|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: salah elamin)
|
Quote: الخيل تجقلب والشكر لحماد |
نعم يا صلاح انت سبب الكفاوي دي كلها واهو القصة جابت ليها سقط اوباما وتراجييييييي عديل كده... ويا اميرة صلاح الامين هو شقيقي الاكبر والسبب لي اذاي فالبرد امامي وسقوط اوباما خلفي وما بين هذا وذلك هنالك صديقتي تراجي نفس القصة التي حكاها لكم صلاح فانا لست بزول امريكا ولكن نقول شنو الشقي تعتر ليهو امريكا في اللوتري.. شكرا صلاح علي منحي فرصة اتمني ان تكون مفيدة لزيارة تلكم البلاد العجيبة وغريبة
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Deng)
|
Quote: أتمنى لك إقامة طيبة ولازم تزورني في ميامي يا كيكي لأنك لو مشيت لناس كوستاوي في اشنطن ونيويورك اليومين ديل البرد بشقك.
. |
هلا يا دينق وامريكا دي يا دينق عبابيرها كملت ولاشنو ؟(تخوف فينا بالسقط كده)
هو كوستاوي الفقر ده قاعد في ياتو ولاية ؟؟ شايفو قبل كده عامل اشاعة للولاية بتاعتو ودي فرصة نشوف حد الجاكات بتاعة كوستاوي ده
الخوف ما من الظلامي انا خايف القي بدرالدين ابو سيجارة ذاااتو في الشنطة بتاعتي
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Alsa7afa_30)
|
Quote: صلاح اللمين...
خيل منو وحماد دا منو .. |
حيدر واميرة
تحياتي ..وهاكم قصة حماد والخيل المجقلبة .
كنا معا عبدالكريم وانا في البيت بالدوحة فقلت ليهو يا اخي التقديم للوتري بدأ فايه رايك اقدم ليك السنة دي ؟ قال لي يا زول انا لو امريكا جاتني هنا ما دايرها .
المهم قمت قدمت ليهو تحت تحت وبعد داك عملت برنت اوت للبيانات بتاعته واديتها ليه. المهم وانا بسويسرا فام اتصل بي عبدالكريم وقال لي يا اخي اخدوني في اللوتري ورسلوا لي الاوراق .
وقبل فترة اتصل مرة اخرى وقال لي ادوني الفيزا ومسافر نهاية شهر واحد.
اها يا حيدر ويا اميرة عرفتوا من هي الخيل ومن هو حماد المسكين ؟
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
Quote: ابقوعشرة على كيكى لانو المجنون فى ذمة العاقل... |
هلا يا اميرة هلا ومرحب بالشمار المدقوق دق خفييييييييف وحباب اوباما وهيلاري ذاااتها... احد الاصدقاء شاف البوست بتاعك ده وقال لي بالله اوع تمشي تكج لينا (اوباما) ده زي ما كجيت لينا الهلال في الدورة الافريقية.. .. جيت البوست وقلبي علي (اوباما) ووجدت نجوان قد التقطت اشارة صديقي من (وين الله اعلم) ... امريكا بندورها يا اميرة الا الفيكم اتعرفت لقد حولوني الي كج او شبه كج قادم اللهم انصر اوباما وانصرني انا علي المرجفين والمرجفات منا
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
مرجب بك في امريكا وهي بلاد طيبة حسمت اسئلة كثيرة
في صالح الحرية والديمقراطية والبحث العلمي بلاد ستسعد بك وتسعد انت بها
الفاتنة نيويورك زيارتها بالنبة لاي زائر او مقيم بمثابة الفريضة
وانا قاعد اقول الزيارة لنيو يورك بمثابة عمرة
درويش يقول
اعدي لي الارض كي استريح
فاني احبك قدر التعب
صباحك فاكهة للاغاني
وهذا المساء ذهب
مفتوحه لك القلوب وفاردين الايادي اهلا وسهلا
عبد الكريم وسلام لصاحبة البوست اميرة
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: haroon diyab)
|
