Post: #1 Title: الليلة دايرين كورة قلع وكبع وعجاجها للسماء..!!! Author: عبدالكريم الامين احمد Date: 08-19-2007, 09:58 AM Parent: #0
كرة القدم او التيوة تلكم اللعبة الشعبية التي يحبها الجميع تاتي فيها لحظات لابد من امتزاج التكتيك وخطط اللعب مع قوة القلب والرغبة في الفوز وليس الا الفوز.. اليوم يادي الهلال العظيم مباراة تاريخية وانتحارية وعالية الاهمية وضرورة الفوز فيها ودون ذلك القتاد... وعلي مر الدهور والازمان ياتي الفوز في مثل هذه المباريات بقوة القلب وحمرة العين الكروية ومكابسة الخصم العنيد في كل فج وركن من اركان الملعب الذي يجب ان يتحول بكليتاته الي جحيم احمر ونار منقد امام الاهلي المصري الذي يجب ان يهزم شر هزيمة ولابد ان يتذوق حنظل الغلب والهزيمة ويااامن... نتمني ان نري تقفيل لعب وهجمات كما المطر علي راس كل ثانية نتمني ان نري اهداف هلالية زرقاء تخترق شباك الاهلي العنيد نتمني ان نري كور باطراف الملعب وعكسات تذكرنا الزمن الهلالي الجميل نتمني ان نري لعبة الداشنغ الشهيرة تعود اليوم الي مدافعي الهلال لحسم الهجوم الاهلاوي لكي يذهب المهاجم والكورة الي خارج االلاين نتمني اليوم ان نري الفاولات التكتكية الغير مضرة,, نتمني ان نري تهديفات خارج خط 18 ولكن عليها ان تضرب في العارضة(كما فعل تنقا ذات يوم) نتمني ان نري الملعب اليوم يتحول الي نيران وصاعقة ونار منقد ونتمني ان نسمع كورايك جماهير الهلال تضرب عنان السماء لتصل الي عمق ميدان التحرير ... نتمني اليوم ان نري الاهلي مغلوب...ومغلوب فقط لاغير..
الليلة ما كورة وبس وما 90 دقيقة وينتهي كل شئ الليلة حاجة تانية إثبات الذات الإنتصار للكرامة كفاية إستهبال وإستعباط وفهلوة و و حقارة أكتر شئ بحز فى النفس طيبتنا المفهمومة غلط فى مصر الكناس فى الشارع بيظن إنو افهم من أي سوداني ولو كان برفيسور والسودانيين فى نظر المصريين مجرد جماعة سذج وطيبين ما أكتر لي متين حقنا يضيع معاهم الليلة يا نحن ،،، يا هم يا نبقي ناس زي بقية الناس ، يا .... مافي داعي لو غشاك زول للمرة الأولي ، لومو لو غشاك للمرة التانية ، لوم نفسك أما لو قعد يغش فيك العمر كلو..... برضو ما في داعي
Quote: يا نبقي ناس زي بقية الناس ، يا .... مافي داعي لو غشاك زول للمرة الأولي ، لومو لو غشاك للمرة التانية ، لوم نفسك أما لو قعد يغش فيك العمر كلو..... برضو ما في داعي
هلا يا فضل ودقائق عديدة وسنذهب بالاهلي الي غياهب السجن الكروي وستحبس انفاس جماهيره في قفص ابو الهلال الموشح اليوم بالسوميت وبقوة قلب توازي ملايين الاحصنة والي هناك يا فضل حيث الدهشة
شوف يا كيكي .. الكلام البعملو ويقولو فيهو .. بعض المريخاب العاملين فيها موضوعيين .. كلامهم ده خلوهو طرف .. موضوعيتهم دي .. يمشوا ياكلو بيها عيش في مكان تاني .. نحن عندنا حساباتنا برانا .. رشيناهم قبل كدا في القاهرة بي صاروخ ريتشارد ... بعدما اتعافنو معانا بي قون لاراش .. جو تموها بي الحكم السنغالي .. وياريتك تراجع البوستات الكتبوها العاملين ليك فيها بتاعين الموضعية ديل .. وشوفهم كتبو شنو .. بعد نهاية الكورة عشان كدا اول قبل كل حاجة .. النوعية البتجي تطبطب وعامله قلوبه مع الهلال دي .. وفي نفس الوقت بتدس السم في الدسم مفترض الناس تكون واعيه ليهم في اي مكان .. هنا وفي الاستاد .. وفي اي مكان .. للاسف الشديد .. هم الوحيدين الممكن يجينا الضرر منهم اكتر من المصريين وكان بقت على المصريين مقدور عليهم .. الحاجة التانية: عارف كورة الليلة دي .. بتذكرني كورة موردة زمالك ..كان الدق فيها .. دق مؤسس .. ( عفص ) تاريخي .. كاوندا .. الجقر .. البريشين .. ومغربي وعصمت .. الزمالكاب .. لما دخلوا الميدان .. عيونهم كانت منططه وقربت تطلع من راسهم .. اتعفصوا جونه الميدان .. شافوا ليهم ارهاب .. من غير كورة لمن ما عرفوا حاجة .. الواحد يقع الوااااطه من الخوف والرجفه .. وما عارف الرماهو منو .. بعد ده .. اترشوا زي الترتيب .. اها الليلة عايزن ده .. شغل زي ده .. ومن حسع دي .. كان الاولاد ديل قعدوا يعملوا في الحركات المايصه وما راكبه عدله دي .. من حسع يا كيكي .. انا هلال تاني .. ( كو ) فراق الطريفي لي جملو الكلام ده قولو لي خليل معاك..
