دخول ابراهيم خليل وعصابته الي ( امدرمان ) .. لغز كبير حنقعد نحكي عنه فترة طويلة .. ونضيف عليهو كثير من ( التحليلات ) التي يتقنها المواطن السوداني ( العالم ببواطن الامور علي حد زعمه ) .. في يوم ( الهجوم ) .. طالعنا الكثير هنا ببوستات مثل ( جاءني من مصدر مسئول - ود عمي واقف في الناصية - لقد مرا المتمردين من أمام بيتي ) .. وكثير من الامور التي دخلت في باب ( خزعبلات الحرب النفسية التي يعاني منها المواطن محمدأحمد ) .. وفي هذا الخضم لم يسأل أحدهم السـؤال الكبير ( أين الجيش السـوداني ) ... وأين ( سـلاح الجيش السوداني ) الذي يملأ ( التلفزيون ) .. وأين المليون رتبة ( عقيد ) .. التي تمتطى العربات الفارهة في صيف الخرطوم .. وأين ( العساكر ) التي تطارد ( خلق الله ) من حافلة لحافلة ومن زقاق لزقاق .. من أجل عيون ( الخدمة الإلزامية ) .. وأين هذا الصبي ( رتبة مساعد ) الذي كان متلحني في ( جهاز المغتربين ) .. ولهف مني ( 100 الف عشان بطاقة الخدمة الإلزامية ) .. وأين ( نادي الضباط ) .. وحفلات ( ود الامين ) ..!! وأين ( فرع التوجيه المعنوي ) .. و ( المظلات ) و ( الصاقعة ) .. و ( سـلاح المهندسين ) و ( السلاح الطبي ) .. وأين الجماعة الأكلو ( الارنب ) .. واين كمية ( الدهشة ) التي كادت ان تدخلني ( الكلية الحربية ) .. وأين جارنا العقيد ( كمال بور ) .. !!!
Photos of Sudan military construction weapons Photos of mortar,ammunition,tank,armored vehicule, built by sudanese military factory
Sudan army artillery in a military parade in Khartoum 31 december 2007
Quote: الجيش السوداني او مايعرف بقوات الشعب المسلحه نشاءت قبل اعام 1955م وعرفت انئذاك بقوة دفاع السودان وهي مكونه من عدد من الجنود السودانين تحت امرة الجيش البيرطاني المحتل وبعد العام 1956 اي بعد الاستقلال تم تكوين الجيش السوداني ( قوات الشعب المسلحه) بكافه فرقها ابتداً بفرقة المشاه ثم البحريه والجويه وغيرها يعد الجيش السوداني من اميز الجيوش في المنطقه وقد شارك في عده عمليات خارجيه وداخليه اثبت خلالها قوه وكفاءه وتميز ومن اهمها دحر الايطالين من مدينة كسلا في شرق البلاد عندما كان يعرف بقوة دفاع السودان شارك في عمليات تحرير سيناء في العام 1973م من العدو الصيوني كما اشترك ايضا في الحرب ضد إسرائيل انطلاقا من جنوب لبنان خاض معارك لمده تزيد عن 20 عاما ضد المتمردين في جنوب السودان من العام 1983 وحتي العام 2005م والتي انتهت بتوقيع اتفاقية نيفاشا للسلام تتكون البنيه التحتيه للجيش السوداني من قوة عسكريه ضخمه تتمثل في مصانع للمدرعات والاليات الثقيله ومصانع للسلحه والذخائر وكما لديه افراد مدربون أفضل التدريب ويتمع بنظام عسكري صارم
ابو اللول .. تصدق في سن المراهقة الحاجة دي كان عندها بريق شديد .. خصوصا ايام ( بصات الهيئة ) .. اذكر في اذلية مكوثي امام مكتبة ( علاء الدين ) في محطة ( المهداوي ) .. يأتي ( بص الهيئة ) يوم الجمعة .. لأخذ طلاب الكلية الحربية بعد تجمعهم في المحطة .. تغريك ( البدلة ) .. والمشى بانتظام .. وبعض الجدية التي كانوا يتعاطونها فيما بينهم .. ولكن كما يبدو لي ان ( دهشتي ) تلك لمن تقنع ذلك ( العميد اركان الحرب ) الذي ألقى بملفي عبر الشباك .. وقال لي ( نحن ما دايرين صعاليك ) .. كل ذلك بسبب عدم علمي من هو رئيس ( برلمان ولاية الخرطوم ) .. وكانت الاجابة .. هـو يا سيادتك البلد دي كلها فيها ( برلمان ) لمن ناس ( الخرطوم ) يعملوا ليهم واحد براهم .. !!!!
