Post: #1
Title: حمودة فتح الرحمن بطل هزار !!
Author: Ishraga Mustafa
Date: 10-02-2010, 10:43 PM
بطل الهزار ياخ.. انت روحك مابتفتر من المشاكسات الحبيبة؟ يا زول انت بى صحك؟ من يقرأ ماسطرته فى طريقى من الخرتوم والى كوستى فى الاسابيع الفائتة؟ وانطباعاتى وعيون الناس اللى بتسأل عنك؟ واشواقهم ليك ولطيبتك وجمالك؟
كدى روق وقول لينا ماشى ووين؟ مشيت ووين خليت منفاك يا سيدنا وطبيبنا ومداوينا؟ كوستى محتشدة فى ليلى.... ليل طويل يا حمودة... طويل شديد يا كبيرنا ونشيدنا العالى.... بيوتنا المتراصة فى حنية لسه بتدفىء بعض وبتستدفىء بذكراك ..... جارتنا لفحتنى آهة سؤالها... سألت طوب الواطة كلو... حمودة!!!! كوستى بتعددها وهوانها ما بتنساك ولن تفعل .. فكنت ليها الوفى.. الطبيب المهموم بناسو وبلده الطبيب اللى بجيب الحقن... الحقن ياحمودة اللى كنت بتديها تنوع وتعدد وكنت بالناس ابهانا.. ما بوجعك واحكيك لك عن حكاية الحقنة والمواطنة... خليها مستورة زى ما فضحنى دموعى ابكى منو واخلى منو؟ ........ ياعمنا.. وتضحك.. عمى كباسة يابت.. يعنى شنو كنتى فى اولى ابتدائى وانا طبيب امتياز كلها كم سنة؟ كنا بنجيك ونشكي ليك ونقريك جوابات الحبائب وتضحك... وقعتن يابنات خلاص.. ياحمودة... فى الايام الفاتت مات عادل فراشة.... وصوتو وغناهو اللى ملح بيهو ليالى المدينة.. اغنيته العجيبة دك اللى بيدأ بيها حفلات الاعراس... فى الليلة ديك... فى زول يغنو ليهو فى يوم عرسو فى الليلة ديك؟ قلت ليك مرة وقلت لى بطلى فصاحة.. عادل فراشة مات... ايوه فات وخلى حبال صوتو نعلق فيها احزاننا وذاكرة المدينة, المدينة اللى انشرت بلا خدمات اتغيرت المدينة ياحمودة... وعلى طول الطريق من الخرتوم اترصت لافتات لمشاريع وتراصت هموم الناس صفا صفا على طول الطريق يا حمودة ..... على طول الليل..كتبت عن كوستى... كوستى منفانا وغربتنا كوستى المنتظرة رفاتك ورفاتنا بالغت ياخ.... ده وكتو.... على ووين ان شاءالله؟
شوفى مرتى حلوة كيف؟ لسه شباب.... وتجلجل ضحكة مأوى ونحكى تفاصيل وحكايات والعيال كبرت ولسه انتو شباب وقلبك تمرة فؤاد الناس اللى كنت بتلاقيها هاش وباش وترجع من عيادتك وجيوبك خاوية وقلبك مليان يقين وسكينة ودعوات الناس الطيبين ونتلم فى بيتكم.. نأكل ونضحك ونغنى... ايوه... كنا بنعمل كل ده.. ونناقش فى السياسة وصندوق العدة لنسوان الحلة المتحمسات للاتحاد النسائى.. وفى الليل... ليل زمان تدق طبول المدائح وتولع نار القرآن وعمنا فتح الرحمن ختمية الطيبة والبساطة... الليل.. ليل سجن كوبر ياحمودة؟ وصمودك وصبرك وغناك العالى لبلد ( حانبنيهو اللى بنحلم بهو يوماتى) طيب... اشكى لمنو قرفى وزهجى من حالنا وانفصالنا المحتمل وقصص نيفاشا وتهورات سياسة الانفصال؟ تتذكر الحوار اللى عملتو معاك فى عام 1999..... تصدق كنت بسمع فيهو قبال ايام.. انا لسه بكدس الورق وبطمئن للكتب وريحتها.... شبكتك اللى شبكتنا فيها...
مش قلت ليك انو عمرى ماشفت ليك انسان مثقف ومتسق مع حاجاتو زيك؟ منضمة وفعل.. نشيد عالى.... ياهامتنا... يا صدرنا العالى... حرام عليك!!! ماعرفناك قاسى... ياحنون وحنان الناس اللى منتظراك..... ياحمودة.. سلام.. لعيونك المكحلات بعشق الناس والبلد سلام لروحك السامية وصادقة سلام ولهذا الليل الطويل اللعنة!!
----- انتظرنى.... فرسالتى لك لم تبدأ بعد
|
Post: #2
Title: Re: حمودة فتح الرحمن بطل هزار !!
Author: أبو ساندرا
Date: 10-02-2010, 10:47 PM
Parent: #1
رحم الله المناضل الصلب دكتور حمودة فتح الرحمن الذي عرفناه منذ أن كان طالبآ في جامعة الخرطوم يؤجج اركانها كخطيب مفوه واضح الفكرة دقيق العبارة وعرفته في القاهرة مناضلآ جعل من بيته دار لكل المعارضين يستقبلهم فيها ببشاته المعهودة وعون زوجه الأخت مأوى تاج السر التي أرجو لها الصبر وهي التي صبرت على الهجرات عرفته من حكايات الأصدقاء من كوستي الذين عرفوه طبيبآ مداويا ومناضلآ صلبآ وأخو أخوان ومقضي حاجات ومقنع كاشفات حمودة ليس كثيرآ على الموت ، لكنه خسارة فادحة ألمت بصفوف المناضلين وأحزنت الرفاق والأصدقاء وكل ذي قلب حميم ورأي سليم
نسأل الله ان يتغمده بواسع رحمته ومغفرته وأن يجعل الجنة مثواه ونسأله أن يلهم مأوى وسالي وأخوتها الصبر وحسن العزاء وأحر التعازي لهم وللأخ إبراهيم فتح الرحمن وكل الأسرة في كوستي وللأخ العزيز أيمن السر تابر وكل الأهل في حلفاية الملوك وللأخ التوم في الدوحة ولكل رافق حمودة في الحزب الشيوعي وأصدقائه الكثر وأخص منهم بالتعازي العم تيجاني الطيب والدكتور الشفيع خضر
|
Post: #3
Title: Re: حمودة فتح الرحمن بطل هزار !!
Author: Sinnary
Date: 10-03-2010, 00:00 AM
Parent: #2
الفقد واحد والحزن واحد يا إشراق في بلد تتنصل من جسدها وتهجرها الطيور الغريدة إذ يبقي اليباب
فلنغتسل بماء الدموع المالحة
21 سنة يا ام واصل 21 سنة
كيف ستنام كوستي
بعدك
يا عز رجالها
|
Post: #4
Title: Re: حمودة فتح الرحمن بطل هزار !!
Author: elsharief
Date: 10-03-2010, 00:05 AM
Parent: #3
رحيل مناضل آخر كان فى الصفوف الامامية مدافعا عن حقوق الانسان وانحيازه للأعلبية الكادحة من فقراء شعبه الى جنات الخلد المناضل حمودة فتح الرحمن
|
Post: #5
Title: Re: حمودة فتح الرحمن بطل هزار !!
Author: Rawia
Date: 10-03-2010, 00:11 AM
Parent: #4
حمودة أخونا ..أخو أخواتي كسب ثقتهن وصداقتهن لقيناهو أخو وناصح ودليل في بداية حياتنا العملية حمودة أخو أخوات وزول محترم وقلبه كبير وواعي وحكيم رحم الله حمودة وجعل الجنة مثواه
حزينة عليك ياحمودة وماكنت قايلة بنبكيك بدري كدا
|
Post: #6
Title: Re: حمودة فتح الرحمن بطل هزار !!
