Post: #1
Title: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 10:16 AM
Parent: #0
اربعة كبار...!!!! صاح الاستاذ الشرس ابكر دايراين اربعة كبار من الكنبة الوراء....!!!! اربعة كبار يا استاذ (ابكر) يا حاقد وانت خير من تعلم بان الكنبة(الوراء) وخط 100 غرب هي مجلس الاشرار والحاقدين علي الطبقات (النابهة) من الطلاب النضاااااااف البسرحو شعرهم وبستحموا في اليوم ثلاثة مرات.. مرة من الصباح ومرة لمن يرجعوا من المدرسة ومرة لمن يجوا ينوموا ويشربوا اللبن وبنوموا بدري..!!!!
ااربعة كبار بسسسسسسس..!!!! هكذا كان استاذ ابكر يصيح وهو في غاية التشنج قبل ان يتم الاستاذ كلمة (اربعة) اتي ركضا من الكنبة الوراء (ستة) وليس اربعة ستة مرة واحدة…!!!! 1- قدوم حجر 2- عباس فرعون 3-عمر مشكلة 4-نادر جكس 5-ادم كورنر 6-ادريس بمبي
اليوم يوم جلدة(ارنوب) ذلك الفاره اللديح العامل لينا فيها(قليل ادب)و منقطها وتفتيحة وشايل لكل العلوم مفاتيحها...!!! اايييوه الليلة ارنوب حيتجلد وتلكم كانت هي اللحظة التي انتظرها ويتنظرها رواد المساطب الخلفية في (خط 100) غرب وكنبة شكرا الوراء… هذا السداسي قدم اعمال مشتركة كثيرة في هذه المدرسة وبالتحديد في هذا الفصل الضاج بالجلد والعقوبات التعسفية وايضا كان استاذ ابكر يستعين بهم في الاربعة كبارية في بعض الفصول الاخري التي لا يتواجد فيها طلاب (عضلات تبش) مثل السداسي الرهيب… ويذكر ان احلامهم الاربعة كبارية ذهبت بهم بعيدا وتخيلوا ذات لحظة من لحظات انسهم بان يتم استدعاهم لعمل( اربعة كبار)في مدرسة البنات المجاورة وكانت هذه الجزئية هي من بنات افكار (نادر جكس) الذي دينه وايمانه هو(الجكس والحنانزم)..!!!ونعود
|
Post: #2
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 10:19 AM
Parent: #1
قدوم حجر في ركضه الذي كانت مسافته 7 امتار ونيف في ذلك الفصل الوسيع المكتظ يريد ان يفشي غليله في ارنوب ذلك الشششاطر ودائما عندما يقف الجميع امام طابور السنة النهائية يهتف مدير المدرسة االاول ..ارنوب عمر ارنوب (وهاك يا تصفيق وزغاريد من اخواته الشفتات مثله اللائي كن حريصات في هذا اليوم علي حضور تلكم اللحظات لتحيةارنوب الشفت ولحمايته من شلة الستة التي كانت تفكر في الفتك به ما بين كل الحينة والاخرة)… وايضا كان (قدوم حجر يريد الانتقام) ورد اعتباره كطيش لهذا الفصل والتمتع بروية هذا الاول الرعديد يرفع زيه وزي اي خروف من طرف ويجلد جلد السنين كما كان يجلدهم (استاذ ابراهيم بتاع الحساب) الذي قيل انه كرهته في هذه الدنيا هو ذلك السادوس اصحاب العضلات التبشية… وكان يردد يا سعاليك انتو محلكم ما المدرسة دي مع اولاد زي ناس ارنوب..انتو تمشوا الاصلاحية….) يابجم ا اخافهم كثير وجلدهم زي مليون جلدة ولكن في كل الاحوال لم يسلم منهم فقد اطلقوا عليه في المدرسة (ابراهيم بجم) وصار هذا هو اسم شهرته في ملاعب المدينة وسوقها الوحيد..!!!!!! هذا ما كان من امر (قدوم حجر) ذلك المجرمان الكبير ورائد (السفات الشنقية) في كل مدارس المدنية وفي فريق (زنقوما) ايضا حيث كان (قدوم حجر) يقيم مع اسرته الفقيرة التي تفككت بفعل عمايل الاب السكرجي وتدني راتب امه (التمرجية)..!!! فوجد في عوالم تلكم الشلة ضالته ووجد ايضا مساحة للقيادة والكلمة المسموعة في زوقانات(البشكة) افي زقاق فريق (زنقوما)
|
Post: #3
Title: Re: دايرين اربعة كبار وبسرعة بالله......!!!!!
