Post: #1
Title: أم درمان في أثوابها البالية
Author: ودقاسم
Date: 04-12-2005, 05:17 AM
أعرف أن أبناء أم درمان يحبون مدينتهم حتى النخاع ، وأنا لا أكره أم درمان ، ولا أي بقعة أخرى من بلادي ، لكنّي أحبّ أن تكون كلّ بقاع بلادي جميلة ، ووسيمة ، وناصعة ، ومنظمّة ، وأن يكون ساكنوها أناس مهذبين ، ونجباء ، ويقدّرون المسئولية حقّ تقديرها .. كلّنا عاطفيون تجاه مدننا وقرانا ، والمسألة في نهاية الأمر ليست منافسة بين بقعة وأخرى ،، وانتصارا لبقعة على أخرى ... الموضوع برمته أن أم درمان المدينة التاريخية وهي جزء من العاصمة ، يفترض أن تكون قدوة لغيرها من مدننا وقرانا ،، النسيج الاجتماعي في أم درمان متماسك ، فأهلها طيبون يقدّرون العشرة والصحبة والجيرة ، وتستطيع أن تتلمس التواصل المستمر بينهم والتعارف والتوادد ،،، يحدث هذا بالرغم من أن أم درمان تمثل تنوع السودان كله ... فأهل أم درمان في مناسباتهم كلها نسيج سوداني أصيل . لكنّ أم درمان - بكل المقاييس – لا تمثل مدينة حديثة ، فغالبية أحياء أم درمان القديمة لم يتم تخطيطها بعد أو أنها تمّ تخطيطها ولم تتمكن الدولة من إقناع سكان هذه الأحياء بجدوى تنفيذ الخطط . وأنت على بعد خطوات من المحطة الوسطى يمكنك أن تتوه في زقاقات لا أول لها ولا آخر ، وبيوت الطين تحيط بك من جانب ، والأحواش المتآكلة أو تلك الآيلة للسقوط . يقنعك المنظر هنا أن أم درمان مدينة تحتضن الفقر .. ويؤكد على هذا منظر المتسولين الذين يسيطرون على مواقع من المدينة منذ أمد طويل دون أن تحرّك سلطات المدينة ساكنا ... هل ألقيت نظرة على منطقة البوستة في الخريف ، إنك لن تستطيع الحركة وسط الأوحال ، والمياه الراكدة التي اختلطت بزيوت السيارات وبقايا الإنسان التي يلقي بها كيف يشاء في هذه المنطقة ... كيف يمكنك أن تجلس في مطعم يحاول صحابه أن يجعله مطعما راقيا ، وحولك كل هذه المناظر والروائح ، وكيف تصل إلى المطعم أصلا ، فدونه اتساخ ملابسك وعكننة مزاجك ، وإفراغ بطنك إن كنت من الذين يرون أن النظافة أصل في الإنسانية . كيف تتقبل أن تظل أم درمان تصنع العصير في الحلل الألمونيوم الكبيرة ، ويغرف لك صاحب المحل غرفة منها لتروي بها ظمأك دون أن يداخلك شك في نظافة أدوات الرجل وسلامة أوانيه ،، هل دخلت إلى سوق أم درمان ، ورأيت كيف يتم عرض اللحم والخضار فيما يسمى زنك اللحمة وزنك الخضار ؟ هل لاحظت كمية الذباب ، وكيف أن المشترين يمدون أيديهم ويلامسون المعروضات ، دون أدنى اعتبار لقواعد الصحة العامة ... هل رأيت كيف أن الكثير من البائعين لا يزالون يمارسون مهنتهم فوق قطعة مبللة من الخيش ويعرضون بضائعهم على الأرض مباشرة ؟ هل رأيت النبق واللالوب والبلح والقرض والقونقليس والكركدي والويكة وكلها سائبة لم يتم حفظها في أكياس أو داخل أماكن زجاجية مخصصة للعرض ؟ هل زرت منطقة صينية الأربعين في أقصى جنوب الشارع بالقرب من المهندسين ، هل زرت سوق الموردة واصطدم أنفك ببقايا السمك ؟ هل زرت السوق الشعبي ؟ وسوق ليبيا ؟ هل زرت الأسواق التي تقام في الأحياء والتي غالبا ما تسمى ( أم دفسو ) ، إنها اسم على مسمى ،،، إنك إن لم تصب بالدوار و ( طمام البطن ) فأنت بطل قومي يجب على أهل أم درمان أن يقيموا لك نصبا تذكاريا .... هل رأيت كيف يسير التطور في دار الرياضة أم درمان ؟ وحول دور السينما ، وداخلها ؟ هل جلت بنظرك حول مستشفى أم درمان وداخله ؟ وهل هذا منظر عادي لمستشفى في مدينة حديثة ؟ هل يعجبك مستوى نظافة ملابس الناس الذين تراهم أو تركب معهم البص أو تشتري منهم أو تبيع لهم ؟ هل يعجبك أن يكون لأم درمان هذا الشاطئ الطويل المتمدد ، ولا يهتم أحد بإنشاء كورنيش حديث لأم درمان ؟ أم درمان ليست جميلة ، وليست متطورة ، ولا تسير إلى الأمام ، وإن كنت من أبنائها ، أو ممن يحبونها ، فأنت مطالب بالإسهام في تنميتها ، وتطويرها وتحديثها ،،، وإلا فإنك تكون من الذين يحبون الفسيخ من أجل رائحته المتعفّنة فقط ...
|
Post: #2
Title: Re: أم درمان في أثوابها البالية
Author: صديق الموج
Date: 04-12-2005, 05:35 AM
Parent: #1
Quote: وإلا فإنك تكون من الذين يحبون الفسيخ من أجل رائحته المتعفّنة فقط ... |
تصدق كلامك ده صاح فقط ..احذف فقط واضف اليه وطعمه المتميز وقيمته الغذائية العالية....بهذا التواصل نحن نحب امدرمان الحيط الكاكية المخيطة بالزبالة ،رائحة المعيز والتنباك والحبال كوشة الجبل قشر التسالى وباقى قصب السكر وكلما زحفت غابات الاسمنت لتدك واحدة من ينايات امدرمان الفديمة نحس بضربة المعاول على صدورنا،وكلما بيع بيت من بيوت امدرمان لاختلاف الورثة او بسبب ضائقة مالية نحس ان بيوتنا كلها بيعت.الحبل السرى الذى يربط بين امدرمان واهلها متين لاينفصم الا فى احمد شرفى او البكرى او حمد النيل. اخيرا ادينا وليداتنا ديل وامشى طور معتوق بتاعتك.تسلم،،
|
Post: #3
Title: Re: أم درمان في أثوابها البالية
Author: ودقاسم
Date: 04-12-2005, 06:19 AM
Parent: #2
الغالي ود الموج تغشاك تحية أمدرمانية مختلطة بالعبق الذي أدمنته ،، يا أخي عليك الله بطلوا عصبيتكم الأمدرمانية الما منّها فايدة دي ، وشوفوا ليكم حل ،، والله تجيكم الأمم المتحدة تعلن مدينتكم مدينة غير صالحة للسكن الآدمي ،، الآن التخلف جزء من أم درمان ، أخشى أن تصبح أمدرمان جزءا من التخلف .
