Post: #1
Title: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-20-2007, 07:45 PM
Parent: #0
في امر الهلال وفرحتنا الكبيرة بالفوز المستحق يوم امس رنت في الخاطر الالاف من الكلمات والجمل
والروي..وكلما شرعنا في ارسالها الاسافير وجدنا الهلالبية العظيمة والفتي الابنوسي الهلالبي الاعظم
(تمبس) مارسا الدهشة والابداع والجمال واداو هنا ماتش يوازي في روعته وجماله كورتنا الهلالية يوم امس...
هم دوما الهلالاب نار منقد وقلب حار وجمال روح وجدان وجديرين بان نتغزل في مقدراتهم الفذة في الفرح
والدفاع عن ابوالهل...
ايمان صالح لكي كركون هلالي ممتد عاليا الي السماء يعانق الهلال الذي سطع ليلة امس بدرا واكتمل
وزرع الفرح في النفوس وتستاهلي يازولة هوووووي والف مبروك..
...
تمبس تامبا..قلم جري وشجاع وهلالي نار منقققققد ولو وجد مثل حماسه وقلبه الاسدي هذا لوصلنا لعنان السماء فنان يا تمبس فنان..(واوفيت وكفيت)
والتحية لكل هلالي اصيل وفنان وقلبوا نار منقد زي تمبسسسس
وزي ايمان صالح الحربية
|
Post: #2
Title: Re: ايمان صالح وتمبس ديل هلالاب نار منقد بس...!!!
Author: Mekki M Alhassan
Date: 08-20-2007, 08:41 PM
Parent: #1
يا كيكي
غني معاي ...
يالاهويييييييييييييييييي
علي........
الاهلييييييييييييييييييي
|
Post: #3
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-20-2007, 08:48 PM
Parent: #2
هلا يامكي ومبروك ياااخي والله
وغني معاي ايضا
الهلال عاش يا لاراش..
.........
|
Post: #4
Title: Re: ايمان صالح وتمبس ديل هلالاب نار منقد بس...!!!
Author: إيمان صالح
Date: 08-21-2007, 06:57 AM
Parent: #1
ايمان صالح وتمبس ديل هلالاب نار منقد بس...!!!
عبد الكريم
كيفنك؟
انا دي ما هلالابية نار منقد بس ولا حاجة
انا هلالابية نار جهنم بس
ايمان
|
Post: #5
Title: Re: ايمان صالح وتمبس ديل هلالاب نار منقد بس...!!!
Author: Faisal Al Zubeir
Date: 08-21-2007, 07:17 AM
Parent: #4
Quote: انا هلالابية نار جهنم بس
|
ياساتر!!
ده المطلوب نار
ما اروع الهلالاب.
|
Post: #7
Title: Re: ايمان صالح وتمبس ديل هلالاب نار منقد بس...!!!
Author: إيمان صالح
Date: 08-21-2007, 07:24 AM
Parent: #5
ياساتر!!
تسلم يا فيصل ياخوي
وجهنم دي ما تخاف منها
دي لاعداء البلد وهلالها بس
لكن زح شوية منقد تمبس ده ما يتشك
ايمان
|
Post: #11
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 05:00 PM
Parent: #5
ياساتر ساكت يا فيصل
دي خلتني انا ذاتي اعمل ساتر
وفعلا يا فيصل النيران والقلب الاسدي مطلب شعبي في كل الاشياء التي تحتاج الي ارادة وتصميم
فكان ابناء الهلال قلب حار يمشي علي الملعب
|
Post: #6
Title: Re: ايمان صالح وتمبس ديل هلالاب نار منقد بس...!!!
Author: tmbis
Date: 08-21-2007, 07:22 AM
Parent: #4
يا كيكي ..
لما كنا بنلعب في الرابطة .. كان عندنا فريق ... شفت الهلال بتاع اول امس ده ..؟ ( سم سم ) والله يقدرك، تاخد ليك قونين تلاتة وتمر عشرة دقايق من الشوط الأول بعد كدا كان ( شفت الكورة ) تعال قابلني ..
المهم كنا الشحمة والنار مع فريق ( القراقير ) طبعا فريق القراقير كان بيفرخ مباشرة للموردة .. وكان معانا في الوكت داك وفي نفس المباراة دي ( هيثم شوشة ـ محمد عطا( محمدو ) .. والمدرب بتاعهم اسمو كمال ( التتر ) معروف طبعا بحبو للموردة .. وطبعا ممكن يستحمل الغلب من أي فريق .. أقول ليك حاجة..:؟
ممكن الأهلي يغلبو .. بس فريقنا ما يغلبو .. هو ما بيخاف الغلب .. بيخاف ( الباصات ) ودس الكورة البعد العشرة دقايق الأولى من الشوط التاني..
المهم..
