Post: #1
Title: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 11:34 AM
في التسجيل الذي وفرته جريدة الشرق الاوسط في قبضها بالثابتة لمصطفي عثمان اسماعيل
وفي اثناء حديثه عن سيرة الشحادتين توقف قليلا في الحديث ليعالج احد الحضور وبصوت مسموع بانو الشعب كان بياكل ايضا
عيش مسوس...
هذه الاحداث والمقولة التي اطلقها هذا الرجل دخلت تاريخ مقولات الطغاة وستجلس في كرسي واحد مع صيحة ماري انطونيت في متحف
الطغاة الذاهبين الي مزبلة التاريخ..
لذا من الضرروي ولتوثيق ذاكرة الشعوب وحتي لا تضيع التفاصيل بين قطار الاحداث اللاهث
من الضروري ان نعرف ذلك الشخص الذي قدم تلك الدفرة الشحدية في ذلك الحديث المخزي المسي للشعب السوداني..
فهل يتكرم الاخوة الذين حضروا ذلك الموتمر بتوضيح اسم ذلك الشخص الشحات المسوس
|
Post: #2
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: khaleel
Date: 03-19-2009, 11:37 AM
Parent: #1
تعرف يا ابو الكيك
ابو ضلعن مساويك
لما الكفلاء السعوديين اسمعو ان السودانيين شاحدين
ممكن راتب ود الصائم ينزل لماتين ريال فقط وود الباوقة لمائة ريال
ويقولو ديل شاحدين اي راتب بقيبلو بيهو
|
Post: #4
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 11:44 AM
Parent: #2
Quote: ممكن راتب ود الصائم ينزل لماتين ريال فقط وود الباوقة لمائة ريال
ويقولو ديل شاحدين اي راتب بقيبلو بيهو |
شاحد ربي يسمعو عشان راتب ود الباوقة يبقي 100 ريال ونص..عشان تااني يااامن
الخوف ياخلي كمان يسمعو ناسك القطريين (اصلهم اضانهم خفيفة اليومين دي فيما يخص السودان)..
وهاك يا قطع يا ناشف...!!
والما شاف صحبك ود القريش بجازف وبكابس في مسجد سارة في كبسسة المطوعين العجيبة دي يجي يقول لي كضاب..
,,,,
يا خليل اساءة الناس ديل ياخي بتحرق جووه القلب
والشعب السوداني ابي وكريم ياخي
|
Post: #6
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عزام حسن فرح
Date: 03-19-2009, 11:48 AM
Parent: #2
| Quote: من الضروري ان نعرف ذلك الشخص الذي قدم تلك الدفرة الشحدية |
مِثل هذا الشخص الـ[ غريب ] مؤذي أكتر مِن صاحِب الشي ظاتوو
يا ناس السعودِية ألَفونا بِإسم الزول ده ... يا ود الموج تِم
الناقصة وأجلِب إسمو ... شاحدتك يا الله يكون الزول الـ[ غريب ]
ده فُلان ...
|
Post: #8
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 11:54 AM
Parent: #6
Quote: مِثل هذا الشخص الـ[ غريب ] مؤذي أكتر مِن صاحِب الشي ظاتوو
يا ناس السعودِية ألَفونا بِإسم الزول ده ... يا ود الموج تِم
الناقصة وأجلِب إسمو ... شاحدتك يا الله يكون الزول الـ[ غريب ]
ده فُلان ... |
هلا يا عزام
وصديق الموج دخل التاريخ باوسع ابوابه كشحاد كبير
وياريت ناس الرياض يدونا اسم الزول ده ولو بقي غريبة الليلة المنبر ده ببقي ليهو خرم ابره
من جموع الشحاديين السعرانين ديل حندور فيهو عض اسفيري وشحدة اسفيرية ملحاحة
|
Post: #3
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: osman righeem
Date: 03-19-2009, 11:40 AM
Parent: #1
كيكي شحاته
قالو غريبه ما كان حخاضر
وعلي ذمة دينق انه ود الباوقه
غايتو الصوت مرطب
|
Post: #5
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 11:48 AM
Parent: #3
Quote: قالو غريبه ما كان حخاضر
وعلي ذمة دينق انه ود الباوقه |
الحمد الله غريبة ماكان حاضر...ده قال ليهو الشعب ده كان بياكل قعونج
...
اذن اصابع الاتهام كلها صوب ود الباوقة مالم يثبت العكس
ونطالب بتسليم ود الباوقة لمحكمة كيكي شحاتة واخريين الجنائية
فورا والان
|
Post: #7
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: GamarBoBa
Date: 03-19-2009, 11:49 AM
Parent: #3
انا شاكي انو السفير
|
Post: #13
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 12:02 PM
Parent: #9
Quote: دينق يا شحاد ما تبهت ود الباوقة ساكت..
القال كده ده ود باوقة اخر يسمى عبد النبى شاهين...
ود الباوقه كان مالى حلقه بالهتاف هى لله هى لله
لكن السؤال بتاع الشليق صديق الموج لخبت الموضوع
والمستشار قال ليهم لاحق الطيارة وما لحقو يهتفوا الله اكبر ولا هى لله
ود الباوقة المسكين بلع هياتو وتكبيراتو وقطعها فى حنانها
وخشمو ما فتحه ،وهذا للعلم،،، |
هلا يا بخاف
ولينا زمن ومشتاقين يارجل..
اذن انه عبد النبي شاهين....!!!
رجل متاكل تماما ومسوس في روحه دي التي تشتم الناس بالفقر
وكل العيش المسوس,... عبدالنبي شاهين المسوس هذا ما سيكون عليه اسم الشهرة لهذا الرجل الانتهازي الطفيلي
الطفابيع
|
Post: #10
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: Deng
Date: 03-19-2009, 11:55 AM
Parent: #7
Quote: كيكي شحاته
قالو غريبه ما كان حخاضر
وعلي ذمة دينق انه ود الباوقه
غايتو الصوت مرطب |
يا عثمان وكيكي.
ياهو ود الباوقة بتاع العيش المسوس ذااتوو
دينق
|
Post: #15
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 12:09 PM
Parent: #10
| Quote: ياهو ود الباوقة بتاع العيش المسوس ذااتوو |
تعرف يا دينق انا كنت شاكي مثلك في ود الباوقة
ولكن تاني قلت ود الباوقة لو ده هو كان
دفر الباص للوزير
وقال ليهو الشعب طرموني
زعرطي
برموني
او اي حاجة من خزعبلاته البقولها هنا دي
|
Post: #11
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 11:56 AM
Parent: #7
| Quote: انا شاكي انو السفير |
انشاء الله يا قمر بوبا يطلع السفير
عشان نشحدو هنا ده..
والواحد يطلع في الكفر ويقول شحد ليهو سفير قبل كده..
كوني الليلة صاحب اسم جديدة وهو كيكي شحاتة
|
Post: #17
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: Adil Ali
Date: 03-19-2009, 12:12 PM
Parent: #11
كيكي إزيّك،
صاحب دفرة "العيش المسوّس" بكون واحد من أرزقية "المؤتمر الوطني" المسوّسين الذين خلعوا على أنفسهم لقب "صحفيين"، وما أكثرهم في السعودية.
إذا كان صلاح غريبة، الذي لا يستطيع تركيب جملة صحيحة ويذيل مداخلاته بـ(صلاح غريبة - صحفي - الرياض)، يعتبر واحدا من هؤلاء، لا استبعد ان يتم قريبا تعيين ودالباوقة ملحق إعلامي بسفارة السودان في الرياض.
|
Post: #35
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: ghariba
Date: 03-19-2009, 03:03 PM
Parent: #17
Quote: كيكي إزيّك،
صاحب دفرة "العيش المسوّس" بكون واحد من أرزقية "المؤتمر الوطني" المسوّسين الذين خلعوا على أنفسهم لقب "صحفيين"، وما أكثرهم في السعودية.
إذا كان صلاح غريبة، الذي لا يستطيع تركيب جملة صحيحة ويذيل مداخلاته بـ(صلاح غريبة - صحفي - الرياض)، يعتبر واحدا من هؤلاء، لا استبعد ان يتم قريبا تعيين ودالباوقة ملحق إعلامي بسفارة السودان في الرياض. |
اخ عادل ... والله بعد ما كتبت ليكي رد مسحته لاني شعرت بان الرد عليك ... ( مسخة)
وكفى ......................
|
Post: #44
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:39 AM
Parent: #35
Quote: اخ عادل ... والله بعد ما كتبت ليكي رد مسحته لاني شعرت بان الرد عليك ... ( مسخة)
وكفى ...................... |
تكتب شنو بالله يا غريبة,,؟؟
وداير تقول شنو في شكل كلامي منطقي يخش العقل بعيدا عن التطبيل والاساءة علي شاكلة (مسخة)
لو عندك نقاش منطقي ودفوعات تدافع به عن وصفك بالانتهازي تعال جيبها يا غريبة
وخلينا نتفاهم برواقة...
|
Post: #43
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:34 AM
Parent: #17
Quote: صاحب دفرة "العيش المسوّس" بكون واحد من أرزقية "المؤتمر الوطني" المسوّسين الذين خلعوا على أنفسهم لقب "صحفيين"، وما أكثرهم في السعودية.
