Post: #1 Title: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 06:00 PM Parent: #0
صديقي بوبا العجلاتي المغلوب علي امره والمهمش الحقيقي في عز المليون ميل مربع من نمولي لحلفا من شرقا الي اقاصي الغرب مافي زول مهمش زي صديقي وصحبي بوبا العجلاتي.. طرق ابواب حكومات كثيرة ومنذ عهد الاستقلال ازهري عبدالله خليل نميري والصادق المهدي ون وتو وطرق ايضا ابواب الانقاذ في حركتها منذ في سبيل الله قمنا وحتي التفكك والتحول الي حمل وديع الان,,, وكذلك طرق ابواب حكومة الوحدة الوطنية.. في كل هذه الحكومات لم يجد ذاته ولم يجد حل جذري لمشاكله ومشاكل الكثيرين من (البوب) و(البوبات) لا وجد موية ولا وجد كهرباء ولا وجد حقنة ملاريا ولم يجد ايضا بطانية تقيه من شرور البرد او فانلة كت تقيه من شرور الحر السوداني الاستوائي..
عبري علم صديقي بوبا بان هناك مكان به فتية وفتيات من السودان يتحاورون في امره وامور الكثيرين من امثاله من الغلابة والكادحين بعضهم ينتمي اليه حقا والبعض الاخر ايضا يحاول ان يتكلم بلسان الحكومة....
بوبا في انتظارك يا بكري وهو للعلم لا يكتب ولكن باستطاعته مجازفة بعض القراية في ما بين السطور حتي يري ماذا هم فاعلون بامره هولا الفتية والفتيات اللائي بعضهم نال قسطا عالي من التعليم والمعرفة ويرجو بوبا وامثاله الكثير منهم عبر هذا المكان ومعا من اجل بوبا العجلاتي عضوا حتي يشوف الغلابة وييين هم في هذا المكان الذي صار وطن لعقول تستطيع انتاج معرفة... وفي انتظار يا ريس..
Post: #3 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 06:17 PM Parent: #2
Quote: يا باشمهندس .. شنو ؟ عاوز تفرتقا خلاص ؟
هلا يا خدر وده عجلاتي تاني ياخي عجلاتي جد كده يعني زول بصلح عجلات وبس
Post: #4 Title: Re: يا بكري ....بوبا العجلاتي يطرق بابك...!! Author: محمد البشرى الخضر Date: 06-10-2008, 06:18 PM Parent: #2
خدر سبقتني
يعني يا كيكي من ضمن آلاف مهن المهمشين من صنايعية و سباكين و ميكانيكية ولحامين و عمال بياض حدادين ستلين لحداين واطة و فنيي التكييف للنقلتية و خضرجية ما لقيت غير المهنة دي تطلب لصاحبها العضوية كممثل للمهمشين الجد في البورد ياخي طيب على الأقل كنت تقول كهربجي التهميشة الباقية عليهم اسكت خليها ديل
Post: #5 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 06:26 PM Parent: #4
يا ود البشري حبابك وياجماعة بوبا صحبي ده عجلاتي يعني بصلح عجلات عجلااااااات وياناس سودانيز ما تشيلو حس وحال بوبا صحبي ده قبل ما يجي وتعملوا ليهو عقدة اسفيرية قبل ما يدور كليك اودبل كليك.....ز بالصورة دي انا ح انصحوا يعمل اول بوست عن فك ازوداجية التسمية (العجلاتي) ما بين المهنة بتاعة تصليح العجلات والعجلاتي القاصدينو انتو وخدر
أظنك بتقصد الحمير بركبوا الحمير العجلات دي عند ناس أم درمان بركبوا العجلات
يا بكري ممنوع إعطاء باص وريد لزول ما بعرف يركب موتر
Post: #8 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 06:49 PM Parent: #6
Quote: ممنوع إعطاء باص وريد لزول ما بعرف يركب موتر
شفت يا كوستاوي دي الحركات ذااتها البتخلي بوبا صحبي يجيكم هنا سريع سريع وياكلكم ذااتو حسع ياخي انت سلطان الهامش تجي تقول لي بوبا ما بعرف يسوق موتر اها كمان رايك شنو حندخل بوبا دورة بتاعة سواقة مواتر ومكثفة كمان ونشوف رايكم شنو تاني يا ناس امريكا والجرجير
