حتى لا تبور مواضيعي سأتبع طريقة الزميلة سارة منصور

كثيرا ما أتعب في إعداد وكتابة بعض مواضيعي التي أنشرها بالمنبر الحر ، خاصة بعض المواضيع الجادة ، والجدية عندي اقتصاد وسياسة وفكر ،، لكن كثيرا ما تسقط هذه المواضيع إلى القاع ، فأتناساها وأعود مرة أخرى لمواضيع الهيافة الاجتماعية أو الأدبية ،، وكثيرا ما أستحي عن رفع البوست بنفسي ، ولا أنكر انني أحيانا أمارسها وكلي غيظ من انصرافية زملاء المنبر ،،
وقد لاحظت منذ فترة أن شيري تكتب بعض مواضيعها على دفعات ، لكن عدد دفعات شيري يتناسب مع حجم الموضوع وأهميته ، والناس عادة ينتظرون دفعات شيري بفارغ الصبر ،،
عادة أكتب ببعض الإطالة وبعض الإسهاب ، لكني نادرا ما أتبع طريقة الدفعات ،، لعدة أسباب منها :
1- لا أرى أن مواضيعي شيقة لدرجة تجعل الناس ينتظرون الدفعات القادمة ،،
2- لا أكتب على النت مباشرة وإنما أتبع طريقة الكت آند بيست ،،
3- لدي اعتقاد أن تعدد البوستات فيه إهدار للباندويدث بتاع أخونا بكري ولذا أحاول عدم الإسراف ،،
لكن لاحظت أخيرا أن مواضيع الزميلة سارة منصور تلاقي إقبالا كبيرا ، حيث أجد أن عدد القراء 20 وعدد المداخلات 12 ، أي أن أكثر من نصف القراء يدلون بمداخلات في مواضيع الزميلة سارة منصور ،، لكني عندما أفتح البوست أجد أن جميع المداخلات هي للزميلة سارة منصور نفسهادون تدخل من أي طرف آخر ،،،
فقلت أن هذه تقنية تسويقية جديدة يجدر بي أن أتبعها في بوستاتي البائرة ،،،
وجاكم بلا ،، ما فيش بوست من بوستاتي ينزل القاع .. وإلا سوف ترون والسلام ..

ما عندك مانع يازول
بس عليك الله ما تجيب لينا سيرة الأف بي اي
عشان نحن ناس بنخاف

المسافر والله كان الإف بي آي بيخوفكم ويخليكم ترفعوا بوستات الناس يكون دي أقرب وسيلة نستخدمها لتخويفكم ،، كل الوسائل المتاحة سنستخدمها ، وسنبحث عن وسائل جديدة ، وأهم شئ إنو البوست يترفع ..

الاخ ود قاسم/ الصمت ابلغ من آي حديث احيانا ...

اخوى ود قاسم
فى دى ما تشيل هم
إنت بس نزل وانا وتمبس واحمد حنين بنرفعهم ليك

ترهاقا العظيم
أهو الواحد ضمن ليهو ثلاثة قراء ، وأفراد عائلتي متابعين للبورد يعني أقل حاجة ثلاثة تانين ،، يعني أي موضوع ننزلو أقل حاجة بلاقي ستة قراء ، والله خير كتير ،،

الزميلة سارة منصور
من ناحية العوض ربنا يعوضك من خيره ورحمته وبركاته ، وقد قرات بوست الصديق الوفي ، ابني وابن منطقتي العزيز هوبفل ،، وأنا بيني وبينك وبالرغم من التواصل الهاتفي مع هوب إلا أنني في البورد لا أتعاون معه مطلقا ، وأوده لو يهجر البورد هو وآخرين ،، وبالتالي فأنا لا أرد على بوستاته من باب امتناعي للترويج له ،، وهو وإن أنزل ذاك الخبر المشئوم ، إلا أنه اتهم زملاء المنبر أنهم السبب ،، وأنا لا أنفي ولا أثبت ، لكني أقول لهوب أن تقتل القتيل فتلك جريمة ، وأن تقتله وتمشي في جنازته فهاتين جريمتين ، وأعتقد يكفي أن يكون زملاء المنبر متهمين في جريمة واحدة ، هذا أفضل من اتهامهم في جريمتين ،، خاصة والمسألة فيها إف بي آي كما أشار أحد الزملاء ،،
لكني لم أنتبه إلى التقنية التسويقية الجديدة للبوستات إلا مؤخرا ، ولو كان هوب سبقني لاكتشافها لما فرحت بها ،، لكنه اكتشافي الخاص ، وأشكرك عليه شكرا قيما ، فسأكتب بالتقسيط ، مثلا مائة قسط ، ويبلغ عدد قرائي مائة وعشرة لأن هناك عشرة فتحوا البوست ولا أعلم هل قرأوه أم لا ، لكني سأفترض أنهم قرأوه ، فيصبح عدد قرائي كما قلت مائة وعشرة ، والمداخلات تسعة وتسعين ، إضافة للبوست الرئيسي ،، ويظل موضوعي لمدة أسبوع في الواجهة لأنني أتحكم في المدة ،،
الزميلة سارة منصور ،، تعرفين أن النميري كان عادة يفوز ب 99% من أصوات الناخبين ، وتعرفين أن البشير يفوز أيضا بأغلبية ساحقة ،، يا ربي هل كل الأرقام التي تطالعنا في الاحصائيات هي أرقام صحيحة ؟؟

حاضر يا ترهاقا
ما عليك نحن بنرفع وود قاسم ينقنق
يا ود قاسم انت غلطان
والغلط راكبك من رأسك لكرعيك
لية ما تقول للأخت ( ربنا يعوض عليك)
ولا يمكن منتظر الجاي
والله ما عرفناه دا منبر ولا عنبر ولادة
يا ربي الداية يكون تمبس ولا ود شندي

كدى النستغل بوست ود قاسم ونقول لسارة الله يعوضك ...وانا يطرشنى

يا سارة الا الليلة.