Author: معتصم محمد صالح
Date: 01-06-2008, 10:24 AM
Parent: #1
والله يا كيكي النظرية دي ممكن تتعمم على جميع المدارس ..
فقد كان لدينا ايضا 8 كبار .. - حميدة جيمس .. - محمد ( ابو تلة ) .. - الناية .. - جون كلمنتي .. - سيف ابو سفة .. - عباس ريكس .. - وليد الطويل .. والثامن راح لي .. لكن متأكد كانوا 8 لانو كان استاذ ( صالح ) بيقسمهم لفريقين .. ومرة الناظر استعان بيهم لما جلد المدرسة كلها ..
وايضا كان لدينا مثل أرنوبكم وهو عصام الفار الذي حملوه كثيراً ..
|
Post: #4
Title: Re: دايرين اربعة كبار وبسرعة بالله......!!!!!
Author: فيصل محمد خليل
Date: 01-06-2008, 11:52 AM
Parent: #3
والله يا عبد الكريم
نفس الفيلم دا خشيناهو و باللوان
كان عندنا واحد مدرس ما عارف حلفاوي
واللا من وين ما عارف المهم نوبي
اسمو محمد نور الزول دا كان فقر فقارة
يضربنا ضرب الفيلا. الكلام في الاولية اما
في الثانوي العام كان عندنا استاذ افقر
من داك اسمو طه حسب الرسول موقف المدرسة
على فت رجل.اما ناس خط 100 غرب الخط الميت
فحدث و لا حرج.كانت لنا ايام.
رائع كتاباتك
|
Post: #5
Title: Re: دايرين اربعة كبار وبسرعة بالله......!!!!!
Author: shammashi
Date: 01-06-2008, 12:16 PM
Parent: #4
Quote: دايرين اربعة كبار وبسرعة بالله......!!!!! |
والله يا كيكي خلعتني وقلت يكون ملاسي تاني قام لغلطاتو النحوية والإملائية الكتيرة ديك، وبكري عايز يجلدو. لكن الحمد لله جات سليمة.
|
Post: #6
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:17 PM
Parent: #5
عباس فرعون كان ثاني الراكضين من كنبة وراء وركضا محموما مشفوعا ايضا برغية جامحة في طقطقة (ارنوب) والمشاركة والاسهام في هذا المولد الذي انتظره طويلا طويلا منذ ذلك اليوم الذي قلبه فيه ارنوب ارضا سلاح واضحك علي الغاشي والداني من رواد (ميدان الكورة الكبيرة في فريق زنقوما في مبارتهم الشهيرة ما بين فريق(اللهب) الذي يلعب له عباس فرعون كباك لفت تخافه كل الاجنجة ولكنه يخاف ذلك الجناح الشفت (ارنوبة) فرفارة وابن لذينة (ارنوبة) في كورته التي ياتي اليها القاصي والنادي ويمارس فيها الترقيص وجديع الباكات ولكنه تخصص تخصص عميق في محاورة(ركس) محاورة يطرب لها الرواد كثيرا وقد طرد من اثرها (ركس) من مباريات لا ينساها ابدا ..والان اتت الفرصة وتواتت اليه في طبق من ذهب للمشاركة(الاربعة كبارية) في سلخ وجلد (ارنوبة) ود اللذين علي ايادي استاذ ابكر الذي وصفت جلدته في ادني معدلاتها (بحقنة الملاريا) واخريين اكثر مبالغة وصفوها بلسعة العقرب ام ضنب التي ذاقها العديدين في كراكير فريق (زنقوما) الرهيب…..