عشان كدا الهلال دا عمروا ما ح يمثّل الكرة السودانية ولا يجب أن يمثلها
أين الروح الرياضية والنزال الميداني حسب قوانين اللعبة واللعبة الحلو والفير بلاي
غايتو حالتكم يا هلالاب بقت زي حالة مايك تايسون لما حسّ بالهزيمة النكراء تحلّق أمام ناظريه فقام بأجبن وسيلة في رياضة الملاكمة وهي عض أذني خصمه فما فضل ليكم إلا عض الإضنين يا هلالاب
Quote: ومن حسع دي .. كان الاولاد ديل قعدوا يعملوا في الحركات المايصه وما راكبه عدله دي .. من حسع يا كيكي .. انا هلال تاني .. ( كو ) فراق الطريفي لي جملو الكلام ده قولو لي خليل معاك..
والداير الدق والغلب .. اليجينا بالليل
تمبس ابو خليل بغريك السلام وبقول ليك الكورة محسومة وماتشيل هم (الليوجيرغا) قالت قولتها خلاص.. ويا تمبس الكورة الفوز فيها مثله مثل كل الاشياء التي تحتاج الي دافع وحماس وقوة قلب وحمرة العين.. والليلة جميعنا واقفين بكراع واحدة وقلب رجل واحد من اجل الفوز علي الاهلي الذي يجب ان يرعوي ويخش في علبه والا ليت الزمان يعود حتي نري برشم اخوان وصلاح دوشكا وحسن حامد والعوني ومنقستو والكثيرين من الذين يبكون في مثل هذه المباراة ويدشونها بحماس قادر علي اشعال قنبلة نووية.. الليلة يا تمبس دايرين (قنابل وكبع ركب وحرب)
هلا بكل الحبايب وكل الحبايب.. وزي ما قلت يا تمبس بالكربون كورة موردة زمالك الشهيرة هي من ترن في الخاطر اليوم.. وكورة اليوم الليلة فيها كلام كثير وبداخلها زي مليون كورة بالجنبة كده.. ونتمني ان يغلي الملعب وتغلي المدرجات وتغلي الكورة في عضمها ويتحول الاستاد الي (نار منقد) وسنعود اليكم جميعا. ونتمني النصر للهلال
غايتو يا كيكى من قمت هلالابية لكييييييييييييين الكبع البتقول عليهو دا داير ليهو (مرووووة ) وشوف عينى ناس الكورة الفى السودان ديل كلهن ما عندهن يعنى يا كيكى انت قايل القصة كبع القصة عافية والعافية يا كيكى عند ناس (المصر) ناس اساسا متغذييييين شديد وما بساهروا ولا بشربوا ( الجكم تكم )ولا بياكلوا بوش اها العجاجة دى تقوم كيف غايتو امس سمعت كورة المريخ والمعلق فرحان فى الشوط الاول وقلت بينى وبينى انه ناس المريخ ديل جابو القون الاول لكن شوف عينى (حيتطقطقوا زى الترتيب ) ودا الحصل اها المروووووة من التلاتين دقيقة الاولى (بح ) نزلوا الشوط التانى والبقى بقى ما قلت ليك القصة مرووووووووووووة ويا ابو مروووووووووووة
Quote: غايتو يا كيكى من قمت هلالابية لكييييييييييييين الكبع البتقول عليهو دا داير ليهو (مرووووة ) وشوف عينى ناس الكورة الفى السودان ديل كلهن ما عندهن يعنى يا كيكى انت قايل القصة كبع القصة عافية
هلا يا سلمي ومشتاقين والله.. وكونك هلالبية انه الخلود والجمال والدهشة.. ويا سلمي القصة ما مروة تعرفي انا مرة حضرت مباراة الفريق الضيف دخل لاعب ضعيييف زي (القشة ام روح) الاستاد كلو قعد يضحك عليهو.. اها زولنا ده من ما خشي استلم ليهو كورة وشاتها في القوون (طير الحدايد بتاعة المرمي) وبهدل ليك كل الحاجات وعمل عمايل عجيبة خلاص.. القصة في القلب والكورة في القلب لمن يكون (حار بسوي البدع)...
