مسادير يا أهل المسادير//(3)..................

Post: #1
Title: مسادير يا أهل المسادير//(3)..................
Author: munswor almophtah
Date: 01-08-2012, 00:19 AM

البلد المجوبكه بالمحن مخجوجه
وموية نيلها ذاتها من الكنيف مخموجه
الروح فى الحلق حرقانه باقى خروجه
وناس هولاكو واقف فوقا شايل كوجه

منصور

Post: #2
Title: Re: مسادير يا أهل المسادير//(3)..................
Author: awad okasha
Date: 01-08-2012, 04:53 AM
Parent: #1

الحال العلينا يعلمبو رب الكون ..
الوطن انقسم وفقدنا اولاد جون ..
القرش إنمحق وما مكفيه المليون ..
وحكومة السجم قاطعاها يد العون ..
********************
بُكره الحال بغيرو شعبنا المغبون ..
شعباً ثورتو موضوعا تب مضمون ..
تزغرد امُهاتنا ويفرحو الجنّون ..
وينال عقابو كُل من عمل فرعون ..

Post: #3
Title: Re: مسادير يا أهل المسادير//(3)..................
Author: سلمى الشيخ سلامة
Date: 01-08-2012, 02:21 PM
Parent: #2

راجين الكريم يفش غبينتنا
من ناسا مكجنا لرفاهتنا
باكر تنصلح احوالا امتنا
ونرفع للامل ان عشنا هامتنا

المفتاح ازيك ومال عدوك مقاطعنا
مشتاقين كتير لكلامك الزين يعلمنا
معنى الوطن والحال الكم مؤلمنا
ونسلم عليك وعلى وليداتنا

Post: #4
Title: Re: مسادير يا أهل المسادير//(3)..................
Author: أمير فتحي
Date: 01-08-2012, 02:40 PM
Parent: #3

البلد الزهت رغم البكيدو وخانو
فارسها الصنيديد كالجبل في بكانو
سامها رويحتو شان صون الوطن وأركانو
ثابت ترسو تب راكز مع أخوانو

Post: #6
Title: Re: مسادير يا أهل المسادير//(3)..................
Author: أمير فتحي
Date: 01-08-2012, 02:48 PM
Parent: #4

يوم قلنا البلاد كانت حداها موامره
كتار الكضبونا وصنفوها مشاتره
سلفا وبنيامين قالوها علني وحاضره
من بدري العلاقات كانت متينه وعامره

Post: #10
Title: Re: مسادير يا أهل المسادير//(3)..................
Author: munswor almophtah
Date: 01-08-2012, 10:25 PM
Parent: #4

البلد الزهت رغم البكيدو وخانو
فارسها الصنيديد كالجبل في بكانو
سامها رويحتو شان صون الوطن وأركانو
ثابت ترسو تب راكز مع أخوانو

راكوبة الخريف الفيها داك عارفنو
والأسد العجوز من القرود داسنو
البلد إنقسم شفناهو ناس شايلنو
زى مولود جديد من أمو ديك حاجرنو

منصور

Post: #5
Title: Re: مسادير يا أهل المسادير//(3)..................
Author: nazar hussien
Date: 01-08-2012, 02:42 PM
Parent: #3

البلد البخاف من الكمر والصورة
اللابتوب واليوتيوب بقت محظورة

حزن النيل علي الحالة البقت مأسورة
في الفاشر تتاجر يركبوك ماسورة

Post: #11
Title: Re: مسادير يا أهل المسادير//(3)..................
Author: munswor almophtah
Date: 01-08-2012, 10:55 PM
Parent: #5

البلد البخاف من الكمر والصورة
اللابتوب واليوتيوب بقت محظورة

حزن النيل علي الحالة البقت مأسورة
في الفاشر تتاجر يركبوك ماسورة

مى بلد النعام العاليه زاهيه قصوره
ويات من قام بروس سوالو كم مقصوره
حزن النيل على الباعوها دون فاتوره
حزنو كمان كتير لى الفاشر الأسطوره

منصور

Post: #9
Title: Re: مسادير يا أهل المسادير//(3)..................
Author: munswor almophtah
Date: 01-08-2012, 10:03 PM
Parent: #3

راجين الكريم يفش غبينتنا
من ناسا مكجنا لرفاهتنا
باكر تنصلح احوالا امتنا
ونرفع للامل ان عشنا هامتنا

المفتاح ازيك ومال عدوك مقاطعنا
مشتاقين كتير لكلامك الزين يعلمنا
معنى الوطن والحال الكم مؤلمنا
ونسلم عليك وعلى وليداتنا

المن الكريم يا سلمى ما بناباهو
لكين الوجع من الفقدنا نباهو
القمرى كان غناى سمعنا نباحو
حتى النوم كمل والناس تكوسو يحاحو

منصور

Post: #167
Title: Re: مسادير يا أهل المسادير//(3)..................
Author: بشرى مبارك ود السقاى
Date: 10-02-2012, 04:00 PM
Parent: #3

مرحب بيك أخى منصور ولاشك أنك من رواد المسادير وإن إفتقدناك (فى منتدى السروراب فى تانى تحية ) فلا بأس أن نتواصل معك هنا :

حال البلد ما بتوصف بى كتابه
وما كانت موفقة الدخله بالدبابه
عرابه الترابى أصبح يكويس لى بابه
مره فى السجن وكتحولو خشمو خشمو ترابه
أولادو الزمان تلاميذو الصغار والدنيا جد غلابة

******************************************
عجييب أمر السياسه يحكمناحزباً واحد
وليه ما يدو فرصه يحكمنا عبدالواحد
شاحد المولى الكريم والغيرو تب ما شاحد
كل ظالم بلادو وكل غاش لى عبادو يشهد عليهو الشاهد
ويحكنا الامين يحكمنا القوى والعدل العدل أقوى الساعد

Post: #8
Title: Re: مسادير يا أهل المسادير//(3)..................
Author: munswor almophtah
Date: 01-08-2012, 09:50 PM
Parent: #2

الحال العلينا يعلمبو رب الكون ..
الوطن انقسم وفقدنا اولاد جون ..
القرش إنمحق وما مكفيه المليون ..
وحكومة السجم قاطعاها يد العون ..
********************
بُكره الحال بغيرو شعبنا المغبون ..
شعباً ثورتو موضوعا تب مضمون ..
تزغرد امُهاتنا ويفرحو الجنّون ..
وينال عقابو كُل من عمل فرعون ..

يا زول البلد ورثوها زى إرما
ورثو مصواراتا ورثوهو داك هرما
شبعان كان جرادا ومتلو كان بهما
وكان خريمها وافر والعجب برما

منصور

Post: #313
Title: Re: مسادير يا أهل المسادير//(3)..................
Author: almulaomar
Date: 12-25-2013, 11:07 AM
Parent: #8

ماني شغيل بيوت بعقب بحل الصره
وما بتبن الجاره واخون الحره
بازل مالي للازمني واقف بره
وسايم روحي لليوم البقولو مشره
(ده شغل ناس البطانه)

ودشوراني المرغومابي قال :
يا ياقوتة الحضري الحضارمي زبونك
عازة وغالية طلعن في التريا تمونك
يا تمرة كريمة القاد سبيط عرجونك
إنكال بالجمال لامن دفق ماعونك

====
المنصور ، الشكيه لي أب إيدن قويه ، تاني داير تخلينا نتمولص ونركز للبطان

Post: #7
Title: Re: مسادير يا أهل المسادير//(3)..................
Author: عمر صديق
Date: 01-08-2012, 04:04 PM
Parent: #1

Quote: لبلد المجوبكه بالمحن مخجوجه
وموية نيلها ذاتها من الكنيف مخموجه
الروح فى الحلق حرقانه باقى خروجه
وناس هولاكو واقف فوقا شايل كوجه

محن البلد بي خيوط العنكبوت منسوجة
وموية نيلها ترجع صافية مي مخجوجة
وقت الروح مخير سيدها عندو خروجة
ناس هولاكو موتم اخف من فروجة

Post: #12
Title: Re: مسادير يا أهل المسادير//(3)..................
Author: munswor almophtah
Date: 01-08-2012, 11:14 PM
Parent: #7

بندورا محفله والعين تكون مدعوجه
وبندور نيلا صافى وجيدا مى معووجه
بندور التتر زى ما أستباحو زنوجه
يمضغم الهلاك ويبلع عقابهم موجه

منصور

Post: #13
Title: Re: مسادير يا أهل المسادير//(3)..................
Author: عمر صديق
Date: 01-09-2012, 00:50 AM
Parent: #12

بي سواعدنا نحن يكون بلادنا خروجا
من ذل الفتن وايضا ضرورات حوجا
زرعولنا الضغائن وبقت الامور ممجوجا
نحن جموعنا واحدة بعروبتا وبزنوجا

Post: #14
Title: Re: مسادير يا أهل المسادير//(3)..................
Author: munswor almophtah
Date: 01-09-2012, 12:08 PM
Parent: #13

ملينا الوعود خطب الكلام ممجوجه
وحاربينا الدليل وكت الشراك مكجوجه
قالولنا البلاد عند الدول مدروجه
لا تقدر تبيع لا مروه تسقى مروجه

منصور

Post: #15
Title: Re: مسادير يا أهل المسادير//(3)..................
Author: عماد حسين
Date: 01-09-2012, 12:31 PM
Parent: #14

الحال بنصلح، وربك بزيل الكُـربة
ونتلملم جميع، حتى البعيد في الغربة
إن صفت النفوس، والعقلا خلوا الحربة
بتنعدل البلد، وتصبح جميع منطربة

عماد

Post: #16
Title: Re: مسادير يا أهل المسادير//(3)..................
Author: munswor almophtah
Date: 01-10-2012, 10:30 AM
Parent: #15

الحال يا عماد داير أمانه ودربه
وداير ناس رجال مو ناس نفخ فى قربه
الخم والفساد بندورو تب ما يربا
وما بندور هلس لا ناس رقيص لا شربه

منصور

Post: #17
Title: Re: مسادير يا أهل المسادير//(3)..................
Author: أحمد الشايقي
Date: 01-10-2012, 12:01 PM
Parent: #16

Quote:
راكوبة الخريف الفيها داك عارفنو
والأسد العجوز من القرود داسنو
البلد إنقسم شفناهو ناس شايلنو
زى مولود جديد من أمو ديك حاجرنو

راكوبة الخريف في الطرفة مي مشكورة

عافتنا البنادر والدروب محجـورة

أطـراف البلاد منقوصـة جات محدورة

أمريكان هناك لعبوهـا لعبـة كورة

أحمد الشايقي

Post: #18
Title: Re: مسادير يا أهل المسادير//(3)..................
Author: عماد حسين
Date: 01-10-2012, 12:16 PM
Parent: #17

Quote: راكوبة الخريف في الطرفة مي مشكورة
عافتنا البنادر والدروب محجـورة
أطـراف البلاد منقوصـة جات محدورة
أمريكان هناك لعبوهـا لعبـة كورة

أحمد الشايقي

راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا

،،،، عماد

Post: #19
Title: Re: مسادير يا أهل المسادير//(3)..................
Author: امينة عيسى
Date: 01-10-2012, 01:19 PM
Parent: #18

هييييييييييع وتانى هييييييييع

سمحين تب والله

حكومة ومعارضة

Post: #20
Title: Re: مسادير يا أهل المسادير//(3)..................
Author: أمير فتحي
Date: 01-10-2012, 01:41 PM
Parent: #19

دايرين المعايير تختى كومي وكومك
تقطع للوطن من جنبتك وجضومك
التاريخ صعب وكتين جناكا يلومك
زينوها السير في البادية أو خرتومك

Post: #21
Title: Re: مسادير يا أهل المسادير//(3)..................
Author: أمير فتحي
Date: 01-10-2012, 01:52 PM
Parent: #20

الخملة وتبيع كل البشر كجنو
خوان الأمانة أخير شرودو وجنو
مابخاف الملامة لو العوين هرجنو
كيفن قدموهو وعلو رنو وشنو ؟

Post: #22
Title: Re: مسادير يا أهل المسادير//(3)..................
Author: عماد حسين
Date: 01-10-2012, 07:06 PM
Parent: #21

Quote: الخملة وتبيع كل البشر كجنو
خوان الأمانة أخير شرودو وجنو
مابخاف الملامة لو العوين هرجنو
كيفن قدموهو وعلو رنو وشنو ؟

أخوي الأمير، الخملة مو وحيدن فردي
ديل خمخام "القطيع" الفي "الشمال" متردي
لو ما خوفي القصيد، يمرق يجاوز حدي
كنت بزيد وصف، ما يغباهو حتى الهندي

Post: #23
Title: Re: مسادير يا أهل المسادير//(3)..................
Author: munswor almophtah
Date: 01-11-2012, 01:28 AM
Parent: #22

دايرين المعايير تختى كومي وكومك
تقطع للوطن من جنبتك وجضومك
التاريخ صعب وكتين جناكا يلومك
زينوها السير في البادية أو خرتومك

من نومك تقوم تلقاهو وافر كومك
وتلقى المارسيدس من بره جابو هدومك
لا بتعرف جياد لا الكورى جاك من يومك
وساكن فى الرياض دايما بسف حلقومك

منصور

Post: #24
Title: Re: مسادير يا أهل المسادير//(3)..................
Author: أمير فتحي
Date: 01-11-2012, 02:05 PM
Parent: #23

البلد آرفاق ناقصها دربه وسيستم
موروثاً همج في الطبع صار متلهم
السوداني خارج وطنو يوت متقدم
وفي داخل الحدود سجمو ورمادو يخمخم

Post: #25
Title: Re: مسادير يا أهل المسادير//(3)..................
Author: أمير فتحي
Date: 01-11-2012, 02:11 PM
Parent: #24

البلد آرفاق مرضو الخطير في ساستو
يوم قال المغانم تب بقدم كاستو
وفي الواجب ضنين جاب نومتو ونعاستو
لا هماهو شرزيم الوطن لا تعاستو

Post: #26
Title: Re: مسادير يا أهل المسادير//(3)..................
Author: أمير فتحي
Date: 01-11-2012, 02:16 PM
Parent: #25

في السلطه ومغانم كاتلو الجنون
ومن أجل البريق جابت حيل وفنون
ناساً في الغرب بغرت قلوب وبطون
لا تار لا غبينه...تلقاهو أخوك مطعون

Post: #27
Title: Re: مسادير يا أهل المسادير//(3)..................
Author: munswor almophtah
Date: 01-11-2012, 10:53 PM
Parent: #26

رباطه وشفوت مسكو البلد بالقوه
وهمباته قلع لا بعرفو جار لا خوه
خمو الخير براهم ونحن بتنا القوه
ومن سابع السماك جدعونا روب فى هوه

منصور

Post: #28
Title: Re: مسادير يا أهل المسادير//(3)..................
Author: munswor almophtah
Date: 01-12-2012, 11:17 AM
Parent: #27

الأخ المنصور لك التحية والسلام

اولا ناسف للإنقطاع وذلك بسبب ضياع الايميل السابق
قرأت مساديرك الأخيره وحال البلد فتذكرت صديقى الجبهجى الذى ارسل لى بعض الرباعيات تتغنى ببترول السودان ويدعونى للعوده للوطن فأرسلت اليه :

بسمع بيهو بترول ثورة الإنقاذ
وكان هو حقيقة ما لو شبابها دايماً فاز
الحاكومتو ترقُص وقالو نوع ممتاز
ما ظنيتو مارق من ضروس ( الجاز

ماتغشك دعايات البِسوو دقون
بى الإنتاج قريب حا يحصِّل المليون
الخبر الأكيد قالولى كم جالون
نُصها بنبلع والنُص بَــرد لى ( جون)

كدى قول لىَّ وين بترولك المغشوش
مع النهب المدوِّر زى سواقى الدوش
قول آمين معاى ربك يسلط ( بوش)
عشان ناسنا المساكين يلقوا وجبة بوش

وكانت بعد توقيع اتفاقية السلام وفى اواخر ايام الرئيس بوش

حنفى

Post: #29
Title: Re: مسادير يا أهل المسادير//(3)..................
Author: أحمد الشايقي
Date: 01-12-2012, 03:43 PM
Parent: #28

Quote:
راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا

حسـرة وحدتـا الـ بالتلت مشطورة

حسرة عـزتا...المضروبة (يوت) في القورة

حسـرة شونتـا المنهوبة... تعلا قصـورا

محزون فاشـرا ولي كرمكا وكركـورا

أحمد الشايقي

Post: #30
Title: Re: مسادير يا أهل المسادير//(3)..................
Author: عماد حسين
Date: 01-12-2012, 04:35 PM
Parent: #29

Quote: حسـرة وحدتـا الـ بالتلت مشطورة

حسرة عـزتا...المضروبة (يوت) في القورة

حسـرة شونتـا المنهوبة... تعلا قصـورا

محزون فاشـرا ولي كرمكا وكركـورا

أحمد الشايقي

قضية وحدتا، شاتوها زي الكورة
خصوبا الجنوبي، والشمالي برة الشورة
براهم قرروا، ولبسوهو تب طرطورا
ولما الفاس وقع، الشينة جات منكورة

،،، عــمــاد

Post: #31
Title: Re: مسادير يا أهل المسادير//(3)..................
Author: Eng. Mohammed al sayed
Date: 01-12-2012, 05:29 PM
Parent: #29

شيتا عجيب الماهيتو رقما مشــــــفّر
وفي نص الشهر رصيدو قام اتصفّر
ما هماني الهلال لو صبغوه مصــفّر
ماغسني الربيع الفط دارنا وطــــــفّر

...........................................
تحياتي يالمنصور

Post: #32
Title: Re: مسادير يا أهل المسادير//(3)..................
Author: munswor almophtah
Date: 01-13-2012, 03:01 AM
Parent: #31

بسمع بيهو بترول ثورة الإنقاذ
وكان هو حقيقة ما لو شبابها دايماً فاز
الحاكومتو ترقُص وقالو نوع ممتاز
ما ظنيتو مارق من ضروس ( الجاز

الجاز يا حريف عدوهو نجم إنجاز
وفات الدرسو وسولو كم إعجاز
إن صدق الكلام والقالو داك كان جاز
تكون أمريكا كادبه وقولا كلو مجاز

واحرق البزين والشغل بالجاز

منصور

Post: #33
Title: Re: مسادير يا أهل المسادير//(3)..................
Author: munswor almophtah
Date: 01-13-2012, 03:46 AM
Parent: #32

ماتغشك دعايات البِسوو دقون
بى الإنتاج قريب حا يحصِّل المليون
الخبر الأكيد قالولى كم جالون
نُصها بنبلع والنُص بَــرد لى ( جون)

حنفى

يا حنفى البلد سكانا صارو بدون
والجوع كملن والباقى ب الطاعون
من بعد الخمير صدونا لى العطرون
وقالو سنين شداد شدولنا تانى بطون

منصور

Post: #34
Title: Re: مسادير يا أهل المسادير//(3)..................
Author: munswor almophtah
Date: 01-13-2012, 04:49 AM
Parent: #33

كدى قول لىَّ وين بترولك المغشوش
مع النهب المدوِّر زى سواقى الدوش
قول آمين معاى ربك يسلط ( بوش)
عشان ناسنا المساكين يلقوا وجبة بوش

حليل زمنن سمح والناس زواجا البوش
حليل الفاتو ديك خلونا لى قرقوش
زمن الحال مخرف والصريف مرشوش
وزمن الناس تنوم حارساها ضمه ديوش

منصور

Post: #35
Title: Re: مسادير يا أهل المسادير//(3)..................
Author: munswor almophtah
Date: 01-13-2012, 11:36 AM
Parent: #34

شاشينا بنغنى وليلنا نجمو بضوى
وحاكينا الحدى لى عند فريستو بخوى
جدى السلم دا الفى المراح متحوى
وما بنقدر على عل بالشديد القوى

منصور

Post: #36
Title: Re: مسادير يا أهل المسادير//(3)..................
Author: أحمد الشايقي
Date: 01-13-2012, 10:32 PM
Parent: #35

حسرات الشباب اتشـتت مقهـورة

حسرات الكبار الـ بالمرض مقبورة

حسرات الجزيرة حزينـة للعيكورة

محزونـة المناصير والجروف مغمـورة

أحمد الشايقي

Post: #37
Title: Re: مسادير يا أهل المسادير//(3)..................
Author: munswor almophtah
Date: 01-14-2012, 03:26 AM
Parent: #36

مرقت من مراحها أتشالبنها كلاب
وزى سهما مرق من قوسو دزو وغاب
قناص المعيز قجالها شافها رهاب
وجاهو عجاجها يلوى يقولو أمرك خاب

منصور

Post: #38
Title: Re: مسادير يا أهل المسادير//(3)..................
Author: وضاحة
Date: 01-14-2012, 10:25 AM
Parent: #37

لازم نطرد الغول الفي اركان بلادي اتربع
عشان نرجع نتحكر فى الواطه ونتربع
نـحسب الفات من الايام نعد اصبع فوق اصبع
نخت العشره جمب العشرة نعد نجمع

Post: #39
Title: Re: مسادير يا أهل المسادير//(3)..................
Author: عماد حسين
Date: 01-14-2012, 11:36 AM
Parent: #38

Quote: مرقت من مراحها أتشالبنها كلاب
وزى سهما مرق من قوسو دزو وغاب
قناص المعيز قجالها شافها رهاب
وجاهو عجاجها يلوى يقولو أمرك خاب

منصور

من جوة المراح جروها من عرقوبا
ومن ضجة نبيحم، جعلوها قلبت هوبا
حاملين السلاح، القايدين فهوم مقلوبة
كم آذانا "القطيع"، وخلى الأمور معطوبة

،،،،،،،، عماد

Post: #40
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 12:41 PM
Parent: #39

الشعب العجيب شال نفسو والحيكومة
بدفع للعلاج ومن خيرو زاد في كوما
شن فايدة حكومة دوام شخيرا ونوما
جبناهم فزع ماأدونا حتى شمومه

Post: #41
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 12:47 PM
Parent: #40

الشعب العجيب فتح الدككن وتاجر
أبفاتوره جاهو مع البويليس كاجر
سوى الشمطه شمعلو الدكيكين وغادر
حول للشعب شحاد بقدرة قادر

Post: #42
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 12:54 PM
Parent: #41

الشعب العجيب يلقاها من مين فيكم ؟
الكل ماد القريعه من وين هو بيكفيكم؟
الزول أبصنيقير أمنتو قام سافيكم
بالشي الشايفو دا بيفوتها متقفيكم

Post: #44
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 01:01 PM
Parent: #42

الشعب العجيب أبعيشة مبروكه
مالاقي الأصم حلال شبك وشبوكه
كل يوم الحيكومات شاكه ثم مدكوكه
والزول القدموهو التنبل الدلوكه

Post: #45
Title: Re: مسادير يا أهل المسادير//(3)..................
Author: وضاحة
Date: 01-14-2012, 01:08 PM
Parent: #44

فراق الأهل صعب زي فرعــــــت الحمي
البلد سمح لكــــــــــن القايدنو زي الرمة
غلا وترضيات بس يكفيني فيـك ناس يمة
البلد إتوزعت وقالوا الفــــــــــــرق ما لمة

Post: #421
Title: Re: مسادير يا أهل المسادير//(3)..................
Author: سامي عطا المنان
Date: 04-01-2014, 01:57 PM
Parent: #42

ماني من كتاب المسادير ولكن عشان يابلدى بنجر نجر أخدر

بشبش والترابي عايزين يسو الشينة
ود المهدى والميرغني ما متكاجرين في زينة
عينم في الحكم اليهم منو سنينا ......
جارين لم جرس يقيلننا نحن نسينا

Post: #43
Title: Re: مسادير يا أهل المسادير//(3)..................
Author: وضاحة
Date: 01-14-2012, 12:58 PM
Parent: #41

الشعب العجيب فتح الدككن وتاجر
أبفاتوره جاهو مع البويليس كاجر
سوى الشمطه شمعلو الدكيكين وغادر
حول للشعب شحاد بقدرة قادر

شن يسوى الشعب المسكين وكت جاهو اب كباس
طير النوم من عينوا خلى نوموا زى اب كرفاس
وقدر ما نقول يصبح يوم يطيروا نلقى زادو الدباس
شى سيدى وشي مهدى وناس تانى بلا راس

Post: #46
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 01:26 PM
Parent: #43

Quote: الشعب قايلوا زول طلع دلدول

الشعب قايلو زول طلع دلدول
عدمان الفهم عدمنا موية الفول
إستعراضي فوق البارده حضرة صول
سايله ريالتو فوق مغنمها تب مكتول

Post: #47
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-14-2012, 02:05 PM
Parent: #46

البلد الحنينة الكان بقوقي بلوما
بي فت ضربة فرتقناها قبال يوما
إن طابت نفوسنامعارضة وحيكومة
يرعى بهمها "حنتوت" من تحِت بعشوما

محمود "عربي الخلا"..

Post: #48
Title: Re: مسادير يا أهل المسادير//(3)..................
Author: أمير فتحي
Date: 01-14-2012, 02:48 PM
Parent: #47

البلد الحنينه الكان بقوقي قميرا
ضجت بي فساد حاكمها ثم وزيرا
سمحة جيرا قدح الكسره والأنجيرا
مابتاكل قبل ماتسخى تب لي غيرا

Post: #49
Title: Re: مسادير يا أهل المسادير//(3)..................
Author: nazar hussien
Date: 01-14-2012, 03:02 PM
Parent: #47

البلد الحنينة الكان بقوقي بلوما
بي فت ضربة فرتقناها قبال يوما
إن طابت نفوسنامعارضة وحيكومة
يرعى بهمها "حنتوت" من تحِت بعشوما

الحنتوت يبس والناس تبل في هدوما
كان تلفي الدغش كوس الرزق مهجومة

ما فضلت نفوس كان طيبة كان مظلومة
وبهمك امو لي الجزار بقت مسيومة

Post: #50
Title: Re: مسادير يا أهل المسادير//(3)..................
Author: وضاحة
Date: 01-14-2012, 05:55 PM
Parent: #49

ناس تأكل (الكـــرتة) وناس تأكل شية بي ليمون
وناس لايكة الصبـــر قرضة عاضــة عليها سنون
السبب الخـلا الزول إتكلـــــم براهو زي مجنون
ناس كانت فقيرة بنت سابع دور وباقي الشعب مغبون

Post: #51
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-14-2012, 09:21 PM
Parent: #49

Quote:
الحنتوت يبس والناس تبل في هدوما
كان تلفي الدغش كوس الرزق مهجومة

ما فضلت نفوس كان طيبة كان مظلومة
وبهمك امو لي الجزار بقت مسيومة

قلَبْ النمَّة غَنَّايَنْ أبوهو حسين
متشائم خلاس والختوة زي الطين
إن راحت سماحة ناسنا شن حارسين
بلا عطف الكريم سيد السما وياسين

جاتك..

Post: #52
Title: Re: مسادير يا أهل المسادير//(3)..................
Author: munswor almophtah
Date: 01-14-2012, 11:21 PM
Parent: #51

من جوة المراح جروها من عرقوبا
ومن ضجة نبيحم، جعلوها قلبت هوبا
حاملين السلاح، القايدين فهوم مقلوبة
كم آذانا "القطيع"، وخلى الأمور معطوبة

فى الصى والخلا قداله مى مزروبه
وناعس ود عيونها وديسها سادل روبه
ماها عناق ضبيحه وقالو قرمت دوبه
وما لقو حاجه غيرها إن شاء الله يقرضو لوبه

منصور

Post: #53
Title: Re: مسادير يا أهل المسادير//(3)..................
Author: munswor almophtah
Date: 01-16-2012, 01:03 AM
Parent: #52

شيتا عجيب الماهيتو رقما مشــــــفّر
وفي نص الشهر رصيدو قام اتصفّر
ما هماني الهلال لو صبغوه مصــفّر
ماغسني الربيع الفط دارنا وطــــــفّر

تحياتي يالمنصور

حقيت السلام يا شيخنا ود السيد
وحقيت الردود أمرك صحيحا جيد
ماك عدو البلاد إت للبفيد بتشيد
ووقت الناس تغيب عند ناس أبوك بتعيد

منصور

Post: #54
Title: Re: مسادير يا أهل المسادير//(3)..................
Author: munswor almophtah
Date: 01-16-2012, 01:21 AM
Parent: #53

حسرات الشباب اتشـتت مقهـورة

حسرات الكبار الـ بالمرض مقبورة

حسرات الجزيرة حزينـة للعيكورة

محزونـة المناصير والجروف مغمـورة

أحمد الشايقي

إن طال الزمن لا بد تدور الدوره
ومافيش خير بدوم معروفه فى المعموره
إن قلت المناصير ب الظلم مخبوره
ربك عندو سر فسراع بقلب الصوره

منصور

Post: #55
Title: Re: مسادير يا أهل المسادير//(3)..................
Author: munswor almophtah
Date: 01-16-2012, 05:10 AM
Parent: #54

لبلد آرفاق مرضو الخطير في ساستو
يوم قال المغانم تب بقدم كاستو
وفي الواجب ضنين جاب نومتو ونعاستو
لا هماهو شرزيم الوطن لا تعاستو

إن قلت البلد حق الجميع من ناسو
حقنا نحن ذاتنا وحق القبيل حراسو
الناس القبيل فى الدنيا غرقو ساسو
راعو جميع حدودو وخبرو مره أساسو

منصور

Post: #56
Title: Re: مسادير يا أهل المسادير//(3)..................
Author: nazar hussien
Date: 01-16-2012, 05:34 AM
Parent: #54

قلَبْ النمَّة غَنَّايَنْ أبوهو حسين
متشائم خلاس والختوة زي الطين
إن راحت سماحة ناسنا شن حارسين
بلا عطف الكريم سيد السما وياسينجاتك..

النمة قالباها البلد بي الشين
ويات من كان يجيك بطران قرف من دين

سماحة ناسنا من المولي ماهو ضنين
بنرجاه الكريم فرجو البلا لقنين

Post: #57
Title: Re: مسادير يا أهل المسادير//(3)..................
Author: munswor almophtah
Date: 01-16-2012, 09:41 AM
Parent: #56

نحن عيال سرور وقت الضحك والفاقه
نحن عيال سرور وقت الحديد إتلاقا
نحن عيالسرور وقت الحديث إتمادى
والجمل البهيج بتقصو مننا ناقه

منصور

Post: #58
Title: Re: مسادير يا أهل المسادير//(3)..................
Author: nazar hussien
Date: 01-16-2012, 02:23 PM
Parent: #57

ناس تأكل (الكـــرتة) وناس تأكل شية بي ليمون
وناس لايكة الصبـــر قرضة عاضــة عليها سنون
السبب الخـلا الزول إتكلـــــم براهو زي مجنون
ناس كانت فقيرة بنت سابع دور وباقي الشعب مغبون

الكرته!وين؟ داك زمن المسور والقش
انقلبت كوش وبرميل قمامة.... وطش

القرض البلوكو الناس صبر ما طش
ونحن صبرنامن العصرة كرمش وكش

Post: #59
Title: Re: مسادير يا أهل المسادير//(3)..................
Author: أحمد الشايقي
Date: 01-16-2012, 04:03 PM
Parent: #58

Quote:
إن طال الزمن لا بد تدور الدوره
ومافيش خير بدوم معروفه فى المعموره
إن قلت المناصير ب الظلم مخبوره
ربك عندو سر فسراع بقلب الصوره

تحزن للجهال الماها لاقية سـرورا

تحزن للتلاميذ ماها لاقية فطـورا

تحزن للمشاريع الـ خرب بابــورا

تحزن لي عجـف شـاتا وخلا المطمورة

أحمد الشايقي

Post: #60
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 05:17 AM
Parent: #59

لازم نطرد الغول الفي اركان بلادي اتربع
عشان نرجع نتحكر فى الواطه ونتربع
نـحسب الفات من الايام نعد اصبع فوق اصبع
نخت العشره جمب العشرة نعد نجمع

الخوف يوم نقوم نلقاهو هادن وطبع
ونلقى النيل حسى وترسوهو من المنبع
يا بت الرجال شوفى الزمان كيف بدع
وشتت ناسنا صر زى الدلاقين جدع

منصور

Post: #61
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 09:08 PM
Parent: #60

يا طير إن مشيت سلم على المفتاح
وقولو الظن فسد والقول بقالنا مباح
إركز نور هدى زمن السنين باباح
وفى السبقن قبيل نحن بنلم الداح

الأمين حسن البدرى
شاعر القبيله

Post: #62
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:06 PM
Parent: #61

صبيبا من عصير بيهو الودين سالو
ظبي الريم سفر رويان قدل في تلالو
مضني الريد معني الريل قلب أحوالو
شوفن لو منام بالحيل بريح بالو.

عذرا علي التأخير.

فيصل المفتاح

بهم الصيد قدل كبس الطلح حتالو
ما سولو كر ما درعو فيهو خلالو
عشاق الأرايل داك شقلبنلو خيالو
من ضهر التويس زى الحدى خوالو

يا زول نفسى قام

منصور

Post: #63
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:18 PM
Parent: #62

قاعد بوسرر وأماتو نجعن منو
جديا داب قرم برم الطلح حارمنو
كحلا فى العيون برق السنون شالعنو
داك عاشقو إستخل قيدو المتين دارعنو

منصور

ما شاف الهجير جاهل صغير في سنو
جديا داب قرم طيب الاريج فاح منو
عشاقو استخلو وبي محاسنو تغنو
ادعج منفزر كاحل صقيل نور سنو

فيصل المفتاح

Post: #64
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:26 PM
Parent: #63

الموت ماشمت غايه البخود والببروا
والحد و الحزن ما جابوا زول من قبروا
الزول في الشدايد اولي يلزم صبروا
يترجي الكريم مولاه كسره يجبروا

فيصل االمفتاح

الموت حق ونافذ ديمه صادق نذرو
ما بعرف فوارق مافى زولا قدرو
غدر الله إن وقع مين غيرو قادر إجبرو
شوف زمن النوازل خلقو كيفن بجرو

منصور

Post: #65
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:32 PM
Parent: #64

ما شاف الهجير جاهل صغير في سنو
جديا داب قرم طيب الاريج فاح منو
عشاقو استخلو وبي محاسنو تغنو
ادعج منفزر كاحل صقيل نور سنو

فيصل

الفرع الرخص خيروز جناينو إتنو
كم حرق النفوس لا لحقو لا لتنو
ناس البكرى شوف غبو وغلبهم إتنو
من الرهبه زاغ ديش القنيص ما إستنو

وكل عام وأنت بألف خير

منصور

Post: #66
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:37 PM
Parent: #65

يجزيك الله خير يا اليوت سماهو مخنق
يا بحر العطا الما صد منو مرنق
موجك حين هدر لا القيفة عرقو مزنق
فوق عمم الرجال تفضل عزيز و مشنق

فيصل.

ختيت لى بياضه وورقى أصبح بايظ
وبابى الكان بعرفو دخولو صار مو جايز
يا حليل الشباب ما ختانا صرنا عجايز
والكان أمرو ساهل صرنا عندو جنايز

منصور

Post: #67
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:42 PM
Parent: #66

لي جلا ما بتقول دايما تكون الفايز
خصمك ما انستر إحساسو دائما بايظ
ورقك تامي يوت يا الي التقيلات رايز
قفلة نص كسبت وقال كفاي ما عايز

يمين أحمد ود أحمد ما يلحقك.

