ياربي قضاة لاهاي ديل وصلوا وييييييييين مع الرمضان ده....!!!

شهرين الا دقاقة ومنذ ان وضع الدولي اوكامبو ملفه الشهير بين ايادي قضاة قيل بانهم سيدرسونه بعناية وتروي حتي
يفتون في امر استدعاء الرئيس السوداني البشير......!!!!
وبالتاكيد فان الثلث الثاني من مهمة الاطلاع علي ارواق اوكامبو التي كانت تحوي جبال من الاوراق والتهم الثلاثية للبشير
1-التجويع
2-التشريد
3-الاغتصاب...
قامت الدنيا و اخدت ليها الان بعد القعدة في هدو غريب وعجيب وحتي اوكامبو بعد نجوميته في تلكم الايام اخباره صارت بالقطارة بعد ادي ماتش كبير
جعل اسما في كل الخشوم السودانية- ...سلبا او ايجايبا...
يبدو اننا في انتظار اعصار قادم تماشيا مع موجات الاعاصير التي صارت تضرب لفت ورايت...!!
فماذا هنالك داخليا وخارجيا..........
تعالو نشوف

Quote: فماذا هنالك داخليا وخارجيا.......... تعالو نشوف

كيكى يا عمكـ..تصوم وتفطر على خير..
وأنت ذاتك وقفت الكتابه فى موضوع اوكامبو..حتى نسيناه..
وزى ما قال خلى كان كل 3 دقايق بوست
منتظرين معاكـ..ومتابعين..

Quote: كيكى يا عمكـ..تصوم وتفطر على خير.. وأنت ذاتك وقفت الكتابه فى موضوع اوكامبو..حتى نسيناه.. وزى ما قال خلى كان كل 3 دقايق بوست منتظرين معاكـ..ومتابع

هلا يا ادم
ورمضان كريم ياخي...
يا ادم انا شفت الناس رقدت القش..اوكمابو ذااتو عمل لبتن بعدما جاط القصة....
وناسنا جوووه برضو عملوا حميل وهدو الكورة....
فاها اخوك برضو قال يدي القصة دي صنة شوية ويشوف السوق اخباروا...

واها اليومين دي القصة شايفها بقت مافي منها خبر او شوفة لقاضي يبل الريق
اها قلنا نسال....باقي ناس حواء اوكامبو وعشة بكش راسهم مقطوع قطعة شديدة خلاس

بعد هليمانة حمي البداية والهتافات الداخلية التي كانت تنادي بالموت لاوكامبو يوماتي...اختفت من الاجواء والفضاء السوداني مثل هذه المظاهر
فقد قيل انذاك انها توصية من الدولي عمرو موسي...لزوم تهدئة اللعب وامتصاص الهجمة الاوكاموبية..
البشير اطلق مبادرات اهل السودان للم الشمل....ونري الان في الافق مبادرة عربية برعاية قطرية اهتمت بها جامعة الدول العربية وعينت لها
لجنة دعم علي مستوي عالي.....والانفاس تتتلاحق ....
الاحزاب السودانية التي كانت في مدار بعيد عن الموتمر الوطني ...تقاربت في الايام الاولي بدعاوي الخط الوطني ثم صارت هنالك (نقة) تحت تحت
وتمييع للتماسك الذي ظهر قويا في الايام الاولي من حمي اوكامبو....

Quote: باقي ناس حواء اوكامبو وعشة بكش راسهم مقطوع قطعة شديدة خلاس

قالوا مرطبين فى اوكامبو الرى

يا كيكي

القضاة ما عندهم حاجة حانلعب معاهم بخطة دفاعية

3 6 1

صلاح بور في حراسة المرمي

قوش عبدالرحيم بكري في الدفاع

مصطفي عثمان وامين حسن عمر وكرتي وغازي وسبدرات والوسيلة في الوسط

نافع مهاجم

والكورة درون

هلا يا تيتاوي...
الكمبو كلو راسو مقطوع وقاعد متمحن...
1-حواء اوكمابو لاقادرة تعلن عن اسمها الجديد لا عارفة تعمل شنو ذاااتو
2- عمر اوكامبو الجناح اللفت يومي بتلفت منتظر هتافات الجمهور باسمو الجديد
3- ابكر اوكامبو مجهز اللافتة الجديدة للجزارة الجديدة (جزارة ابكر اوكامبو للضان والعجالي) مجهزها وقاعد منتظر
4- عشة بكش الشمار كاتلها والونسة بتاعتها الكانت قابضة بيها الجو كلمت
وغايتو الكل عامل لبتن ومنتظر