بعدين صلح علاقتك ممكن بوبا ده يجيب ليك جرجير معاهو
Post: #7 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 06:45 PM Parent: #5
بوبا في مجلسه الذي يشيد عفويا بحضور (حواءشمشرة) واسحاق جاكات و حسن كرونة المتعطل المتجول الذي يروق له الجلوس في محلات صديقي بوبا العجلاتي..وعقب انتشار خبرية رغبة بوبا في الالتحاق بهذا المكان عبر تسريبات (شمشرة ) التي لا تستطيع ولو الفولة من البلل في خشمها الخفيف.. بوبا ماشي سودانيز ..؟؟ حسن كرونة في سطلته الصباحية تبسم وهو يذوب حبات السكر في فنجان قهوته الصباحية فغر فاه وتبسم بكل سخرية... بوبا يمشي سودانيز وجواز ما عندو ...ووين هي سودانيز دي ذااتها؟؟ شمشرة وجدتها فرصة لاعطاء كرونة محاضرة في فنون الثقافة السماعية عقب المعلومات التي شفطتها سريع سريع في اثناء حواري القديم مع صديقي بوبا في ذات عصر بعيد ونحن نجلس بالقرب منها...!!! واستطاعت بضحكة مليئة بالغنج والشماتة والدلال من تلقين (كرونة) وتوضيح ان بوبا يا فارة من فريق زنقو ده ما ماشي حتة ولكن سيكون له اذن دخول عبر مصيبة جديدة عملها الخواجة (جورج) هكذا قالتها (شمشرة) فيي التجوال في مساحات بها مجموعة من السودانين بتاعين نقة وسيتكمن بوبا من النقنقة معاهم وحالف انو يمنطقهم ويشوف الناس ديل عاوزين يسوي لينا شنو احنا ناس القريعتي راحت ديل... ونعود
Post: #9 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 07:22 PM Parent: #7
اسحاق جاكات الذي يتابع ذلك الحوار بعين ويكشف لبدرية ست الشاي القاعدة في الشجرة البقريب من محلات بوبا بعين اخري كان لابد له من ان يدخل راسه في هذا الحوار ويحاول يحلق في بعض الجاكات والدليب المحبب بالنسبة له... فانبري قائلا.. هو زاتو محل بوبا ماشي ده انا سمعت كلو جبهجية ويومي تفتح تشوف البشير ماشي القضارف البشير في كوريا توجد صور ...خليل قبضوهو وخاتنو في كرري وكل خبورات الحكومة الكرهتنا البلي قاااعدة في بطن محل بوبا ماشي ده... هنا لم يجد بوبا شخصيا الا ان يترك (البنشرة) واللستك الديل جنت الذي كان يعالجه في برميل مقطوع نص كم ويتلحق بهذا الحوار ويقطع الطريق امام محاولات جاكات مرجف.. ووجه حديثه الي حسن كرونة مبينا بان الحتة دي فيها جبهجية اييييي ..لكن دائما الناس قاعدين يدوهم في راسهم وساكنهم سكة حرامي في فريق زنقوما.. وانا ذاتي يا كرون لو القصة كلها جبهكس البوديني شنو ذاااتو هو احنا ناقصين التلفزيون جبهة الماسورة جبهة تفتح الراديو جبهة تفتح كشك جبهة ونعود الي سيرة بوبا ومعا من اجل حضوره اليكم
Post: #10 Title: Re: يا بكري ....بوبا العجلاتي يطرق بابك...!! Author: ibrahim kojan Date: 06-10-2008, 08:27 PM Parent: #9
الزبال
العجلاتي
(الطيان)
( سانتو)
مرحب بالهامش الما خمج !!!!!!!!!!!!!!!!
(انت ما بتشوف الماسنجر بتاعك ولا شنو؟؟؟؟)
لو انا دخلت هنا تاني تعال بخرني بالشطه.... ؟؟ أوع تكون فهمتها ولا أجيب ليك المشترك وهاك يا(..............)
Post: #11 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 08:34 PM Parent: #10
Quote: مرحب بالهامش الما خمج !!!!!!!!!!!!!!!!
(انت ما بتشوف الماسنجر بتاعك ولا شنو؟؟؟؟)
لو انا دخلت هنا تاني تعال بخرني بالشطه.... ؟؟ أوع تكون فهمتها ولا أجيب ليك المشترك وهاك يا(..............)