Author: خالد العبيد
Date: 10-03-2010, 00:19 AM
Parent: #5
حمودة ليس كثيرآ على الموت ، لكنه خسارة فادحة ألمت بصفوف المناضلين وأحزنت الرفاق والأصدقاء وكل ذي قلب حميم ورأي سليم
|
Post: #7
Title: Re: حمودة فتح الرحمن بطل هزار !!
Author: HAYDER GASIM
Date: 10-03-2010, 03:29 AM
Parent: #6
Quote: ليل طويل يا حمودة... طويل شديد يا كبيرنا ونشيدنا العالى |
يؤجج في غلبنا مثل هذا الرحيل.
فليبقى راحلنا ... كبيرنا ونشيدنا العالي.
ولنشد أحزمة الوجع بمئذر الحزن على فداحة الغياب
|
Post: #8
Title: Re: حمودة فتح الرحمن بطل هزار !!
Author: باسط المكي
Date: 10-03-2010, 03:36 AM
Parent: #7
Quote: ]ولنشد أحزمة الوجع بمئذر الحزن على فداحة الغياب |
لاحولا ولاقوة الا بالله الفقد جللل من اصلب الرجال واشرس المناضلين . لاحولا ولاقوة الا بالله الحياة مسخت
|
Post: #9
Title: Re: حمودة فتح الرحمن بطل هزار !!
Author: Salwa Seyam
Date: 10-03-2010, 06:13 AM
Parent: #8
Quote: وعرفته في القاهرة مناضلآ جعل من بيته دار لكل المعارضين يستقبلهم فيها ببشاته المعهودة وعون زوجه الأخت مأوى تاج السر التي أرجو لها الصبر وهي التي صبرت على الهجرات عرفته من حكايات الأصدقاء من كوستي الذين عرفوه طبيبآ مداويا ومناضلآ صلبآ وأخو أخوان ومقضي حاجات ومقنع كاشفات حمودة ليس كثيرآ على الموت ، لكنه خسارة فادحة ألمت بصفوف المناضلين وأحزنت الرفاق والأصدقاء وكل ذي قلب حميم ورأي سليم
نسأل الله ان يتغمده بواسع رحمته ومغفرته وأن يجعل الجنة مثواه ونسأله أن يلهم مأوى وسالي وأخوتها الصبر وحسن العزاء وأحر التعازي لهم وللأخ إبراهيم فتح الرحمن وكل الأسرة في كوستي وللأخ العزيز أيمن السر تابر وكل الأهل في حلفاية الملوك وللأخ التوم في الدوحة ولكل رافق حمودة في الحزب الشيوعي وأصدقائه الكثر |
|
Post: #10
Title: Re: حمودة فتح الرحمن بطل هزار !!
Author: الطيب شيقوق
Date: 10-03-2010, 06:20 AM
Parent: #9
نسأل الله ان يتغمده بواسع رحمته ومغفرته وأن يجعل الجنة مثواه ونسأله أن يلهم مأوى وسالي وأخوتها الصبر وحسن العزاء
|
Post: #11
Title: Re: حمودة فتح الرحمن بطل هزار !!
Author: سيف بخيت موسي
Date: 10-03-2010, 06:22 AM
Parent: #1
Quote:
مش قلت ليك انو عمرى ماشفت ليك انسان مثقف ومتسق مع حاجاتو زيك؟
منضمة وفعل..
|
اللهم ارحمه واغفر له
اللهم اجعل قبره روضة من رياض الجنة
اللهم ادخله اعلى الجنان
إنا لله وإنا إليه راجعون
حار العزاء لاهله وزملائه واصحابه
احسن الله عزاكم اخي ابراهيم فتح الرحمن
|
Post: #12
Title: Re: حمودة فتح الرحمن بطل هزار !!
Author: khatab
Date: 10-03-2010, 06:45 AM
Parent: #11
Quote:
مش قلت ليك انو عمرى ماشفت ليك انسان مثقف ومتسق مع حاجاتو زيك؟ منضمة وفعل.. نشيد عالى.... ياهامتنا... يا صدرنا العالى... حرام عليك!!! ماعرفناك قاسى... ياحنون وحنان الناس اللى منتظراك..... ياحمودة.. سلام.. لعيونك المكحلات بعشق الناس والبلد سلام لروحك السامية وصادقة سلام ولهذا الليل الطويل اللعنة!!
|
|
Post: #13
Title: Re: حمودة فتح الرحمن بطل هزار !!
Author: محمد عبد الماجد الصايم
Date: 10-03-2010, 07:20 AM
Parent: #12
إنا لله وإنا إليه راجعون تقبله الله قبولا حسنا خالص التعازي للجميع
|
Post: #14
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 07:33 AM
Parent: #12
خمس بيوت عتيقة تفصل بين بيتنا والبيت الكريم, بيت الدكتور الدكتور اللى كان بيقضى الليل يدى فى الحقن.. الحقن اللى بقت حكاية مواطنة,
ياحمودة.... هفت لى سفرية للسودان, فى زول يمشى يقعد اربعة يوم فيهم يوم ونص لكوستى؟ ناس كوستى قالوا عاوزين يحتفوا بى وانت كل احتفائها.. منك تعلمنا ياسيد العرفة والفهم والفعل المزهر تعلمنا كيف نقاوم نزعات النفس وننحاز للناس تعرف..... انت وامى حليمة مابتختلفوا كتير فى الحنان والمحنة والجمال المطلق.... بس انت مامشلخ... ايوه ياخ اضحك على دينك ووحياة الجيرة الطويلة والعشرة المابتتنسى
مشيت كوستى ياحمودة ومشيت البيت اللى اتولدت فيهو.. بيت ناس عمك- عمنا- شقيق ابينا فتح الرحمن هناك قلتو للعالم اها فكيناها فيكم... وفتحت غربة كونى خشمها وبلعتنى... فى بطن حوت الشجن لاقيتك, انت بتكون دائما فى مكان الضيق عشان بتعرف تفك درابزينو وتديهو براح وبراحات
وقفت قدام بيتكم قبل ما ارجع..قبال عشرة يوم... دى صدفة ا حمودة؟ كنت قررت ان لا تنزل دمعة من عيونى واضحك على الزمن قبال مايضحك علىّ وقفت وشفتك طالع زى بدر الناس المكتمل بالعزيمة والارادة والاصرار والعناد سمعت حاجة آمنة بتنادى... ادخلى لجوه يا بت حليمة.. امك الجميلة... ام فردة انيقة وشلوخ بتحفر فى تاريخ النساء
وضحكة مأوى, جنة ماؤاك ياسيدى, فرشت ونضفت وطبخت وريحة حنتها تقول عن عشقك للجمال شفت ابراهيم طالع وفى يدو كتب.... ابراهيم اللى علمنا القراية اعيد ليك السر اللى قلت ليك؟ من عام تسعة ستين وسنة سبعين وانا فى اول فصول العلم... بس انا دايرة اكون زى الزول اللى قرأ كلية الطب ده لكن ما دايرة اقرأ طب, دايرة اقرأ قراية نقة وفصاحة.... وكانت بداية العزيمة اللى غرستها فى قلبى ورده اراده ونار صنوبرية انت نار الصنوبر.. النار الصاحية فى كوستى وقراها ناسها وكل حيواتها الليلة بترصوا فى صفوف وبسمتك ضاوية ورأيك سديد
قدام بيتكم ياحمودة شفت البت سالى, كبرت وعرست وولدت وماشاءالله عليها شفت الوليدات اتخرجوا ونجحوا وسمعت مأوى بتزغرد واصابع كفاحها معاك مقمعة بحنة الصبر... يالصبرها.... يالصبرك... يالصبرنا العند ..... ... .
امس مانمت ياحمودة.... النوم اللى بقيت اغصب روحى عليهو واندمس فى كتفو كتفو مليان مسامير وحاجات تانية قامت شجرة الذاكره, شجرة الصنوبر واديتها روحى.. لنارها وخضرتها...
