يبدو انه عصر بنات الاخوات النابهات فقد حملت الهواتف عبر اثير سوداتيل من الفيافي البعيدة سيرة نجاح البنية البتشبه القمر المتاوق من سماء نمارق محمد يحي الشهيرة بنونو بمجموع زينة ودهشة 270 نمرة بالتمام والكمال من النمر ال280 لتضع نونو بت اختي فائزة نفسها في صفوف الاوائل للمتحنين في ولاية سنار..... شطارة عيال وبنات الزمن ده بقت تخلع فالنونو ذاكرة قاطعة وحادة وحفيظة واجمل الاشياء هي مقدرتها الفذة علي كتابة الشعر وحفظ قصائده الصعبة وحفظ اجزاء عديدة من القران الكريم... .... اجمل دكتورة حتما ستكونين انتي يا نونو علي هدي جوجو وصباح وتوتا
في ايامات العودة للوطن في بدايات الاجازة بالتقصير والحرج تجاه هذه الاجيال ولكن وبعد معايشة قصيرةو ظهور مواهبهم المتعددة تحس بانك من تحتاجهم... لتري ذلك الغرس الجميل من الاطفال الذين يذهبون الي المدارس بفرح ورغبة في النجاح والتفوق والاهتمام بالاطلاع والكتب في من ندرت فيه هذه الاشياء....
عصام جبرالله شكلي كده ح انط من حتت الرابطة دي لانك بعد شوية حتشبكني بيازميل وقدة وتامين وممكن تدفعني اشتراكات كمان
اييوه يا خدر كلو من البنات سها ونمارق عاوزات يركبونا في رابطة مع عصام ده تخيل بعد اقتراح الرابطة فجاة كده استدركت وقلت لا حولاااااا ومع عصام كمان يازول هوووي حدنا بداية العام الدراسي للبنوت ديل وكل قرد فينا ي طلع شجرتو
Quote: المره الجاية يا حزب بدفع و بدون تامين و اجتماعات و حماية
او نرطب كده .... مستقلين احرار
يازول هوووي تمشي وين سيك سيك معلق فيك....!!! قالوا رئيس مجلس سيادة سوداني شهير اجتمع مع مبعوث من الحكومة الروسية ولمن ما لقي ليهو موضوع (قام قال ليهو بتعرف نقد)....
اها احنا حسع الواحد فينا في الغربة دي لو لاقاهو شيوعي من الهند بعد حق الله بق الله.. بتسالوا وبتقول ليهو(بتعرف عصام جبرالله)
الجيل الجاي ده بالمناسبة واعي ومنفتح وعندو أفق واسع ، الغريبة رغم دولة الهوس الديني والمديا المركزة علي تغييب الوعي الجيل ده قادر إنه ما يتأثر بيها ، لأنه ده جيل ديجتال جيل الكمبيوتر والأنترنت والفضائيات والفضاء المفتوح ، ولاحظوا معاي إنه في جيل جديد بدا يتفتح وديل الناس الماتمو عشرين سنة ولي تحت ،،، وخلوا بالكم من ملاحظتي دي ، الجيل ده حا يقلب كل موازين السائد والمألوف في الثقافة والسياسة السودانية والقيم وكل القديم وحا يجر معاهو الأجيال السابقاهو
مبروك تاني للشباب الحلوين ديل ،، نتمني أن تتواصل النباهة والأفق المفتوح لكل الأجيال
Quote: إنه في جيل جديد بدا يتفتح وديل الناس الماتمو عشرين سنة ولي تحت ،،، وخلوا بالكم من ملاحظتي دي ، الجيل ده حا يقلب كل موازين السائد والمألوف في الثقافة والسياسة السودانية والقيم وكل القديم وحا يجر معاهو الأجيال السابقاهو
هلا يا زهير والف سلام وفعلا يازهير الجيل القايم ده فيهو تفرد غريب وواثق شديد من اشيائه وفوق لده فصيح جدا... في الاجازة القريبة للسودان اندهشت تماما من مقدرات ابن خالي الصغير(عبدالكريم ويسمي كيكي ايضا) في الكمبيوتر وهو طفل صغير.مقدرات عالية والحديث عن برمجة وبرمجة هواتف ويو سي بيهات وكلامات عجيبة تخلعك.... رغم المحن والماسي وظروف الحياة الصعبة والتعليم الذي اصبح قاسي الا انه جيل يستطع ان يقتلع معرقته في هذه العولمة المالية الدنيا دي وسلام يا زهير
هلا يا سارة والف شكر وتحية وانشاء الله يباركوا ليكم السمح ومن حسع يا سارة حنجيبها ليك عشان توريها الدكتوراة دي دربها بوين وكمان لو وريتي خالها كريم تكوني ما قصرتي تب (بس ختينا القراية ام دق) كل الود يا سارة والتقدير
اها .. وبعد دا كلو ما بدفع رسوم دا ياتو رابطة بتلمو ..
هلا يا باش وحبابك الف واللسان الفاكي ده كمان حتة تانية بتلمني مع عصام ده(فبالله طلعها لي من الكورجة الفوق دي) غايتو عصام ده لو اترفد غير الربوطية معاي مافي ليهو اي حل ايدلوجي تاني وكل الود والشوق ياباشا انتو قاعدين يا ناس في الدوحة دي والله ليكم وحشة شديد
Post: #21 Title: Re: عصام جبرالله رايك شنو نعمل رابطة......الف مبروك نمارق...!!! Author: محمد سنى دفع الله Date: 04-18-2008, 12:55 PM Parent: #20
كيكي مبروك لي نمارق ومبروك لو جبرالله لكن تعال مارق لي برة المسرحية بتاعتي ما جيته ليه 1 2 تلفونك مابرد وخارج الخدمة ود رملية قال لي عندك تلفون تاني 3 اعمل لي رنا امكن اتصل عليك عايز ننجدك وانت ما معانا الليلة نتلاقى عند زمراوي والشعر مودتي
استاذي الكبير السني حبابك والله وعارف يا السني البت نمارق دي بتحب التمثيل والكرنفالات وعاملة فيها بتلقي قصائد فخليك قريب... ساتصل بك اليوم يا السني باذن الله
