Post: #1
Title: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم الامين احمد
Date: 12-26-2008, 12:01 PM
مرحب بالاخ عبدالكريم احمد الامين...!!!
هنا رحبنا بحضور صديقي الجميل الاستاذ عبدالكريم احمد الامين الشهير بابو محمد
وومع الترحيب كان من الضروري ارسال اشارة للانتباه للشبه الكبير بين الاسمين في مجمل الاسامي الثلاثية
وصديقي عبدالكريم حلق بينا مشرعا سفن مداخلته الدسمة في جل الامور التي كتب فيها..
وولعل بعض الاخوة والاخوات ومع التعايش الطويل الذي فاق الثلاثة سنوات ونيف وايضا لم يصادفهم بوست الترحيب اعلاه وكثيرا ما تم الاشارة له باسمي...
ياتي هذا البوست التذكيري مرة اخري يساعد في الانتباه في هذ التشابه الشديد...
وحقك علي يا ابو محمد والجاتك من كيكي سامحتك
|
Post: #3
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: ناهد بشير الطيب
Date: 12-26-2008, 12:16 PM
Parent: #1
| Quote: وحقك علي يا ابو محمد والجاتك من كيكي سامحتك |
تتذكر ياكيكى لما كنت بتلخبط بيناتكم كيف
المهم
كل واحد فيكم ليه طعمه ولونيته
وبقيت افرز بيناتكم بسهولة
اول حاجة من خلال الردود...لانى خبرتكم الاتنين
تانى حاجة بعاين لاسم احمد... بعد عبدالكريم طوالى
بعرفوا ده ولدنا بتاع بحرى....
تالتا كتر خيرو عبد الكريم خاتى توقيع (محمد ابوفؤاد)
ورابعا بصورة البروفايل ...
شكرا ليك يااخ عبدالكريم الامين احمد
وخالص التحايا لاخونا عبدالكريم احمد الامين
|
Post: #4
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم الامين احمد
Date: 12-26-2008, 12:25 PM
Parent: #3
Quote: اول حاجة من خلال الردود...لانى خبرتكم الاتنين
تانى حاجة بعاين لاسم احمد... بعد عبدالكريم طوالى
بعرفوا ده ولدنا بتاع بحرى....
تالتا كتر خيرو عبد الكريم خاتى توقيع (محمد ابوفؤاد)
ورابعا بصورة البروفايل ...
|
هلا يا ناهد
وحبابك ياخ وحباب الوصفة بتاعتك دي وممكن نثبتها برضها علها تساعد كل مرة علي البوست
علي فك الارتباط العجيب ده
وطبعا في ظروف واشياء كثيرة اخري ممكن ايضا تخلي تركيز الاخوة والاخوات صعب شوية
ولكن اكيد في مثل هذا البوست وغيره سنجد طريقة اسهل
ياخ ناس ودالصايم شابكين ابو محمد كيكي كيكي
وماشين في الموضوع توووش
|
Post: #5
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم أحمد الامين
Date: 12-26-2008, 02:21 PM
Parent: #4
Quote: ياخ ناس ودالصايم شابكين ابو محمد كيكي كيكي
وماشين في الموضوع توووش |
الباشمهندس السمي (كيكي)
** طالما ود الصايم بيشجع سيد البلد وبحب الابيض لون السلام والازرق لون السماء ,, فليكن كيكي هو ابو محمد فؤاد ,, وابو محمد فؤاد هو كيكي..
ودام الود بيننا..
(ابو محمد فؤاد)
|
Post: #9
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم الامين احمد
Date: 12-27-2008, 09:19 AM
Parent: #5
| Quote: طالما ود الصايم بيشجع سيد البلد وبحب الابيض لون السلام والازرق لون السماء ,, فليكن كيكي هو ابو محمد فؤاد ,, وابو محمد فؤاد هو كيكي.. |
هلا يا ابومحمد
وحبابك والله..
