ولي ملاحظة صغيره برضو عن وجود سودانيز أون لاين في الخارطه الاجتماعية بالرياض من خلال المشاركات المختلفة في كل الفعاليات الاجتماعية من خلال الدعوات المعنونه بأسم المجموعة.. والتركيز علي المجموعة وتسليط الضوء وفتح مجالات مختلفة للحوار .
اهني منتصر ومدام منتصر .. وتمنياتي ليهم بحياة زوجية سعيده .. وزي ما ذكرت ياخال انو منتصر للصدفة الغريبة طلع ود جيرانا الحيطه بالحيطة .. نسبة لي صلتو بي اسرة معانا في نفس الحي العريق المورده.
وعلشان كده سارعته اني اشيل تلفوناتو علشان اعرف الوصفه السحرية بتاعت دليل الخريجين دي .. ( فاتت علي كيف ما عارف )

وبالمناسبة دي ياخال البلقاهو ( بيزازي ) في دليل الخريجين بي هناك ( بعوقو ) برانا اعصابنا بايظه الايامات دي

تمبس
كيفك
أنا متأكد أنك لا تزال تحت تأثير الصدمة ،،

Quote: منتصر بيعمق فكرة البورد الوطن وبيعمق فكرة انو المساحة اتعدت اكتر من كونها مساحة سايبيرية لي واقع معاش بنمارس فيهو وجودنا بكل واقعيه..

بس أظنك يا تمبس تتذكر فرحة منتصر بلقائنا ، هذا أكثر ما شدني في كل الموضوع ،، يعني حتى زوار سودانيزأون لاين يعرفون قيمة أن المنبر يمثل وطنا ،،
ربنا يوفقكم يا منتصر ويهنيكم ،،، يارب
ويا تمبس حالة الاحتكار دي أحسن تتخلى عنها ، عشان ما تجيك يوم شغلة توقف قلبك ،، وربنا يحفظك من كل شر ..

الغالي أبوجهينة
أشكرك على التهنئة نيابة عن منتصر ، وهو شاب وسيم ووجيه ، وأنيق ، ويستاهل كل خير ،، وقد تعامل معنا بأريحية وبشفافية عالية ، حين قلنا له أننا سنكتب قصته في البورد لم يتردد مطلقا ، وأعطانا الضوء الأخضر ، واسمه بالكامل ،،
وما دام حق المناولة يدينا زيادة فإننا سنسعى لمزيد من المناولات ..

طبعا الما قالوا ليكم ود قاسم ...حا اقولو ليكم انا
ودقاسم قال لى منتصر بالله ممكن تقول لى الطريقة مرة تانية
ياربى ود قاسم ده يكون قاصد شنو يا تمبس؟؟؟؟؟
ما الطريقة القادرية ..طريقة الزواج من خريجة عبر سودانيزاونلاين
وقال لى يا ابو الامواج يا اخوى نحن مضيعين زمنا فى الشكل مالنا
ما نمشى على الخريجات ديل..وانا جناح فوزية طبعا قلت ليه عيب
يا خال ..لكن الله يستر..رايكم شنو؟؟بالله انفع اجج مشاكل؟؟

مبروك لى منتصر عبده











تمبس يا حمش

راوية
الله يبارك فيك ، وعقبال عندك ،،


وبيني وبينك حماشة تمبس بندق في بحر ...

تعرف يا صديق الموج فوزية الأيام دي عندها ضيوف ما قادرة تحك راسها ،، وأخوك مرتاح بشكل غير عادي ،، يعني ما خايف من حقنة ولا حاجة ، وتلاقيني حايم بين خبايا سودانيز أون لاين ،، بس ما قدرنا نصطاد ولا حاجة بالرغم من محاولاتنا الكتيرة ، وما نسمع غير :
بري يايابا ، معرّس وبي وليداتك ؟!

ألف ألف مبروك للزوجين...

ود قاسم.. وصّل تحايانا بالله لمنتصر...

يا تمبس..كان تسألني ياخ.. دليل الخريجين ده .. موضوعه تاني.. ده خيار الما بقدروا يدخلوا البورد.. وصدقني.. خيرا ناجح جدااااً


بنت الحسين

مليون مبروك للعريس منتصر وعروستو زميلتنا ولي بوردنا الجميل..