اولن شى يا اميرة كيكى دا لمن يجى حينزل عندى وكمان عشان ناس واشنطن ما يزعلوا بنخليهو يغشاهم تانيا شى اوباما دا امكن يجى مستشار للرئيس لانه ماباقى لى حيفوز بالرئاسة والا تبقى معجزة رغم انه فى ايوا الناس رحبت بيهو وما خلت فرضا ناقص لكن ناس التزوير فى فلوريدا ما بخلوه نعمنه لى هسى صناديق ال قور رايحة شفتى كيف الديموـ قراطية على الاصول وهيلارى زاتا فى امرا ضيق غايتو يا كيكى والعهدة على الراوى باضانى دى سمعت واحد قال فى التلفزيون امريكا بحكما افريكان امريكان فى سنة خمسة الف وامكن كمان القصة صعبة هنا يا فردة للنساء والافريكان امريكان لكن كل شى جايز خاصة لو علمنا ان الجميع مكجن عمنا بوش ويحاول الجميع الى تفادى الحروب التى اججها عم بوش فى كل مكان مرحب بيك يا كيكى وما بنخليك ترجع من هسى ابقى عارف
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Mutwali Malik)
|
Quote: seminary rd5021 alexandria va 22311 |
هلا بالفردة متولي هلا والله ولكن يا فردة براحة علي اخوك في الوصف وما تشبكني rd ,va وجلكسات عجيبة زي دي قول لي دوار شنو في واشنطون وقول لي امشي سيدا وقول لي حاجة كده بتباصر وعنوانك ده يا صحبي انا اباريهو اطلع ليكم في (السكا) عركي مرة واحدة كده ومعاها تمرين اذن يا فارات جهزوا الشوالات وانتظروا التطقيق الما خمج:razz2:
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: سلمى الشيخ سلامة)
|
Quote: كيكى دا لمن يجى حينزل عندى وكمان عشان ناس واشنطن ما يزعلوا بنخليهو يغشاهم |
هلا بسلمي وعارف يا سلمي بيتك بيتي ومالي مالك وعيالي عيالك وده قسمنا القبيل قلناهو سوي... وسعيد كوني مسافر امريكا الفيها سلمي الشيخ سلامة.. والقعاد بندوروا الا الدوحة كمان يا سلمي فيها وفيها.. جدك الناظر بابو نمر لمن سافر لندن سالهو الناس عن لندن قال ليهم لندن سمحة حاااار الا المجلد اسمح منها... واها انا من حسع عشان ما تزعلوا بقول امريكا شكلها كده سممحة حاااااار الا الدوحة حكايتها حكاية وفوتتها حار بالحيل
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: ebrahim_ali)
|
Quote: شكراً يا بت الشيخ علي هذه الاخبار الحلوة والمحزنة في نفس الوقت يعني كيف تكون الدوحة بدون كيكي وكيف العريس ود رملية يجي من عرسوا ويلقي اعز أصحابه غادرها والحفلة الموعودة من الكيكي والهجيج المنتظر يعني كلو راح في خبر كان ياحبيب ياكيكي انتظر شوية العريس على وصول عشان نبتهج وانت معانا |
هلا يا ابراهيم والف شكر علي حديثك ولكن يا صديقي ساعود باذن الله الي الدوحة (وانا الدوحة دي يا ابراهيم افوتها مفلع ) ودي مشية استكشافية وبنجي راجعين نكابسكم في الريال والدورات دي
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Tragie Mustafa)
|
Quote: يازول عبابير شنو؟؟وحياتك انت وعبارك كلكم تجمدوا زي السلام عليكم. كدي اسمع كلام دينق |
هلا يا تراجي حبابك وحباب اوباما ذاااتو واللهم انصر اوباما كما انصر تراجي وكل المهمشين في الارض.... مش مهمشين الاسافير (علي قولتك يا حاقدة علي المهمشين العرب) .. .... وبعدين يا تراجي عبابير ناس دينق العاملين لينا بيها فلقة دي طلعت اشاعة ساكت احنا العبار البنعرفوا برفع درجة حرارتك 1000 وبسخن بالراس سخانة السنين تذوب كل الثلوج والبرد تسلمي يا تراجي وشكرا علي حضورك ونتمني ان نزور كندا كمان (ما عندكم لوتري نخلي صلاح الامين يقدم لينا)
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: ebrahim_ali)
|
أميرة أزيك ياخ . بالله ده خبر تجيبيهو ؟؟ و كمان فرحانة ؟؟
طيب الدوحة ح تبقى شنو بعد المواطن ده يتخارج منها ؟؟ مع حبي الكبير و احترامي للدوحة و أصحابي الأحلى فيها و ناساتها .. لكن كيكي ده كوم براهو .. زول زي الملح , أي شي بدونو مسيخ .
