اليوم الحار ما بندار ....يستحق ميدالية ذهبية في الصين...!!

اليوم الحار ما بندار ....يستحق ميدالية ذهبية في الصين...!!


08-19-2008, 06:52 PM


  » http://sudaneseonline.com/cgi-bin/sdb/2bb.cgi?seq=msg&board=167&msg=1223252841&rn=85


Post: #1
Title: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 06:52 PM
Parent: #0

مع الميداليات الذهبية التي تحصد كما الامطار في الصين من قبل المبدعين في ضروب الرياضة
حصد البوست الشهير يوم الهندسة والمعمار ميدالية الكلكات ذات العيار التاريخي ودخل التاريخ
الاسفيري في اكبر المواقع السودانية وشيخها...
بظهور علي خانة المشاهدين كلكات فاقت 100000
كلك...
الف مبروك للاخ خليل الشهير بوليد القرود الذي افترع لنا ذلك البوست والف مبروك لكل المجموعة
المبدعة المثابرة بقيادة الفتي ابراهيم محمد الحسن والمهندسين والمهندسات الرائعين حقا الذي اعطوا هذا البوست عصارة اهتمامهم ومثابرتهم التي اشتهروا بها
التحية لكل من عبر بتلكم الساحة قارئا او مشاركا معلقا بدلوه..
التحية لجامعة الخرطوم تلكم القلعة التاريخية التي علمتنا معاني الاشياء العميقة
التحية لهندسة تلكم المدرسة العظيمة التي الهمتنا حكاوي السنين
والتقدير والتجلة لبكري الذي اتاح لنا مثل هذا المكان للتواصل وربط بين الاجيال العديدة التي تشتت في زمن الشتات والتيه..

وهندسة مدرسة

Post: #2
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 07:01 PM
Parent: #1

شكرا عبد الكريم الامين

اليوم الحار فعلا لوحة استثنائية سكب فيها الشباب الجهد والعرق وعصروا الراس

حتي اخرج ذكريات عمرها ستة وعشرون عاما

لوحة حاولنا ان نطوف بها علي ايام الشقاوة وايام الفرح وايام الدموع

سيتم استقبال المهنئين في هذا البوست

والما بجينا يا كيكي تاني مافي دبل كيلك

Post: #3
Title: Re: اليوم الحار ما بندار ....يستحق ميدالية ذهبية في الصين...!!
Author: محمد عبدالرحمن
Date: 08-19-2008, 07:14 PM
Parent: #2



تستاهلوا الريادة والسيادة ...ياناس غرب السنتر ..
وحقيقة جهد وتوثيق ممتاز وشغل بشبه الهندسة ..
التحية للربان خليل والمجموعة ..


دخلنا وباركنا بس قصة (سكرتيرات بنات واولاد)
ليوم الليلة مزعلانة منكم ...

Post: #4
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 07:14 PM
Parent: #2

نعم يا خلي ونشهد نحن الموقعين اعلاه بان اليوم الحار كان ولايزال ماتشا عالي النبرة..
وشهد منذ بداياته فنيات وكورة تشابه في كل تفاصيلها ابداع هندسة المميز الذي كان يسكب في الميدان الشرقي في ذلك الزمن..
وتفضل كابتن خليل انت والمجموعة لتقلد الميدالية الذهبية من الرئيس الصيني
جانج جونج جان

Post: #5
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 07:45 PM
Parent: #4

Quote: دخلنا وباركنا بس قصة (سكرتيرات بنات واولاد)
ليوم الليلة مزعلانة منكم ...

هلا يا سكرتيرات وشكرا علي الحضور
وانشاء الله وانت مهكور
اهل الاقتصاد كان لهم وجود ومساحة عالية في كل لحظات اليوم الحار الما بندار
ونذكر
احمد سند
وعصام جبر الله
والصاوي
فهولا كانو من الرواد الاوائل الذين وضعوا لبنات شعوبية البوست ليعم كل السنتر
بما فيه من كليات واحداث رهيبة

Post: #6
Title: Re: اليوم الحار ما بندار ....يستحق ميدالية ذهبية في الصين...!!
Author: حيدر حسن ميرغني
Date: 08-19-2008, 07:50 PM
Parent: #5

انا برضو احيي كل جميلبن وجميلات البوست الكبير ده

وبكده خليل يستاهل العضوية الذهبية

تحياتي لمن اوردت سيرتهم من اصحابي اولاد عطبرة في بطن هذا البوست

وتحية كبيرة لفردي خليل وكيكي

Post: #9
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:07 PM
Parent: #6

Quote: وبكده خليل يستاهل العضوية الذهبية

نعم ياحيدر
وخليل يستحق جائزة الخدمة الاسفيرة المميزة ووسام السهل الممتنع
واللجنة قررت سحب السعفة الذهبية لاسباب يعتقد بانها مرتبطة بارجتيني يدعي اوكامبو..

وتحياتي لكل اهل عطبرة الرائعين وابناء هندسة بالخصوص فقد كانوا
الطف وارقي الاصدقاء في الاوقات

Post: #7
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 07:55 PM
Parent: #1





Post: #10
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:10 PM
Parent: #7

اووووه طه
ياخي مشتاقين يعلم الله..
وبمناسبة الاحتفالات دي بالله ما تريح الجمهور الانجليزي الراسو مشطوب ده..
وادينا مسسسسسساكة انشاء الله عشرة هارد عشان نوصل ليك ياخي
وحبابك الف

Post: #8
Title: Re: اليوم الحار ما بندار ....يستحق ميدالية ذهبية في الصين...!!
Author: esam gabralla
Date: 08-19-2008, 07:55 PM
Parent: #1

ونسة الضكير للضكير

النوم اخير


اقتصادى حاسد



thumbs up ya shabab

اهو تعوضو الونسة الفاتتكم بي سبب السمسترات

Post: #12
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:14 PM
Parent: #8

Quote: اهو تعوضو الونسة الفاتتكم بي سبب السمسترات

اووووه
اقتصاد يا ركلسة
سف سعوط ودبرسة
انت عارف يا عصام الزي خليل ومن لف لفه ديل
مفروض يادوبك بعد التخريج يرجعو يقروا تاني..