Quote: يا كيكي القضاة ما عندهم حاجة حانلعب معاهم بخطة دفاعية 3 6 1 صلاح بور في حراسة المرمي قوش عبدالرحيم بكري في الدفاع مصطفي عثمان وامين حسن عمر وكرتي وغازي وسبدرات والوسيلة في الوسط نافع مهاجم والكورة درون

خلي تشكيلتك دي تشكيلة الفريق القومي الاتلطش من تشاد احسن منها بمية مرة
ملعب لي زولي علي كرتي في الوسط وعاوز تغلب اوكامبو....يا راجل...!!!

علي كرتي

في افضل حالاته

وفي ربع الساعة الاخيرة بنزل علي عثمان عشان اهدي الكورة

Quote: وفي ربع الساعة الاخيرة بنزل علي عثمان عشان اهدي الكورة

يا اخوي
كورة زي دي شيخ حسن ما يقدر يجر فيها كدنكة تقول لي علي عثمان...!!!
ايش دعوي ياخليل,,؟؟؟

عبدالكريم سلامات ورمضان كريم

والله احنا زاتنا ملينا من الانتظار

واهلنا في دارفور شعبو موت واغتصاب

ومتى تتوقف معانات اهل دارفور

Quote: عبدالكريم سلامات ورمضان كريم والله احنا زاتنا ملينا من الانتظار واهلنا في دارفور شعبو موت واغتصاب ومتى تتوقف معانات اهل دارفور

هلا يا تيف تيف
والموسف حقا وفي ظل الانتظار هذا لاتزال الحكومة تقتل اهل دا رفور
في كلمة ودارفور لاتزال ارض حرب وفظاعة انقاذية...
ونتمني ان لايطول الانتظار

Quote: خليل زاده: المحكمة الدولية تصدر قرارها بحق البشير الشهر المقبل 09.09.08 - 16:38:35 القاهرة - توقع سفير الولايات المتحدة لدى الأمم المتحدة زلماي خليل زاده إن تصدر المحكمة الجنائية الدولية قرارها بشأن طلب المدعي العام لدى المحكمة لويس مورينو أوكامبو بشأن الرئيس السوداني عمر البشير الشهر المقبل. ونقلت وكالة أنباء الشرق الأوسط المصرية الرسمية الثلاثاء عن زاده قوله في تصريح خاص لها إن قرار المحكمة سيصدر على الأرجح بحلول منتصف أكتوبر/تشرين الاول المقبل. واستبعد إمكانية تبرئة البشير من التهم التي وجهها له المدعي العام، إلا أنه قال إن هناك إمكانية إدانة البشير بجرائم معينة مما ورد في لائحة الاتهام الموجهة قد لا يكون من بينها تهمة الإبادة الجماعية، والمطالبة بمثوله أمام المحكمة بشأن هذه الاتهامات. وذكر زاده إن هناك احتمالا ايضا للتوصل الى تسوية مع البشير يقضي بتسليم مسؤولين سودانيين أصدرت بحقهم أوامر اعتقال العام الماضي لمحاكمتهم على ارتكاب جرائم حرب. وبحسب الوكالة، فإن السفير الأميركي أوضح أن طلب المدعي العام ربما يكون نوعا من المناورة للضغط على البشير لكي يسلم كلا من وزير الدولة للشؤون الإنسانية أحمد هارون وزعيم ميليشيا الجنجويد على قشيب. وتضم لائحة الاتهام التي قدمها أوكامبو في يوليو/تموز الماضي اتهامات للبشير بارتكاب إبادة جماعية، وجرائم حرب، وجرائم ضد الإنسانية في دارفور. ورفضت الحكومة السودانية تسليم أي من مواطنيها إلى المحكمة الجنائية الدولية كما طالبت مجلس الأمن بالتدخل لحل هذه الأزمة بعدما حملته مسؤولية إحالة قضية دارفور إلى هذه المحكمة التي لاتشارك فيها الولايات المتحدة. وقال علي أحمد كارتى وزير الدولة في وزارة الخارجية السودانية أن وزراء الخارجية العرب الذين اختتموا الليلة الماضية اجتماعاتهم في القاهرة قرروا تشكيل لجنة عربية برئاسة رئيس الوزراء وزير الخارجية القطرى الشيخ حمد بن جاسم آل ثانى لرعاية المباحثات بين الحكومة السودانية والحركات المسلحة بدارفور للعمل على حل الأزمة في الإقليم السوداني. وأوضح كارتي الذي حضر الاجتماعات ان اللجنة تضم قطر ومصر والسعودية وليبيا وسوريا والأمين العام لجامعة الدول العربية. ميدل ايست اونلاين