وفي حضور ابو الهل تتلاشي كل الاشياء فهو سيد البلد ذاااتا
وازادات سيادته عقب السباعية الشهيرة التي قضت علي اخضر ويابس الجماعة اياهم
|
Post: #6
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: Safia Mohamed
Date: 12-26-2008, 04:57 PM
Parent: #1
انا كان لي اصلو ما لاحظت انه في اسمين
غايتو جنس عدم تركيز
عموما شكرا للتنبيه
|
Post: #12
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم الامين احمد
Date: 12-27-2008, 10:45 AM
Parent: #6
Quote: غايتو جنس عدم تركيز
|
هلا يا صفية
وخلاص كلمناكم بعد ده فلا عذر تاني لمن عنذر
واجمل الاشياء في هذا الموضوع هو اننا تلاقينا في اديس ابابا
في ايام جميلة مع الاخ ابو محمد
وها نحن نلتقي هنا مرة تانية ونجهجه ليكم باكاتكم جهحيهة الوحدات الفكت سكرة الكاسين
|
Post: #7
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: Kamal Karrar
Date: 12-26-2008, 05:49 PM
Parent: #1
يا كيكي سلامات...
الفرق إنك من زمن حفروا البوست
وسميك ولدنا من زمن جزمة منتظر..
مع خالص تحياتي
|
Post: #8
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: ثروت سوار الدهب
Date: 12-26-2008, 06:32 PM
Parent: #7
عبد الكريم
كتبت غادة السمان يوما
نشتكي من سرقة ادبية من نوع أخر.
أشارت لكاتبة واعدة حينها تحمل اسم مطابق لاسم الكاتبة المشهورة.
و عندما هب النقاد و المعجبين لتلبية اعلان عن امسية باسم الكاتبة غادة السمان، اكتشفوا اللبس و الانتحال. و اشارت الكاتبة لحقيقة أن المغمورة كان ممكن ان تضيف اسم ثالت لاسمهاأو تحذف أسم بدل عن هذا الارتباك.
و أشادت في نفس المقال بكاتب صاعد اسمه:نجيب محمد محفوظ او نجيب محفوظ محمد، لأضافته لاسم ثالث لاساب غنية عن التعريف.
تذكرت هذا المقال الذي قرأته قبل 20 سنة تقريبا و انا اطالع البوست.
و لم اسمع عن المذكورين شيئا منذ ذاك الزمن البعيد.
تحاياي
|
Post: #10
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: أبوبكر أبوالقاسم
Date: 12-27-2008, 09:48 AM
Parent: #1
كيكى ( عبدالكريم الأمين أحمد)
و ( عبدالكريم أحمد الأمين ) سلامات
تعرف يا كيكى يوم كورة الهلال والمريخ كان فاتح ليهو بوست ( بث مباشر) للكورة ، قمت داخل ليك عليهو شمال بالمكاواة
لمرتين ، وما انتبهت إلا لاحقاً بعد فترة من البوست المعنى.
بينى وبينك أشهد له بطولة البال التى تعنى الكثير الذى لا يحتاج لتفصيل.
مرحباً بكما الإثنين.
|
Post: #11
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم أحمد الامين
Date: 12-27-2008, 10:19 AM
Parent: #10
Quote: بينى وبينك أشهد له بطولة البال التى تعنى الكثير الذى لا يحتاج لتفصيل.
مرحباً بكما الإثنين. |
الاستاذ الزميل ابو بكر ابو القاسم
هو الباقي لينا شنو غير طولت البال والهلال ,, وإنشاء الله تكون من أنصار سيد البلد ولو لا تكون بتشجع نيل الحصاحيصا...
لك التحايا والود ,,
(ابو محمد فؤاد)
|
Post: #13
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: أبوبكر أبوالقاسم
Date: 12-27-2008, 10:57 AM
Parent: #1
الزميل عبدالكريم أحمد الأمين سلامات
طبعاً أشجع نيل الحصاحيصا... وفوق هذا كله لن أحيد عن مريخيتى إلى أن يقضِ الله أمره كان سفن أب أو داوووون.