ما شاء الله .. شايف ( الباشبوزق ) كلهم اتلموا في البوست دا .. رايك شنو نعمل دفعة .. ونقسم ليكم رتب ونياشين ..
.. ..
Post: #11 Title: Re: ســــــلاح طابــــور ..!! Author: دينا خالد Date: 07-01-2008, 06:44 AM
Quote: وأين ( سـلاح الجيش السوداني ) الذي يملأ ( التلفزيون ) .. وأين المليون رتبة ( عقيد ) .. التي تمتطى العربات الفارهة في صيف الخرطوم .. وأين ( العساكر ) التي تطارد ( خلق الله ) من حافلة لحافلة ومن زقاق لزقاق .. من أجل عيون ( الخدمة الإلزامية ) .. وأين هذا الصبي ( رتبة مساعد ) الذي كان متلحني في ( جهاز المغتربين ) .. ولهف مني ( 100 الف عشان بطاقة الخدمة الإلزامية ) .. وأين ( نادي الضباط ) .. وحفلات ( ود الامين ) ..!! وأين ( فرع التوجيه المعنوي ) .. و ( المظلات ) و ( الصاقعة ) .. و ( سـلاح المهندسين ) و ( السلاح الطبي ) .. وأين الجماعة الأكلو ( الارنب
قاعدين والله يا حميدة كلهم قاعدين !
وبيعملوا فى كل ما قلته الا دا دا خلاص بقا ما شغلهم !
ــــــــــــــــ بالله حمد برضو من الباشبوذق ؟؟ اخر حاجه كنت اتصورها
بالله .. ياخي حمد دا باشبوزق ارناؤوطي .. وشغال في ( سـلاح السمايات الجوي ) ..!!
Post: #13 Title: Re: ســــــلاح طابــــور ..!! Author: عمر الفاروق Date: 07-01-2008, 08:50 AM Parent: #1
حميدة باشا : تعرف وهمة العسكرية دي كانت وهمة كده موووباااااااالغة ايام الثانوي .. مش كان في حاجة كده إسمها الكديد ومرة نقول ليها الكديك على قول اسامة صحبي..ياخ دي كانت وهمة في شكل كيس مقدود ..انا اول يوم سجلت في الكديد وسلموني ليك اللبسة العسكرية الصباح وادونا يا دووووب صفا انتباااه بالمسا توووشك مشيت ليك اخر محطة وقلت لي بتاع الموز الكيلو بي كم ؟ قال لي بي 300 يا عمك .. فوووووووو كشحتوا ليهو في وشو وقلت ليهو تلتومييييية ؟؟؟؟ انت البلد دي قايل مافيها قانون ؟؟؟تعال معاي تعال معاي .. يا قريبك عمك ده قبقبني ليك قبقبة لا كديييد ولا كدييك ولا كدودة قدر يفكني وبقيت شابكو ليك كدي رووق وبعدين جارك ده اداني ليهو بي 250 ..
اكرم صاحبنا في الحلة خش الشرطة واول يوم ادوهو عربية بوكسي ازرق فووووو مشى لي مرا فاتحة بيت في الحارة ونظام قال الليلة اعمل ليك فيها عملية واقبضا بي الثاااابتة .. زولنا كرووووووو كسر الباب ودخل جوووة وقبض ليك زولتنا بي الثابتة وفي وضع مخل بي الاداب وتوووشك اركبي اركبي رفعا ليك وطوالي على قسم العاشرة .. دخل للضابط متكييف بنجاح اول مهمة واغلاق بيت دعارة و و و و .. زولتنا دخلت للملازم بتاع قسم العاشرة وبعد عشرة دقايق بس رموا ليك اكرم في السجن وجردوهو من شرايطو الشايلة دي .. جاتو ليك في السجن وقالت ليهو هوووووووووووووي يا اكرم انا القسم ده من وكيل عريف لحدددددي لواء بيجوني ما تعمل لي فيها شيطان
تخريمة : اكتر حاجة كانت بتشهي الناس في العسكرية انهم بيعرسوا نسوان سمحات ..لييي ما عارف؟