|
عطاء لتلميع حسين ملاسي يا بورداب الدوحة...!!!
|
عضو المنبر حسين ملاسي يا شباب زعلان ومرارتو قربت تطق وعامل جوطة كبيرة خلاص ..(كيف الله قدر بورداب الدوحة يتكلموا في بعض) وشابكين بعض (كيكي يا زهرة الاقحوان يا لون البنفسج خلف المدي) ويا ماهيتاب با سيدة نساء الدوحة يا لون قوس قزح ويا عماد عبدالله يا ريشة الابنوس وشنو شنو كده ماعارف.. ويا ودرملية يا فنان وين وين كده ما عارف...
ياخ ياجماعة براحة علي الراجل ده..وكده الزول ده حيموت ليكم (زت) وتبقوا انتوا السبب وعلقتوا ليكم( ضمة) في رقبت الباص ويرد بتاعكم..
فياخي جانا الليلة عطاء لتلميع الزول ده..وكل من يري في نفسه الكفاءة يخش طوالي في الموضوع...ياخ حرام عليكم (ادو الزول باص باصين معاكم ياخي)...
|
|
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: doma)
|
دومة مرحب بيك وحبابك كاول الزائغين من التقديم في هذا العطاء الصعب وياخ عليك الله حاولي معانا شوية في مهرجان التلميع الاسفيري بشوية دفرة ياخي عشان ما نسمع لينا بزول طقه من اعضاء المنبر ده من المغصة....
عندك فرصة تانية للتقديم...
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: doma)
|
Quote: كريم يا ولدي انا عايزه امسح مداخلاتي دي لانه لو لقاني هنا ما بجئ انا لاحظت انه ولا سلام الله ما بديني ليهو |
ياخالة دومة اركزي عوجة تب ما بتجيك مادام انتي معانا بجاي..ومداخلاتك خليها لحدي ما العطاء نلقي ليهو زول انتحاري يلمع لينا الزول ده..وبعد داك ممكن تشيليها..!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: فاروق حامد محمد)
|
Quote: فمن أهم الأشياء ذكر
المواد الطلوب استخدامها حتى يستطيع المناقصون
التقدم بعطاءاتهم وفقا لأسعار المواد !!!!!! |
مرحب الاخ فاروق العطاء مفتوح وعلي المتعهد تقديم المواد التي تناسبه في عملية التلميع ويقدمها في سوي سوي مع الاسعار وتاريخ بدء ونهاية التليمع ويجب ان تكون حسب مواصفات الايزو
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
Quote: sadly , it reveals how deep this prejudice is ingrained in my subconscious though I'm an extremely moderate muslim to the extent that I'm regarded by some as a traitor , very sad isn't it?? |
والله يا دومة اختي عندنا موروثات كده كلها prejudice و كلها جايانا
من شمال الوادي وفي أمثال بنقولها دون وعي بتخلي الواحد شكله كده
biased وهو لا يقصد ذلك مطلقا وهي كلها موروثات جهل بالآخر ...,فانا
والسيدة الجليلة (غايته كان جات وما لقتني كتبت الجليلة دي القيامة
بتقوم) حرمنا المصون معظم أصدقائنا من الأقباط والمسيحيين بشكل عام
ويبدو أن هناك قاسما مشتركا بينهم وبين حرمنا الحلبية (الجليلة)
ألا وهو الفسيخ ومشتقاته أما أنا قبل أن ألتقيها كنت صاحبهم وبمشي
الكنيسة معاهم عدييييييييييييييييل كده وبسلم على (أبونا) في يده
ولا خصاني في أي زول ...
ألا ما أجملك يا اسكندر فهمي وربنا يديك الصحة ورحمك الله يا سامي زكي ....
ياخي هيجتوا علينا المواجع وذكرتونا بالسودان الجميل ...
ولكم محبتي ....