http://sudanjem.com/index.php?page=news.full&id=14027

هلا يا بقال
ورمضان كريم ياخي
ومادام خليل زاده صاحب اللغة العربية المميزة قال الكلام الفووووق ده
اذن القول ما قاله خليل زاده والزول ده كلامو ما بقع الارض....
وكلنا في الانتظار مادام القصة الشهر الجاي

وزير العدل قال توجيه الاتهام للبشير سيواجه برد سونامي ستشهده المنطقة
لن يبقي ولا يذر. يعني الوزير بيقول يا تخلونا... يا نولع ليكم المنطقة كلها


دا كلام وزير عدل، وما عارف الهتيفة كلامهم يكون كيف !!!!

اكيد قضاة المحكمة ختوا ايديهم في قلبوهم من الخوف و الرعب.

هم مالهم و الورطة دي،

عبد الكريم تحياتي...
ما عارف لو شفتا الفيديو ده ولا ما شفتو...
لكن نفس الفكرة والمضمون...وخليك في المضمون




لمشاهدته مباشرة...أضغط تحت


ما بين أوكامبو وأسرة البشير...هل الإبادة الجماعية قادمة؟

Quote: ما عارف لو شفتا الفيديو ده ولا ما شفتو... لكن نفس الفكرة والمضمون...وخليك في المضمون

هلا يا انور
ومتابعك يا انور وشديد كمان
وكل جهدك الاخير كان بكل حق عمل عظيم وصادق
...........

رسلت ليك تحايا كثيرات مع الاخ فضل الله خاطر حينما زارنا هنا

Quote: دا كلام وزير عدل، وما عارف الهتيفة كلامهم يكون كيف !!!! اكيد قضاة المحكمة ختوا ايديهم في قلبوهم من الخوف و الرعب

هلا يا زول واحد ورمضان كريم
والناس ديل بعملوها
زماااان هددوا امريكا وروسيا الاثنين معا
فما بغلبهم يهددوا المحكمة بالويل وعذاب جهنم وبئس المصير

والله ياكيكى يااخى كدة ح تصعب علينا المهمة
نحن شغالين من مدة نجهز فى الواسطات والاجاويد
انها توقف لينا الموضوع عند الشلاليت والجضيم
فى حالة جاتك سفرة للسودان والحنين والاشواق
انستك ماخطه يراعك

Quote: والله ياكيكى يااخى كدة ح تصعب علينا المهمة نحن شغالين من مدة نجهز فى الواسطات والاجاويد انها توقف لينا الموضوع عند الشلاليت والجضيم فى حالة جاتك سفرة للسودان والحنين والاشواق انستك ماخطه يراعك

هلا يا ود التجاني وحبابك يا ابو صلعة..
ويا احمد الشلاليت والجضيم ده ياهو زاتتتو المخلينا دايرين نعرف الحاصل في الموضوع ده شنو..
لاني نفس امشي اعيد ياااخ..واضرب باقي رمضان ده والقصة دي مادام معلقة كده المشية بتكون بايظ
ورمضاني بكون عضا وشلاليت..
لذا وجب ان نتبين ماذا هناك

وســــــــــــيرة وانــــــــفتـــــحت !

انت يا كريمو النوع البتبلبل ويرش الملاية ولا شنو ؟؟

هو اوكامبو ما بشوف فى رمضان دا ؟؟ فى اكثر

من هكذا تجويع ؟؟

انها سياسة الكيل بمكيالين ... مافى طرريقة

يا كيكى غير نلبد لهذا الاوكامبو بعد التراويح فى حلة كمبو ..


