بكري ابوبكر..مكتبة عديل كده....لك الف شكر ايها النبيل..!!

غمرني الاخ العالي الجمال والعطاء الكبير صاحب الاسهام التاريخي في مجمل الحراك السوداني
بكري ابوبكر بفضله هذا اليوم ..بوضع مكتبة علي موقع سودانيز اونلاين الخالد باسمي
http://www.sudaneseonline.com/cgi-bin/sdb/2bb.cgi?board=167
وهذا امرا حقا يسعدني ويضعني امام مسوؤلية كبيرة وصعبة المراس تجاه هذا الموقع الشامخ
ويحفزني علي المزيد من العطاء الذي اتمني ان اكون به مستحقا لهذا الكرم النبيل من
اخي الغالي بكري ابوبكر...
شكرا لكم جميعا اعضاء هذا المنبر دون فرز..واشكر كل قراء هذا الوطن الجميل الذي
وجدنا من خلاله مساحة للحياة السودانية الاصيلة ومنحنا الاصدقاء والصديقات ...
ولكم جميعا كل الحب والتقدير..

كيكي

تحياتي يا صديق



تستاهل وعقبالنا ..



تقديري


منعم

Quote: تستاهل وعقبالنا ..

مرحب الفردة منعم
وشكرا يا وريف وزي ما قال فيصل عباس (حتما بيننا ورافة قادمة)
وفعلا يا منعم بكري ما قصر كلو كلو وله الشكر الكبير

ياهندسة والله انا مبسوط ان لك مكتبة في هذا الاسفير ..... نحن نحبك ياكريم ونحمد لاخونا بكري انه وثق لك

Quote: نحن نحبك ياكريم ونحمد لاخونا بكري انه وثق لك

مرحب القائد ابو ماهيتاب
وانا ايضا يا بركات فخور بانني احبكم كثير وحب زي مطر الدوحة الذي يزين برزازه
هذه الايام الرائعة ونسعد اكثر ان نكون قد عشنا عصركم يا ابو ساندرا
ولك ولكل الاسرة الراقية التي اصبحت (البيت السوداني بالدوحة) لهم كل حب واحترام

مبروك يا عبد الكريم ..
بس خليها مكتبة عامة للتسليف والإستلاف بدون قروش كتيرة عشان الناس كلها تستفيد..

عبد الكريم


اها ده الوش القبيح الاخر لي ناس الدوحة


تستاهل والله ربي يزيدك

Quote: بس خليها مكتبة عامة للتسليف والإستلاف بدون قروش كتيرة عشان الناس كلها تستفيد..

مرحب يا ناذر وانشاء يباركوا ليك الوليد
طبعا الزمن ده مع اقتصاديات السوق والتجارة الحرة القصة بتكون صعبة لو بقيت بدون (فكة)..
لكن بنحاول بنخليها بسعر يادوبك يغطي التكاليف....

تخريمة..
تحت تحت كده سمعنا انك جاي الدوحة..دايرين نسمع فوق فوق لانو يا ناذر مثلك يجب
ان تستقبل في عوالي الاجواء القطرية ويعزف لك نشيد الابداع والجمال...ضروري نعرف
تاريخ جيتك يا زول هووي..!!

Quote: اها ده الوش القبيح الاخر لي ناس الدوحة تستاهل والله ربي يزيدك

اوووه سيف مساعد ...
وين انت يا زول امس بورداب الدوحة كلهم جو شايلين وشوشهم وراجينك كدددده انت ما جيت..!!
والغريبة في ناس جو شايلين اكثر من 4 وش..!! وبرضو انت كبيت الزوقة..!!
وخلاص يا سيف احنا بالطريقة دي حنعتقل قرايبك الهنا في الدوحة لحدي ما نشوف قصة الوشوش دي..
لك شكري يا سيف ومودتي الخالصة ...

عبد الكريم ...

Quote: تحت تحت كده سمعنا انك جاي الدوحة..دايرين نسمع فوق فوق لانو يا ناذر مثلك يجب ان تستقبل في عوالي الاجواء القطرية ويعزف لك نشيد الابداع والجمال...ضروري نعرف تاريخ جيتك يا زول هووي..!!

