-------------------------------------------------------------------------------- لا اله الا انت سبحانك انى كنت من الظالمين
بسم الله الرحمن الرحيم
وآســــــــــــودآنآآآآآآآآآآآآآه
لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان
لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان
لو طالعتك إعلانات شركات (مسئول) كبير وهو لا زال (فى الخدمة)… تبقى أنت أكيد فى السودان
لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد فى السودان
لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان
لو إنت فى بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد فى السودان
لو لقيت فى بلد (الصحف) بتتقفل بى (ماده) فى القانون (معموله) للمطاعم …تبقى أنت أكيد فى السودان
لما تلاقى الترزى كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد فى السودان
لما تخلص تدخل (مكان) وتيجى تركب عربيتك تلاقى (المساحات) مرفوعه عشان تعرف على طول انو فى واحد مسحها ليك وح ياخد منك ألف جنيه … تبقى أنت أكيد فى السودان
لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان
لو زوجة الوزير مليانة دهب بتتجدع بيه بالعلن في الشارع من غير حساب وأطفالها يملطشوا اولاد الجيران أكيد إنت في السودان
لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان
لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية أكيد أنت في السودان
لو لقيت إنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد فى السودان< /SPAN>
لو دخلت (الوزارة) وإنت مؤجر فى (زقلونا) وطلعت وعندك عمارتين فى (قاردن سيتى) …. تبقى أنت أكيد فى السودان
لو إشتغلت فى الخدمة المدنية 30 سنه وأدوك معاش شهرى يساوى 6 كيلو لحمة أنت أكيد فى السودان
لو توقفت (الحركة) إثناء ساعات (الذروة) وإكتشفت أن السبب (كشه) …. تبقى أنت أكيد فى السودان
لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله …. تبقى أنت أكيد فى السودان
لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان
لو تقدم إبنك (المهندس) لشغل وظيفة وكان (الإنترفيو) عن (صلاة الجنازة)تبقى أنت أكيد فى السودان
لو (فجأة) إكتشف (المسئولون) أن (الخريف) على الأبواب …. تبقى أنت أكيد فى السودان
لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو (الدكتور) كان ماسك الأشعة (بالمقلوب) …. تبقى أنت أكيد فى السودان
لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان
لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان
لو لقيت لوري التراب وكومر البلدية من سنة 50 شغال بالاضافة للرقشة في نفس الشارع اكيد انت من السودان
; لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد فى السودان
لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان
لو قريت الكلام دا وما علقت ولا جنيت وكنت بارد شديد ومستسلم أكيد أنت من السودان
-------------------------------------------------------------------------------- Get news, entertainment and everything you care about at Live.com. Check it out!
-------------------------------------------------------------------------------- Miss your Messenger buddies when on-the-go? Get Messenger on your Mobile!
الرسالة دي ذكرتني عنوان كتاب قريته قبال فترة طويلة جداً إسمه (الضحك في بيت البكاء)
لأنها مضحكة ومبكية .
من المضحكات المبكيات كمان :
ضابط في رتبة كبيرة ومتخصص في تخصص علمي نادر من دولة أوربية وإشتغل في وزارة الداخلية أكتر من ثلاثين سنة وفي النهاية شالوه الصالح العام (رغم تخصصه النادر وإنه واحد من مجموعة تعد على الأصابع في الوطن العربي) عنده بنتين دخلو جامعة الرباط وفرضوا عليهم رسوم أكتر من ستة الاف دولار في السنة لكل واحدة ورفض عبد الرحيم محمد حسين بصفته وزير الداخلية والمشرف على الجامعة أي تخفيض دون مراعاة لظروف والدهم المرضية والمادية ودون مراعاة لكونه خدم وزارة الداخلية أكثر من ثلاثين سنة ،إلى أن غادر عبد الرحيم الوزارة غير مأسوف عليه .
في حين يتم قبول طالبات من دول عربية مجاناً رغم ثراء أهلهم والسبب أن أهلهم أصدقاء لأحد الوزراء .