غايتو تعال انا وانت نتونس برانا كدا .. على بال ما تبتل عروق الباقيين ..



اولا وحسب قانون المحكمة المدعى العام ( سيد الاسم) رفع الادلة ولخص الاتهام

لمحكمة ابتدائية تشكلت من خمس قاضيات هى او هن الحيصدرن امر

التوقيف ودا اسم الدلع لامر القبض ...

بس طلعن يدهن تقيلة ويادوووووبن ذبحن وبحاولن يرفعوا عشان السلخ

حللللللللك لما يشقو البطن وكدا ... غايتو المدة اقصاها يوم 14 -10

وشايفة اوكامبو صرح يوم اعلانو ذاتو بانه نسبة لتعقيد الكيس امكن ياخد

فترة اطول ...

يعنى للدواعى الجندرية وكدا انت مطالب بتعديل اسم البوست

يا ربى قاضيات لاهاى ديل وصلن وييييييين مع البشير دا ؟؟

خليك واضح يا جميل ...

Quote: اولا وحسب قانون المحكمة المدعى العام ( سيد الاسم) رفع الادلة ولخص الاتهام لمحكمة ابتدائية تشكلت من خمس قاضيات هى او هن الحيصدرن امر التوقيف ودا اسم الدلع لامر القبض ...

لو كده احنا ذااااااااااتنا عاوزين امر توقيف
مادام القصة فيها قاضيات يا دينا....وده القبض او بلاش
ومنذ هذا المنطلق الرمضاني نطالب محكمة الجزاء الجندرية باضافة شخصنا الضعيف الي قائمة ال51
لتصبح 51+1....
بس ياريت يغيروا لينا التهم البشيرية دي..
الي تهمة تجويع الذات في رمضان.....
....
القصة لو وراها قاضيات الموضوع ممكن يروح شمار في مرقة فناسنا لهم خبرة كبيرة في الاستخلاف
حيقوموا يعشمو القاضيات ديل في عرس جماعي....والموضع بروح شمار في مرقة وحنبقي في واي واي
عرسوا القاضيات

يا كريمو انت كيشة ولا شنو ؟؟

ياخ انت ما شفت ليك قاضى ولا قاضية خواجية

ولا خواجى ؟؟؟؟؟؟

افوووووووووووووووووو


ولااااا فى الصور ؟؟ ياخى ديل بلبسوهم عبايات سود وشعر ملولو

كتيييييييير وسراويل حديد ........





















ـــــــــــــــــــ
تسمع بالمصطلح دا ساى ماقايلو جد ؟

انور كينق ؟ اخو الزولة الحلوة القاعدة فى النرويج دايرين

لينك الحفظ ياخ ....

Quote: ولااااا فى الصور ؟؟ ياخى ديل بلبسوهم عبايات سود وشعر ملولو كتيييييييير وسراويل حديد

عباية وقلناتمام ده تاصيل اروبي وممكن نعمل معاهو تلاقح اخيلة مع المشروع الحضاري..
لكن سروال حديد ده يلقو ليهو ستلين ووين مع الحديد البقي سعرو في السماء ده..
....
يازولة ناسنا ديل شفوت
لو القصة عصرت حررررم يستوردوا لحام ستلين من الصين
ويقطعوا ليك سروايل الحديد دي حزم حزم

عبدالكريم

رمضان كريم

يا اخي الكريم تقوم الدنيا زي الشعفوفه والعصار وتقول خلاص القيامه قامت

وبعد شويه ترجع تلقي الموضوع راح علي ما فيش !!!

حتي اوكامبو عمل نفس الشئ ...غايتو حكومتنا دي عندها شيخ ما ساهل ...

ولا بكون من شنو ياربي ؟؟؟؟

ونلتقي

Quote: حتي اوكامبو عمل نفس الشئ ...غايتو حكومتنا دي عندها شيخ ما ساهل ... ولا بكون من شنو ياربي ؟؟؟؟

هلا يا العوض..
يبدو ان شيخ ابراهيم بتاع الخال (سارة عيسي) اليومين دي شغال شغل رهيب
ولاعب ماتش كبير واحتمال يكون وعدوا ببير بترول..ما معروف
لكن فعلا كلامك صاح القصة دي وراها انة..