هلا يا كوجان وياخي انا لازم اقدم شكوي دولية ضد الزول ابو صعلة الاسمو بكري ابوبكر لانو شكلو كده عامل مصيبة في الماسنجر بتاعي ده لانو ده الزول الرابع الينبني لماسنجر انا يخربني لو شفتهو(انت يازول الماسنجرات دي بتكون بترسلها للمشترك وعايز تصلبط فيني انا المسكين ده) وتعازينا يا ابراهيم وكل الاسي.. ولو ما جيت حرم بالبوليس السري (المشترك) حنجيبك حنجيبك رغم انو المشترك ذاتو فاتح لينا الايامات دي مع الروز والورد والكبارات كبارات والناس الكتابة شديد والجونا اليومين ديل
Post: #12 Title: Re: يا بكري ....بوبا العجلاتي يطرق بابك...!! Author: Emad Abdulla Date: 06-10-2008, 09:15 PM Parent: #11
و الله حكاية .. قالوا يا رايح كتّر الفضايج . عجلاتي ؟؟؟!!
إن شا الله تمشي أمريكا دي و تلقى ليك عجلاتي تصاحبو .. و يصلح ليك عجلتك .
...... و بوبا عليك تقيل .
Post: #15 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 09:29 PM Parent: #12
Quote: إن شا الله تمشي أمريكا دي و تلقى ليك عجلاتي تصاحبو .. و يصلح ليك عجلتك .
اوووووه عمدة حسع نقول ليك حبابك يا عمدة العجلاتي يقوم اخوك ابوصلاح يسكاكننا من دور لدوار ويكرهنا الدوحة السخنة دي.. ياجماعة العجلاتي صحبي ده.. بتاع عجلات...عجلااااات بصلح بدالات مقاعد وجنازير بدالات والسرج بتاعة العجلة لمن يخرب.. ياخ عقدتو الراجل واحتمال يقول ما داير باصوريد ذاااتو ويشيل عجلتو ويفرتق
Post: #22 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-10-2008, 10:18 PM Parent: #21
Quote: يا صلاح ... صلااااح ... تعال سوق ولدكم ده
عصام ياخي ما تسمع كلام ناس بيجو مرجفين المدينة وتالب علينا ابو صلاح يقومو يرجعونا ساكت مع الطيارات البتحرق دي ... انت عارف انت وبيجو وخضر ثم عماد وكوستاوي زكرتوني نكتة الزول اللسانو فاكي واولاد الحلة قرروا يطلعوا رحلة ومعاهم كل الجكس.. وقاموا اتزاوقوا منو جاي وجاي.. ولمن ركبوا الباص لقهو قاعد قدامهم ومتحكر ولمن البرنامج بتاعة الرحلة بداء قال لييهم انا عندي سوال وكلهم قعدوا يضايروا والي اخر النكتة من (#################)..
بوبا صحبي ده عجلاااتي يعني بصلح عجلات لكن ناس بيجو الفارات ديل مفتكرنو بصلح حاجات تاني انا كبرئي ما قادر اعرفها لحدي حسسسع... يازول نووم ساكت بس لو عملت ساتر بكون احسن ليك مع العجلاتي الانا مطالب بكري بشدة من اجل باصوريد ليهو
Post: #24 Title: Re: يا بكري ....بوبا العجلاتي يطرق بابك...!! Author: ibrahim kojan Date: 06-10-2008, 11:11 PM Parent: #22
عجلاتي ....
أدوهو مكرونه بالجبنه... وبعدها قام سطل قال لي صحبو والله الصفافير بالجبنه جميله كيف ؟؟ ماعندكم منها زياده ؟؟؟؟؟؟؟؟؟؟؟؟؟؟؟؟؟؟؟
كمان جابت ليها عجلاتية!! طالما هو صاحبك وعجلاتي أنا بقترح أن بكري يسحب حسابك ويقفلوا بالطبلة والمفتاح،
هل من مثن؟
بلا عجلاتية بلا لعب بلي
دنقس.
Post: #26 Title: Re: يا بكري ....بوبا العجلاتي يطرق بابك...!! Author: Raja Date: 06-10-2008, 11:55 PM Parent: #25
عبدالكريم سلامات كتااار..
غايتو بوبا ده من هسع حاجزينه في الشلة بتاعتنا بتاعت الناس الغلابة..
وبالله كلمو يجيب معاهو المنفاخ.. حيحتاج ليهو مرة مرة لما يتكلم عن روحو . يعني هو أقل من منو؟
Post: #29 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 04:46 AM Parent: #26
Quote: غايتو بوبا ده من هسع حاجزينه في الشلة بتاعتنا بتاعت الناس الغلابة..