شفتا الكلام دا كيف ؟
لمن تحصل حاجة زي دي مباشرة تعرف إنك في السودان ياخليل .
لمن تكون منتدب ومعار في دولة ما ووزارة الداخلية السودانية تطالب بإنها إعارتك ورجوعك للسودان لأن الحكومة بحاجة لك ، وتقوم بالإستجابة وتنهي إعارتك وإنتدابك وتطلع اولادك من المدارس وتبيع عفشك وتستعد للسفر تاني يوم ، وفجاة يتصل عليك واحد صديقك ويقول ليك يازول ماترجع إسمك طلع في كشف الإحالة للصالح العام الحايعلن بعد كم يوم ، وتقول ليه يازول الكلام دا كيف ناس الحكومة هم نفسهم القالوا لي تعال وطلبوا إنهاء إنتدابي ورجوعي !! ويقول ليك الخبر دا أكيد مية في المية وتأجل سفر رجوعك يومين وفعلاً يطلع إسمك في كشف المحالين للصالح العام . لمن تحصل حاجة زي دي أعرف إنك فعلاً في السودان .
لمن وزير الداخلية يكون طرف في قضية فساد كبيرة وإنهيار مباني قيمتها مليارات وبدلاً من معاقبته يتم تعيينه وزير في وزارة أضخم وأهم . لمن يحصل شئ زي دا أكيد إنك في السودان .
لما مدير الخطوط السودانية في بلد خليجي يكون في المطار ويرفض يشحن ليك كرتونة مصاحف هدية لي مسجد محتاج ليها ويطالبك بتسديد قيمة الوزن كاملة وفي نفس الوقت تكتشف إنه شاحن لي أهله مكيفين مع راكب آخر في نفس الطيارة تعرف إنك في السودان .
من زي ديل وا أسفاي ياخليل .
لمن تضطر تعدل مداخلتك عدة مرات خوفاً على أهلك حاتعرف إنك في السودان .
Quote: عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو (الدكتور) كان ماسك الأشعة (بالمقلوب) …. تبقى أنت أكيد فى السودان
ياخي دها عشان درسوا الطب بالعربي وبكتبو من اليمين للشمال
سلامات و عوافي..... ده مش ايميل ده(تشخيص لامراض مزمنة) وعرضحال....لوطن باكمله... شكرا لكاتبه و اجزل الشكر لك... تسلم يا سيدي.. و نقوووووووووووول فوووووووووق هواري
Quote: سلامات و عوافي..... ده مش ايميل ده(تشخيص لامراض مزمنة) وعرضحال....لوطن باكمله... شكرا لكاتبه و اجزل الشكر لك... تسلم يا سيدي.. و نقوووووووووووول فوووووووووق هواري
Quote: نجيك ونجاملك و دى الساعة المباركة..ولكنى قرأت هذا قبل ذلك فى هذا المنبر..وعلى ما أعتقد فى احد بوستات الصحفى نسأل الله الشفاء جبرة..إذا لم تخنى الذاكرة
عمومآ برضو تشكر وا يا أحباب.. إسماعيل محمد احمد عباس...
برضو يا اسماعيل القصة في الاصابع والانامل
Post: #31 Title: Re: رايكم شنو في الايميل دها Author: Moawia Mohammed Date: 06-23-2008, 12:59 PM Parent: #1
لو حضرت مباراة في كرة السلة و انتهت المباراة بنتيجة 1-1
Quote: this post is painfully funny painful because we all wish our country is not like that at all
yes maha
sudan should be better than that
Post: #34 Title: Re: رايكم شنو في الايميل دها Author: maha zakaria Date: 06-23-2008, 01:40 PM Parent: #1
عارفة الجرح لسة نيئ لكن برضه كان جاني إيميل عن سودان إيرويز
حأحاول أقتبس منه فقط اللي ما ينكأ الجرح
For all those who have traveled on this magnificent airline before, !
