Post: #1
Title: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-13-2006, 05:12 PM
Parent: #0
خليل محمد خليل..
طيف ساحر..ونسمة مليئة بالدف والحنان..والصداقة والذكريات الحميمة..
كان ملك للمنبر في الشهور السابقة..واعطي صهيلا عالي الجمال في كل المجالات..
سرد ذكرياته في (اليوم الحار)..فجذب الاف القراء..
وكتب الكثير من عقله ...
اختفي هذه الايام ويبدو كذلك الايام القادمة لظرف طاري...
واحس باختفاء وترا لحنه جميل واشتاق لمداخلته..الذكية !!!!!!
ونتمني له عودة عاجلة الي سماوات المنبر...
حتي يعود الينا ..بعض الحماس والالق القديم...
|
Post: #2
Title: Re: خليل....مسافر وين مخلينا...!!!!!!!!!
Author: الجيلى أحمد
Date: 04-13-2006, 05:30 PM
Parent: #1
سلامات ياباش
معك نفتقد أبوخليل..البكاى الأعظم..
لكل مداخله يكتبها طعم..
ذكاء وإحساس مرهف...
له التحايا والتوفيق أينما حل ..
وننتظر عودته..
____________________________
يكون عملها ياكريم وعرس..
|
Post: #3
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-14-2006, 01:08 AM
Parent: #2
هلا ياجيلي ..
احتمال كبير يكون عملا..اصلو مسخوط وراسو مسخن كتير الايام الفاتت دي
|
Post: #4
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-14-2006, 02:46 AM
Parent: #3
العزيز عبدالكريم
تحياتي
انا لي تلاتة ايام بدور لي الولد ده وما لامي فيه- باقي عندي ليه مشوار لي عند ناس ود فنقر .
عليك الله ان لميت فيه حوله لي علشان اديه قرصه في اضنيناتوا ترجعه للمنبر سريع.
مع خالص تحياتي لك وله وان شاء الله الداعي خير
|
Post: #5
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-14-2006, 02:53 AM
Parent: #4
حبابك الدكتور..
خليل فاكهة هذا المنبر وروحه..
وثلاثة يوم كتيرة علينا كلنا وعلي كل الجمهور...
كل مافي الامر خير..
يوم يومين واجيبو ليك انشاء بالبوليس..
|
Post: #6
Title: Re: خليل....مسافر وين مخلينا...!!!!!!!!!
Author: محمد سنى دفع الله
Date: 04-14-2006, 07:38 AM
Parent: #5
ياجماعة مالكم عايزين راسنا يضرب
خليل ده ماموجود وين ؟؟؟
خليل في !!!
ولامافي ؟؟؟؟
الراجل معلق لي سســــؤال عن المولدوماجاوبنا!!
وين الراجل يا كريمو ؟؟؟؟
|
Post: #7
Title: Re: خليل....مسافر وين مخلينا...!!!!!!!!!
Author: Mutwali Malik
Date: 04-14-2006, 07:51 AM
Parent: #6
كريم لك التحية
مئة بالمئة يكون دخل النادي النووي اقصد عرس وماعزمنا المهم نداء عاجل لكل من يملك معلومة عن الفردة خلي موافاتنا بيها
|
Post: #8
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-14-2006, 07:51 AM
Parent: #6
والله.. ياود السني..
خليل ده قالوا قاعد..
لكن قاعد وين انا زاتي (مافي معلوم)
|
Post: #10
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-14-2006, 07:58 AM
Parent: #8
حبابك متولي
والجاتك في فردتك سامحتك..
والراجل شكلوا كده ركبنا التونسية..وعمل القصة ودخل النادي النووي!!!!
لكن شوية كده واجيب ليك الشمار بتاعو
|
Post: #9
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-14-2006, 07:55 AM
Parent: #6
الجميل ود السني
ازيك وكيف ناس مدني السني
لك كل التقدير و الاحترام
ولمدني السني دين علينا نتمني ان يمد الله في الاجال لكي نرده
|
Post: #11
Title: Re: خليل....مسافر وين مخلينا...!!!!!!!!!
Author: معتصم الطاهر
Date: 04-14-2006, 08:01 AM
Parent: #1
هذا تهديد ووعيد
تجى
أو ننزل الصورة المتحركة ..