|
Post: #5
Title: Re: أم درمان في أثوابها البالية
Author: خالد أحمد عمر
Date: 04-12-2005, 06:40 AM
Parent: #3
العزيز جدًا الخال ود قاسم إذا نظرت لكل المناطق التي يتغنى أهلها بأنها العراقة والتاريخ ويصرون على ذكر هذا الأمر في كل محفل، يظل هؤلاء ممسكين بحبال التاريخ والإرث القديم (شماعة) على أنهم هم الساس والراس كما يقولون. صحيح أن السلطة أو الدولة مقصرة في حق أمدرمان وغيرها من مدن السودان العريقة ، ولكن أين أهل البقعة؟ فنانيها ومثقفيها ورأسماليتها وأين دورهم في جعل مدينتهم العريقة التي لا تلوح لأحدهم فرصة للحديث في أي منبر إلا وتحدث عنها حديث جميل وبكى على أطلالها وليس لديهم أي خطوة جادة أو عمل مؤسس لإنقاذ ما يمكن إنقاذه ، لم أسمع يوماً عن رابطة أو جمعية للأمدرمانيين هدفها العمل على تغيير وجهة أمدرمان الحالك. الله يستر علي من ود الموج دا يا خال
|
Post: #6
Title: Re: أم درمان في أثوابها البالية
Author: ودقاسم
Date: 04-12-2005, 07:02 AM
Parent: #5
العزيز خالد سلام وشوق نعم إنهم يتباكون على مجد قد مضى ،، ويغالطون أنفسهم ،،، هم وغيرهم مطالبون لفعل شئ ما ليتغير وجه مدننا وقرانا غلى وجه حديث ... يمكنهم إنشاء الجمعيات والمنظمات وجمع التبرعات وبذل بعض أموال الأغنياء لتطوير مدينتهم ، وكلنا سندعم هذا التوجه ،،، أقترح أن تنطلق الدعوة من هنا بأن يتبنى أبناء أم درمان في المنبر وأصدقاء أم درمان عملا منظما يصب في خدمة أم درمان وتطويرها وتحديثها ،،، لك الشكر .
|
Post: #7
Title: Re: أم درمان في أثوابها البالية
Author: معتصم دفع الله
Date: 04-12-2005, 04:43 PM
Parent: #2
Quote: تصدق كلامك ده صاح فقط ..احذف فقط واضف اليه وطعمه المتميز وقيمته الغذائية العالية....بهذا التواصل نحن نحب امدرمان الحيط الكاكية المخيطة بالزبالة ،رائحة المعيز والتنباك والحبال كوشة الجبل قشر التسالى وباقى قصب السكر وكلما زحفت غابات الاسمنت لتدك واحدة من ينايات امدرمان الفديمة نحس بضربة المعاول على صدورنا،وكلما بيع بيت من بيوت امدرمان لاختلاف الورثة او بسبب ضائقة مالية نحس ان بيوتنا كلها بيعت |
ود الموج ..
وبرضو تقول لي أهل العوض ؟..
|
Post: #10
Title: Re: أم درمان في أثوابها البالية
Author: ودقاسم
Date: 04-12-2005, 11:48 PM
Parent: #7
معتصم الهمام سلام عليك كلّم ود الموج ده ، قول ليهو بطّلوا العنجهية ، والتمسّك بالبكاء على الأطلال اصحوا شوية يا جماعة ..
|
Post: #4
Title: Re: أم درمان في أثوابها البالية
Author: صديق الموج
Date: 04-12-2005, 06:32 AM
Parent: #1
Quote: الأمم المتحدة تعلن مدينتكم مدينة غير صالحة للسكن الآدمي ،، الآن التخلف جزء من أم درمان ، أخشى أن تصبح أمدرمان جزءا من التخلف
|
.
الحقنى يا تمبيييييييييييييييس فقد اكلونى اهل العوض،،
|
Post: #12
Title: Re: أم درمان في أثوابها البالية
Author: ودقاسم
Date: 04-13-2005, 00:27 AM
Parent: #4
ود الموج لقد أسمعت لو ناديت ح...... ولكن لا ح........ لمن تنادي
كدي نادي شتات شوفو يجيك قبل ما تكمّل نداءك ..
|
Post: #8
Title: Re: أم درمان في أثوابها البالية
Author: معتصم دفع الله
Date: 04-12-2005, 04:55 PM
Parent: #1
وهاهو إبنها الشاعر محمد الواثق يهجوها .. ولكنه كان في الأصل يهجو كل مدن السودان ..
لا حبذا أنت يا أم درمان من بلد .. أمطرتني نكداً لا جادك المطر .. من صحن مسجدها حتى مشارقها .. حط الخمول بها وأستحكم الضجر .. لا أحب بلاداً لا ظلال لها .. يظلها النيم والهجليج والعشر ..
الإحتفاظ بالتراث والموروثات لا يلقى التطور .. العالم كله يتجدد وينشد الحداثة ويمكننا تطوير ما يمكن تطوير دون المساس بما هو تاريخي وموروث .. ليست أم درمان وحدها التي ترزح تحت وطأة التخلف وإنما كل مدن السودان .. كل ما ذكرته يا خال صحيح ولكننا نغض الطرف عنه ونحوله لأمر شخصي .. ولكن الحقيقة غير ذلك كلنا ينشد التطور ونريد لكل بقعة في وطننا أن تكون جميلة ونظيفة .. وإنسانها يعيش في سلام ورخاء .. فهل يا ترى نسمع لذلك ؟ ..
|
Post: #9
Title: Re: أم درمان في أثوابها البالية
Author: حسام يوسف
Date: 04-12-2005, 06:13 PM
Parent: #8
يكفي امدر مان انها الدر البذين بلدي
|
Post: #11
Title: Re: أم درمان في أثوابها البالية
Author: ابو جهينة
Date: 04-13-2005, 00:12 AM
Parent: #9
Quote: اخيرا ادينا وليداتنا ديل وامشى طور معتوق بتاعتك.تسلم،، |
أعمل حسابك يا أبوطلال .. دة إنذار قد ينفذه أبناء أمدرمان .. فهم وقت الجد ما عندهم يمة أرحميني .. و مع بعضهم زى ما قال ليك ود الموج .. إقبل بأمدرمان كما هي .. فجمالها يكمن في كل هذا و ذاك ..
|
Post: #14
Title: Re: أم درمان في أثوابها البالية
Author: tmbis
Date: 04-13-2005, 01:07 AM
Parent: #11
يا صديق الموج الواحد لما يصحى الصبااااااااااح .. وقبلمـــا يعمل اي حاجه ، بيقوم يفتح ( الرادي ) واهم حاجه ( حجار البطارية ) ما تكون ابوفيل .. لانها بتنتهي بسرعه طبعا الحجار للرادي وللبطارية بيكون الواحد مساهر طبعا في ما يطلبه المستمعون ، علشان يسمع ( اسمو ) اهـــا الصباح داك بيقوم يفتح الرادي شان يصطبح .. بيقوم المذيع يقول بي صوت واثق منو ، ومالي خشمو ،ومتكيف شديد جدا من نفسو .. بيقول : هنــــــــــا امدرمـــــــــــــــــــــــــان اها سيد الرادي ده بيكون ضحك لي آخر ضرس قال فسيـــخ قال
|
Post: #19
Title: Re: أم درمان في أثوابها البالية
Author: ودقاسم
Date: 04-13-2005, 01:39 AM
Parent: #14
تعرف يا تمبس واحدة من أهم العوامل التي أضرت بالإذاعة السودانية وجعلت إعلامنا متخلفا ولم تتمكن من أداء مهمتها في توصيل الثقافة السودانية للعالم ، أم معضلة هي أنها تم التعامل معها تماما كما التعامل مع أم درمان ( المدينة ) ،،، أصبحت أم درمان المدينة منذ سنين عديدة تمارس هواية محلك سر ، وتبعها في ذلك الإذاعة ، والمسرح ، وجامعتها الإسلامية ، ودار الرياضة أم درمان ، وأسواقها ، ومحطتها الوسطى التي أصيب حديدها بالصدأ ،،، هي أم درمان استولت على الإذاعة القومية ، والمسرح القومي وغيره من المؤسسات القومية ، لكنها أصابتها بنفس الداء ، داء محلك سر ، ثم التراجه ، ثم الانهيار ..