You know you are flying Sudan Air if - The plane arrives and leaves according to “sudan mean time”, which is whenever
- The whole plane smells of “Tasali”, “gongulaze”, “nabak”, “foul” and other Sudanese confectioneries
- There is no weight limit on baggage, and each passenger tries to bring a tonne of stuff -The queue for check-in seems to go backwards
- There is “Tasali” on the conveyor belt, on the floor, and on the baggage compartment
- In flight entertainment consists of playing “arba3tsher” and other card games
- There is no white folks on the plane, and if there is he/she will be get 5 star treatment
- When the plane is fully airborne, all the women change to their inflight towb so their good one does not become “makarfas”. As the plane lands, they are all seen getting up and putting on the good one
- There is “Tasali” in the toilet - Everyone complains about the food but they eat everything and all the trays come back empty
- Knifes and forks are seldom used
-Someone always tries to bring kisra and mulla7 on board - Khartoum looks like numerous sand castles and someone is bound to say “hey, da al neel”
-Everyone starts clapping when you land, as if they were expecting the captain to crash land
- There is at least 10 queues and 5 different documents to fill in when u reach the arrival terminal
- There are cats roaming freely at the airport terminal - the stewardess will fill the disposable bottle with water from the Haffazat,
Post: #35 Title: Re: رايكم شنو في الايميل دها Author: عبود عبد الرحيم Date: 06-23-2008, 02:13 PM Parent: #1
..... ..... .... ولو كنت في حافلة المواصلات وشاهدت الرجل يقف لتجلس المرأة ... أكيد انت في السودان ولو عملت بوست تطلب دواءا عاجلا لمريض وتلقيت الاستجابة من (هارون) وأخوانه .. اكيد تتمني تكون سوداني ... ولو كنت مسافر وانقطع بيك السبيل ووجدت الناس متلمة فيك تعزم عليك بحرم وطلق .. أكيد انت في السودان .. ولو كنت في غربة وتعرضت لموقف طاريء ... أكيد تلقي السوداني بجوارك ... يا أحباب ... انظروا للجزء المليء من الكوب ... وياهو دا السودان ... وكيف يكون الحال لو ماكنت سوداني وأهل الحارة ديل ما أهلي ؟؟؟؟؟؟؟
Quote: In flight entertainment consists of playing “arba3tsher” and other card games
عارفة يا مها الموظف المصري في مطار الدوحة لما سالوهو عن سودانير بتجي متين
قال (دي ستهم تجي وتروح علي كيفها)
Post: #42 Title: Re: رايكم شنو في الايميل دها Author: maha zakaria Date: 06-23-2008, 10:26 PM Parent: #1
وفي رواية أخري سموها ( سودان طير)
Post: #43 Title: Re: رايكم شنو في الايميل دها Author: عبود عبد الرحيم Date: 06-24-2008, 10:23 AM Parent: #42
Quote: عبود والله معظهم بزوغ منك بفتكر عائز منو قروش