وبالله كلمو يجيب معاهو المنفاخ.. حيحتاج ليهو مرة مرة لما يتكلم عن روحو . يعني هو أقل من منو؟
هلا وحبابك يارجاء وامسكوا الخشب بس الزول ده جايكم بكل عدة الشغل وبخبورات وونسات كثيرة بس الله يستروا من خشوم ناس المنبر ديل ما يشيلوا حسو ... وبوستاتو غايتو اليوم داك المكرسح بشيل العميان ومعا من اجل عضوية بوبا
Post: #28 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 04:42 AM Parent: #25
Quote: أنا بقترح أن بكري يسحب حسابك ويقفلوا بالطبلة والمفتاح،
هلا يا عبدالقادر وحبابك في مدارات بوبا العجلاتي ولييييه الاقصاء ده يا عبدالقادر... والزول ده ذنبو شنو اذا كان دي مهنتو الباكل منها عيش في الزمن الصعب ده... لا للاقصاء لا لازداجية المعايير ومعا من اجل صديقي بوبا
Post: #27 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 04:38 AM Parent: #24
Quote: أدوهو مكرونه بالجبنه... وبعدها قام سطل قال لي صحبو والله الصفافير بالجبنه جميله كيف ؟؟ ماعندكم منها زياده
اها يا كوجان صحبي ده احنا عاوزنو يجي هنا عشان يكتب لينا عن الصفافير بالجنبة والحاجات الزي دي ....
المشترك بجيك ناطي حسسع ده والله يستر ساكت
Post: #30 Title: Re: يا بكري ....بوبا العجلاتي يطرق بابك...!! Author: Yassir Tayfour Date: 06-11-2008, 05:06 AM Parent: #27
Quote: انا من زمان الزول ده قلبي مابيهو
يا عصام بالله ما تعملو لي أخونا سمعة ساكت.. كيكي قاصد (دراجاتي)
_____ الحمد لله الما طلع بنشرجي
Post: #31 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 03:48 PM Parent: #30
Quote: كيكي قاصد (دراجاتي)
هلا يا سر وبالله وريهم الفارات ديل..الناس دي عندها (كك) في راسهم ده وحاصل ليهم استلاب ازدواجي عجلاتي
Post: #32 Title: Re: يا بكري ....بوبا العجلاتي يطرق بابك...!! Author: عبد المنعم سليمان Date: 06-11-2008, 05:01 PM Parent: #1
قالو جكس سنار غنوا لبوبا
لقيتوا ماره
اداني ركبه ليه ما اداهو وعدني بكرا او بعد بكرا ليه ما اوفاهو
Quote: يازول نووم ساكت بس لو عملت ساتر بكون احسن ليك مع العجلاتي الانا مطالب بكري بشدة من اجل باصوريد ليهو
الحار دفر البارد او شهد شاهد من اهله
__ الفااااااتحه
Post: #36 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 06:43 PM Parent: #34
Quote: شهد شاهد من اهله
هلا يا مولانا.. وعصام المرجف ده قلنا نوريهو من بدري بدري... عشان لو بعدين (بوبا) ده زنقو في زقاق (ديالتيكي) ضيق انا برررره الموضوع
Post: #35 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 06:26 PM Parent: #32
Quote: يا ناس دلوني
يا بيجو من امبارح دليناك وقلنا ليك شيل عجلتك وامشي عدل لبوبا بلاش غناوي الريدة ومهبة معاك
Post: #33 Title: Re: يا بكري ....بوبا العجلاتي يطرق بابك...!! Author: عمر الحبر Date: 06-11-2008, 05:41 PM Parent: #1
يا كيكى تهتم بى بوبا العجلاتى وتنسى حسن الخدرجى وسعيد الحواتى ومنصوربتاع الورنيش الجماعة ديل ما اصحاب بوبا
Quote: انا من زمان الزول ده قلبي مابيهو
يا صلاح ... صلااااح ... تعال سوق ولدكم ده
باقي نومنا تقيل
التحية لى عصام جبرالله ويبدو انو ياهو زاتو من ما فارقناه
Post: #37 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 06:47 PM Parent: #33
Quote: وتنسى حسن الخدرجى وسعيد الحواتى ومنصوربتاع الورنيش الجماعة ديل ما اصحاب بوبا
هلا ياحبر وحبابك في سيرة بوبا وكلو جاي يا حبر بس حبة حبة وقلنا في البداية نثبت اقدام الرائد بوبا العجلاتي في الاول وبعد داك نقبل علي باقي الكورجة.... لكن زي ما شايف في قوي رفض اسفيري ولكن اطمنك بوبا جاي جاي
كيكي سلامات يا اخي صاحبك جكس بتاع الادريسي مش كان اولى بالترشيح بدل الجهجهة الدخلك فيها بوبا دي.
