فرمالة تحتاج لفرمتة جميع الأحزان ياصديقي العزيز هكذا هي دوماً الدنيا ام قدود تفرحنا أحياناً وتحزننا أحيانا واشد إيلامها الحزن لانه يرتسم في المخيلة والذاكرة ولن ينسى ابدا عكس الفرح تعدي ايامه ولحظاته ويصبح مجرد فرح عابر اما الحزن فانه مقيم في الدواخل يتجدد بين الفينة والأخرى يحتاج لتضميد وكذلك صبر وعزم وأخيراً سيظل الحزن مهما تفاوتت درجاته ومقايسه إلا أن التحديد الفعلي له هو الإقامة الدائمة في القلب أو الخروج والعودة سريعاً له هكذا علمتنا الدنيا ونحن لسع في بدايات الشباب أن الفرح محدود وأن الحزن يحتاج لصبر وجلد شديدين
معزتي الغالية ياكيكي وصاحبك وصل ولا لسع تلفوناته ما برد عليها
Quote: وأخيراً سيظل الحزن مهما تفاوتت درجاته ومقايسه إلا أن التحديد الفعلي له هو الإقامة الدائمة في القلب أو الخروج والعودة سريعاً له هكذا علمتنا الدنيا ونحن لسع في بدايات الشباب أن الفرح محدود وأن الحزن يحتاج لصبر وجلد شديدين
هلا وكل الود يا ابراهيم وكما قلت تماما يا ابراهيم اقامة الحزن وخروجه من القلب هو عنوان الحزن... ولكن شو نسوي يا ابراهومة في الحزن الساكن كالحمم في القلب ومع اي هبشة تلقاهو فار فورة السنين كل التحية وصحبك ودرملية وصل لكن تلفونو قافل وبلا نداهمو في بيتهم في المطار
Quote: ذرات رفاتي سترحل اليك...!!! تتجمع سحبا وستهطل من عينيك سيقتل عطيل جاكل ثم يعود اليك....!!!
الليلة يا الحزن المبالغة!! بري يا يمة كان كدا اخير نقلق قلقنا ساااي
عبد الكريم البركة فيكم ياااااخ
Post: #12 Title: Re: فرمالة للاحزان...!!! Author: عبدالغني كرم الله بشير Date: 03-25-2008, 07:32 AM Parent: #11
أعمق المحبة صديقي عبدالكريم.. يقول فتى قريش، والذي أجال نظره في أهل مكة، ثم مضى لحراء... ومن هناك نظر تحته، ليرى الضجيج، والتهور، والنفاق، والعنصرية.. فقال:
الحزن رفيقي...
فالمشهد مؤذي، للآن.. وللحق.. الجميع قال ذلك..
قال ماركس : الحزن رفيقي... وقال بوذا : الحزن رفيقي.. وقال رامبو: الحزن رفيقي..
فالمشهد حزين، وعاجل (الجزيرة)، يخبر بذلك.. والدم يسيل من الاطفال، في دارفور، وجنوب افريقيا، والعراق، وكشمير.. و...و.... من دول ذات خطوط وهمية، تشكل خريطة الكوكب المحزون..
Quote: قال ماركس : الحزن رفيقي... وقال بوذا : الحزن رفيقي.. وقال رامبو: الحزن رفيقي..