الاخ خليل ... أهديك هذه الحكاية الواقعية ويمكن لبعض الاخوة السودانيين في تلك الدولة الآسيوية تأكيدها أو نفيها ... كنت هناك في رحلة علاجية ... وكان أحد ابناء الدول العربية والشقيقة أيضا هناك في رحلة تسوق تجاري ومعه اسرته الصغيرة (زوجته وطفلته) وفجأة تعرضت طفلته لأزمة صحية وهي لم تتجاوز السنوات الخمسة ... وشاءت ارادة المولي عز وجل أن تتوفي بعد محاولات جادة من الاطباء في المستشفي لعلاجها ... ولكن ماذا حدث بعد ذلك ؟؟؟ قدرت المستشفي تكاليف العلاج ببضع مئات الدولارات ... وقررت المستشفي حجز جثة الطفلة حتي سداد المبلغ .. وكان أخونا العربي الشقيق قد صرف كل ما يملك خلال مرض طفلته وقبل وفاتها ... فلجأ هاتفيا لبعض أبناء بلده في تلك الدولة لكن كل واحد منهم يتعذر بانه خارج المدينة .. فأتصل بسفارة بلده في العاصمة فطلب منه المسؤول بالسفارة أن يأتي لهم في مكاتبهم بالعاصمة التي تبعد مسيرة يوم وليلة بالقطار وهو لا يملك شيئا ... اتصل بمكتب الخطوط الجوية لبلاده في تلك المدينة لمساعدته في نقل جثمان طفلته الي دولته لدفنها هناك ... طلب منه مكتب الخطوط الجوية دفع تكاليف نقل الجثمان ... فجلس حائرا .. لكنه تذكر أحد السودانيين الذين جمعته معه مصالح تجارية خلال وجوده في تلك الدولة وبحث عن هاتفه حتي وجده فاتصل به ... بعد أقل من ساعة من تلقيه الاتصال الهاتفي وجد(السوداني) الي جواره يحمل تكلفة المستشفي ويواسيه في فقد ابنته ويجري اتصالات مكثفة لحل اشكالية نقل الجثة ... : : ما رأيك أخي خليل ؟؟؟ عرفت كيف هم السودانيين في الغربة حتي مع من هم ليسوا سودانيين ؟؟؟ .. فمابالك مع اخوانهم السودانيين ... وهناك موقف آخر لسوداني مع سوداني في ذات الدولة الآسيوية... لا يمكنني روايته هنا لأنني لم استأذن صاحبه ...
Post: #44 Title: Re: رايكم شنو في الايميل دها Author: khaleel Date: 06-24-2008, 11:17 AM Parent: #43
Quote: ما رأيك أخي خليل ؟؟؟ عرفت كيف هم السودانيين في الغربة حتي مع من هم ليسوا سودانيين ؟؟؟ .. فمابالك مع اخوانهم السودانيين ... وهناك موقف آخر لسوداني مع سوداني في ذات الدولة الآسيوية... لا يمكنني روايته هنا لأنني لم استأذن صاحبه
عبود يا صديقي
مياه كثيرة مرت الجسر
Post: #45 Title: Re: رايكم شنو في الايميل دها Author: عبود عبد الرحيم Date: 06-24-2008, 11:35 AM Parent: #44
Quote: عبود يا صديقي
مياه كثيرة مرت الجسر
هذه الواقعة حدثت قبل اقل من عام ... قصدت يا أخي خليل أن نقدم من خلال المنبر الوجه المشرق لابناء السودان وهو ما عرفوا به في معظم الدول ... وأتمني من بعض معارضي الحكومة هنا أن لا تاخذهم معارضتهم الساسية للترويج لما يقلل من مكانة السوداني في كل بقاع العالم ...
Post: #46 Title: Re: رايكم شنو في الايميل دها Author: khaleel Date: 06-24-2008, 11:39 AM Parent: #45
Quote: هذه الواقعة حدثت قبل اقل من عام ... قصدت يا أخي خليل أن نقدم من خلال المنبر الوجه المشرق لابناء السودان وهو ما عرفوا به في معظم الدول ... وأتمني من بعض معارضي الحكومة هنا أن لا تاخذهم معارضتهم الساسية للترويج لما يقلل من مكانة السوداني في كل بقاع العالم
عبود صديقي
نقول هذا الكلام لاننا نحب السودان واملنا ان تعود كل قيمنا النبيلة والفاضلة
Post: #47 Title: Re: رايكم شنو في الايميل دها Author: عمر الحبر Date: 06-24-2008, 04:12 PM Parent: #1
Quote: نجيك ونجاملك و دى الساعة المباركة..ولكنى قرأت هذا قبل ذلك فى هذا المنبر..وعلى ما أعتقد فى احد بوستات الصحفى نسأل الله الشفاء جبرة..إذا لم تخنى الذاكرة
عمومآ برضو تشكر وا يا أحباب.. إسماعيل محمد احمد عباس...
نعم يا خليل محتوى الايميل دة كتبو الفاتح جبرا فى ساخر سبيل فى الراي العام
( لسنا الوحيدين ولكننا الأبرد))