التلفزيون يوقف البث المباشر لمباراة السودان ومالي لبث الأخبار الرئيسية

نوه التلفزيون مشاهديه بأنه سيبث الشوط الثاني من مباراة السودان ومالي بعد الأخبار الرئيسية علماً بأن المباراة مهمة للمنتخب السوداني وتحدد مصيره في التصفيات الأفريقية المزدوجة لنهائيات أمم أفريقيا المقامة في أنجولا ونهائيات كاس العالم 2010 المقامة في جنوب أفريقيا ، فهل هذاالتلفزيون يحترم مشاهديه ، وهل علم المسئولين عن إدارة البرامج في التلفزيون بأن موعد الأخبار في العاشرة مساء بعد بداية الشوط الأول للمباراة ، وهل هنالك تلفزيون في كل هذا العالم يتعامل مع مشاهديه بهذا الاستخفاف ، وهل أعلن قبل وقت كافي من المباراة بأنه سيبث شوط واحد مباشر والثاني مسجل ، وهل هنالك شئ هام في الأخبار لا ينتظر حتي نهاية المباراة ،،،

بالمناسبة شفت جزء من الأخبار ورأيت وسمعت الرئيس عمر البشير وهو يقسم ثلاث مرات بأن السودان لن يسلم أي من المتهمين في جرائم حرب للمحكمة الدولية ، وأنهم إذا أرادوا أن يوقعوا عقوبات علي السودان فهذا لن يخيفهم ولن يرهبهم ، وكرر القسم ثلاث مرات (والله العظيم ، والله العظيم ، والله العظيم) يعني المرة دي ما حلف بالطلاق ،،

اضطرينا مشينا الإذاعة والرشيد بدوي عبيد وتنظيراته العجيبة

بس عرفنا لغاية الآن السودان مغلوب 3/ صفر علماً بان الشوط الأول

قد أنتهي 1/ صفر ،

Quote: بالمناسبة شفت جزء من الأخبار ورأيت وسمعت الرئيس عمر البشير وهو يقسم ثلاث مرات بأن السودان لن يسلم أي من المتهمين في جرائم حرب للمحكمة الدولية ، وأنهم إذا أرادوا أن يوقعوا عقوبات علي السودان فهذا لن يخيفهم ولن يرهبهم ، وكرر القسم ثلاث مرات (والله العظيم، والله العظيم ، والله العظيم) يعني المرة دي ما حلف بالطلاق

* غايتو المرة دي "الحليفة" كانت مشهودة (أقصد في وقت كانت فيه نسبة المشاهدة عالية بسبب المباراة).

* كالعادة: الأخبار معظمها خطب، وكلام مكرر، يعني هي ذاتها ما أخبار

* الإذاعة ذاتها بتقطع، والرشيد بدوي عبيد يتحدث عن الجمهور المالي أكثر من المباراة!

* النتيجة حتى الآن 3/0 لمالي، اقتربت نهاية المباراة.

ياها المحرية ديمه فوقم ... ما شفته الشريط الاعلاني الغامق الما ليهو مثيل في تلفزيونات الدنيا كلها....

وكبلد محترم خالص ،، آزرت الإذاعة شقيقها التلفزيون وقبل المباراة بأربع دقائق

انقطع صوت المعلق الرشيد بدوي عبيد ،، وبقت لنا إذاعتنا الجميلة لحن (انا امدرمان ، انا السودان ،

انا الدر البيزين بلدي )

كويس ناس الإذاعة أعتذروا ،، وأخيراً جاء صوت المعلق من باماكو

art 1

ناقله الكوره

تعرف يا احمد الريح انا كرهتي في الدنيا دي اتنين

التلفزيون السوداني ،، والكورة البايتة ،، والليلة الاتنين شكلهم بقوا علي يعني ميتة وخراب ديار

و كرة القدم دي سرها وروحها الإثارة ،، ومجرد ما اتعرفت النتيجة خلاص المبارة فقدت نكهتها ،،

غايتو ناس التلفزيون ديل الله يجازيهم ،،، معذبننا عذاب ،، وطبعاً ساديين جداً مجرد ما يعرفوا إنوا في

برنامج عنده شعبية طوالي يشيلوا ليك من البرمجة زي برنامج صحة وعافية ،،،


وبعدين الأخبار دي لو فيها شئ ينفع الناس مالو ،،، كلها كلام فارغ ، فلان جاء وفلان مشي ، وفلان قال

