دكتاتوريه الريس وسؤ استخدام (فيتو) الباندويدث.في بورد يلفظ انفاسه الاخيرة

دكتاتوريه الريس وسؤ استخدام (فيتو) الباندويدث.في بورد يلفظ انفاسه الاخيرة

حينما نادينا بأن يقوم الأعضاء كل حسب استطاعته بدعم المنبر لم يكن من اجل عيون احد ولكن من اجل ان هذا الملتقي يمكن تدعيمه وتطويره ليكون تجمع يعمل نبض الوطن بكل همومه وبشتى أعراقه وثقافاته .. نمارس فيه ما انقطع من ديمقراطيه وحرية ونعبر فيه بكل صدق دون وصايه أو رقابه كتلك التى كانت سبباً في هجر العديد من الأحرار للغالي والنفيس طمعاً في غد افضل يعودون علي اشراقه فجر انتظروه طويلاً.. وكان هذا البورد كجرعه مسكنه الي حين وصول الدواء الشافي ......ولكن‍‍‍؟

هذا البورد ليس الا ككل البوردات مصمم باحدي لغات التصميم ويحركه سيرفر ويستهلك ما تستهلكه البوردات من حصه الباندويدث .. لا فرق علي الاطلاق الا في حجم وثقل من هم في رحابه تنادوا من كل صوب أن هنا وطن يمكن الركون اليه الي حين أن يفتح الوطن ابوابه معانقاً من لفظتهم طقمه من البشر استعدت واستبدت واباحت

ولكن أن يتحول هذا البورد الذي نشدنا فيه الحريه والديمقراطيه الي مكان تمارس فيه دكتاتوريه سايبريه قاتله لكل روح عطاء واريحيه وفاء مستخدماً في هذا (الفيتو) الباندويدث وبفرديه قد تخطئ وقد تصيب واحتمالات الخطأ هي الأكبر تجعل منه بورداً آيل للزوال/السقوط لا محال وعاجلاً غير آجل

وحتى اكون اكثر ارضيه
فقد قام العضو المتفرد برئاسة هذا البورد بحكم انه صاحبه
بمسح عدد 22 بوست صباح الأمس كنت قد انزلتها تكريماً واكراماً لنساء وبنات هن اخوات لنا بهذا البورد تحيه لهن وعلي اقتراح أن يكون هذا اليوم يوم تكريما لهن افتخاراً واعزازاً بهن جميعاً ودون تمييز ولم اسثني من هذا العمل اي واحده من الأخوات ولو (رودا) لان الخلاف لا يعدو ان يكون خلاف من اجل وطن واحد برؤى مختلفه لا تفسد ما في النفوس

عموماً
طالما ظل هذا الباندويدث بعبعاً يخيف ويحد من عطاء الفرد فلن يكون هناك (بورد وطن ) كما ندعي ... لأن الوطن للجميع .. وهنا البورد بورد بكري .. مع شكري لاستضافته المجانيه.. ولكن لماذا لا يكون وطن بحق ويفتح الباب في أن ندفع علي الأقل ما نهدره له من باندويدث بدت علامات نضوبه وفجوته تتسع كل حين؟
لماذا لايكون هذا البورد مؤسسه مساهمه مثلاً
لماذا يقوم بكري منفرداً بخدمتنا جميعاً مما يجعل الأخطاء كثيره بحكم أنه واحد والفرد منا له طاقته التي يتوقف عندها؟

إن كنا فعلاً نتمنى لهذا البورد حياة اطول
فلا نجعل التمني هو غاية ما نقدمه
يجب أن يدرس الأمر من ناحية علميه
وعلي الأخ بكري مشكوراً أن يستضيف هذا الموقع علي احدي السيرفرات مقابل شئ مادي معلوم تحصل امواله بالصورة التى يراها الأعضاء مناسبه في تسيير هذه السفينه .. التي تفتقد لطاقم ملاحه مكتمل مؤهل لادارته جنباً الي جنب مع الاخ بكري


اما اذا تمسك الأخ بكري في حقه بأن هذا البورد هو ملك خاص له ولا يحق لنا الا الجلوس كضيوف.. فليس لنا الا أن نسمي هذا البورد بورد بكري وليس البورد الوطن أو المنبر الحر كما ندعي وعلينا أن نركن الى ما يسنه الينا من تشريعات يراها مناسبه في مله .. ولنا الخيار حينها (ضيوف / مغادرين )لان الحريه لاتملك لشخص


