Post: #1
Title: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 04:36 PM
Parent: #0
ايووووه بكرة الحكم بس ده زولي...
كان الخيار الاخر اني اشجع المريخ ولكن فجاة كده تذكرنا وقلنا لاحولاااااااااا
معقول المريخ الصهيانة الحاقدين نزيد ليهم قلوبهم البتراجف في مباريات الهلال قلب تاني..
خليهم يا زول يتراجفو براااهم انا مالي ومالهم
ومعقول نركب مع طلحة المرجف وفرانكلي الحاقد وراكوبة الشارد منذ هزيمة المريخ في البطولة الافريقية
ولا كيغا 2000 المكجن الهلال كجينة السواد ولا طارق جبريل ولا عبدالماجد عبدالماجد الصهيوني الكبير
يا زول الحكم بس..!!
وبالكثير اللاين مين الاثنين..!!
حركتهم في الخط ورفعة البيرق ورصد حالات التسلل والاهداف الهلالية الفالصو
والمريخية الدائما قاعدة تجي بعد جوووطة ودربكة امام المرمات الهلالية...!!
ومن حسع ماشين نقوقل ونعرف اسم الحكم صحبي البكرة هو حيكون فريقي الاول والاخير
وحتي لو كان حكم ذو سجل اجرامي في حق الهلال فبكرة يوم العفو العام عن كل الحكام في الدرجة الاولي
والدرجات المختلفة...!!
|
Post: #2
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: humida
Date: 08-06-2008, 04:39 PM
Parent: #1
في ست شاي اسمها نعمات بتقعد في المساطب الشعبية ..
حاولي تديها تشجيعة تشجيعتين كدا ..
..
..
بتعمل شاي لبن مبالغة ..
|
Post: #3
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 04:44 PM
Parent: #2
Quote: في ست شاي اسمها نعمات بتقعد في المساطب الشعبية ..
حاولي تديها تشجيعة تشجيعتين كدا .. |
لا يا اخوي
انا بشجع الحكم بس بكرة يا حميدة
الحكم والحكم فقط وست الشاي دي لو عاجباك امشي شجعها انت يا اخوي
وجيب لي لبن معاك
علي الاقل مع الشاي ده الواحد يستمتع بالحركة الدائرة للحكم في الملعب
|
Post: #4
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 05:03 PM
Parent: #3
علي الاقل الواحد يرتاح من الحمي التاريخية في مباريات المريخ والهلال..او الهلال والمريخ (دي لزوم الانحياز للحياد).ومافي بكرة كبكبة ولايحزنون الهلال ياكل نارو..
والعجب يجيب 10 قوون او عشرين برضو ولا خساني .
كل الاحساس حيكون مع السيد الحكم الموقر ونتمني من الله ان يخرج المباراة الي بر الامان
وان لا يفتك به جمهور المريخ بالذات(اصلهم متعودين علي دق الحكام ودق الجمهور)
|
Post: #5
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 06:49 PM
Parent: #4
الهلال وجع جوه القلب وعشق منذ تعومة الاظافر
من زمن جكسا والدحيش وعلي قارقين مرورا بالنقر وكندورة ومنقستو
وحتي كرار ابو علي الي زمن ناس رتشارد جاستن..اولاد لاعبين وكورة زي الورد
وحرفنة زي الغزال .. يا سلام يا ابو الهل..!!!
لمن تكون في كورة هلال ومريخ ومن زمان الواحد بكون بتراجف اليوم كلو والايام السابقة
زي الكاسترد..والجسم بيعرق كلو ما يتذكر المباراة قربت..!!
لمن يتغلب الهلال وبالذات من الصهيانة ديل القصة بتكون حارة خلاص
والدنيا بتبقي سوووووووودا..والعشاء اليوم داك ببقي زي الحنظل وتحس بالفول حصحاص بس
والنوم ذاتتو ما بجيك..