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: doma)
|
يا صاحب العطاء
سلام
انا بلمع عمي ملاسي
مع بداية العام الجديد ارسل له دعوة لزيارة المانيا زي بقال والمعتصم حاكم وكده
يعني عم ملاسي لمن يقول اي حاجة يدخل فيها زيارته لالمانيا
تقول الجو يقول ليك الجو يا المانيا يابلاش وكنا محظوظين ايام تواجدنا بالمانيا جو ظريف
نقول الفول يقول ليك في المانيا الفول بدوه للحصين تقول العلماء يقول ليك قابل كمية من العلماء اثناء زيارته المانيا
اي شئ يربطه ليك بزيارة المانيا
اها في زول بياخد العطاء غيري
علا انت تكون مرتشي
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: saif massad ali)
|
مرحب ابو السيوف عرضك جدير بالنظر والنقاش وبخلي الواحد يفكر يجي معاهو عشان يشرف علي اجراءت التلميع وبداية الكلندر بتاع الزول ده لكن اللجنة دايرة المزيد من المعلومات عن الية التلميع الالماني واللجنة ايضا ابدت مخاوفها من فاعلية التلميع الالماني لانو صاحبنا بخرطومو دي (متلحنا) تقوم توديه لينا المانيا الا بورداب الدوحة يمشوا منبر فيلادفيا...!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
Quote: يا اخوي اولا انت ما دفعت الرسوم بتاعت العطاء دا وهي مبلغ 50 الف يورو لا ترد في حاله عدم حصولك عليه الرجاء تسديد فيمه الدبوزت اولا |
شكرا دومة شكرا علي الحرص علي الاجراءت والتنوير بمتطلبات العطاء التي افترضنا ان ود عوج الدرب له علما بها(باقي ناس المانيا ديل خترين)... واللجنة يسعدها ان تقدم لك (اوفر اسفيري) للعمل كمدير اداري وناطق باسم اللجنة (خشي في المتعهدين ديل عربي وانجليزي ولك الحق في الالماني ايضا) ..قبول العرض قد يغري الكثيرين بالتقديم لهذا العطاء .واللجنة في انتظار موافقتكم ..!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
Quote: الخالة doma... الخال فاروق... قبلنا التسوية |
الاخ عادل مرحب بيك اولا وثانيا شنو يازول عامل لينا تسويات ونيفاشا علي هامش العطاء ده ولا احم ولا دستور ... ووين حقوقنا من التسوية دي يازول...!!! علي الاقل ادونا مستشار لو القصة فيها قصر..او جزء من السلطة او الثروة اي حاجة كده المهم كشكش لينا ياخي...!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبد المنعم سليمان)
|
Quote:
ماذا عن مشاهدة الاسياد التي تبقي ويذهب هذا البوست كالزبد |
وين يا منعم ياخي(..انت وين روح يا صديق)..
واما يا منعم صديقي بعض لحظات قلائل سنذهب الي استاد خليفة الرهيب عشان نشوف العجب في حفل الافتتاح وكنا في انتظارك يازول لكن الفيك اتعرفت يا فردة..!!
و قلنا نلمع ملاسي ده شوية بمناسبة الاسياد دي..!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
إزيك يا عبد الكريم
وكل الدوحاب الطيبين السمحين
الواحد سعد سعادتين، "على وزن حبين بتاعات رابعة العدوية"
الأولى ياها السعادة البقولوها دى يعنى ومرات بكتبوها هنا برضو
والتانية سعادة جد جد، والله يا عبد الكريم ضحكت مش لما بانت نواجذى
على بالإيمان الرئتين بانو
Quote: لانو صاحبنا بخرطومو دي (متلحنا) تقوم توديه لينا المانيا الا بورداب الدوحة يمشوا منبر فيلادفيا...!!! |
ياخى سخرية ما حصلت والله
تعرف يا عبد الكريم أنا أقول ليك حاجة حتستغرب
قول لى شنو
أنا شايف أخونا حسين ده زول فنان بشكل أو بأخر
قول لى كيف
ياخى ده أكتر زول غياظ لاقانى فى الدنيا، وعنده موهبة خطيرة جدا وملكة عجيبة فى غاظة خلق الله، وبالرغم من كده إنت لا تعرف تضحك ولا تعرف تشاكله، ولو شاكلته لا بزعل ولا شى وتانى يتلايق عليك
أنا طبعا ما لاقيت ملاسى ابدا ولا شفته، يمكن حتى هنا فى المنبر ما قاعدين "نتخالت" لكين يبدو لى إنه ملاسى ده من النوع لمن تلاقيهو فيس تو فيس بتلقى زول تانى مختلف تماما عن الزول الهنا، فى ناس كتار كده