نجى لود قاسم...يا اخوى عندك كم بوست كده كانوا بايرين والله انا

رفعتهم لما حيلى انهده اجارتك على الله ما قلتها لى...دحين ده

اخر بوست نرفعوا ليك..وبعدين هو بوست والا فراش بكاء...الداير

ترفعوا براك ده..الله يعينكم بورداب الرياض..والبكاء بحرروه اهله

اجارتنا على الله ..اها هيلاهوب هادى رفعة..وصدق الفنان القال

والبوست البقع بيناتنا بنسدوا..ورينى كتفك يا احمد حنين،،،

صديق الموج
ما إنت لسة جديد ، اتعلم في بوستاتي أخير لك من تتعتر عند الناس الغرباء ، شيل الشيلة مع حنين ، وترهاقا ،،
وبعدين منو القاليك سارة هاتشوف مواساتك ليها ، إنت لازم تدخل بوست هوبفل وتعمل المسألة دي هناك ،، يا صديق لا يقبل الحج في جدة ولا الزيارة في الرياض ،، فالإدانة راكباك ،، راكباك ،، مش تعمل يطرشني ، ويعميني ،،
أمي بتقول :
أضاني طرشا وعيني خرشا ..
ونقول يمة والله سمعتي وشفتي ،،
تقول : سمعت ،، سمعت ،، إنتو مالكن ومالي ،،

أحمد حنين
يجازيك رب العالمين ،، من وين بتجيب جنس الكلام ده ،،

Quote: والله ما عرفناه دا منبر ولا عنبر ولادة يا ربي الداية يكون تمبس ولا ود شندي

عارفك يا أحمد إنت وترهاقا حمالين أسية وشيالين قاسية ،،
يديكم العافية .

الاخ ود قاسم

اوافقك الرأى انو اهتمامات ناس البورد هامشية...

احسبني مع الجماعة...

اها عندك رابع او رابعه العدوية...

انا اعاني من البورة برضو اذا كان ده عزاء...

سلوى سعيد
حاشاك البورة ، أكتبي وستجدينا مطالعين ومحاورين ،،
لك التحية والود

العزيز ود قاسم
لك الود
والله يا اخوى بوستاتك الواحد غصبا عنه بقراها حتى لو
ما كان عنده تعليق عليها عشان الفايدة براها رحمة من
الله .
كثيرا ما قرأت لك وعرفت حاجات مفيدة جدا ما كنت عارفاها
وكثيرا ما كتبت واستفسرت وشرحت حاجات مماثلة مرت بينا فى
الغربة ولكن ؟؟؟ المهم فى النهاية الغاية الانت وصلت ليها
وهى ان تفيد زملائك بما تعرفه ولا يعرفونه هم وهذا هو المطلوب
من طرحك لاى موضوع .
اذا قرأ لك خمسين ورد عليك عشرين فقط هذا افضل استفاد منك
العشرين بالرد والاستفسار .
خير من ان يقرأ لك الف شخص ولا يرد عليك واحد هذا يعنى انك
تكتب كلام لا يفيد وعدد الزوار ما مقياس اخى ود قاسم ممكن
الزائر يفتح البوست ويقفله فى نص ثانية ويزيد من عدد الزوار
وما يكون استفاد من حرف كما نفعل نحن فى الاشياء البنلقاها
خارم بارم ...
لك التحايا
ولاسرتك الكريمة
ام وضاح

الاخ ود قاسم
انت لست فى حوجة لا ستخدام اي من تقنيات التسويق المستحدثة و المستجلبة, فقلمك كما اري يحمل كل القدرات على الصمود وعلى جلب الفائدة وعلى خلخلة الثوابت بل و الكثير من مواضيعك تحفز على اعمال العقل و من ثم ادارة حوار داخلى مع النفس عند التلقى يكون الحوار قد اكتمل مع النفس جين يشاركك العبض بانطباعاتهم حول موضوعاتك سواء اختلفوا معك فى الراي ام اتفقوا بدرجات حتما ستتفاوت.

وعشان اتتاكد بنفسك واشهد عليك المشاركين فى هذا الخيط ارجو الرجوع للوصلة ادناه

العبيط يفتح النار على نفسه ،، أمدرمان تلتهم الجيران

ده موضوع لود قاسم فيه اربعة مداخلات لم يرد الاخ ودقاسم على اي منها ففر الى الامام بفتح بوست جديد, و اعتقد ان بوستاته بائرة مما دفعه الى الاستفادة من الخبرات الساروية التى هو ليس فى حوجة لها.

لك احترامى فقط اكتب و جود ما تكتب ولا تابه الى من سيقرا.