وأخيرا قبضناك
ما تقول لى فى أبو ظبى ولا فى أطلع برة ..
|
Post: #12
Title: Re: خليل....مسافر وين مخلينا...!!!!!!!!!
Author: Mutwali Malik
Date: 04-15-2006, 06:27 AM
Parent: #11
كريم
مافي شمار جديد عن الفردة خلي ولا شنو
MISSINING IF YOU HAVE INFORMATION CALL THIS NUMBER
BIG PRIZE WAITING FOR YOU
|
Post: #13
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 06:53 AM
Parent: #12
متولي ..سلام وسلام
لازال البحث جاري..ولم ياتيني الهدهد بالخبر..
..لكن هناك ثقة عالية في مقدرة تيم التجسس الذي يباشر مهامه الان!!!!!!!
|
Post: #14
Title: Re: خليل....مسافر وين مخلينا...!!!!!!!!!
Author: الجيلى أحمد
Date: 04-15-2006, 07:40 AM
Parent: #13
| Quote: لكن هناك ثقة عالية في مقدرة تيم التجسس الذي يباشر مهامه الان |
شغل ياشباب ..
يلا جيبو لينا خبرو-أقصد أخبارو-
|
Post: #15
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 07:53 AM
Parent: #14
كلوا تمام يا الجيلي...رغم الاقتراحات الي جاءت الينا بالاستعانة بخبرات اجنبية
الا ان الثقة في التيم وريك الماسك الشغل بتاع (خليل ميشن)..تيم
امكانياته عالية...
وخليك معانا قريب!!!!!
|
Post: #16
Title: Re: خليل....مسافر وين مخلينا...!!!!!!!!!
Author: Muna Khugali
Date: 04-15-2006, 07:59 AM
Parent: #15
خـليـل مشي في إجـازة زواج وبيرجـع قـريب ان شـاء الله...
ليـك وحـشـة ياخـلي وربنـا يسـعـدك دايمـا يارب....
مـني
|
Post: #18
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 08:10 AM
Parent: #16
مني خوجلي...سلام.
ووينك ياخي...مخلينا كده وخليل,,ما ماعارفين ليهو وطة
...لا احنا معلوماتنا الاولية ومن مصادرنا الواثقين فيها..بتقول كلام
غير كلامك ده!!!!!
والقصة اصلوا لم يرد موضوع عرس في تحرياتنا الاولية..
وخلونا نعرف نشتغل ياجماعة!!!
|
Post: #17
Title: Re: خليل....مسافر وين مخلينا...!!!!!!!!!
Author: صديق حمدتو
Date: 04-15-2006, 08:07 AM
Parent: #1
العزيز كرومة
لو محتاجين لأي Back up أو فرق بحث احتياطية نحن على أهبة الاستعداد فمشوار المعمار ما زال طويلاً وكمان نحن مازلنا نغني لليل الشجن والشوق
تحيــــــــاي يا كرومة ومنتظرين زيارتك بهناك
صديق حمدتو
|
Post: #19
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 10:33 AM
Parent: #17
مرحب ود حمدتو رفيق الليل والقول الجميل...
وابشر تب زولك جبنا ليك خبرو !!!!!!!!!!!
افادات غرفة عمليات (خليل مشين)..
ان المدعو خليل محمد خليل شوهد في احدي العواصم الاسيوية برفقة
ناس (عيونهم صغار كده)...
والساعات القادمة ستظهر مفاجاة للجميع...
|
Post: #20
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-15-2006, 10:38 AM
Parent: #19
أوشاعااااااااااااااااااااااااات
لم يتم رصد الهدف حتي الان.
|
Post: #21
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 10:44 AM
Parent: #20
سلام يادكتورنا...
وسهرنا كلو بقي عشان خليل ده..
لكن غرفة العمليات برضو بعد مرات بتعمل اشاعات عشان تجيب معلومة,,,
وساعات..ونجيبو ليك عشان مشوارك بتاع ناس فنغر,,
|
Post: #22
Title: Re: خليل....مسافر وين مخلينا...!!!!!!!!!
Author: معتز تروتسكى
Date: 04-15-2006, 11:00 AM
Parent: #21
عبدو عزيزى اخبارك وصحتك وكيف ابو الفوارس..
تحياتى للاسره ولكل الاحباب..