الموهبة فى إنه زول ذكى ما تشوفه كده، لكين ممكن الذكاء بتاعه يكون "ذكاء شرير" لكين المهم ذكاء، يزعلك ويغيظك وما تقدر تلقى ليك فيهو "ملكه"
التحية ليك يا عبد الكريم، وأجدد التقدير والإمتنان على السعادة الحقيقية والله
وتحية لأخونا ملاسى
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: أبوذر بابكر)
|
Quote: الأخ عبدالكريم..ماشايفك شغــــــــــال تلميـــــــــع ســــــــــاكت ! داير تضرب العطاء والتسوية كمــــــــاااااااان !! ممكن أكون رئيس لجنة فرز العطاء ؟! بعدين أنا حسين ملاسي دا مابرضة فيه ، نحن أولاد أساتذة !! |
سوري يا عادل فطيتك ياخي وده لانو صحبك شرفناو بالايزو كمان..!! وقلنا نديهو الاولية القصوي تماشيا من سياسة التلميع.. وبحضوره فاتت عليك رئاسة لجنة الفرز لاني برضو احتمال اديها ليهو..!! عموما مبروكة عليك التسوية بس حاسب من تداعياتها
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
Quote: ياخى ده أكتر زول غياظ لاقانى فى الدنيا، وعنده موهبة خطيرة جدا وملكة عجيبة فى غاظة خلق الله، وبالرغم من كده إنت لا تعرف تضحك ولا تعرف تشاكله، ولو شاكلته لا بزعل ولا شى وتانى يتلايق عليك
|
مرحب الاخ الراقي ابوذر تحياتي وربنا يديم السعادة والجمال وفعلا ملاسي اكبر زول غياظ في العالم واتخيل لي علي مدار التاريخ..ياكافي البلاء الناس دي كلها تديه في المليان ولاحياة فيما تنادي.. بس انا اختلافي مع الناس دائما اني بفتكر انو الواحد (يحتها معاهو قرض)..!! عشان لو عندو شغلة ايجابية يسويها بدل يقعد يهابش جاي وجاي..!! والغربية محمد السني دفع الله يشبكك ملاسي ظريف مع اني الممثلين ديل ماقاعد اثق في تمثليياتهم ..فعشان كده الدرش لازم يكون درش تقيل..!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
Quote: والغربية محمد السني دفع الله يشبكك ملاسي ظريف مع اني الممثلين ديل ماقاعد اثق في تمثليياتهم |
أها شفت يا عبد الكريم جاك كلامى
قلت ليك الزول ده فيهو حتة ما بطالة وأهو محمد السنى إكتشف الحتة دى، ما ما كده ما بقول ليك
لأنه طبعا زول فنان
مش ممثل بس
لأنه فى ممثلين، لكين ما فنانين
ومحمد السنى فنان ممثل
عشان كده لازم تثق فيهو
وأجدد التحية يا عبد الكريم
مبتدأ وختاما لك
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: ودرملية)
|
Quote: الزول دا انا بنزل مزادو بي "كيسين صعود وبث" .. |
مرحب يا ودرملية في مهرجان التلميع الاسفيري وكيسين صعود ما بطالة معانا لكن لازم تحدد لينا صعودك من ياتو حتة في الاول من بني محمود؟ ولا من ميرغني؟ ولا صعود بتان..(البورم الشلاليف داك)..!! عموما كل نوع ليهو درجة عشان كده خلي الاوفر بتاعك دقيق يامان..!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
شوف يا كيكي الزول الإسمو ملاسي دا (حاسد ناس الدوحة عديل كدة) وسمعنا (تحت تحت) إنو مشي أخد ليهو كورس بتاع (حسادة) من صاحبو التانى الإسمو عمر الفاروغ (بتاع السعودية)، ونحن كنا قد نوهنا في (رسالتنا المتواضعة) عن خطورة هذا الحسد، وستجد أدناه الرسالة الشهيرة وقد قلنا أنه من الممكن أن تُستَعمل (نظام ريتينزا وكدا).
وإليك نص الرسالة
Quote: الشروق في التعريف بابن الفاروغ
بسم الله الرحمن الرحيم 1. قُلْ أَعُوذُ بِرَبِّ الْفَلَقِ 2. مِن شَرِّ مَا خَلَقَ 3. وَمِن شَرِّ غَاسِقٍ إِذَا وَقَبَ 4. وَمِن شَرِّ النَّفَّاثَاتِ فِي الْعُقَدِ 5. وَمِن شَرِّ حَاسِدٍ إِذَا حَسَدَ
إسمه: هو عمر بن الفاروغ بن جلف بن أعَرْ، وجده أعَرُُ هذا من نسبت إليه قبيلة الأعراب (كمثل قولك جعلية عمراب)، وهم قومُ أجلاف أهم سماتهم الكفر والنفاق.