يا ود قاسم.. من الليلة دربي عدييييل لدليل الخريجين وباقي الغرف الأصلي ما قاعدة أخشها ..

انحنا المنبر بي هنا مكمُل عمرنا بدون فايدة ..

رجاء
أشكرك على المليون مبروك نيابة عن منتصر ،، وعقبال نبارك ليك الفرح والسرور ،،
توجهي إلى كل ساحات السعادة ،، وخلي بالك شديد ، عشان الزول كان ما خلى بالو بيقع وقعة بطالة خلاص ،،
ومن جانبي أقول ليك تستاهلي كل خير ،،

Mabrooooooooooooooooooooooooooooooooook
Muntasir and the 3roos
Thanks Wed Gasim for this woderfull news.
Abu Guhaina I did not forget to come back to you post. Insha Allah
Salam to all

ِAshrinkale
أشكرك نيابة عن العريس منتصر وعروسته ( منتصر وكلني ، بس عروسته دي أنا أديت نفسي حق التوكيل )
وما عارف أقول ليك عقبالك وللا عقبال الأولاد ؟؟ المهم ربنا يسعدك بكل خير

بنت الحسين
الله يبارك فيك وفي أسرتك ،
وتحيتك لمنتصر ستصله إن شاء الله ، ومن المؤكد أنه يتابعنا ،،
ودليل الخريجين إنجاز من إنجازات سودانيز أون لاين ، فالتحية لأبن أختي بكري أبوبكر.
ما نزلتوا لينا صور هوزي وزيكو ؟؟؟!!!

حسع نقول شنو
تلاقوا ود عمي وتخطب ليه وتزوجيه ونحن ما عندنا خبر
ماكان العشم
صديق الموج (الباشكاتب) انا ضدك وحأشجع فريق الموردة
الموردة تلعب
. . . .
اول حاجة ليه ما علمتونا انو في مباراة
وتانياً انا من مواطني الكلاكلة وكنت حاشجع فريقي
العتاب هنا للخال ودقاسم والزعيم ودوراق
كنا قضينا معاكم امسية ولا عصرية في الصالحية

حمزاوي يا دفعة
إنت من يوم البطيخة التقيلة الجبتها شايلها يوم بيت قرنفل وأمورك ما تمام ،، يمكن ياشقي الحال ( دي شايقية ) البطيخة قطعت فيك عرق ،، وبقيت ما بتشوف ،، مالك ما شفت البوست حق المباراة دي ؟
بعدين قطعت تلفونات خالص ،، ودعمك والله ورطتكم عديل كده ،، عروسته جعلية ،، يعني قمة أهل العوض ،، شيلوا شيلتكم يا الحلفاويين ،،

الفين مبروك ..........

الف للعروسين والتانيه للبورد



نوف

نوف
لك التحية والشكر ، وعقبال عندك ( رجعت للبروفايل ) ،،

الخال الشقيق الرقيق .. ود قاسم

حاولت أفتش ايميلك في البروفايل لكن ....

طبعا اول مرة اعرف انك من بورداب الرياض وللا أكون عارف وناسي على العموم ياريت تكرمني بلقياك وبقية العقد الفريد من الأعزاء بورداب الرياض
التلفون 0501720695
هاني

مبروك يا ود قاسم
انا من الليلة
دة دربي علي البروفايلات
نفتش في السنقل ممكن الله يدينا

حبيب نورة يا حبيبي

Quote: دة دربي علي البروفايلات نفتش في السنقل ممكن الله يدينا

ده كلام ده ، وتنسى نورة خالص ؟؟

الشقيق الأصغر هاني أبو القاسم بين ظهرانينا في رياض الخير ؟؟ يالها من مفاجأة ،،
كتر خيرك هاني ، تعال لينا في وداع تبلدينا ، ولو بتقدر تلاقيني قبل داك عشان أعرفك على بعض الأشقاء ..
لك التحية والشكر ..

الف مبروك للأخ منتصرمن أرض الإمارات و من الجزيره أبا.
وإن شاء الله منك المال و منها الأولاد.