معك نفتقد ابو خليل الخليل...
وقول ليهو (ياخلة)...
تعال لكي ..تسخر فينا الدموع ؛وترعرع فينا الفرح؛ وادعوها هالة القلب الذى ليس لهمس طارى؛ ليس لعشق مختزل ...
تذهب ايها الوتر المصفح بالضجيج ؛
ثم عفوا ياسفر ؛ وليحيا الق المشرقين فى تلك الرقعه الطيبه التى ستذهب اليها الى ان تعود..
|
Post: #23
Title: Re: خليل....مسافر وين مخلينا...!!!!!!!!!
Author: Muna Khugali
Date: 04-15-2006, 11:16 AM
Parent: #21
Quote:
مني خوجلي...سلام.
ووينك ياخي...مخلينا كده وخليل,,ما ماعارفين ليهو وطة
...لا احنا معلوماتنا الاولية ومن مصادرنا الواثقين فيها..بتقول كلام
غير كلامك ده!!!!!
والقصة اصلوا لم يرد موضوع عرس في تحرياتنا الاولية..
وخلونا نعرف نشتغل ياجماعة!!! |
طـيب إيـه رأيـك خـليـل قـاعـد أسـة في مـرحـلة مفـاوضـات مـع زيـدان???
في واحـدة قـالت لي..... خـلي كـسـر العربية وهـو يادوبك دافـع فيها فسـطين بس....واسة هـو قـاعـد متغـاظ ومعتكـف...أنـا في الأول صـدقتها لكـن بعـد كـده عـرفت بالموضـوع التـاني....
أهـه بـدل مـاانتو قـاعـدين تضـيعـو وقتكـم في خـلي مشـي ويـن...أحـسـن تحضـروا نفسـكم بالكشـوفات علشـان نعمـل ليه حـفلة لمـا يرجـع..
أهـا قلتو شـنو?
مـني
|
Post: #24
Title: Re: خليل....مسافر وين مخلينا...!!!!!!!!!
Author: ريهان الريح الشاذلي
Date: 04-15-2006, 01:09 PM
Parent: #23
سلامات يا كريم وعوافي وشوق الشوف ليك وللغايب خليل
عموما .. انا اعتقد انو مني خوجلي دوما عندها الخبر اليقين وغايتو كلمونا بدري خلونا نكوي الهدوم ....والشعر...
|
Post: #25
Title: Re: خليل....مسافر وين مخلينا...!!!!!!!!!
Author: Muna Khugali
Date: 04-15-2006, 01:28 PM
Parent: #24
لأ ياريهان ماتكـوي حـاجـة...أنـا عـاملاه نـدر...لـو خــلي عـرس هأشـتري ليكـم فسـاتين جميلة مـن هنـا...لكـن بس الكـوافير عليكـم...
|
Post: #26
Title: Re: خليل....مسافر وين مخلينا...!!!!!!!!!
Author: khaleel
Date: 04-15-2006, 01:31 PM
Parent: #24
سلامات لكل الاحباب والاصدقاء
لاسباب نفسية ولوجستية
ما كلمتك يا كريم
عشان كنت حاتنحسني وتطرشق علي السفرة
ذهبت مع شركة LG في كورس لمدة تلاتة يوم ولو كنت كلمكتك
كان جبت لي الجلاء و( الكج)
|
Post: #27
Title: Re: خليل....مسافر وين مخلينا...!!!!!!!!!
Author: khaleel
Date: 04-15-2006, 01:48 PM
Parent: #26
الجيلي احمد
تسال منك العافية والايام الطيبة
سفرة بسيطة تلاتة يوم بس
مني خوجلي ست البنات لحدهن
اسمع منك رب العباد وصاحب المراد
ولو العرس ساهل كدة ما كان وصلنا عمرة النبوة تحياتي
صديق حمدتو
يا ليل البعد يا مضيع سنيني معاك
كتر خيرك وبنتلاقي كان الله هون
دكتورنا عبدالله الصديق
مشيت جرف تيقو وغشيت ناس عمك التوم ود السارة
وشربت قهوة عند خالتي الجنة بت امحمد ود مريم
معتز تروتسكي
جميل المعاني والمفردة
انا مسافر اذن انا مفقود
ريهان الشاذلي
فشلت استخبارات مني خوجلي
وكذب المنجمون وان صدقو
|
Post: #28
Title: Re: خليل....مسافر وين مخلينا...!!!!!!!!!