ياخ ديل يعلم الله في الامتحانات تلقاهم بتونسوا عادي وممكن يدورا تمباك عااادي

شكرا ياعصام ونشكر تواجدكم المبكر في هذا البوست الذي صار
سفينة من الزمان الجميل

Post: #11
Title: Re: اليوم الحار ما بندار ....يستحق ميدالية ذهبية في الصين...!!
Author: Elawad
Date: 08-19-2008, 08:10 PM
Parent: #1

والله إنجاز يا عبد الكريم و خليل و إن شاء ربنا يدينا كلنا أضعاف الكلكات دي دولارات و أضعاف أضعافها حسنات.
Quote: اهو تعوضو الونسة الفاتتكم بي سبب السمسترات

طبعا كلام عصام دا كلام حسادة ساكت... ناس هندسة لا فاتتهم ونسة ولا كورة ولا أركان نقاش و السمسترات طالعين معاها درون مرة تتطقطقهم و مرة يطقطقوها.

Post: #13
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:22 PM
Parent: #11

Quote: والله إنجاز يا عبد الكريم و خليل و إن شاء ربنا يدينا كلنا أضعاف الكلكات دي دولارات و أضعاف أضعافها حسنات

هلا يا العوض
واليوم الحار انجازه يطوق اعناق كل ابناء هندسة المتواجدين في هذا المنبر
وجميعكم كان لكم الدور العظيم في تواجد صفحاته علي ساحة القراء والتداخل..
وهو بوست كالسفينة كان ابو خليل هو الربان ولكن في بعض الاحيان يتولي احد الاخوة قيادة السفينة
وفي كل مرة كانت المهارة التجويد والحضور العالي هي سيدة الموقف.

وتحية خاصة وميدالية للاخ ابراهيم محمد حسن الذي ثابر بشدة واهتمام علي في هذا البوست
في فترات انشغالنا عنه هو هالة وهشام مجذوب وتهاني ومحمد الخاتم وطارق الكوتش

وايضا نحي هنا تحية خاصة الاسطوري عمر الحبر علي الدماء التي ضخاها في شريان هذا البوست..

Post: #15
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 08:28 PM
Parent: #11

ياخي نحن بدون ناس اقتصاد زاتو ما بنبقي

سكن معهم في البرليم دهاقلة اقتصاد في جميع المجالات

Post: #21
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:58 PM
Parent: #15

Quote: ياخي نحن بدون ناس اقتصاد زاتو ما بنبقي

نعم ياخلي
اقتصاد جميلة يا ناس
والكلام اداب كمان....ولاشنو ياخلي

Post: #14
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 08:26 PM
Parent: #1

Quote:
اووووه طه
ياخي مشتاقين يعلم الله..
وبمناسبة الاحتفالات دي بالله ما تريح الجمهور الانجليزي الراسو مشطوب ده..
وادينا مسسسسسساكة انشاء الله عشرة هارد عشان نوصل ليك ياخي
وحبابك الف


مساكة شنو يا باشمهندس البديك ليها ..عاوزني اتسنفك في قبولي ولا شنو غايتو يا كيكي كان لميتني في القانوني الضليع كبير البكايين عثمان النعيم الجعلي ليك الف راس من الابل ومثل عددهم من القناني المعتقة(قصدي عطور) عشان ما تقعد تمطق لي

Post: #16
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:36 PM
Parent: #14

Quote: مساكة شنو يا باشمهندس البديك ليها ..عاوزني اتسنفك في قبولي ولا شنو غايتو يا كيكي كان لميتني في القانوني الضليع كبير البكايين عثمان النعيم الجعلي ليك الف راس من الابل ومثل عددهم من القناني المعتقة(قصدي عطور) عشان ما تقعد تمطق لي


ياخ ما تخلينا ننمطق سااااي وبعدين احبطنا بحكاية العطور البارسية دي..
وياطه يبدو انو الليلة يوم شطب الراس الدولي..
لاني شايفك برضو بهناك مدخل ابو خليل في زقاق اسفيري ضيق (والليلة حيحمينا النوم وابو النوم ذااتو)
وحيدور في راسنا بحث جنائي شديد...
لك عثمان النعيم ولك ايضا بابكر بيكو ولك ثلاثمائه من نوق الخليج
بس ريح الجمهور الانجليزي ده شوية..
..............
انت عارف كده حتزيد نشاط الرصد والمتابعة بالوحدة المكلفة بالملف بتاعك ده
واجدع المسسسسسسسسسساكة يا طه بالله احسن ليك

Post: #18
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:46 PM
Parent: #16

تاريخيا..
هذه النسخة من اليوم الحار الما بندار التي وصلت الي المائة الف هي الفيرشن التاني من اليوم الحار
فلقد كانت النسخة الاولي قد ذهبت الي الارشيف ..
ولكن باصرار خليلي قرودي عنيد كتب مرة اخري هذا البوست الذي انطلق كالنهر الذي لايشيخ..
بداء وكان المهندس محمد الصايم هو يمارس فتح اللعب واستنطاق الذاكرة وتحريض ابو خليل علي الانطلاق..
ثم شهد اهتمام في بداياته من الاخت مني خوجلي وتماضر والقلب النابض والاخت انتصار الشيخ ..
ولايزال ابو خليل يمارس الاندياح في صفحاته منطلقا من سنوات البرليم واحداثها الرهيبة..
ونعود لتخليص الرحلة التي عبرت البرزخ الاسفيري

Post: #20
Title: Re: اليوم الحار ما بندار ....يستحق ميدالية ذهبية في الصين...!!
Author: بدر الدين الأمير
Date: 08-19-2008, 08:57 PM
Parent: #14

ياكيكى
إنه خليل الجمال ووليده
دوما قياسي وقياساته فى الهندسة والجمال
ُمُحكمة وحكيمة ويحتكم لها بل ويتتلمذ عليها





تنهدات:قول لى من خليلك أقول لك من انت

Post: #22
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:03 PM
Parent: #20

