Post: #1
Title: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-01-2005, 12:27 PM
Parent: #0
وفاة قرنق إمتحان عسير للإلتزام بالعهود والمواثيق لاطراف السلام شماله وجنوبه....فجون قرنق من صناع السلام الأوفياء...ومن أنصار الوحدة الخلص....إستطاع ببراعه براجماتيه عاليه أن يجمع النقائض من فصائل حركته ذات الإنتماءت ولإعتقادات المختلفه...وأستطاع الأنتقال من الحسميه الثوريه الإشتراكيه الى إدراك قيمة الرأسمالية الغربيه لتحقيق أحلامه الثوريه والسياسيه...وأستطاع بوعى ثاقب أن يؤسس أسس إتفاق سلمى لحقن دماء الشعب شماله وجنوبه....وتأسيس دساتير ترعى العداله فى توزيع الثروه والخدمات وعدالة المشاركه الفعاله فى التشريع والتنفيذ...........
منصور
|
Post: #2
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-01-2005, 02:56 PM
Parent: #1
يحيا أخوي سلام.. الليلة مالك غايب
ونشأت برضو ما في ولا البشير اب نايب
حت سيد البلد منصور خبر مو جايب
تعالو نعزي روحنا بلدنا فيها مصايب
ود عقيد
غدار القدر غدار وأمرو عجائب
عزال البطل عزال بدورنا حبايب
جون المات بطل ماهو اللضينه الخايب
حقق ما حصل والليله أصبح غايب
منصور
|
Post: #3
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-01-2005, 03:22 PM
Parent: #2
مضروبين حزن و لينا الكلام موطايب
وغياب العقيد بكى الصغير والشايب
شايلين الصبر خاتين فعايل العايب
بنتحزم سوا ونتمو السلام ياصاحب
أمر السلام يا يحى أصبح واجب
وموت البطل لى راسنا أصبح شاطب
يات ما نقول صبر نلقاهو نايح ناحب
لا بتعرف داك طفل أوداك جزوعا شايب
منصور
|
Post: #4
Title: Re: وفاة قرنق إمتحان عسير للإلتزام بالعهود والمواثيق
Author: هشام مدنى
Date: 08-01-2005, 03:54 PM
Parent: #1
رغم ايمانى وقناعتى الشديدة اخى منصور باليوم الواحد والساعة والدقيقة والثانية
ولكن لاول مره لا اصدق ولم يكن لدى استعداد ان اصدق الذى حدث
لا ادرى لماذا؟؟؟؟
|
Post: #5
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-01-2005, 05:24 PM
Parent: #4
رغم ايمانى وقناعتى الشديدة اخى منصور باليوم الواحد والساعة والدقيقة والثانية
ولكن لاول مره لا اصدق ولم يكن لدى استعداد ان اصدق الذى حدث
لا ادرى لماذا؟؟؟؟
الأخ الأستاذ هشام مدنى سلام من لله عليك...موت قرنق كموت ملك أمه يوم دخلة زواجه...فيتغير فرح الأمه الى حزن وجزع دفين...فله الرحمه حيث كان فارسا يقود كواسرا ثم جاء مسالما بقوة...فحت له الخرطوم أحضانها وأنداحت تستقبله فى الساحة الخضراء عن بكرة أبيها...واليوم يودعه السودان بره وحضره فله الرحمه وللسودان اللطف.......
منصور
|
Post: #6
Title: Re: وفاة قرنق إمتحان عسير للإلتزام بالعهود والمواثيق
Author: Abdulla Ageed
Date: 08-02-2005, 03:45 AM
Parent: #1
المبدع منصور
يد المنية عندما تتدخل في مثل هذا الوقت وبهذه الكيفية
تكشف ما ستر من عيب وقديما قالت الغناية "انكسر المرق
واتشتت الرصاص" والرصاص هنا هو "الضُلع" او الأعواد المرافقة
للمِرق في حمل عرش البيت..
والآن انكسر مرقا كبير.. ونخشى أن يتشتت الرصاص بنوعيه.. لذا
بكيت بطريقتي .. على السودان .. نادبا.. ومعددا في هذه الكلمات
عرس أبى
أن يكتمل
جرح أبى
أن يندمل
فرح تغشته المنية
واعترته يد الخطر
أمل هوى بيد القدر
أسفي لحالك يا وطن
ويحي..
فماذا أحتمل!!؟
...
ماذا دهاك!؟
من هدّموك دفنتهم
وقبرت حتى من سعى لبناء مجدك..
ما بلاك!؟
يا أيها البلد الذي..
يخفي.. (محافير) المواسين
الذين أتوا ليساعدوا في الحفر
يا أيها الشعب الذي..
يدمي تعابير المساكين
الذين أتو ليوسعوا في القبر
يا مستميتا في البكاء
يا مستلذا بالبلاء
أو لا تمل من الهلاك؟!
يا موطني
ما ذا دهاك!!؟
ود عقيد
|
Post: #7
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-02-2005, 11:12 AM
Parent: #6
صبرنا زمان كتيير وجهلنا كان في عقالو
قدر ما قالوا فينا سكتنا لي ما قالو
دحين بعد الحصل يجب الجميع نوعالو
صديقك لو صدق ما بقول (عدوك ارتالو)
ود عقيد
عدونا الجهل يا ود عقيد واحوالو
وإن وقع القدر لازم نعرفوا مآلو
دكتور جون ذهب أنسوها قلنا وقالو
خلو الموت غدر خلو الشغب وافعالو
منصور
|
Post: #8
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-02-2005, 11:28 AM
Parent: #7
الزول الكتل اخوي ما برتا لو
وان الكون صفا انا قلبي ما بصفالو
الدم الوشل كيفن في يوم انسالو
والسيف ان اباك امسك عليك نصالو
السيف فوق أخوك هابيل زمان ضحالو
والمسئول جهل أمر الشغب واحوالو
كان لازم يشد أمن البلاد بى رجالو
ويحقن للدماء الفى المداين سالو
منصور
|
Post: #10
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-02-2005, 11:53 AM
Parent: #8
يانشأت يمين تلقانا ساعة الحارة
مدفعنا إن رزم قايدين انحنا الغارة
ما بنفع معانا النضمي والشوقارة
صغيرنا يشبع الصقار لحوم ومرارة
يا دوب جينا من وجع الدواس والحاره
جينا بعد سنين شفنا المآسى الماره
كان دايرين دواس تعرفنا نحن القاره
دايرين بس سلام معروفه فينا حضاره
منصور
|
Post: #9
Title: Re: وفاة قرنق إمتحان عسير للإلتزام بالعهود والمواثيق
Author: Abdulla Ageed
Date: 08-02-2005, 11:53 AM
Parent: #1
يا منصور اخوي الناس عنونا عديل
مو شيةً بكوسولو وبدورلو دليـــل
ولو كان العقل حا يوقف التقتـيل
ما فيش داعي للعجلة وصبرنا جميل
ود عقيد
|
Post: #11
Title: Re: وفاة قرنق إمتحان عسير للإلتزام بالعهود والمواثيق
Author: munswor almophtah
Date: 08-02-2005, 12:12 PM
Parent: #9
يا منصور اخوي الناس عنونا عديل
مو شية بكوسولو وبدورلو دليـــل
ولو كان العقل حا يوقف التقتـيل
ما فيش داعي للعجلة وصبرنا جميل
الجاهل علموا وخلوهو إبقى دليل
وخلو الأمن إعم شدو الحزام بالحيل
كان زولا خطف كان بالنهار أو ليل
إلقى جزاهو بالقانون قسيط وعديل
منصور
|
|