بكري الجاك

العزيز بكري الجاك
شنو يعني جبتها بي ضبانتا ،، في أي شئ لازم تستخدموا الاحصائيات ؟ ولازم شهود عيان ؟ بس صدقني حلوة حكاية الخبرات الساروية دي ،، أحب مثل هذه الاشتقاقات ،،

الاخ ودقاسم
سلامي
انا من اشد المعجبين والمواظبيين علي كتاباتك ولكني
نادرا ما اشارك نسبة لانه كتاباتك شاملة وماقاعد تخلي
لينا اي فرصة لاضافة المزيد

بالجد في ناس هنا في هذا البورد اللة يخليهم لينا لانه
مفرقين علينا في الغربة الصعبة دي خاصة اذا كان الانسان
كل فترة في بلد
ومن هؤلاء انت وسيجمان ويازول يازول وتماضر وخالد
الحاج ورجاء العباسي وبقية العقد الفريد.

تحياتي وتقديري

تسنيم
لك التحية والمودة ، وشكرا لك على اعتبارك لي أحد المقرويين في المنبر ، وكمان من العقد الفريد ،، لكن يا تسنيم والله تقنية سارة للتسويق تقنية جديدة وجديرة بالدراسة والتقييم ..

العزيزة أم وضاح
يعني شايفة معاي أنو المسألة بتاعة الأرقام دي ما مقياس ؟ ممكن نخلي وليداتنا يفتحوا بوستاتنا طول اليوم ونحقق ارقام قياسية ، لكن هل نحن نبني أم نهدم ، نفيد أم نعطل ؟
بس برضو يا أم وضاح أنا شايف إنو تقنية التسويق الجديدة دي فنانة بالجد ،، وسأطبقها ،، ما هي برضو طرح إنساني جدير بالتجربة والتعرف عليه ،،
لك الشكر ..

العزيز ود قاسم
ماتشيل هم ياخوى نحنا بنعتل معاك.. بس شغل القطاعى ده مابنفع معانا خاصة فى مواضيعك الدسمة، تقديرى واعزازى

الزميل بشرى
والله عارفك ما بتقصر ، بس أنا عاجباني وسيلة التسويق الجديدة ،، إيه رأيك تنزل لينا قصيدة مجزأة ؟؟

Dear Wadgasim,

please don't!

We like your posts as they are

اذا سمحت ممكن انا برضو اقول ياخال ؟
طيب اذا افترضنا انك سمحت
ياخال خليهم سبعة قراء مضمونين
السابعة دي انا .. وبصراحة هى مواضيع في المليان .. اذا الواحد/ة ماقدر يعقب فهو بالتأكيد مستفيد ..
حقو للزينا ديل يعملوا حتة صغيرة كدا نكتب اسمنا ونطلع ..
إحتراماتي ..

الملكة
وأنا لاقي أن تكون بنت أختي ملكة ،، أهلا بك ،، وأنا أيضا قارئ متابع لكل ما تكتبين ، لكن ليس لي في الشعر راي ، وأدع ذلك لأبناء أختي ، شتات ، معتصم ، المطر ، جورج ،،
لكني أروج للطريقة التي تتبعها الزميلة سارة في تسويق مواضيعها ، وتكوين إحصائيات تجميعية ربما تنقل الكاتب إلى موسوعة جينيس ..

ندى علي
التردد تجاه الوسائل والتقنيات الجديدة سمة غالبة ،، أنا متأكد أن وسيلة الزميلة سارة تعتبر وسيلة ناجعة ،، دعونا نجرب ، وأدعوكم لتجربوا ، وعلى بكري أن يتحمل المزيد من الإهدار للباندويدث ،،

ود قاسم يا حبوب
ممكن أشترك في المسابقة؟
لقد ظللنا ندخل في المواضيع و الناس بطريقة تووووووووش إلا مسابقة التلفزيون الوحيدة التي نستأذن للإشتراك فيها و هي أحق بتوووووش التوووووش ذاتو....نحن كنا بنقول شنو؟ آآي صاح البوستات بتاعة ود قاسم, بصراحة من يوم فوزية أدتك العين الحمرا و بقيت ما بتتكلم عن الزاج التاني نحن فتحنا ليك ياخي ليه؟ ما دام إنت عندك حق القول ما تفرح الكاضمين ديل بي كلمتين و ليك علي نرفع ليك من صفحة خمسين بس فك اللعب زي زمان.

الطيب
خليك في وضعك الحالي أحسن لك ،، بلاش تهبش ،، خايف عليك من الوقعة المهببة ،، بعدين ما تعرف تسوّق أمورك كيف ،،

صديقى ود قاسم
امسك عندك تمانية
انا بعد الملكة....

بالجد ياود قاسم انا نادرا ما اكون ما دخلت ليك موضوع...بس انا عادة يا اما فى الجامعة ما عندى عربى وانا باكره الكتابة بالانجليزى او اخرين/يات كتبوا/ن ما اود قوله...وانا عندى سكاتى ولا الكلام النى
ومرات كتيرة باكتفى بالصمت عشان باكون ما عارفة اقول شنو
لكن مجرد اسمك دعاية تسويقية لاى بوست
غايتو انا عندى 15 زول/ة بادخل اى بوست يكتبوهو من غير تردد وما خاب ظنى الا قليلا
وفى ناس لو كتبوا اسمهم بس.. ما باكون قادرة اقراهو

الله يعين

مودتى

هالة

العزيزة هالة
شرف كبير لودقاسم أن تقرأيه ،، ويعلم الله أني أهتم بكل كلمة تكتبين ،، وقد ناقشت تمبس مرة في كتاباتك ، واتفقنا أنك مقلة ، واتهمناك بالبخل ،، بالرغم من أننا ربما نجد لك العذر في مشاغلك الأكاديمية ،، اتمنى لك التوفيق ،،

انا برضو من الزباين الدايمين حتي قبل ما ابقي عضو بقرا ليك يا ود قاسم

ود قاسم..
طبعا ما منتظر شهادة مني..
مدمن أنا بوستاتك وتعجبني بحق لما تقول البغلة في الإبريق.
عمومآ حبيت أسجل إسمي هنا.وخليك زي ما إنت يا ود قاسم الدروشة بعد الكبر شينة.