|
Post: #9
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:31 PM
Parent: #5
Quote: والله يا كيكي خلعتني وقلت يكون ملاسي تاني قام لغلطاتو النحوية والإملائية الكتيرة ديك، وبكري عايز يجلدو. لكن الحمد لله جات سليمة. |
هلا يا شماسي ووينك انت ياخي ما تظهر الا مع سيرة الكبع والاربع كبار (انت الظاهر عليك كنت من الاربعون الكبار) ملاسي خلاص ذهب مع الريح وتم ختمه بالشمع الاحمر منذ (حادثة كراع العنقريب) واي لولوة منو مابنادي ليهو اربعة كبار ده انا يا صحبي بقلوا (بررررراي)
|
Post: #8
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:26 PM
Parent: #4
Quote: واللا من وين ما عارف المهم نوبي
اسمو محمد نور الزول دا كان فقر فقارة
يضربنا ضرب الفيلا. الكلام في الاولية اما
في الثانوي العام كان عندنا استاذ افقر
من داك اسمو طه حسب الرسول موقف المدرسة
على فت رجل.اما ناس خط 100 غرب الخط الميت
فحدث و لا حرج.كانت لنا ايام. |
هلا يا فيصل ومرحب بيك في كرنفال سيرة الجلد والكبع والاربع الكبار والاستاذ الكان بجلد بكون مشهور ولو لقيتو في الشارع بتفكو ليهو لو شفتوا في بيت بكاء بتتخارج وتشوف ليك دبارة... والحمد الله يا فيصل الربنا ما وقعنا في محمد نور بتاعكم ده ده كان جننا جن قبورة وفعلا يا لها ما ايام لها ايقاع (علي قولة زولنا العواليق ابو عمية كبيرة داك)
|
Post: #7
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:21 PM
Parent: #3
Quote: فقد كان لدينا ايضا 8 كبار .. - حميدة جيمس .. - محمد ( ابو تلة ) .. - الناية .. - جون كلمنتي .. - سيف ابو سفة .. - عباس ريكس .. - وليد الطويل .. |
هلا يا معتصم علي التاخير في الرد لانو اخوك جازف البوست ده كرباوي كده في الاستراحة بتاعة الشغل وفعلا هذه الاسامي موجودة في كل المدارس وبنفس المواصفات وتمانية كبار ديل لو لقاهم (استاذ ابكر) يجلد بيهم بلد كاملة مش مدرسة بس وكل الود وكن بالجوار يحلو الجلد
|
Post: #10
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:34 PM
Parent: #7
عمرمشكلة وعندما سمع بنغمته المميزة اربعة كبار كابس في جريته المحمومة تلك عدة ادراج في الطريق وكان اكثرهم اصرارا وحماسا الي الوصول الي منصة (الرفع) فقد كان عمر مشكلة ما عنده قشة مرة فجل همه هو (وجود مشكلة) ولابد من وجودهم وخلقها حتي ولو من عدم..واشتهر في اروقة فريق زنقوما(بعمر مشكلة) وقيل انه ان لم يجدها فانه قادرا علي افتالعها مع ظله والغريب في الامر ان (مشكلة) وارنوب يلعبون في فريق واحد في دوري تلكم المدينة ولكن هذه الرفقة وذكريات النصر والاقوان الارنبوية لا تشفع له عند مشكلة(الذي كان لسان حاله كل قرد ياكل ناروووو)… والمهم والاهم هي (العكة) واللخبطة قد اتت علي طبق من ذهب وبايادي استاذ ابكر وصيحته الشهيرة(اربعة كبارررررررررر)…..
|
Post: #11
Title: Re: دايرين اربعة كبار وبسرعة بالله......!!!!!
Author: محمد سنى دفع الله
Date: 01-06-2008, 01:52 PM
Parent: #10
اربعة كبار من كم ؟؟ رابعه ولا سادسه ولا وين وليه ما معاهم خامس ارقد تحت بالجلابية والله جمس حقد اها واصل النشوف اخره
|
Post: #12
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 01:58 PM
Parent: #11
Quote: اربعة كبار من كم ؟؟ رابعه ولا سادسه ولا وين وليه ما معاهم خامس ارقد تحت بالجلابية والله جمس حقد اها واصل النشوف اخره |
هلا يا ريس وبالله شوف لينا اربعة كبار ومكان ومن طرف اصلوا ناس عباس فرعون ونادر جكس وشلة مية غرب دي بقت ما شايفة شغلها... وارنوب الليلة يحلو الله من استاذ ابكر الحاقد ده
|
Post: #13
Title: Re: دايرين اربعة كبار وبسرعة بالله......!!!!!