Quote: تنهدات:قول لى من خليلك أقول لك من انت

غايتو يا بدرالدين انا بكل اسف خليلي بعد مرات معتز القريش


وفعلا ابو خليل مستحق باستايله المميز هذه الكلكات
ولو اوكمابوته الشديدة المفاجئة ماعندو عووجة تب الزول ده

Post: #17
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 08:45 PM
Parent: #1

Quote:
ياخ ما تخلينا ننمطق سااااي وبعدين احبطنا بحكاية العطور البارسية دي..
وياطه يبدو انو الليلة يوم شطب الراس الدولي..
لاني شايفك برضو بهناك مدخل ابو خليل في زقاق اسفيري ضيق (والليلة حيحمينا النوم وابو النوم ذااتو)
وحيدور في راسنا بحث جنائي شديد...
لك عثمان النعيم ولك ايضا بابكر بيكو ولك ثلاثمائه من نوق الخليج
بس ريح الجمهور الانجليزي ده شوية..
..............
انت عارف كده حتزيد نشاط الرصد والمتابعة بالوحدة المكلفة بالملف بتاعك ده
واجدع المسسسسسسسسسساكة يا طه بالله احسن ليك


يا كيكي ابو خليل ده انا ناقش نومتو وكاشف ليك الاتو بتاعو وباقي ورقه كلو ..عشان كدة يا هندسة في بوهية كده اصلو ما بنبوش منها..دي المراقات زاته يا حبوب

Post: #19
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 08:55 PM
Parent: #17

Quote: دي المراقات زاته يا حبوب

غايتو يا طه
اجتماع ثلاثي مع ابو خليل ابو عفان..مراقاتك دي تاني الا تشوف ليها تربيزة تاني..
خبرك بجي بجي... عشان كده ات صلح معانا ياخي

Post: #23
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 09:03 PM
Parent: #1

Quote: غايتو يا طه
اجتماع ثلاثي مع ابو خليل ابو عفان..مراقاتك دي تاني الا تشوف ليها تربيزة تاني..
خبرك بجي بجي... عشان كده ات صلح معانا ياخي


يازول ما تهدد كدي يا كيكي خت الكورة واطة ..واخوك ما عاوز يخرمج ليك البوست الاحتفالي ده ... مش العرب بقولوا لكل مقام مقال؟

Post: #24
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:07 PM
Parent: #23

Quote: يازول ما تهدد كدي يا كيكي خت الكورة واطة ..واخوك ما عاوز يخرمج ليك البوست الاحتفالي ده ... مش العرب بقولوا لكل مقام مقال؟

هلا ياطه..

وصدقني الونسة معاك هي كل الاحتفال والسعادة وبس اخوك حابي يغلغل شوية
ويتونس معاك في حضرة هذا البوست الذي هو ليس بعيدا عند مدارتنا القديمة
والكورة واطة يا طه ولك كل الحب والتقدير...

Post: #26
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 09:10 PM
Parent: #23

شكرا اللورد بدر الدين

والميدالية بعرق جبين بدون استعمال منشطات


يا طه الصين فيها حصين

Post: #25
Title: Re: اليوم الحار ما بندار ....يستحق ميدالية ذهبية في الصين...!!
Author: Abubakr Osman
Date: 08-19-2008, 09:10 PM
Parent: #1

مبروك الميدالية يا دفعة
وفعلا هندسة مدرسة
ولى ناس عصام جبرالله نقول
الما بتلحقو جدعو

الحية للمهندسين اينما كانو

Post: #28
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:31 PM
Parent: #25

Quote: مبروك الميدالية يا دفعة
وفعلا هندسة مدرسة
ولى ناس عصام جبرالله نقول
الما بتلحقو جدعو

هلا يادفعة
وهندسة مدرسة..وهاهي تمارس الدهشة وحتي في الاسافير وتحصد الذهب..

وناس عصام ديل ضايقين يدنا من زماااان
غلب شديد...


طبعا حسع حيجي يجيب ليك سيرة الخمسة (قووون العشية فرمالتهم التي اتت في قفلة من الزمان)

Post: #27
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 09:24 PM
Parent: #1

Quote: هلا ياطه..

وصدقني الونسة معاك هي كل الاحتفال والسعادة وبس اخوك حابي يغلغل شوية
ويتونس معاك في حضرة هذا البوست الذي هو ليس بعيدا عند مدارتنا القديمة
والكورة واطة يا طه ولك كل الحب والتقدير...



كيكي يا لزيز شكرني عليك الله ..اخوك بدور الشكر

Quote: يا طه الصين فيها حصين


لا لا فيه تنين

Post: #29
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 09:34 PM
Parent: #27

يا طه

دها عثمان النعيم 009745378487

وتنقد الرهيفة انشاء الله ما تتلتق

Post: #35
Title: Re: اليوم الحار ما بندار ....يستحق ميدالية ذهبية في الصين...!!
Author: بكرى ابوبكر
Date: 08-19-2008, 09:55 PM
Parent: #29

الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى

Post: #30
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:37 PM
Parent: #27

Quote: كيكي يا لزيز شكرني عليك الله ..اخوك بدور الشكر



Post: #32
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:42 PM
Parent: #30

Quote: دها عثمان النعيم 009745378487

وتنقد الرهيفة انشاء الله ما تتلتق

يا خليل دائما مبوظ لي الصفقات
ومخرب لي عامري..
ياخي تلفون ابوعفان ده كنا عاوزين نتاجر بيهو..
تجي تفك الاتو سررررررررريع كده وتخلي لي خشمي ملح ملح وتشمت فيني طه ده ياخي

Post: #31
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 09:42 PM
Parent: #1

Quote: يا طه

دها عثمان النعيم 009745378487

وتنقد الرهيفة انشاء الله ما تتلتق






خليل يا خليل الولد ده ..والله العظيم انت اوجه واحد في الشرق الاوسط وما جاوره...اقول ليك حاجة ياخي انت اوجه من مهند ظاتو.. ويا كيكي كتاب الله ما بناباهو الا الفيك اتعرفت ..