والله ياخال أنا جيت أقول الحكاية شنو ..
لكن إنتو الفاتحة دي خاتنها وييييين ..
ودي حكاية واحد بتاع مزاج أبوه مات ..
وأيام العزاء كانت عصيبة عليه زي الزفت ..
المهم آخر يوم لملم ليك عدة الفراش حتى باقي الأباريف وزعه لناس الحلة ..
وخت كرسيه وست الحوش وبدأ يعدل في مزاجه ..
جوه ليك جماعة يشيلوا معاه الفاتحة دقوا الباب سألهم عايزين شنو ..
قالوا ليه عايزين نشيل الفاتحة ..
وصاحبنا على حسب القرفة إتذكر ليك الفرش والمساند والكراسي ونسى أبوه الميت ..
قام قال ليهم إنتو الفاتحة دي خاتنها وييييييييين ..

أكتب يا خال فنحن ننتظر منك الكثير ..

لك خالص مؤدتي ..

ههههههه يا ود قاسم أرفع وربنا يعينك
يا زول البورد دة عشان الناس تخش و
تشاركك بوستاتك و طروحاتك لازم تكون

متبع سياسة تسويقية بحتة انت قايل
انو الكتابات هنا لازم تكون هادفة
عشان ما يلحقوها ليك بوستات طـه؟
لا كان كدة انت ما عارف حاجة يازول
اهم حاجة تعمل دعاية ومسابقة وجوائز
يعني ممكن تقول أقري بوستين و أحصل
علي التالت مجاناً و كان لي زولتك
سارة منصور والله مجتهدة و بتوصل حاجاتها
ودة المهم لكن حجم الردود والقراء دة
سيبو علي الله وربنا يعيييييينك يا حبيب

ودقاسم ...

ود اهلى العزيز...
حقيقة لما اشوف ليك موضوع فى الصفحة الاولى ...بتطمن...انه البورد بخير..وانه لسه بتيح للزول الخلاق ..او المناكف...او الحقانى..او الجرىء ...فيك انه يكتب...

ما بتحتاج لدعاية انتخابية ..ولا كوم ولا شلة ...انت كومك ...عملك وقلمك...ونحن ما عندنا خيار غير نقراك...


اكتب وخلى الباقى على " مشاهديا الاعزاء".....ههاهاهاهاها

العزيز ود قاسم التحايا لك والتقدير لقلمك ذى النكهة السودانية .
أنا واحد من قراءك المستديمين منذ أن وطأ قلمك أرض هذا الوطن السيبيرى وان كنت من الأخيرين زمانهم فى الأنضمام اليكم.
واصل لما أنت فيه ولا حوجة لك لأى نوع من التقنيات الا ما تشير لك به نفسك التواقة لافادة الآخرين.
أكتب وأكتب ولا تدع يراعك يجف من المداد وكم هو مكتوب على صفحات هذا البورد ولا يسوى المداد الذى كتب به.
والسلام ولا قدام.

ودقاسم
دعني هنا استعير مقولة للزميلة لنا مهدي في بوستك عن خالتي حوا وهي قالت اي لنا كرد لشكرك لها علي رفع البوست قالت
بوستاتك براها شايلا حيلا
وحقيقي انا من المتابعين ايضا لكتاباتك وربما قليل جدا اشارك فيها بالرد او السرد ..ولك لغة عالية ربما اسميها انا بمصطلح خاص جدا لغة تطريب بالاضافة لانها عميقة
وانت لاتحتاج اطلاقا لمن يرفع بوستاتك او لان تكتب بوست بهذا العنوان والذي اظن انك لم توفق فيه
حقيقة لغتك عالية جدا جدا واسلوبك شيق جدا جدا
واظن ان الاخ ابوجهينة بنفس الطريقة له لغة عجيبة في سروداته التي يتحفنا بها هنا في البورد
علي العموم اطرح انت افكارك وبي لغتك دي اظن وصولا سهل جدا وماتبقي متروك لفطنة القراء وبي المناسبة طرح فكرة ما اوقضية في هذا المنبر وكانت نتيجته استفادة لعضو واحد فقط اظنها محمدة كبيرة لانك في ختام الامر لن ترضي كل الاذواق فبالضرورة ان لاتخسرها كلها والحالة الاخيرة يمكن حسمها بدخول عضو واحد فقط لاغير فتكون حينها قد بلغت ماتصبو اليه ان كنت تبتغي الفائدة العامة
القصة القصيرة
اعجبتني جدا جدا قصة خالتي حوا وصراعها في اعتباراتي صراع مستديم بين علم وجهل الي ان تقوم الساعة وهي قد لامست فيَ عصب قضة مؤرقة تجاه مجتمعنا الصفوي او قول النخبوي والتي اراها ماثلة هنا في البورد لذلك اعجبتني ومازلت اتتبعها
ومن هنا بقول ختنا في القائمة وتب ما عندك مشكلة بس انت اكتب انشاء الله تكتب وانت مخلوع من نطا ينط مفزوعا
ودمت