وفكيت ازرار الذاكرة ومزنت.. مزنت.. وانت مافى... كضب انت مابتفوت.. اللزيك قاعد ومتوهط قلوب الناس....
ياحمودة... الصباح هنا رمادى ومليان بالغباش وانت عارف انى منك تعلمت كيف اعيش حدىّ المدى.. واوسط الامور مابنعرفها ولا ليها يوم اعلنا انتمائنا.. ليك.. لسماحتك انحيازك للخير والجمال للعيانين للمعتقلين لى التمر اللى رميتو فى كل ارض مرت عليها وفيها نسمتك
هل لى جغمة نسيمة يا كوستى المحتشدة بالحزن؟ .... .. . اعرف انك للكل.. واعرف انك منفتح للكون ومنك اتعلمت منك اديت نفسى للدنيا العريضة ومنك....
آه منك..
|
Post: #15
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 07:49 AM
Parent: #14
يا زول يا اخضر يا صنوبرة بتديى خضرتها للناس طول العام... طول العمر قلت ليكم جنى وجن يوم شكرك مايجىء كويس انى ما استنيت يوم عويص طالع من رحم امثال غريبة
يا زول بشكرك قدامك واللى يحصل يحصل ماهى محبة الناس وصوتهم اللى ادوهو ليك الناس اللى ادت صوتها لحمودة فى انتخابات 86 من الحلال البعيدة والقرى اللى بتضويها سيرتك ويدك الممدودة بالخير وكل افعال الجمال وصراحتك ودغريتك انت قايل الناس دى بتدى صوتها بالهين؟ مهما انقهرت فالناس فى جواها جمرة وعى وانت اتقادها وتظل جذوتها ويظل الطريق... طريقك يا شيخ ياغياظ...
ماحاتمشى.. والموت محض غياب الموت حنين ابدى وضفة اقرب لىّ من رمشة صفق الذكريات
يا ابن الناس يا فانوسنا الضاوى... ا اللى مابتفوت ولا بتموت فماغرسته شادى الحيل بيغنى فى الليل وبيضوى وبيرمى ضلو لبكرة بكرة اللى اتولد من جمالك..
صباحات صحوك ياحمودة.. صباحات الحزن..
ولسة ماكتبت ليك رسالتى... لسة بدرى عليها وعلى سنوات من عمرك بين الجدران وماهنت ولا لنت ياربى كيف حال جلادك الليلة.. مرعوب.. اكيد مرعوب من عظام ركبتيك.. المساكين قايلين بتهشيمها بيكسروك.. وماكسروا الا شوكة انتمائهم للحياة الطبيعية وفضلت واقف.. وانحنى الموت ليك اجلالا..
وأهون الف مرة.... مازلت احفظها واغنيها ليك
http://www.youtube.com/watch?v=y9mGi6t54ZQ
وبكل الطرق البديعة احكيك واعيش حزنى على غيابك فالنضال عندك ابداع وعندك التزام وعندك الناس
|
Post: #17
Title: Re: حمودة فتح الرحمن بطل هزار !!
Author: wadalzain
Date: 10-03-2010, 07:58 AM
Parent: #15
هذا خبر حزين
ترجل الفارس عن صهوة جواده
أحسن الله عزاءك يا اشراقة وعزاء كل اسرته وعزاء صديقنا وزميلنا ابراهيم شقيق المرحوم
ولحمودة نبتهل لله العلى القدير أن يشمله برحمته ومغفرته فقد كان نافورة عطاء ومنبع انسانية ز
|
Post: #16
Title: Re: حمودة فتح الرحمن بطل هزار !!
Author: Masoud
Date: 10-03-2010, 07:52 AM
Parent: #14
" اعرف انك للكل.. واعرف انك منفتح للكون ومنك اتعلمت منك اديت نفسى للدنيا العريضة ومنك....
آه منك.."
رحم الله أخي حمودة و التعازي لناس السودان كلهم و ناس كوستي و المهجر.
|
Post: #18
Title: Re: حمودة فتح الرحمن بطل هزار !!
Author: أحمد الشايقي
Date: 10-03-2010, 08:22 AM
Parent: #14
أحسن الله العزاء في فقيد البلاد الدكتور حمودة فتح الرحمن
المناضل الجسور الصابر
اللهم اغفر له وارحمه واجعله من أصحاب اليمين
أحمد الشايقي
|
Post: #19
Title: Re: حمودة فتح الرحمن بطل هزار !!
Author: Khalid Kodi
Date: 10-03-2010, 08:25 AM
Parent: #18
لترقد روح محب إنسانية الانسان الدكتور حموده فتح الرحمن فى سلام.
|
Post: #20
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 09:05 AM
Parent: #19
فى حضورك وغيابك
فى حضرة قلبك الكبير بيتلموا الناس ياحمودة.. شايفهم وحاسيهم اكيد...
هل اشكرهم على غيابك؟ هل اهاتف ابراهيم وناس كوستى وهم يبكونك الآن فى كل شوارعها؟ ولا حاج التوم وبقية العقد الفريد وانت فخرهم وتاج حياتهم؟ قطعا لا استطيع ان اهاتف مأوى وان اسمع نيحبها وسنوات طويلة من الصبر والرفقة والهجرة والكتب وقراية الليل وضحكاتكم..
اكيد ما حا اقدر.. لانو.. لانو..
لو تعاملنا مع الموت باعبتاره غياب مؤقت لهانت المسألة.. لهانت قسوة الزمان..
اذن.... تعال براك وقول للناس ديل انك حبيبهم الباقى
|
Post: #21
Title: Re: حمودة فتح الرحمن بطل هزار !!
Author: قيقراوي
Date: 10-03-2010, 09:19 AM
Parent: #20
الله يا دكتورنا و حبيبنا و كبيرنا ما أشد الاسى
|
Post: #22
Title: Re: حمودة فتح الرحمن بطل هزار !!
Author: محمد المرتضى حامد
Date: 10-03-2010, 09:24 AM
Parent: #20
اللهم اغفر له وارحمه واجعله من أهل الجنة صادق تعازينا يا إشراقة لك ولرفاقه وأهله إنا لله وإنا إليه راجعون
|
Post: #23
Title: Re: حمودة فتح الرحمن بطل هزار !!
Author: عبد الحميد البرنس
Date: 10-03-2010, 09:25 AM
Parent: #20
Quote: انسان مثقف ومتسق مع حاجاتو |
رحمه الله. كان نموذجا عن حق للمثقف العضوي. وقد ظلّ محافظا على تلك الصفة حتى آخر عهدي به. واليوم يترك رحيله فراغا عظيما، ولا مراء.