|
Post: #24
Title: Re: أم درمان في أثوابها البالية
Author: ودقاسم
Date: 04-13-2005, 03:06 AM
Parent: #11
الغالي أبوجهينة لك التحية لا يستطيع أي ( هوان ) أن ينفّذ أي من أجندته دون رضانا ،،، أبناؤنا هم بصمتنا التي تركناها في أهل أم درمان ، فجعلناهم في قلب أم درمان وهم يفاخرون بانتمائهم إلى أهل العوض ،،، وأعتقد أنك ستساندني وتقف معي ضد هذه الهجمة ..
|
Post: #17
Title: Re: أم درمان في أثوابها البالية
Author: ودقاسم
Date: 04-13-2005, 01:32 AM
Parent: #9
العزيز حسام أشكر لك تزيينك للبوست ، وننتظر أن تكون أم درمان فعلا زينة للبلاد ..
|
Post: #15
Title: Re: أم درمان في أثوابها البالية
Author: ودقاسم
Date: 04-13-2005, 01:12 AM
Parent: #8
ولدنا معتصم حياك الله قلت فأبنت ، لكنّ بعضهم في ضلالهم يعمهون ،، قال نحن بنحب أم درمان ،،، طيب ما دام بتحبوها دخّلوها في النيل خلّوها تغتسل وتطلع ، إنتو قايلين النيل ده عملوه فقط لغسيل خيل عربات الكارو ؟
|
Post: #13
Title: Re: أم درمان في أثوابها البالية
Author: عمر الفاروق شيخ الدين
Date: 04-13-2005, 00:52 AM
Parent: #1
الخال ود قاسم : التحايا الصباحية ليك .. ومن أسة يا خال ما تزعل مني عشان كلامي حايكون حاااااااار في بعض الأحيان لأننا بصراحة بنحب أمدرمان وما بنرضي فيها حتي ولو طالبنا الناس بالنقاش وبنفس هادئ لأننا وبصراحة ما بننتظر حتي نخلي الزول يتم باقي كلامو عن أمدرمان عشان نهدي نفسنا ...
صديق الموج قال كلام مفروض بعدو البوست يقيف يا خال لأنو أداك السهل الممتنع ..
Quote: بهذا التواصل نحن نحب امدرمان الحيط الكاكية المخيطة بالزبالة ،رائحة المعيز والتنباك والحبال كوشة الجبل قشر التسالى وباقى قصب السكر وكلما زحفت غابات الاسمنت لتدك واحدة من ينايات امدرمان الفديمة نحس بضربة المعاول على صدورنا،وكلما بيع بيت من بيوت امدرمان لاختلاف الورثة او بسبب ضائقة مالية نحس ان بيوتنا كلها بيعت.الحبل السرى الذى يربط بين امدرمان واهلها متين لاينفصم الا فى احمد شرفى او البكرى او حمد النيل.
|
أمدرمان يا خال ناسا بيحبو فيها ملامحا الجايطة دي .. أمدرمان يا خال حلوة بي بيوت الطين دي... أمدرمان أحلي بي ناسا .. الكلام الإنت قلتو في بداية حديثك كلام ينطبق علي كل مدن السودان البيئة وإصحاحا السوق وجوطتو المطر والخوجان السمك وريحت ال ال ال ال .. لكن ما عارف ليه من دون المدن دي خصصت أمدرمان تحديداً عشان تسلط عليها الضوء؟؟؟؟ هل لأن أمدرمان مدينة مصطنعة كما زعم الأخرون ؟؟؟؟؟ هل لأن أولاد أمدرمان (فاكنها في روحهم) وفي كل شي بيقول ليك أنا ود أمدرمان !!! هل لأن أمدرمان ناسا ماف مدينة تانية مالية عينهم ؟؟؟؟؟؟؟؟؟؟؟؟؟؟؟ كل يغني علي ليلاه يا خال أمدرمان صدقني ما بتكون حلوة إلا بي ملامحا الإنت وصفتها بيها دي ... كلنا مع النضافة وكلنا مع إصحاح البيئة لكن زي ما قلت ليك دي مفروض إنت تتكلم عنها بي صورة عامة كمشكلة من مشاكل السودان ككل وليست مشكلة أمدرمان .. ماف زول من أمدرمان في يوم يا خال إتكلم عن أمدرمان علي أساس إنها المدينة التي تحمل ملامح المدينة سواء عمرانياً أو تخطيطاً نحن بنتكلم عن أمدرمان المدينة التاريخية شاء الناس أم أبو ... تعرض الأخوان في المنبر كثيراً لمدينة أمدرمان وكثيراً تداخلنا معهم لنؤكد لهم إن أممدرمان ليست المدينة المصطنعة .. أمدرمان الإزاعة السودانية .. هنــــــــــــــــــــــــا أمدرمان ... أمدرمان قهوة جورج مشرقي .............. كل المثقفاتية يجو يتلموا هناك ... أمدرمان دار الرياضة ........... ويا سلاااااااااااام علي دار الرياضة : تجي داخل بداية الشوط التاني وتسمع كل الجمهور يكورك ليك : ملح ملح ..أب قميص أصفر ملح ..أب عمة ملح .... دار الرياضة فيها خرستو يمسك الجريدة بي القلبا ويقعد يقرا لي الناس .. دار الرياضة فيها قعدووووووووووووووه وتسمع كل الناس : وووووووووووووووووووووووووووووووووبااااااااااااااااااااااااااا.. دار الرياضة فيها عدو الصابون أبعفنة : يجي داخل الدار تسمع كل الناس تغني : الليل ليل الليلة يا علوية .. إنتي يا علوية وإنتي يا قروية .. مشينا البحر لقينا ................... ويتلفت لي الناس يقول ليهم الرااااااااااااجل فيكم يقول قرنتية
أمدرمان مدرسة وادي سيدنا حيث كان اللقاء الأول بين بازرعة وعثمان حسين .. أمدرمان بيت الزعيم الأزهري ... أمدرمان ال المهدي وودنوباوي .. أمدرمان بيت عبد الله خليل .. أمدرمان بيت النميري..
أمدرمان سوق العناقريب .. أمدرمان سوق الطواقي .. وأمدرمان سوق اللحمة ( الوسخاااااااااااااانة دي).. أمدرمان أولاد الموردة الكانوا لمن يغنو صوتهم يشيلو النيل ويسمعوا الحفلة ناس شمبات وبدون مكبرات الصوت .. أمدرمان مدرسة الأحفاد ..
أمدرمان و أمدرمان وأمدرمان ... ما بنختلف معاك يا خال علي الظواهر الأشرت ليها وما بنغالطك فيها بس خلوا أمدرمان دي كده بي عولاقا ده تعرف يا خال الأحياء الجديدة الأكثر تخطيطاً والأروع علي الأطلاق في هذا الجانب في كل انحاء السودان (الثورة) ورغماً عن ذلك ما محسوبة تبع أمدرمان لأنو مفهوم أمدرمان عند الناس هو أمدرمان القديمة المبنية بي الطين وزقاقات ..
لسة في باقي كلام يا خال طوول لي البال
تخريمة : أقرا كلام الرائع جدا جدا جدا صديق الموج أكثر من مرة .. وأرجع البصر كرتين :
Quote: بهذا التواصل نحن نحب امدرمان الحيط الكاكية المخيطة بالزبالة ،رائحة المعيز والتنباك والحبال كوشة الجبل قشر التسالى وباقى قصب السكر وكلما زحفت غابات الاسمنت لتدك واحدة من ينايات امدرمان الفديمة نحس بضربة المعاول على صدورنا،وكلما بيع بيت من بيوت امدرمان لاختلاف الورثة او بسبب ضائقة مالية نحس ان بيوتنا كلها بيعت.الحبل السرى الذى يربط بين امدرمان واهلها متين لاينفصم الا فى احمد شرفى او البكرى او حمد النيل.
|
|
Post: #16
Title: Re: أم درمان في أثوابها البالية
Author: tmbis
Date: 04-13-2005, 01:24 AM
Parent: #13
Quote: أمدرمان مدرسة وادي سيدنا |
يا عمر هبشت الوتر الحساس .. وبجيك راجع ليهو .. لكن بس كلامي القلتو فوق ده فيهو سؤالين مهمات ..