وعلان ما قال ،، وحليفة عمر البشير المره دي قوية انا ذاتي عجبتني ،،

يا مؤيد

قدر الناس المبدعة في التلفزيون إتشتتوا ،، في القنوات التانية ،،

عشان كده أي حاجة في التلفزيون ده قبيحة ،، والناس القاعده فيهو ديل مجرد موظفين

يخلوا من كل أبداع وفن ،،، والله التلفزيون ده الواحد ممكن يكتب فيهو مجلدات في القبح

البينشروا وسط الناس

يازول اخيرنا لينا سودانيز اولاين
بالا يخم تلفويزن السودان

معاوية
كيفك

الناس المساكين الماعندهم كرت الـ ART ديل يعملوا شنوا

بعدين التلفزيون حق الحكومة ولا حق الناس ، والحكومة ذاتها حقت منو

مش الناس بتدفع ضرائب من حقها التلفزيون ده يعبر عنها وعن مزاجها العام

والله انا الليلة التلفزيون ده عكر مزاجي ،، قربت أكسر التلفزيون بتاعنا ،،،

Quote: الناس المساكين الماعندهم كرت الـ ART ديل يعملوا شنوا

يحضروا اسبانيا وايطاليا


ياخ انا لا السودانيه ولا الاي ار تي ما عندي فقير عديييييل كدا

يا عبد الله دي علي طريقة العرجا لي مراحها

يا معاوية كورة اسبانيا وايطاليا ذاتها ما سمحة زي

كورتنا مع مالي ،، ياخي نحن مغلوبين لكن برضو عايزين نشوفها

Quote: وسمعت الرئيس عمر البشير وهو يقسم ثلاث

Quote: النتيجة حتى الآن 3/0 لمالي، اقتربت نهاية المباراة.

[

Quote: B]وكرر القسم ثلاث مرات (والله العظيم ، والله العظيم ، والله العظيم)

أقسم 3 مرات والفريق أخد 3 أقوان
لو أقسم 6 مرات كان حصل شنو

Quote: والكورة البايتة

تعبير جميل للغاية

احمد خالد

نادر الفضلي

تعرفوا انا المسألة ما انتبهت ليها إلا بعد كلامكم ده

عموماً الحمد الله أن القسم لم يتجاوز المرات الثلاث

الأستاذ صلاح شعيب

شكرا علي المرور

مش في مثل بيقول ليك :

لا تتفرج في الكورة البايتة ولا شنو كده ما بعرف

العزيز زهير سلام

اخي لاتستغرب شئ فنحن في السودان ........

وكمان بالله عليك التلفزيون ذاتو ينقل كوره ليه؟

وهو في كوره من اصلو ؟ يا اخي ديل حقو يودوهم معسكر خارج السودان

وبعد داك بتشوف الابداع .ولكن في ظل اتحاد شداد الكسيح هذا وظل سيطرة مجدي المحامي

ماذا تتوقع ؟ انها اعطاء من لايملك لمن لايستحق

قوم بالله شوف رياضة العاب قوي ممكن ترفع معنوياتك

العزيز المسلمي

تعرف المسألة ما في إنو الكورة سمحة ولا كعبة ،، المسألة في احنرام المشاهد

يعني أي زول قعد يتفرج في الكورة دي ، يكون أستعد وغير برنامجه وارتباطته

وغيرها ، فلازم التلفزيون يحترم المشاهدين ، وبعدين الأخبار دي ما ملحوقة ، يعني

شنو لو بقت الساعة حداشر ، هل الأخبار دي مقدسة في التلفزيون السوداني ، تعرف

زمان أول من القناة الفضائية بدأت تشتغل الناس كلها اشتركت فيها عشان تهرب من التلفزيون

السودادني وأخباره المملة ،، كانوا بقطعوا ارسال القناة الفضائية ويوقفوا علي المحطات

ويبثوا النشرة المقدسة لمدة ساعة ،، يعني إجباري تحضر الأخبار ، ودا برضو عدم احترام للمشاهد

كونك تجبره علي مشاهدة برنامج أو اخبار هو ما عايزه ، بكل بساطة ممكن اقفل التلفزيون لمدة ساعة

وبعيدن أجي راجع ، إنت لازم أخبارك دي تكون جاذبة عشان الناس تحضرها ،، والعيب في التلفزيون

ما في المشاهد ، عشان كده لازم يراجعوا أداءهم ، قبل ما الفاس يقع في الراس

تشكر يا حبيب علي المرور