فيصل المفتاح

جلا شن تسو والشيش كبير فى السايز
ويك بيش آند جهار ما ظنى بيهن فايز
الشوله أم زغت قلبت نهارن قايظ
وبى الورق المعاى ما ظنى ببقى الحايز

الله يرحمهم لكن دى صعبه على أبو أمونه

Post: #68
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:46 PM
Parent: #67

جلا شن تسو والشيش كبير فى السايز
ويك بيش آند جهار ما ظنى بيهن حايز
زيفة الشوله قلبت لى نهارن قايظ
وبى الورق المعاى ما ظنى ببقى الفايز

منصور

الشيش و الدبش و البيش حسابن ليك
و الدرجي الجهار في القفلة ماشة عليك
أقفل و عدهن تكسب رضا والديك
وما تهم من برٍد لا حر سموما يجيك

فيصل

Post: #69
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:54 PM
Parent: #68

من ما قم صغير أنا فى الحديث حدباى
ومن قبل اللبن شربان لبا الدوباي
يا بت ود تناد اللمنيح هداي
ودربك داك عديل خابر الرحم وداى

منصور

Post: #70
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 10:59 PM
Parent: #69

هديك المكنى جات عقلى العديل بتقلبو
ديك المكنى جات قلبى التقيل بتخربو
هديك المكنى جات سيف النصر تقدلبو
ديك المكنى جات جلدى العلى بتسلبو

عمر ود محمد ود حسن

Post: #71
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 11:05 PM
Parent: #70

دا الأعوج ترا والشين نهاية حدو
وأن شاع دا الخبر بملأ الفريق لحدو
أقولو اب كبس من دخل ود أحدو
فرحوا وعرسو لا موجعن لا حدو

فيصل

الناس للجمال ضربوا البوادى ومدوا
فوق سرج البشارى الختوا فوقو وشدو
الصيدالأليف بنصيدو فوق عند عدو
للكاحل العيون رمل الطريق بنعدو

منصور

Post: #72
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 11:10 PM
Parent: #71

بالخير السلام من ابوجا جانا دعاشو

طالبين الكريم فسراع نشوفو رُشَاشُو

كل زول ينكرب ينقح يخُت رَشّاشو

شان تَعَمر بلدنا زرعنا يلقى فرَاشو

فيصل

الناس بالحروب حيرانه لامن داشو
كملت كوتتم عدموا الدخر وخشاشو
داب برق السلام شفناهو درنا دعاشو
والبغلط عقب بنملو ننعل خاشو

منصور

Post: #73
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 11:16 PM
Parent: #72

يحى المك أبوك الديمه قاطع الشك
ويا ولد السناير حاشا ما بتنشك
قلب الناس عليك قلبك هواهو شبك
ويا دانة المدافع حاشا ماكا فشنك

منصور

Post: #74
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 11:30 PM
Parent: #73

راكبين البطير لا بكسى لا دفار
وشايفين التخا الما صادوا مره غبار
زارعين الفضايل ما بنعرفو عدار
والفايت الحدود كان قلعه ببقى ودار

منصور

Post: #75
Title: Re: مسادير يا أهل المسادير//(3)..................
Author: munswor almophtah
Date: 01-17-2012, 11:33 PM
Parent: #74

مانى الأندروس طبجوه مويه وفار
ومانى فطير دريش كبولو كوز خمار
إن درنا الحرف بنسلو يشطشط نار
وإن درنا الكماج عارفنلو سم الفار

منصور

Post: #76
Title: Re: مسادير يا أهل المسادير//(3)..................
Author: أمير فتحي
Date: 01-18-2012, 03:19 PM
Parent: #75

الوطن البكوس ولداً يبرد بطنو
مابهم العرق مابهم فصاحتو ورطنو
كيف يمرق كنوزو يجيب معادنو وقطنو
الخيرات تعم دارنا وهدومو تعطنو

Post: #77
Title: Re: مسادير يا أهل المسادير//(3)..................
Author: أمير فتحي
Date: 01-18-2012, 03:25 PM
Parent: #76

الوطن الحفت كرعيهو كايس الرايحه
بين أجنابو كم مكلومه كمن نايحه
وزراهو الغوفل في العواصم سايحه
هاناس الفساد ريحتو البقت تب فايحه

Post: #78
Title: Re: مسادير يا أهل المسادير//(3)..................
Author: أمير فتحي
Date: 01-18-2012, 03:40 PM
Parent: #77

الوطن الحفت كرعيهو من غير فايده
كم خرجت جموع يوماتي رجعت عايده
شان تبقى البلاد محسوبه ضمن القايده
حصدوهو السراب سببو الإدارة البايده

Post: #79
Title: Re: مسادير يا أهل المسادير//(3)..................
Author: munswor almophtah
Date: 01-19-2012, 02:43 AM
Parent: #78

الوطن البكوس ولداً يبرد بطنو
مابهم العرق مابهم فصاحتو ورطنو
كيف يمرق كنوزو يجيب معادنو وقطنو
الخيرات تعم دارنا وهدومو تعطنو

جبار الكسور ما بدور ظلم لى وطنو
ما بدور اللعب داير رفاقة فطنو
داير المنو فاتو وفيهو ديك تب قطنو
يجمعم الهدف إن نطقو كيف أو رطنو

منصور

Post: #80
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 01:04 AM
Parent: #79

بكره مولده وخافس نسلها مغرق
وأصلا منو جات حايز الأصاله مغلق
أبو دومات أبوها المن تقايا معلق
وخبار للدروب ما هو الكفيف ومجلق

منصور

Post: #81
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 08:50 PM
Parent: #80

ود حسن الامين كمل فهم رفقاتو
و باروهو التلوب ما نظمو زي أبياتو
كان قرا للكتب في الجامعة قبل مماتو
كان خرب البلد حتي الفرزدق فاتو

و الله يا منصور ربك من حكمو الناس ديك ما قرو يعني القالت أبوها متيلو الامام علي و قالت انو مستحق ذو الفقار و الميمون كان قرت كان التاريخ ياهو التاريخ؟

فيصل المفتاح

خليهو الأمين عاين عمر وأفعالو
شوف خرز الكلام مطمورو فومو كالو
مهرة ود كلس من آخرو أس فكالو
جلدو الفوقو داك سلبوهو ناسا جالو

Post: #82
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 11:04 PM
Parent: #81

القول في البحقو القول بجيك متداعي
و الحاق الشكر بخطب مديحو يراعي
يا خوي طول عمر ما اظن بحصلو ساعي
فوق درب الامين ما بمشي زولا واعي

و لك الود خالصا و التحية من عموم الأهل

فيصل المفتاح

تمساح الكلام الشبروهو سباعى
ومن شيمة حسن لاواها جانا الواعى
نفاق الكتيره القومو مرقو دواعى
وفوق درب اللمين باريهو ساكت يراعى

يا خوى ناس الأمين ديل قروا فى الأردن

Post: #83
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 11:07 PM
Parent: #82

مجادعات بينى وبين إبن عمى فيصل المفتاح دارت بموقع السروراب

مليونين سلام والعيد بركتو تجيكم
يا أولاد الكرام ما بقمح الراجيكم
قبال الإمام نازعنى شوقا أجيكم
ويا ناس كمال أرجونى داج جاييكم

منصور

يا منصور اخوي مرحب حباب ابياتك
و العيد الكبير في كندا فرحتو جاتك
شاحد الله الكريم بالفرحة يملا حياتك
و في مني كل عام في العيد تأدي صلاتك

ود المفتاح

Post: #84
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 11:12 PM
Parent: #83

اها ا منصور دحين دايرين وجودك ديمة
شان منبرنا يصبح لي بلدنا تميمة
بالراي و الفكر نبدا و نعيد تنظيما
و بالساعد القوي وما بي اندفاع بي عزيمة

فيصل المفتاح

من ناس اللمين يا ود خبرت أصولو
ومن أمثال عمر حققت عرضو وطولو
يا ولد الطوال الديمه زايد طولو
ما تبخل علينا الدن أطبقو وقولو

منصور

Post: #85
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 11:17 PM
Parent: #84

قصبة مفرق الوادي النشيط تربالو
عليل نسمة دعاش لو مس فرعو امالو
وزن صافي الشعر لو كان صدق غربالو
تريس عمك عمر ما فوقو اسات طالو

فيصل المفتاح

شيطان الشعر كان فى السماك سلالو
كان بحر الكلام دافر دمير شلالو
ناذر من طرف واقع القريب شيالو
فى الشبال حريف كان من بعيد نشالو

منصور

Post: #86
Title: Re: مسادير يا أهل المسادير//(3)..................
Author: munswor almophtah
Date: 01-20-2012, 11:22 PM
Parent: #85

من سحر الكلام صافي الرحيق القالو
شيطان الشعر اعياهو حين بارالو
رقيق دل الحسان البكفي منو مطالو
تخطب ود مقالو وترجي بدر هلالو

شلال الدميرة القيف طواهو و شالو
بي موجو الهدر خرب البلد بي حالو
شبال الدهب منو الجدايل سالو
لفحو وقام سدر صافي الرحيق اسقالو

فيصل المفتاح

التربال كم عزق سعدو ومفرهد نالو
وكم مرتق جوانب جدولو النزالو
نى قصب التقانت ريقنا كم جمالو
دا الشاطب عقولنا الجيد وقت تلالو

منصور

Post: #87
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 00:15 AM
Parent: #86

قصبة طين قرير طيبة (ونجومها) تعالو
طن مرتينا شال قلب العشوق أبكالو
الجنن عقولنا و وشربكن في حبالو
ديسو الفوق كتيفو و قدمو اتوطالو

فيصل المفتاح

شرك الصيد مدنكلو للمعيز قجالو
ما بهبش تيوسن وليها راخى حبالو
المرهاء المكمله شوفها ريح بالو
والعجب أم صدوغ الديمه كانت فالو

منصور

Post: #88
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 00:56 AM
Parent: #87

ربرب رملة الوادي التقيلة رمالو
سايقو القارح الحارس المعيز بجلالو
من مرهاء و مشلخة حرة فايرة تلالو
دون شرك الفحل بالشوف بصيدو غزالو

فيصل المفتاح

فوق حدب الكبور شاف العبور ناقزالو
شافا من المراح خرتت صفاحا قبالو
عند تبس القويز طبق الطبنجى وشالو
طق هبش التتك نهر المراح علالو

منصور

Post: #89
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:02 AM
Parent: #88

سمع حس المراح صن و سكت و اصغالو
شافا و وقلت خزت عيان باينالو
كرس طابق الطبنجي و خزنتين في شمالو
عن نقر التتك الوادي قج علالو

فيصل المفتاح

إتلبج الحريص بهم المعيز همالو
حدرن فوقو ساكت فوتنو نعالو
كف ختف الطبنجى المن زمان فلفالو
خرتن فوقو ساكت قمحنو علالو

منصور

Post: #90
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:06 AM
Parent: #89

إتلبج الحريص سرحت نعاجو قبالو
حدرن فوقو شوف عين ماهو من قول قالو
لا لحق الطبنجي الفي القويز خلالو
لا سهمو انطلق لا ساعدنو نبالو

فيصل المفتاح

شرفن من بعيد شافنو عند سيالو
شافن كم شخيتير من مطيرات سالو
عنق الصيد سبنو ومنظرن سلالو
ديل بريب صباح الصافى دم أنسالو

منصور

Post: #91
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:12 AM
Parent: #90

نفس القارح الكسْر قيود حجالو
ما قام من جكيكة الدوبو قايم قالو
صيد قيع الخلا الدوخ دوابي رجالو
تقيل عن شوفتو يا الراسي المقتطر شالو

أكسر يا ابن عمي.

فيصل المفتاح

سمحات فى الفدو سمح الحجل خلخالو
سمح الجيد مكمل والعيون كاحلالو
بريب التمام الديمه شايف حالو
ما بنصاد عدل كضب البقول حلالو

منصور

Post: #92
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:15 AM
Parent: #91

أركب شب أرح نلحق مطرة رشت
ونلحق للكبور قالو المعيز إدشت
علق الخريف غطى الشقيلات بشت
وقالوا البكره من طرف الفريق إتعشت

منصور

أركب يا زميل سود التعول انفشت
وفوق حدب الكبور رعت المعيز ما طشت
دريتا كست حدب المعالي و هشت
نحمدو تب بروق القبلي ما يوم غشت

كسرة مجنونة جن لكن.

فيصل المفتاح

Post: #93
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:19 AM
Parent: #92

ملاح البندق المعلوم ختاها ونشت
وللطبقو السلاح حصدو القماح ما عشت
دقوا النى وكت صفقات خريفم قشت
وقالت للبنيش أم الرجاك إتعشت

منصور

سدد ضربو طلقتو بي بصارة اتمشت
وفي فرق العيون بي بشويش مسددة خشت
الواقفات قريب وبعيد جلودن كشت
وقبال المغيب ام الرجال اتعشت

فيصل المفتاح

Post: #94
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:24 AM
Parent: #93

كرست شافتم من صوت كلابن فزت
وكربيت صقعتم حجر الحصايه ونقزت
لا شوف كملو لا مراح كلابن مزت
ومرقت زى سهم من قوس نبالم دزت

منصور

كرس كامنلها وفي الطين كراعو انغزت
وكللبو علي الكللب جت قمزتو هو بزت
كان بي سهمو كان بي كللبو ما يوم عزت
ومن دهن البطون عقبان سغارو اتغزت

فيصل المفتاح

Post: #95
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:30 AM
Parent: #94

الطين لككو ونفضت ضنيبا وهزت
وكللب جلدو من مجخ الخبوبه النزت
سهمو الطاش وكللبو المن حداهم فزت
وجؤذر بت جمال تاماهو لامن شذت

منصور

Post: #96
Title: Re: مسادير يا أهل المسادير//(3)..................
Author: munswor almophtah
Date: 01-21-2012, 01:00 PM
Parent: #95

وهذا اخى منصور ما دار بينى وبين شيطان الشعر ( القرين) الذى آثر النوم لمدة طويله وحاولت إيقاظه بالقوة

الشاعر :
خبار لٌغَتكْ بِقَت متـبهدله ومُنحطه
؟يامالك زُمام حرفاً سواك ما أنخطا
نايم لَى بدرِّجْ فيك محطه محطه
ماك عارفنى كحّال للعيون بى الشطه

القرين :
خطوطى الحمرا حاسِب ْ ليها ما تتخطى
أنا ود كيفى سرجِك فوقى ما بـِنخطا
َشَرطى معاكِ لا تهددنى لا تششتطِّ
وحذاراك تانى فى ضيل النِمِر تتوطا

الشاع :
بَحَرَك موجو أصبَح ما بِـِعِوِّم ْ بطَّه
َّوفى الباقيلى جمّام الينابيع قط
راجع ْ الخلفى مالَكْ والسنين منشطّه
لامِن ليكا أقزام الشِـعر تتخطى؟

القرين :
جيبْ إيدكْ رِهان يا زول نسيبةْ النطّا
سّهم فى شارد النــم لا عِلا ولا وطّا
وَكِتْ ما أشــِدُّ ووتـــر القوس معاى يــتمطى
جهِّــزْ لـَىْ دفاترك وقول سطُرْ ما أنفطا

حنفى
دا ما بأهلنا للدخول فى سودانيز اون لاين يازول

Post: #97
Title: Re: مسادير يا أهل المسادير//(3)..................
Author: munswor almophtah
Date: 01-22-2012, 01:10 AM
Parent: #96

الأخ حنفى ذلك يؤهلك للسربون وهارفاد وأكسفورد ويمنحك رخصة الكتابه فى أى
مكان ترغب وأنت بأحق من كثر بالكتابه بسودانيز أونلاين فأكتب طلب مباشر لبكرى وسوف نزكيك

القرين

واقف ديدبان كاشف ذكاك ما أتغتا
وزى ورق الجواكر وين نقول تتختا
شفتك يوم تقوم ملك الكواسر نطا
وحرفك نار مولع كيف تقول لى شطه

الشاعر

خطوطك كان جهنم يا قرين تتفطا
وسرجى بختو فوقك وديمه تبقى ف ورطه
مانى ورل صنق تمساح بحر ما قطا
ويا العامل صقر يا دوب مقامك بطه

القرين

دايس للزرار فو زى حدى فوق طرتا
وكضب القال حداك يا الفى العلالى مطرتا
بحرك لى غريق أنا فى الضحل كم عطتا
ونبعك لى محيط أنا فيهو متل القطه

الشاعر

إيدك لمها وخلينى كانت فرطه
وداير أكون براى مليت عطية القرطه
منك ما بدور لا نقطه لا خت شرطه
لا داير حرف لا زول مدور عرطه

منصور

Post: #98
Title: Re: مسادير يا أهل المسادير//(3)..................
Author: munswor almophtah
Date: 01-22-2012, 11:56 AM
Parent: #97

نحن سياده مانا بياده
والقبل التمانيه نحن أسياده
الجرح المغور نحن ليهو عياده
عن ساعة الكتال شرطا تجينا زياده

حماد الرجاله

Post: #99
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-22-2012, 12:50 PM
Parent: #98

قاعد بوسرر وأماتو نجعن منو
جديا داب قرم برم الطلح حارمنو
كحلا فى العيون برق السنون شالعنو
داك عاشقو إستخل قيدو المتين دارعنو

راقدات باسـرَرْ نجعن كبار أُمَّاتِنْ
جديات الخلا البرم الخريف ما فاتِنْ
كاحلات العيون يتلاصفــن باسماتِنْ
مجنون عاشِقِنْ حت إن سكن مانهاتِنْ

محمود "عربي الخلا"

Post: #100
Title: Re: مسادير يا أهل المسادير//(3)..................
Author: munswor almophtah
Date: 01-22-2012, 08:40 PM
Parent: #99

راقدات باسـرَرْ نجعن كبار أُمَّاتِنْ
جديات الخلا البرم الخريف ما فاتِنْ
كاحلات العيون يتلاصفــن باسماتِنْ
مجنون عاشِقِنْ حت إن سكن مانهاتِنْ

محمود "عربي الخلا"

بنقص دربهن نبراهو وين ما فاتن
وخابرين الطليح الشاققنو وباتن
حارقات الفؤاد وأرواحنا ليهن إهاتن
وكم كتلن نفوس بى سهام نبالهن شاتن

منصور

Post: #101
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-23-2012, 06:45 AM
Parent: #100

جدنا الخدر أبَّريم:

ود حمودة داير ليا منك خوسة
سمحة مطرقة لي غيري مي ملبوسة
تاكل حدتها إن ركت الناموسة
تتلقف كما تفعل عصاية موسى

رحمه الله..

Post: #102
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-23-2012, 05:04 PM
Parent: #101

البرق البشيل ســايق السحابات وقَّنْ
شال نوم عيني بي شلعة كهاربو البقَّنْ
غير السمحة في الوش والضفاير شقَّنْ
حــالي البيَّا لا بنحــــلَّ لا بَتْيَقَّنْ

محمود

Post: #103
Title: Re: مسادير يا أهل المسادير//(3)..................
Author: munswor almophtah
Date: 01-24-2012, 04:48 AM
Parent: #102

البرق البشيل ســايق السحابات وقَّنْ
شال نوم عيني بي شلعة كهاربو البقَّنْ
غير السمحة في الوش والضفاير شقَّنْ
حــالي البيَّا لا بنحــــلَّ لا بَتْيَقَّنْ

محمود

حالك إنت ساهل وأنا حالى وجعو أتمكن
وسببو الفوق تقانت المويه ديمه مجكن
برقو أكان شلع أعضايا منو اندكن
ومتل الميج صقع شحن القنابل فكن

منصور

Post: #104
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-24-2012, 10:58 AM
Parent: #103

حالك إنت ساهل وأنا حالى وجعو أتمكن
وسببو الفوق تقانت المويه ديمه مجكن
برقو أكان شلع أعضايا منو اندكن
ومتل الميج صقع شحن القنابل فكن

منصور

أريت البيك يزول "منصور" قنابلك يركَّنْ
ولي تقنت جماعتك بي شداعة يدُكَّنْ
المرض القبيل نوسربي فيا اتمكن
سببو البي جمالها بنات فريقا يحَكَّنْ

محمود

Post: #105
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-24-2012, 03:02 PM
Parent: #104

الأخ الحبيب الأستاذ منصور المفتاح

أبشرك... هذا البوست يلاقي اهتماماً لدى بعض ممن أعرفهم من الباحثين والمهتمين..

في شان كدي...نريدك أن توليه من الرعاية ما يستحق..وعارفنك ما بتقصر..

تحياتي..

محمود العربي...

..

Post: #106
Title: Re: مسادير يا أهل المسادير//(3)..................
Author: munswor almophtah
Date: 01-25-2012, 00:53 AM
Parent: #103

أريت البيك يزول "منصور" قنابلك يركَّنْ
ولي تقنت جماعتك بي شداعة يدُكَّنْ
المرض القبيل نوسربي فيا اتمكن
سببو البي جمالها بنات فريقا يحَكَّنْ

محمود

حافظات للعب ورق الغرام هن شكن
وقبال أرمى آس سبقنى جلن ودكن
شاطبات عقلى دايما والمزاج كم عكنن
وشارطات قلبى يوت عصب العشق كيف حكن

منصور

قل لهم (هاؤموا إقرأوا كتابى)

Post: #107
Title: Re: مسادير يا أهل المسادير//(3)..................
Author: munswor almophtah
Date: 01-25-2012, 10:49 PM
Parent: #106

والينا القنيص جفلن معيزو وفزن
وصقعن للحصايا وللضنيبات هزن
قوقا القمرى فوقنا وديك قماحن أذن
وخربن شوق دقونا وبهدلنو وجزن

منصور

Post: #108
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-26-2012, 01:38 AM
Parent: #107

Quote:
والينا القنيص جفلن معيزو وفزن
وصقعن للحصايا وللضنيبات هزن
قوقا القمرى فوقنا وديك قماحن أذن
وخربن شوق دقونا وبهدلنو وجزن

منصور

قايمين بالخميس جبنا البكاسي يئزّنْ
ويات من قال بقوم عمَّرْ سلاحو ؤوزّنْ
ود الأريل الفوقو الكــــللَّبْ رزّنْ
خاتيات القماح جابنو نُخري ينِزّنْ

محمود..

"الإجازة" يا أستاذ...الشي بتقطع نفسنا ساي بدون ما تجيزنا؟؟ ثم إنه التعديل للتشكيل وكدا..

..

Post: #109
Title: Re: مسادير يا أهل المسادير//(3)..................
Author: munswor almophtah
Date: 01-26-2012, 02:56 AM
Parent: #108

قايمين بالخميس جبنا البكاسي يئزّنْ
ويات من قال بقوم عمَّرْ سلاحو ؤوزّنْ
ود الأريل الفوقو الكــــللَّبْ رزّنْ
خاتيات القماح جابنو نُخري ينِزّنْ

محمود..

عند القومه جن حضرن ركوبنا يعزن
وصيد لى صيد بدور إدى التحايا يلزن
بندور فرحتن شبه الأرايل يمزن
من عنق الطلح وأصوات طبولن يرزن

منصور

Post: #110
Title: Re: مسادير يا أهل المسادير//(3)..................
Author: munswor almophtah
Date: 01-26-2012, 03:32 AM
Parent: #109

شفنا البط بعوم والوز قفاهو بكاكى
وشفنا الصيد قدل فرق الشدر متاكى
شفنا القمرى طار شفنا الحبار الراكى
شفنا الغيث نزل دقنا الدعاش الزاكى

منصور

Post: #111
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-26-2012, 12:53 PM
Parent: #110

Quote:
شفنا البط بعوم والوز قفاهو بكاكى
وشفنا الصيد قدل فرق الشدر متاكى
شفنا القمرى طار شفنا الحبار الراكى
شفنا الغيث نزل دقنا الدعاش الزاكى

منصور

شفنا الفي المدارس للنباغة يحاكي
وشفنا الـ للجراح يشفي المريض الشاكي
شفنا الفي الطعم تحلف تقول كنتاكي
شفنا الناقصو في الرسمية لبس الكاكي

محمود

..

Post: #112
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-26-2012, 09:02 PM
Parent: #111

أرح..

.

Post: #113
Title: Re: مسادير يا أهل المسادير//(3)..................
Author: munswor almophtah
Date: 01-26-2012, 10:29 PM
Parent: #112

أجزناك لكن إنت من وين لازم تكون عندك علاقه بالسروراب أقلها جيره ولجوك
ورينا إنت من وين يا محمود????

منصور

Post: #114
Title: Re: مسادير يا أهل المسادير//(3)..................
Author: munswor almophtah
Date: 01-27-2012, 03:48 AM
Parent: #113

فوق أصهب مولد للصفيه مشرق
وقاصد الشوقو هابل جمرو فيا محرق
درك الوعر شاقيهو ما مدرق
وطالب الأصلو واصل فى السماح ومغرق

منصور

Post: #115
Title: Re: مسادير يا أهل المسادير//(3)..................
Author: Mahmoud Mustafa Mahmoud
Date: 01-27-2012, 03:54 AM
Parent: #113

Quote:
أجزناك لكن إنت من وين لازم تكون عندك علاقه بالسروراب أقلها جيره ولجوك
ورينا إنت من وين يا محمود????

منصور

بدور اضبح تني جاتني الإجازة علامة
من منصور كبيرنا الشاعر العلامـة
قريب من السروراب ساكي ليا إقامة
في اسلانج بنيت في الزايلة مي دوامة

محمود

أخوك من مواليد "حلة عباس" ريفي المعيلق بالجزيرة...

الوالد عليه رحمة الله جعلي من العبيدية وبربر أصلاً ،،

ولكنه من مواليد قرية الشيخ حسن ود حسونة ، حيث تزوج الوالدة

أطال الله عمرها وهي كذلك من مواليد قرية الشيخ حسن ود حسونة

رغم إن أباها جدنا مختار ود القرشي ود الفكي أب علامة حلاوي من منطقة الحلاوين الغنية بالجزيرة

حيث استقر بهم المقام هناك في جزيرة الخير..

ولعل طفولتنا بما كان فيها من ترحال مع الأهل صلةً للأرحام جعلها تختزن من الصور والمشاهد

لحياة لا ننتظر أجمل منها إلا هناك في الدار الآخرة إن شاء الله..

بالمناسبة...حكاية الجزيرة اسلانج دي ما جديدة..إذ كنا نذهب في "مواصلة" بعض الأهل هناك

شيخ الوسيلة أبو ضمرة والبصري..وزوجته رحمها الله فاطمة بت الشريف ود أمحمد ود مكي

وأمها خالتنا الكبرى عشة بت مختار ود القرشي رحمها الله..

وتربطني صداقة أيضاً بالإذاعي والدرامي والمخرج عبد العظيم أحمد عبد القادر.. له التحية،،

فبواسطته مشكوراً تحصلت على قطعة أرض غرب الزلط جاري بناؤها ..مين عارف يمكن

الواحد يستقر فيها ولو بعد حين..

لك المحبة وعظيم الثناء..

..

Post: #116
Title: Re: مسادير يا أهل المسادير//(3)..................
Author: munswor almophtah
Date: 01-27-2012, 11:04 AM
Parent: #115

عبدالعظيم حركه صديق وزميل دراسه له منى السلام وكذا للمزمل
وعثمان الشيخ المصرى.

منصور

Post: #117
Title: Re: مسادير يا أهل المسادير//(3)..................
Author: munswor almophtah
Date: 01-27-2012, 11:44 PM
Parent: #116

دوماتو بيخرن من جكيك الباجا
وقانص لى أم حجول والفيها خايل عاجا
الليل عد نجمو وللكريم كم ناجا
يشبع فيها شوف ويسرح معاها نعاجا

منصور

Post: #118
Title: Re: مسادير يا أهل المسادير//(3)..................
Author: munswor almophtah
Date: 01-28-2012, 00:15 AM
Parent: #116

بدور اضبح تني جاتني الإجازة علامة
من منصور كبيرنا الشاعر العلامـة
قريب من السروراب ساكي ليا إقامة
في اسلانج بنيت في الزايلة مي دوامة

محمود

قبال الخدو ناير وفوقو بانت شامه
ومحروس بالقبايل ناس كرم وشهامه
أهل إسلانج عدال ما بتلقى فيها غشامه
فيهم ناس صلاح أهل العلم وأبوشامه

منصور

Post: #119
Title: Re: مسادير يا أهل المسادير//(3)..................
Author: munswor almophtah
Date: 01-31-2012, 06:42 AM
Parent: #118

شرفت وقلت شافت كـلابنا معانا
وأنسندت على ساقا رهيف بنيانه
شوف دخان الضحى القالباهو فوق سيقانا
يا بدرى الأمين شبنا السفاهه كفانا

الأمين حسن البدرى

Post: #120
Title: Re: مسادير يا أهل المسادير//(3)..................
Author: munswor almophtah
Date: 02-03-2012, 02:01 AM
Parent: #119

قفل بابو بالضبه وجدع مفتاحو
خلا الناس تحوم من شوقو ما برتاحو
بندور بس نطايبو الديمه حالى ملاحو
وبندور شوف عيونو الديمه ماضى سلاحو

منصور

Post: #121
Title: Re: مسادير يا أهل المسادير//(3)..................
Author: munswor almophtah
Date: 02-08-2012, 03:04 AM
Parent: #120

الحر والسموم إتشالبنا وقمنا
وطاردين المعيز القصرنو عمرنا
بندور شوفتن ريحة مسكهن درنا
ما بنصد براهن كان لحقنا قبرنا

منصور

Post: #122
Title: Re: مسادير يا أهل المسادير//(3)..................
Author: munswor almophtah
Date: 02-08-2012, 09:12 AM
Parent: #121

فرق المغارات جسنا فيهن غرنا
وتنينا الطواف لاعند مراحهن زرنا
يا رب السماح إيمانا زاد آجرنا
من بريب صباح أكرمنا زيدو أجرنا

منصور

Post: #123
Title: Re: مسادير يا أهل المسادير//(3)..................
Author: أمير فتحي
Date: 02-08-2012, 04:09 PM
Parent: #122

الحر والسموم مو بمنعني وصالن
الحرات بنات الطابو في صلصالن
كتب الغزل موجابت خمس في خصالن
بي فد فتحه كتلني الرموش بنصالن

Post: #124
Title: Re: مسادير يا أهل المسادير//(3)..................
Author: munswor almophtah
Date: 02-09-2012, 00:05 AM
Parent: #123

دعت الغرام عضانا درنا أمصالن
ودايرين الشفا وبندور دعاش آصالن
كتب الغرام ما دوننو خصالن
عرفنو القلوب خبروهو ناس وصالن

منصور

Post: #125
Title: Re: مسادير يا أهل المسادير//(3)..................
Author: فيصل المفتاح نور الهدي
Date: 02-09-2012, 06:58 AM
Parent: #124

العزيز منصور. سلام يليق بك.

شكرا عميقا علي الدعوة و الإستضافة. دعواتك نكون قريبا من حسن ظنك.

مودتي الخالصة.

Post: #126
Title: Re: مسادير يا أهل المسادير//(3)..................
Author: Hatim Gubara
Date: 02-10-2012, 00:49 AM
Parent: #125

فوق..
لأنكم مجانييييييين.. جن..

تحياتي وأمنياتي..

Post: #127
Title: Re: مسادير يا أهل المسادير//(3)..................
Author: munswor almophtah
Date: 02-11-2012, 03:30 AM
Parent: #126

بكره وبت لبون الليله ياك بتللب
ومهره منسله وحامداك وفوقا تقلب
قوال حق دوام ما قالو قط بتدلب
وأهل الكيف حضور الليله أكيد بتعلب

ألف مرحبا بك يا فيصل

منصور

Post: #128
Title: Re: مسادير يا أهل المسادير//(3)..................
Author: إدريس محمد إبراهيم
Date: 02-11-2012, 12:14 PM
Parent: #127

Quote: بكره وبت لبون الليله ياك بتللب
ومهره منسله وحامداك وفوقا تقلب
قوال حق دوام ما قالو قط بتدلب
وأهل الكيف حضور الليله أكيد بتعلب

منصور الأريب اطربنا طرّز واكتب
أسحر للبيان وشي الدرر واستجلب
يا سمح الخصال أفضالو دايما تغلب
حيّاك النبوغ من صدرو دايماً تحلب

Post: #129
Title: Re: مسادير يا أهل المسادير//(3)..................
Author: munswor almophtah
Date: 02-12-2012, 04:56 AM
Parent: #128

هاتفن من بعيد جاب لى غناين بطرب
ودودن فوق رعود عصرن سحابن بحلب
وقت الناس تضيق تبقالا إنت درب
وهن حتلت تحت تبقالا إنت هلب

منصور

Post: #131
Title: Re: مسادير يا أهل المسادير//(3)..................
Author: فيصل المفتاح نور الهدي
Date: 02-12-2012, 07:43 AM
Parent: #129

نقرن من بعيد أصوات شتامة تطرب
ودودن زي رعيد براقو لامع بعجب
في وقت الكرب واقف عديل متكرب
و في وقت الرخا زاهد عفيف متهذب

Post: #130
Title: Re: مسادير يا أهل المسادير//(3)..................
Author: فيصل المفتاح نور الهدي
Date: 02-12-2012, 07:19 AM
Parent: #127

مالك يا صديق للمفردات بتألب
دايرات المروق من الحلق بتلب
وكتين تنكتم بين الضلوع و تصلب
تخرت لي لهات الأغنيات و تعذب

Post: #132
Title: Re: مسادير يا أهل المسادير//(3)..................
Author: munswor almophtah
Date: 02-12-2012, 12:40 PM
Parent: #130

ختمت فوقنا ساكت وشوفا كيف بتلب
وتوقد فينا نار الجوف تزيد وتعلب
يا ترب الفصاحه المن قديم متدرب
إنت بلجو فيك وأنا بالبلود متغرب

منصور

Post: #133
Title: Re: مسادير يا أهل المسادير//(3)..................
Author: فيصل المفتاح نور الهدي
Date: 02-12-2012, 01:19 PM
Parent: #132

خاتمة ديارنا حودا وفوق رووسنا تتلب
و لي نار الضلوع توكي و تزيد و تهبب
متغرب سفير ماك الطريد و مخرب
لجوك من زمان لامن بقيتا مدرب

Post: #134
Title: Re: مسادير يا أهل المسادير//(3)..................
Author: munswor almophtah
Date: 02-13-2012, 00:35 AM
Parent: #133

مليت عينيا فيها وجسمى كلو بكـلب
وهبلت نار كمينه بتشوى فينا تقلب
يا ود ناس حسن وقتين تقوم بنقنب
وياقايد الديوش متلك دوام ما بذنب

منصور

Post: #135
Title: Re: مسادير يا أهل المسادير//(3)..................
Author: munswor almophtah
Date: 02-13-2012, 11:15 PM
Parent: #134

حاتم جباره سلام من الله عليك
ياخ جن عمرو إبن يربوع ذات نفسه
وعفاريت الربع الخالى

أتذكر حين قالوا

تربرابو تربرابو تربرابو
ومعناها بلغة الإنس نحن الجن أنجاب

ياخ الشكر لك ثم الشكر لك

منصور

Post: #136
Title: Re: مسادير يا أهل المسادير//(3)..................
Author: إدريس محمد إبراهيم
Date: 02-14-2012, 07:44 AM
Parent: #135

Quote:
مالك يا صديق للمفردات بتألب
دايرات المروق من الحلق بتلب
وكتين تنكتم بين الضلوع و تصلب
تخرت لي لهات الأغنيات و تعذب

البوح يا صديق بيهو القلوب كم تقلب
يرتاح الضمير يسبي الدواخل يخلب
يا فيصل جزّم تبهر عقولنا وتسلب
يا سيد الكرام للحكمه دايماً تجلب

Post: #137
Title: Re: مسادير يا أهل المسادير//(3)..................
Author: munswor almophtah
Date: 02-15-2012, 00:21 AM
Parent: #136

بتنخب فى الكلام فرق الضلوع وبتجلب
وتقلعو زى ضرس من اللهاة وبتجذب
ببراك الأليف عارفك عديل ما بتكذب
وزراع للمكارم وللرزيله بتشجب

منصور

Post: #138
Title: Re: مسادير يا أهل المسادير//(3)..................
Author: إدريس محمد إبراهيم
Date: 02-18-2012, 09:35 AM
Parent: #137

***

Post: #139
Title: Re: مسادير يا أهل المسادير//(3)..................
Author: munswor almophtah
Date: 03-10-2012, 01:39 AM
Parent: #138

مالك يا غزال بعد الولف متضاير
ومالك شوقنا ليك بحرا ترسلو حفاير
مالك سم غرامنا الليله هايج وفاير
وبابك طب قفلتو على البشوف والزائر

منصور

Post: #140
Title: Re: مسادير يا أهل المسادير//(3)..................
Author: munswor almophtah
Date: 03-12-2012, 10:30 AM
Parent: #139

الفخة

دوب يا الفَخة دوب وين القماري الفَرَّن
ووين شدرك خَبَار نيران سمايمك اِضَرَّن
هداكي المحل عندك برك واتجَرَّن
وعودك باسَرَر فوقك تعُول ما كَرَّن

باكر بعد مايجيكي هطال البروق الفرّن
بقومنلك شواقيراً زمان ما ورّن
الزرقن صباح شال ام رويق واتقرّن
وبادرلك خريف قلب الليالي الحرّن

سايق ضهري عام سالن جروف وخورّن
والساري الحلوب مطراتو فاقن ودرّن
اصبح رابط الضحوي البصب واتحرّن
وسقايك كسر غادي وجواسرك شرّن

بعطنن فوق جواديلك تلوب وحورّن
وابو الجاعورة بتدقو الكتيرها تورّن
البرقة ام جرس رقت فحول وعبرّن
ولي شدر العديد ناس ام قرين بتطرّن

عجبي السرحة والقش البعقرو بزرّن
وبرعنو ام قريطع من جفاف ما انصرّن
سماح نيلك دفر شايل قعوي وطورّن
ويا بخت البشوف حزمك خضار وغدرّن
هذه واحدة من روائع شاعرنا جمعة البري الكباشي والفخة هي بلدة وقرية جنوب ام بادر وهي (اضاه) ومنهل كبير ومورد مياه عندما يمتلئ في الخريف يكون ملتقي لقبائل الكبابيش والكواهلة وبني جرار وحمر وقبائل اخري خاصة في اواخر الخريف وبداية الشتاء (الدرت)

ودالمقدم

Post: #141
Title: Re: مسادير يا أهل المسادير//(3)..................
Author: على احمد النعيم
Date: 03-12-2012, 12:37 PM
Parent: #140

بارك الله فيك اخى المفتاح ولا فض الله فوك

والله دائماً ما تحرك لواعج الشجن القديم فى نفوس كبلتها الليالى.

