Post: #1 Title: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-21-2007, 08:37 PM
يوم امس في هذه الغربة البعيدة كان بكل حق مدهشا وجدير بالحديث عنه ولما لا.. فقد كانت صباحاته تضج برحلة مع عمنا المحترم جعفر اسماعيل عضو هذا المنبر وارباب بورداب اليابان الذي يحط رحاله بيننا في مدينة الدوحة في هذه الايام.. قمة السعادة كانت هي الرحلة النشطة صوب ضاحية الخور في شمال الدوحة لحضور فعاليات معايدة رابطة ابناء دار المسيرية.. والتي شهدت ايقاعات من نقارة المسيرية ذات الانغام الحنونة المليئة بقيم الشجاعة والكرم والرجولة..وحديث السنين وسيرة فيافي عديدة واكتشفت حينها بان استاذي جعفر قد مر علي نفس مدرستي بجوبا المكلية ولكن قبل سنين عديدة وحدثني حديث الجيل العظيم عن حكاوي الدنيا وسيرة الزمن السمح ونعود
Quote: تحياتنا لك و لهذا الشاب الجمبل يا كيكي و كل عام و انتم بخير
هلا يا سعدالدين وكل الود وعيد سعيد وسعدت ايما سعادة يا سعد الدين بالتعرف علي هذا الشاب الحي الملان حكاوي وونسه بوهج الاباء الرائعين.. وامس كان يوم الاكتشافات غير موضوع جوبا الملكية اكتشفت انو(سامي ) اخوك والزول ده صحبي صحبة شديدة ومن زمان شديد...
هلا يا نادر وامس كان يوم جميل مع عمنا جعفر اسماعيل من بورداب اليابان وياريت يا نادر تدينا طلة وانت جااي للسودان عشان نشوفك ونشوف السنين دي عملت فيك شنو(اوع تكون حصلت ابوصلعة احمد تجاني)
هلا يا زهير وعيد سعيد وتحياتي للاسرة.. واحنا يا زهير عيدنا لحموت بدون شربوت (تخيل البلد دي اصلها ما بتخمر الشربوت).. ... والعيد شربوت يا زهير واحنا الضائعين
الف تحية وكل الود ياشحتتو وكل سنةوانت طيب بالامس يا شحتتو دقت النقارة بتونها وايقاعها الفريد واشاعت الولعة والبهجة في نفوس كل الحاضرين.. وصديقك سليمان كل في اعز بهجته وفرحه بهذا الخيط الجميل.. وكل الود لاهل كردفان جميعا..
Post: #12 Title: Re: ايقاعات نقارة المسيرية ورفقة عمنا جعفر اسماعيل..!! Author: Nader Abu Kadouk Date: 12-22-2007, 00:04 AM Parent: #11
كيكي محمد الامين بعقد الفنانين لمن يغني غناهم
الراجل ده عندو إستايل مختلف
ودابكدوك
Post: #13 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-22-2007, 00:20 AM Parent: #12
فعلا يا نادر الباشكاتب استايل مختلف وفريد زول (ود ازرق) ده وهذه الاغنية بالذات اعتقد بانه(قالع فيها) عبدالقادر سالم وتفوق علي نفسه كثيرا وحيا كردفان الغراء ام خيرا جوه وبره بطريقة تستحق الخلود
Post: #14 Title: Re: ايقاعات نقارة المسيرية ورفقة عمنا جعفر اسماعيل..!! Author: Gaafar Ismail Date: 12-23-2007, 09:12 AM Parent: #1
كيكي أيها الإنسان الجميل لن استطيع ، مهما أكتب ،أن أصف شعوري عن ما أتاحه لي ذلك اليوم الجميل من بهجة وسرور ونحن نتابع ايقاعات النقارة المليئة بشتى أنواع البهجة، والرقصات الرشيقة للشباب الذين اِشاعوا الفرحة بين الحضور في ذلك اليوم الذي سيظل في ذاكرتي طوال ما تبقى من العمر.أتاح لي أيضا ذلك اليوم لقاء الأح الحبيب البخيت الذي أهدى لي قبل تسع سنوات كتاب"رجال حول الرسول"وكتب الإهداء بكلمات رقيقه بخطه الجميل.أيضا التقيت الأخ الحبيب الزميل ضحية الذي غمرني بترحيبه الحار ودفء كلماته الصادقة، ومن فرط بشاشته شعرت كأنني أعرفه منذ عشرات السنوات.لن أنسى الونسة الحلوة ونحن نقطع المشوار الطويل في الذهاب والإياب بين الخور والدوحة داخل سيارتك الحلوة. الإبن والصديق العزيز كيكي ، لك اجزل الشكر والعرفان ووافر الاحترام والتقدير ، ومعذرة على حضوري المتأخر للبوست فقد اطلعت عليه اليوم فقط.