علمه: لم اجد فيما نظرت إليه من الكتب ما يفيد أن ابن الفاروغ أصاب شيئاً من العلم في صغره، وكل الذي وجدته هو رحيله لطلب علوم الحسد من الشيخ حسدون بن بقران، وقد ذكر بعض الذين كانوا يحضرون حلقة الشيخ بن بقران أنه أظهر نبوغاً غير عادى مما حدا بالشيخ بن بقران أن يوكل إليه تسليك الطلاب الجدد في علم الحسد، بل ذكر لي أحدهم أن الشيخ منحه الحاسدية الكبري، وهي درجة لم ينالها أحدٌ قبله ولا بعده.
مآثره : يعتبر علماء التاريخ أن إبن الفاروغ هذا هو أول من مارس الحسد والحسادة من بنى أعَرْ، ولهذا يعتبره بعض اولئك العلماء أنه المؤسس الحقيقي لهذه القبيلة خصوصاً بعد أن نافستها قبيلة بنو جبهة في الكذب والنفاق (ويقال لبني جبهة أيضاً الجبهجية وهو قول ضعيف لم نجد له سنداً في أمهات الكتب)، فأصبح النفاق ينسب لبنى جبهة حتى قيض الله لهم بعث أمجادهم علي يد الحاسد الأكبر (وهو لقب إبن الفاروغ)، فأضاف الحسد لميزات قبيلته فبزتّ كل القبائل وعاد لها مجدها التالد.
أول من تبعه من بني أعر: قيل أن أول من إتبعه هو طويلب بن هابر بن اللافح الأرزقي، وقيل أن سبب إتباعه لإبن الفاروغ أنه كا يعتقد أن العناية الإلهية قد إختارته لكي يعيد لبنى أعر مجدهم الذي اندثر بظهور بني جبهة، فبدا بممارسه الهبر واللفح ولكنه فشل فشلاً زريعاً حينما تمّ فضحه على الملأ وذلك في الزمن الذي رحل فيه ابن الفاروغ لتلقي علوم الحسد في حلقة الشيخ حسدون بن بقران، وقيل أن بنو أعر قد ألزمو طويلب بأن يلزم البيت ولا يكلم احداً، وقد كنت أظن أول الأمر أن القبيلة قد عاقبته لأن أمره انكشف، ولكنى بحثت في الأمر فظهر لي أن سبب عزله المنزلى كان لأنه اعترف بالهبر واللفح، وهذا في عرف قبيلة بنى أعر جُرْمٌ لا يغتفر لأن شرف قبيلة بنى أعر في شيئين (المغالطة والمكابرة). فلما عاد ابن الفاروغ من رحلته العلمية ظافراً وسمع بما فعله طويلب عرف على الفور أن طويلب سيكون خير عونِ له خصوصاً بعد أن طالب القبيلة بفك الحظر عنه، فأصبح طويلب مديناً لابن الفاروغ بهذا الجميل وعاهده ان يكون في خدمته مدى الدهر.
منهجه في الحسد: كان أمر منهجه في الحسد من الأمور التى أرقتنى فسهرت الليلي انقب في الكتب وأستعرض أسماء من أصابهم بسهام حسده المسمومة، فلم يفتح الله لي بشئ في هذا الجانب، حتى يئست من البحث والتنقيب، وفي يوم وبينما أنا أتجول في سوق الوراقين وقعت عينى على كتاب اسمه (الحبل المسد في شرح مختصر الحسد) لمؤلفه حسيد بن حميد الأعرابي، فسالت الوراق عن المؤلف فقال لي أن حسيد هذا هو ابن حميد احد اعوان ابن الفاروغ المقربين فنفحت الوراق ضعف ما طلبه من ثمن للكتاب وعدت الى الدار مسرعاً وصليت ركعتين شكراً لله على هذا الفتح.
