صدقني أفتقدك ومستني عودتك (مجدي مسعد حنفي)

صدقـــيني
_________

صدقيني
مهما طالت بي سنيني
ومهما عاند لي زماني
وعكّر الافراح انيني
برضي حاستناك تعودي
تروي اشواقي وحنيني
صدقيني

**********

كيف اصدق انو قلبك
ينسى ايّامنا الزمان
وكيف فؤادي يسيبو ريدك
ويبقى لي غيرك مكان
كيف بتطلبي مني انسى
وانتي لي عمري الامان
مابيدي وحات عيونك
إلاّ مكتوب في جبيني
صدقيني

**********

لسّه قلبي عليك بيسأل
ليه عيونك عنّو غابت
ليه امانيهو وسناها
في جحيم الحسره دابت
ليه حكمتي عليهو يشقى
بعد ماآلامو طابت
مستحيل من بعدك انتي
بسمة الافراح تجيني
صدقيني

**********

لو فؤادك ملّ ريدي
ورحتي اخترتي البديل
مابيقدر قلبي ينسى
ذكرى ايامو القبيل
روحو انتي وانتي عمرو
وعزّو من غيرك ذليل
وبرضي حاستناك تعودي
تشفي جرح الفرقه فيني
صدقيني

أين أنت ياجميل المشاعر تركت لنا هذا الأحساس ومنه نتلمس الطريق إليك أيها النبيل لعل المانع خير ونسأل كل طائر مرتحل نبرق علي جناحه رسالة شوقنا لهذا الرجل الزميل الشاعر وأبن الشاعر الفذ مسعد حنفي أن يبلغوا أشتياقي .

،،،،أبوقصى،،،،