وبكرة بتمشي الشغل مادي بوزك مترين ونص وممكن تشاكل المدير ذااتتتتو
عشان كده انا لو لقيت فرصة ومسكت الكورة دي..تاني النشوف زول يجي يغلب لينا الهلال ده
ويعمل لينا سافوتة في راسنا
كلو النقة الفوق دي بكرة مجمدة
وتشجيع حكم بس
|
Post: #6
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: khaleel
Date: 08-06-2008, 06:53 PM
Parent: #5
يا كيكي انت مجنون وللا شنو
حكم شنو البتشجعو بكرة
الحكم بكرة عبد الرحمن درمة
والزول احمر اكتر من لينين
|
Post: #7
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 06:54 PM
Parent: #5
هلال وجع السنين اتغلب كثير وفاز اكثر ولكن هناك هزائم تظل عالقة بالوجدان لاتنسي ابدا
ولك ما يتذكرها الواحد قلبو بعمل بب بب...
اكثر هذه الهزائم وجعا والما هي مباراة افتتاح جامعة جوبا وقون المرحوم سامي عزالدين الشهير
في اخر الثواني التقول مغالطنوا..كنت اعشق الهلال عشقا لايقاوم وكان حضور نجوم الهلال الي
تلكم المدينة في ذلك الزمان هو حدث الهمنا فرحة لاتقاوم فهذا قاقرين وذلك الدحيش وده
الريشة وزن الريشة وهذا فوزي الاسد ونجوم من ذهب وحرفنة ودهشة ووهج....
وامتلي الاستاد ورفعت الاعلام الزرقاء والبيضاء والحمراء والصفراء...وكان ماتش من الاحلام..ونواصل
مع هزائم الهلال البتوجع القلب....
وجاينكم يا صهيانة برضو لانتصارات ابوالهل والله يرحمك يا والي الدين وحليل صديقي زيكو الشال
الكورة وكسح
كلو برضو مجمد بكرة..
وتحكيم ولاين مان ولو كثرت حيكون معاهم الحكم الرابع.
|
Post: #8
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 06:57 PM
Parent: #7
| Quote: الحكم بكرة عبد الرحمن درمة |
لا حولاااااااااا
قلت لي منو ؟؟؟
درمة
لاحولا ولاقوي الا بالله
لو كده يا خليل اخوك اتعوق بالحيل..!!
يا زول رغم اني اصدرت عفو عام علي الحكام لكن درمة ده ما مشمول في الحكاية دي..
...
يا زول مافي عوجات بنشجع اللاين مان والحكم الرابع
ودرمة انشاء الله جمهور الهلال يكسروا وياخد منو قديم وجديد ولا يهمنا يا زول
|
Post: #9
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: طلحة عبدالله
Date: 08-06-2008, 06:58 PM
Parent: #1
صاح بكرة مافي مامون صابون لكن انت احسن ليك تشجع بتاعين البمبان يا كيكي .
اما اناف..
بشجع شداد .. 
|
Post: #10
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: khaleel
Date: 08-06-2008, 07:04 PM
Parent: #9
Quote: صاح بكرة مافي مامون صابون لكن انت احسن ليك تشجع بتاعين البمبان يا كيكي .
اما اناف..
بشجع شداد .. |
طلحة مشيت لزمن مامون صابون طيب هاك دي
يا زيكو يا (فتة) شلت الكورة وشتتها
|
Post: #11
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 07:06 PM
Parent: #9
| Quote: صاح بكرة مافي مامون صابون لكن انت احسن ليك تشجع بتاعين البمبان يا كيكي |
تعرف يا طلحة حركاتكم دي ياها ذااتها البتخلي الدم يحن
ونفكر نرجع لقواعدنا سلامين ونشارك في الطقطقة بتاعة بكرة دي..
انا يا زول مشجع الحكم شرط يكون ما درمي الهواء.
ورغم اني مشجع الحكم لكن الهلال غالب غالب ...
|
Post: #12
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: السمؤال بدرالدين
Date: 08-06-2008, 07:07 PM
Parent: #1
كيكي الرشاشة
غايتو انا بكرة ماشي كداري عشان الرشاشات حا يكسرو اي حاجة بعد ما عجبكو
يديهم المسمار الغانجي
ياخي مشتاقين
|
Post: #13
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-06-2008, 07:29 PM
Parent: #12
Quote: كيكي الرشاشة
غايتو انا بكرة ماشي كداري عشان الرشاشات حا يكسرو اي حاجة بعد ما عجبكو
يديهم المسمار الغانجي
ياخي مشتاقين |
هلا يا سموال
ومشتاقين شديد والله..
