Post: #1
Title: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-29-2009, 04:33 PM
Parent: #0
مادام القصة فيها مرشحكم فلان ورائدكم الذي لايكذب اهله علان
حرم كمان نحن كجموع فريق زنقو وفريق ورا متلمين مع بعض قررنا ان نقدم لكم فلزات ولافلزات ابناء الحييين
الاسطوري ود قنيرة نقدمه رئيسا لا يشق له غبار او كتاحة
ومعه نائبه الاول والثاني ويمكن ان يكون الثالث برضو حسن ابوعلي حسن الشهير بحسن ماكردة...
ترشيح في شكل باقة (رئيس ونائب رئيس) علي بعضهم كده...وده اهم شروطنا للدخول في ديربي الرئاسة الانفكت سنبلة
ونعود الي ترتيبات ود قنيرة وماكردة ورويتهم الاركلوجيا لانتخابات الرعاسة...
|
Post: #2
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: ود الباوقة
Date: 04-29-2009, 04:37 PM
ونعود الي ترتيبات ود قنيرة وماكردة ورويتهم الاركلوجيا لانتخابات الرعاسة...
هلا .. هلا ..
كيكي بقيت تنضم كتر ....
|
Post: #5
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-29-2009, 04:43 PM
Parent: #2
Quote: هلا .. هلا ..
كيكي بقيت تنضم كتر .... |
هلا وحبابك يا ود الباوقة
وحبابك في ود قنيرة وماكردة
والجوز ده ناااوي ينزل وبرامجهم واضح وبالله صوتك امانة في زمتك
وخلي ود قنيرة همتك
|
Post: #3
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-29-2009, 04:40 PM
مع ايمان ود قنيرة وماكردة القاطع بانو حكاية انتخابات في ظل نظام اهله لهم خبرات عالية في (دس الكورة)
وخرمجة الصناديق وبيع وشرا زمم الناخبين وانو الديمقراطية دي جلابية وعباية مكنكشين فيها وبلبسوها ساعات الزنقات كزنقة اوكمابو الشهير.....
اول شي في برنامج الثنائي قنيرة وماكردة
هو تسليم الفاضي او تسليم البشير للاهاي ...وبعدها نجي لباقي الاشياء ونعد من سي جديد
|
Post: #4
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: طارق جبريل
Date: 04-29-2009, 04:42 PM
Parent: #3
اها ناس الاركلوجيا عندكم ليهم مكان في لستتكم دي
|
Post: #7
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-29-2009, 04:48 PM
Parent: #4
| Quote: اها ناس الاركلوجيا عندكم ليهم مكان في لستتكم دي |
هلا وغلا يا اركلوجي
وبالله ناس الليل والاركلوجيين وكل الجكسوسين واهل العذاب
خليهم قريب واصواتهم دايرنها لود قنيرة الحالف من حسع البشكات والحفلات صباحي
ومافي بوليس لابس رسمي يقرب من مزيكة مدورة في البلد دي ههههههههه
|
Post: #6
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Nasr
Date: 04-29-2009, 04:46 PM
Parent: #3
"هو تسليم الفاضي او تسليم البشير للاهاي ...وبعدها نجي لباقي الاشياء ونعد من سي جديد "
جنس الكلام دا بالسَقط حجر الإنتخابات ذاتها
بس قامت ولا ما قامت أكتبنا من المؤيدين
|
Post: #8
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-29-2009, 04:51 PM
Parent: #6
Quote: جنس الكلام دا بالسَقط حجر الإنتخابات ذاتها
بس قامت ولا ما قامت أكتبنا من المؤيدين |
هلا يا نصر
وناس ودقنيرة عارفين انو الانتخابات دي حجرها غاطس غاطس
ووعشان كده نازلين تحت شعار( يا فيها يا نفطيها)....
|
Post: #9
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: طارق جبريل
Date: 04-29-2009, 04:59 PM
Parent: #8
Quote: هلا وغلا يا اركلوجي
وبالله ناس الليل والاركلوجيين وكل الجكسوسين واهل العذاب
خليهم قريب واصواتهم دايرنها لود قنيرة الحالف من حسع البشكات والحفلات صباحي
ومافي بوليس لابس رسمي يقرب من مزيكة مدورة في البلد دي ههههههههه |
كان كدة انا بضمن ليه ناس العذابات والاركلوجيا كلهم
خصوصا لو كان شعاره: الحفلات صباحي
دة زولنا تب يا كيكي
وتحت كدة قول ليه عندنا واحد بتاع عذاب تقيل لكن لو ما مشى علي ((العرقوب)) الابداع بتاعو بيكون ضعيف
ههههههههه
خليهو يكون شعاره ((فكيناها للطيش))
|
Post: #10
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Badreldin Ahmed Musa
Date: 04-29-2009, 05:45 PM
Parent: #9
عبدالكريم
سلام
يا زول ودقنيرة بتاعكم دا دكتور و لا ما دكتور؟
المسالة بتاعت اولاد مصارين بيض وكدة!