Post: #15 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-23-2007, 09:30 AM Parent: #14
الف تحية عمنا الجميل والصديق جعفر اسماعيل والف تحية وسعدنا حقا بحضورك الينا وسعدنا اكثر بتلكم الساعات التي رمت كالطيف والعربة تمتمطي المسافت صوب ضاحية الخور الت كانت في ذلك اليوم ملئية بوهج النقارة وسيرة فلكلور وتراث بلادنا الرائع.. وسعدنا ايضا باجترار سيرة الصحاب والاصدقاء في اليابان عبدالفتاح الحبيب وحيدر ميرغني والفاتح ميرغني وابن المجلد ازهري ابو كونو وكل الجالية السودانية عندكم... وجالت ايضا سيرة بوور-جوبا- الملكية وخور طقت وفيافي خففت بها في ذلك اليوم وحشة عيد الغربة... .. ولازال تحدينا للفريق بتاعكم الذي كابتنه (عبدالفتاح الحبيب) قائما حتي نهزمه شر هزيمة وكل الود والتقدير
Post: #16 Title: Re: ايقاعات نقارة المسيرية ورفقة عمنا جعفر اسماعيل..!! Author: حيدر حسن ميرغني Date: 12-23-2007, 11:34 AM Parent: #15
ما قصرت ياكيكي مع استاذنا الذي إفتقدنا تهنئته لنا يوم العيد كما عودنا
جعفر إنسان يستاهل كل خير
جعل الله ايامه بينكم معينا له فى غربته
Post: #17 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-23-2007, 11:45 AM Parent: #16
Quote: جعفر إنسان يستاهل كل خير
نعم يا حيدر والف شكر وتحية وعيد سعيد الف شكر علي هاتف المعايدة وخلاص جانا هذه المرة عمكم جعفر والمرة الجاية في انتظاركم وفي انتظار صديقي الجميل الفاتح ميرغني وعبدالفتاح الحبيب وكل اهل اليابان الجميلين
Post: #36 Title: Re: ايقاعات نقارة المسيرية ورفقة عمنا جعفر اسماعيل..!! Author: Gaafar Ismail Date: 12-24-2007, 09:54 AM Parent: #16
الحبيب حيدر الحنين عيد مبارك وكل عام وانت والأسرة الكريمة بخير
يا أخي ناس الدوحة ديل حلوين عديل كده.. الواحد منهم يلقاك لأول مرة فيأسرك بطيبته وبشاشته وتحس بأنك تعرفه منذ سنوات.لقد سعدت حقا بدفء مشاعر بورداب الدوحة ودفء جو الدوحة هذه الأيام.. طبعا من ناحية الطقس فلا مقارنة مع "صقيع" طوكيو الذي لا يطاق إلا من أجل كسب العيش. تحياتي لحبيبنا الفاتح والإخوة معكم.
Quote: ولازال تحدينا للفريق بتاعكم الذي كابتنه (عبدالفتاح الحبيب) قائما حتي نهزمه شر هزيمة
عبدالفتاح ما عاجبك ولا شنو يا كيكي؟ امس القريب ده فزنا 2/1 لكن ما بحكي ليك الحصل شنو و فريقكم بتاع الدوحة ده قالوا اكتر ناسو وزنها زايد فما ترفع شعارات يا حبيبنا.
هلا يا سعد الدين ومالها يا سعد الدين حركات سامي وكيكي حركات السرور والهناء وبالله تعال ادينا طلة عشان نعيد تعريفك بالفيرشن الجديد بتاع (سامي) وعرفت بان حضورك الي هنا مطلب جماهيري وانت عامل نائم (مش مكرمش)
Quote: عبدالفتاح ما عاجبك ولا شنو يا كيكي؟ امس القريب ده فزنا 2/1 لكن ما بحكي ليك الحصل شنو و فريقكم بتاع الدوحة ده قالوا اكتر ناسو وزنها زايد فما ترفع شعارات يا حبيبنا.
انت عارف يا يا سعد لمن عم جعفر قال لي عبد الفتاح صحبي كابتن الفريق قعدت اضحك زي اربعة ساعات كده صاح فتاح فيهو بواقي كورة زمان لكن فريقكم ده (نلم فيهو بناس سكسك وكدوس ومنقستو ومعاهم الود كيكي) حرم الا الامبراطورة اليابانية تقول لينا خلاص اقيفوا من الاقوان والمحاورة ... .... و2 واحد عملوها كيف الجلاكين بتاعنكن ديل..