1- مقدم الربط قال هنا امدرمان بي نشوة ... لييييييييه؟؟ 2- سيد الرادي .. المفرحو شنو ؟؟
|
Post: #22
Title: Re: أم درمان في أثوابها البالية
Author: abuguta
Date: 04-13-2005, 02:20 AM
Parent: #16
وللاوطان فى دمى كل حر يد سلفت ودين مستحق
ياخال الجماعة قلبو عشان هبشتهم فى جحرهم
لمتين اعود لامدر ام درمان ياخال المدينة التاريخية ويدلعونا اهلها بالبقعة..كالمصارى يدلعون القاهرة بمصر..وريدوجانيرو.. بريو...ونيودلهى بدلى..وابقوتة يدلعونها بسوق ود الكنين..واكيد لمعتوق اسم دلع..وكل حوش في امدرمان او بيت قديم يمثل متحف...بس ام درمان الزمان مش الجديدة الاسى دى...الاحياء الجديدة سمها الشاعر محمد الواثق فى السبعيان باولاد السفاح ووقتها قابل بنقد جم...لا اذكر القصيدة..لكن يقول فيها ان- هذا الجنين من صلب سفاح - محمد الواثق شاعر عشق المدن..له قصيدة فى توتى..وبغداد..لكن فى الثمانينات قال نقاده لقد تحققت نبوة محمد الواثق ..امدر اتت بابناء ليس يشبوهها..واحياء خليط... انا اسى اطرب لما ادخل امدرمان...واذوب عذوبة وهداوة واستجماما لما انحدر منها عبر كبرى شمبات وادخل بحرى..تلك المدينة العربيدة الخجلى..قضيت بها سنوات ..درست فيها العالى...حين كان عمى يسكن الدناقلة قبل الرحيل لشرقها..وتضربنى طراوة لما اتجه شرقا لمنطقة كافورى واشم رائحة روث بقر حلة كوكو..هنالك ابصر قرى ابقوتة كلها..تنقصها الحمارة التى تجر الدلو...ولو واصلت مسيرتى بعد كرتون كسلا لوجدتها...اما خرطوم ود اللمين تذكرنى السفر الاجراءت..محلات التصوير..المواقف العامة...الناس المستعجلة...قضيت بها سنة كاملة وانا حارس طبلية فى السوق العربى مدرعة فيها الجزم ومرصوصة داخلها الكريمات .. تجارة احن لها وما اليها سبيل ..كم مرة وقفن امامى حسناوات معهد الكليات التكنلوجية..قبل ان يغير هذا الاسم الهلامى ..واسال احدهن فى اى تخصص تدرس وانا اتوق للانخراط فى ذلك الصرح قبل توزيع مكتب القبول الذى ظلمنى على حسب فهمى وقتها..ووزعنى هندسة نسيج مالى وهذا المجال النسوى -على قول والدتى القروية..فحزمت امتعتى وذهبت للمجهول..فكانت ناغبور -ارض الثعابين..يدلعونها بمدينة البرتقال..والهنود يقلبون الاية يسمون اليوسفى برتقال والبرتقال يوسفى..وتراه مدرع فى شجرته التى تشبه شجرة الليمون كانه قطن النالة فى الشربة الاولى ..وحين ينضج كل الدنيا تصير مصفرة...عشقت تلك المدينة حتى بيوت الكراتين...وحين اسافر لبونا للمشاركة فى المنديات والاحتفالات...حين انزل فى محطة القطار اشم ترابها...فياخال خليهم يعشقو مدنهم فكلها فى مخيلتنا وطن.... ولك خالص حبى موال اعشق فالعشق اوله وطن.. واكتب فكل حرف تكتبه حسن.... فدعهم يفخرو الى المدى فقرانا فى مخيلتنا مدن... الكلام لقوتة اللحن لودقاسم الغناء معتصم دفع الله
|
Post: #30
Title: Re: أم درمان في أثوابها البالية
Author: ودقاسم
Date: 04-13-2005, 03:53 AM
Parent: #22
أبوقوتة ليك مليون سلام والله إن حديثك هذا قد أطربني ، فقد شحنته بالبلاغة وحسن التصوير وأبدعت إيما إبداع ،، هل تصدق إنني ما زرت مدينة أو قرية في السودان إلا وعشقتها ، وأحسست أني منها وأنها مني ،،، فمثلا مررت بأبي قوتة أكثر من مرة بالبص المتجه إلى 24 القرشي ، وما تزال أبوقوتة في مخيلتي ،، زرت ألأبيّض ، وتمنيت أني أحد أبنائها ، ومررت على الرهد واشتريت منها ليمونا لم أر مثل حجمه في السودان وحملته إلى أهلي في معتوق ،، ومررت بكوستي وبها أكلت أحلى وجبة سمك ، وفي تندلتي تناولت أحلى شية جمر ، وفي أبودليق قابلت أناسا من أكرم البشر ، وزرت منزل الهمباتي طه الضرير ... وفي ذاكرتي العيلفون ، وام ضوا بان ، وأبوقرون ، وقرى الجزيرة قاطبة ، والمناقل ومدني والعزازي ، والحصاحيصا وود رعية ، وغيرها وكلها أحتفظ لها بود خاص ،،، ولأم درمان عندي مكانة خاصة ، فأنا أنتمي إليها بنصفي الآخر ،، إمرأة عاشرتني بصدق ، وبعلو همة ، وتركت فيّ آثارا إيجابية ، وحببت إليّ الرقي والتحضر ،، لكنها أيضا تعشق أم درمان بشكلها الذي لا يعجبني ،،، فلتذهب أم درمان التي لا أريد ، ولتحل محلها أم درمان جديدة ،، مدينة حديثة ، تجعل أعناق قرانا تتطلع إلى الوصول إليها ،،،
|
Post: #28
Title: Re: أم درمان في أثوابها البالية
Author: ودقاسم
Date: 04-13-2005, 03:37 AM
Parent: #16
تمبس مقدم الربط مبسوط قايل نفسو عندو حاجة مهمة . سيد الرادي يضحك ساخرا ...
|
Post: #23
Title: Re: أم درمان في أثوابها البالية
Author: ودقاسم
Date: 04-13-2005, 03:00 AM
Parent: #13
عمر الفاروق أهلا بك اكتئب ، أنت في أم درمان ،،، لا أريد لك اكتئابا ، لكن مثلك مثل أبناء أم درمان ، تتعلق بأثوابها البالية ، دون أن تفكّر في أنها كانت ستكون أجمل ألف مرة لو أن كسوتها ثوبا جديدا ، وقد لا تستطيع وحدك أن تكسوها هذا الثوب ، لكن يمكنك المساهمة فيه بخيط واحد ،، أم درمان يا عمر ليست مدينة حكرا على أهلها ، وليست ملكا لمن اعتادوا أن يسموا أنفسهم ( أولاد أم درمان )،،، أنا ابن الشمال سكّنتو قلبي على ابن الجنوب ضميت ضلوعي أم درمان هي الخلطة الوطنية التي نتعشم أن تكون المثال الذي ينبني عليه وحدة الوطن ، وإذا كانت أم درمان في وضعها الحالي تشبه بقية مدن السودان من ناحية ضعف البنيات التحتية والعمران وصحة البيئة فإنها مطالبة بالمبادرة وبالقيادة وبالتوجيه ،، لأن أم درمان امتلك كل ما هو قومي ، فإذاعتها ، وتلفزيونها ، ومسرحها ، ودار رياضتها كلها مؤسسات قومية يعمّ طرحها كل الوطن فنتأثر به نحن أهل العوض ، ويتأثر به أهل الشرق والجنوب والغرب والشمال، ونحن نطالب بأن يكون مصدر تنويرنا نظيفا وناصعا، نريده أن يكون قدوة كما يكون الشيخ لتلاميذه ،،، وإن قصّر أبناء أم درمان عن تطوير مدينتهم ، أو أدمنوا أوساخها وتخلفها وبيئتها المتردية فإننا سنحاول انتشالهم عمّا هم فيه ، لا لشئ إلا لأنهم أبناء وطننا وهم جزء منّا ونحن جزء منهم ،،، فلن تعزلنا جهوية ، وسيكون انتماؤنا للوطن كله ،،، امنحونا الفرصة لنسهم في تطوير السودان عبر إرساء القدوة ، والقدوة لن تكون غير أم درمان ..