إذا كان صلاح غريبة، الذي لا يستطيع تركيب جملة صحيحة ويذيل مداخلاته بـ(صلاح غريبة - صحفي - الرياض)، يعتبر واحدا من هؤلاء، لا استبعد ان يتم قريبا تعيين ودالباوقة ملحق إعلامي بسفارة السودان في الرياض. |
هلا يا عادل وعفوا علي التاخير
ونعم انه عصر الجربندية وصحافة (القطر قام) وصحافة اي زول كتب ليهو حرف حرفين
وعمل ليهو مجموعة مجموعتين الفيس بوك...اعتبر روحو هيكل واستغل هذه الاشياء في نصرة نظامه الظالم..
انه عصر عديمي المواهب والحس الصحفي المبني علي الحق والشفافية..
انهم الانتهازيون يا عادل وبكتريا الصحافة ينشطون نشاطا جما في عصر الانحطاط والتردي
|
Post: #57
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: بشير أحمد
Date: 03-20-2009, 09:02 AM
Parent: #11
المهندس /عبدالكريم
تحياتي؛؛؛
Quote: عشان نشحدو هنا ده..
والواحد يطلع في الكفر ويقول شحد ليهو سفير قبل كده..
|
ياخوي وضح نوع الشحده ؛ماتخلي مخنا يودي ويجيب
ونمشي لحتات بعيدة ؛افصح بالله.
كتبت بوست بهناك قلت فيهو شحدت لي واحدة ؛الزرزره حصلت
عملت زغبير وفكيت آخري من قولت تيت.
اليومين ديل اي شحده بتكون فيها إن وجماعتها .
|
Post: #12
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: صديق الموج
Date: 03-19-2009, 11:59 AM
Parent: #7
Quote: Quote: مِثل هذا الشخص الـ[ غريب ] مؤذي أكتر مِن صاحِب الشي ظاتوو
يا ناس السعودِية ألَفونا بِإسم الزول ده ... يا ود الموج تِم
الناقصة وأجلِب إسمو ... شاحدتك يا الله يكون الزول الـ[ غريب ]
ده فُلان ... |
ده الصحفى الالمعى عبد النبى شاهين
وهو مؤتمر وطنى حتى اخمص دقنه
وقد كان يجلس خلفى مباشرة
اللهم انى قد بلغت اللهم فاشهد،،،
|
Post: #14
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: osman righeem
Date: 03-19-2009, 12:02 PM
Parent: #12
كامل التضامن مع ملك جمال البورد
صديق الموج
ومن واجب الشعب الشحاد في المنافي و المهاجر
حمايته بجواز سفر محترم
حيث لا يستبعد ات تستهدف أوصاله
|
Post: #46
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:48 AM
Parent: #14
Quote: كامل التضامن مع ملك جمال البورد
صديق الموج |
سيبقي صديق الموج ومن لف لفه من الشرفاء
شوكة حوت لا بتعدي ولا بتفوت في حلقوم الانتهازيين والمستهبلين واللصوص
|
Post: #16
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: Amany Elamin
Date: 03-19-2009, 12:10 PM
Parent: #12
كيكي ازيك:
الزول القال الكلام ده مزعلني أكتر من كلام المستشار..
أحسن العيش المسوس وللا عيش بروميد البوتاسيوم؟
كيكي عليك الله بعد ده عرفته منو, فهموا لينا حاجه في باقي البوست ده..
سلامات..
|
Post: #18
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: محمد عبد الماجد الصايم
Date: 03-19-2009, 12:16 PM
Parent: #16
يا عمكـ
في أي احتمال أنو الزول دا كان قاصد شحدة من نوع تاني؟
|
Post: #48
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:59 AM
Parent: #18
| Quote: في أي احتمال أنو الزول دا كان قاصد شحدة من نوع تاني؟ |
يا عمك
خليهو يعمل موتمر صحفي تاني ويقول لينا الشحدو منو
عشان نعمل تضامن اسفيري نشجب وندين
|
Post: #19
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: abubakr salih
Date: 03-19-2009, 12:17 PM
Parent: #16
ايوة يا هندسة
بالله خلينا نعرف من هم صعاليك الجبهة الاسلامية الذين يسئون لهذا الشعب الابى
ياخ ديل لو بيعرفوا خليهم يسألوا ناس السعــودية و الخليج ديل عن اٍباء
و انفة اهل السودان ديل، حتى ناس الخليج عارفيين انو السودان اى شئ ولا تستفزه
او تضهده، ما ح يشتغل بانك كيفل ولا ميتين ممكن عادى يخربا معاك لاخر السماء
و يرجع السودان يسرح بالبقر ولا يقعد عاطل زاتو. بس اى شئ ولا كرامته
يجينا زمان مترفى الجبهة الاسلامية و مدلعينها يقولوا لينا كنتوا شحادين
يا صديق الموج انتا شحدتا المستشار دا ولا سألتوا؟
|
Post: #49
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 08:03 AM
Parent: #19
Quote: يجينا زمان مترفى الجبهة الاسلامية و مدلعينها يقولوا لينا كنتوا شحادين
يا صديق الموج انتا شحدتا المستشار دا ولا سألتوا؟ |
هلا يا علوم
وده زمن الانحطاط والتردي وسطوة الكوز ومن شايعهم من الانتهازيون الجدد
فزي دي علاجهم بالسطوع وتسليط الاضواء عليهم مهما تخفو في الكراكير ودهاليز السلطان..
فلازم الناس تعرفهم فالحساب اتي وذاكرة الشعوب لاترحم..
|
Post: #20
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: فاروق حامد محمد
Date: 03-19-2009, 12:25 PM
Parent: #16
| Quote: شاحد ربي يسمعو عشان راتب ود الباوقة يبقي 100 ريال ونص..عشان تااني يااامن |
يا كيكي ياخ ودالباوقة ده جعلي ود عمنا رجاءً
أتركه في حاله ...
بعدين حتى لو نقصوا راتبه أو حتى شغلوه سخرة !!!
"الجماعة" في الخرطوم حيبعتوا ليه ضعفي راتبي
السفير والقنصل معا .. فما يقوم به ابن عمي في
الدفاع عن النظام لا تقوم به السفارة مجتمعة بكل
كوادرها .... عفارم عليه
|
Post: #21
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: صديق الموج
Date: 03-19-2009, 12:56 PM
Parent: #20
| Quote: يا صديق الموج انتا شحدتا المستشار دا ولا سألتوا؟ |
ابوبكر صالح كيف حالك
اسال الجماعه الكانو(شاحدين)انا سالته سؤال الله والرسول
والله عالم ما شحدته والدليل تعال شوف قميصى قد من دبر والا من قبل..
غايتو ناس بهاتين خلاص،،،
|
Post: #22
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: khaleel
Date: 03-19-2009, 01:02 PM
Parent: #21
خالي صديق الموج
قالو بعد التصريح كفيلك شغلك بي بطنك ساكت
ماك شحيحيد ساكت
|
Post: #24
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: صديق الموج
Date: 03-19-2009, 01:18 PM
Parent: #22
Quote: خالي صديق الموج
قالو بعد التصريح كفيلك شغلك بي بطنك ساكت
ماك شحيحيد ساكت |
خليل ود اختى كيف حالك ياسمح
انت عارف اناما مزعلنى الشغل بى بطنى.
المزعلنى كفيلى قال لى لازم تغير البزنس كارد بتاعك
وتكتب عليه متسول مبيعات..بدل مسؤول مبيعات
نسوى شنو امرى لله حا اغيروا ..
باقى الفقر فى الوطن غربه،،،
|
Post: #26
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: الشامي الحبر عبدالوهاب
Date: 03-19-2009, 01:21 PM
Parent: #22
يا كيكي الزول اعتذر وقال الكلام دا انا ماقلت
يعني الراجل ما كان متوقع رد فعل عنيف زي دا
لانو مفتكر نفسو وسط اهلو السودانيين والطابق
مستور زي ما قال علي الحاج
بعدين هو ما اول زول قال الكلام دا زمان طلعت
فريد لما اضربوا طلاب وادي سيدنا احتجاجا علي الفول اليومي
قال ليهم انتو الفول دا لاقينو وين هناك عند اهلكم الا اجيبوا
ليكم في العوازيم
دي زي ديك بس الاخيرة كانت خارج الحدود وفي توقيت غير مناسب
|
Post: #55
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 08:47 AM
Parent: #26
| Quote: دي زي ديك بس الاخيرة كانت خارج الحدود وفي توقيت غير مناسب |
هلا يا الشامي
والزول ده بكابر...ولماذا يعتذر للشرق الاوسط فهو لم يقل بان الشرق الاوسط شحاتة
بل ان كان هنالك اعتذار فليقدمه للشعب السوداني...وانا كمواطن سوداني ما داير اعتذار
بل عاوز حاجة وااحدة انو مصطفي عثمان ومن لف لفه من الكيزان يحلو من سماء البلاد والعباد
ويخلونا في شحدتنا الزمااااااااان ديك ...ويذهبو الي حال سبيلهم..