صراحة كدة سيف خوفني منكم وما فهمت الحاصل .. فالظاهر يا أجلت الزيارة ليكم يا كمان حولتها لي سلطنة عمان مع صحبي ود عكر !!

Quote: صراحة كدة سيف خوفني منكم وما فهمت الحاصل .. فالظاهر يا أجلت الزيارة ليكم يا كمان حولتها لي سلطنة عمان مع صحبي ود عكر !!

ياخ والله ناس المانيا ديل من زمن هتلراكبر ناس بتاعين لخبطة في الدنيا
المرسيدس ذاتتو كثير قاعد يلخبط في (الكتاوت)..فعشان كده صحبك ود عوج الدرب
ده اكبر لخباط في الاسافير العربية والاسافير المجاورة...وهو ذاتتو ما اثبت الموضوع..!!
انا بتفق معاهو في جزئية تعدد الوشوش
يعني بدرالدين الامير مركب وش امير كوفي
عماد عبدالله بعد مرات ببدل وش الديامي بوش بتاع زول حنكوش شامي (بياكل العصيدة بملعقة)
ابوساندرا مركب وش بيخلي الواحد يخاف يطرف في دواعيس الدوحة..(عشان ما يتخلع)..!!
منو تاني
رندا حاتم مركبة وش سعاد الصباح
ودرملية وش بتاع فنان وهو ابو النوم ما عندو..
انا ذاتي عندي يا دوب وش وشين كده..!!
فيا ناذر ياخ بطل الخرخرة ياخي وتعال عليك دينك..!!

اخي العزيز عبد الكريم


الف مبروك يا ولدنا

وتستاهل كل خير

ربنا يوفقك

تحياتي

السيد الوجيه اللمعروف باسم دلع ..........

سلام مربع

وزي ما قالوا في جنة الاطفال في اخر العام توزع نتائج الامتحان

ادوك مكتبة تكون جيت الاول كمان

مبروك

بس المكتبة دي بقروش راجع بطاقة الفيزا تبعك

لو مجاني ::: انا احتج واصرخ وانا كمان

ناس الدوحة عندكم حق لجؤ اجتماعي غير سياسي ولا عنصري

Quote: ادوك مكتبة تكون جيت الاول كمان

مرحب ياسودانية 2000 وكنت واود ان اقول لكي مرحب ياكيكي ولكن
تذكرت بانك لم تقومي بسداد رسوم (البدل)...
لذا نرحب بكي دوما اختنا المحترمة
ونقول ان الاول دوما هو الوطن الذي الهم الجميع هنا علي ارض هذا الاسفير
كل هذا الجمال والبهاء واعتقلنا سكاري بحبه امام شاشة (الاسكرين)..!!
ونسعد اكثر عندما اري مكتبة (سودانية 2000) وساعتها ساكون
اول الزائرين لها وقد لاتعلمين باني القاري الاول لاسفارك الراقية
وبكل صمت ...
هنا في الدوحة عندما يريد القطريين التعبير عن شي مميز يقولون هذا (الشي غير)..
وانا اقول حقا ان (سوداني الدوحة غير)..يعطونا جمالا وصحبة لرجال ونساء نتعلم منهم
وننهل من معرفتهم الثرة...
ولكي كل احتراماتي يا سودانية 2000

Quote: الف مبروك يا ولدنا وتستاهل كل خير

مرحب اختي الفاضلة (نانا)
وشكر لكم جيمعا اخوتي واخواتي في كورال بورداب الدوحة المتفردين
وبكم ومعكم يحلو السفر والسمر
ولكي خالص المودة علي هذا الحضور الطاغي..