Author: محمد على طه الملك
Date: 01-06-2008, 02:41 PM
Parent: #12
وريني الأطلس قاعد وين ؟ كل سنه وإنت طيب..
|
Post: #14
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 03:32 PM
Parent: #13
Quote: وريني الأطلس قاعد وين ؟ كل سنه وإنت طيب |
هلا يا محمد وكل سنة وانت طيب وكل الود ودي مدرسة بتاعة مهمشين يا محمد فيها اطلس واحددددد وقاعد عند السيد المدير شخصيا وعامل عليهو تدابير امنية وبديهو للاستاذ يمشي يوريهو للطلاب في الفصل ويجيبو راجع صرة في خيط لحتتو في الدرج الخسوسي بتاع سي المدير
|
Post: #15
Title: Re: دايرين اربعة كبار وبسرعة بالله......!!!!!
Author: khaleel
Date: 01-06-2008, 04:30 PM
Parent: #14
كرمة
الاربعة الكبار يمتازون دوما بقلة الادب
وبعملوا (دوقاري ) في الباب
وبقلعوا قروش الاولاد وبياكلوا فطورهم وبعلموهم التمباك
وبرضو الاربعة النشاط ديل بشيلوا العنقريب للمقابر بسرعة
قاتل الله الاربعة
|
Post: #16
Title: Re: دايرين اربعة كبار وبسرعة بالله......!!!!!
Author: محمد الطيب حسن
Date: 01-06-2008, 05:20 PM
Parent: #15
غريبه انت مامع الاربعه ديل
|
Post: #18
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 08:34 PM
Parent: #16
Quote: غريبه انت مامع الاربعه ديل |
هلا يا محمد طيب طبعا انت قاصد الوريف خليل (مش كده)
|
Post: #17
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 08:15 PM
Parent: #15
Quote: وبعملوا (دوقاري ) في الباب |
هلا ياخلي وحبابك ودوقاري ده هي الكفوة الجابت (ادريس بمبي) للستة ديل انتظر شوف لمن يجي دورو في الاحداث عشان تشوف سيرة الودقاري الجدجد
|
Post: #19
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 08:48 PM
Parent: #17
نادر جكس طبعا ضروري ومهم ومتوقع ان يكون اول المفحطين صوب هذا (الجلد ) فهو من الكبار الكبار في هذه المدرسة وله شهرة مميزة كفتي مدلل وجكساوي من النوع الخطير ولذا لم يندهش الجميع عندما وقع منه (سلسه) الذي يلبسه لبسة كرباوية خوفا من (الهبايب) التي يتوقعها ان تهب عليه ما بين لحظة والتانية.. وله دافع اخر في جلدة (ارنوب) فانها (توحة) شقيقة ارنوب الخلاصية التي هام بها وجدا وتكسر فيها كسيرة جعلته (لا ينوم ذاااتو) الا انها طقعت له طقيعة معتبرة وقامت في احدي المرات بكسره كسيرة ليها ضل شهدت لها كل المدارس فصار 0(نادر جكس) بلا وش ومن اليوم ديك (ختاها) لال ارنوب في حنانه وصار يتربص لحظات الانتقام.. التي انبري اليها مهرولا بشعره المجزوز وليس محلوق (جزة) بت لذينة وبنطلونه الدسيس او كما كان يوصفه في الية عمله الجكسية التي كانت تعتمد علي الحنك السنين والتمكن من الجلكسة حتي تسري وتشيل في الجكسوية ..ثم ياتي ليحكي لاصدقائه في شلة الستة الكبار فيما صار في امر تلكم الصيدة الداقسة,,[/BLUE]
|
Post: #20
Title: Re: دايرين اربعة كبار وبسرعة بالله......!!!!!