|
Post: #24
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 10:59 AM
Parent: #23
شفت كيف الزول ده متسق ومتصالح مع حاجاتو اكتب يابرنس اكتب عنه
حمودة البلد الحنين
وااااااااااااااااااا حنانى عليك يا ابو سالى يا ابونا كلنا ابو وام بحر ابيض
ابو كل الناس فى زول بيمشى يخلى عيالو فى السهلة؟ حرام عليك
|
Post: #25
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 11:17 AM
Parent: #24
89 جابوا اشرس ناس الامن لكوستى كوستى دى فيها حمودة وفيها الرشيد على عمر وفيها دروب شلبى, فيها على محجوب وفيها النوالين وأثار آمال عبدالرحمن والبنات الحبيبات ديلك
فيها حمودة.. الزول ده بيعمل فى الناس شنو؟ ماشافوك وانت مدير عام مستشفى كوستى, بتقالد من حارس الباب وتباسم دى والممرضة ديك معلقة فى انسانيتك والداية ديك تهاظرها وهظارك جد, بيلمس الجد ياعزيزى يا زولة اوعك تطهرى, ولدى بس
فى اول يوليو والانقلاب جاثم على روح البلد جوا بالليل.. دائما بيجوا بالليل بدأوا بى بيبتكم مروا على بيت ناس الرشيد مشوا ناس نوال ابو ادريس وجوا بيتنا... اها انا شن غرضى يحرقوا كتبى فى نص اوضتنا المسكينة ويخلوا ابوى مهروش صدرة بازمة ما اتتحرق من كتب مالموا فينى ولموا فيك وفى عبدالمنعم, الضابط الادارى الوسيم.... كان وسيم زيك ومليان بالناس زيك ومرت سنين.. ولاقيتك فى زيارة لى فى القاهرة فى مكتبك... وهزرت وضحكتنى وكاويتنى... بقيتى ام يابت ايوه يا حمودة ام من رأسى لكرعى ... .. . وبعدين تعالى هنا... الجماعة ديل ما قالوا ليهم انتى شافعة و مفعوصة ساى.. شافعة..... والله ماشافع الا قلبك النادر صحى شن جاب لجاب.. حمودة يعتقلوه لانو الناس فى قلبه يعذبوه لانو مافى زول بحب الناس والبلد زيو انا جاينى ليه؟ مازلولة الله ىف بلد الله وانت بلد الله ياحمودة
ياخ بتبالغ.. قريب ده ماقلت لىّ... رجعتينا للقراية ام دق.. حيرتك خمسة سنين الشهادة اللى امتحنتها ياحمودة ورجعت عملت ماجستير؟ بيكون فى طب المجتمع مش؟ ما انت زول مجتمع ورابط الطب بالسياسة والاقتصاد والحب
انت سيرة بحالها ياحمودة سيرة البساطة والسماحة والطيبة
بالمناسبة ياحمودة بتعرف تتكلم انجليزى؟ كيف ترجمت الانقليزى ده للناس اللى داويتهم بلغتهم وبساطتهم؟ انت قايل الناس بتتوهط ساى لو ما حست انك منهم وفيهم؟
طيب.. تانى بطل هزار؟
انا بقيت جادة شديد وركبت وش كوكو مسكين ومغلوب على امره
كضابة مابتقدرى؟
ممكن اقدر... بعد فاتنا وشنا السمح
يا اسمحنا.. يا مداوى امراض المجتمع
----- كفكفى دمعك الهتون يا مأوى.. فلا دمع يكفى ولا مليون بحر
|
Post: #26
Title: Re: حمودة فتح الرحمن بطل هزار !!
Author: باسط المكي
Date: 10-03-2010, 11:35 AM
Parent: #25
Quote: الزول ده بيعمل فى الناس شنو؟ ماشافوك وانت مدير عام مستشفى كوستى, بتقالد من حارس الباب وتباسم دى والممرضة ديك معلقة فى انسانيتك والداية ديك تهاظرها وهظارك جد, بيلمس الجد ياعزيزى يا زولة اوعك تطهرى, ولدى بس
فى اول يوليو والانقلاب جاثم على روح البلد جوا بالليل.. دائما بيجوا بالليل بدأوا بى بيبتكم مروا على بيت ناس الرشيد مشوا ناس نوال ابو ادريس وجوا بيتنا... اها انا شن غرضى يحرقوا كتبى فى نص اوضتنا المسكينة ويخلوا ابوى مهروش صدرة بازمة ما اتتحرق من كتب مالموا فينى ولموا فيك وفى عبدالمنعم, الضابط الادارى الوسيم.... كان وسيم زيك ومليان بالناس زيك ومرت سنين.. ولاقيتك فى زيارة لى فى القاهرة فى مكتبك... وهزرت وضحكتنى وكاويتنى... بقيتى ام يابت ايوه يا حمودة ام من رأسى لكرعى ... .. . وبعدين تعالى هنا... الجماعة ديل ما قالوا ليهم انتى شافعة و مفعوصة ساى.. شافعة..... والله ماشافع الا قلبك النادر صحى شن جاب لجاب.. حمودة يعتقلوه لانو الناس فى قلبه يعذبوه لانو مافى زول بحب الناس والبلد زيو انا جاينى ليه؟ مازلولة الله ىف بلد الله وانت بلد الله ياحمودة
ياخ بتبالغ.. قريب ده ماقلت لىّ... رجعتينا للقراية ام دق.. حيرتك خمسة سنين الشهادة اللى امتحنتها ياحمودة ورجعت عملت ماجستير؟ بيكون فى طب المجتمع مش؟ ما انت زول مجتمع ورابط الطب بالسياسة والاقتصاد والحب
انت سيرة بحالها ياحمودة سيرة البساطة والسماحة والطيبة
بالمناسبة ياحمودة بتعرف تتكلم انجليزى؟ كيف ترجمت الانقليزى ده للناس اللى داويتهم بلغتهم وبساطتهم؟ انت قايل الناس بتتوهط ساى لو ما حست انك منهم وفيهم؟
طيب.. تانى بطل هزار؟
انا بقيت جادة شديد وركبت وش كوكو مسكين ومغلوب على امره
كضابة مابتقدرى؟
ممكن اقدر... بعد فاتنا وشنا السمح
يا اسمحنا.. يا مداوى امراض المجتمع
----- كفكفى دمعك الهتون يا مأوى.. فلا دمع يكفى ولا مليون بحر |
اشراقة قطعتي قلوبنا .. اتمنيت الاقيه ..قريب .. البلد فقدت نبراس وفارس حوبة نادر
|
Post: #27
Title: Re: حمودة فتح الرحمن بطل هزار !!
Author: إسماعيل التاج
Date: 10-03-2010, 11:36 AM
Parent: #25
رحيل مر آخر في الزمن اليباب.
من سيبقى ليعمر ما خربوه؟
من سيبقى؟
|
Post: #28
Title: Re: حمودة فتح الرحمن بطل هزار !!
Author: Hadeer Alzain
Date: 10-03-2010, 11:58 AM
Parent: #27
لاحولا ولاقوة الا بالله البركة فيكم يا إشراقة وفي أهله ومعارفه وفي السودان الذي فقد أحد أنبل أبنائه في المهجر لاحولا ولاقوة الا بالله
|
Post: #30
Title: Re: حمودة فتح الرحمن بطل هزار !!
Author: omer abdelsalam
Date: 10-03-2010, 01:06 PM
Parent: #28
ايام لاتنسى في حضرة الدكتور حمودةفي مدينة الرباط المغربية =======================================
في واخر التسعينات { ديسمبر 1999}حل الدكتور حمودة فتح الرحمن وحرمه بمدينة الرباط ضمن وفد من الحقوقين جاؤوا من القاهرة للمشاركة في مؤتمر نظمه البرنامج العربي لنشطاء حقوق الإنسان بعنوان { حقوق الأنسان على ابواب قرن جديد } وكان وقتها يراس المنظمة السودانية لحقوق الأنسان وكان لى الشرف لملازمة الفقيد طيلة ايام المؤتمر واجريت معه حوارا صحافيا لصحيفة الشرق الأوسط تناول فيه اوضاع حقوق الأنسان وقتها في السودان الرجل كان شعلة من النشاط وسط عمالقة من الحقوقين العرب امثال هيثم مناع وغيره وكان محل تقدبر واحترام الجميع لثبات مواقفه وانسانيته ودفاعه المستميت عن المظلومين اضف الى شخصيته الفريدة التى تتصف بالمرونة والثقافة الواسعة وابتسامته الدائمة التى كان يزيدها حلاوة بضحكته العالية كانت آخر كلماته في يوم وداعه من الرباط سانقل لك تحياتك الى شقيقتك الصحافية نجاة عبدالسلام بالقاهرة وارتقب زيارتك لنا في القاهرة افتقده منذ ذلك الحين على امل اللقاء ولكن لم يشاء القدر ان التقى مرة أخرى بهذه القامة السامقة الف رحمه ونور عليك ايها الرجل الجميل ولزوجته وابنائه نشارككم الأسى واللوعة وانا لله وانا اليه راجعون
![jsudansudansudansudansudansudansudansudansudansudansudansudansudansudansudansudansudansudansudansudansudansudansudansudan3.jpg Hosting at Sudaneseonline.com](http://www.sudaneseonline.com/uploadpic10/Augest/jsudansudansudansudansudansudansudansudansudansudansudansudansudansudansudansudansudansudansudansudansudansudansudansudan3.jpg)
|
Post: #29
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 12:01 PM
Parent: #27
Quote: البلد فقدت نبراس وفارس حوبة |
فارس حوبة واول من يدق على بابك واول من يطلع لبرة لمن الناس تقول يا ناس المرؤة حمودة كان زول مرؤة
محبوب من كل الناس من ست التسالى لست روحى امى..... حسع اقولها ليها كيف ياحمودة؟
انت امى دى كانت معاكم ياحمودة؟ سمعتها وسط الدارة حافزها انسانك
صوتن لحمودة.... مابتلقن زيهو زول وجعتنا وولدنا وروحنا ونفسنا
قلت ليك فى بيتكم ... فى القاهرة بيت الكرم, البيت المفتوح بالمحبة واصل بين يديك وبقيتى ام... حكاية والله...