كيف كُتِبَ مختصر الحسد: يقول حسيد بن حميد أن عمر بن الفاروغ هو من املي هذا الكتاب عليه في حضور والده حميد وطويلب، وقال أن ابن الفاروغ قد طرد طويلب من المجلس قبل البدء في الكتابة وانه (أي حسيد) حينما سأل ابن الفاروغ عن سبب طرده لطويلب أجابه ابن الفاروغ (اسمع منى يا بنى شر بن آدم رجلين، رجل يحسد ولا يعرف أنه يحسد ورجل يلفح ويعترف انه يلفح، وطوليب من النوع الثانى، وأشد ما أخاف أن يلفح طويلب بعض كلماتى ويدور بها في المجالس فلايفهمه الناس ويضيع هذا العلم وتطوى صفحته). ولما كان موضوع منهج ابن الفاروغ في الحسد هو شاغلي الأوحد فقد مررت على الصفحات التهمها حتى عثرت على حاشية لحسيد يذكر فيها قصة ذات مغزي انارت بصيرتي لاهتدى لمنهج ابن الفاروغ في الحسد.
ما جاء في حاشية حسيد: يقول حسيد في حاشيته على متن المختصر: أن ابن الفاروغ حينما كان صغيراً كان يلقب بين أقرانه بالأشتر، وأنه حين سأل (أي حسيد) أباه حميد عن سر هذا اللقب، قال له (أن الحاسد الأكبر ابن الفاروغ، كان هو الوحيد بين اترابه في القبيلة الذي لا يجيد شيئاً من فنون الصبية في ذلك الزمان، وأنهم حينما كانو يغنون وينشدون كان صوته نشازاً بين كل الأصوات فكان أترابه يقولون له أصمت يا أشتر، وحين لم يجد طريقه في الغناء بدأ بقرض الشعر، فوالله لم نكن ندرى ان ما يقوله لنا شعراً حتى يقول لنا هو أن ما قرأه علينا للتو هو شعر فأعتزل الشعر بعد قصيدتين، ولكن عزيمته لم تفتر فاتجه للتمثيل فما فعل أكثر من أنه مَثّل بنفسه أشنع تمثيل، ولما احسسنا أنه لا يجيد شيئاً قلنا له جرب كرة القدم فوالله يابنى لقد كان الحاسد الأكبر اشد علينا بأساً من الفرق التى كنا نتباري معها، فلما لم نجد له شيئاً نصبناه كبيراً للمشجعين، فوالله كان خير مشجع لنا فقد كنا نُهْزَمُ بالتسعة والعشرة أهداف نظيفة، وحين نجتمع مع احد مشجعي الفرق المنافسة يهزمه الحاسد الاكبر ابن الفاروغ غلاطاً ومكابرةً حتى نعتقد صادقين أننا من هزمناهم بالتسعة والعشرة ويرتد مشجعى الفرق الأخري حاسرين، ودعنى أحدثك بسرٍ يا بنى فحينما تسمع عصر الكرة الذهبية فهذا نتيجة للخلط الذي رسخته مغالطات ابن الفاروغ السرمدية في اذهان مؤرخي ذلك العصر فظنوا اننا الذين إنتصرنا في تلك المباريات. فوالله ما ذقنا طعم الهزائم الكروية إلا في غيبته لحضور حلقة الشيخ حسدون ولم نعد ندعوه بالأشتر منذ تلك اللحظة).