Author: سلمى الشيخ سلامة
Date: 01-06-2008, 09:15 PM
Parent: #19
الحمد لله فى المدارس عندنا ماكانوا بدقونا زيكم لكن نحكى ليك اطرف دقه فى الثانوى العام يوم كان فى زواج ناس اهلنا فى الابيض غبنا نحنا تلاته منى خوجلى وهدى محمد بشير الفكى جينا المدرسة من الصباح المدير نادانا مولانا عبد القادر عليه الرحمة سال منى ـ ماجيتى ام مالك ؟ ـ ما كان عرس اختى يا مولانا ـ اها رقصتى ؟ ـ كيف ماارقص مش عرس اختى؟ ـ امشى عفيت منك ـ هدى بت محمد بشير ، مالك غايبة امس ؟ ـ كان عرس اخوى ـ رقصتى ؟ ـ الله كيف يا مولانا ـ امشى عفيت منك وجاء دورى ـ بت الناظر مالك امس ؟(اللقب ناتج من ان ولدى كان ناظر محطة الابيض ) ـ ما كنا فى عرس اولاد عمنا ـ رقصتى ؟ ـ لا يا مولانا بغته انهال على بالضرب ، من النوع المبرح ، اى مكان فى جسدى كان عرضة للضرب وهو بين كل ضربة يقول ـ ما رقصتى ؟ ليه ؟ اول بعرسوكن كيف كان مارقصتن فى الحفلة ؟ وبالجد ما كنت عارفة اضحك ولا ابكى ؟ شكرا ليك يا كيكى على الحكى الجميل ولك حبى الابدى
|
Post: #21
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-06-2008, 09:44 PM
Parent: #20
Quote: ـ ما رقصتى ؟ ليه ؟ اول بعرسوكن كيف كان مارقصتن فى الحفلة ؟ وبالجد ما كنت عارفة اضحك ولا ابكى ؟ |
هلا يا سلمي وديمة غامرانا بالحكي اللطيف واستاذكم ده الذ زول ومتصالح مع الحياة وعارف من وين بتجي القصص والاعجاب والعروض.. وانتي كدي تعالي الما برقصك شنو يا سلمي مادام فردك (حتو قرض)..!!!
|
Post: #22
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-07-2008, 10:36 AM
Parent: #21
ولا تزال جموع الستة الجائعة والمتلهفة للمشاركة في جلد (ارنوب) تتقاطر كلا بدوافعه وبقج بايتة ورغبة اكيدة في الطقطقة التاريخية للشفت ارنوب حتي يعم الخبر الفيافي وكراكير فريق (زنقوما) حيث ليالي الطرب والجكسوس النابحة ناس(حنان حبة) (ورقية جلكسة) ولابد من قبض بعد الاجواء واشاعة الشمار وانو الليلة (زولكم العاملين ليهو توم وشمار) اطقطق طقطيقة (بيلو)...ز وطقطقية بيلو هذه قصة مشهور تترد في بين قدامي عتاولة (فريق زنقوما) فقد قيل ان بيلو هذا كان فتي جميل المحيا وعذب اللسان وكل جكسوية تمارس حق الله بق الله معاهو يفتنها بالجلسكة وتشيل فيها مكنة طوالي.. وقد لوحظ ساعتها بان قد خرت الجميع واستحوذ علي كل (السلطة والثروة الجكسية) (موتمر وطني بس) فقام الكلام ده ما عجب شباب الحي الذين قرروا بان يلبدوا له في كمين ابن لذينة في احد كراكير وخجانين الحي ليضرب ضرب غرائب الابل ويفعلوا به افعالا لاتليق وانت كتبت يعطيها بكري ابوبكر هذا (******) الكود....!!!!