يا دكتوراة او دكتور او على الاقل عميد سابق، عنقالة ما معانايا اخوي
----------
تحت تحت بصوت لي زولك دا.
|
Post: #11
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Nasr
Date: 04-30-2009, 07:05 AM
Parent: #10
أسمع
إنت كنت عامل بوست كدا عن منو كدا بت قنيرة
دا أخوها؟؟؟؟؟؟
|
Post: #12
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: ريهان الريح الشاذلي
Date: 04-30-2009, 08:09 AM
Parent: #11
حلوة منك
|
Post: #13
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: الامين جبارة الله التوم
Date: 04-30-2009, 08:24 AM
Parent: #12
مرشحكم مين ود قنيرة
منقذكم مين ود قنيرة
البجيب ليكم الواء مين ود قنيرة
البسوي ليكم المدارس بلاش مين ود قنيرة
البجيب ليكم الكهرباء مين ود قنيرة
البجيب ليكم المريسا خالة الكحول مين ود قنيرة
كيكي ده هتا هتافنا
|
Post: #14
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Amany Elamin
Date: 04-30-2009, 09:06 AM
Parent: #13
كيكي:
| Quote: ادعمو مرشحكم لرئاسة الجمهورية |
ياسيدي ندعم مرشحنا ..
بس أهمّ حاجه يكون بيتناقش مع الرجرجه والدهماء (أمثالنا) ..
يعني بريستيجه ما يكون مناظرات مع رؤساء وبس ..
خشم خشمين مع عامة الشعب برضو ما بيعملوا ليهو حاجه ..
وللا شنو ؟
وبعدين لو طلع قنيره ده بتاع بيانات وكلام كتير كلمنا من هسي,
عندنا قرايه كتيره غالبانا .. مابنقدر نقرأ كمان عربي كتير..
ده غير اننا بنفهم من أول مره ياكيكي كلمه ما يعيد الكلام كم مره ..
غير كده ما في مشكله ندعموا ليك للنهايه .. ونجي نهتف ليهو بشده كمان ..
الله يصرف عن مرشحكم أمجد ورهطه ..
أمجد ده عليهو تحقيق لو ما ظهرت نتيجته نهائي ما يجي يشارك في بوستات رؤساء .. ههههههههه
|
Post: #27
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:30 AM
Parent: #14
Quote: ياسيدي ندعم مرشحنا ..
بس أهمّ حاجه يكون بيتناقش مع الرجرجه والدهماء (أمثالنا) ..
يعني بريستيجه ما يكون مناظرات مع رؤساء وبس ..
خشم خشمين مع عامة الشعب برضو ما بيعملوا ليهو حاجه ..
وللا شنو ؟
وبعدين لو طلع قنيره ده بتاع بيانات وكلام كتير كلمنا من هسي,
عندنا قرايه كتيره غالبانا .. مابنقدر نقرأ كمان عربي كتير..
ده غير اننا بنفهم من أول مره ياكيكي كلمه ما يعيد الكلام كم مره ..
غير كده ما في مشكله ندعموا ليك للنهايه .. ونجي نهتف ليهو بشده كمان ..
الله يصرف عن مرشحكم أمجد ورهطه ..
أمجد ده عليهو تحقيق لو ما ظهرت نتيجته نهائي ما يجي يشارك في بوستات رؤساء .. ههههههههه |
هلا هلا يا اماني
ووود قنيرة نقاشو كلو مع الرجرجة والدهماء والشغيلة
وحتي لجانو الفرعية للانتخابات حالف بدينو قال ماداير فيها مثقافتية ناس اعتقد وافتكر
والناس البقولو الحتة دي...
وشعاروا من دقن الشعب افتل للشعب (ضروري يدخل طبعا دقن في خطابو السياسي عشان ينافس الناس العندهم دقون) ههه
ومادام جيتي ضروري تمسكي لينا قطاع الصين وشرق اسيا (الصين دي مش شرق اسيا برضو ) لووووووول
شايف شرق اسيا دي بقولوها كثير في الاعلام عشان كده قنيرة وصي بادخالها في جملة مفيدة...