فالمشهد حزين، وعاجل (الجزيرة)، يخبر بذلك
الف تحايا وشكر يا صديقي الاديب الفيلسوف عبد الغني كرم الله... وقبل ان اهتف مثل بوذا وكارل... دعني احكي لك شيئا طالما وردت سيرة الجزيرة.. قبل ايام لست الكثيرة اهديتني صباحا ملئيا بالتفاول ومفعم بحب الحياةوعميق لم اكن اعلم من هو المتحدث (من صوته) ولكن جذبني الحديث وعمقه وتنوعه وكان المتحدث مدهشا ومن نبرات ولكنة حديثه تيقنت بانه سوداني ولكن من هو؟؟؟ لم يحل هذا اللغز حيث انني التحقت بالحلقة ما بعد البداية....... وكل الشكر يا عبدالغني لاهدائنا ذلك الصباح الملان والشحمان بمعينك الراقي والعميق... .............. نعم يا عبدالغني وجميع من صاح بتلك هم فلاسفة كبار ومعلمين لاسس تهم البشرية فصوت ورحيق الانسانية يهتف به الفيلسوف... والف سلام يا صديقي وكل الود
ذرات رفاتي سترحل اليك...!!! تتجمع سحبا وستهطل من عينيك سيقتل عطيل جاكل ثم يعود اليك....!!! ثم يعود اليك....!!! ثم يعود اليك....!!!
دى منو يا كيكى البتشاكلو فيها دكتور جيكل ومستر عطيل؟ هنالك بعض الناس فى هذه الحياة الدنيا لهم قدرة خرافية على التجمل والتظاهر بالنبل، ولكنهم فى حقيقة الأمر ابعد ما يكونون عن النبل والانسانية. عطيل كان اكذوبة. ولن يستطيع هزيمة جيكل ولا مستر هايد. الشر اقوى مما كنا نتصور يا كيكى. الشر مسيطر. "يا ناس الحلة هوى.. فى زول مكتول وما مخبور.. فى زول مكتول وما مخبور" كما كان يردد الدرويش فى مسرحية "مطر الليل" الرائعة من فرقة السديم المسرحية. فى زول مكتول وما مخبور يا ناس الحلة. كان ما عرفتو الكتلو منو، الحلة دى ما بتتصلح. الشر مسيطر. الشر الش ال ا
Quote: عطيل كان اكذوبة. ولن يستطيع هزيمة جيكل ولا مستر هايد. الشر اقوى مما كنا نتصور يا كيكى. الشر مسيطر. "يا ناس الحلة هوى.. فى زول مكتول وما مخبور.. فى زول مكتول وما مخبور"
ضليع يا عادل ومقدرتك علي التجوال في النصوص لا تضاهي ابدا!! ولكن يدا واحدة من اجل عودة عطيل او 0(نصرة عطيل) كما يرددون وفعلا يا ناس هوووي في كتل حاصل والكاتل مخبور !!!علا صعب بالحيل يا عادل قاتل صعب وحردان.,..!!!
Quote: عندي صديق عزيز علي ودائما يجدني في حزن لاينتهي فاخبرني بان هنالك مركب تبحر بالحزنانين كل مرة في الاسبوع ( اكلمه ليك) ؟
مرحب يا ناهد ايوه كلميهو لي عليك الله وجاهزين جاهزين كبحارين
وتسلمي من الحزن انتي يا ناهد
Post: #32 Title: To say Hi Kiki Author: Rawia Date: 03-25-2008, 08:29 PM Parent: #28
Lionel Richie - I Call It Love
I Look At You You Look At Me (You Can't Help It You're Feeling Butterflies) Its obvious, We have Chemistry (I think I know it cuz it feels so right) Girl I wanted so long to know Now Your telling me you gotta let it go (Dont Tell Me I have to start all over again) I Never thought that this day would come (This is somthing that i've wanted in my life) I relize that you're the one (and you're telling me its time to say goodbye) To Put this out of my heart It ain't gonna change So it shouldn't be so easy to walk away (You feel it I feel it lets not be tense)
(Chorus) Baby, I Don't Know What Love Is Maybe I'm A Fool I Just Know What I'm Feeling And It's All Because Of You Don't Tell Me I Don't Know I Want The Truth Cuz They Call It We Call It You Call It I Call It Love