كيف يختار ابن الفاروغ من يحسده: الحمد لله الذي وفقنى لفهم هذه المعضلة فلولا توفيقه سبحانه وتعالي وتيسيره لي الحصول علي مختصر الحسد لما عرفت كيف يختار ابن الفاروغ محسوديه. والآن وقد تكشف لنا أمر ابن الفاروغ وحقده علي كل ذو موهبة وخصوص طائفة المغنين والممثلين والشعراء، والذين كان وجودهم في هذه الدنيا يذكره دوماً بشتارته القديمة، ولما كان ابن الفاروغ قد ورث من جده جلف كل جلافته كاملة غير منقوصة كان لا يجد لهذه الفئة من سبيل للإختلاط معها فقد كان رغم براعته في علم الحسد والتى اقر بها شيخه ابن بقران إلا ان ابن الفاروغ كان عاطلاً عن اي موهبة اخري فما زالت بقايا شتارته القديمة تظهر كلما حاول ان يتحدث عن الفنون بأنواعها، وقد أرقته تلك المسألة حتى أنه شدّ الرحال لشيخه ابن بقران ليستفتيه في تلك المسألة، فأشار له شيخه بأن يستخدم موهبته القديمة في الغلاط والمكابرة ليمارس بها حسده على تلك الفئة من الفنانين ومن تبعهم. عاد ابن الفاروغ من شيخه وقصد المقهى حيث يجتمع الفنانون والممثلون والشعراء والكتّاب، وأصبح يمارس حسده وكان يبدأ دوماً بالقول لأي من هؤلاء بعبارة أصبحت من مأثوراته وهى كيف تقول يا صاح أنك (مغنى او ممثل او شاعر او كاتب حسب المُخَاطب) وماتكتبه هو أمر عادي ولا يرقي لمستوى ما كتبه فلان وفلان وفلان)، وكما ذكرنا فهو لم يكن يعرف حتى من هو فلان وفلان ولا يفقه شئ في هذه الفنون، وكانت هذه هي مهمة طويلب الأرزقي، حيث كان يهبر ويلفح له تلك المعلومات قبل قدومه إلى المقهى، فإذا استجاب له أحد هؤلاء فيبدأ في استخدام منهجه في الغلاط السرمدى، وحين عودته يقول لطويلب (سأغالطه حتى يشك في نفسه، فإن لم يفعل فوالله لا أشغلنه حتى لا يجد له زمناُ يمارس فيه فنه فينساه الناس ولا تقوم له قائمة الى يوم الدين).
حول ما دعانا لتسطير هذا السفر: أعلم أيها القارئ أننا قوم كريمون نحب الحياة ونحب الناس وقد عشنا حياتنا ابوابنا مفتوحة وقلوبنا عامرة بالحب تجاه الآخرين، فعشنا على تلك الحالة زمناً حتى نزلت بين ظهرانينا قبيلة بنى أعر فأكرمناهم وشددنا من عضدهم، وزوجناهم من بناتنا، فلم أشتد عودهم قالوا أن هذه البلاد قد منحها لهم الرب، وهم الحاكمون ونحن العبيد، فرضينا بهذه القسمة ليس عن ضعف ولكن عن حب وطاعة للرب، فتركنا لهم امر الحكم وشرعنا نكتب ونغنى ونمثل ونكتب الشعر والأدب وننشر بين الناس المحبة، فلما جاء الحاسد الأكبر عمر بن الفاروغ فقال لقومهم (مالكم كيف تحكمون، لماذا لا يكون بينكم فنانين مثلهم)، فقالوا له (أنت تعرف أننا لا نجيد شيئاً من هذا)، فقال لهم: والله لأحسدنهم حتى لا يكون لهم شئ سوي الحزن والبكا وإنى والله لقدير على هذا. ومن يومه ذاك وفي ساعته تلك بدأ الحاسد الأكبر مهمته، وقد آليت على نفسي أن أنقب في تاريخه وآثاره حتى يعلم أهلى عدوهم، وإنى لسعيد بأن أضع هذا السفر بين يدي أهلي وعشيرتي ليكون بمثابة الرقية من حسد بنى أعر أجمعين، فمن قرأه مرة كان له بمثابة الحجاب من حسد عمر بن الفاروغ ومن والاه من بنى أعر فلا يصيبه منه شئ بإذن الله هو وأهل بيته.
تمّ بحمد الله وتوفيقه في اليوم الخامس من السنة السادسة بعد ألفين خلون من ميلاد الناطق في مهده عليه السلام.
|
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: الصادق اسماعيل)
|
Quote: إنو مشي أخد ليهو كورس بتاع (حسادة) |
مرحب الاخ الصادق بالله هو الزول ده (داقي ليها كندكة عديل كده ) وماخد فيها شهادات كمان وقطع ليها بحر مالح طيب يا خ ما تكلمونا من زمان ياخي...!!! انت عارف شهادة الحسادة دي..اللجنة ممكن تعتبرها محاولة للتلميع لانو انا عرفت تحت تحت كده انو الشهادة دي اخدوها زولين بس صاحبنا ده..واحد خواجة كده..والغريبة الخواجة مات..!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: Salma Daoud)
|
Quote: انا نازل بي حجر نار، لكن خايفو يكون حار شوية أو زي ما قال تاتاي يكون فيهو شيء من الصعوبة. |
مرحب يا دفعة معليش ياخي العطاء بتاعك يادوب اللجنة استلمتو حسي وافتكر انو من اجمل العطاءت ووجد قبول عند اللجنة...وفي اشاعة يا انور انو حيقع ليك العطاء ..!! بس نطالب انو النار تكون درجة حرارتها عالية شديد عشان الحجر يشتغل كويس..!!!