Author: Mutwali Malik
Date: 04-15-2006, 01:57 PM
Parent: #27
ياجماعة خليل دا ماطبيعي نسي فردتو البيسال عنو وعندما فتحت البوست ياكريم قربت ازغرد حمدلله علي السلامة
تخريمة
طلب لكل قوارير البورد الرسول فيكن اكان مازغردتو
|
Post: #29
Title: Re: خليل....مسافر وين مخلينا...!!!!!!!!!
Author: Muna Khugali
Date: 04-15-2006, 01:57 PM
Parent: #27
Quote: ريهان الشاذلي
فشلت استخبارات مني خوجلي
وكذب المنجمون وان صدقو |
عـيني في عـينـك كـده ياخـلي?
إنت وكـريم بترسـمـوا علي شـنو بالضـبط?
ياللا ....المهم انت رجـعت سـريع...ولازم تحكـي لينـا عـن الكـورس
|
Post: #30
Title: Re: خليل....مسافر وين مخلينا...!!!!!!!!!
Author: Adil Osman
Date: 04-15-2006, 02:10 PM
Parent: #1
نسانا خليلنا!!
|
Post: #31
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-15-2006, 03:55 PM
Parent: #30
سلام للجميع ..
عادل عثمان صديقنا الاكبر والوريفة مني خوجلي..
متولي فردة خليل..الجيلي الزول السمح..صديق حمدتو عاشق الليل والجمال..
الدكتور الذي طال سهره من اجل بلدياته وخليله خليل,,معتز تروتسكي عاشق اللغة العالية..
المهندس الريس معصتم..محمد السني المسكون بالدهشة والفن والدراما..
وريهان الشاذلي صديقة بقامة النيل...
ها هولا خليلو قد عاد....
عاد يامتولي وزي ماقلت الزول ده ما براهو...
وموضوع الكورس ده انا غايتو ما راكب لي في راسي.
احنا الكورسات كمان بتغبابنا ولاشنو..
الموضوع ده فيهو كلام كتير..وانا زي ابتديت اصدق الكلام بتاع (مني خوجلي)..
وطبعا اطمنئكم ان تيم الرصد والمتابعة تم تحفيزه وسوف يواصلون
التكليف بتاع (خليل مشن)..لحدي ما نعرف الحاصل شنو!!!!!
|
Post: #32
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-16-2006, 06:08 AM
Parent: #31
خليل
حمداً لله علي السلامة
إفتقدناك كثيرا
واي كلمه كده والا كده حا اقول للناس كنت وين
مع خالص حبي لكم جميعا
|
Post: #33
Title: Re: خليل....مسافر وين مخلينا...!!!!!!!!!
Author: khaleel
Date: 04-16-2006, 12:12 PM
Parent: #32
متولي الفردة المنقرضة
وين يا ود يا بنفسج
كورس خفيف كدة مع ناس lg
عن التكييف في المباني العالية
دقة سريعة وجينا
الريس معتصم
وحاة تور مني وود المرين وحسن ود حسونة
كنت مسافر جد جد
بس كيكي دها
بطرشق علي السفرة لو كنت كلمتو كراعو مكوة بس
محمد السني
فنانا وسفيرنا واميرنا
انشاء الله تشيلك عافتك واولادك
بركة اب جلابية وعثمان شيخ الختمية
ولسع منتظرين تاني تجي المولد
دكتور عبدالله
مشينا هنا حتة قريبة لي فريق نويو وجينا
|
Post: #34
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-16-2006, 01:07 PM
Parent: #33
| Quote: وحاة تور مني وود المرين وحسن ود حسونة |
| Quote: بركة اب جلابية وعثمان شيخ الختمية |
انت يا زول ناس (ل جي)..ديل كورسيهم ده كان وين بالضبط؟؟؟؟؟؟؟؟؟؟
|
Post: #35
Title: Re: خليل....مسافر وين مخلينا...!!!!!!!!!