It's so clear for you to see (dont let anybody tell you what to do) Why they can't they just let us be happy (i dont want to find somebody new) If you know whats real in your heart Then dont let them tear us apart (Cuz you feel it I feel it Lets think this through)
(Chorus) Baby, I Don't Know What Love Is Maybe I'm A Fool I Just Know What I'm Feeling And It's All Because Of You Don't Tell Me I Don't Know I Want The Truth Cuz They Call It We Call It You Call It I Call It Love
(Break) We Have a bond thats unbreakable And its not time to let it go And now that we know its real We are going to let it show To the whole world That I'm yours forever and you're my girl
(Chorus) Baby, I Don't Know What Love Is Maybe I'm A Fool I Just Know What I'm Feeling And It's All Because Of You Don't Tell Me I Don't Know I Want The Truth Cuz They Call It We Call It You Call It I Call It Love (Repeat 2)
Love They Call It Love I Call it Love
Post: #39 Title: Re: To say Hi Kiki Author: عبدالكريم الامين احمد Date: 03-26-2008, 01:30 PM Parent: #32
Quote: I relize that you're the one (and you're telling me its time to say goodbye) To Put this out of my heart It ain't gonna change So it shouldn't be so easy to walk away (You feel it I feel it lets not be tense
هلا ومرحب يا صديقتي اجل لا كثير ولكن فليكن كثيفا هذه المرة كثيفا وعميقا واتمني ان يكون نبيلا ايضا وفي حضوركم جميعا الينا هنا لامفر الا ايقاد ليس بشمعة بل شموع...
Quote: وفى هذه الحالات عليك بالغناء... بالشعر... بالتمشى طويلا.. افتح نفاج فى روحك للشمس والمطر واستمع....للكاشف..عثمان حسين... احمد المصطفى..عشة الفلاتية
وانت طبيب عندك دوائي ياريت يا اشراقة الزول يقدر يسمع الناس الفوق ديل كلهم في يوم واحد فحتما هم سيهزمون ليل الاحزان الطول.. ياريت كل الشكر يا اشراقة علي حضورك الي حافة نهر الاحزان ده وشكلي كده ح اقدم طلب التحاق بنقابة الحزانة العالمية لو فشلت في الاستماع لعشة الفلاتية (خالتي) في ظرف يومين منذ الان
كيكى... واللهى روعة مابعدها روعة ياخى انت مشروع لروائى عظيم.... واصل الحكى يا رائع وتحية خاصة لودالصحافة ورائعة عثمان حسين وهذا الكم الهائل من الروعة والجمال...
ياسسسسلام يا اشراقة انتو الغنا السمح ده بتلقو ويين ياااخي؟؟؟ نعم يا اشراقة يجب علي روحي ان تبكي او هكذا تبدو ولكن في حضور غناوي زي الفوق دي سيحلو البكاء علي حافة الحزن
اوووه اشراقة ده طرزان.. لو كان الزمن نسسسسسساك انا ما بنسي..!!! انتي عارفة في خرطومي الفاتت كانت اجمل هدية من احدي الصديقات هي حضور حفلة لهذا الفنان (البوب مارلي) في احدي اندية الخرطوم.. اها يا جماعة انا حسع حزني ده اقبل بيهو وين مع الحصار الجمالي ده اشراقة ياااخ الله يديك العافية ياعزاااالة لغناوي بجنن جنون قبورة
Quote: اقول ليك حاجة... قوم ارقص وحاة سيدى الحسن تفك
والله فكرة يا اشراقة (اشراقة ياخي انا ما عايز اضحك عليك الله ياااخيي مالك علي ياااخي) لكن فكرة والله ..... علي الاقل الزول يرجع للايام الخوالي.. لكن ما الليلة ممكن بكرة الخميس ومن العصر اخش لي في لبس ابن لذينة وفي (نايت كلب) في الدوحة (سري ) كدي...لي منو سنين ما مشيتو..!!! (كويس مافي سودانين بضهبو بهناك ) ارقص جنس رقيص يا اشراقة لمن الله يغفر لي....