واما ما ورد طلعت فريد وماري انطويت واخريين فهي ممارسة تاريخية للذين في قلوبهم تكبر وتجبر تجاه شعوبهم
واليوم نزف اليهم هنا
مصطفي عثمان اسماعيل
وعبدالبني شاهين
نزفهم طغاة سودانين رعاديد
|
Post: #54
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 08:41 AM
Parent: #21
| Quote: والله عالم ما شحدته والدليل تعال شوف قميصى قد من دبر والا من قبل.. |
هههه
غايتو في اشاعة من الرياض يا ود الموج
انو قميصك قد من دبرا
|
Post: #23
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عزام حسن فرح
Date: 03-19-2009, 01:05 PM
Parent: #20
| Quote: ده الصحفى الالمعى عبد النبى شاهين وهو مؤتمر وطنى |
عِرِفنا كُل ما عُبِد مِن (عبدالله) لا (عبدالصبور) 99 إسم ما فوقا [عبدالنبي]
إسمو ذاتو غلط ... النبي ما بِعبِدوهو ... النبي بِآمنوا بيهو ... معليش
عم شاهين غِلِط لكِن كمان حقو تبقى عميق وكِده ... يعني أبوي أكان سماني
الككو الفجخ الطين أمشي بِوشي بيهو ... ما لامَن أكبر أغَيِرو النبي غَيِرو
غايتو يا [ عبدالنبي ] ****** عَينه
عبدالكريم(قول واحِد)
نِداء : مَن يملُك أي معلومات عن المدعو [ عبدالنبي شاهين ] يُرجو أن يمِدُنا
بِها
|
Post: #25
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عزام حسن فرح
Date: 03-19-2009, 01:19 PM
Parent: #23
وفي نوع تلقى [ المسعوول ] بِينضُم وفي زول جِنِس [ عبدالنبي ] بِهناك
بِهوزِز فوق رِويسو يعني كلامك صاح يا حضره المسعوول ... والله جِنِس ده
أنا أكان بِخاطَري أتلِب فوق رِويسو وألكِمو تِلِكِمْ ما بعدو تِلِكِمْ ...
والله جِنِس [ عبدالنبي ] ده بنلقاهو كتير في حياتنا اليَومِية ...
وده بِيأذي المسعوول أكتر مِن الحركات المُسلحة ، لأنو بِيَوهِمو المسعوول
إنو فريد عصرو ....
والشحادين اليِنعصرو ...
شاحدتك يا الله الكريم النصرو ...
بِحق الصُبُح والعصرو ...
لا يِنجبِر خاطرو ولا كسرو ...
ويبقى في تيهه مُسافِر قصرو ...
|
Post: #28
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم أحمد الامين
Date: 03-19-2009, 01:29 PM
Parent: #25
السمى الباشمهندس كيكي
** الطفل المُعجزه دا أخوك قرر يفتح فيهو بلاغ - مُحتاجين لتضمنك معانا كشاكى هنا:-
بــلاغ لـلـنـائب الـعـام / ضـد/ مُصطفى عُثمان إسماعيل... من سودانى شــحــات....
(ودام الود بيننا حتى نحفظ حقوقنا)
(ابو محمد فؤاد) - الماكيكي..
|
Post: #58
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 09:07 AM
Parent: #28
| Quote: الطفل المُعجزه دا أخوك قرر يفتح فيهو بلاغ |
هلا يا سمي وحبابك
وشفت بلاغك الرصين الذي هو بلاغنا جميعا
وبجيك بالله بهناك عشان توضب لينا عريضة كبيرة وعريضة ايضا ضد
هذا العبدالنبي شاهين عشان يكون عندنا اثنين متهمين
علي قرار كوشيب وهارون..
والطفل المعجزة البتفاصح في القنوات وبقدل انا كنت عارف نهايتو حتكون سوداوية زي دي
لكن كمان ما كنت متخيلو يطلع شحات سابق رعديد
|
Post: #56
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 08:53 AM
Parent: #25
Quote:
نِداء : مَن يملُك أي معلومات عن المدعو [ عبدالنبي شاهين ] يُرجو أن يمِدُنا
بِها |
ايوه يا عزام
الاستديو يطالب بكل من يعرف معلومة عن هذا الككو الفجخ العيش المسوس ان يمدنا به..
فهو عنوان ورشتنا ومحور حديثنا كصحفي انتهازي كيزاني ماري انطونيتي يمارس ازلال شعبه
بالتعاون مع مستشار القصر في زمن التردي والضياع..
وزولك ده وقع وقعة التاباني والياباني
|
Post: #27
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: شول اشوانق دينق
Date: 03-19-2009, 01:28 PM
Parent: #23
كيكى شحاته كيف يا صحبى
قبل شوية إستمعت للتسجيل الصوتى الجابتو عزاز فى بوست مجاور وكان جمبى عمنا كبير شوية
المهم عمنا إتضايق جداً من كلمة الشحادين بتاع مصطفى عثمان ده وقال الكلام ده مفروض يترد عليهو
قلت ليهو كيف؟
قال لى السبب فى صفوف العيش زمان هم الجماعة ديل ذاتهم لانهم كانوا بيعدما السلعة الإستهلاكية من دقيق وسكر وخلافه
قلت ليهو كيف ما فهمتك؟
قال الجماعة ديل كانوا بيشتروا السلع المذكور بكميات كبيرة جداً وبيرموه البحر
شفت كيف الناس ديل حاقدين كيف
بس الله فى
التوقيع:
شحاد إبن شحاد والأجر على الله
_____________________
زول العيش المسوس ده ما بيختشى كلو كلو (عالم وهم)
|
Post: #29
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-19-2009, 01:50 PM
Parent: #27
هلا وحباب جموع الشحاديين بامر وفورمان مستشار الرئاسة
وكدي قبل ما نتفاهم مع بعض ومع عبدالبني شاهين الصحفي شحاد الرياضي
بتاع العيش المسوس
خلونا نقراء الراي خارج والراي في السودانين ذلك الشعب التاريخ..
Quote: تركي الدخيل
السودانيون ليسوا شحاتين يا مصطفى عثمان!
بعض المسؤولين الحكوميين في العالم العربي يصرحون تصريحات وقحة في حق شعوبهم يستحقون عليها أن يضربوا ضرباً.
فالمسؤول العربي يتعاطى أحياناً مع مواطنيه وكأنه جاء من السويد، أو تربى في القطب المتجمد الشمالي، وليس كأنه مواطن آخر، جاء إلى السلطة، بانقلاب، كما هو حال الباشا، مصطفى عثمان إسماعيل، مستشار الرئيس السوداني، الذي لم يجد لمدح حكومته، حكومة الإنقاذ، إلا الإساءة إلى الشعب السوداني، واعتباره كان شحّاتاً، لا يعرف السُكّر، حتى جاءت الثورة العلمية والاقتصادية العظيمة فحولت الشعب من الشحاتة إلى الاستكفاء.
أي استهتار بعقليات الناس، أكثر من هذا.
يا مصطفى إسماعيل، السودانيون لم يكونوا يوماً من الأيام شحّاتين. ويبدو أننا نعرفهم أكثر مما تعرفهم أنت وإن كنت سودانياً، فهم أهل كرامة وعزة نفس وأنفة، ولو ضاقت الدنيا بهم، ولو دارت عليهم الدوائر وجاءهم من يكون مسؤولاً مثلك، ويسيء إلى شعبه بهذا التصريح المخجل!
يا مصطفى عثمان، إذا كنت تزعم أن لغة العنتريات لم تسيطر على تصريحات المسؤولين عقب صدور مذكرة التوقيف بحق الرئيس السوداني، فلغتك في تصريحك قبل مغادرتك الرياض، تلك التي تزدري فيها السودانيين، وتعتبر الفارق في تحولهم من الشحاتة إلى غيرها، باستيلاء حكومتك على السلطة، أسوأ وأنكى من لغة العنتريات.
ألم نسمع عبر شاشات التلفزة، مقولات مثل: أضع القرارات تحت جزمتي؟!