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: Salma Daoud)
|
لكي سلامي وتقديري اختي سلمي وشروطنا واضحة للمتقدم لهذا العطاء من خارج دائرة (كيوتل) ويجب علي المتقدم ان تتوافر فيه الشروط التالية... 1-ان لا يكون خطابه المنبري يطبل لسلطان دولة النميري ويتغني بامجادها واناشيدها. 2-ان لايكون خطابه المنبري يمجد دولة الدقن التحت الكاب. 3_ان لايكون قد تورط في اي تحرشات اسفيرية ضد بورداب الدوحة واخريين. 4- للجنة الحق التحري في جغرافية سكن المتقدم وقياس (+ او-) المسافة من بري. 5-للجنة الحق في التحري عن علاقة المتقدم بالهواء السائل او الهواء بانواعه العديدة. ودي شروطنا يا سلمي واللجنة عندها امل كبير انك تتجاوزيها وحتي لو ما اديناك ( Main contractor) ممكن نطلع قرار انك تكوني (subcontractor)
ولكي كل الاحترام والتقدير
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: عبدالكريم الامين احمد)
|
طيب يا سيدي الكريم عبد الكريم..
1 و 2 و 3 حاشانا وكلّانا!!!
4 ما فهمته!!
5 مافي إبن اَدم ما عنده علاقة بالهوا بجميع أنواعه وعلى اختلاف نوع العلاقة.. كان في الدوحة ولا برّاها...
المهم الموضوع كبر شديد..
أنا بس كنت عايزه أقول كلمتين..
بعد معايشة عملية و إنسانية كونت وجهة نظر... وهي إنه فهم شخصية حسين ملاسي ليس للجميع.. واكتشاف الخير "الكثير جداً" فيها.. قضية معقدة ومحفوفة بالكثير من الإحباطات وخيبات الأمل.. لكن، من يعبر منطقة المطبات سيصل إلى حقيقة واحدة.. هي أن حسين ملاسي "راجل تقدر تديهو ضهرك وانت مطمئن"* . . . *قالها أحدهم فأمنت عليها وبصمت بالعشرة!!
سلمى
| |
|
|
|
|
|
|
Re: عطاء لتلميع حسين ملاسي يا بورداب الدوحة...!!! (Re: Salma Daoud)
|
مرحب الاخت سلمي.. وعطاءك فعلا مغري وجدير بالنقاش ونشكر حضورك اولا... وضروري قبل ما نمشي لقدام نبين بنقطة الهواء الذي اتي في احدي الشروط..!! الهواء هنا ياستي وبشوية اجتهاد يمكن ان بفهم بانه (هواء مجازي) وهي مفردة مستلبة او فلنقل مستدعاة من العامية السودانيةوهي كلمة لها دلالات عميقة..(ويقال فلان هذا بجيبك ليك الهواء البارد)...وقد لا نختلف في بديهيات المعرفة بحتمية حوجة الانسان للاوكسجين (o2)تحديدا وليس الهواء في عملية التنفس ......... تلاحظ تناقض ازوداجية في المعيار في تلائم الشروط مع مقولتك الشهيرة. وبالاخص البندين 1و2 فالبند واحد و2 مربوطين ربط حقيقي ومتماسك مع خطاب حسين ملاسي الاسفيري والاثنين بسقطوا دلالات كبيرة علي اسواء التجارب السلطانية في السودان واعطي الشعب السوداني ظهره لهم باجمالي (34) سنة بعمر قد يقارب عمر رجل سوداني فاعل.... وملاسي واجهة حقيقية في هذا المنبر لتلكم الفترات الحالية والسابقة..!!! فهل نفهم تواجد انفصال ازموزي مابين الخطاب هنا وهناك... ام هو حالة قد تكون شاذة في اطار شرطي الدكتوريات الاثنين..!!! ثانيا قد لا اكون معني بفهم ملاسي بكلياته ولكن يهمني تماما خطابه هنا واحسب انه يعكس تماما قناعاته الفكرية ومرجعيته الثقافية... واري ان الكثير من فض الاشتباك ما بين نفي 1 و2 والمقولة ذات اللون الاحمر يضيق المزيد من التليمع.. ولكي فائق احتراماتي..
| |
|
|
|
|
|
|
|