تلفونك ابى يجى معاى كلو كلو ما ادري ليش زى ما بقولو العرب .

ياخى انا تلفونى : 0097455300847
وانا مقيم فى الدوحة - قطر

تحياتى الزاكيات بلا حدود قدر ماسالن وديان هذه السارية ام تكيك.

تسلم اخى الكريم ولى عودة للمشاركة فى هذا البوست السمين والثمين.

اكرر شكرى الجزيل بلا حدود

Post: #142
Title: Re: مسادير يا أهل المسادير//(3)..................
Author: أحمد الشايقي
Date: 03-12-2012, 03:39 PM
Parent: #141

Quote:

عجبي السرحة والقش البعقرو بزرّن
وبرعنو ام قريطع من جفاف ما انصرّن

سماح نيلك دفر شايل قعوي وطورّن
ويا بخت البشوف حزمك خضار وغدرّن

ولقد أثار فينا حديث أخينا جمعة البري ودالكباشي شجوناً عن مناهلنا في (أب عرف) الكبير, تركناها خلافنا تسومها السوافي كيلاً نهاراً وليلاً.

فيا لإبداع الصورة وجزالة المعاني,

أحمد الشايقي

Post: #143
Title: Re: مسادير يا أهل المسادير//(3)..................
Author: munswor almophtah
Date: 03-31-2012, 10:51 PM
Parent: #140

منقول

وإليكم المسدار كاملاً لمافيه من وصف وفخر ومعان تستحق الوقوف عندها إضافة لوصف طريق النشوق ..
الليلة المزرقن ختـّا غادي وبيـَّت

ماخد الليل صبيب واصبح سماهو مخيـَّت
الباشندي أرسل زعفرانو وظيـَّت
ضفدع ريدا في موج المرانع عيـَّط

ودعلي كرَّب المن الرُباط قام مارح
واتوجه صبيب تِعلا ًً بشوفو البارح
صيَّا ً موجو بالعـُلـُو والهباطاط سارح
لفـّا بدري بى تور أم حقيبة القارح

قبل النجمة لزّوا علي الدُقاقة سُغارُن
وشايلين قـلـّة مارجعوا القلب لديارن
الماتعشـّا بى الضيم والمغايس جارُن
بتبـّوا سريع علي صيحة المروّة كبارُن

أصحاب الرجالة الكاملة ماهن عيـِّل
عزموا الشـّيل وجابولو القفاهو منيـِّل
عقيدتن قالهن بدري الضعينة تشيـِّل
قبـّال السحاب في أمـّات دروع بنقيـِّل

حزموا النـّوق يعجـّن ويمصع الهدّار
وحور أم دِرعة لولاهو الخبيبو كبار
ضقل الضيف وركـّازة العشير والجّار
ختفوبهن لـُبد قشـّا ً بقوم قـُمبـــار

يوسف كرّب الحوري السنابو مردّم
قال الرحمة عمـّت والحريحير قدّم
قبـّال شقـّة البيـّاح فريكـُن هدّم
الزّين درّج الفوق الجديـّن حـُدّم

كوفار الجبل نزلوا العزاز بجوارو
ركبوا جماعة للشايب المزكك زاروا
أهل المكرمة الفوق العشير بضـّاروا
دوب لى ليمُن أولاد البيفقد جارو

السما جال وقلعات الطوال أنغمّن
والكانن عُجاف فوق المِمِخات لمّن
ليالي الرحمة عادت والغرايز رَمّن
ضعاين البادية فوق ضهر العواتي أنخمّن

رحلوا وقالوا يالجيلاني من العاقة
قطعوا أبسَعَنة بي جيهة المخادة شفاقا
وصلوا أمات قماري وختوا في الدقداقة
عشاهم بالعتيم ماكشّنوا الفرطاقة

برّاق العِيَن قلـّع سحاباً سود
غاس الأرض وسـخّاها أم هبج للجود
نحمد ربنا البيهو النِّعَم بتعود
الطوفان طلع عمّ العزاز والفود

من أمات قماري صباح ضعنهم قام
ودايرين النزول سدر الفويل قِدَّام
عقيدتـّن قالهم : لازم يكون في مقام
أبجلوا الشيل وخلـّونا أنقنـِّب أيام

يوم الرابعة عزموا الشيل مع الشهلال
ولقوا مقلب جراد شابك قِعور النال
أبت ترضابو بت اللي الرميم شيّال
بتدور رتعة الحدبة الورا الجبّال

فوق وادي الحمار قطع الضعن باكرية
وقالوا مبيتنا في صلب أم متيلة عشية
اللوب المفرق وببسُط الحورية
دشنبو الحُنان عِن رتعة الضهرية

شالوا الليلة من رِد أم متيلة صباح
مسافات ريرة قِربن وعمّت الأفراح
سافل أمات سيوف بلج الضعن وأرتاح
والباشندى أرسل عنبرو الفوّاح

Post: #144
Title: Re: مسادير يا أهل المسادير//(3)..................
Author: munswor almophtah
Date: 03-31-2012, 11:03 PM
Parent: #143

قريرك فى الملاين دافقه فوقو أراك
وبريبك سرب عقب الشخاتير جاك
مرحات البكار بى حنهن حاوياك
ولايكات عود شفاك ياالشافيه درنا شفاك

منصور

Post: #145
Title: Re: مسادير يا أهل المسادير//(3)..................
Author: أمير فتحي
Date: 04-01-2012, 03:40 PM
Parent: #144

فوق منصور أخوي حجر الرحايه الكك
بينين في الفراسه وفيها قاطعين شك
لابعرفو التخرمج لا لعبهم عك
ناس سلطه وملك بدوها مك لي مك

Post: #146
Title: Re: مسادير يا أهل المسادير//(3)..................
Author: munswor almophtah
Date: 04-13-2012, 04:19 AM
Parent: #144

الاخوة الاحباب منصور ود صديق اليوم الرياض مطر ودعاش وواوير وهمبريب

جمعتكم مباركة مقدما وهاكم شوارد من الدوبيت الراقي جدا ولكم مني خالص الود اخوكم عبيد

بعد ماكبرنا والقلب بي التديُّن لقّنْ

وراقن وهوننْ ؤيشاتو من داك دقّنْ

بانن لي درعاتنْ جباهن بقّنْ

وبي الحدق المزرقِنْ زعزعنو ولقّنْ

الشيخ محمد شريف

هنا اتنين عنانيف شرق

نواوير عاطفة لا ضاقنَْ سموم لا حرق

ادين مهدوله لا بتحمل غزِلْ لا طرق

وشعر من لونو دهراباً بفجو البرق

ابوالبرعي

كزيمة الدابو دايف وقرنو يا دوب مارق

ورقابة تري وتامن فصوصك زارق

لونك زي صفا السويتي شف ومطارق

وحسابي معاكي اصبح دين قيامه وفارق

حنفي

عين زينوبا ساعتي الرادو

وشعر زينوبا زي حالك الضلمه سوادو

كفل التبربولو حليبو والزول قادو

والله جدية النقا ومرح ########و

علي الشيخ

لا بتريدي لا بجاملي

لا بهمك تعب زول لا تعب لي زاملي

العزالا ياديفة البتسرح هاملي

ريدك كمّل الناس واتي راحتك كاملي

علي ابراهيم دياب

ليه يا صيدا ليه ياصيدا

مشطوب اسمي من دفتر حساب الريدا

قالت لي شان طولت طولة شديدا

اخر مرة شوقارتك معاك حميدة

ابراهيم الدلال

Post: #147
Title: Re: مسادير يا أهل المسادير//(3)..................
Author: munswor almophtah
Date: 05-21-2012, 10:52 PM
Parent: #146

صيد المحريب مدهب للعوائد خرقن
وحادق دوق سماحن للبعاين شرقن
وقتين الشريف الشيخ معالقو إنحرقن
نحن السمبا سوينا وقلوبنا إنسرقن

منصور

Post: #148
Title: Re: مسادير يا أهل المسادير//(3)..................
Author: munswor almophtah
Date: 06-04-2012, 00:11 AM
Parent: #147

الهرع آجنا شبال طنابره وطاير
وشوقك بلو شوف من أم وجيها ناير
الزامك ريدو غارس فيك سهيمو الغاير
وقالو الليله قاصدك ولى مرابعك زاير

منصور

Post: #422
Title: Re: مسادير يا أهل المسادير//(3)..................
Author: سامي عطا المنان
Date: 04-01-2014, 02:16 PM
Parent: #87

خدعونا .... فخدعنا له
قتولونا ............... فكبرنا لهم
مرمطونا ........ فنبطحنا لهم
فصلونا ............ فعتذرنا لهم
باعونا ................. فقبضنا الثمن

Post: #149
Title: Re: مسادير يا أهل المسادير//(3)..................
Author: munswor almophtah
Date: 07-04-2012, 10:57 AM
Parent: #80

زنزانة الرماد قاطعه البصيص والضو

وفيها مسجنين ناساً أسوداً حو

أرجا الباري شن ما يريد عليك يسو

وإن وقع القدر تلقانا يابسين كو

Post: #150
Title: Re: مسادير يا أهل المسادير//(3)..................
Author: munswor almophtah
Date: 07-04-2012, 11:04 AM
Parent: #149

شعفوفة السجم فوق راسنا سوت شو

والقبل التمان من تالا عوص بو

يا الدايقين حلوها الليله أنبحو هو

وإن درتو السلام الليله بنقول كو

منصور

Post: #151
Title: Re: مسادير يا أهل المسادير//(3)..................
Author: munswor almophtah
Date: 09-29-2012, 09:28 PM
Parent: #150

خابرانا البلود قاطعاهو فينا الشك
وناس دربا عديل ما بنرضى شغل العك
وقت الحال يضيق نحن العلينا الرك
ويات من قال صقر متل الدريش بندك

منصور

Post: #152
Title: Re: مسادير يا أهل المسادير//(3)..................
Author: عبيد الطيب
Date: 09-30-2012, 05:38 AM
Parent: #151

red]رحلوا وقالوا يالجيلاني من العاقة
قطعوا أبسَعَنة بي جيهة المخادة شفاقا
وصلوا أمات قماري وختوا في الدقداقة
عشاهم بالعتيم ماكشّنوا الفرطاقة

الكتراااااااااااابل

منصور لك الشكر الاف الاف وللاخوة الرائعين المتداخلين اخيرا ادريس ابراهيم وامير فتحي وعلي النعيم والشايقي وعربونكم كلمة دوبيت كاربة بعد ساعات (بسو خلوني الابربحها)لكن قبلها بديكم (كبروس حليب) وهي خريدة ومن عيون الدوبيت وهي لعمنا الشيخ جامع علي التوم وهو من اميز شعراء الدوبيت
حلال الكرب الحلَّا ناس قَمَّاد
يحل دعتورة من بابور جمال ؤعِماد
يجينا الساري يملأ الحمرة والرّهّاد
تقلب ضحوي غرب زرقينها ليهو سواد
تعم القوز جميع ما تخلي لولا بلاد
ونرتاح من هموم الدونكي واللعداد
ؤقبل القلة تبقالهن هلاع ؤغداد
ؤربي يشبع العين المساهرة رقاد
اجب الدعوة يا الساجدنلَّك العٌباّد
وجادول منمرس في شوفتو زيف فراد
ؤعاقرو بليلة فوق الفي رقا البولاد
والشيخ قسم الله ساقلو البكر ابو لُباد
ؤ سالم نازلو بي راموس ابو التيلاد
يارب يا مجيب لي دعوة النشاد
تجمع ليّ بيهن وبي علي الاجواد
ونرجع تاني نشمي جزونا ابو غراد
نشيل التاية فوق زملاً عواتي غِلاد
ويبقي غدانا ابو كتحة ولبنهن زاد
وبي الجادول نفر بي بسطة ما بتنزاد
وكيرهِن يزوم يخنِّق دُلَّق الفدَّاد
واحمد جودة لف بي بندقو الصّيّاد
وقدام كالج ابودكة ومعاهو رباد
وقول لي موسي ارح عقباني مافي قعاد
وبت الحوّة دارت الدجِّي والممداد
ونلقي هناك نعوم اخوالنا والاجداد
وكل البادية ناس حبجور وناس حماد
وأخط التاية جنب ودعمي خال قمّاد
ونبعِد من حوالي الكلهن حسّاد

Post: #154
Title: Re: مسادير يا أهل المسادير//(3)..................
Author: Yahia Abd El Kareem
Date: 09-30-2012, 11:35 AM
Parent: #152

الشاعر الفحل ودالمفتاح

ليك طولة والله كتلنا الشوق لى مساديرك

خلينى أعدل سرج ناقتى " الرهيفة " وارجع ليك

سلامى كتير لأهل الدار والمسدار

Post: #155
Title: Re: مسادير يا أهل المسادير//(3)..................
Author: عبيد الطيب
Date: 09-30-2012, 12:09 PM
Parent: #154

شيخ العرب والقانونيين استاذنا يحي سلام كتير من اهل البوادي لشخصكم الكريم والناقة ما دام (رهيفة) خليها وجميلك علي البوادي كثير بدوك الطوال الشّثوح

مو الرّافِع رويسو الفي خبيبو بِلٌوج
ومو الطيبق صديرك يا البِنَاك مَفْجُوجْ
الوادي الغزير شِقلُو وعدارو بِسُوج
لبعو وسوَّي طفري الهبَّر المَقْجُوج

Post: #157
Title: Re: مسادير يا أهل المسادير//(3)..................
Author: عبدالله الشقليني
Date: 09-30-2012, 03:47 PM
Parent: #155

الحبيب الأكرم : المنصور

لك من الشكر أجزله ، وأظنني قد اشتركت منذ زمان ، لا أذكر ، فقد شغلتنا الشواغل . لك الشكر الجزيل على هذه الصفحات الناضرة . وسوف أورد هنا بيتين لشاعر البطانة " محمد أحمد أبوسن " أو " الحاردلو " ، وقد ذكر لفظاً قد يبدو غريباً على الأذان التي لم تتعود لغة وأمثال البطانة :
نقطف مما كتب دكتور إبراهيم الحاردلو في مقدمة "ديوان الحاردلّو " :
....وعلى الرغم مما أصاب الشكرية عامة وقادتهم خاصة من أذى وتجريد وسجن في فترة المهدية فإن الحاردلو كان يقدر المهدي حق قدره ، ويعترف له بفضله
قائداً عزيزاً قوياً فهو القائل :

كانْ المَهدي دَاكْ وَلَدَاً قَدَلْ فوقْ عِزّة
حَتْ وَد البصير سَوَّانا في طيظ وِزّة

*

Post: #158
Title: Re: مسادير يا أهل المسادير//(3)..................
Author: munswor almophtah
Date: 10-01-2012, 08:06 AM
Parent: #157

الشقلينى

لك من السلام ما يكفيك ويرضيك

وطالما أتيت بالبطانا وبرطانة زعيمها الفصيح ذلك ود أبوسن فدعنى أتيك بالجاك جقلت سرورابى جموعى خافس
و قومابى قاطع نعم كان من أساطين الهمبته وأساطين الظرف الذين يعيشون الحياة كما ينبغى وكان واصلا له عيون
يعرف بها الأسرار ومناطق الكمين وكيفيته وكان يجوس ونفر من أهل صنعته بتلك البطانات بجليبهم الذى يملخونه من
مرحات الغير عنوة وفتونه ويمارسون به كل أسباب الحياة ويطعمون به فرقانا وأفراد وجماعات وكانت تنكس لهم الرايات
عندما يردون لعد الخندريس وكانت لهم عناية ورعاية خاصه فقد شاء القدر أن وقع فى كمين وحوكم بفترة فى السجن فأنقلب
الحال بؤسا وشقاء وكان فى السجن سجانا يحاول إزلال النزلاء ولكن الجاك كان يقول له طوطين لك لمن عينك ولحاكم
بلدك وأنشد كما أنشد ود أبوسن مقاربا بين الحياتين حياة الحريه والجليب والسليب وحياة السجن وأوامر سرور السجان:

شراب البيره واللبن البجيك معبور
بقينا حيارى فى لفظا بقولو سرور

فيا لها من مفارقه يا الشقلينى منصور

Post: #159
Title: Re: مسادير يا أهل المسادير//(3)..................
Author: munswor almophtah
Date: 10-02-2012, 02:43 AM
Parent: #158

راجيك آ يحى أرح عند الشقيل فى الباجا
وراجيك شان تشوف بهما قرم لى نعاجا
فايح ريح حزاها وفيها نار شوف عاجا
وصيدا أكان جفل ريحة المسك فى عجاجا

منصور

Post: #160
Title: Re: مسادير يا أهل المسادير//(3)..................
Author: عبيد الطيب
Date: 10-02-2012, 04:20 AM
Parent: #159

الليلة القمر لي السَّربة عان ها سماحو
والقلب من هموم الديف كِتر جراحو
البهم الفي المنام بعرض علينا بجاحو
فيهو فيريقة لي الما بِندرج مُرواحو (ودعبيدالله)

Post: #161
Title: Re: مسادير يا أهل المسادير//(3)..................
Author: munswor almophtah
Date: 10-02-2012, 09:54 AM
Parent: #160

الزول وكت إكون فى النوق تمانيه مراحو
وتايات من أقانيب أورطى بس سراحو
لابس القرمصيص داغس العيون فراحو
متل أدو البنج راجى الطبيب جراحو

ود المقدم أتقدم

منصور

Post: #162
Title: Re: مسادير يا أهل المسادير//(3)..................
Author: عبيد الطيب
Date: 10-02-2012, 10:25 AM
Parent: #161

ألبِل غيَّسَن حجَرن وقع في زاوي
ؤقطعن صعدن دمّرن مع ال....
ؤجَن مادات كيف هرع الصعيد الداوي
عَقَلَن فوق اهلهن ؤ ساقن الفدقاوي

Post: #164
Title: Re: مسادير يا أهل المسادير//(3)..................
Author: Yahia Abd El Kareem
Date: 10-02-2012, 12:23 PM
Parent: #162

شوف ايامنا السجم تجارى زى الخيل

عابه هموم تكيل الدار تفيض بالحيل

شلناالفات وشلنا الجاى ولسه نشيل

ولكنا صبر مدادى حبلا متين وطويل

معذرة حدت الدرب وخرجت بالنوق من القافية فمعذرة ولعلها الطولة والانقطاعة ربطت اللسان واطلقت شيطان الهم

ساعود ياعبيد ومنصور

Post: #169
Title: Re: مسادير يا أهل المسادير//(3)..................
Author: بشرى مبارك ود السقاى
Date: 10-03-2012, 01:14 PM
Parent: #161

يا المنصور ونمّك خلانى زى مسحور
ونسانى التعب نسانى كل كل فتور
واصل ما تقييف وادينا من مطمور
ما بنشبع يميين لو عبيتو لينا شهور

شكراً لك أخى منصور المفتاح فإن غبنا عنك وغبت لظروف فارق الزمن من هواتفك الشجية فمساديرك المنداحله ربما (جابت الفرقة ) وتانى تحية!! .

Post: #163
Title: Re: مسادير يا أهل المسادير//(3)..................
Author: عبدالله الشقليني
Date: 10-02-2012, 11:34 AM
Parent: #159

Quote: راجيك آ يحى أرح عند الشقيل فى الباجا
وراجيك شان تشوف بهما قرم لى نعاجا
فايح ريح حزاها وفيها نار شوف عاجا
وصيدا أكان جفل ريحة المسك فى عجاجا

منصور

جيت يالحبيب ناغِم فَطوم من صاجا
الليلة الوحيد جاب الخبر من " راجا "
الشوق نزف مَسَكْ الجِسِم رَجرَاجا
أهلاً بالمحبة الزي سيل الجبل فَجاجا

الشقليني
.

Post: #165
Title: Re: مسادير يا أهل المسادير//(3)..................
Author: عبيد الطيب
Date: 10-02-2012, 03:42 PM
Parent: #163

دوب لي رحيل ضعن ناس ام شَوايِل
ؤدوب لي ليم بوادينا البِفِشُّو الصّايل
ؤ دوب لي لمَّة الناس البِعدلو المايل
ؤدوب لي كرفة الرَّيم والسحاب الشَّايل

بت اللَّدرَع البتَّاقا يوت من شينها
وياالمفتاح بتين نرجع نحلحِلو دينها
دايرين الدِّعاش وبِندور نَكِرفو قرينها
ودايرين قارِص النوق البشيقنا حنينها

Post: #166
Title: Re: مسادير يا أهل المسادير//(3)..................
Author: أحمد الشايقي
Date: 10-02-2012, 03:45 PM
Parent: #165

Quote:
لابس القرمصيص داغس العيون فراحو
متل أدو البنج راجى الطبيب جراحو

يا سلام يا منصور , إياهو دا الكلام

أحمد الشايقي

Post: #168
Title: Re: مسادير يا أهل المسادير//(3)..................
Author: Yahia Abd El Kareem
Date: 10-03-2012, 12:17 PM
Parent: #166

يتمايل عصير طيرا يرف بى جناحو

فاحت ريحتو عمت الجماعة الصاحو

كان يغشانا بس خلى القليب فى صراحو

كت ياعبيد تقول المنصور سكت وحواحو

Post: #170
Title: Re: مسادير يا أهل المسادير//(3)..................
Author: عبيد الطيب
Date: 10-03-2012, 03:19 PM
Parent: #168

النَّاس شوقرت ومن الصعيد جات مارقة
والقلب شاشا والعين لي غميدها مفارقة
يا استاذ يحي من ناساً سهامهن زارقة
المنصور بِوَحْوِح لي طِلوع الشّارقة

Post: #171
Title: Re: مسادير يا أهل المسادير//(3)..................
Author: munswor almophtah
Date: 10-03-2012, 07:58 PM
Parent: #170

وحواح اللدغ من شوفها باقى يهدرب
وشايل كم جبال من ريدها بيهو مسدرب
ممكون بالعشق ودر بدورلو درب
وما بشفيهو إلا الداك لباسو كرب

منصور

Post: #172
Title: Re: مسادير يا أهل المسادير//(3)..................
Author: munswor almophtah
Date: 10-03-2012, 08:24 PM
Parent: #171

جيت يالحبيب ناغِم فَطوم من صاجا
الليلة الوحيد جاب الخبر من " راجا "
الشوق نزف مَسَكْ الجِسِم رَجرَاجا
أهلاً بالمحبة الزي سيل الجبل فَجاجا

الشقليني

أم لهجا عسل حاشاها مى لاجاجا
وماها مسيخه زى واحدات ولى حاجاجه
إن قالو الجمال فايزابو من كم حاجه
وإن كجو الشراك هباره مى ولاجه

منصور

Post: #173
Title: Re: مسادير يا أهل المسادير//(3)..................
Author: munswor almophtah
Date: 10-04-2012, 01:32 AM
Parent: #172

ألبِل غيَّسَن حجَرن وقع في زاوي
ؤقطعن صعدن دمّرن مع ال....
ؤجَن مادات كيف هرع الصعيد الداوي
عَقَلَن فوق اهلهن ؤ ساقن الفدقاوي

البل فوقا قال سمح الكلام الراوى
وسيدن فى المجالس للجميع كالحاوى
لى بلد الحجاز بحرم عليها الناوى
وكان وقع القدر زى الرفيق بتخاوى

منصور

Post: #174
Title: Re: مسادير يا أهل المسادير//(3)..................
Author: munswor almophtah
Date: 10-09-2012, 01:01 AM
Parent: #173

يا المنصور ونمّك خلانى زى مسحور
ونسانى التعب نسانى كل كل فتور
واصل ما تقييف وادينا من مطمور
ما بنشبع يميين لو عبيتو لينا شهور

بشرى

مطمورة الكلام غرزت بلا طنوب
وبيت النم وقع وأتشالبوهو الطوب
الناس يوم تجيك ما ببقى من عرقوب
ويومها الداك تقيف تحلف تقول كلوب

منصور

Post: #175
Title: Re: مسادير يا أهل المسادير//(3)..................
Author: munswor almophtah
Date: 12-25-2012, 01:05 AM
Parent: #174

جرينا الشخيت كضب البقول بتخطا
وعلينا العلم للناس بقينا محطه
كحال العيون ختيتنا فى كم ورطه
دقق شوف تعال كان تلقى زولن نطا

منصور

Post: #176
Title: Re: مسادير يا أهل المسادير//(3)..................
Author: Balla Musa
Date: 12-25-2012, 03:07 AM
Parent: #175

مابنقطع شخيتكن دون اذن او خرطه
إلا بلاغنا يوصل بالتمام دون فرطه
يامنصورنا يامفتاح سجون الورطه
الناس حالا ضايقه والعوين منعرطه

Post: #177
Title: Re: مسادير يا أهل المسادير//(3)..................
Author: munswor almophtah
Date: 12-25-2012, 06:53 AM
Parent: #176

الناس ضايقه راحت من حداها العرطه
ومن فوقا بتدودى الشايله دق أبزرطه
يا جنب الرجال قايد الديوش والأورطى
يا تام المقصره فى الفرح والقرطه

خترى يا بله

منصور

Post: #178
Title: Re: مسادير يا أهل المسادير//(3)..................
Author: عبيد الطيب
Date: 12-25-2012, 09:35 AM
Parent: #177

القرين فَاسَلْنا يا المفتاح اخير نتعنَّا ناس الشُّرطه
فسي في جلدو ؤكرب قُشَّاطُّو جرَّ الشَّرطه
قالب تتججو التُّورجوكي دق أبو زرطه
ما بِفزعنا من ناس حنفي مابِمْرُقْنا من ها الورطه

Post: #179
Title: Re: مسادير يا أهل المسادير//(3)..................
Author: munswor almophtah
Date: 12-25-2012, 10:29 PM
Parent: #178

قبل ما كت بتلب من شراك الورطه
وعلا الليله ساجوك لا نفس لا فرطه
النى خلوا دقو وعرفوا عيب أبزرطه
وقفلوا الباب على سووها كاربه الخطه

منصور

Post: #180
Title: Re: مسادير يا أهل المسادير//(3)..................
Author: بشرى مبارك ود السقاى
Date: 12-26-2012, 00:31 AM
Parent: #179

نفسى أزوره وأسمع من كلامه الحالى
وما داير أطول بس كيف أقضى ليالى
بحسب فى النجوم وسادى إيد ومخالى
يا رب يا كريم شد حيلى كل أوصالى

Post: #181
Title: Re: مسادير يا أهل المسادير//(3)..................
Author: بشرى مبارك ود السقاى
Date: 12-26-2012, 00:31 AM
Parent: #179

نفسى أزوره وأسمع من كلامه الحالى
وما داير أطول بس كيف أقضى ليالى
بحسب فى النجوم وسادى إيد ومخالى
يا رب يا كريم شد حيلى كل أوصالى

Post: #182
Title: Re: مسادير يا أهل المسادير//(3)..................
Author: عبيد الطيب
Date: 12-26-2012, 06:47 AM
Parent: #181

Quote: نفسى أزوره وأسمع من كلامه الحالى
وما داير أطول بس كيف أقضى ليالى
بحسب فى النجوم وسادى إيد ومخالى
يا رب يا كريم شد حيلى كل أوصالى

الغنا والنميم ؤحوش بكري كلُّوتَسَالِي
مابنفعنا يا السقاي متل ناس ام لهيجاًحالي
ناس أبَّان شماخ والقطرة والبنقالي
ليمهن ضُل ضحي لا بشقيني لا بحلالي
بتين الرجعة لي العرب الهِناك حاسبالي
مطروح الجبين الفي بشاشتو هِلالي
فرَّ إيدينو قالدني السَّلام شاشالي
بسوِّي القوق يعرجن في الكلام دوبالي

Post: #183
Title: Re: مسادير يا أهل المسادير//(3)..................
Author: nazar hussien
Date: 12-26-2012, 08:05 AM
Parent: #182

نار اليشب في الجوف تهب نيرانا
والمذراة بتلاكد ومن بعيد دخانا
يوم سمعوبها ناس قيقرنا قالو: كفانا
صورة الطيرة والطاقية دي بتحجانا

عاشر من صفر فاتت وبوردنا صفّر
بي إنذار حريق والنام قبيل قام طفّر
قشة عينو من الخلعة بدأ يتنفّر
هبة الباري مين؟ محسن يمين يتكفّر

مو عارفنو ولدا بالدواية مسقي (ا)
قلبو صلد حديد للمكنة ما بتشقي (ا)
باب التوبة لا مسدود ولاهو متقي (ا)
شن الغاغة والسكليب؟ قمرنا أنشق؟؟

التعديل: لإضافة نجر أخدر

Post: #184
Title: Re: مسادير يا أهل المسادير//(3)..................
Author: جلال جبريل
Date: 12-26-2012, 09:39 AM
Parent: #183

Quote: نار اليشب في الجوف تهب نيرانا
والمذراة بتلاكد ومن بعيد دخانا
يوم سمعوبها ناس قيقرنا قالو: كفانا
صورة الطيرة والطاقية دي بتحجانا

نيران شيخن بكضب لابتجينا لابتغشانا
تجر سرايا في جوف المدعين إعـلانا
الناس البعــرفو الآخرة بي القمصانا
حديثــن ما بنعيرو إن قيمة الضبانة

Post: #185
Title: Re: مسادير يا أهل المسادير//(3)..................
Author: munswor almophtah
Date: 12-26-2012, 11:34 PM
Parent: #184

الناس فى العروج لله شنو الهمانا
والروح إن ختت خالقنا خابرو بكانا
الزول بى خلوتو المولى برفع شانا
ما بنعرف حقيقتو إن صابنا كان غشانا

منصور

Post: #186
Title: Re: مسادير يا أهل المسادير//(3)..................
Author: munswor almophtah
Date: 12-27-2012, 00:01 AM
Parent: #185

نفسى أزوره وأسمع من كلامه الحالى
وما داير أطول بس كيف أقضى ليالى
بحسب فى النجوم وسادى إيد ومخالى
يا رب يا كريم شد حيلى كل أوصالى

بشرى مبارك

إن شارقك حديثو تقوم تزور طوالى
وتمشى تبلو شوقك وشوف جناب العالى
لا تحسب نجوم لا تقولى سفرا غالى
تمرق بدرى تركب وأوعى لحظه تبالى

منصور

Post: #187
Title: Re: مسادير يا أهل المسادير//(3)..................
Author: جلال جبريل
Date: 12-29-2012, 08:13 AM
Parent: #186

منصور سلام البوست دا يعميني الربع الفات كلو ما شفتو وكان ما اتنقل كنت رسلتلك تفتحو النسخة الرابعة:

دحين شيل شيلتك للسواقة:

Quote: مى بلد النعام العاليه زاهيه قصوره
ويات من قام بروس سوالو كم مقصوره
حزن النيل على الباعوها دون فاتوره
حزنو كمان كتير لى الفاشر الأسطوره

أيا بلد النعام من غيرخلاف لا شورة
طعنت سنها وصبحت تعيسة صورة
بعد ما كنا مسموعين نفُرضْ الشورة
بقينا أهداف وللجيران ركوب ماسورة

Post: #188
Title: Re: مسادير يا أهل المسادير//(3)..................
Author: خالد علي محجوب المنسي
Date: 12-29-2012, 07:55 PM
Parent: #187

Quote: مى بلد النعام العاليه زاهيه قصوره
ويات من قام بروس سوالو كم مقصوره
حزن النيل على الباعوها دون فاتوره
حزنو كمان كتير لى الفاشر الأسطوره

أن طالوا السما وحتى القمر دلوّهو
ياهم البعام نفس الدرج نزلوّهو
هم باعوا الزمم والتمن قبضوهو
الحسرة يامنصور علي البلد باعهو

منصور كيف حالك والله مشتاقين

Post: #189
Title: Re: مسادير يا أهل المسادير//(3)..................
Author: munswor almophtah
Date: 01-02-2013, 02:52 AM
Parent: #188

أيا بلد النعام من غيرخلاف لا شورة
طعنت سنها وصبحت تعيسة صورة
بعد ما كنا مسموعين نفُرضْ الشورة
بقينا أهداف وللجيران ركوب ماسورة

العين القبيل فوق التتك مصروره
خابره العندها ورافعاهو فوق صنقوره
قوتها مجكنا وسارفاهو كم مطموره
عارفه البسترا وخابراهو داك طرطوره

منصور

Post: #190
Title: Re: مسادير يا أهل المسادير//(3)..................
Author: Yahia Abd El Kareem
Date: 01-02-2013, 11:35 AM
Parent: #189

أخوى المنصور حبابك ألف وكل عام ومسديرك عامرة

البلد القبيل بطربنا صوت طنبوره

ونحلف نقول مانفوته سمح الصوره

جارت بينا ايامه وسكت بابوره

شاحد المولى سعدا عميمم بالبنوره

Post: #191
Title: Re: مسادير يا أهل المسادير//(3)..................
Author: عبيد الطيب
Date: 01-02-2013, 12:54 PM
Parent: #190

عُربان عبلة أخوان فاظنة عقدوا الشّوره
ركبوا ؤشدُّوا في الكاكليت أبو فاخوره
ظعن السَّمحة شال وإتيامَنو البزّوُره
كم جفَّل عناق الرَّيل وناس أُم شوره
مُشْهادْهُن بعيد قالو العِريد ممطورة
والقوز إنشبك بي الدفرة والخافوره
طربان طيرها شادي القمري والزرزوره
ؤبسرِّح تورها يقِنِت دقَّ ابو الجاعوره

سماحة المستشار الاستاذ يحي عبدالكريم دي هديتك من ناس البادية حليب طازج حلبتو ليك هسِّع إنت وودجبريل والمنسي وصاحب الدار المفتاح
وضيوفو الكرام وكل عام انتم بألف خير محبتي

Post: #192
Title: Re: مسادير يا أهل المسادير//(3)..................
Author: munswor almophtah
Date: 01-02-2013, 03:31 PM
Parent: #191

البلد القبيل بطربنا صوت طنبوره

ونحلف نقول مانفوته سمح الصوره

جارت بينا ايامه وسكت بابوره

شاحد المولى سعدا عميمم بالبنوره

حليل زمنن قبل عـاجـبانا بى حنطوره
حليلها قطرها داجى وكان ظبط صنفوره
حليل خيراتها واجده وكان فرق بنضوره
حليلها حليل خلاها حليلو داك قنطوره