وامجد يا زولة شيوعي وقنيرة جنو وجن الشيوعيين ديل لوووووووول
حسع يجو يدخلو لينا صراع شنو شنو..وديالتكيك وين كده ماعارف ...ويشبكو قنيرة يا زميل يا زميل
وقنيرة وما داير غاغات ونقة زي دي تطير عليهو اصوات انصار السنة القالو كثروا في البلد ديل
هههههههه
|
Post: #26
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:21 AM
Parent: #13
Quote: البجيب ليكم المريسا خالة الكحول مين ود قنيرة
|
هلا يا الامين
البجيب مريسة خالي كحول وبكحول برضو مين ود قنيرة...
وشعارات في السك ويازول زولنا فايز فايز
مراسة سااااكت فايز
وتحياتي يا الامين
وحبابك في الحملة الدولية لمساندة ود قنيرة
|
Post: #21
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-30-2009, 07:02 PM
Parent: #12
هلا يا ريهان
وبحضورك ود قنيرة طريقه الي القصر اكيد معبد بالورود هههه
ترشيح في شكل باقة دي دار فيها جدلي كبير في الاجتماع التاسيسي لتحالف قنيرة - ماكردة
كون ماكردة كان يريده ترشيح في شكل (بقة)... ولكن رحجت الباقة كون هنالك احتمال استقطاب لاصوات انصار سنية
|
Post: #19
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-30-2009, 04:58 PM
Parent: #10
Quote: يا زول ودقنيرة بتاعكم دا دكتور و لا ما دكتور؟
المسالة بتاعت اولاد مصارين بيض وكدة!
يا دكتوراة او دكتور او على الاقل عميد سابق، عنقالة ما معانايا اخوي
----------
تحت تحت بصوت لي زولك دا. |
هلا يا بدرالدين
ومشتاقين يعلم الله
وود قنيرة عندو دكتوراة في الهامش ونائبه ود ماكردة عندو دكتوراة زي السم في المركز
يعني الثنائي شغال منشار مركز ياكلو وهامش ياكلوأ..
وبعدين ياخي زي دكتورات البشير بتاعة حليفة الطلوقات دي حرم ناس ودقنيرة مستعدين كل شهرين يجضمو ا ليك
واحدة في هارفرد...
وشكرا علي صوتك
الذي هو زمتك بالله ما تخلي زول غير ود قنيرة همتك
|
Post: #18
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 04-30-2009, 04:52 PM
Parent: #9
Quote: دة زولنا تب يا كيكي
وتحت كدة قول ليه عندنا واحد بتاع عذاب تقيل لكن لو ما مشى علي ((العرقوب)) الابداع بتاعو بيكون ضعيف
ههههههههه
خليهو يكون شعاره ((فكيناها للطيش)) |
هلا هلا يا طارق
وياخي معليش علي التاخير
ود قنيرة ده والله اتلومت معاه انا كمرشح رئاسي
ولكن ما تخاف يا زول واحدة من شعاراتو القوية
كل الحفلات صباحي جوووه
دي علي وزن كل القوي الخرطوم جوووه
ومادام ضمنا اصوات الاراكلوجيين ديل تاني ود قنيرة وصحبه ماكردة عوجة كدي ما بتجيهم تاني
|
Post: #15
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عاصم ابوبكر حامد
Date: 04-30-2009, 09:48 AM
Parent: #8
كيكى يا اخوى كيفك ...
ودقنيرة وماكردة ديل بيقدروا على الراقص دا بتاع الطلاق ..
وانا من هنا اعلن تضامنى التام مع ودقنيرة
والان يصبح هو مرشحنا الى رئاسة الجمهورية ..
|
Post: #16
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Nader Abu Kadouk
Date: 04-30-2009, 09:59 AM
Parent: #15
| Quote: حسع البشكات والحفلات صباحي |
اهو ده الكلام
مش صاحبنا داك فلقنا و طل زيتنا
|
Post: #17
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: abubakr
Date: 04-30-2009, 12:55 PM
Parent: #16
ياكيكوفيتش اشتري للباقة دبابة وخلاس!! لزومو شنو الصناديق والسفر والكوارييك .. الدبابات بقت رخيسة مع الدبريشن الحاصل وكان داير سكند هاند او ريكوندشند او اسكراب برضو في ورخيس....خليك مع الزمن يااااخ
|
Post: #22
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: khaleel
Date: 04-30-2009, 07:11 PM
Parent: #17
شعارات المرشحين
حسن ماكردة بعالج الوردة (الحمي)
ود قنيرة عرقي ابو طيرة
السادة النقادة عليكم التوجه بفتح البارات فورا
نحن نويد ماكردة قلبا وقالبا
|
Post: #23
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: كمال عباس
Date: 04-30-2009, 08:15 PM
Parent: #22
العزيز عبد الكريم
تحية
تري كم مرشح رئاسة سيخرج لنا من جلباب جهاز الأمن ?