Post: #33
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 09:46 PM
Parent: #1

Quote: يا خليل دائما مبوظ لي الصفقات
ومخرب لي عامري..
ياخي تلفون ابوعفان ده كنا عاوزين نتاجر بيهو..
تجي تفك الاتو سررررررررريع كده وتخلي لي خشمي ملح ملح وتشمت فيني طه ده ياخي

كيّة ليك يا كيكي


Post: #34
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 09:51 PM
Parent: #33

Quote: كيّة ليك يا كيكي

خليل ده زول حاقد
انا لو كنت عارف القصة فيها شهادة وجاهة وكمان اكثر من مهند
كان باصيتو ليك التلفون ده ياطه قبل ما اعمل البوست ذاتووو

لكن نعمل شنو
مرمي الله تعتر ليهو كلكاته

Post: #37
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 09:58 PM
Parent: #34

يا كيكي

ما شائف تهاني من الجكس

الحكاية فيها ملعوب زي ما قال عمر الترزي

Post: #38
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 10:03 PM
Parent: #37

Quote: ما شائف تهاني من الجكس

الحكاية فيها ملعوب زي ما قال عمر الترزي

انت يا خليل
تتجدع وتنبذ ليل ونهار في مهند وداير الجكس يجيك بجااي.



بجي بجي الجكس يا خليل
بجي يوم السبت

Post: #36
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 09:56 PM
Parent: #1

Quote: لكن نعمل شنو
مرمي الله تعتر ليهو كلكاته




ولا يهمك يا كيكي الجاتك من خليل سامحتك

Post: #39
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 10:04 PM
Parent: #1

Quote:
الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى



مرحب يا هندسة ..انت الناس القروا في المعهد وقراهم متوكل التوم وجانسين وهاشم الفش ونابري ..الخ وكمان في الحكومية بحري ودرسهم العقيد والشايقي وعبد الحليم ..وقاعدين في المنبر ده من 2002..مابتدوهم مكتبة ليه ولا عشان بظهروا مرة مرة..اتصلح معانا يا سيد الحوش ولا نقوم نسوي شغب

Post: #40
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 10:10 PM
Parent: #39

ياخي مهند احلي زول في الالفية التالتة

وانا غلطان بعتذر ياخي

Post: #41
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 10:14 PM
Parent: #1

Quote:
ياخي مهند احلي زول في الالفية التالتة

وانا غلطان بعتذر ياخي

يا خلو ياخي صبرا يبل الابري ..ما تسمع لي كلام كيكي ده الجكس بكون نام من بدري ..صباحات الله بي خيره ياخي

Post: #42
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 10:18 PM
Parent: #41

يا طه ما جكس السودان

ناس امريكا واستراليا وكندا

ود خشيب والعالياب ديل الانا قاصدهم

Post: #43
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 10:24 PM
Parent: #1

Quote: الحضور الان بالمنتدى العام لسودانيز أون لاين دوت كوم 1112 شخص » (54 )عضو و (1058) زائرا

»abdalla BABIKER
»Abdel Aati
»Adam Omer
»Al Sunda
»Asaad Alabbasi
»EXORCIST7
»humida
»Kostawi
»M A Muhagir
»Maawya Hussein
»Magdi Algorashi
»maha zakaria
»maman
»Medhat Osman
»Mohamed Ahmaed Olyesh
»Mohamed Doudi
»Mohamed Foto7li
»Mohd Ibrahim
»Muna Khugali
»nabielo
»Nasr
»osama dahab
»Rawia»
rosemen osman
»[B]Shiraz Abdelhai
shahto
»
»taha
»Tarig Abdu
»willeim andrea
»أبوبكر طه
»ابراهيم ابوسمرة
»ابراهيم بقال سراج
»ابن النخيل
»ابوعسل السيد احمد
»اسيا ربيع
»الكيك
»بابكر التوم
»بكرى ابوبكر
»بكري الصايغ
»حسين عوضاى
»دينا خالد»
عادل عبدالعزيز عبد الرحيم
»عاطف مكاوى
»عبدالأله زمراوي
»عبدالعزيز الفاضلابى
»عبدالكريم الامين احمد
»عثمان سيد أحمد
»عصام دهب
»عواطف ادريس اسماعيل
»محمد الشابك
»محمد المرتضى حامد
»معتز القريش
»ناذر محمد الخليفة
»ياسر الحسن


والله الجكس قاعد لا مشى نام ولا حاجة

Post: #45
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 10:29 PM
Parent: #43

والله يا طه

كان كدي في لوم شديد من الجكس الحاضر

لكن ما عليك ياطه

كراع المنبر جيابة

Post: #44
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-19-2008, 10:27 PM
Parent: #1

Quote: يا طه ما جكس السودان

ناس امريكا واستراليا وكندا

ود خشيب والعالياب ديل الانا قاصدهم



يا هندسة كدي راجع قائمة الحضور دي كويس ..ما تستعجل تجيب لي نفسك هواء

Post: #46
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-19-2008, 10:31 PM
Parent: #44

اوكي يا شباب
وششششششير
وانا خلاص الليت بتاعي وصل..
ويا طه بالله موضوع خليل بتاع الجكس ده لو ساجورتو اتحلت اعملوا لي (مسكول)

Post: #47
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-19-2008, 10:46 PM
Parent: #46

كيكي

نشرك ليهم بشية برضو

Post: #48
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 08:14 AM
Parent: #47

Quote: نشرك ليهم بشية برضو

شنو يا ابو خليل
شيتك دي شكلها كده لحمتها كيري..
ما شايف اي كشكرة حاصلة في الموضوع

Post: #49
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 08:24 AM
Parent: #48

Quote: الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى

هلا ياريس وحبابك الف...
واقترحنا بهناك يا بكري موضوع المنبر النفصل والخاص بالهندسة والمعمار..
واتمني ان نسمع من بقية الاخوات والاخوات حتي يتم التنفيذ
وشكرا يا بكري علي هذا الجمال والتواصل الراقي

Post: #50
Title: Re: اليوم الحار ما بندار ....يستحق ميدالية ذهبية في الصين...!!
Author: esam gabralla
Date: 08-20-2008, 10:28 AM
Parent: #1

Quote: يا كيكي

ما شائف تهاني من الجكس



انتو القصة دى مالسة اتعودتو عليها؟

قلنا ليكم ضكوووووور بس .... بيت عزابة

هنا لا في كافتريا اقتصاد تتضهبو فيها و لا مين رود تنحلو فيهو ....