وكل عام وأنت بألف خير يا أستاذنا يحى

منصور

Post: #193
Title: Re: مسادير يا أهل المسادير//(3)..................
Author: munswor almophtah
Date: 01-29-2013, 01:12 AM
Parent: #191

يا شبك الغرام الخالى من حشاش
ويا مطر العصير الرشا جابلو دعاش
يا ترب الغزال الهارده للفشفاش
وشيخى الجابو لى من نور عوينتك داش

منصور

Post: #194
Title: Re: مسادير يا أهل المسادير//(3)..................
Author: munswor almophtah
Date: 02-16-2013, 11:12 PM
Parent: #193

الباب تربسو وجدعو المفاتيح غادى
وأصبح شوقى لايص زى لديغ الدابى
فتال للكلام ما بطولو ناس الشابى
وركاب للبزوزو فى أم هبج عيشابى

منصور

Post: #195
Title: Re: مسادير يا أهل المسادير//(3)..................
Author: munswor almophtah
Date: 03-21-2013, 11:41 PM
Parent: #194

يا بلح التموده الطعمو بملأ الجوف
ويا بريب عسين البجمال معروف
إن ضبحو الإبل والكبده طبخو الدوف
منو البقدر على شوفتك وكاتلو الخوف

منصور

Post: #196
Title: Re: مسادير يا أهل المسادير//(3)..................
Author: munswor almophtah
Date: 03-27-2013, 08:58 PM
Parent: #195

شتلة فله فى قصر الحنايا تفوحى
وكتكوت قمرى رقص صوت غناك لى دوحى
كل ما نقول نجيك لى طول علاك بتروحى
وهاريه كبادنا مره وفى القلوب بتدوحى

منصور

Post: #197
Title: Re: مسادير يا أهل المسادير//(3)..................
Author: munswor almophtah
Date: 03-27-2013, 09:02 PM
Parent: #196

قلى البن بحرق لى معالق جوفى
وبشطب دفتر الريد السقنو حروفى
قمرى الدوح غناه سلبنى عمرى وشوفى
ومروه الحب بنينا صفاه شدنا تطوفى

منصور

Post: #198
Title: Re: مسادير يا أهل المسادير//(3)..................
Author: munswor almophtah
Date: 03-28-2013, 11:17 PM
Parent: #197

نور عينيك بهر نور قلبو مره محاصرو
وكتف ساق مشيهو على اللمينه وعاصرو
يا رب الجمال أرعاهو ديمه وناصرو
وأرفع شر بلاهو من البحب وأواصرو

منصور

Post: #199
Title: Re: مسادير يا أهل المسادير//(3)..................
Author: munswor almophtah
Date: 03-28-2013, 11:40 PM
Parent: #198

ثابت قلبو كان زحن جبال ما بزح
ودايس نار غرامو مع العذاب ما بويح
شايل شوق سنين راس قلبو منو بنح
وكايس سم عشيقو الشايلو منو بفح

منصور

Post: #200
Title: Re: مسادير يا أهل المسادير//(3)..................
Author: munswor almophtah
Date: 03-29-2013, 00:27 AM
Parent: #199

قطع جسمو ساكت ومره أسمع قولو
وعارف سم عدوهو والله قال بى قولو
حافظ سر غرامو الديمه داير حولو
ونايم زر كلامو وديمه شاطب كولو

منصور

Post: #201
Title: Re: مسادير يا أهل المسادير//(3)..................
Author: munswor almophtah
Date: 03-29-2013, 00:42 AM
Parent: #200

عد الريد بكارنا عليهو دايما بردو
ولالوب الغرام شايلنو ماسكين وردو
نور من عينو كهرب للبشوفو بوردو
وعندو حسابنا جارى وإنتو ليهو أجردو

منصور

Post: #202
Title: Re: مسادير يا أهل المسادير//(3)..................
Author: munswor almophtah
Date: 03-30-2013, 09:02 PM
Parent: #201

آخ من طلتو والكاب مع التسريحه
وآخ أنا من كلامو السوا روحى كسيحه
صرصر من غرامو ضعيف هواها وريحه
ولى غرف العنايه ودونى أبقى طريحه

منصور

Post: #203
Title: Re: مسادير يا أهل المسادير//(3)..................
Author: وضاحة
Date: 03-30-2013, 10:14 PM
Parent: #202

قلبي الصلو مجبول فوق الطبايعوا سمحه
ليك ساقتو في دروب المشاعر لمحه
حاولت جهدي اكبحن خواطري الجمحه
عارفة اقداري لي رايع الاماني بتمحه

Post: #204
Title: Re: مسادير يا أهل المسادير//(3)..................
Author: munswor almophtah
Date: 03-31-2013, 09:12 PM
Parent: #203

أسألو شوفو كيف سوالى داك السالى
وكيف التما كيف روحى وبقالى تسالى
عسل المنقه من كلماتو كيف سوالى
من بخس الغرام صباهو سالو وسالى

Post: #205
Title: Re: مسادير يا أهل المسادير//(3)..................
Author: عبيد الطيب
Date: 04-06-2013, 11:03 AM
Parent: #204

Quote: قلبي الصلو مجبول فوق الطبايعوا سمحه
ليك ساقتو في دروب المشاعر لمحه
حاولت جهدي اكبحن خواطري الجمحه
عارفة اقداري لي رايع الاماني بتمحه

البرق البِولْوِل قِبلي يرسُم ويمحه
شان ما يشيلُّو من فرَّت فِويطْرِك لمحه
مع الدُّغشية سارق وجاب دعاشةً جمحه
قلبي الغاوي شارف وشاشا ليك يا السمحه

Post: #206
Title: Re: مسادير يا أهل المسادير//(3)..................
Author: munswor almophtah
Date: 04-06-2013, 11:38 PM
Parent: #205

كيفك وكيف جناك يا الما بتغيب كافاتك
وكيف الحال معاك يا الماسكه فوق آساتك
لبن الطير معاك من الندار ما فاتك
وصوت نضمك سلاح من ذره قاتل وفاتك

منصور

Post: #207
Title: Re: مسادير يا أهل المسادير//(3)..................
Author: munswor almophtah
Date: 04-09-2013, 01:07 AM
Parent: #206

خريدة العين قوامها مع الحداقه نخيله
وملمس أيدها صرفة غز حريرة التيله
جيدها من الغزال والخد يرارى أسيله
كيف ليها الوصول ورونى ليها وسيله

منصور

Post: #208
Title: Re: مسادير يا أهل المسادير//(3)..................
Author: munswor almophtah
Date: 04-14-2013, 04:53 AM
Parent: #207

مالك منى جافل وديمه عامل كاش
وبنك الريد هداك إستلمو حاضر وكاش
شايل جوز عيونك زى تتك فى كلاش
وزى فى دروه قانص راسى منك داش

منصور

Post: #209
Title: Re: مسادير يا أهل المسادير//(3)..................
Author: munswor almophtah
Date: 04-17-2013, 01:23 AM
Parent: #208

يا زول الزراعه بلاوى ما بتنحاش
ومن محرات تتيرب وتانى تصبح حاش
عمال للزرع وتقاوى مارق وخاش
ويكه وطن كجيك والباقى للأوباش

منصور

Post: #210
Title: Re: مسادير يا أهل المسادير//(3)..................
Author: munswor almophtah
Date: 04-18-2013, 00:56 AM
Parent: #149

جدى الصيد عقبنا وبالعو طول نالا
وبالحصحاص صقعنا عمتنا منو علاله
مين الداق جهنم وفوق جمر لالا
ومين الفوقا مشوى وتحتو ملاله

منصور

Post: #211
Title: Re: مسادير يا أهل المسادير//(3)..................
Author: munswor almophtah
Date: 04-20-2013, 00:53 AM
Parent: #210

شفنا بنات نعش زى البدور لاحو
وشفنا ثريا تضوى وتهدى من راحو
شفنا جضيع جدى بتهادى فى مراحو
وشفنا شدر قلوب من ريدو كم ماحو

منصور

Post: #212
Title: Re: مسادير يا أهل المسادير//(3)..................
Author: Yahia Abd El Kareem
Date: 04-20-2013, 12:54 PM
Parent: #211

المنصور اخوى مرحب بيك تانى وعاشر ومعاك شاعر البوادى الماهر ودالمقدم والسماح للطولة والمعذرة لتغيير قافية المربع

أسالو شوفو كيف طتلنى الخالى

وكيف خلا الوايح حالى

طيب اللقيا والونسة التروق حالى

اريتنا نطولها ونطوق طعمها الحالى

Post: #213
Title: Re: مسادير يا أهل المسادير//(3)..................
Author: munswor almophtah
Date: 04-22-2013, 01:55 AM
Parent: #212

فوق شنكيب خلف خشش الوعر شقاهن
عقب الصيد وقف متل البكار عداهن
حدق أم صدوغ باقى المراح رداهن
طبق الجيم برك ضيب الكبور فقاهن

منصور

Post: #214
Title: Re: مسادير يا أهل المسادير//(3)..................
Author: munswor almophtah
Date: 04-22-2013, 03:07 AM
Parent: #213

فوق ماصع ركب خطف الطبنجه الباسل
وسارب بالنجم طالب أم لهيجا عاسل
ريم بت ريم مأصله فى الجمال متناسل
ومن ناس طى كرام مو ناس بخيل أو فاسل

منصور

Post: #215
Title: Re: مسادير يا أهل المسادير//(3)..................
Author: munswor almophtah
Date: 04-24-2013, 04:08 AM
Parent: #214

أسالو شوفو كيف طتلنى الخالى

وكيف خلا الوايح حالى

طيب اللقيا والونسة التروق حالى

اريتنا نطولها ونطوق طعمها الحالى

ألف حبابك يا يحى دعنا ننادى هواتف الشعر ونرد عليك فقافيتك قاسيه

Post: #216
Title: Re: مسادير يا أهل المسادير//(3)..................
Author: محمد التجاني عمر قش
Date: 04-24-2013, 09:50 AM
Parent: #215

لأخ منصور المفتاح

لك التحية وأنت تنثر هذه الدرر من تراثنا الجميل ومشاركة منا في هذا الجهد دونكم هذه الأبيات التي جادت بها القريحة بعد إطلاق سراح إبننا المقدم إبراهيم عبيدالله الذي ألقي عليه القبض متهما بالمشاركة في المحاولة الآخيرة:

من قومت الجهل فايتهم كتير أندادك
فارس الحوبة وارث الشكرة من أجدادك
نسلك صافي يا إبراهيم نضيف تيرابك
شرّفت القبيلة محربتين ياولدنا حبابك

إبراهيم فارس الكرنة أم سلاحن رزّا
ثابت قلبه دملوج خاتي الرجف والنزّا
خاض هجليج لا قالوا خاف لا فزّا
زغرتي فرّحينا وبشري الأهل يا عزّا

إنت يا قمر العشا البضوّّي الليل
سند الهاكعة أجواداً تعدل الميل
يا خريف الماحلة الضلو باقي مقيل
مهما كان تراه السويتو سار بلحيل

(محمد التجاني)

ما قبضوك في شينه سيدها يمشي ذليل
يا تمساح الكواني الحجّر مشارع النيل
في هجليج نباك يوم الدانه والقمبيل
زعزعت الخصيم تايهاً ما لقالو دليل

(مالك إبراهيم)

دي المحرية فيك يا الولد العزيزة قبيلتك
شرفتهن ناس عزا ركزت شلتها شيلتك
أبو عبد الرحيم البحر المزرقنه نيلتك
معركة هجليج تشهد بي نباك وسيرتك

أبو عبد الرحيم ضي الليالي السوده
شرفت القبيلة حمد الله بسلامة العوده
من دم العدو سرّف سقاها بلوده
أصلو الخوف ما بحل كان تمت المعدوده

(فاطمة إبراهيم)

Post: #217
Title: Re: مسادير يا أهل المسادير//(3)..................
Author: munswor almophtah
Date: 04-25-2013, 02:20 AM
Parent: #216

سمحات فى المساير والضفاير جالو
وسمح الخد منور والكتيف جوالو
اللهج العسل برميك أختا مجالو
وربك داك لطف مدالنا فى آجالو

منصور

Post: #218
Title: Re: مسادير يا أهل المسادير//(3)..................
Author: محمد التجاني عمر قش
Date: 04-25-2013, 10:26 AM
Parent: #217

سمحه مسالبه جلا الخالق الباصرهِن
لا ساهن طوالن شوح ولا قصرهِن
ظبي العُنّس الأدرع بطوني حسرهِن
خرب اطباعي البراي عليْ خسرهِن

Post: #219
Title: Re: مسادير يا أهل المسادير//(3)..................
Author: munswor almophtah
Date: 04-25-2013, 09:32 PM
Parent: #218

الوز فى الجزر شافنو قالن كاك
والريم والأرايل قالو عنو ملاك
سالينا الحضور لو كان غنانا سلاك
وكهربنا الجمال من غير زرار واسلاك

منصور

Post: #220
Title: Re: مسادير يا أهل المسادير//(3)..................
Author: munswor almophtah
Date: 04-25-2013, 10:06 PM
Parent: #219

أسالو شوفو كيف طتلنى الخالى

وكيف خلا الوايح حالى

طيب اللقيا والونسة التروق حالى

اريتنا نطولها ونطوق طعمها الحالى

يحى عبدالكريم المحامى

أسألو شيخ جمال شوفوهو كان يمحالى
وشوفو أكان قدر إمسح سواد أحوالى
الكان عندى جايز صار منالو محالى
وزى لبن الطيور مارضنى غير حالى

منصور

Post: #221
Title: Re: مسادير يا أهل المسادير//(3)..................
Author: munswor almophtah
Date: 04-25-2013, 11:12 PM
Parent: #220

من قومت الجهل فايتهم كتير أندادك
فارس الحوبة وارث الشكرة من أجدادك
نسلك صافي يا إبراهيم نضيف تيرابك
شرّفت القبيلة محربتين ياولدنا حبابك

محمد التجانى

من ما قم صغير لامتين مشيت يا دابك
وزى ولد الدقر يات من يشوفك يهابك
عارفاك الحروب عارفاهو حد نشابك
وبتخافك ديوش عارفاك يوم تتشابك

منصور

Post: #222
Title: Re: مسادير يا أهل المسادير//(3)..................
Author: munswor almophtah
Date: 04-25-2013, 11:34 PM
Parent: #221

إبراهيم فارس الكرنة أم سلاحن رزّا
ثابت قلبه دملوج خاتي الرجف والنزّا
خاض هجليج لا قالوا خاف لا فزّا
زغرتي فرّحينا وبشري الأهل يا عزّا

محمد التجانى

شاف ديش العدو وكرج سنونو وكزا
وهبلت نار شداعتو ونما فيها وهزا
شقاق للدروب ما كاس غنيمه ولذه
وفرتاق للصفوق بقليها شيه ومزه

منصور

Post: #223
Title: Re: مسادير يا أهل المسادير//(3)..................
Author: munswor almophtah
Date: 04-26-2013, 00:04 AM
Parent: #222

إنت يا قمر العشا البضوّّي الليل
سند الهاكعة أجواداً تعدل الميل
يا خريف الماحلة الضلو باقي مقيل
مهما كان تراه السويتو سار بلحيل

(محمد التجاني)

هجليج خضتها وخشيتها بالتهليل
ومالك داك حلال ما جبتو من تنزيل
يا زول العليك مولانا ليهو بزيل
وبكرم جاه فداك بالهيبه والتزليل

منصور

Post: #224
Title: Re: مسادير يا أهل المسادير//(3)..................
Author: munswor almophtah
Date: 04-26-2013, 00:29 AM
Parent: #223

أبو عبد الرحيم ضي الليالي السوده
شرفت القبيلة حمد الله بسلامة العوده
من دم العدو سرّف سقاها بلوده
أصلو الخوف ما بحل كان تمت المعدوده

(فاطمة إبراهيم)

وقت الناس تسو فى الفارغه والمقدوده
حارس للحدود الفى الدرك ممدوده
أيدك فى التتك عينك سهم مشدوده
يا ترب الرجال إنت البلاد بتزوده

منصور

Post: #225
Title: Re: مسادير يا أهل المسادير//(3)..................
Author: munswor almophtah
Date: 04-28-2013, 10:10 PM
Parent: #224

ولد مفتاح سلاااام يا البي القريض تتغطي
وجدعك دانه دانه لابيخيب لا يخطأ
صاحبك والقرين صبحتهم في ورطة
ياك سيد النضم وسليييييقة ما سمكرتا

عوض المفتاح

Post: #226
Title: Re: مسادير يا أهل المسادير//(3)..................
Author: munswor almophtah
Date: 04-28-2013, 10:14 PM
Parent: #225

حرم سمكره وخربانه دق أب ظرطه
وبارينا القديم قصينا درب الخرطه
حنفى من البدو لا جاب لحن لا غلطه
وقرقوش حكمو قاسى أبقولنا ناس الشرطه

منصور

Post: #227
Title: Re: مسادير يا أهل المسادير//(3)..................
Author: munswor almophtah
Date: 04-30-2013, 02:31 AM
Parent: #226

من سابع سماها رمتنا فرت وطارت
وبى فرق السلم من عينا مره اتوارت
يا دوب الجرس دقوهو قالت فارت
ونحن ورقنا فوق رجفت قلوبنا إنهارت

منصور

Post: #228
Title: Re: مسادير يا أهل المسادير//(3)..................
Author: munswor almophtah
Date: 04-30-2013, 02:36 AM
Parent: #227

أمِس دُغشية يا المفتاح مطرةً رشَّتْ
ودعاشةً فايحة شاشت لي الرِّويحة ونشَّتْ
معالق قلبي بشويش غافلتها وخشَّتْ
وسلوك الرَّيد نقرتها ووين شبكتي الطشَّتْ

عبيد المقدم

Post: #229
Title: Re: مسادير يا أهل المسادير//(3)..................
Author: munswor almophtah
Date: 04-30-2013, 02:41 AM
Parent: #228

وين بت الخزام من عينا غابت وطشت
وين شدرة غرامنا عليها ماحت وهشت
وين أرواحنا ليها تهاتى يوت ما أنفشت
ونحن سلوكنا حرقت يا الشبكتك طشت

منصور

Post: #230
Title: Re: مسادير يا أهل المسادير//(3)..................
Author: munswor almophtah
Date: 05-05-2013, 09:57 PM
Parent: #229

برقاً فرّاَ دُغْشيَّة وسحابو ادَّكّنْ
طلق واويرو نسَّامو ودعاشتو إنفكَّنْ
ريشات قلبي لي الرَّايماهو طارن وركَّنْ
وطيور الذكري في جوايا جاجَن وعكَّنْ

(ود المقدم)

Post: #231
Title: Re: مسادير يا أهل المسادير//(3)..................
Author: munswor almophtah
Date: 05-05-2013, 10:00 PM
Parent: #230

وقت الدغشاوى شال وبروقو شلعن وشبكن
ريحة الخمره جات والبوخه داخن وعبكن
هوى يا عبيد أخوى من العجايب سبكن
ونحن قلوبنا ريش هن بشتننو وربكن

منصور

Post: #232
Title: Re: مسادير يا أهل المسادير//(3)..................
Author: munswor almophtah
Date: 05-06-2013, 01:23 AM
Parent: #231

جمالك فات جمال الخضره فى الرماش
وفات بت الأرايل الراعيه سعد القاش
لحظك زى سهم درو القلوب نياش
وزى مرواد مجمر بشوى للفشفاش

منصور

Post: #233
Title: Re: مسادير يا أهل المسادير//(3)..................
Author: عبيد الطيب
Date: 05-06-2013, 07:39 AM
Parent: #232

جمالك فات جمال الخضره فى الرماش
وفات بت الأرايل الراعيه سعد القاش
لحظك زى سهم درو القلوب نياش
وزى مرواد مجمر بشوى للفشفاش

منصور

فطيمة البي البياييح طاردو النوَّاش
بتاتي القنَّة بي شِقْلاً فَتَقْلُو رِشاش
سمح النَّافلة يوم باشرني ضاحِك وباش
ودَّردت قلبي في فرقانو رايح وطاش
(ودالمقدم)

Post: #234
Title: Re: مسادير يا أهل المسادير//(3)..................
Author: Yahia Abd El Kareem
Date: 05-06-2013, 10:57 AM
Parent: #233

دروبكم عاصية وسروجكم عالية ياالمنصور وود المقدم لى المتلى ما بنتنطال .... علا محاكاة الرجال رجالة

جمالك فات جمال اب غوفة الصغير وحاش

وفات غزلان البرارى عديل وما تراش

المتبور من فوق لاتحت ان جلس اوماش

خلانى من كتر الوحايح ادودر وطاش

Post: #235
Title: Re: مسادير يا أهل المسادير//(3)..................
Author: munswor almophtah
Date: 05-06-2013, 09:40 PM
Parent: #234

حالك إنتى حال الفى القصور بتكن
وماسكات زر غرامن لا رضن لا فكن
لاعبات بالقلوب سعن العشق هن وكن
وعين الشوق عليهن بهدلنها بكن

منصور

Post: #236
Title: Re: مسادير يا أهل المسادير//(3)..................
Author: Yahia Abd El Kareem
Date: 05-07-2013, 09:39 AM
Parent: #235

وين ود المقدم فى البلود مدكن

ماك طارينا بلكلمة التسر وسكن

ألحق المنصور درك فى الغرام مجكن

عارفاك سالك وفى العلاج متمكن

Post: #237
Title: Re: مسادير يا أهل المسادير//(3)..................
Author: عبيد الطيب
Date: 05-07-2013, 10:15 AM
Parent: #236

شبه بي المريق جفلن رواينو وجكَّن
غرز نشابو فوق تمرة فؤادي ومكَّن
يا أستاذ يحي إن كان الظروف ما دكَّن
بتوق الشاشا لي قلبي وعيوني إتبكَّن

Post: #238
Title: Re: مسادير يا أهل المسادير//(3)..................
Author: Yahia Abd El Kareem
Date: 05-07-2013, 12:18 PM
Parent: #237

العبيد أخوى خلنى نجر نفس وعقب جاييك

Post: #239
Title: Re: مسادير يا أهل المسادير//(3)..................
Author: munswor almophtah
Date: 05-07-2013, 07:36 PM
Parent: #238

وين الريح خزامن للدعاش زكن
وين النار غرامن فى الفؤاد فكن
وين الفى الطليح الغافلننا جكن
وين الطير قماحن قابلننا ركن

منصور

Post: #240
Title: Re: مسادير يا أهل المسادير//(3)..................
Author: munswor almophtah
Date: 05-10-2013, 11:58 PM
Parent: #239

مصل الغرام يا الطالقه فينا سخانه
يا عجب البنات الفى البرد سخّانّه
نضمك ديمه حالى وبيهو يوت ساخانّه
ولحظك سيف هلاك سالاهو فوق سالخانا

منصور

Post: #241
Title: Re: مسادير يا أهل المسادير//(3)..................
Author: munswor almophtah
Date: 05-16-2013, 09:58 PM
Parent: #240

قوقا القمرى قوقا ورقصن كبور الدوح
وقوقا ونارو هابله وفى القليب مجروح
باريت صوت غناك البى النسيم ملفوح
وعنبرو والمسك وسط الدعاش بتفوح

منصور

Post: #242
Title: Re: مسادير يا أهل المسادير//(3)..................
Author: munswor almophtah
Date: 05-16-2013, 10:01 PM
Parent: #241

نظرة وين بتحرق قامه زى البانه
حارقه قلوبنا نحن ويوت تزيد هببانه
بارود اللحاظ فى الجوف كتير عابانه
زى فنجال صباحا مبهرا وشاربانه

منصور

Post: #243
Title: Re: مسادير يا أهل المسادير//(3)..................
Author: munswor almophtah
Date: 05-16-2013, 10:05 PM
Parent: #242

ريدك كتفو وفى سوق غرامك يدوح
و جبلك تحتو بارك لا بفوت لا بروح
زولو الهالكو داك ملك الجمال ممدوح
وما بختاهو تب لا متين تمرق الروح

منصور

Post: #244
Title: Re: مسادير يا أهل المسادير//(3)..................
Author: munswor almophtah
Date: 05-19-2013, 01:07 AM
Parent: #243

الدهب المجمر للبصيغ معروف
محفوظ فى البنك حدو الحلق مسروف
يا زول همبى وأعمل معاى معروف
وبختم شيك بياضى بمدو ليك مصروف

منصور

Post: #245
Title: Re: مسادير يا أهل المسادير//(3)..................
Author: munswor almophtah
Date: 05-19-2013, 01:10 AM
Parent: #244

قادل فى الطليح والنال مفرهد وسعدو
وفايح مسكو ناشر للبجيهو بسعدو
مطر الشوق سقاهو من الزلال ما جحدو
وخلق الكون حضور شافوهو قرو وشهدو

منصور

Post: #246
Title: Re: مسادير يا أهل المسادير//(3)..................
Author: munswor almophtah
Date: 05-19-2013, 01:14 AM
Parent: #245

ياخ جن شنو وجنك مكجن جنى
وحرفك زاد زمان متل الزمان لجنى
يا برك الصلاح من العلى نجنى
بى بارود كلامو حرقنى طب لجنى

منصور

Post: #247
Title: Re: مسادير يا أهل المسادير//(3)..................
Author: aydaroos
Date: 05-19-2013, 01:40 AM
Parent: #246

ياخ جن شنو وجنك غريبة اوصافو
وحرفك زاد زمان متل الزمان وفاهو
يا برك الصلاح القلدو الحجر والطافو
بى بارود كلامو حرقنى ما طفَاهو

مشتاقين يا منصور يا مفتاح

Post: #248
Title: Re: مسادير يا أهل المسادير//(3)..................
Author: aydaroos
Date: 05-19-2013, 01:56 AM
Parent: #247

ريدك كتفو وفى سوق غرامك باير
و جبلك تحتو بارك لا بفوت لا طاير
زولو الهالكو داك ملك الجمال الناير
وما بختاهو تب لو روحو تبقى غراغر

Post: #249
Title: Re: مسادير يا أهل المسادير//(3)..................
Author: munswor almophtah
Date: 05-20-2013, 00:48 AM
Parent: #248

بى عين الغرام زى الذبيح سالخانا
من شدر الهوى الزارعنو ليك مالخانا
درب الريد نفرشو من القلب فاجخانا
زى ثمر الطمام مُبْهِرّا وتابخانا

منصور

Post: #250
Title: Re: مسادير يا أهل المسادير//(3)..................
Author: munswor almophtah
Date: 05-20-2013, 01:01 AM
Parent: #249

aydaroos
السلام ورحمة الله عليك يا رجل ياخ هذا إبداع بأقل تكلفه وكما يقولون من دقنو وأفتللو!!

رائع يا هندسه

منصور

Post: #251
Title: Re: مسادير يا أهل المسادير//(3)..................
Author: aydaroos
Date: 05-20-2013, 01:04 AM
Parent: #249

بى عين الغرام لو نظرة واحدة اهدينا
من شدر الهوى الزارعنو ليك مدِينا
درب الريد نفرشو من القلب أمشينا
زى ثمر الطمام مُبْهِرّا وتقلينا

Post: #252
Title: Re: مسادير يا أهل المسادير//(3)..................
Author: هشام المجمر
Date: 05-20-2013, 09:12 AM
Parent: #251

جمالك نابع من جواك ماهو بس برانى
حاجبك هلال
طبعك دلال
شكرا للخلقك و بيك برانى

Post: #253
Title: Re: مسادير يا أهل المسادير//(3)..................
Author: munswor almophtah
Date: 05-20-2013, 10:13 PM
Parent: #252

ريدو شبك سلوكنا وبالكهارب مسا
وطب شطب الفوايل مسح الحواس الخمسه
رحماك يا عدول الحقنى لى ما تنسى
كلمة تعيد عضاى وأرحمنى بس بى لمسه

منصور

Post: #254
Title: Re: مسادير يا أهل المسادير//(3)..................
Author: الطيب بشير
Date: 05-21-2013, 03:31 AM
Parent: #253

.
ريدك شال نهار مفتاح و قـيـّــل و مـســا
ولـّـع نار غرامو و زين عـُـقــب حـمـســا
كان زول لـيلى فـاتك بالجـنون المـســا
بتفارق العـفاف؟ كايس كـمـان تـلـمـســا

Post: #255
Title: Re: مسادير يا أهل المسادير//(3)..................
Author: munswor almophtah
Date: 05-21-2013, 07:56 PM
Parent: #254

جمالك نابع من جواك ماهو بس برانى
حاجبك هلال
طبعك دلال
شكرا للخلقك و بيك برانى

براك بس براك يا المابتشوف زول تانى
وكرم المولى دافق للبعيد والدانى
بى أب حاجبا هلال زى ما حباك حبانى
ولى أب طبعا دلال ورانى شوف دلانى

وحباك بمعنى أعطاك حتى لا تقرأ عشقك

ولك السلام توليفه يا باشمهندس

منصور

Post: #256
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 02:38 AM
Parent: #255

مرقت من مراحها أتشالبنها كلاب
وزى سهما مرق من قوسو دزو وغاب
قناص المعيز قجالها شافها رهاب
وجاهو عجاجها يلوى يقولو أمرك خاب

منصور

Post: #257
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 02:40 AM
Parent: #256

فارقت المراح هجمن عليها كلاب
وافاها الاجل عن مرقة النشاب
قناص المعيز الحاشا مو كضاب
جاهو عجاجا يلوي يقولو سهمك اصاب

فيصل المفتاح

Post: #258
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 02:45 AM
Parent: #257

قناص المعيز يوم شافا جن وشاب
وإتلبجن كلابو وودر النشاب
قدلت فوقو ساكت دى أم جمالا حجاب
وكضم الدار هواها ولا نضم لا جاب

منصور

Post: #259
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 02:50 AM
Parent: #258

قناص المعيز راسي و رزين ومهاب
كلابو اتقامزن د فرن عليها حراب
معروف من قديم قط لا نقص لا عاب
و ما بتملك لبابو مهما زانا شباب

فيصل المفتاح

Post: #260
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 03:18 AM
Parent: #259

حاشا رمى الشراك طب ما تركلها باب
وجات تقمز تتلب زى مهر قلاب
الجمل الإصيهب كان جضيع كان ناب
وعشم الراكبو ضاع وقتين بقتلو رهاب

منصور

Post: #261
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 03:41 AM
Parent: #260

بروق القبلي فرن و سلبن الطايوق
و حربسن الدروب البي تحت و الفوق
حرمني الغميد جلبن كلاي في السوق
اما كبيدتي ديك فركنبها اللايوق

فيصل المفتاح

Post: #262
Title: Re: مسادير يا أهل المسادير//(3)..................
Author: munswor almophtah
Date: 05-22-2013, 03:44 AM
Parent: #261

بروق القبلى ضون لى جوانب السوق
وكشفن سر جمال الفى الضمير محدوق
جريعة البنونى الحادقه ما بندوق
ولا بنسمع كلامو الحالى سمح الذوق

منصور

Post: #263
Title: Re: مسادير يا أهل المسادير//(3)..................
Author: munswor almophtah
Date: 05-27-2013, 11:06 PM
Parent: #262

فرعونك أتفرعن قال للمحال سواى
قال للبطولك يوم بى سيفو داك واساى
وأنا فى القلب خابرك لاك قاسى لا نساى
جرحى الغريق شايفو داويهو يا عيساى

منصور

Post: #264
Title: Re: مسادير يا أهل المسادير//(3)..................
Author: munswor almophtah
Date: 05-29-2013, 11:56 PM
Parent: #263

نحن يمين ملاقات الرجال تفرحنا
ونحن كرمنا مودابو البجيبو قمحنا
نحن الحاره ما بدمل بلاها جرحنا
عوج الطنضب القادر يجي يصلحنا

عبدالله عباس

Post: #265
Title: Re: مسادير يا أهل المسادير//(3)..................
Author: munswor almophtah
Date: 05-29-2013, 11:59 PM
Parent: #264

نحن المن زمان الناس بعرفو سمحنا
وعارفين يوم نقوم دود الكداد فى المحنه
نحن المن طرف ضيف الهجوع بفرحنا
نحن الداب قرم متل التقول قارحنا

منصور

Post: #266
Title: Re: مسادير يا أهل المسادير//(3)..................
Author: munswor almophtah
Date: 05-30-2013, 00:03 AM
Parent: #265

نحن الليهم الحق يوم نقولها النحنا
ويانا الصاقعه والهم البزيد المحنه
نحن نباشرالضيف البجي يصافحنه
نحن بشاعة الموت للبجي يقابحنا

عبدالله عباس

Post: #267
Title: Re: مسادير يا أهل المسادير//(3)..................
Author: munswor almophtah
Date: 05-30-2013, 00:09 AM
Parent: #266

لبن الطير نجودبو على البجى يصافحنا
وسم دقر الجبال نسقى البقول كاسحنا
ناس طى الزمان فى الجود جدودم نحنا
ونحن أولاد عبس كضب البقول بحبسنا

منصور

Post: #268
Title: Re: مسادير يا أهل المسادير//(3)..................
Author: munswor almophtah
Date: 05-30-2013, 02:26 AM
Parent: #267

سخاوة إيدينا للعشمان وكف المحنه
كرمنا يحير البطران وقايل النحنا
من أبواتنا جود وارثنو ما مبارحنا
نحن عدونا بتجرع غصب ماسخنه

عبدالله عباس

Post: #269
Title: Re: مسادير يا أهل المسادير//(3)..................
Author: munswor almophtah
Date: 05-30-2013, 02:30 AM
Parent: #268

إبليس جنو جت كان للبكار سارحنا
وعنتر وقت إكر كان فى الدواس شارحنا
حاتم فى الكرم شايل صفات فالحنا
وجا الكرار على دافق الثبات مانحنا

منصور

Post: #270
Title: Re: مسادير يا أهل المسادير//(3)..................
Author: munswor almophtah
Date: 06-03-2013, 01:00 AM
Parent: #269

شدر المنقه يا الرسل دعاشو كرفتك
ويا مطر الغرام المن رهيدو غرفتك
قرياف البن بفك لكن هلاك قريفتك
وشوقك كان سلاح ديش الأعادى بيفتك

منصور

Post: #271
Title: Re: مسادير يا أهل المسادير//(3)..................
Author: Yahia Abd El Kareem
Date: 06-03-2013, 08:14 AM
Parent: #270

لا قدام ياالمنصور اجبد والله لسانا انعقد وشيطان القريحة شرد سارح مع الددر .......