|
Post: #23
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 01-07-2008, 01:19 PM
Parent: #22
ويطل قادمنا الخامس الي منصة (الاربع الكبار) عمر ادم كورنر او في مقولة اخري ادومة..وادومة في جريته الشهيرة وهو الذي اشتهر كا ابو (كرنك) لم تعيقه الاعاقةالظاهرة في رجليه من الركض ومحاولة لحاق السوق الجلدي حتي ينال هذا الشرف الذي يصر عليه اصرار عجيب ومضحك وان تلاحظ وفي كثير من المرات بان الاستاذ قد قام ابعاده من التشكيلة الاساسية في (الرفع الرباعي) الا انه يصر في كل مرة من المرات للوصول الي المنصة قبل الاخريين ليس لديه دافع او بقج غبائن تجاه(ارنوب) بل هي محاولات اثبات الذات والاهلية باداء مهام المدرسة الجسام في عصر استاذ ابكر الذي اشتهر بخاصية (الضرب الرباعي).. وبينما ما يزال استاذ ابكر فاغرا فمه في هذه الهجمة الشرسة المحمومة من خط مية غرب والفصل يعج بصمت قبور وارنوب الشفت يلاحظ لهذا المارثون بعين قوية وقلب اسد وغموض لم يكن الجميع لحظتها يتوقع ان يكون من بين الراكضين المهرولين (ادريس بمبي)..!!!!! ادريس بمبي لا حول ولا قوة الا بالله ولد كعب بل يمكن ان تقول بانه راجل كعب والوحيد الذي يمتلك (شنب) له ضلا بين الجموع الطلابية تلك وايضا عرف عنه النزوع للوحدة وفرز العيشة وايضا عرفت عنه نزعات(كعبة) ذات علاقة بالمثلية واراد ان يروج لها بين هولا الابرياء الا ان (عمرةمشكلة) كان هو المتصدي له دوما وبجانب سمعته الردئية في زقاقات فريق (زنقوما) المختصة بشوون الرجال الكعبين خلاص تف عليك يا (بمبي) يا وسخان ..!!! كانت هذه هي التونة التي يستقبله به الجميع في ترحاله وحضوره المتاخر الي ساعات الفصل... واكتمل الحضور وتمام الستة الاشرار في انتظار اختيارهم في هذه الرفعة المميزة الشهيرة...
|
Post: #24
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 09:41 PM
Parent: #23
Quote: دايرين اربعة كبار وبسرعة بالله......!!!!! |
|
Post: #25
Title: Re: دايرين اربعة كبار وبسرعة بالله......!!!!!
Author: عامر تيتاوى
Date: 03-08-2008, 09:53 PM
Parent: #24
هسى يشيلو ليك ارنوب زى الصارقيلا بس يكون مردف
|
Post: #26
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 09:57 PM
Parent: #25
Quote: هسى يشيلو ليك ارنوب زى الصارقيلا بس يكون مردف |
هلا يا تتيا ويبدو فعلا ان الفارة (ارنوب) وقع وقعة السواد مع ناس قدوم حجر العاملين زي البتان ديل
|
Post: #27
Title: Re: دايرين اربعة كبار وبسرعة بالله......!!!!!
Author: انعام عبد الحفيظ
Date: 03-08-2008, 10:15 PM
Parent: #20
Quote: ما رقصتى ؟ ليه ؟ اول بعرسوكن كيف كان مارقصتن فى الحفلة ؟
|
غايتو يا سلمى انتي عسل وحكاويك كلها عسل
كيكي
حمداً لله على سلامتك
وانا أقول هسه البنات بحتو حت شديد كدا مالم
|
Post: #28
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 10:19 PM
Parent: #27
Quote: وانا أقول هسه البنات بحتو حت شديد كدا مالم |
تلسمي يا انعام وسلامين والله... بيني وبينك كلامك صاح حسع الواحدة فيهن الحفلة كلها تتراقص التقول عندها دستور: ![](http://www.sudaneseonline.com/db/smilies/biggrin.gif)
|
Post: #29
Title: Re: دايرين اربعة كبار وبسرعة بالله......!!!!!
Author: على عمر على
Date: 03-08-2008, 10:30 PM
Parent: #1
الحمد لله الطلعوا اربعه من سنة ساتا.. لانو نحن الان فى زمن يوجب الاربعة العدول!
|
Post: #30
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 10:37 PM
Parent: #29
Quote: لانو نحن الان فى زمن يوجب الاربعة العدول! |
هلا يا علي وحبابك والاربعة العدول بتاعين الزمن ده هنا مافي ليهم طريقة ولكن ممكن يمشوا يتاوقوا هناحكايات دايرة شوية مباصرة لكي تروي..!!!! وبعدين هم وذمتهم وكل الود
|
Post: #32
Title: Re: دايرين اربعة كبار وبسرعة بالله......!!!!!