خبر ما كويس يا أميرة .. و ح تشوفي الحال ح يبقى كيف بعد ما يتخارج الشخص المشوطن بالجمال ده .
..... تنهدات : كيكي .. بلا أوباما بلا طيارة .. كتر لي السلام على كاترين زيتا جونز , أمانة عليك .
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: بكرى ابوبكر)
|
Quote: مرحب بيك يا كيلى فى امريكيا و ابعد من خرد و اشنطن و ثلجها و تعال زورنا فى اريزونا حيث الدف والجو الجميل هذه الايام التلفون عندك فى مس كول عندما تصل |
اووووووووه الريس والزعيم بكري وتحياتي يا بكري وياريت الواحد يقدر باذن الله يجيك في محل بتشغل (الشرقرق) العجيب ده والقدر يلم الناس الطاعمين ديل من سقط لقط... وعندي معاك ونسسسسسسسة كثيرة يابكري بس الله يلمنا فيك الخردة كوستاوي ده زول بتاع دبلجة ساكت يقوم يدبلجنا ليكم ساكت عشان كده واشنطون (نووووو)
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: بكرى ابوبكر)
|
Quote: وشكرا ليك يا سمسمة و الله ليك وحشة |
الريس زاتووو لكن دابوست بهجة بس جابك لينا..
والله نحن زاتنا مشتاقين ليك يا ريس ..
بس ناس الدوحة ديل باقى ليهم 100 نفر كدا ما اخدو عضوية فى سودانيز
ومرسلين ليك اللستة بتاعة الاسماء مع كيكى .. ضرورى جد يا بكرى ..وكمان فى
لستة لناس متوقعين ياخدو العضوية عام 2011 واها ديل مواليد جدد برضو تعمل
لينا حسابهم يا بكرى ...
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Emad Abdulla)
|
Quote: تنهدات : كيكي .. بلا أوباما بلا طيارة .. كتر لي السلام على كاترين زيتا جونز , أمانة عليك . |
هلا يا عمدة وحبابك يا مان وليك علي كاترين زيتا دي افتشها ليك من زقاق لزقاق بكراع كديس ضاربو برد... واميرة الشيخ يا عمدة فرحانة دايرة تقطع رجلي من الدوحة محل تنابك ميرغني وسيرة الدورات وسيد التكسي البقول ليييك سيدا وبهز راسو... وعاوزة توديني محل رطانة الانجليزي البتوجع الحنك وبتخلي الراس زي مروحة التربيزة... ولكن وييييييين يا مان اخوك بجي راجع باذن الله زي السلامة عليكم
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Emad Abdulla)
|
Quote: بالله ده خبر تجيبيهو ؟؟ و كمان فرحانة ؟؟
|
عماد عبدالله يا عماد...
عندى خالتى اسمها زهرة لمن تحلف ليك بابوها خلاص تانى مافى لا قبلو ولا بعدو..
تقول ليك حاة على ابوى وتحكى ليك بعد داك...القصة دى عاجبة ليك الناس كلهم
قصة حليفتا بابوها دى وخاصة محمد اخوى( لمن كان صغير)
محمد دا لمن تزرزرو فى شئ طوالى يحلف ليك ويقول ليك حاة على ابوى ..
اهااسى حاة على ابوى ما فرحانة بسفر بكيكى ..