يا باشمهندس كيفنك
تستاهل
انت قبل كدة قلت اي حاجة سقفها الوطن قابلة للنقاش والتضحية معا
والمنبر دة سقفه الوطن ايضا لذلك كانت مكتبتك

تخيل انني تفاجأت بمكتبة انا ايضا ولجمت المفاجأة
لساني لكرم هذا الرجل ولم اجد مفردات للتعبير

شكرا بكري
وفي انتظار حاجاتك الحلوة يا كيكي (رغم من انه انا ما من ناس الدوحة)

Quote: تخيل انني تفاجأت بمكتبة انا ايضا ولجمت المفاجأة لساني لكرم هذا الرجل ولم اجد مفردات للتعبير

مرحب باخي الدكتور طارق جبريل
ولك الشكر والتهنئة علي هذا الكرم الذي انت مستحقا له تماما بعطائك الثر
وابداعكم الذي حبب الينا هذا المكان نهرع اليه لنظلل وجداننا بجمال روحكم وثراء وجدانكم
الذي نشكر الله كثير الذي سخر لنا هذا الموقع حتي نحظي بصحبتكم هنا..
ولك في(كيكي) حق الترديد متي ما شئت فاصدقائي في الدوحة سرقوه منذ زمن بعيد
ولكن ساقاتل كثيرا من اجل ملكيته ومنحه بمل ارادتي ..
ولك كل الشكر يا طارق علي تكرمك بالحضور

الاخ الـحبيـب الـحـبوب،
عبدالكريم الامين احمد

تـحـيـة طـيـبـة،


والـف الـــف مـبـروك، وانـت تسـتاهـل يـهـدوك مكتبـة " الكونغرس الاميـريكي " ذاتهـا.


نـكرر التهـــانـي مصـحـوبة
بالامانـي الطـيـبة.

اخى عبد الكريم مبروك ، اخى لما هذه الدهشه ، من كريم الى من يستحق ، مزيد من التألق والتفرد وعقبال رئاسة الجالية.

Quote: والـف الـــف مـبـروك، وانـت تسـتاهـل يـهـدوك مكتبـة " الكونغرس الاميـريكي " ذاتهـا.

اخي الغالي بكري الصايغ
عاجز انا تماما عن تسطير احرف تليق بقدومك ولكن كل الذي استطيع قوله
شكرا لك علي هذا الكرم الراقي واسعد كثيرا عندما جل نفسي في ساحة تجمعني مع
امثالك فهو وهج الخلود حقا.. ولكم مني كل المودة والتقدير الصادق..

Quote: اخى عبد الكريم مبروك ، اخى لما هذه الدهشه ، من كريم الى من يستحق ، مزيد من التألق والتفرد وعقبال رئاسة الجالية.

مرحب باخي هجو الاقرع
ولك كل الشكر والتقدير ياهجو فهذا هو انت دوما اخا وزميلا عالي اللحن الانساني
ورئاسة الجالية دي كثيرة شديد يا هجو علي الاقل الصف طويل لسع ناس صحبك ابوساندرا
ومعتصم الطاهر والكثيرين من اهل الدوحة الموهلين حقا يتبو هذا المنصب بكل جدارة
واستحقاق ...

ظهور مكتبة في هذا الاسفير العريض يجعل مني اسافر عبر الازمنة الي علاقتي بالمكتبة
كمكان ومحتوي وجغرافية وهنا لابد من اجترار سيرة اول مكتبة تفتحت عيوننا عليها
هي مكتبة الاخوين (صلاح واحمد) المنزلية التي كانت ضاجة باسفار شتي ومتنوعة في كل مجالات
المعرفة اجزاء من الف ليلة وليلة والمغامرين الخمسة (تختخ ومحب ونوسة ولوزة وعاطف) والكلب
زنجر وبرفقة الشاويش فرقع ..بجانب كتب صغيرة الحجم ولكن غنية المحتوي عن سيرة الصحابة
واخبار غزوات الاعرب وايامهم ..ثم مجلة الصبيان والعم تنقو وابداعات لاحقا علمت بانها
للفنان شرحبيل احمد..ثم حكايات ميكي ماوس وعم بطوط والقط رعد وقصص الاسفار وبعض
القصاصات من صحف الخرطوم تحوي صور لاعبي الهلال والمريخ في ذلك الزمان..واشهر صورة
(نصر الدين عباس جكسا) وهو يقلب باكورد في علو شاهق لاحقا اصبح اسم هذه الصورة بيننا
(عشرة الف متفرج شهد تمرين الهلال اليوم) وبجانب علي قاقرين والدحيش وسانتو كمال عبدالوهاب
وبشارة (ابو اضان) ..واذكر اننا كنا نفتقد صورة (عمر احمد حسين لاعب المريخ الشهير) الذي اتمني
حتي الان ان اري له صورة....
كل ذلك الرصيد الضخم كان في منطقة نائية في الحدود السودانية اليوغندية (كايا) كيف تجمع لا ادري ولكن الشاهد انها كانت مكتبة دسمة وغنية ومفيدة لاطفال في ذلك العمر..
وسنعود..