ألم نر عبر تلفزيونات العالم، من يقول: مذكرة التوقيف وقراراتهم هذه يموصوها ويشربوها؟!
هل هذه تصريحات متزنة؟!
أم إن الاتزان والعقل والحكمة تكمن في أن يوصف الشعب بأنه شحّات حتى منّ الله عليه بهذه الحكومة؟!
العارفون ببواطن الأمور يعتبرون أن المستشار عثمان من عقلاء النظام السوداني، وأرجو ألا ينطبق عقب هذه الحالة السؤال الذي يردده العرب: من عاقلكم؟ قالوا:...!
49 : عدد التعليقات
التعليقات
انا سمعت عن الغريق الذي يتمسك بقشة لاكن أول مرة اشاهد غرقى يتمسكون بالوقاحة وارجو الله ان يعجل بالفرج على الشعب السوداني قبل ان يغرق في سنوات الحصار التي لم يتسببو بها
متابع
مصطفى عثمان رجل محترم وواعي ولكن الاخ تركي كعادته يحب هالاستفزازات .. وهو رجل عاقل وربما ما قال زلة لسان .. لكن انت وش اللي نرفزك ؟
|
|
Post: #30
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: الرفاعي عبدالعاطي حجر
Date: 03-19-2009, 01:58 PM
Parent: #29
ياشعب الشحاديين سلام ؟.
انا شاك في اخونا غريبة حتى لو ماكان حاضر المؤتمر
لانو بالجد الدفرة دي ما كانت الا من زول عاقل ومتوازن
زي غريبة بالضبط ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حجر.
|
Post: #60
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 09:30 AM
Parent: #30
| Quote: انا شاك في اخونا غريبة |
هلا ياحجر
وغريبة حسع بكون ميت موووت
كييييييييييف دفرة رئاسية زي دي تفوتو...
واحتمال نشوف توقيع علي شاكلة
الصحفي صلاح غريبة الذي فاتته الدفرة لمصطفي عثمان اسماعيل
او احتمال يعمل مجموعة في الفاس بوك علي قولته...
مجموعةالدفرة التي فاتتني
|
Post: #31
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: نصار
Date: 03-19-2009, 02:08 PM
Parent: #29
كيكي
يعني بنعرف احسن من الحكومة و لسانها عبد النبي
بدل الكلام الكتير الحق اقرب مستشفي يطلعوا
ليك السوس الفي بطنك الليهو اكتر من عشرين سنة
لو ما قدروا عليهو شوف نجار ولا بتاع جولوجية
لو بكون اتحجر عديييل كدا
و ربنا يكتب الشفا
|
Post: #61
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 09:39 AM
Parent: #31
Quote: ليك السوس الفي بطنك الليهو اكتر من عشرين سنة
لو ما قدروا عليهو شوف نجار ولا بتاع جولوجية |
سسوسنا راقد وهبطرش يا نصار
ومية مرة مشينا لبتاع الجلولوجيا وقال لينا السوس ده عندو دقن ومتحالف مع ناس عندهم (كاب)
والنخر شغال تش يا صديقي شي في البطن وشي في الضهر وشي في حتات حساسة من الدولة السودانية
ولكن سيطلع وسيقتني الشعب قريبا _سينغل تو - وسيحارب الديكي وسوس الكيزاني
من امثال مصطفي اسماعيل وعبدالنبي شاهين ده
|
Post: #59
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 09:16 AM
Parent: #27
| Quote: قال الجماعة ديل كانوا بيشتروا السلع المذكور بكميات كبيرة جداً وبيرموه البحر |
هلا يا شول
وفعلا الزول المعاك كلامو صاح
الناس ديل كانو بشترو العيش وكل المواد التمونينة وبجدعوها وبدسوها من الناس
بالله شفت الحركات بتاعة الحقد علي الشعب ده كيف
ديل ناس منزوعة من قلبهم الرحمة وما بهمهم الا روحهم..
يموت ولا يفطس ولا يجوع هذا الشعب ماعندهم هم الا نفسهم واموالهم وبحثهم عن السلطة
اها يوم المسكو السلطة دوروا في البشرية دي سلخ شديد ونهب ثروات
كرهونا ليك البلي زاااتو...
الزول بتاع العيش المسوس ده زول انتهازي طفيلي فيروسي وبس
|
Post: #50
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 08:07 AM
Parent: #20
Quote: "الجماعة" في الخرطوم حيبعتوا ليه ضعفي راتبي
السفير والقنصل معا .. فما يقوم به ابن عمي في
الدفاع عن النظام لا تقوم به السفارة مجتمعة بكل
كوادرها .... عفارم عليه |
هلا يا فاروق ومشتاقين
والجماعة في الخرطوم ما فاضين اليومين دي لود الباوقة وجموع مطبلي الخليج
فالجقلبة والرجفي هو سيد الموقف في كل سماء الخرطوم وامدرمان والقصر ..
فود الباوقة ومن لف لفهم ماعليهم الا تناول (وجبة النيم) وانتظار الكفيل الذي حتما
سيعاملهم كشحادين دوليين
|
Post: #47
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:55 AM
Parent: #16
Quote: الزول القال الكلام ده مزعلني أكتر من كلام المستشار..
أحسن العيش المسوس وللا عيش بروميد البوتاسيوم؟
كيكي عليك الله بعد ده عرفته منو, فهموا لينا حاجه في باقي البوست ده.. |
هلا اماني الامين
وحبابك
وفعلا الزول الانتهازي الذي وحتي لحظة تلكو الوزير استغلاها ودفر ليهو (عيش مسوس) من اجل الاستخفاف
بالشعب الزعل منو مضاعف ويولد حسرة وغبن علي حال (هيك صحافة)...
والبلد الدمار والخراب والتمزيق علي كل المستويات في ال20 سنة الفاتو ديل
دمار اسطوري وما حصل لاي شعب من شعوب العالم قريبات دي...
السودان كان ورغم ةمشاكله اكثر تماسك في كل اشيائه
والان جثة هامدة وجثث توزعت في الفيافي والبرزخ وجوعي تئن بطونهم من الجوع
وتمزق في كل الاشياء...
فساد
وظلم
قتل
ترويع
ومستقبل مظلم
|
Post: #45
Title: Re: من هو صاحب دفرة (العيش المسوس) في تسجيل شحدة الشعب الرئاسي......!!!
Author: عبدالكريم الامين احمد
Date: 03-20-2009, 07:45 AM
Parent: #12
Quote: ده الصحفى الالمعى عبد النبى شاهين
وهو مؤتمر وطنى حتى اخمص دقنه
وقد كان يجلس خلفى مباشرة
اللهم انى قد بلغت اللهم فاشهد،،، |
هلا يا ود الموج
وحبابك يا زول يا سمح
وسوف لن ينسي التاريخ وذاكرة الشعب هذا الاسم (عبدالنبي شاهين)
نموذج الانتهازية الحية الدافرة للمستشار دفارات تصف الشعب باكلي العيش المسوس
شاهين نموذج حي للصحفي الجربندي حتي وان فاق تاهيله الاكاديمي الي اعلي مرحلة..فالصحافة قبل كل
شي هي اشرف المهن وروحها في الحس الصحفي والانحياز للحقيقة,,,
ولكن زولنا الانتهازي يبدو انه قادر علي انتهاز حتي فرصة توقف وزير عن كلام
ليدفر له كلمات توطن اساته للشعبه...
|
Post: #32
Title: صحفي انقاذي
Author: Mushal Allam
Date: 03-19-2009, 02:28 PM
Parent: #1
غايتو مؤتمر كان فيهو مهازل شديده.....في جدعه تاني مالاحظتوا ليها: شنو فلان الفلاني صحفي انقاذي دي??
|
Post: #33
Title: Re: صحفي انقاذي
Author: صديق الموج
Date: 03-19-2009, 02:43 PM
Parent: #32
Quote: غايتو مؤتمر كان فيهو مهازل شديده.....في جدعه تاني مالاحظتوا ليها
: شنو فلان الفلاني صحفي انقاذي دي?? |
ده صوت استاذنا الكبير الطيب شبشة قدم نفسه وقال
الطيب شبشة صحفى انقاذى ولما لم يسمعوها كررها
الطيب شبشة صحفى انقاذى...
له التحية الخال الطيب شبشه،،،،
|
Post: #34
Title: Re: صحفي انقاذي
Author: صلاح ليون
Date: 03-19-2009, 02:51 PM
Parent: #33
طيب يا صديق لسه ما شرحته حاجة
غير كلمات استاذنا والكبير وقدم
نفسو ، وريني يعني شنو صحفي
انغاذي وغير انغاذي
|
Post: #36
Title: Re: صحفي انقاذي
Author: خالد عبد الله محمود
Date: 03-19-2009, 03:04 PM
Parent: #34
كيكي شحاتة ..