Post: #272
Title: Re: مسادير يا أهل المسادير//(3)..................
Author: محمد التجاني عمر قش
Date: 06-03-2013, 09:15 AM
Parent: #271

عقب التوبة مشاعر ريدي لسلوكهن عادن
وطاعون السيدة في صدري غايرات زادن
فطيم ام ماتو حقو المن الزوالات حادن
من يوم شفتو يا خلان نومي ورقادي تعادن

Post: #273
Title: Re: مسادير يا أهل المسادير//(3)..................
Author: munswor almophtah
Date: 06-03-2013, 08:50 PM
Parent: #272

يحى عبدالكريم المحامى ألف سلام وألف تحيه لك يا عزيز وياخ الجود بالموجود
وتحاياى لك وللأخ عجب الفيا وحار السلام لك وله

Post: #274
Title: Re: مسادير يا أهل المسادير//(3)..................
Author: munswor almophtah
Date: 06-03-2013, 10:46 PM
Parent: #272

.ما حسبن فواصل العينه يوم ما عدن
و لا مرقن بكوسن للمراتع عدن
جؤذر شام صباح حدب البطاين مدن
وكضب القال سلام بتلفتنلو بردن

منصور

سلام وشكر يا أيها العزيز عمر قش

Post: #275
Title: Re: مسادير يا أهل المسادير//(3)..................
Author: munswor almophtah
Date: 06-05-2013, 00:27 AM
Parent: #274

منو البنسى الغرامو سرف شرايين دمى
مين القال بسد نبع الحنان من جمى
ورد الناس ذكر وردك هوايا ويمى
يا الأنناسه من شتل الفراديس يمى

منصور

Post: #276
Title: Re: مسادير يا أهل المسادير//(3)..................
Author: munswor almophtah
Date: 06-15-2013, 01:04 AM
Parent: #275

قبل القومه ملحوا لى أم خشيمن عفن
وشدوا على البزازن وبالبطانات لفن
كواسر ضيب خشش ماهم رخم بتفن
قنيصهم صيد مبوخ بالكليت إتدفن

منصور

Post: #277
Title: Re: مسادير يا أهل المسادير//(3)..................
Author: munswor almophtah
Date: 06-18-2013, 11:35 PM
Parent: #276

حاحيت الحدى كان فى سماهو رآهو
يعكس لى ملامحو من الزوايا أراهو
يرصد لى مزاجو يجيب عجيب آراهو
يمكن يبقى حاكم كونى كان سراهو

منصور

Post: #278
Title: Re: مسادير يا أهل المسادير//(3)..................
Author: munswor almophtah
Date: 06-19-2013, 00:25 AM
Parent: #277

سجنك فيهو قاعد من زمن أسراهو
ساريهو الألم يا البى الأمر ساراهو
ممكون زى فقير ماسك الورد ساهراهو
قيدك فيهو شابل شن بسو آسراهو

منصور

Post: #279
Title: Re: مسادير يا أهل المسادير//(3)..................
Author: محمد التجاني عمر قش
Date: 06-19-2013, 10:47 AM
Parent: #278

البارح بريقات البطيني بشوفن
قطعن قلبي بنسام نزيلن و فوفن
وين ستات ريدن كتير معروفن
يا مولاي تطلق لي امشي أشوفن

Post: #280
Title: Re: مسادير يا أهل المسادير//(3)..................
Author: munswor almophtah
Date: 06-22-2013, 10:44 PM
Parent: #279

كاحل طرفو ناعس ديسو راصع كتفو
وحادق طعمو حالى مع الصيام بتختفو
قوام السحر حافظ الكتاب وبعرفو
راسو ضرب كهارب يوم رآهو وعرفو

منصور

Post: #281
Title: Re: مسادير يا أهل المسادير//(3)..................
Author: munswor almophtah
Date: 06-24-2013, 07:19 AM
Parent: #280

البارح بريقات البطيني بشوفن
قطعن قلبي بنسام نزيلن و فوفن
وين ستات ريدن كتير معروفن
يا مولاي تطلق لي امشي أشوفن

عمر قش

آخ أنا من كبادن ومن سناكيت دوفن
وآخ أنا من نقيزن يوم يدقو دفوفن
آخ أنا من مشيهن فوق عضاى لى دفوفن
وزى ملكات زمان أرواحنا دايره دفوهن

منصور

Post: #282
Title: Re: مسادير يا أهل المسادير//(3)..................
Author: abdelgadir mustafa
Date: 06-24-2013, 07:43 AM
Parent: #281

ااخ من قدلة عصير كاويه القلب شاوياهو
سوت ضرب الفلخ حتي الوريد جارحاهو
كان ما قال سلام أنا عمري شن معناهوا
الحق بالمنصور اخوك جدع وشفع فريق تابعاهو

Post: #283
Title: Re: مسادير يا أهل المسادير//(3)..................
Author: munswor almophtah
Date: 06-26-2013, 00:23 AM
Parent: #282

دايما بخفى روحو بدس عجايب لحظو
وين بتفوت تخلى الفى السماك بنلحظو
بى سر ميم ونون يا ربى ديمه تحفظو
وترفع سر جمالو تزيد فضايل حظو

منصور

Post: #284
Title: Re: مسادير يا أهل المسادير//(3)..................
Author: munswor almophtah
Date: 06-26-2013, 04:23 AM
Parent: #283

نزلت فوقنا ساريه وسيلا جانا مقرن
ونقزن جوز قطايات من صبيبا وفرن
بروق القبلى شلعن صوت رعودن كرن
وحنن نوق ركوبنا حلم شطورهن درن

منصور

Post: #285
Title: Re: مسادير يا أهل المسادير//(3)..................
Author: munswor almophtah
Date: 06-27-2013, 11:49 PM
Parent: #284

بِتْجَمع مِتِلْ فُرْصَةْ خريف مِتَْنى
خَالِفْ كيّو فوق وجع القلب ومْتَنّى
نيران ريدو هابل فوق عضاى َمتَنْىِ
لهجو المن عسل زايد أزاى وفَتَنْىِ

منصور

Post: #286
Title: Re: مسادير يا أهل المسادير//(3)..................
Author: munswor almophtah
Date: 06-30-2013, 10:56 PM
Parent: #285

عشرين حول وخت من فوق عليها تلاته
توبنا الكان حرير ما برقعو الخياته
ساكين زى نمل لا جزمه لا حت باتا
سلبو أرواحنا ديك بى غش معاهو غتاته

منصور

Post: #287
Title: Re: مسادير يا أهل المسادير//(3)..................
Author: munswor almophtah
Date: 07-17-2013, 01:57 PM
Parent: #286

شارفه موقله وسيقانا نشاب قوسا
حارقه أرواحنا مره وفينا ظاهر عوسا
شوفا وشوف وجيها عشان عقب بتكوسا
شارطه قلوبنا عنيه الحاده شفرة موسا

منصور

Post: #288
Title: Re: مسادير يا أهل المسادير//(3)..................
Author: munswor almophtah
Date: 07-18-2013, 12:00 PM
Parent: #287

صنفت روبزت عاطَت أُمِّحيجين رزَّت
جفلت توقرت شال البعامي وفزَّت
شرفت شوفها تنبت وناضرتني وغزَّت
وبي سهما سنين حلقت معالقي وجزَّت

عبيد المقدم

درارة الخريف شدرة هوانا وهزت
وقدلت فوقنا كى طالبه النجيله النزت
قماح الصد قبضنا هبوب عجاجا وصدت
وقطعت جوف كبادنا وفى الهبايل لزت

منصور

Post: #289
Title: Re: مسادير يا أهل المسادير//(3)..................
Author: munswor almophtah
Date: 07-24-2013, 03:17 PM
Parent: #288

طيفو متل ملاك وقتين طريتو وطبا
والوجع العلى من شوفتو ودر وطبا
الصوم والقيام باقيالنا منو مطبا
شال بصر القلب والجوف معالقو وطبا

منصور

Post: #290
Title: Re: مسادير يا أهل المسادير//(3)..................
Author: munswor almophtah
Date: 07-29-2013, 10:09 PM
Parent: #289

جريعة البنونى الأصلو شدر المنقه
ضاقتلو أم وسيع ختانا فى كم زنقه
الكون والكواكب قالو دنيا دبنقا
والسحره الكجور رفعو التحيه كدنقا

منصور

Post: #291
Title: Re: مسادير يا أهل المسادير//(3)..................
Author: munswor almophtah
Date: 07-30-2013, 01:31 AM
Parent: #290

ريدك داك عرفنا وشفنا رقم بريدو
وشفنا الشال منامك وليك شاقى وريدو
يا زول أصحى قوم ما تمادى فى ترديدو
جيب قدحك تعال والدايرو الله بريدو

منصور

Post: #292
Title: Re: مسادير يا أهل المسادير//(3)..................
Author: munswor almophtah
Date: 07-30-2013, 01:34 AM
Parent: #291

النم نحن ناسو العرفو غالى جريدو
ونحن الفكا لوحو عقب كتبنا جريدو
الزول إن نضم بنخبرو بى جر إيدو
وإن كسر الكلام بجبرنا بى تجريدو

منصور

Post: #293
Title: Re: مسادير يا أهل المسادير//(3)..................
Author: munswor almophtah
Date: 07-31-2013, 10:45 AM
Parent: #292

نادينا الطوال بان لينا تور الدبه
وخدر الريد مسك عصب العواطف ودبا
القلب إنزرد جغم العشق واتعبا
نازف زى مطر قبض التروس وانكبا

منصور

Post: #294
Title: Re: مسادير يا أهل المسادير//(3)..................
Author: munswor almophtah
Date: 07-31-2013, 09:20 PM
Parent: #293

لهجك منو شال نحل العسل ميزاتو
عسلا صبو شو فات العسل بى ذاتو
يا بهم الخزام الحادقه زايده حلاتو
عارض رسمو فوق شايل شعار لوحاتو

منصور

Post: #295
Title: Re: مسادير يا أهل المسادير//(3)..................
Author: munswor almophtah
Date: 09-19-2013, 09:30 PM
Parent: #294

يا ود أبنعوف بلدك ملانه جرارق
فيها السلوباق فيها البتورب شارق
هبلت فيها نار دوف جوفنا ماكل وحارق
وعاطت للفزع كان فيها إنسل مارق

عارفاكم عزه ناس نبلن معاهو شهامه
وعارفه مكانه فيكم خاتيه ضمه ملامه
لابساكم درع دايما تكروا أمامه
زى رتل الأسود كضب البقيف قدامه

منصور

Post: #296
Title: Re: مسادير يا أهل المسادير//(3)..................
Author: munswor almophtah
Date: 09-19-2013, 09:37 PM
Parent: #295

.حجر كيفِك النم النغمته عجيمـــــه
ما شايف البعاشيم في لحمنا كجيما
مشغول عن شياطين الإنس ورجيما
ما قال في أميرة وفي البدورو هجيما

سلــــــطانا عماه حيّرنا تب بالمرة
قسيم البــــــلد من نصو سوا مسرة
كاتل للخلق لاتفـــــــه سبب قال مرة
وما شايف عوج غير طرحتك يا الحرة
...
أمن المجتمع يا ربـــــي أم فـــــــــزّيعه؟
سادر في البنات بي سوطو زايدو رزيعه
ضربا لي القلب شواي تقــــــــول لنزيعه
ونحن نقوللـــــــــو لااااا وبيانّا فيه نذيعه

نون النسوة لمّت كلمتا الدغـــــــرية
لا للقهر لا للذلة لا للسلبطة الغجرية
جوة سجونا كم نمينا لي الفجــــرية
وباكر نطلقك زغرودة آآ الحرية

رباح الصادق

Post: #297
Title: Re: مسادير يا أهل المسادير//(3)..................
Author: munswor almophtah
Date: 09-19-2013, 09:44 PM
Parent: #296

بعد الودع زادت أمور تنجيما
زادت غيها والبت حلال ترجيما
قدر الناس تقول متطانشه عامله عجيمه
ما بتدور زمام بتدور تسو تلجيما

البلد المجوبك صايتو راجل الضره
ومنو الناس تفز طالبه البلود البره
غرزت نعمو طب حتى العشر ما درا
نصو هداك وقع قسموهو لينا مضره
...
الخير فيهو واجد والحياه البريه
وفيهو ترب مهيره متل رباح ورقيه
فيهو أسود تحرسو من الغريب دوريه
فيهو دهب مدفق فيهو طاهره وريه

الهول جانا داك والحاله باقيه شنيعه
والوح والوحيح بنجيد جزم تسميعا
لكناهو الصبر بى روح ملايكه منيعه
وقدر الجانا داك مافينا ليهو صنيعه

mansour

Post: #298
Title: Re: مسادير يا أهل المسادير//(3)..................
Author: munswor almophtah
Date: 09-25-2013, 11:16 PM
Parent: #295

البلد الجعيص شيبنا شيت حُكامه
وين فرسانا ديك وينها التقود حَكّامه
الشعب إندفق والثوره جاد إحْكاما
للبنبان بثبتو بدون دروع كمامه

منصور

Post: #299
Title: Re: مسادير يا أهل المسادير//(3)..................
Author: munswor almophtah
Date: 09-25-2013, 11:57 PM
Parent: #298

الضيم والظلم لى عازه يوت شاغلالى
وتازقى حسابو فيها مع الكوار شاقيالى
قومة أولادا ليها مع الحزم رايقالى
روحى مع الوساع فى الغربه تب ضايقالى

منصور

Post: #300
Title: Re: مسادير يا أهل المسادير//(3)..................
Author: munswor almophtah
Date: 09-26-2013, 00:15 AM
Parent: #299

فى التحرير سلام يا رابحه ما تنكسفى
شمسن فى علاك جاهرانا ما بتكسفى
إن زرعو الجبال كى يحجبوك تنسفى
وكم جنزير ظلم فى كراع عدوك بترسفى

منصور

Post: #301
Title: Re: مسادير يا أهل المسادير//(3)..................
Author: munswor almophtah
Date: 11-15-2013, 12:02 PM
Parent: #300

جرولى شخيت قالولى أوعى تنطو
ودرب الشوك هداك إن درتو أقدر فطو
بلعت كلامى زى الكينيا جت قرطعتو
وقت يا فرسى سوق قوام عرف برطعتو

آخ يا النحل من شوكك

منصور

Post: #302
Title: Re: مسادير يا أهل المسادير//(3)..................
Author: munswor almophtah
Date: 11-17-2013, 05:31 AM
Parent: #301

تمساح البحر مين البقول غراقو
وين دابى النقع سمو الزعاف زراقو
يا عسل الكلام وقتين يزيد شراقو
جمر الريد بهب جوف الغرام حراقو

منصور

Post: #303
Title: Re: مسادير يا أهل المسادير//(3)..................
Author: munswor almophtah
Date: 12-16-2013, 02:27 AM
Parent: #302

كتيل الريد متل بتق بدورلو رشاش
بدورلو حجاب مجرب بمنع الرشاش
ضابط القلب ناحل الضمير والقاش
متل قناص مدرب لا ختا ولا طاش

منصور

Post: #304
Title: Re: مسادير يا أهل المسادير//(3)..................
Author: munswor almophtah
Date: 12-16-2013, 02:28 AM
Parent: #303

حقاها المكانه وهيلو ماها كريه
ومين المتلو وقتين تبقى باب فكريه
مو تمساح خمج حوباتو فى العكريه
مو مدفوع محرش بى غنا المكريه

منصور

Post: #305
Title: Re: مسادير يا أهل المسادير//(3)..................
Author: munswor almophtah
Date: 12-20-2013, 01:20 AM
Parent: #304

شرك الريد لقنو وفى المنازل قجن
وقعدن منو ضروب نار غرامن فجن
قومسيون الغرام شخصنى حالا لجن
وفزن صيد هواى من سوحى بعدن لجن

منصور

Post: #306
Title: Re: مسادير يا أهل المسادير//(3)..................
Author: nour tawir
Date: 12-20-2013, 02:06 AM
Parent: #305

يا منصور أخوى..

عساك طيب أنت والمدام والعيال..
الحآصل شنو؟

Post: #307
Title: Re: مسادير يا أهل المسادير//(3)..................
Author: munswor almophtah
Date: 12-20-2013, 03:11 AM
Parent: #306

تمامين يا نور وكلنا بألف خير وأختك فى القرايه ياخ
سلام شديد وتحايا ليك يا نور

Post: #308
Title: Re: مسادير يا أهل المسادير//(3)..................
Author: munswor almophtah
Date: 12-22-2013, 03:59 AM
Parent: #307

كتفتى القلب بالريد مكنتى عَقِلْتو
لا رقلن نياقو ولا ختاها جَقِلْتو
قبلان بالحكم رضيان حواها شِقِلْتو
لى سجن الغرام راجيهو يوم نَقْلّيْتُو

منصور

Post: #309
Title: Re: مسادير يا أهل المسادير//(3)..................
Author: محمد فضل الله المكى
Date: 12-22-2013, 09:02 AM
Parent: #308

حباب المنصور وضيوفو

الرِزِق مقســوم, والمَقَـدَّر حاصِـل
والداير الفلاح,بي جَدُّو لا بُد واصِل
أعمل واجتَهِد, تلقى المصَعَّب ساهِل
رِزقك في السَّما, لا تكون غِشَيِّم وجاهِل

مطر الخير نزل, رتَع الحلال و روينا
برِق عبـادي يقـدح, والإلاه طارينا
مسـايل الحَدَب الباتت تشَـخِّر فينا
المنصور اخوي, سهرتنا عِند الزينه

Post: #310
Title: Re: مسادير يا أهل المسادير//(3)..................
Author: محمد فضل الله المكى
Date: 12-22-2013, 07:30 PM
Parent: #309

يوم جانا الخِبير من الديار هَبّينا
سربنا العِصير، ألبِلنـا خَبَّت بينا
الشَّـم غَرَّبَت ، زغلل نظـر عينينا
المنصور اخوي وين المبيت افتينا

الخبر الأكيد قالوا الشِّقيق مطرانه
فارقنا السَّموم صِبْحَ المَحَل بي قفانا
يا رب يا كريـم بي رحمتك تلفانـا
ألْبِـل سَفَّلت، أدُّوا الخـبر لِفلانـه

Post: #311
Title: Re: مسادير يا أهل المسادير//(3)..................
Author: munswor almophtah
Date: 12-25-2013, 01:22 AM
Parent: #310

ود المكى أخوى جور الزمان حاربينا
وبرغتنا البعد دا الشالنا من والدينا
مكر الغربه حار زى العصار طاحبينا
والبلد الزمان بندورو ما طابلينا

منصور

Post: #312
Title: Re: مسادير يا أهل المسادير//(3)..................
Author: munswor almophtah
Date: 12-25-2013, 01:33 AM
Parent: #311

سلك الكهربا المن البعد مساس
ويا شمس السماء اللنور بقالنا أساس
عجوة وين حداك يا الفقتا للأنناس
ويا قهوة هواى الظابطه ديمه الراس

منصور

Post: #314
Title: Re: مسادير يا أهل المسادير//(3)..................
Author: محمد فضل الله المكى
Date: 12-25-2013, 03:14 PM
Parent: #312

قوماك يا صديق ، قالوا الديار اترشَّت
وادينا القِبيل عطشان عجايفـو اتعشَّت
السرّايه صِبحت والضحَوي لاقى وشتت
قبيـل تلقى ام سمـاح ادخَّنت واتقتت

Post: #315
Title: Re: مسادير يا أهل المسادير//(3)..................
Author: محمد فضل الله المكى
Date: 12-25-2013, 03:20 PM
Parent: #314

وادي السيسبان رويان مفرهِد قشُّو
والطير ان رحَل ما ظِن يفارِق عِشُّو
الجنني يـوم هَمَـد الفريق وِاتعشُّو
جاني النسـيم شايل بخورو ورشُّـو

Post: #316
Title: Re: مسادير يا أهل المسادير//(3)..................
Author: munswor almophtah
Date: 12-25-2013, 10:19 PM
Parent: #315

نزلت ساريه فوقنا وضحكت كبورها وهشت
ونقزن فيها عبران بى قفانا ونشت
مرحات ألبل أتشبحن شقيلها أتدشت
وكبد الناس هدت من غل أصابها أنفشت

منصور

Post: #317
Title: Re: مسادير يا أهل المسادير//(3)..................
Author: محمد فضل الله المكى
Date: 12-26-2013, 08:15 AM
Parent: #316

مِتِل جديَ الغزال جات ام تمايم عابره
وفي طرف الفريق، اتنين لزمنا الجابره
دردرني الفقُر يا نفسي اهجعي صابره
بير سرّار قريب، متمنّي بير في بوجابره

Post: #318
Title: Re: مسادير يا أهل المسادير//(3)..................
Author: محمد فضل الله المكى
Date: 12-26-2013, 08:19 AM
Parent: #317

إن بَرَقَتْ بروق، بتْوحوح وازيد تنهيده
بطرى النقرشوله درب الطير في خديده
يوم شاقني الحنين، واتذكَّرت سِت الريده
جفلتَ على الفريق، سلوقي ناشْدَ الصيده

Post: #319
Title: Re: مسادير يا أهل المسادير//(3)..................
Author: محمد فضل الله المكى
Date: 12-26-2013, 08:34 AM
Parent: #318

السهره طالَت، والنجمه رحلت غابت
ونسـه وقرقراب والقَعْدَه حِليت طابت
ناقصين ام سماح، ميروده والعين صابت
عِقداً نقص من وسْطو ، شمعه ودابَت

Post: #320
Title: Re: مسادير يا أهل المسادير//(3)..................
Author: محمد فضل الله المكى
Date: 12-26-2013, 05:47 PM
Parent: #319

دِيانا الوصيفه ، والرايقه هيَّ الملكه
ناعِم جيده من صنف الحرير والسِلْكه
وكْت النم حِلا ، مفدوعه جادعه الفِركه
يااااا ستّار عليْ سطلتني الخُمَر والدِّلكه

Post: #321
Title: Re: مسادير يا أهل المسادير//(3)..................
Author: Balla Musa
Date: 12-26-2013, 06:33 PM
Parent: #320

سلام يامنصور والصحبة الطيبة من الزملاء
ووالله يامنصور كشفت لينا فطاحلة فى الدوبيت بهذا البوست
وعندك محمود الفنان ومحمد فضل الله المكى

نشاغلكم شوية هههه
جدنا الزين ودابراهيم قال:

جنيات الزمن سااااكت تنم مبسوطه
تشرب حالى تاكل من لذيذ بنوتا
الحب الأصيل منو النخيل منحوته
والصادق أزاهو مخلى كبدو بلوته

والزين ود ابراهيم هو صاحب مسدار اب حلقة

ومنه:
يا ابحلقه الرحيل عز العرب من يومو
قوم خترنا فوق بلد الطريه جسوما
عيب ود الفراش كان يمشى فى البتلومو
عريان العرض مابسترنو هدومو

يا اب حلقه الرحيلك جض منو الكور
وفرق اليوم معاى بحسب سنين وشهور
ياعسلية الجهنى ام سكونا خور
جروحك غورن مابعالجن دكتور

يا اب حلقة القعاد طولنا فيهو خلاس
لكن فى القعاد قاعدين مع اولاد ناس
والله العظيم يومى الاعنيهو خلاس
اشوف ياقوتو درا بقلعو الغواص

وجدنا عطا المنان قال:

صديه وفوقا لكبيت السياسه يسارا
وطلقات اليمين دكه وفصل دينارا
الدرعا ام جزويا فوفا بالنواره
بدر التم بهمد ومن ضياك بتضارا

الصادق عندما كان بالمستشفى تعود على رؤية حسناء اعتادت زيارة ابوها فى نفس العنبر..
يوم اتأخرت والزيارة فتحت ليها وقت..
قام عاين شافا الغفير مانعا تدخل..
صفق يدينو فى العنبر وقال:
قوموا يامرضى نشكى ونبكى للدكتور
ونكتب ورقه لى كل البجينا يزور
وقفن بره منعوهن بنات الحور
والله يتلتل البنى للعنابر سور

وقام طلع مشى للغفير قال ليهو:
شيشك ياغفير ماتدفر الفرهيدة
مابتقدر تقيف شايلا العمود فوق ايدا
ماتخرب عليها الحنه رصه جديده
شوف عرق الوجينات فوق خدود الصيده

وفى يوم مشى العياده الخاجية شاف واحدة جميلة شايله حقنة الملاريا عشان يطعنوها
قال:
فرع المحلب الشاتلنو فوق القيف
سيدو مبطرو وساقى ليالى الصيف
اللابس كرب ليلى وجليدو نضيف
سعلتك بالله يادكتور بتطعنو كيف

شيخ العرب أحمد عوض الكريم مشى مستشفى مدنى وشاف بنية حلوه وعاين فيها قامت قنتت و بصقت فى الواطه.. قال ليها:
مالك قنتى وبزغتى من شفتينا
وا أسفاى يا العجوه اللقيتك كينا
ارجوك ياسمحه فى الغلطة دى سامحينا
وان شفتينا تانى بى شبشبك دقينا

وفتكم بعافية ومتابعين

Post: #322
Title: Re: مسادير يا أهل المسادير//(3)..................
Author: munswor almophtah
Date: 12-27-2013, 02:56 AM
Parent: #321

الناس سمعو بس بالسمحه روسم شابت
والشافها إتلدغ لحست عقولم غابت
مهره منسله وحافظه العهود ما عابت
وكَرْ السبحه جرّتْ للمحبين جابت

منصور

Post: #323
Title: Re: مسادير يا أهل المسادير//(3)..................
Author: munswor almophtah
Date: 12-28-2013, 07:01 AM
Parent: #322

دكتور بله يا الفى النمه عالى جنابك
ويا قاصع الكلام المن قديم مو دابك
وزاع للمعارف ديمه فاتح بابك
وصقاع للعدو ورماى ظبط نشابك

منصور

Post: #324
Title: Re: مسادير يا أهل المسادير//(3)..................
Author: محمد فضل الله المكى
Date: 12-28-2013, 10:55 AM
Parent: #323

العزيز بله
مشكور على الإطراء وعلى الدُرر التي اتحفتنا بها ،
والتقدير للمنصور الذي جعل هذا ( المَرْبَع ) متواجِداً في الرُبع الجديد.

قالو الصَّبُر صبرين مِن حَـرُّو ما بنتوب
يوماً نسيم ودُعاش،يومـاً رُعود وهبوب
أرحـم يا كـريم، من قسـوة المحـبوب
أنا لايْكَ الصبُر ، مين ضاق صـبُر أيوب

Post: #325
Title: Re: مسادير يا أهل المسادير//(3)..................
Author: munswor almophtah
Date: 12-29-2013, 04:03 AM
Parent: #324

كملنا الصبر لامتين نطقنا الروب
وكل آمالنا صارت زى وعد عرقوب
درب الريد طويل بمشيهو كان أقروب
ورب الكون حكيم بسويلنا شيت يعقوب

منصور

Post: #326
Title: Re: مسادير يا أهل المسادير//(3)..................
Author: محمد فضل الله المكى
Date: 12-29-2013, 10:19 AM
Parent: #325

ربْعـه ، جماله طبعـه ، فايته زمـانه
قالت للقمره قومي،واتحكَّرت في مكانه
حاس في قليبي فرَّه، قُلتَ البريدو طِرانا
أنا راكب الصعب،وطاوي المسافه عشانا

Post: #327
Title: Re: مسادير يا أهل المسادير//(3)..................
Author: Yahia Abd El Kareem
Date: 12-29-2013, 12:28 PM
Parent: #326

أنا مت عديل ياالمكى فى رمانه

ساكن حداها امش واعود لبكانه

كان ما الحيا والاداب ما سكانه

بدخل فى الغرف وابقى من سكانه

Post: #328
Title: Re: مسادير يا أهل المسادير//(3)..................
Author: محمد فضل الله المكى
Date: 12-31-2013, 05:51 AM
Parent: #327

يا يحييَ الســلام منِّي، وليكَ تحيَّه
حباب ود الكِرام قَدَحُم صباح وعشيَّه
الزول الأصم ، بهديكَ صافي النيَّه
قالوا الحي بِلاقي، إن في الرِويحه بَقيَّه

المنصور اخويْ، مرحب حبابك مِيَّه
الزول الفطين، ماك زول بِسوِّي النَيَّه
من ناســاً كِرام ، هُم ناس ذِكِر وبَنِيَّه
قُبّال رد الســلام، تلقى البَهَم متْكِيَّه

Post: #329
Title: Re: مسادير يا أهل المسادير//(3)..................
Author: محمد فضل الله المكى
Date: 12-31-2013, 05:55 AM
Parent: #328

طال بينا المجال، دوبيت ونَم وطِرِبنا
والليل انقَسَــم، وِدْرتْ عقولنـا ضِهِبْنا
يوم الحَظْ يقوم، نصحى وننوم في لِعِبنا
ويوم الحظ ينوم، نلقى العضُم في الجِبنه

Post: #330
Title: Re: مسادير يا أهل المسادير//(3)..................
Author: عبدالعزيز عثمان
Date: 12-31-2013, 06:02 AM
Parent: #329

قوقا القمرى قوقا ورقصن كبور الدوح
وقوقا ونارو هابله وفى القليب مجروح
باريت صوت غناك البى النسيم ملفوح
وعنبرو والمسك وسط الدعاش بتفوح
تحيايا عطرة ،واشواق،،ارح كلو بشرنا فوقو.

Post: #331
Title: Re: مسادير يا أهل المسادير//(3)..................
Author: Yahia Abd El Kareem
Date: 12-31-2013, 12:06 PM
Parent: #330

أرح خلونا نغنى للسنة الفاتت والجاية نغنى للعمر الراح والسدر والوقت الفضل ونغنى لحظنا وسعدنا وبلدنا وبناتنا وناسنا وربعنا وللدنيا

عام سعيد الربع الغالى وربنا يديمة نعمة ودايما تامين ولامين وتايتكم عامرة

Post: #332
Title: Re: مسادير يا أهل المسادير//(3)..................
Author: munswor almophtah
Date: 01-01-2014, 00:30 AM
Parent: #331

أجدع بى قفاك كعب المصايب فوتا
وأحرص من بشر ساويلنا السافوته
أزرع سى جديد للبذره بى حنتوته
وأرعى كما اللقانيب للبلد بنوته

وكل عام وجميعكم أيها الأماجد بألف خير

منصور

Post: #333
Title: Re: مسادير يا أهل المسادير//(3)..................
Author: almulaomar
Date: 01-01-2014, 07:36 AM
Parent: #332

بدور ياقوته تلمع زي نجـيمة الزهره
وسط في مقاسه تتلألأ ثرية سهـره
أحمر لونا من نوره العيون منـجهره
أمشي بيها لي ود مله صاحب الشهره

Post: #334
Title: Re: مسادير يا أهل المسادير//(3)..................
Author: almulaomar
Date: 01-01-2014, 07:45 AM
Parent: #333

أحلي مراحل التعليم وفيها حلاوة
بداية الريد ومعرفة الجماله نقاوة
تمسك في حروف الانجليز تتقاوة
الا الواي قسم فيها الجريد إتلاوة

Post: #335
Title: Re: مسادير يا أهل المسادير//(3)..................
Author: munswor almophtah
Date: 01-02-2014, 05:47 AM
Parent: #334

يا المله الهميم لازماك رفيقة الستره
فى الرخا والعدم سانداك لزم منستره
يا معطى الجنان تصدقلو هذى المسره
لامن ناس زكاتو تجيهو ديش منكسره

أرقد للجلده يا المله وأنصر

منصور

Post: #336
Title: Re: مسادير يا أهل المسادير//(3)..................
Author: munswor almophtah
Date: 01-02-2014, 06:06 AM
Parent: #335

يا يحى اللصم نحن الوريف ساخانا
لامن صرنا نمله من الجلد سالخانه
آخ يا قدر ختيتنا فى ها الخانه
لا زولن بحل لا حيل بشيل شفخانه

منصور

Post: #337
Title: Re: مسادير يا أهل المسادير//(3)..................
Author: Yahia Abd El Kareem
Date: 01-02-2014, 09:23 AM
Parent: #336

المنصور أخوى عارفك لزوم تالانا

فى المر والحلو نمتك طاريانا

مابنسى القبيل والجاية منتظرانا

وان عز الصبر الملا الحويط يحجانا

Post: #338
Title: Re: مسادير يا أهل المسادير//(3)..................
Author: محمد فضل الله المكى
Date: 01-02-2014, 07:03 PM
Parent: #337

بوصيك يا البلوم ، زور التقيله اردافه
مرضان السِنين يطيب بالزياره مُعافى
الطيب يقع مرضــان شديد لو شافه
خلوني النزور باقي الملامه بخــافه

Post: #339
Title: Re: مسادير يا أهل المسادير//(3)..................
Author: munswor almophtah
Date: 01-03-2014, 01:42 AM
Parent: #338

رسمولنا الدرب للجديه ضامر هافا
دافق ديسها سابل فات حدود أكتافا
صدرن برتقال قامه ومعاها نحافه
نصل العين سهام جوف القلوب هدافه

محمد فضل كل سنه وأنت بألف خير

منصور

Post: #340
Title: Re: مسادير يا أهل المسادير//(3)..................
Author: munswor almophtah
Date: 01-04-2014, 06:39 PM
Parent: #339

قوقا القمرى رقص للطليح فراعا
حتن للبرم عنقن رعنو جماعه
يا خالق الجمال فى جوفنا هابله مجاعه
ها الجديه المحفله للشباب نجاعه

عبدالعزيز عثمان ألف سلام عليك

منصور

Post: #341
Title: Re: مسادير يا أهل المسادير//(3)..................
Author: محمد فضل الله المكى
Date: 01-05-2014, 07:27 AM
Parent: #340

في دار ام سماح ، لَمينا صُلحه وسُتره
الونسه طالتْ ، والفِكْره جابْتَ الفِكره
الخدار رويان ، والطَّرْفه عاقبه النتْره
الما ضاق العديل ، لابُد تصيبو الحسره

Post: #342
Title: Re: مسادير يا أهل المسادير//(3)..................
Author: Yahia Abd El Kareem
Date: 01-05-2014, 01:26 PM
Parent: #341

جالسنا أم وضيب الليلة لا عن بكرة

فى ونسة وضحك ودرنا التعب والفترة

سكرانين تمام من دون كؤؤس ولا خمرة

يطربنا اللهيج وتصحينا ريحة الخمرة

Post: #343
Title: Re: مسادير يا أهل المسادير//(3)..................
Author: munswor almophtah
Date: 01-05-2014, 06:13 PM
Parent: #342

العين من غزال والسن رخام لصافه
وخصرن مسكة إيد خفنالو من أردافه
الوجنات تشع كبده التقول أشفافه
تيار شوفها بس دم الوريد نشافه

منصور

Post: #344
Title: Re: مسادير يا أهل المسادير//(3)..................
Author: nazar hussien
Date: 01-05-2014, 08:53 PM
Parent: #343

الغزلان تحوقل من بعيد بي مسافة
من العينا نشابا وكتر وصافها
مرة يقولو ساحرة...ومرة يوت متسافهة
ولمان حارو فيها ؟ دي سمحة لامن ت ا ف هة

خصر نحيل وثابت زي مقاس الاريل
ما بتلفاهو لا بي مسطرة ولا برجل

ساقا خلقه مخروطه وتجيك في مسلسل
قطر الردف بالامتار وعند الفتر داك كم مل

Post: #345
Title: Re: مسادير يا أهل المسادير//(3)..................
Author: munswor almophtah
Date: 01-07-2014, 09:57 PM
Parent: #344

أمها من بجا والجد زمان ريافا
زى بت اللرايل ناصله فينا أسيافا
إن رصو الغزال من حواء سابقه مسافه
مين البشبها اللايكه القلوب نسافه

منصور

Post: #346
Title: Re: مسادير يا أهل المسادير//(3)..................
Author: Hamid Elsawi
Date: 01-07-2014, 10:47 PM
Parent: #345

فات عليّ البوست
و الوقت أصلاً مافِي
وكان عاوِز ألاحِق
القي الوكِت ما كافِي
أعزرني يا منصور
يا الديمة قلبك دافي
ضَيّعت الزمن
فوق الكلام الفاضي

__________________

Post: #347
Title: Re: مسادير يا أهل المسادير//(3)..................
Author: محمد فضل الله المكى
Date: 01-08-2014, 06:36 AM
Parent: #346

طِريت الزول اللذيذ نضمو،وحالي قصيدو
طِريت الضامِر اب دِيسـاً بِكتِّف سـيدو
وكِت ليلي انقسم ، والسَّهراجَه حَمَّتْ ريدو
مكتـولاً جَـفَل ، مجنـون وكاسِــر قيـدو

Post: #348
Title: Re: مسادير يا أهل المسادير//(3)..................
Author: الطيب شيقوق
Date: 01-08-2014, 10:13 AM
Parent: #347

Quote: طِريت الزول اللذيذ نضمو،وحالي قصيدو
طِريت الضامِر اب دِيسـاً بِكتِّف سـيدو
وكِت ليلي انقسم ، والسَّهراجَه حَمَّتْ ريدو
مكتـولاً جَـفَل ، مجنـون وكاسِــر قيـدو

هييييييييييييييييع كع دا النضمي ولا بلاش

تسلم جنابو

المفتاح زح لي خليني اتجدع في حدبك دا

Post: #349
Title: Re: مسادير يا أهل المسادير//(3)..................
Author: munswor almophtah
Date: 01-08-2014, 11:03 AM
Parent: #348

أمها من بجا و من الكنانة أسلافا
معتق بنها و بالهيل معبي سلافا
أريل و للإسود ضرباتو ما بتتلافا
فايت حسنها كل حسن بي أضعافا

فيصل المفتاح نور الهدى

Post: #350
Title: Re: مسادير يا أهل المسادير//(3)..................
Author: Yahia Abd El Kareem
Date: 01-08-2014, 11:08 AM
Parent: #349

ود شيقوق وينك يا الفحل سوى لك جدعة خلى نشوف تفانينك

Post: #351
Title: Re: مسادير يا أهل المسادير//(3)..................
Author: munswor almophtah
Date: 01-08-2014, 11:08 AM
Parent: #349

عينيك كاحلات من غير كحل و قيافة
متبورة قوام كالمهرة ضامر هافا
ما زي البروق وجناتا احلي اوصافا
نشفت الوريد و أسقت دموعي لحافا

فيصل المفتاح نورالهدى

Post: #352
Title: Re: مسادير يا أهل المسادير//(3)..................
Author: الطيب شيقوق
Date: 01-08-2014, 11:18 AM
Parent: #351

Quote: ود شيقوق وينك يا الفحل سوى لك جدعة خلى نشوف تفانينك

الله يا المفتاح على الطلاق محل ما يرك استاذنا يحيي دا اقطع الشك في بلد خريفو دفرة وعقلة
ومحل ما يرك تلقى مكانو زى خريف اب سعن سرفة وجرادة

اها يا اخوى ماشي وبجيك صاد بى زادي .