أنت وفرتدك خليل تستحقانها

و يا لها من مكتبة

يعنى الواحد يدخل ويقرأ ويدردق من الضحك

دى عاوزة لابتوب أضى عشان ما ( نقع نتكسّر) ..

Quote: أنت وفرتدك خليل تستحقانها و يا لها من مكتبة يعنى الواحد يدخل ويقرأ ويدردق من الضحك دى عاوزة لابتوب أضى عشان ما ( نقع نتكسّر) ..

مرحب يا باشمهندش وفعلا في حضور ابو الخل الواحد ممكن يضحك لحدي
ما يدردق ويتمرمغ في التراب..
وانت ذاتك يا باش بتاع شبكة
ولعلك تذكر تلكم الطرفة النادرة التكرار عندما اندهشت انت لكون الاخ المهندس (صلاح علي)
دفعتنا في الكلية وهو رجل ضخم الجثة
وساعتها صاح احدنا (لاادري هو هو خليل ام انا)
ايوه يا معتصم
صلاح ده دفعتنا لزم لكن مشكلتو بتشاف كبير كده لا نو انصار سنة
فمات صلاح من الضحك واظن انك ايضا تضحك حتي الان
واما انا وكلما ما اذكر ذلك الموقف اضحك كما المجنون
في دورات الدوحة القلبوها اشارات دي والله يسترنا ساكت..!!

الأخ عبد الكريم لك تهنئتي الخالصة

وللأخ سيد الحوش الهمام كل الشكر

ولبورداب الدوحة كل الود

صلاح واسبة

شكرا اخي صلاح
واولا الف مرحب بك في سماوات هذا الوطن ونتمني لك اقامة سعيدة
وغنية بالعطاء والاصدقاء
ولك مني ومن اهل الدوحة كل الود والتقدير

الف مبروك حبيبى وصديقى كيكى

والله انتا تستاهل مش مكتبه بس

تستاهل منتدى لحالك

ايها الجميل النبيل سليل الادب والادباء





الى الامام اخى العزيز.....

مكتبه وبس !
دى مفروض معاها
صرح ممرد بالكلام
الجميل, والمواقف
النبيله ..
مبروك ودالأمين
الراقى .
مامون

Quote: الف مبروك حبيبى وصديقى كيكى والله انتا تستاهل مش مكتبه بس تستاهل منتدى لحالك ايها الجميل النبيل سليل الادب والادباء

مرحب بصديقي الوريف يوسف سعد
ولا زال ضياءك والقك العالي يعطر سماوات كوخنا الكائن بحي المنصورة بزيارتك الراقية
التي ادخلت في انفسنا البهجة والمسرة
فانت يا (مايا) اخا نكن اليه حبا له وقع خاص وخطوات خاصة
فكن دائما يا يوسف غيمة ممراحة تظللنا بالدهشة وتعيدنا الي الزمن الاصيل
لك تحياتي ولكل اشياؤك النبيلة التحية والتقدير يا صديقي الراقي

Quote: مكتبه وبس ! دى مفروض معاها صرح ممرد بالكلام الجميل, والمواقف النبيله .. مبروك ودالأمين الراقى . مامون

مامون صديقي الراقي
صاحب الكلمات ذات الشحنات العالية من الوهج ودعاش الوطن وصفاء وسمو الروح
وجودي بينكم انتم اخي مامون هو من يلهمني بعض البهاء من ضيائكم الثر الذي
يظلل هذا المكان ويكسوه هيبة وروح سماية السماوات
ولك مني ايادي ممتددة دوما يا صديق الذي احب..