أيضا التقيت الأخ الحبيب الزميل ضحية الذي غمرني بترحيبه الحار ودفء كلماته الصادقة، ومن فرط بشاشته شعرت كأنني أعرفه منذ عشرات السنوات.لن أنسى الونسة الحلوة
العم العزيز/جعفر اسماعيل
فى البدء لك التحيه وانت تزورنا فى الدوحه وتشاركنا العيد ونحن سعدنا بتواجدك بيننا ايما سعاده رغم اننا قصرنا شديد فى الترحاب بك وارجو ان تعذرنا لضيق الوقت والمشغوليات.. كذلك شرفتنا كثيرا وانت تشاركنا رحلة ابناء رابطة المسيريه بمنطقة الخور .
نتمنى ان تكون قضيت اياما سعيده بيننا ونتمنى ان تتكرر زياراتك لنا . ودم بخير
Quote: نتمنى ان تكون قضيت اياما سعيده بيننا ونتمنى ان تتكرر زياراتك لنا . ودم بخير
هلا بالناظر الكبير ضحية والف شكر يا ضحية فقد اعدتونا بتلكم النقارة (الكتية) الي عهود الصبا وربوع دينقا ام الديار وشي جميل هذا الذي تفعلونه يا ضحية من تواصل واجترار سيرة التراث..
والنقارة بالله المرة الجاية جلدوها تجيلدة صاح فعندكم ناس ضرابين ضرب جد العجل الخليجي ده ما بنفع معاهم
السلام عليكم كيكي (اللعين) وصحبه يا سلاااااااااااااام عليكم كلو ما الواحد يزهج من سودانيز اون لاين ويقولو حقو ينضم لنادي الزهاجة يرجع تاني ويقول ما أجمل هؤلاء القوم وكأني المحتفى به أبوالجعافر وكأني جمع المحتفين يا لها من آسرة آسرة هذه السودانيز أون لاين ياخي أقولكم حاجة ؟؟؟ أحــــــبكم عديـــــل كدة و شكراً لكم
............................. وما الناس إلا هالك وأبن هالك *** وذو نسب في الهالكين عريق
Post: #27 Title: Re: ايقاعات نقارة المسيرية ورفقة عمنا جعفر اسماعيل..!! Author: ibrahim kojan Date: 12-23-2007, 04:12 PM Parent: #26
بختكم يا عبد الكريم والله الواحد هنا البرد وبرودة الخواجات كاتلاهو غايتو ايامكم ايام وكل السنه وانت طيب والاصدقاء الهناك والواحد لو ما الدنيا عيد يحسدكم عديل كده!! ابراهيم
Quote: بختكم يا عبد الكريم والله الواحد هنا البرد وبرودة الخواجات كاتلاهو غايتو ايامكم ايام وكل السنه وانت طيب والاصدقاء الهناك والواحد لو ما الدنيا عيد يحسدكم عديل كده!!
هلا بصديق المسافات والرجل السمح الدواخل كوجان والف شكر علي حضورك الي هذه الاحتفائية بحضور عمنا الجميل جعفر
وظلال نقارة المسيرية التي عبقت المكان بتونها ولحنها الفريد ونتمني يا ابراهيم ان نلتقي ذات يوم علي انغامها ونحن في السودان في عمق دينقا ذلك المكان الجميل المدهش باهله وكل الود والتقدير
هلا والف مرحب اخي الغالي الزوول وفعلا سودانيز اون لاين اسرة واسرة عالية الحميمية وهنالك اناس عندما تلتقيهم تحس بانك عشت معهم الف عام وعام وكل الود وكل سنة وانت بالف خير وعافية
هلا يا نون 23399 والف تحية علي مرورك وعبورك الزاهي بهذه المساحة وسيرة عمنا جعفر اسماعيل وعشانkreem1232008 دي ما بخليك تفوتي ساااكت كده فانه يوم المهرجان (وعصام محمد نور)
هلا عبدالله وكل سنة وانت بخير ايوه يا داش دي النقارة ذاااتها بضربها المدهش ولحنها العجيب والملاحظ بان الاخوة هنا ضرابين ضرب شديد وفيهم ناس حرفاء حرفنة شديدة خلاص لقد امتعونا بحق وكل الود
Post: #34 Title: Re: ايقاعات نقارة المسيرية ورفقة عمنا جعفر اسماعيل..!! Author: سيف النصر محي الدين محمد أحمد Date: 12-24-2007, 03:24 AM Parent: #33
عبد الكريم ود الأمين كل عام و انت بخير..ما قصرتوا تب مع "عمنا" جعفر اسماعيل و "عمنا" دي بين قوسين لانو اكتر شبابا مني و منك..التحية له اينما حلّ.