Post: #353
Title: Re: مسادير يا أهل المسادير//(3)..................
Author: Yahia Abd El Kareem
Date: 01-08-2014, 11:57 AM
Parent: #352

تسلم يا شيقوق

نحنا فى ضرا المنصور ما نضيم تب والعجب كان ورد الكباشى الشاطر ودالمقدم والله حلقة وتمت

Post: #354
Title: Re: مسادير يا أهل المسادير//(3)..................
Author: محمد فضل الله المكى
Date: 01-09-2014, 05:39 AM
Parent: #353

Quote: and#202;
عينيك كاحلات من غير كحل و قيافة
متبورة قوام كالمهرة ضامر هافا
ما زي البروق وجناتا احلي اوصافا
نشفت الوريد و أسقت دموعي لحافا

صح لسانك يا المنصور

Post: #355
Title: Re: مسادير يا أهل المسادير//(3)..................
Author: محمد فضل الله المكى
Date: 01-09-2014, 05:50 AM
Parent: #354

Quote: [Qاها يا اخوى ماشي وبجيك صاد بى زادي .

بدَّرنا ابتدينا، يا شيقا عاقْلَ الجافله
جملك ان شرد ، خَلُّو وألفى الحافله
المجلِس عَمَر ، والسايقه لابُد واصله
إن فاتَك فَرِض ما ظِن تَجُبْرو النافله

Post: #356
Title: Re: مسادير يا أهل المسادير//(3)..................
Author: munswor almophtah
Date: 01-09-2014, 12:13 PM
Parent: #355

الروح يوم تشوفها تروح وما بتتلافا
والقلب البدورا كما البرق تلافا
القالو ملوك عشق قصاصه ليهم آفه
لى جَبَانْ غرامهم بالكتير زفافا

منصور

Post: #357
Title: Re: مسادير يا أهل المسادير//(3)..................
Author: محمد فضل الله المكى
Date: 01-12-2014, 08:09 AM
Parent: #356

عيرتني بالشيبِ والشيبُ وقارُ .... ليتها عيَّرتني بما هوعارُ
إن تَكُـن شـابت الزوائب مني .... فالليالي تُنيرها الأقمـــارُ

قالَتْ كبير وعجوز ، والعمرِ أصلاً فاني
الشيب حَق الرِّجال ما بيهو زول سباني
الدِّهِن في العتاقي ، والعافيه شي ربّاني
والشِّدر الكُبار ، من طبعــو يثمِر تاني

Post: #358
Title: Re: مسادير يا أهل المسادير//(3)..................
Author: محمد فضل الله المكى
Date: 01-13-2014, 09:21 AM
Parent: #357

سِنونه برّاق القِبلي ، الكركابو هزَّ ورزَّ
وعيونه مِتِل كهارْبَ العِشى اب ضلاماً فَزَّ
تجيك الحاله من كُتُر دلال ناس عَزَّه
وِكتين تِســويلك مشـيت فِريـخ الـوِزَّه

Post: #359
Title: Re: مسادير يا أهل المسادير//(3)..................
Author: almulaomar
Date: 01-13-2014, 12:38 PM
Parent: #358

أجمل من دهب شيبون
وأجمل من قمر عشرة البضوي الكون
سوت قلبي كوره ورتبتلو فنون
مرة تشوتو آوت ومره جووووه القون

Post: #360
Title: Re: مسادير يا أهل المسادير//(3)..................
Author: munswor almophtah
Date: 01-14-2014, 01:08 AM
Parent: #359

الجاب الوصف قال مافى قط أوصافا
أحلى من العسل ما بتلحقا الجوافه
عشرق مسكها الضواح بيملأ مسافه
نورن من عيونا كهاربو ليك كـتـافه
منصور

Post: #361
Title: Re: مسادير يا أهل المسادير//(3)..................
Author: محمد فضل الله المكى
Date: 01-16-2014, 07:18 AM
Parent: #360

عيون المها بين الرِّصافةِ والجِّسرِ .... جلبن الهوى من حيثُ أدري ولا أدري

يوم شُفتَ العيون ،لا حوله لَيْ لا قُوه
سهماً خَفَس صدري وصاب الجُّـوه
يا رب العِباد ، مالو القِليب شِن سوّا
فقدتَ الإتجاه ، عميان وقع في هُوَّه

Post: #362
Title: Re: مسادير يا أهل المسادير//(3)..................
Author: munswor almophtah
Date: 01-16-2014, 11:36 PM
Parent: #361

ود شيقوق تدودر لا بتجيب لا تجدع
وعارض فوقنا ساكت غير كلام متجدع
عبران دار صباح ختمن قفاها مودع
وهبلن فينا نور شوقن سماحتو تبدع

منصور

Post: #363
Title: Re: مسادير يا أهل المسادير//(3)..................
Author: munswor almophtah
Date: 01-17-2014, 01:04 PM
Parent: #362

كورة البيضه فاتا من البلد خلاهو
لا خرش الدخن لا ساق مبارى خلاهو
شوقو على المسوح المتلو وين إلقاهو
داك كجامو هابر صيدو دز عجاهو

منصور

Post: #364
Title: Re: مسادير يا أهل المسادير//(3)..................
Author: munswor almophtah
Date: 01-18-2014, 11:26 PM
Parent: #363

الزول نرمى طوبتو نقول خلاس يبرانا !!
وزى ما قلت إت ساو للسان سخانه
ذكر الليل حبابو بودى فوق بالزانا
ما برمينا زول كان بالكرين لزانا

منصور

Post: #365
Title: Re: مسادير يا أهل المسادير//(3)..................
Author: محمد فضل الله المكى
Date: 01-19-2014, 06:19 AM
Parent: #364

Quote: عيون المها بين الرِّصافةِ والجِّسرِ .... جلبن الهوى من حيثُ أدري ولا أدري]

عيون المها ، نَبّالها صـابت قلبي
وين غوَّرت؟ ما داري يعـلم ربِّي
لو بالمُراد ، ألقاها ديمـه في دربي
لُطفك يا كريم جرح العيون نوسربي

Post: #366
Title: Re: مسادير يا أهل المسادير//(3)..................
Author: munswor almophtah
Date: 01-20-2014, 11:04 PM
Parent: #365

ياخ لجونا ديك لبنا بقرتو حلوبه
كانوا رباعه فى الخير والحرابه تلوبه
شقولنا الدرب ديك البعزو أم روبه
ما بنختاهو لامن الروح تروح فى دروبه

منصور

Post: #367
Title: Re: مسادير يا أهل المسادير//(3)..................
Author: محمد فضل الله المكى
Date: 01-21-2014, 09:42 AM
Parent: #366

تقولُ وقد مال الغبيطُ بنا معاً .... عقرتَ بعيري يا امرؤ القيسَ فانزِلِ

أنزِل يا الحبيب، خَفِّف حِمولو شويَّه
الجمل اتمكن، والمايله دي الشِّبريَّه
بخـاف من العيون ، وكلمـةً ملوِيَّه
وان شافك عزول،لابُد تصيبني بليَّه

Post: #368
Title: Re: مسادير يا أهل المسادير//(3)..................
Author: Yahia Abd El Kareem
Date: 01-21-2014, 11:31 AM
Parent: #367

قرب يالحبيب عودتك دوام مطرية

نترجاك تطل والسمة هى المحرية

وقتين شلع النور بى جيتك البدرية

عمانا الطرب لاطبلة لا صقرية

Post: #369
Title: Re: مسادير يا أهل المسادير//(3)..................
Author: محمد فضل الله المكى
Date: 01-26-2014, 08:46 AM
Parent: #368

إن مُدَّت الأيدي إلى الزادِ لم أكُن .... بأعجلِهِم ، إذ أجشع القومِ أعجَلُ

إن حضر الطعام، ماني اللهوف السايب
العجـلان بخيل، بى طبعـو زولاً عـايب
بِنعشِّي ضيف الهجعه،نرويهُ حاضِر ورايب
ونواسي سيد الوجعه، لامِن يقوم متطايب

Post: #370
Title: Re: مسادير يا أهل المسادير//(3)..................
Author: Yahia Abd El Kareem
Date: 01-26-2014, 12:40 PM
Parent: #369

لا قدام أ ناس انهزو الزاملة لا تفتر

وين ودشيقوق وين الكباشى الشاعر النحرير ود المقدم وين احمد التجانى ودماهل

Post: #371
Title: Re: مسادير يا أهل المسادير//(3)..................
Author: munswor almophtah
Date: 01-26-2014, 11:33 PM
Parent: #370

تاتن فوقنا ساكت لى شراكن قجن
وهبلن نار غرامن لينا عنيه وفجن
كيدن فينا نافذ لا بفك لا بنجن
وفى باستيل هواهن كتفننا زجن

منصور

Post: #372
Title: Re: مسادير يا أهل المسادير//(3)..................
Author: محمد فضل الله المكى
Date: 01-28-2014, 03:50 PM
Parent: #371

Quote: [Bإن مُدَّت الأيدي إلى الزادِ لم أكُن .... بأعجلِهِم ، إذ أجشع القومِ أعجَلُB]

نعم، خير الطعام فيهو الأيـادي كتيره
إلا المهَلَه سمحه، والتَّقَلَه ما في نظيره
كُل مما يليك، لا تخلِّي المعاك في حيره
وكم زولاً أكول، الدنيا ما ضاق خـيره

Post: #373
Title: Re: مسادير يا أهل المسادير//(3)..................
Author: munswor almophtah
Date: 01-30-2014, 00:13 AM
Parent: #372

قالولنا الخطاب جضينا تب نتنبأ
وفرغنا النفوس كان بيهو شان تتعبأ
قدانا البشير بالفارغه عاط واتدبا
ولاك الوثبه قول للزوغه حالا كبا

منصور

Post: #374
Title: Re: مسادير يا أهل المسادير//(3)..................
Author: munswor almophtah
Date: 01-30-2014, 08:27 PM
Parent: #373

النيم داك عرطنا وما تركنا الحبه
وقرطعنا الحناضل من خطابو العبا
بحر الناس دفر جبل الكبار كم جبا
وإنكسرن خواطر ليها طب ما لبا

ألف شكرا يا حنفى بى قدحك أبو خرز ولك السلام
منصور

Post: #375
Title: Re: مسادير يا أهل المسادير//(3)..................
Author: محمد فضل الله المكى
Date: 01-31-2014, 07:40 PM
Parent: #374

Quote: إن مُدَّت الأيدي إلى الزادِ لم أكُن .... بأعجلِهِم ، إذ أجشع القومِ أعجَلُ

ما بنسابق الضيف ، ناقصَ القُداحه نزيدو
المرض من الله ، ومرض البطُن من سيدو
الراجـل التقيل ، أجـواد وباسِـط إيدو
والزول البِطيني ، في الحاره خاتي نديدو

Post: #376
Title: Re: مسادير يا أهل المسادير//(3)..................
Author: munswor almophtah
Date: 02-06-2014, 06:43 AM
Parent: #375

الشوق فى القلب ودانى ليهن ساق
وفيهن نور عيون فيهن محال الساق
زولن وين بقيف ببلنو بالساساق
وزى بقر السواقى بدون ترس سواق

منصور

Post: #377
Title: Re: مسادير يا أهل المسادير//(3)..................
Author: munswor almophtah
Date: 02-09-2014, 04:55 AM
Parent: #376

قناص المعيز حصحص خلاهو لقاهن
وهبرلنو الشرك متل البهم باراهن
خلاق السماح زاد فى الجمال بَرّاهِن
عنقن داب ربن برم الطلح رباهن

منصور

Post: #378
Title: Re: مسادير يا أهل المسادير//(3)..................
Author: Yahia Abd El Kareem
Date: 02-09-2014, 10:44 AM
Parent: #377

كشح الخلا بى عجاج صميم والاهن

لماهن فد صفيف ومتل البرق بى وراهن

ما تكاسل وقف جر النفس وعناهن

غز نشابه دا النقاد وشال احلاهن

Post: #379
Title: Re: مسادير يا أهل المسادير//(3)..................
Author: munswor almophtah
Date: 02-10-2014, 05:19 AM
Parent: #378

راتعات فى السعد نقر الطبنجه ختاهن
ونقزن خيل سبق كتحن عجاج بقفاهن
كلابو منسلات حجر المعيز عجاهن
وبى سيقان نعام المولى شاف نجاهن

منصور

Post: #380
Title: Re: مسادير يا أهل المسادير//(3)..................
Author: Yahia Abd El Kareem
Date: 02-10-2014, 12:54 PM
Parent: #379

يا سلام يا المنصور نشابك هبر وصابنا فى جرحا ماببرا الا نزور دارا صيدا فى الخلا بجدع وبالطويلة سارح بلا خوف
بعد ان انقطع الناس عن الصيد ومطاردة الغزلان
بجيك انشاء الله لو فى الدنيا فسحة

تحياتى

Post: #381
Title: Re: مسادير يا أهل المسادير//(3)..................
Author: munswor almophtah
Date: 02-11-2014, 01:24 AM
Parent: #380

نعم، خير الطعام فيهو الأيـادي كتيره
إلا المهَلَه سمحه، والتَّقَلَه ما في نظيره
كُل مما يليك، لا تخلِّي المعاك في حيره
وكم زولاً أكول، الدنيا ما ضاق خـيره

تمساح القداحه الفيها ديمه مغرز
وإيدو على الحلق مَكَنْ الخياطه تَطَرِّزْ
القدح أبوخُرُزْ دايما بلبو مبرز
وزى ولد الأسد خَرشْ الطعام ما بِفرِّزْ

منصور

Post: #382
Title: Re: مسادير يا أهل المسادير//(3)..................
Author: محمد فضل الله المكى
Date: 02-16-2014, 05:35 AM
Parent: #381

وَكْـت الليل برد وقمرالسبوعين تَـمَّ
خلق الله هجعت ، لا أتَر لا لَمـَّه
غالِبني المنام سهران رفيقتي الحُمَّه
لا دوبايـاً يفيـد لا شِعِــر لا نَمـَّـه

Post: #383
Title: Re: مسادير يا أهل المسادير//(3)..................
Author: محمد فضل الله المكى
Date: 02-19-2014, 05:05 AM
Parent: #382

جدي الأريل الورد الرِّهيد ضُهريـه
ولَّع جمرو في جِسمي وطلق ناريَّه
بِكريَّه شاربه من لبن البكاري تَريَّـه
يغتيها الكريم من عين الحسود هي بريَّه

Post: #384
Title: Re: مسادير يا أهل المسادير//(3)..................
Author: munswor almophtah
Date: 02-20-2014, 01:34 AM
Parent: #383

جبخانك حى بيكتل ما بْتَخُتى فشنكه
وسهمك قايدو جن جوف القلوب كم شكا
الحال ياهو ذاتو لا أنبدل لا أنشكا
والشاك فى المقام شربك شبكتو شَبكّا

منصور

Post: #385
Title: Re: مسادير يا أهل المسادير//(3)..................
Author: محمد فضل الله المكى
Date: 02-25-2014, 03:22 PM
Parent: #384

قل للمليحةِ في الخِمارِ الأسودِ .... ماذا تُريدُ بِناسِكٍ مُتعبِّدِ
قد كانَ شَمَّرَ للصلاةِ ثيابَهُ .... حتى وقفتِ لهُ ببابِ المسجِدِ
رُدِّي عليهِ صلاتهُ وصِيامهُ .... لا تقتليهِ بِحقِّ دينِ مُحمَّـدِ

قول للمليحه ، اللابسه الخِمار مُنستره
جرجرتي الفقير من الصـلاح للعتره
شمَّر للصلاه ، وظهرتِ في الباب شترا
رُدِّيلو الفروض ، لا يموت كمد بالحسره

Post: #386
Title: Re: مسادير يا أهل المسادير//(3)..................
Author: محمد فضل الله المكى
Date: 02-25-2014, 03:53 PM
Parent: #385

قول للمليحه ، الجات مبلَّمه مارقه
مالِك ومال فقير جارِد سِبِحتو الفارقه
يوم مرقَت مِتِل شمس الصباح الشارقه
لا خلَّت صيام ، ولصلاتنا صِبحت سارقه

Post: #387
Title: Re: مسادير يا أهل المسادير//(3)..................
Author: محمد فضل الله المكى
Date: 03-01-2014, 06:45 AM
Parent: #386

سَقطَ النصيفُ ولم تُرِد إسقاطهُ .... فتناولتهُ واتَّقتنا باليدِ

يوم داك العِصير ، التوب فَلَتْ من جِيده
إتناولت بي إيد ، والساتره كانت إيـده
لازمين الحـدود ، لا أنـَّه لا تنهـيده
إلاّ السرقه بي طَـرَف العيون بنريـده

Post: #388
Title: Re: مسادير يا أهل المسادير//(3)..................
Author: محمد فضل الله المكى
Date: 03-01-2014, 06:51 AM
Parent: #387

التوب يوم وقعْ،في قلوبنا شعلل ريده
ختَفَت طرَفو واتلافَت عيـونّا بِإيده
أركِز يا صديق، السمحه مُهره عنيده
فارق التوب سِتُّو واتمنينا الله يزيده

Post: #389
Title: Re: مسادير يا أهل المسادير//(3)..................
Author: محمد فضل الله المكى
Date: 03-06-2014, 06:45 AM
Parent: #388

قالو الصعيد رويان ، وِاتَّرعَن وِديانو
طراني التقيل ، الراجِح دوام ميزانو
الزول البعيد،ضوَّقني العذاب والوانو
الجواب كتبتو ، وعُقباً نسيت عنـوانو

Post: #390
Title: Re: مسادير يا أهل المسادير//(3)..................
Author: محمد فضل الله المكى
Date: 03-11-2014, 05:31 AM
Parent: #389

.
.
.
البارِح طِريت ناسـاً فُراقُـم قاسي
كاتِلني الوِلِف، بحراً ما ليهو مراسي
المواجِع صَـدَّت واصبحتَ ماسِك راسي
يا لحّاق بعيد ، خابْرَ الدَّرِب ولا ناسي

Post: #391
Title: Re: مسادير يا أهل المسادير//(3)..................
Author: محمد فضل الله المكى
Date: 03-18-2014, 09:33 AM
Parent: #390

.
.هبوب الدَّغَش الأحْيـَت مواجعاً لـيّا
توَّرت الجروح والحُمَّه جات فجريَّه
الصِدير نَبـَّت وحُرّاسـو منعو الجيَّه
شِن طـعم السـباته ام لمـبةً مطفيـَّه

Post: #392
Title: Re: مسادير يا أهل المسادير//(3)..................
Author: مني عمسيب
Date: 03-18-2014, 10:19 AM
Parent: #391

التحية لي المسدرة والمسدارة .
تسمي هولندا ببلد الزهور وهي اكبر مصدر لها .
ومن هناك ارسل اليكم احبتي المسدارة هذه التحية لعلها
تليق بهذه القامات الشامخة العملاقة من المسدارة .

من بلد الزهور سلام ..

من بلــد الزهـــور مرســـل ســـــلام بعطورو
للحـوش الوطـــن الفيــــها زوووول بنـــدورو
مشتاقين كتيييييير غارقيين هناك في بحورو
ويا ما شوقنا طاااااال مسكر حواسنـا شعورو
وياااارب يا كـــريم تجمعنـــــا نحنــــا نزورو
ومـــا يبقالنــا يوت جبــر الحساب بكســـورو

وسلمتم ..

ولي قداااااااااااام .

بت عمسيب

Post: #393
Title: Re: مسادير يا أهل المسادير//(3)..................
Author: محمد فضل الله المكى
Date: 03-18-2014, 11:06 AM
Parent: #392

.
.
الغالية منى
أكيد فإن عبق كلماتك قد ضمخ مساحة الجمال هذه
بمزيد من الجمال.
شفتي يا منى الإنسان لما يطلع من مواطِن (القرف)
أكيد بتحصل ليهو راحة نفسية .. بنلقى نفِسنا محتاجين
لحاجة زي دي .. بعيداً عن اللت والعجِن الإنسان ممكن
يبدع ..أنا سعدت بنظمك الجميل.

بت عمسيب ما تنقطعي مننا
كامِل الود

Post: #394
Title: Re: مسادير يا أهل المسادير//(3)..................
Author: مني عمسيب
Date: 03-18-2014, 11:25 AM
Parent: #393

الغالي ود فضل الله \ تحياتي السمحة ومعطرة ليك واشهد الله من جوه قلبي .

وشدة ما من جوة قلبي اول مرة اقتبس كلام من طقق للسلام عليكم زي ما شايف هههههه
والله ذكرتوني زمن الهمبته وانا كنت شابة قبال سنتيين ههههههه وكنت بكتب في منتدي النافذة
مع النافذاب سبب العذاب هههههه دي قبيلتي طبعآ الفضائية . اها قضيت معاهم اجمل ايام حياتي
وحصلت لي ظروف متعدده وتوقفت واسه لما شفت مسدرتكم عاودني الحنين ولقيت نفسي معاكم
وان شاء الله حا اواصل معاكم واتمني ان اصل لهذه القامات من طفاحلة المسادير . وتسلموا لي اخوتي
واحبتي في هذا الرحاب الروحاني العشقي المعتق بالمسادير الجياشة . ولي عودة ولي قدام .
Quote: الغالية منى
أكيد فإن عبق كلماتك قد ضمخ مساحة الجمال هذه
بمزيد من الجمال.
شفتي يا منى الإنسان لما يطلع من مواطِن (القرف)
أكيد بتحصل ليهو راحة نفسية .. بنلقى نفِسنا محتاجين
لحاجة زي دي .. بعيداً عن اللت والعجِن الإنسان ممكن
يبدع ..أنا سعدت بنظمك الجميل.

بت عمسيب ما تنقطعي مننا
كامِل الود

Post: #395
Title: Re: مسادير يا أهل المسادير//(3)..................
Author: munswor almophtah
Date: 03-18-2014, 11:27 PM
Parent: #394

آخ أنا يا التمر يا الفيك بَكِسْر الرُكْبَه
وفيك أسباب أزاى يالديمه فاك الكربه
الزول إن ختاك أفضلو بيت التُربه
من محن الزمان وآلام هموم الغُرْبّه

منصور

Post: #396
Title: Re: مسادير يا أهل المسادير//(3)..................
Author: almulaomar
Date: 03-20-2014, 01:14 PM
Parent: #395

المنصور تحياتي
دائماً آخالك فوق ضهر أب قماقم خالف كراع فوق كراع ممتشقاً أب كسره ، وهذه محاولة متواضعة لمجاراة الجمال والإبداع الذي عودتنا على نثره ذات اليمن وذات الشمال في هذا المحفل الجامع ، فإن دخلنا وأستزدنا وخرجنا دون تعليق فلا لركاكة أو لسؤ ما جاد به كيبوردكم ولكن لقصور في أننا لا نملك ما نحسبه إضافة لهذا الإبهار وبالضرورة بيكون كلامنا فاضي ساكت والصمت في هذه الحالة أبلغ عملاً بالقول : الصمت في حرم الجمال جمال. ونبقى هنا:

يوماً في بسط عند المقسِّم نومنا
ويوم نضارى من لفح السموم بي هدومنا
===
وبرضو Still نكون عايشين

Post: #397
Title: Re: مسادير يا أهل المسادير//(3)..................
Author: مني عمسيب
Date: 03-20-2014, 06:17 PM
Parent: #396

يا الطير المهاجر شيل السلام وتحتــــي
للزول الشغل عقــــلي وسلب عافيتـــــي
ويا مريودي هاك اسمعها باقي وصيتي
احســن تنقـــــرع قبـــال تعــــدم الحتـــــي

ودمتم ....

بت عمسيب

Post: #398
Title: Re: مسادير يا أهل المسادير//(3)..................
Author: munswor almophtah
Date: 03-21-2014, 00:18 AM
Parent: #397

دا الحاجر المشارع ما بيكتلو غرق
ودقر المويه ساح لى سم كهاربو زرق
السكن القلب بس كيف تقولو مرق
وشطب الراس مسح لخبط مزاجنا فرق

ألف حباب بنت عمسيب لكن الحوت ما بهددو بالغرق!

منصور

Post: #399
Title: Re: مسادير يا أهل المسادير//(3)..................
Author: مني عمسيب
Date: 03-22-2014, 09:03 AM
Parent: #398

Quote: ألف حباب بنت عمسيب لكن الحوت ما بهددو بالغرق!

حبااااااااااب منصـور اخــــــوي
عااااااااااقد الفهـــــــم والـــــــرأي
يا ترب القبيل الأسمهم سرااااااي
يا الدرق التقييييل اللجميـع ضاراي
يا حوت البحــر وغرقني يا مـولاي

وعشتم ...

ولي قدام ..

بت عمسيب .

Post: #400
Title: Re: مسادير يا أهل المسادير//(3)..................
Author: مني عمسيب
Date: 03-22-2014, 10:39 AM
Parent: #399

كل ما اشوفو هيبة وعمتو اللافيهـا

والوش الصبوح والعظمة خايل فيها

اركز يا قليب والجرسة ديك خليهــــا

واحسن لا تبوح والظاهرة لا تسويهـا

ودمتم ...

لي قدام .

بت عمسيب .

Post: #401
Title: Re: مسادير يا أهل المسادير//(3)..................
Author: munswor almophtah
Date: 03-22-2014, 09:58 PM
Parent: #400

إنجمعن تعولو وقِبْلّى فوقنا بَرّقْ
وُدُرْنّا البفدى مِنّو الروح ويبقى دَرّقْ
حادق اللهيج حَلْقَ المحبه شَرَقْ
وشالخ للفؤاد متل التكنو وَرَقْ

منصور

Post: #402
Title: Re: مسادير يا أهل المسادير//(3)..................
Author: munswor almophtah
Date: 03-23-2014, 11:44 PM
Parent: #401

ضيب الخلا الدوماتو نزن خَرّفْ
وكرف الشيح قَمزْ كَبْرَاتْ نشوقُنْ شَرْفْ
سيل الوِدىْ كَبَسْ الشخاتير جَرّفْ
وتيساً للمعيز لَبْلَبْ حِداهن طَرّفْ

منصور

Post: #403
Title: Re: مسادير يا أهل المسادير//(3)..................
Author: almulaomar
Date: 03-24-2014, 06:16 AM
Parent: #402

قليعات الرزق أمست تعولن ماطرة
حمريبن طلق ريحة الفلير والباترة
أكان جيتن فوق أم محاجما قاطرة
تلقى العافية من غير بنسلين ودكاترة

Post: #404
Title: Re: مسادير يا أهل المسادير//(3)..................
Author: munswor almophtah
Date: 03-25-2014, 01:37 AM
Parent: #403

قوقن فى الطليح جوزين دباس بين ناله
هبلن فينا نار عشقاً تقول ملاله
عبران التقانت فوقنا كاشحه دَلالا
سامن فينا ساكت بيع ودار ودلاله

يا المله ومنى والمكى

منصور

Post: #405
Title: Re: مسادير يا أهل المسادير//(3)..................
Author: محمد فضل الله المكى
Date: 03-25-2014, 06:19 AM
Parent: #404

.
عاليه عديله سمحه ومن وسط مقسومه
إن مرقت تبهر القمرا وتحاحي غِيومه
غزال الريـل ، المفروده ترتـع يومـه
حاميـاني المنـام ، القايله شُفت نجومـه

المنصور د. محمد مقبول بدري يقريك السلام

Post: #406
Title: Re: مسادير يا أهل المسادير//(3)..................
Author: محمد فضل الله المكى
Date: 03-27-2014, 10:12 AM
Parent: #405

.
طِريت الزول اللابْسَ السماحه قِلاده
طِريت الزول الوسَّدني ديسو وسـاده
إن شاقني الغرام في الهجعه أنا نشّاده
ياااا لحّـاق بعيد مَصعيكَ خلُّو زيـاده

Post: #407
Title: Re: مسادير يا أهل المسادير//(3)..................
Author: Yahia Abd El Kareem
Date: 03-27-2014, 11:58 AM
Parent: #406

رفاق الحرف النبيل والكلمة النقية ......المعذرة للطولة داست علينا عجلة العمل وأبعدتنا مكرهين عن هذا المطمار الشامخ بأهله

لنا عودة بعون رب كريم

Post: #408
Title: Re: مسادير يا أهل المسادير//(3)..................
Author: munswor almophtah
Date: 03-29-2014, 11:40 PM
Parent: #407

ود بدرى الأمين من ناس أصول تيراب
ومن فرسان محرقه باقيه فينا عقاب
سواى السمح للخير فتح ديداب
وراكز فى المراكز عمده للسروب

ألف تحايا وود للدكتور الجنرال محمد بدرى الأمين بدرى وألف
سلام عليه وألف شكر يا ود المكى والسلام والشكر لك معاك
زول ضو

منصور

Post: #409
Title: Re: مسادير يا أهل المسادير//(3)..................
Author: مني عمسيب
Date: 03-30-2014, 07:59 AM
Parent: #408

من بلد الزهور مني السلام واللـؤم
للناس العزاز الحامية طرفي النــوم
جسمك ان سلم فكرك معب همـــوم
ومن بعد النسيم اصبح عليلي سموم

ودمتم ..

لي قدام ..

بت عمسيب ..

Post: #410
Title: Re: مسادير يا أهل المسادير//(3)..................
Author: munswor almophtah
Date: 03-31-2014, 00:08 AM
Parent: #409

فى بلد الزهور فكرك معبى هموم!!
ونان بلد الحروب ناسو بتعرف النوم
ياخ أستغفرى وقيمى الهجوع كل يوم
وشوفى أكان يجيك هم اليجينا اللوم

منصور

Post: #411
Title: Re: مسادير يا أهل المسادير//(3)..................
Author: munswor almophtah
Date: 03-31-2014, 00:12 AM
Parent: #410

الريد فى القلب جمام بزيد ما شَحا
زى جبل الروكى لا يوم وقع لا زَحا
شرك الغرام فوق دربو شافو ونحا
خَلّ قلبنا زى مكن البواجير تحا

منصور

Post: #412
Title: Re: مسادير يا أهل المسادير//(3)..................
Author: munswor almophtah
Date: 03-31-2014, 11:34 PM
Parent: #411

يا فرس الحماسه الفى النحاس ترتار
ويا ناسج القلوب زى الفراد مترار
كل ما نقول نجيك تجفل كأنك تَارْ
ونحن من الضباع درفونا جايب التار

منصور

Post: #413
Title: Re: مسادير يا أهل المسادير//(3)..................
Author: munswor almophtah
Date: 04-01-2014, 11:28 AM
Parent: #412

الداق لدغ الدعت جرالحبل بختاهو
ديمه بذكرو العوس القديم وخطاهو
الدرب العديل ببراهو ما اتخطاهو
داك جبل السماحه الشالو ما ختاهو

منصور

Post: #414
Title: Re: مسادير يا أهل المسادير//(3)..................
Author: عبد الله شم
Date: 04-01-2014, 12:34 PM
Parent: #413

جيتك يا ملك

Post: #415
Title: Re: مسادير يا أهل المسادير//(3)..................
Author: عبد الله شم
Date: 04-01-2014, 12:44 PM
Parent: #414

المفتاح تحياتي هاك الصورة دي ونسمع مسدارك وضيوفك فوقا

Post: #416
Title: Re: مسادير يا أهل المسادير//(3)..................
Author: عبيد الطيب
Date: 04-01-2014, 01:04 PM
Parent: #414

Quote: من بلد الزهور مني السلام واللـؤم
للناس العزاز الحامية طرفي النــوم
جسمك ان سلم فكرك معب همـــوم
ومن بعد النسيم اصبح عليلي سموم

ودمتم ..

لي قدام ..

بت عمسيب .