نضال
نيابة عن منتصر :
لك التحية والشكر ، وعقبالك ،،

خالو ود قاسم.. إحنا ما وصّرنا العرس.. والعرسان ... الشافهم ما قال هديل.. لما يجوا.. بنزل ليكم الصور... تمام؟


بنت الحسين

تسلمي مريم ، وننتظرك ،،
شفنا صور هولندا ، بس صور العرس بتكون حاجة فاخرة طبعا ،،

ود قاسم ، شكراً على البوست الجميل . و زي ما قال الناس " دربنا عدييييييييل على الخريجين " علّ و عسى أن ( تعتِّر ) لينا ليمونه هناك !!!

رغم الضجج ورغم انشغال الناس بالفاضي والمليان
نجدك تحمل هموم الغلابة هكذا عرفناك يا علاء الدين
نحيك ولي قدام

أنا خريج 2002

يا دوب نحن ما عرفنا الوصفة السحرية يا خال ..
بس يا تمبس إنت وشتات ما تجو حائمين بي هناك بعوقكم ..
تعرف يا خال ..
علاقتي بي منتصر علاقة جميلة بدأت داخل الملعب فهو حكم كورة ممتاز ..
وبما أني كابتن للفريق فأول حاجة أحتك بيها هي الحكم ومن هنا جاءت المعرفة ..
وتعمقت وتوطدت بيانتا فإنتقلت من داخل الميدان إلى خارجه ..
ومنتصر إنسان يجبرك على إحترامه بأدبه وأخلاقه العالية ..
وأظنك لمست ذلك بنفسك وكل البورداب ..
وأنا من هنا أرسل له التهاني الحارة ودعواتنا له بحياة زوجية سعيدة ..
وكده يا خال أكدت لنا بحق أنك كبيرنا ..
بس المره الجاية ماتنسى تكلم أخونا حمزاوي يجي يحضر مبارياتنا ..

شكرا يا خال و مبروك لمنتصر
وطبعا يا خال الذين تزوجوا و كيسوا من سودانيزاونلاين كثر و اولادهم على المدارس ...

بكري الريس وابن أختي
لك التحية ، وأجدد لك التهنئة على هذا العمل الرائع ( سودانيزز أون لاين ) فعلا هناك الكثير مما قدمته سودانيز أونلاين ، للمحبين وللعزاب ، وحتى للمتزوجين أمثالنا ، ودي حا أشرحها في وقت تاني ،، وتعرف يا بكري أن سودانيز أولاين منحت كتابها شهرة ، وعرفتهم بالمتابعين والقراء ، وقد قابلني أناس عديدون يسلمون ويعرفونني بأنهم تعرفوا على من خلال المنبر ،،
بس ما قلت يا بكري ، ما حد دفع لك حاجة ؟ كلهم أكلوا وقشّوا خشومهم وسكتوا ؟؟

معتصم
الرياضي شكلا ومضمونا ،، لك التحية ، وقد لاحظت حجم حب عضوية الرابطة لك وقست مدى مودتهم معك ، وأكيد هذا ناتج عن تلمسهم لأدبك وذوقك وإنسانيتك ،،
سلمت لنا ابن أختي ..

منوت
تمشي وين قلت لي ؟
شمارك واصلني ،،

الف الف مبروك وبيت مال وعيال
كدة انشاء الله

ويا ود قاسم كدى قول لى عقد القران دة تم كيف
والمازون كان موديتر
والعروسة حتمسى للعريس كيف فى فايل ولا شنوا
كدى كمل لينا باقى الشمار

ويا بكرى ما تفتح ليك لينك وسمية العديل والزين
علشان بورتنا دى تتفكا على صفحات سودانيز اون لاين
ولا راءيك شنوا؟

هشام أمين
إنت أحسن تكون عملي ، وتتجه لدليل الخريجين فورا ، وتسرق ليك إي ميل وتجرب حظك ، إما نهروك أو أدّوك ،، وبسرعة تتفك البورة ، أو تتأكد ، وكلما تأكدت كلما كان ذلك دافعا جديدا لعودة أخرى لدليل الخريجين ،،،
حظا سعيدا ،،