ودرملية
أنت واحد من الذين سوقوا ( شبكة خالتي حوة ) وتسويق بي عقل ، مش أي كلام ،،
أشكرك على المداخلة القيمة ، وأتقبل نقدك لفكرة العنوان ،، لكن العنوان لم يكن هدفا في حد ذاته ،، فقد قصدت من العنوان ومن البوست عموما أن أنبه إلى الطريقة التي تتبعها الزميلة سارة ، وأن أنبه إلى أن هذه الوسيلة ليست وسيلة سليمة وأنها مضيعة لوقت القاري وإرهاق لباندويدث بكري وأنها في النهاية لا تزيد شيئا من عدد القراء وعدد المتداخلين ،،
بالرغم من أن غالبية المتداخلين لم يصلوا إلى الهدف الذي سعيت من أجله مما دفعني لاعتبار هذالبوست عملا سلبيا حين ظنه الكثيرين أنني اسوق لنفسي وأن بي حزن لأن بعض بوستاتي لا يقرأها عدد كاف ،،
تسلم ود رملية ..

ودرملية
أنت واحد من الذين سوقوا ( شبكة خالتي حوة ) وتسويق بي عقل ، مش أي كلام ،،
أشكرك على المداخلة القيمة ، وأتقبل نقدك لفكرة العنوان ،، لكن العنوان لم يكن هدفا في حد ذاته ،، فقد قصدت من العنوان ومن البوست عموما أن أنبه إلى الطريقة التي تتبعها الزميلة سارة ، وأن أنبه إلى أن هذه الوسيلة ليست وسيلة سليمة وأنها مضيعة لوقت القاري وإرهاق لباندويدث بكري وأنها في النهاية لا تزيد شيئا من عدد القراء وعدد المتداخلين ،،
بالرغم من أن غالبية المتداخلين لم يصلوا إلى الهدف الذي سعيت من أجله مما دفعني لاعتبار هذالبوست عملا سلبيا حين ظنه الكثيرين أنني اسوق لنفسي وأن بي حزن لأن بعض بوستاتي لا يقرأها عدد كاف ،،
تسلم ود رملية ..

Ashrinkale
يكفيني من زيارتك توقيعك أيها الرائع ،،

بت الخالة العزيزة
والله أنا ما شايل هم ( مشاهديا الأعزاء ) لأني عارفهم أعزاء ، بس أنا أعتبر نفسي أول من تعرّف على هذه التقنية ، وأول من انتبه لها ، وأحاول تقييمها ، والاستفادة منها ،، بس شايف كل الناس نصحوني بعدم استخدامها ،، يا ربي يكونوا عارفين سلبياتها وما قادرين يقولوا ،،

حبيب نورة ، حبيبي
يعني أقدر أفهم إنو تقنية رفع البوست من قبل كاتبه ، أو تجزئة الكتابة ، هي تقنية غير جديرة بالاهتمام ، وإنها ما جايبة همها ،،
والله لو بقت على الجوائز أنا جوائزي وهداياي جاهزة ، بس المشكلة في الشحن والتسليم ،،

معتصم
الفاتحة بقت تترسل عن طريق الإي ميل ، لا بشيلوها ولا بختوها ،، ويمكن تجيك ومعاها فيروس ، وهذه تقنية جديدة يا معتصم ،،
بس تعرف التقنية التسويقية الجديدة للبوستات شايف الجماعة كلهم ما مقتنعين بيها ،، وهؤلاء يومنون ببعض الكتاب ويكفرون ببعض ،،
لازم أي تقنية جديدة ناخد بيها كاملة ،،
لك الود الصافي ،،

خالد الحاج يا أكبر أبناء أختي
قلت الدروشة بعد الكبر شينة ؟ المشكلة يا خالد في حاجات كتيرة تدفعنا إلى الدروشة ،، والكبر ضعف ، لم نعد نستطيع المقاومة ،، لكن لمّن نتب تبّتنا بتبقى شينة ،، عارفك عاجباك التقنية التسويقية الجديدة ، بس مستحي تستخدمها ،، يا أخي بلا عقد معاك ،،

الأستاذة سلوى صيام
كتر خيرك على الصداقة المستمرة ، وإن شاء الله تدوم المودة ، وصدقيني أنا ابادلك الود بود مثله إن لم يكن أكبر ،،
لكن ما قلت رايك في تقنية التسويق التي أنتجتها بنات أفكار الزميلة سارة منصور ..

أبو قاسم ...

لك التحية الصباحية يا صباح الخير ..

والله ما ليك حق تقول الكلام ده ،،،

أولاً نحن ما قاعدين بس قول عووووووووووك ، وزي ما قال ليك العزيز جداً ما ظاهر جداً أخونا الفنان المرهف ترهاقا عظيم النوبة ،،، جاهزين جاهزين (بس ما ألت الجماعة ديك).