فى بلد الزهور فكرك معبى هموم
ونان بلد الحروب ناسو بتعرف النوم
ياخ أستغفرى وقيمى الهجوع كل يوم
وشوفى أكان يجيك هم اليجينا اللوم
منصور

من البادية والبلد الشَّقي ومحروم
سلام ليكم محبَّة وبي النَّفل مختوم
سلام صارنُّو في طريف الدِّعاش وبلوم
سلام شابلِنو طوق قمري وعلق مفطوم
ودالمقدم

Post: #417
Title: Re: مسادير يا أهل المسادير//(3)..................
Author: عبيد الطيب
Date: 04-01-2014, 01:06 PM
Parent: #416

الريد فى القلب جمام بزيد ما شَحا
زى جبل الروكى لا يوم وقع لا زَحا
شرك الغرام فوق دربو شافو ونحا
خَلّ قلبنا زى مكن البواجير تحا

منصور

رزمي النَّّأقة سوِّيتو وبنين من وحَّا
قلبي الرَّايمو لي فُرقانو شاشا ورحَّا
شبه بي العتامير تيسها جوذر ونحَّا
جمام ريدو ساساق لا أنقطع لا شحَّا

ود المقدم

Post: #418
Title: Re: مسادير يا أهل المسادير//(3)..................
Author: عبيد الطيب
Date: 04-01-2014, 01:08 PM
Parent: #417

الداق لدغ الدعت جرالحبل بختاهو
ديمه بذكرو العوس القديم وخطاهو
الدرب العديل ببراهو ما اتخطاهو
داك جبل السماحه الشالو ما ختاهو
منصور

الزّول في أم قدود إن دار يذكرو نبَاهو
يكون مردوع فطين المِِنْ سنين داخراهو
يكوس لي الزَّينة والدَّرب الكعب يبارهو
ومع الأخوان يكون باسم صباح ومساهو

ود المقدم

Post: #419
Title: Re: مسادير يا أهل المسادير//(3)..................
Author: عبيد الطيب
Date: 04-01-2014, 01:17 PM
Parent: #418

الحبيب منصور
ذلكم الإنسان الذي رايمته الرّوح
الرائع الجنرال ود المكي
كتبت: عبيد ما تطوِّل الغيبة
لك التحايا من جوّه الحنايا
وسلام مصرور في طريف دعاش ومشبول في طوق قمري لكل الجميلين
سمحين النَّافلة والذين شبَّت نارهم في تلال المنصور ود المفتاح

سلام مدفور مع الهرع الفَجُر مِتراحِل
سلام لي ناس بريدهُن وشاشو قلبي الماحِل
سلام لي ناس مراسي وناس ضفاف وسواحِل
وسلام لي ناسْ جرارِق نَمْ كبار وفطاحِِل
ود المقدم

Post: #420
Title: Re: مسادير يا أهل المسادير//(3)..................
Author: سامي عطا المنان
Date: 04-01-2014, 01:41 PM
Parent: #18

أنا ما من كتاب المسادير لكن عشان السودان بنجر نجر أخدر

بشبش والترابي حالفين يسو الشين
ود المهدي والميرغني متحامرين ......ما في العديل الزين
في انتظار الكرسي اليهم منو سنيين .....
بس شعبنا عارف يستناهم وين

Post: #423
Title: Re: مسادير يا أهل المسادير//(3)..................
Author: munswor almophtah
Date: 04-03-2014, 00:28 AM
Parent: #420

رزمي النَّّأقة سوِّيتو وبنين من وحَّا
قلبي الرَّايمو لي فُرقانو شاشا ورحَّا
شبه بي العتامير تيسها جوذر ونحَّا
جمام ريدو ساساق لا أنقطع لا شحَّا

ود المقدم

مخلاية العلوق متل السفوفه لََفحّا
لا عشرق خِنِقْ لا ضَاقْ حِلِيقُو وقَحّا
باشندى الخشش ظاط بالروايح فَحّا
ونحن مع العشم حلق القصايد بَحّا

منصور

Post: #424
Title: Re: مسادير يا أهل المسادير//(3)..................
Author: munswor almophtah
Date: 04-04-2014, 01:23 AM
Parent: #423

ود المقدم يا بديع

قصاص للأتر خابر الدروب فى خلاهو
زارع شقلو حافر عدو تيراب البلاد مخلاهو
عوسن من قديم ساويهو ما خَلاهو
فوقو بنونى زى نحل العسل خِلاهو

منصور

Post: #425
Title: Re: مسادير يا أهل المسادير//(3)..................
Author: munswor almophtah
Date: 04-04-2014, 02:40 AM
Parent: #424

دق اوتاد في قلب الرمال ما ازحزح
ومد أعناقو شام راحل السحاب الرحرح
رماي لي عراجين السنين ام دحدح
متين العودة لي بلدا نخيله ادندح

Emam Eltayeb

Post: #429
Title: Re: مسادير يا أهل المسادير//(3)..................
Author: munswor almophtah
Date: 04-04-2014, 06:46 AM
Parent: #425

الحلوف مكن من المشك وأتدشا
جابلو أردب كروش قال بيها كان يتعشى
جوزين دقا جابا أكان يقوم يتمشى
ولورى اليل حجار كان بيهو كان ينقشا

منصور

Post: #431
Title: Re: مسادير يا أهل المسادير//(3)..................
Author: munswor almophtah
Date: 04-04-2014, 12:24 PM
Parent: #429

فى الديش مكوجى البوت القديم بكويهو
والأبرول بجضمو ما بتدور تكريهو
كواى إيدو طاعمه المويه فى جكيهو
ما ترتالو قط كب الهدوم بكيهو

منصور

Post: #432
Title: Re: مسادير يا أهل المسادير//(3)..................
Author: عبد الله شم
Date: 04-04-2014, 12:54 PM
Parent: #431

الضحة جرس طابور طويل في مدرسة
والاصابع سجائر متين ياربي أتحسسا
جسمو يلالي حتى الجواهر ما بلبسا
لكن لقيتا مخطوبا وخطيبا قال الا يعرسا

Post: #434
Title: Re: مسادير يا أهل المسادير//(3)..................
Author: munswor almophtah
Date: 04-19-2014, 00:23 AM
Parent: #432

أخوك أنا يا سعاده المين بقول همالك
وخاتك فى القلب يا الملكه حافظ مالك
سواى للفرض ماسك الطريق السالك
ديداب للبجو ولا بُد نسوى مسالك

منصور

Post: #435
Title: Re: مسادير يا أهل المسادير//(3)..................
Author: munswor almophtah
Date: 04-23-2014, 10:43 PM
Parent: #434

روحك كركرت دقش الرجال مابى
وكرشك زنقلت مشك المهوج عابى
شداد للحرام زاد للبجيك كابى
ولُهْلُهْ يالغشيم لكن تفح دابى

منصور

Post: #436
Title: Re: مسادير يا أهل المسادير//(3)..................
Author: munswor almophtah
Date: 04-24-2014, 12:06 PM
Parent: #435

الجنرال وقف كتفو المرصع ضوا
وسهمن من عيونو كما المدافع عوا
ورونا الجبال كان فيها شان نتحوا
ما ولدت قبل زيك جمال بت حواء

منصور

Post: #437
Title: Re: مسادير يا أهل المسادير//(3)..................
Author: almulaomar
Date: 05-12-2014, 08:27 AM
Parent: #436

يا اخوانا البنات
صبحن سبب في الجوطة
وفي نص الخلوق
تلقاها ترفع صوتا
رابطات الخداع
زي الطرح والفوطة
والبت ما بتمش
يا خالطة يا مخلوطة

Post: #438
Title: Re: مسادير يا أهل المسادير//(3)..................
Author: munswor almophtah
Date: 05-13-2014, 05:59 AM
Parent: #437

نتار يا الأسد فى الغابه قابض الجو
وغيرك فى القصور ينبح جريواً هو
واحدين زى صبر واحدين بعاشيم بو
وجوك دايرين رضاك يا القلتليهم كو

منصور

Post: #439
Title: Re: مسادير يا أهل المسادير//(3)..................
Author: almulaomar
Date: 05-13-2014, 06:27 AM
Parent: #438

الدكانا نحن دحين نقوم وندكو
والما شين علينا بشيش بكرة بجكو
واليابانا لا بنطراه لا بنسكو
والطارو اليطيرو ان شاءالله تب مايركو

Post: #440
Title: Re: مسادير يا أهل المسادير//(3)..................
Author: munswor almophtah
Date: 05-13-2014, 09:38 PM
Parent: #439

إمام يا سريع النجده سابق التو
وقدحك من حراز صاجك غريق مو طو
يا دقر الهقانيب للدود بتطوطو
وما يتغير غدر حت كان عدوك سطو

منصور

Post: #441
Title: Re: مسادير يا أهل المسادير//(3)..................
Author: almulaomar
Date: 05-14-2014, 07:14 AM
Parent: #440

اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره

Post: #442
Title: Re: مسادير يا أهل المسادير//(3)..................
Author: almulaomar
Date: 05-14-2014, 07:55 AM
Parent: #441

الليله الصعيد جاب الهبوب من جاي
فوق للفرع تلب جنا القوقاي
مرضان البنات ما بنفعو اللولاي
والدخل القبر ضايق الهبوب من لاي

Post: #443
Title: Re: مسادير يا أهل المسادير//(3)..................
Author: munswor almophtah
Date: 05-14-2014, 10:52 PM
Parent: #442

ضللنا الهرع لا متين تعولو أتْزَرْقّنْ
ونقزن فوقنا بَوْ عبران خلانا ورقّنْ
مكن القلوب فى صدورنا رجّنْ ودقنْ
ولسنات القماح فى حلوقنا ضجن ونقن

منصور

Post: #444
Title: Re: مسادير يا أهل المسادير//(3)..................
Author: almulaomar
Date: 05-15-2014, 06:36 AM
Parent: #443

أكل الشلخه لامن كمل المنسية
شمخ الحورى لبعصه عريب بت ريه
أكان ما أسكت الباكيات و أخلف الكيه
قوله أبو فاطنه يا الصادق خساره عليا

Post: #445
Title: Re: مسادير يا أهل المسادير//(3)..................
Author: munswor almophtah
Date: 05-15-2014, 08:57 PM
Parent: #444

يا مله

الدكاك تدكو وحبلو ذاتو تفكو
وكان جاك بالعصا بالحربه عجل شكو
كان مثل نساك أوعك كتابو تجكو
ورقك كان سمح كيتاً عليهو تدكو

منصور

Post: #446
Title: Re: مسادير يا أهل المسادير//(3)..................
Author: munswor almophtah
Date: 05-18-2014, 08:56 PM
Parent: #445

الباب أقفلو وأوعك تخلى متاكا
والجالب الهموم أختاهو لو كان جاكا
ما تقبل وراك للضهرو كان أداكا
بعشم فيك عقب للباب بزح ببراكا

منصور

Post: #447
Title: Re: مسادير يا أهل المسادير//(3)..................
Author: munswor almophtah
Date: 05-18-2014, 09:58 PM
Parent: #446

شيطان الشعر الليله جاري وراكا
ذي شعر المحلق في جبال التاكا
يا منصور منابع شعرك انت براكا
محال نقدر نجاري الجايه من تالاكا

عبدالله الاسد

Post: #448
Title: Re: مسادير يا أهل المسادير//(3)..................
Author: munswor almophtah
Date: 05-18-2014, 10:00 PM
Parent: #447

شيطان الشعر عاصرنو لمن كاكا
وسففنا الدريش حصحاص ولد مرحاكا
شعرو بشيلو مننا كان قبل غشاكا
ما يقولك مخازنو مغار جبال تركاكا

منصو

Post: #449
Title: Re: مسادير يا أهل المسادير//(3)..................
Author: munswor almophtah
Date: 05-21-2014, 02:45 AM
Parent: #448

عنقان الأرايل جن يتتان قدله
وصهبن من بكار زاينات صدورهن جدله
وجاجات وجوهن خايله فيهن هدله
فيهن مس كهارب من عيون منسدله

منصور

Post: #450
Title: Re: مسادير يا أهل المسادير//(3)..................
Author: almulaomar
Date: 05-21-2014, 06:57 AM
Parent: #449

إتنين في فرستك أصلو ما بنتغالتْ
يا التِعِلْ الملتْ مويتو الوَدِّينْ وسالتْ
واحدين رفقتُن مِتلْ الحَكومة إن طالتْ
آ بتقضي الغرد لكن بنسمعا قالتْ

Post: #451
Title: Re: مسادير يا أهل المسادير//(3)..................
Author: almulaomar
Date: 05-21-2014, 06:58 AM
Parent: #449

إتنين في فرستك أصلو ما بنتغالتْ
يا التِعِلْ الملتْ مويتو الوَدِّينْ وسالتْ
واحدين رفقتُن مِتلْ الحَكومة إن طالتْ
آ بتقضي الغرد لكن بنسمعا قالتْ

Post: #452
Title: Re: مسادير يا أهل المسادير//(3)..................
Author: munswor almophtah
Date: 05-23-2014, 06:07 AM
Parent: #451

عبران المقدم بى أبلعوت جات وارده
وفيهن لون دهب كبد الختمهن هارده
صى الصحارى سمومو جابن شارده
باعن وأشترن بالكيلو ناس واليارده

منصور

Post: #453
Title: Re: مسادير يا أهل المسادير//(3)..................
Author: munswor almophtah
Date: 05-23-2014, 11:37 PM
Parent: #452

شافن مرفعين قمزن خيولن عارده
ودفقن مسكهن روح المتيم زارده
كسارات قلوب فى الغى مدربه ماردة
للأرواح تكهرب لا بتعد لى جارده

منصور

Post: #454
Title: Re: مسادير يا أهل المسادير//(3)..................
Author: munswor almophtah
Date: 05-24-2014, 09:14 PM
Parent: #453

عزت يا ماهرى سلام من الله عليك والأهلين

ياخ نجر الشعر زى نجر الحوايا صعيب
وزى رقلى العنانيف خايله بالركيب
ركاب الأصاهب ما بكرو بالشنكيب
وما بسليهو غير أصوات غنى اللنقيب

منصور

Post: #455
Title: Re: مسادير يا أهل المسادير//(3)..................
Author: munswor almophtah
Date: 05-25-2014, 01:19 AM
Parent: #454

بهمن من عنيزه حليب لباها أتربا
ودهبن مو مضهب فى محافضو معبا
آخ أنا من سماحن جابنى حافى أتدبا
دا الخرق العوايد فوق شقيل داك شبا

منصور

Post: #456
Title: Re: مسادير يا أهل المسادير//(3)..................
Author: munswor almophtah
Date: 05-27-2014, 08:42 PM
Parent: #455

نحن عيال سرور دايما علينا بطاره
ونحن عيال سرور عند ضربة النقاره
عند موجب الرجال مافينا من بضاره
نحن بندخل الوكره المولعه ناره

العم الزين الإمام حسن البدرى

Post: #457
Title: Re: مسادير يا أهل المسادير//(3)..................
Author: munswor almophtah
Date: 05-27-2014, 09:50 PM
Parent: #456

المنصور سلاااااام ومعزة
وصباحك دعاش وبغام روينة ...
شوف كباشي قديم قال:

معِزة الخلا البي السيسة شقَّن ونقَّن
دردورهِن جفل بي البادية كلُّو عنقَّن
أُمَّات دقيماتن خلق ما إندقَّن
قلبن والفِن لي ديمة ما بِتيقَّن

وشوف آخر
صيدن دودرو النوَّاش غلب في كسعتو
زايع راسو من ضرب السريعي نزعتُو
ضربتو خطيتو نيشاني إندرق بي تحتو
عقبا ن ليهو رصَّاص أُم محيجين بعتو

محبة صادقة
ودالمقدم

Post: #458
Title: Re: مسادير يا أهل المسادير//(3)..................
Author: munswor almophtah
Date: 05-27-2014, 09:52 PM
Parent: #457

المقدم ود المقدم يالشاعر الراوى يمك ديمه بفرح يا الهميم الواعى
ولك السلام

بنات محريب لماهن كبد إبل مِتْزرْقِنْ
وعسلا للبنونى لهيجها حالى مِشرْقِِنْ
سهم العين بصيبك كان لَبَدْ مِتْدَرْقِن
وكان لابس حجاب أو لو بقيت مِتْعَرْقِنْ

منصور

Post: #459
Title: Re: مسادير يا أهل المسادير//(3)..................
Author: عبيد الطيب
Date: 05-28-2014, 08:25 AM
Parent: #458

بهمن من عنيزه حليب لباها أتربا
ودهبن مو مضهب فى محافضو معبا
آخ أنا من سماحن جابنى حافى أتدبا
دا الخرق العوايد فوق شقيل داك شبا
منصور
مرقن شوقرن من الضراع ماصبَّا
فتَقْ ليهِن شِقيلن عِرقُو بان ماتغبَّا
سواري النترة جاتهِن مطرو أرعد وكبَّا
وسيد فرزاعة لي التَّيس البعافط دبَّا
جك باريها منشط تاني ضوبع وخبَّا
وإدَّارق بي الشدير كتم النَّفس وإتخبَّا
بعد ماخَطَّ سيبتو ولي أُم محيجين عبَّا
قلج قارحها قدامْهِن هباب ما شبَّا
ودالمقدم
"أم محيجين نوع من الزخيرة ، والسيبة شعب او عصي توضع فوقهن فوهة البندقية
لكي يكون التصويب دقيقا
محبتي

Post: #460
Title: Re: مسادير يا أهل المسادير//(3)..................
Author: عبيد الطيب
Date: 05-28-2014, 09:27 AM
Parent: #459

بنات محريب لماهن كبد إبل مِتْزرْقِنْ
وعسلا للبنونى لهيجها حالى مِشرْقِِنْ
سهم العين بصيبك كان لَبَدْ مِتْدَرْقِن
وكان لابس حجاب أو لو بقيت مِتْعَرْقِنْ

منصور

غتميل السِّحاب والسماء المتزَرْقِن
زاد شرفيبنا لي من المدامِر مرقِن
المعزة التوقرن من الأنيس بِندَرْقِن
خلَّن قلبي بُوص كبدي وحشاي أنحَرْقِن
ودالمقدم

Post: #461
Title: Re: مسادير يا أهل المسادير//(3)..................
Author: munswor almophtah
Date: 05-28-2014, 07:44 PM
Parent: #460

بهمن من عناق مكلوفه من إكسير
وأمها من مراح كان للقلوب كِسِيرْ
دهب العنج وين ما بتودى بسير
ويا الأسد الهمام بتدور عقب تفسير

منصور

Post: #462
Title: Re: مسادير يا أهل المسادير//(3)..................
Author: munswor almophtah
Date: 05-28-2014, 07:51 PM
Parent: #461

بنات محريب لماهن كبد إبل مِتْزرِّقْ
وعسلا للبنونى لهيجها حالى مِشرِّْقِِْ
سهم العين بصيبك كان لَبَدْ مِتْدَرِّْقِْ
وكان لابس حجاب أو لو بقيت مِتْعَرّْقْ

منصور

Post: #463
Title: Re: مسادير يا أهل المسادير//(3)..................
Author: munswor almophtah
Date: 05-29-2014, 04:31 PM
Parent: #462

هاك يا العبيد يا مقدم

صيحة عوك بِنَقْمُزْ للبدورنا رباعه
زى نهمة أسود عند العرين لباعه
كَبْدَنا لينه دايما للرغام نباعه
يابسه كما الحجر وقتين نغير رداعه

منصور

Post: #464
Title: Re: مسادير يا أهل المسادير//(3)..................
Author: munswor almophtah
Date: 06-01-2014, 10:52 PM
Parent: #463

حمرة نقع الخلاء الدوم للغزال شبّاعه
فيها بكاكى هضليم طارده لى سبّاعه
زى فرش الحرير عند الكسوع رتّاعه
فيها تشوف عحايب من معيز رنّاعه

منصور

Post: #465
Title: Re: مسادير يا أهل المسادير//(3)..................
Author: أحمد الشايقي
Date: 06-01-2014, 11:29 PM
Parent: #464

فوق أب رادعة يا المنصـور وردنا جماعة
حاقبين الكللش والفصــوص لماعـــة

أب عـرف المكجــر والكتـر شـراعـة
نزلتهـن دغـش يا أب آمنة شـد براعا

ود الشايقي

Post: #466
Title: Re: مسادير يا أهل المسادير//(3)..................
Author: munswor almophtah
Date: 06-02-2014, 03:04 AM
Parent: #465

قواصع ضيب خلا ودومن كتر نباعا
من رقلى السموم والشم شرار فى شعاعا
زوزايات عصافير للدرب هباعا
لى ملال حصاها كما النعام صقاعا

منصور

Post: #467
Title: Re: مسادير يا أهل المسادير//(3)..................
Author: عبيد الطيب
Date: 06-02-2014, 07:31 AM
Parent: #466

شكرا منصور
شكرا الشايقي

قطَّاعة الفجاج لبَّاعة
وِزْرة سيدها تميتك لي الوَلَع فرزاعة
رِكِب لي دروها كاكليتن معاهو جماعة
دج حاروكها بي القوز الحدارتو هكاعة

Post: #468
Title: Re: مسادير يا أهل المسادير//(3)..................
Author: munswor almophtah
Date: 06-02-2014, 08:00 PM
Parent: #467

أبشر يا عبيد أبشر بالخير

خوجال يا العبيد توبك مجرجر عزه
وضباح للأصاهب ما بتجز الوزه
للضربو المحل مرحات سخاك بتدزه
ولبنك بالسقو ماك البخيل بالبزه

منصور

Post: #469
Title: Re: مسادير يا أهل المسادير//(3)..................
Author: عبيد الطيب
Date: 06-03-2014, 08:15 AM
Parent: #468

الطيب محمد علي قسم السيد الكباشي
شبه الجاهوريح بارود ووقَّل وغزَّه
ولاَّ الباين الصّيَّاد وشررف وفزه
يالموزون قوامك ومن وسط منحزَّه
ريدى معاكى ريد عفه وإصول ومعزَّه

Post: #470
Title: Re: مسادير يا أهل المسادير//(3)..................
Author: munswor almophtah
Date: 06-04-2014, 02:39 AM
Parent: #469

مرضان بى غرامهن لا قنص لا مزّ
من درفون صغير لامتين سكيكو ورزّ
عبران الصنق بدع جمالهن شذّ
من كل خلقو زايد فى سماحهن بزّ

منصور

Post: #471
Title: Re: مسادير يا أهل المسادير//(3)..................
Author: almulaomar
Date: 06-04-2014, 09:01 AM
Parent: #470

فى فصل الخريف يا ربى كيف العودة
لام قلبا شفيف كل الطرق مسدودة
يا قلبى العفيف دايما وقعتك سودة
روح لا تقيف الحب طريقته وحيدة
شد سرج الغرام و اركب خيول الريدة

Post: #472
Title: Re: مسادير يا أهل المسادير//(3)..................
Author: munswor almophtah
Date: 06-05-2014, 10:38 PM
Parent: #471

أنا أخو الجميعاب

قصب السكر الرويان نضيف من بوده
منو قرعنا للآفه ورسمنا حدوده
مشتول الجروف أرضك قرير مى فوده
نحن قبلنا شرطك والصعاب وبنوده

منصور

Post: #473
Title: Re: مسادير يا أهل المسادير//(3)..................
Author: munswor almophtah
Date: 06-15-2014, 05:05 AM
Parent: #472

ديفة النقَّا بي الدَّوْ الفتق سيَّالو
باسو الليلي ضحوية فجُر طابقالو
معشوقك صحابو بقولو كُرْ من حالو
والزاروهو قالو العافية تب ماها فالو

ودالمقدم

فوق نايب لزوم طالب الدوام هامالو
شاق درك التعول لا بقسى لو همالو
من قعر القراف جبد الصقيل تلالو
نهر الفوقو فو قطع الصنق وطوالو

منصور

Post: #474
Title: Re: مسادير يا أهل المسادير//(3)..................
Author: munswor almophtah
Date: 06-22-2014, 02:07 AM
Parent: #473

الناس فى المحك بتبين خبايا عيوبا
وكوكن فى المخاد بوروكا ما بوعوبا
بيك حرينا لعبو وتانى غنو الْعُوبا
وظانين فيك خلاس تبقالن الألعوبه

منصور

Post: #475
Title: Re: مسادير يا أهل المسادير//(3)..................
Author: munswor almophtah
Date: 06-22-2014, 10:33 PM
Parent: #474

خربوها البينا ديك فاتوها فعلة سوبا
خمو قطر جوايز مَلَحُوها ذاتا عَجُوبَا
سوولنا البدع لامتين بقت إعجوبا
صدق الخوه داك بالكيد فجُر عٌجّوْبا

منصور

Post: #476
Title: Re: مسادير يا أهل المسادير//(3)..................
Author: almulaomar
Date: 06-23-2014, 07:13 AM
Parent: #475

كمسنجي الفراق لي البقجة شالا وكرب
وفي كرسي الامل شباكو ناصية مزرب
كيس تمباك غليد وعلبة سجار اتسرب
ونوكيا الجن معاي كيباتو ما بتتعرب

Post: #477
Title: Re: مسادير يا أهل المسادير//(3)..................
Author: almulaomar
Date: 06-23-2014, 07:16 AM
Parent: #476

مستشفى العيون جات فيهو أريله ماشه
تشبه حبة الدر أم جمالاً راشه
مرضانا ونصيحنا والمدير والباشا
جت شالت عقول الناس وقدلت ماشه

Post: #478
Title: Re: مسادير يا أهل المسادير//(3)..................
Author: almulaomar
Date: 06-23-2014, 07:18 AM
Parent: #477

أجمل من دهب شيبون
وأجمل من قمر عشرة البضوي الكون
سوت قلبي كورة ومثلتلو فنون
مرة تشوتو أوت ومره جوه القون
"تقول لي روبن فان بير سي"

Post: #479
Title: Re: مسادير يا أهل المسادير//(3)..................
Author: munswor almophtah
Date: 06-28-2014, 01:08 AM
Parent: #478

فناجرة دار سرور أهل الربط والوحل
وأهل النجده والدرك المشيهو وحل
أهل القمزه بالخير للبصيبو محل
وأهل الآفه للخطاى بجوهو نحل

منصور

Post: #480
Title: Re: مسادير يا أهل المسادير//(3)..................
Author: munswor almophtah
Date: 06-30-2014, 10:45 AM
Parent: #479

مستشفى العيون جات فيهو أريله ماشه
تشبه حبة الدر أم جمالاً راشه
مرضانا ونصيحنا والمدير والباشا
جت شالت عقول الناس وقدلت ماشه

المله عمر

عينو على التتك قناص هبر ما ناشه
شلعت فوقو نور كجام زَرِدْ كماشه
كمنو حداها تمرق زى فرق دياشه
نبلت من كمينن لا قبض لا حاشا

منصور

Post: #481
Title: Re: مسادير يا أهل المسادير//(3)..................
Author: almulaomar
Date: 06-30-2014, 11:12 AM
Parent: #480

زي مهر السبق في مشيتو و رحيلو
ضامر هافو تُقل أردافو هدن حيلو
طلقولوا البخور جدع عقودو و تيلو
طبق البوخة قام عرقو الصفيح ما يشيلو

Post: #482
Title: Re: مسادير يا أهل المسادير//(3)..................
Author: almulaomar
Date: 06-30-2014, 11:15 AM
Parent: #481

واحد وأربعين بت اللمين عبد الله
لا حامت فريق لا جالست خلق الله
نهدك برتكان حاجبك هلالا هلا
رقيقك طعموبو الشاي بعد ما حلا

Post: #483
Title: Re: مسادير يا أهل المسادير//(3)..................
Author: munswor almophtah
Date: 07-02-2014, 04:51 AM
Parent: #482

النايب البشارى الداب برك يا دوبو
أجزرو للكريم الجانا قالب توبو
البكره أم تنى قبال يقوم بتنوبو
يبقى شريك جناها يقاسمو فى طنوبو

أبشر يا أسد لك الأبواب مشرعه وعلى شرعة أبو حنيفه تمهل

منصور

Post: #484
Title: Re: مسادير يا أهل المسادير//(3)..................
Author: almulaomar
Date: 07-03-2014, 09:59 AM
Parent: #483

أصلك جوهرة وعا########ي بيضة سنك
تمشي قدم قدم تميلي بانة كأنك
فرع السيسبان من التعب كيفنك
كفلك عطلك أمشي البنات فاتنك

Post: #485
Title: Re: مسادير يا أهل المسادير//(3)..................
Author: almulaomar
Date: 07-06-2014, 02:20 PM
Parent: #484

انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحنا الحارة كان عدمت جزم بنكوسا
ونحنا ان جانا فرعون بلقى نصنا موسى

Post: #486
Title: Re: مسادير يا أهل المسادير//(3)..................
Author: munswor almophtah
Date: 07-06-2014, 09:14 PM
Parent: #485

انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحنا الحارة كان عدمت جزم بنكوسا
ونحنا ان جانا فرعون بلقى نصنا موسى

من طرف المله عمر

نحن القال جبل نسويلو شغل السوسه
وإن هبلت جحيم نحن الرجال بنسوسه
مكن اللطام فى الحاره نحن تروسه
نحن فى القبايل للمقلهت خوسه

منصور

Post: #487
Title: Re: مسادير يا أهل المسادير//(3)..................
Author: munswor almophtah
Date: 07-07-2014, 07:52 PM
Parent: #486

Post: #488
Title: Re: مسادير يا أهل المسادير//(3)..................
Author: munswor almophtah
Date: 07-07-2014, 07:54 PM
Parent: #487

انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحنا الحارة كان عدمت جزم بنكوسا
ونحنا ان جانا فرعون بلقى نصنا موسى

نزار قبقبه

كوجانة غيرنا عنيه نزلو لينا يعوسا
وكان رفع القنايه الفينا بعرف عوسا
نحن جزمنا جاهزه الحاره وين بنكوسا
نحن علمنا فوق علم الندور منكوسا

منصور

Post: #489
Title: Re: مسادير يا أهل المسادير//(3)..................
Author: munswor almophtah
Date: 07-08-2014, 12:11 PM
Parent: #488

نظام الحديث ورسام حروفو. قوافي
وركاب لي سروجو ومظهر المتخافي
منصور العزيز والله كلمك كافي
ودايرين المزيد ودايرين كلاما شافي

إمام الزين

شوف الزمن شقانا صى وفيافى
شتت شملنا وبلعتنا غربه منافى
يا ود نور هدى جنب الكلام الوافى
يا ملك السخا الماك البخيل الجافى

منصور

Post: #490
Title: Re: مسادير يا أهل المسادير//(3)..................
Author: munswor almophtah
Date: 07-10-2014, 04:42 AM
Parent: #489

بت عمسيب خلاس جاك الفكى وحيرانو
وكدكتو المدير شعللتو لى نيرانو
كان قايلنو بقره وراهو ديش تيرانو
تربسو باب شروركم ما تكوسو لى حررانو

منصور

Post: #491
Title: Re: مسادير يا أهل المسادير//(3)..................
Author: munswor almophtah
Date: 07-21-2014, 09:47 PM
Parent: #490

محمد حنفى حاج الطيب

ما تشكرلى أصلو حمار
كان فى نتيجه ما برميهو جحر الفار
عجبى الدومو نازل حــِرتى فى الفَقَّار
ود ابل الشروق ابو لاحض الخطــَّار

* على الشيخ

يا حنفى الحمار حوبتو بتزيدو ندار
قراب الأماكن وين بحجرو نهار
شيال الرويّن بروى للبذار
وجياب التقيله إن شاء الله تبقى حجار

منصور

Post: #492
Title: Re: مسادير يا أهل المسادير//(3)..................
Author: munswor almophtah
Date: 07-23-2014, 01:50 AM
Parent: #491

جَيْتو علي الدروب كالقنبلة الموقوتة
كل ما مر جاي الخطوة تابا وافوتا
مقارنة بالسلاح والعسكر البي بوتا
عينو تفجو بحرك وتبلعك بي حوتا

ود حمزه

وين يا المن من ضمير الريل قوامك بالمقاس منحوته
وين يا المن شعاع عينيك كهارب فى القلب محتوته
بريبة الباجا إنتى المن نجف مخروطه
فيك كسرو الركب متل الإبل مربوطه

منصور

Post: #493
Title: Re: مسادير يا أهل المسادير//(3)..................
Author: munswor almophtah
Date: 07-24-2014, 06:11 AM
Parent: #492

حالّي العقدة ما دايرلو قول ونصيحة..
كلما تمسي تبقى ايامنا بيهو صبيحة
الشايقني بي ريدتو وبزيد تبريحا
خلّا قلوبنا بي دوبايو بايتة جريحة

ود حمزه

إن قالت الغلط بنقول أكيد هى صحيحه
وفيها مرضنا نحن وهى الباقيه فينا نصيحه
يا ورد القيام بنشيلو بالتصبيحه
للبالج وشيها وداعجه حادقه صبيحه

منصور

Post: #494
Title: Re: مسادير يا أهل المسادير//(3)..................
Author: عادل ابراهيم احمد
Date: 07-24-2014, 09:03 AM
Parent: #493

يا بورداب الشعر الموشح بي الكلام الحر

يا بورداب عركة اليوم الوشيهو بصـــــر

حبابكم يمين حباب فرسان الكماج الغــــر

حباب البتلقاهم بعد السنين ما تجــــــــــــر

Post: #495
Title: Re: مسادير يا أهل المسادير//(3)..................
Author: عادل ابراهيم احمد
Date: 07-24-2014, 09:22 AM
Parent: #494

البوست الفيهو ميراث الجدود وبالضكارة مزرب
ما بغشــــوهو ناس يــــــــــمة الكــــلاما دررب
سايقو ود مفتاح ولدا في ساعة الحقيقة مجـــــرب
حبابهم يمين تيراب الرتوت السلاحا مكـــــــرب

Post: #496
Title: Re: مسادير يا أهل المسادير//(3)..................
Author: munswor almophtah
Date: 07-26-2014, 01:24 AM
Parent: #495

حكاية أغنية يا مولاي وكلماتها كاملة

الجيلي الشيخالجيلي الشيخ
من عمق عمق اعماق البادية خرج علينا الاستاذ الشاعر المجيد / علاء الدين كمبال ود البيه بكلام معسول اختاره لنا من عدة خلايا نحل ، هى اغنية المدهش فيها ان تؤلف من شعراء سته ، اختيار استاذنا ود البيه للمربعات الشعريه ممتاز ، كدى نستمتع بكلمات هذه الاغنية ضربة البداية من الاستاذ ود البيه بهذا البيوت
يا مولاي اه من غلبى
من النارو حرقت قلبى
الشاعر الفحل القارح محمد شريف العباسى بجمله المسمى التلب يصف حالته وحالة التلب وهو ذاهب لديار المحبوبة ، والسفر معروف معاناه وعطش وقلة نوم وتعب التلب موصوف بدقة
يا مولاى بشكيلك شقايا وغلبى
وحظى الديمة من رد الانيس جافلبى (( الرد بكسر الراء هو المكان ، الانيس هو المحبوب ))
وطالت السفرة واتحفت مناسم تلبى (( تعبت خف جمله التلب ))
وهب الريم وعاودك الحنين يا قلبى (( الريم بفتح الراء ضرب او نوع من النسائم المنعشة ))
مالك نفسي مطعونة وتملى تنينى
ما لك عينى الغميد ابيتى تلينى
عطشان كفح الموية ما يروينى (( كفح الموية هو الاستعمال او شرب الماء بشراهة ))
كا تلانى الطريفيه البريدا قرينى (( الطريفية هى الظبية ))
غصبا عنى فارقت الضريح غير امرى (( الضريح معروف ولكن هنا كناية لمنزلة المحبوب ))
وكل ماهب نسام منو زاد فى جمرى
جرحى القرب يبرى كاد يودر عمرى
عودو لى تغريد بلبلك يا فمرى

وهنا كلمات الاغنية كاملة ،، مع انه من الصعب تواجدها كاملة

يـــا مولايَ بشـــكِيلَك شـــقايَ وغُـــلبي
حظِّي الدِّيمَة مـن غيبة الأنيـس جـافِـلْبـي
طــالْـتَ السَّـفْـرة وانحفَّـت مناسِـم تِلْبـي
هـبَّ الرَّيـْم وعــاودَك الحنيـن يا قلـبـي
***
مالِـك نفسـي مطـعــونـة وتمَـلِّـي تنيـنـي
مالِـــك عينـي للغمَّيـــد أبـــيـتـي تليـنـي
عطشان ديمة كَفـْحَ المـويـة مـا بروينـي
كـاتلانـي الطــريفـيـة البـريـــدا قريـنـي

***
النَــاس عَيـَّـدَتْ مَــرَقتْ عَــلَي أصْحَابَا
وانا فرَّيتْ عَلَى الجَاهله السَمِحْ تِرحَـابَا
فَـاطْــراً يحكِـي بَرَّاق البِـدَودِي سِـحَابَا
لفَّــتْ قَــلَبي زي لفْ طَـرْحَتَا اللافحَابَا
***
اتَمنّى الدهب لو لونهُ يشبه لونِك
واشتهت الدرر لو هي تبقى سُنونِك
مجنون ليلى حالتو اقل من مجنونِك
ما دام ليلى كانت في المحاسِن دُونِك
***

غصباً عني فارقتَ الضريح غير أمري
كــل ما هبّ نسَّــام منُّو زاد في جمْري
جرحي القرَّب يبرا وكادْ يودِّر عـمري
ردَدُو ليَّ تغـــريد بـُلبــلك يا قُــمري
*****
أَخَدَرْ لَيهُو ضُلْ فَوقُـو المَحَاسِنْ شَـرَّنْ
أَفْلج فَاطرُو زَي برق السَواري الكرَّنْ
يِتقَسَّـــمْ مَقَاطِـع في المَشِــي ويتْحـرَّنْ
زي فــرخ القطـا الأمَّاتو رَكَّـنْ وفرَّنْ
***
عــــمي الهادي نشّاب البريدا ضربني
قسّــــم نومــــي من تيبَان حيايا سلبني
حاكـم انصافي أبي يقبل سؤالي صلبنى
صبري الكان جميل جربتو و كلو غلبني
***
من البيتْ جَــا طَــالــع بيْ لُطُـــفْ يتكَّـلْ
الطِّــيب المَفَـحَّــلْ بْي القُــرُنفُــل عَكَّـــلْ
فوق سَدْرُو وتحتْ تَوبُو الَرهيف ومَشَكَّلْ
يَغـطِـــس ومَـــرَّة يقْـلَع بُرْتُكانْ البركَــلْ
***
ختَّتْ أيدها فـوق إيـدي انجذبـتَ خِــدِرْتَ
حبيت أمشي من كُتر الطـرب مـا قـدِرْتَ
بقــت الحنـَّة بيـن إيـدي وأيديهـا انـدِرْتَ
لـولا الحنـَّة بينـي وبينهـا كــنـت ودِرْتَ
***
شـــعـرِك منتظـــم زي السـلاسـل فتـْلـُو
وعينيكِ ترقِّص الحجـر إن بقـت شافتْلُـو
الطـاؤوسة قاصـدة مشيكـي مـا عرفتْلـُو
واعصـاب الـرءآك اتكـهـربـت تِـلْفَـتْـلُـو
***
كَـوْنِي حَلِيفُو مَـالُو عَليَّ بِعْلِنْ حَـرْبُو
طَـالِعْ سَـعْدُو في شَرْقوُ وَمُنَوِّرْ غَرْبُو
سَيَـانْ عِندِي وَاحِد بُعْدُو أو كَانْ قُرْبُو
مَا بَـارَحْني في مُرُورْ النَفَسْ بَشْعُرْبُو
***
ممشُــوق القــوام المــا وجــدتا مثيــــلو
خصامو معايَ أخير ليْ من محنَّة غيرو
جافــانى العـــزيز الكنتا ديمـــه نصـيرو
هو يسـوِّى الغلط وانا اسوِّي كتَّر خيرو
***
أَحْ والوَحَّـــه مَاب تَدُورْ تَفَــارِقْ قَلْبِي
أحْ من نـار فلانة وجرحها النوسربي
يا نفسيِ الَصــبُر لوُكيهُو لا تنْسَــلبي
الحَظْ مَا بدُومْ يَومْ غَالبَة يوَمْ تنغَـلْبيَ
***
عن من أحبـُّه غيـر خاطـري أنا فُـرِقْـتَ
هائج بي غرام عن حالتـي كلـي سُرِقـْتَ
لولا أدمعـي مـن نـــاري كـنـت حـرِقـْتَ
ولولا ناري مـن كتـرة دموعـي غرقـْت
12 hrs · Like