يعني أسه ود الباوقة ده طلع مناضل كيبورد ساكت و ما عندو أي وجود على أرض الواقع ؟؟؟حتى الكلمتين ديل طلع ما قالهم هو ؟؟
|
Post: #38
Title: Re: صحفي انقاذي
Author: Raja
Date: 03-19-2009, 03:07 PM
Parent: #36
كيكي وضيوفه الأكارم.. ســـلام
هسع الزول القال الكلام الشين التاني إتعرف..
الما قدرت أعرفو لغاية دلوقت معنى كلمة (الجكة) التي وردت في الفقرة الخاصة بشرب الشاي
بالله لو في زول عارف المعنى يلحقني بيهو إحتمال ألاقيها شئ مفيد في الرجيم القاعدة أعمل فيهو اليومين دي..
و‘ن شا الله ما تكون كلمة أبيحة (قبيحة) على قول المصريين..
الموج يا رهييييب.. الصحفي الإنقاذي ده عرُف نفسه قبل ما قالو عننا شحادين ولا بعده؟ مهمة الحتة دي
يمكن الراجل يكون إتحسس وعايز يثبت إنه ما كان شحاد وإتولد جديد لنج مع الإنقاذ..
رجاء وهي تستخدم فكرة (فائدة الشك)
شكرا مشعل..
|
Post: #37
Title: Re: صحفي انقاذي
Author: طارق جبريل
Date: 03-19-2009, 03:05 PM
Parent: #34
غايتو الشحدة يا كيكي ما عارفها حا ترسا علي شنو
بعد شوية بيطلعو الشعب دة عجلاتية
|
Post: #39
Title: Re: صحفي انقاذي
Author: alfatih
Date: 03-19-2009, 03:18 PM
Parent: #37
عبد النبى مسوسين ( كنت بتاكل السوسة والعافية مدسوسة).. بركة الانقاذ خلتك حرامى .. تاكل السم
ومصطفى شحادين .. ( شعب الوطن كانوا بياكلوا كسرة بالمايونيز مع كرامة وشهامة وانفة .. يا مجرم
الشحاد جا للمسطول وقال ليو : اجرى من الله .. المسطول قال ليو تجرى منو وين !!
كيكى شحاته ...
سلام ليك قدر نيتك
|
Post: #70
Title: Re: صحفي انقاذي
Author: عبدالكريم الامين احمد
Date: 03-20-2009, 11:05 AM
Parent: #39
Quote: عبد النبى مسوسين ( كنت بتاكل السوسة والعافية مدسوسة).. بركة الانقاذ خلتك حرامى .. تاكل السم
|
هلا يا الفاتح وحبابك
وعبدالنبي مسوسين ياكل السم القدر غداهو
بركة شيخي خميس ابو مريومة...
تعرف زي مسوسين ده مادام شابكنا اتقاذ واييه كده ماعارف
المقعدو شنو في السعودية ام كفيلا لايرحم ولا يخلي رحمة الله تنزل
ويكابسنا في ريالات الخليج دي
ما يمشي محل الما شحاديين ناسو الكيزان ديل
|
Post: #41
Title: Re: صحفي انقاذي
Author: محمد عبد الماجد الصايم
Date: 03-19-2009, 03:21 PM
Parent: #37
Quote: غايتو الشحدة يا كيكي ما عارفها حا ترسا علي شنو
بعد شوية بيطلعو الشعب دة عجلاتية |
غايتو كيكي قبل كم سنة كــدا كان مقدم باسوورد لواحد عجلاتي صحبو
|
Post: #71
Title: Re: صحفي انقاذي
Author: عبدالكريم الامين احمد
Date: 03-20-2009, 11:10 AM
Parent: #41
| Quote: غايتو كيكي قبل كم سنة كــدا كان مقدم باسوورد لواحد عجلاتي صحبو |
حليلو ياخي بوبا يا عمك
شبكو ليك شحات ورعديد وقالو زول كعب بكري رفض يديهو الباصوريد وخاف منو
اها حسع مع الشعب الطلع كلو شحاتين ده
تودو وشكم وين تاني من بوبا العجلاتي...
شاحد ربي بركة الجمعة الجامعة
يلم فيكم بالصف ويخلي ريحتكم طير طير هههه
|
Post: #40
Title: Re: صحفي انقاذي
Author: صديق الموج
Date: 03-19-2009, 03:19 PM
Parent: #34
Quote: طيب يا صديق لسه ما شرحته حاجة
غير كلمات استاذنا والكبير وقدم
نفسو ، وريني يعني شنو صحفي
انغاذي وغير انغاذي |
صلاح يا اخوى ...سلام
اشرح شنو الزول ده سال قال شنو انقاذى وما انقاذى
انا قلت ليك ده الصحفى الكبير الطيب شبشة قدم نفسه بهذه الطريقه
الطيب شبشة صحفى انقاذى وبعد ذلك قدم مداخلته.
صحفى انقاذى الاولى معناها صحفى انقاذى
اما صحفى انقاذى التانيه دى معناها صحفى انقاذى
اها قصرت معاك,
اخى صلاح كان فهمت الحمد لله وكان ما فهمت انصحك امشى لى مداخلة رجاء العباسى
عل وعسى ولعل تجد ما يروى غليلك،،،
|
Post: #42
Title: Re: صحفي انقاذي
Author: حيدر حسن ميرغني
Date: 03-19-2009, 03:34 PM
Parent: #40
|
Post: #51
Title: Re: صحفي انقاذي
Author: محاسن زين العابدين
Date: 03-20-2009, 08:21 AM
Parent: #42
استغفروا الله يا جماعة
شنو البيزعل في الكلام ده ....-
وهم لا يرون أبعد من انفهم
وشنو الجديد في الكلام
وهم ما ديل ... ياهم... هم ...
اختصروا السودان
ليصبح مراية لشخصهم
والمراية بتقول
انتفخت الاوداج بعد هزال
وأبيضت الجلابيات بعد صفار
وتزينت العمامات بالتطريز
ومن الراكوبة للقصر
وهم ما بيشوفوا ولا حيشوفوا ابعد من كدة
يشوفوا كيف
فبجانب الفكر الاستعلائي للكيزان
الذي تربوا عليه
الخلعة كاتلاهم
وعامياهم
|
Post: #75
Title: Re: صحفي انقاذي
Author: عبدالكريم الامين احمد
Date: 03-20-2009, 04:19 PM
Parent: #51
Quote: وهم ما بيشوفوا ولا حيشوفوا ابعد من كدة
يشوفوا كيف
فبجانب الفكر الاستعلائي للكيزان
الذي تربوا عليه
الخلعة كاتلاهم
وعامياهم |
هلا يا محاسن وحبابك
والواضح فعلا انو الناس ديل قاسو الامور علي حالهم ما قبل التمكين والقروش النزلت ليهم من عرق الشعب المسكين ده
وياكافي البلاء كانو دقن مغبشة وطابقين ليهم شنطة اسمها (سائحون)
بعد الشبع والكروش والكروش الشنطة زااتها غيروها وسموها (تمكنا)..
حال بائس يا استاذة وحرامية وعينهم قوية وبس
|
Post: #52
Title: Re: صحفي انقاذي
Author: حمور زيادة
Date: 03-20-2009, 08:21 AM
Parent: #42
كيكي ..
الليلة جمعة و موسم و كده ..
جيت امرق اشحد ما لقيت قرعتي ..
شحدني قرعتك واخر اليوم فيفتي فيفتي يا ظريف انت
يا جماعة فيكم زول قرا رواية البوني الاسمها : حلوم ؟
الرواية بتتكلم عن مجتمع الشحاتين و كيف حليمة دي صعدت من ادراة مهنة الشحاته الى سيدة مجتمع
بل فيها انو الشحاتين تابعين لمؤسسة بيديرا رجال نافذين في الدولة.
حقوا اجيبا اعمل ليها قراءة هنا
|
Post: #76
Title: Re: صحفي انقاذي
Author: عبدالكريم الامين احمد
Date: 03-20-2009, 04:25 PM
Parent: #52
الليلة جمعة و موسم و كده ..
جيت امرق اشحد ما لقيت قرعتي ..