كيكي
كيفك
عارف نحن أغرب شعب على وجه الأرض

يعني مثلاً أخوك هلالابي على السكين

وشايف إن صلاح إدريس غير مؤهل لرئاسه الهلال

لكن لو جاء زوول قال لي الكلام ده بقيف معهو ألف أحمر

بالذات لو كان صهيوني ولا فيهو ريحه حمراء ساااكت

نفس النظريه مع الرئيس

عندنا مليون رأي في حكومه الإنقاذ
وشايفينا التردي الحصل للبلد من 1989
ومستنكرين الفظائع التي ترتكب بإسمنا

لكن يجي زوول من بره داير يقبض الرئيس برضو بنقيف مع الرئيس
الخنقنا طوال 19 سنه

يعني الحل يكون من جو من الداخل إنقلاب إنتفاضه ثوره شعبيه
نعدم الرئيس أي حاجه يعملها سودانيين
بس ما يجينا أجانب عشان مانلحق العراق وأفغانستان
أها بعد ده شهر عشره قريب ولو عشنا بذكرك
يا كيكي ماراح تحصل حاجه
وبتبقي زي قضيه الموسم تأجيل في تأجيل
وفي الآخر يطلعو بتسويه
ويروح المساكين في الكرعين
تصوم وتفطر على خير
محمد

Quote: لكن يجي زوول من بره داير يقبض الرئيس برضو بنقيف مع الرئيس الخنقنا طوال 19 سنه

هلا يا ابوحميد
ووينك يازول مسجل غياب اليومين دي...حتي اميرة الشيخ ردت ليك رد شافي وضافي ومنتظرة حضورك..
يا محمد انا طبعا عندي راي تاني ومع احترامي لرايك..
الوقفة بتكون مع العدل والعدالة حتي وان جات من اي بكان..
وفي حاجة اسمها البهبرة وسهر الجداد ولا نومو ..وكتلوك ولا جوووك جوووك..
فالانقاذ يا صديقي محتاجة للزول البديها العين الحمراء عشان تمشي في الدقيق دغري
وتبطل الجرائم الكبري في حق الانسانية وتحترم شعبها..
لازم قرصة حاااااااااارة في الاضان عشان تاااامن وتعرف حاجة

Quote: حتي اميرة الشيخ ردت ليك رد شافي وضافي ومنتظرة حضورك..

والله اميرة الشيخ حالهابقى مشيول اكتر من اكامبو..

اسي ياكيكى انت الذكرك الكلام شنو??

بعد شوية العجاجة تقوم والمنبر دا نكوسو سماء ارض مانلقى بسبب الكترابة

بين الاكامبيين والبشيرين...

وبعد مالك رديت لمحمد دا براااحة كدا

اسي ناس الهامش يجوك ويقولو ليك انت بايع القضية.

Quote: وبعد مالك رديت لمحمد دا براااحة كدا اسي ناس الهامش يجوك ويقولو ليك انت بايع القضية.

هلا يا بت الشيخ
وكلامك ده عاوووز ليهو فعلا واحد الليلة ووووب زي السم..
حسع يجينا اله الهامش داك ويشبكنا استلاب اوكامبوي وتطبيع مع محمد ابراهيم الجلابي كاره ذاااتو
واني بعت قضية الهامش وتكيت زي كم ضنب كده

...
وبعدين انتي وقت ما دايرة سيرتك يشليوها في الخشوم رافعة القزاز لصحبي لييييييييييييييييييييييييه (وش زعلان شديد خلاص)

كيكي ثرو أميره

شنو يا شباب تحرشو في الإله بشاشا
على الزول المسكين البرلوم ود إبراهيم


أول حاجه يا أميره ماشفت كلامك والبوست زاتو مالاميي فيهو عديل كده

ويا زوله لو فيهو أي شكل مافي مشكله
شغالين بمبدأ صاحب صاحبك ...صاحبك
ودي عشان تقريها إلا تشكليها

يعني أخوك فر ض نفسه على كيكي وصاحبه بالقوه

وأي زوول صاحب كيكي بضيفو للفيس بوك بتاعي
ولو زعلناك من حيث لا ندري ولا نحتسب فرمضان كريم
وعثره البرلوم مقاله أو كما قال