Author: انعام عبد الحفيظ
Date: 04-17-2006, 03:33 AM
Parent: #1
عبد الكريم سلامات
لخليل نكهة خاصه بهذا المنبر
تحسها من خلال مداخلاته وبوستاته عن ذكريات الجامعة
نطالب بعدم غيابه عن هذا البورد
ومرحبا بعودته سالما
مودتي واحترامي
|
Post: #36
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-17-2006, 09:00 AM
Parent: #35
مرحبتين انعام...
والبركة في الجية..بتاعة خليل..
لكن لسع دايرين نعرف الزول ده مشي وين
|
Post: #37
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-24-2006, 02:41 PM
Parent: #36
يا جماعة الزول ده شرد تاني!!!!!!!!!!
وين خليل ده يا اخوانا..!!!!
جائزة في انتظار من يدلي بمعلومات قيمة,,
|
Post: #38
Title: Re: خليل....مسافر وين مخلينا...!!!!!!!!!
Author: الجيلى أحمد
Date: 04-24-2006, 03:01 PM
Parent: #1
..لكن هناك ثقة عالية في مقدرة تيم التجسس الذي يباشر مهامه الان!!!!!!!
ياكريم تيم التجسس بتاعكم دا ماشايف شغلوا ..!!!
|
Post: #39
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-24-2006, 03:15 PM
Parent: #38
سلام يا الجيلي..
والله الشباب في التيم ماقصروا...
جابوا لينا الزول ده..وانا وصيت بوضعه تحت المراقبة المكثفة..
لكن المسخوط ده قدر يهرب من الرقابة..ويختفي مرة اخرة..
والله ده (نقد)..ذاتو يتحير معاهو...!!!
لكن وراه والزمن طويل!!!!!!!!!!
|
Post: #40
Title: Re: خليل....مسافر وين مخلينا...!!!!!!!!!
Author: عامر تيتاوى
Date: 04-24-2006, 06:35 PM
Parent: #39
كرومة .. خللى دة لازم تلعب معاهو مان تومان
داير ليهو باك لصقة زى عبد الله موسى ما تخليهو براهو
خلو يافنان لما تغيب بتخلينا فى الصقيعة
تسافر وين تخلينا ؟؟
شباب الزمن حنية وعرس مافى
|
Post: #41
Title: Re: خليل....مسافر وين مخلينا...!!!!!!!!!
Author: ودرملية
Date: 04-24-2006, 07:27 PM
Parent: #40
سلامات
وعوافي
ولو اني دافنو للمدعو خليل باعتبار موقفو (الغير جمالي) تجاه قضيتنا التي (كومجت) براح المنبر..الا اننا وبدافع انساني نتمني ان يكون خليل بخير وصحة جيدة اما اذا دار محور سؤاله عني فانا بخير ولاينقصني شيء سوي عودته للمكان السمح دا ..
تعال يابتاع الـLG وعليك الامان ..
خليل انت نشوفك متين .. ياخي ماتجي نتأمر علي المدعو كيكي ونزورو في بيتم (ياخي انا اكلت عندهم كستر لي هسي شبعان) .. يعني ممكن نلبد ليهو بي (غدوة) وكدا في يوم اجازة عشان مايعمل لينا فيها الود مشغول ..
خليل شفتا كيف ..
للتواصل مع شخصنا الفنان ..5327127
|
Post: #42
Title: Re: خليل....مسافر وين مخلينا...!!!!!!!!!
Author: Mutwali Malik
Date: 04-24-2006, 09:46 PM
Parent: #41
عارف ياكريم الموضوع دا عايز ليهو خطة جامدة عندناهنا في بلاد العم سام جهاز عبارة عن Electronic device يتم ربطه في الارجل من خلاله تتم معرفة وتحديد مكانك حتي لو كنت في سلقط ملقط افتكر دا هو الحل مع الفردة خلي
|
Post: #43
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-24-2006, 11:56 PM
Parent: #42
افتقدناه كثيراااااااااااااااااااااااااااااااااااااااااااااااااااااااااااااااااااااااااااااا
|
Post: #46
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-25-2006, 01:34 PM
Parent: #42
متولي....
لينا شوق وحب ممتدد عبر الاثير..
والجهاز ده مابنفع مع الزول ده لانو حركته اخطبوطية...وممكن الجهاز يرسل معلومات
مضللة..لانو خليل ده بيني وبينك شفت كبير وممكن يخرمج الدوائر الكهربائية بتاعة
المصيب الامريكاني ده...