ماتراك بقت جد واجمل الجدود ومأوى حبوبة صغيرة وجميلة ياجمالها يا راحل..
شوف.. بكون كضابة لو قلت ليك الفوانيس ديل بتكون انطفأت وبكون كضابة لو الراتين اللى ولعتها بزيت روحك بتنطفىء
وبكون كضابة لو انمحت خطوات الناس لبيتكم وهمتك وصولاتك وجولاتك فى قلوب الناس من حلة فلاتة ولترب (النصارى) اها...... فى رحلتنا وهجرتنا لقينا برضو - النصارى- ناس طيبين وعديلين و........
ولسة ماكتبت ليك رسالتى.. خليتها واقفة فى مدفعية افطار الديك ابو حبل خليت الحبر حرون وواقف مصلوب فى دمى طيب اكتب شنو؟ عن سجن شالا؟ عن كوبر؟ عن صمودك وصلابتك وعنادك وانحيازك للناس؟
فليبكوا... عبدالحفيظ زكى منصور واحمد حسن من غير تريب اعمار وادوار فالناس كانوا عندك سواسية ولغتك كانت لغة المحبة
ياحبيبهم... كيفنك فى الضفة الاخرى؟
|
Post: #31
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 01:36 PM
Parent: #29
Quote: حمودة ليس كثيرآ على الموت ، لكنه خسارة فادحة ألمت بصفوف المناضلين وأحزنت الرفاق والأصدقاء وكل ذي قلب حميم ورأي سليم |
![](http://www.sudaneseonline.com/uploadpic10/Augest/sudansudansudansudansudan201.jpg)
من ماعرفته مافرقت الابتسامة وجهه الطيبان زى ريحة صباح الامهات مافارقته البسمة ولا طيبة الخاطر رحيم القلب وشفوق على البعاد قبل القراب كان زول وجعة وزول مبدأ وكان متسق... متسق حد ان كوستى كانت فى صف لا ماصالحت ولن... كوستى اللى تمّ افقارها ياحموده كم من مبانى طالت واستطال حزن الناس حلتنا الوراء ديك ياحمودة على قفاها كأنها عنقريب رحيلك والسوق الصغير باعوه وقامت فيهو عمدان غريبة ما اغرب منها غير غربة الناس فى بلدهم فى ناس بقوا ثريين وكبرت كروشهم وفى ناس اسسوا للقبلية.. تصدق.. فى كوستى.. المدينة اللى شهدت تنوعنا وتعددنا طبولنا ومزاميرنا وتم تم التضامن الناس هناك مازالوا طيبين وحنين وبيلاقوك بالبشاشة بشاشتك منهم... سألتنى جارتنا... كيفنو حمودة وابراهيم سألتنى وانا ارهف سمعى علنى اسمع راديو عبدالله ابو دقن... جارنا... واصغر اعمامك ولكنى ماسمعت سوى صفير الريح وصوت بعيد بينادينى صوت من قبل اربعين عاما وانا فى اولى ابتدائى.... شوفى فستان العيد كيف فصلتو ليك عم عبدالله, يالله.... لمن كبرت بحاجج فيهو... بس الكرمبلين ده فصلوا لى زى فستان فاتن حمامة ويضحك... البت دى ماتخلوها تمشى اشلاك البوليس عند ناس عم عبدالعليم, اتوهط فى برش فرشوه لينا بطيب خاطر نحنا ناس الحلة اللى وراء.. البت دى بكرة بتقول ليك دارة جزمة ايطالية يامصطفى اخوى وعمرى ماقلتها.... والباتا كانت احنّ ..... .. .
جارتنا عارفة انو المنفى منفى ولو كان فى حلتنا فى كوستى قلت ليها ابراهيم فى بريطانيا وحمودة فى امريكا وانا فى النمسا ديل تقولى كدى زى الكوة, تندلتى والشوال نان يابتى مابعدتو المسافة...قالت باسى جيت لابساهو توب زراق
بعدنا المسافة؟!!! صدقت خالتى فاطمة.. صدق نقرابيها وصدقت عيونها وحزنها...صدقت وكضبت انا..
والليلة المسافة بعيدة وابعد... فى الخرتوم , فى الايام الفاتت اتغديت مع ناس عبدالسلام.... عرس باركت ليهو ولبسمته وضحكنا وطريناك وانت الخير اللى بينطرى كلما التقى الحبائب...
اوعك تمشى.. الحكايات دى مافى غيرك بيستوعبها مش برضو من تربيتك يا اخونا الكبير؟
|
Post: #32
Title: Re: حمودة فتح الرحمن بطل هزار !!
Author: أسامة البلال
Date: 10-03-2010, 01:52 PM
Parent: #31
لا حولا ولا قوة إلا بالله العلي العظيم
رحم الله دكتور حمودة فتح الرحمن بلة وأسكنه فسيح جناته
التعازي لأسرته بفلنت ميتشجان وللأهل بكوستي وديم القراي وطيبة الخواض في هذا الفقد الكبير
وعزاء خاص للأهل بميتشجان دكتور مالك الخير بله وآل الأسد ودكتور خالد بانقير
|
Post: #34
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 02:06 PM
Parent: #31
استعجلت ليه ياحمودة؟ ليه ما قلت سلام ومع السلامة..؟
منو اللى حا يكتب مقدمة كتابى- كتابنا- الى حبيتنا كوستى فى مئويتها معقولة؟ اكتب الليلة, وبعد كل الزمن ده
كتب وافكار وكتابات تنتظر تفتكر بلقى عمر؟ ما انا ذاتى تعبت؟ وشجر اليأس بيصحى كل يوم والتانى لمن يمشى ناسك, يمشوا الى اى ضفة كانت وضفاف الفراق عديدة والمحصلة واحدة المحصلة انو الدنيا دى مابتستحق كل العناء ده كل الكره والحقد والغبائن والغضب وجداول الغفران الملانه شوك
كل ما يولع فى قلبى نور.. كلما كتبت.. عنهم ياحمودة.. يعنى زى عادل فراشة ده يمشى ساااااااااااى من غير مانكبتو مش غنى وفرح الناس وقلت ليهو اوعى يوم عرسى تغنى لى غنا الفراق؟ ويضحك شالرستونه قابلو وتنفرّ ضلفات الفرح فى قلب ترزى حلتنا الوجيه... محمدين ابو عيسى مشى غنى بالمجان وبطيبة الخواطر ومش منو عرفوا ناس حلتنا المفصوليين من العالم زمانها.. التلفزيون الابيض باسود بنهاجر ليهو وشارلستون عادل فراشة كان بريق فى عيون البنات سألت اخوى... كيف اخبار حسن كاروشة؟ ضحك وسألنى اللى طراك ليهو شنو؟ هو انا نسيتو؟ تتذكر الرق بتاعو ولمن نعومة سافر وسافر وحبيبتو ماخلت قطر ماكسرتو؟ السفر؟ ومطارات الوداع اللى ضجت قدامنا وورانا مصطفى ذاتو فاتها الدنيا دى ونزار وآمال كنه غادة وآمنة وجدة.. وناس منسيين بيموتوا كل يوم ومافى زول بيجب خبرهم..