وبعدين يا أخوي إنت شايل هم القراية ما لك ،،، طبعاً إنت ماك قديم ومن زمن القراية أم دق ،، هسع يا يابا القراية ما بقت (القراية أم كليك) ما كليكتين ماوس والعداد يديك قراية والموضوع يكون مكتوب على فقرات في ملف وورد وكلها كلكات وcopy ، و Paste ووكيك على Post والموضوع يمشي زي الحلاوة ويبقى البوست حقك فيه 99 قراية و33 مداخلة خلال ربع ساعة ويكون قاعد في القمة شامخ يقول يا غربتي ،،، ولا من شاف ولا من درى... وعم بكري بي طريقته مع الباندوث والبنتيوم 4 والهارديسك ،،، ويكورك زي ما عاوز ،، والأهم من ده كله تدي صورتك لي أخونا تمبس يعلها شوية رتوش على أيتها برنامج وينزلها ليك أهم حاجة بي خلفية صفراء زي لون حيط أبو غريب ودي مهمة جداً عشان تديها أبعاد غريبية وتكون لافتة للأنظار.

نحن يالحبيب في عصر التكنولولجي والعولمة وأي نقد يبقى حسد وعلى قول جيرانا المصاري بس بتصرف (لمعني يا جدع) طبعاً (بدل رقصني ياجدع)، والداير ارقيص الليرقص...

وبعد ده خلي أتخن تخين يفتح خشمه علي بالطلاق نقوم ليك عليه ونسويه ليك حاسد وبغران ومن نا الما بتلحقه جدعه ،، وشوفت نطلع محسود مقصود وأنه الدنيا والعالمين ديل بيتأمروا عليك ودايرين يجيبوا ليك الضغت والسكري ويفلقوق بالحجار،، وا شريري ليك يا ود قاسم .


والله يخلي عمتي أمريكا ..............

ودقاسم انت بتلعب علينا ولا شنو ....


شابكنا حاستعمل تقنية سارة منصور الجديدة وفي نفس الوقت انت بتجرب فينا تقنية خصوم سارة منصور الجديدة ...

يعني بس استعمال اسمها في العنوان دي تقنية جديدة ...


لكن د كلو كوم ياخوي وتقنية بشري سلييمان دي كوم
غايتو لو وصلت بيك الدرجة للكوم التاني حاشن عليك حملة مقاطعة من الان ...

ود قاسم

تحية غير يابرة

و هناك طرق أخرى لعدم بوران المواضيع ،، لن أذكرها لك إلا بعد تظبيط موضوع ( البر ).

أبوجهينة
لك التحية
تعرف المسألة مش قلة تقنيات التسويق ، فهي متوفرة ، لكن كيفية اكتشافها واستنباطها وملاحظتها بدقة ،، هذه هي المشكلة ،،
فمن ناحيتي لاحظت هذه التقنية ، واعتمدتها كتفنية متقدمة ، وسأعض عليها بالنواجذ ،،

أبوجهينة
لك التحية
تعرف المسألة مش قلة تقنيات التسويق ، فهي متوفرة ، لكن كيفية اكتشافها واستنباطها وملاحظتها بدقة ،، هذه هي المشكلة ،،
فمن ناحيتي لاحظت هذه التقنية ، واعتمدتها كتفنية متقدمة ، وسأعض عليها بالنواجذ ،،

أبو أمنة
من حقي أن أستفيد من كل التجربة الإنسانية ،، وهناك عدة تقاوى أقصد تقنيات عرضت من خلال هذا البوست ، وهناك ما يمكن أن يبتدعه الزملاء ، وأنت الآن نبهتني لتقنية إضافية ،، ولك أن تسجل هذا الاكتشاف باسمك ،، بكري لازم يعمل لينا تسجيل براءة داخلي لاكتشافاتنا ،، ويكون من حق العضو أن يبتدع هو بنفسه أو يكتشف من خلال متابعته نظرية جديدة لم ينتبه صاحبها لتسجيلها ،، والتجربة لابد منها يا أستاذ جعفر ، وإلا كيف يتم إثبات النظرية كنظرية ؟؟
تسلم ..

الشايقي العزيز
كيفك ، ووينك ؟؟
تعرف في بعض الناس بيحبوا يسووا شغلتهم براهم ، وما بيدوا فرصة لأي زول يمد ليهم يد المساعدة ، وكمان ما بيقبلوا أي اعتراض أو نقد ،، الله يسلمك منهم ،، أنا ديل لو لقيتهم في البورد ما عندي شغلة بيهم ، بخليهم يعتلوا براهم ، وأبعد بعيد ، واقول ليهم الله يعينكم ،،
وفعلا اللا يخلي لينا العمة أمريكا ،،

عزيزي ودفعتي ودقاسم
السلام عليكم
اكتب ذي ما انت عايز واتحفنا ونحن نقرا ونتمتع
واهلنا قالوا المابيعرف الصقر يشويه
فقلت أن هذه تقنية تسويقية جديدة يجدر بي أن أتبعها في بوستاتي البائرة ،،،
بائر يبور فهي بائرة بوراً فللبائرات سوق في البورد (واحدة بائرة في البورد وصلحوا)
احمد حنين وتمبس الدايات
قالوا علي داية أحي انا ماقالوا علينا داية وووب علينا
تمبس وودشندي ووووب علينا في الدايات علينا
ماقالوا عليك حنين نان وين الحنيه
الدايات في ام درمان ووووب علي
الباشكاتب صديق الموج ( برافو )