وبمناسبة بوستك الظريف المدور..ده..
هاك النكتة دي لكن ادروب !!!
قالوا في واحد ادروب عسكري قالوا ليهو نوديك دارفور ونديك شريط..
قال ليهم مش شريط لو اديتوني مسجل ذاتتو ما ماشي!!!!
|
Post: #45
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-25-2006, 01:29 PM
Parent: #41
ود رملية...
انت كمان ما تهاجم الزول ساكت..الرجل ختي رايه بكل شجاعة وانحاز لراي الشرع..والجمال..
وخلاص مجهزين الكاستر(شرك)...بس خليل يجي!!!!!!!!!
|
Post: #44
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-25-2006, 01:27 PM
Parent: #40
سلام يا تيتاوي...
وليلينابقي طويل..ومسيخ بغياب ذلك الفتي النحيل..
والزول ده عبدالله المر مابقدر ليه...تخيل لي (صلاح دوشكا)..وطريقه العجيبة ديك
مع(كولبالي),,هي خير علاج للود خليل ده!!
|
Post: #47
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-25-2006, 01:42 PM
Parent: #44
سلام ..الدكتور..
خليل شغل البال...وعز علي ان يوجل مشواركم المبرمج الي فريق (فنغر)
ولازلنا نقرع الابواب والطبول حتي ياتي صديقنا خليل
|
Post: #48
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-29-2006, 11:48 AM
Parent: #47
لحن السبت ،،
مهداة للاخ خليل...مع رجاء المراسلة...
وحليلك...يا (كع)....ياجاسوس!!!!!
|
Post: #49
Title: Re: خليل....مسافر وين مخلينا...!!!!!!!!!
Author: الجيلى أحمد
Date: 04-29-2006, 03:28 PM
Parent: #1
كريم ,
أثبتم فشلكم فى العثور على آثار العريس الهارب,
وعليه نعلن إقالة تيم التجسس تبعكم..
|
Post: #50
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-29-2006, 04:14 PM
Parent: #49
Quote: أثبتم فشلكم فى العثور على آثار العريس الهارب,
|
لا ياجيلي..مافي فشل لا حاجة...بس ده كمين وشرك ..والتيم عارف شغلوا كويس
وعارف الحاجات البجيب الزول ده كيف.....!!!!
طبعا اخر مرة شوهد في قاعة موتمر العلماء الاجانب بالدوحة..!!!!!!!!!!
وح نديكم تقرير قريب!!!!!
|
Post: #51
Title: Re: خليل....مسافر وين مخلينا...!!!!!!!!!
Author: انعام عبد الحفيظ
Date: 04-30-2006, 05:31 AM
Parent: #1
خليل افتقدناه يظهر ثم يختفي مره تانية
انشاء الله المانع خير
شكرا عبد الكريم
مودتي واحترامي
|
Post: #52
Title: Re: خليل....مسافر وين مخلينا...!!!!!!!!!
Author: Dr. Abdalla Siddig
Date: 04-30-2006, 08:08 AM
Parent: #51
العزيز عبدالكريم
تحياتي
لازم نستعمل الخطة رقم (10) كاخر طلقة.
سنوافيكم باخر المستجدات بعد مرور 3 ساعات من البدء في تنفيذ الخطة
الود ده اخذ لية طله قبل تلاتة ايام وسلم علي بالشباك واختفي تاني
لكل من يدلي باي معلومات الف الف سلام
|
Post: #53
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-30-2006, 09:56 AM
Parent: #52
العزيزة انعام...
Quote: خليل افتقدناه يظهر ثم يختفي مره تانية
انشاء الله المانع خير
|
كل خير حسب المعلومات الواردة..لكن تقولي شنو علي قوة الراس..
|
Post: #54
Title: Re: خليل....مسافر وين مخلينا...!!!!!!!!!
Author: عبدالكريم الامين احمد
Date: 04-30-2006, 09:59 AM
Parent: #52
| Quote: لازم نستعمل الخطة رقم (10) كاخر طلقة. |
دكتورنا الغالي...
بعد ده الخطة 10 وجبت.....وياخي الزول ده مساهر بينا..
لكن ثق في قدرات فريق (خليل مشن 2)!!!
طبعا ناس خليل مشن 1..فنشناهم!!!
|
|