بوستكم ريحتو رجال رجال


صناح ساكت....

طه ده طه النور؟

Post: #51
Title: Re: اليوم الحار ما بندار ....يستحق ميدالية ذهبية في الصين...!!
Author: نجوان
Date: 08-20-2008, 11:11 AM
Parent: #50

يستحق فعلا الذهبية يا كريم..

مبروك لخليل ولكم جميعا..
والله تستاهلوا التلاتة ميداليات معا.. في رقبة واحدة
دون شريك..

ما زرت اليوم الحار قريب..
لكن.. قد سبق وأشدنا (بصيغة الجمع، على قول خالد كودي )
ببوست اليوم الحار التوثيقي..
وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار..


_____
معليش يا خليل على الحضور المتأخر..
من العنوان إفتكرت البوست ده عن صيف الدوحة.. نظام شكية من كيكي وكده!
(إن بعض الظن إثم )

Post: #54
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-20-2008, 11:48 AM
Parent: #51

جيب صحن شية يا ولد للست نجوان

وبعدين الشربات

شكرا الست الجميلة نجوان

Post: #59
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 03:47 PM
Parent: #51

Quote: وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار..

هلا يا نجوان هلا
ونشكر حضورك الراقي يا نجوان
ولا زلنا نذكر تفكيك العميق الذي زين صفحات ذلك البوست عندما كان في عز شبابه
ولقد اخترته لكي اتي به الي هنا في اطار لوحة ترسم الكلمات التي قيلت في حق بوست اليوم الحار
الما بندار..

ويانجوان احنا سخانة الخليج دي خلاص ادمناها
وحتي ان لم تاتي لطالبنا اللجنة الخليجية للطقس بتوفير سخانة ليها ضل
كحق متكسب دونه القتاد
وكل الود

Post: #60
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 03:47 PM
Parent: #51

Quote: وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار..

هلا يا نجوان هلا
ونشكر حضورك الراقي يا نجوان
ولا زلنا نذكر تفكيك العميق الذي زين صفحات ذلك البوست عندما كان في عز شبابه
ولقد اخترته لكي اتي به الي هنا في اطار لوحة ترسم الكلمات التي قيلت في حق بوست اليوم الحار
الما بندار..

ويانجوان احنا سخانة الخليج دي خلاص ادمناها
وحتي ان لم تاتي لطالبنا اللجنة الخليجية للطقس بتوفير سخانة ليها ضل
كحق متكسب دونه القتاد
وكل الود

Post: #53
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-20-2008, 11:32 AM
Parent: #50

Quote: انتو القصة دى مالسة اتعودتو عليها؟

قلنا ليكم ضكوووووور بس .... بيت عزابة

هنا لا في كافتريا اقتصاد تتضهبو فيها و لا مين رود تنحلو فيهو ....

بوستكم ريحتو رجال رجال


صناح ساكت....

طه ده طه النور؟


بمناسبة عزابة

اتذكرت التشجيع ناس بقولو اولاد وبنات سكرتيرات

ويرد ناس اقتصاد

وين وين تلقو زي عروسنا الشينة مهندسة

لكن قالو الهندسة هسع الجكس الفيها احلي من جكس مامون حميدة

Post: #52
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-20-2008, 11:18 AM
Parent: #1

Quote:
طه ده طه النور؟

لا لا ضهر التور

انت ياود جبر الله طه ده ما جاك لغاية زيورخ ولقاك كسحت لندن .. وخلى ليك وصية مع معتز الاسيد ..يعني طالبك تعويض عن الضرر الذي اصابني ..حق تزاكر .. وشرة وخلافه من اضرار نفسية

Post: #55
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-20-2008, 11:53 AM
Parent: #52

طه

دها توفيق الطيب بنسبة سبعين في المائة

Post: #56
Title: Re: اليوم الحار ما بندار ....يستحق ميدالية ذهبية في الصين...!!
Author: حيدر حسن ميرغني
Date: 08-20-2008, 12:34 PM
Parent: #55


Post: #57
Title: Re: اليوم الحار ما بندار ....يستحق ميدالية ذهبية في الصين...!!
Author: احمد التجانى احمد
Date: 08-20-2008, 03:17 PM
Parent: #1

Quote: يا كيكي و ابو خليل


ياعلوج
مشاركين معاكم من زمن باسوورد حاتم الجد
ودخلنا DSL فى البيت وهملنا اولادنا ومشاغلنا
ولاسيرة لينا ساى ماجات ياكيكى يابتاع الصقور والعجلات
وصاحبك داك اصلوا ضل دليب من زمان الا بتشفع ليه ظرافته
زى ماقال خالد الحاج فى محمد بدوى

لذلك مطلوب سريع الاشادة بماقدمته للبوست والا لن تلومن
الا نفسك ياكيكى لانى ح اجيب الجديد والقديم
وح اقوم استهلها بواقعة .....؟

Post: #58
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 03:41 PM
Parent: #57

Quote: لذلك مطلوب سريع الاشادة بماقدمته للبوست والا لن تلومن
الا نفسك ياكيكى لانى ح اجيب الجديد والقديم
وح اقوم استهلها بواقعة .....