لكن متاكدة من انو جاى راجع يعنى زيارة خفيفة كدا
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
شكرا اميره يا كيكى ..إتخيل دى اول مداخله لى معاك وبقوليك يا فرده ،اسمع كلام اخوك لانو قبل يكون فردتك بلدياتك !! اولا دربك عدل على واشنطن العاصمه محل الر ئيس شنو؟ والتياره ذاتها شنو. وكستاوى الامنقه شئ . حتنزل معاى انا فى بيتى المتواضع جدن (بيت عذابى) عذابى شنو ؟ عذابى صاموله فى مكنة الكابتليسم ! سلمى بت الشيخ بيتا ادفأ لكن تلاجتم اقصد حلتم ايواتديك امريكا بالتلج واسوأ شئ تاخد بلد اليانكى بالتلج !! إياك يجيك هبانى (شكلو ضارب ليهو مشوار كارب ) ويقول تكساس إستنادا على خلفية إنك جاى من تكساس السودان (دينقا) ،واحده اختنا طلبنا منها زيارتنا فى تكساس عارف ردها كان شنو ووب على انا فى السودان من الجريف اجى امريكا امشى تكساس وبالجريف اكون إستبعدت ليك كالفورنيا ولغيت ليك سواق التاكسى التانى (بتاع الجريف سيف جبريل )
العاصمه فريقها بلعب فيهو اخطر نجوم منتخب بورداب امريكا الاصلا خرجت الكوتش ذاتو (بكرى ) دينق ،كوستاوى ،قريبك بريمه ، والباقين خليهم مفاجاه
مرحب بيك فى بلاد اليانكى ومرحب بيك فى عاصمة العالم وسلملى على قمندانى سعادتو عماد وبدر الدين الامير وقول ليهم هاردلك ماشى العب فى بر... فارس تخريمه : طبعن اخوك دقسوهو وسكن تكساس حولين وبعدها عدل للخرتو... اقصد العاصمه وعينك ما تشوف إلا الكموش والشارلى الما سنتمترات وياهو بقينا عيال عاصمه بالتساوى مع عيال الجلابه دينق وكوستاوى !!!هييييييييييع
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: فارس موسى)
|
Quote: العاصمه فريقها بلعب فيهو اخطر نجوم منتخب بورداب امريكا الاصلا خرجت الكوتش ذاتو (بكرى ) دينق ،كوستاوى ،قريبك بريمه ، والباقين خليهم مفاجاه |
هلا يا فارس موسي وحبابك والله ونتمني انت نلتقي (علي الاقل نبل شوق صحبك ضحية القادينا بيك) وامريكا قالوا سمحة حاااار يا ود ابوك الا دينقا اكيد اسمح منها وفي شوق كثيف للقا بكل الاخوة في واشنطون ذااااااتا
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Amira Elsheikh)
|
Dear Amira, and Karim Thanks to Amira for this good news. Karim You will be welcomed in Housh Abunura in Asheville, NC. I am sure you will enjoy the nature, hiking in the Smoky Mountains, fishing in the lakes of Western North Carolina, and playing golf in Grove Inn resort, and talking about our unfinshed stories about Doha, and Qatar. Drop me a line with the details about your trip, and contact numbers Regards
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: عبدالكريم الامين احمد)
|
العزيزة أميرة.. سلام ومحبة..
تعرفي البوست ده حل لي لغزين: التاني إنه بوردابي الدوحة الماشي أمريكا (صاحب البوست الشهير) طلع عبدالكريم.. الأول إنه صلاح الأمين طلع شقيق عبدالكريم.. يا عبدالكريم في البوست بتاع الأخوان داك قلت لي عندكم (إنت وأحمد البعرفه بالفعل) أخ تالت إسمه صلاح.. أصلو ما ربطتا بين صلاح اخوكم وصلاح الأمين البعرفه..
تحية للصديق العزيز صلاح الأمين من زمنين: القاهرة وأسمرا
وربي يحفظك ويفتحها عليك وين ما تقبًل
ودي للكل
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Elmoiz Abunura)
|
Quote: You will be welcomed in Housh Abunura in Asheville, NC. I am sure you will enjoy the nature, hiking in the Smoky Mountains, fishing in the lakes of Western North Carolina, and playing golf in Grove Inn resort, and talking about our unfinshed stories about Doha, and Qatar. Drop me a line with the details about your trip, and contact numbers Regards |
مرحب وسلام صديقي الدكتور المعز وكيف حال الاسرة والاولاد علهم بخير وعافية ونتمني يا معز ان نلتقي بكم في بلاد اليانكي حتي تمتد بعد احاديثنا التي كما قلت انت لم تنتهي وساوفيك عقب الوصول باذن الله عبر الماسنجر بتفاصيلي
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Masoud)
|
العزيزة رجاء العباسي ، شفتي الغياب الكتير بتاعك بيعمل ايه تجي تكتشفي كريم اخو صلاح الامين اللي هو صديقك من زمنين (يا عبدالكريم في البوست بتاع الأخوان داك قلت لي عندكم (إنت وأحمد البعرفه بالفعل) أخ تالت إسمه صلاح.. أصلو ما ربطتا بين صلاح اخوكم وصلاح الأمين البعرفه..) تاني ما تطولي متل دة عشان تلقي زول تاني اخو زول اول !
اميرة بت الشيخ صديقتنا في الزمن الصعب كيفك ، يعني تمشي الدوحة وتجيبي خبر السفر لبلد العم سام ...