ـــــــــــــــــ كريم والكلام دا من متين ؟؟؟؟ يطرشنى الا هسه بس لو شفت وجع الروح ال عند اختك حزنك دا مجرد حفلة شاى ..! وجع روح جد جد ،، ويانى الجاية فارشة معاك اوع تقول لى نحن ح نرفع !!
هلا يا دينا ايووه امون وامون رع كمان مراسم فيها عودان في المقصلة من اشجار تهزم العناد... ودي مراسم بيني وبينك حقوا الواحد يعمل لييها تذاكر عديييييل كده لانو فيها كبع نضيف..!!!
لكن انتي ممكن تجي بلاش
وكدي اتفاوضي مع اشراقة دي في شايفها مصرة علي رفع الفراش وجابت لي صورة واغاني رقن باحزاني وجهجهن دفاعي الحزني شوية
Post: #61 Title: Re: فرمالة للاحزان...!!! Author: كمال سالم Date: 03-26-2008, 10:30 PM Parent: #1
دينا خالد :
تبرى انت من الالم ووجع الروح خلى الاحزان ووجع الوش ده لناس كيكى ديل ,,
كيكى . بالله ماتنقل لينا العدوى الحزاينيه حقتك دى للناس الفرايحيه الهنا ديل . شيل احزانك دى من هنا وامشى فكها مع ضحيه وكمبوره ,
Quote: علي الاقل الزول يرجع للايام الخوالي..لكن ما الليلة ممكن بكرة الخميس ومن العصر اخش لي في لبس ابن لذينة وفي (نايت كلب) في الدوحة (سري ) كدي...لي منو سنين ما مشيتو..!!! (كويس مافي سودانين بضهبو بهناك ) ارقص جنس رقيص يا اشراقة لمن الله يغفر لي....
للتوثيق وكدى
والايام الخوالى دى ياتها؟ بتاعة خليل عثمان؟ غنااااى الزول ده والله
والنايت كلب ده شنو كمان؟ الله يكفينا شر الكلاب فى الليل ده!! نايت كلب قال
سلامات وعوافي ياكيكي "ياخلي الشقي" .. اما وجدت ثوبا ترتديه عدا هذا الحزين .. يا صديقي الارض والروح ارحب من "فسوة" الشيطان هذه.. فالفح ياصديق جلبابا ناصعا من نسيج الحياة اللطيف وانطلق في درب السعادة الرحيب .. و"ريق" عنك كاس المرارة الحنضل .. والحياة هذه مهما بلغ شأوها واستفاضت دقائقها شقاءا او نقاءا ... فهي في الاخر اصغر من "ميقات" بسمة علي وجه طفل وديع .. اذهب يا صديقي فالحزن الذي "عليك" لا يساوي ذرة من وجع الامهات .. اذهب عن نفسك وترجل مشاويرها بالحنين .. واترك الباب خلفك علي نصف "قفل" عل الفرح يرتاح يوما علي "صرصار بابك القديم".. ثم لا تسهب في البكاء فاني اخاف علي "بصرك" ... والبكاء "غسول" المساكين لا الحزانى ومضروبي "المحبة" فابحث عن حالة اخرى "تقمصها"تكفيك شر "ضعف النظر" وشر الثياب التي في اطرافها"بلل" .. ثم وانت في علياء احزانك ابق عشرة علي"جوازك الامريكي" هاهاهاهاها.. فاصحابك لا يحبون "العابثون العابسون" من "عبث وعبس" ..فالاولي طعنتهم في برج التجارة مرتين والثانية خلفتها جرائم الطبيعة من لدن التيرنيدو وبقية الاعاصير.. فارحم وزارة الخارجية الامريكية ونشرة الارصاد الجوية فكلاهما في غنى عن فتن اخرى تجود بها قريحة "الحزانا".. ثم اجعل لمنظارك زوايا اوسع تطل تارة علي "اوباما" واخري علي "هيلاري" ...فما ضاق بعدهما ناظر .. اما اوباما ففوزه يعني "سطوع اخر لقريبه براد بيت واما هيلاري ففوزها "رمانة" تهديها انت كمواطن امريكي لقريبتها انجلينا جولي .. واني مؤمن انك ماسك قوي في انجلينا جولي "ولعلمك لا اظنها تحب الحزن".. شفتا يا صديقي الدنيا دي ضيقة كيف .. اما انا يا صديقي فقد فتحت علي نفسي "طاقة" مطلة علي الجنة تداعبني نسائمها وتشجيني عصافيرها "الصداحة" .. فابق انت في حزنك ودعني الهو في براح "الجنان" .. ..تاني بتجو ..؟ اها الدوحة كيف؟ .. ترى هل هي حزينة ايضا ام انها مازالت تفتح صدرها "للسُِمار"..؟ ثم سلاما علي العشاق حميعا .. الفائزين منهم والحيارى ..