معليش يا الجماعة الفووق
كدي النثبت ود التجاني ابو صلعة ده قبل ما يجيب سيرة (واقعة الجمل) ويلحقنا غنم زهرة ساكت
يا وريف زي ما انت شايف
انا لخصت القصة في خليل وابراهيم كمفاتيح لعب في كل مراحل البوست..
وباقي الكورجة (انا وانت وباقي المجموعة الذهبية) اشرت لهم كمهندسين ومهندسات
وليس خضوعا لتهديدك يا ابو صلعة ولكن يعلم الله بان وجودك الكرباوي في زي حاتم الجيد في بدايات البوست كان دفعا وسندا وتغطية ذاكرة مدهشة..ثم عقب حضورك بلحمك وشحمك وصلعتك بصورة رسمية اعطت البوست نكهة لا توصف... ويكفي انك صرت (الالفة) او كما قالت هالة والالفة ده لقب
(موهين) لو تعلم يا ايها الرعديد..
ويا ابو سمرة انا مش قلت ليك ابو صلعة ده كلامو كلو بقي فاكي الدرب
اهو عاوز يجيب سيرة (الواقعة اياها)

Post: #61
Title: Re: اليوم الحار ما بندار ....يستحق ميدالية ذهبية في الصين...!!
Author: احمد التجانى احمد
Date: 08-20-2008, 03:59 PM
Parent: #1

Quote: ..ثم عقب حضورك بلحمك وشحمك وصلعتك بصورة رسمية اعطت البوست نكهة لا توصف


مبدئيا كدة OK

Post: #62
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 04:14 PM
Parent: #61

Quote: طه ده طه النور؟

احمد تجاني رايك شنو انت كخبير اجبني في حكاية طه دي..

Post: #63
Title: Re: اليوم الحار ما بندار ....يستحق ميدالية ذهبية في الصين...!!
Author: Amira Elsheikh
Date: 08-20-2008, 05:00 PM
Parent: #62

شباب وعواجيز هندسة...

مبروك عليكم الذهب والله تستاهلو تمثال..

انا غايتو كل مرة بتواق بهناك ومرات مرات بلقى رندوك تقيل

والله تاريك ماهين ياخلى ..

لكن كان سيد الحوش زاتو معاكم كيفن ما تسجلو رقم قياسي



كيكى انقر انا قايلة خلى دا خريج وين?

Post: #64
Title: Re: اليوم الحار ما بندار ....يستحق ميدالية ذهبية في الصين...!!
Author: محمد خليل ساني
Date: 08-20-2008, 05:44 PM
Parent: #63



تستاهلوا يا شباب والله

جهد مقدر وصبر فات الحدود
وفوق كل هذا وذاك الإلفة والمحبة والتواصل اللامحدود
سلمتم وسلمت يداكم على هذا الجهد الأسفيري الكبير
وتستاهلوا الذهبية بل بعدد الذهبيات التى تم توزيعها فى بكين

كيكي اللذيذ

تسلم هذا هو الوفاء فى زمن يعزّ فيه الوفاء
خليل يستاهل كل هذا الألق وجميع الخريجين من الهندسه والمعمار

مع عظيم التقدير والإمتنان.

Post: #68
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 07:15 AM
Parent: #64

Quote: خليل يستاهل كل هذا الألق وجميع الخريجين من الهندسه والمعمار

هلا يا ساني
والف تحية وتقدير
وشكرا علي التهنئةودمت وريفا موفور الجمال

Post: #65
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-20-2008, 07:54 PM
Parent: #63

Quote: كيكى انقر انا قايلة خلى دا خريج وين?

عارفك بتكوني ناقروهو خريج الاحفاد
وحبابك يوم الميدالية الذهبية
وتستاهلي صحن شية كبيررررررر من لحمة ابو الخل الكيري دي

Post: #66
Title: Re: اليوم الحار ما بندار ....يستحق ميدالية ذهبية في الصين...!!
Author: احمد التجانى احمد
Date: 08-21-2008, 00:32 AM
Parent: #1

Quote: احمد تجاني رايك شنو انت كخبير اجبني في حكاية طه دي..

يازول استغفر ربك ..الزول دة قال ليك مشى زيورخ
وزولك طه دة مابتحاوم فى البلدان المافيها ودعمارى
بعدين الحاجة التانية طه حق المنبر ده زول مراوغ وباله طويل على مايبدو
وزولنا طه بتاع امسك لى واقطع ليك

Post: #67
Title: Re: اليوم الحار ما بندار ....يستحق ميدالية ذهبية في الصين...!!
Author: احمد التجانى احمد
Date: 08-21-2008, 00:36 AM
Parent: #66

Quote: كيكى انقر انا قايلة خلى دا خريج وين?

معهد ود المقبول لعلوم الارض

Post: #69
Title: Re: اليوم الحار ما بندار ....يستحق ميدالية ذهبية في الصين...!!
Author: taha
Date: 08-21-2008, 08:06 AM
Parent: #1

Quote:
يازول استغفر ربك ..الزول دة قال ليك مشى زيورخ
وزولك طه دة مابتحاوم فى البلدان المافيها ودعمارى
بعدين الحاجة التانية طه حق المنبر ده زول مراوغ وباله طويل على مايبدو
وزولنا طه بتاع امسك لى واقطع ليك




يا ود التجاني القال ليك زيورخ ما فيها ود عماري منو ؟ اها لي علمك اخوك زول ود عماري من قبال زمن البركس وما حصل يوم مشى ليه مكان وبات خرمانا ... يا زول انت ما سمعت العطبراوي بيقول ( نحن من نفر ( عمروا) الارض ..حيثما قطنوا ... قطنوا دي من عندي عشان خليل وذكريات الهلال والقطن الكمروني

Post: #70
Title: Re: اليوم الحار ما بندار ....يستحق ميدالية ذهبية في الصين...!!
Author: hyam taha
Date: 08-21-2008, 11:07 AM
Parent: #69

Quote: ما شائف تهاني من الجكس

الحكاية فيها ملعوب زي ما قال عمر الترزي

مبروك يا عذابه
صراحه ناس هندسة كانو مكرهننا محل ما تمشى تلقاهم وفى ناس تخليهم فى المين تلقاهم قدامك فى بزنس تقول عاملين كوبى لكن الجامعه من غيركم ما بتبقى (الكلام ده طلع بعد عضة لسان)


Quote: وين وين تلقو زي عروسنا الشينة مهندسة

لكن قالو الهندسة هسع الجكس الفيها احلي من جكس مامون حميدة

الاهندسه اوكسفورد تبكو بس قال جكس حلو قال كل دفعه عندها فرماله وااااااحده .......................