الي أن نجد الحل المنقذ لهذا البورد

اسمي نفسي
ضيف بكري هوب فل

والسلام

انت البورد دا حقك براك منزل اتنين وعشرين بوست موضوعهم واحد
ما كان ممكن تنزل كلامك كله في بوست واحد وتنتهي؟
والله انا لو من بكري كان وقفت عضويتك
الواحد فيكم مهوس بالنسوان يحلم بيهم في بوستاته
دايرين تهوسونا معاكم
اتنين وعشرين بوست بتاعة راس قلبك
بعدين يا سيد البورد دا شغال ليهو ثلاثة سنوات في امان الله
كل زول ينزل موضوع موضوعين بس عشان الناس تقرا
خلي تنزل ليك اتنين وعشرين بوست في شكل بوست واحد وداير بكري يخليهو ليك
يا بكري والله لو منك اقطعوا معاهو ناشف خرسانة بس
عالم ما عندها موضوع قاعدين الواحد زي ما قال دكين تقول مربوط في يدهم لاب توب ينزل في ساعة واحدة اتنسين وعشرين بوست
اتخيل بالله اتنين وعشرين موضوع في الصفحة الاولي كلها بتدور حول موضوع واحد
اي زول يجي مشتاق للبورد بطنوا ما بتطم حتي ولو منزل فيها صورهم خلي كلام ليهم
عليك الله ما تقعد تحلم لينا بيهم وتجي تملانا فقر
احلم حلمك ونوم طاهر
اتيني وعشرين بوست ويتفاصح علي بكري
طيب اتخيل لو كل زول من الالفين نفر ديل قرر انو اليوم الاحتفال بمناسبة يراها هو مهمة وقام نزل اتنين وعشرين بوست اتخيل حتنزل كم بوست بس جديدة في موضوع ميت اتنين وعشرين الف بوست
وكله من حقهم زي ما من حقك الكلام دا تجي وتقول لي بكري وباندوث ودكتاتورية وسيدالبورد
ايوا انت ضيف عنده قاعد تدفع من جيبك حاجة ؟
انتو عارفين الباندويدث دي بقروش يعني بكري تقاسموهو في اكل اولادو وما راضين يشتغل قصادكم بس ولا ياكل اولادو
عالم لا ترحم لا تخلي رحمة ربنا تنزل
ياخي في اختراع اسمه الحمد لله

الحمد لله الذي لم يجعل فينا صفة النقاشيييييين


ايها الاحتياطي
ما بالك تتنعم ؟
هل ل(الملح) دور في دفن الروؤس؟

ام انك خائف من قوله كر؟

بوردات الله واسعه تسع كل حروف
فلا تركن ولاتهن
ولا تصغر خدك للناس

--------
يا اخي انا داير ادفع حق باندويدثي
والباقي بهديهو لشيري تهترش بيهو
مش حررررر

فماذا انت مقدم يا متلقي المعونات البكريه
من حصتك الباندويدثيه.؟؟

شوف عشان اكون واضح معاك يا اخو
موضوعك دا نزلتو دخلو فيهو للان تسعين نفر مافي زول قال ليك انت اسمك منو زاتو كلهم دخلو وبطنهم طمت ومرقوا
فيهم الزول الشايف انه دا كلام فاضي وتجني علي بكري
عشان كدا ما اشتغل بيك كتير وفيهم الزول دخل ومخالفك في الراي جملة وتفيلا بس عشان اصحابك او علاقتك بيهم كويسة ما اتكلموا
بس للاسف مافيهم الزول المتفق معاك
والا كنا شفنا زول ايدك في كلامك
عشان كدا بطل غاغة واتلما في علبك
اصلوا انحنا ما عندنا وقت نضيعوا في الفارغة
بكري منزل رقم حساب الدعم في الصفحة
عندك راي وداير تدفع حق باندويثك ادخل حولك القروش البتقدر عليها من سكات واكتب كتابتك لكن ما تجي تعمل لينا فيها الكوم بي قرش والدقة بلاش
نصيحة اخيرة ما تتلولو معاي انا مازي الجماعة الطيبين دبلك بتاخذ في راسك احسن بنتكلم في موضوعنا