00 سنري مرشحا يبصم علي ثوابت الانقاذ ويختلف في السفاسف!!
وأخر سيمارس الهترشة والعباطة !!
وثالث سيما رس السباب وكيل الشتائم للوطني !!
ورابع سيحاول أضفاء شوية وتوابل لزوم الاثارة حتي لا تكون الانتخابات
مثل أكل المستشفيات!!
...... وكله مرسوم وكله بي ثمنه يا كيكي مادام سيجعل السفاح يظهر
بمظهر الافضل وسط مجموعة مهرجيين !!
- حاشية ;طبعا هناك عناصر جادة ولها رسالة تسعي لإيصالها مثل دكتور معز
ودكتور عبد الله علي إبراهيم -قابلته وناقشته مؤخرا- وهو من العناصر التي
سيحتاج البشير لمترجم ليفهم ما يقول 00 قلت لدكتور عبدالله أن الانتخابات تفتقد أهم شروط حيدتها:لازالت
القوانين المقيدة للحريات سارية
ولازالت أجهزة ومؤسسات الدولة مجيرة
لصالح المؤتمر الوطني -الاعلام -أذاعة وتلفزيون يصب في صالح النظام.. جهاز الذي نصت نيفاشا
علي أن تقتصر مهامه علي جمع وتحليل المعلوم
يرفض هذا الدور مصرا علي أن يستمر في دوره كناب وظفر للمؤتمر
الوطني!!.....
ويقول د. عبد الله علي إبراهيم بجدوي المعافرة والرهان علي إمكانية
إحداث تغيير......
000 لا أفهم مطلقا ياكيكي-أصرار البشير علي الجمع بين الاحتفاظ برتبته
العسكرية والقيادة المباشرة للمؤسسة العسكرية التي يفترض أن تكون
محائدة -و القيام برئاسة حزب سياسي يتنافس مع عشرات الاحزاب الاخري!
أنه التسيس لأكثر مؤسسة يفترض أن تكون محائدة!!!
|
Post: #24
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: محمد عثمان
Date: 04-30-2009, 08:25 PM
Parent: #23
الاخ عبد الكريم..
من خلفكم
سيروا و عين الله ترعااكم...
|
Post: #32
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:58 AM
Parent: #24
Quote: من خلفكم
سيروا و عين الله ترعااكم... |
هلا يا ابو حميد ومشتاقين
وشعار قنيرة
اغاني اغاني وامنيات واماني
|
Post: #31
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:55 AM
Parent: #23
Quote: قلت لدكتور عبدالله أن الانتخابات تفتقد أهم شروط حيدتها:لازالت
القوانين المقيدة للحريات سارية
ولازالت أجهزة ومؤسسات الدولة مجيرة
لصالح المؤتمر الوطني -الاعلام -أذاعة وتلفزيون يصب في صالح النظام.. جهاز الذي نصت نيفاشا
علي أن تقتصر مهامه علي جمع وتحليل المعلوم
يرفض هذا الدور مصرا علي أن يستمر في دوره كناب وظفر للمؤتمر
الوطني!!.....
ويقول د. عبد الله علي إبراهيم بجدوي المعافرة والرهان علي إمكانية
إحداث تغيير......
000 لا أفهم مطلقا ياكيكي-أصرار البشير علي الجمع بين الاحتفاظ برتبته
العسكرية والقيادة المباشرة للمؤسسة العسكرية التي يفترض أن تكون
محائدة -و القيام برئاسة حزب سياسي يتنافس مع عشرات الاحزاب الاخري!
أنه التسيس لأكثر مؤسسة يفترض أن تكون محائدة!!! |
تحايا يا كمال
وبالضبط انعدام الحريات ووسطوة تنظيم الموتمر علي كل مقاليد الاشياء ومهما كانت الحلول المسكنة لن يولد
سوي تجربة مشوهة ونتائجها واضحة للعيان ومنذ الان...