Post: #71
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 01:14 PM
Parent: #70

Quote: الاهندسه اوكسفورد تبكو بس قال جكس حلو قال كل دفعه عندها فرماله وااااااحده .......................



بت طه شكرا

ونحن رغم سمستر الجكس فينا مكسر

Post: #77
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 04:36 PM
Parent: #70

Quote: مبروك يا عذابه
صراحه ناس هندسة كانو مكرهننا محل ما تمشى تلقاهم وفى ناس تخليهم فى المين تلقاهم قدامك فى بزنس تقول عاملين كوبى لكن الجامعه من غيركم ما بتبقى (الكلام ده طلع بعد عضة لسان)

هلا يا هيام
وسبحان الله كنت مجهز نفس الرد القالو خليل (اصلو خشمو خفيف الزول ده)..
وفعلا كما قال ابو الخل
انحنا رغم سمستر الكل فينا مكسر

Post: #72
Title: Re: اليوم الحار ما بندار ....يستحق ميدالية ذهبية في الصين...!!
Author: Dalal Ezzaldin
Date: 08-21-2008, 01:32 PM
Parent: #1

ده بوست بركه ...
شوف انت بس كتبت نص العنوان يا عبد الكريم
ومشيت كيف في يومين



الذهبيه ليك يا خليل وكل المشاركين في بوست هندسه ومعمار



تحيه طيبه

Post: #73
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 01:52 PM
Parent: #72

Quote: الذهبيه ليك يا خليل وكل المشاركين في بوست هندسه ومعمار



دلالي الابو لي بي

غزالي الابو لي بي


شكرا يا وريفة

Post: #74
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 02:12 PM
Parent: #72

Quote: شوف انت بس كتبت نص العنوان يا عبد الكريم
ومشيت كيف في يومين

هلا يا دلال
وحبابك الف في سيرة اليوم الحار
الذي صار كاريزمي وله الف حميمة مع اعين المشاهدين لهذه الساحة
لذا نجد ان الناس قد لقطت النصف الاول مع العنوان وياهاك يا كلك ودبل كلك....

وشرف كبير للود خليل ومجموعته الذهبية بهذه الذهبية
وكل الود والتقدير يا دلال

Post: #75
Title: Re: اليوم الحار ما بندار ....يستحق ميدالية ذهبية في الصين...!!
Author: حسن طه محمد
Date: 08-21-2008, 03:22 PM
Parent: #74


اليوم الحار 102069 قراءة3908 ردود

الشعبية نجمة 81312 قراءة 2835 ردود

اولا يا ناس اليوم الحار ( وانا منهم بالمشاركة ) الف مبروك

قبل فترة عملت بوست وقلت المنافسة حارة بين اليوم الحار والشعبية نجمة

وكانت الشعبية في المقدمة

ولكن لظهور بوستات بحري طراوة وبحري الاميرية وبحري الثانوية توزع اللاعبون الرئيسيون ببوست الشعبية الي بوستات متعددة ومعهم كثير من المشاركين والمتداخلين.

فاذا جمعنا كل هذه البوستات باعتبارها وحدة متكاملة مرتبطة ببعضها البعض فالغلبة بالتاكيد ستكون للشعبية نجمة.

ومع هذا نهنئكم يا باشمهندس عبد الكريم وزملائك

ومبروك ذهبية الصين

اما ذهبية لندن عام 2012 فالشعبية لن تترك مجال لاي منافس.

الي الأمام دوما

وعاشت سودانيز اونلاين

Post: #76
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 04:29 PM
Parent: #75

Quote: ومع هذا نهنئكم يا باشمهندس عبد الكريم وزملائك

ومبروك ذهبية الصين

اما ذهبية لندن عام 2012 فالشعبية لن تترك مجال لاي منافس

هلا ابوعلي وحبابك والله..
وفعلا شايف بوست الشعبية ماشي بخطي حثيثة صوب الذهبية
وكل تسجيلاتك الجديدة وراء اضاني (متابعني الموقف عن كثب)
ومرحب بالكلك هنا والكلك هناك ففي كلا مكسب لقاري هذا الموقع
ومكسب للتوثيق الجميل..

Post: #78
Title: Re: اليوم الحار ما بندار ....يستحق ميدالية ذهبية في الصين...!!
Author: Khalid Osman Jaafar
Date: 08-21-2008, 05:13 PM
Parent: #1



سلام يا هندسة

أصبر لي ساكت


بس أفضي شويّة كده ناوي أكتب بوست بعنوان "مذكرات ضب سابق"


عشان الناس تعرف إنّو هندسة ما كلها لعب


وردّاً لإعتبار الضببّة









Post: #79
Title: Re: اليوم الحار ما بندار ....يستحق ميدالية ذهبية في الصين...!!
Author: smart_ana2001
Date: 08-21-2008, 05:57 PM
Parent: #78

Khalid Osman Jaafar
مذكرات ضب سابق
حسب معلوماتى انك ما زلت ضب.
بوست بعنوان ذى ده ممكن يكتبوا اشرف صحبك "الضب الطويل"
----------------------------------------------------------

تحياتى لكل شباب اليوم الحار

Post: #80
Title: Re: اليوم الحار ما بندار ....يستحق ميدالية ذهبية في الصين...!!
Author: Kostawi
Date: 08-21-2008, 06:02 PM
Parent: #79

صورتك شرط يا تراجي الأمين

Post: #81
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 08:57 PM
Parent: #80

Quote: صورتك شرط يا تراجي الأمين

شكرا يا انتي

Post: #83
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 09:02 PM
Parent: #79

Quote: تحياتى لكل شباب اليوم الحار

هلا يااسمارت انا وانتي (او كماتقول نجوان)
وحبابك يا هندسة..
ووينك اليومين دي اسفيرك مرة مرة كده
اتمني ان تكوني بالف خير

Post: #82
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 08:59 PM
Parent: #78

Quote: بس أفضي شويّة كده ناوي أكتب بوست بعنوان "مذكرات ضب سابق

هلا يا ابوالخلد
وكلنا اذنا صاغية في انتظار مذكرات الضب السابق دي

Post: #84
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 09:05 PM
Parent: #82