القطر... عاينت ليهو قبال يومن قطر طويل طالع فى رأس جبل, عاينت لتحت ولفحت وشى غمامة عبرت من النافذة اليسار لليمين شفت كيف الخيارات صعبة لمن يكون التحول من اليسار لليمين؟ يمين المال والقيل والبلد المبيوع قطنها ومويتها وحتى عطش الناس فى عام 3000
فى كوستى سألنى جارنا... فى الطريق شفتى البص اللى اتعجن والحافلة اللى اتحرقت فى ايام العيد؟ لا... شفت الحريق اللى جوايّا.. البلد كلها محروقة فى قلبى يا حمودة بلد.... ابوك نيل يابلد..
ربنا يغطى عليك يابتى وترجعى بالسلامة, حوادث الطريق كترت.. قال ود الحلة البعيدة... الانقاذ ماقصرت بس انتو مابتحمدو الله جارتنا المابتخاف ردت لهو بالصوت العالى... صوت عنج ثوريتك وحقانيتك ياولد هووووووووووووووووى, اتخارج من هنا قبال ما الفخك ماترانا بنموت كل يوم.. فى الطريق للخرتوم كانت فى درويات مرور عربات كتيرة وعساكر اكتر.... بعضهم مغلوب على امره والطريق ضييق, زى شبر شد شبيرنا ياحمودة اللى كلنا ليهو يوم لا تنفع عمارات ولا كروش ولا دولارات كلنا عيال حواء..
لا عليك ان بدت ليك لغتى ميئوس منها احيانا فانا بقاوم حصون اليأس بانو لا امل......
لكن فى امل.. لمن تشوف المرابضين والمرابضات هناك لمن تشوف احمد حسن, والجمرة متقدة فى يده وفى الطريق ولمن تشوف زكى منصور وسلوى بيدافعوا عن المساكن ومسنوديين بيك ولمن يجيك عم بقادى وتسمع بشير حماد... الناس كلهم ياحمودة.. ناس مامصنفيين سياسيا فتصنيفك كان المحبة للراعى ولغنمه ولمزماره اللى اهدانى ذات طفولة... ولسه معاى.. مزامير الناس وتواريخهم والاشواق...
طيب رد... منو اللى حايمهر مقدمة - كوستى فى مئوتها؟
مئويتها اللى اهديتها للناس المنسية..... ناسى وناسك.. ناسنا اللى فى حياتنا وانت تلفزيون عوالهم ومحنتهم...
سلام يا زين
|
Post: #33
Title: Re: حمودة فتح الرحمن بطل هزار !!
Author: عارف عفان
Date: 10-03-2010, 01:56 PM
Parent: #29
قرات عنوان البوست ودخلت والابتسامة تفرض وجودها على وجهى فكل ما يتعلق بحمودة فتح الرحمن منذ فترة الدراسة يبعث على الابتسام ..
توقعت أن اجد اصدقاء له يمارسون اجترار لذكريات قطعاً ستكون جميلة ، فحمودة الذي اعرفة جميل يحب كل ما هو جميل ...
لكنى فجعت ولا ازال اعيش لحظات الفجيعة مابين الذهول والاستيعاب ...
صعب إستيعاب واقع مؤلم نعيشه ، وليالى المنافي تزداد طولا ونبقى نحن كي نودع الفارس تلو الاخر
قدر ، مكتوب علينا عذاب فقدان الاحباء...
اللهم فقدنا عزيز علينا، هو عبدك وابن عبدك ، فارحمه بقدر ما ضحى لنا ولوطنه
اللهم آمين ..........
|
Post: #52
Title: Re: حمودة فتح الرحمن بطل هزار !!
Author: Ishraga Mustafa
Date: 10-04-2010, 09:09 AM
Parent: #19
.
|
Post: #35
Title: Re: حمودة فتح الرحمن بطل هزار !!
Author: Adil Osman
Date: 10-03-2010, 02:25 PM
Parent: #1
Quote: كان هذا محور اهتمام المؤتمر الذي عقد بمدينة الرباط بالمغرب في الفترة من 3 إلى 5 ديسمبر سنة 1999 وكان من الضروري جمع أوراق ذلك المؤتمر، والمناقشات ... وناقش حمودة فتح الرحمن مسألة نشطاء ومنظمات حقوق الإنسان في المنفى |
واستطال المنفى حتى ادركه الموت المفاجئ.
![](http://www.sudaneseonline.com/uploadpic10/Augest/img42918a6c0a1c4.jpg) رحم الله الدكتور حمودة فتح الرحمن وصبّر اسرته الصغيرة والكبيرة واصدقائه وصديقاته وصبرك يا اشراقة. ما الوطن؟ ما المناحة؟
|
Post: #36
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 04:07 PM
Parent: #35
Quote: كيف ستنام كوستي
بعدك
يا عز رجالها |
بل كيف ينام الفقراء ياسنارى؟ وعزهم رحل؟
|
Post: #37
Title: Re: حمودة فتح الرحمن بطل هزار !!
Author: بدر الدين الأمير
Date: 10-03-2010, 04:24 PM
Parent: #36
Quote: وبكل الطرق البديعة احكيك واعيش حزنى على غيابك فالنضال عندك ابداع وعندك التزام وعندك الناس |
فقدك عظيم والصبر اعظم احر التعاوى لك وللاخ الصديق ايمن تابر واسرة الفقيد
|
Post: #38
Title: Re: حمودة فتح الرحمن بطل هزار !!
Author: سليمان الرفاعي
Date: 10-03-2010, 05:59 PM
Parent: #37
فقد كبير..
إلي جنات الخلد حمودة
التعازي الحارة لأسرته وأهله وأصدقائه وللأخ الصديق إبراهيم فتح الرحمن
|
Post: #39
Title: Re: حمودة فتح الرحمن بطل هزار !!
Author: سليمان الرفاعي
Date: 10-03-2010, 05:59 PM
Parent: #37
فقد كبير..
إلي جنات الخلد حمودة
التعازي الحارة لأسرته وأهله وأصدقائه وللأخ الصديق إبراهيم فتح الرحمن
|
Post: #40
Title: Re: حمودة فتح الرحمن بطل هزار !!
Author: عثمان جلال الدين
Date: 10-03-2010, 06:02 PM
Parent: #37
ورحل رجل من الزمن الجميل نقاء وصفاء وتجرد ونكران ذات الموت حق علينا جميعاً ونسأل الله أن يسكنك يا صاحب القلب الكبير فسيح جناتة مع الصديقين والشهداء .. لك الرحمة حبيبنا ولن أنساك وقد استقريت في نفسي رمزاً للانسانية وانت تداويني ثم تعاودني في البيت وتسبقك ابتسامتك الصافية وضحكتك المجلجلة وتصف لي الوالدة التي سبقتك قبل فترة ليست بالطويلة بأن معي أفضل طبيبة وأنها قد ساهمت في اعدادك لهذا الدور.. للجميع العزاء وأحر التعازي لجميع آل الخليفة فتح الرحمن بكوستي ولإبرهيم فتح الرحمن وعبد المنعم سليمان ومباك الأمين (عم دهب) وبابكر.. ولا حول ولا قوة إلا بالله.. لكي خالص العزاء يا صاحبة القلم المموسق إشراقة مصطفى..
|
Post: #41
Title: Re: حمودة فتح الرحمن بطل هزار !!