التتر كان قاعد في نص الميدان محل اللعيبه ما بيغيرو .. بعد شوية جبنا الأول ... قام التتر اتململ .. واتحرك شوية من النص .. بعد شوية جبنا التاني .. التتر وصل خانة الجناح .. يلالا بعد كدا ( دسينا ) الكورة .. طق .. طرق .. طق .. طرق باص من لمسه واحده وخانه .. مربعات .. مثلثات .. مستطيلات .. دوائر .. المهم ربع ساعة الكورة من رجل لي رجل .. الوكت داك التتر كان بالضبط واقف .. ورا القون حقهم .. وبيكورك بي اعلى صوتو ... اتضرب كم باص كدا .. ومن النص استلم الكورة محمد حسن سعيد ( حموري ابوعنجة ) طبعا ده الموسم المشى بعديهو الهلال مباشرة ... استلم الكورة وطلع باص بالمقاس لي أمير الوسيلة .. أها امير الوسيلة ده بيحاورك في فنجان .. ده أحرف سوداني قابلني بيحاور زي الرابط الكورة في رجلو .. يلالا امير بدا يرقص ليك في الجماعة .. الأول .. التاني وماشي .. التالت والرابع .. وماشي لحدي ما بقى هو .. وحارس المرمي في انفراد تام .. إنت قايل ( التتر ) بينتظرو عشان يحاور ليهو القوون مش كدا ..؟
تعرف من ورا العراضة التتر ده اندفع .. وجازف ليك أمير بي يدينو الاتنين وقلع الكورة ..
اها شفته يا كيكي .. أنا جني وجن الهلال ده يتغلب لي .. لما اكون في مباراة للهلال في الاستاد .. بتململ .. ولو ادوني فرصة بمشي ورا القوون ..
أما في التلفزيون . فحدث ولا حرج .. ده لو قعدته حضرتها طبعا..
والله ياكيكي كان ما طلعت هلالابي .. ما عارف كان اطلع شنــو .. وشنو تاني البطلعوهو غير الهلال زاتو ..؟
|
Post: #12
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 05:15 PM
Parent: #6
| Quote: اها شفته يا كيكي .. أنا جني وجن الهلال ده يتغلب لي |
| Quote: والله ياكيكي كان ما طلعت هلالابي .. ما عارف كان اطلع شنــو .. وشنو تاني البطلعوهو غير الهلال زاتو ..؟ |
سلام ياتمبس يامطبوع
وكلامك حلو بالحيل وحديث مخضرمين واهل كورة وزمن جميل
وتعرف ياتمبس اخوك نفس المشاعر والشبه
ويتغلب اي شي في الكورة دي الا الهلال ده هكذا تعلمت وتاريخيا مباريات الهلال المصيرية هي
لحظات ترقب وتركيزواعصاب بتكون قاعدة هلي الهبشة ..
وهكذا تعلمت منذ بداياتي القديمة الضاربة في معرفتي بشي عظيم يسمي الهلال..
وعندما لعبنا هذه الكورة وفي عدة فرق كنا نلعب بقلب وعقل يهوي الكورة من اجل الهلال
ولقد كانت دوما ممارسة هذه اللعبة عندي تعني (الهلال) لذا البسنا ادانا لها بثوب
من قوته وحبه الذي الهمنا اشياء عديدة...
ويعجني ياتمبس دوما الرجل الذي يودي اشيائه الكروية في الميدان بقوة وقلب اسد
لذا احببت وعبر مسيرة العظيم الهلال الكثير من لعبيته الافذاذ
ولكن الان اجد نفسي محبا لهذه الفرقة الماسية الي روضت الاهلي العنيد
وهزموه كورة..وقوة قلب وقلع..
وكن دوما جميلا موفور الهلالية
وادام الله الهلال العظيم لتدوم الفرحة والدهشة
|
Post: #9
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 11:03 AM
Parent: #4
Quote: انا دي ما هلالابية نار منقد بس ولا حاجة
انا هلالابية نار جهنم بس |
هلا والله بنار جهنم ومرحب
ورغم انو نار جنهم دي (حقو) تخليها لاخوك عبدالكريم في امر حب الهلال عشقا
ومحبة..
وبكل صدق ياايمان اشكر فيك تفردك وحبك الخرافي لهلالنا العظيم
الذي ظهر هنا في ارض هذا المنبر
بقوة كلماتك وحرارة قلبك
وكلماتك القوية وملاحقتك لمرجفي المدينة كارهي الهلال
...
ودوما يعجبني في هذا الدنيا الزول القلبو نيران تقيلة
ولمن تتمتزج النيران وحب الهلال فابشري بالخلود تب..
..
ونحن في الهلال اخوة
|
Post: #8
Title: Re: ايمان صالح وتمبس ديل هلالاب نار منقد بس...!!!
Author: السمؤال بدرالدين
Date: 08-21-2007, 07:29 AM
Parent: #1
كيكي الجميل
مبروكات كتييييييييييييييرات
وعقبال االكاس عشان تلحقوا كبيركم المريخ
تسلم
|
Post: #10
Title: Re: ايمان صالح وتمبس ديل هلالاب نار منقد بس...!!!