فاتني ان اقول يا صديق بانني قد ودعت الشعر وانفاس "الهايكو"والقصة القصيرة والقراءة ... وما تبقي لي من قبح اتركه سوى الكتابة وقريبا سانشد الامية .. فهي ارحم بكثير من شقاء "المعرفة" ... تحلب بقرتك وترقد تنوم .. تقول لي "فرمالة للاحزان" .. لا حولا ولا قوة الا بالله .. يا راجل اتصبر شوية .. واياك البحث عن الفرح في هذا المقام فالاقنعة و"قنافذ الزيف" ستتصيدك وتاني نبقا في "حاو و تُر" .. انا شخصبا "حاو و تر" براك ايدي ما برفعا معاك .. ولا عذر لمن كلموهو .. ابكي "بالدس"..
Quote: ترى هل هي حزينة ايضا ام انها مازالت تفتح صدرها "للسُِمار"..؟
وها وقد عاد الي هذا المنبر نبضه وروحه الوهيجة اين للحزن مكانا وودرملية صاحب الاركلوجيا والبوح علي حافة صهيل الاسافير يحط بيننا مرحب ودرملية وحبابك ايها الجميل وبقدومك يمتلي القلب بالفرح وتحلق الاحزان مبتعدة ولو الي حين سلام ياصاحبي الكلس ايها العريس القرمزي
كيكوفيتش ... معقولة كام يوم عند "العم سام " بتطلع حزن قدر دة ؟ ما حضرت الايستر ليه هناك ؟ ما مشيت الاماكن الكلها زهور وورد -وصية نجوان- ليه ؟؟؟ ام بناية قش ما بتساوي كل الحزن دة ؟؟ فرمالة الاحزان في دواخلنا "لو عايزين نشغلها" ؟ شغلها ....
Post: #81 Title: Re: فرمالة للاحزان...!!! Author: عبدالكريم الامين احمد Date: 03-28-2008, 09:23 AM Parent: #68
Quote: كيكوفيتش ... معقولة كام يوم عند "العم سام " بتطلع حزن قدر دة ؟ ما حضرت الايستر ليه هناك ؟ ما مشيت الاماكن الكلها زهور وورد -وصية نجوان- ليه ؟؟؟
هلا يا باشمهندس وكل الشوق ووصايكم اوصلتني بحمد الله الي ارض اليانكي ولكن..!!! يبدو انها اعراض الدهشة من الزهور النادرة وليت نجوان خبرتني عنها بتفاصيلها وتداعياتها حتي ارعوي كل الود والتحايا
الحزن لايتخير الدمع ثياباً كي يسمى بالقواميس بكاءً هو شيئ يتعرى في فتات الروح يَعبُر من نوافير الدم الكبرى ويهرب من حدود المادة السوداء شيئ ليس يفنى في محيط اللون أو يبدو هلاماً في مساحات العدم الحزن فينا كائن يمشى على ساقين دائرة تطوف فى فراغ الكون تمحو من شعاع الصمت ذاكرة السكون المطمئنة كيف ترفض الجدائل فضة في الضوء ترفض الفقاقيع التى مابين امرأة الرزاز إشارة للريح فى المطر الصبى إضاءة فى الماء خيطاً من حبيبات االندى سحراً صلاة هيكلاً قوس قزح؟ ذلك سر الكون أن تبصر في كل حسن آية لله والسحر الإلهى المهيب ذلك سر العدل أن تتفجر الأشياء تفصح عن قداستها ترى في الشئ ما كان إحتمالاً ثم تنفتح الكنوز