كوشتكم قريبه

صحصح يا ايها الحالم الكوني
صحصح
غلطان لو اتوهمت نصر في حضرتنا
معاى تبكي بس
وما جنود بكري الا مهزومين مدحورين

ولا نامت اعين الجبـــــــناء

اساسي كتب سابقاً

Quote: مرت فترة انتخابات البورد في صمت ولم نسمع منك اي كلمة بخصوصها وانتم الذين تدعون ان البورد منبر الحرية وهو السودان الصغير الذي سنمارس فيه حريتنا الضائعة ولكنمن يكون علي راس السلطة دوما يتحول الي ديكتاتور اين الانتخابات الدوريةالسنوية التي وعدتم بها مرت علي اخر انتخابات للادارة اكتر من دورة ونصف وعلي مشارف الدورة القادمة وانتم لستم هنا خرج من اعضاء الادارة اكثر من واحد ولم تحركوا ساكن تضاعف عدد الاعضاء اكثر من عشرين مرة واصبح العدد القديم غير كافي ولكن من بيده الامر اعمي افيدونا واتركوا التعليق علي عنوان البوست فلم نسمع ان الامريكان اشتكوا من كلمات الصحاف يوما

لما التناقد يا صديقي
والم نقل ان الفرديه ستعجل بنهاية هذا البورد؟

عزيزى موضوعك ليس فيه شئ من المنطق بل تحامل على الاعزة القائمين على امر البور وخاصة عمقنا الوطني البنفخر بيه دوما بكرى ابوبكر بصورة غير منهجية بس ياريت الناس تعرف قدر الجال ونحن فى هذا المنعطف الخطير وكمان نخلى الانانية شوية ، 22 بوست يامفترى وماعاوز يتم مراجعتها ودمتم

عزيزى موضوعك ليس فيه شئ من المنطق بل تحامل على الاعزة القائمين على امر البور وخاصة عمقنا الوطني البنفخر بيه دوما بكرى ابوبكر بصورة غير منهجية بس ياريت الناس تعرف قدر الجال ونحن فى هذا المنعطف الخطير وكمان نخلى الانانية شوية ، 22 بوست يامفترى وماعاوز يتم مراجعتها ودمتم

يا جمال ما تزعل
المفروض بكرى كان يحدد كوتة معينة
لو ما عايز بوستات كتيرة
او
يكلمك حتى يمسحها
ولكن
هو مشاغلو كتيرة
ربما لم يجد الوقت الكافى للاتصال بك
واتمنى انك ما تزعل
من الحاجة دى وترفض تجى
لانه بالجد
البورد له طعم بوجودك
وتعودنا ان نلتقى بيك
دائما فى الحوش دا
فبالله
روق المنقة

ايها الناس

ماذا يجرى هنا

فيما الشمــــــــــــــــــــــــطـــة

الشمطة من صاحبك جمال عايز يعمل فيها الكوم بى قرش

يا جمال
أنا اتفق مع الأخت بيان فى أن بكرى المفروض يستأذنك أو ينبهك عبر ماسنجر داخلى ولكنى وبحكم عملى مع بكرى طوال العامين المنصرمين فى هذا المنبر أدرى بالرجل وظروفه فهى المشاغل يا صديقى الموزعة بين عمله الرئيسى وبين بيته ومنبره ، نعم منبره رغم أنه وطن لنا جميعا وهذه صفة لا تتأتى الا من (جعلى) زى بكرى اذ جعل بيته فى سودانيز أون لاين كما بيته فى أريزونا كما بيته أيضا فى حلفاية الملوك ، لله در أبا يوسف ذلك الرجل الفحل فحرام أن نجازيه بهذا الشكل الغير لائق بشخص محترم مثل (هوبفل) ، ثم أنك كما قال أساسى بالغت شوية رغم أنى أختلف مع صديقى أساسى فى هجومه الشرس عليك وذلك لغيرته الشديدة على المنبر وميله الى جانب بكرى فحقك علينا ولا تهرب مننا بحجة أنك حردان

ده كلام شفع ساى وانت أكبر من كدة
ولا شنو؟؟؟؟؟