Post: #35 Title: Re: ايقاعات نقارة المسيرية ورفقة عمنا جعفر اسماعيل..!! Author: Gaafar Ismail Date: 12-24-2007, 09:33 AM Parent: #34
ابننا العزيز سيف النصر كل عام وانت والأسرة الكريمة بخير وعافية شكرا على الطلة البهية .. كيكي والأخوان هنا ما قصروا تب وقد غمروني بكرمهم وروحهم الطيبة.كرم الدين وسامي يسلموا عليك كتير. خالد اخباره مقطوعة لعله والأسرة بخير. تحياتي للأسرة الكريمة.
Post: #37 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-24-2007, 10:26 AM Parent: #34
Quote: كل عام و انت بخير..ما قصرتوا تب مع "عمنا" جعفر اسماعيل و "عمنا" دي بين قوسين لانو اكتر شبابا مني و منك..التحية له اينما حلّ.
هلا يا دكتور سيف وكل سنة وانت والاسرة بالف خير وبركة وعيد سعيد وعمنا جعفر غمرنا بكرمه وروحه الشابة التي تجعلك تحس بانك تعرفت عليه منذ الف عام وعام ومما سهل الحديث السلس الملي بالحنين هو تقاطع المدارات جوبا_الكلاكلة_ سيرة الصحاب في اليابان ولك مني كل الود
Post: #38 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-24-2007, 10:49 AM Parent: #37
Quote: شكرا على الطلة البهية .. كيكي والأخوان هنا ما قصروا تب وقد غمروني بكرمهم وروحهم الطيبة.كرم الدين وسامي يسلموا عليك كتير.
الف تحية وكل السلام عمنا جعفر وسعدنا وفرحنا كثيرا بزيارتكم الكريمة لنا ونتمني لك دوام السعادة واقامة طيبة ارض الدوحة
Post: #39 Title: Re: ايقاعات نقارة المسيرية ورفقة عمنا جعفر اسماعيل..!! Author: kamal ali Date: 12-24-2007, 11:12 AM Parent: #1
كى كى كى كى كى ,, وهلم جرا
ياخى والله حيرتنا انت اى ركن من اركان السودان ده عندك فيه اتر .
بعد الدمازين وكردفان والخرطوم الليله عرفنا جوبا كمان ,,
عشان كده انت معتق وجميل ,,
كل الموده ..
Post: #40 Title: Re: ايقاعات نقارة المسيرية ورفقة عمنا جعفر اسماعيل..!! Author: عبدالكريم الامين احمد Date: 12-24-2007, 11:42 AM Parent: #39
هلا ابوكمال والسودان وطن جميل وعالي الالهام وكل بقعة تحط رحالك عليها تلهمك حبا وفاء لها وهااك جوبا عشان تسافر معانا صوب الرجاف جوبا نار ... مندكرو في الجيب!!!
Post: #41 Title: Re: ايقاعات نقارة المسيرية ورفقة عمنا جعفر اسماعيل..!! Author: hamid murahid Date: 12-26-2007, 10:25 AM Parent: #40
الاخ العزيز جعفر الاخ العزيز عبد الكريم
التحية و التهنئة مكررة ....
سعدنا حقا بلقاء الاخ جعفر كما كان الفرح غامرا على إيقاع (طبول الفرسان) نقـارة أهلي ... ألف شكر لكل من هيأ لنا تلك اللحظات الجميلةو الشكر موصول للأخ ( ديقا) و المجموعة المتحلقة حول النقارة.
Quote: سعدنا حقا بلقاء الاخ جعفر كما كان الفرح غامرا على إيقاع (طبول الفرسان) نقـارة أهلي ... ألف شكر لكل من هيأ لنا تلك اللحظات الجميلةو الشكر موصول للأخ ( ديقا) و المجموعة المتحلقة حول النقارة.
الف تحية ومرحب استاذي حامد وكل الود وكما سعدنا بحضور عمنا جعفر ايضا سعدنا بتلكم الونسة الراقية الملانة بسيرة الفيافي البعيدة وكانت قمة المتعة ونتمني ان نري تلكم الصور الجميلة مكتوبة هنا حتي يستمتع بها الجميع..