Author: اميرة الحبر ادريس
Date: 08-21-2007, 01:26 PM
Parent: #8
كريم ..سلامات
انت يا كريم ناس مدني ديل كلهم هلالاب ولا مجاملين الوالي ..؟
لانه يوم المباراة كنت في مدني ..وشفت بعيوني مواكب الفرح
منتشرة في المدينة ..
عموما معرفتي بكرة القدم ضعيفة ..لكن فرحت لفرح الهلالاب.
اميرة
|
Post: #14
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 05:30 PM
Parent: #10
| Quote: انت يا كريم ناس مدني ديل كلهم هلالاب ولا مجاملين الوالي ..؟ |
هلا اميرة ومنورة والله سيرة الهلالاب النار منقد
ومش ناس مدني بس يا اميرة الهلالاب
السودان كلو هلالاب بس بعض الاخوة محبي اللون الاحمر (فارزين عيشتهم)
والوالي هو البجامل في اهل مدني محبي الهلال عشان يضمن ليهو سنة سنتين في الولاية المكندشة دي..
...
|
Post: #15
Title: Re: ايمان صالح وتمبس ديل هلالاب نار منقد بس...!!!
Author: Abd Alla Elhabib
Date: 08-21-2007, 05:34 PM
Parent: #10
بحبكم والله..عشان حبكم للهلال وغيرتكم عليهو..كنا بنبكى عديل كدا لامن الهلال يخسر. أدام الله أفراحنا وعقبال الكأس .
|
Post: #16
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 05:41 PM
Parent: #15
| Quote: بحبكم والله..عشان حبكم للهلال وغيرتكم عليهو..كنا بنبكى عديل كدا لامن الهلال يخسر. أدام الله أفراحنا وعقبال الكأس |
واحنا كمان بحبك يااخي عبدالله
ونشكر الهلال العظيم الذي يلهمنا مثل تلك المحبة .
|
Post: #13
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 05:24 PM
Parent: #8
Quote: كيكي الجميل
مبروكات كتييييييييييييييرات
وعقبال االكاس عشان تلحقوا كبيركم المريخ |
هلا ياسموال
ومشتاقين والله..
الله يبارك فيك يا صهيوني
وطبعا القصة دي بتكون ما وقعت ليكم زي الناس
واحنا يا سموال المريخ ده (ياجر) اتوس ما يلحقنا بعد ده
|
Post: #17
Title: Re: ايمان صالح وتمبس ديل هلالاب نار منقد بس...!!!
Author: Ahmed Alrayah
Date: 08-21-2007, 05:59 PM
Parent: #1
تحية ليك وليهم يا عبد الكريم... ومبروك الانتصار الغالي الذي جاء على
طريقة "أحسن من كده مفيش".
بمناسبة الانتصار والأداء "الأورو-زيلي" أقوم بإعداد فيديو كليب احتفاءا
بالنجم الكبير قائد الأوركسترا الهلالية هيثم مصطفى يشتمل على إبداعاته
في مباراة الأهلي. سيرى النور بعد أيام بإذن الله.
|
Post: #18
Title: Re: ايمان صالح وتمبس ديل هلالاب نار منقد بس...!!!
Author: عبدالكريم الامين احمد
Date: 08-21-2007, 06:14 PM
Parent: #17
Quote: بمناسبة الانتصار والأداء "الأورو-زيلي" أقوم بإعداد فيديو كليب احتفاءا
بالنجم الكبير قائد الأوركسترا الهلالية هيثم مصطفى يشتمل على إبداعاته
في مباراة الأهلي. سيرى النور بعد أيام بإذن الله. |
الف تحية اخي ود الريح
والف مبروك النصر الهلالي والاداء البطولي المميز
وانت يا احمد ايضا وجه هلالي له مكانته المميزة بيننا هنا بمدوناتك التي اصبحت مرجعا للتاريخ
تخلد لمسيرة الهلال العظيم في هذه البطولة التي نتمني له النصر حتي النهاية..
وهيثم مصطفي ذلك الفتي الرائع يستحق فنه وابداعه التخليد حتي تراه كل الاجيال الهلالية
سيرة هذا الفتي الموشح بالنيل وسيرة وجدان الوطن الرائع..
شكرا يا احمد الريح ونشكر حضورك في كرنفال الاهلة فانت هلالي من طينة خاصة ووهج عالي
|
Post: #19
Title: Re: ايمان صالح وتمبس ديل هلالاب نار منقد بس...!!!
Author: Abd Alla Elhabib
Date: 08-21-2007, 08:24 PM
Parent: #18
Quote: بمناسبة الانتصار والأداء "الأورو-زيلي" أقوم بإعداد فيديو كليب احتفاءا
بالنجم الكبير قائد الأوركسترا الهلالية هيثم مصطفى يشتمل على إبداعاته
في مباراة الأهلي. سيرى النور بعد أيام بإذن الله. |
يا هلالاب يا حلوين...
سيدا ده كلامو براهو..شفتوهو لامن كان طالع لحمودة بشير كان الفرح والتحدى يشعان من وشو..
وكان بردد فى كلام كده..كان بقول في شنو ياربى ??
|
|