|
Post: #18
Title: Re: أم درمان في أثوابها البالية
Author: حمزاوي
Date: 04-13-2005, 01:32 AM
Parent: #1
انتو خوتكم قرض يعني الواحد يغيب عنكم وينقطع وما تجيبوا خبروا ولا تسالوا عنه تعرف يا ود قاسم يا دفعتي انا في السفرية دي مشيت ام درمان وبالتحديد في السوق ( وصلت لحد سوق الجلود) وطبعا مررت بمواقف لحد ما لقيت ما اطلبه المكان لا يسمح بسرد الرحلة الامدرمانية يا تمبس شنو الحكاية ليه ما اتصلت علي سمعت انك مشيت عمرة صديق الموج سجمي من حلويات ام درمان واللبسات الحلوه على الموضة الواحد يتاسف انه ما اتزوج واحدة ام درمانية معتصم ود دفع الله انا شفت لي جماعة راكبين بص القلقاله قريبي ابوجهينة ناس الكلاكلة بيسلموا عليك عمر الفاروق وخالد وبقية العقد الفريد وحبابيي الحلوين مشتاق ليكم جميعاً
|
Post: #21
Title: Re: أم درمان في أثوابها البالية
Author: عمر الفاروق شيخ الدين
Date: 04-13-2005, 01:58 AM
Parent: #18
خير الكلام ما قل ودل إهداء للأخوة تمبس وصديق الموج وحسام ولي الخال ولي حمزاوي وأبو جهينة ومعتصم وكللللللل الحلوين والأمدرمانيين انا ام درمان .. الشاعر .. عبد الله محمد زين
أنا أم درمان أنا السودان أنا الدر البزين بلدي أنا البرعاك سلام وأمان أنا البفداك يا بلدي أنا أم درمان لسان حالك أريتك تدري بحالي أنا القدرت أحوالك وحبك بدري أحوالي أقوم بأعظم الأدوار .. وأكون الساحة للثوار وأبقى البقعة للأحرار .. وأمثل عزة السودان أنا أم درمان سليلة السيل قسمت الليل وبنت صباح أنا الولدوني بالتهليل ... وهلت فوقي غابة رماح أنا الطابية المقابلة النيل أنا العافية التشد الحيل وأنا القبة التضوي الليل وتهدي الناس سلام وأمان أنا أم درمان نظمت الدين وكنت هداية للإسلام وروحوا حولي ناس صادقين بناهم في حياتي غرام وقالوا المبدأ والفكرة وخلدوا أعظم الذكرى ودخلوا المدرسة الكبرى ونالوا شهادة الإيمان أنا أم درمان سقاني النيل رقيق العزة من كاسو أنا اللي مجدوا كنت دليل وآية الوحدة لناسو أنا الفي الشاطيء الغربي بخوض نار حربي وأنا النيل طلب قربي ومزج بكافة الألوان أنا أم درمان أنا الواحة ري البسقي العطشان هدومي تضوي لواحة وتهدي الساري والضهبان مرقو وشدو فوقي الناس ونادوا بقية الاجناس وللتعبير بقيت مقياس وللتقدير بقيت ميزان أنا أم درمان دا ميلادي وميلاد البشيل أسمي أنا القدمت أولادي شرافه وسيف على وسمي وكنت القوة والحولة دست وفزت بالجولة كنت الراية والدولة وفي التاريخ بقيت عنوان أنا أم درمان معبد الميس اصيلة وشوني رجال لكن القدرة والتقديس أرادني شايق الاجال تقلبت فوق ربوع داري .. ونفس انفاس أقداري أريتم يعرفوا مسداري ويجلوا زماني للفرسان
|
Post: #33
Title: Re: أم درمان في أثوابها البالية
Author: ودقاسم
Date: 04-13-2005, 05:42 AM
Parent: #21
Quote: أريتم يعرفوا مسداري ويجلوا زماني للفرسان |
عمر ليتكم تعرفون مقدار مدينتكم ، وتعطونها حقها في التحديث والتطوير .. هي تطالبكم بذلك ،،
|
Post: #26
Title: Re: أم درمان في أثوابها البالية
Author: ودقاسم
Date: 04-13-2005, 03:11 AM
Parent: #18
الزعيم حمزاوي حمدا لله على السلامة ،، والله مشتاقين كتير
بس ما قلت إنك قابلت طلال ولدي ! طلال كلمني قال لي قابلت عمو حمزاوي في الخرطوم ،،، أهلا بك ، فأنت من أسلاف الحضارة الذين لا يقبلون إلا أن تسير الأمور إلى الأمام ..
|
Post: #20
Title: Re: أم درمان في أثوابها البالية
Author: محمد الواثق
Date: 04-13-2005, 01:51 AM
Parent: #1
ايها الشباب جميعاً
التماذج القومي الذي حدث في مدينة امدرمان لا علاقة له بالعمران بعدين الوصف الوصفتو ده يا ود قاسم يمكن أن يعمم وبسهولة على جميع مدن السودان البحبوها اهلها او ما بحبوها او حبوها كردة فعل لمحبة ابناء امدرمان لمدينتهم. لكن الفرق يأتي في الفعل الإجتماعي الذي ينعكس على الحياة في كافة مجالاتها والتي ميزت ساكني امدرمان منذ القدم . بعدين ياخي انت حافظ امدرمان عن ظهر قلب .
|
Post: #25
Title: Re: أم درمان في أثوابها البالية
Author: Ismaeil H. Mohamed
Date: 04-13-2005, 03:07 AM
Parent: #20
Quote: أعرف أن أبناء أم درمان يحبون مدينتهم حتى النخاع ، وأنا لا أكره أم درمان ، ولا أي بقعة أخرى من بلادي ، لكنّي أحبّ أن تكون كلّ بقاع بلادي جميلة ، ووسيمة ، وناصعة ، ومنظمّة ، وأن يكون ساكنوها أناس مهذبين ، ونجباء ، ويقدّرون المسئولية حقّ تقديرها .. كلّنا عاطفيون تجاه مدننا وقرانا ، والمسألة في نهاية الأمر ليست منافسة بين بقعة وأخرى ،، وانتصارا لبقعة على أخرى ... الموضوع برمته أن أم درمان المدينة التاريخية وهي جزء من العاصمة ، يفترض أن تكون قدوة لغيرها من مدننا وقرانا ،، النسيج الاجتماعي في أم درمان متماسك ، فأهلها طيبون يقدّرون العشرة والصحبة والجيرة ، وتستطيع أن تتلمس التواصل المستمر بينهم والتعارف والتوادد ،،، يحدث هذا بالرغم من أن أم درمان تمثل تنوع السودان كله ... فأهل أم درمان في مناسباتهم كلها نسيج سوداني أصيل . |
أخي الكريم ود قاسم هل يخفي هذا المدح من خلفه وجه الذم نحن نحب أمدرمان وكفي. ( ده شايلو وده تعبان بيهو)
Quote: لكنّ أم درمان - بكل المقاييس – لا تمثل مدينة حديثة ، فغالبية أحياء أم درمان القديمة لم يتم تخطيطها بعد أو أنها تمّ تخطيطها ولم تتمكن الدولة من إقناع سكان هذه الأحياء بجدوى تنفيذ الخطط . |
لم نقل أمدرمان مدينة حديثة بل هي عريقة ونتاج إنصهار جميع قبائل السودان إضافة إلي الوافدين من عرب وترك وشوام إلخ... في بوتقة أمدرمان التي نحبها. أما التخطيط الذي تتحدث عنه فتعطيله ليس بتعنت أهل أمدرمان كما اسلفت بل هي أسباب ترتبط بمزانية الدولة ( مالية بحته).