Author: tmbis
Date: 03-08-2008, 10:46 PM
Parent: #29
Quote: اتي ركضا من الكنبة الوراء (ستة) وليس اربعة ستة مرة واحدة…!!!! 1- قدوم حجر 2- عباس فرعون 3-عمر مشكلة 4-نادر جكس 5-ادم كورنر 6-ادريس بمبي
|
سلامـات يا كيكي يا فـرده بإستثناء رقم أربعة وستة ديل يا كيكي .. والله أنا لو كنت الأستاذ .. كان (عفيتو) .. ياخي ديل (يجازفو) لوري عديل كدا.. دا فصل والا (ورشـة)..؟
ملحوظة: - الواحد متعقد ما عارف يكتب ليك بالانقليزي والا بالعربي .. يا خواجه - فسح لي معاك اللنك التحتاني دا .. لانو فيهو (خلطة) كويسة
أستــاذة نجــاة .. على رصيف الذاكرة ..
|
Post: #33
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 11:14 PM
Parent: #32
![](http://www.sudaneseonline.com/u/wadis-5.jpg) ياسلاااام يا تمبس والله ايام وذكريات والواحد لو حنك مع الشفوت الفي الصورة دي حسع حيطلع منكم حكاوي الزمن الفلاني وسيرة ايام بالجد ليها ايقاع....
الفصل ده لو ما الحكومة قوية ساااكت كان ناس قدوم حجر ديل قلبوهو ورشة
Quote: - الواحد متعقد ما عارف يكتب ليك بالانقليزي والا بالعربي .. يا خواجه |
انا ذااتي يا فردة ما عارف روحي حسع انضم عربي ولا اعلق في الانجليزي بتاع الامريكان الكلو مكجم ده(يوووووو بااااااااا) تخيل دي قاصدين بيها you brother
الواحد حقوا يتكلم عربي بتان ويريح روحو ذاااتو
|
Post: #31
Title: Re: دايرين اربعة كبار وبسرعة بالله......!!!!!
Author: ombadda
Date: 03-08-2008, 10:44 PM
Parent: #1
أظرف بوست منذ بداية العام 2008
|
Post: #34
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-08-2008, 11:17 PM
Parent: #31
Quote: أظرف بوست منذ بداية العام 2008 |
الف تحية وشكر يا امبدة وشكرا جزيلا علي هذه الكلمات وكل الود والاحترام
|
Post: #35
Title: Re: دايرين اربعة كبار وبسرعة بالله......!!!!!
Author: ibrahim kojan
Date: 03-09-2008, 01:44 AM
Parent: #34
بوست مزعج.. ويذكر الواحد بالايام الخوالي (من الربع الخالي).....
طبعا كزول ود قرف درست الابتدائي بنيالا ... وكنا اربعه... يعني انا كنت من الجماعه بتاعين الصف الاخير...!!!!
ولامن جيت الثانوي العام كنت من الخمسه او السته وبرضو في الصف الاخير..
وفي الجامعه كنت في صف الداكين .. يعني برضو الصف الاخير..
وكان الواحد في كل هذه الصفوف الاخيره يمارس اشياء في الخفاء .. والخفاء عندي يمتد من باب المنزل الي كل الشارع واطراف الدنيا...
ولكن هنالك سحر خاص بهذه الصفوف الخلفيه.. يعني ناس الكوره.. والمبدعين والشرامه... والزلنطحيه والذين مشوا مشيهم الي يوم الدين كانوا كلهم من الصفوف الخلفيه...
مثلا.........
عبدو سكره مهندس
سمير محمود رسام
ابراهيم عمر يعمل في الامم المتحده وكان حارس مرمي المدرسه..
صلاح كاكوم قائل القوله الشهيره في واحد كوز...( في احدي اركان النقاش.. افتتح د.الجميعابي (الكوز) .. قائلا ان عكرمه محدثكم القادم .. رجل مجاهد والله انه يتكئ علي بندقيه ويستاك بالرصاص!! فرد عليه صلاح كاكوم هو عكرمه دا روبوت ولا شنو؟.. بكره تجيبو لينا كوز بشرب زيت فرمله .. وبياكل صواميل ...!!! ها ها ويتسلي بي مسامير .. شفت الفن دا كيف كلو طالع من الصفوف الخلفيه!!
صلاح دا الزول الوحيد كان حافظ المعلقات السبعه .. وكان بيسميها المدلدلات ! وهو الان ضليع في القانون الدولي
عصام كرشويل او باك الحكومه والله لو لاقي ليك ارنوب بتاعكم دا يسففو التراب؟؟ ظاطو!!(مهندس طيران!!