امشي يا زول والمرة دي تغلبو الهلال ..تتعادلو معاهو كلو حلال عليكم
بس بالله ابعدو من الحكام ما دقوهم لو الهلال غلبكم..
انا مشجع الحكم يا سموال بكرة
|
Post: #14
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 10:17 AM
Parent: #13
UP
|
Post: #15
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 10:17 AM
Parent: #13
UP
|
Post: #16
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: على محمد على بشير
Date: 08-07-2008, 10:24 AM
Parent: #15
| Quote: علي الاقل الواحد يرتاح من الحمي التاريخية في مباريات المريخ والهلال |
قرقرقرقرقرقرقرقرققرقرققر
|
Post: #18
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 10:27 AM
Parent: #16
هلا يا علي والليلة حمي اوففففففف
وكلام زي التحت ده مافي
لمن تكون في كورة هلال ومريخ ومن زمان الواحد بكون بتراجف اليوم كلو والايام السابقة
زي الكاسترد..والجسم بيعرق كلو ما يتذكر المباراة قربت..!!
لمن يتغلب الهلال وبالذات من الصهيانة ديل القصة بتكون حارة خلاص
والدنيا بتبقي سوووووووودا..والعشاء اليوم داك ببقي زي الحنظل وتحس بالفول حصحاص بس
والنوم ذاتتو ما بجيك..
وبكرة بتمشي الشغل مادي بوزك مترين ونص وممكن تشاكل المدير ذااتتتتو
|
Post: #17
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: مجاهد عبدالله
Date: 08-07-2008, 10:26 AM
Parent: #1
| Quote: انا بكرة ماشي كداري |
كيكي سلامات
البسمع أخونا السمؤال ده يقول الفيراري الحمراء بتعاتو خطيرة ..
|
Post: #19
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 10:45 AM
Parent: #17
Quote: كيكي سلامات
البسمع أخونا السمؤال ده يقول الفيراري الحمراء بتعاتو خطيرة |
صحبك يا مجاهد لقاني مشجع الحكم فعاوز يفكها فيني
لكن بطريقتو غايتو يمشي كداري يركب رقشة ولا ياجر امجاد مع اولاد الحلة
كل ما هماني
بس حكمي ده ما يتهبش
|
Post: #20
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: alfatih
Date: 08-07-2008, 02:00 PM
Parent: #1
كيكى عليه الســـــلام
ياخى يومى جايين طاردينك ؟!
انت زول غريب كدا مالك ؟ّ ..
صياح الجمهور خارج المنزل ( التحكيم فااااشل .. التحكيم فاااشل ) ..
رد الحكم : ياخ انت مش مؤمن بالله ؟ .. ااى مؤمن هسى دا الدخلو شنو ؟!
انا ما غلتان ولا حاجة .. مش الحكم جزء لا يتجزأ من الملعب ؟
ايوة ..
طيب ياخ الناس ديل عندهم كورنة وعكسوها بعدين قامت الكورة دقت فى صلعتى ودخلت قون .. قمت صفرت قون قالوا ما قون !!
غايتو الله يستر الحكم من المريخاب .. سمهم فاير زى الحكومة
|
Post: #23
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 03:32 PM
Parent: #20
| Quote: غايتو الله يستر الحكم من المريخاب .. سمهم فاير زى الحكومة |
هلا يا الفاتح
وياخي بصراحة انا زاتي ابتديت الاوز علي الحكم من الصهياينة ديل
شايفهم مجقلبين جقلبة شديدة خلاص..
...
مشتاقين يا الفاتح
ياخي علينا حن وادينا اخرك...والا الواحد عدل علي لاهاي
يخلي اوكامبو ده يجك ليهو جكة جكتين كده ويجيب خبرك
|
Post: #21
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: قيقراوي
Date: 08-07-2008, 02:20 PM
Parent: #1
Quote: ورغم اني مشجع الحكم لكن الهلال غالب غالب ...
|
كان كدي عماك عماي يا عمك
انا ذاتي بشجع الحكم
|
Post: #22
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: محمد عبدالرحمن
Date: 08-07-2008, 02:32 PM
Parent: #21
دى الجرسة على الطريقة (الكيكية) ..والرجفة
(الامها بت عم ابوها) ..ويازول ابشر (تب) الليلة
اقل من هدفين للهلال مابنقبل بالنتيجة ...