تاني حاجه يا كيكي في حته مستلب وكاره زاتو دي

تصدق عمري كله عايش على أساس إنو يحي فضل الله نصير للمهمشين

ومتابع ليك تداعايته بكل جوارحي الزول نصير المحرومين وزول
حسب رأي من القله المثقفه المحترمه في البلد دي
لحدي ماجيت عندكم هنا وقريت إنو يحي فضل الله ... براك عارف بقيت القصه

Quote: تصدق عمري كله عايش على أساس إنو يحي فضل الله نصير للمهمشي

هلا يا محمد
ويا اخوي في المنبر ده ممكن تقراء اي شي
يعني ممكن تقراء انو جون قرنق له الخلود كان متمرد لصالح مشروع دولة الجلابة
وانو مانديلا اتسجن ديشليون سنة لصالح ترسيخ دولة الابرتايد في جنوب افريقيا
ويرصو ليك نقة لمن راااااااسك يسخن ذاااتو

كيكي
شويه توضيح في حته تسليم الرئيس
رغم إنو الناس أشبعوها تحليل
لكن رأي الخاص إن تسليم رئيس أي دوله ليحاكم خارج أرضيها
به إنتقاص من هيبه وكينونه تلك الدوله
أنا يا كيكي من الناس الذين تفتح الوعي لديهم في آواخر أيام الديمقراطيه التالته
وشهدنا الفشل الزريع في إداره الدوله
لدرجه القول ( لو كلب شالها مافر زول بيقول ليهو جر )
وإجتماع السيدين لتشكيل حكومه كل تلاته شهور
فكفرنا بالديمقراطيه والعيب ليس بها ولكنه بنا
ثم جاء دعاه الإنقاذ
فاصبحنا كل يوم ندعو بأن نرجع محل ما تم إنقاذنا

وسط كل ذلك لا أعتقد إن الكتابه في منبر ما
قد تؤدي إلى زول هذا الحكم
والمصيبه الأكبر إنني لا أرى خير اً في البديل أياً كان
ووصلت لقناعه إننا لا نشهد عصر صلاح البلاد وربما أحفادنا
لو قدر لهن أن يعيشوا في وطن إسمه السودان
ربما أقول ربما يكون حالهم أفضل من حالنا وحال أولادنا
عشان كده رميت طوبت السياسه من زمان
بالنسبه للتعايش وكرهان الذات فبحمدالله عشت فتره مشرقه من حياتي
في ميز كان زميلي في الغرفه من أبناء كرفان
وجاري وصديقي الاخر من الجنوب
وشكلنا نحن الثلاثه صداقه إمتدت لحدي اليوم رغم تفرق السبل بنا
ولم أشعر بفرق بيسننا في شيئ
لمزيد من التداعيات الخاصه ممكن أشيل إميلك من سميك أبو محمد ( دبي )
وأهريك حاجات خاصه
وبعد داك ممكن تستخدمها ضدي لمن نختلف في حته كده
وتقول لي بجيب الإميلات
وأنا بقول ليك بنزل الرسائل القصيره
وتخش أميره أجاويد ويجي خليل يحاول يصلح
غايتو لو عشنا الكلام ده بيكون في العام 2110
مع كأس العالم في جنوب أفريقيا

Quote: شويه توضيح في حته تسليم الرئيس رغم إنو الناس أشبعوها تحليل لكن رأي الخاص إن تسليم رئيس أي دوله ليحاكم خارج أرضيها به إنتقاص من هيبه وكينونه تلك الدوله

هلا يا ود ابراهيم..
نعم تسليم رئيس تنقص من هيبة الدولة...لا جدال ولكن يا محمد في الجانب التاني قتل وسحق وسحل انسان الوطن ينقض من هيبة الدولة وانسانيتها
فالنفس التي حرم الله قتلها الا بالحق عندما يقتل ويسيل دمها في تراب الوطن..يصبح ساعتها الكلام عن ترابط الدولة وتماسكها كلام تاني...
لذا ان ارادت السلطة في السودان ان تحفظ هيبتها وهيبة البلد ان تتوقف عن القتل والاجرام الكيزاني الاتعمل في دارفور ......
المحمكة الدولية لم تاتي من فراغ بل هي تداعيات الازمة التي كانت الحكومة لاعب اساسي فيها...
فعشان كده الحكومة حقو تلم عضامها وتدي الناس الامان الذي هو حقهم وليس منحة من حد