صديقي كيكي
لا تثق بالقلب إن العشق يؤذي
لا تثق بالقلب إن العشق يؤذي
لا تثق بالقلب إن العشق يؤذي
Post: #70 Title: Re: فرمالة للاحزان...!!! Author: كمال سالم Date: 03-27-2008, 12:41 PM Parent: #69
عشق شنو ياأشراقه ؟؟ ده فلس ساكت ,,
Post: #77 Title: Re: فرمالة للاحزان...!!! Author: عبدالكريم الامين احمد Date: 03-28-2008, 09:06 AM Parent: #70
Quote: عشق شنو ياأشراقه ؟؟ ده فلس ساكت ,,
ابو كمال في داعي لجنس الفضائح دي حسع حقوا الواحد يكلم ليك رقم صفر يجننكم جن قبورة يا ناس الجالية وانا ذاتي يجنني معاكم .اصلو ما فضل لينا في الدوحة دي الا الجن
Post: #76 Title: Re: فرمالة للاحزان...!!! Author: عبدالكريم الامين احمد Date: 03-28-2008, 09:01 AM Parent: #69
Quote: ترفض الفقاقيع التى مابين امرأة الرزاز
هلا يا اشراقة يا صديقتي والصادق الرضي اوصف واواجز وجنن الحزن جنون عميق مابين امراة وراز قصيدته غناء العزلة صوت ونبض ومنفستو عاشقين وصيحة وطن ملانة تلكم القصيدة ورائعة روعة لا يضاهيها الا وجدانكم الطاعم
وتشكري علي مروركم الموشح بسيرة الشعر الجميل
Post: #71 Title: Re: فرمالة للاحزان...!!! Author: كمال سالم Date: 03-27-2008, 12:55 PM Parent: #1
كيكى أنت ود رمليه ده بكتب من الدوحه ولا السودان ,,, المهم فى كل الاحوال هو حزنان . عندى صاحب عرس قبل سنتين, حرم لهسه ماشاف ليهو كمبيوتر ولا كيبورد ,, دحين زولك ده ماتم ليهو شهرين بقى يقابض فى البوستات , دى ماالاحزان ذاتها ,,
Post: #78 Title: Re: فرمالة للاحزان...!!! Author: عبدالكريم الامين احمد Date: 03-28-2008, 09:08 AM Parent: #71
Quote: كيكى أنت ود رمليه ده بكتب من الدوحه ولا السودان ,,, المهم فى كل الاحوال هو حزنان
ودرملية يايمة عريس وصلاح ادريس حزن شنو البحزنو الحزن ده ليكم انت وصحبك ابو ساندرا واخريين ان عمر سعد العذابي بينكم
Post: #82 Title: Re: فرمالة للاحزان...!!! Author: محمد عثمان Date: 03-28-2008, 09:47 AM Parent: #1
Quote: وتصديق الخيال......!!!! انزعي تاريخي ..وجغرافيتي وعري كل اشيائي وفتتيني علي رمل المسافات سهاما من الغضب انصالا وقوس..!!!! اخترقي ذاتي..... احرقيها كمراسم هندوس...!!!! ولكن..!!!
الاخ عبد الكريم...
دوزنة فى الصميم
يديك العاافية..