... تحياتنا يا فيصل نوبي والشريف كيكي مبسوط منك الليلة (بختك)
هلا ابوحميد وجميل انك شايل هذا العلم فاكيد مكانك سيكون وسط جماهير هلال السودان والارباب ده يا صحبي كلنا عندنا فيهو كلام فالارباب ليس هو الهلال الهلال اليوم اكبر من الارباب ومن (عمر احمد) ذاااتو وعمر احمد هو اسم الملحن (الارباب) او كما قيل..!!
هلا يا بوب ومشرف والله والعجاج فوق برا وبحر واسفيرا واحنا اخوات دي يقولوها هناك لسي حسني مع الاعتقالات المدورة اليومين دي.. ... دايرين كورة فووق وقلع يا بوب
Quote: كوره وقلع ..اتاريك همباتى كبير يا عبد عبد الكريم!!
هلا يا بوب وعذرا علي التاخير اخوك بنقل في الثلاجة عشان كهمباتي لازم الاعصاب تكون في ثلاجة وقول معاي يارب ودي كورة تاريخية يا بوب والاهلي ده انا لابد ليهو ومنذ مباراة لاراش الشهيرة وداير لي فيهو يوم
هلا يا محمد الامين جمال حسن سعيد فنان والله.. لكن ما لاحظت معاي التيم الدق الحكم لابس (احمر)... ...كلو هين يا محمد الله لاجاب البلنتي عشان انت واللاين مان ما نلقاكم في الكدرو
اذن فعلها الهلال ومارس الدهشة والابداع والجمال ومنحنا معاني الفرح والفوز المستحق علي فريق شرس عنيد الهلال اليوم يوكد ان الاصرار والارادة تهد الجبال في كل الاشياء
Quote: وبقت تلاته الف مبروك للهلال وللسودان وعقبال هزيمة الأنقاذ
هلا ابو الطيب وهزيمة الانقاذ ده الكلام الدايرنو دورة جد واليوم داك المكرسح حيشيل العميان وبالعكس ويارب تورينا في الانقاذ يوم زي ما وريتنا في الاهلي المصري كله صلف في صلف في غرور
مرحب ود المعتصم والكتاحة عجاجها ضرب عنان السماء وكتاحة ليها ضل نزلت مطرة غرقت الخرطوم اليوم التاني وهببابي عجيبة العينة البتولول ولولة عجيبة ديك روحت الاهلي في شربة موية ليس مرة ولا مرتين بل ثلاث مرات
Quote: ان شاء الله شفت النزال الميداني....وسر بالك
هلا يا نادوس مثل فرانكلي يا صديقي نادوس لن يسر بالهم طالما الهلال يودي مثل هذا الاداء الرجولي العالي الفن وسيحترق (فرانكلي) غيظا كما احترقت روما ذات يوم.. ونتمني له الشفاء العاجل ونحن اناس قلوبنا رحيمة نسعي لكي يلتحق مثل اخونا فرانكلي بقطار الجمال والذي نفسه بغير جمالا لايري في الهلال شيئا جميلا
هلا يا بوب ومبسوط ومبسوط ليك يا هلالي يا جميل وايوه يابوب اليوم جاني في محلي وجاني شايل النسيم في الليل يوشوش في النجائل ثلاثة اهداف زي السم خلت الكيشة الحضري يشرب وما يروي هزيمة الاهلي حاجة لاتوصف ويستاهل دستة والعجبني يادوب الاداء والحرفنة والفنيات وتوزيع اللعب وعمر بخيت والبرنس وداريو كان الذي كان مرتين وكرنغو ورتشارد قلب الاسد وكل الاهلة جمهور وادارة ولعبية سابقين ضرب ضرب وضرب...ثلاثة ابادية لاترحم..
مرحب يا ايمن والف مبروك.. وفعلا يا صديقي بالفن الممذوج بالقوة الرجولة وحرارة القلب تم تطويع الاهلي وتلقينه درسا لن ينسي يا ايمن.. والهلال مدرسة للفن والكورة ذات المعاني المربوطة بالوجدان.. مبروك يامان وهلالنا فوووووووووق شديد