Quote: وأنت على بعد خطوات من المحطة الوسطى يمكنك أن تتوه في زقاقات لا أول لها ولا آخر ، وبيوت الطين تحيط بك من جانب ، والأحواش المتآكلة أو تلك الآيلة للسقوط . يقنعك المنظر هنا أن أم درمان مدينة تحتضن الفقر .. ويؤكد على هذا منظر المتسولين الذين يسيطرون على مواقع من المدينة منذ أمد طويل دون أن تحرّك سلطات المدينة ساكنا ... |
مرة آخري نحن لا نتحدث عن جمال أمدرمان !!!! بل الخصوصية. ولكن همساً أسألك ما حال مدن السودان الأخري في العمران والمدنية؟؟؟؟؟ هل نحن من دول العالم الاول؟؟ أم من دول العالم الثالث او الخامس إن وجد في الترقيم؟؟ حتي نتحدث عن المدنية والعمران والنظافة وصحة البيئة ونتحاسب عليها.Quote: هل دخلت إلى سوق أم درمان ، ورأيت كيف يتم عرض اللحم والخضار فيما يسمى زنك اللحمة وزنك الخضار ؟ هل لاحظت كمية الذباب ، وكيف أن المشترين يمدون أيديهم ويلامسون المعروضات ، دون أدنى اعتبار لقواعد الصحة العامة ... هل رأيت كيف أن الكثير من البائعين لا يزالون يمارسون مهنتهم فوق قطعة مبللة من الخيش ويعرضون بضائعهم على الأرض مباشرة ؟ هل رأيت النبق واللالوب والبلح والقرض والقونقليس والكركدي والويكة وكلها سائبة لم يتم حفظها في أكياس أو داخل أماكن زجاجية مخصصة للعرض ؟ |
أعتقد إنك تحتاج لزيارة للاسواق المركزية في الخرطوم والخرطوم بحري وسوق الملجة بحري حتي تري كيف تباع الاصناف التي ذكرت. وكلنا نامل أن يتطور الحال إلي الأفضل في كل بقاع الوطن الحبيب من نظافة وصحة بيئة إلخ...
ولكن ما بين الواقع والحلم الكد والمثابرة.
إسماعيل حميم
|
Post: #29
Title: Re: أم درمان في أثوابها البالية
Author: ابو جهينة
Date: 04-13-2005, 03:45 AM
Parent: #27
Quote: وأعتقد أنك ستساندني وتقف معي ضد هذه الهجمة .. |
بالطبع لا بد أن أؤيدك و إلا إنقلب علينا ذاك الجناح من أهل العوض و أتوا إلينا بهمباتتهم و خيلهم و رجلهم مناصرة لود العركيين
|
Post: #44
Title: Re: أم درمان في أثوابها البالية
Author: ودقاسم
Date: 04-14-2005, 02:15 AM
Parent: #29
عالم تخاف ما تستحيش اركزوا أهل العوض جايين ..
|
Post: #42
Title: Re: أم درمان في أثوابها البالية
Author: ودقاسم
Date: 04-14-2005, 01:00 AM
Parent: #27
العزيز بناديها سلام كتير شكرا لهذه اللنكات ، فهي تمثل مع بعضها موضوعا متكاملا ،، ويمكن أن تكون مدخلا مهما لدراسة أحوال مدننا وأريافنا ..
|
Post: #31
Title: Re: أم درمان في أثوابها البالية
Author: معتصم دفع الله
Date: 04-13-2005, 03:57 AM
Parent: #25
هنا أم درمان .. حينما قالها الأستاذ أيوب صديق من لندن كان يقصد بها الوطن .. إذاً أم درمان هي الوطن مهما إختلفنا .. فهي تجمع كل ألوان الطيف السوداني ، كل القبائل من شرقها وغربها من شمالها وجنوبها .. لذلك نريد لهذا الوطن أن يكون جميلاً زيادة على جماله .. أنا الآن محسوب على أم درمان لأن لي أرض بها على وشك بنائها .. حينما إخترت أم درمان كانت كل خواطري تجول بها .. كنت متيقناً بأنني سوف ألتقى بأصدقائي علاء تمبس ، صديق الموج ، عمر الفاروق .. وصديقي الفنان سيف نورين وأصدقائي عاكف عطا وباكمبا والكثيرون .. كنت أحن لأيام دراستي بقصر الشباب والأطفال .. وكنت أحس بأنني قريب من قبة المهدي ودار الرياضة ونادي الهلال .. إذاً وبما أنني من أم درمان فأنشد الخير لأهلها وأحب أن تكون جميلة .. أحياناً وأنا في القلقالة أو أي حي من أحياء الخرطوم لا أحس الفرق كبيراً إلا من الأشخاص .. إذاً السودان كله عبارة عن قرية تختلف بمسياتها وبمبانيها .. لذلك فلتكن أم درمان هي البداية طالما أنها هي الوطن .. فلننشد التطور ونتجمل ونتجمل حتى يرأنا غيرنا جميلون ..
|
Post: #32
Title: Re: أم درمان في أثوابها البالية
Author: abuguta
Date: 04-13-2005, 05:11 AM
Parent: #31
Quote: فلتذهب أم درمان التي لا أريد ، ولتحل محلها أم درمان جديدة ،، مدينة حديثة ، تجعل أعناق قرانا تتطلع إلى الوصول إليها ،،، |
ياخال والله موضوعك جميل وانت دائما تهبش الاوجاع.... امدرمان القديمة من الصعب تغيرها واهلها ايضا لا يسمحو بذلك فهنالك بيوت فى ابروف وودرو والموردة مئذ المهدية الاولى وبها حدائق وارث تاريخى عتيق...لكن فليكن نقدك لامدرمان فى الاحياء الجديدة التى اخذت شاكلة ام درمان الام ..فالعيب فى من سكن حول امدر..لو نظرت لمدن العالم كلها تطورت فى احياءئها الجديدة...مثلا القاهرة ..تجد رميس والعتبة والسيدة زينب والحلمية..وام بابة .وتجد هنالك مدينة نصر والصحفينين واحياء جديدة اخرى.. مثلا الهند هنالك اولد دلهى حيث الارث القديم وبيوت الجالوص ومبانى مئذ فتوحات الاسلام الاولى.تشعر بالناس كانهم من عهد الاسلام الاول فى الشكل والاكل والريحة الكريهة والتوابل وسروج الخيل وعربات الكارو والثران تجرها..وسوق الشطة والحبوب..والمصالى والاوانى ونساء يلبسن البراقع ...وتجد نيو دلهى حيث الحضارة ومسكن الخواجات وومقر السفارت فى جاناكا بورى تشعر كانك وسط دولة اوربية النساء شقراوات يلبسن الشورتات والمينى جيب..وهن يتسوقن فى اسواق ملبوسات الفرو..وانت تخرج من جاناميا سينما وكانك لا تبصر حولك هنود وربما كانو من طبقة الانجلو..هذه كله مشهد جعلته يدور فى مخيلتى التى كادت ان اعمل لها فرمتة من ركود المعلومة لو لا طرقك الاخراجى لهذا الموضوع الثلث...فامدرمان تطورت او تبلورت فى ام ردمان الجديدة مئذ الخمسينات وهى الخرطوم..وهى تعنى امتداد امدرمان الحقيقى لو رجعنا لتاريخ المدن...فدمشق القديمة حاليا تسمى الشام..حيث المسجد الاموى وسكان الارياف ولابسات البرقع... حتى الرياض ياخال ..هنالك احياء العود..والحلة وغبيرا والبطحاء ومنفوحة...وانت تلمح على الطريق الدائرى -وسط المدينة- لو عملو المستحيل لاخراج هولاء من منازلهم..لصعبت الاشكالية...لكن لعبة الحضارة انقلبت فى بومبى حيث بدلت الاحياء القديمة بعمائر التمليك..من واكب الحضارة منهم سكن فى شقته واخذ تعويضه..ومن حن لقديمة اجر شقته وخرج للارياف...لكنك مازلت تلمح حياة بسطاء القوم وبيوتهم الاثرية فى بومبى سنترال او محمد على رود..حيث محلات العطور ورائح الصندلية والصندل.. واناس يحملون ملامح العصور الوسطى...ولو دلفت على بندرا واحياء بوليود تجد كرشما كابور طالعة من من عمائر الكابراب..وهى لا تعيرنا اهتماما ونحن نعرف حتى فساتينها..واكلتها المفضلة والى اى مكان هى ذاهبة...هذا من عشق المدن..انا معك فى تطور المدن حتى تقتدى بها الارياف لكن اصحاب الارث لا يوافقون...فماذا نعمل بوزارات اغلب مكاتبها معشعش فيها الطير..لماذا لا تهد وترحل الى ما بعد السجانة وتترك هذه المساحة شاليهات ..وكورنيشات ومناطق سياحية ..حتى تجلب السياح..افضل من تلك المناظر..من بوفيهات وستات شاى وبائعات كسرة ونوواحدين لابسين كاكى...وصفافير لمواتر عند دخولهم وخروجهم..آآآهـ ثم آآآهـ ُ ثم آآآهـ ما اشبه آهاتى الثلاثة بحلفية لاهاى شكرا ود قاسم شكرا, ولقدام