Author: مطر قادم
Date: 10-03-2010, 06:12 PM
Parent: #40
لاحول ولاقوة الا بالله
يامنايا حومي حول الحمى واستعرضينا واستطفي كل سمح النفس بسام العشيات الوفي الحليم العف كالانسام روحاَ وسجايا اريحي الوجه والكف افتراراَ وعضايا فاذا لاقاك بالباب بشوشاَ وحفي بضمير ككتاب الله طاهر انشبي الاظفار في الاكتاف واختطفي
دكتور حموده مع السلامه ياجميل
|
Post: #42
Title: Re: حمودة فتح الرحمن بطل هزار !!
Author: nada ali
Date: 10-03-2010, 06:37 PM
Parent: #40
رحل المناضل الذى حمل على كتفيه أحزان أمّة و همومها و توقها للعدالة الاجتماعية، و تحقيق كرامة انسانها. حمل كل ذلك بصبر و أناة، و ابتسامة . الرحمة و المغفرة و الجنة لحمودة فتح الرحمن و العزاء لأسرته، خاصة الأخت مأوى و الأخ أيمن تابر، و لأهل كوستى، و لرفاق/ات نضاله فى الحزب الشيوعى السودانى و القوى السياسية الأخرى التى تعمل لأجل غد أفضل لبلادنا.
و النضال مستمر
ندى
|
Post: #43
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 07:04 PM
Parent: #42
العيادة مزدحمة مليان ناس من كل لون ونوع بالمجان ايوه بالمجان فى زمن ياحمودة صارت فيهو مهنة الطب جزارة ضائع فيها الماسك جمرة الناس زيك كل شىء اتغيير وفضلت ذكراك ريحة قهوة صباحية بخور تيمان وصندل وسنط
يوم يكون عندو قورش بيوزعها للتعابى الجاينو من الحلال البعيدة يوصلك بعربيتو ويهديك الامان
حمودة كان ويظل انسان نادر ماتلقى زيو
|
Post: #44
Title: Re: حمودة فتح الرحمن بطل هزار !!
Author: محاسن أحمد محمد
Date: 10-03-2010, 07:20 PM
Parent: #42
![62962_439765368822_752018822_5386983_6760536_n.jpeg Hosting at Sudaneseonline.com](http://www.sudaneseonline.com/uploadpic10/Augest/62962_439765368822_752018822_5386983_6760536_n.jpeg)
الم وحسره وخوف....... اين انته الان ليتنا نعلم انك ذاهب بلا عوده يا دكتور حموده لكى نودعك وداعا يليق بك ايها الرفيق الحبيب
العزاء للاسره والاهل والاصدقاء
|
Post: #46
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 07:44 PM
Parent: #45
فوق مطايا.....
البيت العجيب جوه اجتماعات مدوره.. فى الزمن الصعب وقاسى فى زمن الصلف العسكرى كان البيت داك مفتوح بيت الخليفة فتح الرحمن
وفوق مطايا.. اى جنون يخرجنى من الاجتماع لاراقب هدهدة المداحيين ودموع ابونا الخليفة كيف لذلك البيت هذا التصالح وهذا الحنان....
http://www.youtube.com/watch?v=TkvCrMwn1yE
|
Post: #47
Title: Re: حمودة فتح الرحمن بطل هزار !!
Author: Imad Khalifa
Date: 10-03-2010, 07:48 PM
Parent: #46
للفقيد الرحمة والمغفرة صادق التعازي لك ولاسرته ورفاقه واصدقاءه وزملائه "انا لله وانا اليه راجعون"
|
Post: #48
Title: Re: حمودة فتح الرحمن بطل هزار !!
Author: بكرى ابوبكر
Date: 10-03-2010, 07:51 PM
Parent: #47
البركة فيكم يا دكتورة رحيل حمودة المنى كثيرا..... انت يا اشراقة ليه الناس السمحين برحلوا بسرعة والناس المارضننا ما بمرضوا ولا بفوتوا!!!!!!
|
Post: #49
Title: Re: حمودة فتح الرحمن بطل هزار !!
Author: ihsan fagiri
Date: 10-03-2010, 07:56 PM
Parent: #1
والله يا اشراقه ما عارفه اقول شنو ولا شنو بس الدايم الله
|
Post: #50
Title: Re: حمودة فتح الرحمن بطل هزار !!
Author: Ishraga Mustafa
Date: 10-03-2010, 08:02 PM
Parent: #49
قلت ليك حا اعيش حزنى بطريقة ليك بتنتمى مبدع حقيقى كنت والكتب الكبيرة ديك واشرطة الموسيقى ماغيرت لغتك وذادتك انفتاحا على الناس وعوالهم
حاجة حواء - قادت بجعات روحك (لكسارة البندق) ولا العكس؟
ده سؤال عجيب مش؟ من متين انت بتفصل بن الفنون والابداع وقضايا الناس؟
تجىء نسمع....
http://www.youtube.com/watch?v=nM0qsXG1H8A&feature=related
نسمع ومعانا حاجة حواء وناغمهم كلهم... ناسك, ناسى البسيطين زى موية روحك
انت سامعنى ولا اتعلمت الدغالة على بياض شعرك؟ مأوى... زولك ده مالو؟ الكزيهو... قولى ليهو ناسك هنا..
|
Post: #51
Title: Re: حمودة فتح الرحمن بطل هزار !!
Author: HAYDER GASIM
Date: 10-04-2010, 01:54 AM
Parent: #50
Quote: انت يا اشراقة ليه الناس السمحين برحلوا بسرعة والناس المارضننا ما بمرضوا ولا بفوتوا!!!!!! |
أسع أي زول من { المارضننا } ديل إموت, ها يطلع أجمل وأصح زول ... وفي بوردك ده يا بكري
في كل الأحوال ... الموت حق, وكلها مسألة زمن.
... فالله إدينا خيرا.
ما تزال الأوجاع ترسل مجاديفها على بحر الأحزان ... بغياب حمودة ... لا إله إلا الله
|
Post: #53
Title: Re: حمودة فتح الرحمن بطل هزار !!
Author: Tragie Mustafa
Date: 10-04-2010, 03:36 PM
Parent: #51
ربنا يصبرك يا اشراقه ويصبر اسرته و زوجته وكل اصدقائه ورفاق حزبه.
بكته المدينه بصدق وبكاهوا اصدقائه بكل المنافي و الوطن رجلا و الرجال قليل.
ربنا يهبكم جيمعا يا اشراقه الصبر و السلوان. وصادق التعازي لابنته سالي عضوة البورد واخو زوجته ايمن تابر.
انا لله وانا اليه راجعون.
|
Post: #54
Title: Re: حمودة فتح الرحمن بطل هزار !!
Author: Ishraga Mustafa
Date: 10-05-2010, 01:26 PM
Parent: #53
Quote: بكته المدينه بصدق وبكاهوا اصدقائه بكل المنافي و الوطن رجلا و الرجال قليل. |
وبكن العاملات فى مستشفى كوستى بكن عطفه وحنيته بكن وقفته معهن ومع حقوقهن بكن مساعدته لهن فى دغش الرحمن يساعدهن فى النطافة وصحن البوش, مليان بفول المحبة وخبز القلوب الطيبة كان ويظل حمودة قمح الناس وحقول حياتهم الراشة خيرها للارض
شفتى ليك مدير مستشفى بيعلن انحيازو عمليا للناس التحت يا تراجى؟
كان حمودة.. فقد واى فقد
دمع واى دمع وليل فيينا يشهد وانى اشهدك والعالم بان الذى مضى للضفة الاخرى كان انسانا كان درة الانسانية
العزاء انه فى يد ارحم الراحمين فتولاه ياربى, يا سيدى ومولاى برحمتك بقدر مامنح الناس حنية
|
Post: #55
Title: Re: حمودة فتح الرحمن بطل هزار !!
Author: خضر حسين خليل
Date: 10-05-2010, 07:48 PM
Parent: #54
تعازيي الحارة ياصديقة لك ولاسرة الراحل واصدقائه وصديقاته ومعارفه شدي حيلك ياصديقة
|
Post: #56
Title: Re: حمودة فتح الرحمن بطل هزار !!