شحدني قرعتك واخر اليوم فيفتي فيفتي يا ظريف انت
هلا ياحمور
انا قرعتي خليتها في السودان
لكن لمن جيت البلد دي سعيت لي قرعة اليكرونية مع العولمة دي
ممكن ارسل ليك واحدة زيها
قرعة بنت لينة اصلا ما بترجع فاضية لو مديتها
|
Post: #53
Title: Re: صحفي انقاذي
Author: محمد الأمين موسى
Date: 03-20-2009, 08:23 AM
Parent: #42
عشان كده أتاري لمن عدت للسودان عام 90 - بعد غياب 6 سنوات - وجدت عيادات الأسنان كترت!!!؟
Quote: خليهو يعمل موتمر صحفي تاني ويقول لينا الشحدو منو
عشان نعمل تضامن اسفيري نشجب وندين |
أوعه تغلط يا هندسة الزول دا صحح كلامو في إيميل لناس الشرق الأوسط قال فيه: "نحنا كنا شحادين..." ومافي داعي تزودها وتسألوا: شحدت منو؟؟
|
Post: #79
Title: Re: صحفي انقاذي
Author: عبدالكريم الامين احمد
Date: 03-20-2009, 08:44 PM
Parent: #53
| Quote: أوعه تغلط يا هندسة الزول دا صحح كلامو في إيميل لناس الشرق الأوسط قال فيه: "نحنا كنا شحادين..." ومافي داعي تزودها وتسألوا: شحدت منو؟؟ |
هلا يا ود الامين
كيف لي انا محمد احمد الكحيان الشحات السابق
ان اغلط مع مستشار كبير وعريض
انا بس سالت عن الشحد الزول ده منو ياجماعة قبل كده
ومافي حد داير يجاوب
|
Post: #74
Title: Re: صحفي انقاذي
Author: عبدالكريم الامين احمد
Date: 03-20-2009, 04:14 PM
Parent: #42
ايوه يا حيدر وصفونا بالمتسوليين في المدن
وبقينا اشهر من اولفر تسوت وكبار المتسولين عبر التاريخ الانساني
وياريت يرسمونا بعد ده
|
Post: #64
Title: Re: صحفي انقاذي
Author: عبدالكريم الامين احمد
Date: 03-20-2009, 10:02 AM
Parent: #34
Quote: وريني يعني شنو صحفي
انغاذي وغير انغاذي |
هلا يا ابوصلاح
وبكون عمك شبشة ده تبع الصليب الاحمر الدولي
او تبع الهلال الاحمر السعودي
والله اعلم
|
Post: #63
Title: Re: صحفي انقاذي
Author: عبدالكريم الامين احمد
Date: 03-20-2009, 09:58 AM
Parent: #33
Quote: ده صوت استاذنا الكبير الطيب شبشة قدم نفسه وقال
الطيب شبشة صحفى انقاذى ولما لم يسمعوها كررها
الطيب شبشة صحفى انقاذى...
له التحية الخال الطيب شبشه،،،، |
حسع بالله عمنا الطيب شبشة ده يودي وشو وين مع الصحافة العالمية والشفافية الرافضة لوضع الصحافة في
سلة الحكومات والتنميطات
صحفي انقاذي ياخال ده كلام شنو...
يعني جريدتو البعمل فيها في السعودية ولا مكان عملو عينو كصحفي انقاذي
مثل هذا الخال المسكين يا ود الموج لا يستحق بالجد الرد عليه وكثير كلام حوله فهو في وادي
والصحافة في وادي تاني
|
Post: #62
Title: Re: صحفي انقاذي
Author: عبدالكريم الامين احمد
Date: 03-20-2009, 09:53 AM
Parent: #32
| Quote: غايتو مؤتمر كان فيهو مهازل شديده.....في جدعه تاني مالاحظتوا ليها: شنو فلان الفلاني صحفي انقاذي دي?? |
هلا يا مشعل
وفعلا موتمر مهزلة
وموتمر مرمطة
وموتمر كارثة تمشي علي قدمين انقاذية رعديدية...
حكاية صحفي انقاذي ده كمان حكاية ومضحكة لدرجة الدردقة في اقرب ملف جنبك
يعني بكرة الانقاذ دي لو مشت..
زولنا ده ما حيكون صحفي ولاشنو..؟؟؟
ولا حيكون اسمو المهني (صحفي انقاذي سابق)
غايتو فعلا محن وبلاوي انقاذية في مرحلة النهايات
|
Post: #65
Title: Re: صحفي انقاذي
Author: عبدالكريم الامين احمد
Date: 03-20-2009, 10:06 AM
Parent: #62
| Quote: يعني أسه ود الباوقة ده طلع مناضل كيبورد ساكت و ما عندو أي وجود على أرض الواقع ؟؟؟حتى الكلمتين ديل طلع ما قالهم هو ؟؟ |
هلا يا خالد
وود الباوقة طلع طرموني اسفيري ساكت
وبتاع جاكات اسفيرية وناس عبدالنبي شاهين وشبشة خمشو منو الدفرة الرئاسية وخلو خشمو ملح ملح..
والثنائي بتاع المرحلة
هو شاهين وشبشة
وليس ذلك الثنائي الاسفيري الجقلاب
غريبة وودالباوقة.... ديل زعرطية ساااكت ههههه
|
Post: #66
Title: Re: صحفي انقاذي
Author: عبدالكريم الامين احمد
Date: 03-20-2009, 10:15 AM
Parent: #65
Quote: هسع الزول القال الكلام الشين التاني إتعرف..
الما قدرت أعرفو لغاية دلوقت معنى كلمة (الجكة) التي وردت في الفقرة الخاصة بشرب الشاي
بالله لو في زول عارف المعنى يلحقني بيهو إحتمال ألاقيها شئ مفيد في الرجيم القاعدة أعمل فيهو اليومين دي..
و‘ن شا الله ما تكون كلمة أبيحة (قبيحة) على قول المصريين..
الموج يا رهييييب.. الصحفي الإنقاذي ده عرُف نفسه قبل ما قالو عننا شحادين ولا بعده؟ مهمة الحتة دي
يمكن الراجل يكون إتحسس وعايز يثبت إنه ما كان شحاد وإتولد جديد لنج مع الإنقاذ..
رجاء وهي تستخدم فكرة (فائدة الشك) |
هلا يارجاء
وبيني وبيك الجكة دي انا زااتي قطعت راسي وخاصة لمن قال بشربو بيها الشاي.. وقلت
ياربي دي الجكة بمعني الجري..والزول ده قصدو الشعب ده كان بشرب الشاي وبجك من الصباح عكس الهواء ولا الحاصل شنو..
ولكن بصراحة المستشار الظاهر عليهو كان بتكلم بره الشبكة خالص وشايت لفت...وياريت يجينا زول يجك لينا ويورينا الجكة القالها الوزير دي لله ولا حاجة تاني...
صحفي الانغاذ قالوا قديم يا اتي
وخبروا جابو ناس امدرمان قالو صحفي من زمن حفروا البحر..وعندو قصة شهيرة بتموت ناس امدر من الضحك لمن يتزكروها
...
|
Post: #68
Title: Re: صحفي انقاذي
Author: عبدالكريم الامين احمد
Date: 03-20-2009, 10:31 AM
Parent: #66
Quote: غايتو الشحدة يا كيكي ما عارفها حا ترسا علي شنو
بعد شوية بيطلعو الشعب دة عجلاتية |
هلا يا طارق
وبيني وبينك حكاية الشحدة دي بقت تخوف
خاصة لو ناس فريق ورا سمعو الكلام ده وجونا ناس عثمان ابو فيسبا
وعمر (قشة مرةمافي)...ومعاهم بوبا العجلاتي
ديل لو الخبر وصل اضانهم غايتو الا الناس تعمل ساتر وتشتري طبل ههههه
|
Post: #67
Title: Re: صحفي انقاذي
Author: حواء سليمان ابراهيم
Date: 03-20-2009, 10:19 AM
Parent: #62
كيكى شحاته
سلامات !!!!!
يعنى صحبك ابو الجقاجق طلع
برائة من مقولة السوس
واحدة شحاته
|
Post: #69
Title: Re: صحفي انقاذي
Author: نوفل عبد الرحيم حسن
Date: 03-20-2009, 11:03 AM
Parent: #67
كيكي الشحاد
الزول دا ذكرني بتاع سقط هبل داك
بما اننا نملك مخبز من قبل الانقاذ اقول :
العيش كان سمح جوه وبرا .. لون ووزن .. وليهو طعم
|
Post: #73
Title: Re: صحفي انقاذي
Author: saif massad ali
Date: 03-20-2009, 11:40 AM
Parent: #72
صديقي ابو الكك
صدق اسم جميل مفروض نعمل ليهو وليمة كاربة
انا وابني الجيل عملنا تجربة لاستقبال مسيرتك الملونية وصحنا كيكي شحاته كيكي شحاته
ام العيال تموت بي الضحك لانو الجيلي بقول قيقي سحاته
|
Post: #77
Title: Re: صحفي انقاذي
Author: Yassir Tayfour
Date: 03-20-2009, 04:54 PM
Parent: #73
Kiki
You're driving so fast, give me my changes..