سلامات
وعوافي
كيكي "عدوي الوفي صديقي اللدود"..
لك المحبة وبهاء الامنيات ..
لك ارفف السرادق والممرات ولك قلوبنا وعقولنا "لتكتب ونقرأ" .. لتفضح الزيف الذي غطي الازمنة .. لتغسل ارواحنا بنقاءك وصدقك ..
تستحق ياكيكي مكتبة و"صرح" ... وتستحق "صديق يحبك" ..
مبروك ياكيكي ومكتبة صادفت اهلها ..
تعمرها بالفكر والرؤى الصادقة والحكايات الاليفة ..
لي قدام يافردة جناحي التاني ..

ياسلام يا ودرملية
وحضور ودرملية هو حضور لوجدان كثيف وروح ذات طاقة ماهولة بدعاش الوطن وحب الصدق
فودرملية هو اكبر هدايا الرب في هذا الزمن الذي ندر فيه القلب الموغل في الطيبة
والحب الصادق..
فانتم يا بورداب الدوحة كورالي ونشيدي الذي يحبنني الي هذا المكان
واذهب فيه بعيد حتي يكون لي فيه ماؤي في زمن عز علينا البقاء في الوطن
لنخلق معا وطنا ملي بسودانية حقة نحلم بها كثيرا وفرسانه اعالهم صوتا
وصيتا هو لدودي ود رملية

والله تستاهل ياكرومة.. او كيكى نزولا عند رغبة الجمهور
بصراحة وبلا ردميات انت تمثل احدى المحطات والمعالم
الهامة فى هذا الفضاء واتمنى عليك ان تحافظ على هذا
الحضور المميز وتواصل العطاء الثر ..

مرحب صديقي تيتاوي
وشكر كثير يا عامر علي هذا الكرم
وانت يا صديقي من الذين حبانا الله بصحبتهم عبر هذا الفضاء
وباذن الله سوف نجتهد حتي ننعم بصحبتكم والانس الراقي في حضور الليل
والطيور الشايلة من النيل محبة والكج وعبدو حنفية تصدق يا عامر اشتاقهم
واشتاق اكثر الجمري ومتولي وخليل وتيتا وكل شلة الانس والجمال
فهل من عودة تاني..؟؟
ولك شكري ومودتي

المهندس عضو مجلس الجالية السودانية انتخابا حرا

عبدالكريم الامين يا اخو صلاح واحمد

أنت جدير بكتابتنا ناهيك عن المكتبة



تنهدات خاصة: يا اولاد الامين أنا بكل تسفارى وتنوع علاقاتى لم أرى

فى حياتى حتى الان انسان يعشق الشمارات قدر شقيقكم هذا حتى حين يقص لنا عن

الكنابى فهو ياتى بشماراتها هل تصدقوا مرة قلت له ياكيكى أنا عندى

ليك شمارات خطيرة عن والدك وتنوع اسفاره تصدقوا ترك عمله واتانى ليسمع

تلك الشمارات وحين اكتشف انى اهظر معه حكى لى شمارات عن صلاح واحمد بل وعن

والدكم

مرحب بدرالدين
وشكرا يا صديقي
والشمارات بها متعة خاصة ولها ابعاد عديدة شرط ان نتعامل معاها بايجابية
ونخضعها لمصنع شماراتي صادق...
والاصل في الشمار هي الية جمعه وشمشته ثم اخضاعه لتحليل عميق
بكل بصمت ثم ايجاد(فايل) للاحتفظ به للتامل فقط..!!
ولعل الولع بسك المعلومات هي من يعطي جامع الشمار هذا النهم الشماري
وحب المعرفة ايضا دافع اساسي لهذا الحب الاستطلاعي...
ابشرك يا بدر بانني في هذه الايام عاكف علي مباراة شمار (مدقوق) دق دقاق
وترهقني كثيرا تفاصيله المتلاحقة ولكن (سون اور لايتر) بجيب ليك خبرو
ونسوي شنو حب الشمار مذاهب..!!