Author: Ishraga Mustafa
Date: 10-05-2010, 08:55 PM
Parent: #55
Quote: ليه الناس السمحين برحلوا بسرعة والناس المارضننا ما بمرضوا ولا بفوتوا!!!!!! |
كلنا على الدرب مسألة زمن وتؤقيت
ولكن... ليست من سماحة كتلك التى تعرف حمودة
لك الرحمة بقدر محبتك لعمل الخير
|
Post: #57
Title: Re: حمودة فتح الرحمن بطل هزار !!
Author: محجوب حسن حماد
Date: 10-05-2010, 09:27 PM
Parent: #56
|
Post: #58
Title: Re: حمودة فتح الرحمن بطل هزار !!
Author: محسن عبدالقادر
Date: 10-05-2010, 10:07 PM
Parent: #57
كلما ارفع تمام استعداد كلماتي للتداخل معكم احجم وأقول لا مافي داعي عارفة لي يا اشراقة لأني بحس اني حا اقطع عليكم ونستكم الدقاقة انت ودكتور حمودة ..
|
Post: #59
Title: Re: حمودة فتح الرحمن بطل هزار !!
Author: عبد الحفيظ عباس
Date: 10-06-2010, 00:13 AM
Parent: #58
إنا لله وإنا إليه راجعون
مال هذا العام يحتويني حزنا
فرحلت عنا والدتي ( رقية ) مدار حياتي والأن رحل حمودة رفيق درب النضال طوال أعوام مضت لكم العزاء مأوى وسالي وسفانا لكم العزاء إبراهيم وعبدالباقي والأخرين لك العزاء كوستي ولنا الصبر يا إشراقة ومحسن والبرنس
|
Post: #60
Title: Re: حمودة فتح الرحمن بطل هزار !!
Author: esam gabralla
Date: 10-06-2010, 10:51 PM
Parent: #59
و العابر هذا الشارع مرتاح البال لم يسمع بعد بالنبأ الفاجع و الذائع بين الناس
حموده مات
|
Post: #61
Title: Re: حمودة فتح الرحمن بطل هزار !!
Author: Ishraga Mustafa
Date: 10-07-2010, 07:20 AM
Parent: #60
انه صباح حزين آخر يا حمودة
بالامس رحلت الى ضفتكم خادم الله سيد احمد هى تعرف بنفسها ولا تعرف ببناتها الباسلات واولادها النخل
تعرف بذاتها وصمودها وجبروت عقلها المنحاز للحياة
بهية القلب بطرفكم فى يد ارحم الراحمين
لقد عادت لقواعد ضفتكم سالمة, فاكثر الذين يحبون الدنيا هناك والموت نقاد... منقاره المحدب طال مداك ومداها
فهل ينساك الناس؟ وهل ننسى خادم الله؟ العمة والخالة وست البيت الوسيع بالمعارف والشعر والحوارات الهادفة؟ ماذا كنت ساكون ياحمودة لولاكم؟ محض مخ فاضى!!! محض ضياع!!!!
ان ابتسامة عمر تشرق الآن فى روحى ونوال تشرق روحها مودعة امها الجميلة خادم الله وعبدالسلام؟ ان انت يا صديقنا الذى رحل الى بلاد الله الواسعة؟ وكمال؟ ومحمد على؟ ليتنى التقيكم الآن... ليتنى ابكى زمنا راح دونكم.. كل زمن مضى من عمرى ضائع ان غبتم عن سنواته وايامه لا يا حبائبى.. كنتم وستظلون ابناء لاجمل ام وستظل نوال منال البساطة والجمال والمحبة
وتظل انت ياحمودة تجمع الناس حتى فى غقابك ... واى غياب
ونلتقى يا اجمل الاصدقاء يا ارق الاشقاء نلتقى يا ابا سالى وحبيبها
فحكايتنا لم تبدأ بعد.... حكيتك ليلة امس كثيرا بعد ان تقلبت على فراش الاسئلة وجبروتها وتركت لدموعى عنان شجن الاجابات العنيدة وصوت عوض قمر يعزينى من بلاد الله
ان كنت كتبت بعض مايجيش بخواطركم ياعوض وبعض من حزنكم..... سا أفك اكمام دمعى واعلقها على مشاجب الغياب الغياب اقرب الى ضفتنا من ضفتهم
هنا الغياب وهناك الحضور الطاغى.. حيث يبتسم حمودة الآن وحيث تحكى شلوخ خادم الله عن تاريخ يشدنى الآن من جرايد نخلات روحى
انتم بعض روحى بل كلها.. والجمرة التى تبقى متقدة فى عقلى
صباح الخير ياحمودة يسعد صباحك يا عمة
|
Post: #63
Title: Re: حمودة فتح الرحمن بطل هزار !!
Author: هواري نمر
Date: 10-07-2010, 08:07 AM
Parent: #62
Quote: انه صباح حزين آخر يا حمودة
بالامس رحلت الى ضفتكم خادم الله سيد احمد هى تعرف بنفسها ولا تعرف ببناتها الباسلات واولادها النخل
تعرف بذاتها وصمودها وجبروت عقلها المنحاز للحياة
بهية القلب بطرفكم فى يد ارحم الراحمين
لقد عادت لقواعد ضفتكم سالمة, فاكثر الذين يحبون الدنيا هناك والموت نقاد... منقاره المحدب طال مداك ومداها
فهل ينساك الناس؟ وهل ننسى خادم الله؟ العمة والخالة وست البيت الوسيع بالمعارف والشعر والحوارات الهادفة؟ ماذا كنت ساكون ياحمودة لولاكم؟ محض مخ فاضى!!! محض ضياع!!!!
ان ابتسامة عمر تشرق الآن فى روحى ونوال تشرق روحها مودعة امها الجميلة خادم الله وعبدالسلام؟ ان انت يا صديقنا الذى رحل الى بلاد الله الواسعة؟ وكمال؟ ومحمد على؟ ليتنى التقيكم الآن... ليتنى ابكى زمنا راح دونكم.. كل زمن مضى من عمرى ضائع ان غبتم عن سنواته وايامه لا يا حبائبى.. كنتم وستظلون ابناء لاجمل ام وستظل نوال منال البساطة والجمال والمحبة
وتظل انت ياحمودة تجمع الناس حتى فى غقابك ... واى غياب
ونلتقى يا اجمل الاصدقاء يا ارق الاشقاء نلتقى يا ابا سالى وحبيبها
فحكايتنا لم تبدأ بعد.... حكيتك ليلة امس كثيرا بعد ان تقلبت على فراش الاسئلة وجبروتها وتركت لدموعى عنان شجن الاجابات العنيدة وصوت عوض قمر يعزينى من بلاد الله
ان كنت كتبت بعض مايجيش بخواطركم ياعوض وبعض من حزنكم..... سا أفك اكمام دمعى واعلقها على مشاجب الغياب الغياب اقرب الى ضفتنا من ضفتهم
هنا الغياب وهناك الحضور الطاغى.. حيث يبتسم حمودة الآن وحيث تحكى شلوخ خادم الله عن تاريخ يشدنى الآن من جرايد نخلات روحى
انتم بعض روحى بل كلها.. والجمرة التى تبقى متقدة فى عقلى
صباح الخير ياحمودة يسعد صباحك يا عمة |
أما آن لهذا الحُزن أن يتوقف؟؟ لهما الرحمة و المغفرة و لكِ حسن العزاء يا للفقد و يا للحزن وداعاً حمودة وداعاً الي جنات الخُلد ....
|
Post: #64
Title: Re: حمودة فتح الرحمن بطل هزار !!
Author: Ishraga Mustafa
Date: 10-08-2010, 01:25 PM
Parent: #63
Quote: أما آن لهذا الحُزن أن يتوقف؟؟
|
|
|