بالاضافة الي تواجد رئيس نظام متهم بابشع انواع الجرئم ضد الانسانية تجعله تماما غير موهل اخلاقيا بادارة والاشراف علي تجربة التحول الديمقراطي ويذهب الامر الي خانة التكتيكات المرحلية وليس خيار بقناعة بل هي محاولة الانحناء للعاصفة ومحاولة انتاج الانقاذ في ثوب تاني.....
الانغماس في تفاصيل هذه الدراما دون الانتباه الي القضايا الاساسية يساعد هولا القوم علي الخروج من عنق الزجاجة التي وجدوا انفسهم غارقين في وحلها بفعل عمايلهم التي اتو بها في العشرين سنة السابقة
|
Post: #33
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 09:01 AM
Parent: #22
Quote: حسن ماكردة بعالج الوردة (الحمي)
ود قنيرة عرقي ابو طيرة |
ايوه ياخلي
ود قنيرة عرقي ابو طيرة
ود قنيرة عرقي ابو طيرة
ودقنيرة عرقي ابوطيرة
|
Post: #30
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:47 AM
Parent: #17
| Quote: ياكيكوفيتش اشتري للباقة دبابة وخلاس!! لزومو شنو الصناديق والسفر والكوارييك .. الدبابات بقت رخيسة مع الدبريشن الحاصل وكان داير سكند هاند او ريكوندشند او اسكراب برضو في ورخيس....خليك مع الزمن يااااخ |
هلا هلا يا هندسة
وبحضورك ود قنيرة فايز فايز واحتمال بالاجماع السكوتي كمان...
ود قنيرة جزء من برنامجو الانتخابي فعلا داير دبابات وراجمات وداير لاند كروزرات ههه
لحماية النظام بتاعو من حرامية الشعوب البجو ناطين ويقعدوا لينا علي الاقل عشرين تاني
فعشان كده واحدة من شعارتو الاساسية
جيش جديد
عقيدة جيش جديد
وشوية لقدام ود قنيرة حيتامر علي الموسسة العسكرية ويحلها صواميل للجيوش المجاورة تاني ما تنفع
|
Post: #28
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:34 AM
Parent: #16
| Quote: مش صاحبنا داك فلقنا و طل زيتنا |
هلا يا كدوك
وصاحبنا داك كرهنا البلي
ولكن اصبرلي ساااكت مع ناس قنيرة ديل حرم اصوات ناس حلتهم مايلم فيها
|
Post: #25
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 08:17 AM
Parent: #15
| Quote: ودقنيرة وماكردة ديل بيقدروا على الراقص دا بتاع الطلاق |
هلا يا عاصم ومشتاقين ياخي
ودقنيرة وماكردة مدربين تدريب عالي علي الجبجبة وحت النبق والقرد
وكل الرقوصات...
ومن حسع طالبين مناظرة بتاعة رقيص مع كل المرشحين
وبالذات مرشح الموتمر الوطني (عمر البشير) لانو عامل فيها منقطها
وعاوزين يقطعوا ليهو الرقيص ده في راسو ويخلو يااااامن
|
Post: #29
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: Yassir Bainwi
Date: 05-01-2009, 08:35 AM
Parent: #25
Quote: ترشيح في شكل باقة (رئيس ونائب رئيس) علي بعضهم كده...وده اهم شروطنا للدخول في ديربي الرئاسة الانفكت سنبلة
ونعود الي ترتيبات ود قنيرة وماكردة ورويتهم الاركلوجيا لانتخابات الرعاسة.. |
اها طالما انهم حيترشحوا لكشه واحدة ياعملات هاني رمزي في فيلم عايز حقي
وكمان حفلاتم صباحي والبلد ريحتا تعمل قعدة
وزعيم النخجي ( ودجبرين ) ذاتو داعم
علي الطلاق دعمو دا ما يقع واطة
سير سير يا ود قنيرة والعريقي وفير ياود قنيرة
|
Post: #34
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 09:05 AM
Parent: #29
| Quote: سير سير يا ود قنيرة والعريقي وفير ياود قنيرة |
هلا يا ابو اليسر
بعد الدعم والمساندة بتاعكم ده باقي لي ود قنيرة ده تاني فوزو مضمون مية مية
ومن حسع حنوصيوهو يعمل بروفات رئاسية ويمشي يتحاوم جنب الفلل الرئاسية يكشف ويحاول يعزل ليهو واحدة مطرفة
|
Post: #36
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-01-2009, 01:37 PM
Parent: #35
هلا ياعمك ...اقصد يامرشح..