انت عارف ياكيكى الناس البتشجع المريخ دى مرتاحة
جدا ..ماقاعد اشوف عليهم الاعراض دى ..الموضوع
عندهم ساهل جدا ...لكن الهزيمة فى الهلال خط
احمر وبتنعكس على السلوك والافعال بعد المباراة
وقد تستمر اياما ...
|
Post: #26
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 03:40 PM
Parent: #22
Quote: دى الجرسة على الطريقة (الكيكية) ..والرجفة
(الامها بت عم ابوها) ..ويازول ابشر (تب) الليلة
اقل من هدفين للهلال مابنقبل بالنتيجة |
ابشر يا زول ابشر
لكن بس امسكوا الارباب ده وخليهو يهدي اللعب شوية
عشان الكبكبة تكون سسسسسسسيدا بخشم الباب.
وحكم بس يا محمد
|
Post: #24
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 03:34 PM
Parent: #21
Quote: كان كدي عماك عماي يا عمك
انا ذاتي بشجع الحكم |
هلا ياقيقا وشوق الشوق..
وايوووه نخلي شعارنا نشجع الحكم
والهلال غالب غالب دون شك
|
Post: #25
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: ابوعسل السيد احمد
Date: 08-07-2008, 03:40 PM
Parent: #24
يا كيكي، ايها الصديق،
الفيك اتعرفت ( طَب )..
ـــــــــــــــــــــــــــــــــــــــــ
عبد الكريم التاني داك مش يمكن يكون ابن
شقيقك أحمد الأمين؟
|
Post: #27
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 08:02 PM
Parent: #25
Quote: يا كيكي، ايها الصديق،
الفيك اتعرفت ( طَب )..
ـــــــــــــــــــــــــــــــــــــــــ
عبد الكريم التاني داك مش يمكن يكون ابن
شقيقك أحمد الأمين؟ |
هلا يا ابوعسل يا صديقي
ومشتاقين والله
ويا ابو عسل الدبرسة حاصلة من عمائل الادارة الهلالية التي لا تراعي الا مصلحتها الضيقة
وتدخل الهلال في كراكير زي كركور هيثم طمبل القبل شوية ده
وعبدالكريم طلع معرفة قديمة ياااخي واتلاقينا قبل كده في اديس ابابا
وبيني وبينك احمد الامين عجوز لو عرس بدري ولدوا كان بوردابي كبير خلاص
|
Post: #28
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: غباشي
Date: 08-07-2008, 08:11 PM
Parent: #1
| Quote: بكرة ولاول مرة في هلال مريخ....هلالابي يشجع الحكم فقط..!!! |
لكن لقيتك حريف يا كرومة ... و الــ sense بتاعك عالي أوي
اتاريك شامي الغلب من امبارح ...
تحياتي و عدنا لقواعدنا سالمين
|
Post: #29
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: keiga2000
Date: 08-07-2008, 08:22 PM
Parent: #28
| Quote: ولا كيغا 2000 المكجن الهلال كجينة السواد |
احتراما وتقديرا للحاله النفسيه التي تمر بها اليوم اعذرك واقول
انا ما ممكجن الهلال بس بحب المريخ
وبكره تعالوا بدري يالذيذ
مع تحياتي
ابومصطفى
|
Post: #30
Title: Re: بكرة ولاول مرة في هلال مريخ....هلالابي يشجع الحكم فقط..!!!
Author: عبدالكريم الامين احمد
Date: 08-07-2008, 08:23 PM
Parent: #28
Quote: لكن لقيتك حريف يا كرومة ... و الــ sense بتاعك عالي أوي
اتاريك شامي الغلب من امبارح ...
تحياتي و عدنا لقواعدنا سالمين |
هلا يا غباشي
ومشتاقوووووون والله وحمد الله علي السلامة يا باشمهندس
وطولت الغيبة يعلم الله..
مجبور مجبور يا غباشي والارباب وزهجنا من الحكاية كلها
ولكن في كل الاحوال غلب الهلال قاسسسسسسسسسسي يا غباشي
وبالذات لمن يجي من الكيشششششششششششة ناس المريخ ديل
حرم حقنة ملاريا بس
|
|