كيكى

اضحكتنى حتى سيل الدمع

وياسدى شمر سواعدك عن كل شماراتك

وانا اساعدك بس خلى( رندا حاتم) على جنب



تنهدات: براى سويتو فى نفسى

Quote: تنهدات: براى سويتو فى نفسى

تاني تجيب سيرة الشمار يابدر...!!!!
خوفك ده بخلي الواحد يزيد الية الشمشة ويفعل بعض الخلايا النائمة
ويعمل لبدن..!!!
وهذه هي الية الشمار العالمي الجديد..!!
ودم صديقا هادئا بعيدا عن مراكز الشمار الكيكي تسلم

والله يا كيكى تستاهل
وفى قلب الخرطوم كمان






Exit:
Beside "Welcome! we're open" sign, write No Mallasi
otherwise, expect mallasi there 24/7 destroying books, shelves, computers, and throwing stink bumbs underneath customers' feet

Quote: والله يا كيكى تستاهل وفى قلب الخرطوم كمان

شكرا اخي الكريم ياسر طيفور
ولك كل الشكر والتقدير..وقلب الخرطوم هو وجعنا الكبير وحلمنا
الذي نتمني ان ترفرف فوقه رايات الديمقراطية والعدالة
ويكنس من الطفابيع الذين شوهو وجدان هذا البلد....
وكتب ملاسي دي انا خايف تبور لي الرفوف ياياسر بعد احلام الديمقراطية دي ياخ..!!
ودمت ايها الجميل..

إختيار جد موفق من الباشمهندس بكري أبو بكر .

لتتحفنا أخي عبد الكريم بإبداعاتك ومزيد من البذل والعطاء .

و بالتوفيق أبدا

Quote: إختيار جد موفق من الباشمهندس بكري أبو بكر . لتتحفنا أخي عبد الكريم بإبداعاتك ومزيد من البذل والعطاء .

مرحب والف شكر اختي المحترمة مي
ونشكر حضورك الطاغي الذي زين المكان وضع كلمات افتخر بها
ان جات من شخص في قامتك العالية..
وهي فرصة نهني انفسنا بقدومك الينا في هذا الوطن الراقي
الذي حتما سيزيده قدومك ابداع ودهشة
ولك كل تقدير واحترام

تكريم لاقى أصحابة .. وتستاهل يا باشمهندس
هي مفخرة لنا كل بورداب الدوحة
والمستفيد الأول ======== القارئ

ألف مبروك

الف مبروك يا كريم



وفعلا كتاباتك تستحق الجمع في مكتبة ربنا يوفقك والي المزيد المزيد المزيد من التالقوالابداع،،،،،

Quote: تكريم لاقى أصحابة .. وتستاهل يا باشمهندس هي مفخرة لنا كل بورداب الدوحة والمستفيد الأول ======== القارئ

مرحب باهل الدوحة وبحضور الاخ محمد ابو العزائم
ولك الف شكر اخي محمد
وانتم يااحبتي في الدوحة من صنعتم لنا جسدا عالي التماسك والنشيد
جذبنا الي هذا الموقع وفي رحابه التقينا لننطلق عبر رمال قطر
نبشر بريادة سودانيز اون لاين....
ونتمني ان نراك قريبا اخي محمد حتي نسعد بصحبتك البهية
(ارخي اضانك لتكريم ديوان شباك الحنين 22-12 تقريبا) فهي فرصة للتلاقي
ولك شكري ومودتي

Quote: وفعلا كتاباتك تستحق الجمع في مكتبة ربنا يوفقك والي المزيد المزيد المزيد من التالقوالابداع،،،،،

اووه
ريهان صديقتي
الف مرحب يازولة يا شايلة من النيل وهج
ومن نساء بلادي دهشة ومن عازة توب (سمح..)
لك الف شكر يا ريهان ونشكر سودانيز الذي منحني صديقة بقامة ريهان الشاذلي الريح
ولك كل شكر وتقدير

<a href="http://www.sudaneseonline.com/cgi-bin/sdb/2bb.cgi?seq=board&board=167" target="_blank">http://www.sudaneseonline.com/cgi-bin/sdb/2bb.cgi?seq=board&board=167

الاخ كيكى

مبروك لنا اولا ومن ثم لك
( حلوة( من ثم ) دى تشية كلام صاحبنا داك )

فهذا حقا شرف لنا جميعا
وانت اهل لة

ألف مبروك يا كيكي المكتبة وإن شاء الله تقطها بي بوستات العافية، ودق علوج الكيزان

ايها النقى .. الصافى كوجه النيل .. المتدفق عطاءا كموجه..