ويازول انا ديل مرشحني ..وخاشي بيهو السوق من امس
جيب ناسك ولجانك الانتخابية وتعالو نقعد ...
تدفعوا كاش وتقللو النقاش
ود قنيرة وصحبه جاهزين يباصروا معاك حملتك دي وباذن الله انت من الفائزين
ماعندكم كاش (فرتق بالله يازول وادينا عجاج ترشيحك) لووول
تاني ما نشوفك انت ونوبي بتاعك ده عاملين كركبة في خيمة ود قنيرة دي...
ناسي الاثنين ديل بضربو المرايس دي
وانا ما مسؤول عن تصرفاتهم ساعة اذن ههه
|
Post: #37
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: abubakr
Date: 05-01-2009, 02:04 PM
Parent: #36
هسع ياكيكوفيتش ودقنيرة حنصوت ليهو كيف ؟؟ يعني ممكن اس ام اس بشريحة من زين البتشتغل خارج السودان او شريحة رومينق من سوداني وترتكاني ؟؟ دة هسع حيحتبروه تزويير اصوات ؟؟ طيب كيف الضرائب المغتربية ما تموييلات اجنبية مشبوهة ؟؟؟
|
Post: #38
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-03-2009, 02:28 PM
Parent: #37
| Quote: هسع ياكيكوفيتش ودقنيرة حنصوت ليهو كيف ؟؟ يعني ممكن اس ام اس بشريحة من زين البتشتغل خارج السودان او شريحة رومينق من سوداني وترتكاني ؟؟ دة هسع حيحتبروه تزويير اصوات ؟؟ طيب كيف الضرائب المغتربية ما تموييلات اجنبية مشبوهة ؟؟؟ |
هلا يا بوس
عزرا علي التاخير
وود قنيرة مقترح تصويت اليكروني لزوم الحداثة والعولمة والتجديد
وكمان حشوف تبرعات من السادة الناخبين بيها حيسدد كل فاتورة ضرائب المغتربين والمغتربات
والبرنامج ده تحت شعار
ندفع ضرائبك...تدفع لينا صوتك
وتحصل علي شريحة زين مجانا
|
Post: #39
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: khaleel
Date: 05-03-2009, 02:49 PM
Parent: #38
الحل الحل لجهاز الامن
لن يحكمنا البنك الدولي
الشجرة قوية يا ود ريا
|
Post: #40
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-03-2009, 02:51 PM
Parent: #39
ايوه ياخلي
وحل الموتمر الوطني والشعبي.. والدفاع الشعبي
وارجاع الحواكير
|
Post: #41
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: khaleel
Date: 05-03-2009, 02:53 PM
Parent: #40
وعودة عثمان العربي لعمله كمدير عام لوزارة الاسكان
وتضميد جراح كل الدوائر الجريحة
|
Post: #42
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-03-2009, 03:05 PM
Parent: #41
| Quote: وتضميد جراح كل الدوائر الجريحة |
وتفعيل قانون من اين لك هذا..؟؟
اي كرش حايمة في البلد مفروض صاحبها يقدم اقرار زمة
حتي لو كرش مرايس
|
Post: #43
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: abubakr
Date: 05-03-2009, 04:35 PM
Parent: #38
| Quote: وتحصل علي شريحة زين مجانا |
مش احسن يكون في منصب مستشار هكوري نحجزو لعبدو هكورة من هسع لانو حالف كان ما ضمن الاستشارية حيهكر كل الشرائح
|
Post: #44
Title: Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
Author: عبدالكريم الامين احمد
Date: 05-03-2009, 04:42 PM
Parent: #43
| Quote: مش احسن يكون في منصب مستشار هكوري نحجزو لعبدو هكورة من هسع لانو حالف كان ما ضمن الاستشارية حيهكر كل الشرائح |
عبدو هكورة ده يا ريس مافي حل الا نعمل معاهو (هكورودام) علي وزن كوكادام..
يهكر لينا شرائح زين ويبيعها لينا بالدين... ههههه
قنيرة وماكردة شعارهم مصالح مصالح
مع الطيب والصالح...
فهناك بالتاكيد مكان لهكورة في كعكة السلطة والثروة التي صرنا قاب قوسين او ادني منها
مادام القصة فيها مرشحين زي الشافينهم هنا دييل لووووووووووول
|
|