كيكي
ألخص ليك رأي في الإنقاذ
نحن زي زول بيأكل ليهو في فول بالزيت والملح وبس
جو ناس الإنقاذ شالو مننا الصحنونحن يا داب في اللقمه الأولى
وقالوا لينا إستنوا شويه نصلح ليكم الفطور ده

أها بقين قاعدين راجين فطورنا
لحدي الليله لا رجعوا لينا صحنا بفوله وزيته
لا جابو لينا فطور بدله
يا الشعب السوداني زي خالتك مره كبيره
نائمه ومغطيه بتوب
صحي قديم لكنه كان ساترها
جو ناس الإنقاذ قالوا ليها يا حاجه
التوب ده ما ساتر وبيشف عما تحته
أدينا ليهو ونحن بنجيب ليك توب ساتر
الخاله قلعت توبها وأدتها ليهم
وليومي ويومك ده
الجماعه ماجابو ليها توب بدله
وبقت قاعده من غير ساتر إلا وجه ربك

لكن يا كيكي كل الخوف من حصول فوضى يسميها الأمريكان الفوضى الخلاقها
وأسميها أنا الموت والدمار للجميع لو تم تفكيك الدوله بالسيناريو الحاصل الان.
غايتو أهو نحن منتظرين ويا خبر بفلوس بكره بيبقى ببلاش
مبروك منصب الناطق الرسمي
ماعندكم مناصب شاغره
إنشاءالله ياور للسيد القائد
الليله ووووووووووووووب

Quote: أها بقين قاعدين راجين فطورنا لحدي الليله لا رجعوا لينا صحنا بفوله وزيته لا جابو لينا فطور بدله يا الشعب السوداني زي خالتك مره كبيره نائمه ومغطيه بتوب صحي قديم لكنه كان ساترها جو ناس الإنقاذ قالوا ليها يا حاجه التوب ده ما ساتر وبيشف عما تحته أدينا ليهو ونحن بنجيب ليك توب ساتر الخاله قلعت توبها وأدتها ليهم وليومي ويومك ده الجماعه ماجابو ليها توب بدله وبقت قاعده من غير ساتر إلا وجه ربك

بالضبط يا محمد
ده الحصل شالو كل القصص وخلو الناس قاعدة في السهلة
ولو لقيتك بعد رمضان ممكن احكي ليك حاجات كثيرة شالوها الناس ديل

أوكامبو جاكم



[IMG]http://www.sudaneseonline.com/u1/16.gif/[IMG]

Quote: أوكامبو جاكم

هلا يا نقابي حبابك وحباب اوكامبو
وانتو يا ناس لاهاي بختكم ومين زيك
وقاعدين محل الطيارة بتقوم وبشبش حينوم
وبالله ما تنسي الوصية
العدس
العدس
العدس ابو حجار

هندسة
جينا نقول رمضان كريم

وكل سنة وإنت طيب

رغم إنه رمضان إنتهي وفاضل فيهو عشرين يوم

Quote: هندسة جينا نقول رمضان كريم وكل سنة وإنت طيب رغم إنه رمضان إنتهي وفاضل فيهو عشرين يوم

هلا يا زهير
ورمضان كريم ياخي
وطولنا ما ضربنا ليك مع الجري والرمضان البقي اخير منو حالة الجماعة مع اوكامبو ديل
وتحياتي للاسرة

يجلس علي دكة البدلاء

سيد الخطيب مهدي ابراهيم ابراهيم احمد عمر عبدالرحمن سر الختم

رياك قاي وانجلو بيدا

Quote: عبدالرحمن سر الختم

ده لو قدر طلع من مدني البقاها زي الكوشة دي...
ما بضمن ليك المدرب علي عثمان يلعبوا
قالوا مكجنو كجينة السواد

يا زول ما تسمع كلام غريبة التاواق دها

الفريق المدهش بحبوهو ناس الهلال وناس بورتسودان وناس مدني وناس الدامر

Quote: يا زول ما تسمع كلام غريبة التاواق دها الفريق المدهش بحبوهو ناس الهلال وناس بورتسودان وناس مدني وناس الدامر

يازول انا غريبة دي شيخي
واذا قال غريبة شيئا قلتو...!!!

البشير مسسسسسسسسسست قووووووووو

**
*











*
**

yes SUMAH
HE MUST GO TO LAHI