Post: #39 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-11-2008, 08:15 PM Parent: #38
Quote: يا اخي صاحبك جكس بتاع الادريسي مش كان اولى بالترشيح بدل الجهجهة الدخلك فيها بوبا دي
. هلا يا عمدة وغايتو جهجه شديدة وجابت ليها شيل حال كمان ياعماد... وجكس حليلو ياخي مافاضي لينا لقد اصبح امام جامع وقيل ايضا بانه اعتزل الناس وتكبسل في سيرة الزهد.... لكن بوبا ده بجيبو بجيبو يا زول وناس عصام وعماد وخدر ديل الا يدقوا راسهم في الحيطة الاسفيرية
لا ولا والف لا لبوبا رادف الصيبة في العجلة (الفسيبا) والتي ليس بها سرج امامي
Post: #46 Title: Re: يا بكري ....بوبا العجلاتي يطرق بابك...!! Author: Mohamad Shamseldin Date: 06-15-2008, 02:01 AM Parent: #45
و الله يا كيكى خايف عليك ... شكلو بعد شوية و حسب التحولات و المنعطفات التى يمر بها هذا البوست ..... نهايتو حا يتغير إسمك ل "كيكى العجلاتى " و حيث لا ينفع الندم .. و جماعتنا كانت حلفت بحبوبتك ما بصدقوك ..... و كان خليت ليهم البلد و مشيت امريكا و لا فرنسا ذاتها..... تبقى مشكلة لانو هناك نتائج الكورة كلها تعادلات..... و أولاد الحلال يتغابو فيك المعرفة.... على العموم ما تزعل العجلاتية فى أمريكا يحمدو ربهم بمظاهراتهم...... و إعتراف من الدولة بانو مهنتهم مهنة شريفة ....
Post: #47 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-16-2008, 09:07 PM Parent: #46
هلا يا كوجان وحباب خليل ومرحب محمد شمس الدين وحبابكم في سيرة بوبا العجلاتي الذي حتي الان لم يفتنا بكري في امره.. بوبا ده لو جاء كان علي الاقل شال معانا الدفاع شوية في العكة الدورت اليومين الفاتن ديل ... ويا كوجان خضر ده شكلو خاف من البوست ده وسيرة عكسو..
خليل شنو كلامات الحدف والما حدف الحاجات الاول مرة اسمع بيها...
محمد شمس الدين كيكي العجلاتي دي لو لصقت في اخوك ياني الماكل نيم والله مع البلد البقت ملانه اشاعات دي فعشان كده خلو البوست ده يغطس بعدما بوظوهو ناس عصام جبرالله ديل وعماد عبدالله ومن لف لفهم من كوجان ومنعم
Post: #48 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-19-2008, 02:25 PM Parent: #47
يا بكري بوبا صحبي ده ما عيونو طلعت عديل كده من الانتظار..
يدكم معانا ياشباب
Post: #49 Title: Re: يا بكري ....بوبا العجلاتي يطرق بابك...!! Author: على محمد على بشير Date: 06-19-2008, 04:52 PM Parent: #48
كيكى
انتا عامل كمين .. ؟
Post: #50 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-19-2008, 05:01 PM Parent: #49
Quote: انتا عامل كمين .. ؟
هلا يا علي وياخ انا زول قريعتي راحت.. كمين شنو البعملوا انا ياخي..
ولو بقيت كمان قاصد الكمين الفي النكتة العجيبة ديك بتكون مشيت بعيد خلاص وخيالك خصب ياخي
Post: #51 Title: Re: يا بكري ....بوبا العجلاتي يطرق بابك...!! Author: على محمد على بشير Date: 06-19-2008, 05:12 PM Parent: #50
Quote: ولو بقيت كمان قاصد الكمين الفي النكتة العجيبة ديك بتكون مشيت بعيد خلاص وخيالك خصب ياخي
يا كيكى
كلامك دا زكرنى بى نكتة حسن السرريع احكيها يا كيكى .. والا انتا لسه محتاج للبوست دا ؟
Post: #52 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-19-2008, 05:34 PM Parent: #51
Quote: كلامك دا زكرنى بى نكتة حسن السرريع احكيها يا كيكى .. والا انتا لسه محتاج للبوست دا ؟
هلا يا علي ده لو ما حسن الكمونو ليهو الجماعة في الغابة وهم خالي كلتش لمن كابس ود المامور احكيها طوالي يا زول...لكن بتصرف بالله يعني خالي هدوم ممكن تقول خالي كلتش وكدا
Post: #54 Title: Re: يا بكري ....بوبا العجلاتي يطرق بابك...!! Author: بكرى الخليفة الكتيابى Date: 06-19-2008, 06:13 PM Parent: #53
Quote: ومعا من اجل بوبا العجلاتي عضوا حتي يشوف الغلابة وييين هم في هذا المكان الذي صار وطن لعقول تستطيع انتاج معرفة...