ويا كيكي مرتب الست شهور الاولى بعد ان تشتغل في البلد ديك تقسمها بين صاحبنا صلاح الامين اربعة اشهر وشهرين لاب قرجة ، لانو حسب المعلومات التي تحصلت عليها وكالتنا الدولية ، ان النفرين ديل هم وراء السفر دة بس صلاح كان اكثر الحريصين لشئ في نفس صلاح ...
انشاء الله تلقى كي بورد عربي عشان تكتب انطباعات الاستكشافي ود اللمين في (البلد السمين) ...
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: مصطفي سري)
|
سري يا حبيب..
سلامات وسؤالات عن الأخبار قدر طن كده..
Quote: تاني ما تطولي متل دة عشان تلقي زول تاني اخو زول اول |
هي ما الغيبة بس. لكن الظاهر الكبر حصل ..
Quote: ويا كيكي مرتب الست شهور الاولى بعد ان تشتغل في البلد ديك تقسمها بين صاحبنا صلاح الامين اربعة اشهر وشهرين لاب قرجة، لانو حسب المعلومات التي تحصلت عليها وكالتنا الدولية ، ان النفرين ديل هم وراء السفر دة بس صلاح كان اكثر الحريصين لشئ في نفس صلاح ... |
وين أبو قرجة..؟ أديني أي طريقة أتواصل بيها معاهو.. حلًفتك بأجمل أيام في حياتنا.. أيام كان عندنا أمل في بكرة.. أيام كان العظيم قرنق حاضرا بروحه وحماسه وأحلامه التي جمعتنا
* سوري يا أميرة.. البوست براااهو جاب الونسات البي الجنبة دي.. أعفي لينا
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: مصطفي سري)
|
Quote: ويا كيكي مرتب الست شهور الاولى بعد ان تشتغل في البلد ديك تقسمها بين صاحبناصلاح الامين اربعة اشهر وشهرين لاب قرجة ، |
مرتب؟؟؟
مرتب كيكي في امريكا لن يستطيع تقسيمه (يكون سعيد لو شافه حتى)
بعد ان يقسموا منه ضريبة الدخل وضريبة البيت والشارع.. والهاي وي وضريبة المدارس وضريبة الشرا والبيع وضريبة النفس الطالع ونازل وكم ضريبة كدة ما عندهم اسم..
غايتو احتمال يقدر يقسّم ليهم مرتبته.. وليس مرتبه.. بختهم! كل زول كوم قطن محترم من مرتبة كيكي..
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: مصطفي سري)
|
Quote: ويا كيكي مرتب الست شهور الاولى بعد ان تشتغل في البلد ديك تقسمها بين صاحبنا صلاح الامين اربعة اشهر وشهرين لاب قرجة ، لانو حسب المعلومات التي تحصلت عليها وكالتنا الدولية ، ان النفرين ديل هم وراء السفر دة بس صلاح كان اكثر الحريصين لشئ في نفس صلاح ... |
هلا يا سري وصحبك ده بتاع (يو ان) هو المفروض يقسم لينا من الكوتات دي واحنا ناس لوتري بتاع مهمشين ساكت
| |
|
|
|
|
|
|
Re: عبد الكريم الامين (كيكى)..من كمبو الرى إلى امريكا ..لتهنئة اوباما... (Re: Tabaldina)
|
يا كيكي حبابك الف و امريكا حا تنور بيك كثير .. معنا كثيراً من زملاء الهندسة بالجامعة مثل غازي يوسف و سيسعدوا بقدومك جداً ..
Quote: يا عبدالكريم في البوست بتاع الأخوان داك قلت لي عندكم (إنت وأحمد البعرفه بالفعل) أخ تالت إسمه صلاح.. أصلو ما ربطتا بين صلاح اخوكم وصلاح الأمين البعرفه.. |
يا رجاء انا ايضاً لي شقيق هنا و صديقك جداً بالمناسبة و صديق راوية برضو، و انا ذاتي جيت معاهو بيتكم الفي الهرم مرتين سنة 87 لكن انتي متغابية فيني العرفة هنا ليك اربعة سنين (عمرنا المنبري).. بهزر معاك ساكت و الله و انا عارف الذاكرة مرات بتخون و انا ذاتي بعاني من نفس مشكلة النسيان و مرات بنسى ناس كانوا قراب مني جداً في فترة من الفترات ..
| |
|
|
|
|
|
|
|