___
drop me the next stop..
|
Post: #78
Title: Re: صحفي انقاذي
Author: osman righeem
Date: 03-20-2009, 05:45 PM
Parent: #77
حاتم حسن الدابي يصور حالنا الان
قومة من النباه ما ضاقلو قوت الفاه
غير كلمتين فى اليوم إعتادن الحلقوم
من الصباح للنوم يا مـحسنين لله
تبدأ الصباح بالآه ومنك زمن تواه
وتتمسى يا الله من شدة المأساه
ترقد رفقت الشاه حالاً صعب رضاه
جواها صوت مخنوق ما بيسمعوا المخلوق
وبالاً شتيت ممحوق وأنه أسى وخازوق
بحت لسان مريوق ينادى مـعـتـصـمـاه
00 يا محسنين لله 00
حبل المروه الكان ممدود من الجيران
وأعـمـــامـه والخلان بالمطرقة وسندان
يا حليل رجلنا زمان بس فضلو الأشباه
قبال ثلاثة سنين يتمت من الوالدين
ومن بعـــــدو بسنتين راح الكفيل وحنين
خلا لها دمعة عين وخلا لها خمسة أفواه
صبارة قادرة تطيق كل الآلم والضيق
وتغلب نشاف الريق والمصلا والابريق
وقلبـــاً وفى وصـــــديق لا ضل يوم لا تاه
إلا الصغيرونين يتبـــــاكو هم دايرين
فى لحظة وحين مـا بيعوفـوا المن وين
والحــوجة سيفه سنين يقتل رقاب الجاه
سالت دموع أنهار جسر الصمود إنهار
عارفى العدم جبار مر ما بيراعى صغار
إلا الفقر مـو عار بس للوجوه شواه
ضايقى العذاب كم نوع وعارفى السؤال ممنوع
شبعانه فوقو الصوع ورويانه نوح ودموع
الله يجازى الجوع كم كم حنالو جباه
تب يا زمن مـحاق من ضلك الرقـــــاق
يا قاسى يا فراق يا اللى الفرح سراق
حنضل أساق دقاق مـا بيحملنو شفاه
عطش السنين فى الجوف طرد السئم والخوف
فرش دواخلى حـروف روينا بالمعــــــــروف
ولا قلة المصـــــــروف لا الحـــــوجــة تتوطاه
|
Post: #89
Title: Re: صحفي انقاذي
Author: عبدالكريم الامين احمد
Date: 03-22-2009, 08:23 PM
Parent: #78
Quote: تب يا زمن مـحاق من ضلك الرقـــــاق
يا قاسى يا فراق يا اللى الفرح سراق
حنضل أساق دقاق مـا بيحملنو شفاه
|
وجاء الزمان
الفيهو سمعنا الرؤساء الفارين ومزنوقيين الطلعة لبلاد بره بقت دايرة ليها
فتوي علماء دين تبع السلاطين
|
Post: #87
Title: Re: صحفي انقاذي
Author: عبدالكريم الامين احمد
Date: 03-22-2009, 08:04 PM
Parent: #77
Kiki
You're driving so fast, give me my changes..
هلا يا ابو اليسر ومشتاقين يا صاحبي
واخوك اليومين دي حالتو الاداء الاسفيري بتاعو
اداء اقل ما يوصف بانه اداء تعبان وشاحد
|
Post: #85
Title: Re: صحفي انقاذي
Author: عبدالكريم الامين احمد
Date: 03-22-2009, 05:49 PM
Parent: #73
| Quote: ام العيال تموت بي الضحك لانو الجيلي بقول قيقي سحاته |
هلا بعوج الدرب صحبي
وحبابك وحباب جيلي القوم
والجيلي ده قاعد تقرا ليهو كتابات محمد اي سليمان ولاشنو
لانو كان بقول لي (غيغي) ههههه
|
Post: #84
Title: Re: صحفي انقاذي
Author: عبدالكريم الامين احمد
Date: 03-21-2009, 07:19 PM
Parent: #72
يا قائد بلا معركة هذا اوان المعركة
هلا ياخلي
وهذا فعلا اوان المعركة وقد هجمت الجيوش
ولن تغمد السيوف الا في لاهاي
|
Post: #83
Title: Re: صحفي انقاذي
Author: عبدالكريم الامين احمد
Date: 03-21-2009, 07:04 PM
Parent: #69
| Quote: الزول دا ذكرني بتاع سقط هبل داك |
هلا يا نوفل
وهبل الانقاذي الاكبر دنت ساعات سقوطه
وتاني حنرجع شحادين كبار ومن الليلة حاول امشي انفض الفرن بتاعكم عشان نجي نشحد الرغيف بالصباح
|
Post: #80
Title: Re: صحفي انقاذي
Author: عبدالكريم الامين احمد
Date: 03-20-2009, 08:53 PM
Parent: #67
Quote: يعنى صحبك ابو الجقاجق طلع
برائة من مقولة السوس |
هلا بحواء اختي
ابو الجقاجق طلع برئي براءة الذئب هزبر الذي اكل سيدنا يوسف
لكن حسع جقاجق بكون زعلان زعل شديد
كيييييف مولد زي ده يفوتو..!!!
ما يعمل الدفرة هو يقوم يعلها زول تاني غيرو
|
Post: #81
Title: Re: صحفي انقاذي
Author: أحمد الشايقي
Date: 03-20-2009, 11:14 PM
Parent: #80
كيكي يا عظيــم
تعظيم ســـلام
تعرف يا كيكي , الشتائم دي معتادين عليها من حكومة القمع دي من زمااااااااااان
بس شويتين حكاية الحركة الشعبية وجزرة التحول الدمقراطي غيرت الرياح العكسية ووقفت الشتائم شويتين
المهم يا عظيم ,
كويس انكم تهتموا بتوثيق الشتائم دي كلها نعمل ليها بوست كدا مكتبة ونوثقها نشوف شنو الرصيد من الشتائم دي ,
خلينا نشحد الاعضاء ديل توثيق شتائم
ليك التحية يا كيكي
أحمد الشايقي
|
Post: #82
Title: Re: صحفي انقاذي
Author: Elawad Eltayeb
Date: 03-21-2009, 09:47 AM
Parent: #81
الجماعة ديل من صغار (الشحدة) دي عندهم عادية
وعايزين يعمموها مع (مشروعهم الحضاري)
ودي محاولة (تأصيل) من جناب المستشار.
|
Post: #86
Title: Re: صحفي انقاذي
Author: mohamed osman bakry
Date: 03-22-2009, 06:31 PM
Parent: #82
الله كريم
|
Post: #88
Title: Re: صحفي انقاذي
Author: Ahmed Elmardi
Date: 03-22-2009, 08:14 PM
Parent: #86
جاك
.
الباقي هنا
سكتش بوك Note Pad_
|
Post: #94
Title: Re: صحفي انقاذي
Author: عبدالكريم الامين احمد
Date: 03-22-2009, 09:02 PM
Parent: #88
سكتش بوك Note Pad_
هلا يا فن
وكثر لينا بالله من الاصناف دي
وطول الدقن وصلحها لينا بالله لموس اوكمابو
|
Post: #92
Title: Re: صحفي انقاذي
Author: عبدالكريم الامين احمد
Date: 03-22-2009, 08:57 PM
Parent: #86
هلا يا محمد
والله كريم دي ياخي بقولوها الناس البشحدوهم
مش البشحدو زينا كده نحن جموع الشعب الشاحدة
|
Post: #91
Title: Re: صحفي انقاذي
Author: عبدالكريم الامين احمد
Date: 03-22-2009, 08:48 PM
Parent: #82
Quote: الجماعة ديل من صغار (الشحدة) دي عندهم عادية
وعايزين يعمموها مع (مشروعهم الحضاري)
ودي محاولة (تأصيل) من جناب المستشار. |
مرحب يا العوض
وانها نهايات دولة المشروع الحضاري وربنا ببهدل فيهم عيانا بيانا علي مراي ومسمع من كل العالم
الذي يشهد الان
|
Post: #90
Title: Re: صحفي انقاذي
Author: عبدالكريم الامين احمد
Date: 03-22-2009, 08:44 PM
Parent: #81
Quote: كويس انكم تهتموا بتوثيق الشتائم دي كلها نعمل ليها بوست كدا مكتبة ونوثقها نشوف شنو الرصيد من الشتائم دي ,
خلينا نشحد الاعضاء ديل توثيق شتائم |
هلا يا مولانا احمد
وحبابك ياخي
والناس ديل بنو مجدهم الزائف علي شتيمة الشعب
وهو الذين مصو وعصرو كل اشياء الشعب منذ داخليات السردين مرورا بموز البركس
ولكنهم عندما استبدت بهم السلطة زاد الازدراء والتكبر الاجوف
ولكن دوما هنالك هو الله
وذاكرة الشعوب التي لا ترحم وجالسة توثق لهم.. للتاريخ
معا من اجل توثيق هذه الخزعبلات
|
Post: #93
Title: Re: صحفي انقاذي
Author: Badreldin Ahmed Musa
Date: 03-22-2009, 08:57 PM
Parent: #90
عبدالكريم
سلام
وين انت اليومين الفاتو؟
كنت قايلك جيت تشحت بي علينالدى العم سام!