للحقيقة.... فقد حمدت لكم تصرفكم وقتها وقارنت بينه وبين كثير من " الفاكنها فى روحن " لتغطية أمر ما.
أنا اسعد الناس بمعرفتكم... وصاحبنا كيكى يحلو لنا " مكاواته" ما وجدنا لذلك سبيلا حتى لو من تحت " الأركلوجيا".
|
Post: #16
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم أحمد الامين
Date: 12-27-2008, 12:37 PM
Parent: #13
| Quote: طبعاً أشجع نيل الحصاحيصا... وفوق هذا كله لن أحيد عن مريخيتى إلى أن يقضِ الله أمره كان سفن أب أو داوووون. للحقيقة.... فقد حمدت لكم تصرفكم وقتها وقارنت بينه وبين كثير من " الفاكنها فى روحن " لتغطية أمر ما. |
الزميل ابو بكر ابو القاسم
** في الزمن الجميل كان ابناء حي المزاد بالخرطوم بحرى يلعبون بالهلال والمريخ والاملاك والاتحاد والتحرير والعامل وكانت هذه الانديه بالدرجه الاولي ,, ترى التحديات بين الجميع صباحاً تحت ظلال أشجار الحي وتكون المباريات مساءاً ,, ونشعل أحياناً نيران التحدى بين الاصحاب والاصدقاء لكى نضمن من الرهان علي من يكون العشاء بعد المبارأه وإستلام العّداد..
** ولكن علي الصعيد الآخر لاتعرف الجماهير طبيعة العلاقه بين هؤلاء اللاعبين وأنهم في بعض الاحيان يتقاسمون مايملكون ,, وعندما أرى أحد المشجعيين منفعلاً ومُشاتماً وفي حالة هياج أرثي لحاله لانه لايعرف طبيعة أن تمارس نشاطك كلاعب في الميدان دفاعاً عن شعار ترتديه وبين علاقاتك الاجتماعيه فأجد له العذر مرتين :- * مرةً لانه يفرغ طاقته حيث لايوجد مكان إلا تشجيع أحد الناديين (الهلال ,, المريخ).
** وأخرى أرثي لحاله من أمراض الضغط والسكرى والقلب لانه يشجع وينفعل في ميتيين لايرقيان الي مستوى مانشاهده من مُباريات علي التلفاز..
** وبما أن الانهيار والقساد والإفساد في بلادى عام شمل كل شئ فلم تكن الرياضه عموماً بمنأى عن ذلك!!!
## نصيحه أخويه لكل مُشجع مُتعصب لإى نادى ,, خلي أعصابك في تلاجه فاللاعبين لايهمهم سوى الّعداد وعلاقتهم ببعض سمن علي عسل ,, وطالما ماهم حلويين مع بعض خلونا حلويين مع بعض من دون تشنج وحرق أعصاب فليس هنالك مايستحق ...
(ابو محمد فؤاد)
|
Post: #14
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: محمد عبد الماجد الصايم
Date: 12-27-2008, 11:16 AM
Parent: #1
حسي الفاتح البوست دا زاتو منو فيكم؟
غاتو عبد الكريم الـ (ما) كيكي أنا عذبتو معاي!
باللاي خاشي ليكـ فيهو شمال طوالي .. كيكي .. كيكي
عملت ليهو (غيغي) في راسو زاتو
غايتو أعفي لينا يا ما (كيكي)
أما كيكي .. فياكل على راسو طوالي
تحياتي ليكم الاتنين .. الكيكي والما كيكي
|
Post: #15
Title: Re: عبدالكريم احمد الامين...وعبدالكريم الامين احمد...(بارت2)...!!!!
Author: عبدالكريم أحمد الامين
Date: 12-27-2008, 12:01 PM
Parent: #14
| Quote: تحياتي ليكم الاتنين .. الكيكي والما كيكي |
ود الصايم
دى تحيه من الما (كيكي)..
** وتشكرياعاشق الابيض والازرق.
(ابو محمد فؤاد)
|
|