|
Post: #41
Title: Re: أم درمان في أثوابها البالية
Author: ودقاسم
Date: 04-14-2005, 00:54 AM
Parent: #25
العزيز إسماعيل لك التحية أم درمان مؤتمر الخريجين ، أم درمان الجمعيات الأدبية ، أم درمان الأندية الثقافية والرياضية ، أم درمان الشعر والشعراء ،،، هذه أم درمان التي صنعها الرواد ،،، لكن المعاصرين فقط يجترون أمجادا صنعها الرواد ،،، ويكتفون بذلك ،،، أين جمعيات المعاصرين ؟ أين العمل الجماعي المنظم ؟ أين هم مثقفي أم درمان الحاليين ؟ وهل يعادل عملهم عددهم ؟
|
Post: #40
Title: Re: أم درمان في أثوابها البالية
Author: ودقاسم
Date: 04-14-2005, 00:46 AM
Parent: #20
أستاذ محمد الواثق تحية واحتراما نعم هناك تمازج اجتماعي أمدرماني ، وهذا ما يجعل قلوب السودانيين تهفو إلى أم درمان ، فهم ينظرون إلى أم درمان وكأنها قائدة الركب الوطني ، ورائدة الوحدة الوطنية ، وبوتقة إنصهارها ،،، لكن أم درمان وهي تلعب هذا الدور لابد أن تقدم نفسها للناس في ثوب أجمل وأرقى ،، حتى يتعلم الناس من أم درمان أن الجمال لا يتجزأ ، وأن الحياة تكون أحلى عندما تتحرك كل جوانبها ،،،
|
Post: #34
Title: Re: أم درمان في أثوابها البالية
Author: حمزاوي
Date: 04-13-2005, 06:35 AM
Parent: #1
ام درمان . . امدر أمان ( هكذا سموها النوبيون ) سماها الامام محمد احمد المهدي البقعة ام درمان صارت مدينة في عهد الدولة المهدية وعاصمتها ، أذن هي مدينة حديثة لا يعرف عنها شئ قبل المهدية . منطقة ابوسعد (الفتيحاب حالياً) تعتبر من اقدم احياءها وود أرو وودنوباوي وسوق الشجرة ومرسى عبدالكريم ( مرسى المراكب العابرة من الشمال الي الجنوب والعكس ) حوش المحس والزرايب اسسها المحس اثناء تحركهم في التجارة ولتسهيل مهمة أرباب العشائر ، انشأ أغلب أحياء مدينة ام درمان من الوافدين التجار من جميع انحاء السودان وعساكر جيش المهدي واتباعه عشان كدا تجد جميع قبائل السودان موجودة في ام درمان عشان كدا يطلق عليها السودان مجازاً لتواجد جميع قبائل واجناس السودان .
|
Post: #36
Title: Re: أم درمان في أثوابها البالية
Author: banadieha
Date: 04-13-2005, 08:58 AM
Parent: #35
Ismaeil H. Mohamed
Thanks alot for the post. Believe me it was the very post I had been looking for to link to this post and when I failed to reach it I put the said links. It is a post of "the first water"...Omdurman isn't "out of sight out of mind" case. It is alway there
|
Post: #37
Title: Re: أم درمان في أثوابها البالية
Author: عمر الفاروق شيخ الدين
Date: 04-13-2005, 09:33 AM
Parent: #36
Quote: فلتذهب أم درمان التي لا أريد ، ولتحل محلها أم درمان جديدة ،، |
فلتبقا أمدرمان التي نريد .. ولتذهب أمدرمان التي تريدون ..
|
Post: #38
Title: Re: أم درمان في أثوابها البالية
Author: حسام يوسف
Date: 04-13-2005, 04:08 PM
Parent: #37
Quote: أنا البفداك يا بلدي أنا أم درمان لسان حالك أريتك تدري بحالي أنا القدرت أحوالك وحبك بدري أحوالي أقوم بأعظم الأدوار .. وأكون الساحة للثوار وأبقى البقعة للأحرار .. وأمثل عزة السودان
|
|
Post: #57
Title: Re: أم درمان في أثوابها البالية
Author: ودقاسم
Date: 04-16-2005, 00:41 AM
Parent: #38
حسام سلام وتقدير أقوم باعظم الأدوار !! ما هو هذا الدور إن لم يكن إضافة ،،، إذا كنّا سنبقى مراوحين مكاننا ، فما هو الدور العظيم الذي نقوم به في هذه الحالة ،،، أعتقد أنه الوقوف في وجه التطور ،،، وهذا نهر جارف يسوق أمامه كل ما يعترض طريقه ليطهّر مجراه ويجدده ...
|
Post: #56
Title: Re: أم درمان في أثوابها البالية
Author: ودقاسم
Date: 04-16-2005, 00:38 AM
Parent: #37
عمر الفاروق لك تحية أمدرمانية خالصة العلم يتقدم ، والناس يتقدمون إن شاءوا أو أبوا ،،، والتطور سنة الحياة ، لكنّ هناك البعض يتطور ببط ، وهناك من يقاوم التطور ، وهو كمن يصدّ ضوء الشمس بكفه ، وضوء الشمس بالغ مداه .. افسحوا المجال للتطور والتحديث ، بل ، وساهموا فيه ...
|
Post: #55
Title: Re: أم درمان في أثوابها البالية
Author: ودقاسم
Date: 04-16-2005, 00:35 AM
Parent: #36
ولك الشكر عزيزنا بناديها ...
|
Post: #54
Title: Re: أم درمان في أثوابها البالية
Author: ودقاسم
Date: 04-16-2005, 00:34 AM
Parent: #35
أستاذ اسماعيل لك الاحترام والشكر ،،
|
Post: #53
Title: Re: أم درمان في أثوابها البالية
Author: ودقاسم
Date: 04-16-2005, 00:33 AM
Parent: #34
الزعيم حمزاوي ليك سلام كبير شكرا للمعلومات ، ولا أفهم كيف يقول البعض أن أم درمان مدينة تاريخية وعمرها لم يتجاوز المائة عام ،، أي تاريخ هذا الذي عمره مائة عام ،،، قريتنا في الجزيرة عمرها أكثر من خمسمائة عام ،،،
|
Post: #39
Title: Re: أم درمان في أثوابها البالية
Author: 3mk-Tango
Date: 04-13-2005, 05:20 PM
Parent: #1
ود الموج يا اخوي الحبايب ديل قصرت معاهم في الشعيرية ولا شنو ؟
|
Post: #43
Title: Re: أم درمان في أثوابها البالية
Author: Ismaeil H. Mohamed
Date: 04-14-2005, 01:42 AM
Parent: #39
الأخي الحبيب بناديها (صحيحه كده)
أنا صاحب البوست بحثت أكثر من ربع الساعة حتي وجدته لا أدري هل هناك مشكلة في نظام البحث أم المشكلة في جهلي بتشغيله ...... أرجوا الإفادة من أصحاب المعرفة.