Post: #83 Title: Re: فرمالة للاحزان...!!! Author: محمد سنى دفع الله Date: 03-28-2008, 10:04 AM Parent: #82
ده كلام كبير جدا لمن جاب ليك الكلام شنو حكاية الكلام لمن اكون مكتوب بي صدق لازم إظهر ليك واحد اقول ليك دي كتبتها كيف ولا ويم لقيت السيجارة القوية شنو علاقة الإبداع بالواوو وشنو علاقتك انت بالذات بالواو ؟؟ شفت كيف بقينا نشك ؟؟ الشك ياحبيبي عايزين اجتماع للفرقة عشان احتفالنا الرجا نجمع خلال هذا الأسبوع
Post: #86 Title: Re: فرمالة للاحزان...!!! Author: عبدالكريم الامين احمد Date: 03-28-2008, 10:40 AM Parent: #83
Quote: عايزين اجتماع للفرقة عشان احتفالنا الرجا نجمع خلال هذا الأسبوع
اوووووه مشتاقين يا السني ياخ ووينك وين اراضيك نعم جاهزين لاجتماع الفرقة ولكن يا مدير المرة دي عاوزين (اركلوجيا الحزن) تراجيديا يا السني من النوع الببكي النوع الما ببكي داك دايرين امون كبسي يتحول الي عطيل ويصيح انا اتيل يا جماعة بلد خربووووو يا ناس
الف تحية يا السني
Post: #84 Title: Re: فرمالة للاحزان...!!! Author: صلاح الأحمر Date: 03-28-2008, 10:08 AM Parent: #82
العزيز/عبد الكريم
عطرت صباحي بحزنك الذي أطربني
فكان هذا الإرتجال .وتسلم ياخوي
من الأحزان.
كرومه ياسيد الحكي النديان
في حروفك حكاوي الناس واحلامها
وفي حزنك مرايا نفوسنا وآلامها وانحنا معاك درب واحد
لابننساك ولانسيبك
نردد مع الرادوك غناوي محبه مسكوبه
من ارواحنا لي قلبك
ومن جواكا لي الدنيا
ياكيكي يامحبوب
زيك يمين مافي
ياغيمة فرح مشبوب
يازول جميل ريان
وزي ما احنا عارفنك
سحابه بتنثر الياسمين
بنصبر علي دمعك مطر مكبوب
وكت الحزن يغلب جياد صبرك
ويفيض علي صدرك
سيول شكوى وحروف بتئن
بنكون برضو راجنك
تغني زي ماقبيل كنت
مسادير الجمال والريد
وترجع انت يانت
وتصدح تاني يافنان
ونضمك يخجل الدمعه
ونفرش سكة الأحزان
بي مية الف ورده
معطونه بالطيبه
وحارساها القلوب شمعه.
ومودات تبش من: وداللحمر أب زادا مابخمر
Post: #87 Title: Re: فرمالة للاحزان...!!! Author: عبدالكريم الامين احمد Date: 03-28-2008, 10:46 AM Parent: #84
Quote: بنكون برضو راجنك
تغني زي ماقبيل كنت
مسادير الجمال والريد
وترجع انت يانت
وتصدح تاني يافنان
ونضمك يخجل الدمعه
ونفرش سكة الأحزان
بي مية الف ورده
معطونه بالطيبه
وحارساها القلوب شمعه
سلام وتحايا يا ابو صلاح وصرعتني يا رجل بمثل هذا الكرم النبيل وارتجالك الموشح بالنقاء الاصيل وكيف يا صلاح للاحزان ان تبقي ومثلكم يحلق بيننا في هذه المدينة وحتما سنعود يا ابو صلاح وسنغني معا لحن معطون بطيبة قلبكم وصفاء وجدانكم الذي اسائل الرب ان يمنحني المقدرة حتي ارد اليه الجميل كل الود يا ابو صلاح
Post: #85 Title: Re: فرمالة للاحزان...!!! Author: عبدالكريم الامين احمد Date: 03-28-2008, 10:35 AM Parent: #82
Quote: دوزنة فى الصميم
هلا والف مرحب يا محمد عثمان وكل الود وشكرا ايها الجميل