Munswor Almophtah
القصيده هذه جموعيه صرف قرار من محكمتى العليا فالشريف العباسى هو إبن الشاعر الفحل محمد سعيد إبن الأستاذ محمد شريف نورالدائم إبن الغوث أحمد الطيب إبن البشير وهذا جمام نباع سيال فياض وهنالك إستلاف من شاعرنا عمر محمد حسن فى هذه القصيده من قوله
هديك المكنى جات سيف النصر تقدلبو
ديك المكنى جات جسمى العلى بتسلبو

فيا دكتور حسن وجدنا فى هذه القصيده القطفه والعقره وذلك وسمنا وأحسب أن شعرائها من جماعتنا وأبصم على ذلك وسأحاول إستفسار
أبوقطاطى عن ذلك

عــــمي الهادي نشّاب البريدا ضربني
قسّــــم نومــــي من تيبَان حيايا سلبني
حاكـم انصافي أبي يقبل سؤالي صلبنى
صبري الكان جميل جربتو و كلو غلب

Post: #497
Title: Re: مسادير يا أهل المسادير//(3)..................
Author: munswor almophtah
Date: 07-26-2014, 07:20 PM
Parent: #496

صهلن خيول الريد وبرجن للرقيص
قمزن كلاب الشوق إشابن للقنيص
بريبة طلح دهب الكون قصادها رخيص
وزى طلب الملوك مقصوده بالتخصيص

منصور

Post: #498
Title: Re: مسادير يا أهل المسادير//(3)..................
Author: munswor almophtah
Date: 07-30-2014, 10:37 PM
Parent: #497

شوق نحل الشويدر فى الملاين لسعو
وشوقن يوت بزيد قط ما وصل لى تسعو
زى دهب العنج فى القيمه زايد وسعو
وكبسو الناس على دابين فشانو بيسعو

منصور

Post: #499
Title: Re: مسادير يا أهل المسادير//(3)..................
Author: munswor almophtah
Date: 07-31-2014, 09:35 PM
Parent: #498

شفنا الصيد قدل طالب المشيرع وارد
وشفنا دفق جمالاً من قبل مو وارد
ينبوع السماحه الغيرو مافى موارد
عجن الروح عجن هلاك قلبنا وهارد

منصور

Post: #500
Title: Re: مسادير يا أهل المسادير//(3)..................
Author: munswor almophtah
Date: 08-01-2014, 00:32 AM
Parent: #499

إن كجو الشرك فسراع تشوفو تهبرو
وكان حفرو البحر للريد تقيسو تعبرو
كان جَرّت شخيت مافيش بشر بتعبرو
ويات من قال ولد بى إيدو بحفر قبرو

منصور

Post: #501
Title: Re: مسادير يا أهل المسادير//(3)..................
Author: munswor almophtah
Date: 08-03-2014, 11:53 PM
Parent: #500

لحم النوق سلات إن جيتنا يوت بشوٌكا
ولبن الطير شراب بالكوز سرف بملوكا
إن جيت زول كماج بتجيك خيولهم روكه
وبتجيك نوع سيوف من ناس على وممروكه

منصور

Post: #502
Title: Re: مسادير يا أهل المسادير//(3)..................
Author: munswor almophtah
Date: 08-04-2014, 10:00 PM
Parent: #501

شوقن من معالق الجوف إجيك وإنتى المبلمه حافيه
وشوقن ريدو ليك ما فيهو خصلاَ خافيه
شوقن فى الثبات ما فيهو لاماَ نافيه
شوق الزول سقيم أحلامو بس للعافيه

منصور

Post: #503
Title: Re: مسادير يا أهل المسادير//(3)..................
Author: munswor almophtah
Date: 08-05-2014, 10:36 PM
Parent: #502

قمر الجمعتين الفوق سمانا مدوّرْ
ودافق ضوو فى ليل شوقنا كاشف ونوّرْ
رمحك من رماة حدقن خفسنا وغوْرْ
وفتق فينا نار جرحن قديماَ توّرْ

منصو
Like

Post: #504
Title: Re: مسادير يا أهل المسادير//(3)..................
Author: munswor almophtah
Date: 08-07-2014, 03:47 AM
Parent: #503

الماس والدهب من ريدو ما صدنى
إلا نبل رماحو المن بعيد صادنى
شبكات غيو داك بى مكرو هن رصدنى
متل القام مباحث جن عديل قصدنى

منصور

Post: #505
Title: Re: مسادير يا أهل المسادير//(3)..................
Author: munswor almophtah
Date: 08-07-2014, 09:51 PM
Parent: #504

حجر الريد وقع من جبلو نحن قرشنا
وكايسين شوفتو ساكت فى الحصايه درشنا
يا دوب ساسو قام من شوقنا نحن عرشنا
وشاف ود عينو داك لى جيْتو نحن فرشنا

منصور

Post: #506
Title: Re: مسادير يا أهل المسادير//(3)..................
Author: munswor almophtah
Date: 08-20-2014, 00:03 AM
Parent: #505

بكرة شام شروق رعايه لى حيرانا
وراعيين نحن بيها وبينا مى داريانا
قانصين بالسلاح لى شاعره لى حاريانه
مرقن خيل هوانا من الدروب حيرانه

منصور

Post: #507
Title: Re: مسادير يا أهل المسادير//(3)..................
Author: munswor almophtah
Date: 08-21-2014, 10:51 PM
Parent: #506

نون النسوه ما بتقبل حروفن نافيه
وما بتقبل أمر دايماَ غريقن لافيه
بى كف عيسى فيهن لينا دايما شافيه
ودايماً نلقى فيهن سر كمال العافيه

منصور

Post: #508
Title: Re: مسادير يا أهل المسادير//(3)..................
Author: munswor almophtah
Date: 08-23-2014, 02:25 AM
Parent: #507

هن بطيخ جروف ما بتلقى فيهن لاقى
ودايماً قسمتك فيهن جزم بتلاقى
سيد زرعو السمح طالق بخورو وساقى
أوعك من شناف أحذر حساب ناس تازقى

منصور
Like

Post: #509
Title: Re: مسادير يا أهل المسادير//(3)..................
Author: بريمة محمد
Date: 08-23-2014, 03:23 AM
Parent: #508

والله حاجة روعة .. يا ول أبا منصور
Quote: بكرة شام شروق رعايه لى حيرانا
وراعيين نحن بيها وبينا مى داريانا
قانصين بالسلاح لى شاعره لى حاريانه
مرقن خيل هوانا من الدروب حيرانه

منصور

أستمتعت بقراءة البوست ..

بريمة

Post: #510
Title: Re: مسادير يا أهل المسادير//(3)..................
Author: munswor almophtah
Date: 08-23-2014, 07:03 PM
Parent: #509

هن زي الفخار هين و ساهل كسرو .
بكرمن النجيض العالي دايما قدرو.
وصانا الرسول قال صلو ليهن استرو .
و الما بكرمن واجب قصاصو و بترو .

حافظ محمد أحمد الولى

قال هن زى قزازوإكرامنا ليهن وأجب
وبظلمن اللئيم دايما بصونن ناجب
سيد الكون وقال فيهن شروط وعجايب
ونص الراى دا هيلن حق أصيل ونجايب

منصور

Post: #511
Title: Re: مسادير يا أهل المسادير//(3)..................
Author: munswor almophtah
Date: 08-23-2014, 07:05 PM
Parent: #510

شكرا يا بريمه جزاك الله خيرا

Post: #540
Title: Re: مسادير يا أهل المسادير//(3)..................
Author: محمد التجاني عمر قش
Date: 10-30-2014, 12:20 PM
Parent: #504

عقب الدندر االغيبه.. ومنوي شروق
وناوي العودة ليهن.. ود جنا البرقوق
يا االخليت وراك سافي الوطا.. ومحروق
كب آخر إيديك.. آ.. االحوري ...الجلب مسروق

Post: #512
Title: Re: مسادير يا أهل المسادير//(3)..................
Author: وائل حمزه الزبير
Date: 08-23-2014, 07:25 PM
Parent: #1

استاذ منصور تحية وتقدير

Post: #513
Title: Re: مسادير يا أهل المسادير//(3)..................
Author: munswor almophtah
Date: 08-24-2014, 10:34 PM
Parent: #512

العزيز وائل سلام من الله عليك والشكر الجزيل لك
وأتمنى أن تجد فى ما نكتب بعض ما يليق بك

Post: #514
Title: Re: مسادير يا أهل المسادير//(3)..................
Author: munswor almophtah
Date: 08-28-2014, 10:54 PM
Parent: #513

كل ما نقول ندور نملأ العيون من شوفك
يقرعنا الحرس لا نقول سلام لا نشوفك
جوكر كر نجر ما بغطى لى مكشوفك
وشوفو حسابنا ليك ورينا خافى كشوفك

منصور
Like

Post: #515
Title: Re: مسادير يا أهل المسادير//(3)..................
Author: munswor almophtah
Date: 09-02-2014, 00:27 AM
Parent: #514

عند الله الكريم بندور دوام رفعانك
وبندور يسعدك أجراً على عرفانك
نحن غفرنا ليك بندور فضل غفرانك
وبابنا فتحنا ليك بندور إذن خُفرانك

منصور
LikeL

Post: #516
Title: Re: مسادير يا أهل المسادير//(3)..................
Author: almulaomar
Date: 09-02-2014, 06:16 AM
Parent: #515

أبشر بالخير يا المنصور

Post: #517
Title: Re: مسادير يا أهل المسادير//(3)..................
Author: munswor almophtah
Date: 09-08-2014, 10:09 PM
Parent: #516

عبران المفازه المن قنيص فزازه
كيف تنحاش بلا البكره أم فقر نزازه
أم قربين معمره فى الضرب رزازه
ما بتصيدا ديك اللدنيب هزازه

الخير فالك يا مله والشر فاتك وبرجتك ذاهبه ودلوكتك نباحه

منصور

Post: #518
Title: Re: مسادير يا أهل المسادير//(3)..................
Author: munswor almophtah
Date: 09-10-2014, 08:43 AM
Parent: #517

ألمى من السعن بالقرعه مافى قزازه
وشيتك فوق جمركانونو داك هزازه
فى نظم الكلام الناس معاك معازه
ضيفك بتلخم كبد الإبل مزازه

منصور

Post: #519
Title: Re: مسادير يا أهل المسادير//(3)..................
Author: munswor almophtah
Date: 09-12-2014, 01:12 AM
Parent: #518

بلداً ماها هيلك مابفيدك صكو
وضفراً ماهو ضفرك مابمتع حكو
قفطان الحرير الفصلوه أمجكو
مابستر عرض عريان وحايم إمفكو

عبدالله عباس

الخلاك وفات أوعاك تبارى تسكو
وكان جاك تانى صاد من عالى جبلك فكو
القفطان قطن خابرنو قاطعين شكو
وستار العروض ما بقولو ماشى أم فكو

منصور

Post: #520
Title: Re: مسادير يا أهل المسادير//(3)..................
Author: munswor almophtah
Date: 09-16-2014, 04:34 AM
Parent: #519

بقّ وفوقنا دوّرْ زى قمر دورين
ووجّنْ فوقنا ضون جوز خدود بدرين
بريبة الطلح دى المابتدور دربين
وِرْدٌكْ فى الغرام بِطِبْقو ليك وِِرْدِينْ

منصور

Post: #521
Title: Re: مسادير يا أهل المسادير//(3)..................
Author: almulaomar
Date: 09-16-2014, 06:30 AM
Parent: #520

الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

من مسدار القمرية
الفرجوني

Post: #522
Title: Re: مسادير يا أهل المسادير//(3)..................
Author: munswor almophtah
Date: 09-16-2014, 08:08 PM
Parent: #521

مرحات ألبل الفرق الأراك دوَارِّنْ
وعنقان الأرايل فى الشقيل دودارِّنْ
حراس الرزق دا المابدور ودّرِانِنْ
مرضان شوفتن ما بشفى غير حدرانن

أبشر يا مله وأبشر يا فرجونى

منصور

Post: #523
Title: Re: مسادير يا أهل المسادير//(3)..................
Author: munswor almophtah
Date: 09-17-2014, 11:19 PM
Parent: #522

ود مفتاح دخل جمله اب كريق قدام
وبتلفت تقول كركون سلاح ما نام
البارود هرج ناره التقول هدام
سيف اجاداده فوق فقر الرجال كزام

المهندس عبدالله الأسد

أسدا كان أبوك زمن المحاصات هام
وكان درق العقيده الفيها مات ما هام
ركاب أبوسدر للضيف كريم همام
وعراف العبرّنْ فى القنيص هيام

عبدالله الأسد ياخ رحماك إمتحانك عسير والشكر لك والسلام

منصور

Post: #524
Title: Re: مسادير يا أهل المسادير//(3)..................
Author: munswor almophtah
Date: 09-22-2014, 11:49 PM
Parent: #523

نياش القلوب أرواحنا ذاتا بنيشه
وسايقنا ومرق شاحنا فوق تكويشه
دياشى الغرام فوق كابو رافع ريشه
عارف زر هوانا وروحنا حافظ فيشه

منصور

Post: #525
Title: Re: مسادير يا أهل المسادير//(3)..................
Author: munswor almophtah
Date: 09-24-2014, 09:53 PM
Parent: #524

صار العين بنشن للمكارم صادا
وصداد للأعادى أكان إسود صيادا
المحن إن حبن عرافا ست رصادا
بقطع دابره وأبوابا ديك وصاده

سلام يا أخو البنات وسلام يا بنات
منصور

Post: #526
Title: Re: مسادير يا أهل المسادير//(3)..................
Author: munswor almophtah
Date: 09-30-2014, 09:26 PM
Parent: #525

كلابة الزمان عكشتنا بى سنانا
ودرش العيش طحين عركتنا فى مسحانا
هبلت صاجه حار عوس العجين ماسحانا
لامن عينا طلعت وأندفق سححانا

منصور

Post: #527
Title: Re: مسادير يا أهل المسادير//(3)..................
Author: munswor almophtah
Date: 09-30-2014, 10:02 PM
Parent: #525

درناهو المروق وإن شاء الله جيهة أمبده
وسوق الناقه نغشى وفيهو يوت نتغدى
حياة الغربه مره تسوى وجع الغده
وفيها شبابنا راح وأتشالبتنا المده

منصور

Post: #528
Title: Re: مسادير يا أهل المسادير//(3)..................
Author: munswor almophtah
Date: 10-06-2014, 01:48 AM
Parent: #527

كبور الطلح فوقن تعولن كَبّن
وعبرانن شَبعْ ضِرْعات حليبهن لَبّن
كلاب القنيص متل النهرت وتبن
وزى رصاص بنادق لا حَرَنْ لا أتْدَبّنْ

منصور

Post: #529
Title: Re: مسادير يا أهل المسادير//(3)..................
Author: munswor almophtah
Date: 10-10-2014, 11:00 PM
Parent: #528

الجيد جيد غزال والوش قمر وجاج
والعود من نخيل والساق حواها العاج
القول عندو ما بَعتَرْ ولا بتقدر تقول لجلاج
ونضمو بضفرو زى شغل القِبَطْ نساج
منصور

Post: #530
Title: Re: مسادير يا أهل المسادير//(3)..................
Author: munswor almophtah
Date: 10-13-2014, 06:16 AM
Parent: #529

نشال القلوب...............................................

الليل شايلو شوق ودانى بلدك شاقى
وشايل ريد سنين شاحن معاها أشواقى
ريحة عنبرو التوّرْ على عشراقى
فتق جرح أزاى يا بدرى وين عشاقى
زولك جاك بزح إلقاك مساهر هامى
وخرمان يا الشهاك شاهيك غدربو ورامى
يا الحادق اللهيج أنا قلبى عشقك رامى
ونبتن فى القلب شتلات هواك وغرامى
ود عينو إن وقع فى العين بنضمن جَهَرو
وفيهو جنس جمال يات من قنصبو انْقَهرو
معدوم متلو مافيش قطْ طبيق فى دَهْرو
يا فرس الرهان مافيش بدالك مهرو
زايد فى السماح دايما بهرشك أسدو
وديمه الناس تحن لى مثلو لمن حسدو
هبار للشرك جبخان قنيصهم فسدو
وتجار الغرام بارت عروضهم كسدو
ماهر فى الكلام تحلف تقول دحدوح
وعزاف للحروف وسط الجميع ممدوح
شدر الريد تظنو بغنى ديمه تسوح
وتفضح سر هواها الكاتمه كلو تبوح
يا راعى الظروف أرواحنا أرعى لحاله
وعقد الريد نجيك بندور تكون حلالا
راكبين فوق تلوب متل التقول رحاله
وأمسح للقديم تبنا الذنوب أمحاله
وقت الباب قفل والشوفه قالو محاله
طلقت فينا نار متل التقول ملاله
العين شاف غزال قام بالصنق فلالا
رجفت روحو لا صاد لا صبح حَلّالّه
بلقيس فى الجمال محروس حراب وسيوف
والزول كان جبل إن شافو بس منسوف
إن مرق الصباح شمس النهار مكسوف
وإن قدل العشاء قمر الطلوع مخسوف
حَجُونا وصنفنا وقالو فيهو حكاوى
وشفنا جمالو فى عين العجوز الراوى
عينو عديل تَشِلْ وكان لمسنا بداوى
نشال القلوب ما بسويّ زيو الحاوى

منصو

Post: #531
Title: Re: مسادير يا أهل المسادير//(3)..................
Author: munswor almophtah
Date: 10-15-2014, 08:36 PM
Parent: #530

مالك كدكوك بى صره عن كاجور
واللا سقوك محاية شيخ بسوق باجور
بابك تربسوهو وبالحديد مكجور
وفوقو وقف نبطشى العسكرى الماجور

منصور

Post: #532
Title: Re: مسادير يا أهل المسادير//(3)..................
Author: munswor almophtah
Date: 10-18-2014, 09:40 PM
Parent: #531

حال الدنيا دايما يوم تشيل يوم تدى
يوم تديك عديل ما تقدرى ذاتو تعدى
ويوم ما تقوم عليك ماموره وين بتبعدى
كلو قدر كريم راجيك براك ما بعدى

منصور

Post: #533
Title: Re: مسادير يا أهل المسادير//(3)..................
Author: munswor almophtah
Date: 10-19-2014, 10:40 PM
Parent: #532

صندل عود كلام بشويش براهو نجر
ومسك الود دا شايلو وزارعو غابه شجر
مخبور بالنزاهه وفى الوظيفه كجر
والـكــلب إن نبح فوق راسو ما بقول جر

منصور

Post: #534
Title: Re: مسادير يا أهل المسادير//(3)..................
Author: محمد التجاني عمر قش
Date: 10-20-2014, 07:52 AM
Parent: #533

الليلة الصعيد هبهب فروع النيم
وبوجد نفسي في الغرغير مفارق الليم
وين العنقو باهي وصدرو مكجرو الهضليم
ضقنا ليالي كان الزايله فوقها نعيم

الليلة القليب لف واتذكر عرب جقداه
اضرع بالفجاج يا تيس قنه عاد بزياده
بلد السكسكانيه أم جمالا ساده
أهجموا الليلة أوعاك تخلف علي ميعاده

Post: #535
Title: Re: مسادير يا أهل المسادير//(3)..................
Author: munswor almophtah
Date: 10-20-2014, 10:28 AM
Parent: #534

بى مرحاك غرامو عضانا ضرا دريشه
وسالبو جلد هوانا وروحنا ماعط ريشه
عسلو وسال بحر من عنبه فوقو عريشه
وقسيان شوفنا ليهو وديمه فى التقريشه

منصور

Post: #536
Title: Re: مسادير يا أهل المسادير//(3)..................
Author: munswor almophtah
Date: 10-26-2014, 06:43 PM
Parent: #535

قمريتين كبور خالقنا أبدع فوقن
وليهن كال خصال بدّع تمام فى طوقن
سيالات حسن راكات دوام وبقوقن
وطاربات الأهل وقتين ينومو بروقن

منصور

Post: #537
Title: Re: مسادير يا أهل المسادير//(3)..................
Author: محمد التجاني عمر قش
Date: 10-27-2014, 08:06 AM
Parent: #519

ليه ضويتي بي سنّك مداين غيري
وليه أصبحتي فوق شجرتنا ما بتطيري
بعد شربت غنيماتك دفنتي حفيري
لو زعلانة عمّري ليك رباعي وغيري

أبو بدري البدري

Post: #538
Title: Re: مسادير يا أهل المسادير//(3)..................
Author: munswor almophtah
Date: 10-29-2014, 08:23 AM
Parent: #537

كل ما نقول نجيك نلقاك عساكرك واقفه
وكركون للشرف خالعنا والروح راجفه
كان عرفو العلينا أكان تصيبهم واجفه
وكان يبست كبادهم وأضحت قلوبهم ناشفه
منصور

Post: #539
Title: Re: مسادير يا أهل المسادير//(3)..................
Author: محمد التجاني عمر قش
Date: 10-29-2014, 01:04 PM
Parent: #538

الشتا جانا بي بردو وسحابو الدّكن
ولسه قيودنا من أم بادر أبن ينفكّن
ود اللّريل اللماتو بالصي جكّن
فراقو خلى ريشات القلب ما بركّن

الصوفي العاشق محمد شريف محمد سعيد العباسي

Post: #541
Title: Re: مسادير يا أهل المسادير//(3)..................
Author: munswor almophtah
Date: 11-01-2014, 10:40 PM
Parent: #539

مالك يا القرين عضم الكلام فكيتو
ومالك سيد هواك فى الريده ما كفيتو
سلمنا الحقوق تور الكرامه تكيتو
علا الغب دا حار مالك على بكيتو

منصور

Post: #542
Title: Re: مسادير يا أهل المسادير//(3)..................
Author: munswor almophtah
Date: 11-01-2014, 10:42 PM
Parent: #541

دربك يوت وعر لا فتو لا فكيتو
قسيان علا شوفتك كان درك جكيتو
سايجنى حبل الوصل حاشا رخيتو
شاكرين للكريم شادنو ما نخيتو

منصور

Post: #543
Title: Re: مسادير يا أهل المسادير//(3)..................
Author: munswor almophtah
Date: 11-04-2014, 00:18 AM
Parent: #542

ود الأسد البدوى القح والنابت كما العربان فى أركان السودان ما بين أبا والسقاى وطقت راصدا لتلك الحيوات ونازعا جميل ألسنتها بمهارته وحرفته وخرفنته شكرا يا همباتى ولك السلام
يا الفوق أبوسدر جوال
وايدك فى أدانك ما بتدور جوال
دخال المحاصات فى لهيبن جال
وركاز فى الشدايد ومن وراك رجال

سلام يا أبو السعود

منصور

Post: #544
Title: Re: مسادير يا أهل المسادير//(3)..................
Author: munswor almophtah
Date: 11-07-2014, 10:14 AM
Parent: #1

الوجه البرارى نضارتو ما بتتغابى
والعين عين غزال إن كحلتك كهرابه
الهاف هاف نحل إن جات عليك كَلابّه
شايله مدافعا وبتفك عليك كلابا

منصور

Post: #545
Title: Re: مسادير يا أهل المسادير//(3)..................
Author: munswor almophtah
Date: 11-10-2014, 07:49 AM
Parent: #544

الصيد صيد خلا ودنب الشرود هزنو
وإن جفلن بجيك حجر الحصايا الفنو
الكلب المبربح بالدرب سبقنو
وسيدو الفوق بشارى طوى الصنق قمحنو

منصور

Post: #546
Title: Re: مسادير يا أهل المسادير//(3)..................
Author: munswor almophtah
Date: 11-10-2014, 09:33 PM
Parent: #545

شوف الدابه قامت والعيون كحل الإله جلاها
شوف الروبه فى الربرب وقت تلاها
الهاف قبضة إيد والساق نبت علاها
والوز فى البحر بى صدرو ما بعلاها

سلام يا ناصر
منصور

Post: #547
Title: Re: مسادير يا أهل المسادير//(3)..................
Author: munswor almophtah
Date: 11-11-2014, 11:04 PM
Parent: #546

مفتاخ الغُنا وشالنو بى فرق الطليح جكّنْ
وشقن قلبى شقهن الجروف نعناح سماحا مجكّنْ
زى دوار زواملو بريت دريبهن عَجّنْ
وقمزن منى زى نشاب وفكو ولَجّنْ

منصور

Post: #548
Title: Re: مسادير يا أهل المسادير//(3)..................
Author: munswor almophtah
Date: 11-13-2014, 01:40 AM
Parent: #547

صار العين بضاوى ولى مداينك طاف
ومليان ريد معبا وليك دوام عطاف
زهرك فى الغنا دا كان فتق قطاف
وزى ولد الحدى سوسيو هواك خطاف

منصور
LikeLike · · Share

Post: #549
Title: Re: مسادير يا أهل المسادير//(3)..................
Author: munswor almophtah
Date: 11-19-2014, 08:19 PM
Parent: #548

مالكم علّىْ حبل الوصال قاطعنو
وبنسارقو النفس مالكم على حاجرنو
الريد وقت يقوم لاعننو خاشو وجنو
ومن الكان على زايدنو كوزين جنو

منصور

Post: #550
Title: Re: مسادير يا أهل المسادير//(3)..................
Author: munswor almophtah
Date: 11-19-2014, 08:22 PM
Parent: #549

الصيد صيد خلا ودنب الشرود هزنو
وإن جفلن بجيك حجر الحصايا الفنو
الكلب المبربح بالدرب سبقنو
وسيدو الفوق بشارى طوى الصنق قمحنو

منصور

Post: #551
Title: Re: مسادير يا أهل المسادير//(3)..................
Author: munswor almophtah
Date: 11-19-2014, 09:44 PM
Parent: #550

حبل الله المتين ما فينا قط من فاك
ودرب الريد عديل ما ظنو منو فكاك
القال ما بحب بحلف يمين أفاك
وقولو تتُفَها ومضمض معاها فاك

منصور

Post: #552
Title: Re: مسادير يا أهل المسادير//(3)..................
Author: munswor almophtah
Date: 11-22-2014, 03:24 AM
Parent: #551

لا التلفون فتح لا دقنا نوم لا عافيه
لا فرسك لحق لا بنوصفك بالجافيه
قلبى عليك نزف وأقوالى حاويه وكافيه
ما فيش لا عليك لا ناهيه أو كان نافيه

منصور

Post: #553
Title: Re: مسادير يا أهل المسادير//(3)..................
Author: munswor almophtah
Date: 11-23-2014, 11:28 PM
Parent: #552

السر يا الإمام وكاى سعن ممكونو
والجهر إن مرق زلزالو بخرب كونو
الزول الحجز غرف الفؤاد لى سكونو
سالب نوم هواى وأنا يا الإمام مسكونو

عزيزنا الإمام ياخى الواعى ما بوصو ومن أمس الضحى تورى
أبقرون ساقو يا مقناع ولياتو -شوق يا الإمام وسلام كتير

منصور
1 min · Edited · Like

Post: #554
Title: Re: مسادير يا أهل المسادير//(3)..................
Author: munswor almophtah
Date: 11-24-2014, 00:15 AM
Parent: #553

شرك العين هبرْ وحمامو صفقن وفَرّنْ
وعنقان ريدو ديك غرزن بعد ما دَرّنْ
نيران شوقو هبلن فى الحنايا وحَرّنْ
وقلعن قلبى بى كلابه قط ما قرّنْ

منصور

Post: #555
Title: Re: مسادير يا أهل المسادير//(3)..................
Author: munswor almophtah
Date: 11-24-2014, 06:20 AM
Parent: #554

كم ختولنا فوق راسنا القواسي وشلنا
وكم لامونا في ريدك قراب وحملنا
مادام انت في الواتساب وبتراسلنا
بي البرضيكا يا مالك قلوبنا قبلنا

ود مسيخ

شلنا الشيلوك عشرين ضعف ما وحِلْنا
ولايكين اللجام وارثنو صنعه نِحِلْنا
وين فى أم كتى واتساب نحن فيهو مِحِنّا
ما بنجرو واطى إن زادو تانى شحنا

قولى لود مسيخ الجميعابى لوك الصبر

منصور
·

Post: #556
Title: Re: مسادير يا أهل المسادير//(3)..................
Author: munswor almophtah
Date: 11-24-2014, 10:03 PM
Parent: #555

أركز يا قلب حالفين يفورو زيتك
وحالفين يفرموك زى السجوك وين خيتك
إن قالو الضبح أرجاهو فاتح بيتك
وإن قالو الجمٌرْ حضر بهار لى شيتك

منص

Post: #557
Title: Re: مسادير يا أهل المسادير//(3)..................
Author: munswor almophtah
Date: 11-25-2014, 10:19 PM
Parent: #556

أسْعالكْ بُكار وأكرم وفادةْ إنقيبنْ
وكان ساقِنْ ديوش من فك إسود هو بجيبن
شَنْق يا العَشنّقْ فى موارد ريدِنْ
وقلبك من طرف يات من عزلت بريدن

منصور

Post: #558
Title: Re: مسادير يا أهل المسادير//(3)..................
Author: Osman Musa
Date: 11-25-2014, 10:30 PM
Parent: #557

وكان ساقهن ديوش .. من فك اسود هو بجيبهن .
هيع !
المنصور . كيفك يا أخو البنات ؟
وعلك حالك زين ؟
..
تحياتي وجزيل شكري علي الدفق البديع

Post: #559
Title: Re: مسادير يا أهل المسادير//(3)..................
Author: مني عمسيب
Date: 11-25-2014, 11:44 PM
Parent: #558

الزول الصبوح اللتربع فوق سامو
شد رحالو بي ضهر البيضوي لجامو
مسدارو الحميم اللتسمع من فامو
للهمباتة شوق ضلل صحاري غمامـو

المنصور سلام آآآلحبيب .

المسدار دا كتبتو زمااان للهمباتي
محمد زين الله يطراهو بالخير واسمو في النافذة
المسدار .. كان طول ما جانا ورجع ملهوف وبحرارة
الشوق كتب مسدار شوق للهمباتة ونزل صورو راكب ليهو
( ابل ) وسماهو ( اب سام ) اها انا رديت عليهو كدا .
مشكور يا منصير حقيقة خيمتك لا تنافس الله يزيد ويبارك .
وتسلم انت وضيوفك .. ولي قدام .

Post: #560
Title: Re: مسادير يا أهل المسادير//(3)..................
Author: أحمد الشايقي
Date: 11-26-2014, 02:56 PM
Parent: #559

الله الله, يا المنصور أبشر بالخير,

Quote:
صار العين بضاوى ولى مداينك طاف
ومليان ريد معبا وليك دوام عطاف
زهرك فى الغنا دا كان فتق قطاف
وزى ولد الحدى سوسيو هواك خطاف

Post: #561
Title: Re: مسادير يا أهل المسادير//(3)..................
Author: munswor almophtah
Date: 11-26-2014, 11:37 PM
Parent: #560

عزيزنا العثمان موسى سلام وود صادق لك يا أيها البهلول المعافى
الشكر وعظيم التحايا وفائق الإمتنان.

منصور

Post: #562
Title: Re: مسادير يا أهل المسادير//(3)..................
Author: munswor almophtah
Date: 11-27-2014, 02:00 AM
Parent: #561

الباب ضلفتين فاتحنو ليك أدخلبو
والقلب الهواك بى شيش على ما تخلبو
الريد فاض بحر لى سيدو كيف نبخلبو
وإن دفَرَنْ سيولو عليك جزم تَنْخَلْبُو

منصور

بنت عمسيب وين إنتي ألف شكراً وأمانينا لك والسلام

Post: #563
Title: Re: مسادير يا أهل المسادير//(3)..................
Author: munswor almophtah
Date: 11-28-2014, 00:25 AM
Parent: #562

ود الشايقى الله ما ضراك وبالخير براك إنها هواتف تأتى ونعطسها كا هى
شكرى لك وسلامى والتقدير

Post: #564
Title: Re: مسادير يا أهل المسادير//(3)..................
Author: munswor almophtah
Date: 12-01-2014, 09:24 PM
Parent: #563

النم يا يحى أخوى جمام ملان ماعونو
وإن نقصن شبر سيد الخلق بى عونو
الزول المكمل فى الجمال معيونو
كهرب روحى شَلّ أعضاى على بى عيونو

منصور

Post: #565
Title: Re: مسادير يا أهل المسادير//(3)..................
Author: munswor almophtah
Date: 12-01-2014, 09:28 PM
Parent: #564

لتيبات اللقد القندلن يادوبهن
حارسن العفاف سابل عليهن توبهن
جافاني الغميد عيني دموعهن فوقهن
ميت من بعادهن ومن جمالهن وزوقهن

يحى الطيب محمد الإمام

لتيبات اللقد الداب فريكهن حَمَسْ
بكريهن بدور قرياف عليهن خَمَسْ
مترار خلقهن فات الحرير ملمس
ديل يا يحى سوّنْ فينا شغل المس

منصور

Post: #566
Title: Re: مسادير يا أهل المسادير//(3)..................
Author: munswor almophtah
Date: 12-03-2014, 09:32 PM
Parent: #565

الزول النجيض عند الله معروف وزنو
وإن نقلو الجبال فى الكون دا ما بتوزنو
المولى الكريم مين فينا شايل إذنو
مالكم يا خلق فى الدنيا ما بتتزنو

منصور

Post: #567
Title: Re: مسادير يا أهل المسادير//(3)..................
Author: munswor almophtah
Date: 12-04-2014, 11:54 PM
Parent: #566

نحن أهل الدهب ما بننخلع بى كيلو
ونحن جبالو هيلنا إن درنا ليك بنكيلو
عارفنا الإله المولى سيدو وكيلو
وقسموا علينا رحمه ولينا جاب توكيلو

منصور
5 mins · Like

Post: #568
Title: Re: مسادير يا أهل المسادير//(3)..................
Author: munswor almophtah
Date: 12-07-2014, 04:10 AM
Parent: #567

أمها من معيز كان بالبرم مكلوفه
وكان فيهن محجله بالجمال معروفه
كان قدلت قصادك عافيه ما بتشوفه
وكان نور عينا جاك بتقول برق شعفوفه

منصور

Post: #569
Title: Re: مسادير يا أهل المسادير//(3)..................
Author: munswor almophtah
Date: 12-07-2014, 10:56 PM
Parent: #568

صفقن فَرَدَتِنْ دارت الرقيص جنحاتا
وزه وبت جذر خشب القلوب نحاتا
شدر العقول مهما كبر حتاتا
يات من قال كبيرسايقنو ماش التاتا

منصو