ابن الدفعة حمزاوي
ليك ألف تحية ، وسلامات ،، شكلك كده مسخن شوية ،، مالك الليلة يا أخوي ؟ حد زعّلك ؟

ود قاسم...أولا: كثيرون يقرأون لك للأستفادة من المادة وهي في الغالب مفيدة كما عودتنا...أما مسألة الرد دي إنت ما تهتم بيها لأنو في الغالب الفائدة وصلت لمن يريدها
تعرف يا أبا القاسم..أنا أقرأ لبعض الكتاب هنا بمنتهي الأنتظام..يعني ما ممكن يكون عندهم بوست ولا أقرأه...فأنا فعلا رغم سنواتي ال 49 لكني تعلمت الكثير من هذا المنبر..ولكن نادرا ما أكتب أي تعليق..فأنا لا أبحث عن الشهرة( او أنا هنا)
ثانيا: مسالة رفع البوست فعلا مهمة..وأنا شايف لأصحابك وقراءك تعهدوا بها...إبقي دي مشكلة إتحلت
ثالثا: لزيادة عدد القراء...أكتب تحت إسم مؤنث..و عينك ما تشوف إلا النور

تحياتي وأستمروا في إمتاعنا يا مبدعي البورد

ود قاسم الاسد الهصور
كيفين مواضيعك قاعدة تبور
انت طالق فيها البخور
وبتهدى للزوار زهور
انا قاعد اعبر ليك بحور
وبنكت بوستاتك من اخر السطور
عاوز تقلد سارة منصور
البت العاملة الكجور
وانا بها بقيت مسحور
بس لو ما هبشت لى ذوات الخدور
رجوية غزال العتمور
وندى وراوية شبيهات البدور
انا كتير بكون مسرور
وسلامى ليكم فى اخر السطور

عشره

















وراجعه للتعليق

راوية
عشرة على عشرة ،،
بس الأيام دي اللي عايزك يلاقيك مع جورج وشتات والمطر ،،
والله الواحد كده ها يحاول يبقى شاعر ،
يا ريت تقولي رأيك في تقنية تسويق البوستات ..

أبوقوتة يا بخور الصندل
مشتاق ليك كتير شوقا متندل
بي الدرب الوسط لي غيطنا تنزل
نوّّارك يشيل وجدولنا ينهل
صحبانك كتار وعدوك مجندل
شيل السمح وخلي المبهدل
شيل الغنا وشوق السمندل

لو كنت شاعرا لكتبت لك أكثر ، فأنت تستحق أكثر ..

العزيز أسامة ميرغني
لك التحية ،، أعرف تماما أنك من الناس الرايقين في البورد ، وأعرف أن مثلك يحتاجه البورد ليكتسب توازنه ،، وأجدك دائما في مقام الناصح الأمين لزملائك في المنبر ،، لك الشكر على مواقفك ،، وإن حاولت أن تخفي نفسك فسنقول لك :
وهل يخفى القمر في سماهو ؟؟
لك الشكر ..

الاخ ودقاسم تحياتي

ياربي البوست دا مش يعتبر تقنية تسويقية برضو ؟؟

السنجك
مشتاقين
هذا البوست لم يؤت أكله ، ولم يصادف هدفه ،
آمل أن يقرأه بعض الزملاء قراءة جديدة ،،
هل التقنية التي تحدث عنها البوست موجودة أم لا ؟
هل استخدامها مفيد أم لا ؟
هل هي تقنية تفيد منبرنا وتجلب لنا مزيدا من المتابعين أم أنها تقنية منفرة ؟
عارفك يا السنجك قلبك حار وما بترضى الشينة لأخوك ،، لكن أنا أيضا لم أقصد الجري وراء الشينة إنما قصدت أن أنبه الزميلة سارة ، وأنبه الاخوة الكرام لعدم اتباع مثل هذه الأساليب ،، لأنني أجد نفسي شخصيا أنفر من مثل هذه الطريقة ، وأجدها تضر باخونا بكري ،، لذا أردت أن أطرح المسألة هنا للحوار ليقول الناس رأيهم ،، لكنهم للأسف ظنوا أنني أريد أن أسوق لنفسي أو أن أهدم آخرين ،،
أنا فقط أتحدث عن ظاهرة أرى أنها غير مرغوب بها وبيني وبينك تشاورت مع بعض الأصدقاء ووجدتهم متضايقين من استخدام هذه الطريقة ، فقلت أن المؤمن مرآة أخيه ، فلنفعل،،

أرجو أن أضيف أنه ليس بالضرورة أن كل المتابعين لمواضيعك (الجادة جميعها تقريبا) يكتبون ردوداً عليها .. في كثير من الأحيان نقرأ للفائدة فقط .. تحياتي لك .. لكن من حقك علينا أيضاً أن نرفع بوستاتك إن لامست الزلط ... أو كادت .

أبو قاسم العزيز

حكيم البورد
كثير من القراء لا يعقبون على ما يقرأون من مواضيع وهذا لايعنى بواره ولو أنه يقصر من عمر البوست ولكن نؤكد لك ان كل مواضيعك تجد التفاعل والقبول والإستحسان من كل المتواجدين وانا على راسهم....... فقط قد يكون قلة هم من يضبطون تلميحاتك وإشاراتك الضمنية..........وهؤلاء لا أعرف إن كنت انا منهم أم لا .....