هى لك ... وانت لها ... وبين رحاب مكتبتك .. وصدق كتاباتك .. نريح مطايانا من عناء السفر

والله يا عبدالكريم كلمة مبروك شوية شديد

الحاجة الوحيده البقدر اعملها عشان تكون كلمة مبروك بتستوعب مساحاتك .. انى اكون زائره دائمة التواجد فى رحاب مكتبتك ..

بكرى فكر وفكر .. ثم قرر ..وكان قراره .. ان بورداب الدوحة هم اهل الثقة.. وهو اهل الكرم..

تسلمو ...

Quote: بكرى فكر وفكر .. ثم قرر ..وكان قراره .. ان بورداب الدوحة هم اهل الثقة.. وهو اهل الكرم..

حباب رندوك حبابك يا الزينة
جيناك عديل العفو ادينا
تشرف المكان وغردت طيور القطا بقدوم الريس رندا..
ولكن في المدي نذر احباط عندما يطل يوم غد واطوي المسافات البعيدة التي تلك
المدينة المترفة (امسعيد) واكتشف ان (رندا حاتم) لم تعد هنالك في ذلك المكتب
المترف الذي تزينه رندا بهيبتها النادرة وحضورها الطاغي...
لك كل الود والاحترام يا رندوك..

Quote: ألف مبروك يا كيكي المكتبة وإن شاء الله تقطها بي بوستات العافية، ودق علوج الكيزان

مرحب وشكرا اخي النذير
ولك كل التقدير ومعا اخي العزيز لكشف زيف الدقن التحت الكاب والافك رباط البوت...
واتمني يا النذير ان نمارس تحريض المهندس عمر بوب في امر نظم المعلومات الجغرافية
حتي تنشر المعرفة للجميع
ودمت اخا عزيزا

Quote: مبروك لنا اولا ومن ثم لك ( حلوة( من ثم ) دى تشية كلام صاحبنا داك )

صديقي الثوري معاوية الطيب
ان كان هنالك سعادة وفرح فهو وجودك الراقي بيننا ايها الفتي المدهش
وسعيد بك وبالدوحة التي جمعتنا واعطتنا صديق بقامة معاوية الطيب

هكذا
هوعطاء صادق اهله وليس صادف
وبقدر أهل الغزم تأتي العزائم ولاإندهاش
وعلى عبد الكريم قبول عطاء كريم
ودي
نورالهادي

Quote: هوعطاء صادق اهله وليس صادف وبقدر أهل الغزم تأتي العزائم ولاإندهاش وعلى عبد الكريم قبول عطاء كريم

مرحب اخي نور الهادي
والف شكر علي حضورك الزاهي
واين انت يارجل وافتقدك حقا من لقائنا الاول في ذلك الشاطي المدهش
بصحبة الاصدقاء في بورداب الدوحة
ولك مني كل مودة وتقدير

كل هذا الحكى وهذه الشخوص الحية النابضة تحتاج
فعلا ان تجمع وتوثق ..عبدالكريم كاتب مداده واقع اهلنا
فى الارياف والهامش البعيد .تأتى حكايته بسيطة سهلة
ومتمنعة صعبة على غيره ..استطاع خلال تواجده فى هذا المنبر
ان ينتنقل بنا فى الكنابى والقرى والحوارى ..ونقل لنا
صورة حية نابضة للحياة هناك ...فأحببنا كتاباته لانها
اتت معبرة عنا ولانها فتح غير مسبوق ...

شكرا بكرى وانت توثق لهذه التجربة وتقدم للثقافة السودانية
كاتب بروح جديده وبرؤية جديده ...

ودى

مرحب بصديقي محمد عبدالرحمن زينة شباب بورداب الدوحة
والدينمو الفاعل بنكران ذات حقيقي وورح مدهشة
والف شكر علي حضورك الراقي
والف مبروك لك يا صديقي انت هذه المنحة التي اهداها لك بكري عن استحقاق وجدارة
ودم صديقا واخا مدهشا وملي بالارداة والحماس..