نلاحظ غياب ناس هندسة

وغياب غير مبرر لاشراقة مصطفي ومني خوجلي وروز

وغايتو

Post: #86
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 09:08 PM
Parent: #84

Quote: نلاحظ غياب ناس هندسة

وغياب غير مبرر لاشراقة مصطفي ومني خوجلي وروز

وغايتو

كثر الشية..كثر الشية
يا ابو الخل
وكلو بجي بجي لكن يوم السبت

Post: #87
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 09:21 PM
Parent: #86

شية من سوق الناقة

وخروف دعول

Post: #85
Title: Re: اليوم الحار ما بندار ....يستحق ميدالية ذهبية في الصين...!!
Author: سيف النصر محي الدين محمد أحمد
Date: 08-21-2008, 09:06 PM
Parent: #1

رئيس ما عارف (.........) من سبحان الله
يا كيكي بالله خلي أي حاجة في يدك و تعال بهنا.

Post: #88
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 09:26 PM

Quote: يا كيكي بالله خلي أي حاجة في يدك و تعال بهنا

هلا يا سيف
مشينا بهناك ولقيت زولي بتزاوق بطريقة مدهشة
وعامل تغطية للزول الطالبو اوكامبو

Post: #89
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 09:26 PM

Quote: يا كيكي بالله خلي أي حاجة في يدك و تعال بهنا

هلا يا سيف
مشينا بهناك ولقيت زولي بتزاوق بطريقة مدهشة
وعامل تغطية للزول الطالبو اوكامبو

Post: #90
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 10:05 PM
Parent: #89

وين الناس ديل

Post: #91
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 10:15 PM
Parent: #90

Quote: وين الناس ديل

بجو بجو ياخلي
..

لكن ده كوم وتلفون عثمان النعيم الختيتو هنا ده
الليلة مارس علي غتاتة تاريخية ولمة خشمو علي خشم طه وبداء يمارس في لعبة القط والفار
وقفل مني كل اللعب..
كل القالوا
طه زول جميل من الزمن الجميل.....وكفي

شطب ليك راسي زيادة علي شطبتو القبيل...لكن الله في والدقيق مصيرو يجي الطاحونة ذات يوم

Post: #92
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 10:24 PM
Parent: #91

Quote: لكن ده كوم وتلفون عثمان النعيم الختيتو هنا ده
الليلة مارس علي غتاتة تاريخية ولمة خشمو علي خشم طه وبداء يمارس في لعبة القط والفار
وقفل مني كل اللعب..
كل القالوا
طه زول جميل من الزمن الجميل.....وكفي

شطب ليك راسي زيادة علي شطبتو القبيل...لكن الله في والدقيق مصيرو يجي الطاحونة ذات يوم



ياخي طه بنعرفو

SOONER

OR

LATER

خلينا في الديناريات ديل

Post: #93
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 10:50 PM
Parent: #92

Quote: خلينا في الديناريات ديل

والله ياخلي الديناريات ديل تاني اجر لي لوري وامشي فريق زنقو
واجيب ليك جكس يجي يبارك ليك..
الناس الجو جو والماجو ابو يجو عدييييييل كده نسوي ليك شنو يا خلي ياخي مع شيتك الكيري دي

Post: #94
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-21-2008, 11:35 PM
Parent: #93

يا زول خلاص

قشة ما تعر ليهن

بس تاني انت ما تمشي تكسر تلج

عارفك قلبك ابري

Post: #95
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 08-21-2008, 11:43 PM
Parent: #94

Quote: بس تاني انت ما تمشي تكسر تلج

ياوريف تعليماتك اوامر
وتاني موغل ودهشة يشمنها كشنة
لكن لو اديتني خفسة خفستين كده بغيب وبالفرح بجيك

Post: #96
Title: Re: اليوم الحار ما بندار ....يستحق ميدالية ذهبية في الصين...!!
Author: khaleel
Date: 08-22-2008, 00:07 AM
Parent: #95

Quote: لكن لو اديتني خفسة خفستين كده بغيب وبالفرح بجيك


مافي مشكلة

امشي (تاوق) وتعال

Post: #97
Title: Re: اليوم الحار ما بندار ....يستحق ميدالية ذهبية في الصين...!!
Author: Mohamed Alkhatim
Date: 08-23-2008, 08:08 AM
Parent: #1

Quote: مافي مشكلة

امشي (تاوق) وتعال

التحايا والحب للرايعين خليل وكيكي والله ليكم وحشة يا ديناصورات (دا انا محمد الخاتم ما الناس الدير كيكي يتاوق ليهم يا خليل). انتو مالكم بقيتو عينكم طايرة يا أولاد والا دي مراهقة متأخرة.
بالله يا كيكي سلم لي شديد على الوجيه عثمان النعيم وقول ليهو ليك وحشة.

Post: #98
Title: Re: اليوم الحار ما بندار ....يستحق ميدالية ذهبية في الصين...!!
Author: ابراهيم محمد الحسن
Date: 08-23-2008, 08:22 AM
Parent: #97

Quote: كثر الشية..كثر الشية
يا ابو الخل
وكلو بجي بجي لكن يوم السبت


كترت الشية يا أبو الخل؟
وزيد الشطة ..

Post: #99
Title: Re: اليوم الحار ما بندار ....يستحق ميدالية ذهبية في الصين...!!
Author: عبدالكريم الامين احمد
Date: 09-04-2008, 08:46 PM
Parent: #98

Quote: التحايا والحب للرايعين خليل وكيكي والله ليكم وحشة يا ديناصورات (دا انا محمد الخاتم ما الناس الدير كيكي يتاوق ليهم يا خليل). انتو مالكم بقيتو عينكم طايرة يا أولاد والا دي مراهقة متأخرة.
بالله يا كيكي سلم لي شديد على الوجيه عثمان النعيم وقول ليهو ليك وحشة.

هلا يا ودالخاتم
وبيني وبينك العين شكلها كده طارت شوية
وخالك خليل شيتو طلعت بيش...لكن الله في


هلا يا ابراهيم وخليل تاني مع رمضان ده الايشتت (حلومر) غايتو