على العموم انا أشك فى بورداب الرياض ديل ..... ممكن بدعوا فى مقام سيدنا إبراهيم لبوستاتهم

دمت أخى ود قاسم

قريبي عمر الماحي

Quote: على العموم انا أشك فى بورداب الرياض ديل ..... ممكن بدعوا فى مقام سيدنا إبراهيم لبوستاتهم

نحن مكلفين هوبفل عشان يدعي لينا في مكة ،،
لك التحية والود

أهل العوض أخوي
والله ما بتقصر ،، لكن عندي ليك طلب صغيرون كده ، وبرضو عارفك ما بتقصر :
تدور لينا أختنا دوما ،، سما ، أرض ، بحر ، من أي حتة ، وتجيبها ،، وأنا ناوي أنزل بوست كنداء لها ، لكن أرى أن الأنسب هو أنت أو شنتير ،،

أخي ود قاسم
ما تعمل اتفاقية
تبادل الأدوار مع
الزميلة سارة منصور
وسارة تسويق ليك أمريكا
وأكيد الأمريكي ما يحتاج
في الرياض

الخال الفاضل / ودقاسم

والله مشتاقين
بس نقول شنو الايام دي بعبر في وزن الرايه

ماتقول ود حنين ما خلاها علي كدا وبس !!!
زروني امبارح في حكايه الدايه ،،،، وديرين المعني شنو
انا مقتنع وناقش ..بس البفهم الديك شنو

ويا ود حنين بالله عليك خليك مع القراصه وبس

الغالي ودشندي
إنت لسة في البر ؟ ما تشوف لينا طريقة للعرضة قبّال ما كرعينا ديل ينشفوا .. خليهو الضهر داك من زمن ما بقى بستحمل سيطان ،،،
قاعد تنتقل من وزن لي وزن لمّن تبلغ وزن خالك ودقاسم .. الله يديك العافية وسلمي لي عليها الساقتك مننا ..

المهندس
والله برضو أفكارك التسويقية كويسة ، مبنية على المصلحة المشتركة ،،
لكن يا باشمهندس حكاية التسويق نفسها ( أقصد تسويق ما نكتب ) هل هي مطلوبة ، مفيدة ، أم أنها عملية مشينة؟
شكرا ليك ..

ودقاسم
تعرف اتبع الطريقة ال-------- بورادبية وهى
(سأعود لاحقا لاواصل )
تحياتى

بلدي يا حبوب
فعلا هي واحدة من التقنيات المتبعة ،، لكنها على كل حال هام تسهم في رفع بعض المواضيع ،،
لكن دعنا نجد لأخواننا واخواتنا عذرا ، لأن عامل الوقت فعلا يباعد بيننا وبين كثير مما نود إنجازه ،،

قال تبور قال
إنت مش أول شيء تحمد الله إنك لقيت ليك واحدة تعرسك ومابرتا
بعدين شنو ياخي
عندنا واحد من العزابة الفوضوين ديل
دا بجيب ليك في الغداء خمس صحون
واحد فيهو الملاح طبعا
للأسف ملاح قرع
والصحن التاني فيهو جرجير
والتالت جرجير
والرابع جرجير
والخامس جرجير
قال ينوع قال
يمكن سارة دي ماقصدها شيء
كنوع من التنويع وطريقة في الإخراج
لكن لو قاصدني انا في المواضيع الإجتماعية شيل شيلتك معاي
طبعاً انا زول صفحة وفيات سااااااكت
مواضيعي كلها
دي طلقوها
ودي عرسوها
ودي شينة
ودي رحيق ودي زهرة
بعضيك لو كنت قاصدني

تعرف واحد من أهل العوض
طبعاً الناس ديل بعضهم دروايش ساكت
واحد منهم جاء الخرطوم
ومفتكر اي بوليس طوالي ممكن يطلع ليهو جواز
زولك انا واقف جاء محكمة أم درمان جنوب في شارع بانت
اها طوالي قال للعسكري
ياجنابو 00 عاوز أطلع لي جنسية
قام العسكري قال ليهو
يا اخوي نحن محلنا دي حاجات تانية خالص
يعني لو عندك واحدة طلقوها
او واحدة جلدوها
تجينا وموضوعك يخلص

يازول مواضيعك جيدة
وعندك كاريزما خاصة
وبنقع فيها زي ابو الدقيق

ود قاسم...
يعني البوست للان 71 الردود و1101 زوار!!!!!!!!!!!!!!!!!
اكتب ونحنا بنقرا ونتعلم وup
ابو حراز اسي الجاب السماحه والشناء شنو!
قال جواز قال
غربه

أبوحراز
عليك توقيعك ده جبتو من وين ؟
قال نبقى أصدقاء قال ..
أنا في فترة غيابك اشتغلت في العرس والطلاق والحب شغل صاح ،، وبيني وبينك أنا استغليت فرصة غيابك ، بس الجماعة ما جايبين خبر ،، وتلك الفترة كانت فترة تسويق دسمة لبوستاتي ،، بس أو ل ما رجعت إنت يا أبوحراز أنا زغت من الحتة دي ،، وبعدين خايف منك عديل كده يا ابوحراز لأنك ممكن توصل الشمار ،، قالوا لي إنت من ودربيعة ،،
أما حكاية صحون الجرجير دي فهي ظريفة جدا ،، قلت لي قال تغيير قال ،،
لك التحية والود..