اسحاق ابدرش.. والله دا خشمو فالت لو جا البورد دا تكونو عاملين ساتر!! اها دا في واحده في الجامعه قالت ليهو انت لابس كدا وسخان وعايز تطلع دكتور... ؟؟ فكان رده انا وسختي دي بفكها باول ماهيه اشتري بيها صابونه.. وانتي شناتك دي بفكها شنو؟؟؟؟؟؟؟؟؟؟؟؟؟؟؟؟؟؟؟ ام فتفت؟؟
صعقت الحنكوشه.. وبعد كم شهر كده كان خالطا وخاتي سفتو المالعب؟؟
ياخ الاربعه الورا بتاعننا كانو ناس عظيمين ..
وخطرين
ومجانين
وانا ظاطو بفتخر بيهم والمهم الباقي بتمو ليك في اضان التلفون...
سالت بهاء ولا لسع...
احسن تسالو.. يارزووووووووووووول ويازول دي بحكيها ليك .. و... من لا يخشي الفقر!!!
وبجيك راجع.... وبيناتنا المسافه والمشترك......
( اقول الكلام البيوجع مسامع البيسمع... ويرجع صداهو يوجع مسامع البيقولو .. حزينه السواقي البتسقي جروف الغرام الموقف قبولو.... اقولو؟؟؟؟؟؟؟؟)
(كلام واحد من الصف الاخير )
من بقايا الليل واشياء اخري!
يلا شتت بلا لمه معاك......
|
Post: #39
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-09-2008, 07:26 PM
Parent: #35
Quote: اها دا في واحده في الجامعه قالت ليهو انت لابس كدا وسخان وعايز تطلع دكتور... ؟؟ فكان رده انا وسختي دي بفكها باول ماهيه اشتري بيها صابونه.. وانتي شناتك دي بفكها شنو؟؟؟؟؟؟؟؟؟؟؟؟؟؟؟؟؟؟؟ ام فتفت؟؟ |
ياكوجان ياااخي الله يديك العافية المشكلة في نوعية الشناة البتربطها (ام فتفت) دي يجيرينا منها الله... تخيل ان عندي اصحابي اولاد لذينة كانو عاوزين يمشوا لي (كيكي الشين) ولكن اديتهم العين الحمراء وتمينا الباقي حلاقة كارلويس لزوم الافرقة وكده
طبعا لو هبشنا المنبر بتلقي زي مليون زول كده كان(بتاع مية غرب) وظاهرة في مداخلتهم كوجان وعماد عبدالله وعصام جبرالله وابوساندرا ومصطفي سري وخليل واعتقد المشترك ايضا كان يجلس في الكنبات الوراء
لسع بهاء لم اخباره بل بالاحري اخوك دافن دقن وخارج نطاق شبكة الدوحة والله يهون بس ساكت..
![](http://www.sudaneseonline.com/db/attention/110_Idea.gif) ودي وردة في شكل ام فتفت
|
Post: #36
Title: Re: دايرين اربعة كبار وبسرعة بالله......!!!!!
Author: تبارك شيخ الدين جبريل
Date: 03-09-2008, 01:54 AM
Parent: #1
عكرمة خترى يا دكتور!
تانى ما شفناك فى السودان!
المهم ..
|
Post: #37
Title: Re: دايرين اربعة كبار وبسرعة بالله......!!!!!
Author: ibrahim kojan
Date: 03-09-2008, 02:16 AM
Parent: #36
تبارك المخبول...ياخ سلامات...
وبدون الاذن من صاحب البوست .. عكرمه دا الشردنا من السودان..
اها العرس كيف ....
نحن صقيع ساكت.....................................
write to me my e-mail
[email protected]
|
Post: #38
Title: Re: دايرين اربعة كبار وبسرعة بالله......!!!!!
Author: saif massad ali
Date: 03-09-2008, 02:21 AM
Parent: #37
تاج السر ميرغني
كمال حسن علي
علاء الدين نصار
اسامه حسن علي
|
Post: #40
Title: Re: دايرين اربعة كبار وبسرعة بالله......!!!!!
Author: عبدالكريم الامين احمد
Date: 03-09-2008, 07:47 PM
Parent: #38
Quote: تاج السر ميرغني
كمال حسن علي
علاء الدين نصار
اسامه حسن علي |
هلا ود عوج الدرب ومشرف والله... كمال واسامة ديل اخوان وبتاعين مية غرب كمان ديل صعبين خلاص اخير منهم صحبك ود قريش
|
|