------------
بعدين شنو رافع لي القزاز في بوست الصاوي؟
غايتو على الصاوي ان ياتي باعتذار سمين و الا انا حارفع عليه قزاز بتاع اسمنت!
|
Post: #95
Title: Re: صحفي انقاذي
Author: عبدالكريم الامين احمد
Date: 03-22-2009, 09:09 PM
Parent: #93
Quote:
وين انت اليومين الفاتو؟
كنت قايلك جيت تشحت بي علينالدى العم سام!
------------
بعدين شنو رافع لي القزاز في بوست الصاوي؟
غايتو على الصاوي ان ياتي باعتزار سمين و الا انا حارفع عليه قزاز بتاع اسمنت |
اووووه
بدرالدين
ومشتاقين ياخي
تصدق مفروض اكون حسع وقبل كم يوم كده قااااعد اكابس شحدة تقيلة في بلاد العم سام
وديك قالو شحدة اليكرونية واحتمال اصادف المليونير البوزع القروش داك يلفحنا بكم دولار ينفع مع البرد ده
ولكن شوية بلاوي ولكن باذن الله القدم ليهو رافع...
..
وشفت يا بدر اوكمابو صاحبني من اول عصرة الجماعة طلعونا شحاديين
وماعارف حنطلع اييييه تاني..
للمشاغل كنت بعيد من المنبر الايام الفاتن ديل
ولكن من دربي ده طوااالي علي بوست الصاوي اشوف علي الاقل رايك في موضوع الشحدة ده شنو,,؟؟؟
واشوف اثار الضربة الاوكمابوية عليك شنو
|
Post: #96
Title: Re: صحفي انقاذي
Author: Badreldin Ahmed Musa
Date: 03-22-2009, 10:04 PM
Parent: #95
Quote: وشفت يا بدر اوكمابو صاحبني من اول عصرة الجماعة طلعونا شحاديين
وماعارف حنطلع اييييه تاني..
للمشاغل كنت بعيد من المنبر الايام الفاتن ديل
ولكن من دربي ده طوااالي علي بوست الصاوي اشوف علي الاقل رايك في موضوع الشحدة ده شنو,,؟؟؟
واشوف اثار الضربة الاوكمابوية عليك شنو |
عبدالكريم
سلامات
و الله يا عبدالكريم صاحبكم اوكامبو يكون اليومين ديل يمصمص في شلاليفو!
ياخ يشرب موصة من ورقة واحدة؟ و الله عجبني ليهو!
و انتو كمان خلو ارواحكم رياضية و اعترفوا انه لم يحقق شئ من كل الهيلامنة بتاعتو غير زاد شعبية البشير و ذلك ما كنت اخشاه.
انت عارف يا عبدالكريم، ناس التكتيك بقولوا: انه جوك جوك "التهديد" اكثر مردود من الفعل "القتل"، كان اوكامبو عندو يد ضغط على البشير ايام التهديد بالقرار، الان ما عندوش و لا حاجة.
البشير ما حيسافر برة لكن ممكن يقوم باقامة كل المؤتمرات في السودان على حساب الشعب المسكين"الشحاد" و يقعد رئيس الي ان يجعل الله امرا كان مفعولا. و عمك اوكامبو يكون ماسك اوراقو عند المطارات بلا جدوى!
مين الاتضر؟
نحن!!!!!
|
Post: #97
Title: Re: صحفي انقاذي
Author: عبدالكريم الامين احمد
Date: 03-23-2009, 07:48 AM
Parent: #96
Quote: و الله يا عبدالكريم صاحبكم اوكامبو يكون اليومين ديل يمصمص في شلاليفو!
ياخ يشرب موصة من ورقة واحدة؟ و الله عجبني ليهو!
و انتو كمان خلو ارواحكم رياضية و اعترفوا انه لم يحقق شئ من كل الهيلامنة بتاعتو غير زاد شعبية البشير و ذلك ما كنت اخشاه.
انت عارف يا عبدالكريم، ناس التكتيك بقولوا: انه جوك جوك "التهديد" اكثر مردود من الفعل "القتل"، كان اوكامبو عندو يد ضغط على البشير ايام التهديد بالقرار، الان ما عندوش و لا حاجة.
البشير ما حيسافر برة لكن ممكن يقوم باقامة كل المؤتمرات في السودان على حساب الشعب المسكين"الشحاد" و يقعد رئيس الي ان يجعل الله امرا كان مفعولا. و عمك اوكامبو يكون ماسك اوراقو عند المطارات بلا جدوى!
مين الاتضر؟
نحن!!!!! |
هلا يابدر وحبابك
ويازول اوكمابو انجز مهمته علي اوج الكمال ونجح في وضع الامر في اطاره المهني ..وفعلا الكورة الان تشتت بين ملاعب كثيرة
الا ان صحبي ابو حواجب هو راس الرمح ولسع هو (الكي بيرسون) وماسك مفاتيح الازمة من جوانبها القانوينة بل ذهب اعلي من ذلك
في توجيه العالم الحر للطريقةالتي يمكن بها عكش الريس...
شعبية الريس يا بدر هي شعبية الريس والهيلمانة والحشود الانت شايفها دي وانت سيد العارفين سوف تنفض من حوله بمجرد انتهي مراسم الموكب
وتاريخيا الطغاة لها مقدرات وفنون في صناعة الحشود وتشكيل الراي العام بطريقة (فيك) والبحث عن الشرعية بين هتافات الجماهير
وقد لاننسي بان النميري في اخريات ايامه كان الهتاف والتطبيل له بالمناسبة يفوق مثل امر البشير هذا..
مجرد تربسة البشير وسجنه في داخل الوطن وممارسة الضغوط عليه في جانب الحريات والامر الانساني ومشاركة الاخريين في ايجاد حل لهذه الازمة اعتقد بانه موشر ايجابي ومكسب كبير ..وبمرور الايام سوف تتفكك كثير من الاشياء في قبضة الانقاذ وهذا هو الهدف الاساسي والمنشود
|
Post: #98
Title: Re: صحفي انقاذي
Author: Badreldin Ahmed Musa
Date: 03-23-2009, 08:30 AM
Parent: #97
عبدالكريم
سلام
انت عارف، انا عمر البشير دا من بيان الغدر الاول يوم تلتين يونيو 89 ما حصل حضرت ليه خطبة و لا غيره لاني بقفل النلفيزون او الرادي اوتوماتيك من اشوف خلقتو. بعد اصدار بيان المحكمة اتفرجت في الصور من غرب السودان و شفت بعض مناظر في التلفيزيون والله اصابني غم و هم، ياخي الزول دا راكب عربية مكشوفة وسط من يفترض انه يقتلهم و يغتصب بناتهم، المناظر بتقول كلام مختلف يا عبدالكريم!!
منو من امريكا، بريطانيا ولا فرنسا او حتى اوكامبو العفين يقدر يعمل كدة؟؟
ياخي عايزين ايديكم معانا من اجل الصلح و السلام في السودان، ما تبارو الجداد!!
|
Post: #99
Title: Re: صحفي انقاذي
Author: عبدالكريم الامين احمد
Date: 03-23-2009, 08:41 AM
Parent: #98
| Quote: ياخي عايزين ايديكم معانا من اجل الصلح و السلام في السودان، ما تبارو الجداد!! |
هلا يا بدر
وصدقني يدنا معاكم قلبا وقالبا من الصلح والسلام في السودان...
وماشين تماما في نفس السكة البتنادي بالحاجات دي ..ولكنها سكة اقتلاع بؤر تتميع السلام والصلح
وقطع رقبتها من ارض السودان للابد..
والسكة دي يا بدر المشي فيها بدون ثمن قاسي وصعب ومخاض شاق ما بجيب شي
بل سنعود مرة اخري للمربع الاولي
ولك في نيفاشا وابوجا واتفاقيات كثيرة منذ اديس ابابا..بالاضافة الي الادمان العالي للنخب السودانية للفشل
فالقصة يا قريبي لابد لها من شوية عصر وصبر وضغوط للقوي الانتهازية في الموتمر الوطني عشان تمشي في الدقيق دغري ما تلخبت كثير..
.........
الحشود بتاعة نيالا والفاشر وحشود توتي ووين كده دي
مافي خوف منها كثير وبالجد شفتها بعيني دي في زمن نميري وبعد يومين نفس الاوجه خرجت تنند وتجشب وتنبذ نميري..
فالطغاة يا بدر لهم علو كعب ومقدرة لملمة ما حصلت
|
|