Post: #56 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-19-2008, 06:28 PM Parent: #54
هلا يابكري وحبابك ياخي.. وياخي شكرا جزيلا علي اعادة الاعتبار لبوبا وامثاله في زمن ازدواج المعايير وحتما سياتي اليوم الذي فيه سياتي بوبا من اقصي المدينة..
Post: #55 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-19-2008, 06:22 PM Parent: #53
Quote: اوعي بطير تقراها غلط وتودينا في داهية
هلا ياخلو.. وتكتب عدس يا خليل نقراء عدس
وبوبا ده الناس ديل شالو حسو ساااكت الزول ده بصلح دراجات..دراجات هوائية
هلا يا كع وحبابك والله في سيرة بوبا صحبي.. وشكرا علي تثنية بوبا وهو مهندس لكن جربندي.. والكويسة في بوبا انو عارف عزو..ولو قالو ليهو مهندس زراعي ما بهزو
Post: #59 Title: Re: يا بكري ....بوبا العجلاتي يطرق بابك...!! Author: Mohamad Shamseldin Date: 06-20-2008, 03:23 AM Parent: #58
أها يا خليل بعد اليوتيوب الخاتيهو فوق ده .... أصلك من ما عرفناك عربيك زى الدروينق بتاعك .... لذلك مسموح ليك تستعين بصديق عشان ما تقرأ دى غلط ... ... لو الجماعة سموا كيكى ... بالعجلاتى ... إنت يسموك خليل البطير... خوفى من ذلك اليوم.... ...
Post: #60 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-20-2008, 12:23 PM Parent: #59
Quote: أصلك من ما عرفناك عربيك زى الدروينق بتاعك
كلامك في محلو يا ابوحميد انا من امس ماقادر اقراء (عربي دروينغ خليل ده).. عندي عربي ودروينغ بعرفهم برااااهو كده..
Quote: بتاع عجلات...عجلااااات بصلح بدالات مقاعد وجنازير بدالات والسرج بتاعة العجلة لمن يخرب.. ياخ عقدتو الراجل واحتمال يقول ما داير باصوريد ذاااتو ويشيل عجلتو ويفرت
غايتوا بوبا لو عجلاتى أسفيرى نحيك علية ونتضامن باصرارك دا
لكن باقى لى خدر وودالبشرى وعماد عبدالله اكثر دراية بيك
قلت لى يجى بنفاخة
Post: #62 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-20-2008, 06:24 PM Parent: #61
هلا با بابكر وبوبا ياخي عجلاتي حقيقي يعني بصلح عجلات او دراجات وزول غلبان لكن مرجفي المنبر ناس عماد ومن لف لفهم خلقوا منه عجلاتي من النوع الابو كديس.. وسياتي بوبا من اقصي المدينة وساعتها سيتضايرون.. وبعدين ما جاي بمنفاخ بس بل يمكن ان نقول منافيخ كل الود والتحايا يا بابكر
_ والله بوبا بتاعكـ ده ياخد باسويرد .. ده يقوم في الظلط
Post: #66 Title: Re: يا بكري ....بوبا العجلاتي يطرق بابك...!! Author: عبدالكريم الامين احمد Date: 06-20-2008, 10:33 PM Parent: #65
Quote: والله بوبا بتاعكـ ده ياخد باسويرد .. ده يقوم في الظلط
والله ياخدر كلامك شكلو كده صاح وانا ذااتي ابتديت اقنع من باصوريد لبوبا ده مع بكري بتاع المعايير المزدوجة ده..
ويوم يومين القصة دي لو ما جابت مريسة تام زينو لبوبا صحبي ده ح الم البوست ده وانصح بوبا انو يقعد في تصليح عجالتو دي هو ذاااتو مالو ومال الاسافير ام دق دي... ولكن اي زول عمل جوطة في البوست ده اسمو حيكون وش في قايمة بوبا للانتقام