Quote: Case it is always there |
نعم هي كذالك .... حتّي أنها لا تحتاج للمناداة
لك ودي
إسماعيل حميم
|
Post: #45
Title: Re: أم درمان في أثوابها البالية
Author: A.Razek Althalib
Date: 04-14-2005, 03:24 AM
Parent: #43
خال العيا.. ود قاسم... ما بين الماضي والحاضر... تواصل أجيال... أم درمان.. رمزية.. أمة.. أصالة.. جسارة... أم درمان.. الطابية.. وحوش الخليفة.. وقبة المهدي الإمام.. أم درمان.. العارضة.. والعباسية.. وحي الأمراء.. أم درمان.. البرق البيضوي...
أم درمان.. هي السودان...
|
Post: #59
Title: Re: أم درمان في أثوابها البالية
Author: ودقاسم
Date: 04-16-2005, 01:10 AM
Parent: #45
عبد الرازق سلام وشوق صحيح ما قلت ... لكنّي وددت لو أن أبناء أم درمان استنهضوا أنفسهم ليجعلوا دينتهم : أم درمان الجمال ام درمان الوسامة أم درما الحضارة أم درمان نظافة البيئة وغيرها من وجوه الجمال ..
|
Post: #46
Title: Re: أم درمان في أثوابها البالية
Author: معتصم دفع الله
Date: 04-14-2005, 04:04 AM
Parent: #39
Quote: ود الموج يا اخوي الحبايب ديل قصرت معاهم في الشعيرية ولا شنو ؟ |
تنقو أخوي .. إنت ما سمعت بالعروس السألها زوجها في شهر العسل ؟ .. أها دي حكاية براها .. صاحبنا ما قصر جاب الشيلة لمن الناس ما مصدقه زاتو .. وساق مرتو حومه ليك في بلاد الله .. أها في لحظة تجلي كده وصفاء مع العروس .. سألها قال ليها أها إن شاء الله الشيلة عجبتكم والحاجات ما شوية .. ردت عليهو المسكينة قالت ليهو والله كل حاجة تمام إلا الشعيرية شوية ..
|
Post: #60
Title: Re: أم درمان في أثوابها البالية
Author: ودقاسم
Date: 04-16-2005, 01:15 AM
Parent: #46
معتصم الهمام سلام واحترام ارأيت كيف ننقل لهم الضحكة والبهجة ، أرأيت كيف تنطلق البسمة من الريف إلى أم درمان ،، لو أنهم استفادوا من وجود مؤسسة قومية كالمسرح القومي لملأوا السودان ضحكا وابتساما ،،، لكنهم جعلوا كل المؤسسات القومية مباني خالية من الروح ، ورموها ليد الجهل والظلام ، فأصبح ليل مدينتهم حالكا ، ولم تتمكن من الاستمرار في دور الريادة ،،، وهي الآن تستغيث بالأقاليم بدلا من أن تمدها بجرعة من تطوّر ..
|
Post: #58
Title: Re: أم درمان في أثوابها البالية
Author: ودقاسم
Date: 04-16-2005, 00:44 AM
Parent: #39
عمك تنقو مشتاقين الشعيرية شعيريتنا ، ونحن أسيادها .. مش مصنوعة من القمح ؟ مش نحن اللي بنزع القمح ؟ أم درمان مستهلك كبير ، وملوث للمياه الجوفية أيضا !!!
|
Post: #47
Title: Re: أم درمان في أثوابها البالية
Author: صديق الموج
Date: 04-14-2005, 05:47 AM
Parent: #1
[QUOTE]فلتذهب أم درمان التي لا أريد ، ولتحل محلها أم درمان جديدة ،، مدينة حديثة ، تجعل أعناق قرانا تتطلع إلى الوصول إليها ،،، |
فليذهب اهل العوض وبعد داك اسالونا من امدرمان
والله زمان ناس امدرمان تلقى الزول حلاقو واحد،وترزيه واحد،والجزار واحد، وسيد الخضار واحد ده قبل الهجرة الطوفانية. صدق العبادى حين قال:مسكينة امدرمان القامت بى جهلا ادت الغريب ورمت اهلا(اهلها) امدرمان بوتقة لانصهار القبائل السودانية مثال: ماهى جنسية الهادى نصر الدين(الضلالى) سينا،احمد داوؤد لاحد يعرف المهم امدرمانيون. ما ملاحظين الهنود عندما هاجروا لم يختارو الا امدرمان موطنا وهم قادمين من بلاد كانت تسمى درة التاج البريطانى اهل امدرمان هم جالبى الموضة من بلاد الفرنج الشارلشتون(اول من لبسه منصور خالد) امدرمان اول مدينة سودانية تقيم معرضا للزهور امدرمان حقيبة الفن وهناك 58 اغنية تجد فيها اسم امدرمان والطريف الخرطوم القريبة من امدرمان لم يرد اسمها الا عند النور الجيلانى وقال (ودع قوم سيب الخرطوم قوم بارحها) اهل امدرمان اسياد المائدة فول احمد سعد وكركدى حسن قرشى وليمون صابر وسمك السوكى حتى فى الشراب عسلية حواء كلاب ومريسة عشة ووكر ودى على وزن الجونىويكر..اهل امدرمان سادة لعب الورق الحلال منه ومافى البدوك.. 99% من رؤساء السودان ووزراووءها من عندنا بما فيهم سىء الذكر نميرى وحمانا الله من الحالى. امدرمان حضنت كل شعراء الحقيبة وفنانيها الاوائل استثنى ودالرضى واولاد شمبات والجاغريو امدرمان هلال مريخ موردة امدرمان يكفيها فخرا كما قال عبد الله محمد زين انها تشرب بكرى النيل امدرمان جاءها الناس من بقاع السودان المختلفة فيهم من اطرب وفيهم من اطنب مثل كاتب البوست ده مش اطنب بخيمته بل صار يمتلك منزلا عندو نمرة كمان . تمبس قلت لى سيد الرادى بضحك ليه؟وده سؤال يا تمبوس وهاك دى قالوا واحد من اياهم واقف جنب حوش الخليفة وطبعا بجو بنات امدرمان الثانوية والمليك ومدارس الشاطى وكلية المعلمات والاحفاد وبيت الامانة الوسطى وكلما يهم بالمشى يجى سرب من حسان امدرمان شى احمر وشى اصفر وشى خدرة دقاقة وخاتف لونين البطلع...الزول زولك واقف من 6 الى الساعة 9 اخوه قال ليه العوض قوماك يومنا راح رد العوض والله يازول حريم امدرمان ديل متل الرغيف الزول اصلوا مابشبع منهن، اخيرا عوافى الله يرد غربتكم ويكتب سلامتكم ويوصلكم معتوفاتكم وقلقالاتكم وباوقاتكم سالمين يارب العالمين وكان جيناكم هناك املوا عبكم حجار ولقطونا بيهن،،،
|